September 12, 2013

ടി പി വിധിയുടെ സാമ്പിൾ വെടിക്കെട്ട്

തൃശൂർ പൂരത്തിന് ഒരു സാമ്പിൾ വെടിക്കെട്ട് ഉണ്ടാകാറുണ്ട്. ആ സാമ്പിൾ കണ്ടാലറിയാം ഒറിജിനൽ വെടിക്കട്ട് എങ്ങിനെയിരിക്കുമെന്ന്. സാമ്പിൾ തകർത്താൽ ഒറിജിനൽ തകർക്കും. സാമ്പിൾ തൂറ്റിയാൽ ഒറിജിനലും തൂറ്റും. അത് കട്ടായമാണ്. ടി പി വധക്കേസിന്റെ സാമ്പിൾ വിധിയാണ് വിചാരണക്കോടതിയിൽ നിന്നും ഇന്നലെ വന്നത്. ഒറിജിനൽ വിധി എങ്ങിനെയായിരിക്കുമെന്നതിന്റെ ഒരു സാമ്പിൾ. ടി പി വധക്കേസിലെ എല്ലാ പ്രതികളും മതിയായ തെളിവുകൾ ഇല്ലാത്തതിന്റെ പേരിൽ കൂൾ കൂളായി പുറത്ത് വരാൻ ഇനി അധികം കാത്തിരിക്കേണ്ടി വരില്ല. ഇരുപത് പ്രതികളെ കുറ്റവിമുക്തരാക്കി നിരുപാധികം വിട്ടയച്ച വിധിയിലൂടെ അരിഭക്ഷണം കഴിക്കുന്നവർ മനസ്സിലാക്കേണ്ടത് അതല്ലാതെ മറ്റൊന്നല്ല. കേരളത്തിന്റെ സമീപകാല ചരിത്രത്തിൽ ഇത്രയേറെ വിവാദം സൃഷ്‌ടിച്ച ഒരു കൊലപാതകം ഉണ്ടായിട്ടില്ല. വെട്ടുകത്തി രാഷ്ട്രീയത്തെ തരിമ്പും ഉൾകൊള്ളാൻ കഴിയാത്ത മുഴുവൻ കേരളീയരും കക്ഷി ഭേദമില്ലാതെ അപലപിക്കുകയും നമ്മുടെ മാധ്യമങ്ങൾ ഒന്നടങ്കം തികഞ്ഞ ജാഗ്രതയോടെ പൊതുമണ്ഡലത്തിൽ സജീവമായി നിലനിർത്തുകയും ചെയ്ത ഒരു കൊലപാതകം.

ഇതൊരു വെറും കൊലപാതകമായിരുന്നില്ല. കാട്ടു ചെന്നായ്ക്കൾ പോലും ഇരയോട്‌ കാണിക്കാത്ത ക്രൂരതയാണ് ഈ കൊലപാതകത്തിലൂടെ അതിന്റെ ആസൂത്രകർ നടപ്പിൽ വരുത്തിയത്. അല്പം വയറ് നിറഞ്ഞ് കഴിഞ്ഞാൽ എതു ചെന്നായയും കൊന്ന ഇരയുടെ ജഡം അതിന്റെ പാട്ടിന് വിട്ട് കടന്നു പോകും. എന്നാൽ ആ ചെന്നായ്ക്കളെപ്പോലും പിറകിലാക്കി ജീവൻ പോയ ശരീരത്തെ അമ്പത്തൊന്ന് വെട്ട് വെട്ടി നുറുക്കിയാണ് വർഗ്ഗസംഘട്ടന സിദ്ധാന്തത്തിന്റെ പുതിയ അദ്ധ്യായം ഇവിടെ രചിക്കപ്പെട്ടത്‌. 'കുലംകുത്തി'യെ കശാപ്പ് ചെയ്യാനുള്ള ഓർഡർ നല്കിയ രാഷ്ടീയ മേലാളന്മാരെ സന്തോഷിപ്പിക്കുക മാത്രമായിരുന്നില്ല, പാർട്ടിയെ ചോദ്യം ചെയ്യുന്ന ഒരു 'കുലംകുത്തി' ഇനിയീ മണ്ണിൽ ജനിച്ചു പോകരുതെന്ന മുന്നറിയിപ്പ് കൂടിയായിരുന്നു അത്.

ഇടതായാലും വലതായാലും രാഷ്ട്രീയക്കാർ രാഷ്ട്രീയക്കാരാണ്. പൊതുജനങ്ങളെ എങ്ങിനെ കളിപ്പിക്കുക എന്നതാണ് ആത്യന്തികമായി അവർ കളിച്ചു കൊണ്ടിരിക്കുന്ന കളി. ആ കളിയുടെ ഒരു എപ്പിസോഡാണ് ഇപ്പോൾ നമ്മൾ കണ്ടുകൊണ്ടിരിക്കുന്നത്. ഇടതും വലതും ഒരുമിച്ചു ചേർന്ന് ഒരു കേസ് ഒതുക്കാൻ തീരുമാനിച്ചു കഴിഞ്ഞാൽ സുപ്രിം കോടതിയല്ല, ക്രൈം നന്ദകുമാർ വിചാരിച്ചാൽ പോലും അത് പൊക്കിക്കൊണ്ട് വരാൻ പറ്റില്ല. കോടതിക്ക് തെളിവ് കൊടുക്കേണ്ടതും സാക്ഷികളെ നേരാം വണ്ണം ഹാജറാക്കേണ്ടതും പ്രോസിക്ക്യൂഷനാണ്. ആ വിഷയത്തിൽ അവരൊന്ന് കണ്ണ് ചിമ്മിയാൽ ഒരു കോടതിയേയും ജഡ്ജിയേയും നമുക്ക് കുറ്റം പറയാൻ ഒക്കില്ല. കോടതിക്ക് മുന്നിലെത്തുന്ന തെളിവുകളാണ് ഒരു വിധിയുടെ സ്വഭാവം നിർണയിക്കുന്നത്. ജഡ്ജിയുടെ ചേമ്പറിൽ ഇരിക്കുന്നത് ആരാണ് എന്നത് അത്രത്തോളം പ്രസക്തമായ കാര്യമല്ല. തല വെട്ടുന്നത് കണ്ടവർ വാഴ വെട്ടുന്നതാണ് കണ്ടത് എന്ന് മൊഴിമാറ്റിപ്പറഞ്ഞാൽ കോടതിയ്ക്ക് മറ്റൊന്നും ചെയ്യാനില്ല. സർക്കാരിനെയും നിയമങ്ങളെയുമല്ല, പാർട്ടികളെയും അതിന്റെ ഗുണ്ടകളേയുമാണ്‌ പേടിക്കേണ്ടത് എന്ന് വരുമ്പോൾ ജീവനിൽ കൊതിയുള്ള ആരും മൊഴി മാറ്റിപ്പറയും. സത്യം തുറന്ന് പറയാനും അത് പറഞ്ഞാൽ ജീവനും സ്വത്തിനും സംരക്ഷണം നൽകുന്ന ഒരു ഭരണവും നിയമവ്യവസ്ഥയും കൂട്ടിനുണ്ടാകുമെന്ന വിശ്വാസം ജനിപ്പിക്കാനും ഭരിക്കുന്നവർക്ക് കഴിയണം. അതിന് സാധിക്കാത്തപക്ഷം നിരവധി ടി പി മാർ ഇനിയും കഴുത്തറ്റ് വീഴും.  


പിണറായി വിജയനും തിരുവഞ്ചൂർ രാധാകൃഷ്ണനും ഒരുപോലെ പൊട്ടിച്ചിരിക്കാൻ അവസരമുള്ള ഒരു ഇടക്കാല വിധിയാണിത്. ഈ കേസിന്റെ തുടക്കത്തിൽ കാര്യക്ഷമമായ അന്വേഷണത്തിന്റെ വിശ്വാസ്യത ജനിപ്പിക്കാൻ തിരുവഞ്ചൂരിനു കഴിഞ്ഞിരുന്നു. പക്ഷേ കൊലപാതകത്തിന്റെ മാസ്റ്റർ പ്ലാൻ ജില്ലാ നേതാവായ പി മോഹനനേയും കടന്ന് വീണ്ടും മുകളിലേക്ക് പോകുന്നു എന്ന ഘട്ടം വന്നപ്പോഴാണ് തിരുവഞ്ചൂർ റിവേർസ് ഗിയറിലേക്ക് പോയത്. കൂട്ട മൊഴിമാറ്റത്തിന് പിന്നിൽ പ്രോസിക്യൂഷനും പ്രതിഭാഗവും ഒരുപോലെ പങ്ക് വഹിച്ചുവോ എന്നും സംശയിക്കേണ്ടി വരുന്നത് അതുകൊണ്ടാണ്. രാഷ്ട്രീയ അന്തപുരങ്ങളിലെ അവിശുദ്ധ ബാന്ധവങ്ങളുടെയും രഹസ്യാലിംഗനങ്ങളുടെയും ചിത്രങ്ങൾ ഇപ്പോൾ കുറേക്കൂടി തെളിഞ്ഞുവരുന്നുണ്ട്.
 
ഏറ്റവും കൂടുതൽ ആത്മാർത്ഥതയും വിശ്വസ്തതയും ആവശ്യമുള്ള ഒരു ജോലി മോഷണമാണ്. ഒരു ചെറിയ ധാരണപ്പിശക് മതി ഒരു മോഷണം പൊളിയാൻ. അതുകൊണ്ട് തന്നെ കള്ളന്മാർ തമ്മിൽ തമ്മിൽ മുടിഞ്ഞ 'കോർഡിനേഷനും കോഓപ്പറേഷനും' ആയിരിക്കും. മോഷണം പ്ലാൻ ചെയ്യുന്നത് മുതൽ തൊണ്ടി മുതൽ ഓഹരി വെക്കുന്നത് വരെ ഈ 'കോർഡിനേഷനും കോഓപ്പറേഷനും' ഉണ്ടാകും. ഏതാണ്ട് ഇതുപോലുള്ള ഒരു 'കോർഡിനേഷനും കോഓപ്പറേഷനും' തന്നെയാണ് ഇടത് വലത്-മുന്നണികളുടെ സൂത്രധാരന്മാർക്കിടയിൽ ഉള്ളത്. പെണ്‍വാണിഭക്കേസ് മുതൽ സെക്രട്ടേറിയറ്റ് ഉപരോധം വരെയുള്ള ഐതിഹാസിക സമരമുഖങ്ങളിൽ ഈയൊരു മാന്ത്രിക സഹകരണത്തിന്റെ നാൾവഴികൾ കൃത്യമായി അടയാളപ്പെടുത്താൻ സാധിക്കും.

തിരുവഞ്ചൂർ രാധാകൃഷ്ണനും പിണറായി വിജയനും തീരുമാനിപ്പിച്ചുറപ്പിച്ച ഒരു കേസിൽ വെറുതേ വായിട്ടല്ക്കുന്ന നമ്മളാണ് പൊട്ടന്മാർ. അതുകൊണ്ട് തന്നെ ഇന്നലെ ഫേസ്ബുക്കിൽ കുറിച്ചിട്ട അതേ വരികൾ ആവർത്തിച്ചു കൊണ്ട് അവസാനിപ്പിക്കാം. 'ടി പി യെ ആരും കൊന്നതല്ല. ഒരു കോടാലി കയ്യിൽ കിട്ടിയപ്പോൾ പുള്ളി വെറുതെ തമാശയ്ക്ക് സ്വന്തം തലയിലൊന്ന് വെട്ടിനോക്കിയതാണ്. രക്തം വരുന്നത് കണ്ടപ്പോൾ ആവേശം കയറി. പിന്നെ വെട്ടോട് വെട്ട്.. അമ്പത്തൊന്നായപ്പോൾ നിർത്തി ലാൽസലാം പറഞ്ഞ് മറിഞ്ഞു വീണു.'

Latest Post
പ്രദീപേ, ഏപ്രിൽ ഫൂളിലെത്ര ഫൂളുണ്ട്?

Related Posts
ക്രിമിനല്‍സ് പാര്‍ട്ടി ഓഫ് ഇന്ത്യ (ഫാസിസ്റ്റ്) 
പോളിറ്റ് ബ്യൂറോ, P.O. കണ്ണൂര്‍ സെന്‍ട്രല്‍ ജയില്‍ 
ക്വട്ടേഷന്‍ മണി സ്പീക്കിംഗ് 
സി പി എം ജയിലിലേക്ക് 
ജയരാജനെന്താ കൊമ്പുണ്ടോ?

41 comments:

  1. ഇതൊരു അവിശുദ്ധ കൂട്ടു കെട്ടിന്റെ ഏറ്റവും പുതിയ ഉദാഹരണമാണ്.

    ഉപരോധ സമരം പിൻ വലിച്ചതും ഈ കേസിന്റെ വിധിയും തമ്മിൽ ഏറെ ബന്ധപ്പെട്ടു കിടക്കുന്ന ചില അടിയൊഴുക്കുകൾ ഉണ്ട് എന്ന് അരിയാഹാരം കഴിക്കുന്ന ആർക്കും മനസ്സിലാവും.

    ഇവിടെ വിഡ്ഢികളായത്‌ ജീവൻ പണയം വെച്ച് കേസ് അന്വേഷിച്ച പോലീസ് ഓഫീസർമാരും ടി പി യുടെ കുടുംബവുമാണ്. ഒരു മനുഷ്യനെ പച്ചയായി നടു റോട്ടിലിട്ടു വെട്ടി കീറിയിട്ടു ഇതാണ് കോടതി വിധിയെങ്കിൽ പിന്നെ നീതി ന്യായ വ്യവസ്ഥയുടെ അർഥം എന്താണ്.

    കൊന്നു തള്ളിയവരുടെ കണക്കുകൾ മൈക്ക് കെട്ടി വിളിച്ചു പറഞ്ഞു ഊറ്റം കൊള്ളുന്ന നേതാക്കളെ അരിയിട്ടു വായിക്കുന്ന നമ്മുടെ നാട്ടിൽ മനുഷ്യ ജീവന് എന്ത് വിലയാണുള്ളത് ?

    സരിതാ കേസ് പിടി മുറുക്കിയപ്പോൾ ടീ പി കേസ് പിടി അയച്ചു എന്ന് വേണം അനുമാനിക്കാൻ.

    അതായത് അധികാരി വർഗ്ഗ ബൂർഷ്വാസികളും ഇടതു പക്ഷ പിന്തിരിപ്പൻ മൂരാച്ചികളും തമ്മിൽ നിലവിലുള്ള അന്ധർധാരയിൽ വന്ന റാഡിക്കലായ മാറ്റം എന്ന് താത്വികമായി പറയാം..

    ReplyDelete
    Replies
    1. >> സരിതാ കേസ് പിടി മുറുക്കിയപ്പോള്‍ ടീ പി കേസ് പിടി അയച്ചു എന്ന് വേണം അനുമാനിക്കാന്‍ <<.
      Yes.. a valid observation.

      Delete
    2. ഉപരോധ സമരത്തിന് ആഴ്ചകള്‍ക്ക് മുന്‍പ് തന്നെ ഇവരുടെ വിചാരണ പോലും അവസാനിച്ചിരുന്നു. എങ്കിലും നമുക്ക് ഇത് സമരത്തിന്റെ ഒത്തു തീര്‍പ്പായി തന്നെ വ്യാഖ്യാനിക്കാം.....അല്ലെങ്കില്‍ നമ്മളെങ്ങിനെ നമ്മളാകും...

      Delete
  2. the prosecution arguments in TP case was concluded long before the Solar case; r u trying to tell that the government had foresighted that there would be a scam against them and thus diluted the arguments in tp case.

    ReplyDelete
  3. Oliyambukal Mareechan on FB
    ഹൊ. എന്തോരം തമാശകളാ ചാനലുകളില്‍ വിളമ്പിത്തന്നത്? സാക്ഷികള്‍ കൂറുമാറിയേ എന്നായിരുന്നു സകല ചാനലുകളിലേം നിലവിളി. ഒപ്പാരി വെയ്ക്കാന്‍ കോണ്‍ഗ്രസിന്‍റേം ആര്‍എംപിയുടേം നേതാക്കള്‍. ടിപി ചന്ദ്രശേഖരന്‍ വധക്കേസിലെ കൂറുമാറാത്ത സാക്ഷികളുടെ അവസ്ഥ കൂടി ഒന്നോര്‍ത്തു വെയ്ക്കേണ്ടേ ചേട്ടന്മാരേ...

    ഒന്നാം സാക്ഷി ആര്‍എംപി പ്രവര്‍ത്തകന്‍ കെ കെ പ്രസീത്: ടി പി ചന്ദ്രശേഖരനെ കൊലപ്പെടുത്തുന്നത് കണ്ടുവെന്നാണ് സാക്ഷിമൊഴി. കൊലയുടെ പിറ്റേന്ന് ക്രിമിനല്‍ സംഘം സഞ്ചരിച്ച ഇന്നോവ കാര്‍ ചൊക്ലി പുനത്തില്‍മുക്കില്‍ കണ്ടെടുക്കുന്നതിനും പ്രസീത് സാക്ഷിയായിരുന്നുപോലും.

    മൊഴിയെങ്ങനെ സ്ഥിരീകരിക്കും? വളളിക്കാട് എന്ന സ്ഥലത്താണ് ചന്ദ്രശേഖരന്‍ വെട്ടേറ്റു വീണത്. സംഭവസ്ഥലത്ത് സംഭവസമയം സാക്ഷി ഉണ്ടായിരുന്നെങ്കിലല്ലേ, അയാള്‍ സംഭവം കണ്ടിരിക്കാനിടയുളളൂ. മൊഴി സ്ഥിരീകരിക്കാന്‍ തെളിവ് വേറെ വേണം. കൊറോബറേറ്റീവ് എവിഡന്‍സ് എന്ന് സാങ്കേതികമായി പറയും. വാദിഭാഗത്തിന്‍റെ കൈവശം മൊഴിയേ ഉളളൂ. പക്ഷേ പ്രതിഭാഗം, സാക്ഷിയുടെ മൊബൈല്‍ ഡീറ്റെയില്‍സ് ഹാജരാക്കാന്‍ ആവശ്യപ്പെട്ടു. അങ്ങനെ സാക്ഷിയുടെ 9048014554 എന്ന മൊബൈല്‍ നമ്പരിന്‍റെ 2012 മെയ് 4 മുതല്‍ 9 വരെയുള്ള കോള്‍ റെക്കോഡ് വൊഡഫോണ്‍ ആള്‍ട്ടര്‍നേറ്റീവ് നോഡല്‍ ഓഫീസര്‍ ഷഹീന്‍ എം കോമത്ത് ഹാജരാക്കി.

    അപ്പോഴോ? മെയ് നാലിന് രാവിലെ 9.46 മുതല്‍ രാത്രി 11.33 വരെ പ്രസീത് വള്ളിക്കാട് ടവര്‍ പരിധിയില്‍ ഉണ്ടായിട്ടില്ല. സംഭവസമയത്ത് വെളളിക്കുളങ്ങര ടവര്‍ ലൊക്കേഷനു കീഴിലായിരുന്നു ഇയാള്‍. അയാളുടെ വീടിനടുത്തുള്ള ടവറിനു കീഴില്‍.

    സംഭവത്തിനു പിറ്റേന്ന് ചൊക്ലിയിലെത്തി ഇന്നോവാ കാര്‍ കണ്ടെടുക്കുന്നതിനു സാക്ഷിയായി എന്നുമുണ്ട് മൊഴി. എന്നാല്‍ അന്ന് അയാള്‍ സംഭവസ്ഥലത്തിന്‍റെ പരിധിയിലുളള മൊബൈല്‍ ടവറിനു കീഴില്‍ വന്നിട്ടേയില്ല. ടവര്‍ ലൊക്കേഷന്‍ പ്രകാരം ആ ദിവസം അയാള്‍ യാത്ര ചെയ്തിട്ടുണ്ട്. ടവര്‍ ലൊക്കേഷന്‍ അനുസരിച്ച് യാത്രാ പഥം ഇങ്ങനെ. വെളളിക്കുളങ്ങരയില്‍ നിന്നു തിരിച്ച് മടപ്പള്ളി, വടകര, പയ്യോളി, തിക്കോടി, വെള്ളിമാട്കുന്ന് വഴി മെഡിക്കല്‍ കോളേജില്‍ എത്തി വെളളിക്കുളങ്ങരയ്ക്കു തിരിച്ചു പോയി.

    പ്രോസിക്യൂഷന്‍ ഹാജരാക്കിയത് കളളസാക്ഷിയാണ്. അയാളുടെ മൊഴി കളളമൊഴിയാണ്. സെന്‍സേഷനുകളില്‍ സെന്‍സേഷനായ കൊലക്കേസിലെ ഒന്നാം സാക്ഷിയുടെ കാര്യമാണ് ഇപ്പറഞ്ഞത്. ചന്ദ്രശേഖരന്‍ വധക്കേസിലെ ഒന്നാം സാക്ഷി തന്നെ കളളസാക്ഷിയാണെന്ന് കോറോബറേറ്റീവ് എവിഡന്‍സ് പരിശോധനയില്‍ തെളിഞ്ഞ സുപ്രധാന വിവരം വിഷ്ണുനാഥും സണ്ണിജോസഫും ടി സിദ്ദിഖുമൊക്കെ അത്രവേഗം മറന്നുപോയോ?

    പി. മോഹനന്‍ മാസ്റ്റര്‍ക്കെതിരെ ഹാജരാക്കിയ സാക്ഷിയുടെ മൊഴിയോ?

    പി മോഹനന്‍, സിഎച്ച് അശോകന്‍, കെ. കെ. കൃഷ്ണന്‍, കെ സി രാമചന്ദ്രന്‍ എന്നിവര്‍ 2012 ഏപ്രില്‍ 2ന് പകല്‍ മൂന്നു മണിക്ക് പടയങ്കണ്ടി രവീന്ദ്രന്‍റെ പൂക്കടയില്‍ ഗൂഢാലോചന നടത്തിയെന്ന് മൊഴി നല്‍കിയത് ആര്‍എംപി പ്രവര്‍ത്തകനും വെളളിക്കുളങ്ങര പാല്‍സൊസൈറ്റി ജീവനക്കാരനുമായ സുരേഷ് ബാബു.

    ഇപ്പറഞ്ഞ സമയത്ത് സിപിഎം പാര്‍ട്ടി കോണ്‍ഗ്രസിന്‍റെ ദീപശിഖാ റാലിയുടെ ക്യാപ്റ്റനായിരുന്നു പി മോഹനന്‍. പൂക്കടയിലിരുന്ന് ഗൂഢാലോചന നടത്തുന്നതായി ആര്‍എംപി പ്രവര്‍ത്തകന്‍ കണ്ട എല്ലാവരും ആ ദീപശിഖാ റാലിയില്‍ പങ്കെടുക്കുകയായിരുന്നു. സിപിഎം സംസ്ഥാന സെക്രട്ടേറിയറ്റ് അംഗം വി വി ദക്ഷിണാമൂര്‍ത്തിയില്‍ നിന്ന് പി മോഹനന്‍ ദീപശിഖ ഏറ്റുവാങ്ങുന്ന ചിത്രങ്ങള്‍ അദ്ദേഹത്തിന്‍റെ അഭിഭാഷകന്‍ കോടതിയില്‍ ഹാജരാക്കിയപ്പോള്‍ തകര്‍ന്നുപോയത് സുരേഷ് ബാബുവിന്‍റെ കളളമൊഴിയാണ്.

    പി മോഹനന്‍റെ കോള്‍ റെക്കോഡുകളും കോടതിയില്‍ ഹാജരാക്കപ്പെട്ടു. ആ റെക്കോഡ് പ്രകാരവും സുരേഷ് ബാബു കണ്ടതായി പറയുന്ന സമയത്തും സ്ഥലത്തും പി മോഹനന്‍ ഉണ്ടായിരുന്നില്ല. മകളുടെ ഫോട്ടോയുടെ കോപ്പിയെടുക്കാന്‍ സ്റ്റുഡിയോയില്‍ പോകുന്ന സമയത്താണ് താന്‍ പി. മോഹനനെയും കൂട്ടരെയും കണ്ടത് എന്ന സുരേഷ് ബാബുവിന്‍റെ മൊഴിയും പൊളിഞ്ഞു. ഈ സമയത്ത് സുരേഷ് ബാബു സൊസൈറ്റിയില്‍ ഉണ്ടായിരുന്നു എന്നു തെളിയിക്കുന്ന രേഖകള്‍ കോടതിയില്‍ ഹാജരാക്കപ്പെട്ടു.

    മൂന്നാം സാക്ഷി മനീഷിന്‍റെ മൊഴിയിലും പൊളിഞ്ഞത് കോള്‍ റെക്കോഡിന്‍റെ പരിശോധനയിലാണ്.

    ഇതാണ് കൂറു മാറാത്ത സാക്ഷികളുടെ അവസ്ഥ. സുപ്രധാന സാക്ഷികള്‍ പറഞ്ഞതു മുഴുവന്‍ കളളമാണ് എന്നു തെളിഞ്ഞ സാഹചര്യത്തില്‍ കൂറുമാറിയ സാക്ഷികള്‍ കളളം പറഞ്ഞു എന്ന വാദത്തില്‍ എന്താണ് കഴമ്പ്? ഒരു വിഭാഗം സാക്ഷികള്‍ സ്വമേധയാ കളളം പറയാന്‍ തയ്യാറായപ്പോള്‍ മറ്റുചിലരെ പോലീസ് തയ്യാറാക്കിയ മൊഴിയില്‍ അധികാരവും ഭീഷണിയും ഉപയോഗിച്ച് ഒപ്പിടുവിക്കുകയായിരുന്നു എന്നതല്ലേ സത്യം. ആര്‍എംപിക്കാരും ആര്‍എസ്എസുകാരും പോലീസ് തയ്യാറാക്കിയ തിരക്കഥയ്ക്കു നിന്നുകൊടുത്തപ്പോള്‍ മറ്റുചിലര്‍ കോടതിയില്‍ പോലീസിന്‍റെ കഥയെ തളളിപ്പറഞ്ഞു. തളളിപ്പറയാത്തവരെ പ്രതിഭാഗം തൊലിയുരിക്കുകയും ചെയ്തു.

    ReplyDelete


  4. അപ്പോള്‍, പൊലീസും അവരെ നയിക്കുന്ന ആഭ്യന്തര വകുപ്പും അതിന്‍റെ മന്ത്രിയും അയാളുടെ പാര്‍ട്ടിയുടെ നേതാക്കന്മാരുമൊക്കെ മറുപടി പറയേണ്ട ചോദ്യങ്ങള്‍ വേറെയല്ലേ.

    ടിപിയെ വെട്ടിക്കൊല്ലുന്നതു കണ്ടു എന്നു സാക്ഷി പറയാന്‍, എന്തിനാണ്, ആ പ്രദേശത്തു പോലും ഇല്ലാതിരുന്ന ആളെ നിയോഗിച്ചത്? കൊലയാളികള്‍ ഉപയോഗിച്ച കാറു കണ്ടെടുത്തു എന്ന് മഹസറില്‍ സാക്ഷ്യപ്പെടുത്താനും എന്തിന് കളളസാക്ഷിയെ നിയോഗിച്ചു? സാക്ഷി പറയുന്നവന്‍ സംഭവസ്ഥലത്തില്ലായിരുന്നു എന്നു കോടതിയില്‍ തെളിഞ്ഞു കഴിഞ്ഞാല്‍ പ്രോസിക്യൂഷന്‍ പറയും പ്രകാരമായിരുന്നില്ല സംഭവമെന്ന് കോടതിയ്ക്കു ബോധ്യപ്പെടുമെന്ന് പൊലീസിനറിയാവുന്നതല്ലേ. പിന്നെന്തിനായിരുന്നു ഈ കളളക്കളി?

    നടക്കാത്ത ഗൂഢാലോചന കണ്ടുവെന്ന് കോടതിയില്‍ കളളം പറയാന്‍ (അതും കൃത്യം തീയതിയും സമയവും സഹിതം) സുരേഷ് ബാബു എന്ന ആര്‍എംപി പ്രവര്‍ത്തകനെ എന്തിനാണ് പോലീസ് നിയോഗിച്ചത്? ( ആര്‍ക്കെതിരെയായാലും ഇങ്ങനെയൊരു കളളക്കഥ ചമയ്ക്കുമ്പോള്‍, ചുരുങ്ങിയപക്ഷം അയാള്‍ ആ പ്രദേശത്തെ മൊബൈല്‍ ടവറിനു കീഴില്‍ ഉണ്ടായിരുന്നു എന്നു ബോധ്യമുളള ഒരു ദിവസമെങ്കിലും തിരഞ്ഞെടുക്കേണ്ടേ). കോഴിക്കോട് നഗരത്തില്‍, പതിനായിരക്കണക്കിന് സിപിഎം പ്രവര്‍ത്തകരുടെ മധ്യത്തില്‍, ചാനലുകളുടെയും പത്രക്കാരുടെയും മുന്നില്‍വെച്ച് പാര്‍ട്ടി കോണ്‍‍ഗ്രസ് ദീപശിഖ ഏറ്റുവാങ്ങിയ അതേ മുഹൂര്‍ത്തത്തില്‍ കിലോമീറ്ററുകള്‍ക്കപ്പുറത്ത് മോഹനന്‍ ചന്ദ്രശേഖരനെ വധിക്കാനുളള ഗൂഢാലോചനയില്‍ പങ്കെടുക്കുകയായിരുന്നു എന്ന കഥ മെനഞ്ഞ തലച്ചോറ് ആരുടേതാണ്? ആ കളളക്കഥയ്ക്ക് സാക്ഷിയായി കോടതിയില്‍ സുരേഷ് ബാബുവിനെ നിയോഗിച്ചതാരാണ്?

    ഈ ചോദ്യങ്ങളൊന്നു എന്തുകൊണ്ടാണ് നമ്മുടെ ചാനലുകള്‍ ചര്‍ച്ചയ്ക്കു വെയ്ക്കാത്തത്?

    ReplyDelete
  5. മേലെ പറഞ്ഞവയിൽ വാലിഡ് ഒബ്സർവേഷനുകൾ വല്ലതും ഉണ്ടോന്ന് വള്ളിക്കുന്നുസാർ ഒന്ന് നോക്കണേ..

    ReplyDelete
    Replies
    1. കമന്റുകളും നിരീക്ഷണങ്ങളും വായിച്ചു. കോടതിയില്‍ സാക്ഷികള്‍ എന്ത് പറഞ്ഞു എന്നും അതിലെ വൈരുദ്ധ്യങ്ങള്‍ എന്ത് എന്നും കോടതി പരിശോധിക്കട്ടെ. ടി പി മൃഗീയമായി കൊല്ലപ്പൊട്ടു എന്നതും ആ കൊലയ്ക്കു പിന്നില്‍ ഒരു രാഷ്ട്രീയ പ്രസ്ഥാനം ഉണ്ട് എന്നതും ആര്‍ക്കും നിഷേധിക്കാനാവാത്ത വസ്തുതയാണ്. ഇതൊരു ആത്മഹത്യയോ കുടുംബ വഴക്കോ ആയിരുന്നില്ല. നമ്മുടെ പൊതുസമൂഹത്തില്‍ ഇത്രയേറെ കോളിളക്കമുണ്ടാക്കിയ പച്ചയായ ഒരു കൊലപാതകത്തിലെ പ്രതികളും അവ ആസൂത്രണം ചെയ്ത രാഷ്ട്രീയ നേതൃത്വവും നിയമ സംവിധാനത്തെ പരിഹസിച്ചു കൊണ്ട് പടിയിറങ്ങിപ്പോകുന്നതിലുള്ള ഒരു സാധാരണക്കാരന്റെ വിഷമമാണ് പോസ്റ്റില്‍ പങ്കു വെച്ചത്.

      Delete
    2. ബഷീര്‍ക്കാ നിങ്ങള്‍ വീണു. അവിടെ കിടന്നു ഉരുളണ്ട. ചെളി പുരളും. വേണേല്‍ എഴുനേറ്റ് ഇരുന്നോളൂ. നാരങ്ങവെള്ളം കുടിച്ചാല്‍ ക്ഷീണം മാറും.

      Delete
    3. TP വധം CPM എന്ന പാർടിക്ക് ഒരിക്കലും മായ്ച് കളയാൻ പറ്റാത്ത കളങ്കമാണ്. അതിനെ ഏതു രീതിയിൽ പ്രതിരോധിക്കാൻ നോക്കിയിട്ടും കാര്യമില്ല.

      പിന്നെ ഇതെഴുതിയ വള്ളിക്കുന്നിനു TP യുടെ കുടുംബത്തിന്റെ ദുഖമൊന്നും അല്ല വിഷയം, മാർക്സിസ്റ്റ്‌ കാരെ അടിക്കാൻ ഒരു വടി കിട്ടിയ സന്തോഷം മാത്രം. കാരണം ഇതിനെക്കാൾ വലിയ പ്രശ്നങ്ങൾ ബ്ലോഗ്‌ എഴുതാൻ ഉണ്ടായിട്ടും ഇദ്ദേഹം പാർട്ടിയെ അടിക്കാൻ ഒരു വടി കിട്ടിയപ്പോൾ ഓടി വന്നു ബ്ലോഗ്‌ എഴുതിയത് കണ്ടാൽ മനസിലാക്കാം അത് .

      വടകരയുടെ തൊട്ടടുത് നാദാപുരം എന്ന പ്രദേശത് കുറെ മുസ്ലിം ലീഗുകാർ ബോംബുണ്ടാക്കുമ്പോൾ പൊട്ടിത്തെറിച് കൊല്ലപ്പെട്ടതും, കുനിയിൽ ഇരട്ടക്കൊലപാതകം നടന്നപ്പോഴും ഈ പേന ചലിചിട്ടില്ല, കാരണം അപ്പോഴൊക്കെ ഇദ്ദേഹത്തിന്റെ നാക്കും വാക്കും വാടക ക്ക് കൊടുതിരിക്കയായിരുന്നു.

      Delete
    4. / /ആ കൊലയ്ക്കു പിന്നില്‍ ഒരു രാഷ്ട്രീയ പ്രസ്ഥാനം ഉണ്ട് എന്നതും ആര്‍ക്കും നിഷേധിക്കാനാവാത്ത വസ്തുതയാണ്. / / ഈ തെളിവുകള്‍ ആ ജഡ്ജിക്കു കൂടി ഒന്ന് പറഞ്ഞു കൊടുത്തിരുന്നെങ്കില്‍ വെറുതേ ബ്ലോഗ് എഴുതേണ്ടി വരില്ലായിരുന്നു..പ്രതികള്‍ ശിക്ഷിക്കപ്പെടുകയും ചെയ്യുമായിരുന്നു.....ജഡ്ജി പോട്ടെ ..നമുക്കെങ്കിലും ഒന്ന് പറഞ്ഞ് തരാമോ ആ നിഷേധിക്കാനാകാത്ത തെളിവുകള്‍

      Delete
    5. '' ടി പി മൃഗീയമായി കൊല്ലപ്പൊട്ടു എന്നതും ആ കൊലയ്ക്കു പിന്നില്‍ ഒരു രാഷ്ട്രീയ പ്രസ്ഥാനം ഉണ്ട് എന്നതും ആര്‍ക്കും നിഷേധിക്കാനാവാത്ത വസ്തുതയാണ്. ഇതൊരു ആത്മഹത്യയോ കുടുംബ വഴക്കോ ആയിരുന്നില്ല."

      സുബിന്‍ പി റ്റി യുടെ പോസ്റ്റ്‌ വായിച്ചതിനു ശേഷം തോന്നുന്നത് ഈ കൊലപാതകത്തിന് പിന്നിൽ ഇനി വേറെ ശക്തികളോ, കാരണങ്ങളോ ഉണ്ടായിരുന്നോ എന്നാണ് ? എന്തുകൊണ്ടാണ് RMP നേതാക്കളും, രമയുമൊക്കെ ഈ അവസരത്തിലെങ്കിലും ഒരു ആശങ്കപോലും പ്രകടിപ്പിക്കാത്തത് ? RMP നേതാവ് കുമാരൻകുട്ടിയാണ് Special Prosecutor . എന്തരോ എന്തോ .......

      Delete
    6. '' ടി പി മൃഗീയമായി കൊല്ലപ്പൊട്ടു എന്നതും ആ കൊലയ്ക്കു പിന്നില്‍ ഒരു രാഷ്ട്രീയ പ്രസ്ഥാനം ഉണ്ട് എന്നതും ആര്‍ക്കും നിഷേധിക്കാനാവാത്ത വസ്തുതയാണ്. ഇതൊരു ആത്മഹത്യയോ കുടുംബ വഴക്കോ ആയിരുന്നില്ല."

      സുബിന്‍ പി റ്റി യുടെ പോസ്റ്റ്‌ വായിച്ചതിനു ശേഷം തോന്നുന്നത് ഈ കൊലപാതകത്തിന് പിന്നിൽ ഇനി വേറെ ശക്തികളോ, കാരണങ്ങളോ ഉണ്ടായിരുന്നോ എന്നാണ് ? എന്തുകൊണ്ടാണ് RMP നേതാക്കളും, രമയുമൊക്കെ ഈ അവസരത്തിലെങ്കിലും ഒരു ആശങ്കപോലും പ്രകടിപ്പിക്കാത്തത് ? RMP നേതാവ് കുമാരൻകുട്ടിയാണ് Special Prosecutor . എന്തരോ എന്തോ .......

      Delete
  6. ഭരണപക്ഷവും പ്രതിപക്ഷവും തമ്മിൽ നടത്തുന്ന "്#$%^^&^*%*%**% "ന്റെ പേരാണ് ജനാതിപത്യമെങ്കിൽ നാട്ടിൽ പട്ടാള ഭരണം വരാൻ ജനങ്ങള് തെരുവിൽ ഇറങ്ങുന്ന കാലം വിദൂരമല്ല.

    ReplyDelete
  7. നമ്മുടെ രാഷ്ട്രീയ പാര്ടികളില്‍ ഒരു 'മുല്ലപ്പൂ വിപ്ല'വത്തിനുള്ള സമയം അതിക്രമിച്ചിരിക്കുന്നു . എല്ലാ പാര്‍ടികളുടെയും കടിഞ്ഞാണ്‍ ചില അധികാര മോഹികളുടെ കൈകളില്‍ ഭദ്രമായിരിക്കുന്ന അവസ്ഥയാണ് ഇന്നുള്ളത്‌ . അവര്‍ അങ്ങോട്ടും ഇങ്ങോട്ടും പാലമിട്ടു ജനങ്ങളെ വഞ്ചിച്ചു കൊണ്ടിരിക്കുന്നു . ഇത്തരക്കാര്‍ ഏതു വലിയവനായാലും എടുത്തു പുറത്തേക്കെറിയാന്‍ കഴിയുന്ന ധാര്‍മിക മൂല്യവും മനുഷ്യ സ്നേഹവുമുള്ള ഒരു നേതൃ നിര എല്ലാ പാര്ടികളിലും നിലവില്‍ വരട്ടെ .

    ReplyDelete
  8. പാർട്ടിയെ സംബന്ധിച്ചടുത്തോളം 20 എണ്ണത്തിനെ ഒറ്റയടിക്കു ഊരാൻ സാധിച്ചു എന്നതു തന്നെ വലിയ വിജയമാണൂ.സിപിഎം നേതാക്കളും അനുഭാവികളുമായ പ്രതികൾ. കണ്ണൂരിലെ സിപിഎം ശക്തികേന്ദ്രങ്ങളിലെ പാർട്ടി നിർദ്ദേശപ്രകാരം മുന്നോട്ടു വന്ന സാക്ഷികൾ. 52 സാക്ഷികൾ കൂട്ടത്തോടെ കൂറുമാറിയപ്പോൾ 20 പ്രതികൾക്കെതിരെയുള്ള തെളിവുകൾ മലവെള്ളം പോലെ ഒലിച്ചു പോയി.സാക്ഷി മൊഴികളുടെയും തെളീവുകളുടെയും അഭാവത്തിൽ ഇരുപത്തിനാല് പ്രതികളിൽ ഇരുപതു പേരെ വെറുതെ വിട്ടു കൊണ്ട് ഉത്തരവായി.. അതില്‍ നാല് പേരെ കോടതി കുറ്റക്കാരായി പ്രഖ്യാപിച്ചു... ഇവർ കൂടാതെ പ്രധാനികളായ വേറെചിലർ ഇപ്പോഴും പ്രതികളാണ്.സഖാവ് കോടി സുനി , കുഞ്ഞനന്തൻ , മോഹനൻ മാസ്റ്റർ എന്നിവരുടെ വിധി എന്താകുമോ .കാത്തിരുന്നു കാണാം.

    എന്നാൽ ആരും പറയാത്ത സത്യം ബാക്കികിടക്കുന്നു.ടി പി ചന്ദ്രശേഖരൻ സി പി എമ്മിൽ ഉണ്ടായിരുന്ന കാലത്തു ടിപിയും പാർട്ടിയും ഒന്നിച്ചു മറ്റുള്ളവരെ കൊല്ലാൻ കൊലകത്തിക്കു മൂർച്ചകൂട്ടി.പിൽകാലത്തു ആ കൊലകത്തിയിൽ ടി പി യും തീർന്നു.ഇന്നു പാർട്ടിയെ പഴിചാരുന്ന ശ്രീമതി.രമയും കൂട്ടരും ഒന്നു ഓർക്കണം. ഇവർ വെട്ടി വീഴ്തിയ ജയകൃഷ്ണൻ മാഷ് ഉൾപ്പെടെയുള്ളവർക്കും കുടുംബവും അച്ഛനും അമ്മയും ഭാര്യയും മക്കളും ഉണ്ടായിരുന്നെന്നു. കൊന്നവരും കൊല്ലിച്ചവരും സുരക്ഷിതമായി വെളിയിൽ നഷ്ടം കൊല്ലപ്പെട്ടവന്റെ ബന്ധുക്കൾക്കും കുടുംബത്തിനും

    ReplyDelete
    Replies
    1. ഇതുകേട്ടാല്‍ തോന്നും ജയകൃഷ്ണന്‍ മാഷ്‌ സമാധാനത്തിന്റെ വെള്ളരിപ്രാവ്‌ ആയിരുന്നു എന്ന്. സംഘികള്‍ കൊന്നു തള്ളിയ കണക്ക് മറന്നോ?

      Delete
    2. abcd ആ കണക്കുന്ടെങ്കിൽ നീയൊന്നു കാണിക്ക്. 1921ൽ കൊന്ന കണക്കും കാണിക്കണം.

      Delete
    3. ഗര്‍ഭസ്ഥ ശിശുവിനെ കോര്‍ത്ത ത്രിശൂലതിന്റെ കണക്ക് ഞാന്‍ എഴുതി വെച്ചിട്ടില്ലെടാ അനോണീ. അറിയണമെങ്കില്‍ മോഡിയോട് ചോദിക്ക് അയാള്‍ക്കാണ് അത് കൂടുതല്‍ നിശ്ചയം.

      Delete
    4. pradanmantri kuppayam thaypichu vechondirikkuvalle.... othal valla adichu thalikkaranteyum pani koodi kittum... chennu purappuram thoothu kodukkade anony..

      Delete
  9. പൊതു ജനങ്ങള്‍ ഒന്ന്കൂടി വിഡ്ഢികളായിരിക്കുന്നു. ടീ പീ ചന്ദ്രശേഖര്‍ എന്ന ഒരു വ്യക്തിതന്നെ ഇവിടെ ജീവിചിട്ടില്ലായിരുന്നു എന്നാണു കോടതി വിധിയെങ്കില്‍ നാമും അത് സ്വീകരിക്കും. സെക്രട്ടരിയാറ്റ് ഉപരോധം രായ്ക്കുരാമാനം നിര്‍ത്തി വെച്ചപ്പോള്‍ തന്നെ ബുദ്ധിയുള്ളവര്‍ക്ക് ചില സൂചനകള്‍ ലഭിച്ചിരുന്നു. ഈ വിധിയുടെ അടിസ്ഥാനത്തില്‍ ഇനി മുഖ്യമന്ത്രിക്കെതിരെയുള്ള കരിങ്കൊടി പ്രകടനം നിര്‍ത്തിവെക്കാന്‍ സഖാവ് പിണറായി നടത്തുന്ന പ്രസ്താവനക്ക് ഉല്‍ബുദ്ധ കേരളം കാതോര്‍ത്തിരിക്കുന്നു.

    ReplyDelete
  10. തിരുവഞ്ചൂർ രാധാകൃഷ്ണനും പിണറായി വിജയനും തീരുമാനിപ്പിച്ചുറപ്പിച്ച ഒരു കേസിൽ വെറുതേ വായിട്ടല്ക്കുന്ന നമ്മളാണ് പൊട്ടന്മാർ. correct basheerka

    ReplyDelete
  11. വെട്ടിനുറുക്കി ബീഭത്സമായി കശാപ്പു ചെയ്യപ്പെട്ട ടി പി ചന്ദ്രശേഖരന്‍ ആരെയും കൊന്നിരുന്നില്ല. അന്യരുടെ സ്വത്ത് അപഹരിച്ചില്ല. ഭരണവ്യവസ്ഥയെ അട്ടിമറിക്കാന്‍ ശ്രമിച്ചില്ല. സാമൂഹിക ജീവിതത്തെ പിച്ചിച്ചീന്താന്‍ വര്‍ഗീയവികാരം ഇളക്കിവീടുകയോ അനുയായികളെ ആയുധമണിയിക്കുകയോ ചെയ്തില്ല. എന്നിട്ടും എന്തിനായിരുന്നു അദ്ദേഹം അറുകൊല ചെയ്യപ്പെട്ടത്? ആരൊക്കെയായിരുന്നു ഇതിനു പിന്നില്‍? ഈ ചോദ്യങ്ങള്‍ക്കെല്ലാം കേരളം കാത്തിരുന്ന ഉത്തരമാണോ ഇപ്പോള്‍ നീതിപീഠം നല്‍കിയിരിക്കുന്നത്? ആരാണ് ഈ നിഷ്ഠൂരത നടത്തിയതെന്നും അതിനു അവരെ പ്രേരിപ്പിച്ചത് എന്താണെന്നും അറിയേണ്ടേ? അവരെ നിയമത്തിന്റെ മുമ്പില്‍ ആവശ്യമായ തെളിവുകളോടെ എത്തിക്കുമെന്ന പ്രതീക്ഷക്കാണ് ഇപ്പോള്‍ മങ്ങലേറ്റിരിക്കുന്നത്. ആ ഉത്തരവാദിത്തം നിര്‍വഹിക്കേണ്ട സര്‍ക്കാര്‍ കൃത്യവിലോപം കാണിച്ചുവെന്നും ബോധ്യമായി. http://varthamanam.com/?p=31339

    ReplyDelete
  12. കേരളത്തില്‍ കൊച്ചു കുട്ടികള്‍ക്ക് പോലും അറിയാവുന്ന സത്യമാണ് ടി പിയെ ആരാണ് മൃഗീയമായി വെട്ടി കൊലപ്പെടുത്തിയത് എന്ന്..
    സാക്ഷികളുടെയും തെളിവുകളുടെയും അഭാവത്തില്‍ കോടതി പ്രതികളെ വെറുതെ വിടുന്നു...ഇതിന്‍റെ പിന്നില്‍ ഭരണ-പ്രതിപക്ഷ-നീതിന്യായ ഘൂടാലോചന മാന്യമായും പൊതു ജനം സംശയിക്കുന്നു..

    പ്രതിപക്ഷം തുടങ്ങുന്ന പല സമരങ്ങളും ചായക്കോപ്പയിലെ കൊടുങ്കാറ്റായി അവസാനിച്ചതും ഇതിനൊക്കെ വേണ്ടിയാകണം!?
    പലപ്പോഴും പ്രതിപക്ഷം സമരങ്ങള്‍ കോപ്പ് കൂട്ടുന്നത്‌ ജനപക്ഷത്ത് നിന്നല്ല, മറിച്ചു കേവലം വില പേശാനുള്ള ആയുധമായാണ്...
    സാക്ഷികളെയും തെളിവുകളും വേണ്ട വിധം സംരക്ഷിക്കുന്നതിലും കോടതിക്ക് മുന്‍പില്‍ അവതരിപ്പിക്കുന്നതിലും പ്രോസിക്യുഷന്‍ കുറ്റകരമായ അനാസ്ഥ കാട്ടി എന്ന് വേണം സംശയിക്കാന്‍!!

    'നിങ്ങള്‍ എന്‍റെ പുറം ചൊറിയൂ;ഞാന്‍ നിങ്ങളുടെതും ചൊറിഞ്ഞു തരാം' എന്നതല്ലേ ഈ അവിശുദ്ധ കൂട്ട് കെട്ടിന്റെ അലിഖിത സമവാക്യം!!??

    പൊതു ജനം കഴുതകള്‍!!!??

    ReplyDelete
  13. ടി പി യെ ആരും കൊന്നതല്ല. ഒരു കോടാലി കയ്യിൽ കിട്ടിയപ്പോൾ പുള്ളി വെറുതെ തമാശയ്ക്ക് സ്വന്തം തലയിലൊന്ന് വെട്ടിനോക്കിയതാണ്. രക്തം വരുന്നത് കണ്ടപ്പോൾ ആവേശം കയറി. പിന്നെ വെട്ടോട് വെട്ട്.. അമ്പത്തൊന്നായപ്പോൾ നിർത്തി ലാൽസലാം പറഞ്ഞ് മറിഞ്ഞു
    YES ETHANU SHARI

    ReplyDelete
  14. Valeduthavan valal....oru cpim karane cpim kar thanne konnath yee vakk sharivekkunathalle...oru pakshe T.P aryum konn kanilla....ayalude party konnillenn parayan pattumo...ayal prathksyamayo parokshmayo kutt ninnille..???

    ReplyDelete
  15. narendra modiyude aalkkar ethra pere konnu.....

    ReplyDelete
  16. തിരുവഞ്ചൂർ രാധാകൃഷ്ണനും പിണറായി വിജയനും തീരുമാനിപ്പിച്ചുറപ്പിച്ച ഒരു കേസിൽ വെറുതേ വായിട്ടല്ക്കുന്ന നമ്മളാണ് പൊട്ടന്മാർ... :)

    ReplyDelete
  17. RMP നേതാവ് കുമാരൻകുട്ടിയായിരുന്നു ആയിരുന്നു ഒരു Special Prosecutor !!!!

    ReplyDelete
  18. ടി പി യെ ആരും കൊന്നതല്ല. ഒരു കോടാലി കയ്യിൽ കിട്ടിയപ്പോൾ പുള്ളി വെറുതെ തമാശയ്ക്ക് സ്വന്തം തലയിലൊന്ന് വെട്ടിനോക്കിയതാണ്. രക്തം വരുന്നത് കണ്ടപ്പോൾ ആവേശം കയറി. പിന്നെ വെട്ടോട് വെട്ട്.. അമ്പത്തൊന്നായപ്പോൾ നിർത്തി ലാൽസലാം പറഞ്ഞ് മറിഞ്ഞു ...........കഴ്ഷ്ടം...അമ്മയെ തല്ലിയലും രണ്ട് പക്ഷം.നമ്മുടെ നീതി ന്യായ വ്യവസ്ഥകൾ മാറ്റി എഴുതേണ്ട കാലം കഴിഞ്ഞു.

    ReplyDelete
  19. ടി. പി ചന്ദ്രശേഖരന്റെ കൊലപാതകം കേരളത്തിലെ രാഷ്ട്രീയ കൊലപാതകങ്ങളില്‍ അവസാനത്തേത് ആയിരിക്കണമേ എന്ന് ഓരോ സാധാരണ പൌരനും പ്രാര്‍ഥിച്ചു.. പക്ഷെ കൊലപാതകികള്‍ക്ക് ഇനിയും കൊല്ലാം എന്ന സന്ദേശമാണ് കോടതി വിധിയിലൂടെ പുറത്ത് വന്നത്. സാക്ഷികള്‍ക്ക് വേണ്ട സംരക്ഷണം നല്‍കാതിരുന്ന സര്‍ക്കാര്‍ ഇവിടെ കാര്യമായ അനാസ്ഥയാണ് കാണിച്ചിരിക്കുന്നത്.

    ReplyDelete
  20. താങ്കളുടെ അഭിപ്രായത്തോട് യോജിക്കുന്നില്ല. വിട്ടയക്കപ്പെട്ടവരും പ്രതിയാക്കപ്പെടാതെ പോയവരും എന്താണ് ചെയ്തതെന്ന് എല്ലാവര്‍ക്കുമറിയാം.തെളിയിക്കപ്പെടാന്‍ ചാന്‍സില്ലാത്ത കുറ്റം ചെയ്തവരെ പ്രതിപ്പട്ടികയില്‍ നിന്നു തന്നെ ഒഴിവാക്കാമായിരുന്നു. പല സമ്മര്‍ദ്ദങ്ങള്‍ കാരണം പോലീസിന് അത് കഴിഞ്ഞില്ല.പക്ഷേ വ്യാജ സാക്ഷികളെ ഉണ്ടാക്കിയില്ല.മറ്റ് പ്രതികളുടെ കാര്യം അതല്ല. അവര്‍ക്കെതിരെ വ്യക്തമായ തെളിവുണ്ട്.അവര്‍ ശിക്ഷിക്കപ്പെടുക തന്നെ ചെയ്യും.

    ReplyDelete
  21. NOTHING TO SAY MORE THAN THIS: U SAID IT BASEERKA !!!
    ടി പി യെ ആരും കൊന്നതല്ല. ഒരു കോടാലി കയ്യിൽ കിട്ടിയപ്പോൾ പുള്ളി വെറുതെ തമാശയ്ക്ക് സ്വന്തം തലയിലൊന്ന് വെട്ടിനോക്കിയതാണ്. രക്തം വരുന്നത് കണ്ടപ്പോൾ ആവേശം കയറി. പിന്നെ വെട്ടോട് വെട്ട്.. അമ്പത്തൊന്നായപ്പോൾ നിർത്തി ലാൽസലാം പറഞ്ഞ് മറിഞ്ഞു

    ReplyDelete
  22. വള്ളിക്കുന്നെ....ഇതെഴുതാൻ ഓടി വന്നതിൽ സന്തോഷം....ഞാൻ ഒരു ഇടതു അനുഭാവി ആണ്...(നിക്ഷ്പക്ഷൻ എന്ന് വെറുതെ പറഞ്ഞു പക്ഷം പിടിക്കുന്നതിലും മാന്യത പക്ഷം ഏതെന്നു തുറന്നു പറയുന്നതാണ്...അല്ലെ ബഷീര്ക്കാ..)
    കൊലപാതക രാഷ്ട്രീയം പോയിട്ട് അക്രമരാഷ്ട്രീയത്തെ പോലും ഞാൻ അനുകൂലിക്കുന്നില്ല....അത് എന്റെ വ്യെക്തിപരമായ കാഴ്ചപാട്....പക്ഷെ ഈ പറഞ്ഞ അക്രമത്തിന്റെ വഴി സ്വീകരിക്കാത്ത ഒരു പാര്ട്ടിയെ എങ്കിലും ഒന്ന് കാണിച്ചു തരാമോ നമ്മുടെ ഈ സുന്ദര കേരളത്തിൽ...? പിന്നെ, കോടതി ആരെയെങ്കിലും പേടിച്ചിട്ടാണോ ഇരുപതു പേരെ വെറുതെ വിട്ടത്...? വാദവും മറുവാദവും കഴിഞ്ഞുതന്നെയല്ലേ....? തങ്ങൾക്കു അനുകൂലമാകുന്ന വിധിയെ സ്വീകരിക്കുകയും അല്ലാത്തതിൽ അടിയൊഴുക്ക് കാണുകയും ചെയ്യുന്ന കണ്ണട മാറ്റുകതന്നെ വേണം....എല്ലാ പ്രതികളെയും വെറുതെ വിട്ടില്ലല്ലോ...കേസ് ഇനിയും നടക്കുമല്ലോ....ജഡ്ജിക്ക് മുൻപേ വിധിപ്രസ്തവിക്കാൻ എന്താ ഇത്ര വലിയ താല്പര്യം...? മറ്റു പ്രശ്നങ്ങൾ ഉള്ളപ്പോൾ താങ്കൾ എവിടെയായിരുന്നു എന്ന് ചോദിക്കുന്നില്ല, അത് താങ്കളുടെ ഒരു സ്ഥിരം വായനക്കാരന ആയ എനിക്ക് മനസിലാക്കാം....

    ഇടതിനെതിരെ (പ്രത്യേകിച്ച് സീ പീ എമിനെതിരെ) കാണിക്കുന്ന ആവേശത്തിന്റെ പത്തിലൊന്നെങ്കിലും മൊത്തത്തിൽ കാണിച്ചിരുന്നെങ്കിൽ ബ്ലോഗിനു ഒരു ഗുമ്മൊക്കെ ഉണ്ടായേനെ...ആാ ...താങ്കളുടെ ബ്ലോഗ് ...താങ്കളുടെ കാഴ്ചപ്പാട്...കമന്റു ബോക്സെങ്കിലും ഉണ്ടല്ലോ....!!!!


    എഴുതാനുള്ള അവകാശം പോലെ, പ്രതികരണം അറിയിക്കാനുള്ള അവകാശം ഞാനും വിനിയോഗിക്കുന്നു....

    ReplyDelete
  23. ടിപിയും ആര്‍എംപിയും ഒടുവില്‍ ടിപി വധവും എല്ലാം രാഷ്ട്രീയം തന്നെയാണ്....
    ഏറാന്മലയുടെയും നെയ്യാറ്റിന്‍കരയുടെയും രാഷ്ട്രീയം !!!!!

    ReplyDelete
  24. 51 വാളുകള്‍ക്കു മുകളിലേക്ക് എടുത്തു ചാടി ടി പി ആത്മാഹുതി ചെയ്തതുമാകാം

    ReplyDelete
  25. ആദ്യ അറസ്സ്റ്റുകളും പോട്ടിപ്പോരിചിലുകളും ഒക്കെ കണ്ടപ്പോൾ പ്രതീക്ഷിച്ചു, പോലീസും ഭരണകൂടവുമൊക്കെ മാറി എന്ന്, ഇപ്പൊ ഞാനതങ്ങു പിൻവലിച്ചു!!

    ReplyDelete