February 20, 2010

ഞാന്‍ എന്നെ അഭിനന്ദിക്കുന്നു.

ആദ്യമായി ഞാന്‍ എന്നെ അഭിനന്ദിക്കുന്നു. കാരണം എനിക്ക് ഒരു അവാര്‍ഡ്‌ കിട്ടിയിട്ടുണ്ട്. ബൂലോകം ഓണ്‍ലൈന്‍ കഴിഞ്ഞ വര്‍ഷത്തെ മലയാളത്തിലെ ഏറ്റവും നല്ല ആനുകാലിക ബ്ലോഗായി ഡോട്ട് കോം @ വള്ളിക്കുന്ന്  തിരഞ്ഞെടുത്തതായി അവരുടെ ഫലപ്രഖ്യാപനത്തില്‍ കണ്ടു. സി എന്‍ എന്നും ബി ബി സിയുമൊന്നും വിവരം അറിഞ്ഞിട്ടില്ല എന്ന് തോന്നുന്നു. ഇന്റര്‍വ്യൂ എടുക്കാന്‍ അവര്‍ ക്യാമറയുമായി ഇന്നെത്തും നാളെയെത്തും എന്ന് കരുതി രണ്ടാഴ്ചയോളമായി ഞാന്‍ കാത്തിരിക്കുന്നു. ഒരു ലുക്ക് കിട്ടാന്‍ വേണ്ടി ഫെയര്‍ ആന്‍ഡ്‌ ലവ്‌ലി, ഫിയാമ ഡിവില്‍സ് തുടങ്ങിയവക്ക് കുറെ കാശും കളഞ്ഞു.
എല്ലാം വെറുതെയായി. ഒരു പട്ടി പോലും ഈ വഴി വന്നില്ല. ബ്രേക്കിംഗ് ന്യൂസ്‌ ആയി കൊടുക്കേണ്ടിയിരുന്ന ഈ വാര്‍ത്ത തമസ്കരിച്ച എല്ലാ വരേണ്യ-സാമ്രാജ്യത്വ-സിണ്ടിക്കേറ്റ് മാധ്യമങ്ങളോടും ഞാന്‍ എന്റെ പ്രതിഷേധം അറിയിക്കുന്നു.

വായനക്കാരുടെ വോട്ടെടുപ്പിലൂടെയാണ് ബൂലോകം പോര്‍ട്ടല്‍ അവാര്‍ഡ്‌ പരിപാടി തുടങ്ങിയത്. polldaddy എന്ന വോട്ടിംഗ് സൈറ്റ് വഴിയായിരുന്നു വോട്ടെടുപ്പ്. സംഗതി പുരോഗമിച്ചപ്പോള്‍ കള്ളവോട്ടു നടക്കുന്നുണ്ട് എന്ന ആരോപണം ഉയര്‍ന്നു. അങ്ങനെയാണെങ്കില്‍ എന്റെ ബ്ലോഗിനെ മത്സരത്തില്‍ നിന്ന് മാറ്റണം എന്ന് ഞാന്‍ അവരോടു രേഖാമൂലം ആവശ്യപ്പെട്ടു. (നമ്മുടെ പ്രെസ്റ്റീജ് കാക്ക കൊത്താന്‍ അനുവദിക്കരുതല്ലോ) കള്ളവോട്ട് നടന്നിട്ടുണ്ടെങ്കില്‍ അതിനെ മറികടക്കാനായി ഒരു വിദഗ്ദ പാനല്‍ ബ്ലോഗുകള്‍ പരിശോധിച്ച് അവസാന വിധി നിര്‍ണയം നടത്തുമെന്ന്നു ബൂലോകം പറഞ്ഞു. എന്നാല്‍ ശരി എന്ന് ഞാനും.

അങ്ങിനെ വിധി നിര്‍ണയം വന്നു. ഏറ്റവും നല്ല ബ്ലോഗറായി പോങ്ങുമ്മൂടനും ഹാസ്യ ബ്ലോഗറായി  ബെര്‍ളിയും (ബെര്‍ളി കേസ് കൊടുക്കാതിരുന്നാല്‍ മതിയായിരുന്നു) ആനുകാലിക വിഭാഗത്തില്‍ എന്നെയും തിരഞ്ഞെടുത്തു. ഫോട്ടോ ബ്ലോഗ്‌, നവാഗത ബ്ലോഗ്‌ തുടങ്ങി വേറെയും പല വിഭാഗങ്ങളില്‍ ആയി അവാര്‍ഡുകള്‍ പ്രഖ്യാപിച്ചു .  സ്വീകരണ പരിപാടിക്കാര്‍ ഇപ്പോള്‍ വിളി തുടങ്ങും എന്ന് പ്രതീക്ഷിച്ച് രണ്ടാഴചയോളം ഞാന്‍ കാത്തു. ഇനിയും എനിക്ക് ക്ഷമിക്കാന്‍ വയ്യ. ആരുടേയും അഭിനന്ദനം കിട്ടാത്തത് കൊണ്ടാണ് ഞാന്‍ തന്നെ എന്നെ അഭിനന്ദിക്കാന്‍ തീരുമാനിച്ചത്. എന്റെ സ്വന്തം കാര്യത്തില്‍ എനിക്കെങ്കിലും ഒരു ശ്രദ്ധ വേണ്ടേ?. അതുകൊണ്ട് ഇന്ന് വൈകിട്ട് ഒരു പൊന്നാട വാങ്ങി ഞാന്‍ തന്നെ എന്നെ അണിയിക്കും. ആര്‍ക്കെങ്കിലും എതിരഭിപ്രായം ഉണ്ടെങ്കില്‍ പറയണം.

ഇത് ഞാന്‍ പോസ്റ്റിക്കഴിഞ്ഞാല്‍ ഉടനെ വരാനിടയുള്ള ചില കമ്മന്റുകള്‍ ഞാന്‍ മുന്‍കൂട്ടി എഴുതുന്നു. അതുകൊണ്ട് ആ കമന്റുകള്‍ ഇനിയാരും എഴുതി സമയം കളയേണ്ട.

കമന്റ്റ് ഒന്ന്: ഇത് ഏത് കോപ്പിലെ അവാര്‍ഡാണ് ഹേ..?.. ഏറ്റവും നല്ല ആനുകാലിക ബ്ലോഗറായി താങ്കളെ തിരഞ്ഞെടുത്ത എമ്പോക്കികളെ ചവിട്ടണം. മലയാളത്തില്‍ വേറെ എത്ര നല്ല ബ്ലോഗുകള്‍ ഉണ്ട്. ഇത് നിങ്ങള്‍ കുറച്ചു പേര്‍ ഒരു കറക്ക് കമ്പനിയുണ്ടാക്കി ഒപ്പിച്ചെടുത്തതല്ലേ. ഇതുപോലെ ആയിരം അവാര്‍ഡ്‌ വേണമെങ്കില്‍ ഞാന്‍ തരാം.

കമന്റ് രണ്ട്: ആ വോട്ടെടുപ്പ് ഒരു തട്ടിപ്പ് നാടകം ആയിരുന്നു. ബൂലോകം ഓണ്‍ലൈന്‍ എന്ന സൈറ്റിന് ഹിറ്റ് കൂട്ടാന്‍ വേണ്ടി അവര്‍ കളിച്ച കളിയില്‍ ബഷീര്‍ക്കാ നിങ്ങള്‍ എന്തിനാണ് നിന്ന് കൊടുത്തത്. അവരുടെ സഹായം ഇല്ലാതെ തന്നെ നിങ്ങള്‍ക്ക് വായനക്കാരെ കിട്ടുമല്ലോ.. അത്യാവശ്യം എഴുതാന്‍ കഴിയുന്ന നിങ്ങള്‍ ഇങ്ങനെ തരം താഴരുത്. ഏതു തുണിക്കടയിലും പൊന്നാട കിട്ടും. അത് വാങ്ങി തോളിലിടാന്‍ അവാര്‍ഡ്‌ കിട്ടണം എന്നില്ല.

കമന്റ് മൂന്ന്: വിദഗ്ദ പാനല്‍ എന്ന് പറഞ്ഞ് തുടക്കത്തില്‍ മലയാളത്തിലെ പേര് കേട്ട സാഹിത്യകാരന്‍മാരുടെ ലിസ്റ്റ് പ്രസിദ്ധീകരിച്ച ബൂലോകം അവാര്‍ഡ്‌ പ്രഖ്യാപിച്ചപ്പോള്‍ അവരില്‍ ആരെയും ആ ലിസ്റ്റില്‍ കണ്ടില്ല. കിട്ടിയ അവാര്‍ഡ്‌ തിരിച്ച് കൊടുത്ത് മാനം കാക്കുന്നതാണ് നല്ലത്.

കമന്റ് നാല്: പ്രിയ ബഷീര്‍, അസൂയാലുക്കള്‍ പലതും പറയും. എല്ലാ അവാര്‍ഡുകള്‍ക്കും ഇത് പതിവുള്ളതാ.. താങ്കളുടെ ബ്ലോഗ്‌ ഈ അവാര്‍ഡിന് എന്തുകൊണ്ടും അര്‍ഹമാണ്. അവാര്‍ഡ്‌ ലിസ്റ്റില്‍ പേര് വരാന്‍ തിക്കിത്തിരക്കിയ പലരും അവാര്‍ഡ് കിട്ടാതായപ്പോള്‍ അതിനെ എതിര്‍ക്കുകയാണ്. അത് കാര്യമാക്കേണ്ട. തുടര്‍ന്നും കിടിലന്‍ പോസ്റ്റുകള്‍ എഴുതൂ. താങ്കളുടെ പോസ്റ്റുകള്‍ക്കായി കണ്ണില്‍ എണ്ണയൊഴിച്ച് ഞാന്‍ കാത്തിരിക്കുന്നു.

ഇതിലൊന്നും പെടാത്ത വല്ല കമന്റുകളും ഉണ്ടെങ്കില്‍ അത് ഇവിടെ എഴുതാം .

മ്യാവൂ: അവാര്‍ഡ്‌ കിട്ടിയ വിവരം ഞാന്‍ ഭാര്യയോട് പറഞ്ഞു. അപ്പോള്‍ അവള്‍ ചുണ്ട് കോട്ടി ഒരു ചിരി ചിരിച്ചു. ആ ചിരിയുടെ അര്‍ത്ഥം എനിക്കിത് വരെ പിടികിട്ടിയിട്ടില്ല. എന്തോ ആവട്ട്... ഗുഡ് നൈറ്റ്‌..

53 comments:

  1. ന്നാലും ന്റെ ബഷീറേ....! അവാര്‍ഡ്‌ തന്നവരെ ഇത്രയ്ക്കു തോഴിക്കണോ .....??? ഭൂലോകതിനോപ്പം അനക്കും കിട്ടീലെ അഞ്ചാറു ഹിറ്റ്‌ കൂടുതല് ...???!!!

    ReplyDelete
  2. അവാര്‍ഡ് കിട്ടിയാല്‍ ചൂടോടെ വിവരം അറിയിക്കണ്ടെ ബഷീര്ക. അഭിനന്ദിക്കാന്‍ ഞങ്ങള്‍ കാത്തിരിക്കുകയല്ലേ. വിവരം അറിഞ്ഞാലല്ലേ അഭിനന്ദിക്കാന്‍പറ്റൂ.

    ReplyDelete
  3. അവാര്‍ഡ്‌ കിട്ടിയതില്‍ എന്റെ അഭിനന്ദനങ്ങള്‍,, പിന്നെ എന്തിനാണ്‌ ഹാരിസ്‌ സാബിന്റെ ഒരു കൂറ്റന്‍ പടം ഇങ്ങനെ സൈഡ്‌ ബാറില്‍ കൊടുത്തിരിക്കുന്നത്‌. അവാര്‍ഡ്‌ ശരിയ്‌ക്കും അര്‍ഹിക്കുന്ന ഒന്നു തന്നെയാണ്‌. പിന്നെന്തിനാണ്‌ ബഷീര്‍ക്ക അതിനെ ഇത്രയും ആക്ഷേപ രൂപത്തില്‍ അവതരിപ്പിച്ചത്‌...

    ReplyDelete
  4. Congratulation Mr. Basheer. I am gonna inform BBC and CNN.

    ReplyDelete
  5. ഒരു പ്ലേറ്റ് അവിലോസുണ്ട, പുഴുങ്ങിയ മൊട്ട പന്ത്രണ്ട്,ജിലേബി ഒന്നേമുക്കാല്‍ കിലോ,
    കപ്പേം മീനും കറിവേച്ചത്, കാട മലര്ത്തിപ്പോരിച്ചത്,
    കൊഞ്ച് കറിയും പാലപ്പവും......
    കൂടാതെ ശ്രീനിവാസ് പുട്ട് പൊടിയും വാങ്ങിയിട്ടുണ്ടാര്നു

    ടിയാണ് പൊന്നാടയിലാണ് കമ്പമെങ്കില്‍ ഇതെല്ലാം
    ഇനി ഞാനും കെട്ട്യോളും എന്റെ പിള്ളാരും കൂടി അടിച്ചേക്കാം

    ജയ് പൊന്നാട
    ഹല്ല പിന്നെ

    ReplyDelete
  6. ബഷീറേ.. കൊള്ളാം കേട്ടോ ! :-)

    ReplyDelete
  7. ഒരു പൊന്നട എന്റെ വകയും.
    :)

    ReplyDelete
  8. ബ്ലോഗാഭിനന്ദനങ്ങള്‍.....

    ReplyDelete
  9. "മ്യാവൂ: അവാര്‍ഡ്‌ കിട്ടിയ വിവരം ഞാന്‍ ഭാര്യയോട് പറഞ്ഞു. അപ്പോള്‍ അവള്‍ ചുണ്ട് കോട്ടി ഒരു ചിരി ചിരിച്ചു. ആ ചിരിയുടെ അര്‍ത്ഥം എനിക്കിത് വരെ പിടികിട്ടിയിട്ടില്ല"

    എനിക്ക്‌ പിടികിട്ടി!! "ഹും! നിങ്ങക്കല്ലേ അവാര്‍‌ഡ്!! നിങ്ങക്ക്‌ അവാര്‍‌ഡു തരാന്‍‌ കമ്മിറ്റിക്കാര്‍‌ക്കെന്താ തലയ്‌ക്ക്‌ വട്ടുണ്ടോ?" (ഒരു സ്ത്രീക്ക്‌ മറ്റൊരു സ്‌ത്രീയുടെ മനസ്സിലിരുപ്പറിയാന്‍‌ എളുപ്പമാണ്‌‌ ബഷീറേ.) :) :)


    തുടര്‍‌ന്നും നല്ല നല്ല പോസ്‌റ്റുകള്‍‌ എഴുതൂ....വരും വര്‍‌ഷങ്ങളിലും അവാര്‍‌ഡ്‌ സ്വന്തമാക്കൂ. അഭിനന്ദനങ്ങള്‍.

    വായാടി

    ReplyDelete
  10. abhinandnangal mothamayum chillarayayum

    ReplyDelete
  11. Dear Basheer sb

    Glad news. long awaited one. you really deserves it. Trust you don't have Malayalee colleagues. ..if so. nothing to worry

    ReplyDelete
  12. ഒരു പൊന്നാട എന്‍റെ വക....അഭിനന്ദനങ്ങള്‍....

    ReplyDelete
  13. Congrats basheer. you deservd it. by the way, are you the one looking at the mirror?

    ReplyDelete
  14. ഒന്നുകില്‍ ആത്മ പ്രശംസ - അതല്ലെങ്കില്‍ ആത്മ നിന്ദ - രണ്ടില്‍ ഭേദം ആദ്യം പറഞ്ഞത് തന്നെ. വല്ലഭനു വില്ലും ആയുധം എന്ന് പറഞ്ഞ പോലെ ബഷീര്കാക് അവാര്‍ഡ് കിട്ടിയാലും കിട്ടിയില്ലേലും എന്തെങ്കിലും ഒപ്പിച്ചെടുക്കും....ഭയങ്കരന്‍ ... അര്‍ഹിക്കുന്നവന് അവഗണയും അര്‍ഹികാതവന് അവാര്‍ഡും നല്‍കുന്ന ഇക്കാലത് നിങ്ങളുടെ ഈ പോസ്റ്റിങ്ങ്‌ വീണ്ടും കാലിക പ്രസക്തിയുള്ളതായി തോന്നുന്നു... അത് കൊണ്ട്... എന്റെ അഭിനന്ദനം അ ഭി ന ന്ദ നം.

    ReplyDelete
  15. nannnaayi,,,,


    paalu kodutha kaikk thanne.....


    boologam onlinu inganethanne venam....

    basheerkka kalakki

    ReplyDelete
  16. ഞങ്ങളുടെ "വള്ളിക്കുന്ന് സുല്‍ത്താന്" ഒരായിരം പൊന്നാടയില്‍ പൊതിഞ്ഞ ആശംസകള്‍.
    ചൂടോടെ എല്ലാവരും അറിഞ്ഞില്ലെന്ന് തോന്നുന്നു!, എപ്പോള്‍ എല്ലാവരും അറിഞ്ഞു.
    കണ്ണാടിയിലെ പ്രതിബിമ്ബം കലക്കി, ഞാനൊരു ഫുലിയെയാണ് പ്രതീക്ഷിച്ചത് കേട്ടോ!

    ഈ സിംഹാസനം അത്ര പെട്ടന്നാരും അടിച്ചു മാറ്റില്ലെന്ന് കരുതാം!

    ReplyDelete
  17. ക്ഷമിക്കണം..
    രാവിലെ ബസ്സില്‍ കേറിയപ്പഴാ വിവരമറിഞ്ഞത്...

    ഒരു പൊന്നാട തരാന്‍ ഞങ്ങളും തീരുമാനിച്ചു. സ്വാഗത സംഘം രൂപീകരിച്ചോണ്ടിരിക്കാണ്..
    ഞങ്ങളെല്ലാരും കൂടി ജിദ്ദയിലോട്ട് ഒലത്തണമെന്ന് പറഞ്ഞാല്‍ നടക്കൂല.. അവാര്‍ഡിയെ ഇങ്ങ് റിയാദിലോട്ട് പണ്ടാറടക്കുന്നതാണ് നല്ലത്‍... ബുദ്ധിമുട്ടാണെങ്കില്‍, ഒഴിവുപോലെ ഇവിടെ വന്ന് പൊന്നാട കൈപ്പറ്റണമെന്നറിയിക്കുന്നു..
    അല്ലെങ്കില്‍, ഒരു പ്രധിനിധിയെ കത്തുമായി പറഞ്ഞയച്ചാലും മതി... അതും നടക്കില്ലെങ്കില്‍..
    ഇവിടെ നിന്നും ഉംറക്കു വരുന്ന ഒരാളുടെ പക്കല്‍ കൊടുത്തയക്കാം..
    താങ്കള്‍ മക്കയില്‍ ചെന്ന് കൈപ്പറ്റിയാല്‍ മതി.


    അഭിമാനമുണ്ട്, ഒപ്പം ത്തിരി അസൂയയും..
    അഭിനന്ദനങ്ങള്‍...
    അതെ, താങ്ങള്‍ അര്‍ഹനാണ്.

    കാശെത്ര കിട്ടി..
    കുറച്ചു രൂപ കടം തരുമോ...

    ReplyDelete
  18. അവാര്‍ഡ്‌ വന്നോട്ടെ അഭിനന്ദിക്കാന്‍ ഞങ്ങളുണ്ട്.

    ReplyDelete
  19. വളരെ നന്നായി ബഷീര്ക, താങ്കള്‍ അര്‍ഹിക്കുന്നത് തന്നെ താങ്കളുടെ തൊപ്പിയില്‍ ഒരു പൊന്‍തൂവല്‍ കൂടി എല്ലാ വിധ സുഖസൌഭാഗ്യങ്ങളും നേര്‍ന്നു കൊണ്ട്, സസ്നേഹം, കരിങ്ങനടനും കെട്ട്യോളും കുട്ട്യോളും

    ReplyDelete
  20. എഴുതാന്‍ വച്ചിരുന്ന കമ്മന്റുകള്‍ എല്ലാം മുകളില്‍ എഴുതിവചില്ലേ, ഇനി എന്തെഴുതാന്‍.
    എന്നാലും കിടക്കട്ടെ ഒരാശംസകള്‍.
    ഒരു നവാഗത നോമിനി ആയിരുന്നു, പക്ഷെ ...

    ReplyDelete
  21. "പൊന്നില്ലാത്ത ആട പൊന്നാട"

    പക്ഷെ ബെര്‍ ലിയെ ഹാസ്യ ബ്ലൊഗുകാരനാക്കിയ അവാര്‍ ഡ് താങ്കള്‍ ക്കു എന്തിനാ ബഷീറെ

    എന്തായാലും കിട്ടിയതല്ലെ ഇരിക്കട്ടെ

    എന്റെ വക ഒരു വെറും ആട

    ഹല്ല പിന്നെ എല്ലാരും ആടിനെ കൊടുക്കുമ്പൊള്‍ നമ്മല്‍ പൂടയെങ്കിലും കൊടുക്കന്ടെ

    ReplyDelete
  22. This comment has been removed by the author.

    ReplyDelete
  23. അതൊരു കാശ് അവാര്‍ഡ് ആയിരുന്നെങ്കില്‍....
    ആനുകാലികത്തിനുള്ള അവാര്‍ഡ് വള്ളിക്കുന്നിനു കിട്ടിയത് മനസ്സിലാക്കാം. പക്ഷെ ബെര്‍ലിയെ ഹാസ്യ ബ്ലോഗറാക്കിയത് മനസ്സിലായില്ല. ഭൂലോകമല്ലേ പലതും സംഭവിക്കാം. ഭൂലോകത്തെ ആദ്യ അവാര്‍ഡിന് എന്‍റെ ആശംസകള്‍.

    ഏറ്റവും വലിയ ജനദ്രോഹ ബ്ലോഗിനുള്ള അവാര്‍ഡ് ചാലിയാറിനാണെന്ന് പറയുന്നത് കേട്ട്. പലകയും കുറ്റപ്രത്രവും പിറകെ വരുന്നുണ്ടത്രേ...

    ReplyDelete
  24. എന്തോ ചരട് വലി നടന്നിട്ടുണ്ട് ഉറപ്പാ
    ഹമീദ് വാഴക്കാട്

    ReplyDelete
  25. ഏതു പോളിക്ലിന്ക്കാ പൊന്നാട സ്പോന്‍സര്‍ ചെയ്തത്
    ഏതായാലും രണ്ടെണ്ണം തരാന്‍ പറയുക എങ്കില്‍ ഉമ്രക്കു പോകാനെങ്കിലും പറ്റുമായിരുന്നു.
    Anvar K

    ReplyDelete
  26. ഏനക്കും കിട്ടീണ്ട് അബരുടെ ബക അബാര്‍ഡ്..
    ഞമ്മള് നല്ലോണം കഥ പറയുംന്നാ അബര് പറേന്നേ...
    ബൂലോകം ഓണ്‍ലൈന്‍ എനക്ക് ബൊന്നാട തന്നീല..
    കീശേമ്മ കുത്താന്‍ ഒരു ബാഡ്ജ് പോലും തന്നീല..
    ഞാന്‍ കേസ് കൊടുക്കാമ്പോവ്വാ....
    :)

    ReplyDelete
  27. അവാര്‍ഡു തന്നവരെ ചീത്ത വിളിച്ചു എന്നൊരു പേരുദോഷം ഈ പോസ്റ്റ് കൊണ്ട് ഉണ്ടായോ എന്ന് എനിക്കൊരു സംശയം. അങ്ങനെയൊന്നും ഇല്ലാട്ടോ. ഞാന്‍ പ്രതീക്ഷിച്ച ചില കമ്മന്റുകള്‍ എഴുതിയെന്നെയുള്ളൂ. ബൂലോകം ഓണ്‍ലൈന്‍ സാരഥികളെ ഞാന്‍ അഭിനന്ദിക്കുന്നു. ഇനിയും അവാര്‍ഡു തരുവാന്‍ ആരെങ്കിലും മുന്നോട്ട് വന്നാല്‍ അവരെയും ഞാന്‍ അഭിനന്ദിക്കും.

    കണ്ണാടിയില്‍ നോക്കുമ്പോള്‍ ഞാന്‍ ഫുലിയാണെന്ന് എനിക്ക് തോന്നാറുണ്ട്. ചിലപ്പോള്‍ സിംങ്കം ആയും തോന്നും. അതുകൊണ്ടുള്ള തകരാറുകളാണ് ഏറെയും. എല്ലാരും ക്ഷമി.

    ReplyDelete
  28. @ Noushad Vadakkel: എനിക്കും കിട്ടീടാ കുറെ ഹിറ്റ്.. നീ ആളൊരു കള്ളനാ. ഇത്തരം ട്രേഡ് രഹസ്യങ്ങള്‍ പരസ്യമാക്കാവോ ശവീ..

    @ editor : ഗൂഗിള്‍ ക്രോമില്‍ ആണോ നിങ്ങള്‍ ബ്രൌസ് ചെയ്യുന്നത്?. അങ്ങനെയൊരു പ്രോബ്ലം അതില്‍ ഉള്ളതായി വേറെയും ചിലര്‍ പറഞ്ഞു. ചില മാറ്റങ്ങള്‍ വരുത്തിയിട്ടുണ്ട്. ഹാരിസിന്റെ ചിത്രം ഇപ്പോഴും വലുതായി കാണുന്നോ എന്ന് നോക്കിയേ. ഉണ്ടെങ്കില്‍അറിയിക്കണേ..

    @ M T Manaf: ഞാന്‍ വീട്ടിലോട്ടു വരുന്നുണ്ട്. വിഭവങ്ങള്‍ ഒക്കെ അവിടെത്തന്നെ കാണണം

    @ Vayady: സംഗതി കണ്ടു പിടിച്ചു കളഞ്ഞല്ലോ ഗൊച്ചു ഗള്ളീ..

    @ C.O.T. Azeez : പറഞ്ഞതിന്റെ പൊരുള്‍ എനിക്ക് ശരിക്കും പിടികിട്ടി.. എനിക്ക് എവിടെയും പാരകള്‍ ഇല്ല. ഞാന്‍ ആള് ഡീസന്റാ..

    ReplyDelete
  29. @ Ashraf Unneen: വല്ലഭനു വില്ലും ആയുധം!! ഇത് ഒരു പുതിയ നമ്പര്‍ ആണല്ലോ.

    @ ആര്‍ബി : നന്നായി ഇഷ്ടപ്പെട്ടു അല്ലെ..

    @ azeezkodakkad: നാട്ടുകാരനില്‍ നിന്ന് കിട്ടിയ ഈ സുല്‍ത്താന്‍ പട്ടം എനിക്ക് ശ്ശി പിടിച്ചു..

    @ mukthar udarampoyil: ഇവിടെ സ്വീകരണങ്ങളുടെ തിരക്കാ.. അത് കഴിഞ്ഞാലുടന്‍ ഞാന്‍ റിയാദില്‍ എത്താം. സംഗതി പൊന്നാടയില്‍ ഒതുക്കരുതെ.. വണ്ടിക്കൂലിയുടെ കാശെങ്കിലും തരണം.

    @ Noushad Karinganadu: കെട്ട്യോളും കുട്ട്യോളുമൊക്കെ എന്റെ ഫാന്‍സ്‌ ആണല്ലേ. ഒരു നല്ല സദ്യയുണ്ടാക്കി വിളിച്ചാല്‍ വരാന്‍ ഞാന്‍ റെഡി.

    ReplyDelete
  30. @തെച്ചിക്കോടന്‍ : അടുത്ത വര്ഷം അവാര്‍ഡു താങ്കള്‍ക്ക് കിട്ടാന്‍ പ്രാര്‍ഥിക്കുന്നു.

    @ Riyas : ബെര്‍ളിയെ ഹാസ്യക്കാരന്‍ ആക്കിയതില്‍ എനിക്കും പ്രതിഷേധം ഉണ്ട് റിയാസേ..

    @ Akbar: താങ്കള്‍ക്കെന്തിനാ അവാര്‍ഡ് .. അല്ലാതെ തന്നെ താരം ആയില്ലേ.

    @ Sajitha: ചരട് വലി ചെറുപ്പത്തിലെ ശീലിച്ചതാ. ട്രൌസര്‍ അഴിയുമ്പോഴെക്കെ ചരടൊന്നുമുറുക്കിക്കെട്ടാന്‍ ഉമ്മ പറയും. അല്ലേല്‍ നല്ല നുള്ള് കിട്ടും. അങ്ങനെ അത്പഠിച്ചു.

    @ Anvar : ദമാശക്കാരാ... ഇതൊക്കെ കയ്യില്‍ ഉണ്ടല്ലേ.

    @ മുരളി Murali Nair: എന്നെ കണ്ടു പടിക്ക്. അവാര്‍ഡിനെപ്പറ്റി ഒരു പോസ്റ്റ് കാച്ചി ഒരു കലക്കങ്ങു കലക്ക്..

    ReplyDelete
  31. മ്യാവൂ...ഞമ്മേല് ഇപ്പളാ അവാര്‍ഡ്‌ വിവരം അറിഞ്ഞത്...ന്യൂഡല്‍ഹീലായിരുന്നു...

    പിന്നേ..ഞമ്മന്‍റെയൊക്കെ വോട്ട് കൊണ്ടാ ജയിച്ചത്‌..എല്ലേലും ഞമ്മള് വോട്ട് ചെയ്ത ആരാ തോറ്റത്...!

    ലടു തീര്‍ക്കല്ലേ...ഞാന്‍ റൂമിലേക്ക്‌ വരുന്നുണ്ട്..വിത്ത്‌ ഫാമിലി...! അഭിനന്ദനങ്ങള്‍..!!

    ReplyDelete
  32. രണ്ടു ആഴ്ച മുമ്പ് ബഷീര്കാനെ കണ്ടപ്പോള്‍ തന്നെ ഒരു പന്തികേട്‌ തോന്നിയിരുന്നു. മുടിയെല്ലാം കറുപ്പിച്ചു പൌഡര്‍ ഇട്ടു നടക്കുന്നത് കണ്ടപ്പോള്‍. ഇപ്പോളാണ് അതിന്റെ ഗുട്ടന്‍സ് പിടി കിട്ടിയത്. ഏതായാലും ആരും ഫോട്ടോ എടുക്കാനോ സീകരണമോ തരുന്നില്ല എന്ന് കരുതി കുണ്ടിതപ്പെടണ്ട. അര്‍ഹരെ അവഗണിക്കുന്ന കാലമാണ്. ഒരു കാര്യം ചെയ്യുക. Jeddah ടാസ്ടി ഹോട്ടലില്‍ വിളിച്ചു അടുത്ത വെള്ളിയഴ്ച്ചക് ഹാള്‍ ബുക്ക്‌ ചെയ്യുക. അമ്പത് പേര്‍ക് മട്ടണ്‍ ബിരിയാണിയും ബുക്ക്‌ ചെയ്യുക. ഞങ്ങള്‍ വരാം തീര്‍ച്ചയായും. ഫോടോ എടുത്തു പത്രത്തില്‍ നമുക്ക് കൊടുക്കാം. പൊന്നാട നിങ്ങള്‍ വാങ്ങിച്ചതുകൊന്ദ് അതും ഞങ്ങള്‍ക്ക് വാങ്ങിക്കാതെ കഴിഞ്ഞല്ലോ-ഒരു ആരാധകന്‍.

    ReplyDelete
  33. ബിരിയാണി പാര്‍ട്ടി ജിദ്ദ ഹില്ട്ടണിലേക്ക് ആക്കിയാല്‍ ബുദ്ധിമുട്ടാവുമോ പീ എമ്മേ (റഷീദ് പേങ്ങാട്ടിരി)

    ReplyDelete
  34. ബഷീര്‍ജി,
    താങ്കള്‍ക് വന്ന കുറിപ്പുകളില്‍ സിംഹഭാഗവും (Tasty, Hilton, etc,) എന്നിവ നിറഞ്ഞു നില്കുന്നുണ്ടല്ലോ? ഈ അവാര്‍ഡിന്റെ കൂടെയ്‌ കനത്തില്‍ പാര്‍സല്‍ ആയി വല്ലതും തടഞ്ഞുവോ? ഉവ്വോ?

    അല്ലെയ്ലും ഭൂലോകത്തില്‍ നിങ്ങളുടെ വക സമൃദ്ധമായ സദൃ ഇടകിടക്ക് ഉണ്ടെന്നിരിെക എന്തിനു വേറെ? അതില്‍ മധുരവും, എരിവും, പുളിയും, ചവര്‍പ്പും, ദഹനേന്ദ്രിയ തകരാരുകള്‍ അങ്ങിങ്ങായി വരുത്തിയതും ഉണ്ടാവാറുണ്ട്.

    വെറുമൊരു "നെററിസനായ” എന്നെ നിങ്ങള്‍ ബ്ലോഗ്ഗര്‍ എന്ന് വിളിക്കല്ലേ, നിങ്ങള്‍ ബ്ലോഗ്ഗര്‍ എന്ന് വിളിക്കല്ലേ ! ബാല പാഠങ്ങള്‍ പടിക്കെണ്ടിയിരിന്ക്കുന്നു!.
    സസ്നേഹം

    ReplyDelete
  35. നര്‍മത്തിന്റെ മേമ്പൊടി ചേര്‍ത്ത് താങ്കള്‍ പോസ്റ്റ്‌ ചെയ്യുന്ന ഓരോ ആനുകാലിക വിഷയങ്ങളും വായനക്കാര്‍ അംഗീകരിക്കുന്നു എന്നതിന്റെ തെളിവാണ്,
    താങ്ങള്‍ക്ക്‌ കിട്ടിയ ഈ എളിയ അല്ല വലിയ അവാര്‍ഡ്‌.
    അഭിനന്ദനങ്ങള്‍......

    ReplyDelete
  36. ബാക്കി തുക എത്രയും പെട്ടെന്ന് എത്തിക്കുക - ജൂറി അംഗം

    ReplyDelete
  37. congra....................ions for your own .....

    anwy u remind us one more thing...hw many award committees are being formed to declare awards for them but with another name...nokkane award committikalude or karyam!!!!

    Mashood thiruthiyad, doha qatar

    ReplyDelete
  38. ആരും പ്രശംസിക്കനില്ലെന്കില്‍ എന്ത് ചെയ്യും.........'' മുറ്റത്തെ മുല്ലക്ക് മണമില്ല എന്നുപറഞ്ഞ പോലെ''
    ഗുള്‌ുവടിക്കാതളിയാ.........

    ReplyDelete
  39. CONGRATS BASHEER....
    NINGAL ATH ARHIKKUNNU...

    ReplyDelete
  40. കിട്ടിയ അവാര്‍ഡു നിരസിച്ചു കൊണ്ട് ചിലര്‍ നമ്പര്‍ ഇറക്കാറുണ്ട്‌. അതൊന്നു പരീക്ഷിച്ചാലോ എന്ന് എനിക്ക് ഒരാഗ്രഹം. ഗൂഗിള്‍ ബസ്സില്‍ നവീന്‍ സെബാസ്ട്യന്‍ ആണ് ഈ ഐഡിയ എന്റെ തലയില്‍ ഇട്ടത്. ആരേലും അനുകൂലിച്ചാല്‍ ഞാന്‍ ആ കടും കൈചെയ്യും.

    ReplyDelete
  41. ആഹാ... എന്റെ നെറ്റ് കണക്ഷന്‍ കട്ടായ സമയം നോക്കി മാഷ് ഇതും ഒപ്പിച്ചല്ലേ...!!

    നെറ്റ് കണക്ഷന്‍ കട്ടായ സംഭവത്തില്‍ മാഷിന്റെ കറുത്ത | വെളുത്ത (?) കൈകള്‍ ഉണ്ടോ എന്നു ഞാന്‍ സംശയിക്കണോ മാഷെ..??
    ഹ ഹ ഹാ‍....
    അഭിനന്ദനങ്ങള്‍..!!!!!!

    ReplyDelete
  42. @ കൂതറHashimܓ : എന്നോട് കളിക്കുമ്പോള്‍ സൂക്ഷിച്ചു വേണം എന്ന് മുമ്പേ ഞാന്‍ പറഞ്ഞതാണ്. അന്ന് കേട്ടില്ല. ഇപ്പോള്‍ അനുഭവിച്ചു അല്ലെ..

    ReplyDelete
  43. Dear Mr. Basheer,
    Congratulation.
    Award only "ponnada"? Do not disclose the "cash". When will be the party to share the enjoyment? Chelavu cheyyathe pattilla.
    Mohammad Ali.

    ReplyDelete
  44. അറിയുവാന്‍ വൈകി എന്കിലും അഭിനന്ദനങ്ങളറിയിക്കുന്നു, ഹാ മേരാ ഭി ദിന്‍ ആയേഗാ ;)

    ReplyDelete
  45. അവാര്‍ഡ്‌ കിട്ടിയതില്‍ എന്റെ അഭിനന്ദനങ്ങള്‍

    ReplyDelete
  46. എല്ലാ വിധ അഭിനന്ദനങ്ങ ളും നേരുന്നു. അവാര്‍ഡ്‌ , തികച്ചും യോഗ്യത ഉള്ള ആള്‍ക്ക് തന്നെയാണ് കിട്ടിയത്.

    ReplyDelete
  47. എല്ലാ വിധ അഭിനന്ദനങ്ങ നേരുന്നു. അവാര്‍ഡ്‌ , തികച്ചും യോഗ്യത ഉള്ള ആള്‍ക്ക് തന്നെയാണ് കിട്ടിയത്

    ReplyDelete
  48. sahadharmini chundu kottiyath iniyum manasilayillenkil... haaa kashtam.. ennallathenthu parayan? makale ketikarayitum bharyaye manassilakkathavanum avaardu kittunna lokam... ithil paramenthu moolyachyuthiya akshara i t lokathinu varanullath?

    ReplyDelete
  49. ബഷീര്‍ കാക്ക അഭിനന്ദനങ്ങള്‍...
    തീവ്രവാദത്തിനും, തീവ്രവാദികള്‍ക്കുമെതിരെ ആയിരം കുതിര ശക്തിയോടെ പ്രതികരിക്കാന്‍ താങ്കള്‍ക്ക് കഴിയട്ടെ...

    ReplyDelete
  50. edakku manhaju thettunnuvo...

    OOham padilla! Pakshe, samshayam marunnumilla!

    Nannayi varatte, abinandanagal.

    ReplyDelete
  51. അങ്ങനെ താങ്കള്‍കും കിട്ടി.....എനിക്കും കൂടി ഒരെണ്ണം ഒപ്പിച്ച് തന്നാല്‍....ആഫ്റ്റര്‍ ആള്‍ കൊതുകിനുമുണ്ടാവില്ലേ ക്രിമി കടി

    ReplyDelete