March 4, 2012

മനോരമയുടെ 'ഭാര്യ' വീണ്ടും അറസ്റ്റില്‍ !!

മ്പടെ മനോരമ ചാനലിലെ മാതൃകാ ദമ്പതികള്‍ വീണ്ടും വാര്‍ത്ത സൃഷ്ടിക്കുകയാണ്. ശ്വേതചേച്ചിയുടെ സൂപ്പര്‍ മെഗാഹിറ്റ് ഷോയെക്കുറിച്ചും അതിലെ വിവാദ ദമ്പതികളെക്കുറിച്ചും മുമ്പ് ഞാനൊരു പോസ്റ്റിട്ടപ്പോള്‍ സദാചാര പോലീസുകാര്‍ ഒന്നടങ്കം എന്റെ നേര്‍ക്ക്‌ കുരച്ചു ചാടി. ഒരാളെ നന്നാവാനും സമ്മതിക്കില്ലേ എന്നായിരുന്നു ചോദ്യം. ഉവ്വ്..ഉവ്വ്.. നന്നായിട്ടുണ്ട്. ദമ്പതികള്‍ ക്ലീന്‍ ക്ലീനായി നന്നായിട്ടുണ്ട്..!! ഇന്നത്തെ പത്രവാര്‍ത്ത ആ നന്നാവലിന്റെ കഥയാണ് പറയുന്നത്. മനോരമയല്ലേ, ഇരുപതു ലക്ഷം കോപ്പിയല്ലേ, പുതിയ ചാനലല്ലേ എന്നൊക്കെ കരുതി സംഗതി എല്ലാവരും മറന്നു തുടങ്ങുമ്പോഴാണ് കഥയിലെ പുതിയ എപ്പിസോഡ് വന്നിരിക്കുന്നത്.

ആദ്യ വാര്‍ത്ത പുറത്തു വിട്ട മാധ്യമം തന്നെയാണ് ലേറ്റസ്റ്റ് വാര്‍ത്തയും പുറത്തു വിട്ടിരിക്കുന്നത്. (മാധ്യമം മനോരമയുടെ പുറകില്‍ തന്നെയുണ്ട്‌ എന്ന് ചുരുക്കം). സംഗതി സിനിമാ മോഡല്‍ കഥയാണ് നടന്നിരിക്കുന്നത്. എല്ലാ ചേരുവകളും ചേരും പടി ചേര്‍ന്ന ചൂടന്‍ തിരക്കഥ. സെക്സ്, ഒളിക്യാമറ, ബ്ലാക്ക് മെയില്‍ , പോലീസ്, കോടതി, റിമാണ്ട് എന്നിങ്ങനെ ബോക്സാഫീസ് ഹിറ്റാവാനുള്ള എല്ലാ മസാലകളും മനോരമയുടെ ദമ്പതികള്‍ ഈ കഥക്ക് നല്‍കിയിട്ടുണ്ട്. ഞാന്‍ വളച്ചു കെട്ടി പറയുന്നതിനേക്കാള്‍ നല്ലത് മാധ്യമത്തില്‍ നിന്ന് നേരിട്ട് വായിക്കുന്നതാവും. 



അറസ്റ്റിലായ ദമ്പതികള്‍ ഇല്ലാതെയാണ് ഇപ്പോള്‍ ഷോ പുരോഗമിക്കുന്നതെങ്കിലും ഒരു കാര്യം ഉറപ്പാണ്. മഴവില്ലിനു ഇനിയും ഹിറ്റ് കൂടും! ആന ചത്താലും ചത്തില്ലെങ്കിലും പന്തീരായിരം എന്ന് പറഞ്ഞത് പോലെയാണ് മനോരമയുടെ കാര്യം. ദമ്പതികള്‍ അകത്തായാലും ഇല്ലെങ്കിലും ഷോയ്ക്ക് വേണ്ട പബ്ലിസിറ്റി കിട്ടിക്കഴിഞ്ഞു. പുതിയ അറസ്റ്റോടെ ഹിറ്റ് ഇച്ചിരികൂടെ വര്‍ദ്ധിക്കും എന്ന് മാത്രം. ഷോയുടെ പേരില്‍ ശ്വേത ചേച്ചിക്ക് ഒരു യൂത്ത് ഐക്കോണ്‍ അവാര്‍ഡും ഇതിനകം കിട്ടിയിട്ടുണ്ട്. നവദമ്പതികളുടെ കുശുമ്പുകളും കുന്നായ്മകളും എന്ന് വേണ്ട അടുക്കളയും കിടപ്പറയും വരെ 'റിയാലിറ്റി' ആക്കുന്നതിനു സാംസ്കാരിക കേരളത്തിന്റെ അവാര്‍ഡുകള്‍ ഇനിയും കിട്ടും. മനോരമ നീണാള്‍ വാഴട്ടെ!. നമ്മുടെ ചാനല്‍ സംസ്കാരം പടര്‍ന്നു പന്തലിക്കട്ടെ!. മലയാളത്തിന്റെ സുപ്രഭാതം കൂടുതല്‍ ശോഭനമാവട്ടെ!.

Related Posts
മനോരമ പിടിച്ച പുലിവാല് (വെറുതെ അല്ല ഭര്‍ത്താവ്)
മനോരമ ന്യൂസ്‌മേക്കര്‍ :ഗോവിന്ദച്ചാമി ലിസ്റ്റിലില്ല
ദാസേട്ടാ, രഞ്ജിനി വിളിക്കുന്നു
കുബേര്‍ കുഞ്ചി, മാഗ്നറ്റ് ചെരുപ്പ്, സ്പെയിന്‍ കുങ്കുമം

76 comments:

  1. ദീപികയിലും കണ്ടിരുന്നു ഇതേ വാര്‍ത്ത‍

    ReplyDelete
    Replies
    1. ethu ezhuthiya alum e show kanunnudu ennu vektham? ennttu???????????

      Delete
    2. kaanaathathu ezhuthaanu pattillallo...

      Delete
  2. മലയാളികളുടെ സ്വീകരണ മുറികളില്‍ പ്രൈം ടൈം വിഭവങ്ങള്‍ ഇന്ന് മര്‍ഡോക്കിന്റെയും, മനോരമയുടെയും, അമൃതയുടെയും എല്ലാം മസാല പ്രോഗ്രാമുകള്‍ ആണ് വിളമ്പുന്നത്. റിയാലിറ്റി ഷോ എന്ന പേരിലുള്ള ആഭാസങ്ങള്‍ക്ക് പൂര്‍ണത കൈവന്നത് മനോരമയുടെ ഈ മഴവില്‍ ചാനലിന്റെ കടന്നുവരവോടെയാണ്.

    "ഹോ.. ഈ വീട്ടുജോലി എടുത്തു മടുത്തു" എന്നാണല്ലോ ആ പരിപാടിയുടെ പരസ്യവാചകവും. കൂടുതല്‍ ലാഭമുള്ള പുതിയ തൊഴില്‍ മേഘകള്‍ തേടിപ്പോയതാകും.. :)

    ReplyDelete
    Replies
    1. Ramesh T. C, KallayiMarch 4, 2012 at 7:47 PM

      നിങ്ങളുടെ കൈരളി ചാനലില്‍ ഇതിനെക്കാള്‍ വൃത്തികെട്ട പരിപാടികള്‍ വരുന്നുണ്ട്. അത് കാണാറില്ലേ. മനോരമ അത്രയ്ക്ക് തരാം താഴാറില്ല.

      Delete
    2. സഹോദരാ...മനോരമ തറ അല്ലെ. പിന്നെങ്ങിനെ താഴും? ഇനിയും താഴ്ന്നാല്‍ പാതാളം അല്യോ?

      Delete
    3. @ Ramesh t.c Kallayi. Kairaliyile vrithiketta oru paripadi parayoo ....

      Delete
    4. കൈരളി ടീവിയെപ്പറ്റി ദഹിക്കാത്ത ഒരു കാര്യമേ എന്റെ മനസ്സില്‍ ഉള്ളൂ.. അഞ്ചു വര്‍ഷക്കാലം 'സാക്ഷി' കണ്ണടച്ചു..

      Delete
  3. മനോരമക്ക് മാത്രമല്ല, ഈ വിഷയം എഴുതുന്ന ബഷീര്‍ക്കക്കും ഹിറ്റ്‌ കൂടി വരുന്നുണ്ട്.ഇതെഴുതുമ്പോള്‍ 83 online. he..he

    ReplyDelete
  4. പുതിയ ഷോയ്ക്ക് അപേക്ഷ ക്ഷണിച്ചിട്ടുണ്ട്.

    ReplyDelete
  5. ഇതില്‍ സര്‍ക്കസ് കാട്ടുന്ന ആണും പെണ്ണും കെട്ട കഴുത ഭര്‍ത്താക്കന്മാര്‍ക്കൊന്നും നാടും വീടും ഒന്നുമില്ലെ????? അവരുടെ നാട്ടുകാരും വീട്ടുകാരും കാണില്ലെ ഈ ആഭാസം......അല്ല ഉളുപ്പില്ലാത്തവനു എല്ലാമൊരു അലങ്കാരം.....കലികാലം..........

    ReplyDelete
  6. മനോരമ സൂപ്പര്‍ ബ്ലോഗര്‍മാര്‍ക്ക്‌ വേണ്ടി ഒരു റിയാലിറ്റി ഷോ ചെയ്യുന്നുണ്ടെന്നാണ് കേട്ടത്..............എന്താ ഒരു കൈ നോക്കുന്നോ ??????

    ReplyDelete
  7. ഈ ആഭാസം കാണുന്നവരല്ലേ യഥാര്‍ത്ഥ കഴുതകള്‍...ഇത്തരം ഷോകള്‍ കാണാന്‍ ആളുകള്‍ ഉണ്ടത് കൊണ്ടാണ് വീണ്ടും വീണ്ടും റിയാലിറ്റി ഷോകള്‍ നമ്മുടെ നാട്ടില്‍ കൂടി വരുന്നത്...ചാനല്‍ ഏതായാലും റിയാലിറ്റി ഷോകള്‍ എല്ലാം പൊതുജനങ്ങളുടെ കാശും വാങ്ങി അവരെ വിഡ്ഢികള്‍ ആക്കുകയല്ലേ ചെയ്യുന്നത്.

    ReplyDelete
  8. ഇത് പോലെയുള്ള പകല്‍ മാന്യന്‍മാരുടെ ചെയ്തികള്‍ പുറത്തു കൊണ്ട് വന്ന മാധ്യമത്തിന്‌ അഭിനന്ദനങ്ങള്‍...

    ReplyDelete
  9. This comment has been removed by a blog administrator.

    ReplyDelete
  10. മുമ്പ്‌ ഈ ദമ്പതിമാരെക്കുറിച്ച് മാധ്യമം സത്യസന്ധമായ ഒരു വാര്‍ത്ത പുറത്തു വിട്ടതാണ് ഇവരെ മനോരമക്കാര്‍ ഒഴിവാക്കാന്‍ കാരണം. ബഷീര്ക പറഞ്ഞത് പോലെ 'ഒരാള്‍ നന്നാവാനും സമ്മതിക്കൂലെ' എന്ന് പറഞ്ഞുകൊണ്ട് കുറെ ആളുകള്‍ മാധ്യമതിനെതിരെയും അന്ന് ആക്ഷേപങ്ങള്‍ ചൊരിഞ്ഞിരുന്നു. ഇക്കൂട്ടരോക്കെ ഇപ്പോള്‍ എന്ത് പറയുന്നു ആവോ?

    ReplyDelete
  11. കുടുംബബന്ധത്തിന്റെ നൂലിഴകള്‍ പരിശോധിക്കുന്ന മൈന്റ് മാപിങ്ങും കെട്ടിപിടുത്തങ്ങളും കാണേണ്ടവ തന്നെ!...

    ReplyDelete
  12. കാശുണ്ടാവും എങ്കില്‍ മനോരമ ഇതു നാറിയ പണിയും ചെയ്യും , ചരമ വാര്‍ത്ത മറ്റു പത്രങ്ങള്‍ക്കു കിട്ടാതെ എക്സ് ക്ലുസീവ് ആയി കൊണ്ട് വന്നാല്‍ ഏജന്റിനു പ്രത്യേക കമ്മീഷന്‍ എന്നൊക്കെ ഉള്ള ഇടയ ലേഖനം വിട്ടവര്‍ ആണ് മനോരമ പിന്നെ ശ്രീകണ്ഠന്‍ നായര്‍ ആണ് ഇതിന്റെ ഒക്കെ പിന്നില്‍ ഐഡിയ സ്റ്റാര്‍ സിങ്ങരും അയാളുടെ ഭാവന ആണല്ലോ എന്തിനു മനോരമയെ പഴിക്കുന്നു ഇത് കാണാന്‍ കുത്തി ഇരിക്കുന്നവര്‍ ആണല്ലോ പ്രധാന പ്രതികള്‍ , ഒന്ന് ആലോചിച്ചാല്‍ ഇങ്ങിനെ ഭാര്യയും ഭര്‍ത്താവും തുള്ളിക്കളിക്കാനും കിടപ്പറ രഹസ്യം വിഴുപ്പലക്കാനും മാന്യമായി ജീവിക്കുന്ന കേരളത്തിലെ ഏതു ദമ്പതികള്‍ ആണ് പോവുക ഇങ്ങിനെ ഉള്ള ഫ്രോഡുകളും നാടകക്കാരും അല്ലാതെ , ഇങ്ങിനെ പോയി പോയി മനോരമ സ്വിങ്ങേര്സ് എന്നാ പേരില്‍ ദമ്പതി കൈമാറ്റം ലൈവ് ആയി പ്രക്ഷേപണം ചെയ്യും കാത്തിരിപ്പിന്‍ , മനോരമക്ക് പണം ആണ് ദൈവം

    ReplyDelete
    Replies
    1. ശ്രീകണ്ഠന്‍ നായര്‍ ഏതാ മോന്‍?.. പൈങ്കിളികളെയും ഞരമ്പ്‌ രോഗികളെയും എങ്ങിനെ പിടിക്കണമെന്ന് പുള്ളിക്ക് ശരിക്കും അറിയാം.

      Delete
    2. Ennalum Ninnekkal Valare betham thanneya,

      Delete
  13. പുതിയ സീസണിനു അപേക്ഷ ക്ഷണിച്ചിട്ടുണ്ട്, ഇത്തരക്കാര്‍ക്ക് മുന്ഗണന നല്‍കുമോ എന്ന് അറിയില്ല. സര്‍ക്കുലേഷന്‍ കുറഞ്ഞപ്പോള്‍ അശ്ലീല കഥകള്‍ വാരികയില്‍ ചേര്‍ത്ത പാരമ്പര്യമാണ് മനോരമക്ക്.

    ReplyDelete
  14. രതി ചേച്ചി വീണ്ടും വെടി പൊട്ടിച്ചു അല്ലേ

    ReplyDelete
  15. ഇന്ന് മംഗളത്തില്‍ കണ്ട latest ന്യൂസ്‌ : നഗ്നചിത്രം പകര്‍ത്തി പിടിയിലായ സംഘത്തെ രക്ഷിക്കാനെത്തി യുവകോണ്‍ഗ്രസ്‌ നേതാവ്‌ ഒരുലക്ഷം തട്ടിയതായി സൂചന.

    മാള: നഗ്നചിത്രം പകര്‍ത്തി യുവാവിനെയും യുവതിയെയും ഭീഷണിപ്പെടുത്തി പിടിയിലായ സംഘത്തെ രക്ഷിക്കാനെത്തി യുവകോണ്‍ഗ്രസ്‌ നേതാവ്‌ ഒരുലക്ഷം തട്ടിയതായി സൂചന. കഴിഞ്ഞദിവസമാണ്‌ മാള ഹസ്‌ക്കര ലോഡ്‌ജ് മാനേജര്‍ പാലാരിവട്ടം തോപ്പില്‍ നാസര്‍ (39), ലോഡ്‌ജ് ഉടമ മാള വടമ നാലകത്ത്‌ മുഹമ്മദാലി, സഹായി കുരുവിലശേരി തട്ടില്‍ സൈമണ്‍ (57), റിസപ്‌ഷനിസ്‌റ്റും ഒന്നാംപ്രതി നാസറിന്റെ ഭാര്യയുമായ റജീല (29) എന്നിവര്‍ പിടിയിലായത്‌.

    സ്വകാര്യലോഡ്‌ജിലെത്തിയ യുവതിയുടേയും യുവാവിന്റേയും നഗ്നചിത്രങ്ങള്‍ മൊബൈലില്‍ പകര്‍ത്തി ഭീഷണിപെടുത്തി സ്വര്‍ണ്ണമാല തട്ടിയ പ്രതികള്‍ കൂടുതല്‍ പണം ആവശ്യപ്പെട്ട്‌ ഭീഷണിപ്പെടുത്തിയതോടെയാണ്‌ കുടുങ്ങിയത്‌. ഇതേത്തുടര്‍ന്ന്‌ പ്രതികളെ രക്ഷിക്കാമെന്നേറ്റു മാളയിലെ ഭരണകക്ഷി യുവനേതാവ്‌ ഒരുലക്ഷം കൈക്കലാക്കിയതായാണ്‌ സൂചന. ഇയാള്‍ പോലീസിനെ സ്വാധീനിക്കാന്‍ എന്നപേരിലാണ്‌ ഒരുലക്ഷം തട്ടിയത്‌. നോട്ടിന്റെ വലിപ്പം കുറയാന്‍ ആയിരത്തിന്റെ കറന്‍സികളായി ആവശ്യപ്പെടുകയും ചെയ്‌തിരുന്നു. ഇതേത്തുടര്‍ന്ന്‌ ആയിരത്തിന്റെ നോട്ടുകള്‍ തന്നെ കൈമാറി. കേസിനൊടുവില്‍ പ്രതികള്‍ അകത്തായതോടെ പണം തിരികെ ചോദിച്ചെങ്കിലും പണം തിരികെ ചോദിച്ചെങ്കിലും ലഭിച്ചില്ലെന്നും ആരോപണമുണ്ട്‌.

    ReplyDelete
    Replies
    1. അത് കൊള്ളാം. കടുവയെ കിടുവ പിടിച്ചു.. ആ കോണ്‍ഗ്രസ്‌ നേതാവിന്റെ പേര് പറഞ്ഞിരുന്നെങ്കില്‍ ഒരു ഷേക്ക്‌ ഹാന്‍ഡ്‌ കൊടുക്കാമായിരുന്നു.

      Delete
  16. നീല ചിത്ര നിര്‍മാണം കുടില്‍ വ്യവസായമാക്കാന്‍ ചിന്തിക്കാവുന്നതാണ്.... തൊഴില്‍ സുരക്ഷം, ലാഭം ഉറപ്പു....

    കാഴ്ചകള്‍ കണ്ടു മടുത്തു കണ്ണടകള്‍ വേണം...കണ്ണടകള്‍ വേണം!

    ReplyDelete
  17. "വെറുതേ അല്ല മനോരമ" ....!!!!!!!!!!

    ReplyDelete
  18. എനികെന്തോ ഇവരെ ഓര്‍ക്കണേ കഴിയുനില്ല നാസര്‍ ദമ്പതികളുടെ ഫോട്ടോ ഇതില്‍ കാണുന്നത് തന്നെ ആണോ എന്ന് എനിക്ക് സംശയം കൂടി ഉണ്ട്. ആദ്യ ഭാഗം അല്ലെ ചില ബാലാരിഷ്ടതകള്‍ ഉണ്ടാക്കാം, എങ്കിലും ഒരു ഭര്‍ത്താവു ഒരു കഴുത ആണ് എന്ന് ലോകത്തിന്റെ മുന്‍പില്‍ കാണിക്കാന്‍ പുറപെട്ട മനോരമ എന്നെ പോലെ അവിഹതര്‍ക്ക് ഒരു നല്ല പടം ആണ് നല്കിയിരികുനന്തു, ഇനി വിവാഹം വേണോ എന്ന് ഒരു പ്രാവശ്യം കൂടി ആലോചിച്ചു അകം അല്ലെ ????

    ReplyDelete
  19. മനോരമ ചാനല്‍ ആരെയും ഭീഷണിപെടുത്തിയോ നിര്‍ബന്ധിച്ചോ അല്ല ഈ പരിപാടി കാണിക്കുന്നത്.നമ്മുടെ നാട്ടുകാര്‍ക്ക് നാണവും നിലവാരവും ഇല്ലാത്തത് കൊണ്ട് ഇത് കാണുന്നു,കാണികള്‍ കൂടിയത് കൊണ്ട് മനോരമ കൂടുതല്‍ നിലവാരം താഴ്ത്തി പരിപാടി ഗംഭീരമാക്കുന്നു.ഇപ്പോള്‍ പിടിയിലായ ആളുകള്‍ ആ പരിപാടിയില്‍ ഒരിക്കല്‍ ഉണ്ടായിരുന്നു എന്ന് കരുതി,വീണ്ടും അവരെ പോലിസ് പിടിച്ചാല്‍ അതിന്റെ കുറ്റവും മനോരമയുടെ തലയില്‍ കെട്ടി വെക്കുന്നത് എന്തിനു?ചാനലുകള്‍ മാറ്റുന്നതിനിടയില്‍ അബദ്ധവശാല്‍ പോലും ഈ പരിപാടി വന്നാല്‍ ഷോക്കടിച്ചത് ആ പരിപാടിയില്‍ നിന്നും ഓടി രക്ഷപെടുന്ന ഭാര്യ ഉള്ളത് കൊണ്ട് ഈ പരിപാടി മുഴുവാനായും കാണേണ്ടതായ ഗതികേട് ഉണ്ടായിട്ടില്ല.പരിപാടി കാണാതെ വിമര്‍ശിക്കുവാന്‍ പാടില്ല എന്നുള്ളത് കൊണ്ട്,ഒന്ന് രണ്ടു തവണ കണ്ടു നോക്കി ബോധ്യപെട്ടതാണ്.പക്ഷെ റിയാലിറ്റി ഷോകളില്‍ ഇത്തരം മാലിന്യം വരുവാന്‍ കാരണം,ഞാനടക്കമുള്ള പ്രേക്ഷകര്‍ ആണ്.ഇതേ പോലെയുള്ള ചാണക പരിപാടികള്‍ കാണുവാന്‍ ആളില്ലെങ്കില്‍,ഇവര്‍ കട്ടയും പടവും മടക്കി അടുത്ത വഴി തേടും.കാണികളുടെ നിലവാരം തകര്‍ന്നത് ചാനലിന്റെ കുറ്റമാണോ?കാണുവാന്‍ ആളുള്ളത് കൊണ്ടല്ലേ ഇത് പോലെയുള്ള അഴുക്കുചാല്‍ പരിപാടികള്‍ ചാനലില്‍ വരുന്നത്?ചാനലിനെ കുറ്റം പറയുന്നതിന് മുന്‍പ് നാട്ടുകാരെ ബോധവല്‍കരിക്കുക.അല്ലെങ്കില്‍,വീണ്ടും ഇത് പോലെയുള്ള ചാണകം കൂടുതല്‍ മോടി വരുത്തി കൊണ്ട് അടുത്ത ആളുകള്‍ വരും.

    ReplyDelete
    Replies
    1. ചാനലുകള് തന്നെയാണ് ഇന്നത്തെ നാടിന്റെ ദുരവസ്ഥയ്ക്കാ കാരണം.ചാനവുകള് ആകാശവാണി എന്ന മാധ്യമത്തെക്കുറിച്ചോര്ക്കുന്നത് നന്ന് സോഷ്യല് വാര്ത്താ മാധ്യമങ്ങളെ ഒരു സ്തരീയോടുപമിച്ചാല് ഇന്നും കന്യകയാണ് ആകാശവാണി മറ്റെല്ലാം അപഥസഞ്ചരണികളെപ്പോലെ.എന്തിനും മടിയില്ലാത്ത കുറേ തൊലിവെളുത്ത അഭിസാരികകളെ ആള്ക്കാര്ക്കു മുന്നില് പ്രദര്ശിപ്പിച്ചും കൂട്ടിക്കൊടുത്തും ഇന്നത്തെ ചാനലുകള് കാശുണ്ടാക്കുന്നു

      Delete
  20. ഇവരുടെ ബാക്ഗ്രൗണ്ട് മനസിലായപ്പൊ മനോരമ തന്നെ ഇവരെ പുറത്താക്കിയിട്ട് മാസങ്ങളായി.ഇപ്പോഴും ഇവരെ മനോരമയുടെ ലേബലിൽ എഴുന്നള്ളിച്ച് നടക്കുന്നത് എന്തിനാണെന്ന് മനസ്സിലാവുന്നില്ല.അല്ലെങ്കിലും മാധ്യമത്തിന്റെ മാധ്യമ ധർമ്മം ചില വിരോധങ്ങളിൽ മാത്രം അധിഷ്ട്ടിധമാണല്ലോ !പിന്നെ, ബഷീർക്കാന്റെ ഈ പൊസ്റ്റുകൾ കൊണ്ട് 10 പേരു കൂടുതൽ കാണും എന്നല്ലാതെ വേറെന്ത് നേട്ടം????

    ReplyDelete
  21. അയല്‍വാസിയായ യുവാവും യുവതിയും സംസാരിച്ചു കൊണ്ടിരിക്കുകയായിരുന്നു ( ലോഡ്ജില്‍ മുറി എടുത്തു ) പാവങ്ങള്‍... എത്ര മനോഹരമായ ആചാരങ്ങള്‍ :))

    ReplyDelete
    Replies
    1. samsaarikkanayi lodgil room edukkendi varunna ayalvasikalude oru karyam. paavangal

      Delete
  22. pattiya chaanal, pattiya samooham !!
    Better madhyamam to go for another edition for manorama standard !!

    ReplyDelete
  23. ഒരു സംശയം, സാര്‍. ഒരുപക്ഷെ ഈ ചാനലുകളെല്ലാം ഇതൊന്നും കാണിക്കാതെ വേറെ പരിപാടികള്‍ മാത്രം പ്രക്ഷേപണം ചെയ്യുന്നു എന്ന് കരുതുക. അപ്പോള്‍ നമ്മുടെ ജനം ഒന്നടങ്കമങ്ങ് നന്നാവുമായിരിക്കും അല്ലേ? ഡിമാന്‍ഡ് ഉള്ളതുകൊണ്ടാണ് പ്രക്ഷേപണം ചെയ്യുന്നത്. അതുകൊണ്ട് നന്നാവേണ്ടത് ആദ്യം ചാനലുകളല്ല. പുഴുക്കുത്തേറ്റ സമൂഹത്തിന് പുഴുത്ത ചാനലും പരിപാടികളും മാത്രമേ ലഭിയ്ക്കൂ. ആരാണ് ഇത്ര നല്ലവര്‍. ബ്ലോഗിന് ഇത് വിഷയമാക്കി വാക്കുകള്‍ ഛര്‍ദ്ദിക്കുന്ന വള്ളിക്കുന്ന് എന്താ മോശമാണോ. റേറ്റിംഗ് ആണ് മാഷേ താരം

    ReplyDelete
  24. എല്ലാം മായാജാലം! അമ്മയെ തല്ലിയാലും രണ്ടഭിപ്രായമെന്നാണല്ലോ. നല്ലതും കെട്ടതും എപ്പോഴും ഉണ്ടായിരിക്കും .നല്ലത് വേണ്ടവര്‍ നല്ലത് എടുക്കട്ടെ! കെട്ടത് വേണ്ടവര്‍ അതെടുക്കട്ടെ!

    ReplyDelete
  25. അഷ്‌റഫ്‌March 5, 2012 at 2:33 PM

    ആദ്യം ചെയ്യേണ്ടത്‌ ഏഷ്യനെറ്റ്‌ എന്നാ പേര് മാറ്റി വേശ്യനെറ്റ്‌ എന്നാക്കുകയാണ് അതിനു ശേഷം മറ്റൊരോ ചാനലുകാരും അവരുടെ നിലവാരത്തിലുള്ള പേരുകള്‍ കണ്ടു പിടിക്കട്ടെ അല്ലാതെ നമ്മുടെ ചാനലുകാര്‍ സദാചാരം വിളമ്പും എന്ന് കരുതുന്നത് വ്യാമോഹം മാത്രം

    ReplyDelete
  26. രണ്ടു ഡസനോളം കവര്‍ച്ച കേസുകളിലെ പ്രതിയായ നാസറിനെ ആയിരുന്നു ആദ്യം കണ്ടു പിടിച്ചത്. ഇപ്പോഴിതാ രജുലയും...
    പത്രം, വാരിക, ചാനല്‍ ഏതുമാകട്ടെ മനോരമ അതിന്‍റെ നിലവാരം കാത്തു സൂക്ഷിക്കുന്നുണ്ട്!!!

    ReplyDelete
  27. ഇതിനെതിരെ ഞമ്മടെ ദര്‍ശന ചാലില്‍ അല്ല ചാനലില്‍ ഒരു പരിപാടി ആയിക്കൂടെ വസീറേ.. എന്താ അന്റെ അയ്പ്രായം

    ReplyDelete
    Replies
    1. ഞമ്മള് അയന് പറ്റ്യ ഒരു മോന്ച്ചതീനെ നോക്കുവാ അനോണിമസേ

      Delete
  28. ചാനെലിന്റെ മെക്കിട്ടു മാത്രം കേറിയിട്ടു കാര്യമുണ്ടോ...? അന്യന്റെ കിടപ്പറ രഹസ്യങ്ങള്‍ ആസ്വദിക്കാന്‍ സമയവും സന്ദര്‍ഭവും കാത്തിരിക്കുന്ന ഒരു വിഭാഗം നമ്മള്‍ മലയാളികള്‍ക്കിടയില്‍ ഇല്ലയിരുന്നീല്‍ ഈ മഴവില്ല് എന്നെ പൂട്ടിപോയേനെ...!! ഇത്തരം ഷോകള്‍ ഹിറ്റ്‌ ആക്കി മാറ്റിയ പ്രേക്ഷകര്‍ ഇതില്‍ അപ്പുറവും അര്‍ഹിക്കുന്നുണ്ട്...

    ReplyDelete
  29. സാദിഖലി തുവ്വൂര്‍.March 5, 2012 at 4:42 PM

    //Haneesh ManjeriMar 5, 2012 01:28 AM
    ഇവരുടെ ബാക്ഗ്രൗണ്ട് മനസിലായപ്പൊ മനോരമ തന്നെ ഇവരെ പുറത്താക്കിയിട്ട് മാസങ്ങളായി.ഇപ്പോഴും ഇവരെ മനോരമയുടെ ലേബലിൽ എഴുന്നള്ളിച്ച് നടക്കുന്നത് എന്തിനാണെന്ന് മനസ്സിലാവുന്നില്ല.അല്ലെങ്കിലും മാധ്യമത്തിന്റെ മാധ്യമ ധർമ്മം ചില വിരോധങ്ങളിൽ മാത്രം അധിഷ്ട്ടിധമാണല്ലോ !പിന്നെ, ബഷീർക്കാന്റെ ഈ പൊസ്റ്റുകൾ കൊണ്ട് 10 പേരു കൂടുതൽ കാണും എന്നല്ലാതെ വേറെന്ത് നേട്ടം????//

    മനോരമക്ക് എവിടുന്നാണ് ആ ബാക്ക് ഗ്രൌണ്ട് മനസിലായത്‌? അന്നും മാധ്യമം തന്നെയായിരുന്നു ആ വാര്‍ത്ത പുറത്തു വിട്ടത്‌. അന്ന് നാസറായിരുന്നു പ്രധാന കക്ഷി. ഇന്ന് അദ്ധേഹത്തിന്റെ ഭാര്യയും മോശമല്ല എന്ന് തെളിയിച്ചിരിക്കുന്നു. ഇത്തരം ആളുകളുടെ തനി നിറം വെളിച്ചത് കൊണ്ട് വരിക എന്ന പത്രധര്‍മം തന്നെയാണ് മാധ്യമം പത്രം നിറവേറ്റുന്നത്. അതിനിയും തുടരട്ടെ....

    ReplyDelete
  30. ഇത്തരം 'ചൂടന്‍ ' വിഷയങ്ങള്‍ പോസ്ടാക്കാന്‍ മറക്കാത്ത താങ്കളുടെ സാംസ്കാരിക ബോധം കിടിലന്‍!
    ഈ കമന്റ് ഡിലീറ്റ് ഉറപ്പു!

    ReplyDelete
  31. Sam Mathew, ColoradoMarch 5, 2012 at 6:23 PM

    പത്രം വായിക്കുന്ന പോലെ നിങ്ങളുടെ blog സ്ഥിരമായി വായിക്കാറുണ്ട്. പുതുമയുള്ള ഒരു ശൈലി നിങ്ങള്‍ക്കുണ്ട്‌. മാധ്യമ രംഗത്തെ ചലനങ്ങളെ രസകരമായി വിശകലനം ചെയ്യുന്ന നിങ്ങളുടെ പോസ്റ്റുകള്‍ വളരെ ഇഷ്ടമാണ്. പക്ഷെ മനോരമയെ മാത്രം കാരണമില്ലാതെ ആക്രമിക്കുന്ന ഒരു പതിവ് നിങ്ങള്‍ക്കുല്ലതായി തോന്നിയിട്ടുണ്ട്. പല പോരായ്മകളും ഉണ്ടെങ്കിലും മലയാളികള്‍ ഹൃദയത്തില്‍ സ്വീകരിച്ച പത്രമാണ്‌ മനോരമ. അവരെ വിമര്‍ശിക്കുമ്പോള്‍ കുറച്ചു കൂടി ബുദ്ധിപരമായി ചെയ്യണം എന്നാണ് എനിക്ക് പറയാനുള്ളത്. ഒരു പക്ഷെ മാധ്യമം പത്രത്തെ promote ചെയ്യുകയായിരിക്കാം നിങ്ങളുടെ ഉദ്ദേശം. പക്ഷെ അതിനു സ്വീകരിക്കുന്ന രീതി ശരിയല്ല. നിങ്ങളെ ഏറെ ബഹുമാനിക്കുന്ന ഒരു വായനക്കാരന്റെ അഭിപ്രായമായി ഇത് സ്വീകരിക്കുമല്ലോ.

    ReplyDelete
    Replies
    1. Mr. Sam Mathew
      നിങ്ങളുടെ കമന്റിനെ അതര്‍ഹിക്കുന്ന ഗൌരവത്തില്‍ തന്നെ എടുക്കുന്നു. അഭിപ്രായങ്ങള്‍ തുറന്നു പറയുന്നതില്‍ എപ്പോഴും സന്തോഷമേയുള്ളൂ. "ഒരു പക്ഷെ മാധ്യമം പത്രത്തെ promote ചെയ്യുകയായിരിക്കാം നിങ്ങളുടെ ഉദ്ദേശം" എന്ന നിങ്ങളുടെ അഭിപ്രായം വായിച്ചു ഏറെ ചിരിച്ചു. ജമാഅത്തെ ഇസ്ലാമിക്കും മാധ്യമം പത്രത്തിനും എതിരെ പോസ്റ്റുകള്‍ എഴുതിയതിനു ഏറെ പഴി കേട്ട ആളാണ്‌ ഞാന്‍. അവരുടെ ഹിറ്റ്‌ ലിസ്റ്റില്‍ ഉള്ള :) എന്നെക്കുറിച്ച ഈ അഭിപ്രായത്തിന് നൂറു മാര്‍ക്ക്!!.

      Delete
    2. Vallikkunninte blog sthiramayi vayichathukondakum,,achayanu samsayam...achayanum samnila thetti...ee blog vayichal vattu urappa..mashe..verum pokkiyaa ..vallikkunnu...berliyepole...

      Delete
  32. സ്വന്തമായി ഒരു ചാനല്‍ തുടങ്ങി എന്താണ് നല്ല പരിപാടി എന്ന് കാണിക്കൂ മാഷെ. കുറെ വിമര്‍ശിച്ചു ഇത്തരം പരിപാടികല്ല്ക് റേറ്റ് കൂട്ടണ്ട, ഒപ്പം ബ്ലോഗിന് വായനക്കാരെയും..

    ReplyDelete
  33. ഈ ചാനലുകളെ അടച്ചു കുറ്റം പറയുന്ന കപട സദാചാര വിദ്വാന്മാര്‍ ഒരു കാര്യം ആദ്യം ചെയ്യട്ടെ അവരവരുടെ വീടുകളിലെ സ്വീകരണ മുറികളില്‍ ഇരിക്കുന്ന ടി വി സെറ്റുകള്‍ എടുത്തു പുറത്തേക്കു എറിയട്ടെ. രാത്രി പതിനൊന്നു മണിക്ക് ശേഷം ഇവര്‍ അധിഷേപ്പിക്കുന്ന ചാനലുകളൊക്കെ നല്ല ചൂടന്‍ മസ്സാലപ്പടങ്ങള്‍ ഇടുകയാണെങ്കില്‍ ഇവര്‍ക്ക് സന്തോഷമായേനെ... അത് ഉറക്കംകെട്ടിരുന്നു കനുംപോഴുണ്ടാകുന്ന അനുഭൂതിയില്‍ അവര്‍ ചാനലുകളെ വാനോളം വഴ്ത്തിപ്പറയും. എല്ലാവര്ക്കും ഓരോ കഴിവ് ദൈവമായി നല്‍കിയിട്ടുണ്ട് അതില്‍ ചിലര്‍ ശോഭിക്കുന്നു. ചാനലുകളില്‍ അവതാരകരായി വരുന്നവരൊക്കെ അപഥ സഞാരിനികലനെന്നു പറയാന്‍ നാണമില്ലേ ഇവര്‍ക്ക്. സ്വന്തം അമ്മയെകുറിച്ചോ , പെങ്ങലെകുറിച്ചോ, ഭാര്യ്യേകുറിച്ചോ ഇവര്‍ ഇങ്ങനെ പറയുമോ ? എന്തിനും ഏതിനും വിമര്‍ശനങ്ങളും കഴുകന്‍ കണ്ണുകളുമായി കപടസദാചാരം വിളമ്പി നടക്കുന്ന ഇക്കൂട്ടര്‍ നമ്മുടെ നാടിനും നാടിനു മഹാ ആപത്താണ്

    ReplyDelete
    Replies
    1. This comment has been removed by a blog administrator.

      Delete
    2. അഷ്‌റഫ്‌March 7, 2012 at 12:27 AM

      ചാനലുകളില്‍ അവതാരകരായി വരുന്നവരെ കുറിച്ച് പറയേണ്ടി വരുന്നത് അവര്‍ അപഥ സഞ്ചാരത്തിന് പോകുന്നത് കൊണ്ടാണ്.U K യില്‍ സ്കൂളിലേക്ക് പോകുമ്പോള്‍ പെണ്‍കുട്ടികള്‍ക്ക് ലഞ്ച് ബോക്സില്‍ ഭക്ഷണത്തോടൊപ്പം condum കൊടുത്തു വിടരുന്ടെന്നും അങ്ങനെ വിവാഹ പൂര്‍വ ലൈംഗിക ബന്ധം തെറ്റെല്ലെന്നും കേരളത്തിലെ പെണ്‍കുട്ടികളെ ഉള്ഭോധിപ്പിച്ച അവതാരക ഉണ്ട് ഇവിടെ.എന്നും നിനക്കായി പടം എന്ന് പാട്ടുപാടി വന്ന ഒരു സീരിയല്‍ നദി പിന്നീട് പണം കിട്ടിയാല്‍ എന്തും നിനക്കായി ഉരാമേന്നായി.അങ്ങനെ രണ്ടു തവണ പോലിസ്‌ പിടിച്ചു ഇതെല്ലം പത്രങ്ങളിലൂടെയും മറ്റും മലയാളികള്‍ കാണുകയും ചെയ്തു.എന്നിട്ടും ഇത്തരം ആളുകളെ ചുമക്കുന്ന ചാനല കഴുതകള്‍ക്ക് അവര്‍ ചുമക്കുന്ന അമേ.....തിന്ടെ നാറ്റം അറിയാത്തത് കൊണ്ടായിരിക്കില്ല .ആ നാറ്റത്തിനും മറ്റെന്തെങ്കിലും സുകമുള്ളത് കൊണ്ടായിരിക്കും.

      Delete
  34. അച്ചിയുടെ അടിപ്പാവാട അഴിഞ്ഞ് വീണാലും അച്ചായന് പണമാ പ്രമാണം

    ReplyDelete
  35. namall orukariyam orkanam pathram manorama allay? thu pcha kallavum sthuyamakunna kariyathil PG ulla pathramallay athi ninnu eniyum namuk etharaorupadu sahikedi varum entha cheyuka? namuday vidi

    ReplyDelete
  36. This comment has been removed by a blog administrator.

    ReplyDelete
  37. Shoukath ChetyanthodyMarch 6, 2012 at 12:20 PM

    ചാനലുകള്‍ തമ്മില്‍ റേറ്റ്ങ്ങിനു വേണ്ടിയുള്ള കിടമത്സരത്തില്‍ നേരും നെറിയും ആര്‍ക്കുവേണം, മാറുന്ന മലയാളിക്കൊപ്പം മാറുന്ന ശീലങ്ങ്ങ്ങളും, ഏതായാലും 'ഭാര്യ' ക്ലിക്ക്ഡ് ! രണ്ടാം സീസണ്‍ തുടങ്ങുന്ന പരസ്യവും കണ്ടു, തര്‍ക്കിച്ചു നില്‍ക്കാതെ പങ്കെടുത്തു കുശുമ്പും, കുന്നായ്മയും, സ്വകാര്യ രഹസ്യങ്ങള്‍ വരെ റിയലായി മാലോകരോട് പറഞ്ഞ് കൈനിറയെ സമ്മാനം നേടൂ...!!!

    ReplyDelete
  38. പത്രം വിറ്റു പോവാന്‍ മാധ്യമം ഏതു ലെവെല് വരെയും താഴും. നമുക്ക് കാണാം. ഏതായാലും മാധ്യമം എത്ര പുകച്ചാലും മനോരമ ഒതുങ്ങില്ലെന്നതു സത്യം. മനോരമ നുണ എഴുതാറില്ല; സത്യം ഒതുക്കാരുണ്ട് എന്നതാണ് സത്യം.

    ReplyDelete
  39. മര്‍ഡോക്കിന്റെ ചാനലുകള്‍ തറ പ്രോഗ്രാംസ് വര്‍ഷങ്ങളായി ചെയ്യാറുണ്ട്. മല യാളം ചാനെലുകള്‍ ഇവയൊക്കെ കോപ്പി ചെയ്തു ആണും പെണ്ണും കെട്ട ചില ഷോകളുമായി വന്നു തുടങ്ങിയപ്പോള്‍ ഇത്രയും തരം താണു പോകും എന്ന് കരുതിയില്ല. ഇപ്പോള്‍ മര്‍ഡോക്കിന്റെ ചാനലുകള്‍ എത്രയോ ബെറ്റര്‍ എന്ന് തോന്നുന്നു. 'jersey shore ' / 'teen mom ' എന്നൊക്കെ ചില തരം താണ ഷോസ് ഇവിടുത്തെ mtv യില്‍ ഉണ്ട്. ഒരു മൂന്നു നാല് വര്ഷം മുന്‍പ് ഞാന്‍ ഉറപ്പിച്ചു പറഞ്ഞിരുന്നു ഇത് പോലെ ഒരെണ്ണം എന്തിനു മലയാളം ഇന്ത്യന്‍ ചാനലുകളില്‍ പോലും ഒരിക്കലും വരില്ല എന്ന്. ഹിന്ദി ചാനലുകളെ പറ്റിയുള്ള ആ അഭിപ്രായം മാറ്റേണ്ടി വന്നു. അധികം താമസിയാതെ മലയാളത്തിലും ഒരു 'കോവളം ഷോര്‍' പ്രതീക്ഷിക്കാം. american idol ഒരു ചീസി ബോറിംഗ് ഷോ ആണ്, പക്ഷെ എങ്ങനെയാണ് അത് ഇത്ര അധപതിച്ച രീതിയില്‍ ഏഷ്യാനെറ്റ്‌ അവതരിപ്പിക്കുന്നത്‌!!

    ReplyDelete
  40. NINGALKKARKKENKILUM NINGALUDE VEETILE TV OZIVAAKKAAN DIRYAMUNDO?...
    BUDDIYULLA AANUNGALAANENKIL EE BLOG EZUTHU NIRTHI NAADU NANNAAKAN THUDANGHUUU... NINGALUDE VEETIL NINNUM...

    ReplyDelete
  41. Not good for topic

    ReplyDelete
  42. വെറുതെ എന്തിനു മനോരമയെ ഇതില്‍ വലിച്ചിടുന്നു ബഷീര്‍ ഭായ് ?വെറുതെ അല്ല ഭാര്യയില്‍ വന്നു എന്ന് കരുതി ഈ ദമ്പതികള്‍ ജീവിതകാലം മുഴവന്‍ നടത്തുന്ന കാര്യങ്ങള്‍ക്ക് മനോരമ ഉത്തരവാദിയാകുമോ ?അങ്ങനെ എങ്കില്‍ ഈ പരിപാടിക്ക് വരും മുന്‍പ് അവര്‍ പഠിച്ച വിദ്യാലയം, അവരുടെ ബന്ധുക്കള്‍ എല്ലാവരും ഇതിന്റെ പാപഭാരം പേരണമല്ലോ!

    വ്യതസ്തമായ രീതിയിലുള്ള ഒരു പരിപാടി എന്ന നിലക്കാണ് ഈ പരിപാടി പോപ്പുലര്‍ ആയതു. കുറെ കഴിയുമ്പോള്‍ ഇതും മടുക്കും, അപ്പോള്‍ അതിനു സ്വാഭാവിക മരണം തന്നെ ഉണ്ടാകും. സ്റ്റാര്‍ സിങ്ങര്‍ നോക്കു. ആദ്യ കാലത്തെപ്പോലെ ആരും അത് കാണാന്‍ മെനക്കെടാറില്ല ഇപ്പോള്‍. പിന്നെ ശ്വേതാ മേനോന്‍ അവതരിപ്പിക്കുന്നു എന്നതാണ് പലര്‍ക്കും ഒരു പോരായ്മ ! പരിപാടി നന്നാണോ എന്ന് നോക്കിയാല്‍ പോരെ ?


    മനോരമ വായിക്കുന്ന മിക്കവാറും എല്ലാവര്ക്കും അറിയാം അവരുടെ നിലപാടുകളും, ചായ് വുകളും. എന്നിട്ടും കമ്യുനിസ്ടുകാരുല്‍പ്പെടെ അത് വാങ്ങി വായിക്കുകയും ചെയ്യും. അല്ലെങ്കില്‍ പിന്നെ അവരുടെ സര്‍ക്കുലേഷന്‍ ഇങ്ങനെ നില്‍ക്കില്ലല്ലോ. മനോരമയെ കുറ്റം പറയുന്നവര്‍ അത് വായിക്കാതിരുന്നാല്‍ പോരെ എന്ന് പലപ്പോഴും തോന്നിയിട്ടുണ്ട് ! അതുപോലെ തന്നെയേ മനോരമ ചാനലിന്റെ കാര്യവും. പരിപാടി ഇഷ്ട്ടപ്പെടാത്തവര്‍ കാണേണ്ട എന്നൊരു തീരുമാനം എടുത്താല്‍ തീരാവുന്ന കാര്യമേ ഉള്ളു. ആഭാസം ആണെന്ന് തോന്നുന്നവര്‍ക്ക് വേറെ ചാനലുകള്‍ കാണാമല്ലോ.

    ReplyDelete
    Replies
    1. അഷ്‌റഫ്‌March 8, 2012 at 1:04 AM

      ആഭാസം ആണെന്കില്‍ അത് കാണാതിരുന്നാല്‍ പോരെ എന്നുള്ളത് ഒരു പരിഹാരമല്ല .കാരണം ഇത്തരം അഭാസങ്ങളും അക്രമങ്ങളും കണ്ടു വളരുന്ന ചെയ്യുന്ന പ്രവത്തികള്‍ അനുഭവിക്കേണ്ടി വരുന്നത് ഇത് കാണുന്നവരും കാണാത്തവരും ഉള്‍പെടുന്ന പൊതു സമൂഹമാണ്‌.നിങ്ങള്‍ സിഗരറ്റ് വലിക്കുമ്പോള്‍ അതിന്ടെ ബുദ്ധിമുട്ട് അനുഭവിക്കുന്നത് നിങ്ങള്‍ മാത്രമാണോ?.അല്ല .നിങ്ങള്‍ വെള്ളമടിച്ച് റോട്ടില്‍ പ്രശ്നമുണ്ടാക്കുമ്പോള്‍ അതനഭവിക്കുന്നത് കുടിച്ച നിങ്ങള്‍ മാത്രമായിരിക്കില്ല.അത് പോലെ ഇത്തരം ആഭാസങ്ങള്‍ കണ്ടു വളരുന്ന പുതിയ തലമുറ ഉണ്ടാക്കുന്ന പ്രശ്നങ്ങള്‍ നാളെ എങ്ങനെ ആരൊക്കെ അനുഭവിക്കേണ്ടി വരും എന്ന് കണ്ടറിയണം.AUTO GRAPH എന്നാ പേരില്‍ ASIANET സംപ്രേഷണം ചെയ്യുന്ന സീരിയല്‍ കണ്ടു നോക്കുക.പുതിയ തലമുറയെ എങ്ങനെ അക്രമതിന്ടെയും പകപോക്കലിന്ടെയും ലോകത്തേക്ക് വലിച്ചടുപ്പിക്കുന്നു എന്ന് ശ്രദ്ധിച്ചു നോക്കു.അതിനു ശേഷം കുറച്ചു മാസങ്ങള്‍ക്ക് മുമ്പുണ്ടായ ഒരു സംഭവം ഓര്‍ക്കു.സഹപാഠിയെ കൊല്ലാന്‍ കൊട്ടേഷന്‍ സന്ഗത്തെ അയച്ചവരില്‍ ഒരു വിദ്യാര്‍ത്ഥിനിയും.ഇനി സ്ത്രീകള്‍ അക്രമികള്‍ ആകുന്ന കേസുകളും അവര്‍ ഉപയോഗിക്കുന്ന രീതികളും നമ്മുടെ മലയാളം സീരിയലുകളിലെ ഇതെ രീതികളും താരതമ്യം ചെയ്തു നോക്കു.നിങ്ങള്ക്ക് ബോധ്യപ്പെടും .tv നമ്മള്‍ ഓഫ്‌ ആക്കിയാല്‍ മതിയോ അതല്ല എല്ലാവരും കൂടി ഈ ചാനല്‍ കഴുവേരികളെ നിലത്ത് നിര്‍ത്തേണ്ടി വരുമോ എന്ന് .പൌരനും സമൂഹത്തിനും നിയമത്തില്‍ അധിഷ്ടിതമായ ലഭിക്കുന്ന മറ്റെല്ലാ സ്വാതന്ത്രിയതിനോം അപ്പുറമായി ആവിഷ്കര സ്വതന്ത്രിയവും വാര്‍ത്ത‍ സ്വതന്ത്രിയവും ഉണ്ട് എന്നുള്ള അവരുടെ ധാരണ തിരുത്തേണ്ട സമയം കഴിന്ഹിരിക്കുന്നു.

      Delete
    2. അഷ്‌റഫ്‌March 8, 2012 at 1:47 AM

      ഈ ആഭാസം ഇഷ്ടപ്പെടാത്തവര്‍ ചാനല മാറ്റിയത് കൊണ്ടോ tv തല്ലിപോട്ടിച്ചത് കൊണ്ടോ തീരുന്നതല്ല ഈ പ്രശ്നം .കാരണം ഈ അഭാസങ്ങളും അക്രമങ്ങളും കണ്ടു വളരുന്ന പുതിയ തലമുറ ഉണ്ടാക്കുന്ന പ്രശ്നങ്ങള്‍ അനുഭവിക്കേണ്ടി വരുന്നത് കാണാത്തവരും കാണാത്തവരും ഇതിനെ പട്ടി ഒന്നും അറിയാത്തവരും എല്ലാം ഉള്‍പെടുന്ന പൊതു സമൂഹമാണ്‌ .ഒരാള ഒരു സിഗരറ്റ് വലിക്കുമ്പോള്‍ ആ പുക മൂലം രോഗിയാകുന്നത് അയാള്‍ മാത്രമല്ല .ഒരാള്‍ വെള്ളമടിച്ച് പ്രശ്നമുണ്ടാക്കുംപോള്‍ ശല്യമാകുന്നത് കുടിച്ചവന് മാത്രമല്ല.അത് പോലെ നമ്മുടെ ചാനലുകള്‍ പുറത്തു വിടുന്ന പുതിയ ആഭാസ സംസ്കാരം ഇപ്പോള്‍ തന്നെ കുറേശെയായി നാം അനുഭവിക്കാന്‍ തുടങ്ങിയ സൂചനകള്‍ നമുക്ക് കിട്ടിതിടങ്ങിയിരിക്കുന്നു.ഈ അടുത്ത കാലത്ത് സ്ത്രീകള്‍ പ്രതികളായ കേസുകളുടെ രീതികളും നമ്മുടെ ചാനലുകളിലെ സീരിയല്‍ കഥാപാത്രങ്ങളുടെ രീതികളും ഒന്ന് താരതമ്യം ചെയ്തു നോക്ക്.asianet സംപ്രേഷണം ചെയ്യുന്ന auto graph എന്ന സിയാല്‍ ഒന്ന് കാണുക.പിഞ്ചുമനസുകളിലേക്ക് അക്രമ സംസ്കാരം കടത്തിവിടുന്നത് എങ്ങിനെയെന്ന് കാണാം .അതിനു ശേഷം ഉണ്ടായ ഒരു സംഭവം ഓര്‍ക്കുക.സഹപാഠിയെ അപയപെടുത്താന്‍ കൊട്ടേഷന്‍ സംഗത്തെ ഏല്പിച്ചത് വിധ്യാര്തിനി ഉള്‍പെടുന്ന കുട്ടികള്‍.ഈ സീരിയലും ഈ സംഭവവും തമ്മില്‍ അഭേദ്യമായ സമയം ഉണ്ട്.അത് പോലെ മലയാളം ചാനലുകളില്‍ സംപ്രേഷണം ചെയ്യുന്ന fir,police story,crime file, തുടങ്ങിയ പ്രോഗ്രാമുകള്‍ കാണുന്ന നമ്മുടെ പുതിയ തലമുറ എങ്ങോട്ട് പോകും എന്ന് കണ്ടു തന്നെ അറിയണം .ഈ വിഷയത്തെ ലളിതവല്ക്കരിക്കാതെ സമഗ്രമായ ചര്‍ച്ച നടത്തേണ്ട സമയം അതിക്രമിച്ചിരിക്കുന്നു.

      Delete
    3. അഷ്‌റഫ്‌March 8, 2012 at 1:57 AM

      പൌരനും സമൂഹത്തിനും ഭരണകൂടവും പൊതു സമൂഹവും മതങ്ങളും കല്പിച്ചു നല്‍കിയ നിയമതിലധിഷ്ടിധമായ മറ്റെല്ലാ സ്വാതന്ത്ര്യവും പോലെ തന്നെയാണ് ആവിഷ്കാര സ്വതന്ത്രിയവും.നമുക്ക് സഞ്ചാര സ്വതന്ത്രിയമുന്ടെന്നു കരുതി നിരോധിത മേഖലയില്‍ കടക്കാന്‍ പറ്റുമോ?.നമുക്ക് സംസാര സ്വാതന്ത്രിയം ഉണ്ട് .എന്നാല്‍ നമുക്ക് ആരെയെങ്കിലും തെറി പറയാന്‍ പാടുണ്ടോ?
      അത് പോലെ തന്നെയാണ് നമ്മുടെ വസ്ത്ര സ്വാതന്ത്രിയം.നമ്മുടെ സംസ്ക്രവും മാന്യതയു അനുസരിച്ച് നാം വസ്തം ധരിക്കുക.അത് പോലെ തന്നെ നമുക്ക് വേണ്ടുവോളം ആവിഷ്കര സ്വാതന്ത്രിയം ഉണ്ട് ,അത് നമ്മുടെ സംസ്കാരത്തെ മനിലപ്പെടുതനല്ല നമ്മുടെ സംസ്കാരത്തെ ബലപ്പെടുതനാണ് ഉപയോഗിക്കേണ്ടത്.പ്രിയപ്പെട്ട ചാനല മഹാത്മാക്കളെ നിങ്ങള്‍ പടച്ചു വിടുന്നത് സമൂഹത്തില്‍ എന്തെല്ലാം ചലനങ്ങള്‍ ഉണ്ടാക്കുന്നു എന്ന് ദയവു ചെയ്തു ഒന്ന് ചിന്തിക്കു.

      Delete
    4. അഷ്‌റഫ്‌March 8, 2012 at 2:01 AM

      പ്രിയപ്പെട്ട ബഷീറിക്ക, ചാനല സംസ്കാരത്തെ കുറിച്ച് വിപുലമായ ഒരു ചര്‍ച്ച ആവശ്യമാണ്,ഇത്തരം പരിപാടികള്‍ തടയേണ്ടത് നമ്മുടെ നാളത്തെ പൊതു ജീവിതത്തിനു അത്യന്താപേക്ഷിതമാണ് .താങ്കളില്‍ നിന്നും ഒരു നല്ല തുടക്കം പ്രതീക്ഷിക്കുന്നു

      Delete
    5. അഷ്‌റഫ്‌March 8, 2012 at 2:03 AM

      ഹാവു...........മനസിലുള്ളത് കൊറേ പറഞ്ഞപ്പോള്‍ ഒരു പെരുന്നാള്‍ ചോറ് കഴിച്ച സുഖം

      Delete
    6. ashraf thankal kalakki

      ithu vayichappl koyiprichathu kayicha santhosam

      Delete
  43. മാള സ്വദേശികളായ ...യുവതിയും "അയല്കാരനും" മാളയില്‍ തന്നെ ലോഡ്ജില്‍ ഇരുന്നു സംസാരിക്കണം ..അല്ലെ ...
    എന്തുചെയ്യാം സ്വസ്ഥമായി സംസാരിക്കാന്‍ പോലും സ്ഥലം ഇല്ലാതായി....കഷ്ടം ....

    ReplyDelete
  44. എന്തിനാ വള്ളിക്കുന്നെ ശ്വേതയുടെ പടം ?
    നല്ല ബുദ്ധി !

    പോസ്റ്റ്‌ കണ്ടാല്‍ സ്വെതയെ പോലിസ് പൊക്കി എന്നെ തോന്നൂ...

    ബ്ലോഗിലേക്ക് ആളെക്കൂട്ടാന്‍ വള്ളിക്കുന്നിന്റെ തറ കളി ...

    ReplyDelete
  45. മനോരമചാനലുമായി ബന്ധപ്പെട്ട് റിയാലിറ്റിവിവാദമുണ്ടാക്കി സായൂജ്യമടഞ്ഞ പ്രമുഖമാധ്യമവും വിചാരണകൂടാതെ തൂക്കിക്കൊല വിധിക്കുന്ന നീതിസംവിധാനമാണ് ഇപ്പോൾ കണ്ടുവരുന്നത്. ഒരു ലാഭവുമില്ലാതെ അതിന് ഓശാന പാടുന്നതും.... ഇപ്പോൾ വീണ്ടും അതേപ്രാധാന്യത്തോടെ ഒരുപക്ഷേ അതിൽക്കൂടുതൽ പ്രാധാന്യത്തോടെ വീണ്ടും വിചാരണ തുടങ്ങുമ്പോൾ പലകാര്യങ്ങളും ചിന്തിച്ചും സംശയിച്ചും പോകയാണ്. ഇപ്പോഴും കെട്ടിയോളും കുട്ടിയോളുമായി ലോഡ്ജിൽ താമസിക്കുന്നയാളാണ് കൊട്ടോട്ടി (സ്വന്തമായി വീടില്ലാത്തവൻ പിന്നെന്തു ചെയ്യണം...?). ആ ലോഡ്ജിനാവട്ടെ ഒരു മുതലാളിയുമുണ്ട്. പക്ഷേ അവിടെ ഞാൻ മാനേജരല്ലെന്ന ഒരു വ്യത്യാസം കിടക്കുന്നുണ്ടെന്നു മാത്രം. ആരെങ്കിലും തോന്ന്യാസത്തിനു വന്നാൽ തടയിടുന്നതു സ്വാഭാവികം. പിടിക്കപ്പെടുന്നവർക്കു ബുദ്ധിയുണ്ടെങ്കിൽ കൊട്ടോട്ടീടെ ഗതിയും ഇതുപോലെയൊക്കെ തന്നെയാവും.

    ഇവിടെ കുറ്റാരോപിതൻ മനുഷ്യനല്ലെന്ന മട്ടിൽ വാർത്താപ്രാധാന്യം കൊടുക്കുന്ന മാധ്യമങ്ങൾ മനസ്സിലാക്കേണ്ട ഒന്നുണ്ട്, നിങ്ങൾ തകർത്തെറിയുന്നത് ഒരു ജീവിതമാണ് (അയാൾ ഒരുപക്ഷേ നിരപരാധിയാണെങ്കിൽ). തെറ്റു തെളിയുന്നപക്ഷം അവർ ശിക്ഷിയ്ക്കപ്പെടട്ടെ. അതിനുമുമ്പുള്ള കൊലവെറി നിർത്തണമെന്നേ പറയുന്നുള്ളൂ. അത് ഈ കേസിലെന്നല്ല ഏതു കേസിലായാലും. വാദിയായാലും പ്രതിയായാലും അവരെ കരിതേച്ച് പ്രചാരം വർദ്ധിപ്പിക്കുന്ന മാധ്യമലോകത്തെ വൃത്തികെട്ട രീതി നിർത്തണമെന്നേ ഞാനുദ്ദേശിക്കുന്നുള്ളൂ. ഭർത്താവുകൂടെയില്ലാത്ത യുവതി അയലുപക്കത്തെ യുവാവുമായി ലോഡ്ജിൽ തങ്ങിയതു വെറുതേയായിരിക്കില്ലല്ലോ. ആ താമാശകൾ ഒരുപക്ഷേ ലവർ തിരിച്ചറിഞ്ഞിട്ടുണ്ടാവാം. അപ്പൊപ്പിന്നെ രക്ഷപ്പെടാൻ കണ്ടവരെ പ്രതിയാക്കാതെ തരമില്ലല്ലോ. പീഢന-ബ്ലാക്മെയിൽ വാർത്തകൾക്കും കേസുകൾക്കും പ്രചാരവും മാർക്കറ്റും ഉള്ള ഈകാലത്ത് അതിന് എളുപ്പമാണുതാനും. ഏതുകാര്യങ്ങൾക്കും ഒരു മറുവശവും ഉണ്ടായിരിയ്ക്കുമെന്ന് ഓർക്കുന്നത് നല്ലതാണ്.

    ഇവിടെ പ്രതിയാക്കപ്പെട്ടയാൾ കുടുംബസമേതം അവിടെ താമസിക്കുന്നയാളാണ്. പ്രസ്തുത സ്ഥാപനത്തിന്റെ മേൽനോട്ടക്കാരനും. ആ നിലയ്ക്ക് അയാൾക്കു പറയാനുള്ളതു മറച്ചുവെയ്ക്കുന്നതു നീതിയല്ല. ഇവിടെ അയാൾക്കു പറയാനുള്ളതായി എന്തെങ്കിലുമുണ്ടെങ്കിൽ ഒരു അച്ചടി-ദൃശ്യ മാധ്യമവും അവസരം കൊടുത്തുകണ്ടില്ല. ഇതിൽ മാത്രമല്ല മിയ്ക്കവാറും എല്ലാ കേസുകളിലും ഇങ്ങനെയൊക്കെത്തന്നെയാണ് സംഭവിക്കുന്നത്. നഗ്നചിത്രവാർത്ത വിശ്വസിക്കാൻ അൽപ്പം പ്രയാസമുണ്ട്. കാരണം ഭർത്താവ് സ്ഥലത്തില്ലാത്ത യുവതി അയൽപക്കക്കാരനുമൊത്ത് അവിടെ റൂമെടുത്തത് ചായകുടിക്കാനാവില്ലെന്നുറപ്പ്. അതുകൊണ്ടുതന്നെ കേസിന്റെ ആ വശം കൂടി ഒന്ന് ആലോചിക്കേണ്ടതുണ്ട്. അതില്ലാതെ ഒരു വൈരാഗ്യമുള്ളതുപോലെ ഇങ്ങനെ പെരുമാറുന്നതു ശരിയല്ല. ചിത്രമെടുത്തു എന്നു മാധ്യമങ്ങൾ വിളിച്ചുപറയുമ്പോൾ അതു കണ്ടെടുക്കാൻ (അങ്ങനെയൊന്നുണ്ടെങ്കിൽ) ഈ കമന്റെഴുതുന്നതുവരെ കഴിഞ്ഞിട്ടില്ലെന്നാണ് അറിയുന്നത്. ആ തെളിവുകൾ കണ്ടെത്താത്തിടത്തോളം കുറ്റാരോപിതൻ നിരപരാധിയായി നിലകൊള്ളും എന്നതുകൂടി ഓർക്കേണ്ടതുണ്ട്. ലവനു കൂട്ടുപറയുകയാണെന്നു കരുതണ്ട, ഇങ്ങനെയും ആവാൻ സാധ്യതയുണ്ടെന്നും ഒരുപക്ഷേ അതിനാവും ഇവിടെ സാധ്യതകൂടുതലെന്നും പറഞ്ഞുവെന്നും മാത്രം. കുറ്റം തെളിയിക്കപ്പെട്ടാൽ ഉചിതമായ ശിക്ഷതന്നെ കിട്ടട്ടെ. മറിച്ച് അയാളെ കോടതി വെറുതേ വിട്ടാലോ..? അതിനാൽ ഏതായാലും ഒരു വിചാരണയും ശിക്ഷാവിധിയും നടത്താൻ തൽക്കാലം പദ്ധതിയിടുന്നതു ശരിയല്ല. അതു കോടതി ചെയ്യട്ടെ.

    ReplyDelete
  46. Atlast some sense!!!!

    നന്ദി കൊട്ടോട്ടിക്കാരന്

    ReplyDelete
  47. '' വെറുതെ അല്ല ഭാര്യ '' യോട് വള്ളിക്കുന്നിന് വല്ലാണ്ട് വിരോധം ഉണ്ടെന്നു തോന്നുന്നു .. :)
    ഞാന്‍ കാണാറുണ്ട് പ്രോഗ്രാം . അതില്‍ തികച്ചും മാന്യമായ , സഭ്യമായ രീതിയിലാണ് കുടുംബ ബന്ധങ്ങളെ കുറിച്ച് ചര്‍ച്ച ചെയ്യുന്നത്.അവതാരകയും മികച്ച പ്രകടനം കാഴ്ച വെക്കുന്നു. പരിപാടിയില്‍ പങ്കെടുക്കുന്നവരുടെ വ്യക്തിപരമായ ന്യൂനതകള്‍ക്ക് ചാനലോ അവതാരകയോ എങ്ങനെ ഉത്തരവാദി ആകാനാണ്?... നെഗട്ടീവ്‌ മാത്രം കാണുന്നതിനോട് തീര്‍ത്തും വിയോജിക്കുന്നു..

    ReplyDelete
    Replies
    1. 100% correct standerd family hus/wife parasparam ellam share cheyyunnu Avarkkidayil onnum marachu vakkan Ella

      Delete
  48. അഷ്‌റഫ്‌March 10, 2012 at 1:33 AM

    വെറുതെ അല്ല ഭാര്യ യോട് വള്ളിക്കുന്നിന് മാത്രമല്ല ഇവിടെ അഭിപ്രായം രേഖപ്പെടുത്തിയ ആര്‍ക്കും അത്ര മതിപ്പുള്ളതായി കാണുന്നില്ല,പിന്നെ ആ പ്രോഗ്രാം അത്ര സഭ്യമാണ് എന്നും പറയാന്‍ പറ്റില്ല .പരിപാടികളില്‍ പങ്കെടുക്കുന്നവര്‍ക്ക് ന്യൂനത ഉണ്ടെങ്കില്‍ അതും ചര്‍ച്ച ചെയ്യേപെടെണ്ടത് തന്നെയാണ്.കാണേണ്ട നെഗടിവുകള്‍ കാണാതിരിക്കുന്നതും ശരിയല്ല.

    ReplyDelete
  49. അഷ്‌റഫ്‌March 10, 2012 at 1:52 AM

    ഇന്നലെ നടന്ന തന്‍റെടം ജെന്ടെര്‍ ഫെസ്റ്റില്‍ സിനിമ നടി ജ്യോടര്മായി യുടെ ഉത്ഘാടത്തിനെതിരെ മഹിളാകോണ്‍ഗ്രസ്‌ നേതാവ് ഷാനിമോള്‍ ഉസ്മാന്‍ അടക്കമുള്ള പ്രമുഖര്‍ രൂക്ഷമായി വിമര്‍ശിച്ചിരിക്കുന്നു ,അതെന്തോ ആകട്ടെ ആ പരിപാടിക്ക് ജ്യോതിമയിക്ക് യോഗ്യത ഉണ്ടോ എന്ന് ചിന്തിക്കേണ്ടതാണ്.ഈ അടുത്ത ദിവസം ഒരു TV അഭിമുഖത്തില്‍ ജ്യോതിമയിയുടെ ഒരു പാട്ടുസീനിനെ പറ്റി ഒരു ചോദ്യമുണ്ടായി .വളരെകുറച്ചു വസ്ത്രവുമായി [വസ്ത്രം ഉണ്ടോ എന്ന് തന്നെ സംശയം]അഭിനയിച്ച ആ പാട്ടുസീനിനെ അവര്‍ ന്യകീകരിച്ചത് കേട്ടാല്‍ ശകീല പോലും നാണിച്ചു പോകും,തന്ടെ"അത്തരം പ്രേക്ഷകര്‍ക്ക്‌" വേണ്ടിയാണു അങ്ങനെ അഭിനയിച്ചത് എന്നായിരുന്നു അവരുടെ മറുപടി,എന്നാ പിന്നെ അങ്ങനെയുള്ള പ്രേക്സകര്‍ക്ക് വേണ്ടി ബാക്കിയുള്ളത് കൂടി അഴിച്ചിട്ട് അഭിനയിച്ചു അത് ഒരു CD യില്‍ ആക്കി പ്രേക്ഷകര്‍ക്ക്‌ കൊടുത്താല്‍ പോരെ കുടുംബമായി സിനിമ കാണാന്‍ വരുന്ന വരുടെ മുന്നില്‍ പ്രദര്‍ശിപ്പിക്കണോ എന്ന് നമ്മള്‍ ചോദിച്ചാല്‍ അത് സദാചാര പോലീസും ഭീകര വാദവും ഒക്കെ ആയിപോകും.എന്നാലും തന്ടെ അച്ഛനും അമ്മയും സഹോദരന്മാരും ഭാണ്ടുക്കളും ഒക്കെ അടങ്ങുന്ന പ്രേക്ഷര്‍ക്ക് മുന്നിലാണ് ഈ തുണി ഉരിയലിനെ ഇങ്ങനെ ന്യകീകരിച്ചത് എന്ന് മനസിലാകുമ്പോള്‍ ഇവരുടെ സംസ്കാര ശൂന്യത അല്ലെങ്കില്‍ ന്യുനത കാണാതിരിക്കാന്‍ കേരള സമൂഹത്തിനു കഴിയുമോ?.ഇത്തരം ആളുകള്‍ സ്ത്രീ ശാക്തീകരണത്തിന് വേണ്ടിയുള്ള ഒരു പദ്ധതിക്ക് ഉള്ഘാടകയാകാനും അതിന്ടെ അംബാസഡര്‍ ആകാനും യോഗ്യരാണോ?ഇതിനെക്കാള്‍ നല്ലത് ശകീലയെ എല്പിക്കുന്നതായിരുന്നു.

    ReplyDelete
  50. ഞങ്ങള്‍ മാളക്കാരെ കുറിച്ച് ഇങ്ങനെ പറയരുത്, മുഹമ്മേതാലിക്ക വളരെ നല്ല മനുഷ്യനാ !!! ഞങ്ങളുടെ മാള ടൌണില്‍ തന്നെയാ ആളുടെ ലോഡ്ജു.
    നാസറിന് നന്നാകാന്‍ വേണ്ടിയാണ് അവനെ ഇവിടെ manager ആയി ജോലി കൊടുത്തത്...പാവം ....മുഹമ്മേതാലിക്ക

    ReplyDelete