November 2, 2014

തരൂരിന്റെ 'ഞാനമ്മ' ഉയർത്തുന്ന ചില ടൈപ്പിംഗ് ചിന്തകൾ

ഇന്റർനെറ്റിൽ മലയാളം എഴുതുക എന്നത് ഒരു ദുരിതം പിടിച്ച പണിയാണ്. മലയാള ഭാഷ നന്നായി കൈകാര്യം ചെയ്യുന്ന ആളുകൾക്ക് പോലും ഓണ്‍ലൈനിൽ നാലക്ഷരം തെറ്റ് കൂടാതെ ടൈപ്പ് ചെയ്യണമെങ്കിൽ വളരെ പ്രയാസമാണ്. മംഗ്ലീഷിൽ ടൈപ്പ് ചെയ്ത് അതിനെ മലയാളത്തിലേക്ക് മാറ്റുന്ന സോഫ്റ്റ്‌വെയറുകളാണ് കൂടുതൽ ആളുകളും ഇതിനായി ഉപയോഗിക്കുന്നത്. ഇംഗ്ലീഷുകാരന് ഇംഗ്ലീഷ് എഴുതണമെങ്കിൽ ഇംഗ്ലീഷ് അക്ഷരങ്ങൾ ടൈപ്പ് ചെയ്‌താൽ മതി. അറബികൾക്ക് അറബി എഴുതുവാൻ അറബി അക്ഷരങ്ങളും. നമ്മൾ മലയാളികൾക്ക് മലയാളം എഴുതാൻ ഇംഗ്ലീഷ് അക്ഷരങ്ങൾ ടൈപ്പ് ചെയ്യണം. സാങ്കേതിക പ്രയാസങ്ങൾ കാരണം മലയാളം കീ ബോർഡ് ഉപയോഗിക്കുന്നവർ വളരെ കുറവാണെന്നതാണ് അതിന് കാരണം. കേരളപ്പിറവി ദിനത്തോടനുബന്ധിച്ചു ശശി തരൂർ ട്വീറ്റ് ചെയ്ത ഒരു മലയാള സന്ദേശമായിരുന്നു കഴിഞ്ഞ ദിവസം സോഷ്യൽ മീഡിയയിലെ സൂപ്പർ ഹിറ്റ്. തരൂരിന്റെ ട്വിറ്റർ അക്കൗണ്ടിൽ പണ്ട് തൊട്ടേ ഗുളികന്റെ ശല്യം ഉണ്ട്. പല ഗുലുമാലുകളിലും അദ്ദേഹം ചെന്ന് ചാടിയിട്ടുള്ളത് ട്വിറ്ററിലൂടെയാണ്. കേറ്റിൽ ക്ലാസ്സിൽ തുടങ്ങി മെഹർ തരാർ വരെ അത് നീണ്ടു കിടക്കുന്നു. അദ്ദേഹത്തിന് പച്ച വെള്ളം പോലെ വഴങ്ങുന്ന ഇംഗ്ലീഷിൽ എഴുതുമ്പോഴാണ് ഇത്തരം ഗുലുമാലുകളൊക്കെ വന്ന് പെട്ടിട്ടുള്ളത്. അപ്പോൾ ഒട്ടും വഴങ്ങാത്ത മലയാളത്തിൽ എഴുതിയാലുള്ള പൊല്ലാപ്പ് പറയാനുണ്ടോ?.

കേരളപ്പിറവി ദിനം മലയാളികളെ സംബന്ധിച്ചിടത്തോളം ഒരു വിശേഷ ദിനമാണ്. നമ്മുടെ സംസ്ഥാനം പിറവി കൊണ്ട ദിനം. അത്തരം ഒരു നല്ല ദിവസത്തിൽ ഇംഗ്ലീഷിൽ ആശംസ പറയുന്നതിന് പകരം മലയാളത്തിൽ തന്നെ ഒരാശംസ കൊടുക്കണം എന്ന് തോന്നിയ അദ്ദേഹത്തിന്റെ നല്ല മനസ്സിനെ നമുക്ക് അഭിനന്ദിക്കാം. പക്ഷേ ഏതൊരു മലയാളിയുടെയും ചങ്ക് പൊട്ടുന്ന രൂപത്തിലായിപ്പോയി ആ ആശംസ.. ചൈനീസ് ഭാഷയിൽ എഴുതുന്നതായിരുന്നു ഇതിലും ഭേദം എന്ന് തോന്നിപ്പോയി. തരൂർജിയുടെ ട്വീറ്റ് ഇങ്ങനെയായിരുന്നു.


ഇതിലെ ഏറ്റവും വലിയ ഹൈ ലൈറ്റ് ഞാനമ്മയാണ്. നന്മയെന്നാണ് അദ്ദേഹം ഉദ്ദേശിച്ചത്. പക്ഷേ മംഗ്ലീഷിൽ ടൈപ്പ് ചെയ്ത് വന്നപ്പോൾ അത് ഞാനമ്മയായി. നന്മ എന്നതിന്റെ ഉച്ചാരണം ഞന്മ എന്നായിരിക്കാമെന്ന് കരുതി അദ്ദേഹം njanmma എന്നോ മറ്റോ മംഗ്ലീഷിൽ ടൈപ്പ് ചെയ്തു കാണണം. അപ്പോൾ കീ ബോർഡിനുള്ളിൽ ഒളിച്ചിരുന്ന ഞാനമ്മ ഒരു കള്ളച്ചിരി ചിരിച്ചു കൊണ്ട് ചാടി വീണു. അന്നാമ്മയും സാറാമ്മയും ഞാനമ്മയുമൊക്കെ ശുദ്ധ ഗതിക്കാരായ പുരുഷന്മാരെ പിടികൂടാനായി നോട്ടമിട്ട് നടക്കുന്ന കാലമാണല്ലോ ഇത്. തരൂരിന്റെ ജീവിതത്തിലേക്ക് പല സ്ത്രീകളും പല ഘട്ടങ്ങളിൽ ഇത് പോലെ ചാടി വീണ് പ്രശ്നം ഉണ്ടാക്കിയിട്ടുണ്ട്. ഇന്നലെ ചാടി വീണത്‌ ഞാനമ്മയായി എന്ന് മാത്രം. പ്രാഥമിക തലത്തിൽ മലയാള ഭാഷ പഠിച്ചിട്ടില്ലാത്തതിനാൽ അദ്ദേഹത്തെ ആ വിഷയത്തിൽ പരിഹസിക്കുന്നതിലും കളിയാക്കുന്നതിലും അർത്ഥമില്ല. കഴിവിന്റെ പരമാവധി മലയാളം പറയാനും ഉപയോഗിക്കാനും അദ്ദേഹം ശ്രമിക്കാറുണ്ട്. പിന്നെ നിങ്ങളെന്തിനാണ് ഈ പോസ്റ്റ്‌ എഴുതുന്നത്‌ എന്ന് ചോദിക്കും. നമ്മുടെ ഭാഷയുടെ അവസ്ഥയും അതിന്റെ ലിപി സംബന്ധമായ ചില ചിന്തകളും ഓണ്‍ലൈനിൽ എഴുതുന്നവർ അഭിമുഖീകരിക്കുന്ന പ്രശ്നങ്ങളും ചർച്ചയാക്കുക എന്ന ലക്ഷ്യമാണ്‌ ഇതിനു പിന്നിലുള്ളത്.

ഗൂഗിളിന്റെ മലയാളം ഇൻപുട്ട് ടൂൾസാണ് ഞാൻ ഉപയോഗിക്കാറുള്ളത്. ആർക്കും ഉപയോഗിക്കാൻ സാധിക്കും വിധം താരതമ്യേന എളുപ്പമുള്ള രീതിയാണ് ഗൂഗിളിന്റെത്. ഇന്റർനെറ്റ്‌ കണക്ഷൻ ഉള്ള ആർക്കും മറ്റൊരു സോഫ്റ്റ്‌ വെയർ ഇൻസ്റ്റാൾ ചെയ്യാതെ തന്നെ ടൈപ്പ് ചെയ്യാം. Google transliteration IME ഇൻസ്റ്റാൾ ചെയ്‌താൽ ഓഫ് ലൈനിലും ടൈപ്പ് ചെയ്യാം. വേറെയും നിരവധി സോഫ്റ്റ്‌ വെയറുകൾ ലഭ്യമാണ്. ചില പദങ്ങൾക്ക് അതിന്റെ ശരിയായ മലയാള അക്ഷരം ലഭിക്കുവാൻ മംഗ്ലീഷ് ടൈപ്പിങ്ങിൽ പലപ്പോഴും പ്രയാസപ്പെടാറുണ്ട്. അത്തരം സന്ദർഭങ്ങളിൽ കിട്ടിയത് വെച്ച് ഒപ്പിക്കുകയാണ് പലരും ചെയ്യാറുള്ളത്. പക്ഷേ ഒരക്ഷരത്തെറ്റ് മതി ഒരു പോസ്റ്റിന്റെ ഗൗരവവും നിലവാരവും കുറക്കുവാൻ എന്ന കാര്യം പലരും വിസ്മരിക്കുന്നു. 'ഐക്യദാർഢ്യം' ഒരു വല്ലാത്ത പഹയനാണ്. അവനെ ഒന്ന് കയ്യിലൊതുക്കാൻ ഞാൻ ഏറെ പ്രയാസപ്പെടാറുണ്ട്. 'ഢ്യം' ഇപ്പോഴും എനിക്ക് വഴങ്ങാറില്ല. ഗൂഗിളിൽ നിന്ന് സെർച്ച് ചെയ്ത് പിടിക്കുകയാണ് പതിവ്. ഈ ഒരു പ്രശ്നം ഉള്ളത് കൊണ്ട് ഐക്യദാർഢ്യം പ്രഖ്യാപിക്കേണ്ട പല വിഷയങ്ങളിലും അത് ചെയ്യാതെ ഞാൻ ഒഴിഞ്ഞു മാറുകയാണ് ചെയ്യാറുള്ളത്. ഒരുദാഹരണം പറഞ്ഞു എന്ന് മാത്രം. ഇതുപോലെ പ്രശ്നക്കാരായ പല അക്ഷരങ്ങളും മംഗ്ലീഷ് ടൈപ്പിങ്ങിൽ ഉണ്ടാകാറുണ്ട്.

ഒരു സുഹൃത്തിന് മലയാളത്തിൽ നിങ്ങളൊരു ഇമെയിൽ അയക്കുന്നു എന്ന് കരുതുക. 'നിങ്ങളെ പറ്റി എനിക്ക് നല്ല അഭിപ്രായമാണ്' എന്ന വാചകം എഴുതാൻ വേണ്ടി ningale patti എന്ന് നിങ്ങൾ മംഗ്ലീഷിൽ ടൈപ്പ് ചെയ്യുന്നു. ഞാനമ്മ വന്നത് പോലെ ഇവിടെ ചാടി വീഴുന്നത് 'പറ്റി'ക്ക് പകരം 'പട്ടി'യാണ്. 'നിങ്ങൾ പട്ടി' എന്ന ആദ്യ വാചകം തന്നെ മതി ആജീവനാന്ത ശത്രുത വിളിച്ചു വരുത്താൻ. അതുകൊണ്ട് വളരെ ശ്രദ്ധിച്ചു വേണം മംഗ്ലീഷിൽ കളിക്കാൻ. ടൈപ്പ് ചെയ്ത ശേഷം ശരിക്കൊന്ന് വായിച്ചു നോക്കണം. ഞാനമ്മയും പട്ടിയുമൊക്കെ നമ്മളെ നോട്ടമിട്ട് വരികൾക്കിടയിൽ ഒളിഞ്ഞിരിക്കുന്നുണ്ടാകും. എന്നാൽ ടൈപ്പ് ചെയ്തത് ഒരു തവണ പോലും വായിച്ചു നോക്കാതെ പോസ്റ്റ്‌ ചെയ്യുന്നവരാണ് കൂടുതലും. അതുകൊണ്ട് തന്നെ ഫേസ്ബുക്കിലും ബ്ലോഗുകളിലും മറ്റും പ്രത്യക്ഷപ്പെടുന്ന മലയാളം വായിച്ചാൽ പലപ്പോഴും നമ്മൾ ബോധം കെട്ട് വീഴും. ഓണ്‍ലൈൻ എഴുത്തും മലയാളത്തിലെ ലിപി പരിഷ്കരണവും മറ്റുമായി ബന്ധപ്പെട്ട ഗൗരവതരമായ ചില ചർച്ചകൾ ഉയർന്നു വരേണ്ട കാലം അതിക്രമിച്ചിരിക്കുന്നു. ഈ മംഗ്ലീഷും ഞാനമ്മയുമൊക്കെയായി നമുക്കെത്ര കാലം മുന്നോട്ട് പോകാൻ പറ്റും.



തരൂരിലേക്ക് തന്നെ വരാം. ആ പാവം എന്ത് ചെയ്താലും വാർത്തയാകുന്ന ഒരു കാലമാണ് ഇത്. തന്റെ ട്വീറ്റ് സോഷ്യൽ മീഡിയയിൽ വൈറലായ വിവരമറിഞ്ഞ തരൂർ ഉടനെ തന്നെ തെറ്റുകൾ തിരുത്തി ട്വീറ്റ് ചെയ്തു. അതിലദ്ദേഹം കാണിച്ച മാന്യതയും പരാമർശിക്കേണ്ടതുണ്ട്. ഏതാണ്ട് ഇരുപത്തിയഞ്ച് ലക്ഷം ആളുകൾ ഫോളോ ചെയ്യുന്ന അക്കൌണ്ടാണ് തരൂരിന്റെ ട്വിറ്റർ എന്നും ഓർക്കുക. സാധാരണ ഗതിയിൽ നമ്മളൊക്കെ ആയിരുന്നെങ്കിൽ ആദ്യത്തെ ട്വീറ്റ് ഡിലീറ്റ് ചെയ്ത് പുതിയത് വേറെ ഒരെണ്ണം ശരിയാക്കി എഴുതും. പക്ഷേ അദ്ദേഹം ആദ്യത്തേത് ഡിലീറ്റ് ചെയ്തില്ല. വേറെ ഒരെണ്ണം ശരിയാക്കി എഴുതി. Sorry better Malayalam now എന്ന് പറഞ്ഞു കൊണ്ടാണ് അത് ട്വീറ്റ് ചെയ്തത്.

മംഗ്ലീഷിൽ ടൈപ്പ് ചെയ്ത് സോഷ്യൽ മീഡിയയിൽ പോസ്റ്റ്‌ ചെയ്യുന്ന എല്ലാവരും എന്റർ ബട്ടണ്‍ അമർത്തുന്നതിന് മുമ്പ് ഞാനമ്മയെ ഓർക്കണം. പോസ്റ്റ് ചെയ്യുന്നതിന് മുമ്പ് എഴുതിയത് ഒരാവർത്തിയെങ്കിലും വായിച്ചു നോക്കുവാനുള്ള സാവകാശം കാണിക്കണം. ശശി തരൂർ  മലയാളം എഴുത്തും വായനയും പഠിച്ചിട്ടില്ലാത്തത് കൊണ്ട് അദ്ദേഹത്തിന് രക്ഷപ്പെടാൻ പഴുതുണ്ട്. പത്താം ക്ലാസ്സും അതിലപ്പുറവും മലയാളത്തിൽ പഠിച്ച നമ്മൾ അത്തരം തെറ്റുകൾ വരുത്തുമ്പോൾ രക്ഷപ്പെടാൻ പഴുതുണ്ടാവില്ല. മലയാള ടൈപ്പിങ്ങിനെക്കുറിച്ച ചില ഗൗരവതരമായ ചിന്തകൾ തരൂരിന്റെ ഞാനമ്മ ഉയർത്തുമെന്ന് നമുക്ക് പ്രതീക്ഷിക്കാം.

Recent Posts
മറൈൻ ഡ്രൈവിൽ ചുംബിക്കാൻ പോകുന്ന കോമാളികളോട്  
ബി ജെ പിയുടെ ഏഷ്യാനെറ്റ് ബഹിഷ്കരണം. സത്യമെന്താണ്? 
ബഹറയിലെ സാൻഡ് ഡ്രൈവിംഗ് 
വാട്ട്സ് ആപ്പിലെ സരിത

44 comments:

  1. മലയാളം ടൈപ്പിങ്ങിൽ നിങ്ങൾക്ക് നേരിട്ടിട്ടുള്ള പ്രയാസങ്ങളും പറ്റിയ അബദ്ധങ്ങളും ഇവിടെ പങ്ക് വെക്കാവുന്നതാണ്.

    ReplyDelete
  2. ഒരിക്കല്‍ ഒരു ചര്‍ച്ചയില്‍ ഞാന്‍ "പൊതു വിദ്യാഭാസം" എന്ന് ടൈപ് ചെയതപ്പോള്‍ വന്നത് "പോത്ത് വിദ്യാഭ്യാസം" എന്നാണ്... അതോടു കൂടി ആ ചൂടന്‍ ചര്‍ച്ചയുടെ ഗൌരവം വിട്ട് അത് ചിരിയിലേക്ക്‌ വീണുപോയ്‌.

    ReplyDelete
    Replies
    1. പോത്ത് വിദ്യാഭ്യാസം കലക്കി...

      Delete
    2. Vellimadukunnu ,,merikkunnu..ennu ezhuthiya board sayipp vayichappol ingane aayi.,,,,
      "VELLAMADIKKUNNU",...".
      ",MARIKKUNNU"...............!!!!! Ha..ha...

      Delete
  3. ബ്ലോഗ്‌ വായിച്ചപ്പോഴാണ് ഓർത്തത്‌ പലപ്പോഴും എഴുതുമ്പോൾ പറ്റുന്ന ഓരോ അബന്ധങ്ങൾ പിന്നീട് ഓർത്ത് ചിരിക്കാൻ വകയുണ്ടാവും
    ഞാൻ ഒരിക്കൽ എന്റെ സുഹൃത്ത്‌ മധുവിന്റെ സ്റ്റാറ്റസ് നു അടിയിൽ എഴുതി പോയി പിന്നീട് നോട്ടിഫിക്കേഷൻ നോക്കിയപ്പോൾ ആണ് അബദ്ധം മനസിലായത് ...
    "മധുവിനെ പറ്റി" എന്നുള്ളിടത്ത് " മധുവിനെ പട്ടി " എന്നാണ് എഴുതിയത് ...അതിനടിയിൽ അദ്ധേഹത്തിന്റെ കമന്റും ..ജേക്കബ്‌ നിങ്ങൾ മെസ്സേജ് ബോക്സിൽ ആണ് എന്നെ പട്ടി എന്ന് വിളിച്ചത് എങ്കിൽ സാരമില്ലായിരുന്നു , ഇത്ര പരസ്യമായി വേണ്ടായിരുന്നു എന്ന്

    ReplyDelete
    Replies
    1. അബന്ധങ്ങൾ ???

      Delete

  4. മലയാളം കീബോർഡ് ഉപയോഗിച്ചിട്ട് തന്നെ പറ്റുന്ന അബദ്ധങ്ങൾ്ക്ക് കണക്കില്ല. പിന്നെയല്ലേ മംഗ്ളീഷ് ! പലപ്പോഴും പോസ്റ്റ് ചെയ്ത ശേഷം എഡിറ്റ് ചെയ്യേണ്ടതായി വരാറുണ്ട്. ഒരു തവണ കമന്റ് ചെയ്ത് ശേഷം സുഹൃത്ത് വിളിച്ച പറഞ്ഞപ്പോഴാണ് ഒരു വാക്ക് അസഭ്യം ആയിരുന്നു എന്നറിഞ്ഞത്! ഉടനെ തന്നെ മാറ്റി.
    പക്ഷേ തരൂർ വിദേശത്ത് ജനിച്ച കാരണം മലയാളം വായിക്കാനറില്ലായിരിക്കാം.മലയാളത്തിൽ പ്രതികരിക്കാനുള്ള ആവേശത്തിൽ കേറി മംഗ്ളീഷിൽ എഴുതി വിട്ടു കാണും.എന്കിലും കേരളപ്പിറവി ദിനത്തിലെന്കിലും മലയാളം ഉപയോഗിക്കാനുള്ള ഔചിത്യത്തെ അഭിനന്ദിക്കാതെ വയ്യ.!

    ReplyDelete
  5. തരൂരിന്റെ ട്വീറ്റ് കണ്ടപ്പോൾ ആദ്യം കരുതിയത്, ടോം വടക്കൻറെ സന്ദേശം കോപ്പി പേസ്റ്റ് ചെയ്തതാണെന്നാ. തിരുത്ത് കൂടി കണ്ടപ്പോഴാ സംഗതി പിടി കിട്ടിയത്.

    ReplyDelete
  6. രണ്ടാമത്തെ ട്വീറ്റ് എഴുതിയുണ്ടാക്കിയത് മലയാളം എഴുതാനും വായിക്കാനും അറിയുന്ന ഒരുത്തനാണ് എന്നതിൽ ആർക്കും സംശയം ഉണ്ടാവാൻ ഇടയില്ല. മലയാളികളുടെ ഒരു ജനപ്രതിനിധി ഇത്തരം ഒരു തെറ്റ് വരുത്തുന്നത് ഗൗരവപൂർവ്വം കാണണം. ആശംസ അറിയിക്കുന്നത് മലയാളം അറിയാത്ത ഗവർണർ ആയാലും കളക്ടർ ആയാലും തരൂർ ആയാലും അത് ശുദ്ധമാണെന്ന് ഉറപ്പ് വരുത്തേണ്ട ബാധ്യത അവർക്കുണ്ട്. തെറ്റ് അംഗീകരിച്ചു ശരി പ്രവർത്തിച്ചാൽ ഇമേജ് കൂടും എന്ന് രാഷ്ട്രീയക്കാരെ പ്രത്യേകിച്ച് പഠിപ്പിക്കണോ മാഷേ? ബൈ ദ വേ, സ്നേഹപൂർവ്വം സ്വാഗതം കേഡിക്കാഴ്ച്ചകളിലേക്ക്...

    ReplyDelete
  7. ഐക്യദാർഢ്യം കലകകി േടാ

    ReplyDelete
  8. നല്ലൊരു ഓര്‍മ്മപ്പെടുത്തലാണ് ഈ കുറിപ്പ്.നമ്മളൊക്കെ സാധാരണയായി
    എഴുതിക്കഴിഞ്ഞ്‌ എഴുതിയതെല്ലാം ശരിയാണെന്ന് നിനച്ച്‌, വായിച്ചുനോക്കാനുള്ള സമയംപോലും മിനക്കെടുത്താതെ enter ചെയ്യുന്നു.പിന്നെ ആരെങ്കിലും തെറ്റുകള്‍ ചൂണ്ടിക്കാണിക്കുമ്പോഴോ അല്ലെങ്കില്‍ വീണ്ടുമെപ്പോഴെങ്കിലും വായിക്കുമ്പോഴോ ആണ് തെറ്റുകളെപ്പറ്റി നമുക്ക് ബോദ്ധ്യമാവുന്നത്.വള്ളിപ്പുള്ളിദീര്‍ഘങ്ങള്‍ വിട്ടാലും,അക്ഷരങ്ങള്‍ തെറ്റിയാലും വരുന്ന അവസ്ഥ.........അപ്പോഴാണ്‌ നമ്മള്‍ നമ്മളുടെ ശ്രദ്ധയില്ലായ്മയെ സ്വയം പഴിക്കുന്നത്.............
    ആശംസകള്‍

    ReplyDelete
  9. തരൂര്‍ തെറ്റ് തിരുത്തി.പക്ഷേ ആദ്യത്തെ ട്വീറ്റ് ഡിലീറ്റ് ചെയ്തു മിടുക്കനാകാന്‍ ശ്രമിച്ചില്ല.ഞാന്‍ ആ മനുഷ്യനെ ഇഷ്ടപ്പെടുന്നത് ഈ സത്യസന്ധത കൊണ്ട് തന്നെയാണ്

    ReplyDelete
  10. ഈ ഗൂഗിള്‍ ഉപയോഗിച്ച് മലയാളം ടൈപ്പ് ചെയ്യുമ്പോള്‍ പലപ്പോഴും അബദ്ധം പറ്റാറുണ്ട്! ചിലപ്പോള്‍ നമ്മള്‍ ഉദ്ദേശിച്ച വാക്ക് എങ്ങനെ ടൈപ്പ് ചെയ്താലും വരൂലാ..ചിലപ്പോള്‍ ഉദ്ദേശിച്ച അക്ഷരം കിട്ടാന്‍ വേണ്ടി വേറെ വാക്ക് ടൈപ്പ് ചെയ്തു അതില്‍നിന്നും 'പുള്ളിയെ' കട്ട് പേസ്റ്റ് ചെയ്തു ഉദ്ദേശിച് വക്കില്‍ അണി നിരത്താരുണ്ട്! എല്ലാം കഴിഞ്ഞു comment പോസ്റ്റിയാല്‍...ദേ കിടക്കുന്നു വീണ്ടും കുറെ അക്ഷര പിശാജുക്കള്‍...

    ReplyDelete
  11. കീമാൻ കീബോർഡ് ആണ് ഓഫീസിലും സ്വന്തം സിസ്റ്റത്തിലും ഉപയോഗിക്കുന്നത്. അതുപയോഗിക്കാനാണ് പുതുതായി മലയാളം കമ്പ്യൂട്ടറിൽ എഴുതി പഠിക്കുന്നവരെ ഉപദേശിക്കുന്നതും. അതിൽ നമ്മൾ ടൈപ്പ് ചെയ്യുന്നതല്ലാതെ മറ്റു വാക്കുകളൊന്നും ചാടിക്കയറി വരില്ലെന്ന ആശ്വാസവുമുണ്ട്. കീമാൻ ഇൻസ്റ്റാൾ ചെയ്യാത്ത സിസ്റ്റം ഉപയോഗിക്കേണ്ടി വരുമ്പോൾ മാത്രമേ Google transliteration IME പോലുള്ള ഓൺലൈൻ ടൈപ്പിംഗ് സം‍വിധാനങ്ങൾ ഉപയോഗിക്കാറുള്ളു. ഏത് ടൂൾ ഉപയോഗിച്ചെഴുതിയാലും പോസ്റ്റ് ചെയ്യുന്നതിനുമുമ്പ് ഒന്നു വായിച്ചുനോക്കാനുള്ള മനസ്സ് ഉണ്ടാക്കിയെടുക്കുകയാണ് ആദ്യം ചെയ്യേണ്ടത്.

    ReplyDelete
  12. ചില android ഫോണുകളില്‍ മലയാളം വായിക്കാനോ ടൈപ്പ് ചെയ്യാനോ സാധ്യമില്ല..ഇത്തരം ഫോണുകളില്‍ മലയാളം ലഭ്യമാക്കാനുള്ള ലിങ്ക് കൂടി അറിയാവുന്നവര്‍ ഇവിടെ പോസ്റ്റ്‌ ചെയ്‌താല്‍ ഉപകാര പ്രദമാകും

    ReplyDelete
    Replies
    1. മലയാളം എഴുതുവാൻ വരമൊഴി https://play.google.coma/store/apps/details?id=com.jeesmon.apps.varamozhiaഡൗൺലോഡ്‌ ചെയ്യുക .വായിക്കാൻ https://play.google.com/store/apps/details?id=com.besafesoft.peacockbrowser ഉപയോഗിക്കുക

      Delete
  13. ഗൂഗിളിന്റെ ട്രാന്‍സ്‌ലിറ്ററേഷന്‍ ഉപയോഗിക്കുന്നതിനോളം ഭ്രാന്തുപിടിപ്പിക്കുന്ന മറ്റൊന്നുമില്ല. ബ്ലോഗെഴുത്തു തുടങ്ങിയ കാലത്ത് ഈയൊരു സൂത്രമേ എനിക്കറിയാമായിരുന്നുള്ളൂ. ബ്ലോഗ് എഴുതുന്നതിന്റെ ഇരട്ടി സമയം വേണ്ടിയിരുന്നു അക്ഷരപ്പിശകുകള്‍ തിരുത്താന്‍. ഇപ്പോള്‍ 'സ്വനലേഖ' എന്ന ഫയര്‍ഫോക്സ് പ്ലഗിന്‍ ആണ് ഉപയോഗിക്കുന്നത്. അതിന് ആകെയൊരു ദോഷമുള്ളത് അക്ഷരപ്പിശകില്ലാതെ എഴുതാന്‍ സ്വയം അറിയണം എന്നതുമാത്രമാണ് (ഗൂഗിള്‍ ശരിയായി സ്പെല്‍ ചെയ്ത നാലഞ്ച് ഓപ്ഷന്‍ തരും). കീമാനെ അപേക്ഷിച്ച് ചില്ലക്ഷരങ്ങളും ഭേദപ്പെട്ടതാണ്.

    തരൂര്‍ജിയ്ക്ക് പക്ഷേ സ്വനലേഖ ശരിപ്പെട്ടുവരില്ല.

    ReplyDelete
    Replies
    1. വളരെ നല്ല പോസ്റ്റ്. താങ്കളുടെ അഭിപ്രായത്തോട് യോജിക്കുന്നു. മലയാളം ടൈപ്പിങ്ങുമായി ബന്ധപ്പെട്ട ഒരു പ്രശ്നം സൂചിപ്പിച്ചുകൊള്ളട്ടെ. Google transliteration ഓഫ് ലൈനിൽ സാധ്യമാണെങ്കിൽ പോലും അത് അത്ര ബുദ്ധിയുള്ള ഒരു സോഫ്റ്റ് വെയർ അല്ല. 'പ്രെഡിക്ഷൻ ബെയ്സ്ഡ്' അതിലെ ടൈപ്പിംഗ്. നാം ടൈപ്പ് ചെയ്തു തുടങ്ങുമ്പോൾ തന്നെ കുറെയധികം വാക്കുകളടങ്ങുന്ന ഒരു മെനു പ്രക്ത്യക്ഷപ്പെടുകയും അതിൽനിന്നും നാമുദ്ദേശിക്കുന്ന വാക്ക് പെറുക്കി യെടുക്കേണ്ടിവരികയും ചെയ്യുക എന്നത് വളരെ ബുദ്ധിമുട്ടുണ്ടാക്കുന്ന ഒരു ഒന്നാണ`. ഒരുകാലത്ത് വളരെ അനായാസേന മലയാളം ടൈപ്പിങ്ങിനു സഹായിച്ചിരുന്ന 'വരമൊഴി സോഫ്റ്റ് വെയർ' ഇതിനെക്കാൾ എളുപ്പത്തിൽ ഉപയോഗിക്കുവാൻ സാധിക്കുമായിരുന്നു. എന്നാൽ ഒരു സ്വതന്ത്ര സോഫ്റ്റ് വെയർ സംരംഭമായ അതിൽ ഇപ്പോൾ ഡെവലപ്പർ മാരെ ആരെയം കാണുന്നില്ല. വിന്ഡോസ് -7 മുതൽ ഇങ്ങോട്ടുള്ള ഒരു വേർഷനിലും ഇത് പ്രവർത്തനയോഗ്യവുമല്ല. ഇത് മലയാളം കമ്പ്യൂട്ടിങ്ങിൽ നമ്മുടെ പിന്നോക്കാവസ്ഥയാണ` സൂചിപ്പിക്കുന്നത്.

      Delete
  14. വളരെ പ്രധാനപ്പെട്ട ഒരു വിഷയമാണ് ഇത്. നല്ല മലയാളവും ശ്രേഷ്ഠ മലയാളവുമൊക്കെയായി നമ്മള്‍ മുന്നേറുമ്പോഴും ഇത്തരം ചതികുഴികള്‍ മുന്നിലുണ്ട് എന്ന് തിരിച്ചറിയുക.

    ReplyDelete
  15. Good post
    Happy to say I read this through vayanasala

    ReplyDelete
  16. ''ഉം'' എന്നെഴുതുമ്പോള്‍ ഒരു M എങ്ങാനും കൂടുതല്‍ അടിച്ചുപോയാല്‍ കുഴഞ്ഞത് തന്നെ :)

    ReplyDelete
  17. കൂട്ടുകാരിയെ മംഗ്ലീഷിൽ ചക്കരേ എന്ന് ടൈപ്പ് ചെയ്തപ്പോൾ വന്നത് ചരക്കേ എന്നാണ്.

    ReplyDelete
    Replies
    1. Manassil ullad manassilaakkunna aksharangal......

      Delete
    2. Nammal nuna paranjalum..... Keyboard nuna parayillaaaaaaaaa

      Delete
  18. പാവം തരൂർ എന്നും “സസി” യാകുന്നു!!!

    ReplyDelete
  19. ശരി എന്ന ധാരണയില്‍ പ്രച്ചരിച്ചുകൊണ്ടിരിക്കുന്ന ചില തെറ്റുകള്‍ ............യാഥാസ്തിതികര്‍, ലയിങ്കികത, സാംകേതികം(ഞാനമ്മ പോലെയുള്ളവ നമ്മള്‍ തന്നെ പെട്ടെന്ന്‍ തിരുത്തും. പക്ഷെ ഇത്തരം സ്പെല്ലിംഗ് തകരാറുകള്‍ തിരുത്തപ്പെടുന്നില്ല. ഫലം, ആളുകള്‍ അനുകരിച്ച് അംഗീകൃതമാക്കും) Santhosh Vt

    ReplyDelete
    Replies
    1. Adhyapakan, Vidyarthi, Uthsavam.........

      Delete
  20. മുന്‍പ് മലയാളം ടൈപ് ചെയ്യല്‍ പ്രത്യേകിച്ചു പഠിക്കേണ്ടി യിരുന്നു . ഒരു കൊല്ലം കമ്പ്യൂട്ടര്‍ സെന്ററില്‍ ഇരുന്നു മലയാളം ടൈപ് ചെയ്തു പഠിച്ചവന്റെ മുന്നിലേക്കാണ്‌ , മംഗ്ലീഷ് മലയാളവുമായി ന്യൂ ജനറേഷന്‍ കേറി വന്നത് . ഫേസ് ബുക്ക് പ്രചാരത്തില്‍ വരുന്നതിനു മുന്നേയുള്ള ഓര്‍ക്കുട്ടില്‍ ഭൂരി ഭാഗം പേരും വെറും മംഗ്ലീഷ് മാത്രമായിരുന്നു . ഫേസ്ബുക്കിനു മലയാളികള്‍ക്കിടയില്‍ ഇത്ര പ്രചാരം ലഭിച്ചതിന്റെ കാരണം ഒരു പക്ഷെ ഈ മംഗ്ലീഷ് മലയാളത്തിനു കാര്യമായ , സ്വാധീനം ഉണ്ടായിരിക്കും , ഞാനൊക്കെ അംഗ മായിരുന്ന ഒരു സാഹിത്യ ഗ്രൂപ്പില്‍ ആദ്യ കാലങ്ങളില്‍ മംഗ്ലീഷ് എഴുതി യിരുന്നവരെ , നിര്‍ബന്ധിച്ചു മലയാളം ലിപിയില്‍ എഴുതിക്കുന്ന ആളുകള്‍ ഉണ്ടായിരുന്നു . ചിലര്‍ മന്ഗ്ലിഷില്‍ എഴുതി വെച്ചാല്‍ , അത് അവര്‍ നേരെ മലയാളീ കരിക്കും . സ്വാഭാവികമായും എഴുത്തുകാരന്‍ മലയാളം ലിപി ഏതെങ്കിലും രൂപത്തില്‍ പ്രയോഗത്തില്‍ വരുത്താനും തുടങ്ങി . ചില്ലറ അക്ഷര പിശാചുക്കള്‍ കേറി വന്നെങ്കിലും പലര്‍ക്കും എഴുത്തില്‍ ആത്മ വിശ്വാസം വര്‍ദ്ധിപ്പിക്കാന്‍ അത് കാരണമായിട്ടുണ്ട് . ഗൂഗിള്‍ ട്രാന്‍സ് ലെഷനിലെ അക്ഷര പിശകുകള്‍ ശ്രദ്ധിച്ചാല്‍ മാറ്റാവുന്ന താണു എനാണ് എന്റെ അഭിപ്രായം .

    ശ്രീ ശശി തരൂരിന്റെ ഞാനമ്മ മലയാളം ഒരു അബദ്ധം ആണ് എന്ന് ഞാന്‍ കരുതുന്നില്ല . എഴുതിന്നിടത്ത് തെറ്റ് വന്നാലും പോസ്റ്റ്‌ ചെയ്യുന്നതിനു മുന്നേ ഒന്ന് വായിച്ചിരുന്നു എങ്കില്‍ , മലയാളത്തെ ഇങ്ങിനെ കൊല്ലേണ്ടി വരുമായിരുന്നില്ല .

    ReplyDelete
  21. താങ്കളുടെ ലേഖനം നന്നായി. ഔചിത്യപൂര്‍ണ്ണവും, അവസരോചിതവുമായി.ഒരു സോഫ്റ്റ്‌വെയര്‍ എങ്ങനെ പ്രവൃത്തിക്കുന്നു എന്ന് കൃത്യമായി എനിക്കറിയാത്തത് കൊണ്ട് മലയാളം സോഫ്റ്റ്‌വെയര്‍ എങ്ങനെ ഉണ്ടാക്കാം എന്നതിലേക്കൊന്നും ഞാന്‍ കടക്കുന്നില്ല. ഇതില്‍ എനിക്കൊരു സംശയമുള്ളത് എന്തുകൊണ്ട് നമ്മുടെ എല്ലാ അക്ഷരങ്ങളും ചില്ല്-കൂട്ടക്ഷരങ്ങളുള്‍പ്പടെ ഒരു കീബോഡിനെ പറ്റി ചിന്തിച്ചുകൂടാ? യുഎസ്ബി വഴി ഇപ്പോള്‍ നിലവിലുള്ള വിവരയന്ത്രങ്ങളുമായി (കമ്പ്യൂട്ടര്‍) ബന്ധിപ്പിക്കാവുന്ന വിധത്തില്‍ നല്ല ഏതെങ്കിലും മലയാളം ഫോണ്ട്/ഫോണ്ടുകള്‍ ഉപയോഗിച്ച് പ്രവര്‍ത്തിക്കുന്നതായിരിക്കണം അത്.

    അതുപോലെ പുതിയ കുറേ വാക്കുകള്‍, പ്രത്യേകിച്ചും സാങ്കേതിക പദങ്ങള്‍ മലയാളത്തില്‍ ഉണ്ടാവേണ്ടിയിരിക്കുന്നു. അതിന് വേണ്ടിയുള്ള ഒരു ശ്രമം എന്‍റെ ഭാഗത്ത് നിന്നും എന്‍റെ ബ്ലോഗില്‍ ഞാന്‍ നടത്തിയിരുന്നു. അത് മലയാളം സര്‍വ്വകലാശാലയ്ക്ക് സമര്‍പ്പിച്ചതുമാണ്. ഏകദേശം ഒരു വര്‍ഷം മുമ്പ്. ആദ്യം ഒന്ന് രണ്ട് മറുപടികള്‍ ലഭിച്ചിരുന്നു. പക്ഷേ ഇപ്പോള്‍ അതിന്‍റെ നിലയെപ്പറ്റി അറിവൊന്നുമില്ല. എല്ലാ വാക്കുകളും എന്‍റെ സൃഷ്ടി ഒന്നുമല്ല. എന്നാലും കുറേ വാക്കുകള്‍ (മുകളില്‍ കൊടുത്ത വിവരയന്ത്രം പോലുള്ളവ) പുതുതായി അതിലുണ്ട്.
    എനിക്ക് തോന്നുന്നത് ഈ തരത്തില്‍ പുതിയവാക്കുകളും മലയാളം എളുപ്പത്തില്‍ ടൈപ്പ് ചെയ്യാനും പറ്റുന്ന ഒരു കാലത്തിലേക്ക് നമ്മള്‍ മലയാളത്തെ കൊണ്ട്പോയേ മതിയാവൂ..

    ശ്രീകാന്ത്‌ മണ്ണൂര്‍
    www.sreemannur.blogspot.in

    ReplyDelete
  22. എന്റെ സുഹൃത്ത്‌ അവന്റെ ഭാര്യയുമായി ചാറ്റ് ചെയ്തപോള്‍ അവള്‍ 4 മണിക്കുള്ള businessinu പോവാണ് എന്ന് വായിച്ച അവന്‍ ഞെട്ടി.....സോറി 4 മണിക്കുള്ള businu പോവാണ് എന്ന് അവള്‍ തിരുത്തി എഴുതിയപോഴാണ് അവനു സമാധാനമായത്...ഹി ഹീ

    ReplyDelete
    Replies
    1. ഹൊ! വള്ളിക്കുന്ന് ചിരിച്ചു മരിച്ചുകാണും, പാവത്തിനെ ഇങ്ങനെ ചിരിപ്പിക്കല്ലേ. കഷ്ടം!!

      Delete
  23. തരൂറിന്‍റെ "ഞാനമ്മ "
    നിങ്ങള്‍ക്കും പണി തരാതിരിക്കാന്‍ ..
    കുറെ നാളത്തെ എന്‍റെ
    അനുഭവത്തില്‍,
    മൊബൈലില്‍ മലയാളം
    ടൈപ്പ് ചെയ്യാന്‍ ,
    ഏറ്റവും നല്ല സോഫ്റ്റ്‌വെയര്‍
    ആണ് ഇത് .
    നമ്മള്‍ മംഗ്ലീഷ് ടൈപ്പ് ചെയ്‌താല്‍
    വാക്കുകള്‍ തിരഞ്ഞെടുത്ത് ,
    ഇതില്‍ ഉപയോഗിക്കാം ..
    ഡൌണ്‍ലോഡ്‌ ചെയ്യൂ...
    https://play.google.com/store/apps/details?id=com.ukey.translitoral&hl=en

    ReplyDelete
  24. വാചാലന്November 17, 2014 at 10:16 AM















    എന്തുകൊണ്ട് തരൂര് വേട്ടയാടപ്പെടുന്നു
    AICC യുടെ കൊച്ചുപുസ്തകം വായിക്കാത്തതിന്റെ കുഴപ്പമായിരിക്കും.
    പുസ്തകത്തിലെ ചില തിരുവചനങ്ങള്
    1) നെഹ്റു കുടുംബക്കാരെ നടുറോട്ടേല് വച്ചു കണ്ടാലും കാലേല് വീഴണം
    2) നെഹ്റു കുടംബത്തിലെ സംബന്ധക്കാരെ ജി കൂട്ടിയെ വിളിക്കാവൂ
    3)









    എന്തുകൊണ്ട് തരൂര് വേട്ടയാടപ്പെടുന്നു?????
    AICC യുടെ കൊച്ചുപുസ്തകം വായിക്കാത്തതിന്റെ കുഴപ്പമായിരിക്കും.
    പുസ്തകത്തിലെ ചില തിരുവചനങ്ങള്:
    1) നെഹ്റു കുടുംബക്കാരെ നടുറോട്ടേല് വച്ചു കണ്ടാലും കാലേല് വീഴണം
    2) നെഹ്റു കുടംബത്തിലെ സംബന്ധക്കാരെ "ജി" കൂട്ടിയേ വിളിക്കാവൂ
    3) ഭരിക്കുന്നത് ബി.ജി.പിക്കാരനാണെങ്കില് #$%@%!മോനെ ചേര്ത്തേ വിളിക്കാവൂ
    4) സി.പി.എം കാരനെക്കണ്ടാല് ഒരു ചെറിയ ചിരി പക്ഷേ അധികമാകരുത്
    5) ഒന്നരജില്ലയിലെ അധോലോക പാര്ട്ടിയുടെ ആസ്ഥാനമായ പാണക്കാട് ചെന്നാല് ഇഴഞ്ഞേ നടക്കാവൂ

    ReplyDelete
  25. This comment has been removed by the author.

    ReplyDelete
  26. എനിക്ക് കിട്ടിയ ഒരു പുതിയ അറിവാണ് ഗൂഗിളിന്റെ മലയാളം ഇൻപുട്ട് ടൂൾ....നന്ദി...ഇനി എന്‍റെ വക ചെറിയ "വേര്‍പ്പിക്കല്‍സ്" ഉണ്ടാകും . മുകളില്‍ പറഞ്ഞ പൊത്തിനെയും പട്ടിയും പേടിച്ചിടാന്ന്‍ ഇതുവരെ "വേറുപ്പിക്കാതിരുനത്

    ReplyDelete
  27. വാചാലന്November 22, 2014 at 9:22 AM

    റോജി റോയിക്ക് നീതി കിട്ടിയോ ?
    പ്രൊഫൈല്‍ ചിത്രങ്ങളില്‍ നിന്ന് റോജി മാഞ്ഞു തുടങ്ങിയിരിക്കുന്നു ,
    റോജിയുടെ മരണവാര്‍ത്ത തമസ്കരിച്ച മാധ്യമങ്ങളുടെ ഓണ്‍ലൈന്‍ പേജുകള്‍ക്ക് റീച്ച് കൂട്ടിയ കമന്റ് സ്പാമുകളുടെയും തള്ളലുകള്‍ നിലച്ച മട്ടാണ് . . .
    പൊതു സമൂഹം ഏറ്റെടുത്ത വിഷയത്തിന്റെ അലയൊലികള്‍ മെഴുകുതിരി നാളങ്ങളായി കുറച്ചു ദിവസങ്ങള്‍ കൂടി ഉണ്ടായേക്കാം , പിന്നീട് അവയും നിലയ്ക്കും !

    വൈകിക്കിട്ടുന്ന നീതി നീതിനിഷേധത്തിന് തുല്യമാണ് . . . നീതി കിട്ടാന്‍ താമസിക്കുന്തോറും കൂടുതല്‍ ജീവിതങ്ങളിലേക്ക് അവ വാള്‍ വീശും .

    സത്യത്തില്‍ എങ്ങനെയായിരുന്നു റോജിക്ക് നീതിനേടിക്കൊടുക്കേണ്ടിയിരുന്നത് ? മാനസികമായി റോജിയെ തളര്‍ത്തിയ പ്രിന്‍സിപ്പല്‍ സൂസന്‍ ജോസിനെ തല്‍സ്ഥാനത്തു നിന്നും പുറത്താക്കുകയും മറ്റൊരു സ്ഥാപനത്തിന്റെ ചുമതല വഹിക്കാനാവാത്ത വിധം അവരുടെ രജിസ്ട്രേഷന്‍ ക്യാന്‍സല്‍ ചെയ്യുകയുമായിരുന്നു വേണ്ടിയിരുന്നത് , നിര്‍ഭാഗ്യവശാല്‍ ന്യൂനപക്ഷത്തു നിന്നേ അങ്ങനെയോരാവശ്യം ഉയര്‍ന്നുള്ളൂ .

    നാളെ കിംസില്‍ നിന്ന് നടപടി നേരിട്ട് പ്രിന്‍സിപ്പല്‍ പുറത്തായാല്‍ തന്നെ മറ്റൊരു സ്ഥാപനത്തില്‍ മറ്റനേകം കുഞ്ഞുങ്ങളെ മാനസികമായി തളര്‍ത്തി ജീവനും ജീവിതവും നഷ്ടപ്പെടുത്തുന്ന അവസ്ഥയിലേക്ക് അവരെ എത്തിക്കാന്‍ ആ സ്ത്രീയ്ക്ക് കഴിയും .

    ചുംബന സ്വാതന്ത്ര്യത്തിനെക്കുറിച്ചും പേപ്പട്ടിയെ കൊല്ലുന്ന മരുന്നു കുത്തി വെച്ചു കൊല്ലേണ്ട മതമൈരന്മാരുടെ ജല്‍പ്പനങ്ങളെക്കുറിച്ചും വാചാലമാകുന്നതിന്റെ ഇടവേളകളില്‍ അവര്‍ക്കു വേണ്ടിയും നമ്മള്‍ പ്രൊഫൈല്‍ പിക്ച്ചറുകള്‍ മാറ്റും , അവര്‍ക്കു വേണ്ടിയും നമ്മള്‍ മെഴുകുതിരി കത്തിക്കും , അവര്‍ക്കു വേണ്ടിയും കീബോര്‍ഡ് വിപ്ലവങ്ങള്‍ നടത്തും . . . .

    തന്തയ്ക്കു പിറക്കാത്തവരുടെ നാട്ടില്‍ പൈതൃകം തേടും !!
    — feeling നീതിദേവതയ്ക്ക് വയസായിരിക്കുന്നു.

    ReplyDelete
  28. തരൂരിന്റെ മലയാളം പണ്ടൊരു മാർവാടി "മലയാളം കുറച്ചു കുറച്ചു അറിയാം "എന്ന് പറഞ്ഞത് പോലെ ആയി .....

    ReplyDelete