
ലാലിന്റെ പരാക്രമം ലൈവായി കാണാനുള്ള 'ഭാഗ്യം' എനിക്കുണ്ടായി. . ഒരു യാത്ര കഴിഞ്ഞ് അർദ്ധരാത്രി തിരിച്ചെത്തിയതായിരുന്നു ഞാൻ. ടി വി യിൽ അപ്പോഴും സുനന്ദയുടെ മരണവാർത്തയുടെ അപ്ഡേറ്റുകൾ വന്നു കൊണ്ടിരിക്കുകയാണ്. ആദ്യം നോക്കിയത് ദേശീയ ചാനലുകളാണ്. വളരെ പക്വതയോടെ അവർ ലൈവായിത്തന്നെ വാർത്തകൾ അവതരിപ്പിക്കുന്നുണ്ട്. ഞെട്ടലുളവാക്കിയ ഒരു അസ്വാഭാവിക മരണ വാർത്തയുടെ വിവരങ്ങൾ പങ്ക് വെക്കുമ്പോൾ ഉണ്ടാകുന്ന സ്വാഭാവിക ആവേശം ഒഴിച്ച് നിർത്തിയാൽ അരോചകമെന്ന് തോന്നുന്ന കളികളൊന്നും അവിടെ കണ്ടില്ല.
മലയാള ചാനലുകൾ സർഫ് ചെയ്തപ്പോൾ സ്ഥിതി അതായിരുന്നില്ല. ആകെക്കൂടി ബഹളം. ഞങ്ങളാണ് ഈ റിപ്പോർട്ട് ആദ്യം പ്രേക്ഷകർക്ക് നല്കിയത് എന്ന് നിരന്തരം വിളിച്ചു പറഞ്ഞു കൊണ്ട് ചാനലുകൾ പരസ്പരം മത്സരിക്കുന്നു. പ്രേക്ഷകർ കാത്തു കാത്തിരുന്ന എന്തോ ഒരു ശുഭ വാർത്ത ആദ്യം എത്തിച്ചു കൊടുത്തത് പോലെ..റിപ്പോർട്ടറിൽ നികേഷ് ഡസ്കിന്റെ മുകളിലേക്ക് അപ്പോൾ ചാടിക്കയറും എന്ന് എനിക്ക് തോന്നി. അത്ര ആവേശത്തിലാണ് പുള്ളി. ആർക്കോ ചക്കക്കൂട്ടാൻ കിട്ടിയത് പോലെ എന്ന് ഇന്നസന്റ് പറഞ്ഞില്ലേ.. അമ്മാതിരി ആവേശം. കൈരളി പീപ്പിൾ നോക്കിയപ്പോഴാണ് ഈ ഒടുക്കത്തെ തമാശ കാണാൻ പറ്റിയത്. എങ്ങോട്ടോ ഡയൽ ചെയ്തു ഫോണെടുത്ത പാവത്തെ ഹിന്ദിയിലും ഇംഗ്ലീഷിലും മലയാളത്തിലും കൊന്ന് കയ്യിൽ കൊടുക്കുകയാണ് അവതാരകൻ. ഗതിയില്ലാതെ അയാൾ പറഞ്ഞു.. എനിക്കൊന്നും മനസ്സിലാകുന്നില്ല ഭായ്.
സത്യത്തിൽ കൈരളി അവതാരകൻ കാണിച്ചത് പ്രേക്ഷകരെ പറ്റിക്കാനുള്ള ചില നമ്പറുകൾ മാത്രമാണ്. ഈ സമയം തരാറിനെയെന്നല്ല തരാറിന്റെ അടിച്ചുതളിക്കാരിയുടെ അമ്മായിയുടെ മോനെപ്പോലും ലൈനിൽ കിട്ടില്ല എന്നയാൾക്ക് ശരിക്കും അറിയാം. പക്ഷേ പ്രേക്ഷകരെ പറ്റിക്കണം. ഏതോ നമ്പറിൽ വിളിച്ച് ഹാ.. ഹീ ഹൂം എന്നൊക്കെ പറഞ്ഞാൽ പ്രേക്ഷകർ മൂക്കത്ത് വിരൽ വെക്കുമെന്നും ചാനലിന്റെ റേറ്റിംഗ് കൂടുമെന്നും അയാൾ കരുതിക്കാണും. മേ മെഹർ തരാർ കാ ഫ്രണ്ട് ഹൂം.. എന്നാണ് അവതാരകൻ ഫോണെടുത്ത ആളോട് പറയുന്നത്. മെഹർ തരാർ എന്ന പേര് തന്നെ ആദ്യമായി കേൾക്കുകയാണ്. അതിനിടയിൽ
ഇവൻ അവളുടെ ഫ്രണ്ടും ആയോ. 'അതെപ്പാ' എന്നാണ് പ്രേക്ഷകൻ മൂക്കത്ത് വിരൽ വെച്ചു
പോയത്.
ഇനി ഈ റീമിക്സ് കാണൂ.. ഒരു മലയാളം ചാനൽ അവതാരകന്റെ പ്രകടനം റീമിക്സായി വരുന്നത് ആദ്യമായാണെന്ന് തോന്നുന്നു. സംഗതി കിടിലനായിട്ടുണ്ട് എന്ന് പറയാതെ വയ്യ. മാധ്യമ പ്രവർത്തകർ എല്ലാർക്കിട്ടും പണിയുന്നവരാണ്. അതുകൊണ്ട് തന്നെ അവർക്കിട്ട് പണിയാൻ കിട്ടുന്ന സന്ദർഭം ആരും പാഴാക്കുകയില്ല. കൈരളി ടി വി യിലെ അവതാരകനെ ഒരു കിടിലൻ ഹാസ്യകഥാപാത്രമാക്കാൻ കിട്ടിയ അവസരം ഈ റീമിക്സ് പുറത്തിറക്കിയ കൃഷ്ണരാജ് മുതലെടുത്തതിൽ കുറ്റം പറയാനും പറ്റില്ല. വാളെടുത്തവൻ വാളാൽ എന്നാണല്ലോ.
ഇനി ഈ റീമിക്സ് കാണൂ.. ഒരു മലയാളം ചാനൽ അവതാരകന്റെ പ്രകടനം റീമിക്സായി വരുന്നത് ആദ്യമായാണെന്ന് തോന്നുന്നു. സംഗതി കിടിലനായിട്ടുണ്ട് എന്ന് പറയാതെ വയ്യ. മാധ്യമ പ്രവർത്തകർ എല്ലാർക്കിട്ടും പണിയുന്നവരാണ്. അതുകൊണ്ട് തന്നെ അവർക്കിട്ട് പണിയാൻ കിട്ടുന്ന സന്ദർഭം ആരും പാഴാക്കുകയില്ല. കൈരളി ടി വി യിലെ അവതാരകനെ ഒരു കിടിലൻ ഹാസ്യകഥാപാത്രമാക്കാൻ കിട്ടിയ അവസരം ഈ റീമിക്സ് പുറത്തിറക്കിയ കൃഷ്ണരാജ് മുതലെടുത്തതിൽ കുറ്റം പറയാനും പറ്റില്ല. വാളെടുത്തവൻ വാളാൽ എന്നാണല്ലോ.
റീമിക്സ് ഇവിടെ കാണാം.
ഇത്തരമൊരു നാടകം കളിക്കാൻ ലാലിനെ ഏല്പിച്ചു സ്റ്റുഡിയോയുടെ മറ്റേ റൂമിൽ ഒളിഞ്ഞു നോക്കി ചിരിക്കുന്ന ബ്രിട്ടാസിനെയാണ് ഞാൻ എന്റെ മനസ്സ് കൊണ്ട് കണ്ടത്. മെഹർ തരാറിനെ ലൈനിൽ കിട്ടാൻ ഒരു ശതമാനം സാധ്യതയെങ്കിലുമുണ്ടായിരുന്നെങ്കിൽ അന്നേരം വാർത്താ റൂമിൽ ബ്രിട്ടാസ് എത്തുമായിരുന്നു. ബ്രിട്ടാസാരാ മോൻ.. ഇത്തരം ഒരവസരവും കളഞ്ഞു കുളിച്ച പാരമ്പര്യം പുള്ളിക്കില്ല. പ്രേക്ഷകരെ പറ്റിക്കുകയായിരുന്നു ചാനലിന്റെ ഉദ്ദേശ്യമെന്ന് വ്യക്തം. നമ്മുടെ ചാനൽ സഖാക്കൾ മാത്രമേ കാണൂ അവരെന്തും വിശ്വസിക്കും എന്ന് കരുതിയിടത്താണ് കൈരളിക്കു പിഴച്ചത്. മറ്റു ചിലരും ആ വഴി കടന്ന് പോയ്ക്കൂടായ്കയില്ല. പിറ്റേ ദിവസം തന്നെ സോഷ്യൽ മീഡിയയിൽ അവതാരകന്റെ ഫോണ് വിളി വിഷയമായി മാറിയത് അതുകൊണ്ടാണ്. വേണു വീണ വായിച്ചതിനേക്കാൾ വേഗത്തിൽ അത് ഹിറ്റാവുകയും ചെയ്തു.
ചാനൽ അവതാരകർക്കും ഇടക്കൊക്കെ ഇങ്ങനെ പണി കിട്ടുന്നത് നല്ലതാണ്. പൊളിട്രിക്സ്, ധിം തരികിട തോം, തിരുവാ എതിർവാ, വികടകവി തുടങ്ങി പല പേരുകളിലുള്ള പ്രോഗ്രാമുകളുടെ ആകെത്തുക രാഷ്ട്രീയ നേതാക്കളുടെയും പൊതുപ്രവർത്തകരുടെയും പച്ചയിറച്ചി തിന്നുകയാണ്. ആവുന്നത്ര മസാലയും മ്യൂസിക്കും എഡിറ്റിങ്ങും കട്ടിംഗും നടത്തി പൊതുരംഗത്തുള്ളവരെ കോമാളികളാക്കി കയ്യടി നേടുകയാണ് ഈ പരിപാടികളുടെയെല്ലാം പൊതുവായ പാറ്റേണ്. പലപ്പോഴും ഇത്തരം പരിപാടികളിലെ എഡിറ്റിംഗുകളും അവതരണ രീതിയും സാമാന്യ മര്യാദയുടെ എല്ലാ സീമകളും ലംഘിക്കുന്നതാണ്. സിനിമകളിലെ കോമാളി രംഗങ്ങളും സംഭാഷണങ്ങളും കൂട്ടിച്ചേർത്ത് രാഷ്ട്രീയ നേതാക്കളുടെ ക്ലിപ്പിംഗുകൾക്കുള്ളിലേക്ക് തിരുകിക്കയറ്റുകയാണ് പൊതുവെ അവലംബിക്കുന്ന രീതി. സ്വാഭാവികമായും കാണുന്നവരൊക്കെ ചിരിച്ചു പോകും. പക്ഷേ ഒരാളെ ഇങ്ങനെ കളിയാക്കി മറ്റുള്ളവരെ ചിരിപ്പിക്കുമ്പോൾ കളിയാക്കപ്പെടുന്നവരുടെ മാനസികാവസ്ഥ എന്തെന്ന് പരിപാടി തയ്യാറാക്കുന്ന മാധ്യമ പ്രവർത്തകർ ഓർത്തുകൊള്ളണമെന്നില്ല. പക്ഷേ ഇത്തരം ഒന്നോ രണ്ടോ ക്ലിപ്പുകൾ കൃഷ്ണരാജിനെപ്പോലുള്ള ആണ്കുട്ടികൾ ഉണ്ടാക്കിയാൽ മാധ്യമ പ്രവർത്തകർക്കും കളിയാക്കപ്പെടുന്നവന്റെ മാനസിക ശാസ്ത്രം പെട്ടെന്ന് പിടി കിട്ടും. കാലം മാറിയിട്ടുണ്ട്. എഡിറ്റിങ്ങും കട്ടിങ്ങും മീഡിയ സ്റ്റുഡിയോകളിൽ മാത്രമല്ല, നാട്ടുകാരുടെ കയ്യിലുമുണ്ട്. അതുകൊണ്ട് മാധ്യമ പ്രവർത്തകർ ഓർക്കുക.. എല്ലാവർക്കും പണി കൊടുക്കുന്ന നിങ്ങൾക്കും പണി കിട്ടും. വല്ലപ്പോഴും..
Related Posts
ബ്രിട്ടാസേ, ഇജ്ജാണെടാ ആണ്കുട്ടി
വാർത്തവായനക്കിടയിൽ ഓടിയെത്തിയ മകൾ. പതറാതെയമ്മ
വേണു, വീണ, നികേഷ്, വിനു. ആരെയാണ് കാണേണ്ടത്?
ബ്രിട്ടാസ് ഡ്രാമ പ്രദര്ശനം തുടരുന്നു
ReplyDeleteഅതെ.... ചാനൽ "ജീർണലിസ്റ്റുകൾ" ജാഗ്രതൈ !!
ചാനലുകാര്ക്ക് ഒരു വിചാരമുണ്ട് അവര് മാത്രമാണ് വിജിലന്റ് ആയിരിക്കുന്നുളളളൂ എന്ന്.. പ്രേക്ഷകരും വിജിലന്റാണെന്ന് തിരിച്ചറിവ് കൊടുക്കാന് പ്രേക്ഷകന് (കൃഷ്ണരാജിന്) കഴിഞ്ഞിട്ടുണ്ട്. അതുകൊണ്ട് പാവം പ്രേക്ഷകരായ നമ്മള് ആഹ്ലാദിപ്പിന് ആഘോഷിക്കിന്...
ReplyDelete"മേം" കര്ത്താവായി വരുമ്പോള് "ഹും" വക്കണം....!!!
ReplyDeleteഎന്ത് കൊണ്ടാണ് മലയാളികളും തമിഴന്മാരും നമ്മുടെ ദേശീയ ഭാഷയില് ഇത്ര പിന്നോക്കം പോയത്... ??
എന്റെ അറിവ് ശരിയാണെങ്കില് ബാക്കി ഒരു മാതിരിപ്പെട്ട എല്ലാ സംസ്ഥാനത്തെ ജനങ്ങളും അത്യാവശ്യം ഹിന്ദി കൈകാര്യം ചെയ്യാന് കഴിയുന്നവരാണ്
Rahimon, ഇവിടെ കര്ത്താവും ക്രിയയുമെല്ലാം അവതാരകനായിരുന്നു :). ഹിന്ദി അറിയാത്തതിന്റെ കുഴപ്പമായിരുന്നില്ല. ലൈവായി ഇരിക്കുമ്പോള് വേണ്ടാത്തിടത്തെക്ക് വെറുതെ വിളിച്ച് അലമ്പുണ്ടാക്കിയതിന്റെ പ്രശ്നമായിരുന്നു.
Deleteസ്കൂളിൽ പോയി നാലക്ഷരം പഠിക്കേണ്ട സമയത്ത് സഖാക്കന്മാരുടെ പുറകെ സമരം കളിച്ചു നടന്നാൽ ഇങ്ങനിരിക്കും.... മേ കർത്താവായി വരുമ്പോൾ ഹാ... ഹീ...ഹോ... ഒക്കെ ആയി പോകും.... പറഞ്ഞിട്ട് കാര്യമില്ല....
DeleteREMIX AND YOUR POST ARE GREAT...!! LOT OF KERALATES ARE FACING LACK OF OTHER LANGUAGE KNOWLEDGE. !!
ReplyDeleteബാക്കി എല്ലാ കാര്യത്തിലും ഉഷാര് ആണെന്നാണ് വിചാരം..
ReplyDeleteപക്ഷെ അത്യാവശ്യം വേണ്ട ഹിന്ദി "തോട തോട മാലൂം "
ഹഹ "മെഹര് തരാര്ജി കോ മിലേഗാ "
എന്റെ പൊന്നൂ കൊല്ല് കൊല്ല്
ചമ്പൂര്ന്ന ചാച്ചരതാ...
ഉസ് ബെവകൂഫ് കോ നാരിയല് കാ പാനി ദേ ദോന ....
അവന്റെ മിലേഗാ ചോദ്യം കേട്ടപ്പോള് ഞാന് മനസ്സില് പറഞ്ഞു. മിലേഗാ മിലേഗാ.. വേഗം ചെല്ല്... :P
Deletehahaha
Deleteകൈരളി ആയതു കൊണ്ടല്ലേ ഭഷീര്ക്കക്ക് ഇത്ര ആവേശം. മറ്റെന്തെങ്കിലും ചാനൽ ആയിരുന്നെങ്കിൽ ഈ പോസ്റ്റ് ഉണ്ടാകുമയിരുന്നോ
ReplyDeleteഈ വഴി ആദ്യമായി വരികയാണെന്ന് തോന്നുന്നു. ഏതായാലും 'ഭഷീര്ക്ക'യെ ഞാന് വിവരം അറിയിച്ചോളാം
Deleteബ്ലോഗ് പുലികളൊക്കെ കൈരളിക്കു എതിരെ എഴുതാൻ കിട്ടിയ സന്ദര്ഭം മുതലാക്കി എന്ന് പറയാം. വല്ലിക്കുന്നിനു പിന്നാലെ ബെര്ളിയും ഒരു വളിപ്പൻ പോസ്റ്റ് ഇട്ടു. നിങ്ങള്ക്കൊന്നും വേറെ വിഷയങ്ങള ഇല്ലേ എഴുതാൻ. നിങ്ങളുടെ എഴുത്ത് കൊണ്ട് കൈരളിക്കു ഒരു ചുക്കും സംഭവിക്കില്ല. അത് ജനങ്ങളുടെ ചാനലാണ്
Delete"പാർടി"യെയും "പാർടി"മാധ്യമങ്ങളെയും തകർക്കുന്ന ബഷീറിനെ പോലെയുള്ള ബൂർഷ്വാ മൂരാച്ചികളെ തിരിച്ചറിയുക സഖാക്കളെ...
Deleteപോസ്റ്റ് കലക്കി ബഷീര്ക്ക. ചരിത്രത്തില ആധ്യമായാനെന്നു തോന്നുന്നു കൈരളി ഒരു ബ്രേക്കിംഗ് ന്യൂസ് കൊടുത്തത്. അത് നൂറ്റൊന്നു തവണ പറഞ്ഞു അവർ തന്നെ ചളമാക്കി
ReplyDeletespecial congratulation for krishnaraj for the remix
ReplyDeleteavatharakante facebook update
ReplyDeleteLal Mele Attinkara
22 January
Thanks to the thousands who healthily as well as other wise appreciated my presentation in 'People' on 'sunanda pushkar's death'. Hope that those who share and abuse the clipping on the question to Mehar Tharar may search and find time to watch the 3 hour long discussion over the issue on the night 'People' created history by breaking the news internationally. However I enjoy all those comments.
Yes.. അദ്ദേഹത്തിന്റെ ഈ അപ്ഡേറ്റ് ഞാനും കണ്ടു. എല്ലാവരെയും കളിയാക്കുന്ന മാധ്യമ പ്രവർത്തകർക്കും തിരിച്ചു പണി കിട്ടും എന്ന് കാണിക്കാൻ വേണ്ടി മാത്രം ഇട്ട പോസ്റ്റാണ് ഇത്. ഡോ. ലാലിന്റെ ഫോണ് വിളി അതിനൊരു കാരണമായി എന്ന് മാത്രം. അദ്ദേഹവുമായി വ്യക്തിപരമായി യാതൊരു വിരോധവും ഇല്ല. ഈ അപ്ഡേറ്റ് കണ്ട ശേഷം ഫേസ്ബുക്കിലൂടെ ഞാൻ ഒരു ഫ്രണ്ട് റിക്വസ്റ്റ് അയച്ചു. അദ്ദേഹം അത് അക്സപ്റ്റ് ചെയ്യുകയും ചെയ്തു. I think, he takes all sort of criticisms on a very positive mode..
Deleteപാക്കിസ്ഥീനിറെ ഭാഷ ഹിന്ദി അല്ലല്ലോ ഭായേജാന്
ReplyDelete"എ media person form india" ഹഹ്ഹ ചുമ്മാ കോമഡി സ്റ്റാര് കണ്ടു അരമണിക്കൂര് വേസ്റ്റ് ആക്കിയ സമയം അത് കണ്ടാല് മതിയായിരുന്നു ..:)
ReplyDelete''നികേഷ് ഡസ്കിന്റെ മുകളിലേക്ക് അപ്പോൾ ചാടിക്കയറും എന്ന് എനിക്ക് തോന്നി'' ഹ ഹ...കലക്കി :)
ReplyDeleteമെഹർ തരാരിനെ മിൽകിയിരുന്നെങ്ങിൽ എന്തായിരിക്കും അവൻ ചോദിക്കുക can you imagine ?
ReplyDeleteRe-mix is super. please pass a congrats to him. Also try to post his details here.
ReplyDeleteകൃഷ്ണരാജിനെക്കുറിച്ച് കൂടുതൽ എനിക്കും അറിയില്ല. This is his youtube page http://www.youtube.com/user/Krishnaraajmusic
Deleteവിമര്ശനം നന്നായി. പക്ഷേ അതിന് എരിവ് കൂട്ടാനായി ഏതോ നമ്പറില് വിളിച്ച്... എന്നൊക്കെ എഴുതുന്നത് ശരിയാണോ? വിളിച്ചത് ഡെയ്ലി മെയിലിന്റെ ഓഫീസിലേക്കാണ്. ഫോണെടുത്തയാള് അത് സമ്മതിക്കുന്നുമുണ്ട്. പക്ഷേ, ഇങ്ങേരുടെ ഹിന്ദിയാണ് പുള്ളിക്കാരന് മനസ്സിലാവാത്തത്. അതെങ്ങനെ, ഇന്ത്യയിലെയും പാകിസ്താനിലെയും ഹിന്ദി തമ്മില് വലിയ വ്യത്യാസമുണ്ടെന്ന കാര്യം കൈരളിയിലെ ഹിന്ദി വാധ്യാര് മറന്നു കാണും :)
ReplyDeleteAthentha aa vyathyaasam...
Deleteivane okke nalla pulivaaral kondu chanthikku adichu oodikkanam
ReplyDeleteദേ, വന്നല്ലോ വനമാല.....! എന്തേ വരാത്തു വരാത്തു എന്നോർത്തു ഇരിക്കുകയയിരുന്നൂ.....ഇനി, തിരൂര് പച്ച ബിരിയാണിക്ക് രണ്ടു കോയീനെ ബെട്ടിയ കഥേം കൂടി പറയിൻ....!!!
ReplyDeleteഹം തറാർ കാ ഫ്രണ്ട് ഹൂം.
ReplyDelete"മേം" കര്ത്താവായി വരുമ്പോള് "ഹും" വെച്ചില്ലെങ്കിൽ TV കാണുന്നവർ "ആപ്പ്" വെക്കും..!
ReplyDeletedaivame..chirikathe vayya....
ReplyDeleteകൃഷ്ണ രാജിന് ഒരുഗ്രന് സല്യൂട്ട്
ReplyDeleteഅയാള് പറഞ്ഞതിൽ എന്താ 'താറാർ'?
ReplyDeleteപൊളിട്രിക്സ്, ധിം തരികിട തോം, തിരുവാ എതിർവാ, വികടകവി തുടങ്ങി പല പേരുകളിലുള്ള പ്രോഗ്രാമുകളുടെ ആകെത്തുക രാഷ്ട്രീയ നേതാക്കളുടെയും പൊതുപ്രവർത്തകരുടെയും പച്ചയിറച്ചി തിന്നുകയാണ്. ഇപ്പറഞ്ഞ ഇറച്ചി തീറ്റ താങ്കളും കണ്ടു രസികുന്നതല്ലെ? രാഷ്ട്രീയകാർ കോമാളികളെകളും തരാം താഴുന്നത് ചാനലിൽ കാണിക്കുന്നതാണോ തെറ്റ് ?...
ReplyDeleteപെട്ടെന്നുണ്ടായ ഒരു സംഭവത്തെകുറിച്ചുള്ള ഒരു ലൈവ് ചർച്ചയിൽ പ്രസക്തമായ ഒരു ചോദ്യമെങ്കിലും ചൊദികാനൊ, അഭിപ്രായം പറയണോ ( ഹിന്ദിയും ഇങ്ങ്ലിഷുമൊന്നും വേണ്ട മലയാളത്തിൽ ) ബഷീര് അടക്കമുള്ള സൈബര് മാധ്യമ വിമർശകരെകൊണ്ട് സധികുമൊ? കൈരളി അവതരകനു അന്ന് മെഹർ തരാറിന്റെ പ്രതികരണം കിട്ടിയിരുന്നെങ്കിൽ ? കൈരളി ഒരു ശ്രമം നടത്തി പക്ഷെ പരാജയപെട്ടു... അത്രേയുള്ളൂ
ReplyDelete