June 29, 2019

മരുഭൂമിയിലെ കുക്കിങ്, പിന്നെ മർവാനി ഡാമും മാമ്പഴത്തോട്ടവും.

മരുഭൂമിയിലൂടെയുള്ള പുലർ കാല യാത്രകൾ ഏറെ ആനന്ദകരമാണ്.. പുലർകാലം, അതല്ലെങ്കിൽ സന്ധ്യാനേരം.. മരുഭൂമി അതിസുന്ദരിയായി  നമ്മോട് ചങ്ങാത്തം കൂടുക ഈ രണ്ട് സമയങ്ങളിലാണ്.. അതിവെയിലിന്റെ ഉച്ചയും തണുത്ത കാറ്റ് വീശുന്ന രാത്രിയും ആ ചങ്ങാത്തത്തിന് ഭംഗം വരുത്തിയേക്കും.. പുലർകാലത്ത് പല തവണ മരുഭൂ യാത്ര നടത്തിയിട്ടുണ്ടെങ്കിലും ഈ യാത്രയ്ക്ക് ചില പ്രത്യേകതകളുണ്ട്.. മരുഭൂമിയിൽ വെച്ച് ഒരു കിടിലൻ ബ്രേക്ക് ഫാസ്റ്റ് ഉണ്ടാക്കണം.. അത് കഴിഞ്ഞു മർവാനി ഡാം സന്ദർശിക്കണം.. അതിന് ശേഷം ഡാമിന് സമീപത്തുള്ള കൃഷിത്തോട്ടങ്ങളിൽ കറങ്ങണം. ജിദ്ദയിൽ നിന്ന് അതിരാവിലെ യാത്ര തുടങ്ങി..

എട്ട് പേരടങ്ങിയ സംഘം.. രണ്ട് വണ്ടികൾ.. ഹിജാസ് കൊച്ചിയും ഷബീറുമാണ് വളയം പിടിക്കുന്നത്.. ജിദ്ദ അസ്ഫാൻ റോഡിൽ ഖുലൈസ് താഴ്വരയിലാണ് മർവാനി ഡാമുള്ളത്.. ഏതാണ്ട് നൂറ്റി ഇരുപത്തിയഞ്ച് കിലോമീറ്റർ ദൂരം.. മരുഭൂമിയെ കീറിമുറിച്ചുള്ള റോഡാണ്.. വെള്ളത്തിൽ കഴുകി മിനുക്കിയെടുത്തത് പോലുള്ള പാറക്കൂട്ടങ്ങൾ ഈ റോഡിന്റെ ഇരുവശത്തും ധാരളാമായി കാണാം. ഖുലൈസ് താഴ്വരയിലേക്കുള്ള മരുഭൂപാത ഏത് യാത്രികനേയും മത്ത് പിടിപ്പിക്കും.. 

March 23, 2019

ജെസിന്‍ഡ ആര്‍ഡന്‍: ലോകത്തിന് ഒരു പുതിയ പാഠപുസ്തകം

ഈ ആഴ്ചയിൽ ലോകത്തിന് ഒരു പാഠപുസ്തകം കിട്ടി. ലോകത്തുള്ള മുഴുവൻ ഭരണാധികാരികളും മനസ്സിരുത്തി വായിച്ചിരിക്കേണ്ട ഒരു പാഠപുസ്തകം. ജെസിന്‍ഡ ആര്‍ഡന്‍.

ലോകത്തെ നടുക്കിയ ഒരു ഭീകരാക്രമണമായിരുന്നു ന്യൂസിലാൻഡിലെ ക്രൈസ്റ്റ് ചർച്ച് മുസ്‌ലിം പള്ളിയിൽ വെള്ളിയാഴ്ച പ്രാർത്ഥനക്കിടെ നടന്നത്. അമ്പത് പേർ കൊല്ലപ്പെട്ടു. ഇസ്‌ലാമിനോടും മുസ്‌ലിം കുടിയേറ്റക്കാരോടുമുള്ള പകയും വിദ്വേഷവുമാണ് ഈ ക്രൂരകൃത്യത്തിന് കാരണമെന്ന് തുറന്നു പറഞ്ഞു ആക്രമണം നടത്തിയ  ഭീകരൻ.. ആക്രമണത്തിന്റെ ഓരോ നിമിഷങ്ങളും അയാൾ ക്യാമറയിൽ പകർത്തി ലോകത്തെ ലൈവായി കാണിച്ചു.. പ്രാർത്ഥനക്കെത്തിയ മനുഷ്യരെ പള്ളിയിലേക്ക് ഓടിക്കയറി തന്റെ അത്യാധുനിക മെഷിൻ ഗണ്ണുപയോഗിച്ച് അയാൾ വെടിവെച്ചു കൊല്ലുകയായിരുന്നു.  സ്ത്രീകളും കുട്ടികളും വൃദ്ധരുമടക്കം നിരവധി പേരുടെ ചോരക്കളമായി മാറി ആ പള്ളി. വാർത്തയുടെ ഷോക്കിൽ ലോകം പകച്ചു നിന്ന ആ നിമിഷങ്ങളിൽ ന്യൂസിലാൻഡ് പ്രധാനമന്ത്രി ജെസിന്‍ഡ ആര്‍ഡന്‍ മാധ്യമങ്ങൾക്ക് മുന്നിലെത്തി. ആക്രമണ വാർത്ത പുറത്തെത്തിയതിന് ശേഷമുള്ള ആദ്യ പത്രസമ്മേളനം.

February 19, 2019

സഖാവ് പിണറായീ, ആ വെട്ടിയത് നിങ്ങളാണ്

കാസർക്കോട്ടെ ഇരട്ടക്കൊലപാതകങ്ങളിൽ സി പി എമ്മിന് പങ്കില്ല എന്ന കോറസ് ഏറെ കേട്ട് കഴിഞ്ഞു. യൂത്ത് കോൺഗ്രസ് പ്രവർത്തകരായ കൃപേഷിനേയും, ശരത് ലാലിനേയും വെട്ടിക്കൊന്നതിൽ സി പി എം പ്രാദേശിക നേതൃത്വത്തിൽ ആർക്കെങ്കിലും പങ്കുണ്ടെങ്കിൽ അതവരുടെ മാത്രം പിഴവാണ്, പാർട്ടിക്ക് അതിൽ പങ്കില്ല എന്ന് പാർട്ടി ജനറൽ സെക്രട്ടറി കോടിയേരി ബാലകൃഷ്‌ണൻ പ്രഖ്യാപിച്ചു.. ആ കോറസ് പാർട്ടി പ്രവർത്തകർ മുഴുവൻ ഏറ്റുപാടുകയാണ്.. മുമ്പ് നടന്ന എണ്ണമറ്റ കൊലപാതകങ്ങളും സി പി എം നേതൃത്വം പറഞ്ഞത് ഇതേ കാര്യങ്ങളാണ്.. പാർട്ടിക്ക് പങ്കില്ല.. പാർട്ടി പ്രവർത്തകർ ആരെങ്കിലും പ്രതികളായിട്ടുണ്ടെങ്കിൽ അതവരുടെ കുറ്റകൃത്യം.. നിയമം നിയമത്തിന്റെ വഴി സ്വീകരിക്കട്ടെ, ജനാധിപത്യ നിയമ സംവിധാനങ്ങളിൽ പൂർണ വിശ്വാസമുള്ള പാർട്ടിയാണ് സി പി എം, സമാധാനമാണ് ഞങ്ങളുടെ ലക്‌ഷ്യം.