മുമ്പേ ജനലക്ഷങ്ങളുടെ ഡിയര്‍ ആയിരുന്ന ജഗതി ശ്രീകുമാര്‍ ഇന്നലെ മുതല്‍ വെരി വെരി ഡിയര്‍ ആയിരിക്കുകയാണ്. സിക്കിം ഭുട്ടാന്‍ ലോട്ടറിയുടെ പരസ്യത്തില്‍ നിന്ന് പിന്മാറുകയാണെന്ന് പ്രഖ്യാപിച്ചു കൊണ്ടാണ് പുള്ളി നമ്മുടെ ഡിയറസ്റ്റ്‌ ആയിരിക്കുന്നത്. അവരു കൊടുത്ത ചെക്ക് ക്യാശായി അക്കൌണ്ടില്‍ വന്നത് കൊണ്ട് ഇനി പിന്മാറിയാലും കുഴപ്പമൊന്നുമില്ല എന്ന ലൈനിലാണോ ഈ തീരുമാനമെന്ന് സംശയിക്കുന്നവര്‍ ഉണ്ടാവും. പക്ഷെ അദ്ദേഹത്തിന്റെ ഉദ്ദേശ ശുദ്ധിയില്‍ വിശ്വസിക്കാനാണ് എനിക്കിഷ്ടം.
ഈ രണ്ടു ലോട്ടറികളും തനി തട്ടിപ്പാണെന്ന് ഇന്നലെ രാവിലെ കൃത്യം ഏഴു മണിക്ക് അദ്ദേഹത്തിന് ബോധ്യം വന്നപ്പോള്‍ ഉടനെ പരസ്യത്തില്‍ നിന്ന് പിന്മാറാനുള്ള അന്തസ്സ് അയാള്‍ കാണിച്ചു. ഇതിനാണ് നമ്മള്‍ സാമൂഹ്യ ബോധം, സംസ്കാരം എന്നൊക്കെ പറയുന്നത്. പരസ്യം കൊണ്ടുള്ള ഫലം സമൂഹത്തില്‍ വന്നു എന്ന് ഉറപ്പായിക്കഴിഞ്ഞ ശേഷം അത് പിന്‍വലിക്കുവാന്‍ കാണിക്കുന്ന ഈ മഹാമനസ്കതയെ നമ്മള്‍ അഭിനന്ദിച്ചേ തീരൂ!!. വൈകിട്ടെന്താ പരിപാടി എന്ന് ചോദിച്ച നമ്മുടെ മറ്റേ പുള്ളി ഈ ലൈനില്‍ ഒരു തീരുമാനം എടുക്കുമോ? കുടിയുടെ കാര്യത്തില്‍ മലയാളികളെ സ്വയം പര്യാപ്തരാക്കാന്‍ വേണ്ടി അധ്വാനിച്ചവരെ ചരിത്രം രേഖപ്പെടുത്തുമെങ്കില്‍ അതില്‍ മോഹന്‍ലാലിന്റെ പേരും കാണും. വൈകിട്ടത്തെ പരിപാടി മോശമാക്കരുത് എന്ന അദ്ദേഹത്തിന്റെ ഒസിയ്യത്ത് ചാലക്കുടിക്കാര്‍ മാത്രമല്ല കേരളം മുഴുവന്‍ ഉള്‍ക്കൊണ്ടു കഴിഞ്ഞതായാണ് “ഹാപ്പീ ഓണം ഷാപ്പീ പോണം” റിപ്പോര്‍ട്ടുകള്‍ സൂചിപ്പിക്കുന്നത്. അമേരിക്കക്കാരുടെ ശരാശരി കുടിയെക്കാള്‍ എത്രയോ ഉയരത്തില്‍ നമ്മള്‍ മലയാളികള്‍ എത്തിക്കഴിഞ്ഞു. (അമേരിക്കേ, കളി മലയാളികളോട് വേണ്ട ട്ടാ... ഞങ്ങളെ പറ്റി കൂടുതല്‍ അറിയാന്‍ താല്പര്യം ഉണ്ടെങ്കില്‍ ശ്രീമതി ടീച്ചറെ ഒന്നുകൂടെ അങ്ങോട്ടയക്കാം. )
ഓണത്തിന് ചാലക്കുടിക്കാര്‍ റെക്കോര്‍ഡ്‌ ഇടുമെങ്കില്‍ അടുത്ത പെരുന്നാള്‍ വരട്ടെ കാണിച്ചു തരാമെടാ എന്ന മട്ടില്‍ തിരൂര്‍ക്കാരും പൊന്നാനിക്കാരും തയ്യാറായി നില്‍പ്പുണ്ട്. ക്രിസ്തുമസ്സിന് ഒരു റെക്കോഡ്‌ കിട്ടാന്‍ പാലായിലെ അച്ചായന്മാരും ശ്രമിക്കും. ചുരുക്കത്തില്‍ മോഹന്‍ ലാലിന് മാത്രമല്ല, നമ്മള്‍ മൊത്തം കേരളീയര്‍ക്കും അഭിമാനിക്കാവുന്ന അവസ്ഥയാണ് കുടിയുടെ കാര്യത്തില്‍ ഉണ്ടായിരിക്കുന്നത്. ഇനി ആ പരസ്യം ഇല്ലെങ്കിലും കേരളീയര്‍ കുടിയുടെ മത സൗഹാര്‍ദ്ദം കാത്തുസൂക്ഷിക്കും എന്നുറപ്പാണ്. അതുകൊണ്ട് ജഗതി ചെയ്തത് പോലെ ആ പരസ്യം പിന്‍വലിക്കുവാന്‍ ലാലേട്ടന്‍ ശ്രമിക്കണം. മുഴുവന്‍ തുകയും അക്കൌണ്ടില്‍ എത്തി എന്ന് ഉറപ്പാക്കിയ ശേഷം ഒരു ചെറിയ പത്ര സമ്മേളനം നടത്തുകയും വേണം. ബ്ലീസ്..
ഈ ഒരു ലൈന്‍ കൈരളി ടീവിക്കും പരീക്ഷിക്കാവുന്നതാണ്. കഴുത്തറപ്പന്‍ ലോട്ടറിയുടെ ലൈവ് കവറേജ് കൊടുത്ത് കൊണ്ടിരിക്കുന്നത് അവരാണ്. ഈ ലൈവ് എസ്ക്ലൂസീവ്‌ ആയതിനാല്‍ ഏഷ്യാനെറ്റ്, ഇന്ത്യാവിഷന്‍ തുടങ്ങിയവര്‍ ഏലസ്സ്, നസര്‍ സുരക്ഷ കവചം തുടങ്ങിയ സാമൂഹ്യ പ്രവര്‍ത്തനങ്ങളുമായാണ് അഡ്ജസ്റ്റ്‌ ചെയ്തു പോവുന്നത്. ലോട്ടറി റിസല്‍ട്ടിന്റെ ലൈവ് കവറേജ് വേണ്ടെന്ന് വെക്കുന്നതോട് കൂടി കൈരളിയിലെ അഴിച്ചുപണിക്കാരന് ഫുള്‍ വോളിയത്തില്‍ ഒരു അപനിര്‍മിതി നടത്താനും അല്പം സുവിശേഷം പ്രസംഗിക്കുവാനും ചാന്‍സ് കിട്ടും. സഖാവ് അഴീക്കോട് ചേട്ടനെക്കൊണ്ട് രണ്ടു ഡയലോഗും ബ്രിട്ടാസിന്റെ ഒരു അഭിമുഖവും ആയാല്‍ മാര്‍ക്സ്‌ പറഞ്ഞ വര്‍ഗ സമരം വിളമ്പാന്‍ റെഡി. അതോടെ കേരളത്തിന്റെ സാംസ്കാരിക മണ്ഡലത്തില്‍ കൈരളി നിത്യപ്രതിഷ്ഠ നേടുകയും ചെയ്യും. ലോട്ടറിയുടെ പരസ്യം വേണ്ടെന്ന് വെച്ച് ഈ വിഷയത്തില്‍ എല്ലാവര്ക്കും മാതൃക കാണിച്ച ജഗതി ശ്രീകുമാറിന്റെ ഒരു പൂര്‍ണകായ പ്രതിമ (കാക്ക തൂറാതിരിക്കാന്‍ ഒരു ഭൂട്ടാന്‍ തൊപ്പി സഹിതം) തിരോന്തരം സെക്രട്ടേറിയറ്റ് ജംഗ്ഷനില്‍ വെക്കണമെന്ന് ബ്ലോഗ് ഫുലിയായ ഞാന്‍ കേരള സര്‍ക്കാരിനോട് അഭ്യര്‍ത്ഥിക്കുന്നു. മോഹന്‍ ലാലിനും കൈരളി ടീവിക്കും എന്റെ ബിലേറ്റഡ് ഓണാശംസകള്‍.
"അടുത്ത പെരുന്നാള്‍ വരട്ടെ കാണിച്ചു തരാമെടാ എന്ന മട്ടില്‍ തിരൂര്‍ക്കാരും പൊന്നാനിക്കാരും തയ്യാറായി നില്‍പ്പുണ്ട്."
ReplyDeleteറംസാന്‍ ആയതു കൊണ്ട് ഈ ഓണത്തിന് ഞങ്ങള്‍ തിരൂര്‍ ക്കാര്‍ക്ക് perform ചെയ്യാന്‍ കഴിഞ്ഞില്ല. റംസാന്‍ ഒന്ന് കഴിയട്ടേ, കാണിച്ചു തരാം performance.
ബഷീര്ക വിട്ടെരേ.. ഞങ്ങള്‍ നന്നാവില്ല.
ചെയ്യുന്ന തൊഴിലിനോട് ഇല്ലാത്ത പ്രബുദ്ധതയൊന്നും
ReplyDeleteഇത്തരക്കാര്‍ക്ക് ഈ രം‌ഗത്തും ഉണ്ടാവാന്‍ വഴിയില്ല.
അതിനു തെളിവാണല്ലോ കോള-മദ്യം-സിഗററ്റ് പരസ്യരം‌ഗത്തെ
സെലിബ്രെറ്റി സാന്നിദ്ധ്യം.
നല്ല കഥാപാത്രങ്ങള്‍ക്കും സിനിമക്കും വേണ്ടി പല വിട്ടുവീഴ്ചകളും ചെയ്തിരുന്ന നമ്മുടെ
നല്ല നടന്മാരായ ഈ സൂപ്പര്‍ താരങ്ങള്‍ സമീപ കാലത്ത് ചെയ്തിരിക്കുന്ന പല
വേഷങ്ങളും കനത്ത പ്രതിഫലത്തിനോടുള്ള ആര്‍ത്തി മൂത്തു മാത്രമാണെന്ന് മനസ്സിലാക്കാന്‍
അധിക ബുദ്ധിമുട്ടില്ല.
ചേരാത്ത ചെറുപ്പ വേഷങ്ങളും പാണ്ടി സ്റ്റൈല്‍ കഥയും കോമാളി വേഷങ്ങളും ഇവര്‍ കെട്ടിയാടുന്നത്
പരമാവധി ഈ രം‌ഗത്ത് പിടിച്ചു നില്‍ക്കാന്‍ വേണ്ടി മാത്രമാണു.
ഒരു നവ തരംഗം ആഞ്ഞടിക്കേണ്ട സമയം അതിക്രമിച്ചിരിക്കുന്നു എന്ന് നല്ല ബോധ്യം ഇവര്‍ക്കുണ്ട് എന്നതിനു തെളിവാണു ഇവര്‍ പിന്താങ്ങുന്ന ഫാന്‍സ്അസോസിയേഷനുകള്‍ക്ക് സമീപകാലത്തുണ്ടായ പുത്തനുണര്‍‌വ്വ്.
ഇത്തരം വിഷയങ്ങളില്‍ "ങാ..നോക്കട്ടെ.." എന്നൊരു അഴകൊഴമ്പന്‍ മറുപടിയല്ലാതെ ഒരുറച്ച തീരുമാനം എടുക്കാന്‍ ലഷങ്ങളും കോടികളും പ്രതിഫലം വാങ്ങുന്ന ഇവര്‍ ഒന്നു മടിക്കും എന്നകാര്യത്തില്‍ ആര്‍ക്കും സംശയം വേണ്ട.
സാക്ഷിക്കെന്താ മൂക്കുണ്ടോ..?
ReplyDeleteസാക്ഷിക്കു ചെവിയുണ്ട്
അപ്രിയ അസത്യത്തിന്‍റെ കണ്ണ്
അല്ല പിന്നെ...!!
ഇനി ജഘതി പരസ്യമോ മോഹന്ലാല് പരസ്യമോ ഞങ്ങള്‍ക്ക് ഒരു പ്രശ്നമല്ല ഞങ്ങള്‍ കുടിക്കും മരിക്കും, മരിച്ചാല്‍ ഷാപ്പില്‍ അല്ലെങ്ങില്‍ പനയുടെ ചുവട്ടില്‍ ഞങ്ങളെ കുഴിച്ചുമൂടാന്‍ മറക്കരുത് മാലോകരേ, (റീത് വെക്കുന്നവര്‍ കുപ്പി വെച്ചാല്‍ മതി), മരിച്ചാലും അതിന്ടെ നീര്‍ കുടിച്ചു കഴിയാമല്ലോ.
ReplyDeleteനിങ്ങള്ക്ക് ഞങ്ങളോട് ചെയ്യാന്‍ അതെങ്കിലും കഴിയട്ടേ.
റഷീദ് ഉഗ്രപുരം
ബഷീര്‍ ഭായ് ഇവര്‍ക്കും വേണ്ടേ ഒരു തൊഴി(ല്‍)
ReplyDeleteബഷീര്‍ ഭായ് ഇവര്‍ക്കും വേണ്ടേ ഒരു തൊഴി(ല്‍)
ബഷീര്‍ ഭായ് ഇവര്‍ക്കും വേണ്ടേ ഒരു തൊഴി(ല്‍)
ബഷീര്‍ ഭായ് ഇവര്‍ക്കും വേണ്ടേ ഒരു തൊഴി(ല്‍)
ബഷീര്‍ ഭായ് ഇവര്‍ക്കും വേണ്ടേ ഒരു തൊഴി(ല്‍)
എന്തൊക്കെ പറഞ്ഞാലും ആളുകളെ കൂടുതല്‍ കുടിപ്പിച്ച് ലാലും, ലക്ഷം ലക്ഷം പറഞ്ഞു ജനങ്ങളെ കൊതിപ്പിച്ചു ജഗതിയും കര കയറിയല്ലോ. ആളുകള്‍ മൊത്തം കര കാണാതെ വെള്ളത്തില്‍ കിടന്നിട്ടാണെങ്കിലും വിപ്ലവം ജാതി മത വ്യതാസമില്ലാതെ ഒഴുകിപ്പരക്കുമ്പോള്‍ പിണറായി കൈരളിക്കും തിരിച്ചും ഡിയര്‍ ആവുന്നില്ലേ. ഈ വിപ്ലവം എങ്ങിനെയാണ് വരിക എന്ന് പ്രവചിക്കാന്‍ കഴിയില്ല എന്ന് ഏങ്കല്‍സ്‌ പണ്ടേ പറഞ്ഞിട്ടുള്ളതാണ്. ഇപ്പൊ, സിക്കിം ലോട്ടറി എടുത്തിട്ടു കോടി കിട്ടാതെ ഹതാശരായ തൊമ്മനും, മമ്മദും കുമാരനും വൈകീട്ടുള്ള പരിപാടിയില്‍ ഒന്നിച്ചിരുന്നു വെള്ളമടിച്ചു ദുഖമകറ്റുന്നത് ഒരു വിപ്ലവ പ്രവര്‍ത്തനമല്ല എന്ന് പറയാനൊക്കുമോ? പ്രതിവിപ്ലകാരികള്‍ക്കും അപ്പുക്കുട്ടന്‍ വള്ളിക്കുന്നിനും മാത്രമേ അങ്ങിനെ പറയാന്‍ കഴിയൂ.
ReplyDeleteഒരു പത്രപ്രവര്‍ത്തകന്റെ ചൂരും ചുടിയും പോസ്റ്റില്‍ വന്നിട്ടുണ്ടെങ്കിലും.
ReplyDeleteവള്ളിക്കുന്ന് പഞ്ച് ഇത്തിരികുറവല്ലേയെന്ന് സംശയം.
മദ്യപാനം ഒരു സാമൂഹികവിപത്തായി മാറിയിരിക്കുന്നു.(11 വര്‍ഷമായി മദ്യപാനം നിര്‍ത്തിയിരിക്കുന്നതിനാല്‍ ഇതൊക്കെ ഇപ്പോള്‍ പുരപ്പുറത്ത് കയറി എനിക്ക് പറയാമല്ലോ)
'എല്ലാവര്ക്കും മാതൃക കാണിച്ച ജഗതി ശ്രീകുമാറിന്റെ ഒരു പൂര്‍ണകായ പ്രതിമ (കാക്ക തൂറാതിരിക്കാന്‍ ഒരു ഭൂട്ടാന്‍ തൊപ്പി സഹിതം) തിരോന്തരം സെക്രട്ടേറിയറ്റ് ജംഗ്ഷനില്‍ വെക്കണമെന്ന് ബ്ലോഗ് ഫുലിയായ ഞാന്‍ കേരള സര്‍ക്കാരിനോട് അഭ്യര്‍ത്ഥിക്കുന്നു."
ReplyDeleteബഷീര്‍ക്ക ചിരിപ്പിച്ചു
എന്തായാലും വി. എസ്. വച്ച വെടിക്ക് ഇപ്പൊ എത്രയാ പക്ഷികള്‍. പക്ഷെ ഇതുകൊണ്ടൊന്നും ബ്രിടാസ് കിളി വീഴില്ല. .....ലവന്‍ ആള് വേറെയാ
ReplyDeleteപിന്നെ ജഗതിയും ലാലും " കൊക്ക് എത്ര കുളം കണ്ടതാ"
സ്വര്‍ണത്തിന്റെ വില ഇങ്ങിനെ കേറുകയാണ് എങ്കില്‍ ലാലിന് വെറും " beauty meets quality" മാത്രം പോരെ
നമ്മള്‍ മാപ്പിളമാര്‍ മാത്രം പോരെ, 100 ഉം 200 ഉം കൊടുത്തും വാങ്ങിയും അവരെ പരിപോഷിപ്പിക്കാന്‍
സമൂഹത്തിനു ഗുണമില്ലാത്തതും എന്നാല്‍ ദോഷമുള്ളതുമായ പരസ്യങ്ങളില്‍ ഇനി അഭിനയിക്കില്ലെന്ന് പറഞ്ഞ ജഗതീ താങ്കള്‍ക്കു അഭിവാദ്യങ്ങള്‍ .ആ തീരുമാനത്തില്‍ ഉറച്ചു നില്‍ക്കാന്‍ താങ്കള്‍ക്കു കഴിയട്ടെ .ജഗതി ചെയ്തത് പോലെ എലാവരും തുടങ്ങിയാല്‍ ഈ നാടിന്റെ ഗതി എന്താകും മോഹന്ലാല് എങ്ങാനും ഇത് പോലെ ചെയ്താല്‍ കുടിയന്മാര്‍ എന്ത് ചെയ്യും,സ്വര്‍ണം വാങ്ങുന്നവര്‍ എന്ത് ചെയ്യും?കേരളം മൊത്തം നന്നായിപ്പോകും.പടച്ചോനേ ഇങ്ങള് കാത്തോളീ .......
ReplyDeletegreed of money is behind these type of advertisements. superstars are no exemption. nice post.
ReplyDeleteഒരു ഓഫ്‌:ബഷീര്‍ജി (ഇക്ക എന്ന് വിളിചാല്‍ കിക്കും എന്നറിയാം). ബഷീര്‍ ഇന്നിടും നാളെയിടും എന്നുകരുതി വെറുതെ മോഹിച്ചു. വേറൊന്നുമല്ല നമ്മുടെ ഇഞ്ചി ക്രിഷിയേ... ഇപ്പോള്‍ മനസ്സിലായി മഅദനിയുടെ 'ക്രിഷിയെ' പറ്റി മാത്രമേ പോസ്റ്റുകയുള്ളൂ. അല്ലെങ്കില്‍ ഈയിടെ നമ്മുടെ ആഭ്യന്തരണ്റ്റെ നിര്‍ദ്ദേശം ഇങ്ങനെ അവഗണിക്കില്ലായിരുന്നു. "കാവി ഭീകരത" രാജ്യം നേരിടുന്ന പ്രധാന പ്രശനമാണെന്ന് പറഞ്ഞ്പ്പോഴേക്കും കണ്ടില്ലേ എല്ലാ 'മതേതരരും' ഒന്നിച്ച്‌ രാജ്യസഭ സ്തംഭിപ്പിച്ചു! ലോക്സഭ നിലച്ചു!! ചിദംബരത്തിനെ എത്തമിടീച്ചു. എന്തെല്ലാം സംഭവബഹുലമായ ദിവസങ്ങളാണു കടന്നു പോയത്‌. എല്ലാം നശിപ്പിച്ചില്ലേ, താങ്കള്‍ ജഗതിയുടെയും മോഹന്‍ലാല്ലിണ്റ്റെയും പിറകേ പോയില്ലേ...... കഷ്ടം.
ReplyDeleteDear Basheer bahi,
ReplyDeleteFake lottery mafia loots annually around Rs. 15,000 crores from Kerala. Some journalists use the term 'other state' lottery while referring to Bhutan and Sikkim. They got it from Achu and Thomas Issac. Bhutan is a sovereign republic. There were reports about Indian expatriates' Independence day celebration there. Even Switzerland has an embassy there.
Fifteen years ago, it was other state lottery trade in Kerala. Remember 80's and 90's. Then Several Indian states like West bengal, Rajasthan, Maharasthra, Karnataka and Tamil nadu etc. sold their tickets in Kerala. This is something different. You can say day light robbery of Keralites by Achu and company. Some people wants to spare Hon'ble Kerala chief minister Achuthannadan from the controversy. This cannot be justified. He is the leader of the Cabinet. He rules the state. All other minsters and department secretaries has to obey him. During the past four years and plus he led in all 'developmental activities' like selling fake lottery tickets in the state.
DMK ruled Tamil nadu and BJP ruled Karnataka banned all type of lotteries. Why not Kerala?
Now only Achu started weeping and repenting about the consequences of lottery addiction. This either shows his inefficiency or his involvement in the whole affair.
You missed one point. Not only Jagathi, Maonrama daily too stopped accepting Sikkim-Bhutan fake lottery advertisements recently. Just after the publication of the series in MM daily last week. They were getting crores of rupees as advertisement revenue from the Lottery rackets. Great newspaper.
Best wishes
yours
Azeez
MOHANLALINTEY 'VYKEETT' PARASYATHEY MATRAM VIMARSHIKKUNNATHALLEY NALLAT.SWARNAM VAANGUNNAT THETTANO,GOURAVAM KALAYANDA ELLAM VIMARSHICH.MALAPPURATH NADAKKUNNA MADYA VIRUDHA SATYAGRATTILEKK ELLAVARUDEYUM SRADHA UNDAVANAM.IYYACHERY MASTEREY ONN VILIKKUKA ENGILUM CHEYYUKA 09447445452
ReplyDeleteസിക്ക്ക്കിം ലോട്ടറി ക്രമക്കേടിനെക്കുറിച്ച് ഇപ്പോഴല്ലേ പുറത്തുവന്നത്..അതിൽ ജഗതിയുടെ നിലപാട് ശരിയാണ്..
ReplyDeleteഎന്നു കരുതി ലാലേട്ടൻ ഒർജിനൽ ചോയ്സിൽ നിന്നും പിന്മാറണമെന്നു പറയുന്നത് എന്തു ന്യായമാണ് ഹേ?
ഇനി ഇപ്പോൾ ലാലേട്ടൻ പറഞ്ഞാൽ കേരളീയർ മുഴുവൻ കുടി നിർത്തുമോ..
കള്ള് ഒരു ഭാഗ്യപരീക്ഷണമല്ല..കുടിച്ചാൽ തലക്കുപിടിക്കും എന്നുറപ്പൂൾലതുകൊണ്ടാണു ആൾകാർ അത് മേടിക്കുന്നത്..
തട്ടിപ്പ്പരസ്യം നിർത്തണമെങ്കിൽ ആദ്യം ടെലിബ്രാൻഡ് നിർത്തട്ടെ...
>>കഴുത്തറപ്പന്‍ ലോട്ടറിയുടെ ലൈവ് കവറേജ് കൊടുത്ത് കൊണ്ടിരിക്കുന്നത് അവരാണ്. ഈ ലൈവ് എസ്ക്ലൂസീവ്‌ ആയതിനാല്‍ ഏഷ്യാനെറ്റ്, ഇന്ത്യാവിഷന്‍ തുടങ്ങിയവര്‍ ഏലസ്സ്, നസര്‍ സുരക്ഷ കവചം തുടങ്ങിയ സാമൂഹ്യ പ്രവര്‍ത്തനങ്ങളുമായാണ് അഡ്ജസ്റ്റ്‌ ചെയ്തു പോവുന്നത്. << ഇതല്ലെ പ്രധാന വിഷയം?
ReplyDeleteബഷീര്‍ വായനാസുഖം നല്‍കിയ അവതരണം ,പതിവു പോലേ നാം കാണുന്ന ചില കായ്ചകളിലൊന്ന്,അടിവസ്ത്രം കാണുന്ന വിതത്തില്‍ ലുങ്കിയുടെ തായത്തെ അറ്റം ഉയര്‍തി തോളില്‍ തിരുകി വെരുകിനെ പോലെ കള്ള്ഷാപിന്നു മുന്നില്‍ നാലടി മുന്നോട്ടും നാലടിപിന്നോട്ടും നടക്കുന്ന ഒരു മനുഷ്യ രൂപം ഇടതുചെവിയില്‍ നന്നായി ചുരുട്ടിയ ലോട്ടരി എടുത്ത് നിവര്‍ത്തി സ്വയം തന്തയ്ക്ക് വിളിച്ച് അവിടെ തന്നെ തിരുകി ശേഷം ഷര്‍ട്ടിന്റെ കൈ നിവര്‍ത്തി അതില്‍ നിന്നും മുഷിഞ്ഞ് ചുരൂണ്ട രൂപയെടുത്ത് നിവര്‍ത്തി ഒന്നുകൂടി ഉറപ്പിച്ച് അവിടെ തന്നെ തിരുകി കള്ള്ഷാപ്പിലേക്ക് കയറിപ്പോകുന്ന എല്ലാവരോടും ഒരു വളിപ്പന്‍ ചിരിയും ചിരിച്ച് അവര്‍ക് തമ്മില്‍ മനസിലാവുന്ന ഏതോ ഒരദ്ര്ശ്യ ഭാഷ തലകൊണ്ട് സംസാരിച്ച് നില്‍കവേ ഉദ്ദേഷിച്ചവനേ കണ്ടാല്‍ രണ്ട് പേരും കൈയ്യിലുള്ള പണം ഒത്തുനോക്കും തികയില്ല പിന്നെ സംസ്ക്റ്ദത്തിലുള്ള തിരുവചനങ്ങളുടെ മാമാങ്കം ,ഒരാള്‍ കൂടിവേണം മൂനാമന്‍ എത്തിപ്പെട്ടാല്‍ അതൊരു കായ്ചയാണെ ,ആ കാഅയ്ചയ്ക്ക് മുന്നില്‍ ഈ ബ്ലോഗ് വായന വേറും ശിശു ,ലോട്ടറിയെടുത്ത് ഫലം നോകാന്‍ നില്‍കുന്ന നാലുകാലുള്ള നാട്ടാര് ഇടയിലൊന്ന് വാള്‍ വെക്കുന്നതില്‍ മാത്രമേ ലേഷം അസ്വസ്തദയുള്ളൂ എന്നാലും അതും ഒരു സുഖം തന്ന്യാണേ,ലാലേട്ടന്‍ വൈകിട്ട് പരിപാടി നടത്തിയാലും കൂടിയാലും ലാഭം, ജഗതിക്കും എണ്ണാം ,ലാലേട്ടാ ജഗതിയേപോലെ മണ്ടത്തരം കാണിക്കല്ലെ ,വള്ളിക്കുന്നുകളോക്കെ നമുക്ക് ജെസിബികൊണ്ട് ഇടിച്ച് നിരത്തി പോകാമെന്നെ.ജഗതിചേട്ടാമൂരാചീ ഭൂട്ടാന്‍ലോട്ടറി വായട്ടെ,വൈകിട്ടെന്താലാലേട്ടാ അച്ചാറുണ്ടേള്‍ തന്നാട്ടെ,
ReplyDeleteലോട്ടറിയിലും മദ്യത്തിലും മുഴുകി ഒരു ജനത..പരസ്യവുമായി സൂപ്പർസ്റ്റാറുകൾ...പ്രോത്സാ‍ഹനവുമായി ഭരണാധികാരികൾ..
ReplyDeleteസ്കൂളിൽ ലോട്ടറി ടിക്കറ്റ് നിർബന്ധപൂർവ്വം കുട്ടികൾക്ക് അടിച്ചേൽ‌പ്പിക്കുന്ന ഒരു കാലമുണ്ടായിരുന്നു. ഇന്ന് പട്ടിണികിടന്നിട്ടായാലും ലോട്ടറിടികറ്റ് വാങ്ങി സ്വപനം കണ്ടിരിക്കാൻ ആരും നിർബന്ധിക്കേണ്ടതില്ല.
മദ്യനിരോധനം നീക്കിയ, ലോട്ടറി വ്യാപകമാക്കിയ സർക്കാരിന്റെ കൂടെ നടന്നവർക്കും അഭിമാനിക്കാം.. അവർ കൊണ്ടുവന്ന പുരോഗമനങ്ങളിൽ.
ഒരു പക്ഷേ ആ രാഷ്ടീയക്കാർ തന്നെ പരസ്യമോഡലുകളായി വന്നേക്കാംനാളെ. അല്പം കാത്തിരിക്കൂ..
പരസ്യത്തില്‍ അഭിനയിച്ചവര്‍ക്ക് ലോട്ടറി എന്നേ അടിച്ചു കഴിഞ്ഞു. ഇനി അവര്‍ക്ക് പരസ്യം നിര്‍ത്താം. എന്ന് വെച്ചാല്‍ ബ്യുട്ടി മീന്‍സ് കോളിറ്റി.
ReplyDeleteജഗതിക്ക് പരസ്യത്തില്‍ അഭിനയിച്ചു വന്‍ പ്രതിഫലവും ലഭിച്ചു, എന്നിരുന്നാലും അദ്ധേഹത്തിന്റെ വാക്കുകള്‍ മറ്റു നടന്മാര്‍ക്ക് ഒരു മാതൃക തന്നെ യാണ് .
ReplyDeleteമലയാളികള്‍ ഉയര്‍ത്തി കൊണ്ട് വന്ന നടന്‍ എന്നാ നിലക്ക് മോഹന്ലാല് അദ്ധേഹത്തിന്റെ മലയാളികൊലുടോലുള്ള സാമൂഹിക ബാധ്യത യുണ്ട് അത് മദ്യ പരസ്യങ്ങളില്‍ അഭിനയിച്ചു ജനങ്ങളെ തെറ്റായ മാര്‍ഗത്തിലേക്ക് നയിക്കളല്ല മറിച്ചു മദ്യ സക്തിയില്‍ മുങ്ങി പോയ കേരള ജനതയെ കര കയറ്റാനാണ് ശ്രമിക്കേണ്ടത് .. മോഹന്ലാല് എന്നാ നടനെ സ്നേഹിക്കുന്ന ആളുകള്‍ ജഗതി യുടെ വാക്കുകള്‍ പോലെ മോഹലാളില്‍ നിന്നും പ്രതീക്ഷിക്കുന്നുണ്ട്.
@ COT Azeez
ReplyDeleteലോട്ടറി വിഷയത്തില്‍ കണക്കുകള്‍ ഉദ്ധരിച്ചുള്ള താങ്കളുടെ വിശകലനം നന്നായി. ഈ വിഷയകമായി ഇന്നലെ മലയാളം ന്യൂസില്‍ വന്ന നിങ്ങളുടെ ലേഖനം വായിച്ചിരുന്നു. അച്ചുമാമന് അങ്ങനെ കൈ കഴുകാന്‍ കഴിയില്ല എന്നത് വാസ്തവം. ആര്‍കും പിടി കൊടുക്കാതെ ഒരു തരം വരാല്‍ ടൈപ്പ് ഭരണമാണ് അദ്ദേഹം നടത്തുന്നത്. ഭരണത്തിന്റെ തലപ്പത്ത് ഇരിക്കുമ്പോഴും ഒന്നിലും ഉത്തരവാദിത്വമില്ല എന്ന മട്ടില്‍ കൈ കഴുകുന്ന ഒരു രീതിയാണ് തുടക്കം മുതലേ പുള്ളി സ്വീകരിച്ചു വരുന്നത്. ലോട്ടറിയുടെ പേരില്‍ ഇത്തരം ഒരു പകല്‍ കൊള്ള നാട്ടില്‍ നടക്കുമ്പോഴും പത്രസമ്മേളനത്തില്‍ മിമിക്രി കാണിച്ചു ഇരിക്കുകയാണ് അദ്ദേഹം. നട്ടെല്ലിന്റെ കുറവ് എന്ന് പറയുന്നത് വല്ലാത്ത ഒരു കുറവ് തന്നെയാണ്.
@ Shihab : "ജഗതിക്ക് പരസ്യത്തില്‍ അഭിനയിച്ചു വന്‍ പ്രതിഫലവും ലഭിച്ചു, എന്നിരുന്നാലും അദ്ധേഹത്തിന്റെ വാക്കുകള്‍ മറ്റു നടന്മാര്‍ക്ക് ഒരു മാതൃക തന്നെയാണ്"
ReplyDeleteNo Shihab.. ഇനിയും ഈ പരസ്യത്തില്‍ തുടര്‍ന്നാല്‍ നാട്ടുകാര്‍ തല്ലിക്കൊല്ലും എന്ന തിരിച്ചറിവ് ഉണ്ടായപ്പോഴാണ് പുള്ളി പിന്മാറിയത്. അല്ലാതെ സാമൂഹ്യ ബോധം തലയ്ക്കു പിടിച്ചപ്പോഴല്ല. അങ്ങനെ ആയിരുന്നെങ്കില്‍ ഇതുമായി ബന്ധപ്പെട്ട വിവാദം തുടങ്ങിയ കാലത്ത് തന്നെ ഒരു പുനര്‍വിചിന്തനം നടത്തണമായിരുന്നു. ഇത് തട്ടിപ്പ് ലോട്ടരിയാണെന്ന് വളരെ മുമ്പേ വ്യക്തമായതാണ്. ഭൂട്ടാന്‍ ലോട്ടറിക്കാര്‍ കൊടുത്ത മുഴുവന്‍ ചെക്കും ക്യാഷ് ആയി വന്ന ശേഷമാണ് പുള്ളി പിന്മാറിയത്!!..
supporting 100% with basheer's last comment.
ReplyDeleteസമൂഹത്തിന് ദോഷകരമെന്ന് മനസ്സിലായപ്പോള്‍ വലിയ തുക കിട്ടികൊണ്ടിരുന്ന പരസ്യം പിന്‍‌വലിക്കുകയും ജനതയോട് ക്ഷമ ചോദിക്കുകയും ചെയ്ത ജഗതി എന്ന അമ്പിളിചേട്ടന് അഭിവാദനങ്ങള്‍, മോഹന്ലാല് എന്ന നാലാം കിട നടനായി തീര്‍ന്ന (പണ്ട് ഒത്തിരി നായകന്‍‌മാര്‍ പടം കിട്ടാതായപ്പോള്‍ നീല ചിത്രങ്ങളില്‍ അഭിനയിച്ച്, മൂന്നാംകിട നടന്മ്മാരായി തീര്‍ന്നിട്ടുണ്ടായിരുന്നു, മോഹന്‍ ലാല്‍ അതിലും താഴെയുള്ള നിലവാരത്തില്‍ എത്തപ്പെട്ടിരിക്കുന്നു)മോഹന്‍ ലാലിന് ഭാരത സര്‍ക്കാര്‍ നല്‍കിയ കേണല്‍ പദവി തിരികെ എടുക്കാനുള്ള സമയം അതിക്രമിച്ചിരിക്കുന്നു, സാംസ്ക്കാരിക കേരളത്തെ അപമാനിച്ച് ഡി-ലിറ്റ് നല്‍കിയതും തിരികെ വാങ്ങണം.ഏറ്റവും വലിയ സാമൂഹിക ദ്രോഹമാണ് മോഹന്‍ ലാല്‍ ഇപ്പോള്‍ ചെയ്തുകൊണ്ടിരിക്കുന്നത്, താരമൂല്യത്തെ ചൂഷണം ചെയ്യുന്ന ചൂഷകന്‍
ReplyDeleteലാലേട്ടന്‍ പറഞ്ഞാല്‍ വെള്ളമടിക്കുമെങ്കില്‍, ജഗതി ചേട്ടന്‍ പറഞ്ഞാല്‍ ലോട്ടറി എടുക്കുമെങ്കില്‍ , ബുദ്ധി പരസ്യങ്ങള്‍ ക്ക് മുന്‍പില്‍ അടിയറവെച്ചവരോട് ഇനി എന്ത് വേദാന്തം ഓതിയിട്ടും കാര്യമില്ല, വേണമെങ്കില്‍ ചിന്തിക്കട്ടെ നന്നാവട്ടെ
ReplyDeleteബഷീര്‍ക്ക എന്താണ് പറയുന്നത് ? മോഹന്ലാല് അയാളുടെ പണി? അല്ലെ ചെയ്യുന്നത് ..കോടികള്‍ ആണ് കിട്ടുന്നത് അതും ഒഴിവാക്കി വല്ല ബ്ലോഗെഴുത്തിനും പോണം എന്നാണോ? മദ്യം വിഷമാണ് എന്ന് പറഞ്ഞ ശ്രീ നാരായണ ഗുരുവിന്റെ ഇപ്പോഴത്തെ അമരക്കാരന്‍ അറിയപ്പെടുന്ന മദ്യ വില്പനക്കാരന്‍..!!!അവര്‍ക്കില്ലാത്ത സ്നേഹം ഈ ലാലിന് എന്തിനാണ്?സര്‍ക്കാരിനു ഏറ്റവും കൂടുതല്‍ വരുമാനം ഉണ്ടാക്കുന്ന ബീവറേജ് കൊര്‍പ്പരഷന്‍ അടച്ചു പൂട്ടണം എന്നാണോ ?എന്നാല്‍ ട്രഷറിയും അടക്കേണ്ടി വരും എന്റെ പോന്നു ബഷീര്‍ക്ക..ഗള്‍ഫിലെപ്പോലെ എണ്ണ കച്ചവടം ഒന്നും ഇല്ല.. പണ്ടേ അറിയുന്ന ഈ കച്ചവടം നടത്തി വേണം ,കേരളത്തില്‍ അങ്ങോളം ഇങ്ങോളം ഉറക്കം തൂങ്ങുന്ന സര്‍ക്കാര്‍ ജീവനക്കാര്‍ക്ക് ശമ്പളം കൊടുക്കാന്‍ അത് മുട്ടിക്കല്ലേ ...
ReplyDeleteWhile Jagathi has renounced the Bhutan & Sikkim Lottery Ad, on the TV screens he is still alive with Michal Jackson face inviting and alluring the gullible viewers to buy the Lottery. On the one hand, it looked as though Jagathy has taken a worthy step with his distancing from the Lottery ad. But on second thought, he has managed to do two unethical things together. One: doing the ad itself in the first place thereby cheating his admirers. Two: having received money from the Lottery agent he has renounced them. To an extend this is also a kind of cheating. Jagathy may have good intentions in his belated realizations of ethics in profession. But, If he is serious and sincere, he should pay the money back to the Lottery agent.
ReplyDelete@ കുരുത്തം കെ.. : 'ഇഞ്ചി കൃഷി'യെപ്പറ്റി ഒരിക്കല്‍ എഴുതിയിട്ടുണ്ട്. അതെ വിഷയം തന്നെ വീണ്ടും വീണ്ടും എഴുതി ചൂട് പിടിപ്പിക്കേണ്ട എന്ന് സ്വയം തീരുമാനിച്ചതാണ്. അത് ഗുണത്തെക്കാളേറെ ദോഷം ചെയ്യും എന്ന തിരിച്ചറിവാണ് അതിനു കാരണം. ഇങ്ങള് ഷമി..
ReplyDelete@ ആചാര്യന്‍ : ബീവറേജ് കോര്‍പറേഷന്‍ അടച്ചു പൂട്ടണമെന്ന് ഞാന്‍ പറഞ്ഞില്ല. കുടിച്ചേ തീരൂ എന്നുള്ളവര്‍ക്ക് അതാവാം. പക്ഷെ ആളുകളെ കുടിപ്പിക്കാന്‍ വേണ്ടി താരങ്ങള്‍ പരസ്യത്തിനു ഇറങ്ങുന്നതിനെയാണ് ഇവിടെ വിഷയമാക്കിയത്. റൂട്ട് മാറി വെടി വെക്കല്ലേ ചേട്ടാ..
@വിചാരം: നിങ്ങള് കുറച്ചു കൂടി കടന്നു പറഞ്ഞു കളഞ്ഞു. ഡി ലിറ്റ് തിരിച്ചു വാങ്ങണം എന്ന് ഞാന്‍ പറയുന്നില്ല. പക്ഷെ ഇത്തരം ഡിലിറ്റ്കലോടുള്ള എന്റെ നിലപാട് നേരത്തെ വ്യകതമാക്കിയിട്ടുണ്ട്.
@ salam pottengal : ഞാന്‍ പറഞ്ഞില്ലേ, ഇനിയും ഈ പരസ്യത്തില്‍ തുടര്‍ന്നാല്‍ നാട്ടുകാര്‍ തല്ലിക്കൊല്ലും എന്ന തിരിച്ചറിവ് ഉണ്ടായപ്പോഴാണ് പുള്ളി പിന്മാറിയത്. വാങ്ങിയ കാശില്‍ നിന്ന് ഒരു നയാപൈസ അയാള്‍ തിരിച്ചു കൊടുക്കില്ല. അത്തരം സാമൂഹ്യ ബോധമൊക്കെ ഉണ്ടായിരുന്നെങ്കില്‍ ഇവനൊക്കെ എന്നേ നന്നായി പോയേനെ..
ReplyDeleteകാശ് കിട്ടിയാല്‍ ഏതു മദ്യ പരസ്യത്തിലും നമ്മുടെ താരങ്ങള്‍ ഉണ്ടാവും അവിടെ തങ്ങള്‍ ചെയ്യുന്നതാണ് ശരി അല്ലാതെ അത് സമൂഹത്തിനു എങ്ങിനെ ദോശ മായി വരുന്നൂ എന്ന് നോക്കില്ലാ ...തന്റെ പോകെറ്റ് നിറഞ്ഞിട്ടു മതി നാട്ടാരേ നന്നാക്കാന്‍.
ReplyDeleteബഷീര്‍ക്ക, ജഗതി പരസ്യം നിര്‍ത്തിയിട്ടില്ല. ഇപ്പോഴും വരുന്നുണ്ട്.
ReplyDeleteഇളനീർ ചേർത്ത് പരസ്യമായി മദ്യപിക്കുവാനുള്ള പ്രചോദനം കേരളത്തിലെ ഇളം തലമുതലമുറയ്ക്കു തന്ന ദേവാസുര തമ്പുരാനെക്കുറിച്ച് നിങ്ങൾ വേണ്ടാതീനം പറയരുത്.!!
ReplyDelete