September 27, 2012

ഫേസ്ബുക്കിനെ ആര്‍ക്കാണ് പേടി?

ഫേസ്ബുക്ക് പാവമാണ്!. പൊതുവേ ആരെയും ഉപദ്രവിക്കാറില്ല, പ്രത്യേകിച്ച് നമ്മുടെ മലയാള പത്രങ്ങളെ. പക്ഷെ അവര്‍ക്കൊക്കെ ഇഷ്ടം പോലെ വായനക്കാരെ ഉണ്ടാക്കിക്കൊടുക്കാറുണ്ട്. പത്രങ്ങളില്‍ വരുന്ന വാര്‍ത്തകളും ഫോട്ടോകളുമൊക്കെ ഷെയറി ഷെയറി ഹിറ്റാക്കുന്നതും അവരുടെ സൈറ്റുകളിലേക്ക് ലിങ്കിലൂടെ ആളുകളെ പാര്‍സലയക്കുന്നതും ഫേസ്ബുക്കാണ്. എന്നിരുന്നാലും 'ഇട്ടിക്ക്  പട്ടരിഷ്ടം പട്ടര്‍ക്കിട്ടി ചേട്ട' എന്ന് പറഞ്ഞ പോലെയാണ് പത്രങ്ങളുടെ കാര്യം. അവര്‍ക്ക് ഫേസ്ബുക്കിനെ കണ്ടുകൂടാ. ഫേസ്ബുക്കിന്റെ കരണത്തടിച്ചു മാസത്തില്‍ നാല് ലേഖനം എഴുതിയാലേ തൃപ്തി വരൂ. ഈ മാസത്തെ കസര്‍ത്ത് മനോരമയുടെയും മാധ്യമത്തിന്റെയും വകയാണ്.

"ഫേസ്ബുക്കോ, വേറെ പണിയില്ലേ?" എന്നാണു പി കിഷോര്‍ എഴുതിയ മനോരമയുടെ ലേഖനത്തിന്റെ തലക്കെട്ട്‌. അത് കണ്ടപ്പോള്‍ തന്നെ വയറു നിറഞ്ഞു, ഉള്ളിലെന്തായിരിക്കുമെന്നു ഒരു ഐഡിയയും കിട്ടി. എന്നാലും ഒന്ന് വായിച്ചു നോക്കി. കണക്കുകൂട്ടല്‍ തെറ്റിയില്ല. അതിഭയങ്കര കണ്ടെത്തലുകളാണ് അതിനുള്ളിലുള്ളത്. ഫേസ്ബുക്ക് പൊളിയാന്‍ പോവുകയാണ്, അത് ജനത്തിനു മടുത്തു തുടങ്ങി. അവര്‍ അടുത്തു തന്നെ പൂട്ടും. (പൂട്ടിപ്പോവുമ്പോള്‍ താക്കോല്‍ മനോരമക്ക് കൊടുക്കണേ സക്കര്‍ബര്‍ഗേ). മ. ലേഖകന്‍ പറയുന്നതിനെ ഒന്ന് തലതിരിച്ചിട്ടു വായിച്ചാല്‍ അതിനു മറ്റൊരു അര്‍ത്ഥതലം കൂടി കിട്ടും. അതേതാണ്ട് ഇങ്ങനെയാണ്. മനോരമ ഒരിക്കലും പൊളിയുകയില്ല, അത് ജനത്തിനു മടുത്തിട്ടില്ല. സര്‍ക്കുലേഷന്‍ കൂടിക്കൊണ്ടേയിരിക്കുന്നു!!.

മാധ്യമത്തിന്റെ ലേഖനം ഓണ്‍ലൈനില്‍ കിട്ടാത്തതിനാല്‍ വായിച്ചിട്ടില്ല. ലേഖകന്‍ കെ എ സൈഫുദീന്‍ തന്റെ ഫേസ്ബുക്ക് വാളില്‍ ഷെയര്‍ ചെയ്ത പേജില്‍ കാണുന്ന തലക്കെട്ട്‌ 'ഇ മുറിയില്‍ മലയാളി നഗ്നനാണ്' എന്നാണ്. മലയാളികളുടെ സോഷ്യല്‍ മീഡിയ ആക്ടിവിസം എന്ന് വെച്ചാല്‍ 'ഒരു മൗസ് ക്ലിക്ക് അകലത്തില്‍ എല്ലാവരും നഗ്നരായിത്തീരുന്ന' അവസ്ഥയാണെന്ന് ബ്ലര്‍ബില്‍ പറയുന്നുണ്ട്. ഫേസ്ബുക്കില്‍ എത്തിയാല്‍ മലയാളികള്‍ കൂട്ടത്തോടെ ട്രൌസറും ജട്ടിയും  അഴിച്ചിട്ടു നഗ്നനൃത്തം ആടുകയാണെന്നാണോ ലേഖകന്‍ ഉദ്ദേശിച്ചതെന്നറിയില്ല. പെണ്ണും രതിയും ലൈനടിയും മാത്രമേ ഫേസ്ബുക്കില്‍ ഉള്ളൂ  എന്ന് ലേഖകന് തോന്നിയിട്ടുണ്ടോ എന്ന സംശയവും ആദ്യ പേജ് ജനിപ്പിക്കുന്നുണ്ട്. ഏതായാലും ലേഖനം ഫേസ്ബുക്കിനെയും അതുപയോഗിക്കുന്ന മലയാളികളുടെയും തലതിരിഞ്ഞ പോക്കിനെതിരെയാണ് എന്ന് ഉറപ്പിക്കാം.  (സിനിമ പോസ്റ്റര്‍ കണ്ടു റിവ്യൂ എഴുതുന്ന പോലെ തലക്കെട്ട്‌ കണ്ടാണ്‌ ഞാന്‍ എഴുതുന്നത്‌. ലേഖകന്‍ ക്ഷമിക്കണം).


മാധ്യമം വാരികയുടെ കവര്‍ പേജില്‍ ഫേസ്ബുക്ക് വരുന്നത് ഇതാദ്യമല്ല. വര്‍ഷത്തില്‍ രണ്ടു തവണ വീതം ഇപ്പോള്‍ വരുന്നുണ്ട്. വിജു വി നായരുടെ ഒരു ഫേസ്ബുക്ക് അവലോകനമായിരുന്നു ഇതിനു തൊട്ടു മുമ്പ് വന്നത്. കിടിലന്‍ ലേഖനങ്ങള്‍ എഴുതുന്ന മാധ്യമം നായരുടെ ആ ലേഖനം ഫേസ്ബുക്ക് കണ്ടിട്ട് പോലുമില്ലാത്ത ഒരാളുടെ കുറിപ്പായിട്ടാണ് വായിച്ചു കഴിഞ്ഞപ്പോള്‍ തോന്നിയത്. ഒരു വഴിക്ക് പോവുകയല്ലേ, കിടന്നോട്ടെ സക്കര്‍ബഗിനിട്ടൊരു പൂശ് എന്ന ലൈനിലുള്ള ഒരു അഭ്യാസം. മലയാള വാരികകളില്‍ ഇപ്പോള്‍ മുന്‍നിരയിലുള്ള മാധ്യമത്തില്‍ നിന്ന് വായനക്കാര്‍ പ്രതീക്ഷിക്കുന്നത് ഇത്തരം ലേഖനങ്ങളാണോ?

പാശ്ചാത്യ നാടുകളില്‍ പ്രിന്റ്‌ എഡിഷനുകള്‍ ഒന്നൊന്നായി പൂട്ടിക്കൊണ്ടിരിക്കുകയാണ്. എല്ലാവരും ഇ എഡിഷനുകളിലേക്ക് കടന്നിരിക്കുന്നു. പ്രിന്റിലെ  റവന്യൂവിനെക്കാള്‍ കൂടുതലാണ് ഇന്ന് ഇ-വഴി വരുന്ന റവന്യൂ. ഫേസ്ബൂക്ക്, ട്വിട്ടര്‍, ഗൂഗിള്‍ പ്ലസ് തുടങ്ങിയ സോഷ്യല്‍ മീഡിയകളെയാണ് അവര്‍ തങ്ങളുടെ ഇ എഡിഷനുകളുടെ ഏറ്റവും വലിയ പ്രചാരണ വേദികളാക്കി ഉപയോഗിക്കുന്നത്. ലോകം മാറുകയാണ്. ഇന്നത്തെ വാര്‍ത്തകള്‍ അറിയാന്‍ നാളെ രാവിലെ പത്രം വരുന്നതും കാത്തിരിക്കേണ്ട കാലമൊക്കെ കഴിഞ്ഞു പോയി. വാര്‍ത്തകള്‍ നടക്കുമ്പോള്‍ തന്നെ വിരല്‍തുമ്പിലെ സ്ക്രീനില്‍ അവ ലൈവായി അറിയുകയും കാണുകയും ചെയ്യുന്ന ഒരു തലമുറയാണ് ഇന്നുള്ളത്. വാര്‍ത്തകളുടെ വിശകലനങ്ങള്‍ വായിക്കുവാന്‍ മാത്രമാണ് ഇന്ന് പത്രം ഉപകരിക്കുന്നത്‌. പുതിയ തലമുറക്കാകട്ടെ അവ വായിക്കാനുള്ള ക്ഷമയും സമയവും ഇല്ല.  നൂറ്റാണ്ടുകളുടെ പാരമ്പര്യമുള്ള പത്രങ്ങളുടെ പ്രിന്റ്‌ എഡിഷനുകള്‍ വിദേശങ്ങളില്‍ ചക്രശ്വാസം വലിക്കുന്നതും പൂട്ടിപ്പോകുന്നതും അതുകൊണ്ടാണ്. താമസിയാതെ അത്തരം മാറ്റങ്ങള്‍ നമ്മുടെ നാട്ടിലുമെത്തും. മാസത്തില്‍ ഓരോ ലേഖനം എഴുതി സോഷ്യല്‍ മീഡിയയെ കൊച്ചാക്കിയത് കൊണ്ട് ആ മാറ്റങ്ങള്‍ വരാതിരിക്കില്ല. ഇ-മീഡിയ വളര്‍ന്നാല്‍ കഞ്ഞികുടി മുട്ടുമോ എന്ന ഭയമാണ് ഇത്തരം ലേഖനങ്ങള്‍ക്ക് പിറകിലെങ്കില്‍ ഒരൊന്നൊന്നര സഹതാപം പാര്‍സലായി തരാമെന്നു മാത്രം!. മനോരമയോടു ഒന്നേ പറയാനുള്ളൂ. ഫേസ്ബുക്ക് പൂട്ടുന്നതിനെക്കുറിച്ചോര്‍ത്ത് വല്ലാതെ വിഷമിക്കേണ്ട. ങ്ങള് പൂട്ടാതെ നോക്കിയാല്‍ മതി. 

ഞാന്‍ ഫേസ്ബുക്കിന്റെ വാക്താവല്ല. സക്കര്‍ബര്‍ഗ് എന്റെ അമ്മായിയുടെ മോനുമല്ല. എന്നാലും ഒരു കാര്യം പറയട്ടെ, മലയാളത്തിലെ പ്രിന്റ്‌ മീഡിയക്കാര്‍ പ്രചരിപ്പിക്കുന്നത് പോലെ അത്ര മാത്രം ബോറല്ല ഫേസ്ബുക്ക്. സാധാരണക്കാരന്‍ അവന്റെ കണ്ണും മനസ്സും തുറന്നു പരസ്പരം ഇടപഴകുകയും  ആശകളും ആകുലതകളും പ്രതികരണങ്ങളും പങ്കു വെക്കുക്കയും ചെയ്യുന്ന ഒരു സൈബര്‍ വേദിയാണത്. അതില്‍ ചപ്പും ചവറും കാണും. മുത്തും പവിഴവുമുണ്ടാകും. ചിലയിടത്ത്  പഞ്ചാരയടിയും ഒലിപ്പീരും കണ്ടേക്കാം. മറ്റു ചിലയിടത്ത് ഗൗരരവമായ ചര്‍ച്ചകളും സംവാദങ്ങളും കാണും. നമ്മള്‍ എവിടെപ്പോകുന്നു എന്നതിനെ ആശ്രയിച്ചിരിക്കും നമ്മള്‍ എന്ത് കാണുന്നു എന്നത്. മനോരമക്കാരനും മാധ്യമക്കാരനും എവിടെയൊക്കെയാണ് കറങ്ങിയത് എന്നറിയില്ല. മറ്റൊന്ന് കൂടി പറയട്ടെ, ലോകത്ത് വന്നു കൊണ്ടിരിക്കുന്ന മാറ്റങ്ങളും ട്രെന്റുകളും ആദ്യം പ്രതിഫലിക്കുന്ന ഒരു വേദി കൂടിയാണ് ഫേസ്ബുക്ക്. പ്രിന്റ്‌ മീഡിയയിലെ എത്ര വലിയ പുലികള്‍ക്കും ഫേസ്ബുക്കിലെ സാമൂഹ്യ ചലനങ്ങളെ സൂക്ഷമായി നിരീക്ഷിക്കുന്നത് നല്ലതാണ്. ഓരോ വിഷയത്തോടുമുള്ള പൊതുജനത്തിന്റെ പള്‍സ് അവിടെ നിന്നറിയാന്‍ പറ്റും. അതല്ല സോഷ്യല്‍ മീഡിയ എന്ന് കേള്‍ക്കുമ്പോഴേക്ക് ചൊറിച്ചിലാണ് വരുന്നതെങ്കില്‍ പെട്ടെന്ന് ഒരു മൃഗഡോക്ടറെക്കണ്ട് മരുന്ന് വാങ്ങിക്കണം.

Related Posts
കവര്‍ സ്റ്റോറിക്കാരീ, ഓടരുത് !!
ബ്ലോഗും ഫേസ്ബുക്കും ടോയ്ലറ്റ് സാഹിത്യമോ? 
ഫേസ്ബുക്കിനെ വെടിവെച്ചു കൊല്ലുന്ന വിധം  
പേര് ഫേസ്ബുക്ക്, വയസ്സ് പതിനാറ് (Female)
സൂക്ഷിക്കുക, ഭാര്യ ഫേസ്ബുക്കിലുണ്ട് !!.

88 comments:

  1. മാധ്യമത്തില്‍ വന്ന ലേഖനം വായിക്കാന്‍ ഇതുവരെ പറ്റിയില്ലാത്തവര്‍ക്ക്:
    http://www.facebook.com/photo.php?fbid=10151238990825972&set=a.438164795971.225014.786645971&type=1&theater
    (ഇത് വീണ്ടും ടൈപ്പ് ചെയ്തിട്ടുള്ളതായതിനാലും ഞാന്‍ മാധമത്തിന്റെ അച്ചടിച്ച കോപ്പിയില്‍ ഈ ലേഖനം വായിച്ചിട്ടില്ലാത്തതിനാലും ഉള്ളടക്കത്തിന്റെ ആധികാരികത ഉറപ്പില്ല)

    ReplyDelete
  2. ഞാന്‍ ഫേസ്ബുക്കിന്റെ വാക്താവല്ല. സക്കര്‍ബര്‍ഗ് എന്റെ അമ്മായിയുടെ മോനുമല്ല. എന്നാലും ഒരു കാര്യം പറയട്ടെ, മലയാളത്തിലെ പ്രിന്റ്‌ മീഡിയകള്‍ പ്രചരിപ്പിക്കുന്നത് പോലെ അത്ര മാത്രം ബോറല്ല ഫേസ്ബുക്ക്. സാധാരണക്കാരന്‍ അവന്റെ കണ്ണും മനസ്സും തുറന്നു പരസ്പരം ഇടപഴകുകയും ആശകളും ആകുലതകളും പ്രതികരണങ്ങളും പങ്കു വെക്കുക്കയും ചെയ്യുന്ന ഒരു സൈബര്‍ വേദിയാണത്. അതില്‍ ചപ്പും ചവറും കാണും. മുത്തും പവിഴവുമുണ്ടാകും. ചിലയിടത്ത് പഞ്ചാരയടിയും ഒലിപ്പീരും കണ്ടേക്കാം. മറ്റു ചിലയിടത്ത് ഗൗരരവമായ ചര്‍ച്ചകളും സംവാദങ്ങളും കാണും. നമ്മള്‍ എവിടെപ്പോകുന്നു എന്നതിനെ ആശ്രയിച്ചിരിക്കും നമ്മള്‍ എന്ത് കാണുന്നു എന്നത്. മനോരമക്കാരനും മാധ്യമക്കാരനും എവിടെയൊക്കെയാണ് കറങ്ങിയത് എന്നറിയില്ല. മറ്റൊന്ന് കൂടി പറയട്ടെ, ലോകത്ത് വന്നു കൊണ്ടിരിക്കുന്ന മാറ്റങ്ങളും ട്രെന്റുകളും ആദ്യം പ്രതിഫലിക്കുന്ന ഒരു വേദി കൂടിയാണ് ഫേസ്ബുക്ക്. പ്രിന്റ്‌ മീഡിയയിലെ എത്ര വലിയ പുലികള്‍ക്കും ഫേസ്ബുക്കിലെ സാമൂഹ്യ ചലനങ്ങളെ സൂക്ഷമായി നിരീക്ഷിക്കുന്നത് നല്ലതാണ്. ഓരോ വിഷയത്തോടുമുള്ള പൊതുജനത്തിന്റെ പള്‍സ് അവിടെ നിന്നറിയാന്‍ പറ്റും. അതല്ല സോഷ്യല്‍ മീഡിയ എന്ന് കേള്‍ക്കുമ്പോഴേക്ക് ചൊറിച്ചിലാണ് വരുന്നതെങ്കില്‍ പെട്ടെന്ന് ഒരു മൃഗഡോക്ടറെക്കണ്ട് മരുന്ന് വാങ്ങിക്കണം.
    -----------------

    ഈ വരികള്‍ക്ക് താഴെ എന്റെ ഒരൊപ്പ്...

    ReplyDelete
  3. പഴയ സുഹൃത്തുക്കളേ കണ്ടെത്താനും സൌഹൃദം പുതുക്കാനും ഫേസ്ബുക്ക് സഹായകരമാണ്.ധാരാളം സ്ഥാപിത താല്‍പ്പര്യക്കാരും ചൊറിച്ചില്‍കാരും വിഹരിക്കുന്ന ഇടം കൂടിയാണത്.നമുക്ക് വേണ്ടത് നമ്മള്‍ തിരഞ്ഞെടുക്കുക.

    ReplyDelete
  4. മനോരമക്കാരനും മാധ്യമക്കാരനും എവിടെയൊക്കെയാണ് കറങ്ങിയത് എന്നറിയില്ല.

    ഈ ലേഖനം ഉള്ള മാധ്യമം എന്റെ കൈവശം ഉണ്ട്. വായിച്ചപ്പോള്‍ എനിക്കും ആദ്യം തോന്നിയത് ഇതാണ്. ഞാനത് പലയിടത്തും പറയുകയും ചെയ്തിട്ടുണ്ട്. ഫെയ്സ് ബുക്ക് നമ്മുടെ സമൂഹത്തിന്റെ പരിഛേദമാണ്, സമൂഹത്തിലുള്ളതെല്ലാം അവിടെയും കാണും. തിന്മ ആഗ്രഹിക്കുന്നവര്‍ക്ക് തിന്മയും നന്മ ആഗ്രഹിക്കുന്നവര്‍ക്ക് നന്മയും. ഫെസ്ബുക്കിനെ നന്മയുടെ മാര്‍ഗത്തില്‍ ഉപയോഗിക്കുന്നവരുടെ ഒരു ലേഖനം എന്നാണ് മാധ്യമത്തില്‍ വരിക എന്ന് പ്രതീക്ഷിരിക്കുകയാണ് ഞാന്‍ ..

    മുത്തശി പത്രങ്ങളുടെ പ്രശ്നം വേറെയാണ് മനോരമക്കെതിരെ ഏറ്റവും വലിയ പ്രചാരണം നടക്കുന്നത് ഫെയ്സ് ബുക്കിലൂടെയാണ്. അതിനാല്‍ അവിടം ചവറായി കാണിക്കല്‍ അവരുടെ ബിസിനസ് താല്‍പര്യമാണ്.

    ReplyDelete
    Replies
    1. facebook നന്മ വിളിച്ചു പറയുന്ന ഒരു ലേഖനം മാധ്യമത്തില്‍ പ്രതീകിഷിക്കേണ്ട. അത് അവരുടെ പോളിസിക്ക് എതിരാണ്

      Delete
  5. വരും തലമുറയോട് , അല്ലെങ്കിൽ വരും സമൂഹത്തോട് എന്തെങ്കിലും ഒക്കെ നമുക്ക് പറയണം എന്നുണ്ടെങ്കിൽ ഈ ഇ മീഡിയ തന്നെ മതിയാകും പുതിയ തലമുറ് അച്ചടി മാധ്യമങ്ങൾ വായിക്കുന്നേ ഇല്ലാ എന്നത് വളരെ വ്യക്തമായി നാം കണ്ടുകെണ്ടിരിക്കുന്നു,
    കാലത്തിനൊത്ത് മലയാളം അച്ചടി മാധ്യമങ്ങൾ മാറിയിട്ടില്ലെങ്കിൽ കോലം കെട്ട് കുപ്പചട്ടി ശരണം വിളിക്കേണ്ടി വരും എന്നത് പകൽ പോലെ വ്യക്തം....

    ReplyDelete
  6. സോഷ്യല്‍ മീഡിയകളെപ്പറ്റി അജ്‍ഞരായവര്‍ അതെപ്പറ്റി എഴുതുന്നതു കഷ്ടം തന്നെ.. ആ വിധത്തില്‍ എഴുതുന്നതിനോടോക്കെ കൃത്യമായി പ്രതികരിക്കുന്ന വള്ളീക്കുന്നിനു നന്ദി.

    ReplyDelete
  7. ബഷീര്‍ ബായ്, പോസ്റ്റ്‌ കലക്കി.

    മലയാളത്തിലെ പ്രിന്റ്‌ മീഡിയകള്‍ പ്രചരിപ്പിക്കുന്നത് പോലെ അത്ര മാത്രം ബോറല്ല ഫേസ്ബുക്ക്. സാധാരണക്കാരന്‍ അവന്റെ കണ്ണും മനസ്സും തുറന്നു പരസ്പരം ഇടപഴകുകയും ആശകളും ആകുലതകളും പ്രതികരണങ്ങളും പങ്കു വെക്കുക്കയും ചെയ്യുന്ന ഒരു സൈബര്‍ വേദിയാണത്. അതില്‍ ചപ്പും ചവറും കാണും. മുത്തും പവിഴവുമുണ്ടാകും. ചിലയിടത്ത് പഞ്ചാരയടിയും ഒലിപ്പീരും കണ്ടേക്കാം. മറ്റു ചിലയിടത്ത് ഗൗരരവമായ ചര്‍ച്ചകളും സംവാദങ്ങളും കാണും. നമ്മള്‍ എവിടെപ്പോകുന്നു എന്നതിനെ ആശ്രയിച്ചിരിക്കും നമ്മള്‍ എന്ത് കാണുന്നു എന്നത്. മനോരമക്കാരനും മാധ്യമക്കാരനും എവിടെയൊക്കെയാണ് കറങ്ങിയത് എന്നറിയില്ല. ee varikalkku 1000 Like

    ReplyDelete
  8. ശുദ്ധ സത്യം....!!!

    എങ്ങാനും ചീഞ്ഞാലോ എന്ന് കരുതിയാവണം പത്രങ്ങൾ ഫേസ് ബുക്കിനെ കുതിര കയറുന്നത് . :)

    ReplyDelete
  9. Well written n Congrats. Agree with your views on facebook and its benefit which we people enjoy. Ignore those abnormal people whom misuse it by posting their pix with erotic poses which gets about 1000 likes and hundreds of comments. I am sure,FB provides an effective platform for serious debates. But being a print media representative, I am least bothered its future. We'll survive all competitions and threats. What happened to blogs and group emails? Let me recall the recent experience in Kerala. Despite the presence of a dozen TV channels, general public rely upon newspaper for detailed coverage. Newspapers gave detailed coverage of investigation of TP Murder case than news flashes in Channels. Leading dailies improved their circulation base in Kannur and Kozhikode districts.

    ReplyDelete
  10. Facebook is one of the top social networking sites, quickly gaining on Myspace in terms of total users and traffic. Facebook presents a unique marketing opportunity for businesses through the creation of Facebook Business Pages. As more people explore social media, social networking sites have become some of the key online sources they use to learn more about products, organizations, artists and world events. Marketing on Facebook has a viral effect – information spreads through networks exponentially.

    There are two primary ways for companies to market on Facebook. The first is through Facebook Groups and the second is through Facebook Pages. Groups are more focused on bringing together groups of people who share common interests, whereas pages are places where users can interact around and with a particular brand or product.

    Because Facebook pages are typically the best option for organizations to promote themselves on Facebook, I will focus on Facebook pages throughout this article.

    Benefits of Using Facebook
    1.Customer Interaction – Facebook pages provide a forum for dialogue between customers and the brand, giving companies the opportunity to build better relationships with target audiences and current customers.
    2.Reputation Management – Facebook allows a company to gain a deeper understanding of how the brand is perceived online – through direct feedback and also by monitoring what users are saying about the brand.
    3.New Customer Acquisition – Each time a Facebook user becomes a fan of a Facebook page, a notice is posted as news item for all of that user’s friends to see. This creates an opportunity for a Facebook page to go viral and reach new viewers.
    4.Feedback Mechanism – In a service-based sector like hospitality, customer feedback is vital. Facebook allows users to communicate their experiences directly and give the company the opportunity to respond.
    5.Branding – Facebook can be used as a medium for creating brand awareness in addition to a company’s corporate website. It provides brand exposure to a potentially new audience and gives organizations the opportunity to position themselves in new and unique ways.
    6.Drive Web Traffic – As a Facebook page grows its fan base, traffic to the company website will increase. Facebook pages also appear in Universal Search Results.

    ReplyDelete
  11. മാധ്യമത്തിന്റെ വാക്കുകള്‍ തന്നെ കടമെടുക്ക്കട്ടെ "ചില പത്രസ്ഥാപനങ്ങള്‍ സോഷ്യല്‍ മീഡിയക്ക് നിരോധം ഏര്‍പ്പെടുത്തിയിട്ടുണ്ട്. കാലം മാറിയതറിയാത്തവരുടെ തമാശകളായി മാത്രമേ കാണാനാവൂ. സദാസമയം തുറന്നുവെച്ച ടെലിവിഷന്‍െറ മുന്നിലാണ് അവര്‍ ഇരിക്കുന്നത്. വാര്‍ത്തകളുടെ തല്‍സമയം അറിയാനാണ് അത്. പക്ഷേ, പോക്കറ്റില്‍ തിരുകിയ കണ്ണുകളുമായി നടക്കുന്ന സിറ്റിസന്‍ ജേണലിസ്റ്റുകള്‍ അതിനെക്കാള്‍ ലൈവായി കാര്യങ്ങള്‍ അവതരിപ്പിക്കുന്നുണ്ട് എന്നുകൂടി അറിയുക. കടലാസില്‍ കുത്തിക്കുറിക്കുന്ന കല്ലച്ച്പത്രാധിപന്മാരുടെ കാലം കഴിഞ്ഞിരിക്കുന്നുവെന്ന ബോധം പത്രപ്രവര്‍ത്തനത്തിന്‍െറ സ്വഭാവത്തെയും മാറ്റും."

    മനോരമയുടെ സങ്കടം മനസ്സിലാക്കാം, എല്ലാ കള്ളത്തരങ്ങളും ഈ-മുറിയിലെ നഗ്നര്‍ യഥാസമയം കയ്യോടെ പിടികൂടി പുഴക്കടവിലെ പെണ്ണുങ്ങള്‍ക്കെത്തിക്കുന്നുണ്ട്. അതോടെ അതങ്ങാടിപ്പാട്ടായി മാറുന്നു. കള്ളത്തരങ്ങള്‍ പഴയപോലെ ക്ലച്ച് പിടിക്കുന്നില്ല!

    മ്മാധ്യമത്തിന്റെ വിഷമം എ-ഒലിപ്പീരിലാണു തുടങ്ങുന്നതും തുടരുന്നതും. പക്ഷേ അവസാനഭാഗം വായിക്കുമ്പോഴാണ് "വെടക്കാക്കി അരിക്കാക്കുക്ക" എന്ന സാമാന്യതത്വത്തിന്റെ പ്രൊഫഷണല്‍ ഉപയോഗം മനസ്സിലാവുക. ലേഖനം വായിച്ചിരിക്കേണ്ടതു തന്നെ, ഒരു പാട് സത്യങ്ങള്‍ വിളിച്ചു പറഞ്ഞിരിക്കുന്നു പക്ഷേ മഞ്ഞക്കണ്ണട മാറ്റിയാല്‍ നന്ന്.

    ReplyDelete
  12. Nice thought....Well written...നമ്മള്‍ എവിടെപ്പോകുന്നു എന്നതിനെ ആശ്രയിച്ചിരിക്കും നമ്മള്‍ എന്ത് കാണുന്നു എന്നത്.

    ReplyDelete
  13. നമ്മള്‍ എവിടെപ്പോകുന്നു എന്നതിനെ ആശ്രയിച്ചിരിക്കും നമ്മള്‍ എന്ത് കാണുന്നു എന്നത്. മനോരമക്കാരനും മാധ്യമക്കാരനും എവിടെയൊക്കെയാണ് കറങ്ങിയത് എന്നറിയില്ല. you said it

    ReplyDelete
  14. മനോരമക്കാരനും മാധ്യമക്കാരനും എവിടെയൊക്കെയാണ് കറങ്ങിയത് എന്നറിയില്ല.

    മഞ്ഞപിത്തം ഉള്ളോനു കാണുന്നതൊക്കെ മഞ്ഞയായിരിക്കും...

    ReplyDelete
  15. ഇവിടെ നടക്കുന്ന ചര്‍ച്ചയും ഈ ബ്ളോഗില്‍
    എഴുതിയിരിക്കുന്ന കാര്യങ്ങളും വായിച്ചപ്പോള്‍
    ഏറെ പറഞ്ഞുപഴകിയ ഒരു പഴങ്കഥ ഓര്‍ത്തുപോയി....

    നൂറ്റിയൊന്നാവര്‍ത്തിച്ച് അസ്ഥി തേയ്മാനം വന്ന
    ആ കഥയിലെ ഒരു ദിസം ഒരു പേജ് മാത്രമേ പഠിപ്പിക്കൂ
    എന്ന് ശാഠ്യമുണ്ടായിരുന്ന അധ്യാപകനെ ഓര്‍മിപ്പിക്കുന്നു
    ഈ സംവാദങ്ങള്‍.....

    ‘അരണ കടിച്ചാല്‍ മരണം...
    എന്ന പേജിലെ അവസാന വരിയെ
    ന്യായീകരിച്ച അയാള്‍ക്ക് അടുത്ത ദിവസം
    ‘...എന്ന വിശ്വാസം തെറ്റാണ്’ എന്ന വാചകത്തെയും
    ന്യായീകരിക്കേണ്ടിവന്നു.

    ഞാന്‍ കറങ്ങിനടന്ന ഇടത്തെക്കുറിച്ചായിരിക്കുന്നുവല്ളോ
    ഇപ്പോള്‍ ചര്‍ച്ച....

    എനിക്ക് തോന്നുന്നത്
    ആ ലേഖനത്തിന് ഇട്ട തലക്കെട്ട് ആയിരിക്കണം
    ഇത്രമേല്‍ പ്രകോപനം സൃഷ്ടിച്ചിരിക്കുക...

    ഫേസ് ബുക്കിനെതിരായ ലേഖനമാണ്
    അത് എന്നുവരെ പലരും എഴുതിയും കണ്ടു...

    മൊത്തത്തില്‍ സോഷ്യല്‍ മീഡിയയെക്കുറിച്ച്
    എന്‍െറ പരിമിതമായ അറിവും അനുഭവവും
    വെച്ചാണ് അത് എഴുതിയത്...
    അറിവിനെക്കാള്‍ വലുതാണല്ളോ അനുഭവം...

    ഫേസ്ബുക്കില്‍ എല്ലാവരും മുലയും മാറും
    മറ്റ് ഭാഗങ്ങളും തുറന്നുവെച്ചിരിക്കുന്നു
    എന്ന് ഞാന്‍ പറഞ്ഞതായാണ് ആ ലേഖനം
    വായിച്ചവര്‍ക്ക് മനസ്സിലായതെങ്കില്‍
    എഴുത്തുകാരന്‍ എന്ന നിലയില്‍
    ഞാന്‍ എന്‍െറ പരാജയം സമ്മതിക്കുന്നു....

    പക്ഷേ, ഓരോരുത്തരും
    എന്തായിട്ടാണോ സോഷ്യല്‍ മീഡിയയെ സമീപിക്കുന്നത്
    അത് അവിടെ ഒറ്റ മൗസ് ക്ളിക്കില്‍ വെളിവാക്കപ്പെടുന്നു (നഗ്നമാക്കപ്പെടുന്നു)
    എന്നതാണ് എന്‍െറ ലേഖനത്തിന്‍െറ സാരം.

    ഒരു വര്‍ഗീയവാദിക്ക് അവിടെ അതല്ലാതെ
    മറ്റൊന്നും ആകാന്‍ കഴിയില്ല എന്ന ഉദാഹരണം
    അതാണ് സൂചിപ്പിക്കുന്നത്...
    സോഷ്യല്‍ മീഡിയയില്‍ അപകടകരമായി
    പ്രത്യക്ഷപ്പെട്ടുകൊണ്ടിരിക്കുന്ന വര്‍ഗീയ
    പ്രചാരണങ്ങള്‍ അത് സൂചിപ്പിക്കുന്നു...

    അല്ലാതെ സദാചാര കമ്മിറ്റി കൂടി
    എല്ലാവരെയും തൂക്കിക്കൊല്ലണം എന്നത്
    എന്‍െറ ലക്ഷ്യവുമല്ല....

    മറ്റൊന്നുകൂടി
    സൂചിപ്പിച്ച് ഈ സംവാദം അവസാനിപ്പിക്കട്ടെ...

    എന്‍െറ ലേഖനത്തിന്‍െറ തുടക്കത്തില്‍ പറഞ്ഞ
    ലേഖിക എന്‍െറ സഹപ്രവര്‍ത്തകയാണ്...
    അവരുടെ നമ്പര്‍ സംഘടിപ്പിച്ച്
    ഇപ്പോഴും ഫേസ്ബുക്കിലെ
    ‘സഹായപ്രേമികളായ സഹേദരര്‍’
    പാതിരാത്രിയില്‍ പോലും
    വിളിച്ച് നമുക്ക് സംസാരിക്കാം
    എന്നു പറഞ്ഞ് വഷളത്തരങ്ങള്‍ വിളിച്ചുപറയുന്നുമുണ്ട്...

    സോഷ്യല്‍ മീഡിയയും കൈയാളുന്നത്
    ചില അധികാര കേന്ദ്രങ്ങളാണ്...
    എങ്കിലും പരമ്പരാഗത മീഡിയയുടെ
    സ്ഥാനത്തേക്ക് ഓരോരുത്തരും
    പത്രാധിപരും ലേഖകനുമായ ഒരു നവമാധ്യമ കാലത്തേക്ക്
    സോഷ്യല്‍ മീഡിയ കടന്നുവരും എന്ന് വിശ്വസിക്കുന്ന
    ഒരാളാണ് ഞാന്‍...

    ഈ നട്ടിലെ ചാനലുകള്‍ക്കും
    പത്രങ്ങള്‍ക്കുമല്ല
    സോഷ്യല്‍ മീഡിയയ്ക്ക് നിയന്ത്രണം ഏര്‍പ്പെടുത്തണം
    എന്നാണ് രാഷ്ട്രീയ - ഭരണ നേതൃത്വങ്ങള്‍
    ഒരേപോലെ ശഠിച്ചുകൊണ്ടിരിക്കുന്നത്
    എന്നത് അതിന്‍െറ മികച്ച ഉദാഹരണമാണ്
    എന്‍െറ ലേഖനം ഇത്തരമൊരു
    ചര്‍ച്ചയ്ക്ക് ഏതെങ്കിലും തരത്തില്‍ കാരണമായെങ്കില്‍
    ഞാന്‍ ഏറെ സന്തോഷിക്കുന്നു...

    കെ.എ. സൈഫുദ്ദീന്‍

    ReplyDelete
    Replies
    1. ബഷീറ് അത് വായിച്ചിട്ട് പോലും ഇല്ല എന്നു അദ്ദേഹം തന്നെ എഴുതിയില്ലെ ?.. അതദ്ദേഹത്തിന്റെ ഒരു ശൈലിയാണ്. വായിച്ചില്ലെങ്കിലും അറിഞ്ഞില്ലെങ്കിലും മാധ്യമത്തിനും ജമാ‌അത്തെ ഇസ്ലാമിക്കും ഒരടി കൊടുക്കാന്‍ ബഷീറിന്റെ മുജാഹിദ് മനസ്സ് എല്ലായിപ്പോഴും വെമ്പിക്കൊണ്ടിരിക്കും. സൈഫുദ്ദീന മാഷ് ഇതിനു മറുപടി പറയണ്ട. പക്ഷെ ലേഖനത്തിന് വസ്തുതാ പരമായി കൂടുതല്‍ റഫറന്‍സിന്റെ പിന്തുണ വേണമായിരുന്നു എന്നത് എന്റെ വിശ്വാസമാണ്.

      Delete
    2. ഷാഹിര്‍ ... ബഷീര്‍ വായിച്ചാലും ഈ പോസ്റ്റിലെ വരികള്‍ അദ്ദേഹത്തിന് തിരുത്തേണ്ടതായി വരില്ല. അങ്ങനെ തിരുത്തുന്ന ശീലവും മൂപ്പര്‍ക്കില്ല. വലിയപെരുന്നാള്‍ വന്നിട്ട് വല്യാപ്പ പള്ളിയില്‍ പോയിട്ടില്ല. എന്നട്ടല്ലേ... :)

      ലേഖനം മൊത്തത്തില്‍ സന്തുലിതമല്ല എന്ന എന്റെ ആദ്യ അഭിപ്രായവും സൈഫൂദ്ധീന്റെ വിശദീകരണം വന്നതിന് ശേഷവും മാറ്റണമെന്ന് തോന്നുന്നില്ല. നഗ്നത എന്നതിന് അദ്ദേഹം ഉദ്ദേശിച്ച ആര്‍ഥമാണുള്ളത് എന്ന് അംഗീകരിച്ചാലും മൊത്തം വിവരണം ഫെയ്സ് ബുക്കില്‍ വര്‍ഗീയതയും അസഹിഷ്ണുതയും ലൈംഗികതയുമാണ് എന്ന് ലേഖത്തിലൂടെ അതിന്റെ കര്‍ത്താവും ചിത്രം നല്‍കി വാരികയും ജനമസ്സില്‍ നന്നായി കോറിയിടുന്നു. അവസാനമാണ് സംഗതികള്‍ ഇങ്ങനെയായാലും എന്ന് പറഞ്ഞ് അല്‍പം നല്ലത് പറയുന്നത്. ആറ് പേജുകളിലായി അദ്ദേഹം പറഞ്ഞ് വെച്ചത് മുഴുവന്‍ ഫെയ്സ് ബുക്കിലെ ആഭാസങ്ങളാണ്. അതില്‍ ഒരു വരിയും തെറ്റില്ല എന്ന് തന്നെയാണ് ഞാന്‍ വിശ്വസിക്കുന്നത്. വര്‍ഗീയതയുള്ളവര്‍ വര്‍ഗീയത കളിക്കുന്നു, മാന്യമാര്‍ മാന്യമായി ഇടപെടുന്നു, ഫെയ്സ് ബുക്കില്‍ ഏത് ഗ്രൂപില്‍ കയറി ഇറങ്ങുന്നുവെന്നത് തന്നെയാണ് ഇതിനെക്കുറിച്ചുള്ള അഭിപ്രായത്തിനും നിദാനം. അതിനാല്‍ ഒരാള്‍ ഫെയ്സ് ബുക്ക് എന്നാല്‍ മുഴുവന്‍ അശ്ലീലതയാണ് എന്നെഴുതിയാലും അതിനെ ഖണ്ഡിക്കേണ്ട ആവശ്യമില്ല. അതേ പ്രകാരം ഈ ലേഖനത്തെയും ഖണ്ഡിക്കാന്‍ കഴിയില്ല. പക്ഷെ അത് വായിച്ച് ഇത്തരം ലേഖനം വായിച്ച് ഒരഭിപ്രായം രൂപീകരിക്കുന്നവര്‍ ആനയെ കണ്ട അന്ധരിലൊരാളെ സത്യപ്പെടുത്തുന്നതിന് തുല്യമാണ് എന്ന് ഉറപ്പിച്ച് പറയാം..

      Delete
    3. @saifudeen ഫെയിസ്ബുക്ക് ഉപയോഗിക്കുന്ന മലയാളികളെ താറടിച്ചു കാണിച്ച ശേഷം ഇനി കുംബസരിച്ചിട്ടു കാര്യമില്ല. ബഷീര്‍ എഴുതിയത് നൂറു ശതമാനവും ശരിയാണ്. ഫെയിസ്ബുക്ക് ഉപയോഗം നല്ലതാണെന്ന് ഇപ്പോള്‍ തോന്നുന്നുവെങ്കില്‍ അടുത്ത ലക്കത്തില്‍ മറ്റൊരു ലേഖനം എഴുതൂ.

      Delete
    4. @ k.a.saifudeen
      താങ്കളുടെ ലേഖനം പൂര്‍ണമായി വായിച്ചു. അത് നെറ്റില്‍ ലഭ്യമാവുന്നതിനു മുമ്പാണ് ഈ പോസ്റ്റ്‌ റിലീസ് ചെയ്തത്. സി കെ ലത്തീഫ് സാഹിബ് മുകളില്‍ സൂചിപ്പിച്ച പോലെ അത് വായിച്ചു കഴിഞ്ഞ ശേഷവും എന്തെങ്കിലും തിരുത്ത് വേണമെന്ന് എനിക്ക് തോന്നിയിട്ടില്ല. ഫേസ്ബുക്കിന്റെ പ്രചാരത്തെയും സോഷ്യല്‍ മീഡിയയുടെ ഭാവിയെയുമൊക്കെ താങ്കള്‍ നന്നായി വിലയിരുത്തിയിട്ടുണ്ട്. അതിലൊന്നും രണ്ടഭിപ്രായം ഇല്ല. പക്ഷെ ലേഖനം നല്‍കുന്ന ആത്യന്തിക സന്ദേശം ഫേസ്ബുക്ക് ഉപയോഗിക്കുന്ന മലയാളികളെ ഒന്നടങ്കം താറടിക്കുന്നതാണ്. ഇന്റര്‍നെറ്റ്‌ എന്താണെന്ന് പരിചയമില്ലാത്ത സാധാരണക്കാരന് അത് നല്‍കുന്ന ചിത്രം വളരെ വികലമാണ്. ഫേസ്ബുക്കിലെ മലയാളികളെ മുഴുവന്‍ ഞരമ്പ്‌ രോഗികളായി ചിത്രീകരിക്കാനുള്ള ഒരു തരം വ്യഗ്രത ലേഖനത്തിലുടനീളം കാണാം. അത്തരം ആളുകള്‍ ഇല്ലെന്നല്ല, നിരവധിയുണ്ട്, ഈ ബ്ലോഗില്‍ തന്നെ അത്തരക്കാരെക്കുറിച്ചുള്ള പോസ്റ്റുകളും ഉണ്ട്. പക്ഷെ അതല്ലാത്ത ബഹുഭൂരിപക്ഷവും ഫേസ്ബുക്കിലുണ്ട്.

      സത്യത്തില്‍ താങ്കളുടെ ലേഖനമല്ല, ഫേസ്ബുക്ക്‌ പൂട്ടാന്‍ പോവുകയാണെന്ന മനോരമ ലേഖകന്റെ പരാമര്‍ശമാണ് ഈ പോസ്റ്റിനു പ്രേരണയായത്‌. അതിനായിരുന്നു ഞാന്‍ ഊന്നല്‍ നല്‍കിയതും. മറ്റൊന്ന് കൂടി പറയട്ടെ. ആരെയും പിടിച്ചിരുത്തുന്ന ഒരു രചനാ ശൈലി താങ്കള്‍ക്കുണ്ട്. സോഷ്യല്‍ മീഡിയകളെക്കുറിച്ച് കുറച്ചു കൂടി ആഴത്തിലുള്ള ലേഖനങ്ങള്‍ എഴുതുവാന്‍ താങ്കള്‍ക്ക് സാധിക്കും. നേരിട്ട് വന്നുള്ള ഈ പ്രതികരണത്തിന് നന്ദി.

      Delete
    5. മാധ്യമത്തിന്‍റെ പതിവ്‌ പെസിമിസ്റ്റിക് വീക്ഷണത്തിന് പറ്റിയ വാചാടോപമാല്ലാതെ ലേഖനത്തില്‍ ഒന്നുമില്ല. മാധ്യമം പറയുന്നത് കണ്ണടച്ച് വിശ്വസിക്കുന്ന ചെറുതല്ലാത്ത ഒരു വിഭാഗം കേരളത്തിലുണ്ട്. നെറ്റ് എന്നാല്‍ കമ്പ്യൂട്ടര്‍ കൊണ്ടുള്ള ഒരു കളിയാണ് എന്ന് മാത്രം അറിയുന്ന ഒരുപാട് സാധാരണക്കാരും അവരിലുണ്ട്. അവര്‍ ഇനി മുതല്‍ ഫെയ്സ് ബുക്കിയന്‍മാരെ കാണുക ഞരമ്പ്‌ രോഗികളായിട്ടാണ്. ചുരുക്കിച്ചോദിച്ചാല്‍ എന്ത് നേടി ആ ലേഖനം കൊണ്ട്? കോട്ടം മുകളില്‍ പറഞ്ഞത് തന്നെ.

      Delete
    6. ബ്ലുടൂത്ത് എന്നാല്‍ അശ്ലീലമാണെന്ന് മലയാളിയെ പഠിപ്പിക്കുന്ന സദാചാര വിചാരണ തന്നെ സംഗതി. നെറ്റ് ഉപയോഗിക്കുന്ന ഒരു ശരാശരിമലയാളിക്ക് സോഷ്യല്‍ നെറ്റ്‌വര്‍ക്കുകളെക്കുറിച്ചുള്ള കേട്ടുകേള്‍വികളും വിവരക്കേടുകളും മാത്രം ഗവേഷണം പോലെ അവതരിപ്പിക്കുന്ന ഈ ലേഖനം എഴുതാന്‍ ലേഖകനേയും കവര്‍ സ്റ്റോറിയായി പ്രസിദ്ധീകരിക്കാന്‍ മാധ്യമത്തെയും പ്രകോപിപ്പിക്കുന്നത് എന്താണ് എന്ന് മനസ്സിലാവാന്‍ ഒരു ഭാഗം ഉദ്ദരിക്കാം.

      "പെട്രോള്‍ വില വര്‍ധിപ്പിക്കുമ്പോള്‍ അതിനു പിന്നിലെ കള്ളക്കളികള്‍ നിരത്തി ഒരാള്‍ അവതരിപ്പിച്ച വസ്തുനിഷ്ഠമായ പോസ്റ്റില്‍ ലൈക്കാനും കമന്റാനും ആകെയുണ്ടായിരുന്നത് പത്തില്‍ താഴെ പേര്‍‌. അതേസമയം, ലാസ്യഭാവത്തില്‍ സ്ഥിരമായി ചിത്രങ്ങള്‍ പോസ്റ്റ്‌ ചെയ്യുന്ന ഒരെഴുത്തുകാരി കുളിച്ചീറനായി വന്നു മൊബൈലില്‍ പകര്‍ത്തിയ ചിത്രത്തിനു ആയിരത്തിനടുത്തു കമന്റ്‌. ആയിരങ്ങള്‍ കടന്ന ലൈക്ക്‌.

      സ്വന്തം ശരീരത്തിന്റെ ലാസ്യഭാവങ്ങളെ സ്ഥിരമായി പോസ്റ്റ്‌ചെയ്തു കമന്റ്‌ സ്വീകരിക്കുന്ന അറിയപ്പെടുന്നവരും അല്ലാത്തവരുമായ നിരവധി പെണ്‍വിലാസങ്ങള്‍ സോഷ്യല്‍ മീഡിയയില്‍ ഉണ്ട്. സുഹൃത്തുക്കളുടെ പരിധി കവിഞ്ഞതിനാല്‍ അടുത്ത പ്രൊഫൈലും ഉണ്ടാക്കി കാത്തിരിക്കുന്നു. അവര്‍ക്കാണ് ഏറ്റവും കൂടുതല്‍ ആരാധകര്‍ ഉള്ളത്. അവരാണ് സോഷ്യല്‍ മീഡിയയിലെ താരങ്ങള്‍‌.

      എന്തിനുവേണ്ടിയായിരിക്കാം ഇത്രമേല്‍ എക്സിബിഷനിസ്റ്റുകളായി പെണ്‍വിലാസങ്ങള്‍ സോഷ്യല്‍ മീഡിയയില്‍ ഇടം പിടിക്കുന്നത്‌?...."

      ഇവിടെ ആരെയൊക്കെയാണ് മാധ്യമം ഉന്നം വെക്കുന്നതെന്നും എന്തുകൊണ്ടാണെന്നും മനസ്സിലാക്കാന്‍ വലിയ പ്രയാസമൊന്നുമില്ല. ലേഖനത്തില്‍ ഉടനീളം സോഷ്യല്‍ നെറ്റ്‌വര്‍ക്കുകളും ഇമെയില്‍‌ ചാറ്റ്, തുടങ്ങിയ വിനിമയ ഉപാധികളും പെണ്ണുങ്ങള്‍ ഉപയോഗിക്കുന്നതിലെ അസഹിഷ്ണുതയാണ്. അവയ്ക്കൊക്കെ ഉദാഹരണങ്ങള്‍ നിരത്തി ആശങ്കകളുണ്ടാക്കാനുള്ള സദാചാരവിദ്യ മാധ്യമം കവര്‍ സ്റ്റോറിയാക്കിയതില്‍ അത്ഭുതമൊന്നുമില്ല. മലയാളി മുസ്ലീം സ്ത്രീകളും വിദ്യാര്‍ഥിനികളും മാധ്യമത്തിന്റെയും അതിന്റെ പ്രസ്ഥാനപ്രവര്‍ത്തകരുടെയും രക്ഷാകര്‍ത്തൃസ്വഭാവം ചോദ്യം ചെയ്യുന്നത് ഫേസ്ബുക്കില്‍ തന്നെ വായിക്കുമ്പോഴാണ് ഈ ലേഖനം അച്ചടിയായി കയ്യിലെത്തുന്നതും. ലേഖകന്റെ ഞരമ്പ്‌ പിടക്കലിനു അങ്ങേരുടെ വാള്‍ തന്നെ മറുപടി കൊടുത്തുകൊണ്ടേയിരിക്കും. അതുറപ്പാണു്.

      Delete
  16. സൈഫുദ്ദീന്‍ സര്‍
    എന്തിനെ കുറിച്ചും ആധികാരികമായി പറയുവാന്‍
    കഴിവുള്ള ഒറ്റ ആളെ ഉള്ളു
    അതാണ്
    ബഷീര്‍ വള്ളിക്കുന്ന്
    എമെര്‍ഗിംഗ് കേരള തട്ടിപ്പിനെ എതിര്‍ത്തവരെ എല്ലാം
    വിവാദ വ്യവസായികള്‍ എന്ന് വിളിച്ചതും
    പി.ജയരജ്ജനെയും ടി. വി. രാജേഷിനെയും ലീഗുകാര്‍ കല്ലകെസില്‍ കുടുക്കിയപ്പോള്‍
    പുരപ്പുറത്തു കയറി കൂവിയതും എല്ലാം
    ഇയാളുടെ പഴയ പോസ്റ്റുകളില്‍ കാണാം

    ReplyDelete
    Replies
    1. ഇങ്ങിനെയൊന്നും അവർക്കിട്ട് താങ്ങല്ലെ ബഷീർ സാബ്… അനോനികൾക്ക് കലി വരുന്നുണ്ട് :D

      Delete
    2. Emerging post basheerikkante Vila kalanju. ...

      Delete
  17. ഫേസ് ബുക്ക് പൂട്ടുന്നു എന്ന് വിളിച്ചോതുന്ന ഒരു ലേഖനം 'സ. മലയാളം' വാരികയിലും വായിച്ചിരുന്നു. വാരിക പൂട്ടുകയല്ലാതെ മുഖപുസ്തകത്തിനു കോട്ടമൊന്നും കാണുന്നില്ല. അതേപോലെ, മനോരമ പൂട്ടാന്‍ താങ്കളും ഫേസ് ബുക്ക് അടപ്പിക്കാന്‍ മനോരമയും കിണഞ്ഞു നോക്കുന്നുണ്ട്. രണ്ടും നടക്കില്ല എന്നാണു തോന്നുന്നത്.

    ReplyDelete
  18. മുന്‍പൊക്കെ പ്രിന്‍റ് മീഡിയ നടത്തിയിരുന്ന ഏകപക്ഷീയമായ വാര്‍ത്താ ബോംബു വര്‍ഷത്തിന് വായനക്കാരന്‍ വിധേയനാവുക എന്നല്ലാതെ ഒരു അഭിപ്രായ പ്രകടനത്തിന്, ഒരു തിരിഞ്ഞാക്രമണത്തിന് അയാള്‍ക്ക് കഴിയുമായിരുന്നില്ല. റേഡിയോ ടിവി കളുടെ കാര്യം അതിലേറെ കഷ്ടം. വായനക്കാരുടെ കത്തുകള്‍ പ്രസിദ്ധീകരിച്ചിരുന്നുവല്ലോ എന്നാണെങ്കില്‍, പത്രാധിപര്‍ക്ക്‌ തോന്നിയ കത്തുകള്‍ വികലമായി പ്രസിദ്ധീകരിച്ചിരുന്നു എന്ന് സമ്മതിക്കാതെ വയ്യ. ഇവിടെ യാതൊരരിപ്പയുമില്ല ആര്‍ക്കും വേണ്ടത് പറയാം. അങ്ങനത്തെ ഒരു കാലം നഷ്ടപ്പെട്ടതിലുള്ള വേവലാതിയിലായിരിക്കും ഈ ലേഖനങ്ങള്‍ പ്രസിദ്ധീകരിച്ചത്‌. ., . ടിവിക്കെതിരെ പതിമൂന്ന് ന്യായങ്ങള്‍ നിരത്തി പുസ്തകങ്ങള്‍ വരെ വന്നു. ആരും ടിവി നിരോധിക്കണം എന്ന് പറഞ്ഞില്ല. ഇപ്പറഞ്ഞ രണ്ടു പത്രങ്ങളും (എന്‍റെ ഈ കമന്‍റില്‍ പേരെടുത്തു പറഞ്ഞ് അവയെ വലുതാക്കാന്‍ ഞാന്‍ ഉദ്ദേശിക്കുന്നില്ല :) ചാനല്‍ മുതലാളിമാരാണ് താനും. The Aljazeera Effect: How the Global Media Are Reshaping World Politics എന്ന Philip Seib ന്‍റെ പുസ്തകം വാര്‍ത്തയുടെ എതിരൊഴുക്കുകള്‍ പാശ്ചാത്യ മീഡിയയെ എത്രമാത്രം വിറളിപിടിപ്പിക്കുന്നുണ്ട് എന്ന് പറഞ്ഞു തരുന്നുണ്ട്. സോഷ്യല്‍ മീഡിയയും ഫിലിപ്‌ ഉള്‍പ്പെടുത്തിയിരിക്കുന്നത് അല്‍ജസീറ പ്രഭാവത്തിന്‍റെ കൂട്ടത്തിലാണ്. മറുതലക്കല്‍ ഉള്ളവര്‍ക്കും ചിലത് പറയാനുണ്ട് എന്നാണ് അതിന്‍റെ സന്ദേശം. മാധ്യമം സ്ഥിരമായി വായിക്കുന്ന പതിനാറു കാരനും അറുപത് വയസ്സ് കാരനെപ്പോലെയാണ് സംസാരിക്കുക. അയാളുടെ ചുറ്റുപാടിലും ആശങ്കയുടെ മൈനുകള്‍ വിതറിയിട്ടുണ്ടാകും. അങ്ങനെ പാവം കുട്ടികള്‍ക്ക് തങ്ങളുടെ കുട്ടിത്തം നഷ്ടപ്പെടുന്നു. അത് കൊണ്ട് മാധ്യമത്തെ വെറുതെ വിടുക. പക്ഷെ പുതു തലമുറക്ക്‌ വേണ്ടത്‌ നല്‍കുന്ന മനോരമ എന്തിനീ പണിക്ക്‌ നിന്നു? എത്തുംപിടിയും കിട്ടിയിരുന്നില്ല. ഇവിടെ ചില കമന്‍റുകള്‍ വായിച്ചപ്പോള്‍ കിട്ടി. കാരണം ഫെയ്സ് ബുക്കിലൂടെ ഏറ്റവും കൂടുതല്‍ ആക്രമണത്തിന് വിധേയമാകുന്ന ഒറ്റപ്പത്രം മനോരമയാണ് അപ്പൊ പിന്നെ അവക്കെതിരെ ഒരു കൊലവിളി. നന്നായി എഴുതി ബഷീര്‍ സാഹബ്.

    ReplyDelete
    Replies
    1. >> മുന്‍പൊക്കെ പ്രിന്‍റ് മീഡിയ നടത്തിയിരുന്ന ഏകപക്ഷീയമായ വാര്‍ത്താ ബോംബു വര്‍ഷത്തിന് വായനക്കാരന്‍ വിധേയനാവുക എന്നല്ലാതെ ഒരു അഭിപ്രായ പ്രകടനത്തിന്, ഒരു തിരിഞ്ഞാക്രമണത്തിന് അയാള്‍ക്ക് കഴിയുമായിരുന്നില്ല << ഇപ്പോള്‍ അത്തരം അവസരങ്ങള്‍ സോഷ്യല്‍ മീഡിയയിലൂടെ വായനക്കാരന് കിട്ടിത്തുടങ്ങിയപ്പോള്‍ വാര്‍ത്തയുടെ തമ്പുരാക്കള്‍ക്ക് അത് ദഹിക്കുന്നില്ല. ഇത്തരം പ്രതികരണങ്ങള്‍ അതിന്റെ ഭാഗമാണ്. Philip Seib ന്റെ പുസ്തകത്തെ പരിചയപ്പെടുത്തിയത് ഉചിതമായി.

      Delete
  19. ഇന്നലെ രാത്രി പത്രത്തിന്റെ പേജുകൾ മറിച്ചപ്പോഴാണ് ഞാനെഴുതിയ ഒരു ലേഖനം കണ്ടത്, അത് സോഷ്യൽ നെറ്റിലേക്കിട്ടപ്പഴാണ് മറ്റു പലരും കാണുന്നതും വായിക്കുന്നതും. വായന സ്വഭാവം സോഷ്യൽ മീഡിയയിലേക്ക് മാറ്റപെടുന്നത് പ്രിന്റ് മീഡിയക്ക് പേടിസ്വപ്നം തന്നെയാണ്.

    ReplyDelete
    Replies
    1. ജൈവതാളം തെറ്റിക്കുന്ന ജനിതക പരീക്ഷണങ്ങളെക്കുറിച്ചുള്ള താങ്കളുടെ പഠനാര്‍ഹമായ ലേഖനം മലയാളം ന്യൂസില്‍ വായിച്ചു. നെറ്റിലൂടെ അത് കൂടുതല്‍ പേരിലേക്ക് എത്തുമെന്ന് പ്രതീക്ഷിക്കുന്നു.

      Delete
  20. "ചില പത്രസ്ഥാപനങ്ങള്‍ സോഷ്യല്‍ മീഡിയക്ക് നിരോധം ഏര്‍പ്പെടുത്തിയിട്ടുണ്ട്. കാലം മാറിയതറിയാത്തവരുടെ തമാശകളായി മാത്രമേ കാണാനാവൂ. സദാസമയം തുറന്നുവെച്ച ടെലിവിഷന്‍െറ മുന്നിലാണ് അവര്‍ ഇരിക്കുന്നത്. വാര്‍ത്തകളുടെ തല്‍സമയം അറിയാനാണ് അത്. പക്ഷേ, പോക്കറ്റില്‍ തിരുകിയ കണ്ണുകളുമായി നടക്കുന്ന സിറ്റിസന്‍ ജേണലിസ്റ്റുകള്‍ അതിനെക്കാള്‍ ലൈവായി കാര്യങ്ങള്‍ അവതരിപ്പിക്കുന്നുണ്ട് എന്നുകൂടി അറിയുക. കടലാസില്‍ കുത്തിക്കുറിക്കുന്ന കല്ലച്ച്പത്രാധിപന്മാരുടെ കാലം കഴിഞ്ഞിരിക്കുന്നുവെന്ന ബോധം പത്രപ്രവര്‍ത്തനത്തിന്‍െറ സ്വഭാവത്തെയും മാറ്റും.
    അല്‍പം മുമ്പ്,സിനിമ കഴിഞ്ഞിറങ്ങി ഓഫിസിലത്തെിയശേഷമായിരുന്നു നിരൂപണം. ഇപ്പോള്‍ തിയറ്ററിലിരുന്നുതന്നെ നിരൂപണം നടത്തി ഒരു സിനിമയുടെ ഭാവിയെന്തെന്ന് തീരുമാനിക്കാന്‍ കഴിയുന്നവിധത്തിലേക്ക് സോഷ്യല്‍ മീഡിയ ശക്തമായി വരുകയാണ്"

    ഇത്രയും ശക്തമായി സോഷ്യല്‍ മീഡിയയെ ന്യായീകരിക്കുന്ന ലേഖനമാണ് മാധ്യമത്തില്‍ കാണാന്‍ കഴിഞ്ഞത്. അപ്പോള്‍ സത്യത്തില്‍ ആരാണ് കുരുടന്‍ ആനയെ കണ്ട പോലെ വിഷയത്തെ സമീപിച്ചത്? ബഷീറിക്ക ഇതെഴുതിയ സെയ്ഫുദ്ദീന്‍റെ പോസ്റ്റിന് താഴെ തന്‍റെ ബ്ലോഗിലേക്കുള്ള ലിങ്ക് (പരസ്യം) പതിച്ചത് കണ്ടു! പക്ഷേ ഒരു വാക്ക് പോലും അധികമായി പറഞ്ഞു കണ്ടില്ല; അതായത് ലേഖനം മുഴുവനായി വായിക്കുന്നതിന് മുന്പെഴുതിയ ബ്ലോഗ് കുറിപ്പിലെ വാചകങ്ങള്‍ ഒന്നു പോലും അത് വായിച്ചു കഴിഞ്ഞും മാറ്റിയതായോ തിരുത്തിയായതായോ കണ്ടില്ല. പണ്ട് ബഷീറിക്ക ഇങ്ങനെ ആയിരുന്നില്ല... കൂടുതല്‍ വേഗത്തില്‍ കൂടുതല്‍ ലേഖനങ്ങള്‍ എഴുതണം എന്ന വാശിയില്‍ പണ്ടത്തെ പോലെ റെഫെറന്‍സ് നടത്താത്തത് കൊണ്ടാണ് ഇങ്ങനെ സംഭവിച്ചത് എന്നു കരുതുന്നു. അല്ലാതെ വേണമെന്നുണ്ടെങ്കില്‍ ജിദ്ദയില്‍ മാധ്യമം വാരിക ലഭിക്കാന്‍ പ്രയാസമൊന്നും ഇല്ലല്ലോ. രാഷ്ട്രീയ ലേഖനങ്ങള്‍ മാത്രമല്ലാത്ത നല്ല കാമ്പുള്ള ലേഖനങ്ങള്‍ ഇനിയും ഞങ്ങള്‍ വായനക്കാര്‍ക്ക് താങ്കളില്‍ നിന്നും വേണം. ബഷീറിക്കയില്‍ നിന്നും യഥാര്‍ത്ഥ ബോധ്യത്തോട് കൂടിയ പ്രതികരണങ്ങള്‍ പ്രതീക്ഷിക്കുന്നു ...

    ReplyDelete
    Replies
    1. Dear M.K.
      മുകളില്‍ മാധ്യമം ലേഖകന്റെ കമന്റിനു ചുവടെ ഞാന്‍ എഴുതിയിട്ടുള്ള പ്രതികരണം തന്നെയാണ് എനിക്ക് പറയാനുള്ളത്. കുരുടനെയും ആനയേയുമൊക്കെ താങ്കളുടെ ഔചിത്യം പോലെ തിരഞ്ഞെടുക്കുക.

      Delete
  21. Zainulabid Palathingal ValiyapeediyakkalSeptember 27, 2012 at 2:19 PM

    മാധ്യമക്കാര്‍ സ്വന്തക്കാരുടെ ഇ മെയില്‍ പാസ്സ്‌വേര്‍ഡ്‌ പരതുകയായിരുന്നു -പാവം ""ബിജു സലിം""

    ReplyDelete
  22. ഇന്നും ആടുകള്‍ക്ക് തിന്നാന്‍ കൊടുത്തിട്ടോ കടക്കാരന് പൊതിയാന്‍ കൊടുത്തിട്ടോ ആയിക്കോട്ടെ തങ്ങള്‍ ലക്ഷക്കണക്കിന് പത്രം ഇറക്കുന്നെന്നു വീമ്പു പറയാന്‍ മനോരമക്ക് കഴിയുന്നുണ്ട്.

    കേരള ജനതക്കിടയില്‍ തങ്ങള്‍ പറയുന്ന ലക്ഷങ്ങളെക്കാള്‍ തങ്ങളെ കോട്ടയത്ത് വന്നു പച്ചക്ക് കത്തിക്കാന്‍ ദേഷ്യമുള്ളവര്‍ ആണ് ഭൂരിപക്ഷമെന്ന് മാമന്മാര്‍ തിരിച്ചറിയുന്നുമുണ്ട്.

    ഫേസ്ബുക്കില്‍ മനോരമാക്കെതിരെ മറ്റൊന്നിലും കാണാത്ത ഒരയ്ക്യം ഉയര്‍ന്നുവരുന്നത് കണ്ടത് കൊണ്ടാകണം ഫേസ്ബുക്കിനെതിരെ തിരിയാന്‍ ലവരെ പ്രേരിപ്പിച്ചത്..!!

    പക്ഷെ ടെലിവിഷന്‍ ഹറാം ആണെന്നും അതുകാണരുതെന്നും പറഞ്ഞു നടക്കുന്നവര്‍ വീട്ടില്‍ പോയി സകല ജാതി മോല്യാമാരുടെ സീഡീകളും കണ്ടിരിക്കുന്നത് പോലെ മനോരമക്കാര്‍ ഫെസ്ബുക്കില്‍നിന്നും ഇറങ്ങാരെ ഇല്ലാ എന്നതാണ് സത്യം..!!

    ഇന്ന് ഒന്നും മൂടി വെക്കാന്‍ മനോരമാദികള്‍ക്ക് കഴിയുന്നില്ലാ..!!
    അല്ലേലും സകല വാര്‍ത്തകളും വളച്ചു തനിക്കാക്കി പടച്ചു വിടുന്ന മാധ്യമങ്ങള്‍ക്ക് ഫേസ്ബുക്ക് ഒരു പാര തന്നെയാണ്.

    കക്കലും കയ്യിട്ടുവാരലും ജന്മാവകാശമായി കൊണ്ടുനടക്കുന്ന ഭരണകൂടം പണ്ടുമുതലെ ഈ രണ്ടു കണ്ണും തുറന്നിരിക്കുന്ന മുഖം അടച്ചുപൂട്ടാന്‍ ശ്രമം തുടരുകയാണ്.


    നൂറു വീട്ടില്‍ പെട്ടി വച്ച് കിട്ടുന്ന കണക്കും പൊക്കിക്കാട്ടി ഞങ്ങളെ ചാനലാണ്‌ ജനങ്ങള്‍ മുഴുവനും കാണുന്നത് എന്ന് എളപ്പടിക്കും പോലെ എളുപ്പമല്ലാ ഇനി കാര്യങ്ങള്‍..!!

    ജനത്തിനും എഴുതാന്‍ ഒരു ചുമര്‍ ഒഴിഞ്ഞിരിപ്പുന്ടെന്നും അതുവായിക്കാന്‍ ലക്ഷങ്ങള്‍ ക്യൂ നില്പ്പുണ്ടെന്നും അത് പൊളിച്ചേ മതിയാകൂ എന്നും പതിയെ മാധ്യമ കുത്തകകള്‍ തിരിച്ചറിയാന്‍ തുടങ്ങിയിരിക്കുന്നു എന്നതിന്ടെ അടയാളമാണ് ഈ ലേഖനങ്ങള്‍.!!

    പിന്നെ ഫേസ്ബുക്ക് ഒരു ഒന്നാന്തരം നേരം കൊല്ലിയാണ്.അതില്‍ പാതി മുക്കാലും ഫെയ്ക്കുകളുമാണ്.അങ്ങിനെയുള്ള സത്യങ്ങള്‍ അന്ഗീകരിച്ചേ പറ്റൂ..അത് കരുതി അത് പൂട്ടണമെന്നും പൂട്ടുമെന്നുമൊക്കെ പറയുന്നതു
    ശുദ്ദ ഭോഷ്ക്ക് ആണ്.!!

    മാധ്യമക്കാരന്‍ പാവമാണ്,അവര്‍ അങ്ങിനെ പലതും പറയും.
    ഫെസ്ബുക്കിലും വെല്ഫയരും,510ഉം ഒന്നും ക്ലച്ചു പിടിക്കില്ലെന്ന് തിരിച്ചരിഞ്ഞതാകണം എന്നാല്‍ പിന്നെ അത് പൂട്ടിച്ചേക്കാം എന്ന തീരുമാനത്തില്‍ ആശാന്മാരെ എത്തിച്ചത്.


    ഒരു ദിവസം മനോരമ ഫെസ്ബുക്കിലെ വെറുമൊരു പേജായി മാറുമെന്നും അന്ന് ജനം തെരുവില്‍ ആഹ്ലാദ നൃത്തം ചവിട്ടുമെന്നും
    സ്വപനം കണ്ടു കൊണ്ട്

    ബഷീര്‍ക്കാക്ക് അഭിവാദ്യങ്ങളോടെ..!!


    wElcOme tO mY wOrLd!

    *

    ReplyDelete
    Replies
    1. >> ഒരു ദിവസം മനോരമ ഫെസ്ബുക്കിലെ വെറുമൊരു പേജായി മാറുമെന്നും അന്ന് ജനം തെരുവില്‍ ആഹ്ലാദ നൃത്തം ചവിട്ടുമെന്നും
      സ്വപനം കണ്ടു കൊണ്ട് ബഷീര്‍ക്കാക്ക് അഭിവാദ്യങ്ങളോടെ..!!<< എനിക്കുള്ള അഭിവാദ്യം കൊള്ളാം. പക്ഷെ മനോരമയെപ്പോലൊരു പത്രം ഫേസ്ബുക്കിലെ വെറുമൊരു പേജായി മാറുമെന്നൊക്കെ സ്വപ്നം കാണുന്നത് കുറച്ചു കടന്ന കയ്യാണ് ട്ടോ..

      Delete
  23. ആരെയും കൂസാതെ പ്രതികരണങ്ങള്‍ അറിയിക്കുവാനുള്ള മാര്‍ഗം ഇതല്ലാതെ മറ്റെന്തനുല്ലത് പത്രങ്ങലേക്ക് പ്രതികാരങ്ങള്‍ അയച്ചാല്‍ എത്ര ദിവസം കാത്തിരിക്കണം ഇനി ഒരു റിപ്പോര്‍ട്ടര്‍ ആളില്ല പോസ്റ്റില്‍ ഗോളടിക്കുമ്പോള്‍ സോഷ്യല്‍ മീഡിയകളില്‍ കൂടിയെല്ലാതെ എങ്ങിനെയാണ് പ്രതികരിക്കു

    saifu

    ReplyDelete
  24. ഫേസ്ബുക്ക് ജനപ്രിയങ്കരമായി മാറുന്നത് കൊണ്ടുള്ള അസഹിഷ്ണുതയാവാം... പത്ര മാധ്യമങ്ങളെ ആശ്രയിക്കാതെ തന്നെ വിവരം പങ്ക് വെക്കപ്പെടുന്നു എന്നതും അവർക്ക് അലോസരമുണ്ടാക്കിയിട്ടുണ്ടാവാം...

    ReplyDelete
  25. സോഷ്യല്‍ മീഡിയാസിന്റെ വിവിധ മേഖലകളിലേക്കുള്ള കടന്നു കയറ്റം പലതിനേയും
    ശക്ത്മായ് പോസിറ്റീവ് ആയും നെഗറ്റീവ് ആയും ബാധിക്കുന്നുണ്ട്. ഇതില്‍ നെഗറ്റീവിന്റെ കരി കൂടുതല്‍ പുരണ്ടത്
    മനോരമയ്ക്ക് എന്നത് അതിന്റെ മുന്‍‌കാല പാപഫലം എന്ന് കരുതിയാല്‍ മതി.
    എന്തെന്നാല്‍ മനോരമ വര്‍ഷങ്ങളായി തുടരുന്ന അതിന്റെ നയത്തിലെ വൃത്തികെട്ട പക്ഷപാത നയം ഇന്ന് ഇവയിലൂടെയൊക്കെ നിമിഷങ്ങള്‍ക്കകം തുറന്ന് കാണിക്കപ്പെടുന്നു എന്നത് പത്രമുത്തശ്ശിക്ക് വല്ലാത്ത സദാചാര വൈകബ്ല്യത്തിനു കാരണമാവുന്നുണ്ട്.
    "വീ ഹേറ്റ് മനോരമ" ഗ്രൂപ്പുകള്‍ ഫേസ്ബുക്കില്‍ തന്നെ ഒന്നില്‍ കൂടുതല്‍ ഉണ്ട്.
    അവയിലൊക്കെയും അവരുടെ തറ നിലപ്പടുകള്‍ വൃത്തിയായ് തെളിവ് സഹിതം ആഘോഷിക്കപ്പെടുന്നുണ്ട്.
    മുമ്പൊക്കെ പത്രമുതലാളിയുടെ ഇഷ്ടാനിഷ്ടങ്ങള്‍ക്ക് കയ്യൊപ്പ് ചാര്‍ത്തിയ പത്രാധിപരുടെ കത്രിക കനിഞ്ഞ ബാക്കി വിശേഷങ്ങളായിരുന്നു നാമത്രയും വിഴുങ്ങിയത്.
    എന്നാല്‍ ഇന്ന് വാര്‍ത്ത എന്നത് ഞങ്ങള്‍ അച്ചടിക്കുന്നു നിങ്ങള്‍ വിശ്വസിക്കുന്നു എന്നിടത്ത് നിന്നു മനോരമയുടെ ഒരു ലൈനില്‍ ഒളിപ്പിച്ച വൈകൃതം പോലും ഇന്ന് നെറ്റിലൂടേ നിമിഷങ്ങള്‍ക്കം ഷേയര്‍ ചെയ്യപ്പെട്ട് വായനക്കാരന്റെ രൂക്ഷ വിമര്‍ശനം ഏറ്റുവാങ്ങുന്നിടത്ത് വന്നെത്തിയത് കാലത്തിന്റെ തിരിച്ചടി മുത്തശ്ശിക്ക് കിട്ടുന്നതായി കണ്ടാല്‍ മതി.

    മുമ്പ് ഏതൊരു വിമര്‍ശനവും പ്രതികരണവും പത്രാധിപരുടെ കാരുണ്യം കാത്ത് കഴിഞ്ഞിരുന്ന
    കാലഘട്ടത്തില്‍ നിന്നും ഏതൊരുവനും ശക്തിയുക്തം വാദിക്കാനൊരു മീഡിയ ഉണ്ട് എന്നത് ചെറുകാര്യമല്ല. മനോരമയുടെ കള്ളജേര്‍ണ്ണലിസവും ഭാവനാ പരമ്പരകളും മാറ്റമില്ലാത്ത "ഫലസ്തീന്‍ തീവ്രവാദി"പ്രയോഗവും ഇനി അധികം വേവില്ല.
    എഴുതാനറിയുന്നവന്‍ ഇത്തരം മാധ്യമങ്ങളിലൂടെ പ്രതികരിക്കട്ടെ ..മനോരമ അധികാരം ചോദ്യം ചെയ്യപ്പെടുന്ന കാരണവരെപ്പോലെ വെകിളി കൊണ്ടിട്ടിനി എന്തുകാര്യം?

    (മുമ്പും ആളുകള്‍ ഇത് പോലെ ചിന്തിച്ചിരിക്കാം..മനസ്സ്കൊണ്ടെങ്കിലും പ്രതികരിച്ചിരിക്കാം..എന്നാല്‍ സോഷ്യല്‍ നെറ്റ് വര്‍ക്ക് സ്വരൂപിച്ച ആശയക്കൈമാറ്റത്തിനുള്ള സ്വാതന്ത്ര്യവും വിശാലമായ ഭൂമികയും ഉപയോഗിക്കാനുള്ള മികച്ച സൗഭാഗ്യം ഇപ്പോഴാണ് സംജാതമാകുന്നത് എന്ന് മാത്രം. നാളെത്തെ തലമുറയ്ക്ക് ഇതിലും ശക്തമായ ഒരു പ്രതികരണവേദി മാറിമറിഞ്ഞ് വരുന്ന ടെക്നോളജി മുന്നോട്ട് വെക്കില്ലെന്ന് ആരു കണ്ടു? അതിന്റെ കുത്തൊഴുക്കില്‍ മഞ്ഞപ്പത്രങ്ങളെല്ലാം പൂട്ടി താക്കോല്‍ കടലിലെറിയുന്ന നാള്‍ വരില്ലെന്നും ആരറിഞ്ഞു? )

    ReplyDelete
    Replies
    1. നൗഷാദ് അകമ്പാടം പറഞ്ഞതാണ് മനോരമയുടെ കലിപ്പിന് കാരണം.
      ഫെയിസ് ബുക്കില്‍ ഏറ്റവും കൂടുതല്‍ ആക്രമിക്കപ്പെടുന്നത് മനോരമയാണ്.
      കൂടതെ online എഡിഷന്‍ കൈവിട്ട കളിയാകുന്നതും മനോരമയെ പരിഭ്രാന്തരാക്കുന്നുണ്ട്.
      online എഡിഷന്റെ റേറ്റിംഗ് ഇവിടെ നോക്കിയാല്‍ കാണാം.
      http://www.updowner.com/manoramacom/manorama.com
      http://www.updowner.com/mathrubhumicom/mathrubhumi.com

      Delete
    2. @ Noushad akmbadam
      താങ്കള്‍ സൂചിപ്പിച്ച പോലെ പണ്ടത്തേതില്‍ വ്യത്യസ്തമായി പ്രതികരങ്ങളുടെ ജനകീയതലം അതിവേഗം വിശാലമാവുകയാണ്. സോഷ്യല്‍ നെറ്റ്വര്‍ക്കിന്റെ സാധ്യതകളെ ഏറ്റവും നന്നായി ഉപയോഗപ്പെടുത്തുന്ന താങ്കളുടെ കാര്‍ട്ടൂണുകള്‍ തന്നെ അവക്കുള്ള മികച്ച ഉദാഹരണങ്ങള്‍

      @ A. K. Saiber
      താങ്കള്‍ സൂചിപ്പിച്ച സൈറ്റിലെ കണക്കു പ്രകാരം മാതൃഭൂമിയുടെ ഹിറ്റ് മനോരമയുടെ എത്രയോ ഇരട്ടിയാണല്ലോ.

      Delete
    3. http://www.updowner.com/madhyamamcom/madhyamam.com

      മനോരമക്കും മാതൃഭൂമിക്കും കുറഞ്ഞപ്പോള്‍ പോലും മാധ്യമത്തിന് ഓണ്‍ലൈന്‍ യൂസേഴ്സ് വര്‍ദ്ധിക്കുകയാണ്. എന്നിട്ടും.....

      Delete
  26. ഫേസ്ബുക്ക് പാവമാണ്!

    ReplyDelete
  27. print media should use the social networks to increase their reach than scolding it. Kerala 'Ma' papers are trying to be too smart.

    ReplyDelete
    Replies
    1. ha..haa..haaaaa..hi hi.. hiiiii

      Delete
  28. ഞാന്‍ കഴിഞ്ഞ മാസം നമ്മുടെ നാട്ടില്‍ പോയിരുന്നു. ബഷീറിന്റെ വീടിനടുത്ത് താമസിക്കുന്ന മജീദായിരുന്നു കാറിന്റെ ഡ്രൈവര്‍. മൂപ്പര്‍ക്ക് ലോകകാര്യങ്ങള്‍ എല്ലാം നല്ല വിവരം ഉണ്ട്. യാത്രകളിലുടനീളം പല പല കാര്യങ്ങളും ചര്‍ച്ച ചെയ്തങ്ങനെ പോയി. ഇതിനിടക്ക് ഞാന്‍ ചോദിച്ചു " മജീദിന് ബഷീര്‍ വള്ളിക്കുന്നിനെ അറിയുമോന്നു". മജീദിന് യാതൊരു പിടിയും ഇല്ല. ബഷീര്‍ ഒരു സൂപ്പര്‍ ബ്ലോഗ്ഗര്‍ ആണെന്നൊക്കെ പറഞ്ഞിട്ടും രക്ഷയില്ല. അവസാനം എന്റെ അമ്മ( ബഷീറിന്റെ ടീച്ചര്‍ )
    ബഷീറിന്റെ വീട് പറഞ്ഞു കൊടുത്തു. അതോടെ പിന്നെ ബഷീര്‍ ഫരൂക് കോളേജില്‍ പഠിച്ചതും, സീ ബീ യില്‍ പഠിപ്പിച്ചതും, ബഷീറിന്റെ കടലുണ്ടിയിലുള്ള കുടുംബക്കാരെ പറ്റിയും എന്ന് വേണ്ട സകല ‍കുടുംബ പുരാണവും മജീദ്‌ പറഞ്ഞു തന്നു. ബ്ലോഗ്‌ എന്നാല്‍ എന്താണെന്നും വള്ളിക്കുന്ന് ബ്ലോഗിനെ പറ്റിയും ഒക്കെ ഞാന്‍ മജീദിനെ പറഞ്ഞു മനസ്സിലാക്കി കൊടുത്തു. മജീദിന്റെ വീട്ടില്‍ കമ്പ്യൂട്ടര്‍ ഉണ്ട്, മക്കള്‍ കമ്പ്യൂട്ടര്‍ ഉപയോഗിക്കുന്നുമുണ്ട്. പക്ഷെ മജീദ്‌ ഫയ്സിബൂകില്‍ കേറില്ല. രാവിലത്തെ ചായക്കൊപ്പം മനോരമ വായിച്ചിട്ടില്ലെങ്കില്‍ മജീദിനെ പോലുള്ള എത്രയോ മലയാളികള്‍ക്ക് ദിവസം പോക്കാണ്. അത് മനസ്സിലാക്കി വാര്‍ത്തകള്‍ മെച്ചപെടുത്താന്‍ നോക്കാതെ ഫയ്സിബൂകിനോടു നാത്തൂന്‍ പോരിനു പോയി സമയം കളയുന്നതെ മണ്ടത്തരം.

    ReplyDelete
    Replies
    1. ഹ..ഹ.. എന്നെക്കുറിച്ചൊരു സി ബി ഐ എന്‍ക്വയറി നടത്തിയല്ലേ. ബഷീര്‍ മാഷ്‌ എന്ന് പറഞ്ഞാലേ പെട്ടെന്ന് പിടുത്തം കിട്ടൂ. ഏതായാലും നാട്ടുകാരന് നാട്ടുകാരത്തി തന്നെ എന്റെ ബ്ലോഗിനെ പരിചയപ്പെടുത്തിക്കൊടുത്തത് നന്നായി.

      Delete
  29. He does not know blog but he knows plague(disease)

    ReplyDelete
  30. ഫെയ്സ്ബുക്കിനെ തൊട്ട് കളിച്ചാല് ബഷീറ് സാഹിബിന് എന്നല്ല മുഖ ബുക്കില് എക്കൌണ്ടുള്ള ആര്ക്കും കലി വരും, ലേഖകനെ പരിചയപ്പെടുന്നത് ഇതിലൂടെയാണ് അതിന്റെ ചാരിതാര്ത്ഥ്യം ഞാനും പങ്കുവെക്കുന്നു.
    മീന്പീടികയിലെ അയമുവിനും, ചായപ്പീടികയിലെ ദിനേശനും എന്ത് ഫെയ്സ് ബുക്ക്...അവര്ക്ക് മാധ്യമവും മനോരമയും പറഞ്ഞത് സത്യം..ആധുനിക കബ്യൂട്ടര് കുടുംബം രാവിലെത്തെ ചായയില് ഫെയ്സ്ബുക്കിനെ ഉള്പ്പെടുത്തും എന്ന ഭയം മനോരമക്കും,മാധ്യമക്കും മാത്രമല്ല എല്ലാ മീഡിയകളും ഭയപ്പെടുന്നു. ഇന്നിന്റെ പ്രായം ചെന്ന മലയാളിക്ക് ഫെയ്സ്ബുക്കിനെ പരിചയപ്പെടുത്തണമെങ്കില് ത്രീ-ഡി പ്രിന്റ് മീഡിയ അവരുടെ കോലായികളിലേക്ക് കയറിചെല്ലണം. സുക്കര്ബര്ഗിന്റെ അമാനുഷികമായ ബുദ്ധിയില് ഈ ഒരാശയം ഉദിച്ചാല് ഇന്നിന്റെ നാളയില് നമ്മുടെ ഒാരോ കമന്സും, ലൈക്കും, ഒരു കടലാസ് പേപ്പറില് എന്നെന്നും സൂക്ഷിക്കാന്,,പക്ഷെ ഒരിക്കലും ഡിലീറ്റ് ചെയ്യാനാവത്ത ഒരു ഹിസ്റ്ററിയും പിറവിയെടുക്കും. നാണമില്ലാത്ത മലയാളിയുടെ നഗ്നമായ സത്യം സെന്സര് ചെയ്യാതെ ഒരു വിരല് തുന്പില് അത് ഫെയ്സ് ബുക്കില് മറ്റൊന്ന് പിറവിയെടുത്തില്ലെങ്കില്......

    ReplyDelete
  31. വെബ്‌ ഉലകത്തിലെ മീഡിയകളുടെ അഭൂതപൂര്‍വ്വമായ വളര്‍ച്ച മുഖ്യധാരാമാദ്ധ്യമങ്ങളെ പരിഭ്രാന്തരാക്കികൊണ്ടിരിക്കുന്നതിന്റെ
    ഒരു പ്രതിഫലനം മാത്രമാണ് ഇക്കൂട്ടരെക്കെണ്ട് ഇത്തരം കുറിപ്പുകള്‍ തങ്ങളുടെ പത്രങ്ങളില്‍ക്കൂടി അടിക്കടി പടച്ചു വിടുന്നതെന്നുള്ളത് പകല്‍ പോലെ സത്യം. ഇവിടെ ആര്‍ ആരുടെ കട പൂട്ടിക്കും എന്നത് കാത്തിരുന്നു കാണേണ്ട കഥ തന്നെ
    വള്ളിക്കുന്നിനെ എഴുത്ത് ശൈലി അഭിനന്ദനീയം തന്നെ. എഴുതുക, പ്രതികരിക്കുക നന്ദി നമസ്കാരം

    ReplyDelete
  32. ആടെന്തറിയുന്നൂ അങ്ങാടി വാണിഭം....പത്രമായാലും അവനവനിലേക്ക് കുനിഞ്ഞിരുന്നാൽ ഇതുതന്നെ ഗതി....

    ReplyDelete
  33. പൊട്ടന്‍ പൂരം കണ്ട പോലെ എന്ന് പറയുന്ന മാതിരി ...വള്ളിക്കുന്നിന്റെ ഒരു കാര്യം...ഇതൊക്കെ ഇനി ഒരു രണ്ടു കൊല്ലം കൂടെ കാണും അത് കഴിഞ്ഞാല്‍ വേറൊന്നു....മൈ സ്പേസ് പോലെ അങ്ങ് പടിഞാരുള്ളവര്‍ ചവറ്റു കൊട്ടയിലെരിഞ്ഞ കാര്യം ഇവിടെ ഉള്ള വല്ല അണ്ടനും അഴകൊടനും ഏറ്റുപിടിക്കുന്നു...കുറച്ചു കഴിയുമ്പോള്‍ ഇവനും മടുതോലും നിര്‍ത്തിക്കോളും. ലോകം മുഴുവന്‍ ഇപ്പോള്‍ പുചിച്ചു തള്ളുന്ന പഴഞ്ചന്‍ സിമ്പിയന്‍ നോക്കിയ ഫോണിനും കാണും കുറെ ആരാധകര്‍ ഇപ്പോളും ഇന്ത്യയില്‍ ബാധ കയറിയ പോലെ ...അവരത് മാറ്റി പറയാന്‍ ഇനിയും എടുക്കും ഒരു പത്തു കൊല്ലം കൂടെ ...അതുപോലെ തന്നെ ഇതും..യാഹൂ മെസ്സ്ന്ഗേരും ചാറ്റിങ്ങും ചീടിങ്ങും എന്തൊക്കെ പുകിലായിരുന്നു കൊല്ലങ്ങള്‍ക്കുമുമ്പ് ..പോടിപോലുമുണ്ടോ ഇപ്പോള്‍ കണ്ടുപിടിക്കാന്‍,പുതിയ പുതിയ സാങ്കേതിക വിദ്യകള്‍ നിമിഷം പ്രതി മാറികൊണ്ടിരിക്കുന്ന കാലഘട്ടത്തില്‍ ഒരു ഫേസ് ബുകിനും കാലത്തേ അതിജീവിക്കാന്‍ കഴിയില്ല...പുതിയ സാങ്കേതിക വിദ്യകള്‍ വരുമ്പോള്‍ എന്തൂട്റ്റ് ഫേസ് ബുക്ക്‌ എന്ന് തൃശൂര്‍ സ്റ്റൈലില്‍ പറഞ്ഞു മാറിയാല്‍ മലയാളിക്ക് നന്ന് ..

    ReplyDelete
  34. ഞാന്‍ ഒരു മലയാളിയാണ്...
    ഫേസ്ബുക്കില്‍ ഒരു ഒറിജിനല്‍ എക്കൗണ്ട് ഉണ്ട്, രണ്ട് വ്യാജന്മാരും

    വ്യാജഎക്കൗണ്ടിലെ ഒന്ന് എന്റെ സമുദായത്തിനുനേരെ വരുന്നവരോട് തെറിപറയാന്‍....


    മുമ്പത്തേക്കാള്‍ കൂടുതല്‍ ഞാന്‍ ഇപ്പോള്‍ വര്‍ഗ്ഗീയവല്‍ക്കരിക്കെപ്പെട്ടുവെന്ന് എന്റെ ചില സംഭാഷണങ്ങളെപ്പറ്റി സുഹൃത്തുക്കള്‍ ഒന്നടങ്കം പറയുന്നു.

    രണ്ടാമത്തെ എക്കൗണ്ട് അശ്ലീലത ആസ്വദിക്കാന്‍....

    പണ്ട് ടോറന്റും മറ്റും ഉപയോഗിച്ച് ഡൗണ്‍ലോഡ് ചെയ്തിരുന്നപോലെ ഇപ്പോള്‍ ആവശ്യമില്ല..... ആവശ്യത്തിനുള്ള വീഡിയോകള്‍ അതില്‍ കിട്ടാറുണ്ട്... ഒട്ടും ക്ഷാമമില്ല...
    കൂടാതെ വേണ്ടപോലെ ചാറ്റിംഗും നടക്കുന്നു...

    ഫേസ് ബുക്കില്‍ മെമ്പറായതിനുശേഷം എനിക്കു ഒരുപാട് മാറ്റങ്ങള്‍ ഉണ്ടായിട്ടുണ്ട്... മലയാളി ആയതുകൊണ്ടുതന്നെയാണ്.... സൈഫുദ്ധീന്‍ എഴുതും, വള്ളിക്കുന്നും എഴുതും... അവരുടെ ജോലി അതാണ്....
    ജമാഅത്തുകാര്‍ പൊട്ടന്മാര്‍ അദ്യം എതിര്‍ക്കും... പിന്നെ അംഗീകരിക്കും... അതവരുടെ ജോലി....
    നമ്മുടെ ജോലി നമ്മള്‍ ചെയ്യുക.... ജീവിതം ആസ്വദിക്കുക....


    ReplyDelete
  35. ഫേസ് ബുക്ക്‌ എന്താണെന്നു അറിയാത്തവര്‍ അങ്ങനെ പലതും പറയും വിവരം ഇല്ലായ്മ ഒരു തെറ്റല്ല സുഹൃത്തേ അത് ഒരു അവസ്ഥ ആണ്

    ReplyDelete
  36. I really liked ur analysis and conclusion. I have used social media sites to promote my blogs and have created a virtual identity that i actually wished to be in the real world.

    Regards
    Village Girl

    ReplyDelete
  37. നന്നായി പറഞ്ഞു ബഷീര്‍ക്കാ....
    എന്തിന്റേയും നെഗറ്റീവ് കാണുകയും അതിനെ പൊലിപ്പിക്കുകയും ചെയ്യുക എന്നത് ഒരു ട്രെന്റ് തന്നെയാണ്...

    കെ എ സൈഫുദ്ദീന്‍ ചെറുതായി അതിന്റെ നന്‍മകളും പറഞ്ഞിരുന്നു. എന്നാല്‍ മൊത്തം അത് വായിക്കുന്ന ആള്‍ക്ക് ആഭാസങ്ങളുടെ ഒരു ഭൂഖണ്ഡമാണ് ഫേസ് ബുക്ക് എന്ന് തോന്നിപ്പോകും...

    ആ പാവം കുടുംബത്തിന് വെറും 250 രൂപയാണ് സഹായമായി കിട്ടിയത് എന്ന സൈഫുദ്ദീന്റെ പരാമര്‍ശം വിശ്വസിക്കാന്‍ പ്രയാസം തോ്ന്നി...

    സോഷ്യല്‍ സൈറ്റു വഴി ജീവിതം രക്ഷപ്പെട്ട ഒട്ടേറെ പേരുടെ കഥകള്‍ നമുക്കറിയാലോ...

    ReplyDelete
    Replies
    1. പ്രിയ മഖ്ബൂല്‍
      സൂപ്പിക്കായോട് നേരിട്ടുതന്നെ അന്വേഷിക്കാവുന്നതാണ്...

      ആ സംഭവത്തിന്‍െറ ബാക്കിപത്രം കൂടി
      അറിയുന്നത് നന്നായിരിക്കും...

      സോഷ്യല്‍ മീഡിയയിലൂടെ
      നിരവധി പേര്‍ക്ക് സഹായം ലഭിച്ചിട്ടുണ്ട് എന്നത്
      മറക്കുകയോ നിഷേധിക്കുകയോ ചെയ്യുന്നില്ല...
      ഞാന്‍ പലപ്പോഴും പോസ്റ്റ് ചെയ്ത സഹായാഭ്യര്‍ത്ഥനകള്‍ക്ക്
      വമ്പിച്ച പ്രതികരണങ്ങള്‍ എന്‍െറകൂടി അനുഭവമാണ്...

      മഖ്ബൂല്‍,
      ഇവിടെ പ്രശ്നം മറ്റൊന്നാണ്...
      ആ സംഭവം പകര്‍ത്തിയത് ഒരു പെണ്ണ്
      ആണെന്നതും അവരുടെ ഇ മെയില്‍
      വിലാസം അതില്‍ ഉണ്ടായിരുന്നു എന്നതുമാണ്...

      അതോടെ സഹായം
      എന്ന ഫോക്കസ് മാറിപ്പോവുകയും
      മെയില്‍ വിലാസവും
      അതിലൂടെ സാധ്യമാവുന്ന ഗൂഢരതിയും
      ഫോക്കസ്ഡ് ആവുകയും ചെയ്യുന്നു
      എന്നതാണ്....

      Delete
  38. ഇനീപ്പോ ഞാനായിട്ട് മാത്രം മാധ്യമത്തിനെ നല്ലത് പറഞ്ഞിട്ട് കാര്യം ഇല്ല എങ്കിലും ബചീരുക്ക എഴുതിയത് വായിക്കുന്നവര്‍ വള്ളിക്കുന്നിന്റെ അനുഭാവികള്‍ ആകുമല്ലോ ! അദ്ദേഹത്തിന്റെ എഴുത്തിനോട് താല്പര്യം ഉള്ളവരാണ് അത് വായിക്കാന്‍ ഇഷ്ടപ്പെടുന്നതും.കുഞ്ഞാലിക്കുട്ടിക്ക് ജേയ് വിളിക്കുന്നപോലെയാണ്.എന്താണ് പറയുന്നത് എന്ന് അറിഞ്ഞിട്ടല്ല ജേയ് വിളിക്കുന്നത്‌. വള്ളിക്കുന്നാണോ എങ്കില്‍ ജേയ് വിളിക്കാം, എന്നപോലെയാണ് ഫേസ് ബുക്കിലെ അനുഭാവികളുടെ കമന്റ്സും. സൈഫുധീന്റെ ലേഖനത്തില്‍ ഫേസ് ബുക്കിന്റെ നെഗറ്റീവും പോസിറ്റീവും ഉണ്ട്.അതില്‍ നെഗട്ടീവ് മാത്രം ചികഞ്ഞു reply ചെയ്‌താല്‍ അത് ഒരു നീതിയായി തോന്നുന്നില്ല. പിന്നെ മുഹമ്മദ്‌ നബിയെ അപകീര്‍ത്തിപ്പെടുത്തി സിനിമ എടുത്താല്‍ അത് കുറെ നാള്‍ കത്തി നില്‍ക്കും എന്ന് അറിയാവുന്നതിനാല്‍ ആണല്ലോ ആ ഒരു subject തന്നെ തിരഞ്ഞെടുത്തു ആ character തന്നെ സിനിമയാക്കുന്നത്. ഏതാണ്ട് ഇതേ മനസ്സാണ് വള്ളിക്കുന്നിനും മാധ്യമത്തിന്റെ കാര്യത്തില്‍, മാര്‍ക്കറ്റ്‌ ചെയ്യാന്‍ ഒരു വിഷയം വേണം,അത് കുറച്ചു കത്തി നിന്നാല്‍ rating കൂട്ടാം, ക്ഷീരമുള്ള ഒരകിടിന്‍ കീഴില്‍ കൊതുകിനു പദ്യം ..... എന്നതുപോലെ

    ReplyDelete
    Replies
    1. very nice....
      rating koottanam...
      athu thanney karyam...
      madhyamam, jih, mediaone onnu thondikkoduthal bakki jamaathukaar kayari hit akkum....

      Delete
  39. Yes u r right. it's like ksheeramullorakidin keezhil..............

    ReplyDelete
  40. ഉടയാടക്ക് എങ്ങനെ തുണി 'ലാഭിക്കാം'എന്ന് മലയാളി മങ്കമാരെ പഠിപ്പിച്ച മനോരമയും, അക്ഷരങ്ങള്‍ കൊണ്ടെങ്ങനെ ഒരുത്തനെ തീവ്രവാദിയാക്കാമെന്നു കേരളത്തെ പഠിപ്പിച്ച മാധ്യമവും രണ്ടും പരമ യോഗ്യന്മാര്‍ !

    ReplyDelete
  41. മനോരമ ലേഖകന്‍ ശരിക്കും ഒരു വിഡ്ഢിയാണെന്ന് അത് വായിച്ചാല്‍ മനസ്സിലാകും. അവരുടെ നിലവാരം അത്രയേയുള്ളൂ. പക്ഷെ മാധ്യമം ലേഖകന്‍ സോഷ്യല്‍ മീഡിയയെപ്പറ്റി അല്പം വിവരം ഉള്ള ആളാണെന്നും മനസ്സിലാവുന്നുണ്ട്. പക്ഷെ ബഷീര്‍ ഭായ് എഴുതിയ പോലെ അദ്ദേഹം ഫേസ്ബുക്കില്‍ കണ്ടതെല്ലാം പെണ്ണും പിടക്കോഴിയും മാത്രമാണ്. മാധ്യമ രംഗത്തെ വിശേഷങ്ങളെ ചൂടോടെ അറിയാന്‍ വള്ളിക്കുന്ന് ഒരു സഹായം തന്നെ.

    ReplyDelete
  42. മാധ്യമം വാര്‍ത്തയില്‍ വെള്ളം ചേര്‍ക്കാറില്ല , മനോരമ പ്രസിദ്ധീകരിക്കുന്ന അറുപതു ശതമാനം വാര്‍ത്തകളും കള്ളവും സെന്സേഷനും മാത്രമാണ് , ഒരു മനോരമ ബ്ലോഗരുടെ നിലവാരം എല്ലാവര്ക്കും അറിയാമല്ലോ ഹിറ്റ്‌ കൂട്ടാന്‍ അയാള്‍ കേയര്ഫ്രീ തൊട്ടു സകല കുപ്പ സാധനങ്ങളും എഴുതി ഒരു വഴി ആയി, അതുപോലെ മനോരമയും പോകുന്നു, എഴുത്തിന്റെ നിലവാരം പഴയ കൂറ കമ്പി മാസികയുടെ അത്രയും ആയി

    ReplyDelete
  43. പ്രിന്റില്‍ മനോരമ
    ബ്ലോഗില്‍ വള്ളിക്കുന്നു
    രണ്ടിനും ഒരേ നിലവാരം ആണ്

    ReplyDelete
  44. നന്നായിരിക്കുന്നു.....നല്ല വിലയിരുത്തല്‍..

    ReplyDelete
  45. ഈ കോലാഹലങ്ങള്‍ കാണുമ്പോള്‍
    സത്യത്തില്‍ എനിക്കാണിപ്പോള്‍
    ചിരി വരുന്നത്......

    കാരണം,
    ആടിനെ പട്ടിയും പേപ്പട്ടിയുമാക്കുകയും
    നാല്‍ക്കവലയില്‍ കെട്ടിത്തൂക്കുകയും
    ചെയ്യുന്നതു കാണുമ്പോള്‍ ചിരിയല്ലാതെ
    മറ്റെന്താണ് വരിക...

    സച്ചിന്‍ തെണ്ടുല്‍ക്കര്‍, മമ്മൂട്ടി, മോഹന്‍ലാല്‍,
    പിണറായി, കുഞ്ഞാലിക്കുട്ടി etc...
    എന്നിവരെക്കുറിച്ച് എന്തെങ്കിലും
    പറഞ്ഞാല്‍ അവരെ ശത്രുവായി
    പ്രഖ്യാപിക്കുന്നതുപോലെ
    ഇതാ മറ്റൊന്നുകൂടി
    ‘ഫേസ്ബുക്കിനെക്കുറിച്ച് ഒരക്ഷരം
    മിണ്ടിപ്പോകരുത്.....’

    ഇപ്പോഴും ഞാന്‍ ഫേസ്ബുക്കിനെതിരായി
    ലേഖനം എഴുതിക്കളഞ്ഞു എന്ന മട്ടില്‍
    നടക്കുന്ന ഈ ചര്‍ച്ചകളില്‍ പലതിന്‍െറയും
    ഉദ്ദേശ്യ ലക്ഷ്യങ്ങളില്‍ സംശയം തോന്നുന്നുണ്ട്....

    ഫേസ്ബുക്ക് വന്നതിന്‍െറ പേരില്‍
    ലോകത്തിലെ ഏതൊക്കെ പത്രം
    വിറളിപിടിച്ചാലും മനോരമയ്ക്ക് അതുണ്ടാവും
    എന്ന് തോന്നുന്നില്ല....
    തികഞ്ഞ പ്രൊഫഷണലിസംകൊണ്ട്
    അതിനെ മറികടക്കാന്‍ മനോരമയ്ക്ക് അറിയാം...

    അതല്ല ഇവിടെ പലരുടെയും അസ്ക്യത നിറഞ്ഞ
    പരാമര്‍ശങ്ങള്‍ക്ക് കാരണം...
    മാധ്യമം പത്രം നടത്തുന്ന ജമാഅത്തെ ഇസ്ലാമിയോടും
    മാധ്യമത്തോടും തന്നെയാണ്....

    സുഹൃത്തുക്കളേ,
    ഈ കലിപ്പില്‍ പങ്കാളിയാകാന്‍
    എനിക്കൊട്ടും താല്‍പര്യവും ഇല്ല....
    എഴുത്ത് എന്‍െറ passionഉം
    തൊഴിലുമാണ്....

    മറിച്ച്,
    ഫേസ്ബുക്കുപോലുള്ള
    സോഷ്യല്‍ മീഡിയകള്‍ കേരളത്തിലെ ജനങ്ങള്‍
    ഈജിപ്തിനെക്കാള്‍ സാര്‍ത്ഥകമായി
    ഉപയോഗിക്കുന്നു, അതിലൂടെ ഇതാ വിപ്ളവം
    കടലുണ്ടി പാലത്തിനപ്പുറംവരെ
    വന്നുനില്‍ക്കുന്നു എന്നതായിരുന്നു
    എന്‍െറ ലേഖനത്തിന്‍െറ പരാമര്‍ശ വിഷയം എങ്കില്‍
    അതിനെ എതിര്‍ക്കാന്‍ ഇതേ ആളുകള്‍ നിരത്തുക
    ഇപ്പോള്‍ ഞാന്‍ നിരത്തിയ അതേ വാദങ്ങള്‍ തന്നെയായിരിക്കും...

    പക്ഷേ,
    സോഷ്യല്‍ മീഡിയിയിലെ
    അവസാന വാക്കല്ല ഫേസ്ബുക്ക്....
    അത് പോയി മറ്റു പലതും വന്നേക്കാം...

    പക്ഷേ, സോഷ്യല്‍ മീഡിയയില്‍ നമ്മള്‍ നഗ്നര്‍ തന്നെയാണ്
    എന്ന് ഞാന്‍ വിശ്വസിക്കുന്നു...
    നമ്മള്‍ എന്താണോ അത് വെളിപ്പെടുന്ന കണ്ണാടി....
    (നഗ്നത എന്നത് സ്ത്രീ ശരീരത്തിന്‍െറ വസ്ത്രമില്ലാത്ത
    അവസ്ഥയാണ് എന്ന് വിശ്വസിച്ച് കൊരുക്കാന്‍
    വന്നവരോട് സഹതപിക്കുകയും ചെയ്യുന്നു..)

    എന്നെ ഏറെ അദ്ഭുതപ്പെടുത്തുന്നത് മറ്റൊന്നാണ്...
    സോഷ്യല്‍ മീഡിയയിലും കൈകടത്തുന്ന വര്‍ഗീയതയെക്കുറിച്ച്
    ഞാന്‍ നടത്തിയ പരാമര്‍ശങ്ങളെക്കുറിച്ച് ആരും
    ഒന്നും പറഞ്ഞ് ഇതുവരെ കേട്ടിട്ടില്ല...

    ചിലപ്പോള്‍ ഈ ചര്‍ച്ചയില്‍ പങ്കെടുക്കുന്ന എല്ലാവരിലും
    ഉറഞ്ഞുകിടക്കുന്ന ഒരു വര്‍ഗീയകോമരത്തെക്കുറിച്ചുള്ള
    ഓര്‍മപ്പെടുത്തല്‍ അതില്‍ ഉള്‍ച്ചേര്‍ന്നുകിടക്കുന്നതുകൊണ്ടാവാം....

    എന്തായാലും
    സംവാദങ്ങള്‍ക്ക് ഹൃദയപൂര്‍വം നന്ദി പറയുന്നു..

    ReplyDelete
    Replies
    1. സോഷ്യല്‍ മീഡിയ വഴി വര്‍ഗീയത ആളിപ്പടര്‍ത്താന്‍ ശ്രമിക്കുന്നവരുണ്ട്. അവരെക്കുറിച്ച താങ്കളുടെ പരാമര്‍ശം ചര്‍ച്ച ചെയ്യപ്പെടേണ്ടത് തന്നെയാണ്. സോഷ്യല്‍ മീഡിയയുടെ ഏറ്റവും വലിയ ദുരന്തങ്ങളില്‍ ഒന്ന് ഇത്തരം പ്രചാരണങ്ങള്‍ക്ക് പറ്റിയ ഇടമാണ് അതെന്നുള്ളതാണ്. ഒരു വാര്‍ത്തയെ നിമിഷങ്ങള്‍ക്കുള്ളില്‍ കാട്ടുതീ പോലെ പടര്‍ത്തുവാന്‍ സോഷ്യല്‍ മീഡിയക്ക് കഴിയും. പക്ഷെ അത്തരം പ്രചാരണങ്ങള്‍ക്ക് എതിരെ ശബ്ദിക്കുവാനും പ്രതികരിക്കാനും നമുക്ക് അവിടെത്തന്നെ അവസരം ലഭിക്കുന്നുണ്ട്. "The only way to put out a social-media fire is with social-media water". കണ്‍വെന്‍ഷനല്‍ മീഡിയകളില്‍ അത്തരമൊരവസരം ഉണ്ടാകാറില്ല. അവരെന്തു പ്രചരിപ്പിക്കുന്നുവോ അത് തന്നെയാണ് വാര്‍ത്ത. സോഷ്യല്‍ മീഡിയയുടെ ബ്രൈറ്റ് സൈഡ് അതാണ്‌.

      Delete
  46. പത്രമാണേലും നമ്മളൊക്കെ ഓൺലൈൻ എഡിഷനുകളേ ഇപ്പോ വായിക്കാറുള്ളൂ.പിന്നെ ചായ കുടിക്കുമ്പോളെങ്ങാനും പഴയ ശീലം വച്ച് സ്പോർട്സ് പേജ് ഒന്ന് വായിക്കും. ഇനിയുള്ള തലമുറയിൽ നിന്ന് അതുപോലും പ്രതീക്ഷിക്കണ്ട.

    പിന്നെ, സൊഷ്യൽ മീഡിയയിലെ വ്യത്യാസം അതൊരു നാഥനില്ലാകളരി ആണെന്നുള്ളതാ. ആർക്കും സ്വന്തം താത്പര്യത്തിനനുസരിച്ച് കൊള്ളുകയും തള്ളുകയും ചെയ്യാം

    ReplyDelete
  47. അതിലും കിടിലം കോമഡി ആ ആര്‍ട്ടിക്കിളിന്റെ താഴെ ഷെയര്‍ ഇറ്റ്‌ ഓണ്‍ ഫേസ്ബുക്ക് എന്ന് കൂടി ഉള്ളതാണ് !!!!

    ReplyDelete
  48. സൈഫുദ്ദീന്റെ ലേഖനത്തില്‍ മഹാപരാധം ഉള്ളതായി എനിക്ക് തോന്നിയിട്ടില്ല. സോഷ്യല്‍ മീഡിയയിലെ ചില മോശം പ്രവണതകള്‍ അതിശയോക്തി കലര്‍ത്താതെയാണ് അദ്ദേഹം അവതരിച്ചതെന്ന് ഫേസ്ബുക്കിനെ ശരിക്കുമറിയുന്നവര്‍ക്ക് മനസ്സിലാകും. ഈ മീഡിയയെ വേണ്ടതിനും വേണ്ടാത്തതിനും ഉപയോഗിക്കുന്നവരുണ്ട്. തല്‍സമയം വിവരകൈമാറ്റത്തിനും പൊതുഅഭിപ്രായരൂപീകരണത്തിനും സമൂഹത്തിന് ഉപകരിക്കുന്ന സേവനങ്ങള്‍ക്കും ഉപകരിക്കുന്നതോടൊപ്പം ചില വിരുദ്ധചിന്തകളുടെ കുപ്പത്തൊട്ടിയായും ഫേസ്ബുക്ക് മാറുന്നുവെന്നത് യാഥാര്‍ഥ്യമാണ്. ഏതുമാധ്യമവും അതിന്റെ ധര്‍മം നിര്‍‌വ്വഹിക്കുന്നത് അത് കൈകാര്യം ചെയ്യുന്നവരെ ആശ്രയിച്ചിരിക്കും.

    'സത്യത്തില്‍ താങ്കളുടെ ലേഖനമല്ല, ഫേസ്ബുക്ക്‌ പൂട്ടാന്‍ പോവുകയാണെന്ന മനോരമ ലേഖകന്റെ പരാമര്‍ശമാണ് ഈ പോസ്റ്റിനു പ്രേരണയായത്‌' എന്ന വള്ളിക്കുന്നിന്റെ പ്രസ്താവനയില്‍ ആത്മാര്‍ഥത കാണാം.

    ReplyDelete
  49. വള്ളിക്കുന്നിനെ ആര്‍ക്കാണ് പേടി?

    ReplyDelete
  50. അഥവാ മലയാള മനോരമയില്‍ വന്ന " ഫേസ് ബുക്ക്‌ ഓ .. വേറെ പണിയില്ലേ ...?" എന്ന ലേഖനം :

    ഫെയ്സ്ബുക്കില്‍ കേറി കളിക്കാത്തവരില്ല. അതിലൊരു പേജ് ഇല്ലാത്തവര്‍ എന്തോ മോശക്കാരെന്ന പോലെയാണ്. ഫെയ്സ്ബുക്കില്‍ കേറി കണ്ണില്‍ക്കണ്ടവരുടെയൊക്കെ ഫ്രണ്ട് റിക്വസ്റ്റ് അക്സപ്റ്റ് ചെയ്‌യുക, പരസ്യമോ അടിചേ്ചല്‍പ്പിക്കാന്‍ നോക്കുന്ന അഭിപ്രായമോ, വല്ലവരും പോസ്റ്റ് ചെയ്ത പടങ്ങളോ ലൈക് ചെയ്‌യുക തുടങ്ങിയ പണികളൊക്കെ ചെയ്തിരുന്ന പല ‘സൗഹൃദ തൊഴിലാളികളും അതു നിര്‍ത്തിയിരിക്കുന്നു. ഇതൊക്കെ ഒരു ഫാഡിനു വേണ്ടി മാത്രം കുറച്ചു നാള്‍ ചെയ്തിട്ട് പിന്നങ്ങോട്ട് എത്തിനോക്കാത്തവരുടെ എണ്ണം കൂടുന്നു.

    പേരിന് സ്വന്തം പ്രൊഫൈല്‍ മാത്രം ഫെയ്സ്ബുക്കിലിട്ടിട്ട് വേറേ പണി നോക്കി പോകുന്നവരേറെയുണ്ട്. പച്ച ജീവനുള്ള കൂട്ടുകാര്‍ ഇഷ്ടംപോലെയുള്ളപ്പോള്‍, അവരുമായി സംസാരിക്കുകയും കാണുകയും കാപ്പിയോ കള്ളോ കുടിക്കുകയും ചെയ്‌യുന്പോള്‍ പിന്നെന്തിന് ഊരും പേരുമറിയാത്തവരുടെ സൗഹൃദം എന്നു പരസ്യമായി ചോദിക്കുന്നവരുടെ എണ്ണം കൂടുന്നു. ഫെയ്സ്ബുക്ക് ജനത്തിനു മടുത്തു തുടങ്ങിയിരിക്കുന്നു!

    ഫെയ്സ്ബുക്കില്‍ 90 കോടി ജനം ഉണ്ടത്രെ. താമസിയാതെ നൂറു കോടിയിലെത്തും. പിന്നെ 200 കോടി വരെ എത്തിയേക്കാമെന്നായിരുന്നു കണക്ക്. അതു കഴിഞ്ഞാല്‍ കൂടില്ല. കാരണം കംപ്യൂട്ടറോ സ്മാര്‍ട്ട് ഫോണോ തൊടാന്‍ പറ്റുന്നവര്‍ക്കു മാത്രമലേ്ല ഫെയ്സ്ബുക്കില്‍ കളിക്കാന്‍ പറ്റൂ..? പക്ഷേ 200 കോടിക്കു മുന്പു തന്നെ ഫെയ്സ്ബുക്കിന്‍റെ കചേ്ചാടം തീരുമെന്ന് ഇതെല്ലാം തുടങ്ങിവച്ച സായിപ്പു തന്നെയാണ് പറയുന്നത്. വളര്‍ച്ചാ നിരക്കു താഴോട്ടായി തുടങ്ങിയിട്ടുമുണ്ട്.

    ഫെയ്സ്ബുക്കിന്‍റെ നടവരവും ഓഹരി മൂല്യവുമെല്ലാം ഊതിപ്പെരുപ്പിച്ചതാണെന്നും എപ്പോള്‍ വേണമെങ്കിലും ബലൂണ്‍ പോലെ പൊട്ടിപ്പോകാമെന്നും പറഞ്ഞു തുടങ്ങിയിട്ടുണ്ട്. ഫെയ്സ്ബുക്ക് കണ്ടു പിടിച്ച പയ്‌യന്‍ മാര്‍ക്ക് സുക്കര്‍ബര്‍ഗ് ഐപിഒ നടത്തിയപ്പോള്‍ നൂറു ബില്യണ്‍ ഡോളര്‍ വരെ ഓഹരിക്കു മൂല്യം കേറിയതാണ്. പിന്നെ ഇടിഞ്ഞ് 60 ബില്യണിലെത്തി. ച്ചാല്‍ മൂന്നുലക്ഷം കോടി രൂപ! കന്പനിയുടെ വാര്‍ഷിക വരുമാനമോ ഓണ്‍ലൈന്‍ പരസ്യങ്ങളില്‍ നിന്ന് കഷ്ടിച്ച് നാലു ബില്യണ്‍- 20000 കോടി രൂപ. ആകെ വരുമാനം ഇതു മാത്രമാണ്.

    ഓരോരുത്തരുടെ ഫെയ്സ്ബുക്ക് പേജുകളില്‍ വരുന്ന ചെറിയ പരസ്യങ്ങളാണു പ്രധാന വരുമാനം. ഇതു കൊണ്ടു പ്രയോജനമിലെ്ലന്നു കന്പനികള്‍ മനസിലാക്കി തുടങ്ങിയിരിക്കുന്നു. ജനറല്‍ മോട്ടോഴ്സ് പരസ്യം നിര്‍ത്തലാക്കിയതു വാര്‍ത്തയായി. ഈ പോക്കുപോയാല്‍ ഫെയ്സ്ബുക്ക് ‘ക്രാഷ് ചെയ്‌യുമെന്ന് പ്രശസ്ത കോളമിസ്റ്റ് മൈക്കേള്‍ വോള്‍ഫ് ടെക്‌നോളജി റിവ്യൂവില്‍ പ്രവചിക്കുന്നു. സോഷ്യല്‍ മീഡിയയിലെ ഒന്നാം നന്പറുകാരന്‍ വീണാല്‍ കൂടെ മറ്റു പല നെറ്റ്‌വര്‍ക്കുകളേയും വലിച്ചു താഴെയിടും. ഓണ്‍ലൈന്‍ പരസ്യ ബിസിനസിനു തന്നെ അടിയാവുമെന്നാണ് സായിപ്പ് പറയുന്നത്. പണ്ട് ഡോട്ട് കോം പൊട്ടിയപോലെ.

    നിങ്ങള്‍ സദാ ‘സുഹൃത്തുക്കളുടെ പേജുകളില്‍ കേറിയിറങ്ങി നടക്കുന്ന കൂട്ടത്തിലാണോ? ഗൂഗിള്‍ പ്ളസ്, ലിങ്ക്ഡ്ഇന്‍, ഓര്‍ക്കുട്ട്,ട്വിറ്റര്‍...??നിങ്ങള്‍ക്കു മന:പ്രയാസം വരാന്‍ സാധ്യതയുണ്ട്. എല്ലാവരും അവരുടെ അടിപൊളി ജീവിതം മാത്രമാണു പേജുകളില്‍ പ്രദര്‍ശിപ്പിക്കുന്നത്. പട്ടയയില്‍ പോയി കടലില്‍ മുങ്ങുന്ന പടം, ഫൈവ് സ്റ്റാര്‍ ഹോട്ടലില്‍ ഡിന്നറടിക്കുന്ന പടം, വാങ്ങിയ പുത്തന്‍ സാധനങ്ങളുടെ പടം, കെനിയയില്‍ നടത്തിയ സഫാരിയുടെ പടം..ഇതൊക്കെ 600 സുഹൃത്തുക്കളെങ്കിലും കാണണം അതില്‍ പത്തന്പതു പേരെങ്കിലും ‘ലൈക് ചെയ്‌യണം! വേറേ ജോലിയും തൊഴിലുമിലേ്ല..??

    ഇതൊന്നുമില്ലാതെ ചുമ്മാതിരിക്കുന്നയാളാണു നിങ്ങളെങ്കിലോ? സുഹൃത്തുക്കള്‍ അര്‍മാദിക്കുന്ന പടങ്ങള്‍ കണ്ടിട്ട് ഡിപ്രഷനായതു തന്നെ. ഇവരെല്ലാം ജീവിതമാകെ ആഘോഷിക്കുകയാണെന്നര്‍ഥമില്ല. കടം കേറി വീട് ജപ്തിയായിരിക്കുന്ന കക്ഷിയായിരിക്കും മൗറീഷ്യസില്‍ സ്‌നോര്‍ക്കലിങ് നടത്തുന്നതിന്‍റെ പടം കൊടുത്തിരിക്കുന്നത്. മോശം കാര്യങ്ങളൊന്നും ഫെയ്സ്ബുക്കില്‍ വരിലെ്ലന്നു മാത്രം. കാണിക്കാന്‍ കൊള്ളാവുന്നതേ കാണിക്കൂ. അതു കണ്ടങ്ങിളകരുത്.
    ഫോറങ്ങളില്‍ ഓരോരുത്തര്‍ തട്ടിവിടുന്ന അഭിപ്രായങ്ങള്‍ കണ്ടാല്‍ ഓക്കാനം വരും. നിങ്ങളുടെ വീക്ഷണം ഇഷ്ടപ്പെടാത്തവരുടെ ചീത്തവിളി കാണണം. പെണ്ണുങ്ങളാണെങ്കില്‍ കണ്ടവന്‍റെയൊക്കെ തെറി കൂടുതലായിരിക്കും.

    കുറേ കണ്ടു മടുത്തവരാണ് ഫെയ്സ്ബുക്ക് വിടുന്നത്. ആര്‍ക്കും തോന്നിപ്പോകും: വേറേ ജോലിയിലേ്ല...???

    ഒടുവിലാന്‍: കല്യാണ പരസ്യങ്ങളില്‍ പുതിയൊരിനം കൂടി വന്നു തുടങ്ങിയിട്ടുണ്ട്: പെണ്ണ് അലെ്ലങ്കില്‍ ചെക്കന്‍ ഫെയ്സ്ബുക്ക് ഉപയോഗിക്കാത്തയാളാവണം.

    By : p kishor

    ReplyDelete
    Replies
    1. NB : ഇതില്‍ കിഷോരെട്ടന്റെ അദ്ദേഹത്തിന്റെ അഭിപ്രായം മറ്റെല്ലാവരും സ്വീകരിക്കണം , അല്ലാത്തവര്‍ വിഡ്ഢിക്കള്‍ എന്ന മട്ടിലാണ് ഈ എഴുത്ത് . ഇത്തരം വിഷയങ്ങളെപ്പറ്റി വലിയ ഗ്രാഹ്യം ഇല്ലാത്തവര്‍ക്ക് അത് കൌതുകം ഉണ്ടാക്കുന്ന വാര്‍ത്തയാണ് , പക്ഷെ ആ മേഖലയെപ്പറ്റി അറിവുള്ളവരും പ്രവര്‍ത്തിക്കുന്നവരും ചിലപ്പോള്‍ അത് വായിച്ചു തല അറഞ്ഞു ചിരിക്കുകയും ചെയ്യും കൂടെയുള്ള മഹത് കണ്ടു പിടുത്തങ്ങള്‍ കേട്ടാല്‍ ചിലപ്പോള്‍ ചില സ്കൂള്‍ കുട്ടികള്‍ കരുതാവുന്ന ചില കാര്യങ്ങള്‍ . പ്രൊഫൈല്‍ ഉണ്ടാക്കുക എന്ന് പറഞ്ഞാല്‍ ഒരേക്കര്‍ പറമ്പ് വാങ്ങി അതിനുള്ള ഖരം അടച്ച രസീതും കൊണ്ട് ബാങ്കില്‍ ചെന്ന് ലോണ്‍ എടുത്തു ഒരു വീട് പണി തുടങ്ങാന്‍ പോകുന്ന പോലൊരു മഹാ ദൗത്യം ആണത്രെ അതിലും വലുത് പ്രൊഫൈല്‍ പിക്ക്‌ അപ്‌ലോഡ്‌ ആണ് മലബാറില്‍ നിന്നും മാപ്പിള ഖലാസികളെ കൊണ്ട് വന്നു ചുമന്നു കയറ്റി അപ്‌ലോഡ്‌ ചെയ്യുന്ന പോലെ ശ്രമകരമായ പല സംഭവങ്ങളും ചെര്‍ന്നോന്നാണ് ഫേസ്ബുക്ക് ഹോ അപാരം തന്നെ കിഷോറെട്ടാ !!!!

      Delete
    2. >> അതിലും വലുത് പ്രൊഫൈല്‍ പിക്ക്‌ അപ്‌ലോഡ്‌ ആണ് മലബാറില്‍ നിന്നും മാപ്പിള ഖലാസികളെ കൊണ്ട് വന്നു ചുമന്നു കയറ്റി അപ്‌ലോഡ്‌ ചെയ്യുന്ന പോലെ ശ്രമകരമായ പല സംഭവങ്ങളും ചെര്‍ന്നോന്നാണ് ഫേസ്ബുക്ക് ഹോ അപാരം തന്നെ കിഷോറെട്ടാ !!!! << ഇത് കലക്കീട്ടാ ...

      Delete
  51. അന്ധന്മാര്‍ ആനയെ കാണാന്‍ പോയതുപോലെ, വിജു വി നായര്‍ ഫെയിസ്ബൂകിനെ കണ്ട് ലേഖനം എഴുതി. നായരിപ്പോള്‍ പിടിക്കുന്നത്‌ മുഴുവന്‍ പുലിവാലാണല്ലോ...?

    ReplyDelete
  52. സ്വന്തമായി മേല്‍വിലാസം പോലും ഇല്ലാത്തവര്‍ക്ക് പറ്റിയ ഒരു നേരം കൊല്ലിയാണ് താങ്കളൊക്കെ ചെയ്യുന്ന ഈ പണി.അതില്‍ എഴുതിക്കൂട്ടുന്ന വാരോലകള്‍ വലിയ ഒരു സാഹസികത ചെയ്യുന്നപോലെ യാണ്.വിജു വി നായര്‍ സ്വന്തമായി മേല്‍വിലാസം വച്ച് എഴുതുന്ന കര്‍ത്തവ്യം അങ്ങോര്‍ പുലി വാല്‍ പിടിക്കാന്‍ തയ്യാറായി ധൈര്യസമേതം ഇറങ്ങി പുറപ്പെടുന്നതാണ്‌.., അല്ലാതെ ഒളിവിലിരുന്നു പൂച്ച വാല്‍ കണ്ടു മോങ്ങുകയല്ല കൂട്ടരേ, കംബിളിക്കെട്ടില്‍ മൂടി പുതച്ചു ഉറങ്ങുന്നവന് പറഞ്ഞ പണിയാണ് വിജു വി നായരെ പോലുള്ളവര്‍ ചങ്കൂറ്റത്തോടെ ചെയ്യുമ്പോള്‍ ഒളിവിലിരുന്നു കൂവുന്നത്.ദോഷം പറയരുതല്ലോ ഈ ഫേസ് ബുക്കും കൂടി കണ്ടെത്തിയത്.എത്ത്ര നന്നായി. കൂട്ടത്തില്‍ ഗള്‍ഫും ആല്ലെങ്കില്‍ നാട്ടില്‍ പുറത്തിറങ്ങി നടക്കാന്‍ പറ്റുമായിരുന്നോ.?......

    ReplyDelete
  53. “ഫേസ്ബുക്കിൽ മലയാളി നഗ്നനാണ്” എന്നുപറഞ്ഞത് ബഷീർ ഉദ്ദേശിക്കും പോലെ മലയാളി അവിടെ വന്ന് ഷഡ്ഡി ഊരിക്കാണിക്കുന്നതുകൊണ്ടല്ല. മറിച്ച്, പൊതുസമൂഹത്തിൽ മതേതരനായി വിലസുന്ന മാന്യന്മാരായ മലയാളികളിൽ പലരും തന്നെ ആരും കാണുന്നില്ല എന്ന ധൈര്യത്തോടെ ഫേസ്ബുക്കിൽ വർഗീയ വിഷം ചീറ്റുന്ന രംഗങ്ങൾ അതിൽ വിവരിച്ചിട്ടുണ്ട്. കൂടാതെ പുറമേ സദാചാരം നടിക്കുന്ന പലരും അതിന് വിരുദ്ധമായി പ്രവർത്തിക്കുന്നതും നമ്മൾ നിത്യേന കാണുന്നു. ഇതിനെ ഉദ്ദേശിച്ചാണ് ‘നഗ്നതാ’ പ്രയോഗം.. ലേഖനം വായിച്ചാൽ അത് മനസ്സിലാകും തലക്കെട്ട് വായിച്ച് ലേഖനത്തെ വിലയിരുത്തുന്ന ഉത്തരവാദിത്തമേ ബ്ലോഗർക്കുള്ളോ? ഉത്തരവാദിത്തത്തിന്റെ കാര്യത്തിൽ ഫേസ്ബുക്കും ബ്ലോഗുകളും വളരെ പിന്നിലാണ്. ആർക്കും എന്തുകുന്തവും എഴുതിപ്പിടിപ്പിക്കാവുന്ന മേഖലകളാണിവ.

    ReplyDelete
  54. @PALLIKULAM...
    Ningal tharunnathu appaade vizhungiyal madiyo? janagalude abhiprayathinu pullu vilayano thangal kalppikkunnathu...?

    ReplyDelete
  55. സോഷ്യൽ നെറ്റ്‌വർക്കുകളുടെ മറ്റൊരു വശം സൂചിപ്പിച്ചെന്നേയുള്ളൂ. ആസ്സാം കലാപവുമായി ബന്ധപ്പെട്ട് ഈ പുത്തൻ മീഡിയ വഴി പ്രചരിച്ച വ്യാജന്യൂസുകൾ ഒന്നു കൈകാര്യം ചെയ്യാൻ രാജ്യം പെടാപ്പാട് പെട്ടത് നമ്മൾ കണ്ടതാണ്. ഒരു സംശയവും വേണ്ട, ഇനി നമ്മൾ കാണാൻ പോകുന്ന കലാപങ്ങളും വിപ്ലവങ്ങളും ഫേസ്ബുക്ക് ഉൾപ്പടെയുള്ള ഈ പുതുവിവരവിതരണ സമ്പ്രദായത്തിന്റെ വകയായിരിക്കും.

    ReplyDelete
  56. ആര്ക്കാണീ നാറിയ സര്ക്കാരിനെ പേടി ???? ആര്ക്കാണീ നാറിയ സര്ക്കാരിനെ പേടി ????
    ആര്ക്കാണീ നാറിയ സര്ക്കാരിനെ പേടി ????
    ആര്ക്കാണീ നാറിയ സര്ക്കാരിനെ പേടി ????


    മുഖ്യമന്ത്രിയെയും സര്‍ക്കാരിനെയും വിമര്‍ശിച്ച് ഗായകന്‍ കെ ജെ യേശുദാസ്.
    ജന്മനാ കേള്‍വിശക്തി ഇല്ലാത്ത കുട്ടികള്‍ക്ക് ശസ്ത്രക്രിയ നടത്താനുള്ള പദ്ധതിയുമായി ബന്ധപ്പെട്ടാണ് വിമര്‍ശനം. ശസ്ത്രക്രിയയ്ക്കായി പണം നല്‍കാമെന്ന സര്‍ക്കാര്‍ വാഗ്ദാനം പാലിക്കപ്പെട്ടില്ലെന്ന് യേശുദാസ് ചൂണ്ടിക്കാട്ടി.

    യേശുദാസിന്റെ നേതൃത്വത്തിലുള്ള സംഘടനയും സര്‍ക്കാരും സംയുക്തമായി ശസ്ത്രക്രിയകള്‍ നടത്താനായിരുന്നു തീരുമാനം. 200 കുട്ടികള്‍ക്ക് ശസ്ത്രക്രിയ നടത്താമെന്നായിരുന്നു പദ്ധതി. എന്നാല്‍ പത്തില്‍ താഴെ മാത്രം ശസ്ത്രക്രിയകളാണ് ഇതുവരെ നടന്നതെന്ന് യേശുദാസ് പറഞ്ഞു. തിന്നുകയുമില്ല, തീറ്റിക്കുകയുമില്ല എന്ന നയമാണ് സര്‍ക്കാരിന്റേത് എന്ന് യേശുദാസ് കുറ്റപ്പെടുത്തി.

    ഇടതു സര്‍ക്കാരിന്റെ കാലത്ത് ഇതിനായി അഞ്ച് കോടി രൂപ അനുവദിച്ചിരുന്നു. എന്നാല്‍ നിലവിലെ സര്‍ക്കാര്‍ നല്‍കിയ ഉറപ്പ് ഒരു വര്‍ഷമായിട്ടും പാലിക്കപ്പെട്ടിട്ടില്ലെന്ന് യേശുദാസ് പറഞ്ഞു.

    ReplyDelete
    Replies
    1. എമര്ജിംഗ് കേരളയെന്നപേരില് വീട്ടിന്റെ കക്കൂസ് സ്ലാബ് വരെപൊളിച്ച് വികസിപ്പിക്കാന് പോകുന്നു എന്നല്ലേ വേങ്ങരകാള പറയുന്നത്
      ത്ഫൂ..എത് കേട്ട് തുള്ളാന് കുറേ കഴുതകളും

      Delete
  57. Onn mattonte aalaa...

    ReplyDelete