December 3, 2013

കൊടിസുനിയുടെ ഫേസ്ബുക്ക്‌, തിരുവഞ്ചൂരിന്റെ ബാർബർ ഷോപ്പ്

കൊടി സുനിയുടെയും സഹ കൊലയാളികളുടെയും ഫേസ്ബുക്ക്‌ വിവാദത്തിൽ അഡ്വ. ജയശങ്കർ നടത്തിയ ഒരു ഡയലോഗിൽ നിന്നാണ് ഈ പോസ്റ്റിന്റെ തലക്കെട്ട് ഉണ്ടാക്കിയിരിക്കുന്നത്. മൃഗീയമായ ഒരു കൊലക്കേസിലെ പ്രതികളെ ജയിലിൽ അഴിഞ്ഞാടാൻ അവസരം കൊടുത്ത തിരുവഞ്ചൂരിനു സെക്രട്ടേറിയറ്റിലെ തന്റെ മുറിയിൽ ഒരു ബാർബർ ഷോപ്പ് തുടങ്ങി വരുന്നവരുടെയൊക്കെ താടിയും കക്ഷവും വടിച്ചു കൊടുക്കുകയാണ് ഇനി നല്ലത് എന്നാണ് ജയശങ്കർ ഒരു ചാനൽ ചർച്ചയിൽ പറഞ്ഞത്. എമ്പാടും വിഡ്ഢിത്തങ്ങൾ പരസ്യമായി പറയാറുള്ള ആളാണ്‌ ജയശങ്കറെങ്കിലും ഇപ്പറഞ്ഞത്‌ ഒരൊന്നൊന്നര അഭിപ്രായം തന്നെയാണ്. അതിൽ ആർക്കും ഒബ്ജക്ഷൻ ഉണ്ടാകേണ്ട ആവശ്യമില്ല. തിരുവഞ്ചൂരിനു ഇനി നല്ലത് ജയശങ്കർ പറഞ്ഞ പണി തന്നെയാണ്. അതല്ലെങ്കിൽ ജയിലുകളിൽ ഗുണ്ടകൾക്കും കൊലയാളികൾക്കും വിടുപണി ചെയ്യുന്ന ഉദ്യോഗസ്ഥന്മാരെ ബർബർ പണിക്ക് അയക്കാൻ സാധിക്കണം. അതീ ജന്മത്തിൽ അദ്ദേഹത്തിനു സാധിക്കുമെന്ന് തോന്നുന്നില്ല.

ടി പി വധക്കേസിലെ സാക്ഷികളിൽ ഭൂരിഭാഗവും മൊഴിമാറ്റിപ്പറഞ്ഞത്‌ അവർക്ക് ജീവനിൽ കൊതിയുള്ളത് കൊണ്ടാണെന്ന് കേരളത്തിലെ അതീവ മന്ദബുദ്ധികൾക്കൊഴിച്ച് മറ്റെല്ലാവർക്കും ബോധ്യമുള്ളതാണ്. ജയിലിലുള്ള ഈ കൊലപ്പുള്ളികൾ തന്നെയാണ് ഈ സാക്ഷികളെ വിളിച്ച് ഭീഷണിപ്പെടുത്തിക്കൊണ്ടിരിക്കുന്നത് എന്നതാണ് ഇപ്പോൾ പുറത്തു വരുന്ന വാർത്തകൾ.. ഫേസ്ബുക്കിലെ ഫോട്ടോകളും അപ്ഡേറ്റുകളും മാത്രമല്ല, കഴിഞ്ഞ ഒന്നരമാസത്തിനിടക്ക് ഏതാണ്ട് ആയിരത്തോളം കോളുകളാണ് കൊടി സുനിയുടെ മൊബൈലിൽ നിന്ന് പുറത്തേക്ക് പോയിട്ടുള്ളതത്രേ. ഇവിടെ ഒരു ആഭ്യന്തര വകുപ്പുണ്ടോ?. നിയമപാലകരുണ്ടോ?.  ചുകന്ന ബനിയനും സണ്‍ഗ്ലാസ്സുകളും വെച്ച് ചാൾസ് രാജകുമാരൻ കുമരകത്ത് വന്നത് പോലെയാണ് കൊലക്കേസ് പ്രതികൾ ജയിലിനകത്ത് ഫോട്ടോക്ക് പോസ് ചെയ്തിരിക്കുന്നത്. രാജകുരമാരന് ലഭിച്ചതിനേക്കാൾ ശ്രദ്ധയും പരിഗണനയുമാണ്‌ ഈ കൊലക്കത്തി വീരന്മാർക്ക് ജയിലിൽ ലഭിക്കുന്നതെന്ന് ചുരുക്കം.

ജയകൃഷ്ണൻ മാഷെ കുട്ടികളുടെ മുന്നിൽ വെച്ച് മൃഗീയമായി വെട്ടിക്കൊന്നതിനെ ആഘോഷിക്കുന്ന ഒരു പോസ്റ്റ്‌ ആ നടുക്കുന്ന ഓർമയുടെ വാർഷിക ദിനത്തിൽ സ്വന്തം ടൈം ലൈനിൽ ഷെയർ ചെയ്യാൻ വരെ ജയിലിൽ കിടക്കുന്ന കൊലക്കേസ് പ്രതിയ്ക്ക് ധൈര്യം വരുമെങ്കിൽ ആ ധൈര്യത്തെ നാം എന്ത് പേരിട്ടാണ്‌ വിളിക്കേണ്ടത്. ഒരു കുറ്റവാളിയെ ജയിലിലിടുന്നത് ചെയ്തു പോയ തെറ്റിനെ സ്വയം ബോധ്യപ്പെടുവാനും അതുവഴി മാനസിക പരിവർത്തനം ഉണ്ടാകാനും വേണ്ടിയാണ്. കുടുംബത്തിൽ നിന്നും സമൂഹത്തിൽ നിന്നും ഒറ്റപ്പെട്ട് ശിക്ഷയെന്ന് തോന്നിക്കുന്ന ഒരു ജീവിതം അതിന് അനിവാര്യമാണെന്ന് നിയമവ്യവസ്ഥകൾ ചിട്ടപ്പെടുത്തിയിട്ടുള്ളതും അതിനു വേണ്ടിയാണ്. കൊടും കുറ്റവാളികൾക്ക് അവരർഹിക്കുന്ന ശിക്ഷാ സാഹചര്യങ്ങൾ ഉണ്ടാവണം. അവരുടെ താത്പര്യങ്ങൾക്കും കല്പനകൾക്കും അനുഗുണമായി ജയിലൊരു ഉല്ലാസ കേന്ദ്രമാക്കി മാറ്റിക്കൊടുക്കുന്നതോടെ പരിഹസിക്കപ്പെടുന്നത് നിയമ വ്യവസ്ഥ മാത്രമല്ല, ആ നിയമ വ്യവസ്ഥയിൽ വിശ്വാസമർപ്പിക്കുന്ന ഒരു ജനതയുടെ സാമൂഹ്യബോധ്യം കൂടിയാണ്. ജയിലിൽ കിടക്കുന്ന ഒരു കൊലപ്പുള്ളി മറ്റൊരു കൊലപാതകത്തെ പരസ്യമായി മഹത്വവത്കരിക്കുമ്പോഴും അതുവഴി ചോരയുടെ സ്വാദ് നുണച്ചിറക്കുമ്പോഴും ഇളകിയാടുന്നത്‌ അഭ്യന്തര മന്ത്രിയുടെ കസേരയല്ല, നിയമവ്യവസ്ഥയുടെ അടിസ്ഥാന ശിലകൾ തന്നെയാണ്. 


തിരുവഞ്ചൂർ ജയിൽ സന്ദർശിക്കുന്നുവത്രേ!.. വലിയ കാര്യം തന്നെ!!. ആഭ്യന്തര മന്ത്രി ജയിലിൽ എത്തുമ്പോൾ ഐ ഫോണും പിടിച്ച് കൊലയാളികൾ പാർട്ടി സെക്രട്ടറിയുമായി സംസാരിക്കും. ബാക്കിയുള്ള വീരന്മാർ അപ്പോൾ അതിനു ചുറ്റും കൂടി നിന്ന് ലുങ്കി ഡാൻസ് കളിക്കും. ജയിൽ സൂപ്രണ്ട് കോഴി പൊരിച്ചതും ചപ്പാത്തിയും കൊണ്ട് വന്ന് കൊടി സുനിയുടെ വായിൽ വെച്ച് കൊടുക്കും.. ഇതൊക്കെ നേരിട്ട് കാണുന്ന ആഭ്യന്തരമന്ത്രി ഒട്ടും വൈകാതെ അവരെ അറസ്റ്റ് ചെയ്യും. എന്നിട്ട് ആ ജയിൽ റൂമിൽ തന്നെ ഇടും. ഹോ!!.. ഫയങ്കരൻ തന്നെ.. മിന്നൽ സന്ദർശനം നടത്തിയല്ലേ കാര്യങ്ങൾ നേരെയാക്കുന്നത്. അല്ല, അറിയാൻ മേലാഞ്ഞിട്ട് ചോദിക്കുകയാണ്. കോഴിക്കോട് ജയിലിൽ എന്താണ് നടക്കുന്നത് എന്നറിയാൻ സംഭവം വാർത്തയായി ഇരുപത്തിനാല് മണിക്കൂർ കഴിഞ്ഞ ശേഷം അവിടെ പോയി ഇങ്ങനെയൊരു പ്രഹസന നാടകം നടത്തേണ്ടതുണ്ടോ. അഭ്യന്തര മന്ത്രി പദത്തിലിരിക്കുന്ന തിരുവഞ്ചൂരിനെ സംബന്ധിച്ചിടത്തോളം അദ്ദേഹത്തിന്റെ നേരിട്ടുള്ള ശ്രദ്ധ പതിയുന്ന സുപ്രധാന കേസാണിത്. ആ കേസിലെ പുരോഗതി എന്താണെന്നും പ്രതികൾ ഏത് ജയിലിലാണെന്നും അവർക്കവിടെ എന്തൊക്കെ സൗകര്യങ്ങൾ ലഭിക്കുന്നു എന്നും ദിവസവും അപ്ഡേറ്റ് ചെയ്തു കൊടുക്കുന്ന ഒരു ഇന്റലിജൻസ്‌ സംവിധാനത്തിനകത്താണ് അദ്ദേഹം ജീവിക്കുന്നത്. വാർത്തകൾ പുറത്ത് വരുമ്പോൾ ഒന്നുമറിഞ്ഞില്ലെന്ന മട്ടിൽ കാണിക്കുന്ന ഈ നാടകങ്ങൾ ഒരു തിരക്കഥയുടെ മാത്രം ഭാഗമാണ്. സി പി എം ജില്ലാ നേതാവടക്കം ഇരുപതു പ്രതികളെ വെറുതെ വിട്ട കോടതി വിധിക്കെതിരെ അപ്പീൽ പോകുവാൻ പോലും സർക്കാർ തയ്യാറായിട്ടില്ല. ഈ കേസിന്റെ പരിണിതിയെന്താവുമെന്ന് ചിന്തിച്ച് തല പുണ്ണാക്കേണ്ട ആവശ്യമില്ല. അതെല്ലാവർക്കും ഇപ്പോൾ വ്യക്തമായിട്ടുണ്ട്. 'സാഹചര്യ'ത്തെളിവുകളില്ലാതെ, ഒരു സാക്ഷി പോലുമില്ലാതെ കേരള മനസ്സാക്ഷിയെ പിടിച്ചു കുലുക്കിയ ഈ കൊലപാതകം മണ്ണടിയാൻ പോവുകയാണ്.

കൃത്യം ഒരു വർഷം മുമ്പ് ഒരു പ്രമുഖ ചാനൽ ഉമ്മൻ ചാണ്ടി മന്ത്രിസഭയിലെ ബെസ്റ്റ് മിനിസ്റ്റർ ആരെന്നു കണ്ടെത്താൻ ഒരു അഭിപ്രായ സർവേ നടത്തിയിരുന്നു. അന്ന് തിരുവഞ്ചൂരാണ് ആ അവാർഡിന് അർഹനായത്. മന്ത്രിയായ ശേഷം അതുവരെയുള്ള അദ്ദേഹത്തിന്റെ പെർഫോമൻസ് വിലയിരുത്തിയാണ് അത്തരമൊരു അംഗീകാരം നല്കപ്പെട്ടത്. ഇന്നിപ്പോൾ ഒരു വേസ്റ്റ് മിനിസ്റ്റർ വോട്ടെടുപ്പ് നടത്തിയാലും അദ്ദേഹം തന്നെ ആ അവാർഡിനും അർഹനാവും. കാരണം കഴിഞ്ഞ ഒരു വർഷക്കാലത്തിനിടക്ക് അത്രമാത്രം നിർഗുണ പരബ്രഹ്മമായി അദ്ദേഹം മാറിക്കഴിഞ്ഞു. കഴിഞ്ഞ ഒരു വർഷക്കാലമായി അഭ്യന്തര മന്ത്രിയുടെ ബോസ്സ് ഉമ്മൻ ചാണ്ടിയല്ല, സഖാവ് പിണറായി വിജയനാണ്. ചീഞ്ഞു നാറുന്ന എന്തൊക്കെയോ നീക്കുപോക്കുകൾ അദ്ദേഹം ചവച്ചിറക്കുന്നുണ്ടെന്ന് ആ മുഖവും ശരീരഭാഷയും വിളിച്ചു പറയുന്നുണ്ട്.  

ലോകം മാറുകയാണ്. ജയിലുകൾക്കുള്ളിലും മാനുഷികമായ മാറ്റങ്ങൾ വരുന്നുണ്ട്. ആ മാറ്റങ്ങൾ നമ്മുടെ നാട്ടിലും വരണം. വരേണ്ടതുണ്ട്. പക്ഷേ അത്തരം മാറ്റങ്ങൾ ഏതാനും ഗുണ്ടകളുടെയും റൌഡികളുടെയും  ഭീഷണികൾക്ക് വഴങ്ങി ആളറിയാതെ ചെയ്തുകൊടുക്കേണ്ട ഒന്നല്ല. സർക്കാർ തലത്തിൽ നിയമമുണ്ടാക്കി നടപ്പിൽ വരുത്തേണ്ടതാണ്. നിത്യവൃത്തിക്ക് വഴിയില്ലാതെ തേങ്ങ മോഷ്ടിച്ചവനെ സെല്ലിൽ നിന്ന് പുറത്തിറങ്ങാൻ സമ്മതിക്കാതെ 'നിയമം' നടപ്പിലാക്കുമ്പോൾ പച്ചയ്ക്ക് ഒരു മനുഷ്യനെ അമ്പത്തൊന്നു വെട്ട് വെട്ടി നുറുക്കിയ മൃഗങ്ങൾക്ക് സെൽഫോണും ഇന്റർനെറ്റും കോഴിക്കാലും ഏർപ്പാടാക്കിക്കൊടുക്കുന്നതിനെ മനുഷ്യാവകാശം എന്നല്ല കൂട്ടിക്കൊടുപ്പ് എന്നാണ് വിളിക്കേണ്ടത്. അത് അഭ്യന്തര മന്ത്രി ചെയ്താലും മുഖ്യമന്ത്രി ചെയ്താലും.

Recent Posts
ലാലേട്ടന്റെ ബ്യൂട്ടി ഹിറമോസയുടെ ക്വാളിറ്റി, Beauty Meets Quality 
രമ്യ നമ്പീശന്‍ കുളിക്കുന്നു. എല്ലാവരും ഓടി വരൂ!!

Related Posts
ഫേസ്ബുക്കിനെ ആര്‍ക്കാണ് പേടി?
ടി പി വിധിയുടെ സാമ്പിള്‍ വെടിക്കെട്ട്
ക്രിമിനല്‍സ് പാര്‍ട്ടി ഓഫ് ഇന്ത്യ (ഫാസിസ്റ്റ്) 
പോളിറ്റ് ബ്യൂറോ, P.O. കണ്ണൂര്‍ സെന്‍ട്രല്‍ ജയില്‍
ക്വട്ടേഷന്‍ മണി സ്പീക്കിംഗ്  

75 comments:

  1. ഇങ്ങനെയാണൂ ക്രിമിനലുകൾ സൃഷ്ടിക്കപ്പെടുന്നത്.. രാജകീയമായജീവിതം ജയിലിലും ലഭിക്കുമ്പോൾ കൊലപാതകം ഇനിമേൽ ഒരു "പാതക'മല്ലത്രേ !!

    ജയിൽ ഡിജിപി പറഞ്ഞത് ആ ചിത്രങ്ങൾ ജയിലിനകത്തേതാണോ എന്ന് വ്യക്തമായിട്ടില്ല എന്ന"ത്രേ" !! അതായത്; ഈ കഴിഞ്ഞ കേരളപ്പിറവി നാളിൽ ടി പി വധക്കേസിൽ ജയിലിൽ കഴിയുന്ന "ഏമാൻമാരെ" വീഗാലാന്റിൽ ടൂർ പ്രോഗ്രാമിനയച്ചിരുന്നു.. അന്ന് എടുത്ത ഫോട്ടോ ആയിരിക്കാമെന്നാവണം ഡിജിപി സംശയിച്ചത് !!! പാവം ആഭ്യന്ത്ര വകുപ്പ് !!!

    ReplyDelete
  2. കേരള ജനതയുടെ വികാരമാണ് താങ്കള് പ്രകടിപ്പിച്ചിരിക്കുന്നത് . അഭിനന്ദനങ്ങൾ .

    ReplyDelete
    Replies
    1. കേരള ജനതയുടെ വികാരമാണ് താങ്കള് പ്രകടിപ്പിച്ചിരിക്കുന്നത് . അഭിനന്ദനങ്ങൾ .

      I agree 100%

      Delete
  3. TP വധക്കേസിലെ കണ്ണികൾ ഉന്നതരിലേക്ക് നീളുന്നു എന്ന് കണ്ട ഉടൻ അന്വേഷണം അവസാനിപ്പിച്ച ഈ ആഭ്യന്തരത്തിൽ നിന്നും ഇനി എന്ത് പ്രതീക്ഷിക്കാൻ.

    വില്ലേജ് മാൻ പറഞ്ഞ പോലെ കേരള ജനതയുടെ വികാരമാണ് താങ്കള് പ്രകടിപ്പിച്ചിരിക്കുന്നത് . അഭിനന്ദനങ്ങൾ .

    ReplyDelete
  4. കേരള ജനതയുടെ വികാരമാണ് താങ്കള് പ്രകടിപ്പിച്ചിരിക്കുന്നത് . അഭിനന്ദനങ്ങൾ .

    ReplyDelete
  5. ഇതിലും നന്നായി ഇനി എങ്ങനെ പറയും... കുറിക്ക് കൊള്ളുന്ന ലേഖനം...

    ReplyDelete
  6. Dear Friends.
    Today morning, Minister Thiruvanchoor visited our cell. Photo will be uploaded later. Thanks UDF.

    Kodi Suni

    ReplyDelete
  7. ബാലകൃഷ്ണപിള്ളയുടെ ജയിലിലെ ഫോണ്‍ വിളി സംഭവവും "സരിതാമാഡ"ത്തിനുള്ള പ്രത്യേക ഫ്രൂട്സ് വാങ്ങലും ഒക്കെ Related post ലിസ്റ്റില്‍ കുറെ തപ്പി, കാണുന്നില്ല !!!!!

    ReplyDelete
    Replies
    1. ഒന്ന് കൂടെ പരതിയാല്‍ കിട്ടും പ്രിയ പത്രക്കാരാ..സമയാസമയം പോസ്റ്റുകള്‍ ഇട്ടിട്ടുണ്ട്.. ഈ പോസ്റ്റില്‍ ലിങ്ക് കൊടുത്തില്ലെന്നേയുള്ളൂ.. കിട്ടിയില്ലെങ്കില്‍ പറ.. ഞാന്‍ പരതാം.

      Delete
  8. ഭാവിയിൽ അതിനുള്ളിൽ കഴിയേണ്ടി വരുമെന്ന് അറിയാവുന്നത് കൊണ്ടായിരിക്കും കാലാകാലങ്ങളിൽ ഭരണകർത്താക്കൾ ജയിലിൽ പഞ്ചനക്ഷത്ര സൌകര്യങ്ങൾ ഉണ്ടാക്കുന്നത്‌.

    ReplyDelete
  9. കൊടി സുനിDecember 3, 2013 at 10:16 AM

    ഇതൊന്നും വലിയ കാര്യമല്ല മക്കളെ. ഇതിലും എത്രയോ വലിയ കൂട്ടിക്കൊടുപ്പുകൾ നാട്ടിലെ ഇരു മുന്നണികളിലെയും നേതാക്കന്മാർ തമ്മിൽ നടത്തുന്നു? നിങ്ങളെ കൊള്ളയടിക്കുന്നു? കൊല്ലാനും ചാകാനും പ്രേരിപ്പിക്കുന്നു? എന്നിട്ടും എല്ലാം അറിഞ്ഞും അറിയാതെയും നിങ്ങൾ അവർക്ക് വോട്ട് ചെയ്യുന്നില്ലേ? ജയിപ്പിക്കുന്നില്ലേ? നിങ്ങളെ ഭരിക്കാൻ അനുവദിക്കുന്നില്ലേ? അവരുടെ മുന്നില് നക്കാപ്പിച്ചക്ക്‌ വേണ്ടി ഒച്ചാനിച്ച് നില്ക്കാരില്ലേ? അവർ നിങ്ങളെ ഇങ്ങനെ പല രീതിയിൽ ഉപയോഗിക്കുകയും വഞ്ചിക്കുകയും ചെയ്തിട്ടും നിങ്ങൾ അവരെ സ്നേഹിക്കാറില്ലേ? അവർക്ക് വോട്ടു ചെയ്യുകയും വോട്ട് ചോദിക്കുകയും ചെയ്യാറില്ലേ? അവരുടെ തെറ്റുകളെ ന്യായീകരിക്കാറില്ലേ? അതിലൊന്നും നിങ്ങൾക്ക് ഒരു കുഴപ്പവും ഇല്ലേ? ഈ പാവങ്ങൾ ജയിലിൽ കിടന്നു ബോറടിച്ചപ്പോൾ ഫേസ്ബുക്ക്‌ ഉപയോഗിച്ചത് നിങ്ങളുടെ നേതാക്കന്മാർ ചെയ്യുന്നതിലും വലിയ തെറ്റാണോ? ഞങ്ങൾക്ക് നേരെ വാ നേരെ പോ എന്ന വഴിയെ അറിയൂ. നിങ്ങൾ വെറുതെ ഒന്ന് ആലോചിച്ചു നോക്ക്. ഞാൻ മിനിമം കേരളത്തിന്റെ മുഖ്യമന്ത്രി എങ്കിലും ആകേണ്ടവൻ അല്ലെ? വെറുതെ പറയുകയല്ല, നിങ്ങളുടെ നേതാക്കന്മാരിലും വളരെ കുറവ് ക്രിമിനൽ വാസന ഉള്ള എന്നെ നിങ്ങൾ മുഖ്യമന്ത്രി ആക്കിയാൽ കേരളം രക്ഷപെടും. ഒന്ന് ആലോചിച്ച് നോക്ക്.

    ജയിലിൽ നിന്നും
    കൊടി സുനി

    ReplyDelete
  10. കൊടി സുനിക്കും സരിതാ മാടതിനും ബാലകൃഷ്ണ പിള്ളയ്ക്കും ഒരു ജയിൽ. സുടാപ്പികൾക്കും തടിയന്ടവിടെ നസീറിനും മറ്റൊരു ജയിലും! അണ്ടിയുറപ്പുള്ള ഭരണാധികാരികളും ഏമാന്മാരും ഉണ്ടോ നമ്മുടെ നാട്ടിൽ?

    ReplyDelete
    Replies
    1. ഒരു ബ്ലോക്കിൽ സുടാപ്പിക്കാരും മറ്റേ ബ്ലോക്കിൽ സംഘികളും ആകട്ടെ എങ്കിലെ പിക്ചർ ശെരിയാകൂ അപ്പോഴാണ് കറക്റ്റ് ആയി വന്നത്

      Delete
  11. വായിക്കണമെന്ന് മനസ്സിൽ ആഗ്രഹിച്ചത്‌ ബഷീര്ക എഴുതി. nothing more to said.

    ReplyDelete
  12. This comment has been removed by the author.

    ReplyDelete
  13. ടി.പി.യുടെ ഹീനമായ കൊലപാതകത്തെത്തുടർന്ന് മലയാളി പൊതു മനസുകളിൽ വികസിച്ചുവന്ന ഏറെ ശ്രദ്ധേയമായൊരു സംഗതിയായിരുന്നു അക്രമത്തോട് എതിരു പറയുന്നൊരു മാനസികാവസ്ഥ സൃഷ്ടിക്കപ്പെട്ടു എന്നത്. അതിശക്തമായ ആ ജനകീയവികാരം ഇനിയിവിടെ ഇത്തരമൊരു കൊലപാതകം സംഭവിക്കില്ല എന്ന് നിരീക്ഷിക്കുവാൻ വരെ ഇടയാക്കിയിരുന്നു. പക്ഷെ, 'നമ്മുടെ' നിലപാടുകളിലെ അസ്ഥിരതയും, മറവിയുടെ അനുഗ്രഹവും അത്തരം ധാരണകളെ ജലകുമിളകളാക്കി എന്നതാണ് വേദനിപ്പിക്കുന്ന സത്യം.

    രാഷ്ട്രീയക്കാരന്റെ ബുദ്ധി ഉപദേശികൾ മലയാളിയുടെ ഈ സ്വഭാവസവിശേഷതയെക്കുറിച്ച് നല്ല ധാരണ ഉള്ളവരാണ്. ആ ധാരണയിൽ നിന്നാണ് ഭരണക്കാരനും, പ്രതിപക്ഷവും 'പ്രതി'പക്ഷങ്ങളും തമ്മിലുള്ള ധാരണകൾ രൂപപ്പെടുന്നത്.

    പകൽ പരസ്പരം പടവെട്ടുകയും, രാത്രി ഒന്നിച്ചിരുന്ന് ചൂതുകളിക്കുകയും ചെയ്യുന്ന രണ്ട് ശത്രു സൈന്യങ്ങളെക്കുറിച്ച് ആനന്ദ് എഴുതിയത് ഇപ്പോഴും, എപ്പോഴും പ്രസക്തമാണ്.

    ഷാർപ് വരികൾ ബഷീർ മാഷ്‌.

    ReplyDelete
  14. തിരുവൻചോർ ഫ്ബീ മീറ്റ് നടത്താൻ പൊയത

    ReplyDelete
  15. CONGRATULATIONS !!! VERY NICE... WELL SAID. KEEP IT UP...

    ReplyDelete
  16. Advocate JayaShankar has not been saying too many wrong things.
    But your post reflects average Keralite's concern over the influence of criminals in ruling of the state.
    Eventhough I was against violence, I am afraid now that I wont be shedding tears if these criminals get killed.

    ReplyDelete
  17. ചിലത് കണ്ടാൽ തോന്നും ഇവിടെ ടി പി മാത്രമേ മരിച്ചിട്ടുള്ളൂ എന്ന് : തിരുവന്ജൂർ

    ReplyDelete
  18. ജയിൽചട്ട ലംഘനം പരിശോധിക്കാൻ അഭ്യന്തരമന്ത്രി നേരിട്ടെത്തിയത് ജയിൽചട്ടം ലംഘിച്ച് ഡിസിസി പ്രസിഡന്റിനൊപ്പം

    ReplyDelete
  19. നിങ്ങളുടെ ഈ പോസ്റ്റ്‌ ഫേസ്ബുക്കില്‍ കൊടുത്തപ്പോള്‍ അവിടെ കണ്ട ഒരു കമന്റു....by Ashraf Nottath Pookkottur മാര്‍കിസ്റ്റ്കാര്‍ക്ക് വേണ്ടിയാണ് ഇവര്‍ TP യെ കൊന്നത് എങ്കില്‍ ആഭ്യന്തര മന്ത്രിയും കൂട്ടരും ഈ പ്രതിക ള്ക്ക് ജയിലില്‍ പോലും ഇത്ര സൗകര്യങ്ങള്‍ എന്തിന് നെല്ക്കുന്നു ? കേസ്സ് ദുര്‍ബലപെടുത്താനും അവരെ രക്ച്ചപെടുത്താനും കിണഞ്ഞ് ശ്രമിക്കുന്നു? സത്യത്തില്‍ ഇവര്‍ക്ക് വേണ്ടിയാണോ ഈ കൊലപാതകം അവര്‍ നടത്തിയത് എന്ന് തോന്നിപോകുന്നു. ഏതായാലും ഈ കൊലപാതകം കൊണ്ട് ഉപതിരഞ്ഞെടുപ്പില്‍ അടക്കം നേട്ടം ഉണ്ടാക്കിയത് ഇപ്പൊ സഹായിക്കുന്നവര്‍ തെന്നെ എന്നത് പരമാര്‍ത്ഥം....മുഖത്തെ ആ മഞ്ഞ കണ്ണട എടുത്തു മാറ്റി നോക്കൂ ബഷീര്‍ക്കാ..

    ReplyDelete
    Replies
    1. ഒന്ന് ചീഞ്ഞാൽ മറ്റൊന്നിനു വളമാകും. ചന്ദ്രശേഖരന്റെ മരണം UDF നു വളമായപോലെ UDF ചീഞ്ഞപ്പോൾ LDF ൻറെ ജയിൽ ഉള്ളവര്ക്ക് വരെ വളമായി. അത്ര തന്നെ. അധികാരത്തിനു വേണ്ടി എന്തു പോക്രിത്തരവും കാണിക്കാൻ UDF ഉം കിട്ടുന്നത് പോരട്ടെ എന്ന് LDF ഉം തീരുമാനിച്ചു. ഇപ്പം രണ്ടു കൂട്ടര്ക്കും ഒരേ ഒരു ശത്രുവേ ഉള്ളൂ, ജനങ്ങൾ.

      Delete
    2. athe, annum innum ennum pavapetta pothu janangal thanne sathru :(

      Delete
  20. ജെയില്‍ ജീവനക്കാരില്‍ ഒരു നല്ല ശതമാനം സി.പി.എം അനുഭാവികളാണ്. ഇത്തരക്കാരെ പിരിച്ചു വിടുക അത്ര എളുപ്പമല്ല.സ്ഥലം മാറ്റമാണ് പിന്നെയുള്ള പോവഴി.പകരം വരുന്നവനും സഖാവാണെങ്കില്‍ രക്ഷയില്ല. ഇനി ജീവനക്കാരന്‍ rരാഷ്ട്രീയം ഇല്ലാത്തവന്‍ ആണെന്ന് ഇരിക്കട്ടെ അത്തരക്കാരെ ഭീഷണിപ്പെടുത്തി കാര്യം സാധിക്കും ഈ ഗുണ്ടകള്‍. ഇവരുടെ വിളയാട്ടം അവസാനിപ്പിക്കാന്‍ കരളുറപ്പുള്ള ജീവനക്കാര്‍ വേണം. അല്ലെങ്കില്‍ ജയിലിന്റെ ചുമതല പട്ടാളത്തെ ഏല്‍പ്പിക്കണം.

    ReplyDelete
    Replies
    1. @ജെയില്‍ ജീവനക്കാരില്‍ ഒരു നല്ല ശതമാനം സി.പി.എം അനുഭാവികളാണ്.

      എന്തുകൊണ്ട്? എന്തുകൊണ്ട്? എന്തുകൊണ്ട്? എന്തുകൊണ്ട്? അതാണല്ലോ അറിയേണ്ടത്.

      Delete
    2. ജെയില്‍ ജീവനക്കാരില്‍ ഒരു നല്ല ശതമാനം സി.പി.എം അനുഭാവികളാണ്.....source of this information..???
      supported by any data..?? atho eppozheyum pole congressinte vizhuppu alakkan thalli vidunnnathu aano ???

      Delete
  21. ജയിലില്‍ ഫോണ്‍ ഉപയോഗിച്ച പ്രതികളെ ഉടന്‍ പുറത്താക്കി തിരുവന്ജൂര്‍ മാതൃക കാണിക്കണം

    ReplyDelete
  22. ടി പി വധ കേസില വിചാരണ തടവുകാര് ഫേസ് ബുക്കിൽ വന്നപ്പോൾ -- ഏഷ്യ നെറ്റ് ഞെട്ടി - കെ സുരേന്ദ്രന ഞെട്ടി - രമ ഞെട്ടി ............................................. ടി പി വധ കേസിലെ പ്രതികള ഇതേ വരെ ശിക്ഷിക്ക പെട്ടിട്ടില്ല .......... എന്നാൽ ..... ബലാൽ സംഗം നടത്തി കൊല ചെയ്തു കോടതി ശിക്ഷ വിധിച്ചു തൂക്കു മരം കാത്തു കഴിയുന്ന ഗോവിന്ദ ചാമിക്ക്‌ ബീഫ് ഫ്രൈ യും പൊറോട്ടയും ചോദിക്കുമ്പോൾ കൊടുത്തു രാധ പോലീസ് ആദരിച്ചപ്പോൾ ഇവര ആരും ഞെട്ടിയില്ല സുപ്രീം കോടതി കള്ളൻ എന്ന് മുദ്ര കുത്തി ജയിലിൽ അടച്ച ബാലാ കൃഷ്ണ പിള്ളയെ സോളാർ ചാണ്ടി തുറന്നു വിട്ടപ്പോൾ ഇവര് ആരും ഞെട്ടി ഇല്ല ............ കോടികൾ കട്ട സുരേഷ് കല്മടിയെ ഒളിമ്പിക്സ് നേതൃ സ്ഥാനത്തേക്ക് ഇന്ത്യൻ സർകാർ മത്സരിപിച്ചപ്പോൾ ഇവര ആരും ഞെട്ടിയില്ല സോളാർ അടക്കം തട്ടിപ്പ് കേസിലും കൊല കേസിലും പ്രതി ആയ സരിതയ്ക്ക് കേരള പോലീസ് കണ്ണ് എഴുതി , പൊട്ടു തൊട്ടു കല്ല്‌ മാല ചാരത്തി .... കരിമീൻ പൊരിച്ചു കൊടുത്തപ്പോൾ ഇവര ആരും ഞെട്ടിയില്ല. കോണ്‍ഗ്രസ്‌ പ്രസിഡണ്ട്‌ പദവിയിൽ ഇരുന്നു മാധമ്മ ഗാന്ധി ലോകത്തിലെ സമ്പന്നരിൽ നാലാം സ്ഥാനത് എത്തി എന്നാ വാർത്ത‍ കേട്ടപോഴും ഇവരും ആരും ഞെട്ടിയില്ല....

    ReplyDelete
    Replies
    1. ഈ പറഞ്ഞവർ എല്ലാം ഇന്നല്ലെങ്കിൽ നാളെ ജയിലിൽ എത്തെണ്ടവർ ആണ്. അത് വരെ അവർ സ്വതന്ത്രർ ആണ്. പക്ഷെ ജയിലിൽ എത്തിയിട്ട് ഇതേ പണി കാണിച്ചാൽ ഞെട്ടാതെ നിവൃത്തി ഇല്ലല്ലോ സഹോദരാ.

      Delete
  23. നിത്യവൃത്തിക്ക് വഴിയില്ലാതെ തേങ്ങ മോഷ്ടിച്ചവനെ സെല്ലിൽ നിന്ന് പുറത്തിറങ്ങാൻ സമ്മതിക്കാതെ 'നിയമം' നടപ്പിലാക്കുമ്പോൾ പച്ചയ്ക്ക് ഒരു മനുഷ്യനെ അമ്പത്തൊന്നു വെട്ട് വെട്ടി നുറുക്കിയ മൃഗങ്ങൾക്ക് സെൽഫോണും ഇന്റർനെറ്റും കോഴിക്കാലും ഏർപ്പാടാക്കിക്കൊടുക്കുന്നതിനെ മനുഷ്യാവകാശം എന്നല്ല കൂട്ടിക്കൊടുപ്പ് എന്നാണ് വിളിക്കേണ്ടത്. അത് അഭ്യന്തര മന്ത്രി ചെയ്താലും മുഖ്യമന്ത്രി ചെയ്താലും.

    ReplyDelete
  24. നമ്മുടെ മന്ത്രിമാരെ മാറ്റി അവിടെ LP സ്കൂള്‍ പിള്ളേരെ ഇരുത്തിയാല്‍ ഭരണത്തിന് കുറെ കൂടി മെച്ചം ഉണ്ടായേനെ !

    ReplyDelete
  25. അല്ലാ................... നമുക്കിനി രാജഭരണത്തെ പറ്റി ചിന്തിച്ചു കൂടെ...........പത്മദാസന് ലോകത്തെ വിലക്കു വാങ്ങാനുള്ള കാശുമുണ്ട്............?

    ReplyDelete
    Replies
    1. ഇപ്പൊ പിന്നെ എന്താണ് നടക്കുന്നത്? ഓ രാജാവല്ലല്ലോ രാജ്ഞി സോണിയാജി ആണല്ലോ അല്ലേ... സാരമില്ല രാജകുമാരാൻ കാത്തുകെട്ടി നടപ്പുണ്ട്.

      Delete
  26. സിപിയെം ജെയിലുകൾ പാർട്ടി ഗ്രാമങ്ങൾ ആക്കി മാറ്റിയെങ്കിൽ അത് അവരുടെ മിടുക്ക് എന്നിട്ട് അവർ അത് ചെയ്തു ഇത് ചെയ്തു എന്ന് പറയുന്നത് കഴിവുകേട് ആണ് കാണിക്കുനത് സ്വന്തം കഴിവ് കേടാണ് ഭരണപക്ഷത്തയിട്ടു പോലും ജെയിലുകളെ നിയന്ത്രിക്കാൻ കഴിയുന്നില്ലെങ്കിൽ അത് കഴിവുകേടാണ് അതിനു ഇങ്ങനെ മോങ്ങിയിട്ടു കാര്യമില്ല

    ReplyDelete
    Replies
    1. അത് കറക്റ്റ് ഇന്നലെ കൊണ്ഗ്രസിൻറെ ആരോ ചാനലിൽ പറയുന്നത് കേട്ടു കണൂരിൽ ജയിലുകൾ പാർട്ടി ഗ്രാമങ്ങള പോലെ ആണെന്ന്. അവരെ വേറെ ജയിലിൽ കൊണ്ടേ ഇട്ടാൽ അവിടെയും അതുപോലെ ആക്കും എന്ന്. ഇത് ശരിയാണെങ്കിൽ യാതൊരു സംശയവും വേണ്ട ലവന്മാർ പുലികൾ തന്നെ.

      Delete
  27. ഈ പോസ്റ്റ്‌ എനിക്ക് തന്നെ ഇന്ന് ഇമെയിലിൽ കിട്ടി. അത് പതിവുള്ളതാണ്. മറ്റാരുടെയെങ്കിലും പേര് വെച്ചാണ് സാധാരണ കിട്ടാറുള്ളത്. പക്ഷെ Keralites ഗ്രൂപ്പിൽ നിന്നും ഇത്തവണ കിട്ടിയതിന് ഒരു പ്രത്യേകതയുണ്ട്. അവസാനത്തിൽ ഒരു വരിയുണ്ട്. കടപ്പാട്:അപ്പുക്കുട്ടൻ വള്ളിക്കുന്ന് :)

    ReplyDelete
    Replies
    1. കടുവ കിടുവയെ പിടിച്ചോ അതോ കിടുവ കടുവയെ പിടിച്ചോ? ഈ പോസ്റ്റ്‌ എഴുതിയത് ആരാണ് എന്ന് ഉറപ്പില്ല പക്ഷെ പോസ്റ്റ്‌ ചെയ്തത് ബഷീർ തന്നെ. ഹി ഹി....

      Delete
    2. This comment has been removed by the author.

      Delete
    3. വളളി കുന്നുംപുറം എന്നാകാഞ്ഞത് ഫാഗ്യം :)

      Delete
  28. പറയാൻ വന്നത്‌.. പറയേണ്ടത്‌.. പറയിപ്പിച്ചത്‌...

    നന്നായി പറഞ്ഞു.

    ReplyDelete
  29. ജനപക്ഷത്ത് നിന്നുള്ള വിലയിരുത്തല്‍...

    ReplyDelete
  30. "തിരുവഞ്ചി" ഇനി ആരെയും അധികം വഞ്ചിക്കാതെ പെട്ടെന്ന് എങ്ങോട്ടെങ്കിലും "ഊരി"
    പോകുന്നതാണ് നല്ലത് .. ആഫ്യന്തരം ആണ് പോലും ആഫ്യന്തരം .. നക്സലിസം ചുമ്മാതല്ല
    കാടിറങ്ങി നാട്ടിലെത്തുന്നത് .. ചിലപ്പോഴെങ്കിലും അത് വേണ്ടത് തന്നെയാണ്
    ഇവിടെയൊക്കെ ..

    ReplyDelete
    Replies
    1. ആദ്യം താൻ പോയി തന്റെ നാട്ട്ടുകാരെ ബോധവൽക്കരിക്കു , മനുഷജീവന് പട്ടിയുടെ പോലും വിലകൊടുകാത്ത, ചേകവന്മാരുടെ പിന്മുറക്കാരായ തന്റെ നാട്ടുകാരെ മനസിലാക്കി കൊടുക്ക്‌ ജീവന്റെ വില. തന്നെപോലുള്ള മനകുനഞ്ഞന്മാർക്ക് കീബോര്ടുപയോഗിച്ചു തൂട്ടനെ അറിയൂ. എന്തുകൊണ്ട് ഇതു വടക്കാൻ കേരളത്തില മാത്രം നടക്കുന്നു ? അഭാന്തര മന്ത്രിക്കു എല്ലാ ദിവസവും ജയിലിൽ പോയി നോക്കാൻ പറ്റില്ല. പണ്ട് ഒരു DIG ഉണ്ടായിരുന്നു, MGA രാമൻ, എങ്ങനെ ആണ് ജയിൽ കണ്ട്രോൾ ചെയ്യേണ്ടതെന്ന് കാണിച്ചുകൊടുത്തു. പക്ഷെ അദേഹത്തെ രായ്ക്കു രായ്മനം നാടുകടത്തി.ഇവിടെ ആഭ്യന്തര മന്ത്രിയെ മാറുവാൻ മുറവിളികൂട്ടുന എല്ലാവര്ക്കും അവരവരുടേതായ അജെന്ടകൾ ഉണ്ട്, വള്ളിക്കുന്നിന്റെ ലീഗിന് അടക്കം .

      Delete
    2. വടക്കൻ കേരളത്തിൽ മാത്രം എന്ത് തെങ്ങയാടോ നടക്കുന്നേ ? കേരളത്തിൽ ഏറ്റവും കൂടുതൽ രാഷ്ട്രീയ കൊലപാതകം നടന്ന ജില്ല അറിയുമോ തനിക്ക്....വിവരമില്ലേൽ മിണ്ടാതെ മൂലക്കിരിക്കെട....ഞാൻ ഇവിടെ ഇടയ്ക്കിടെ കമന്റ് ഇടുന്ന ഒരാളാണ്. താൻ കോപ്പിലെ മറുപടി കൊടുത്ത പ്രവീണ്‍ അല്ല...പക്ഷെ താൻ ആക്ഷേപിച്ച വടക്കൻ കേരളത്തിൽ ജനിച്ചു വളര്ന്നവനാ ഞാൻ...ഇനി നിനക്ക് സ്വന്തം വിവരം വെളിപ്പെടുത്താൻ ധൈര്യം ഉണ്ടേൽ ഞാൻ എന്റെ ഫോണ്‍ നമ്പർ സഹിതം തരാം...എന്തെ? പറ്റുമോ ? താൻ കളിയാക്കിയ ആ വടക്കൻ കേരളത്തിന്റെ തണ്ട് തന്നെയാടാ...ചുമ്മാ മൂക്കുന്നുന്ടെൽ വല്ല മുരിക്കും നോക്കി കേറ്...!!!

      ...അനോണിയായി വന്ന് പറയുമ്പോ തനിക്കും സുഖിക്കുന്നുണ്ടോ എന്ന് ഒന്ന് അറിയണമല്ലോ....

      വള്ളിക്കുന്നെ, ഈ കമന്റ് അപ്പ്രോവ് ചെയ്യതിരിക്കരുത്....അങ്ങനെ ഒരു അലവലാതി ഒരു നാടിനെ അടച്ചു കുറ്റം പറയരുതല്ലോ....എനിക്ക് അത്രയും പ്രിയപ്പെട്ടതാണ് എന്റെ നാട്....താങ്കള്ക്ക് വേണമെങ്കില എന്റെ നെറ്റ് ഐപി പരിശോധിക്കാം....

      Delete
    3. നമ്മുടെ രാജ്യം മാറി നമ്മുടെ കേരളം ആയി ഇപോ അത് തെക്കനും വടക്കനും ആയി നമുക്ക് എവിടെയാ പിഴച്ചത്

      Delete
  31. ഇതല്ലാം കാണുമ്പോള്‍ എനിക്കും സ്വയം 51 വെട്ട് വെട്ടി അങ്ങ് ചത്താലോ എന്ന് തോന്നി പോവുന്നു ....!!!

    ReplyDelete
    Replies
    1. ഒന്ന് പോടെ വെറുതെ നാട്ടുകാരെ കൊതിപ്പിക്കാതെ.

      Delete
  32. they are doing 51 cutt by S knife, dont take 10 rupees, so they are need maanushika parikanana.(pls live them they are poor)

    ReplyDelete
  33. രാഷ്ട്രീയത്തിന്റെ പിന്നാമ്പുറങ്ങളിൽ അരങ്ങേറുന്ന ചീഞ്ഞു നാറിയ ബന്ധങ്ങളുടെ ഗന്ധമാണ് കോഴിക്കോട്ടെ ജയിലിൽ നിന്ന് പുറത്തു വരുന്നത്. മന്ത്രിക്കുപ്പായമണിഞ്ഞാൽ പിന്നെ കോലം മാറും. നീതിയും മനുഷ്യത്വ വുമൊക്കെ പിന്നെ ചാനലുകളിൽ വിളമ്പാനുള്ള ചുടു വിഭവങ്ങൾ മാത്രമായിത്തീരും. കഴുമരത്തിൽ തൂങ്ങിയാടേണ്ട ദുഷ്ട മുഖങ്ങളിൽ പൌഡറിട്ടു കൊടുക്കുന്ന നെറികേട്. മനുഷ്യത്വ മുള്ള കേരളീയർ ഈ നെറികേടിനു നേരെ കാറി തുപ്പും!

    ReplyDelete
  34. മന്ത്രിയുടെ സന്ദര്‍ശനം കഴിഞ്ഞു.. കൃത്യ നിര്‍വഹണത്തില്‍ കുറ്റകരമായ വീഴ്ച വരുത്തിയ ജയില്‍ ഉദ്യോഗസ്ഥന്‍മാര്‍ക്കുള്ള ശിക്ഷ സ്ഥലം മാറ്റമാണ്. എല്ലാവരെയും അവരവരുടെ വീടുകളുടെ സമീപത്തേക്കാണോ സ്ഥലം മാറ്റിയിരിക്കുന്നത് എന്ന് കൂടി അന്വേഷിക്കുന്നത് നന്ന്..

    ReplyDelete
    Replies
    1. അത് വളരെ കഷ്ടമായി പോയി. എത്രയും വേഗം ഉദ്യോഗസ്ഥന്മാരെ തൂക്കി കൊല്ലാൻ ഉത്തരവിടണം. ഇല്ലെങ്കിൽ പാക്കിസ്ഥാനിലേക്ക് നാട് കടത്തിയാലും മതി.

      Delete
    2. ഉദ്യോഗസ്ഥന്മാരെ എല്ലാവരെയും മാറ്റി. ഇനി പ്രതികളെ കൂടി അതെ സ്ഥലതോട്ടു മാറ്റി കഴിഞ്ഞാൽ എല്ലാം ശുഭം.

      Delete
  35. റ്റി പി വധ കേസിലെ പ്രതികള്‍ ഫെയ്സ് ബുക്ക്‌ ഉപയോഗിക്കുന്നതും അവര്ക്ക് ജയിലില്‍ ലഭിക്കുന്ന സ്വാതന്ത്ര്യത്തിനും എതിരെ വള്ളികുന്നിന്റെ അതെ രോക്ഷത്തോടെ ഞാനും പ്രധിക്ഷേധിക്കുന്നു. എന്നാല്‍ ഈ ലേഖനത്തിന്റെ തുടക്കത്തിലുള്ള അഡ്വ. ജയശങ്കരിന്റെ പരാമര്ഷവും പിന്നെ ആ കാഴ്ച്ചപാടിനോടുള്ള താങ്കളുടെ യോജിപ്പും തീരെ ശരിയായില്ല, താടിയും കക്ഷവും വടിക്കുന്നത് വളരെ മോശമായ ഒരു തൊഴില്‍ ആണെന്ന് ജയ ശങ്കരനോടൊപ്പം താങ്കളും സമര്ഥിക്കുന്നു. ആഭ്യന്തര മന്ത്രി കാണിച്ച നെറി കേടിനെ ഒരു പ്രത്യേക തൊഴില്‍ ചെയ്യുന്നവരെക്കാള്‍ മഹത്തരം ആക്കുകയല്ലേ നിങ്ങള്‍ ചെയ്യുന്നത്, അല്ലെങ്കില്‍ ബാര്ബര്‍ പണി ചെയ്യുന്നവര്‍ എല്ലാം ഇത്തരത്തിലുള്ള അധമ പ്രവര്ത്തി ചെയ്തു ഈ ജോലിയിലേക്ക് എത്തിചെര്ന്നതാണന്നല്ലേ ആദ്യ പാരഗ്രാഫിന്റെ അവസാന വരിയില്‍ നിന്നും മനസ്സിലാകുന്നത്‌. ഏതു ജോലിക്കും അതിന്റേതായ പ്രയത്നവും മഹത്വവും ഉണ്ട്. ശങ്കരന്റെയും താങ്കള്ടെയും വരികളില്‍ പഴയ കാല ജന്മിത്വ മനോഭാവം ഒളിഞ്ഞു കിടപ്പുണ്ട്, തന്നെത്താന്‍ ചെയ്യാന്‍ ശ്രമിക്കുമ്പോള്‍ സാധ്യമല്ലാതെ വരുന്ന ജോലി അതിനു നിപുണതയുള്ള ആളുകള്‍ ചെയ്യുമ്പോള്‍ അതില്‍ എന്ത് ആക്ഷേപം ആണ് താങ്കള്‍ കണ്ടെത്തുന്നത്, ആഭ്യന്തര മന്ത്രി ചെയ്ത കുറ്റത്തിനു പാവം ബാര്ബ്ര്‍ മാര്‍ എന്ത് പിഴച്ചു. ഏതു തൊഴില്‍ ചെയ്യുന്നവനെയും ബഹുമാനിക്കാനും ആധരിക്കാനും അന്ഗീകരിക്കാനും കഴിയണം.

    ReplyDelete
    Replies
    1. സഹോദരി! ബാർബർ പണി അത്ര മോശം പണി ആണെന്ന് എവിടെയാ പറയുന്നത്? എന്തായാലും ആഭ്യന്തര മന്ത്രി എന്ന പണിയുടെ സ്റ്റാറ്റസ് ഒന്നും ബാർബർ പണിക്കു ഇല്ല. ആഭ്യന്തര മന്ത്രിയോട് ബാർബർ പണി ചെയ്യാൻ പറയുന്നതിന്റെ അർത്ഥം എന്താണെന്ന് പിടികിട്ടിയില്ലേ? ഇപ്പോൾ ചെയ്യുന്ന പണിയെക്കാളും അദേഹത്തിന് ചേരുന്നത് ബാര്ബര് പണി ആണെന്ന്. അതായത് ആഭ്യന്തര മന്ത്രിക്ക് മുഖ്യമന്ത്രി ആയി പ്രൊമോഷൻ അല്ല ബാർബർ ആയി ഡിമോഷൻ ആണ് വേണ്ടത് എന്ന്.

      പക്ഷെ തിരുവഞ്ചൂർ ആരാ മോൻ? അദ്ദേഹത്തെ തൊടാൻ കഴിയില്ല, ഇന്ന് ഐ ഗ്രൂപ്പ് അല്ല, മുഖ്യമന്ത്രി അല്ല സോണിയാ ഗാന്ധി വിചാരിച്ചാൽ പോലും തിരുവഞ്ചൂർ ആ കസേരയിൽ നിന്നും മാറില്ല. മാറണം എന്ന് പറയുന്നവരോട് തിരുവഞ്ചൂർ തന്നെ പറഞ്ഞിട്ടുണ്ടല്ലോ 'പുളിക്കും പുളിക്കും' എന്ന്.

      Delete
    2. ജ്വാല പറഞ്ഞതിന്റെ സാരാംശം ഉള്‍കൊള്ളുകയും അതിനെ മാനിക്കുകയും ചെയുന്നു. 'നിനക്ക് താടി വടിക്കാന്‍ പോയിക്കൂടെ' എന്നത് നാട്ടുമ്പുറത്തൊക്കെയുള്ള ഒരു ശൈലീ പ്രയോഗമാണ്. പല ജോലികളുമായി ബന്ധപ്പെട്ട് അത്തരം പ്രയോഗങ്ങള്‍ നിലവിലുണ്ട്. അത്തരം ജോലികളോടുള്ള പഴയ കാലത്തെ സാമൂഹ്യ സമീപനങ്ങളില്‍ നിന്ന് രൂപം കൊണ്ടാവയായിരിക്കും അവയെങ്കിലും കാലക്രമത്തില്‍ അതൊരു നിര്‍ദോഷ പ്രയോഗമായി രൂപാന്തരം പ്രാപിക്കുകയാണ് പതിവ്.. 'ഇതിലും നല്ലത് ഉള്ളിക്ക് തൂറാന്‍ പോകുന്നതാണ്' എന്ന് പറയുന്നത് ഉള്ളിയോട് പ്രത്യേക വിദ്വേഷം ഉണ്ടായിട്ടല്ല :). മാത്രമല്ല ഇപ്പോള്‍ ബാര്‍ബര്‍മാര്‍ ബ്യൂട്ടീഷന്മാര്‍ എന്നാണ് അറിയപ്പെടുന്നത്. പഴയ ജില്ലാ കലക്ടറുടെ സ്റ്റാറ്റസ് ആണ് ഇപ്പോള്‍ ബ്യൂട്ടീഷന്മാര്‍ക്ക്. എന്നിരുന്നാലും നിങ്ങളുടെ അഭിപ്രായം കണക്കിലെടുത്ത് തിരുവഞ്ചൂരിനു സെക്രട്ടേറിയറ്റില്‍ ഒരു ബ്യൂട്ടി പാര്‍ലര്‍ തുടങ്ങുന്നതാണ് നല്ലത് എന്ന് തിരുത്തി വായിക്കുകയും ചെയ്യാം. അഡ്വ. ജയശങ്കറിന്റെ നമ്പര്‍ കൈവശമുള്ളവര്‍ അദ്ദേഹത്തോടും ഇങ്ങനെയൊരു തിരുത്ത് വരുത്തുവാന്‍ ആവശ്യപ്പെടണമെന്ന് അഭ്യര്‍ത്ഥിക്കുന്നു

      Delete
    3. ജ്വാലയുടെ വരികള്‍ തീര്‍ച്ചയായും പ്രസക്തമാണ്. അതിനെതിരെ ന്യായീകരിക്കാന്‍ വേണ്ടി "സഹോദരി! ബാർബർ പണി അത്ര മോശം പണി ആണെന്ന് എവിടെയാ പറയുന്നത്? എന്തായാലും ആഭ്യന്തര മന്ത്രി എന്ന പണിയുടെ സ്റ്റാറ്റസ് ഒന്നും ബാർബർ പണിക്കു ഇല്ല. ആഭ്യന്തര മന്ത്രിയോട് ബാർബർ പണി ചെയ്യാൻ പറയുന്നതിന്റെ അർത്ഥം എന്താണെന്ന് പിടികിട്ടിയില്ലേ?" എന്ന ചോദ്യം 'പ്രയോഗം എന്തുമാകട്ടെ, അതിന്‍റെ ഉദ്ദേശ്യം ഇത്രയേയുള്ളൂ' എന്നൊരു ലഘൂകരണം മാത്രമേയാകുന്നുള്ളൂ. "ഈ പണി വിട്ടു വല്ല ബാര്‍ബര്‍ പണിക്കും പോയ്കൂടെ" എന്ന് ഒരാള്‍ പറയുകയോ എഴുതുകയോ ചെയ്‌താല്‍ ബാര്‍ബറല്ലാത്ത ആര്‍ക്കും അതൊരു വിഷമമുണ്ടാക്കില്ലായിരിക്കാം. എന്നാല്‍ മക്കളെ നന്നായി പഠിപ്പിച്ചു മാന്യമായി കുടുംബത്തെ പോറ്റുന്ന ആയിരക്കണക്കിന് ബാര്‍ബര്‍മാര്‍ ഓരോ പ്രദേശത്തുമുണ്ട്. അവര്‍ക്കൊക്കെ ഇത്തരം പ്രയോഗങ്ങള്‍ വഴി പ്രോത്സാഹനമാണോ അതോ പരിഹാസമാണോ ലഭിക്കുന്നത് എന്നത് മാനുഷികമൂല്യം ഉള്‍കൊള്ളുന്ന ഓരോരുത്തരും ചിന്തിക്കേണ്ടതുതന്നെയാണ്. നമ്മുക്ക് ഒരു വിഷയത്തിന്‍റെ ഗൗരവം ദ്യോതിപ്പിക്കാന്‍ ഉപമകളും ഉദാഹരണങ്ങളുമൊക്കെ പ്രയോഗിക്കാം., പക്ഷേ അതൊന്നും ഒരു ചെറിയ നന്മയെപോലും കൊച്ചാക്കി കാണിച്ചുകൊണ്ടാകരുത്.

      Delete
    4. അതെ താടി ഒഴിവാക്കാമായിരുന്നു

      Delete
  36. ജ്വാല സൂചിപ്പിച്ചത്‌ ശരി തന്നെ. ശ്രദ്ധിക്കേണ്ടവ..

    ReplyDelete
  37. ജയിലില് പോവാ൯ പൂതിയാവുനു

    ReplyDelete
  38. Doesn't it evoke thoughts in a way that there is a collusive and callous understanding between UDF and LDF as far as TP murder is concerned?

    ReplyDelete
  39. TJ put a good twist to the case :) facebook update is done by congress criminals :) is it so difficult to trace the phone and the account information? yea.. yea...

    ReplyDelete
  40. ജയില്‍ ഡി-ജി-പി അലക്സാണ്ടാര്‍ ജേക്കബിന്‍റെ പത്രസമ്മേളനം
    കണ്ട് അന്തംവിട്ടിരുന്നുപോയി..!!

    ടി-പി- വധക്കേസിലെ പ്രതികളെ വെറുതെവിട്ടാലും അവരെ
    കുടുക്കാനാവാം ഇപ്പോള്‍ ഇങ്ങിനെ ഒരു ഫോണ്‍-വിവാദം
    ഉണ്ടാക്കിയതെന്ന് ഡി-ജി-പി.

    ഇങ്ങിനെയുള്ള ഒരു ജയില്‍മേധാവി ആ സ്ഥാനത്തിനര്‍ഹനല്ല.

    കൊടിസുനിയുടെയും,കിര്‍മാണിമനോജിന്‍റെയോ
    വക്കീലിനെപ്പോലെ സംസാരിക്കുന്ന ഈ ഡി-ജി-പി
    കേരളത്തിന് അപമാനമാണ്.

    ReplyDelete
  41. സൗമ്യ യെ യും ടീ പീ യെ യും ഒക്കെ നിഷ്ടൂരമായി കൊന്നവര് ക്കു ള്ള സുഖവാസ കേന്ദ്ര മാണോ നമ്മുടെ ജയിലുകൾ .

    ReplyDelete
  42. ജെയിലിലും ഫേസ്ബുക്ക്, ഒരു ബ്ലോഗറുടെ അമർശം

    എല്ലാരും പറഞ്ഞതാ ഈ ഫെയിസ്ബുക്ക് കാരണാ ബ്ലോഗിങ്ങനെ ആയെ എന്ന്…. പണ്ടൊക്കെ എന്താർന്നു ബ്ലോഗിന്റെ മൊഞ്ച്.. പ്പോ പല്ലു പോയ സിംഹം പോലെ ആയീലേ…
    ഫെയിസ്ബുക്കിലല്ലേ പ്പോ എല്ലാം.. സമയമില്ലാത്തോണ്ട് പെട്ടെന്ന് വായിച്ചു തീർക്കാനാത്രേ ഫെയിസ് ബുക്കാക്കിയെ. പെട്ടെന്ന് റെസ്പോൺസും കിട്ടൂത്രേ.
    നുണയാ.. ഇതു ഒരു തരത്തിൽ ഫെയിസ്ബുക്ക് ബ്ലോഗിനെ തകർക്കാൻ കരുതികൂട്ടി എന്തോ ചെയ്യണതന്യാ… അല്ലെങ്കിൽ ഓരു ജയിൽ വരെ കസ്റ്റമരെ ഉണ്ടാക്കോ….

    അല്ലെങ്കിൽ ഒന്നു നോക്കിയേ.. എമ്പാടും സമയം കിട്ടണ ജയിലിലുളോർ വരെ എന്താ ബ്ലോഗിൽ വരാത്തെ. അവരൊക്കെ ഫെയിസ്ബുക്കിൽ വരാൻ കാണണെന്താ….
    ജെയിൽ മേധാവി തീർച്ചയായും ഫെയിസ്ബുക്കിന്റെ അങ്ങേരുടെ കയ്യീന്ന് സംതിങ്ങ് വാങ്ങീട്ടുണ്ട്…
    ജെയിലീന്ന് വരെ ഫെയിസ്ബുക്ക് അവാം എന്നതിൽ കവിഞ്ഞ വേറെ എന്തു മാർകെറ്റ് വോയിസാ ഇനി ഫെയിസ്ബുക്കിനു കിട്ട്വ.
    പണ്ട് നിങ്ങളെവിടെ പോയാലും പട്ടികുട്ടി പിന്നാലെ ന്നു പറഞ്ഞു കവറേജും കൊണ്ട് വന്നില്ലേ മൊബൈൽ കമ്പനി.. ഇനീപ്പോ ഫെയിസ്ബുക്കിനു പറയാലോ ‘ജെയിലിൽ വരെ ഞങ്ങൾ നിങ്ങളോടൊപ്പം’ എന്ന്

    എന്തായാലും നടന്നതൊക്കെ നടന്നു. ഇനി പ്പോ പറഞ്ഞിട്ടെന്താ…
    ന്നാലും ക്രിമാണിക്കും കൊടിക്കും ഒക്കെ ബ്ലോഗിലും വരാർന്നില്ലേ…. എന്തോരം സമയൂണ്ട് അവർക്കവിടെ. ജെയിൽ സൂപ്രണ്ട് അവർക്ക് ഫെയിസ്ബുക്ക് മാത്രം കൊടുത്തതെന്താ
    ബ്ലോഗൂടെ കൊടുത്ത് മലയാളത്തെ പ്രൂൽത്സാഹിപ്പിക്കാൻ അതൊരു അവസരമാക്കാർന്നില്ലോ

    ഇനീപ്പോ പറഞ്ഞിട്ടെന്താ. അത്രേം സമയൂള്ള ജയിലിലുളോർക്ക് വരെ ബ്ലോഗ് വെണ്ടാന്നായില്ലെ പ്പോ.

    ബ്ലോഗരെന്ന നിലയിൽ ബ്ലോഗിനെ പ്രൊമോട്ട് ചെയ്യാതെ ഫെയിസ്ബുക്കിനെ മത്രം പ്രൊമോട്ട് ചെയ്ത ജയിലിലെ അധികാരികളെ പുച്ചത്തോടെ നോക്കികാണാനും. ജയിലില്ലോർക്ക് വരെ ആവാം എന്ന നിലയിലായ ഫെയിസ് ബുക്ക് ഇനി നിക്ക് വേണ്ടെന്ന് പറഞ്ഞ് ഒഴിവാക്കുവാനാവും ‘ഗുണ്ടാ ബ്ലോഗ് കേരളാ സർക്കിൾ ജയിൽ കമിറ്റി’ ആഹ്വാനം ചെയ്യുന്നു.

    ജെയിൽ മേധാവികൾക്ക് ഒരവസരം എന്ന നിലക്ക്.. അടുത്ത തവണ ബ്ലോഗിനെ കൂടി പരിഗണിക്കണമെന്നും.. അതിനുവേണ്ട സാങ്കേതിക അറിവ്, സ്മാർട്ട് ഫോണിൽ മലയാളം വായിക്കുന്നതു മുതൽ എഴുതുന്നതു വരേയും.. ബർമൂടാ പടങ്ങൾ അപ്ലോട് ചെയ്യുന്ന വിധവും എല്ലം ചേർത്തു ഒരു ബ്ലോഗ് ശിൽപ്പശാല കേരളത്തിലെ എല്ലാ ജയിലിലും മാസത്തിൽ ഒരിക്കൽ എന്ന നിലയിൽ അവസം നൽകുന്ന മുറക്ക് ഇനി ഇതേചൊല്ലി വിവാദങ്ങൾ ഉണ്ടാക്കില്ലെന്ന് ജെയിൽ ഡീജീപ്പി യുടെ അഭ്യർത്തന കൂടി മാനിച്ച് ഉറപ്പ് നൽകുന്നു..

    ReplyDelete
    Replies
    1. ബ്ലോഗറുടെ അമര്‍ശം തിരിച്ചറിയുന്നു.. :)

      Delete
  43. കഴിഞ്ഞ ഒരു വർഷക്കാലമായി അഭ്യന്തര മന്ത്രിയുടെ ബോസ്സ് ഉമ്മൻ ചാണ്ടിയല്ല, സഖാവ് പിണറായി വിജയനാണ്. ചീഞ്ഞു നാറുന്ന എന്തൊക്കെയോ നീക്കുപോക്കുകൾ അദ്ദേഹം ചവച്ചിറക്കുന്നുണ്ടെന്ന് ആ മുഖവും ശരീരഭാഷയും വിളിച്ചു പറയുന്നുണ്ട്.

    ReplyDelete
  44. ഇനിയിപ്പോ തെരെഞ്ഞെടുപ്പെന്നും പറഞ്ഞു കുറെ സമയവും പണവും കളയുന്നതെന്തിനാ വലിയേട്ടനും ചെറിയേട്ടനും കൂടെ പങ്കിട്ടങ്ങു ഭരിച്ചാൽ പോരെ ...

    ReplyDelete
  45. everybody should respect law.it is up to the judiciary to look into the evidence without emotions, without fear or favour and with neutral judicial mind, and thus decide on culpability of the accused.till conviction by supreme court, every accused is innocent and must be treated innocent.this approach should be rigorously followed till we are able to discover a better system of law.it seems from the emotional approach of author that he was one eye witness for the whole incident!!! if that is the case, the author should have deposed before trial court with courage.don't respond emotionally relying on media bluffing.nowadays media people are the best suited to be sent to jail for their baseless bluffings.media bluffing in most high profile cases is not reliable at all.
    this could be understood by anyone familiar with case proceedings in court.if TP case accused are not proven guilty beyond and to the exclusion of each and every reasonable doubt in Court, then they are innocent and should be treated innocent.That's IT!!! That's Law!!!

    ReplyDelete
  46. aam admi partye kurichu ezhuthumennu pratheekshikkunnu- by shyamjith

    ReplyDelete