November 15, 2009

ഇന്ത്യാവിഷന്‍: ഇപ്പോള്‍ ചിരിക്കുന്നത് കുഞ്ഞാലിക്കുട്ടി

"ഇന്ത്യാവിഷന്‍, റജീന സംഭവത്തോടെ ശരാശരി മുസ്‌ലിമിന് ഹറാമായി, കുഞ്ഞാലിക്കുട്ടിയോട് ചെയ്ത കടുംകൈ മാത്രമായിരുന്നില്ല ആ തത്സമയ പ്രക്ഷേപണം. എട്ടും പൊട്ടും തിരിയാത്ത നിരക്ഷര ന്യൂനപക്ഷ വനിത, ഒരു പ്രത്യേക സാഹചര്യത്തില്‍ 'വെളിപ്പെടുത്താന്‍' ആഗ്രഹിച്ചാലും അത് വിശ്വമാകെ കൊട്ടിഘോഷിക്കാന്‍ മാത്രം എന്താണതിലുണ്ടായിരുന്നത് നവ മലയാള തലമുറയ്ക്ക് ഗുണപാഠം നല്‍കാന്‍ ?. അശ്ലീലമായിരുന്നു, ഇന്ത്യാവിഷന്‍ സാങ്കേതിക മികവോടെ മറ്റു ചാനലുകളെ തോല്‍പ്പിച്ച് നടത്തിയ ആ റിയാലിറ്റി ഷോ. 'നിര്‍ത്തൂ, നികേഷ്‌ പേക്കൂത്ത്' എന്ന് ഡോ: എം കെ മുനീര്‍ വിളിച്ചു പറയുന്നതിന് പകരം 'ന്യൂസ്‌ ടീമിന് കൊടുത്ത വാക്ക് പാലിച്ചു' എന്ന് പറയുന്നത് എന്നെ ഞെട്ടിപ്പിക്കുന്നു". വാക്കുകള്‍ എന്റേതല്ല, ഡോ മുനീറിന് മറുപടിയുമായി മാതൃഭൂമി വാരികയില്‍ (ലക്കം ഒക്ടോ 25-31) അവതരിച്ച കെ പി നിര്‍മല്‍ കുമാറിന്റെതാണ് . മുനീര്‍ എഴുതിയ ലേഖനം വായിച്ചിട്ടില്ലാത്തവര്‍ ഇവിടെ ക്ലിക്കുക


റജീന സംഭവത്തോടെ ഇന്ത്യാവിഷന്‍ ശരാശരി മുസ്‌ലിമിന് ഹറാമായിഎന്ന് ഫത്‌വ നല്‍കാന്‍ നിര്മലിനെ  പ്രേരിപ്പിച്ച വികാരം എന്ത് എന്നറിയില്ല.  നിര്‍മല്‍ പറയുന്ന പോലെ റജീന എട്ടും പൊട്ടും തിരിയാത്ത വനിതയാണോ അതോ എട്ടുനിലയില്‍ പൊട്ടുന്ന  വെടിമരുന്നാണോ എന്ന് തര്‍ക്കിക്കാനും ഞാനില്ല. തര്‍ക്കിക്കാനാണെങ്കില്‍ വേണ്ടത്ര വകകള്‍ നിര്മലിന്റെ വിശകലനത്തില്‍ ഉണ്ട്. 'റജീനയുടെ പുലമ്പല്‍' (പ്രയോഗം ഡോ: മുനീറിന്റെത് ) ഇന്ത്യാവിഷനില്‍ ലൈവായി വരുമ്പോള്‍  "നിര്‍ത്തൂ, നികേഷ്‌ ഈ പേക്കൂത്ത്'" എന്ന് വിളിച്ചു പറയാനുള്ള തന്റേടം മുനീറിനില്ലാതെ പോയി എന്ന് നിര്‍മല്‍ പറയുന്നതില്‍ അല്പം കാര്യമുണ്ട്. ഇത് പ്രേക്ഷകന്റെ കണ്ണീരാണ് എന്ന തലക്കെട്ടില്‍ നിര്‍മല്‍ ഒഴുക്കുന്നത് അധികവും മുതലക്കണ്ണീര്‍ ആണെങ്കിലും ഈ ഒരു വാദത്തോട് യോജിക്കാതെ വയ്യ.

പൊതു ജനങ്ങളില്‍ നിന്നും പണം പിരിച്ചു സ്വന്തം ജാമ്യത്തില്‍ ഒരു ചാനലോ പത്രമോ നടത്തുന്ന ഏതൊരാളുടെയും പ്രഥമവും പ്രധാനവുമായ ശ്രദ്ധ അവയില്‍ എന്ത് വരുന്നു എന്നതില്‍ തന്നെയാവണം. പണം കൊടുത്ത ജനങ്ങളുടെ ശ്രദ്ധ അതിലായിരിക്കും. ചാനലില്‍ എന്ത് വേണ്ടാതീനം വന്നാലും ഞാന്‍ നിഷ്പക്ഷനായി നിന്ന് കൊള്ളാം എന്നൊരാള്‍ വാക്ക് കൊടുത്താല്‍ അതിലേറെ അബദ്ധം മറ്റൊന്നില്ല. പണം നല്‍കിയത് നികേഷിനെ വിശ്വസിച്ചല്ല, ഡോ മുനീറിന്റെ വ്യക്തി പ്രഭാവത്തില്‍ വിശ്വസിച്ചാണ് എന്ന് പറയുന്നവരായിരിക്കും കൂടുതലും.  ഇന്ത്യാവിഷനെ ഒരു ലീഗ് ചാനലായി മാറ്റിയില്ല എന്നത് ഡോ മുനീര്‍ ചെയ്ത ഏറ്റവും നല്ല കാര്യമായി ഞാന്‍ കാണുന്നു. എന്നാല്‍ വാര്‍ത്താ സംഘത്തെ കയറൂരി വിട്ടത് ‍ അബദ്ധമല്ലേ എന്ന് ചോദിച്ചാല്‍ അതെ എന്ന് പറയാനേ കഴിയൂ.

മുനീര്‍ സാഹിബ്‌ ഇങ്ങനെയൊരു ലേഖനവുമായി മാതൃഭൂമിയില്‍ പ്രത്യക്ഷപ്പെട്ടപ്പോള്‍ തന്നെ ഇത് വേണ്ടിയിരുന്നുവോ എന്ന് പലരും നെറ്റിചുളിച്ചതാണ്. കുഞ്ഞുകുട്ടി പരാധീനതകളില്‍ തപ്പിത്തടഞ്ഞ് ചാനല്‍ ഒരു വിധം മുന്നോട്ട് പോകുമ്പോള്‍ വെറുതെയൊരു വയ്യാവേലി തലയില്‍ കയറ്റുകയാണ് ഡോക്ടര്‍ ചെയ്തത്. കെ പി നിര്‍മല്‍ കുമാറിനെപ്പോലുള്ള നിരവധി പേരുടെ ചോദ്യങ്ങള്‍ക്ക് മറുപടി പറഞ്ഞു കുഴങ്ങേണ്ട ഗതികേടിലാണ് കേരള രാഷ്ട്രീയത്തിലെ ഇതിഹാസ പുരുഷനായ സീ എച്ചിന്റെ പ്രിയ പുത്രന്‍.

നിര്‍മല്‍ കുമാറിന് നികേഷിനോട്  എന്തോ വ്യക്തിവൈരാഗ്യം ഉണ്ടെന്നു തോന്നുന്നു. നികേഷിനെ ഇടിച്ചു താഴ്ത്താന്‍ വേണ്ടി ഇന്ത്യാവിഷനിലെ കെ ആര്‍ ഗോപീകൃഷ്ണനെ വേണ്ടത്ര പുകഴ്തുന്നുണ്ട് നിര്‍മല്‍. രാഷ്ട്രീയ നേതാക്കളെ ഇരുത്തിപ്പൊരിക്കുകയാണ് നികേഷ്‌ ചെയ്യുന്നത് എന്നാണു നിര്മലിന്റെ പക്ഷം. ആ ഇരുത്തിപ്പൊരിയാണ് അവരുടെ റേറ്റിംഗ് കൂട്ടിയത് എന്ന കാര്യം നിര്‍മല്‍ മറച്ചു വെക്കുന്നു. ഹസന്‍ ചേളാരി മുനീറിന്റെ ഉമ്മയെയും പെങ്ങളെയും മുന്‍നിരയില്‍ നിന്ന് പിടിച്ചെഴുനേല്പിച്ചതിനെ ന്യായീകരിക്കാന്‍ ശ്രമിക്കുന്ന  നിര്‍മല്‍ ഇന്ത്യാവിഷന്റെ ചടങ്ങില്‍ മുനീറിന്റെ കുടുംബക്കാര്‍ സംഘാടകര്‍ ആണെന്നാണ്‌ പറയുന്നത്. മുനീറിന് പകരം മുനീറിന്റെ കുടുംബക്കാരെ സംഘാടകര്‍ ആക്കി സ്വയം തരാം താഴുകയാണ് നിര്‍മല്‍. എം ടി യുടെ കൂടെ കൂടിയിട്ടു മുനീറിന് എന്ത് നേട്ടമുണ്ടായി എന്ന വില കുറഞ്ഞ മറ്റൊരു ചോദ്യവും നിര്‍മല്‍ ഉയര്‍ത്തുന്നുണ്ട്.

ഇത് പ്രേക്ഷകന്റെ കണ്ണീരാണ് എന്ന ടൈറ്റിലിന് നേരെ ചിന്താവിഷ്ടനായിരിക്കുന്ന കുഞ്ഞാലിക്കുട്ടിയുടെ ചിത്രമാണ് മാതൃഭൂമി നല്‍കിയിരിക്കുന്നത്. ചിരിച്ചു കൊണ്ട് നില്‍ക്കുന്ന കുഞ്ഞാലിക്കുട്ടിയുടെ ചിത്രമായിരുന്നു അവര്‍ നല്‍കേണ്ടിയിരുന്നത്. റെജീന എപ്പിസോഡിന്റെ സത്യാസത്യങ്ങള്‍ എന്തായാലും അത് പുറത്തു വിട്ട മാധ്യമങ്ങള്‍ക്ക് നേരെ തികച്ചും മാന്യമായ ഒരു സമീപനമാണ്  കുഞ്ഞാലിക്കുട്ടിയില്‍ നിന്നുണ്ടായത്. മാധ്യമ പ്രവര്‍ത്തകര്‍ (?) തലയിലേക്ക് കരിങ്കൊടി എറിഞ്ഞപ്പോള്‍ പോലും വികാരപരമായി പ്രതികരിക്കാതെ അദ്ദേഹം മിതത്വം പാലിച്ചു. ഈ വിവാദങ്ങള്‍ക്കിടയിലും  മുനീറുമായി സൗഹൃദം നിലനിര്‍ത്തി. മാധ്യമങ്ങള്‍ക്കെതിരെ ഉറഞ്ഞുതുള്ളിയില്ല. (ലാവ്ലിന്‍ കേസ് വന്നപ്പോഴുള്ള പിണറായിയുടെ പ്രതികരണങ്ങള്‍ ഓര്‍ക്കുക)

ഇന്ത്യാവിഷനില്‍ റെജീന അറ്റം ബോംബ് പൊട്ടിച്ചപ്പോള്‍ കുഞ്ഞാലിക്കുട്ടി മക്കയില്‍ ഉംറ നിര്‍വഹിക്കുകയായിരുന്നു. ഉംറ നിര്‍വഹിച്ചു ജിദ്ദയിലെത്തിയ അദ്ദേഹത്തെ ആദ്യമായി അഭിമുഖം നടത്താനുള്ള അവസരം എനിക്കാണ് ലഭിച്ചത്. വിളറി വെളുത്ത ഒരു കുഞ്ഞാലിക്കുട്ടിയെ പ്രതീക്ഷിച്ചു ജിദ്ദയിലെ ഹോട്ടല്‍ മുറിയിലേക്ക് കയറിയ ഞാന്‍ കണ്ടത് സുസ്മേര വദനനായിയിരിക്കുന്ന ഒരു നേതാവിനെയാണ്. ചോദ്യങ്ങള്‍ക്കൊക്കെ വളരെ മാന്യവും അക്ഷോഭ്യവുമായ പ്രതികരണങ്ങള്‍.. ആ ഒരു വാര്‍ത്തയുടെ പേരില്‍  വര്‍ഷങ്ങള്‍ക്കു ശേഷം ഡോ: മുനീര്‍ വ്യാകുലപ്പെട്ടു ലേഖനം എഴുതുമ്പോഴും ചിരിച്ചു കൊണ്ടിരിക്കുന്നത് പീ കെ കുഞ്ഞാലിക്കുട്ടിയാണ്.

മ്യാവൂ: ഹസ്സന്‍ ചേളാരിയുടെ വിമര്‍ശന ശരങ്ങളുമായി മാതൃഭൂമിയുടെ പുതിയ ലക്കം ഇറങ്ങിക്കഴിഞ്ഞു. പൂരം തുടങ്ങുന്നതേയുള്ളൂ.. 
For Latest Story Pls click here ഇന്ത്യാവിഷന്‍ : വില്ലന്‍ നായകനായി മാറി

25 comments:

  1. ഹസ്സന്‍ ചേളാരിയുടെ മുനീറിന് നേരെയുള്ള അറ്റാക്ക് വായിച്ചു സ്തംഭിച്ചിരിക്കുകയാണ് ഞാന്‍. അതിനെക്കുറിച്ച് കൂടി എഴുതാനുള്ള കരുത്ത് എനിക്കില്ല.

    ReplyDelete
  2. ethaayaalum maathrubhoomikk kolaayi

    ReplyDelete
  3. ഇത്രയും എഴുതിയ സ്ഥിതിക്ക് ഹസന്‍ ചെലരിയുടെ അറ്റാക്കിനെക്കുറിച്ചും എഴുതണം. അല്ലെങ്കില്‍ നിങ്ങള്‍ പക്ഷം പിടിക്കുകയാനെന്ന്നു ഞങ്ങള്‍ പറയും. വായിക്കാനായി കാത്തിരിക്കുന്നു.

    ReplyDelete
  4. ബഷീര്‍ എഴുതിയ ഒരു കാര്യം ഞാന്‍ അംഗീകരിക്കുന്നു. ജിദ്ദയില്‍ വന്നു കാശ് പിരിച്ചെടുത്ത മുനീര്‍ സഹിബിന്നും ഹസ്സന്‍ ചേളാരിക്കും ചാനലിന്നു കാശ് മുടക്കിയവരുടെ വികാരം വ്രെനപ്പെടുതത്തെ നോക്കേണ്ട കടമ ഉണ്ടായിരുന്നു. നികേഷ്‌ കുമാറിനെ മുഴുവന്‍ ഏല്പിച്ചത് ശരിയായില്ല. ചെയര്‍മാന് കണ്ട്രോള്‍ വേണമായിരുന്നു.

    ReplyDelete
  5. നികേഷിനെ എല്ലാം ഏല്‍പിച്ചു എന്നത് വിശ്വസിക്കാന്‍ പ്രയാസമുണ്ട്
    ശിഘണ്ടിയെ മുന്‍നിര്‍ത്തി അര്‍ജുനന്‍ യുദ്ധം നയിച്ചത് പോലെ ഈ കഥയിലും ഒരു അര്‍ജുനന്‍ ഇല്ലേ ?
    ഒരു പിന്‍സീറ്റ്‌ ഡ്രൈവര്‍. ? ഒരസ്ഥമയം കൊണ്ട് പകല്‍ അവസാനിച്ചില്ലെന്ന് ബോധ്യമായപ്പോള്‍ പതിയെ പുറത്തു വന്നു കോടാലിയെ കുറ്റം പറയുന്ന മരംവെട്ടുകാരനെ മുനീറിന്റെ ലേഖനത്തില്‍ കാണാം !

    ബഷീര്‍
    ഹസ്സന്‍ ചെളാരിയുടെ ലേഖനം കൂടി കൊടുത്തു നിഷ്പക്ഷത പാലിക്കൂ. നികമനങളില്‍ എത്തേണ്ടത് വായനക്കാരല്ലേ ....
    ആനുകാലിക വിഷയങ്ങള്‍ ചര്‍ച്ച ചെയ്യുന്നു എന്നത് കൊണ്ടാണ് ഈ ബ്ലോഗ്‌ ശ്രദ്ധേയ മാകുന്നത്.

    .

    ReplyDelete
  6. "സത്യം ജയിക്കും അതിന്‍റെ ശത്രുക്കള്‍ എത്ര വലുതാണെങ്കിലും "
    നന്‍മകള്‍ നേരുന്നു
    നന്ദന

    ReplyDelete
  7. കെ. പി. നിര്‍മല്‍കുമാറിനെപ്പോലെ ഇന്ത്യാവിഷനില്‍ കുഞ്ഞാലിക്കുട്ടി- റെജീന വാര്‍ത്ത വന്നതില്‍ ബഷീറിനെപ്പോലുള്ളവരും കുറ്റപ്പെടുത്തുന്നത് അത്ഭുതകരം തന്നെ. സാങ്കേതിക മേന്മകൊണ്ടു മാത്രമാണ് അത് ഇന്ത്യാവിഷനില്‍ ആദ്യം വന്നതെന്ന് മുനീര്‍ പറഞ്ഞത് ആരും ശ്രദ്ധിച്ചില്ലെന്നു തോന്നുന്നു. രാഷ്ട്രീയത്തിന് രാജ്യത്തേക്കാള്‍ പ്രാധാന്യം നല്‍കുന്ന കേരളത്തിലെ മാധ്യമങ്ങളില്‍ നിന്ന് ഒരു വാര്‍ത്തയും പൂഴ്ത്തിവെയ്ക്കാനാവില്ലെന്ന് കുശാഗ്രബുദ്ധിയുള്ള മുനീറിന് തിരിച്ചറിയാനായത് ബൂജിയെന്നു സ്വയം നടിക്കുന്ന നിര്‍മല്‍ക്കുമാറിനിപ്പോഴും തിരിച്ചറിയാന്‍ കഴിയുന്നില്ല!. അദ്ദേഹം ഓരോ ചാനലിനും ഓരോ മതത്തിന്റെ ലേബലും ഒട്ടിച്ചുകൊടുത്തിരിക്കുന്നത് കണ്ടു വായനക്കാര്‍ ഞെട്ടുകയും ചെയ്യുന്നു. സാസ്‌കാരിക കേരളത്തിലെ സാസ്‌കാരിക നായകന്മാരുടെ പുറംപൂച്ചുകള്‍ പുറത്തുചാടുന്ന ഒരോ വഴിയേ................

    ReplyDelete
  8. മുനീര്‍ തന്നെ ലേഖനത്തില്‍ പറയുന്നു. ഏഷ്യാനെറ്റിലെ റിപോര്‍ടറായ ദീപയുടെ അടുത്തായിരുന്നു റജീന ആദ്യം എത്തിയതെന്നും അവര്‍ മറ്റു ചാനലുകളെ വിളിച്ചുകൂട്ടുകയായിരുന്നു എന്നും. ഉടന്‍ റജീനയെ റാന്ജിയെടുത്തു ലോക്കറില്‍ വെച്ച് അതൊരു exclusive news ആക്കാതെ വാര്‍ത്തയുടെ ആധികാരികതയില്‍ സംശയിച്ചു ഏഷ്യാനെറ്റ്‌ ഈ വാര്‍ത്ത തിരസ്കരിക്കുക യായിരുന്നു. വാര്‍ത്തയുടെ സത്യസന്തത ബോധ്യപെട്ടിരുന്നെന്കില്‍ ഈ സുവര്‍ണാവസരം ഏഷ്യാനെറ്റ്‌ വെറുതെ കളയുമായിരുന്നു ?. 60 ല്‍പരം തവണയാണ് ഇടവേളകളില്ലാതെ ഈ വാര്‍ത്ത India Vision ആദ്യ ദിവസം സംപ്രേഷണം ചെയ്തത്. കുശാഗ്ര ബുദ്ധി തന്നെ.? ഒടുവില്‍ മറ്റു ചാനലുകള്‍ വാര്‍ത്ത കൊടുക്കാന്‍ നിര്‍ബന്തിതരാകുകയായിരുന്നു എന്നതാണ് സത്യം.

    ReplyDelete
  9. ഏഷ്യനെറ്റ് മുക്കിയ വാര്‍ത്തയാണ്‌ ഇന്ത്യാവിഷന്‍ നല്കിയത്. പിന്നെ ഈ നിര്‍മ്മല്‍ കുമാര്‍ ഇന്ത്യാവിഷന്‍ കാണുന്നുണ്ടോ എന്ന് തന്നെ എനിക്ക് സംശയമുണ്ട് അല്ലെങ്കില്‍ ഭഗതും ഗോപീകൃഷ്ണനുമൊക്കെ നികേഷിലും മികച്ചവരാണ്‌ എന്ന് പറയില്ലായിരുന്നു. ഒന്നുമെല്ലെങ്കിലും ഈ രണ്ട് മഹാന്മാരെക്കാള്‍ ചരിത്ര ബോധമെങ്കിലും നികേഷിനുണ്ട് എന്നത് യഥാര്‍ത്ഥ്യം.
    പിന്നെ ഹസന്‍ ചേളാരിയുടെ ലേഖനം ഇടാതിരിക്കുന്നത് പക്ഷപാതം മാത്രമല്ല ഇതുവരെ ഇത് വായിച്ചിരുന്നവരോടുള്ള വന്‍ചനയുമാണ്‌

    ReplyDelete
  10. മുസ്ലിം ലീഗിലെ രണ്ടു നേതാക്കന്മാരെ തമ്മില്‍ തല്ലിച്ച് ചോര കുടിക്കുന്ന ചെന്നായ ആയി മാറി ഇരിക്കുകയാണ് മാതൃഭൂമി ! ഇതിന്റെ പിന്നില്‍ വീരേന്ദ്ര കുമാറിന് ചെറിയ ഒരു രാഷ്ട്രീയ ലക്‌ഷ്യം ഉണ്ടോ എന്ന് സംശയിക്കേണ്ടിയിരിക്കുന്നു ....യു ഡി എഫിലെ രണ്ടാമത്തെ വലിയ രാഷ്ട്രീയ കക്ഷി ആയ ലീഗിനെ തമ്മില്‍ തല്ലിച്ച് ദുര്‍ബലപെടുത്തി പറ്റുമെങ്ങില്‍ ലീഗിനെ പിളര്‍ത്തി ജനതാദളിന്റെ നില മെച്ചപെടുതാനുള്ള എര്പാദ്‌ അല്ലെ ? മൂന്ന് നാല് വര്‍ഷങ്ങള്‍ക്കു മുന്‍പ് നടന്ന ഒരു സംഭവം ഇപ്പോള്‍ കുത്തി പൊക്കി വിവാദം ഉണ്ടാക്കി കുറച്ചു അതികം പത്രം വില്‍ക്കാന്‍ മാതൃഭൂമി ശ്രമിക്കുന്നത് വലീയ പാരമ്പര്യം അവകാശപ്പെടുന്ന മാതൃഭൂമിയും എത്ര തരാം താണു എന്നതിന് തെളിവാണ്.. എന്ത് ചെറ്റത്തരം ചെയ്തിട്ടാനെകിലും കുറച്ച പുത്തന്‍ കിട്ടണം. അത്ര തന്നെ...ഇപ്പോള്‍ വാര്‍ത്തകള്‍ ഉണ്ടാവുന്നില്ല.. പത്രങ്ങളാണ് അത് ഉണ്ടാക്കുന്നത് ...വെല്ലോപ്പള്ളിയും .. സുകുമാരന്‍ നായരും ചീറ്റുന്ന വിഷം ഇത്തരം പാരമ്പര്യ വാദികള്‍ ആയ പത്രങ്ങള്‍ കാന്നുന്നില്ല....കുറച്ചു ദിവസങ്ങള്‍ മുന്‍പ് വരെ ലവ് ജിഹാദ് ആയിരുന്നു മുഖ്യ വിഷയം.. ഇനി മുനീറും ഇന്ത്യവിസനും ആയിരിക്കും...ഇതൊക്കെ വായിച്ചു രതി മൂര്‍ച്ച അനുഭവിക്കാന്‍ കുറെ ഞരമ്പുകള്‍ ഉള്ള കാലത്തോളം ഇത്തരം നാടകം തുടര്‍ന്ന് കൊണ്ടിരിക്കും.. ഇവന്മാരെ ദൈവം കാക്കട്ടെ..!

    ReplyDelete
  11. ചോലയില്‍ എഴുതിയ കമന്റിനു ഷാജിയും കിരണും നല്‍കിയ മറുപടി തന്നെയാണ് എനിക്കും പറയാനുള്ളത്. ഇത്തരമൊരു എസ്ക്ളുസീവ് വാര്‍ത്ത കിട്ടിയ ദീപ മറ്റു മാധ്യമാക്കാരെ വിളിച്ചു വരുത്തിയത് തന്നെ ഏഷ്യാനെറ്റ് അത് കൊടുക്കാന്‍ ധൈര്യപ്പെടാത്തത് കൊണ്ടായിരുന്നില്ലേ. അല്ലേല്‍ അന്ന് തന്നെ ദീപയുടെ പണി പോയേനെ!!. മാധ്യമ സ്വാതന്ത്ര്യത്തെ ഞാന്‍ ഒട്ടും നിഷേധിക്കുന്നില്ല. ആരുടെയൊക്കെയോ താളത്തിന് തുള്ളുകയും പല തവണ വാക്ക് മാറ്റിപ്പറയുകയും ചെയ്ത (കോടതി തന്നെ ബുദ്ധിക്ക് സ്ഥിരതയില്ലേ എന്ന് ഒരിക്കല്‍ ചോദിച്ചതായി ഓര്‍ക്കുന്നു ) റെജീനയെപ്പോലൊരു പെണ്ണിന്റെ അട്ടഹാസം ലൈവായി കൊടുക്കുന്നതാണ് മാധ്യമ സ്വാതന്ത്ര്യം എന്ന് ഞാന്‍ കരുതുന്നില്ല.

    ReplyDelete
  12. മാതൃഭൂമി ലീഗുകാരെ തമ്മില്‍ തല്ലിച്ച് ചോര കുടിക്കുകയാണെന്ന് Truthaboutlies പറയുന്നതിനോട് യോജിപ്പില്ല. ചോര കുടിച്ചോളൂ എന്ന് പറഞ്ഞു ലേഖനം എഴുതിക്കൊടുത്തത് ഡോ: മുനീറല്ലേ .. വേലി ചാടിയ പശുവിനു കോല് കൊണ്ട് മരണം എന്ന് കേട്ടിട്ടില്ലേ.

    ReplyDelete
  13. മാതൃ ഭൂമി ലേഖനം കൊടുത്തതില്‍ തെറ്റ് കാണുന്നില്ല
    കുഞ്ഞാലിക്കുട്ടിയുടെ ഇമേജ് ഇന്ത്യാവിഷനിലുടെ തകര്കുമ്പോള്‍ തനിക്കു കൈവരാവുന്ന വലിയ നേട്ടങ്ങളെക്കുറിച്ച് മുനീറിന് സ്വപ്‌നങ്ങള്‍ ഉണ്ടായിരുന്നിരിക്കണം. പക്ഷെ കുഞ്ഞാലിക്കുട്ടി പഴയ ഊര്‍ജം വീണ്ടെടുത്തപ്പോള്‍ മുനീര്‍ ലീഗില്‍ അപ്രസക്തനാകുന്ന കാഴ്ചയാണ് കണ്ടത്. ആ തിരിച്ചറിവാണ് പുതിയ ലേഖനവുമായി വരാന്‍ മുനീറിനെ പ്രേരിപ്പിച്ചത്. ലേഖനം കുഞ്ഞാലിക്കുട്ടിയോടുള്ള ക്ഷമാപണം മാത്രമാണ്. "ശിഹാബ്‌ തങ്ങള്‍ക്ക് തന്നെ മനസ്സിലായി" എന്നും "കുഞ്ഞാലിക്കുട്ടിക്ക് തന്നോടു സ്നേഹമാണെന്നും" മുനീര്‍ പറയുന്നു. എങ്കില്‍ ആ വ്യക്തിതത്വത്തില്‍ നിന്ന് മുനീര്‍ ഒരു പാട് പഠിക്കേണ്ടിയിരിക്കുന്നു.
    .

    ReplyDelete
  14. സഹോദരന്‍ വിശ്വാസയോഗ്യം എന്ന് വിശേഷിപ്പിക്കുന്നത് വിശ്വാസത്തിന്റെ പുറത്ത് തന്നെയാണോ എന്നറിയുവാനായിക്കൊണ്ട് അത്യധികമായ ആകാംക്ഷ ഉളവായിരിക്കുന്നു. വിശ്വാസയോഗ്യത്തിന്റെ നിര്‍വചനം എന്താണന്നറിയുവാനായിക്കൊണ്ട് അത്യധികമായ ജിജ്ഞാസ അതായത് ക്യൂരിയോസിറ്റി ഉളവായിരിക്കുന്നു. സഹോദരന്‍ വിശദീകരിക്കുമല്ലോ.

    ReplyDelete
  15. ഹസ്സന്‍ ചേളാരി എന്താണ് എഴുതിയത് എന്നറിഞ്ഞാല്‍ കൊള്ളാമായിരുന്നു

    ReplyDelete
  16. ഈ വാദങ്ങളും മറു വാദങ്ങളും കാണുമ്പോള്‍ എനിക്കോര്‍മ വരുന്നത് ഒരു തമാശ കെട്ടുകഥയാണ്‌ , അന്ന് നമ്മുടെ കുഞ്ഞാലികുട്ടി സാഹിബ് മക്കത്തു നിന്ന് തിരിച്ചുവരുന്ന വിമാനത്തിലെ വഹാബ് സാഹിബിന്റെ ഭാഷയില്‍ glorifiedഡ്രൈവര്‍മാര്‍ അതായത് പൈലട്ടന്മാര്‍ക്ക് പറ്റിയ അമളിയാണ്‌
    കരിപുരില്‍ ലാന്ഡ് ചെയ്യാന്‍ അഞ്ചു പത്തു മിനുറ്റ് ബാക്കിയുള്ള സമയത്ത് മൂത്ത പൈലറ്റ് മൂത്രമൊഴിക്കാന്‍ പോയി തിരിച്ചു വന്ന മൂത്ത പൈലെറ്റ് താഴേക്കു നോക്കി ഞെട്ടി തരിച്ചു കൊണ്ട് കുട്ടി പൈലട്ടിനോടു ചോദിച്ചു, "അല്ല ഹിമാറെ ഒന്ന് മൂത്രം ഒഴിക്കാന്‍ ഞാന്‍ പോയി വന്നപോഴെക്ക് നീ ഇതെങ്ങോട്ടാണ് വിമാനം പറത്തിയത്
    കുട്ടി പൈലറ്റ്‌ അന്തം വിട്ടു: "എന്ത് പറ്റി, കോഴിക്കോടെ വിമാനത്താവളം തന്നെ അല്ലെ?"
    മൂത്ത പൈലറ്റ്‌ :" ശരിക്ക് നോക്ക് വിമാനതാവളത്തിന്റെ മുകളിലെ കൊടി നോക്ക്, ഇത് പാകിസ്ഥാനിലെ ഏതോ വിമാനത്താവളം ആണല്ലോ എന്റെ പടച്ചോനെ ,പച്ച കൊടി കണ്ടാ? "
    കുട്ടി പൈലറ്റ്‌ നോക്കുമ്പോള്‍ സംഗതി ശരിയാണ് പച്ച കൊടി, വെള്ള ചന്ദ്രകലയും നക്ഷത്രവും "എന്ത് ചെയ്യും ഗുരോ"
    വരുന്നിടത്തു വെച്ച് കാണാം എന്ന് പറഞ്ഞു ലാന്‍ഡ്‌ ചെയ്തപ്പോള്‍ ആണ് സംഗതി മനസ്സിലായതതും ശ്വാസം കിട്ടിയതും ഈ വാദങ്ങളും മറു വാദങ്ങളും കാണുമ്പോള്‍ എനിക്കോര്‍മ വരുന്നത് ഒരു തമാശ കെട്ടുകഥയാണ്‌ , അന്ന് നമ്മുടെ കുഞ്ഞാലികുട്ടി സാഹിബ് മക്കത്തു നിന്ന് തിരിച്ചുവരുന്ന വിമാനത്തിലെ വഹാബ് സാഹിബിന്റെ ഭാഷയില്‍ ഗ്ലോരിഫിയെദ് ഡ്രൈവര്‍മാര്‍ അതായത് പൈലട്ടന്മാര്‍ക്ക് പറ്റിയ അമളിയാണ്‌
    കരിപുരില്‍ ലാന്ഡ് ചെയ്യാന്‍ അഞ്ചു പത്തു മിനുറ്റ് ബാക്കിയുള്ള സമയത്ത് മൂത്ത പൈലറ്റ് മൂത്രമൊഴിക്കാന്‍ പോയി തിരിച്ചു വന്ന മൂത്ത പൈലെറ്റ് താഴേക്കു നോക്കി ഞെട്ടി തരിച്ചു കൊണ്ട് കുട്ടി പൈലട്ടിനോടു ചോദിച്ചു, "അല്ല ഹിമാറെ ഒന്ന് മൂത്രം ഒഴിക്കാന്‍ ഞാന്‍ പോയി വന്നപോഴെക്ക് നീ ഇതെങ്ങോട്ടാണ് വിമാനം പറത്തിയത്
    കുട്ടി പൈലറ്റ്‌ അന്തം വിട്ടു: "എന്ത് പറ്റി, കോഴിക്കോടെ വിമാനത്താവളം തന്നെ അല്ലെ?"
    മൂത്ത പൈലറ്റ്‌ :" ശരിക്ക് നോക്ക് വിമാനതാവളത്തിന്റെ മുകളിലെ കൊടി നോക്ക്, ഇത് പാകിസ്ഥാനിലെ ഏതോ വിമാനത്താവളം ആണല്ലോ എന്റെ പടച്ചോനെ ,പച്ച കൊടി കണ്ടാ? "
    കുട്ടി പൈലറ്റ്‌ നോക്കുമ്പോള്‍ സംഗതി ശരിയാണ് പച്ച കൊടി, വെള്ള ചന്ദ്രകലയും നക്ഷത്രവും "എന്ത് ചെയ്യും ഗുരോ"
    വരുന്നിടത്തു വെച്ച് കാണാം എന്ന് പറഞ്ഞു ലാന്‍ഡ്‌ ചെയ്തപ്പോള്‍ ആണ് സംഗതി മനസ്സിലായതതും ശ്വാസം കിട്ടിയതും ഗ്ലോരിഫിയെദ് ഡ്രൈവര്‍മാര്‍ക്ക് glorifiedഡ്രൈവര്‍മാര്‍‍ക്ക്

    ReplyDelete
  17. ഇതെല്ലം വായിച്ചതില്‍ നിന്നും മുനീറിന് രണ്ടുദ്ദേശങ്ങള്‍ ഉണ്ടായിരുന്നു എന്ന് വേണം കരുതാന്‍. ഒന്ന് കുഞ്ഞാലിക്കുട്ടിയെ തകര്‍ത്തു ആ സ്ഥാനം കയ്ക്കലാക്കുക. രണ്ട്, ഇന്ത്യവിഷന്‍ ചാനല്‍ പോപ്പുലര്‍ ആക്കുക. ഇതില്‍ രണ്ടാമത്തേത് മാത്രം നടന്നു. സ്വന്തം പ്രതിച്ഛായ തകരുകയും ചെയ്തു.

    ReplyDelete
  18. ഇപ്പോഴാണ് ഈ പോസ്റ്റ്‌ കണ്ടത്.
    മുസ്ലിം തീവ്രവാദത്തിനെതിരായ നിലപാടുകള്‍ കൊണ്ടും എഴുത്ത് കൊണ്ടും പാട്ട് കൊണ്ടും സര്‍വ്വോപരി, മഹാനായ പിതാവ് സി എച്ചിന്റെ പ്രഭാവം കൊണ്ടും മുനീറിന് ഒരു സംഘം ആള്‍ക്കാരുടെയുള്ളില്‍ ചെറുതല്ലാത്ത സ്വാധീനമുണ്ട്.
    മുനീറിന്റെ ആ നെഞ്ഞത്തടീം നെലോളീം കണ്ടിട്ട് അയ്യോ പാവം എന്ന് പറഞ്ഞു മൂക്കത്ത് വിരല്‍ വച്ച് സഹതപിച്ചവരേക്കാള്‍ കൂടുതല്‍,അയാളുടെ മുഖംമൂടിയും കൊനിഷ്ടും പൊഴിഞ്ഞു വീണത്‌ കണ്ടു ചിരിച്ചവരായിരിക്കും കൂടുതല്‍ എന്ന് തോന്നുന്നു.

    വണ്ടിച്ചെക്കുകള്‍ കൊടുക്കുന്നതിനു മുനീര്‍ സാഹിബിന്റെ ന്യായീകരണം കൊള്ളാം.

    നിര്‍മല്‍ കുമാറിന്റെ പ്രതികരണം അവിടെ നില്‍ക്കട്ടെ,വെങ്കടേഷ് രാമകൃഷ്ണന്റെയും ഹസന്‍ ചേളാരിയുടെയും പ്രതികരണങ്ങള്‍ മാതൃഭൂമിയുടെ തുടര്‍ ലക്കങ്ങളില്‍ ഉണ്ടായിരുന്നല്ലോ..അതും കൂടി പോസ്റ്റാമായിരുന്നു..
    ഇതിപ്പോ സംശയായി..ബഷീര്‍ക്കാ..അല്ല..ആക്ച്വലി ഇങ്ങളെ ഉദ്ദേശം എന്താ..?;))

    Truthaboutlies said...
    "മൂന്ന് നാല് വര്‍ഷങ്ങള്‍ക്കു മുന്‍പ് നടന്ന ഒരു സംഭവം ഇപ്പോള്‍ കുത്തി പൊക്കി വിവാദം ഉണ്ടാക്കി കുറച്ചു അതികം പത്രം വില്‍ക്കാന്‍ മാതൃഭൂമി ശ്രമിക്കുന്നത് വലീയ പാരമ്പര്യം അവകാശപ്പെടുന്ന മാതൃഭൂമിയും എത്ര തരാം താണു എന്നതിന് തെളിവാണ്.."
    റജീന സംഭവം കുത്തിപ്പൊക്കുകയല്ല ഇതിലൂടെ ചെയ്തത്.അസംഖ്യം വണ്ടിച്ചെക്ക് കേസുകളില്‍ മുനീര്‍ സാഹിബ് പ്രതിയായി,മറ്റൊരു വേദിയില്‍ അങ്ങോര്‍ക്കെതിരെ ഹസന്‍ ചേളാരി ആരോപണങ്ങളുന്നയിക്കുകയും ചെയ്ത്,തലയില്‍ മുണ്ടിടാതെ പുറത്തിറങ്ങാനാവാത്ത സ്ഥിതി ആയപ്പോ,താനെത്ര പാവമാണെന്ന് കരഞ്ഞു വിളിക്കുകയാണ്‌ മുനീര്‍ ഈ ലേഖനത്തിലൂടെ ചെയ്തത്.റജീന സംഭവം അതിന്റെ ഭാഗമായി വരുന്നത് സ്വാഭാവികം.മാതൃഭൂമി മുന്‍പ് കെ ഇ എനെയും ടി പദ്മനാഭനെയുമുള്‍പ്പെടെ പലരെയും തമ്മില്‍ത്തല്ലിച്ച് ചോര കുടിച്ചിട്ടുള്ളതിനാല്‍ ഇതൊരു പുതുമയായി കാണേണ്ടതുമില്ല.

    ReplyDelete
  19. സ്വപ്നാടകന്‍ said..
    "നിര്‍മല്‍ കുമാറിന്റെ പ്രതികരണം അവിടെ നില്‍ക്കട്ടെ,വെങ്കടേഷ് രാമകൃഷ്ണന്റെയും ഹസന്‍ ചേളാരിയുടെയും പ്രതികരണങ്ങള്‍ മാതൃഭൂമിയുടെ തുടര്‍ ലക്കങ്ങളില്‍ ഉണ്ടായിരുന്നല്ലോ..അതും കൂടി പോസ്റ്റാമായിരുന്നു.."
    ഹസ്സന്‍ ചെളാരിയുടെ മറുപടിയെക്കുറിച്ചുള്ള തുടര്‍പോസ്റ്റ്‌ താങ്കള്‍ കണ്ടില്ലെന്നു തോന്നുന്നു. ഈ പോസ്റ്റിനു താഴെ തന്നെ അതിന്റെ ലിങ്കുണ്ട്.

    ReplyDelete
  20. കണ്ടില്ലായിരുന്നു..നോക്കട്ടെ..

    ReplyDelete
  21. ചാനൽ രംഗത്ത് തരംഗം തന്നെയായിരുന്നു ഇന്ത്യാവിഷൻ.ന്യൂസ് ചാനൽ എന്ന മുനീർ സാഹിബിന്റെ സ്വപ്നം പൂവണിഞ്ഞു എന്ന് പറയാം.സ്വപനത്തോടൊപ്പം കണ്ണുനീരും എന്നുകൂടെ കൂട്ടിവായിക്കേണ്ടിവരും.ഞാൻ അറിയുന്ന ഒരുപാട് ലീഗുകാർ പാവപ്പെട്ട പ്രവാസികൾ അടക്കം 1000 ദിർഹത്തിനു പണി എടുക്കുന്നവർ വരെ പാർട്ണർമാരാ...കാരണം സി ചിന്റെ പുത്രൻ മുനീർ സാഹിബ് ഒരു ചാനൽ തുടങ്ങുന്നു സഹായിക്കാം സഹകരിക്കാം എന്ന മനോഭാവത്തിൽ .ലീഗിന്റെ ശബ്ദമായിരിക്കും എന്ന തോനൽ ഇല്ലെങ്കിലും ലീഗ് വാർത്തകൾ തമസ്കരിക്കുന്ന ചാനൽ ആയിരിക്കില്ല എന്ന ഒരു വിചാരം ഉണ്ടായിരുന്നു.എന്നാൽ എല്ലാ സംശയങ്ങളും ദൂരീകരിച്ചു ലൈവിന്റെ തുടക്കക്കാരല്ലേ അങ്ങാടി വെടിയേയും കൂട്ടി പുലമ്പുപറച്ചിൽ ലൈവ് ..പക്ഷപാതമില്ലാ എന്നു ജനങ്ങളെ ബോധ്യപ്പെടുത്തലും ആയി.ഇപ്പോൾ മുനീർ കരയുന്നു കൂടെയുള്ളവരുടെ കരച്ചിൽ കാണാതെ....നികേഷ് പോയാലെന്ത് ?നികേഷിനെ നികേഷാക്കിയത് ഇന്ത്യാവിഷൻ ആണ് മുനീർ പറഞ്ഞത് പോലെ പച്ചമാങ്ങ തിന്നതല്ലേ നികേഷ് അതിന്റെ പുളി ഉണ്ടാകാം

    ReplyDelete
  22. അല്ലെങ്കിലും നിര്‍മല്‍കുമാറിന്റെതെന്ന പേരില്‍ മാതൃഭൂമിയില്‍ വന്ന ലേഖനത്തിന്റെ ഉറവിടം പരിശോധിക്കേണ്ടതുണ്ട്. ഏറെ ബഹുമാനിക്കുന്ന നിര്‍മല്‍ കുമാര്‍ തന്നെയാണോ അത് എഴുതിയത്. അതോ ഏതോ ലോക്കല്‍ സി.പി.എമ്മുകാരന്‍ എഴുതി നിര്‍മല്‍ കുമാറിന് മുകളില്‍ കമിഴ്ത്തി വെച്ചതോ. സ്വാഭാവികമായി തോന്നിയ സംശയമാണ്. അത് ലീഗിനോടെ കുഞ്ഞാലിക്കുട്ടിയോടോ പ്രത്യേക താത്പര്യം ഉണ്ടായിട്ട്് തോന്നിയതല്ല.

    ReplyDelete
  23. അല്ലെങ്കിലും നിര്‍മല്‍കുമാറിന്റെതെന്ന പേരില്‍ മാതൃഭൂമിയില്‍ വന്ന ലേഖനത്തിന്റെ ഉറവിടം പരിശോധിക്കേണ്ടതുണ്ട്. ഏറെ ബഹുമാനിക്കുന്ന നിര്‍മല്‍ കുമാര്‍ തന്നെയാണോ അത് എഴുതിയത്. അതോ ഏതോ ലോക്കല്‍ സി.പി.എമ്മുകാരന്‍ എഴുതി നിര്‍മല്‍ കുമാറിന് മുകളില്‍ കമിഴ്ത്തി വെച്ചതോ. സ്വാഭാവികമായി തോന്നിയ സംശയമാണ്. അത് ലീഗിനോടെ കുഞ്ഞാലിക്കുട്ടിയോടോ പ്രത്യേക താത്പര്യം ഉണ്ടായിട്ട്് തോന്നിയതല്ല.

    ReplyDelete
  24. അല്ലെങ്കിലും നിര്‍മല്‍കുമാറിന്റെതെന്ന പേരില്‍ മാതൃഭൂമിയില്‍ വന്ന ലേഖനത്തിന്റെ ഉറവിടം പരിശോധിക്കേണ്ടതുണ്ട്. ഏറെ ബഹുമാനിക്കുന്ന നിര്‍മല്‍ കുമാര്‍ തന്നെയാണോ അത് എഴുതിയത്. അതോ ഏതോ ലോക്കല്‍ സി.പി.എമ്മുകാരന്‍ എഴുതി നിര്‍മല്‍ കുമാറിന് മുകളില്‍ കമിഴ്ത്തി വെച്ചതോ. സ്വാഭാവികമായി തോന്നിയ സംശയമാണ്. അത് ലീഗിനോടെ കുഞ്ഞാലിക്കുട്ടിയോടോ പ്രത്യേക താത്പര്യം ഉണ്ടായിട്ട്് തോന്നിയതല്ല.

    ReplyDelete