പി ടി നാസര്‍ , വേണു, പി കെ പ്രകാശ്, രാജീവ് രാമചന്ദ്രന്‍ തുടങ്ങി മാധ്യമ പ്രവര്‍ത്തകരുടെ ഒരു നല്ല നിര നികേഷിനൊപ്പമുണ്ട്. നികേഷിന്റെ വരവ് പ്രമാണിച്ച് നികേഷ് വരുന്നുണ്ട്, ഓടണോ? റീപോസ്റ്റ് ചെയ്യുകയാണ്. നമ്മളെക്കൊണ്ട് ഇങ്ങനെയുള്ള സഹായങ്ങള്‍ ഒക്കെയല്ലേ പറ്റൂ. നികേഷിന് എല്ലാ വിധ ഭാവുകങ്ങളും.
Posted - 24 March 2011
സ്ഥിരമായി കണ്ടു കൊണ്ടിരുന്നവരെ പെട്ടെന്ന് കാണാതായാല്‍ വല്ലാത്ത വിഷമമാണ്. ഇന്ത്യാവിഷനില്‍ നിന്ന് നികേഷ് കുമാര്‍ പോയപ്പോള്‍ അത്തരമൊരു വിഷമം എനിക്കുണ്ടായിരുന്നു. (സീരിയസ്സായി പറയുമ്പോള്‍ ചിരിക്കരുത്, പ്ലീസ് !!). മോഹന്‍ലാലിനെപ്പോലെ ഇടത്തേ തോളല്‍പ്പം ചെരിച്ച് കൈ രണ്ടും മേശയില്‍ കുത്തി നികേഷ് 'ഇര പിടിക്കുന്നത്' കാണാന്‍ എന്തൊരു ചേലായിരുന്നു. പുള്ളി പോയതോടെ ന്യൂസ് അവറിന്റെ ഗുമ്മു പോയി. എന്നെപ്പോലുള്ള നികേഷ് ഫാന്‍സുകാര്‍ക്ക് ഇനി അര്‍മാദിക്കാം. നികേഷ് ജീവാത്മാവും പരമാത്മാവുമായ 'റിപ്പോര്‍ട്ടര്‍ ' ടി വി ഇലക്ഷന് മുമ്പേ സംപ്രേഷണം (അഥവാ വെടിക്കെട്ട്) തുടങ്ങും എന്നാണ് വാര്‍ത്ത.
ലോഗോ പ്രകാശനം കഴിഞ്ഞ ദിവസം എറണാകുളത്ത് നടന്നു. എം ടി വാസുദേവന്‍ നായരാണ് അത് പ്രകാശനം ചെയ്തത്. (ദോഷം പറയുകയാണെന്ന് കരുതരുത്. ഇന്ത്യാവിഷന്‍ തുടങ്ങിയപ്പോഴും എം ടി മുന്നിലുണ്ടായിരുന്നു!). ഹൈ ഡെഫനിഷനില്‍ സംപ്രേക്ഷണം ചെയ്യുന്ന കേരളത്തിലെ ആദ്യ വാര്‍ത്താ ചാനല് എന്നാണ് 'റിപ്പോര്‍ട്ടര്‍ ' അവകാശപ്പെടുന്നത്. വാര്‍ത്താ ചാനലുകള്‍ ഇനിയും വരാനുണ്ട്. മുരളിയുടെ ജനപ്രിയ, സുന്നികളുടെ ദര്‍ശന, ലീഗിന്റെ ഐ ബി സി, ജമാഅത്തെ ഇസ്ലാമിയുടെത്.. അങ്ങിനെ പലതും. ഇതിനൊക്കെപ്പുറമേയാണ് മനോരമയുടെ പാത പിന്തുടര്‍ന്ന് മാതൃഭുമി, മംഗളം, കേരള കൌമുദി തുടങ്ങിയ പത്രങ്ങളുടെ ചാനലുകള്‍ അണിയറയില്‍ മേക്കപ്പിട്ടുകൊണ്ടിരിക്കുന്നത്. (നമ്മള് മലയാളികളെ പടച്ചോന്‍ കാക്കട്ടെ.) മുടിഞ്ഞ 'ഗോമ്പറ്റീശന്‍' ആണ് ഈ രംഗത്ത് വരാന്‍ പോകുന്നത് എന്ന് ചുരുക്കം.
വി ഡി സതീശന്‍, എം ബി രാജേഷ്, ഒ അബ്ദുള്ള, ടോം വടക്കന്‍ തുടങ്ങിയവര്‍ക്ക് ഇനിയിപ്പോള്‍ നല്ല മാര്‍ക്കറ്റായിരിക്കും. ഏഷ്യാനെറ്റ്, ഇന്ത്യാവിഷന്‍, മനോരമ ന്യൂസ്, റിപ്പോര്‍ട്ടര്‍ .. രാത്രി ഒമ്പത് മണിക്ക് എവിടെക്കേറി ഇരിക്കണം എന്ന് മാത്രം തീരുമാനിച്ചാല്‍ മതി. അഞ്ഞൂറ് പിന്നിട്ട സീരിയലിലെ കണ്ണീരു നായികമാരെക്കാള്‍ ജനപ്രിയര്‍ ഇപ്പോള്‍ ഇവരാണ് !!. ചികില്‍സയൊക്കെക്കഴിഞ്ഞു എം ഐ ഷാനവാസും തിരിച്ചെത്തിയിട്ടുണ്ട്. (ലിവര്‍ കാന്‍സര്‍ ആണെന്ന് കൊച്ചിയിലെ ഏതോ ഡോക്റ്റര്‍ ഷാനവാസിനെ പറഞ്ഞു പേടിപ്പിച്ചു. അങ്ങനെ പേടിച്ചു പേടിച്ചാണ് ഇപ്പോള്‍ കാണുന്ന പരുവത്തില്‍ ആയതത്രേ. ഏതായാലും ഷാനവാസ് ആരോഗ്യവാനായി തിരിച്ചു വന്നതില്‍ സന്തോഷം. വൈകീട്ട് എന്നും കാണാമല്ലോ )
നല്ല താവളം നോക്കി പല മാധ്യമ പ്രവര്‍ത്തകരും അങ്ങോട്ടുമിങ്ങോട്ടും ചാടുന്ന കാലമാണ്. ഇന്ത്യാവിഷന്റെ കാര്യമാണ് ഏറെ കഷ്ടമായി വരുന്നത്. ആട് കിടന്നിടത്ത് പൂട പോലുമില്ല എന്ന് പറഞ്ഞ പോലെ അവിടെ ഇപ്പോള്‍ കാര്യമായി ആരുമില്ലാത്ത അവസ്ഥയാണ്. എന്റെ സുഹൃത്ത് കുഞ്ഞസ്സന്‍ കുട്ടിയടക്കമുള്ള എല്ലാ ഷെയര്‍ ഹോള്‍ഡേഴ്സിന്റെയും കാര്യം 'കട്ടപ്പൊക'തന്നെയാകും എന്നുറപ്പായിക്കഴിഞ്ഞു. ഇന്ത്യാവിഷനില്‍ നിന്ന് മുങ്ങിയ പി ടി നാസര്‍ അടക്കമുള്ള പലരും നികേഷിനോപ്പം റിപ്പോര്‍ട്ടറില്‍ പൊങ്ങും. ലീഗില്‍ വീ എസ്സ് കളിച്ചുകൊണ്ടിരിക്കുന്ന മുനീറിന് ചാനലുമില്ല പാര്‍ട്ടിയുമില്ല എന്ന അവസ്ഥയിലേക്കാണ് കാര്യങ്ങള്‍ നീങ്ങുന്നത്‌.
പൊതുജനങ്ങളിലധികവും പുതിയ ദൃശ്യമാധ്യമ സംസ്കാരത്തിന് അഡിക്റ്റുകള്‍ ആയിത്തുടങ്ങിയിരിക്കുന്നതിനാല്‍ ചര്‍ച്ചകളിലും സംവാദങ്ങളിലും തിളങ്ങാന്‍ കഴിയാത്ത പല നേതാക്കളും ഇപ്പോള്‍ വെട്ടിലായിരിക്കുകയാണ്. മാധ്യമങ്ങളില്‍ തിളങ്ങുന്നവര്‍ക്ക് താരപരിവേഷം ലഭിക്കുന്നു. രജനീകാന്തിനെ കാണുമ്പോള്‍ തമിഴന്മാര്‍ വാ പൊളിച്ചു നില്‍ക്കുന്ന പോലെയാണ് വി ഡി സതീശനെക്കാണുമ്പോള്‍ കോണ്‍ഗ്രസ്സുകാര്‍ നില്‍ക്കുന്നത്. വെറുതെ കിട്ടിയ ഇമേജ് അല്ല ഇത്. സതീശന്‍ ഏറെ കഷ്ടപ്പെട്ട് ഉണ്ടാക്കിയെടുത്തതാണ്. ഈ ഭരണ കാലത്ത് നിയമസഭക്കകത്തും ചാനല് ചര്‍ച്ചകളിലും ഏറ്റവും തിളങ്ങിയ നേതാവ് സതീശനാണെന്ന് പിണറായി പോലും സമ്മതിക്കും.
സംഗതികള്‍ ഇങ്ങനെ പോയാല്‍ നേരെ ചൊവ്വേ നാലക്ഷരം പറയാന്‍ കഴിയാത്ത നേതാക്കളൊക്കെ എത്ര പ്രവര്‍ത്തന പരിചയമുണ്ടെങ്കിലും മൂലക്കിരിക്കേണ്ടി വരും. സിനിമ പഠിക്കാന്‍ ഒരു പൂന ഇന്‍സ്റ്റിറ്റ്യൂട്ട് ഉള്ളത് പോലെ നികേഷിനു മുന്നില്‍ എങ്ങിനെ ഇരിക്കണം എന്ന് നേതാക്കന്മാരെ പഠിപ്പിക്കാന്‍ കൊച്ചിയില്‍ ഒരു ഇന്‍സ്റ്റിറ്റ്യൂട്ട് തുടങ്ങിയാല്‍ വിജയിക്കും. കാറ്റുപിടിക്കുന്ന ഈ ചാനല് കാലത്ത് നേതാക്കന്മാരോട് പറയാനുള്ളത് ഇതാണ്. മാധ്യമങ്ങള്‍ക്ക് വേണ്ടി അല്പം ഹോം വര്‍ക്ക് ചെയ്തു പഠിക്കുക. ചാനലുകാര്‍ വരുന്നുണ്ട് എന്ന് കേള്‍ക്കുമ്പോഴേക്ക് ഓടാന്‍ നില്‍ക്കരുത്.
Related Topics
ബ്രിട്ടാസിക്ക മര്‍ഡോക്കിക്ക
ബ്രിട്ടാസേ നീയും!!! (A John Brittas Drama)
നികേഷ് പോയാല്‍ ഇന്ത്യാവിഷന്‍ പൂട്ടുമോ?
നികേഷിനെ നാര്‍ക്കോ നടത്തണം
ഇന്ത്യാവിഷന്‍ ചിരിക്കുന്നു, ഡോ: മുനീര്‍ കരയുന്നു.
ഇന്ത്യാവിഷന്‍: ഇപ്പോള്‍ ചിരിക്കുന്നത് കുഞ്ഞാലിക്കുട്ടി
ഇന്ത്യാവിഷന്‍: വില്ലന്‍ നായകനായി മാറി !
ഇന്ത്യവിഷന്‍ ഏഷ്യാനെറ്റിന്റെ മണ്ടക്കടിക്കുന്നു
>>>>>വെറുതെ കിട്ടിയ ഇമേജ് അല്ല ഇത്. സതീശന്‍ ഏറെ കഷ്ടപ്പെട്ട് ഉണ്ടാക്കിയെടുത്തതാണ്. ഈ ഭരണ കാലത്ത് നിയമസഭക്കകത്തും ചാനല് ചര്‍ച്ചകളിലും ഏറ്റവും തിളങ്ങിയ നേതാവ് സതീശനാണെന്ന് പിണറായി പോലും സമ്മതിക്കും.<<<<
ReplyDeleteവെറുതെ പറയുകയല്ല സ്ഥിരമായി ഒന്‍പതു മണി വാര്‍ത്തകള്‍ കാണാറുള്ളത്‌ കൊണ്ട് പറയുവാ ...
ഈ പറഞ്ഞത് നൂറു ശതമാനം സത്യം
...വീ ഡീ സതീശന്‍ വന്നാല്‍ സ്വതവേ നീട്ടി പരത്തുന്ന എം വി ജയരാജന്‍ ഒന്ന് കൂടി നീട്ടി പരത്തും ...അര മണിക്കൂര്‍ തള്ളി നീക്കെണ്ടേ ...ഹ ഹ ഹ
ഓടേണ്ട ഓടേണ്ട
ReplyDeleteഓടിത്തളരേണ്ട...!
ചാനലുകള്‍ വരട്ടെ
മല്‍സരം കൊഴുക്കട്ടെ
അതിന്നിടയില്‍ എവിടെയെങ്കിലും
ഒരിച്ചിരി സത്യമുള്ള കാഴ്ചകള്‍ ബാക്കിയുണ്ടായാ മതിയായിരുന്നു.
നുണ പറയാത്തൊരു ക്യാമറയെങ്കിലും....!
ഏറ്റവും നന്നായി ഹോംവര്‍ക്ക് ചെയ്തിട്ട് ചര്‍ച്ചകളില്‍ പങ്കെടുത്ത് വിജയിച്ചയാളാണ് എം ഐ ഷാനവാസ്. അതിനു ഫലവും കിട്ടി..
ReplyDeleteപരസ്യങ്ങള്‍ സംപ്രേക്ഷണം ചെയ്യാന്‍ മാത്രം ഇനി വേറെ ചാനലുകള്‍ വേണ്ടി വരും. ചാടിക്കളിക്കാന്‍ ഇഷ്ടം പോലെ ചാനലുകളുള്ളപ്പോള്‍ ഇടവേളകളിലെ പരസ്യം കാണാന്‍ ആരെ കിട്ടും!?
ReplyDeleteചാനല് ചര്‍ച്ചകള്‍ക്കിടയില്‍ എങ്ങനെ സംസാരിക്കണം എന്ന് പഠിപ്പിക്കുന്ന ഒരു ഇന്‍സ്റ്റിറ്റ്യൂട്ട് തുടങ്ങി എന്നാണല്ലോ കേള്‍വി... രഹസ്യമായി വച്ചിരിക്കുകയായിരിക്കും.
ReplyDeleteആശംസകള്‍...
നമ്മെ ചവിട്ടി മെതിക്കാന്‍ ആളുകള്‍ കൂടി എന്നതല്ലേ പ്രധാനം. സംസ്കാരത്തിനും മാന്യതയ്ക്കും വിലയില്ലാതെ ചാനല് റേറ്റിങ്ങില്‍ മാത്രം ശ്രദ്ധ കേന്ദ്രീകരിക്കുന്ന ഒരു പ്രത്യേക വിഭാഗം എണ്ണം കൂടും തോറും ആശങ്കയും കൂടുന്നു. കേള്‍ക്കാന്‍ മാത്രം വിധികപെട്ട നമ്മള് കരയണോ അതോ ചിരിക്കണോ ?
ReplyDeleteസ്നേഹാശംസകള്‍
വരാന്‍ പോകുന്നത് ചാനലുകളുടെ പ്രളയ കാലം ....ആടിനെ പട്ടിയാകുന്നതില്‍ നിലവിലുള്ള എല്ലാ ചാനലുകളും മത്സരിക്കുന്നു .മുസ്ലിം വിഷയങ്ങളില്‍ എല്ലാവര്ക്കും ഒരേ സ്വരം .ഇനി വരാനിരിക്കുന്ന ചാനലുകളില്‍ ഈ പൊതു ചാനല് സ്വഭാവത്തിനു തിരുത്തുകള്‍ ഉണ്ടാകുമെന്ന് ന്യായമായും പ്രതീക്ഷിക്കാം
ReplyDeleteഇനിയെന്തൊക്കെ ‘റിയാലിറ്റി’കൾ കാണേണ്ടിവരുമെന്റീശ്വരാ!!
ReplyDeleteReporter Channelinte Logo Tanne Kando. Establish Aaya Moonu chaanalukal nere nilkunnu (Three Squares). Nalaamatulla channel onnu cherinju valanju kidakkunnu (Reporter Channeline soochippikkunnu). Varthakal valakkaathe ninnal mathiyaayirunnu...!!
ReplyDeleteമലയാളിയുടെ വൈകുന്നേരങ്ങളെ സജീവമാക്കുന്നതില്‍ സുപ്രധാന പങ്കുവഹിക്കുന്ന/വഹിച്ചിരുന്ന നികേശ്, പ്രമോദ് രാമന്‍, ഷാനിപ്രഭാകര്‍, വേണു ബാലകൃഷ്ണന്‍, വേണുവിന്റെ ജ്യേഷ്ടന്‍ ഉണ്ണി ബാലകൃഷ്ണന്‍, അവരുടെ അമ്മാവന്‍ ഭാസുരേന്ദ്ര ബാബു, എം. ഐ. ഷാനവാസ്, വി. ഡി. എസ്., രാജേഷ്, ആദരണീയനായ ഡോ. സെബാസ്ട്യന്‍ പോള്‍ സാര്‍, മലയാള ചാനല് ലോകത്തെ സാത്വിക മുഖമായ ജോണി ലുക്കോസ് , ബ്രിട്ടാസ് എന്നിവരൊക്കെ നാലക്ഷരം പറയുവാന്‍ കഴിയാത്ത എന്നാല്‍ പരിണതപ്രജ്ഞരായ മറ്റു രാഷ്ട്രീയ നേതാക്കളെക്കാള്‍ മലയാളികള്‍ക്കിടയില്‍ താര പരിവേഷവും, താരമൂല്യവും കൂടിയവരാണ്‌ എന്ന് വിലയിരുത്തുമ്പോള്‍ വിഷ്വല്‍ മീഡിയത്തിന്റെ സ്വാധീനത്തിന്റെ സാന്ദ്രത മനസ്സിലാകും.
ReplyDelete"സിനിമ പഠിക്കാന്‍ ഒരു പൂന ഇന്‍സ്റ്റിറ്റ്യൂട്ട് ഉള്ളത് പോലെ നികേഷിനു മുന്നില്‍ എങ്ങിനെ ഇരിക്കണം എന്ന് നേതാക്കന്മാരെ പഠിപ്പിക്കാന്‍ കൊച്ചിയില്‍ ഒരു ഇന്‍സ്റ്റിറ്റ്യൂട്ട് തുടങ്ങിയാല്‍ വിജയിക്കും. കാറ്റുപിടിക്കുന്ന ഈ ചാനല് കാലത്ത് നേതാക്കന്മാരോട് പറയാനുള്ളത് ഇതാണ്: മാധ്യമങ്ങള്‍ക്ക് വേണ്ടി അല്പം ഹോം വര്‍ക്ക് ചെയ്തു പഠിക്കുക. ചാനലുകാര്‍ വരുന്നുണ്ട് എന്ന് കേള്‍ക്കുമ്പോഴേക്ക് ഓടാന്‍ നില്‍ക്കരുത്" ഈ വിലയിരുത്തലിലടങ്ങിയിരിക്കുന്ന നര്‍മ്മം ആസ്വദിച്ചതിനു ശേഷം യാഥാര്‍ത്യ ബോധത്തിലേക്കെത്തിയാല്‍ കാര്യത്തിന്‍റെ ഗൌരവം ബോധ്യപ്പെടും. ഈ റിയാലിറ്റി ഷോയില്‍ നിന്നും എലിമിനേറ്റ് ചെയ്യാതിരിക്കപ്പെടണമെങ്കില്‍ നിങ്ങള്‍ നന്നായി ഹോം വര്‍ക്ക് ചെയ്യേണ്ടിയിരിക്കുന്നു. കുറഞ്ഞ സമയത്തിനുള്ളില്‍ കൂടുതല്‍ കാര്യങ്ങള്‍ സുവ്യക്തമായി പരയുവാനായാല്‍ ഏതു നികേശിനു മുന്‍പിലും നിങ്ങള്‍ക്ക് ശോഭിക്കാം. അല്ലെങ്കില്‍ ക്ഷോഭിക്കേണ്ടി വരും! ഈ വരികള്‍ക്ക് അടിവര ഇടട്ടെ: "രജനീകാന്തിനെ കാണുമ്പോള്‍ തമിഴന്മാര്‍ വാ പൊളിച്ചു നില്‍ക്കുന്ന പോലെയാണ് വി ഡി സതീശനെക്കാണുമ്പോള്‍ കോണ്‍ഗ്രസ്സുകാര്‍ നില്‍ക്കുന്നത്. വെറുതെകിട്ടിയ ഇമേജ് അല്ല ഇത്. സതീശന്‍ ഏറെ കഷ്ടപ്പെട്ട് ഉണ്ടാക്കിയെടുത്തതാണ്." തീര്‍ച്ചയായും, വെറുതെ കിട്ടിയ ഇമേജ് അല്ല ഇത്. സതീശന്‍ ഏറെ കഷ്ടപ്പെട്ട് ഉണ്ടാക്കിയെടുത്തതാണ്.
ഓ. ടോ. : ഏഷ്യാനെറ്റില്‍ 'walk with Subaida' അവതരിപ്പിക്കുന്ന സുബൈദ കൊച്ചിയിലെ കമ്യൂണിക്കേഷന്‍ ഇന്‍സ്റ്റിട്യൂട്ടിലെ ട്രെയിനര്‍ ആണത്രേ! കമ്മ്യൂണിക്കേഷന്‍ വൈഭവം വര്‍ധിപ്പിക്കുന്ന കോഴ്സ് ആണ് അവിടെ നടത്തപ്പെടുന്നത്!
ആകെ കൺഫ്യൂഷനിലാണ്.
ReplyDeleteഇപ്പറഞ്ഞ ചാനല് മൊത്തം തുടങ്ങിയാ... ടി.വി. റിമോട്ട് ഒരു ഡെസൻ വാങ്ങിവെക്കാം.
റിപോർട്ടരിലെ ന്യൂസ് ഡെസ്ക്ക് മര്യാദക്ക് വെകുകയാണെങ്കിൽ നികേശിനെ ഉളുക്ക് വരാത്ത നിലയിൽ കാണാമായിരുന്നു.
ഇത്തരം ചര്‍ച്ചകളില്‍ പങ്കെടുക്കുന്ന നേതാക്കള്‍ക്ക് നിര്‍ബന്ധമായും പാര്‍ടികള്‍ ട്രെയിനിംഗ് നല്‍കേണ്ടിയിരിക്കുന്നു..ചിലരുടെ പെര്‍ഫോമന്‍സ് കണ്ടാല്‍ നമുക്ക് അവരോട്‌ സഹതാപം വരും.V.D സതിശന്‍, LDF ന്റെ പാലക്കാട് M.P ആയ രാജേഷ് (രാഗേഷ്‌ - പേര് പിടിയില്ല),P.രാമകൃഷ്ണന്‍, കൂടാതെ BJP യുടെ മുരളി (മെലിഞ്ഞു വെളുത്ത-ഇങ്ങേരുടെയും പേര് ഉറപ്പില്ല)തുടങ്ങിയവര്‍ മാത്രമാണ് ചോദ്യങ്ങള്‍ക്ക് വ്യക്തമായ മറുപടി നല്‍കുന്നവര്‍ (കഴിവുള്ളവര്‍)..കഴിഞ ദിവസം ശിവദാസമേനോന്‍ ഒരു ഏഷ്യാനെറ്റ് ന്യുസ്അവറില്‍ പ്രതികരിക്കുന്നത് കണ്ടപ്പോള്‍ അദ്ധേഹത്തോട് വളരെയധികം സഹതാപം തോന്നി...
ReplyDeleteചാനലുകള്‍ കൂടട്ടെ...നമുക്ക് പൈഡ് ന്യൂസ് എല്ലാ ചാന്നളിലും കൊടുക്കാമല്ലോ ...ബര്‍ക്ക ദത്ത് പോലും കാശ് വാങ്ങി വാര്‍ത്ത കൊടുക്കുന്നു പിന്നെ ഈ ലവന്മാര്‍ ..പാവം ബൂലോക മലയാളികള്‍..ചര്‍ച്ചകള്‍ കൊണ്ട് നടക്കാന്‍ മേള എവിടെയും ഇനി ഏത് ചാന്നല്‍ വെക്കണം എന്നാ ചര്‍ച്ചയും ആവാം എന്തേ .....എന്തായാലും നികേഷ് അവന്‍ ഒരു പുലി ആണേ
ReplyDeleteഅഹോ,ഇനി നികേഷിന്റെ കുറവും കൂടിയേ ഉള്ളു.നികേഷ് പോയ തക്കത്തിന് ബാക്കി ഉള്ളവരെല്ലാം കൂടി ആകെ ഒന്ന് ചവിട്ടി കുഴച്ചതാണ്.നികേഷിനു ഇനി ബാകി അല്ലെ കിട്ടുകയുള്ളൂ.ചാനല് ചര്‍ച്ചയുടെ നിലവാരം കണ്ടാല്‍ തൊഴിക്കാന്‍ തോന്നും. അവരെയല്ല,കണ്ടിരിക്കുന്ന നമ്മളെത്തന്നെ.
ReplyDeleteആ കാണാം. ഇനിയിപ്പോ ഈ ചങ്ങായിന്റെ ഒരു കുറവ് കൂടി എന്തിനാ? നല്ല നിലക്കൊക്കെ പോയാല്‍ മതിയായിരുന്നു.
ReplyDelete"നമ്മള് മലയാളികളെ പടച്ചോന്‍ കാക്കട്ടെ..."
ReplyDeleteപടച്ചോന്‍ കാക്കട്ടെ!!
ReplyDeleteനികേഷിന്റെ മു‌പിൽ ഇരിക്കാൻ പഠിക്കാനായി ഒരു ട്രൈനിംഗ് സ്ഥാപനം ആവശ്യമാണെന്നു തോന്നുന്നു. നികേഷിന്റെ മു‌ൻപിലിരുന്നു വെള്ളം കുടിക്കുന്നതു കാണാൻ ഒരു സുഖമില്ല....
ReplyDeleteശ്ശിരി കാരശേരികുറഞ്ഞിലേന്നൊരു സംശ്യേം..!
ReplyDelete@ ശ്രദ്ധേയന്‍ | shradheyan
ReplyDeleteശരിയായ പരസ്യം വാര്‍ത്തകള്‍ക്കുള്ളിലാണ് ഉള്ളത്. ഊതി വീര്‍പ്പിക്കപ്പെടുന്ന വാര്‍ത്തയും താമസ്കരിക്കപ്പെടുന്ന വാര്‍ത്തയുമാണ്‌ നാം കാണുന്ന യഥാര്‍ത്ഥ പരസ്യങ്ങള്‍ . മറ്റുള്ളവയെ ഉപ്പേരിയും അവിയലും മാത്രമായി കണ്ടാല്‍ മതി.
(നമ്മള് മലയാളികളെ പടച്ചോന്‍ കാക്കട്ടെ.)
ReplyDeleteരാഷ്ട്രീയക്കാര്‍ മാത്രമല്ല ചാനല് സൂപ്പര്‍താരങ്ങളും വിയര്‍ക്കേണ്ടി വരും. കൊള്ളാവുന്നതേ ജനങ്ങള്‍ കാണൂ. എല്ലാരും കൂടി ഒരുപാട് വൈവിധ്യമുള്ള വിഷയങ്ങള്‍ ചര്‍ച്ച ചെയ്യുമെന്ന് പ്രതീക്ഷിക്കുന്നു.
ReplyDeleteഇക്കണ്ട ചാനലുകള്‍ ഒക്കെ വന്നലും നമ്മല്‍ ജിദ്ദക്കാര്‍ക്ക്‌ അതൊന്നും കാണാനുള്ള യോഗം Zain മൊബൈല്‍ നെറ്റ്‌വര്‍ക്കിന്റെ ഒടുക്കത്തെ ടവറുകള്‍ കാരണം ഇല്ലല്ലോ ബഷീര്‍ ...
ReplyDeleteമനുഷ്യേനേ ഈ ടി വീ ഒന്നു നിര്‍ത്തി വച്ച് ജോലിക്കു പൊയ്ക്കൂടെ എന്ന എന്റെ വാമഭാഗ്ത്തിന്റെ നിലവിളി കേട്ട് ആഴ്ചയില്‍ 3 ദിവസമെങ്കിലും ഞാന്‍ ജോലി ചെയ്യാരുണ്ടായിരുന്നു.... അതും കൂടി ഇല്ലാണ്ടാക്കുമോ കോയാ.....!
ReplyDelete@ വിനുവേട്ടന്‍
ReplyDeleteഅതെ, ജിദ്ദയില്‍ പല ചാനലുകളും ശരിക്ക് കിട്ടുന്നില്ല. ഒരു കണക്കിന് അതൊരു അനുഗ്രഹമാണ് താനും.. (lol...)
ഇതൊക്കെയാണേലും തല്‍സമയവാര്‍ത്തക്കും ഇത്തരം വാര്‍ത്തചാനലുകള്‍ക്കും മലയാളികളുടെ ഇടയില്‍ പ്രചാരം നേടിയതു നികേഷ്കുമാറിനെ പോലുള്ളവരുടെ അവതരണരീതിതന്നെയാണ്.
ReplyDeleteദൈവാധീനം കൊണ്ട് ഇവിടെ ഒരൊറ്റ മലയാളം ചാനലും കിട്ടുന്നില്ല
ReplyDeleteവരട്ടെ.. കണ്ടു നോക്കാലോ..ഒരു ചാനൽ കൂടി വന്നെന്നു വെചു ഇപ്പൊൾ നടക്കുന്നതിനേക്കാൾ മെച്ചമുണ്ടാവില്ലെന്നാരു കണ്ടു. ഇല്ലെങ്കിൽ അവിടെ ജോലി ചെയ്യുന്നവരെങ്കിലും ജീവിച്ചു പോകുമല്ലൊ.. സൗദിക്കരുടെ ഒരസൂയ നോക്കണെ..
ReplyDeleteഅദ്ദേഹം വരട്ടെ...പുതിയ കഥകളൊക്കെ മെനയട്ടെ..
ReplyDeleteഇവനെ ഒക്കെ കടത്തി വെട്ടുന്ന ആളായിരുന്നു രാജ്‌ മോഹന്‍ ഉണ്ണിത്താന്‍ ആ പെണ്ണു കേസില്ലായിരുന്നെങ്കില്‍ അദ്ദേഹത്തിനു സീറ്റും കിട്ടിയേനേ, എന്തു ചെയ്യാം ശബരി മല അയ്യപ്പന്‍ ചതിച്ചു,
ReplyDeleteഅയ്യപ്പനെ തൊഴുതു വ്റതം മുറിക്കാന്‍ സ്വന്തം ഭാര്യയെ കളഞ്ഞു കീപ്പിനെ കൊണ്ടു പോയത് മാളികപ്പുറത്തെ മാത്റം നോക്കി ആദറ്‍ശവാനായി കഴിയുന്ന അയ്യപ്പ സ്വാമിക്ക്‌ പിടിച്ചില്ല പണീ അപ്പോള്‍ കൊടുത്തു, തന്ത്റിക്കും ഇതേ പോലെ പണി കിട്ടി,
എന്നാലും സീ പീ എം കാരുടെ കള്ളത്തരങ്ങള്‍ക്കു അതേ നാണയത്തില്‍ തിരിച്ചടിക്കാന്‍ രാജ്‌ മോഹന്‍ ഉണ്ണിത്താന്‍ കഴിഞ്ഞേയുള്ളു വേറെ ആരും
This comment has been removed by the author.
ReplyDeleteThe Reporter എന്നാ നികേഷ് കുമാറിന്റെ ടി.വി. ചാനല് വരുന്നു എന്നത് കൊണ്ട് മറ്റാര്‍ക്കും Reporter എന്ന് പറയാനോ ആ പേരില്‍ ഫേസ് ബുക്കില്‍ ഒരു അക്കൌന്റ് തുടങ്ങാനോ പാടില്ലേ? താഴെ യുള്ളത് ഒന്ന് നോക്കൂ ....
ReplyDeleteഫേസ് ബുക്കില്‍ മേരി ലില്ലി തുടങ്ങിയ Reporter എന്ന ഗ്രൂപ്പ് നികേഷ് കുമാര്‍ രണ്ടു പ്രാവശ്യം ക്യാന്‍സല്‍ ചെയ്യിച്ചു. രണ്ടു പ്രാവശ്യവും ഗ്രൂപ്പ് പൂട്ടിച്ചത് നികേഷ് കുമാര്‍ ആണെന്ന് ഫേസ് ബുക്ക് തന്നെയാണ് അവരെ അറിയിച്ചത്. മേരി ലില്ലി ആളെ പറയാതെ ആ ഗ്രൂപ്പ് പൂട്ടിച്ചതിനെപ്പറ്റി പറഞ്ഞപ്പോള്‍ എല്ലാവരും ആളെ വെളിപ്പെടുത്താന്‍ ആവശ്യപ്പെട്ടപ്പോള്‍ ആണ് അവര്‍ താഴെ കാണുന്ന വിവരം ഗ്രൂപ്പില്‍ ഇട്ടത് !
"from The Facebook Team
reply-to The Facebook Team
date Fri, Mar 18, 2011 at 4:06 AM
subject Re: REPORTER GROUP
...mailed-by support.facebook.com
signed-by support.facebook.com
hide details 4:06 AM (16 hours ago)
Hi Mary,
Thanks for your email. As you know, we received a claim of alleged rights infringement regarding the removed content. Per Facebook's Statement of Rights and Responsibilities, users are prohibited from posting infringing content on the site.
If you believe that we have made a mistake in removing this content, then please contact the complaining party directly with the following information to resolve your issue:
Notice #: [255146448]
Contact Information:
Name - [Nikesh Kumar]
Email - [thereportertv@ymail.com]
If both parties agree to restore the reported content, please ask the complaining party to contact us via email with a copy of the agreement so that we can refer to the original issue. We will not be able to restore this content to Facebook unless we receive explicit notice of consent from the complaining party.
Thanks for contacting Facebook,
Johanna
User Operations
Facebook
ഫേസ് ബുക്കില്‍ റിപ്പോര്‍ട്ടര്‍ ഗ്രൂപ്പ് പോലും ഭയപ്പെടുന്ന നികേഷ് കുമാറിന് എങ്ങിനെയാണ് കാക്കത്തൊള്ളായിരം ചാനലുകള്‍ക്കിടയില്‍ പിടിച്ചു നില്‍ക്കാനാവുക? എന്തായാലും അദ്ദേഹം ചെയ്തത് ശരിയായില്ല എന്ന് പറയാന്‍ സാന്ദര്‍ഭികമായി ഇവിടെ സൂചിപ്പിച്ചു എന്ന് മാത്രം.
സിന്ദു ജോയിയുടെ വാര്‍ത്ത ടീവിയില്‍ സ്ക്രോള്‍ ചെയ്തു തുടങ്ങിയപ്പോള്‍ തന്നെ ബഷീര്ക യുടെ ബ്ലോഗും വന്നു. വെറുതെയല്ല സൂപര്‍ ബ്ലോഗര്‍ എന്ന് എല്ലാവരും വിളിക്കുന്നത്‌.
ReplyDeleteഎന്നാലും ഒരു ദിവസം രണ്ടു പോസ്റ്റ് വല്ലാതെ ഒവരാന് ബഷീര്ക. ഞങ്ങള്‍ക്ക് കമന്റ് എഴുതാനുള്ള സാവകാശമെങ്കിലും തരണം.
@ Samed Karadan
ReplyDeleteഇതൊരു പുതിയ വിവരമാണ്. ഇവിടെ പങ്കു വെച്ചതിനു നന്ദി. നികേഷ് ഇത്ര വലിയ പേടിത്തൊണ്ടന്‍ ആണെന്ന് കരുതിയില്ല. ഫേസ്ബുക്കിലെ ഒരു ഗ്രൂപ്പ് കൊണ്ട് തെറിക്കുന്നതാണ് ഇവന്റെയൊക്കെ മൂക്കെങ്കില്‍ ഇവന് വേണ്ടി ബ്ലോഗ്‌ എഴുതി സമയം കളഞ്ഞ എന്നെ വേണം ചവിട്ടാന്‍. മേരി ലില്ലിക്കു എന്റെ ഐക്യദാര്‍ഡ്യം അറിയിക്കണം. (ഒബാമയെ വിളിക്കണമെങ്കില്‍ ഞാന്‍ വിളിക്കാം. )
ഓരോ പാര്‍ട്ടിക്കും ഓരോ സംഘടയ്ക്കും വേണം ഓരോരോ ചാനല് ... അങ്ങിനെ ആവുമ്പോള്‍ പ്രേക്ഷകര്‍ക്കും മനസ്സിലാവും അല്പം കാര്യങ്ങള്‍ .. ചുരുങ്ങിയ പക്ഷം എന്താണ് നിഷ്പക്ഷത എന്നത് ... ചുരുക്കി പറഞ്ഞാല്‍ ജനങ്ങള്‍ക്കിടയില്‍ ആളാവാന്‍ ചാനലില്‍ സ്ഥിരമായി മുഖം കാണിച്ചാല്‍ മതി എന്നായിരിക്കുന്നു കാര്യങ്ങള്‍ ...
ReplyDelete@ വഴിപോക്കന്‍ , വിനുവേട്ടന്‍
ReplyDeleteTry with " sundirect "
This comment has been removed by the author.
ReplyDeleteനികേഷിന്റെ റിപ്പോര്‍ട്ടര്‍ ചാനലില്‍ ബഷീര്‍ വള്ളിക്കുന്നിന്‌ അവസരം വേണോ
ReplyDeleteWhatever you people say,Nikesh is the final word of malayalam News Presenters.Let us see who will be the front runner of next Election counting day!Nikesh and Venu Balakrishnan joined hands together to give d rapport of election counting.So,all critics of reporter tv,just tune to Reporter on May 13 and experience the change..!!
ReplyDeleteഎന്തോ ഏത്
ReplyDeleteറിപോറ്ട്ടറോ നമ്മുടെ നികേഷ് മോനേ, അവനൊന്നും നന്നാവുലാ. പാലു വെള്ളവും കോടുത്ത നമ്മള് വളര്‍ത്തി വിട്ടതാ അവനെ അവനെ ഇപ്പോ നമുക്ക് തന്നെ പാര
ഹും എന്നാലും അവന്‍ വലിയ പുള്ളിയായല്ലോ അതു മതി
നമ്മുടെ വീടിന്റെ വതില് മലര്‍ക്കെ തുറന്നിടിരികല്ലേ എന്നെങ്കിലും അവന്‍ വരും
ഇനി ഒരു 2 ദിവസം കൂടി ആ "വിധി" വരുന്നതു വരെ സ്വൈര്യം തരില്ല അല്ലേ??
ReplyDeleteറിപ്പോർട്ടർ ഒരു കലക്ക് കലക്കട്ടെ.. തെരഞ്ഞെടുപ്പ് ഫല പ്രഖ്യാപന ശൈലിയിലെ നികേഷ് ടച്ച് നമുക്ക് ആസ്വദിക്കാം...
:)
ReplyDeleteനികേഷ് സാറെ "ഫെയ്സ് ബുക്ക് റിപ്പോര്‍ട്ടര്‍" പൂട്ടിചത് നന്നായില്ല ട്ടാ...
ReplyDeleteI don't quite agree to the first part of the article. There are quite a few prominent journalists who had adjudged to acquire majority share in the company such as Rajdeep Sardesai
ReplyDeleteറിസള്‍ട്ട്‌ ഏതായാലും അടുത്തല്ലോ ... മനോരമയെ പേടിക്കണം ... എല്ലാ രേപ്പോര്‍തുകള്‍ക്കും എതിരായി പറയാന്‍ അദ്ദേഹം അങ്ങോട്ട്‌ തന്നെയാണോ പോയത്...
ReplyDeleteപുതിയ ചാനെല്‍ എത്തി, ഇനിയും വരന്‍ ഇരിക്കുന്നു, ആരെക്കെന്കിലും സാധാരണ ഒരു ചാനലിന്റെ വരവ് ചെലവ് കണക്കുകലെപറ്റി ഒരു എഇഡിയ ഉണ്ടെങ്കില്‍ പങ്കുവയ്കുമോ വെറുതെ അറിയാനാ ..
ReplyDelete" റിപ്പോര്‍ട്ടര്‍ ടി വിയുടെ അന്‍പത്തിരണ്ടു ശതമാനം ഷെയര്‍ നികേഷിന്റെതാണ് ( ആര് കൊടുത്തതായാലും!!). "................ വിയര്‍പ്പോഹരി ആണോ? :-)
ReplyDeleteനുണപറയാത്ത ചാനലൊന്നെങ്കിലും
ReplyDeleteചാനൽമത്സരം മുറുകുമ്പോൾ പരസ്യങ്ങൾ വാർത്തകളാവും. ഒപ്പം കൃത്രിമമായി എക്സ്‍ക്ലൂസീവ് വാർത്തകളും സൃഷ്ടിക്കപ്പെടും...
ReplyDeletehttp://www.doolnews.com/reporter-chief-nikeshkumar-interview-554.html
ReplyDeleteഇനി ഇപ്പം ഏത് കൊമ്പന്‍ വന്നാലെന്താ? ഈ കുഞ്ഞാലികുട്ടിയും മാനിച്ച്ചനും ചെന്നിത്തലയും നാട് ഭരിക്കുന്നടത്തോളം കാലം ഏത് രിപ്പോര്ട്ടര്‍ക്കും ചുമ്മാ കിടന്നു കൂവാന്നല്ലാതെ എന്ത് ചെയ്യാന്‍ പറ്റും? യു.കെ. പ്രവാസിയായ ജോര്‍ജ് ജേക്കബ് കാശ് മുടക്കി തുടങ്ങുന്ന റിപ്പോര്‍ട്ടര്‍, രണ്ടു വര്ഷം പിടിച്ചു നിന്നാല്‍ ഭാഗ്യം! നികെഷിനു പറഞ്ഞത് തന്നെ പറഞ്ഞുകൊണ്ടിരിക്കാം. കേരളം നന്നാവനന്കി വേറെ വല്ലതും സംഭവിക്കണം .
ReplyDeleteയു.കെ പ്രവാസി ജേക്കബ് ജോര്‍ജ് അല്ല.
ReplyDeleteജോബീ ജോര്‍ജ് ആണ് റിപ്പോര്ട്ടരിന്റെ ഡയരക്ടര്‍. അദ്ദേഹം തിരഞ്ഞെടുപ്പ് ദിവസം മാണി സാറിന്റെ പാലായിലെ വീട്ടില്‍ ചെന്ന് കണ്ടു നമസ്കരിച്ചു തൊഴുതു. ഇങ്ങനെയൊക്കെയാണ് തുടക്കം. നികേഷ് എന്തറിയുന്നു വിഭോ?
ആട്ടിന്കുട്ടികളെ തമ്മില്‍ തല്ലിക്കാന്‍ ഒരു ചെന്നായ് കൂടി.....
ReplyDeleteThis comment has been removed by the author.
ReplyDeleteഎല്ലാവര്ക്കും നികേഷ് കുമാറിനോട് അസൂയയാണ്
ReplyDelete@ബഷീറിക്ക,സമദ് കാരക്കാടന്‍.....,
ReplyDeleteഫേസ്ബുക്കിലെ കാര്യം ഇങ്ങനെ നെഗറ്റിവ് ആയി കാണേണ്ടതില്ല എന്നാണ് എന്റെ അഭിപ്രായം... കാരണം... റെജിസ്റ്റ്ര്‍ ചെയ്ത ബ്രാന്‍ഡ് ആണ് റിപോര്‍ട്ടര്‍ എന്നത് ...കൂടാതെ പ്രശസ്തവും......, ആ നിലക്ക് അതേ പേരിലെ ഫേസ്ബുക്ക് ഗ്രൂപ്പ് ഒരേ സമയം തെറ്റിദ്ധാരണ യും ദുരുപയോഗവും ചെയ്യപ്പെടാം....അതുകൊണ്ടു ഈ കാര്യത്തില്‍ മാത്രം എനിക്കു മേരി ലിലി യോട് അനുഭാവം ഇല്ല സഹതാപം മാത്രം....(even she does 'nt need one from me ...)