April 25, 2011

ബ്രിട്ടാസേ നീയും!!! (A John Brittas Drama)

ഇത് കൊലച്ചതിയായിപ്പോയി. ജോണ്‍ ബ്രിട്ടാസ് ഇത് ചെയ്യുമെന്ന് ഞാന്‍ ഒരിക്കലും പ്രതീക്ഷിച്ചതല്ല. കൈരളി ടി വി എന്ന് കേള്‍ക്കുമ്പോള്‍ തന്നെ ഭുട്ടാന്‍ ലോട്ടറിയുടെ ടിക്കറ്റും ജോണ്‍ ബ്രിട്ടാസിന്റെ മുഖവുമാണ് മനസ്സില്‍ വരിക. ബ്രിട്ടാസില്ലാത്ത ഒരു കൈരളി ടി വി എനിക്ക് സങ്കല്പിക്കാന്‍ പോലും കഴിയുന്നില്ല. നികേഷ് ഇന്ത്യാവിഷനില്‍ നിന്ന് പോയപ്പോള്‍ പോലും എനിക്കിത് പോലെ ഒരു സങ്കടം വന്നിട്ടില്ല. എങ്ങിനെ കഴിഞ്ഞിരുന്ന ആളാണ്‌. ഇറങ്ങിപ്പോയപ്പോള്‍ ഒന്ന് കരയാന്‍ പോലും ആളില്ലാതെ പോയി. എന്‍ഡോസള്‍ഫാന്റെ ബഹളത്തില്‍ മുങ്ങിപ്പോയ ഈ രാജി വാര്‍ത്തക്ക് ഒരല്‍പമെങ്കിലും ജീവന്‍ നല്‍കാനാണ് അല്പം വൈകിയെങ്കിലും ഞാനീ പോസ്റ്റ്‌ ഇടുന്നത്.

മാധ്യമ പ്രവര്‍ത്തകരെയും അവര്‍ കാണിക്കുന്ന എല്ലാ സര്‍ക്കസ്സിനെയും സഹൃദയപൂര്‍വ്വം കാണാന്‍ ശ്രമിക്കുന്ന ഒരു ബ്ലോഗര്‍ എന്ന നിലക്ക് ബ്രിട്ടാസിന്റെ ഈ കര്‍ക്കിടകക്കാലത്ത് അദ്ദേഹത്തിന്‍റെ കൂടെ നില്‍ക്കേണ്ടത് എന്റെ കടമയുമാണല്ലോ. (ആക്ച്വലി, എന്റെ ഈ സഹൃദയത്വത്തില്‍ എനിക്ക് തന്നെ രോമാഞ്ചമുണ്ട്) പറ ബ്രിട്ടാസേ പറ, ശരിക്കും നിങ്ങള്‍ക്കെന്താണ് പറ്റിയത്?,  ആരാണ് നിങ്ങളുടെ പാലം വലിച്ചത്? എന്താണ് നിങ്ങളുടെ ഫാവി ഫരിഫാടി? ഇതൊക്കെ അറിയാനായിക്കൊണ്ട് പ്രേക്ഷകരായ ഞങ്ങള്‍ക്ക് വല്ലാത്ത ഒരു ഇതുണ്ട്. ഡബിള്‍ റോള്‍ സിനിമ പോലെ രണ്ടു സീറ്റിലും നിങ്ങള് തന്നെ ഇരുന്നിട്ട് ഈ രാജിയുടെ ഒരു ക്രോസ് ഫയര്‍ ഞങ്ങള്‍ക്ക് തന്നൂടായിരുന്നോ?

പുലിയെപ്പോലെ കഴിഞ്ഞ ആളാണ്‌ നിങ്ങള്‍. എലിയെപ്പോലെ ഇങ്ങനെ ഇറങ്ങിപ്പോകുന്നത് കാണുമ്പോള്‍ ഞങ്ങളുടെ ഇടനെഞ്ചാണ് പൊട്ടുന്നത്. എന്തൊക്കെ വീര കഥകളാണ് വടക്കന്‍ പാട്ടുകളില്‍ നിങ്ങളെപ്പറ്റിയുള്ളത്.  ഫാസ്റ്റ് റാങ്കോടെ എം എ, ദല്‍ഹി ജവഹര്‍ലാല്‍ നെഹ്‌റു യൂനിവേര്‍സിറ്റിയില്‍ നിന്ന് മാധ്യമ വിഷയത്തില്‍ പി എച്ച് ഡി, പാര്‍ലമെന്റ് പാസ്‌ നേടുന്ന ഏറ്റവും ചെറുപ്പക്കാരനായ പത്രപ്രവര്‍ത്തകന്‍, കര്‍സേവകര്‍ ബാബറി മസ്ജിദ് പൊളിക്കുന്നതിനും ഗുജറാത്ത് കലാപത്തിനും ദൃക്സാക്ഷി, ഇറാഖ് അധിനിവേശ കാലത്ത് അവിടെ ആദ്യമെത്തിയ മലയാളി പത്രപ്രവര്‍ത്തകന്‍... അങ്ങിനെ എന്തെല്ലാം. ഒന്നും മറക്കാന്‍ ഞങ്ങള്‍ക്ക് കഴിയില്ല. എത്രയെത്ര ആവേശകരമായ അഭിമുഖങ്ങളാണ് നിങ്ങള്‍ സമ്മാനിച്ചത്‌. വി എസ് അമ്മാവന്റെ വാക്ക് കേട്ടപ്പോള്‍ ഫാരിസ് അബൂബക്കര്‍ എന്നാല്‍ ഹിറ്റ്‌ലറുടെ മൂത്താപ്പയാണെന്നാണ് ഞങ്ങള്‍  കരുതിയിരുന്നത്. ആ ഞങ്ങള്‍ക്ക് അയാളെ ജീവനോടെ കാണിച്ചു തന്നത് നിങ്ങളാണ്. മുഖം മറക്കാതെ വീട്ടില്‍ നിന്ന് പുറത്തിറങ്ങാത്ത സൂഫിയ മദനി പോലും മുഖം മൂടാതെ ഇരുന്നത് നിങ്ങളുടെ മുന്നിലാണ്!!.   

ജോണ്‍ ബ്രിട്ടാസ് അഭിമുഖത്തിന്റെ ഒരു സാമ്പിള്‍ ഇവിടെ (നടി ശ്വേത മേനോനുമായി)


നഷ്ടത്തില്‍ കിടന്നിരുന്ന ചാനലിനെ പ്രതിവര്‍ഷം ഇരുപതുകോടി ലാഭത്തിലേക്ക് നയിച്ച നിങ്ങള്‍ക്ക് വിയര്‍പ്പ് ഓഹരിയായായെങ്കിലും വല്ലതും കിട്ടിയോ?. ( മുനീറിനെ കണ്ടു പഠിക്കണം എന്ന് എത്ര പേര്‍ നിങ്ങളെ ഉപദേശിച്ചതാ.. പക്ഷെ നിങ്ങള്‍ കേട്ടില്ല.) കൈരളിക്ക് എട്ടു നിലയില്‍ ഒരു രാജ കൊട്ടാരം കിട്ടിയതും  ജീവനക്കാര്‍ക്ക് നെയ്ച്ചോറും ബിരിയാണിയുമൊക്കെ വന്നുതുടങ്ങിയതും നിങ്ങള്‍ കാണിച്ച റേറ്റിംഗ് മാജിക്ക് കൊണ്ടാണ്. ആ നിങ്ങള്‍ ഇങ്ങനെ ഒരു സുപ്രഭാതത്തില്‍ ഇറങ്ങിപ്പോകുന്നത് കാണുമ്പോള്‍ സങ്കടമുണ്ട് സാറേ, സങ്കടം. 'അയ്യോ അച്ഛാ പോകല്ലേ'  'അയ്യോ അച്ഛാ പോകല്ലേ' എന്ന് ഞങ്ങള്‍ ആരോടാണ് പറയേണ്ടത്?.

പാണന്മാര്‍ ഇപ്പോള്‍ പലതും പാടി നടക്കുന്നുണ്ട് എന്ന് താങ്കള്‍ക്കു അറിയാമല്ലോ. . സ്റ്റാര്‍ ചാനലില്‍ നിന്നും നിങ്ങള്‍ക്ക് ഓഫര്‍ കിട്ടി എന്ന് ചിലര്‍ , അതല്ല ബി ബി സിയില്‍ നിന്നാണെന്ന് മറ്റു ചിലര്‍ , മമ്മൂട്ടിയും ഏഷ്യാനെറ്റ്‌ മാധവനും ചേര്‍ന്ന് അമേരിക്കയില്‍ തുടങ്ങുന്ന എന്റര്‍ടൈന്‍മെന്റ് ചാനലിന്റെ എം ഡി. യാകാന്‍ പോണെന്ന് വേറെ ഒരു കൂട്ടര്‍ , എന്തിനേറെ ജമാഅത്തെ ഇസ്‌ലാമിയുടെ ചാനലിന്റെ പേരില്‍ പോലും അങ്ങയെക്കുറിച്ചു പാട്ടുകളുണ്ട്. അച്ചുമാമനും യെച്ചൂരി സഖാവും കൂടി പുകച്ചു പുറത്തു ചാടിച്ചതാണെന്നാണ്‌ കൊടുങ്ങല്ലൂരുകാര്‍ പാടുന്നത്. ഇതില്‍ ഏത് പാട്ടാണ് ശരി ബ്രൂട്ടസ് ചേട്ടാ..?

പാര്‍ട്ടിക്ക് എന്തുകൊണ്ടും നല്ലകാലമാണ് ഇനി വരാന്‍ പോകുന്നത്. നൂറ്റി നാല്പതില്‍ നൂറ്റി മുപ്പതും നമ്മള്‍ സഖാക്കള്‍ക്ക് കിട്ടാനുള്ള സാധ്യതയുണ്ട് എന്നാണല്ലോ ലോക്കല്‍ കമ്മറ്റികളില്‍ നിന്നുള്ള റിപ്പോര്‍ട്ടുകള്‍ . ചൂടുള്ള പരിപ്പ് വടയും കട്ടന്‍ ചായയും കുടിച്ച് കലാഭവന്‍ മണി സ്റ്റൈലില്‍ ങ്ങ്യാ ഹ.. ഹ.. പറഞ്ഞിരിക്കേണ്ട സമയമാണ് ഇപ്പോള്‍ . റിസള്‍ട്ടുകള്‍ ഒന്നൊന്നായി വരുന്ന സമയത്ത് ആവേശം വിതറാന്‍ ന്യൂസ്‌ ഡെസ്ക്കില്‍ നിങ്ങള്‍ ഇല്ലെങ്കില്‍ പിന്നെ എന്തോന്ന് റിസള്‍ട്ട്?. എന്തോന്ന് കൈരളി?.  എന്തോന്ന് ങ്ങ്യാ ഹ.. ഹ?. ഏതായാലും പിണറായി സഖാവും ചെയര്‍മാന്‍ മമ്മുട്ടി സഖാവും ചേര്‍ന്ന് കൈരളിക്കു ഒരു പുതിയ ആളെ കൊണ്ടുവരുമെന്നാണ് പറഞ്ഞു കേള്‍ക്കുന്നത്. ( പി ശശിക്ക് പുതിയ പണി കിട്ടുമോ ആവോ?)

മ്യാവൂ: ബ്രിട്ടാസ് പോയെങ്കിലും ആകെയുള്ള ഒരാശ്വാസം നമ്മുടെ മറ്റേ പുള്ളി ട്രയല്‍ സംപ്രേഷണം തുടങ്ങി എന്നതാണ്. കളരിയില്‍ വിളക്ക് തെളിയിച്ച് ഫ്രീക്വന്‍സി റെഡിയാക്കൂ മക്കളേ, റെഡിയാക്കൂ..  Story Update : ബ്രിട്ടാസിക്ക മര്‍ഡോക്കിക്ക

Related Posts
നികേഷ് വരുന്നുണ്ട്, ഓടണോ?
നികേഷ്‌ പോയാല്‍ ഇന്ത്യാവിഷന്‍ പൂട്ടുമോ?
നസര്‍ സുരക്ഷാ കവചവും മിസ്റ്റര്‍ ആന്‍ഡ്‌ മിസ്സിസ് ദേശായിയും
നികേഷിനെ നാര്‍ക്കോ നടത്തണം
ഇന്ത്യാവിഷന്‍ ചിരിക്കുന്നു, ഡോ: മുനീര്‍ കരയുന്നു.

86 comments:

  1. ബഷീര്‍ക്കായുടെ തനത് സ്റ്റൈല്‍ വീണ്ടും...ഇതെങ്ങാനും Mr.ബ്രിട്ടാസ്‌ വായിച്ചാല്‍ പുള്ളിക്ക് മനംമാറ്റം വരും, ഉറപ്പ്...

    ReplyDelete
  2. ജനകോടികളുടെ വിശ്വസ്ത സ്ത സ്ത പ്രതികരണം? രാജി ജി രാജി!

    ReplyDelete
  3. മാധ്യമ മേഖലയില്‍ ഒരു സ്ഥാപനം വിട്ടു പോകുക എന്നത് അത്ര മോശം ആണെന്ന് തോന്നുന്നില്ല , പ്രത്യേകിച്ച് കൂടുതല്‍ കഴിവ് തെളിയിക്കാന്‍ അവസരങ്ങള്‍ ഉണ്ടെങ്കില്‍ !

    പക്ഷെ അത് ഹമീദ് വാണിമേല്‍ ലീഗില്‍ ചേര്‍ന്ന പോലെ ആകരുത് എന്ന് മാത്രം ! പട പേടിച്ചു പന്തളത്തു ചെന്നെത്തിയത് കണ്ടില്ലേ ...! (ഗുണ പാഠം : ഒന്നും കാണാതെ അച്ഛന്‍ തെങ്ങേന്നു വീഴില്ല )

    ഏതായാലും ബ്രിട്ടാസിന് ഇങ്ങിനെ ഒരു ഗതി വരില്ലെന്ന് വിശ്വസിക്കാം .. മാധ്യമ രംഗത്ത്‌ കൂടുതല്‍ തിളങ്ങാല്‍ അദ്ദേഹത്തിന് കഴിയട്ടെ ..!

    ഭാവുകങ്ങള്‍ ബ്രിട്ടാസിനും പിന്നെ കാര്യങ്ങള്‍ സരസമായി അവതരിപ്പിച്ച ഈ പോസ്റ്റിനും!

    ReplyDelete
  4. ബ്രിട്ടാസ് നല്ല കഴിവുള്ള ഒരു മാധ്യമ പ്രവര്‍ത്തകനാണ്.ഒന്നും കാണാതെ കൈരളിയില്‍ നിന്നും വെളിയില്‍ ചാടി എന്ന് തോന്നുന്നില്ല.മാധ്യമ രംഗത്ത് തന്നെ ഉണ്ടാവും എന്ന് പറയുകയും ചെയ്തല്ലോ.കുറച്ചു കാത്തിരിക്കാം,അല്ലെ?

    ReplyDelete
  5. ഹമീദ് വാണിമ്മേല്‍ ലീഗ് ആയതു വെറും ഒരു ഫേസ് ബുക്ക്‌ സ്ടാറ്റസില്‍ ഒതുക്കിയ താങ്കള്‍ ഈ കട്ടന്‍ ചായ പരിപ്പുവട പാര്‍ട്ടിക്ക് വേണ്ടി ബ്രിട്ടാസിന്റെ ചുവടു മാറ്റത്തെ പറ്റി ഘോര ഘോരം ഒരു പോസ്റ്റ്‌ തന്നെ ഇട്ടുകൊണ്ട് രംഗത്ത് വന്നു..
    ഹോ കൈരളിയോടും പാര്‍ട്ടിയോടും ഉള്ള ബഷീര്‍ക്കയുടെ സ്നേഹം അപാരം തന്നെ. ഈ നിങ്ങളെ ആണോ ഞാന്‍ തെറ്റിധരിച്ചത്? ഐ അം ദി സോറി ബഷീര്‍ക്കാ ഐ അം ദി സോറി . . .
    ഞങ്ങളുടെ നാട്ടില്‍ ഒരു ഡിവൈഎഫ് ഐ യൂണിറ്റ് കമ്മറ്റി അംഗം സംഘടന വിട്ടു. വേഗം പട്ടാമ്പിക്ക് വന്നാല്‍ ഒരു പോസ്റ്റിനുള്ള വഴി ഒപ്പിച്ചു തരാം..

    ReplyDelete
  6. ജോണ്‍ ബ്രിട്ടാസിന്റെ വിഷയവും ഭാവിയും എന്താണെങ്കിലും
    ഈ വള്ളിക്കുന്ന് ശൈലി എന്നെ വല്ലാതെ ആകര്‍ഷിക്കുന്നു..
    കൊള്ളേണ്ടടത്ത് കൊള്ളീച്ചും തട്ടേണ്ടടത്ത് തട്ടും ഒപ്പം ഒരു മുട്ടും കൊടുത്തുള്ള
    ഈ രചനാശൈലി അസൂയാവഹം തന്നെ...

    അഭിവാദ്യങ്ങള്‍ ബഷീര്‍ സാഹിബ്!

    ReplyDelete
  7. ഓടോ : ബഷീര്‍ക്ക എന്റെ പ്രിയപ്പെട്ട ബ്ലോഗ്ഗര്‍ ആണ്. ഇതൊക്കെ സ്നേഹം കൊണ്ട് പറയുന്നതാ കേട്ടോ

    ReplyDelete
  8. ബഷീറിക്കോ എല്ലാര്‍കും ഇട്ട് ഒരു കുത്ത് കൊടുത്തല്ലോ
    താങ്കളുടെ കത്തിയും പണ്ടത്തെ ഹീറോപോനയും ഒരുപോലെയാണ്, നല്ല മൂര്‍ച്ചയാണ് രണ്ടിനും
    പേപ്പറ്കീറിപോകും
    എന്തായാലും ബ്രിട്ടാസ്ന്റെ ശവത്തില്‍ കുത്തി പാവം ഇത് വായിച്ചാല്‍ ആള് അത്മഹത്യക ശ്രമിക്കോ എന്ന ഇപ്പോ എന്റെ ഭയം, നാളെ തൊട്ട് മനോരമ പോപ്പര്‍ ശെരിക്കും വായികാം

    ReplyDelete
  9. ഈ പോസ്റ്റിന്റെ തലക്കെട്ട്‌..അതാണ്‌ കലക്കിയത്, ബഷീര്‍ സാഹിവേ...

    ReplyDelete
  10. ഹ..ഹ.ഹ
    കലക്കൻ പോസ്റ്റ്
    ആശംസകൾ

    ReplyDelete
  11. ബ്രിട്ടാസ് ചാടിയതോ, ചാടിച്ചതോ.. കാലം വിളിച്ചു പറയട്ടെ.

    ഓഫ് ടോ. : ഹമീദ് വാണിമേൽ ജമാഅത്ത് നയങ്ങളെ പൊളിച്ചെഴുതിയാണ് രാഷ്ട്രീയപാർട്ടിയിൽ ചേർന്നിട്ടുള്ളത്. ദേശീയതയും ജനാധിപത്യവും അംഗീകരിച്ച ഇന്ത്യൻ പൌരത്വമുള്ള ഒരൾക്ക് ഏതെങ്കിലും പാർട്ടിയിൽ വിലക്കുണ്ടാകുമോ?

    ReplyDelete
  12. ബ്രിട്ടാസു പോയത് പാർടി പറഞ്ഞിട്ടാണത്രേ, പാർടി ഒരു ന്യൂസ് ഏജൻസി തുടങ്ങുന്നു. ആയതിന്റെ അമരക്കാരനാകനാണ് പുള്ളി രാജി വെച്ചതെന്ന് പറഞ്ഞു കേൾക്കുന്നു.

    ReplyDelete
  13. @ഫൈസൽ കൊണ്ടോട്ടി :
    കേരളത്തിൽ ഏറ്റവും നല്ല തിളക്കം നേടി (കൈരളി ചാനലിൽ പ്രവർത്തിച്ച്) ഇനി ഒരു തിളക്കവും ബാക്കിയില്ല എന്ന് തോന്നിയതിനാലാവാം ഇപ്പോൾ ഇങ്ങനെ ഒരു രാജി അല്ലേ കൊണ്ടോട്ടി സഖാവേ??

    അതെ ലീഗിലെ പട ഒന്നൂതിക്കെടുത്താൻ ഒരു വീണക്കുഴൽ ആവശ്യമായിരുന്നു. തൽക്കാലം 'വാണി'മേൽ അതു പരിഹരിക്കുമായിരിക്കും.. അക്കാര്യത്തിൽ ഇങ്ങളധികം ബേജാറാവണ്ട...

    ബഷീർ സാഹിബിന്റെ അവതരണം ശരിക്കും ഒരു വള്ളിക്കുന്നൻ ടച്ച് വന്നു. നന്ദി

    ReplyDelete
  14. മാധ്യമപ്രവർത്തകരും താളം പിഴക്കാതെ ചാടാൻ പഠിക്കട്ടെ.

    ReplyDelete
  15. FREINDS, "KERALITES",......

    .....AND "BRITTAS" IS AN HOUNARABLE MAN............

    ReplyDelete
  16. നമുക്കൊക്കെ എന്തോ ഒരു അടുപ്പം തോന്നിപ്പിക്കുന്ന ഒരു കഴിവ് ജോണ്‍ ബ്രിട്ടാസിനുണ്ട്. പുനത്തില്‍ കുഞ്ഞബ്ദുള്ളയുമായുള്ള അഭിമുഖവും, മദനിയുമായുള്ള അഭിമുഖവുമെല്ലാം മനസ്സില്‍ തങ്ങി നില്‍ക്കുന്നതാണ്. എവിടെ ആയാലും മൂപ്പരെ കണ്ടോണ്ടിരിക്കാന്‍ പറ്റിയാല്‍ മതി.

    ReplyDelete
  17. സംഭവാമി യുഗേ…. യുഗേ…..

    ReplyDelete
  18. റിപ്പോര്‍ട്ടര്‍ ടീ വി ട്രയല്‍ freequency ഒന്ന് തരാമോ...

    ReplyDelete
  19. മിസ്റ്റര്‍ ബഷീര്‍,
    താങ്കള്‍ക്ക് ഈ ചാനലിനെപ്പറ്റി ഒരു ചുക്കും അറിയില്ല... റിസീവറിനോട് ചേര്‍ന്ന് നില്‍ക്കുമ്പോള്‍ മാത്രമേ സിഗ്നലിന് ക്ലാരിറ്റി ഉണ്ടാവുകയുള്ളൂ...... ഒരു സുപ്രഭാതത്തില്‍ ആരെങ്കിലും പെന്‍ഡ്രൈവില്‍ കോപ്പി ചെയ്തു കൊണ്ടുപോയാല്‍ ഇവിടെ കിട്ടുന്ന ക്ലാരിറ്റി അവിടെ കിട്ടുമെന്ന് ധരിക്കരുത്‌...

    ബഷീര്‍ക്ക, പോസ്റ്റ്‌ അസ്സലായി..ഫൈസല്‍ കൊണ്ടോട്ടി പറഞ്ഞ അഭിപ്രായം തന്നെയാണ് ഉള്ളത്. ബ്രിട്ടാസ്‌ പോകുന്നത് കൊണ്ട് കൈരളിക്കോ , കൈരളി വിടുന്നത് കൊണ്ട് ബ്രിട്ടാസിനോ ഒരു തട്ടുകേടും പറ്റുമെന്ന് തോന്നുന്നില്ല... ഏതൊരു പ്രൊഫഷണല്‍ സ്ഥാപനത്തിനും തലപ്പത്തിരിക്കുന്ന ആളുകള്‍ പോകുന്നത് കുറച്ചു നാളത്തേക്ക് അല്പം ബുദ്ധിമുട്ടുകള്‍ സൃഷ്ടിക്കാം. അത് കഴിഞ്ഞാല്‍ അതിനെ overcome ചെയ്യാനുള്ള മാര്‍ഗങ്ങള്‍ അവര്‍ തന്നെ കണ്ടെത്തും.......മാധ്യമരംഗത്ത് മാത്രമല്ല ഏതൊരു തൊഴില്‍മേഖലയിലും നടക്കുന്ന കാര്യങ്ങള്‍... കമ്മലിട്ടവന്‍ പോയാല്‍ കടുക്കനിട്ടവന്‍ വരും...പോകുന്ന കമ്മലിട്ടവന്‍ മറ്റൊരു സ്ഥാപനത്തില്‍ പോയി കടുക്കന്‍ ഇടുകയും ചെയ്യും......

    ReplyDelete
  20. കിടിലന്‍ പോസ്റ്റ്! തകര്‍പ്പന്‍ തലക്കെട്ട്‌!! ഓരോ വരിയുടേയും പേറ്റന്റ് വള്ളിക്കുന്ന് ശൈലിക്ക് സ്വന്തം.

    ആത്യന്തികമായി ഒരു പാര്‍ട്ടി ചാനല്‍ എന്ന നിലയില്‍ പാര്‍ട്ടിയുടെ താല്‍പര്യവും, താല്പര്യങ്ങളും സംരക്ഷിക്കുവാന്‍ ബ്രിട്ടാസ് എന്ന മിടുക്കനും, ഊര്‍ജ്വസ്വലനുമായ മാധ്യമ പ്രവര്‍ത്തകന് സാധിച്ചിരുന്നു എന്നത് സത്യം. അദ്ദേഹം അവതരിപ്പുന്ന പരിപാടികളില്‍ തന്റെ സ്ഥാപനത്തിന്റെ രാഷ്ട്രീയ പരമായ കാഴ്ചപ്പാടുകള്‍ സമര്‍ത്ഥമായി സംവേദനം ചെയ്യുവാന്‍ അദേഹത്തിനു സാധിച്ചിരുന്നു. നന്നായി ഗൃഹപാഠം ചെയ്തു നടത്തുന്ന ബ്രിട്ടാസ് ഇന്റര്‍വ്യൂവുകള്‍ പലപ്പോഴും കാരന്‍ താപ്പറിനെ ഓര്‍മിപ്പിക്കാറുണ്ട് . അഭിമുഖക്കാരായ
    അതിഥികളോട് 'ദയകാണിക്കാത്ത' ചോദ്യങ്ങള്‍ ബ്രിട്ടാസ് നടത്തിയിരുന്നു. "താങ്കള്‍ ഒരു ചെറ്റയാണെന്ന് ആളുകള്‍ പറയുന്നുവല്ലോ' എന്ന് ചുള്ളിക്കാടിനോട് ചോദിച്ചപ്പോള്‍ ചോദ്യകര്ത്താവായ ബ്രിട്ടാസിന് മുന്നില്‍ പരുങ്ങിപ്പോയ ചുള്ളിക്കാടിന്റെ മുഖം ഓര്‍മ്മ വരുന്നു. ശിഹാബ് തങ്ങളുമായുള്ള കൈരളി ടി. വി. ഇന്റര്‍വ്യൂവില്‍ അദ്ദേഹം ചോദ്യങ്ങളുടെ പരിധി ലംഘിച്ചുവോ എന്നൊരു ആരോപണം ഉണ്ടായിരുന്നു. ചന്ദ്രിക പ്രസിദ്ധീകരിച്ച ശിഹാബ് തങ്ങള്‍ സ്മരണികയില്‍ എഴുതിയ കുറിപ്പില്‍ അതിനെക്കുറിച്ച്, 'ശിഹാബ് തങ്ങള്‍ എന്ന മഹാനായ വ്യക്തിക്കെതിരെയുള്ള സന്ദേഹങ്ങള്‍ വിശദീകരിക്കുവാന്‍ തങ്ങള്‍ക്ക് അവസരം നല്‍കുക എന്നെ ഞാന്‍ ഉദ്ദേശിച്ചിരുന്നുള്ളൂ എന്ന് ബ്രിട്ടാസ് വിശദീകരിച്ചിരുന്നത്‌ ഓര്‍ക്കുന്നു.

    മാധ്യമ ബിംബങ്ങളുടെ കൂടുമാറ്റം പുതുമയുള്ള കാര്യമൊന്നുമല്ല. ഒരു മാറ്റം കൈരളിക്കും, ബ്രിട്ടാസിനും ആകാവുന്നതെയുള്ളൂ. പക്ഷെ, കഴിവുറ്റ ആളുകളുടെ അഭാവം ഇന്ത്യാ വിഷനെപ്പോലെ കൈരളിയും ബാധിക്കുമോ എന്ന് കണ്ടറിയണം.

    തകര്‍പ്പന്‍ പോസ്റ്റിനു വീണ്ടും ഒരു ബിഗ്‌ ക്ലാപ്പ് ബഷീര്‍ മാഷ്‌.

    ReplyDelete
  21. ആക്ഷേപഹാസ്യം ആഖ്യാന ശൈലിയാവുമ്പോള്‍ ഗൌരവം തമാശക്ക് വഴിമാറും. അതുകൊണ്ടുതന്നെ ഈ പോസ്റ്റ് ഏറെ വായനാസുഖം നല്‍കുന്നുണ്ട്. എന്നാല്‍ പ്രതിഭകളെ കുറിച്ച് എഴുതുമ്പോള്‍ ശൈലിയുടെ കട്ട ഒന്ന് മാറ്റിപ്പിടിച്ചാല്‍ നല്ല സംഗീതം കിട്ടും. വള്ളിക്കുന്നിനോടുള്ള എന്റെ അഭ്യര്‍ഥന അതാണ്. മാധ്യമ വിദ്യാര്‍ഥികളുടെ മനസില്‍ ഗുരുക്കളായി പ്രതിഷ്ഠിക്കപ്പെട്ടവരാണ് ജോണ്‍ ബ്രിട്ടാസും, നികേഷ് കുമാറും, സെബാസ്റ്റ്യന്‍ പോളുമൊക്കെ. ദ്രോണാചാര്യന്മാരെ ചതിയില്‍ കൊല്ലാന്‍ ശ്രമിക്കുന്നത് നീചമാണ്. കഴിവ് തെളിയിച്ച ഒരു മാധ്യമ പ്രവര്‍ത്തകനും ഒരേ സ്ഥാപനത്തില്‍ തന്നെ കാലാകാലം ജോലി ചെയ്തുകൊണ്ടിരിക്കണമെന്ന് അനിഷേധ്യ നിയമമൊന്നുമില്ലാത്തപ്പോള്‍ പ്രത്യേകിച്ചും. ജോണ്‍ ബ്രിട്ടാസ് പുതിയ ലാവണങ്ങള്‍ തേടുന്നതില്‍ എന്താണ് തെറ്റ്? കരിയറിലെ ഉയര്‍ച്ചക്ക് വേണ്ടിയുള്ള ശ്രമങ്ങളും പാര്‍ട്ടി ബന്ധവും തമ്മിലെന്ത്? പി. ശശിയെ പുറത്താക്കുന്നതും ജോണ്‍ ബ്രിട്ടാസ് രാജിവെച്ച് പുറത്തുപോകുന്നതും ഒരെ കണ്ണുകൊണ്ട് കാണരുത്. ജോണ്‍ ബ്രിട്ടാസ് തന്റെ ജോലി രാജിവെച്ചതുകൊണ്ട് തന്റെ ആശയാദര്‍ശങ്ങളോടും വിടപറഞ്ഞു എന്നുണ്ടോ? ജോലിയും അടിസ്ഥാന ആശയാദര്‍ശങ്ങളും രണ്ടായി കാണുക. പുതിയ ലാവണങ്ങളില്‍ കൂടുതല്‍ ഉയര്‍ച്ച കാംക്ഷിക്കുന്നവര്‍ ആ വഴി സഞ്ചരിക്കുമ്പോള്‍ നന്മയുള്ള മനസാണെങ്കില്‍ നിറവോടെ ആശംസിക്കുകയാണ് വേണ്ടത്. എന്നാലും ആക്ഷേപഹാസ്യത്തിന്റെ നല്ല ശൈലിയാണ് വള്ളിക്കുന്നിന്റേതെന്നും ഞാനേറെ ഇഷ്ടപ്പെടുന്ന ബര്‍ളിത്തരങ്ങളോട് തോളൊപ്പം നില്‍ക്കാന്‍ കഴിയുന്നതാണെന്നും കൂട്ടത്തില്‍ പറയട്ടെ. എന്നാലും ഒരു അഭ്യര്‍ഥന എല്ലാവരെയും ഒരു തൊഴുത്തില്‍ കെട്ടരുത്. കുറഞ്ഞ പ്രായത്തിനുള്ളില്‍ അസാമാന്യമായ നിലയില്‍ തന്റെ കഴിവ് തെളിയിച്ച മാധ്യമ പ്രതിഭയാണ് ജോണ്‍ ബ്രിട്ടാസ്. അദ്ദേഹത്തെ ചതിയന്‍ ബ്രൂട്ടസിനോട് ഉപമിച്ചതും അനുചിതമായിപ്പോയി.

    ReplyDelete
  22. This comment has been removed by the author.

    ReplyDelete
  23. നിഗേഷും, ശ്രീകണ്ഠ്ന്‍ നായരും കളം മാറ്റിച്ചവിട്ടിയപ്പോള്‍ ഞെട്ടിയതിനേക്കാള്‍
    ഒരു ഞെട്ടലുണ്ടായി ഈ വാര്‍ത്ത കേട്ടപ്പോള്‍! സത്യത്തില്‍ എങ്ങോട്ടായിരിക്കും
    ബ്രിട്ടാസിന്റെ നോട്ടം. മറ്റുള്ളവരെപ്പോലെ പാര്‍ട്ടിയില്ലാത്ത ആളല്ലല്ലോ ബ്രിട്ടാസ്.
    അതു കൊണ്ടു തന്നെ എല്ലാവരും ആകാംക്ഷയിലാണ്. വള്ളിക്കുന്ന് സാറിന്റെ
    പോസ്റ്റിന്റെ ശൈലി കലക്കി.

    ReplyDelete
  24. കഴിവുറ്റ ആളുകളുടെ അഭാവം ഇന്ത്യാ വിഷനെപ്പോലെ കൈരളിയും ബാധിക്കുമോ എന്ന് കണ്ടറിയണം.

    ഇന്ത്യ വിഷന്‍ മോശമാകുന്നു എന്ന് പൊതുവേ ചാനലുകളെ താരതമ്യം ചെയ്യുമ്പോള്‍ ആരും പറയുമെന്ന് എനിക്ക് തോന്നുന്നില്ല , അവതാരകരെക്കാള്‍ വാര്‍ത്തയുടെ സ്വഭാവം ആണ് പ്രധാനം എന്ന് തോന്നുന്നു കൂടെ ക്രെടിബിലിറ്റിയും . ഇനി അവതാരകരുടെ കാര്യത്തില്‍ ആണെങ്കില്‍ വീണ ജോര്‍ജ്ജും മറ്റും നല്ല അഭിപ്രായം നേടുന്നുണ്ട് . ഇപ്പോള്‍ സജീവമായി രംഗത്ത്‌ വന്നിട്ടുള്ള എസ് ശ്രീകലയും നല്ല രീതിയില്‍ റിപ്പോര്‍ട്ട്‌ ചെയ്യുന്നുണ്ട് .

    പിന്നെ പല വാര്‍ത്തകളും താമസ്കരിക്കാതെ വരുന്നത് ഇന്ത്യ വിഷന്‍ ആണെന്ന് എനിക്ക് തോന്നുന്നു ( ഐസ് ക്രീം കേസ് അല്ല ഞാന്‍ പറയുന്നത് , അത് വിടാം ) . ഏഷ്യാനെറ്റിനു വ്യക്തമായ ഒരു ഹിഡന്‍ അജണ്ട ഉണ്ട് എന്ന് നിരവധി തെളിവുകള്‍ സഹിതം തെളിയിക്കാനാവും ( അത്തരം ഒരു പോസ്റ്റ്‌ എന്റെ ബ്ലോഗില്‍ ഉടനെ ഇടുന്നതാണ് ). പ്രത്യക്ഷത്തില്‍ അങ്ങിനെ തോന്നാതിരിക്കാന്‍ അവര്‍ ശ്രമിക്കുന്നുണ്ടെങ്കില്‍ പോലും .

    വ്യക്തികള്‍ ആര് പോകുന്നു വരുന്നു എന്നതിലും വലുത് എന്ത് പറയുന്നു, എന്തിനു പറയുന്നു , എങ്ങിനെ പറയുന്നു എന്നതാണ്

    മ്യാവൂ ..
    കൈരളി ടി വി സ്ഥിരമായി കാണുന്ന ഇത്രയും ഫാന്‍സ്‌ ഉണ്ടെന്നു അറിഞ്ഞിരുന്നെങ്കില്‍ കൈരളിയില്‍ ഒരു പത്തു ഷെയര്‍ എടുക്കാമായിരുന്നു :)
    (അല്ല ഇവിടെ കമ്മെന്റ് ചെയ്ത മിക്കവരും ബ്രിട്ടാസ് പോകുന്ന വേളയില്‍ കൈരളി അതായിരുന്നു , പരിപാടികള്‍ സംഭവങ്ങള്‍ ആയിരുന്നു എന്നൊക്കെ പറയുന്നത് കണ്ടപ്പോള്‍ തോന്നിയതാ ..:) ,

    ഒരു മിനി കഥ:
    എന്തായാലും ആ മരിച്ച ആള്‍ എല്ലാവര്ക്കും ഇഷ്ടപ്പെട്ട എന്തൊരു നല്ല മനുഷ്യന്‍ ആയിരുന്നു ..!പിന്നെ ആരാ മരിച്ചത് ..?

    ReplyDelete
  25. അങ്ങിനെ ആയാൽ പറ്റില്ലാല്ലോ? ബ്രിട്ടാസിനു അങ്ങിനെ തന്നെ വേണം…അല്ലാ…ആരാ ഈ ബ്രിട്ടാസ്? ശരിക്കും ഉള്ള പേര് അതാണോ?പിന്നെ ഈ കൈരളി ആരാ? ബ്രിട്ടാസിന്റെ വല്ല…..ഇടയ്ക്ക് ബ്രൂട്ടസ് എന്ന് കണ്ടു.അത് ഈ പറഞ്ഞ ബ്രിട്ടാസിന്റെ അനിയനാ?

    ReplyDelete
  26. Here's the hilarious cartoon from gr8 Gopikrishnan, http://images.mathrubhumi.com/print_images/2011/Apr/22/10065_109065.jpg (for those who missed it)

    ReplyDelete
  27. ജോണ്‍ ബ്രിട്ടാസ് ഒരു ഫ്രീ വിസക്കാരനാണ് , ആര്‍ക്കും കഫാലത്ത് കൊടുക്കുന്നില്ല , തനാസല്‍ കിട്ടാന്‍ കഫീലിന്റെ ചേംബര്‍ ചെയ്ത ലെറ്റര്‍ ആവശ്യമില്ല . നല്ല ഓഫര്‍ കിട്ടിയപ്പോള്‍ തനാസല്‍ മാറി. വെറുതെ കൂലി കഫീലിന്റെ ഗിര്‍ ഗിര്‍ കേള്‍കാന്‍ നികേഷിന്റെ വിസ മറ്റാന്‍ പറ്റാത്ത ലേഡീസ് ടൈലര്‍ , ഹൌസ് ഡ്രൈവര്‍ , ഫൂല്‍ മുദംമിസ് എന്നീ വിഭാഗമല്ല ... നല്ല ഒന്നാന്തരം പ്രൊഫഷനല്‍ വിസ ആണ് കൂട്ടുകാരെ .. പിന്നെ തനാസല് കൊടുക്കുന്നത് ആര്‍ക്കായാലും കൊടുത്ത താനസല്‍ ആവശ്യമുള്ളപ്പോള്‍ തിരിച്ചു കിട്ടണം എന്ന് ലെറ്റര്‍ ഹെഡില്‍ ചേംബര്‍ ചെയ്തു വെക്കുന്നത് നന്നാവും . ഇല്ലങ്കില്‍ പിന്നീട് ഇന്ത്യ വിഷന്‍ ഷെയര്‍ കൊടുത്ത പോലയോ , ഉള്ള പണി രാജി വെച്ച് വര്‍ത്തമാനത്തില്‍ ചേര്‍ന്ന പോലയോ ,,, ഉള്ള ചക്കേം വെളന്ജീല്‍ ഒട്ടും .. അല്ല പിന്ന .... നല്ല ചെമ്പട ചാനല്‍ മ്മട ഡാവിന്റെ ടീം തുടങ്ങും അതുവരെ നീ ക്ഷമിക്കെന്റെ ബ്രിട്ടസ്സെ ....

    ReplyDelete
  28. This comment has been removed by the author.

    ReplyDelete
  29. @ Faiza...,
    I.V. ചാനലിന്റെ ക്രഡിബിലിറ്റിയെയോ, വാര്‍ത്താ അവതരണത്തില്‍ അവര്‍ പുലര്‍ത്തുന്ന വ്യതിരിക്തമായ ശൈലിയെയോ ഞാന്‍ പരാമര്‍ശിച്ചിട്ടില്ല, വിമര്‍ശിച്ചിട്ടുമില്ല. :) പക്ഷെ, നികേഷിന്റെ സാന്നിധ്യത്തില്‍ ഇന്ത്യാ വിഷന്‍ നേടിയ റേറ്റിംഗ് ഇപ്പോഴും അവര്‍ക്ക് നില നിര്‍ത്തുവാന്‍ ആവുന്നുണ്ടോ എന്ന സന്ദേഹം ഒരു നിരീക്ഷണമായി അവതരിപ്പിച്ചു എന്ന് മാത്രം.
    വാര്‍ത്താ വായന വാര്‍ത്താ അവതരണമായി മാറിയ ഒരു സാഹചര്യത്തില്‍ അവതരണ മികവിന് മാര്‍ക്കുണ്ട്. പ്രേക്ഷക മനസ്സുകളില്‍ സ്ഥിരപ്രതിഷ്ഠ നേടിയ ദൃശ്യമാധ്യമ 'ഐക്കണുകള്‍' ആയ നികേഷും, വേണു ബാലകൃഷ്ണനും വാര്‍ത്ത അവതരിപ്പിക്കുന്നതും, ചര്‍ച്ചകളില്‍ നേതൃത്വം വഹിക്കുന്നതും കാണുവാന്‍ ആളുകൂടും. ഇതേ നിലവാരത്തില്‍ തന്നെയാണ് ബ്രിട്ടാസും ഉള്ളത്. നല്ല പരിപാടി അവതരിപ്പിക്കുന്ന ആളായിട്ടും, അറിയപ്പെടുന്ന ഒരു കവിയായിട്ടും, ജീവന്‍ ടി. വി. യിലെ ബനേഷ് കൂടുതല്‍ സ്വീകാര്യനാവാതിരിക്കുന്നതും അവതരണ മികവിലെ കുറവ് കൊണ്ട് മാത്രമല്ലേ? "...അവതാരകരെക്കാള്‍ വാര്‍ത്തയുടെ സ്വഭാവം ആണ് പ്രധാനം എന്ന് തോന്നുന്നു; കൂടെ ക്രെടിബിലിറ്റിയും " എന്നത് നിഷ്കളങ്കമായൊരു ആത്മഗതമാണ്. അതില്‍ ഞാനും പങ്കു ചേരുന്നു. പക്ഷെ, എല്ലാം ഒരു ഷോയായി മാറിക്കഴിഞ്ഞ ഒരു കാലത്ത് വാര്‍ത്തയുടെ സ്വഭാവവും, ക്രഡിബിലിറ്റിയും നല്ല നിലയില്‍ ജനങ്ങളില്‍ എത്തിക്കേണ്ടതുണ്ട്. അതിനു നല്ല പരിശീലനവും ആവശ്യമാണ്‌. പ്രഭാ വര്‍മ്മയും, എന്‍. പി. ചന്ദ്രശേഖരനും പോലെയുള്ള പ്രഗല്‍ഭര്‍ ഉള്ളപ്പോഴും, ബ്രിട്ടാസിന്റെ നിലവാരത്തിലേക്ക് അവര്‍ക്കെത്തുവാന്‍ സാധിക്കില്ലെന്നത് വ്യക്തം. വീണ ജോര്‍ജിന് നികേഷ് കുമാര്‍ ആവാന്‍ കഴിയില്ലെന്നതും സുവ്യക്തം, വിനുവിന്റെ കഴിവ് വേണുവിനോട്‌ തട്ടിച്ചു നോക്കുമ്പോള്‍ കുറവാണ്. കളം മാറ്റവും , കൂടു മാറ്റവും എല്ലാ രംഗത്തും പതിവായിരിക്കുന്ന ഒരു പരിസരത്തില്‍ ഒരാളെ മാത്രം ആശ്രയിച്ചു കഴിയുന്നത് ദോഷം ചെയ്യുമെന്ന സന്ദേശം നികെഷിന്റെയും, ബ്രിട്ടാസിന്റെയും വിട്ടു പോകല്‍ നല്‍കുന്നുണ്ട്. അവരുടെ സാന്നിധ്യത്തില്‍ തന്നെ വേറെ ആളുകളെയും വളര്‍ത്തിക്കൊണ്ടു വരാതിരുന്നത് മാനെജ്മെന്റ് പാളിച്ചയായിട്ടാണ് ഞാന്‍ മനസ്സിലാക്കുന്നത്.

    "വ്യക്തികള്‍ ആര് പോകുന്നു വരുന്നു എന്നതിലും വലുത് എന്ത് പറയുന്നു, എന്തിനു പറയുന്നു , എങ്ങിനെ പറയുന്നു എന്നതാണ്"

    അതെ ഫൈസല്‍, എങ്ങിനെ പറയുന്നു എന്നതിനും പ്രാധാന്യമുണ്ട്.

    ReplyDelete
  30. നല്ലൊരു മാധ്യമപ്രവർത്തകൻ എന്നതിലുപരി, നല്ലൊരു അഭിനേതാവിനെക്കൂടിയാണ് കൈരളിക്ക് നഷ്ടമായിരിക്കുന്നത്. എന്തായാലും അടുത്ത താവളത്തിൽ കാണുന്നതു വരെ നല്ല നമസ്കാരം..

    ReplyDelete
  31. അയ്യോ അച്ഛാ pokalle kalakki

    ReplyDelete
  32. പോള്‍ ഹെന്‍റിയുടെ ഒഴിവിലേക്ക് TVNZല്‍ ജോയില്‍ ചെയ്യാന്‍ പോകുന്നു എന്നാണു ഇവിടെ പാണന്മാര്‍ പാടി നടക്കുന്നത്

    ReplyDelete
  33. കേരളത്തില്‍ ദ്രിശ്യ മാധ്യമ രംഗത്ത് എന്റര്‍ടൈന്‍ വിഭാഗത്തിലല്ലാതെ വാര്‍ത്താധിഷ്ടിത മേഘലയില്‍ മലയാളികളുടെ മനസ്സില്‍ താര പരിവേഷം ശ്രിഷ്ടിക്കാന്‍ കഴിഞ്ഞ രണ്ടു വ്യക്തികളാണ് ബ്രിട്ടാസും നികേഷ് കുമാറും. കൈരളിയെ പോലെ ഒരു പാര്‍ട്ടി ചാനലില്‍ അല്ലാതെ സ്വതന്ത്ര മാധ്യമ രംഗത്ത് ബ്രിട്ടാസിന് കൂടുതല്‍ തിളങ്ങാനാവും എന്ന് പ്രതീക്ഷിക്കുന്നു. പിന്നെ അടുത്ത കാലത്ത് ചാനലില്‍ നിന്ന് ചാനലിലേക്ക് മാരികളിക്കുന്നവര്‍ നികേഷും ബ്രിട്ടാസും മാത്രമല്ലല്ലോ .....

    ReplyDelete
  34. ഇലക്ഷന്‍ റിസല്‍റ്റ്‌ അവലോകനം ചെയ്യാന്‍ മടിച്ചു ലീവെടുത്തതായിരിക്കും

    അല്ല പിന്നെ സ്റ്റാറ്‍ ചാനലില്‍ ഒക്കെ ചേറ്‍ന്നാല്‍ അതൊരു സംഭവം ആയിരിക്കും

    കൈരളിയിലെ ജോലിക്കാറ്‍ക്ക്‌ അല്‍പ്പം സമാധാനം ആയിക്കാണും ഹറസ്സ്മെണ്റ്റില്‍ മുന്നി ആണു മമ്മൂട്ടിയും ബ്റിട്ടാസും എന്നാണു കേട്ടത്‌

    ബ്റിട്ടാസിണ്റ്റെ സ്വന്തം ഉത്തരം വല്ലവണ്റ്റെയും വായില്‍ കൊണ്ട്‌ തിരുകുന്ന ഏറ്‍പ്പാട്‌ അതെനിക്കിഷ്ടമല്ല

    ഒരു ജാഡ ടീം ആയിട്ടാണു എനിക്ക്‌ തോന്നിയിട്ടുള്ളത്‌ കരന്‍ ജോഹറിനെയും ഇഷ്ടമല്ല

    ReplyDelete
  35. ബ്രിട്ടാസ്‌ രാജിവെച്ചാല്‍ ആര്‍ക്കാണു ചേതം?! എതൊരു മാധ്യമ സ്ഥാപനത്തില്‍ നിന്നും ആരെങ്കിലും രാജിവെച്ച്‌ മറ്റൊരു സ്ഥാപനത്തില്‍ ചേരുന്നത്‌ അത്ര വലിയ കാര്യമാണോ? സ്ഥാപനത്തിണ്റ്റെ ജീവാത്മാവും പരമാത്മാവുമായ വ്യക്തി പോയാലും സ്ഥാപനം നിലനില്‍ക്കും. ആരോ പറഞ്ഞ പോലെ കുറച്ച്‌ ദിവസത്തേക്ക്‌ ചിലപ്പോള്‍ ബുദ്ദിമുട്ട്‌ നേരിടേണ്ടി വന്നേക്കാം. അതു കഴിഞ്ഞാല്‍ ഇങ്ങനെ ഒരു വ്യക്തി അവിടേ ജോലി ചെയ്തിരുന്നോ എന്ന് പോലും തോന്നിപോകും വിധം പുതുതായി വരുന്നവര്‍ ആ വിടവി നികത്താറൂണ്ട്‌. വായനക്കാരനും കാഴചക്കാരനും എല്ലാം റിപ്പോര്‍ട്ടറോ അവതാരകനോ സ്ഥിരമായി അതേ മാധ്യമ സ്ഥാപത്തില്‍ നില്‍ക്കുമെന്ന് വിചാരിക്കുന്നത്‌ കാഴ്ചകാരണ്റ്റെ വിവരമില്ലായ്മയാണൂ. പ്രൊഫഷനലുകളായ മാധ്യമ പ്രവര്‍ത്തകര്‍ അവര്‍ക്ക്‌ കൂടുതല്‍ വരുമാനമുള്ള, തിളങ്ങാന്‍ കഴിയുന്നിടത്തേക്ക്‌ പോകുന്നത്‌ സിന്ധു ജോയി ഈ ഇലക്ഷനിലും സീറ്റ്‌ കിട്ടുമെന്ന് കരുതി ഇല്ലെന്ന് കണ്ടപ്പോള്‍ കോണ്‍ഗ്രസില്‍ ചേരുന്ന പോലെയല്ല. രണ്ടും തമ്മില്‍ അജഗജാന്തര വ്യത്യാസമുണ്ട്‌.

    വേണുവും ശ്രീകണ്ടന്‍ നായരും പോയിട്ട്‌ 'എഷ്യാനെറ്റ്‌' പൊളീഞ്ഞോ? നികേഷ്‌ പോയിട്ട്‌ 'ഇന്ത്യാവിഷന്‍' എന്തെങ്കിലും സംഭവിച്ചോ? (ലീഗുകാര്‍ക്ക്‌ ഇപ്പോഴും ഇന്ത്യാവിഷന്‍ കാണുന്നത്‌ പേടിയാണെന്നുള്ളത്‌ നമുക്ക്‌ വിടാം) ഓ. അബ്ദുല്ലയും പി ടി നാസറും 'മാധ്യമം' വിട്ട ശേഷവും പത്രം കൂടുതല്‍ എഡിഷനുകള്‍ തുടങ്ങീ എന്നല്ലാതെ എന്തെങ്കിലും സംഭവിച്ചോ?

    ReplyDelete
  36. അഭിവാദ്യങ്ങള്‍ അഭിവാദ്യങ്ങള്‍ ,ഞമ്മളെ ബ്രിട്ടാസിന് അഭിവാദ്യങ്ങള്‍ ,ആയിരം ആയിരം അഭിവാദ്യങ്ങള്‍,
    ബ്രിട്ടാസേ വള്ളിക്കുന്നിന്ടെ ഈ പോസ്റ്റൊന്നും വായിച്ചു ഇങ്ങളെ തീരുമാനം മാറ്റരുത്ട്ടോ,ഇങ്ങളെ പിന്നില് ഞമ്മള്‍ ഒത്തിരി ആളുകളുണ്ടെന്ന് വെച്ചോ,വെനെങ്ങില്‍ ഇനഗക്ക് ബെണ്ടി മാത്രം ഞമ്മക്ക് ഒരു ചാനലന്ഗ് തോടങ്ങാന്നെ ,

    ReplyDelete
  37. ബഷീര്‍ക്ക നൂറ്റി നാല്‍പ്പതില്‍ നൂറ്റി മുപ്പതും എന്നതിന് ഒരു തിരുത്ത്‌... നൂറ്റി നാല്‍പ്പതില്‍ നൂറ്റി ഇരുപതിനാലും എന്നാക്കുക .... കാരണം ജമാത്ത് ഇസ്ലാമി പിന്താങ്ങിയ കണക്കു നോക്കിയാ ഡി വൈ എഫ് ഐ ക്കാര്‍ കണക്കു നിരത്തിയത് ... ഇനി ജമാത്തുകാര്‍ ഹമീദ് വനിമെലിന്റെ കൂടെയാണെങ്കില്‍ തിരിച്ചുമവും

    ReplyDelete
  38. രാജിവെയ്ക്കാനുള്ള അനുവാദം പാർട്ടിയോട് നേരത്തെ ചോദിച്ചിരുന്നതായും,ഇപ്പോഴാണു പാർട്ടി അനുവദിച്ചതെന്നും ബ്രിട്ടാസ് തന്നെ വ്യക്തമാക്കിയ സ്ഥിതിക്ക് പിന്നെന്തിനീ കോലാഹലവും,പരിഹാസവും.

    ReplyDelete
  39. ഒന്ന് മനസ്സിലായി.ഏതു തേങ്ങയും വെളഞ്ഞു കഴിഞ്ഞാല്‍ പിന്നെ അധികകാലം തെങ്ങേല്‍ നിക്കുകേല.

    ഈ വാര്‍ത്താകുമാരന്മാര്‍ മുഴുവന്‍"സ്വന്തംചാനല്‍ " സിന്ദാബാദ്‌ എന്നും പറഞ്ഞു ഒരുമ്പെട്ടിറങ്ങിയാല്‍ നമ്മള്‍ എന്ത് ചെയ്യും? ഏതു കാണും ? ആരെ വിശ്വസിക്കും?
    പറയുന്നതിലും കാണിക്കുന്നതിലും അല്‍പ്പം നേരും നെറിയും പുലര്‍ത്താന്‍ തയ്യാറായി വരുന്നവര്‍ക്ക് ഇനിയും കേരളത്തിന്‍റെ ആകാശലോകത്തു ഇടമുണ്ട് എന്നതും സത്യം.താന്താങ്ങളുടെ താല്പര്യാനുസൃതം വാര്‍ത്തകളെ വളച്ചൊടിച്ചും കഴുത്തു ഞെരിച്ചും സ്വന്തമായി വാര്‍ത്തകള്‍ സൃഷ്ടിച്ചും വിലസുന്നവര്‍ക്ക് ഒരു ഭീഷണിയായി ആരെങ്കിലുമൊക്കെ വരട്ടെ.

    ബൌ ബൌ: ഇതെല്ലാം കണ്ടു ഹരം കയറി നമ്മളെ ബഷീര്‍ക്ക, വള്ളിക്കുന്ന്.കോം വിട്ടു പോയ്ക്കളയുമോ? ഒരു ചെയ്ഞ്ച് വേണമെന്നു ബഷീര്‍ക്കാക്കും തോന്നിയാലോ.പടച്ചോനേ-നീ കാക്കണേ "വള്ളിക്കുന്നേ നീയും!!!" എന്ന പേരില്‍ ആരും ഒരു പോസ്റ്റ്‌ ഇടാന്‍ ഇട വരുത്തല്ലേ

    ReplyDelete
  40. മൂളയുല്ലവന്നു എല്ലാം ഒരു ചവിട്ടു പടി ആയിട്ടെ ഉപയോഗിക്കൂ..അതില്‍ ബ്രിട്ടാസും അതിനെന്താ..ഏഷ്യാനെറ്റിന്റെ തിരഞ്ഞെടുപ്പ് അവലോകനങ്ങളില്‍ താടിയും തടവി നമ്മെ ഗൌരവ ശബ്ദത്തോടെ റിപ്പോര്‍ട്ടുകള്‍ അവതരിപ്പിക്കാറുള്ള ആളും ഇപ്പോള്‍ ജയ് ഹിന്ദില്‍ ആണ് കേട്ടാ..അത് കരുണാകരന്‍ സഖാവ് മരിച്ചപ്പോള്‍ ആ പുള്ളിയുടെ കമന്ററി അത് ഒരു നെഹ്‌റു ട്രോഫി വള്ളം കളിഎയും കവച്ചു വെക്കുന്നതായിരുന്നു....അങ്ങിനെ ബ്രിട്ടാസും അത് പോലെ കണ്ടാല്‍ പോരെ?...

    ReplyDelete
  41. പത്രങ്ങളും ബ്ലോഗുകളും വായ്‌ തുറന്നു നില്‍ക്കുകയാണ്, മുന്നില്‍ കൂടി പാറുന്നത് കൊതുകായാലും ചാടി പിടിക്കും, ഇര വേണം , വേട്ടക്കാര്‍ കൂടുകയും നാട്ടില്‍ ഇരകള്‍ കുറയുകയും ചെയ്യുക, എല്ലാ ഇരകള്‍ക്ക് നേരെയും നാവു നീട്ടാന്‍ സാധ്യമല്ലാതെ വരിക മേലാളന്‍ മാരുടെ നിറവും മണവും നോക്കണം ഇരയെ പിടിക്കുമ്പോള്‍. പ്രാഞ്ചിയെട്ടന്മാര്‍ എല്ലായിടത്തും തിമര്‍ത്തു ആടുകയാണ് .

    ReplyDelete
  42. Dear Basheer sab,

    This discussion shows the popularity of TV anchors and visual media journalists. One reporter in Saudi Arabia, once revealed to me, he got a chance to visit all five star hotles of the city at the expense of others only after becoming a TV reporter!!! Everyone wants to show their faces in small screens. No harm. It's human nature. If anyone shows me I wont object, but reluctant to spend money for that purpose.
    I am sure Mr. Jhon britas will be an asset to any institution he joins. Hope he may not join the one to be launched by the fanatics. He is intelligent enough.
    During the past eight years of Britta's tenure, Kairali could enhance its rating. wonderful management skills of a blessed journalist.
    Best wishes
    Azeez

    ReplyDelete
  43. ഹാവൂ ..ബ്രിട്ടാസ്‌ പോയോ ?...സമാധാനമായി ഇനി ആ ശരത് കൂടി പോയാ കൈരളിയുടെ പൊക കാണാമായിരുന്നു ...(കൈരളി ടിവി വിരുദ്ധന്റെ നെടു വീര്‍പ്പു )

    ഹോ ആ നികേഷ്‌ പോയപ്പോ തീര്‍ന്നെന്നു കരുതിയതാ ..ഭഗത് കൂടി പോയതോടെ മനസ്സ് നിറഞ്ഞു .ഇപ്പൊ ആ പെണ്ണ്(വീണ ജോര്‍ജ് ) തകര്‍ക്കണത് കണ്ടിട്ട് ആകെ ഒരു ബെജാര്‍ ....(ഇന്ത്യ വിഷന്‍ ടിവി വിരുദ്ധന്റെ കലിപ്പ് )


    വേണു ഇടതാണോ വലതാണോ ആകെ കണ്ഫൂശന്‍ ആയല്ലോ ..ഷാനി പ്രഭാകരന്‍ സിന്ദു ജോയിയെ അഭിമുഖം ചെയ്തു വെള്ളം കുടിപ്പിച്ചത് കണ്ടപ്പോള്‍ ഒരു സംശയം : ഇത് ഏതാ ചാനല്‍ ?


    പി ജി സുരേഷ് കുമാറിന്റെയും , സിന്ദു സൂര്യ കുമാറിന്റെയും അവതരണ ശൈലി കണ്ടാല്‍ അയ്യോ പാവങ്ങള്‍ ഒന്നും അറിഞ്ഞിട്ടില്ല എന്ന മട്ട്...

    കൂട് വിട്ടു കൂട് മാറുന്ന അവതാരകര്‍

    ReplyDelete
  44. അല്ല ഈ ജോണ്‍ ബ്രിട്ടാസ്‌ സി.പി.എം-ന്‍റെ പോളിറ്റ്‌ ബ്യൂറോ മെമ്പര്‍ ആയിരുന്നു എന്ന് തോന്നുമല്ലോ ഇവിടുത്തെ പല കമന്റുകളും കാണുമ്പൊള്‍. ജോണ്‍ ബ്രിട്ടാസ്‌ കൈരളി വിട്ടുപോകുന്നത് കൈരളി ടി.വി യെ കുറച്ചെങ്കിലും ബാധിക്കും എന്ന് തീര്‍ച്ചയാണ്. ചാനലിന്റെ വളര്‍ച്ചയില്‍ വലിയൊരു പങ്ക് വഹിച്ച ആള്‍ ആണ് ബ്രിട്ടാസ്‌. എന്നാല്‍ അദ്ദേഹം പറഞ്ഞത് പാര്‍ട്ടിയുടെ അനുവാദം വാങ്ങിയാണ് താന്‍ രാജിവക്കുന്നത് എന്നും പാര്‍ട്ടിയുമായി ഒരു വിയോജിപ്പും ഇല്ല എന്നുമൊക്കയാണ്. പത്രപ്രവര്‍ത്തകള്‍ പലരും മറുകണ്ടം ചാടിക്കൊണ്ടിരിക്കുന്ന ഈ സമയത്ത് ബ്രിട്ടാസ്‌ പോയത് മാത്രം ഇത്ര വലിയ വാര്‍ത്ത‍.. ഏഷ്യാനെറ്റില്‍ നിന്ന് മറുകണ്ടം ചാടിയാണ് നികേഷ്‌ കുമാര്‍ മുനീര്‍ സാഹിബിന്റെ ഇന്ത്യാവിഷന്‍ ചാനലില്‍ എത്തിയത്, അവിടുന്നിപ്പോള്‍ രാജിവച്ചുറിപ്പോര്‍ട്ടര്‍ എന്ന പേരില്‍ പുതിയൊരു ചാനലും ഉണ്ടാക്കി, ഇംഗ്ലീഷ്‌ പത്രമായ ദി ഹിന്ദുവില്‍ ഏഷ്യാനെറ്റിലേക്ക് ചാടിയ കെ.പി മോഹനന്‍ അവിടെനിന്നും രാജിവച്ച് ഈയിടെ കൊണ്ഗ്രെസ്സ് ചാനല്‍ ആയ ജയ്‌ഹിന്ദിന്റെ തലപ്പത്ത് എത്തി. മാതൃഭൂമിയില്‍ നിന്ന് ജയ്ഹിന്ദിലെക്ക് ചാടിയ സണ്ണിക്കുട്ടി എബ്രഹാംജയ്ഹിന്ദിന്റെ മുന്‍ എഡിറ്റര്‍ ആയിരുന്നു . ഏഷ്യാനെറ്റില്‍ നിന്ന് മനോരമയിലേക്ക് ചാടിയ വേണു ഇപ്പോള്‍ അവിടെനിന്നും ചാടി നികേഷ്‌ കുമാറിന്റെ റിപ്പോര്‍ട്ടറില്‍ എത്തിയിട്ടുണ്ട്.

    ReplyDelete
  45. ശ്രീകണ്ടന്‍ നായരും എഷ്യാനെറ്റ് വിട്ടു. ഇന്ത്യാവിഷനില്‍ നിന്ന് ചാടിയ ഷാനിയും പ്രമോദും (ഏഷ്യാനെറ്റില്‍ നിന്ന് ചാടി ഇന്ത്യാവിഷനില്‍ എത്തിയ) ആണിപ്പോള്‍ മനോരമയിലെ പുലികള്‍. ഇന്ത്യാവിഷനില്‍ നിന്ന് ചാടിയ ഭഗത് ഇപ്പോള്‍ റിപ്പോര്‍ട്ടര്‍ ചാനലില്‍ കയറിപ്പറ്റി എന്ന് കേട്ടു. രണ്ടുദിവസം മുന്‍പ്‌ പ്രമുഖ ഇംഗ്ലീഷ്‌ പാത്രമായ ഹിന്ദുവിന്റെ എഡിറ്റര്‍ രവി അതില്‍ നിന്ന് രാജിവച്ച വാര്‍ത്തയും വന്നിരുന്നു. അങ്ങനെ നോക്കുമ്പോള്‍ ബഹുഭൂരിപക്ഷം പത്രപ്രവര്‍ത്തകരും നനവുള്ളിടത്ത് കുഴിക്കുന്നവര്‍ തന്നെയാണ്. ഇത്തരം നാലാം എസ്റേറ്റ്-കാര്‍ കൂടുവിട്ടു കൂടുമാരുന്നത് പുതിയ പ്രതിഭാസം ഒന്നും അല്ല. ഇതൊന്നും മനസ്സിലാക്കാതെ ബ്രിട്ടാസ്‌ പോയി എന്നുപറഞ്ഞു നെഞ്ചത്തടിച്ചു കരയുന്ന ഒറ്റക്കണ്ണുള്ളവരെ കാണുമ്പൊള്‍ തമാശയാണ് തോന്നുന്നത്.

    ReplyDelete
  46. പാര്‍ട്ടിയുടെ അനുവാദം വാങ്ങിയാണ് രാജിവച്ചത് എന്ന് ബ്രിട്ടാസ്‌ പറഞ്ഞത് സത്യം ആണോ എന്നൊന്നും അറിയില്ല. കൈരളി പാര്‍ട്ടിയുടെ ചാനല്‍ അല്ലല്ലോ, ബ്രിട്ടാസ്‌ സി.പി.എം ന്‍റെ സക്രട്ടറിയോ അല്ലെങ്കില്‍ മുന്‍ മുഖ്യന്റെ മകനോ അല്ല. പിന്നെ അനുവാദം വാങ്ങേണ്ട കാര്യം ഉണ്ടോ എന്നും അറിയില്ല. എന്തായാലും ബ്രിട്ടാസിനെ കുറ്റം പറയാന്‍ ആവില്ല. ഇന്ത്യാവിഷന്‍ ചാനലിന്റെ മുഖ്യ മുതലാളിയും, ചെയര്‍മാനും, മുസ്ലീം ലീഗിന്റെ ജെനെറല്‍ സെക്രട്ടറിയും, മുന്‍മുഖ്യന്റെ മകനും, നിയമസഭാ തെരഞ്ഞെടുപ്പിലെ സ്ഥാനാര്‍ഥിയും, സിനിമാ താരവും, ഗായകനും ഒക്കെയായ ജനാബ് എം.കെ മുനീര്‍ സാഹിബ്‌ മുസ്ലീം ലീഗില്‍ ഇരുന്നുകൊണ്ട് തന്നെ, പാര്‍ട്ടിയുടെ പരമോന്നത സെക്രട്ടറിയുടെ പേരില്‍ ഉള്ള നിരവധി കേസുകള്‍ പുറത്തുകൊണ്ടുവന്ന ആളാണ്. അത് ഇന്നും തുടര്‍ന്നുകൊണ്ടിരിക്കുന്നു. ജെനറല്‍ സെക്രട്ടറിക്ക്‌ എതിരെ ഉള്ള പല കേസുകളുടെയും തെളിവുകള്‍ കോടതിയില്‍ ജരാക്കാനും അദ്ദേഹം മുന്‍കൈ എടുത്തിട്ടും ഉണ്ട്. പാര്‍ട്ടിയുടെ പാണക്കാട് (അഖിലേന്ത്യാ) നേതൃത്വം രാജിവെക്കാന്‍ പറഞ്ഞിട്ടും പോയി പണിനോക്കാന്‍ പറഞ്ഞ ആളാണ് ടിയാന്‍. ഇപ്പോഴും പാര്‍ട്ടിയുടെ സെക്രട്ടറി ആയിരുന്നു പാര്‍ട്ടിയെ വിമര്‍ശിക്കുന്ന മുനീര്‍ സാഹിബിനെ അപേക്ഷിച്ച് നോക്കുമ്പോള്‍ പാര്‍ട്ടിക്ക്‌ ഈ ബ്രിട്ടാസ്‌ എത്രയോ നല്ലവന്‍ അല്ലെ.

    ReplyDelete
  47. മുസ്ലീം ലീഗിന്റെ പാര്‍ട്ടി ചാനല്‍ അയ "ദര്‍ശന"യിലേക്കാണ് ജോണ്‍ ബ്രിട്ടാസ്‌ പോയതെന്ന് വിക്കിലീസ്ക്സ്‌-ന്‍റെ സ്ഥിതീകരിക്കാത്ത റിപ്പോര്‍ട്ടുകളില്‍ പറയുന്നു. രണ്ടുമൂന്നു വര്‍ഷം മുന്‍പ്‌ തുടങ്ങും എന്ന് പ്രഖ്യാപിച്ച് തറക്കല്ലിട്ട ലീഗ് ചാനലിന്റെ ഉദ്ഘാടനം ഉടന്‍ ഉണ്ടാവും എന്നും വിക്കിലീക്സ് വെളിപ്പെടുത്തുന്നു.!

    ജോണ്‍ ബ്രിട്ടാസിനെ "ബ്രൂട്ടസ്" എന്ന് വിളിച്ച അങ്ങ് മുനീര്‍ സാഹിബിനെ "യൂദാസ്" എന്നെങ്കിലും വിളിക്കണം.
    വെറുതെ തൂക്കം ഒപ്പിക്കാന്‍ എങ്കിലും..... !!!

    ReplyDelete
  48. ജോണ്‍ ബ്രിട്ടാസിനെ "ബ്രൂട്ടസ്" എന്ന് വിളിച്ച അങ്ങ് മുനീര്‍ സാഹിബിനെ "യൂദാസ്" എന്നെങ്കിലും വിളിക്കണം.
    വെറുതെ തൂക്കം ഒപ്പിക്കാന്‍ എങ്കിലും..... !!!

    ReplyDelete
  49. I think Mr. Basheer is eligible for the post of Malayala Manorama(News paper) editor. Pipers, Read Malayala Manorama....

    ReplyDelete
  50. Basheerka Britash Edilum Nalla CPM Chanel KKalkkattayil Undu Avidekkanu Poyadu Avidey Achumamantey Edagerundavilla Adanu arodum Parayadey Ottapokku Poyadu

    ReplyDelete
  51. "എല്ലാ സര്‍ക്കസ്സിനെയും സഹൃദയപൂര്‍വ്വം കാണാന്‍ ശ്രമിക്കുന്ന ഒരു ബ്ലോഗര്‍ എന്ന നിലക്ക്"

    എന്നിട്ട് പലസര്‍ക്കസ്സുകളും കാണുമ്പോള്‍ കണ്ടഭാവം തന്നെ നടിക്കാറില്ലല്ലോ.!!!

    "കേരളത്തിൽ ഏറ്റവും നല്ല തിളക്കം നേടി (കൈരളി ചാനലിൽ പ്രവർത്തിച്ച്) ഇനി ഒരു തിളക്കവും ബാക്കിയില്ല എന്ന് തോന്നിയതിനാലാവാം ഇപ്പോൾ ഇങ്ങനെ ഒരു രാജി അല്ലേ കൊണ്ടോട്ടി സഖാവേ??"

    സമീര്‍ ഭായ്.. ചാനലിന്റെ തിളക്കം നോക്കിയല്ല, പണത്തിന്റെ "കിലുക്കം" നോക്കിയാണ് ഇത്തരക്കാര്‍ എല്ലാം രാജിവെച്ച് പോകുന്നതും, മറുകണ്ടം ചാടുന്നതും...!!!

    ReplyDelete
  52. ഉദര നിമിത്തം ബഹുകൃത വേഷം.... ആദര്‍ശം ഒക്കെ വാക്കുകളില്‍ മാത്രം... അതിപ്പോള്‍ ബ്രിട്ടാസ ആയാലും ശരി, നികേഷ് ആയാലും ശരി!!!

    ReplyDelete
  53. Another confidential .... still some people consider, kairali as an independant channel. Koode kidannavanalle rapani ariyoo.....he was not even allowed to travel withough PINARAYI'S concent?!!

    aboo nuaim, doha

    ReplyDelete
  54. ബ്രിട്ടാസ് പോയി.

    ബ്രിട്ടാസിനെന്താ കൊമ്പുണ്ടോ എന്ന് സാക്ഷി. !!!!

    .

    ReplyDelete
  55. @ Sreejith Kondotty
    ശ്ശൊ, ഇതെന്തൊരു കമന്റാണ് ഷ്ടാ.. ഇങ്ങനെ പോസ്റ്റിനെ വിഴുങ്ങുന്ന കമന്റും കൊണ്ട് വന്നാല്‍ എനിക്കൊന്നു ശ്വാസം വിടാനെങ്കിലും സമയം വേണ്ടേ. മാധ്യമ രംഗത്തെ ചാട്ടത്തെക്കുറിച്ച് പി എച്ച് ഡി എടുക്കാനുള്ള വല്ല പരിപാടിയുമുണ്ടോ?. ഉണ്ടെങ്കില്‍ എന്തേലും ഹെല്പ് വേണേല്‍ പറയണം.

    ReplyDelete
  56. @ പത്രക്കാരന്‍, നജിം കൊച്ചുകലുങ്ക്, കുരുത്തം കെട്ടവന്‍, ബിന്‍ഷേഖ് Faizal & Sreejith

    ബ്രിട്ടാസിലെ മാധ്യമ പ്രവര്‍ത്തകനോടുള്ള ആദരവും ഇഷ്ടവുമാണ് എന്റെ ഈ പോസ്റ്റിന്റെ ആകെത്തുകയെന്ന് വായിച്ചാല്‍ മനസ്സിലാകത്തവരല്ല നിങ്ങള്‍ എല്ലാവരും എന്നെനിക്കറിയാം. പക്ഷെ ചില മുന്‍ധാരണകള്‍ നിര്‍ദോഷമായ ഫലിതങ്ങള്‍ പോലും ആസ്വദിക്കാന്‍ പറ്റാത്ത തലത്തിലേക്ക് എത്തുന്നുണ്ടോ എന്നൊരു സംശയം. നിങ്ങള്‍ വിചാരിക്കുന്ന അത്ര മൂരാച്ചിയല്ല ഞാന്‍ എന്നാണ്‌ എന്റെ വിശ്വാസം. ചിരിക്കരുത്.. ഞാന്‍ സീരിയസ്സായിട്ടു പറയുകയാണ്‌.

    ReplyDelete
  57. @ Noushad Kuniyil
    "ആത്യന്തികമായി ഒരു പാര്‍ട്ടി ചാനല്‍ എന്ന നിലയില്‍ പാര്‍ട്ടിയുടെ താല്‍പര്യവും, താല്പര്യങ്ങളും സംരക്ഷിക്കുവാന്‍ ബ്രിട്ടാസ് എന്ന മിടുക്കനും, ഊര്‍ജ്വസ്വലനുമായ മാധ്യമ പ്രവര്‍ത്തകന് സാധിച്ചിരുന്നു എന്നത് സത്യം. അദ്ദേഹം അവതരിപ്പുന്ന പരിപാടികളില്‍ തന്റെ സ്ഥാപനത്തിന്റെ രാഷ്ട്രീയ പരമായ കാഴ്ചപ്പാടുകള്‍ സമര്‍ത്ഥമായി സംവേദനം ചെയ്യുവാന്‍ അദേഹത്തിനു സാധിച്ചിരുന്നു. നന്നായി ഗൃഹപാഠം ചെയ്തു നടത്തുന്ന ബ്രിട്ടാസ് ഇന്റര്‍വ്യൂവുകള്‍ പലപ്പോഴും കാരന്‍ താപ്പറിനെ ഓര്‍മിപ്പിക്കാറുണ്ട്"

    Good observation.

    ReplyDelete
  58. "ശ്ശൊ, ഇതെന്തൊരു കമന്റാണ് ഷ്ടാ.. ഇങ്ങനെ പോസ്റ്റിനെ വിഴുങ്ങുന്ന കമന്റും കൊണ്ട് വന്നാല്‍ എനിക്കൊന്നു ശ്വാസം വിടാനെങ്കിലും സമയം വേണ്ടേ."

    സോറി ബഷീര്‍ഭായ്.. നമ്മക്ക് ഇങ്ങളെ ശ്വാസം മുട്ടിക്കാനൊന്നും ഉദ്ദേശം ഇല്ലേ. നമ്മള്‍ വെറും "എലി"യാണേ... :))))))

    "നിങ്ങള്‍ വിചാരിക്കുന്ന അത്ര മൂരാച്ചിയല്ല ഞാന്‍ എന്നാണ്‌ എന്റെ വിശ്വാസം. ചിരിക്കരുത്.. ഞാന്‍ സീരിയസ്സായിട്ടു പറയുകയാണ്‌."

    ഹി ഹി ഹി ...
    (label : അച്ഛന്‍ പത്തായത്തില്‍ പോലും ഇല്ല..)

    ReplyDelete
  59. ഹാ എന്‍റെ രോമാജംവന്നു എല്ലാവരും വള്ളികുന്നു ട്ടച് പരയുബം
    ബഷീര്‍ സാഹിബ്‌ നെ പോക്കി പറയുമ്പോ! വള്ളിക്കുന്ന് എന്നുപറയുന്പോ
    പെപെസി കുടിച്ച പോലെ കിലുങ്ങണം (ബി ര്ര്ര്ര്ര്ര്ര്ര്ര്ര്‍ )

    ReplyDelete
  60. ജാഗ്രതെയ്....
    ഈ പോയൊരെല്ലാം കൂടി ആഗോള ഭീമമാരെ കൂട്ടി , നമ്മുടെ നാട്ടിൽ ഒരു ബി.ബി.സി മോഡൽ പുത്തൻ ചാനൽ തുടങ്ങാനുള്ള പരിപാടി ഇവിടെ ലണ്ടനിൽ തറക്കല്ലിട്ടു കഴിഞ്ഞു കേട്ടൊ ഭായ്..!

    ReplyDelete
  61. ബഷീര്‍ക്കാന്റെ നിരീക്ഷണ പാടവത്തെ അഭിനന്ദിക്കുന്നു

    ReplyDelete
  62. This comment has been removed by the author.

    ReplyDelete
  63. @ Vallikkunnu

    നിങ്ങള്‍ വിചാരിക്കുന്ന അത്ര മൂരാച്ചിയല്ല ഞാന്‍ എന്നാണ്‌ എന്റെ വിശ്വാസം. ചിരിക്കരുത്..

    ഒരു ഇന്‍ഫീരിയോരിറ്റി കോമ്പ്ലെക്സ് ന്റെ ആവശ്യമില്ല ബഷീര്‍ ഭായ് :))) ,
    താങ്കള്‍ ഉദാത്തവും പരിശുദ്ധവുമായ ഉദ്ദേശ ശുദ്ധിയുള്ള ഉത്പതിഷ്ണുവായ ഒരു ബ്ലോഗ്ഗര്‍ ആണ്. ( Plz note no smiley for this)

    മാധ്യമ പ്രവര്‍ത്തകരെയും അവര്‍ കാണിക്കുന്ന എല്ലാ സര്‍ക്കസ്സിനെയും സഹൃദയപൂര്‍വ്വം കാണാന്‍ ശ്രമിക്കുന്ന ഒരു ബ്ലോഗര്‍ എന്ന നിലയില്‍ ബ്രിട്ടാസ് വിഷയത്തിലും താങ്കള്‍ പോസ്റ്റ്‌ ഇടുന്നതില്‍ വിമര്‍ശിക്കുന്നില്ല ...,

    പക്ഷെ പോസ്റ്റ്‌നിടയില്‍ ഭൂട്ടാന്‍ ലോട്ടറി മുതല്‍ പി ശശിയെ വരെ തിരുകി കയറ്റുന്നത് കണ്ടപ്പോള്‍ ഇടപെടുന്നു എന്നേ ഉള്ളൂ ( പി ശശിയും ഈ പോസ്റ്റും തമ്മിലുള്ള ബന്ധം എത്ര ആലോചിച്ചിട്ടും മനസ്സിലാകുന്നില്ല , ഞാന്‍ താങ്കളുടെ അത്ര ബുദ്ധി ജീവി ആകാത്തതിനാല്‍ ആകാം .. എന്തായാലും ചുമ്മാ എന്തെങ്കിലും പറയുന്ന വെറും മൂരാച്ചി അല്ല വള്ളിക്കുന്ന് എന്ന് ബൂലോകര്‍ക്ക് അറിയാം :) ..അപ്പൊ ഇതിലും എന്തെങ്കിലും കാര്യം ഉണ്ടാകാം . .. )

    ജോലി ചെയ്യുന്ന ഒരു സ്ഥാപനത്തില്‍ നിന്ന് ഒരാള്‍ മാറുന്നത് ആ സ്ഥാപനത്തിന്റെ കുറ്റമാണോ ? ഈ ബ്ലോഗ്‌ വായിക്കുന്ന എത്രയോ ആളുകള്‍ (പ്രത്യേകിച്ച് പ്രവാസികള്‍ ) എത്ര തവണ സ്വന്തം തീരുമാന പ്രകാരം ഒരു ജോലി വിട്ടു മറ്റു സ്ഥാപനങ്ങളിലേക്ക് കൂട് മാറിയിട്ടുണ്ടാകും ..അതൊന്നും ഒരു വിഷയമേ അല്ല . എന്നിട്ടാണ് താങ്കള്‍ ബ്രിട്ടാസിനെ മഹത്വവത്കരിച്ചു ആ സ്ഥാപനത്തെ കരിവാരി തേക്കാന്‍ ശ്രമിക്കുന്നത് .

    ആരാണ് നിങ്ങളുടെ പാലം വലിച്ചത് എന്ന് ചോദിച്ചു , അച്ചുമാമനും യെച്ചൂരിക്കും വരെ പങ്കുണ്ടെന്ന രീതിയില്‍ പുക മറ സൃഷ്ടിക്കാന്‍ ശ്രമിക്കുന്നത് . സരസമായ ആ വള്ളിക്കുന്നന്‍ ശൈലിക്കുള്ളിലും താങ്കള്‍ ആരും അറിയാതെ വീര്യം കൂടിയ ചില കീട നാശിനികള്‍ തളിക്കുന്നുണ്ട് എന്ന് പറയാതെ വയ്യ . നിഷ്കളങ്കര്‍ കയ്യടിച്ചേക്കും പക്ഷെ ഓരോ അരിയും പൊറുക്കുന്ന എന്നെപ്പോലെയുള്ളവര്‍ക്കും ഇവിടെ കുറച്ചു പണികള്‍ ഉണ്ട് :)

    അപ്പൊ എങ്ങിനെയാ ..അടുത്ത പോസ്റ്റ്‌ റെഡി ആയോ..? ഞങ്ങള്‍ക്കും കുറച്ചു വിശ്രമം ഒക്കെ തരണം കേട്ടോ ..! പിന്നെ ആ സൂപ്പര്‍ ബ്ലോഗ്ഗര്‍ ക്ക് കിട്ടിയ പതിനായിരത്തില്‍ നിന്ന് ഒരു രണ്ടായിരം എങ്കിലും കൂടുതല്‍ കമ്മെന്റ് ചെയ്യുന്ന ഏതെങ്കിലും ഒരു വായനക്കാരന് കൊടുക്കണം എന്ന് ഒരു അപേക്ഷയുണ്ട് :)))

    ReplyDelete
  64. Satire language'loode angu nadathunnath vineethamayi paranjal verum tharam thana paradhooshanam aayippoyi.CPM'mu mayi bandhappetta varthakalakumbol prathyekichum.Until and unless he clarifies his future plans why in a hurry? kala pettennu kelkkumbole kayar vangan odano?

    ReplyDelete
  65. @ Faizal Kondotty
    സരസമായ ആ വള്ളിക്കുന്നന്‍ ശൈലിക്കുള്ളിലും താങ്കള്‍ ആരും അറിയാതെ വീര്യം കൂടിയ ചില കീട നാശിനികള്‍ തളിക്കുന്നുണ്ട് എന്ന് പറയാതെ വയ്യ . നിഷ്കളങ്കര്‍ കയ്യടിച്ചേക്കും പക്ഷെ ഓരോ അരിയും പൊറുക്കുന്ന എന്നെപ്പോലെയുള്ളവര്‍ക്കും ഇവിടെ കുറച്ചു പണികള്‍ ഉണ്ട് :)

    ഇന്ന് ഇടിവെട്ട് ഫോമില്‍ ആണല്ലോ. എന്നെ ഇടിച്ചു ചമ്മന്തിയാക്കാനാനെങ്കിലും സരസമായ ഈ കൊണ്ടോട്ടി ശൈലി ഞാനും ആസ്വദിക്കുന്നുണ്ട്. പക്ഷേ ഒരു കാര്യം എപ്പോഴും ഓര്‍മ വേണം. ഓരോ അരിയും പെറുക്കിയെടുക്കാന്‍ ഇത് തോന്നക്കല്‍ പഞ്ചായത്ത് അല്ല.

    ReplyDelete
  66. @വള്ളിക്കുന്ന് ,

    സത്യത്തില്‍ അഭിപ്രായങ്ങളില്‍ അന്തരം ഉണ്ടാകാമെങ്കിലും സരസമായ ശൈലികള്‍ (താങ്കളുടേതു അടക്കം ഇവിടെ കമ്മെന്റ് ഇടുന്ന പലരുടെയും ) എപ്പോഴും ആസ്വാദനപരമാണ്,

    and to be frank, I like to comment here cos you are caring others in a very honest manner and giving maximum respect to their views. Let me confirm my sincere gratitude for this! keep it up!

    ReplyDelete
  67. കൈരളിയില്‍ കിടന്നു കരിയേണ്ട പ്രതിഭയല്ല ബ്രിട്ടാസ്..
    എവിടെയെങ്കിലും പോയി രക്ഷപ്പെടട്ടെ..
    ഈ പോസ്റ്റിനു ഒരു 'പനച്ചി', 'ഇന്ദ്രന്‍' സ്റ്റൈല്‍ വായിക്കാന്‍ ബഹുരസം..

    ReplyDelete
  68. ദുബൈ ആസ്ഥാനമായി ആരംഭിക്കുന്ന അന്താരാഷ്ട്ര ന്യൂസ്‌ ഏജന്‍സിയിലേക്കാണ്‌ ജോണ്‍ ബ്രിട്ടാസ്‌ പോകുന്നതെന്നാണു സൂചന. മമ്മൂട്ടിയുടെ സാമ്പത്തിക സഹകരണത്തോടെ ആരംഭിക്കുന്ന ഏജന്‍സിയുടെ സി ഇ ഒ ആയിട്ടായിരിക്കും അദ്ദേഹത്തിന്റെ അടുത്ത പ്രവര്‍ത്തനം. ന്യൂസ്‌ ഏജന്‍സിയുടെ ഇരുപത്‌ ശതമാനം ഓഹരി പാര്‍ട്ടിക്ക്‌ നല്‍കിയേക്കും. അന്താരാഷ്ട്രതലത്തില്‍ പാര്‍ട്ടിക്ക്‌ വാര്‍ത്താ ഏജന്‍സികളോ ചാനലുകളോ ഇല്ല. ഈ സാഹചര്യത്തിലാണ്‌ സംസ്ഥാനത്തെ മുതിര്‍ന്ന പോളിറ്റ്‌ ബ്യൂറോ അംഗവും മമ്മൂട്ടിയും ബ്രിട്ടാസും ചേര്‍ന്ന്‌ ഇത്തരത്തില്‍ ഒരു ആശയത്തിന്‌ രൂപം നല്‍കിയത്‌. കഴിഞ്ഞ ചൊവ്വാഴ്‌ച ചേര്‍ന്ന സംസ്ഥാന സെക്രട്ടേറിയേറ്റില്‍ സംസ്ഥാന സെക്രട്ടറി പിണറായി വിജയന്‍ ഇക്കാര്യം റിപ്പോര്‍ട്ട്‌ ചെയ്‌തിരുന്നുവത്രേ. നേരത്തെ സ്റ്റാര്‍ഗ്രൂപ്പിന്റെ ന്യൂസ്‌ ചാനലുകളുടെ ചുമതല വഹിക്കുന്നതിന്‌ ബ്രിട്ടാസിന്‌ വാഗ്‌ദാനം ഉണ്ടായിരുന്നെങ്കിലും അദ്ദേഹം നിരസിക്കുകയായിരുന്നു.

    ReplyDelete
  69. "ഐസ്‌ക്രീം പാര്‍ലര്‍ പെണ്‍വാണിഭക്കേസില്‍ പ്രതികള്‍ക്ക് അനുകൂലമായി വിധി സമ്പാദിക്കുന്നതിന് പണം വാങ്ങിയെന്ന ആരോപണത്തിന്റെ അടിസ്ഥാനത്തില്‍ മുന്‍ ജഡ്ജിമാരായ ജസ്റ്റിസ് തങ്കപ്പന്‍, ജസ്റ്റിസ് നാരായണ കുറുപ്പ് എന്നിവര്‍ക്ക് പ്രത്യേക അന്വേഷണ സംഘം നോട്ടീസ് നല്‍കി"
    വാര്‍ത്ത...

    ഒരു കിടിലന്‍ പോസ്റ്റ്‌ പ്രതീക്ഷിക്കാമോ? പണം വാങ്ങി വിധി പുറപ്പെടുവിക്കുന്ന ഇത്തരം "ശുംഭന്‍"മാരെ പറ്റി..!!!

    ReplyDelete
  70. @ ശ്രീജിത്,

    ഇനി ഇതേപോലുള്ള തമാശചോദ്യവും ചോദിച്ചോണ്ട് ഈ ഭാഗത്തോട്ടെങ്ങാനും വന്നാലുണ്ടല്ലോ..അടി..അടി..ങ്ഹാ..പറഞ്ഞില്ലെന്നുവേണ്ട

    ReplyDelete
  71. //(ആക്ച്വലി, എന്റെ ഈ സഹൃദയത്വത്തില്‍ എനിക്ക് തന്നെ രോമാഞ്ചമുണ്ട്)//

    //@ പത്രക്കാരന്‍, നജിം കൊച്ചുകലുങ്ക്, കുരുത്തം കെട്ടവന്‍, ബിന്‍ഷേഖ് Faizal & Sreejith
    ബ്രിട്ടാസിലെ മാധ്യമ പ്രവര്‍ത്തകനോടുള്ള ആദരവും ഇഷ്ടവുമാണ് എന്റെ ഈ പോസ്റ്റിന്റെ ആകെത്തുകയെന്ന് വായിച്ചാല്‍ മനസ്സിലാകത്തവരല്ല നിങ്ങള്‍ എല്ലാവരും എന്നെനിക്കറിയാം. പക്ഷെ ചില മുന്‍ധാരണകള്‍ നിര്‍ദോഷമായ ഫലിതങ്ങള്‍ പോലും ആസ്വദിക്കാന്‍ പറ്റാത്ത തലത്തിലേക്ക് എത്തുന്നുണ്ടോ എന്നൊരു സംശയം. നിങ്ങള്‍ വിചാരിക്കുന്ന അത്ര മൂരാച്ചിയല്ല ഞാന്‍ എന്നാണ്‌ എന്റെ വിശ്വാസം. ചിരിക്കരുത്.. ഞാന്‍ സീരിയസ്സായിട്ടു പറയുകയാണ്‌.//

    //ഒരു കാര്യം എപ്പോഴും ഓര്‍മ വേണം. ഓരോ അരിയും പെറുക്കിയെടുക്കാന്‍ ഇത് തോന്നക്കല്‍ പഞ്ചായത്ത് അല്ല.//

    (ഇങ്ങനെയെല്ലാം ബഷീര്‍ക്ക തന്നെ പറയണം )

    ബഷീര്‍ക്ക വല്ലാതെ തെറ്റിദ്ധരിക്കുന്നു എന്ന് പറയാതെ വയ്യ. താങ്കളുടെ ഏതൊരു പോസ്റ്റിനെയും ഇവിടെ വരുന്നവര്‍ അവരവരുടേതായ രീതിയിലാണ് സമീപിക്കുക.ഒഴുക്കന്‍ മട്ടില്‍ വായിച്ചു പോകുന്നവരുണ്ടാകാം.എന്തു വായിച്ചാലും ബലെഭേഷ് എന്ന് കമന്ടുന്നവരുണ്ടാകാം.
    നിഷ്കൃഷ്ടമായി വായിച്ചു വിശദമായി തങ്ങളുടെ വാദങ്ങള്‍ നിരത്തുന്നവരും ഉണ്ട്-യോജിച്ചും വിയോജിച്ചും.താങ്കളുടെ എഴുത്തിന്‍റെ ശൈലി പിന്തുടര്‍ന്ന് മറുപടിയില്‍ അല്‍പം തമാശ കലര്‍ത്തുന്നവരും ഉണ്ട്.
    പക്ഷെ സമീപ കാലത്തായി കമന്റുകളോടുള്ള താങ്കളുടെ പ്രതികരണങ്ങള്‍ സ്വല്പം ഹാര്‍ശ് ആകുന്നില്ലേ എന്നൊരു സംശയം ഇല്ലാതില്ല.അത് കൊണ്ടാണ് താങ്കളുടെ മുകളില്‍ കൊടുത്ത വാചകങ്ങള്‍ ഉദ്ധരിച്ചത്.താങ്കളുടെ സഹൃദയത്വത്തില്‍
    യാതൊരു സംശയവുമില്ല.എന്നാലും ചിലപ്പോഴെങ്കിലും അതിന്‍റെ അളവില്‍ കുറവ് വരുന്നില്ലേ എന്നൊരു സന്ദേഹം മാത്രം. ഇവിടെ "കൈകാര്യം" ചെയ്യപ്പെടുന്ന പാര്‍ട്ടികളെയും ആശയങ്ങളെയും പിന്‍പറ്റുന്ന ആളുകള്‍ താങ്കളുടെ വാദങ്ങള്‍ അംഗീകരിക്കണം എന്നില്ലല്ലോ.അത് ഇവിടെ പ്രകടിപ്പിച്ചുകൂടെ. താങ്കള്‍ അനുഭാവം പുലര്‍ത്തുന്ന പാര്‍ട്ടിയുടെയോ പ്രസ്ഥാനതിന്റെയോ സമാനരീതിയിലുള്ള താങ്കള്‍ക്കു അലക്കാന്‍ പാകത്തിലുള്ള സംഭവങ്ങളെ ആരെങ്കിലും ചൂണ്ടിക്കാട്ടുമ്പോള്‍ ആ സ്വാതന്ത്ര്യം അവര്‍ക്ക് വകവെച്ചു കൊടുക്കണ്ടേ.

    താങ്കള്‍ തന്നെ മുമ്പ് സൂചിപ്പിച്ച പോലെ: എഴുതാന്‍ തുടങ്ങുമ്പോള്‍ മനസ്സിലുള്ളത് ഒന്ന്. എഴുതിക്കഴിഞ്ഞാല്‍ മറ്റൊന്ന്. വായനക്കാര്‍ മനസ്സിലാക്കുന്നത് വേറൊന്നു.അതങ്ങനെ തന്നെ പോട്ടേന്ന്.

    ഇത് ആരുടേയും കുറ്റമല്ല.ഓരോരുത്തന്റെയും ചിന്തയും വ്യക്തിത്വവും അവരുടെ എഴുത്തിലും സംസാരത്തിലുമൊക്കെ അറിയാതെ പുറത്തു വന്നു പോവും.
    പഴേ അത്തറിന്റെ പരസ്യവാചകം ഓര്‍മയില്ലേ?
    "പ്രേമത്തിന്റെ പരിമളം, ഒളിച്ചു വെച്ചാലും ഒളിഞ്ഞിരിക്കില്ല"
    .അത് പോലെ.

    ബൌ ബൌ :കമന്റുകളിലെ എരിവും ചൂടും വള്ളിക്കുന്ന് ബ്ലോഗിന്റെ മുഖ്യ ആകര്‍ഷണമാണ്-താങ്കളുടെ ഇടക്കുള്ള മറുപടികളും.ഇച്ചിരി വെടിയും പുകയുമില്ലാതെ നമ്മള്‍ക്കെന്തു ആഘോഷം ബഷീര്‍ക്കാ :)

    ReplyDelete
  72. If China can betray Communist ideas and turn capitalist, and if India's CPM can eschew Marxism and copulate with capitalist splendors and if we can digest all these paradoxes without a sigh disillusionment, why should we be surprised about John Britas' individual career ambitions?

    ReplyDelete
  73. ഉദര നിമിത്തം ബഹുകൃത വേഷ :

    ReplyDelete
  74. ബിന്‍ഷേഖ് said...
    "പക്ഷെ സമീപ കാലത്തായി കമന്റുകളോടുള്ള താങ്കളുടെ പ്രതികരണങ്ങള്‍ സ്വല്പം ഹാര്‍ശ് ആകുന്നില്ലേ എന്നൊരു സംശയം ഇല്ലാതില്ല".

    ഞാന്‍ കമന്റ് കോളത്തില്‍ സമീപകാലത്തായി വളരെ സോഫ്റ്റ്‌ ആകുന്നു എന്നാണു ചില വായനക്കാര്‍ എന്നോട് പറഞ്ഞത്. മറിച്ചൊരു അഭിപ്രായമാണ് താങ്കള്‍ക്കുള്ളത് എന്ന് കണ്ടതില്‍ സന്തോഷം. ഇനിയും സോഫ്റ്റ്‌ ആകാന്‍ ശ്രമിക്കാം.

    ReplyDelete
  75. ur presentation skill is amazing. I really enjoyed all your previous posts including this post. This is the nature and character of Keralite to intrude others personal life. Britas resignation doesn't and will not make any impact on India's social or economic cycle. Its purely depends on him and on his career. We enjoy one type of satisfaction when we harass somebody mentally. When we will recover our self from this disease. Any way Iam praying to get well soon.

    Once again I deeply appreciate your writing style.

    ReplyDelete
  76. This comment has been removed by the author.

    ReplyDelete
  77. ബഷീര്‍ സാഹിബിന്റെ ആശങ്കകള്‍ തീര്‍ന്നില്ലേ .. ഇന്ന് കൈരളി ടിവിയില്‍ ഉണ്ടായിരുന്നു ബ്രിട്ടാസ്ന്റെ സെന്റ്‌ ഓഫ്‌ പാര്‍ട്ടിയും തുടര്‍ന്ന് ന്യൂസ്‌ ഹവ്വരില്‍ അഭിമുഖവും . ഒന്ന് കാണണം താങ്കള്‍ ..!

    ബ്രിട്ടാസിന് എപ്പോ വേണമെങ്കിലും തിരിച്ചു വരാം എന്നും തുടര്‍ന്നും കൈരളിക്കു സഹകരണം ചെയ്യണം എന്നും മമ്മുട്ടി അടക്കം എല്ലാവരും ബ്രിട്ടസിനോട് പറഞ്ഞു ..തിരിച്ചു താന്‍ ചെറുപ്പം മുതലേ കൈ കൊണ്ട ചിന്ത ധാരയെ ഒരു കാലത്തും കൈവെടിയാന്‍ ഉദ്ദേശിക്കുന്നില്ല എന്നും തല്‍കാലം മാധ്യമ രംഗത്തെ പ്രവര്‍ത്തന മേഖല മാറ്റുന്നു എന്ന് മാത്രമേ ഉള്ളു എന്നും ബ്രിട്ടാസ് മറുപടി പറഞ്ഞു ..

    അപ്പൊ ബ്രിട്ടാസ് പി ശശിയുടെ ആരാ എന്നാ വള്ളിക്കുന്ന് പറഞ്ഞത് ..?കഷ്ടം ..! സത്യം എന്തെന്ന് അറിയുന്നതിന് മുന്‍പേ എന്തെങ്കിലും ഒക്കെ ഊഹിച്ചുണ്ടാക്കുക എന്നിട്ട് ഒരു ബഹു ജന പ്രസ്ഥാനത്തെയും ഒരു മാധ്യമ സ്ഥാപനത്തെയും താറടിച്ചു കാണിക്കുക .. നന്നായി ..!

    പകരം താഴെ പറയുന്ന പോലെയുള്ളവ കണ്ടില്ലെന്നു നടിക്കണം ..

    സ്‌റ്റോക്ക് ഹോം കണ്‍വെന്‍ഷന്റെ ഉപസമിതിയില്‍ എന്‍ഡോസള്‍ഫാന്‍ ചര്‍ച്ച ചെയ്യുന്നതിനിടെ എന്‍ഡോസള്‍ഫാന്‍ ഉല്‍പാദകരായ എക്‌സല്‍ കമ്പനിയുമായി നാലു വട്ടം ചര്‍ച്ച നടത്തിയത് ലോകരാഷ്ട്രങ്ങള്‍ കണ്ടുപിടിച്ചത് ജനീവ സമ്മേളനത്തിന്റെ മൂന്നാം നാളില്‍ ഇന്ത്യയെ നാണം കെടുത്തി.


    ഈ നാണം കെട്ട ഇടപാടിനെതിരെ ഇ അഹമ്മദ്‌ അടക്കമുള്ള കേന്ദ്രമന്ത്രിമാര്‍ പ്രതികരിക്കണം എന്ന് യൂത്ത് ലീഗ് ആവശ്യപ്പെട്ടു .. എന്താ ഒരു പോസ്റ്റിനു വകുപ്പില്ലേ .. അഹമ്മദ്‌ ..യൂ ടൂ ...?

    ReplyDelete
  78. @ Nair
    Thank you..
    Your comment reminded me the speech of Mark Antony.. 'Brutus is an honorable man' :)

    ReplyDelete
  79. പ്രതിഭകള്‍ വിട്ടു പോകുന്നു, ബാബു ഭരദ്വാജ്, പ്രദീപ്‌, ബ്രിട്ടാസ്, ഇനിയാര് .....?പാര്‍ടിയിലെ പടിയിറക്കം ചാനലിലും തുടരുന്നു....!

    ReplyDelete
  80. ജോൺബ്രിട്ടാസും സായിബാബയും കഴിഞ്ഞയാഴ്ചയിലെ ഞെട്ടിക്കുന്ന താരങ്ങളായി.ആട്ടം കണ്ടു.കഥകളൊന്നും മനസ്സിലായില്ല.

    ReplyDelete
  81. ജോണ്‍ ബ്രിട്ടാസ്‌ ഏഷ്യാനെറ്റിലേക്ക്‌



    കൈരളി ടിവിയില്‍ നിന്നു രാജിവെച്ച എംഡിയും എഡിറ്ററുമായ ജോണ്‍ബ്രിട്ടാസ്‌ ഏഷ്യാനെറ്റ്‌ ചാനലിന്റെ സുപ്രധാന തസ്‌തികയില്‍ നിയമിതനാകുന്നു. മാധ്യമപ്രഭുവായ റൂപര്‍ട്ട്‌ മര്‍ഡോക്കിന്റെ ഉടമസ്ഥതയിലുള്ള സ്‌റ്റാര്‍ ഗ്രൂപ്പിന്റേകൂടി പങ്കാളിത്തത്തിലാണ്‌ ഇപ്പോള്‍ ഏഷ്യാനെറ്റ്‌. അവിടെ വൈസ്‌ പ്രസിഡന്റായിരുന്ന ആര്‍. ശ്രീകണ്‌ഠന്‍ നായര്‍ മനോരമയുടെ എന്റര്‍ടെയ്‌ന്‍മെന്റ്‌ ചാനലിലേയ്‌ക്കു പോയ ശേഷം മാനേജ്‌മെന്റ്‌ നടത്തിയ ശ്രമങ്ങളുടെ ഫലമായാണ്‌ ജോണ്‍ ബ്രിട്ടാസിന്റെ വരവ്‌. ഏഷ്യാനെറ്റിന്റെ സി.ഇ.ഒ ആയി അദ്ദേഹം ഉടനെ ചുമതലയേല്‍ക്കും. ഏഷ്യാനെറ്റില്‍ ശ്രീകണ്‌ഠന്‍ നായര്‍ ഉപയോഗിച്ചിരുന്ന ഓഫീസ്‌ മുറിതന്നെയാണ്‌ ബ്രിട്ടാസിനുവേണ്ടി ഒരുങ്ങുന്നത്‌. മാധ്യമ രംഗത്തെ വാണിജ്യവല്‍കരണത്തിന്റെ പ്രതിനിധിയെന്ന നിലയില്‍ സിപിഎമ്മും പാര്‍ട്ടി മാധ്യമങ്ങളും നിശിതമായി വിമര്‍ശിക്കുന്ന മാധ്യമ മുതലാളിയാണ്‌ മര്‍ഡോക്ക്‌. സിപിഎം സംസ്ഥാന സെക്രട്ടറി പിണറായി വിജയനും ഔദ്യോഗിക വിഭാഗവുമായി അടുത്ത ബന്ധമുള്ള ജോണ്‍ ബ്രിട്ടാസ്‌ മര്‍ഡോക്കിന്റെ സ്ഥാപനനത്തിലേയ്‌ക്കു പോകുന്നത്‌ മാധ്യമ- രാഷ്ട്രീയ രംഗങ്ങളില്‍ വലിയ ചര്‍ച്ചയ്‌ക്കു വഴിവെയ്‌ക്കും. ഈ മാസം 19-നു ചേര്‍ന്ന സിപിഎം സംസ്ഥാന സെക്രട്ടേറിയറ്റ്‌ യോഗം ബ്രിട്ടാസിന്റെ രാജിക്കാര്യം ചര്‍ച്ച ചെയ്‌ത്‌ അംഗീകരിച്ചിരുന്നു.

    ജോണ്‍ ബ്രിട്ടാസിന്‌ സ്‌റ്റാര്‍ ഗ്രൂപ്പില്‍ നിന്ന്‌ ഓഫര്‍ ഉണ്ടെന്നു നേരത്തേ പുറത്തു വന്നിരുന്നെങ്കിലും അദ്ദേഹം അതു സ്വീകരിക്കുന്നില്ലെന്നായിരുന്നു സൂചനകള്‍. ഏഷ്യാനെറ്റ്‌ എംഡി കെ.മാധവന്‍ മമ്മൂട്ടിയുമായി ചേര്‍ന്ന്‌ യുഎസ്‌ ആസ്ഥാനമായി തുടങ്ങുന്ന ചാനല്‍, സിപിഎമ്മിന്‍െയും മമ്മൂട്ടിയുടെയും സാമ്പത്തിക പങ്കാളിത്തത്തോടെ ദുബായ്‌ ആസ്ഥാനമാക്കി പ്രവാസി ഇന്ത്യക്കാര്‍ ആരംഭിക്കുന്ന അന്താരാഷ്ട്ര വാര്‍ത്താ ഏജന്‍സി എന്നിവയുമായി ചേര്‍ത്താണ്‌ ജോണ്‍ ബ്രിട്ടാസിന്റെ രാജിവാര്‍ത്ത പ്രചരിച്ചത്‌. ഈ രണ്ടു സംരംഭങ്ങളും ഔദ്യോഗികമായി സ്ഥിരീകരിക്കപ്പെട്ടിട്ടില്ല.

    ദേശാഭിമാനിയുടെ ഡല്‍ഹി ലേഖകനും പിന്നീട്‌ കൈരളിയുടെ ഡല്‍ഹി ലേഖകനുമായിരുന്ന ജോണ്‍ ബ്രിട്ടാസ്‌ ചാനലിന്റെ എംഡിയായി വന്നത്‌ സിപിഎം നേതൃത്വത്തിന്റെ പ്രത്യേക താല്‍പര്യത്തിന്റെ അടിസ്ഥാനത്തിലായിരുന്നു. സിദ്ധാര്‍ത്ഥ മേനോന്‍, സുരേഷ്‌ നാരായണന്‍ എന്നിവര്‍ ഓരോ വര്‍ഷം മാത്രം എംഡി സ്ഥാനം വഹിച്ച്‌ രാജിവെച്ചു പോയ ശേഷമായിരുന്നു ഇത്‌. ഒമ്പതു വര്‍ഷമായി ജോണ്‍ ബ്രിട്ടാസ്‌ തന്നെയായിരുന്നു എംഡി. തുടക്കത്തില്‍ എഡിറ്റര്‍ വേറെയാള്‍ ആയിരുന്നെങ്കിലും പിന്നീട്‌ ആ ചുമതലയും അദ്ദേഹത്തിനു നല്‍കി. ബ്രിട്ടാസ്‌ വന്ന ശേഷം `വി', `പീപ്പിള്‍' എന്നീ ചാനലുകള്‍ കൂടി ആരംഭിച്ചു. കഴിഞ്ഞ സാമ്പത്തിക വര്‍ഷം 20 കോടിയാണ്‌ മലയാളം കമ്യൂണിക്കേഷന്‍സ്‌ പബ്ലിക്‌ ലിമിറ്റഡ്‌ കമ്പനിയുടെ ലാഭം

    ReplyDelete
  82. ബ്രിട്ടാസിനു അങ്ങിനെ തന്നെ വേണം

    ReplyDelete
  83. ethu brittas vayichal thala karangi veezhum.

    ReplyDelete