May 17, 2012

സി പി എം ജയിലിലേക്ക്

സി പി എമ്മിന്റെ ജയിലിലേക്കുള്ള പോക്ക് ഉറപ്പായിക്കഴിഞ്ഞു. ഒഞ്ചിയം രക്തസാക്ഷികളുടെ മണ്ണില്‍  അവര്‍ നടപ്പിലാക്കിയ തലവെട്ടു രാഷ്ട്രീയത്തിന്റെ ചുരുളുകള്‍ അഴിഞ്ഞു തുടങ്ങി. ഇപ്പോള്‍ ചിത്രം കുറേക്കൂടി വ്യക്തമാണ്. സഖാവ് ടി പി വെട്ടേറ്റു വീണപ്പോള്‍ ക്വട്ടേഷന്‍ സംഘത്തിലേക്കാണ് പോലീസ് നായ ആദ്യം മണം പിടിച്ചു ഓടിയത്. ചോര മണക്കുന്ന വഴിയിലൂടെ  നായ പിന്നീട് ഓടിക്കയറിയത് ലോക്കല്‍ കമ്മറ്റിയിലേക്ക്. ഇപ്പോഴിതാ നേരെ ഏരിയ കമ്മറ്റി ഓഫീസിലേക്കും നായ ചാടിക്കയറിയിരിക്കുന്നു. ഇനി ചാടാന്‍ ബാക്കിയുള്ളത് ജില്ല കമ്മറ്റി ഓഫീസും എ കെ ജി സെന്ററും മാത്രമാണ്. ഒരു കൊലപാതകം സി പി എം പോലൊരു പാര്‍ട്ടിയെ ഇത്രമേല്‍ വിറപ്പിച്ചു നിര്‍ത്തുമെന്ന് ആരും പ്രതീക്ഷിച്ചതല്ല.

കൊലപാതകത്തിനു ഉപയോഗിച്ച കാറില്‍ "മാഷാ അല്ലാഹ്" എന്ന സ്റ്റിക്കര്‍ ഒട്ടിച്ചു സി പി എം കളിക്കാന്‍ ശ്രമിച്ചത് വളരെ അപകടകരമായ രാഷ്ട്രീയമാണ്. പോലീസ് ആ സ്റ്റിക്കറിന് പിന്നില്‍ അന്വേഷണം അവസാനിപ്പിച്ചു റിപ്പോര്‍ട്ട്‌ നല്‍കിയിരുന്നുവെങ്കില്‍ അബ്ദുല്‍ നാസര്‍ മഅദനിക്ക് ഒരു ഇരുപതു വര്‍ഷം കൂടി കര്‍ണാടകയിലെ ജയിലില്‍ തന്നെ താങ്ങുവാന്‍ വകുപ്പുണ്ടാകുമായിരുന്നു. തൊഴിലാളി വര്‍ഗ്ഗസമരങ്ങളുടെയും ജനപക്ഷ രാഷ്ട്രീയത്തിന്റെയും പാതയില്‍ നിന്ന്  വിട്ടു മാറി നരേന്ദ്ര മോഡി പരീക്ഷിച്ചു വിജയിച്ച 'എന്‍കൌണ്ടര്‍ ഭീകരത' യുടെ രാഷ്ട്രീയം രുചിച്ചു നോക്കാനുള്ള ഒരു ശ്രമമാണ് സി പി എമ്മിന്റെ കണ്ണൂര്‍ ലോബി നടത്തിയത്. 

സഖാവ് ടി പി തന്റെ രക്തം കൊണ്ടാണ് കപാലികരോട് മറുപടി പറഞ്ഞതെങ്കില്‍ ടി പിയുടെ ഭാര്യ രമ ഭര്‍ത്താവ് പകര്‍ന്നു നല്‍കിയ മനക്കരുത്ത് കൊണ്ടാണ് മറുപടി നല്‍കിയത്. "ചന്ദ്രശേഖരന്റെ ഭാര്യയാണ് ഞാന്‍, പതറില്ല.. പതറാന്‍ പാടില്ല. മരിക്കുന്നത് വരെ പോരാട്ടം തുടരും" രമ പറഞ്ഞ വാക്കുകള്‍ ഏതെങ്കിലും സഖാവിന്റെ ഉറക്കം കെടുത്തുമോ എന്നറിയില്ല. പക്ഷെ ഒന്നുണ്ട്, അവര്‍ തുറന്നു പറഞ്ഞ പല സത്യങ്ങളും സി പി എം എന്ന പാര്‍ട്ടിയുടെ ജനവിരുദ്ധ സമീപനങ്ങള്‍ക്കുള്ള മുദ്ര പതിച്ച സര്‍ട്ടിഫിക്കറ്റാണ്. ഭര്‍ത്താവിനെ കൊന്നാല്‍ ഭാര്യ തലതല്ലിക്കരഞ്ഞു ജീവിതം ഒടുക്കിക്കൊള്ളും എന്ന് കരുതിയവര്‍ക്ക് കിട്ടിയ ചെകിടത്തടിയാണ്. ഗൂഡാലോചന പ്രാദേശിക തലത്തില്‍ മാത്രമല്ല എന്നും അത് സംസ്ഥാന തലം വരെ പോയിട്ടുണ്ടെന്നും രമ ഉറപ്പിച്ചു പറയുന്നു. ഇപ്പോള്‍ പിടിയിലായ ചന്ദ്രശേഖരന്റെ വളരെ അടുത്ത സുഹൃത്തായിരുന്ന പ്രാദേശിക നേതാവിന് ആസൂത്രണം ചെയ്യാന്‍ കഴിയുന്ന ഒരു കൊലപാതകമല്ല ഇതെന്ന് മനസ്സിലാക്കാന്‍ വലിയ ബുദ്ധിയൊന്നും വേണ്ട. "മാഷാ അല്ലാഹ്" എന്ന സ്റ്റിക്കര്‍ ഒട്ടിക്കാന്‍ കാണിച്ച ബുദ്ധിയുടെ പത്തിലൊന്ന് മതി. കൊലപാതകം നടത്തി ഒളിത്താവളത്തില്‍ എത്തി വേഷംമാറിയ ശേഷം ആദ്യം പോയത് കൂത്തുപറമ്പിലെ സി പി എം ഏരിയ കമ്മറ്റി ഓഫീസിലേക്കാണെന്ന അറസ്റ്റിലായ പ്രതിയുടെ മൊഴി സി പി എം നേതൃത്വത്തിന്റെ അണ്ണാക്കില്‍ കുടുങ്ങിക്കിടക്കുകയാണ്. "ചന്ദ്രശേഖരനുമായി വ്യക്തിപരമായി വിരോധമൊന്നും ഇല്ല, നടപ്പിലാക്കിയത് പാര്‍ട്ടി തീരുമാനമാണ് കൊന്നതില്‍ സങ്കടമുണ്ട്" പിടിയിലായ സി പി എം ഓര്‍ക്കാട്ടേരി ലോക്കല്‍ കമ്മറ്റി അംഗം രവീന്ദ്രന്‍ അന്വേഷണ ഉദ്യോഗസ്ഥന്മാരോട് തുറന്നു പറഞ്ഞതായി റിപ്പോര്‍ട്ടുകള്‍ ഉണ്ട്.


രക്തസാക്ഷി ദിനത്തില്‍ നടന്ന പ്രകടനത്തില്‍ പോലും 'ചന്ദ്രശേഖരനെ വെള്ള പുതപ്പിച്ചു കിടത്തും'  എന്ന് മുദ്രാവാക്യം വിളിച്ച പാര്‍ട്ടിയല്ലാതെ മറ്റാരുമല്ല തന്റെ ഭര്‍ത്താവിനെ കൊന്നതെന്ന രമയുടെ വാക്കുകളെ അക്ഷരം പ്രതി ശരിപ്പെടുത്തുന്നതാണ് ഇപ്പോള്‍ വന്നു കൊണ്ടിരിക്കുന്ന റിപ്പോര്‍ട്ടുകള്‍. ജീവിച്ചിരുന്ന ചന്ദ്രശേഖരെനേക്കാള്‍ സി പി എമ്മിന് അപകടം വരുത്തുക മരിച്ചു കഴിഞ്ഞ ചന്ദ്രശേഖരന്‍ ആണെന്നും ടി വി ചാനലുകള്‍ക്ക് നല്‍കിയ അഭിമുഖത്തില്‍ രമ പറഞ്ഞിട്ടുണ്ട്. അതിന്റെ ലക്ഷണങ്ങള്‍ കണ്ണൂര്‍ കോഴിക്കോട് ജില്ലകളില്‍ ഇപ്പോള്‍ തന്നെ കണ്ടുതുടങ്ങിയിട്ടുണ്ട്. രാഷ്ടീയ പ്രതിയോഗികളെ അമര്‍ച്ച ചെയ്യാന്‍ ഇത്തരം കൊലപാതകങ്ങള്‍ക്ക് ക്വട്ടേഷന്‍ കൊടുക്കുന്നതിനു മുമ്പ് രണ്ടു വട്ടം ആലോചിക്കുവാന്‍ ഇനി ഏതൊരു പാര്‍ട്ടിയും - സി പി എമ്മായാലും കോണ്‍ഗ്രസ്സായാലും - തയ്യാറാവേണ്ടി വരും.

കിട്ടിയ ചാന്‍സിന് വടകരയില്‍ പരല്‍മീനുകളെ പിടിക്കാന്‍ ഇറങ്ങിയിരിക്കുന്ന രമേശ്‌ ചെന്നിത്തലയുടെ ഉപവാസപ്പന്തലില്‍ കിടന്നു കറങ്ങുന്നതിനു പകരം മുഖ്യമന്ത്രിയും അഭ്യന്തരമന്ത്രിയും ചെയ്യേണ്ടത് അന്വേഷണം ഊര്‍ജ്ജിതപ്പെടുത്താനുള്ള ശ്രമങ്ങള്‍ക്ക് നേതൃത്വം കൊടുക്കുകയാണ്. ഒരു ദിവസം ഉപവാസം കിടന്നാല്‍ ചെന്നിത്തലക്ക് അരക്കിലോ തൂക്കം കൂടിക്കിട്ടിയേക്കും. കൊലപാതക രാഷ്ട്രീയത്തിന് കോണ്‍ഗ്രസും ചെറുതല്ലാത്ത സംഭാവനകള്‍ നല്‍കിയിട്ടുണ്ട്.  ആ മഹത്തായ സംഭാവനകളെ ഒരു ഉപവാസം കൊണ്ട് മായ്ച്ചു കളയാനാവില്ല. വാഴ വെട്ടാന്‍ പറ്റിയ സമയത്ത് അത് ചെയ്യുന്ന ഒരു സാധാരണ രാഷ്ട്രീയക്കാരന്റെ അഭ്യാസങ്ങള്‍ മാത്രമാണ് ചെന്നിത്തലയും കളിക്കുന്നത്.

കൊലപാതക രാഷ്ട്രീയത്തിനെതിരെ കേരളക്കര ഇന്നോളം കണ്ടിട്ടുള്ളതില്‍ വെച്ച് ഏറ്റവും വലിയ ജനവികാരമാണ് ഇപ്പോള്‍ ഉയര്‍ന്നു വന്നിരിക്കുന്നത്. സഖാവ് ടി പി തന്റെ ചോരയിലൂടെ കേരളത്തിനു നല്‍കിയിരിക്കുന്ന സന്ദേശം വളരെ വലുതാണ്‌. "ഇനിയൊരു പാര്‍ട്ടിയും കൊലക്കത്തിയുടെ രാഷ്ട്രീയം കളിക്കരുത്. അതിനു മാത്രമുള്ള പാഠം അവര്‍ എന്റെ രക്തത്തില്‍ നിന്നും പഠിച്ചിരിക്കണം". ടി പി തന്റെ ചോര കൊണ്ടെഴുതിയ വാക്കുകള്‍ സി പി എമ്മിന്റെ മാത്രമല്ല, കൊലക്കത്തി കൊണ്ട് കൊടി പറപ്പിക്കാം എന്ന് കരുതുന്ന എല്ലാ രാഷ്ട്രീയക്കര്‍ക്കുമുള്ള പാഠമാണ്. 'കുലംകുത്തി'യായ ഒരു സഖാവിനെ കഷണം കഷണമായി വെട്ടിനുറുക്കിയാല്‍ പാര്‍ട്ടി ശക്തിപ്പെടും എന്ന് കണക്കു കൂട്ടിയ മനുഷ്യപ്പിശാചുക്കളെ -  അവര്‍ എത്ര വലിയ നേതാവായിരുന്നാലും ശരി - എത്രയും പെട്ടെന്ന് ജയിലഴിക്കുള്ളില്‍ എത്തിക്കുക എന്നതാണ് കേരളക്കരയുടെ പൊതുമനസ്സ് ആവശ്യപ്പെടുന്നത്.

Related Posts
ബല്‍റാം 'vs' താരാദാസ്
ക്രിമിനല്‍സ് പാര്‍ട്ടി ഓഫ് ഇന്ത്യ (ഫാസിസ്റ്റ്)

82 comments:

  1. നെയ്യാറ്റിന്‍കര ഉപതെരഞ്ഞെടുപ്പ് കഴിയുന്നത്‌ വരെ പ്രതികളെ പിടികൂടില്ല എന്ന് പറഞ്ഞ പിണറായി ആരായി?

    ReplyDelete
    Replies
    1. പിടിചില്ലല്ലോ കൊടി അനി മുഖ്യ പ്രതി , ഒളിവില്‍ അല്ലെ? കൂടെ വെട്ടിയവന്‍ അവനെയും കിട്ടിയിട്ടില്ല , ഈവന്റ് മാനെജ്മെന്റ് നന്നായി ചെയ്തതാണ് , പക്ഷെ പൊളിഞ്ഞു , ഏകേജീ സെന്ററിന്റെ താഴത്തെ നിലവറകള്‍ ഒന്ന് റെയിഡ് ചെയ്യാന്‍ തിരുവന്ചൂരിനു ഗട്സ് ഉണ്ടോ?

      Delete
    2. സഖാക്കളെ ,

      ഈ ക്രൂര കൃത്യം നടന്നത് പാര്‍ട്ടിയില്‍ പെട്ട ചിലരുടെ അറിവോടെയും മൗനാനുവാദത്തോടെയും ആണെങ്കില്‍ , അവരെ തള്ളിപ്പറയാന്‍ ധൈര്യം കാണിക്കേണ്ട സമയമായിരിക്കുന്നു ...! അല്ലാതെ യുഡി എഫ് കാര്‍ മുന്‍പ് ചെയ്ത കൊലപാതകങ്ങള്‍ നിരത്തി, കൊലപാതകികളെ വെള്ളപൂശാന്‍ ശ്രമിക്കേണ്ട അവസരമാണോ ഇത് ??? അരിയും തിന്നു ആശാരിച്ചിയെയും കടിച്ചു പിന്നെയും മുറുമുറുക്കുന്ന ചില കണ്ണൂര്‍ നേതാക്കള്‍ക്ക് ഓശാന പാടാന്‍ ഹൃദയത്തില്‍ കനിവും ആശയത്തിന്റെ കരുത്തും , നന്മയില്‍ വിശ്വാസവും ഉള്ള യഥാര്‍ത്ഥ സഖാവിനു കഴിയുമോ ?

      ഇന്ന് തിരുത്തേണ്ടത് ഇന്ന് തന്നെ തിരുത്തണം ..! ആയിരങ്ങള്‍ ചോര കൊടുത്തു പടുത്തുയര്‍ത്തിയ പ്രസ്ഥാനത്തെ ഉള്ളം കയ്യില്‍ വെച്ച് അഹന്ത കളിക്കുന്ന ചില നേതാക്കളെ എങ്കിലും തിരുത്താന്‍ സമയം ആയിരിക്കുന്നു ,,! അന്ധമായി ഒരാളെയും പിന്തുണക്കാന്‍ സഖാക്കള്‍ ലീഗുകാരോ കോണ്‍ഗ്രസ്‌ കാരോ അല്ലെന്നു തിരിച്ചറിയേണ്ടിയിരിക്കുന്നു ... ലാല്‍ സലാം !

      Delete
  2. Thikachum paisachikamayii kolapathakam aasoothranam cheyyukayum...... kudilamaya bhuddiyode... nattil vargeeya vikaram ilakki vidan pakathil andappilakkiya marxist partyude kroorathaykku.... niyamavum... yadartha viplava bodhamulla sakhakklum marupedi koduthu kondirikkunnu...

    Ithinidayilll .... chennithala nadathunna upvasavaum.... UDF nethakkanmarude apakamaya prasthavanakalum... valare arochakmayirikkunnu ennu mathramalla.... ithinethire prathikarikkunna aalukale pinthirippikkan koodi upakrikkunnu ennu paryathe vayya....... enthayalum avsarochithamaya reethiyil unarnnu ee blog ezhuthiya Basheerkka abhinandanam arhikkunnu....

    ReplyDelete
  3. കാര്യങ്ങൾ സുവ്യക്തമായി വന്നതിനു ശേഷം ഈ സംഭവത്തോടെ ആരുടെ നാരായവേരറുക്കും എന്ന് കണ്ടറിയണം !!!

    ReplyDelete
  4. "കുലംകുത്തി'യായ ഒരു സഖാവിനെ കഷണം കഷണമായി വെട്ടിനുറുക്കിയാല്‍ പാര്‍ട്ടി ശക്തിപ്പെടും എന്ന് കണക്കു കൂട്ടിയ മനുഷ്യപ്പിശാചുക്കളെ - അവര്‍ എത്ര വലിയ നേതാവായിരുന്നാലും ശരി - എത്രയും പെട്ടെന്ന് ജയിലഴിക്കുള്ളില്‍ എത്തിക്കുക....."

    സത്യം ഒരു നാള്‍ പുറത്തു വരും... അതെത്ര ഒളിച്ചു വെക്കാന്‍ ശ്രമിച്ചാലും....

    വളരെ നല്ല പോസ്റ്റ്‌ ബഷീര്‍ക്കാ....

    ReplyDelete
  5. സ്‍റ്റിക്കര്‍ ഒട്ടിച്ചതിന് സമാന്തരമായും പൂരകമായും കൊലപാതകം നടത്തിയത് ഇസ്ലാമിക തീവ്രവാദികള്‍ ആണെന്ന് സമര്‍ത്ഥിക്കാന്‍ പീപ്പിള്‍.കൈരളി ചാനലുകളില്‍ കൂലി വാര്‍ത്താ അവതാരകരായ ശരത്തും സംഘവും ശ്രമിക്കുന്നുണ്ടായിരുന്നു.സ്‍റ്റിക്കര്‍ ഒട്ടിച്ചിരുന്നു എന്ന് അവര്‍ ആദ്യമേ അറിഞ്ഞിരുന്നോ എന്ന് സംശയം ജനിപ്പിക്കുന്ന രീതിയിലീയിരുന്നു പ്രകടനം.കൊലപാതകം നടന്നത് പള്ളിയ്‍ക്ക് സമീപം എന്ന് ബ്രേക്ക് ചെയ്ത് പത്ത് മിനിട്ട് കഴിഞ്ഞപ്പേള്‍ അത് ലീഗ് ഓഫിസിന് സമീപം എന്നാക്കി മാറ്റിയിരുന്നു.പിന്നീട് സംശയത്തിന്റെ മുന എന്‍.ഡി.എഫി ലേക്ക് എന്നും.(കാര്‍ കണ്ടെത്തി എന്ന വാര്‍ത്തക്കു ശേ,ം ആയിരുന്നു ഇത്).ശരത്തിനേയും സംഘത്തേയും ചോദ്യം ചെയ്താല്‍ ചിലപ്പോള്‍ 'ഈ രീതിയില്‍ വാര്‍ത്ത കൊടുത്താല്‍ മതി സ്‍റ്റിക്കര്‍ നേരത്തെ ഒട്ടിച്ചുവെച്ചിട്ടുണ്ട് ' എന്ന് നിര്‍ദ്ദേശം നല്‍കിയവര്‍ ആരെങ്കിലുമുണ്ടെങ്കില്‍ അവരെക്കുറിച്ച് സൂചന കിട്ടാതിരിക്കില്ല.

    ReplyDelete
  6. 'കുലംകുത്തി'യായ ഒരു സഖാവിനെ കഷണം കഷണമായി വെട്ടിനുറുക്കിയാല്‍ പാര്‍ട്ടി ശക്തിപ്പെടും എന്ന് കണക്കു കൂട്ടിയ മനുഷ്യപ്പിശാചുക്കളെ - അവര്‍ എത്ര വലിയ നേതാവായിരുന്നാലും ശരി - എത്രയും പെട്ടെന്ന് ജയിലഴിക്കുള്ളില്‍ എത്തിക്കുക എന്നതാണ് കേരളക്കരയുടെ പൊതുമനസ്സ് ആവശ്യപ്പെടുന്നത്. basheerka well said.

    ReplyDelete
  7. ബഷീര്‍ ഭായ്‌ അരിവാള്‍ ചുറ്റിക നക്ഷത്രം എന്നത് "വടിവാള്‍ ചുറ്റിക നക്ഷത്രം" എന്നാക്കലല്ലേ കുറച്ചുകൂടി യോജിക്കുക .വൈകാതെ ആരുടെലും ഒരു കാര്‍ടൂണ്‍ ഈ പുതിയ ലോഗോയുമായി വരുമായിരിക്കും ?..........

    ReplyDelete
  8. "ചന്ദ്രശേഖരനെ കൊന്നതില്‍ സങ്കടമുണ്ട് സാര്‍, അയാളുമായി ഒരു വ്യക്തിവിരോധവും എനിക്കില്ല. പക്ഷേ, എല്ലാം അറിഞ്ഞുകൊണ്ടുതന്നെയാണ് ഞാനിതിനു കൂട്ടുനിന്നത്. പാര്‍ട്ടി തീരുമാനമായിരുന്നു. അതുകൊണ്ട് ഞാന്‍ അനുസരിച്ചു" അന്വേഷണ സംഘത്തിന്റെ ചോദ്യംചെയ്യലിനിടെ ഒാര്‍ക്കാട്ടേരി ലോക്കല്‍ കമ്മിറ്റി അംഗം പടയങ്കണ്ടി രവീന്ദ്രന്‍ കണ്ണീരോടെ പറഞ്ഞു.ഈ പാര്‍ട്ടി കോടതി വിധിച്ച ശിക്ഷ നടപ്പാക്കിയ പോലെ ഈ കൊലപാതകത്തിലെ പ്രതികള്‍ക് ശിക്ഷ വിധിക്കാനും അത് നടപ്പാക്കാനും ഉള്ള സാഹചര്യം നമ്മുടെ നാട്ടില്‍ ഇല്ലാത്തിടത്തോളം കാലം ഇതൊക്കെ ആവര്‍ത്തിച്ച്‌ കൊണ്ടിരിക്കും..

    ReplyDelete
  9. പതിവ് പോലെ വായിച്ചു. ഇനിയും വായിക്കാതിരിക്കാന്‍ നിര്‍വ്വാഹമില്ല, എഴുതുന്നത് ബഷീറല്ലേ അത്കൊണ്ട്. എന്നാല്‍ മേലാല്‍ ഇവിടെ സ്റ്റിക്കര്‍ ഒന്നും ഒട്ടിച്ച് ബഷീറിന്റെ ജീവന്‍ അപകടത്തിലാക്കാന്‍ ഉദ്ദേശിക്കുന്നില്ല.

    ReplyDelete
  10. തെരഞ്ഞെടുപ്പു കഴിയും വരെ അച്ചുവേട്ടനെയും ഒന്നും ചെയ്യില്ല

    ReplyDelete
  11. ടി പി ചന്ദ്രശേകാരന്‍: അന്യഷണ സന്കത്തില്‍ നിന്നും ശ്രീജിത്തിനെ മാറ്റി, അനൂപ്‌ കുരുവിളയെ നിയമച്ച ഉമ്മെന്ച്ചണ്ടിയുടെ കുതന്ത്രം ഫലം കണ്ടു തുടങ്ങി, പ്രതികളെ കണ്ടുപിടിക്കാതെ തന്നെ, ഗൂടലോചനയില്‍ പങ്കെടുത്തവരെ കണ്ടുപിടിച്ചു കഴിഞ്ഞു. ഇപ്പോള്‍ തിരഞ്ഞുകൊണ്ടിരിക്കുന്നത് TP യെ കല്യാണത്തിന് വിളിച്ചവര്‍, പാലുകാചിനു വിളിച്ചവര്‍, ഷേവ് ചെയ്തു കൊടുത്തവര്‍, TP യുടെ വീടിന്റെ അടുത്തൂടെ രാത്രി 8 മണിക്ക് ശേഷം നടന്നുപോയവര്‍, പ്രതികള്‍ എന്ന് സംശയിക്കുന്ന(അതാരാണ് എന്ന് ഇതുവരെ വ്യക്തമായി പറഞ്ഞിട്ടില്ല) കണ്ടു എന്ന് വിശ്വസിക്കുന്നവര്‍, അവര്‍ ചായകുടിച്ചപ്പോള്‍ ചായക്കടയില്‍ ഉണ്ടായിരുന്നവര്‍, പക്ഷെ ഒറ്റ ഒരു കണ്ടിഷന്‍ ഇവര്‍ സിപിഎം കാര്‍ ആയിരിക്കണം ഇതാണ് പാമോയില്‍ കള്ളന്‍ പോലീസിനെ ഏല്പിച്ചിരിക്കുന്ന ചുമതല, പക്ഷെ എന്തൊക്കെ കാണിച്ചാലും നെയ്യട്ടിന്കരയില്‍ സെല്‍വ രാജെന്ന നപുംസകത്തെ ജയിപ്പിക്കില്ല എന്ന് അന്നാട്ടിലെ തന്നെ സാധാരണക്കാരായ നിരവധി പേര്‍ പറഞ്ഞു കഴിഞ്ഞു.

    ReplyDelete
    Replies
    1. നമ്മുടെ രാജ്യം എത്രയും നല്ല ഒരു സ്ഥിതി വരെയെത്തിയത് നിങ്ങളെ പോലുള്ളവര്‍ മൂലം മാത്രമാണ്. ഇനിയും നമ്മള്‍ എത്ര മുന്നോട്ടു പോകാന്‍ കിടക്കുന്നു ... മുന്നില്‍ തന്നെയുണ്ടാവണം കേട്ടോ. എത്രയും വലിയൊരു ഹീന കൃത്യം നടന്നിട്ടും നെയ്യാറ്റിന്‍ കരയാണ് ഇവിടെ പ്രധാനം. പാതത്തിനടിയിലെ മണ്ണിളകി പോകുന്നത് താങ്കള്‍ കാണുന്നില്ലല്ലോ ... ഹാ .. കഷ്ടം അല്ലാതെന്തു പറയാന്‍..

      Delete
    2. ശ്രീജിത്ത്‌ നല്ല പുള്ളിയാ. അനധികൃത സ്വത്ത്‌ സമ്പാദനം, ഉണ്ണിത്താന്‍ കേസ് അട്ടിമറി... C B I സ്കെച്ച് ചെയ്തിട്ടുണ്ടെന്ന കേള്‍ക്കുന്നേ

      Delete
  12. സി പി എമ്മിനെ കുതിര കയറി മദനിയെ ന്യായീകരിക്കാന്‍ നോക്കണ്ട. അയാള്‍ ഭീകരവാദി തന്നെയാണ്

    ReplyDelete
    Replies
    1. താന്‍ പറഞ്ഞത് കൊണ്ട് ഒരാള്‍ ഭീകര വാദി ആവില്ല. തെളിയിക്കൂ.....

      Delete
    2. മദനിയുടെ തോളില്‍ കയ്യിട്ടതും പോക്കിയെടുത്ത്തതും ആരാണെന്നും മലയാളികള്‍ക്കറിയാം

      Delete
  13. ഇതില്‍ വളരെ വ്യക്തമായ ഗൂഡാലോചന നടന്നിട്ടുണ്ട്. കാരണം, ഇന്നലെ പിടിയിലായ പ്രതികളെ രക്ഷപ്പെടാന്‍ സഹായിച്ചു എന്ന് പറയപ്പെടുന്ന, ഈ തിരക്കഥയിലെ താരം പറഞ്ഞിരിക്കുന്നു കൂത്തുപറമ്പ് പാര്‍ട്ടി ഓഫീസില്‍ പ്രതികളെ ഒളിപ്പിച്ചിരുന്നു എന്ന്.... മണ്ടത്തരം എന്നല്ലാതെ എന്തുപറയാന്‍. ഒരു സജീവ രാഷ്ട്രീയ പ്രവര്‍ത്തകന്‍ തന്റെ സ്വന്തം പാര്‍ട്ടിയെ വെട്ടിലാക്കുന്ന തെളിവ് കൊടുക്കുമെന്ന് തോന്നുന്നുണ്ടോ ?

    ReplyDelete
    Replies
    1. ഇടി കൊടുത്താല്‍ ഏതവനും സത്യം പറയും , കരുണാകരനും ജയറാം പടിക്കലും ആയിരുന്നെങ്കില്‍ രണ്ടാം ദിവസം പോക്കിയേനെ എല്ലാ അവനെയും

      Delete
    2. അത് സത്യം, ഇവിടെയാണ്‌ ലീടരുടെ കുറവ് അറിയുന്നത് ......

      Delete
  14. കൊള്ളാം..നമ്മുടെ പോലീസും മാറിത്തുടങ്ങി.. കിട്ടിയ തെളിവുകളില്‍ തൂങ്ങിപ്പിടിച്ച് അന്വേഷണം അവസാനിപ്പിക്കാതെ യദാര്‍ത്ഥ കൊലയാളികളെ കണ്ടെത്താനുള്ള ശ്രമങ്ങളേ അഭിനന്ദിക്കണം.ഡിജിപിയുടെ പ്രസ്താവനയില്‍ തന്നെ ‘ചന്ദ്രശേഖരന്’ ഒരു ശത്രു മാത്രമേ ഉണ്ടായിരുന്നുള്ളൂ..അതില്‍ തന്നെ അന്വേഷണം ശ്രദ്ധയൂന്നണം എന്ന വാക്കുകളില്‍ നിന്നു തന്നെ അതു വ്യക്തം. പോലീസിനെ പറ്റിക്കല്ലേ കള്ളമ്മാരേ..

    ReplyDelete
  15. It seems what happened in Eastern Europe and rest of the Communisut world is going to happen soon in India too.

    ReplyDelete
  16. ഹമീദ് ഭായി "വടിവാള്‍ ചുറ്റിക ബോംബ് " ആണ് കൂടുതല്‍ യോജിക്കുക

    ReplyDelete
  17. ബഷീര്‍, ഒന്നും നടക്കാന്‍ പോകുന്നില്ല..ആരും ജയിലിലേക്ക് പോകില്ല...കളിച്ചു പഴകിയ നാടകം വീണ്ടും പുതിയ വേദിയില്‍ അരങ്ങേറുകയാണ്. ജയകൃഷ്ണന്‍ മാസ്റ്റര് കോലപാതകം, ജൊസേഫിന്റെ കൈ വെട്ട്, മുത്തൂറ്റ് പോള്‍ വധം..ഇവക്ക് വന്ന ഗതി തന്നെയായിരിക്കും ടി പി വധത്തിനും. മുകളില്‍ ഇരിക്കുന്നവന്‍ ഇന്നയാളെ കൊല്ലണം എന്ന ഉത്തരവ് മാത്രമേ പുറപ്പെടുവിക്കുന്നുള്ളൂ. ബാകി, ഗൂഢാലോചന, പണം, ആസൂത്രണം തുടങ്ങിയ പ്രധാന പരിപാടികള്‍ താഴെതട്ടിലെ കമ്മിറ്റികള്‍ ചെയ്യുകയാണ്. അതുകൊണ്ടുതന്നെ കുറെ രവീന്ദ്രനും രാമചന്ദ്രനും പിടിക്കപ്പെടും. ഏറിയാല്‍ ഒരു ജില്ല നേതാവ് പ്രതിപ്പട്ടികയില്‍ വരും. പക്ഷേ, ശിക്ഷ വാങ്ങികൊടുക്കാന്‍ പറ്റില്ല. അയാള്‍ ജയിലില്‍ കിടക്കുന്ന കാലത്തോളം ആ കുടുംബത്തെ പാര്‍ടി നോക്കും. ജയിലില്‍ സുഖവാസം, ഇഷ്ടം പോലെ പരോള്‍, മതിലിനു മുകളിലൂടെ ബീഡി മുതല്‍ കഞ്ചാവു വരെ, ഇഷ്ട ഭക്ഷണം തുടങ്ങിയ സൌകര്യങ്ങള്‍ പാര്‍ടിയിലെ ജയില്‍ വിങ്ങ് ചെയ്തുകൊടുതോളും. നെയ്യാറ്റിങ്കര കടക്കുന്നതുവരെ മാത്രം ആയുസ്സുള്ള വിവാദം ആയിരിക്കും ടി പി വധം. അപ്പോഴേക്കും അടുത്തത് വരും. കണ്ണിന് കണ്ണു, പല്ലിന് പല്ല്...ആര്‍ എം പി യുടെ സംസ്ഥാന നേതാവിന് പകരം കൊന്ന പാര്‍ടിയുടെ അതേ പൊസിഷനില്‍ ഇരിക്കുന്ന ആള്‍, എം എസ് എഫ് നേതാവ് ശുകൂറിന് പകരം കൊന്ന പാര്‍ടിയുടെ വിദ്യാര്‍തിവിഭാഗത്തിന്റെ അതേ പൊസിഷനില്‍ ഇരിക്കുന്ന ആള്‍,....അവരെ തട്ടണം. അല്ലാതെ പൂ വിറ്റും മില്‍മ പാല്‍ ഏജെന്‍റ് ആയും പണിയെടുത്ത് പാര്‍ടിക്കുവേണ്ടി എന്തും ചെയ്യുന്ന കുറെ ക്രിമിനലുകളെ പിടിച്ചു ജയിലില്‍ ഇട്ടിട്ടു കാര്യമില്ല. അവന് നഷ്ടപ്പെടാന്‍ ഒന്നും ഇല്ല. ഉന്നത നേതാക്കളെ ലക്ഷ്യം വെക്കൂ. അതിനു തയാറായി വരൂ ......

    ReplyDelete
    Replies
    1. ഈ പോസ്റ്റില്‍ ഞാന്‍ മനസ്സില്‍ വിജാരിച്ച അതെ വാക്കുകളാണല്ലോ കബ്ലിക്കെട്ടെ.... ഒന്നും നടക്കില്ല കൂട്ടരേ .. ഒന്നും .. ഒരു വ്യക്തി കുറ്റവാളി ആണന്നു തീരുമാനിക്കാന്‍ കീഴ് കോടതി മാത്രം ശിക്ഷിച്ചാല്‍ പോരാ അങ്ങ് മേലെ വരെ പോണം.. AKG മാന്ധിരത്തിലുള്ള ഒരു വ്യക്തി, ഈ ഒരു കേസ്സില്‍ ശിക്ഷിക്കപെടുമെന്നു ആരെന്ഗിലും കരുതുന്നുടങ്ങില്‍ അവരോടു എനിക്ക് പറയാനുള്ളത്, ബഷീര്‍ ഭായ് ഇതിനു മുമ്പൊരു പോസ്റ്റില്‍ പറഞ്ഞ കാര്യമാണ് .. ഗോ ടു യുവര്‍ ക്ലാസ്സെസ് ... ഗോ .. ഗോ..

      Delete
  18. വീണ്ടും വായിക്കാന്‍....
    "കൊലപാതകത്തിനു ഉപയോഗിച്ച കാറില്‍ "മാഷാ അല്ലാഹ്" എന്ന സ്റ്റിക്കര്‍ ഒട്ടിച്ചു സി പി എം കളിക്കാന്‍ ശ്രമിച്ചത് വളരെ അപകടകരമായ രാഷ്ട്രീയമാണ്. പോലീസ് ആ സ്റ്റിക്കറിന് പിന്നില്‍ അന്വേഷണം അവസാനിപ്പിച്ചു റിപ്പോര്‍ട്ട്‌ നല്‍കിയിരുന്നുവെങ്കില്‍ അബ്ദുല്‍ നാസര്‍ മഅദനിക്ക് ഒരു ഇരുപതു വര്‍ഷം കൂടി കര്‍ണാടകയിലെ ജയിലില്‍ തന്നെ താങ്ങുവാന്‍ വകുപ്പുണ്ടാകുമായിരുന്നു"

    ReplyDelete
  19. Dear basheer, why dont you publish such articles in the newspaper. it is much better than the stuff we read it in the online edition of newspapers

    ReplyDelete
  20. ALLAHUVINTE NAMAM UPAYOGICHU CHAITHA EE KODUM KROORATHA KERALA MANNIL ENI NADAKKATHIRIKKATTE

    ReplyDelete
  21. ഭരണ കൂടം കടമകള്‍ മറക്കുന്നിടതാണ് മുല്ല പൂ വിപ്ലവങ്ങള്‍ അരങ്ങേരുന്നതന്നു മറക്കാതിരിക്കുക ഈ മരണം ഏതു കോണിലൂടെ ആഗോഷിക്കപെട്ടാലും നരബോജികളെ കരാ ഗ്രിഹത്തില്‍ അടക്കാതെ യമപുരിക്കയക്കണം അല്ലെങ്കില്‍ രക്ത ദാഹം തീര്‍ക്കാന്‍ അനവദി ടി പി മാര്‍ ആവര്തിക്കപെടും കേരളീയ സമൂഹത്തിന്റെ സാംസ്കാരിക അപചയം അല്ലെങ്കില്‍ പക്ഷ പാടിത്യം തുറന്നു കാണിക്കുന്നതാണ് സംസ്കാരിക നായകന്‍ മാരുടെ മൌനം പലര്‍ക്കും പ്രതികരിക്കാന്‍ ഭയമാണ് പോലും ഇനി ആര്‍ക്കു വേണം നിങ്ങളെ

    ReplyDelete
    Replies
    1. ഒരു ചെറിയ തിരുത്ത്.

      "സാംസ്കാരിക നായ്ക്കളുടെ"
      ഒ എന്‍ വി, സുഗത കുമാരി, തുടങ്ങിയ......

      Delete
  22. പോലീസ് ആ സ്റ്റിക്കറിന് പിന്നില്‍ അന്വേഷണം അവസാനിപ്പിച്ചു റിപ്പോര്‍ട്ട്‌ നല്‍കിയിരുന്നുവെങ്കില്‍ അബ്ദുല്‍ നാസര്‍ മഅദനിക്ക് ഒരു ഇരുപതു വര്‍ഷം കൂടി കര്‍ണാടകയിലെ ജയിലില്‍ തന്നെ താങ്ങുവാന്‍ വകുപ്പുണ്ടാകുമായിരുന്നു.

    ReplyDelete
    Replies
    1. അല്ലെങ്കിലും അബ്ദുള്‍നാസര്‍ മദനി ജയിലില്‍ നിന്ന് പുറത്ത് വരാനൊന്നും പോകുന്നില്ല.

      Delete
  23. Jagannivasan NairMay 17, 2012 at 1:30 PM

    Basheer, I appreciate your follow up in this case..your posting on this case is really useful for the society. Joined efforts are vital to isolate criminal politicians regardless their political views..

    ReplyDelete
  24. പോലീസ് അന്വേഷണം നടക്കുന്ന വേളയിൽ പ്രതികളെന്ന് സംശയിക്കുന്നവരെ പിടികൂടി... യഥാർത്ഥ പ്രതികൾ വരാനിരിക്കുന്നതേയുള്ളൂ... നമുക്ക് കാത്തിരുന്ന് കാണാം... കുറ്റവാളികളാരായാലും ശിക്ഷിക്കപ്പെടണം..

    ReplyDelete
  25. അക്രമ രാഷ്ട്രീയവും, 'ഇവെന്റ്റ് മാനേജ് മെന്റ് 'വഴി അതിനെ വെള്ള പൂശലും ശീലമാക്കിയ സി പി എമ്മിനെ ശുദ്ധീകരിക്കാനെങ്കിലും ചന്ദ്രശേഖരന്റെ വധത്തിനു പിന്നിലെ വമ്പന്മാരെ പുറത്ത് കൊണ്ട് വരുന്നതിലൂടെ സാധിക്കട്ടെ .
    >>>ഇന്നലെ വൈകിട്ട് പ്രധാന ചാനലുകളില്‍ എല്ലാം തന്നെ സി പി എമ്മിന്റെ അക്രമ രാഷ്ട്രീയത്തിന്റെ ഇരയായ ആര്‍ എം പി നേതാവ് സഖാവ് ടി പി ചന്ദ്ര ശേഖരന്റെ വിധവയുടെ അഭിമുഖം കാണാന്‍ ഇടയായി . ചന്ദ്രശേഖരന്‍ ഒരു യഥാര്‍ത്ഥ ആദര്‍ശ വാദി ആയിരുന്നു എന്ന് അവരുടെ മറുപടിയില്‍ നിന്നും വളരെ വ്യക്തം ...നാല് ചാനലുകളില്‍ ആണ് അഭിമുഖം വന്നത് . സി പി എമ്മിന്റെ പ്രധാന നേതാക്കളുടെ ഭാര്യമാരും മക്കളും എവിടെയാണ് എന്ന് സ്വാഭാവികമായും ചിന്തിച്ചു പോകും ... അവരില്‍ പലരെയും ആദര്‍ശ വാദികളായി സി പി എമ്മിന്റെ അണികള്‍ പോലും കരുതുന്നില്ല . . അവിടെയാണ് ചന്ദ്ര ശേഖരന്റെ ഭാര്യയും മകനും വേറിട്ട്‌ നില്‍ക്കുന്നത് .
    തന്റെ 'കണ്ണില്‍ നിന്നും ഒരിറ്റു കണ്ണീര്‍ വീണാല്‍ അച്ഛന്റെ ആത്മാവിനു ശാന്തി കിട്ടില്ല' എന്നാണു ടി പി യുടെ കൌമാരക്കാരനായ മകന്‍ പറഞ്ഞത് . ടി പി യുടെ ആദര്‍ശ ബോധം കുടുമ്പത്തില്‍ തന്നെ തുടങ്ങി എന്നാണു ഇത് കാണിക്കുന്നത് ..

    <<<<

    ഇന്നലെ ഈ അഭിമുഖങ്ങള്‍ കാണുമ്പോള്‍ ഭാര്യയും അടുത്തുണ്ടായിരുന്നു . അവരുടെ മുഖത്തെ നിസ്സംഗത കണ്ടു ചോദിച്ചു : എന്താണ് പറയുവാനുള്ളത് ?
    അവര്‍ പറഞ്ഞു .: നഷ്ടം ആ മകനും അമ്മയ്ക്കും മാത്രം . കുറച്ചു കഴിയുമ്പോള്‍ എല്ലാവരും ഇതൊക്കെ മറക്കും .ഇപ്പോള്‍ ഈ കാണുന്ന ആവേശമൊക്കെ എത്ര നാള്‍ ഉണ്ടാവും ?
    ഈ വിഷയത്തില്‍ യു ഡി എഫ് -എല്‍ ഡി എഫ് നേതാക്കള്‍ ഒരു ധാരണ ഉണ്ടാക്കില്ല എന്ന് എന്താണ് ഉറപ്പു ?

    ReplyDelete
    Replies
    1. എന്നിലെ ലീഗുകാരന്‍ ചാടിയെഴുന്നേറ്റു .മറുപടിക്കായി വാ തുറന്നപ്പോള്‍ എന്തോ മറുപടി തൊണ്ടയില്‍ കുരുങ്ങി ...കാരണം രാഷ്ട്രീയം നോക്കാതെ , ജാതി നോക്കാതെ മതം നോക്കാതെ ഉത്തരവാദിത്തപ്പെട്ട സ്ഥാനത് ഇരുന്നു സ്ത്രീകള്‍ക്ക് വേണ്ടി ആത്മാര്‍ഥമായി പ്രവര്‍ത്തിച്ചിട്ടു അവസാനം .....

      Delete
  26. കേസന്വേഷണം ആത്മാര്‍ത്തമായി ഇങ്ങിനെ മുന്നോട്ടു പോകുകയാണെങ്കില്‍ ഉമ്മന്‍ചാണ്ടി ഭയക്കണം

    കാരണം, ഇനി ഒരു അട്ടിമറിക്ക് പിണറായി ശ്രമിച്ചു കൂടായ്ക ഇല്ല. അതാണെങ്കില്‍ വളരെ എളുപ്പമാണ് താനും.

    ജോസഫ്‌, ഷിബു, ഗണേഷ്, അതൃപ്തരായ പലരും യു ഡി എഫില്‍ ഉണ്ട്.

    ജൂലൈ ആഗസ്റ്റ്‌ ആകുമ്പോഴേക്കും കേരള മുഖ്യമന്ത്രി കോടിയേരി ആകാന്‍ സാധ്യത കാണുന്നു....

    ReplyDelete
  27. നെയ്യാറ്റിന്‍ കര ഉപ തിരഞ്ഞെടുപ്പ് അടുത്ത സമയത്ത് ഇത്തരം ഒരു കൊലപാതകം പാര്‍ടി ഇടപെട്ടു നടത്തി എന്ന് വിളിച്ചു കൂവിയാല്‍ ബുദ്ധിയുള്ള ആരെങ്കിലും അത് വിശ്വസിക്കുമോ എന്നാണു ചന്ദ്ര ശേഖരനെ വെട്ടി നുറുക്കി മണിക്കൂറുകള്‍ കഴിയും മുമ്പ് പാര്‍ടി നേത്രത്വം മുന്‍‌കൂര്‍ ജാമ്യം എന്നോണം പത്ര മാധ്യമങ്ങള്‍ക്ക് മുന്നില്‍ വന്നു ചോദിച്ചത് , അതിനു ഉത്തരം ഇന്നലെ ചാനലുകള്‍ക്ക് നല്‍കിയ അഭിമുഖത്തില്‍ ടി പി യുടെ ഭാര്യ രമ പറഞ്ഞിട്ടുണ്ട് , സമൂഹം പാര്‍ടിയെ സംശയിക്കപ്പെടാന്‍ സാധ്യത ഇല്ലാത്ത സന്ദര്‍ഭം തിരഞ്ഞെടുക്കുക എന്നത് തന്നെയാണ് പാര്‍ടിയുടെ തന്ത്രം , പാവപ്പെട്ട അണികളെ വിശ്വസിപ്പിക്കാന്‍ ഇത്തരം തന്ത്രം അവര്‍ പലപ്പഴും ഉപയോഗിച്ചിട്ടുണ്ട് . ഇവിടെ പല കമ്മ്യൂണിസ്റ്റു കുഴലൂതികളും ചോദിക്കുന്നത് , കൊലപാതകം കഴിഞ്ഞു പ്രതികള്‍ നേരെ പോയത് കൂത്ത്‌ പറമ്പ് പാര്‍ടി ഒഫ്ഫിസിലെക്കാന് എന്ന് പറഞ്ഞാല്‍ ആരെങ്കിലും വിശ്വസിക്കുമോ എന്നാണു , അവരോടൊക്കെ എനിക്ക്ചോദിക്കാനുള്ളത് പിറ വം തിരഞ്ഞെടുപ്പിന്റെ തൊട്ടു മുമ്പല്ലേ ശുക്കൂര്‍ എന്ന ചെറുപ്പക്കാരനെ പാര്‍ടി ഗുണ്ടകള്‍ വെട്ടിനുരുക്കിയത്. ആ ക്രൂര കൃത്യം ചെയ്തതിന്റെ ഉത്തരവാദിത്തം പാര്‍ടി തന്നെ നേരിട്ട് സമ്മതി ചില്ലേ, അത് കൊണ്ട് പാര്‍ടിയെ ബലാല്‍ സംഗം ചെയ്യുന്ന പണി പാര്‍ടി അണികളും നേതാക്കളും thanne പലപ്പഴും ചെയ്തിട്ടുണ്ട്.എല്ലാ കമ്മ്യൂണിസ്റ്റു കാരോടും സ്നേഹത്തിന്റെ ഭാഷയില്‍ എനിക്ക് പറയാനുള്ളത് , ദയവു ചെയ്തു നിങ്ങള്‍ വീട് പാര്‍ക്കലിന്നോ കല്യാണത്തിനോ ഞങ്ങളെ ക്ഷണിക്കരുത് ,കാരണം നിങ്ങളുടെ ക്ഷണക്ക ത്തുകള്‍ മരണ വാരനടുകളും ,കല്യാണ വീടുകള്‍ കൊലപാതക ഗൂടാലോജനാ സദസ്സുകളുമാണ്

    ReplyDelete
  28. തിരുവന്ചൂരും പുന്നൂസും പോര , ഉമ്മന്‍ ചാണ്ടി ആഭ്യന്തരം തിരിച്ചെടുക്കണം

    ReplyDelete
  29. Until the top level leaders and their family is NOT targeted this killings will go on. I remember the Hollywood movie ransome , in Kerala it should happen. The people who are giving orders should be fatally attacked.

    ReplyDelete
  30. ഇത് ചെയ്തവര്‍ക്ക് കടുത്ത ശിക്ഷ തന്നെ കൊടുക്കണം. മറ്റാര്കെതിരെയും കൈ ഉയര്‍ത്താന്‍ ധൈര്യം വരാത്ത വിധം കഠിനശിക്ഷ .

    ReplyDelete
  31. Even if the leadership of the CPM ultimately gets off the hook, the police dog loses its sniffing sense on the midway on a riverside, the party has lost its "red" lunki forever in front of the public eye and the dots have been joined to reveal the monstrous Stalinist beast inside.

    In fact, I like to see CPM flourish as a real left political force lest the corrupt and communally fascist Sanghi right wing divisive politics get elevated into dominance in Kerala's mainstream.

    The one wishful solution can be read like this:
    CPM becomes two split groups.

    One can be named KCPM, that is Kannoor Communist Party Marxist led by Pinarayi corporation Pvt Ltd.

    The second, AICPM, that is All India Communist Party Marxist.
    led by who? Definitely not by V.S, another skeleton of the Stalinist ghost.
    We may find someone from the soil of Onchiyam.

    ReplyDelete
    Replies
    1. I fully support to your wishful solution of KCPM & AICPM :)))

      Delete
  32. This comment has been removed by the author.

    ReplyDelete
  33. മനസാക്ഷി തടവില്‍ കഴിയുന്ന സഖാക്കളേ ഉണരൂ... ഹരിത കേരളത്തെ ചുവപ്പില്‍ നിന്ന് വീണ്ടും ഹരിതമാക്കൂ ......

    ReplyDelete
  34. ബഷീര്‍ ബായ് താങ്ങള്‍ക്ക്‌ ഭയം ഇല്ലേ ? ഇവിടെ സാംസ്കാരിക നായകര്‍ എന്ന്വകാഷപെടുന്നവര്‍ മൌനത്തിന്റെ വാല്മീകതിലോളിക്കുംപോള്‍ ......ഒരു കുടുമ്പത്തിനു നാതനില്ലാതാകാന്‍ ശ്രമിച്ചവേര്കെതിരെ പെനയുന്താന്‍

    ReplyDelete
  35. സഖാവ് ടി പി തന്റെ രക്തം കൊണ്ടാണ് കപാലികരോട് മറുപടി പറഞ്ഞതെങ്കില്‍ ടി പിയുടെ ഭാര്യ രമ ഭര്‍ത്താവ് പകര്‍ന്നു നല്‍കിയ മനക്കരുത്ത് കൊണ്ടാണ് മറുപടി നല്‍കിയത്. "ചന്ദ്രശേഖരന്റെ ഭാര്യയാണ് ഞാന്‍, പതറില്ല.. പതറാന്‍ പാടില്ല. മരിക്കുന്നത് വരെ പോരാട്ടം തുടരും" രമ പറഞ്ഞ വാക്കുകള്‍ ''ഉണ്ണിയാര്‍ച്ചയുടെ നാട്ടിലെ ഉണ്ണിയാര്‍ച്ച ''ധീര സഗാവേ അഭിനന്തനമീ മനോ തൈരിയത്തിനു

    ReplyDelete
  36. Yadhartha prathikale iniyum aresst cheythilla ennu marakkaruth, kolapaathakalkk sim card koduthavan, vazhikaattiyavan, choottupidichavan, choottinu thee koduthavan ennokke paranju kurachu pere maathramaanu pidichittullath...
    Appol pinaraayi paranjathil enthaanu thettu.

    ReplyDelete
  37. ജയിക്കാന്‍ നൂറ്റമ്പത് റണ്സും് അവശേഷിക്കുന്നത് ആറു ബോളും ആയാലും റണ്സ് അടിച്ചു ജയിക്കുമെന്ന് കരുതി ടി വി ക്ക് മുമ്പില്‍ ഇരിക്കുന്നവരെ പോലെ യാണ് അറസ്റ്റ്‌ മൊത്തവും നടക്കട്ടെ അപ്പം അറിയാം എന്ന് പറയുന്നത്

    ReplyDelete
  38. യു ഡി എഫ് ഭരണം ഒരു വര്ഷം പൂര്‍ത്തിയാക്കി . "നാറ്റത്തിന്റെ" ഒരു വര്ഷം ....

    ReplyDelete
    Replies
    1. Athe...CPM Nari thudangi...Valedukkunnavan Valal... Jayarajan Mare, Pinaryai and Kodiyeri.. Ningallkkum ee gathi varalle ennu agrahikkunnu...

      Delete
  39. കൊന്നവനെ കിട്ടിയില്ലേല്‍ കണ്ടവനെ പിടിക്കുക...
    എന്നൊരു നയമാണ് ഇപ്പൊ നടക്കുന്നതു ...
    വഴില്‍ കാണുന്നവരെ ഒക്കെ പിടിച്ചോണ്ട് പോകുക
    പാര്‍ട്ടിയുമായി എന്തെങ്കിലും ബന്ധമുണ്ടാകണം എന്ന് മാത്രം...
    എന്നിട്ട് പറയാ നീയാണ് ഇന്നോവയ്ക്ക് ഓടിച്ചു വരാന്‍ പാകത്തിന് സൈട് കൊടുത്തത്...
    മാധ്യമങ്ങള്‍ അപ്പൊ തുടങ്ങും പ്രതി യോട് പിണറായി പറഞ്ഞിട്ടാ സൈട് കൊടുത്തെ...
    പിണറായി പങ്കെടുത്ത കല്യാണത്തില്‍ അവന്‍ വന്നിരുന്നു...
    അങ്ങിനെ പിന്നെ കഥമെനയലാണ്...
    ആ കഥ കേട്ട് പാടി നടക്കാന്‍ കൊറേ .........
    ചിലതൊക്കെ കേട്ടാ തോന്നും ചാനലാപ്പീസില്‍ വെച്ചാണ് പോലീസ് ചോദ്യം ചെയ്യുന്നതെന്ന്....
    യഥാര്‍ത്ഥ പ്രതികളെ പിടിക്കാന്‍ ആര്‍ക്കാ നേരം...??

    ഒടുക്കം അതില്‍ ചോരയില്‍ പച്ചയുടെ അംശം കൂടുതല്‍ ഉള്ളവര്‍ ഒരല്‍പം വര്‍ഗീയം കയറ്റാനും നോക്കും
    അത് പിന്നെ ജന്മനാ ഒള്ളതാ...
    അതാണോ വരികള്‍ക്കിടയിലെ മാഷാ അല്ലാ ...?????

    എന്തായാലും മാധ്യമങ്ങള്‍ക്ക് ചാകരയാണ് ..
    പിന്നെ ചെന്നിക്കും വീരനും ചില പിഗ്മി സഖാക്കള്‍ക്കും അവിടെവിടെ കൂട്ടം തെറ്റി നില്‍ക്കുന്ന കുണ്ടന്മാരെ തെരയലാണ് പണി...
    നടക്കട്ടെ നടക്കട്ടെ...

    എന്തായാലും കൊന്നത് തെറ്റാണ് ..

    ശവം പച്ചക്ക് തിന്നുന്ന മാധ്യമങ്ങളും നെയ്യാറ്റിന്‍കരയില്‍ ബിരിയാണി വച്ച് വിതരണം ചെയ്യുന്ന വലതന്മാരും
    ചെയ്യുന്നത് സംസ്കാരവും...
    പണ്ടേ അതാണല്ലോ ശീലം സീ പീ എമ്മിനെ പച്ചക്ക് തിന്നല്‍...
    പാര്‍ട്ടി ചോരയുടെ ഒരംശം ഇപ്പോളും ടീ പീ യില്‍ ഉണ്ടെന്നു ചിലരൊക്കെ പറയുന്നത് ആ രുചി കണ്ടാകണം....


    അടിവര:- ഈ കൂതറ നാടകം കൊണ്ടൊന്നും സീ പീ എം തകരില്ല മക്കളെ

    ....*

    ReplyDelete
  40. ഈ കൂതറ നാടകം കൊണ്ടൊന്നും സീ പീ എം തകരില്ല മക്കളെ

    ReplyDelete
  41. അന്വേഷണം നേരായ വഴിക്കു പോകുമോയെന്ന കാര്യത്തില്‍ കോണ്‍ഗ്രസിനും സി.പി.എമ്മിനും ഒരു പോലെ ആശങ്കയുണ്ട്. വടി കിട്ടിയിട്ടും ഫലപ്രദമായി വിനിയോഗിക്കാന്‍ പറ്റാത്ത അവസ്ഥയിലാണ് കോണ്‍ഗ്രസെങ്കില്‍ വടി പോയ ദുരവസ്ഥയിലാണ് സഖാക്കളുടെ പാര്‍ട്ടി. കൊന്നാലും കൊന്നില്ലെങ്കിലും ഭരിച്ചാലും ഭരിച്ചില്ലെങ്കിലും അഞ്ചു വര്‍ഷം കൂടുമ്പോള്‍ പ്രബുദ്ധ കേരളം അടുത്ത പാര്‍ട്ടിക്ക് അവസരം കൊടുക്കും. അന്വേഷണസംഘത്തിലുള്ളവര്‍ക്ക് ഇവരുടെയെല്ലാം കീഴില്‍ ഇരിക്കേണ്ടതല്ലേ? സത്യം പുറത്തേക്കു കൊണ്ടു വന്നാലോ? വന്നില്ലെങ്കിലോ? ധര്‍മ്മ സങ്കടം അവര്‍ക്കുമുണ്ട്. തലയൂരാനായിരിക്കും എല്ലാവരുടേയും ശ്രമം.

    ReplyDelete
  42. ഫസലിനെ കൊന്നിട്ട് ആയുധം ആര്‍ എസ് എസ്‌ കേന്ദ്രത്തില്‍ ഉപേക്ഷിച്ച സിപിഎം കാര്‍ കുറ്റം ആര്‍ എസ്‌ എസ്‌ ന്റെ മേല്‍ കെട്ടിവെച്ചു രക്ഷപ്പെടാന്‍ നോക്കി ... ഇന്ന് ടി പി യെ കൊന്നിട്ട് കുറ്റം എന്‍ ഡി എഫ്‌ ന്റെ മേല്‍ കെട്ടിവെച്ചു തടിതപ്പാമെന്നു കരുതി ..പക്ഷെ പിടിക്കപ്പെട്ടു ... ഇപ്പം തലയില്‍ മുണ്ട് ഇട്ടുകൊണ്ടാ സിപിഎം കാര്‍ നടക്കുന്നത് .. ലജ്ജാവഹം

    ReplyDelete
  43. ഇത് ഏതെന്കിലും ബ്രാഞ്ച് സെക്രട്ടരിയിലോ, ലോക്കല്‍ കമ്മറ്റി മേമ്ബരിലോ ഒതുക്കി നിര്‍ത്താന്‍ ഭരണ പക്ഷം തന്നെ നിര്‍ബന്ധിതമാകും. പുറത്തു കടിച്ചു കീറിയാലും, ഉള്ളാലെ ഒരു അട്ജസ്ട്ടു മെന്റ് നാം പല പ്രമാദ കേസുകളിലും കണ്ടതാണ്.
    പക്ഷെ സി പി എം ഇപ്പോഴാണ് ശരിക്കും വെട്ടിലായത് , ജീവിച്ചിരുന്ന ടി പി യേക്കാള്‍ അധികം , രക്ത സാക്ഷിയായ ടി പി യാണ് ഇപ്പോള്‍ സി പി എമ്മിനെ വേട്ടയാടുന്നത് .

    നാദാപുരം കലാപത്തില്‍ മുസ്ലിമ്കല്കെതിരെ പട നയിച്ച ആള്‍ ആണ് ഇപ്പോള്‍ കൊല്ലപ്പെട്ട ചന്ദ്ര ശേഖരന്‍. ബോബ്മി നിര്‍മാണത്തില്‍ അതി വിതക്തന്‍, നാദാപുരത്ത് ഉപയോഗിച്ച ആയുധങ്ങളില്‍ ഭൂരിഭാഗവും അന്ന് ഒന്ജിയത് നിന്ന് ഇറക്കുമതി ചെയ്തത് ആയിരുന്നു. ഇതിനു പിന്നില്‍ ചന്ദ്രശേഖരനും. കാലത്തിന്‍റെ നിമിത്തം പോലെ തൊപ്പി തന്നെയാണ് അയാള്‍ കൊല്ലപ്പെട്ടതും...

    ReplyDelete
  44. പത്രം ഏജന്റെ സമരം ടി.പി.വധത്തിന് മുന്നോടി............


    മൂന്ന് മാസത്തിന് മുന്‍പ് ആരംഭിച്ച പത്രം ഏജന്റെ സമരം ടി.പി.വധം ലക്ഷ്യമിട്ടുള്ളതായിരുന്നു എന്ന് തെളിയുന്നു. ടി.പി.ചന്ദ്രശേഖരന്റെ കൊലപാതകം വാര്‍ത്തയാകാതിരിക്കാനും പൊതുജനങ്ങള്‍ക്കിടയില്‍ ചര്‍ച്ചയാകാതിരിക്കാനും ലക്ഷ്യമിട്ടുള്ളതായിരുന്നു ആ സമരം. സമരം ശക്തിപ്പെട്ട നാളുകളില്‍ തന്നെ ചന്ദ്രശേഖരനെ വധിക്കുവാനായിരുന്നു പാര്‍ട്ടി ലക്ഷ്യമിട്ടിരുന്നത്. എന്നാല്‍ ആ വധശ്രമം പാളുകയുണ്ടായി. അടുത്ത വധശ്രമം വരെ സമരം നീട്ടാന്‍ ശക്തമായ ശ്രമം ഉണ്ടായെങ്കിലും പൊതുജനം തിരിച്ചടിച്ചതിനാല്‍ സമരം പരാജയപ്പെടുകയാണുണ്ടായത്.
    പ്രമുഖ പത്രമാധ്യമങ്ങളെ മുഴുവന്‍ സമരത്തില്‍ ഉള്‍പ്പെടുത്തുകയും പാര്‍ട്ടി പത്രങ്ങളെ ഒഴിവാക്കുകയും ചെയ്ത നടപടി അന്നേ സംശയമുളവാക്കിയിരുന്നു. ചന്ദ്രശേഖരനെപ്പോലൊരാളെ കൊലപ്പെടുത്തുമ്പോള്‍ പ്രമുഖ മാധ്യമങ്ങള്‍ അതിനെ ശക്തിയുക്തം എതിര്‍ക്കുമെന്നും പൊതുജനാഭിപ്രായം കൊലക്കെതിരായി ആഞ്ഞടിക്കുമെന്നും ഇവര്‍ കണക്കുകൂട്ടിയിരുന്നു. ഇതൊഴിവാക്കാനാണ് പത്ര വിതരണം തടസ്സപ്പെടുത്തുന്ന സമര പരിപാടികള്‍ ആരംഭിച്ചത്. കേബിള്‍ ടി.വി. കണക്ഷനുകള്‍ പരിമിതമാണ് എന്നും ഇതില്‍ തന്നെ വാര്‍ത്താ ചാനലുകള്‍ സാമാന്യ ജനം അത്രക്ക് ശ്രദ്ധിക്കുകയില്ല എന്നും കണക്കുകൂട്ടിയാണ് പത്രങ്ങളെ ഉപരോധിച്ചത്.

    ReplyDelete
    Replies
    1. ninteyokke thala kalimannalla chanakam vechu pothiyeade. ithupole chinthichu pottitherichal ayalpakkakar koode kanju pokum. dth um cable tv yum internetum sarvasadharanamaya keralathil ithupoloru commentidanamenkil ethu onam keramoolayilanu ninnepolulla mandabhudhikal thamasikkunnathu... avide ippolum premnazirinte padam thanneyano kalikkunnathu....

      Delete
  45. രക്തസാക്ഷി ദിനത്തില്‍ നടന്ന പ്രകടനത്തില്‍ പോലും 'ചന്ദ്രശേഖരനെ വെള്ള പുതപ്പിച്ചു കിടത്തും' എന്ന് മുദ്രാവാക്യം വിളിച്ച പാര്‍ട്ടിയല്ലാതെ മറ്റാരുമല്ല തന്റെ ഭര്‍ത്താവിനെ കൊന്നതെന്ന രമയുടെ വാക്കുകളെ അക്ഷരം പ്രതി ശരിപ്പെടുത്തുന്നതാണ് ഇപ്പോള്‍ വന്നു കൊണ്ടിരിക്കുന്ന റിപ്പോര്‍ട്ടുകള്‍.

    ReplyDelete
  46. This comment has been removed by a blog administrator.

    ReplyDelete
  47. http://malayal.am/node/14006

    ReplyDelete
  48. സഖാക്കളെ ,

    ഈ ക്രൂര കൃത്യം നടന്നത് പാര്‍ട്ടിയില്‍ പെട്ട ചിലരുടെ അറിവോടെയും മൗനാനുവാദത്തോടെയും ആണെങ്കില്‍ , അവരെ തള്ളിപ്പറയാന്‍ ധൈര്യം കാണിക്കേണ്ട സമയമായിരിക്കുന്നു ...! അല്ലാതെ യുഡി എഫ് കാര്‍ മുന്‍പ് ചെയ്ത കൊലപാതകങ്ങള്‍ നിരത്തി, കൊലപാതകികളെ വെള്ളപൂശാന്‍ ശ്രമിക്കേണ്ട അവസരമാണോ ഇത് ??? അരിയും തിന്നു ആശാരിച്ചിയെയും കടിച്ചു പിന്നെയും മുറുമുറുക്കുന്ന ചില കണ്ണൂര്‍ നേതാക്കള്‍ക്ക് ഓശാന പാടാന്‍ ഹൃദയത്തില്‍ കനിവും ആശയത്തിന്റെ കരുത്തും , നന്മയില്‍ വിശ്വാസവും ഉള്ള യഥാര്‍ത്ഥ സഖാവിനു കഴിയുമോ ?

    ഇന്ന് തിരുത്തേണ്ടത് ഇന്ന് തന്നെ തിരുത്തണം ..! ആയിരങ്ങള്‍ ചോര കൊടുത്തു പടുത്തുയര്‍ത്തിയ പ്രസ്ഥാനത്തെ ഉള്ളം കയ്യില്‍ വെച്ച് അഹന്ത കളിക്കുന്ന ചില നേതാക്കളെ എങ്കിലും തിരുത്താന്‍ സമയം ആയിരിക്കുന്നു ,,! അന്ധമായി ഒരാളെയും പിന്തുണക്കാന്‍ സഖാക്കള്‍ ലീഗുകാരോ കോണ്‍ഗ്രസ്‌ കാരോ അല്ലെന്നു തിരിച്ചറിയേണ്ടിയിരിക്കുന്നു ... ലാല്‍ സലാം !

    ReplyDelete
  49. അക്രമരാഷ്ട്രീയം പതിവാക്കുന്ന പാര്‍ട്ടികളെ ജനങ്ങള്‍ കയ്യോഴിയുക എന്നതല്ലാതെ ഇനിയൊരു പോംവഴി ഇല്ല.
    തന്റെ പാര്‍ട്ടി(ഏതു പാര്‍ട്ടിയാവട്ടെ)എന്ത് അക്രമം ചെയ്താലും അത് ന്യായീകരിക്കുന്ന 'സുമനസ്സുകളോട്' സഹതപിക്കുകയെ നിവൃത്തിയുള്ളൂ.

    ReplyDelete
    Replies
    1. UDF kidannu thala kuthi maranjittu oru karyom illa... ithu kondonnum communist partye thakarkkan oru theevravadha partykalkkum avare thangi nadakkunnavarkkum kazhiyilla.....athu athe oorjathode poorvadhikam shakthiyode uyarnnuvarum. ithu sadharanakkarante viakarangalariyunna party. janakodikal nenjilettiya prasthanam....

      Delete
  50. masha allah എന്നാ sticker ഉള്ളത് കൊണ്ട് , അതിനു പുറകില്‍ al qaeda ആകാനുള്ള സാധ്യതയും തള്ളി ക്കലയാന്‍ പറ്റില്ല ...കാരണം കടല്‍ കടന്നു വരുന്ന ആയുധങ്ങലെക്കുരിച്ചും ..പാകിസ്താനില്‍ നിന്നും കേരളത്തിലേക്ക് വരുന്ന ആയുധങ്ങളെ ക്കുറിച്ചും വിശ്വ ഹിന്ദു പരിഷത്തിന്റെ (വേറെ ആര് അറിഞ്ഞില്ലെങ്കിലും vhp ഇതൊക്കെ കണ്ടു പിടിക്കും ) coast guard റിപ്പോര്‍ട്ട്‌ ചെയ്തിട്ടും നടപടി എടുക്കാത്ത സര്‍കാരിന്റെ മുസ്ലിം പ്രീണനം ആണിവിടെ വെളിവാകുന്നത് ...

    ReplyDelete
    Replies
    1. commentile parihasam manassilakki thanne parayatte.. al qaeda vannu oru noorennathine bombittu pottikkumbol manassu kondu masha alla ennu vilikkuunna mannassukalkku inganeyum commentam. chorivideyum kooru avideyum....

      Delete
    2. പാവം Anonymous....സ്വന്തം വീട്ടില്‍ ബോംബിടുമ്പോള്‍ അത് കണ്ടു പൊട്ടിച്ചിരിക്കാന്‍ ആണ് ഇവിടുത്തെ മുസ്ലിം കല്‍ ക്ക് ഇഷ്ടം എന്ന് VHP യും RSS ഉം പറയുമ്പോള്‍ അത് വിശ്വസിക്കുന്ന Anonymous ...പണ്ട് ഞങ്ങളുടെ മഹാത്മാവിനെ വെടി വെച്ച് കൊന്ന ഒരു പ്രത്യശാസ്ത്രത്തില്‍ വിശ്വസിക്കുന്ന താങ്ങളില്‍ നിന്നും ഇതിനു മപ്പുറം പ്രതീക്ഷിക്കുന്നത് തന്നെ പാപം ആണ് ...ചോറിവിടെയും കുഉറ് എവിടെയുമാനെന്നു ..പാകിസ്താനില്‍ നിന്ന് വന്ന അദ്വാനി അടക്കമുള്ള വിദേശി കളോട് തന്നെ ചോദിക്കണം അനോണി ....

      Delete
    3. muslim theevravadhathekurichu parayunnavanteyokko nettiyil oru RSS VHP sticker ottichal karyangal vellapooshan eluppamayi allo. nyoonapaksha samudhayathile thankale polulla oru "nyoonapaksham" pore bhakkiyulla bhooripakshathinte peru koode kalayan....

      Delete
  51. ഓരോ പാര്‍ട്ടിക്കും ഭൂരിപക്ഷമുലളെള ടത്‌ അവര്‍ ഫാസിസ്റ്റ് പ്രവണത വെച്ച് പുലര്‍ത്തുന്നു എന്നതാണ് നേര്. എതിര്‍ പാര്‍ട്ടിക്കാരുടെ നോട്ടിസു നശിപ്പിച്ചും,മീറ്റിങ്ങുകള്‍ നടക്കാനനുവദിക്കാതെയും ഒക്കെ നാമിത് കണ്ടുകൊണ്ടിരിക്കുന്നു.ടി.പി വധം സകല പരിധിയും ലംഘിച്ചു എന്ന് പറയാം.

    ReplyDelete
  52. p jayarajan chunakkutty thanne......

    ReplyDelete
  53. @ബഷീര്‍ : സി പി എം ന്ടെ അക്രമ രാഷ്ട്രിയ പോലെ എതിര്കെന്ടവ തന്നെ ആണ് മുസ്ലിം ലീഗില് അഴിമതിയും . കാലിക്കറ്റ്‌ യുനിവേര്സിടിലെ അഴിമതിയെ പറ്റി ഒന്നും ബഷീര്‍ സാഹിബ്‌ എഴുതി കണ്ടില്ല .

    ReplyDelete
  54. മലഗോവില്‍ സ്ഫോടനത്തിന് ഉപയോഗിച്ച സ്കൂട്ടറില്‍ അറബി സ്റ്റിക്കര്‍ ഒട്ടിച്ചു വര്‍ഷങ്ങളോളം മുസ്ലിം നിരപരാധികളെ തടവിലിട്ടു പീഡിപ്പിക്കാന്‍ സങ്കപരിവാരത്തിന് സാധിച്ചുവെങ്കില്‍, അവസാനം കൃത്യം ചെയ്ത പ്രതി കുമ്പസരിക്കേണ്ടി വന്നു യഥാര്‍ത്ഥ പ്രതികളെ കുറിച്ച് ചിന്തിക്കാനെങ്കില്‍, ഒരു മാഷ അല്ലാ സ്ടിക്കെര്‍ കൊണ്ടും ഇതൊക്കെ നടക്കുമെന്ന് കരുതിയ മാര്‍ക്സിസ്റ്റുകളും സങ്കപരിവാരത്തെ പോലെ ബുദ്ധിയുള്ളവര്‍ തന്നെ.

    ReplyDelete
  55. സിപി‌എം സംസ്ഥാന നേതൃത്വത്തെ മാറ്റണമെന്ന് ആവശ്യപ്പെട്ട് പ്രതിപക്ഷ നേതാവ് വി എസ് അച്യുതാനന്ദന്‍ കേന്ദ്രനേതൃത്വത്തിന് അയച്ച കത്തുമായി ബന്ധപ്പെട്ട് പ്രമുഖരുടെ പ്രതികരണങ്ങള്‍ -

    കോടിയേരി ബാലകൃഷ്ണന്‍ ( പോളിറ്റ്ബ്യൂറോ അംഗം)

    വി എസ് കേന്ദ്ര നേതൃത്വത്തിന് കത്തയച്ചതിനെ കുറിച്ച് അറിയില്ല. അറിയാത്ത ഒരു കാര്യത്തെ കുറിച്ച് പ്രതികരിക്കാനില്ല.

    എസ്‌ രാമചന്ദ്രന്‍പിള്ള ( പോളിറ്റ്ബ്യൂറോ അംഗം)

    വി എസ്‌ അച്യുതാനന്ദന്‍ കേന്ദ്ര നേതാക്കള്‍ക്ക്‌ കത്തയച്ചുവെന്ന്‌ റിപ്പോര്‍ട്ടിനെ കുറിച്ച്‌ അറിവില്ല. അടിയന്തര കേന്ദ്രകമ്മറ്റി ചേരുന്നതിനെകുറിച്ച്‌ ആലോചിച്ചിട്ടില്ല.

    എം എ ബേബി ( പോളിറ്റ്ബ്യൂറോ അംഗം)

    കത്ത് അയച്ചിട്ടുണ്ടെങ്കില്‍ പാര്‍ട്ടി ഘടകം അത് ചര്‍ച്ച ചെയ്യും. കത്ത് ലഭിച്ചുവോയെന്ന കാര്യം കത്ത് അയച്ച ആളും കിട്ടിയ ആളുമാണ് സ്ഥിരീകരിക്കേണ്ടത്.

    എം എം ലോറന്‍സ് (സിഐടിയു സംസ്ഥാന സെക്രട്ടറി)

    വി എസിന് അഭിപ്രായ വ്യത്യാസങ്ങള്‍ ഉണ്ടെങ്കില്‍ അത് പാര്‍ട്ടിക്കുള്ളിലാണ് പറയേണ്ടത്. വി എസ്‌ സംസ്‌ഥാന നേതൃത്വത്തിനെതിരെ പരസ്യമായി കത്തയച്ചിട്ടുണ്ടെങ്കില്‍ അത്‌ തെറ്റാണ്.

    സി ദിവാകരന്‍ (സിപിഐ)

    വി എസിന്റെ കത്ത്‌ എല്‍ ഡി എഫില്‍ വന്നാല്‍ ചര്‍ച്ച ചെയ്യും. ഇപ്പോള്‍ അത്‌ സിപിഎമ്മിലെ ആഭ്യന്തര പ്രശ്‌നമാണ്.

    ഉമ്മന്‍ചാണ്ടി (മുഖ്യമന്ത്രി)

    വി എസ്‌ അച്യുതാനന്ദന്‍ പോളിറ്റ്‌ബ്യുറോയ്‌ക്ക് അയച്ച കത്തിന്‌ പൊതു പ്രാധാന്യമുണ്ട്. സിപിഎമ്മിനുള്ളിലെ ആഭ്യന്തര പ്രശ്‌നമായി മാത്രം കാണാന്‍ കഴിയില്ല. സര്‍ക്കാരിനെതിരെ പിണറായി നടത്തുന്ന നീക്കങ്ങള്‍ക്കുള്ള മറുപടി കൂടിയാണ്‌ വി എസിന്റെ താക്കീത്.

    കെ എം മാണി (ധനമന്ത്രി)

    വി എസ്‌ സിപിഎം വിട്ടു പുറത്തുവരണം. അല്‍ക്വയ്‌ദ - താലിബാനിസമാണ്‌ സിപിഎമ്മിനെ ഭരിക്കുന്ന നയം.

    ആര്യാടന്‍ മുഹമ്മദ്‌ (വൈദ്യുതി മന്ത്രി)

    പാര്‍ട്ടി നേതൃത്വം തെറ്റുതിരുത്തിയില്ലെങ്കില്‍ പ്രതിപക്ഷ നേതൃത്വം ഒഴിയുമെന്ന വി എസ്‌ അച്യുതാനന്ദന്റെ നിലപാട്‌ ധീരമാണ്. ഇത്‌ അക്രമരാഷ്‌ട്രീയത്തിന്‌ അന്ത്യം കുറിക്കാന്‍ സഹായിക്കും. എന്നാല്‍ വി എസ്‌ നിലപാടുകളില്‍ ഉറച്ചുനില്‍ക്കുമോയെന്നതില്‍ ആശങ്കയുണ്ട്.
    ബന്ധപ്പെട്ടവ

    ReplyDelete
  56. ടി പി യെ കൊന്നതു വാടക ഗുണ്ട സിപിഎം പ്രവര്തകാനാനെന്നു സ്വയം അവകാശപ്പെട്ട കൊടി സുനി!ക്വട്ടേഷന്‍ ഫീസിന്റെ അഡ്വാന്‍സ് തുക(40000 രൂപ) കൊടി സുനിക്ക് നല്‍കിയത് സിപിഎം കുന്നുമ്മക്കര ലോക്കല്‍ കമ്മിറ്റിയംഗം കെ.സി. രാമചന്ദ്രന്.ക്വട്ടേഷന്‍ ഫീസിന്റെ രണ്ടാം ഘടു( 61500 രൂപ) രാമ ചന്ദ്രന് വേണ്ടി കൊടി സുനിക്ക് നല്‍കിയത് സിപിഎം പാനൂര്‍ കുന്നോത്ത്പറമ്പ് ലോക്കല്‍ കമ്മിറ്റിയംഗം പി. ജ്യോതി ബാബു.ടി പി യെ കൊന്ന ശേഷം രാത്രി ചൊക്ളിയില്‍ എത്തിയ കൊടി സുനിയെയും സംഘത്തെയും ഓട്ടോറിക്ഷയില്‍ ‍ എത്തിച്ചു അഭയം നല്‍കിയത് കൂത്തുപറമ്പില് സി.പി.എം ഏരിയാ കമ്മിറ്റി ഓഫിസില്‍.
    നേരെ ചൊവ്വേ ചിന്തിക്കുന്ന വല്ല സഖാക്കളും ഉണ്ടെങ്കില്‍ പറയൂ...സിപിഎം നു പങ്കുണ്ടോ? ഉണ്ടാകാന്‍ സാധ്യതയുണ്ടോ...? അതോ ഇല്ലാതിരിക്കാനാണോ സാധ്യത? -mahmoud69

    ReplyDelete
  57. I was not respected VS until yesterday. But now, I am respecting him and his good action. I totally changed my attitude against him becaouse of his letter...Good Luck.(20/05/2012)

    ReplyDelete
  58. ""വി.എസിന്റെ കത്തിനെക്കുറിച്ച് പ്രതികരിക്കാനില്ല: വൃന്ദാകാരാട്ട്‌
    Published on 21 May 2012
    ന്യൂഡല്‍ഹി: വി.എസ്.അച്യുതാനന്ദന്‍ പാര്‍ട്ടി സംസ്ഥാന നേതൃത്വത്തിനെതിരെ പ്രകാശ് കാരാട്ടിന് കത്തെഴുതിയതിനെക്കുറിച്ച് പ്രതികരിക്കാനില്ലെന്ന് പി.ബി. അംഗം വൃന്ദാകാരാട്ട്. കത്തിനെക്കുറിച്ചുള്ള സ്ഥിരീകരണം നടത്തുന്നത് മാധ്യമങ്ങള്‍ മാത്രമാണെന്ന് പറഞ്ഞ വൃന്ദാകാരാട്ട് ഇതുമായി ബന്ധപ്പെട്ടുള്ള മാധ്യമപ്രവര്‍ത്തകരുടെ കൂടുതല്‍ ചോദ്യങ്ങളോട് പ്രതികരിക്കാന്‍ തയ്യാറായില്ല.

    വി.എസ്. അയച്ചതായി പറയുന്ന കത്തിനെക്കുറിച്ച് മാധ്യമങ്ങളിലൂടെ വന്ന അറിവ് മാത്രമേ തനിക്കുള്ളൂവെന്ന് സീതാറാം യെച്ചൂരിയും പറഞ്ഞു. കത്തുണ്ടോയെന്ന് ഓഫീസിലെത്തി പരിശോധിക്കുമെന്നും അദ്ദേഹം പറഞ്ഞു.""

    കത്ത് മാധ്യമ ശ്രിഷ്ടി എന്ന് പിണറായി..അവസാനം കത്ത് അയച്ചിട്ടുണ്ടെന്ന് വി സ്സ് .. ആകെ മൊത്തം ടോട്ടല്‍ കണ്‍ഫ്യൂഷന്‍ ആയി..സത്യത്തില്‍ കത്ത് അയച്ചിട്ടുണ്ടോ..ഉണ്ടെങ്കില്‍ അത് എവിടെപോയി..ചിലപ്പോള്‍ ദല്‍ഹിയില്‍ എത്തിയിട്ടുണ്ടാവില്ല..നെയ്യടിന്കര കയരുവോളം എതുകയുമില്ല..

    ReplyDelete
  59. nattil muzhuvan samaya partipravarthakar ethra perundavum?.viralilennavunnthra..allathe ithu kondumathram kudumbam pottan pattumo.?. ee kalath real estatum,kuzhalpana vitharanvum kottashianum okke athyavasyam chillara kittunna orojolikalanu..athil cpm karanundavum, congress undavum ..ethil pankedukkunnavarkkokke rashtreeyathilappuramulla bandhavum undakumm..allathe cpm karan kattanchaayayum parippuvadayum mathrame kazhikkavoo ennu vashipidikkunnathu sariyano.. com. t p kollappettath valiya sankadam thanneyanu. pakshe innattile sadhaana janagalkku vendi enthenkilum parayan thayyaravunna oru partye athinte nehruthathinethire thelivu labhikkunnathu vare mindathirunnu koode.. atho ningalokke congrassu karano?.. oru samsaya koodi.. polisinnte chodyam cheyyalippol pathrasammelanam vilichittano?

    ReplyDelete
  60. Ithu madyamangalude pracharathinu madhyama sindicate cheytha kolapathakam akumo avo???

    ReplyDelete