February 16, 2011

മുരളിയേട്ടന് ഒരു തുറന്ന കത്ത്

മുരളിയേട്ടാ.. എനിക്ക് വാക്കുകളില്ല. മനസ്സില്‍ ഒരു ലഡ്ഡു പൊട്ടി എന്ന് മാത്രം പറയട്ടെ. ആരും തിരിഞ്ഞു നോക്കാത്ത കാലത്തും നിങ്ങള്‍ക്ക് വേണ്ടി ബ്ലോഗുകള്‍ എഴുതിയ ഒരാള്‍ എന്ന നിലക്കാണ് ഈ തുറന്ന കത്ത് എഴുതുന്നത്‌. ഉമ്മന്‍ ചാണ്ടിയുടെയും ചെന്നിത്തലയുടെയും നല്ല കാലം ഇതോടെ കഴിഞ്ഞു. ഇനി താരം നിങ്ങളാണ്. എത്ര കാലം നിങ്ങളെ പുറത്തിരുത്തിയോ അത്രയും തിളക്കം നിങ്ങള്‍ക്ക് കൂടിയിട്ടുണ്ട്. കാശ്മീര്‍ അപ്പിള്‍ പോലെ ചുവന്നു തുടുത്ത നിങ്ങളുടെ മുഖമാണ് ഇനി കോണ്ഗ്രസ്സിന്റെ മുഖം.

എന്റെ ചെറിയ ബുദ്ധിയില്‍ തോന്നുന്ന ചില കാര്യങ്ങള്‍ പറയുകയാണ്‌. എല്ലാ പണികളും വളരെ ശ്രദ്ധിച്ചു വേണം ചെയ്യാന്‍. ആദ്യം വേണ്ടത് മുരളിയേട്ടന്റെ മനസ്സിലുള്ള പേരുകള്‍ ഒരു A4 പേപ്പറില്‍ എഴുതുകയാണ്. നാല് ക്യാറ്റഗറിയായിട്ടാണ് നാം ആളുകളെ തിരിക്കേണ്ടത്‌.  ഒറ്റയടിക്ക് കൊല്ലേണ്ടവര്‍ , അടിച്ചടിച്ച് കൊല്ലേണ്ടവര്‍ ‍, കാലൊടിച്ചു വിടേണ്ടവര്‍ , വാണിങ്ങ്  മാത്രം കൊടുക്കേണ്ടവര്‍ . എന്റെ അഭിപ്രായത്തില്‍ വീട്ടില്‍ നിന്ന് തന്നെ തുടങ്ങുന്നതാണ് നല്ലത്!!!.പക്ഷെ ധൃതി പിടിക്കരുത്. ഇലക്ഷന്‍ കഴിയുന്നത്‌ വരെ ഒരു ലോ പ്രൊഫൈല്‍ കീപ്‌ ചെയ്യണം. 

നിങ്ങള്‍ തിരിച്ചു വരാതിരിക്കാന്‍ പരമാവധി പാര വെച്ചവരാണ് ഇന്നലെ ഡല്‍ഹിക്ക് പോയ രണ്ടു വിശിഷ്ട ദേഹങ്ങളും. ഒരു കൊഞ്ഞാണന്റെയും ശിപാര്‍ശയില്ലാതെ തന്നെ രണ്ടാഴ്ച കഴിഞ്ഞാല്‍ നിങ്ങള്‍ക്ക് തിരിച്ചു വരാമായിരുന്നു. ആറ് കൊല്ലത്തെ സസ്പെന്‍ഷന്‍ കാലാവധി കഴിയാന്‍ ദിവസങ്ങള്‍ മാത്രമേ ബാക്കിയുള്ളൂ എന്ന് കണ്ടപ്പോഴാണ് ഉമ്മച്ചനും ചെന്നിത്തലയും തല കുലുക്കാന്‍ തയ്യാറായത്. തൊമ്മന്‍ അയയുമ്പോള്‍ ചാണ്ടി മുറുകും എന്ന് പറഞ്ഞപോലെ ഇത്ര കാലവും നിങ്ങളെയിട്ടു തട്ടിക്കളിച്ചത് എന്‍ഡോസള്‍ഫാന്‍ കലക്കിത്തന്നാല്‍ പോലും ഞങ്ങള്‍ മറക്കില്ല. എല്ലാവര്‍ക്കും നമ്മള്‍ക്ക് കണക്കിന് കൊടുക്കണം.

മെല്ലെ തിന്നാല്‍ ഐസ് ക്രീമും തിന്നാം എന്നൊരു ചൊല്ലുണ്ട്. അതുകൊണ്ട് ഒട്ടും ആക്രാന്തം കാണിക്കരുത്. മുഖ്യമന്ത്രി സ്ഥാനത്തിന് ഇപ്പോള്‍ തന്നെ കണ്ണ് വെക്കരുത് എന്നാണ് ഞാന്‍ പറഞ്ഞതിന്റെ ചുരുക്കം. നിങ്ങളുടെ സ്വഭാവം അറിയുന്നത് കൊണ്ടാണ് ഞാനിത് വീണ്ടും വീണ്ടും പറയുന്നത്. ഉമ്മച്ചന്‍‍, ചെന്നിത്തല,  രവിയേട്ടന്‍ ഇവരിലാരേലും ആദ്യം കയറിയിരിക്കട്ടെ. ആരായാലും ഏറിയാല്‍ ഒരു വര്‍ഷം. അത് കഴിഞ്ഞാല്‍ പിന്നെ നമ്മള്‍ക്ക് ചാന്‍സ് കിട്ടും. ഇതൊക്കെ എന്റെ ചെറിയ ബുദ്ധിയില്‍ തോന്നുന്ന കാര്യങ്ങളാണ്.

ഒരു കാര്യം പ്രത്യേകം ഓര്‍മ വേണം. ഇത്തവണത്തെ തിരഞ്ഞെടുപ്പ് പ്രചാരണത്തില്‍ കോണ്ഗ്രസ്സിലെ ക്രൌഡ് പുള്ളര്‍ നിങ്ങള്‍ മാത്രമായിരിക്കും. മറ്റുള്ളവരൊക്കെ വരുന്നെന്നു കേട്ടാല്‍ തന്നെ നാട്ടുകാര്‍ വീട്ടീപോയി കതകടക്കും. നാലക്ഷരം നിര്‍ത്താതെ പറയാന്‍ കഴിയുന്ന വേറെ ഒരുത്തനും ഇപ്പോള്‍ പാര്‍ട്ടിയില്‍ ഇല്ല അതുകൊണ്ട് തന്നെ നാലാളെ കാണുമ്പോള്‍ അപസ്മാരം വരുന്ന ആ പഴയ പരിപാടി ഉപേക്ഷിക്കണം. അല്‍പസ്വല്പം കണ്ട്രോള് നാവിന് ഉണ്ടാവുന്നത് നല്ലതാണ്.  സ്നേഹക്കൂടുതല്‍ കൊണ്ട് പറയുകയാണെന്ന് മാത്രം കരുതിയാല്‍ മതി. നിങ്ങള്‍ മുഖ്യമന്ത്രി ആവുന്ന ദിവസമായിരിക്കും എന്റെ മനസ്സില്‍ അടുത്ത ലഡ്ഡു പൊട്ടുക!!.

മ്യാവൂ: നല്ല കാലം വരുമ്പോള്‍ എന്നെപ്പോലുള്ളവരെ ഓര്‍മ വേണം മുരളിയേട്ടാ. ഞങ്ങള്‍ ബ്ലോഗര്‍മാര്‍ പാവങ്ങളാണ്. സാഹിത്യ അക്കാദമി അവാര്‍ഡുകളുടെ കൂട്ടത്തില്‍ ബ്ലോഗുകള്‍ക്കും ഒരു അവാര്‍ഡ് ഏര്‍പെടുത്തണം . ആദ്യത്തെ അവാര്‍ഡ് ആര്‍ക്ക് നല്‍കണം എന്ന് ഞാന്‍ പ്രത്യേകം പറയേണ്ടല്ലോ!. 

കോണി കണ്ടാല്‍ കയ്യ് ബെറക്കുമോ?

Related Posts
മുരളിയെ തിരിച്ചെടുക്കൂ, ഇനിയെങ്കിലും (26 Dec 2010)
മുരളിക്ക് വേണ്ടി ഒരു എസ് എം എസ് (27 Jan 2010)
മുരളിയെ ആര്‍ക്കാണ് പേടി? (19 Nov 2009)
ഒബാമക്ക് മുരളീധരന്റെ കത്ത്. (08 Aug 2009)

54 comments:

  1. അടുത്ത ലഡ്ഡു പൊട്ടുന്ന കാര്യമാലോചികുമ്പഴാ... ആ... കേരളത്തില്‍ ജനിച്ചുപോയില്ലേ... അനുഭവിക്കുക തന്നെ...

    ReplyDelete
  2. കൊടുക്കണം, കൊടുക്കേണ്ടത് കൊടുക്കേണ്ട സമയത്ത് കൊടുത്തില്ലെങ്കിൽ പിന്നെ മുരളീന്ന് വിളിക്കാൻ പറ്റൊ?

    ആരുടെയും മൂട് താങ്ങികളല്ലാത്ത നെട്ടല്ലുള്ള ഒരുത്തൻ കോൺഗ്രസിലുണ്ടാവണം. അത് നിങ്ങളല്ലാതെ ആരാ??

    ReplyDelete
  3. ഇതു മുരളിയെ സോപ്പിടാന്‍ വേണ്ടി മാത്രം എഴുതിയതാണ്. ഇടക്ക് 'ചെറിയ ബുദ്ധി' പറഞ്ഞു വലിയ ബുദ്ധിയില്‍ നിന്നുള്ള കാര്യങ്ങള്‍ പറഞ്ഞു കൊടുത്തു അദ്ദേഹത്തിന്റെ അന്നം മുട്ടിക്കാനുള്ള ഏര്‍പ്പാട് ആണല്ലേ? നാലായി തിരിച്ചു വെട്ടി നിരത്താന്‍ കോണ്‍ഗ്രസ്‌ എന്താ സി.പി.എം. ആണോ? (മനുഷ്യന്റെ തലക്കും തെങ്ങിന്റെ മണ്ടക്കും സി.പി.എമ്മിന്റെ ഭരണത്തില്‍ രക്ഷയില്ലാന്ന സി.എച്ച്. മുഹമ്മദ്‌ കോയ സാഹിബിന്റെ വാക്കുകള്‍ ഓര്‍മ്മയില്‍ വരുന്നു) മൂന്നു രൂപയുടെ മെമ്പര്‍ഷിപ്പ് മതി എന്ന് ഇന്നലെയും മുരളി പറഞ്ഞു. എനിക്കൊരു സംശയം കോണ്‍ഗ്രസില്‍ മെമ്പര്ഷിപ്പ് ഫീ പല രൂപത്തില്‍ ഉണ്ടോ? മൂന്നു രൂപയുടേത്‌ സാധാരണക്കാര്‍ക്കും മുപ്പതോ മുന്നൂറോ രൂപയുടെ വി.ഐ.പി. മെമ്പര്ഷിപ്പ് വേറെയും കോണ്‍ഗ്രസില്‍ ഉണ്ടോ ബഷീര്‍ സാബ്. അദ്ദേഹം ഒരു ക്രൌഡ് പുല്ലര്‍ ആണെന്ന കാര്യത്തില്‍ രണ്ടഭിപ്രായം ഇല്ല. ആയുഷ്മാന്‍ ഭവ !!

    ReplyDelete
  4. പറഞ്ഞു പറഞ്ഞു ഒരു വഴിക്കാക്കിയെ അടങ്ങൂ അല്ലെ ബഷീര്‍ ഭായ് ?? എങ്ങനേലും ജീവിച്ചു പൊയ്ക്കോട്ടേ പാവം ...

    രണ്ടാമത്തെ ആ ലഡ്ഡു അത് ശൂന്യാകാശത്ത് പൊട്ടും ... ഹ ഹ ഹ

    ReplyDelete
  5. congratulation Muraliyetta.....:)

    ReplyDelete
  6. ഭൂമിയിലെ രാജാക്കന്മാർ എന്നൊരു മോഹൻലാൽ പടമുണ്ട്..അത് മിനിമം ആഴ്ചയിൽ ഒരു വട്ടമെങ്കിലും കണ്ട് പഠിക്കണം എങ്ങനെ ജനങ്ങളെ കൈയ്യിലെടുക്കാമെന്ന്..ഈ രാഹുൽ ഗാന്ധിയുടെ അടിസ്ഥാനം തന്നെ ഈ പടമാണ്..

    ചെന്നിത്തലയെയേപ്പോലുള്ള ലോകഫ്രാഡിനെ ഒതുക്കാൻ മുരളിയിലും പറ്റിയ ഒരാളില്ല കോൺഗ്രസിൽ..മിമിക്രിക്കാർ ഉണ്ടാക്കിവച്ച മണ്ടൻ ചെറുക്കൻ ഇമേജ് വിശ്വസിക്കാത്ത ധാരാളം ജനങ്ങളുണ്ട്..

    ഒരപേക്ഷ മാത്രമേയുള്ളൂ അച്ഛനായിട്ട് ബില്യൺസ് ഉണ്ടാക്കിയില്ലേ..തലമുറകളോളം തിന്നാനുള്ള കാശായില്ലേ...ഇനി അതൊക്കെ ഒരല്പം കുറച്ചാൽ പിന്നെ ഇന്ത്യൻ പൊളിറ്റിക്സിൽ ഏറ്റവും നല്ല ഒരു ഗ്രാഫ് കിട്ടുന്നത് മുരളിക്കായിരിക്കും..
    പണം മാത്രം പോരല്ലോ അധികാരം പേര് ഇതൊക്കെയുണ്ടെങ്കിലേ ഒരു പുരുഷായുസ്സ് പൂർണ്ണമാകൂ..

    ReplyDelete
  7. പപ്പിക്കുട്ടിയ്ക്ക് ഒരു സീറ്റുവാങ്ങിക്കൊടുക്കണമെന്നുകൂടി പറ.

    ReplyDelete
  8. "ആദ്യത്തെ അവാര്‍ഡ് ആര്‍ക്ക് നല്‍കണം എന്ന് ഞാന്‍ പ്രത്യേകം പറയേണ്ടല്ലോ!."

    ഇയ്യിടെ കിട്ടിയ അവാര്‍ഡും ഇങ്ങനെ സംഘടിപ്പിച്ചതാണോ എന്തോ? ;)

    നല്ല രസികന്‍ പോസ്റ്റ്.

    ReplyDelete
  9. വന്നപോലെതന്നെ പറഞ്ഞയക്കാനുള്ള പരിപാടിയാണോ ?

    ReplyDelete
  10. മുരളീധരന്റെ കയ്യിലിരുപ്പു(നാവിലിരുപ്പു) പേടിച്ചു തന്നെയാ അദ്ദേഹത്തെ പാര്‍ട്ടിയില്‍ തിരിചെടുക്കാതെ മാറ്റി നിര്‍ത്തുവാന്‍ പാര്‍ട്ടിക്കാരെ പ്രേരിപ്പിക്കുന്നത് ...ആ കയ്യില്‍ നിന്നും (നാവില്‍ നിന്നും ) കിട്ടിയ 'തലോടല്‍ ' ഇപ്പോഴും ഓര്‍മയുണ്ട് അവര്‍ക്ക് ..അത് ബഷീര്‍ക്ക മറന്നാലും ഉമ്മന്‍ ചാണ്ടിയും ചെന്നിത്തലയും മറക്കുമോ ...ചുരുങ്ങിയ പക്ഷം അഹമ്മദ് പട്ടേല്‍ എങ്കിലും മറക്കുമോ ..?

    ReplyDelete
  11. പോയ ബുദ്ധി തിരിച്ചുപിടിക്കാന്‍ മുരളിയോളം റാലി നടത്തിയ ആരും കേരള രാഷ്ട്രീയത്തില്‍ ഉണ്ടാവില്ല. കോടതിക്ക് കൈക്കൂലി കൊടുത്തവരും കൊടുപ്പിച്ചവരും കൊടുക്കുമ്പോള്‍ നോക്കിനിന്നവരും അറസ്റ്റുവാറണ്ടു വന്നവരും വരാനുള്ളവരും എല്ലാംകൂടി കേരള രാഷ്ട്രീയം പഴംചക്കപോലെ പഴുത്തു നില്‍ക്കുമ്പോഴാണ് മുരളിയുടെ വരവ്. വായില്‍ പുണ്ണില്ലെങ്കില്‍ ഇത് മുരളിക്ക് നല്ല കാലം. ധര്‍മ്മം സംസ്ഥാപിക്കാന്‍ യുഗപുരുഷനായി മുരളിക്ക് കേരള രാഷ്ട്രീയത്തില്‍ അവതരിക്കാന്‍ ഇതിലും നല്ലൊരു കാലം ഇനി വരാനില്ല.

    ഈ വിഷയത്തിലുള്ള എന്റെ അഭിപ്രായം ഇവിടെ.

    ReplyDelete
  12. Past is past let it be like that. Murali will be the only crowd puller of congress party in the near future.His qualities, as a leader and as an administrator is an asset to INC. Congrts Mr. Murali

    ReplyDelete
  13. Past is past let it be like that. Murali will be the only crowd puller of congress party in the near future.His qualities, as a leader and as an administrator is an asset to INC. Congrts Mr. Murali

    ReplyDelete
  14. സംഭവാമി യുഗേ യുഗേ

    ReplyDelete
  15. ആര്യാടനെപ്പോലെയുള്ള അതിബുദ്ധിശാലികളുള്ള 'എ' ഗ്രൂപ് ചെയ്ത ഏറ്റവുംവലിയ വിഡ്ഢിത്തമായിരുന്നു, പാശ്ചാത്തപിച്ചു കോണ്‍ഗ്രസിലേക്ക് മടങ്ങുവാന്‍ യാചിച്ചുനിന്ന മുരളിയെ ഇത്രയും കാലം പുറത്ത് നിറുത്തിയത്. കരുണാകരന്റെ മരണം കോണ്ഗ്രസ്കാരിലും, കോണ്ഗ്രസ് ഇതരരിലും കരുണാകരനോടു തങ്ങള്‍ സ്വീകരിച്ചിരുന്ന നിലപാടുകളെക്കുറിച്ച് ചില വീണ്ടു വിചാരങ്ങള്‍ ഉണ്ടാക്കുവാന്‍ കാരണമായിട്ടുണ്ടെന്നത് നേരാണ്. (കെ. വേണുവിനെപ്പോലെയുള്ള പഴയ നക്സലൈറ്റുകാര്‍ കരുണാകരന് മരണാനന്തരം ലഭിച്ച അഭൂതപൂര്‍വ്വമായ മാധ്യമ - ബഹുജന ബഹുമാനത്തെക്കുറിച്ചു ഇപ്പോഴും അസ്വസ്ഥനാവുന്നുണ്ട് എന്നത് വിസ്മരിക്കുന്നില്ല) ഒപ്പം മുരളി സ്വയത്തമാക്കിയ അതിശയിപ്പിക്കുന്ന ക്ഷമാശീലവും അദ്ധേഹത്തിന്റെ നഷ്ടപ്പെട്ട ഇമേജ് അല്‍പമെങ്കിലും തിരിച്ചു ലഭിക്കുവാന്‍ പര്യാപ്തമായിട്ടുണ്ട് എന്നതും അസത്യമാകാന്‍ ഇടയില്ല. ഇത്തരം അനുകൂല ഘടകങ്ങള്‍ അതിശക്തമായ പിന്തുണ നല്‍കുന്ന ഏറ്റവും അനുയോജ്യമായ സമയത്താണ് മുരളി കോണ്‍ഗ്രസില്‍ തിരിച്ചെത്തുന്നത്. മുരളി വിരുദ്ധര്‍ക്കിനി അശാന്തിയുടെ നാളുകള്‍ ആയിരിക്കും.

    ReplyDelete
  16. This comment has been removed by the author.

    ReplyDelete
  17. കോണ്‍ഗ്രസ് അനുഭാവി അല്ലെങ്കിലും മുരളിയുടെ തിരിച്ചുവരവ്‌ ആഗ്രഹിച്ചിരുന്നു എന്ന നിലയില്‍ സന്തോഷം തോന്നുന്നു. ആരെന്തൊക്കെ പറഞ്ഞാലും കെ. കരുണാകരന്‍ കാണിച്ച നേതൃഗുണം മുരളിയില്‍ ഉണ്ട് എന്നത് സത്യമാണ്. കുറെ കാലം പുറത്തിരുന്നതിലൂടെ കൂടുതല്‍ രാഷ്ട്രീയ പക്വതയും കൈവന്നു എന്നതും ശരിയാണ്.
    മലബാര്‍ ഭാഗത്ത്‌ ഇപ്പോഴും ശക്തമായ സ്വാദീനമാണ് മുരളിക്കുള്ളത്. ഒരുപക്ഷെ തുടര്‍ന്നുവരുന്ന സെക്കുലര്‍ നിലപാട് ഇതിന് കാരണമാവാം. വിവാദങ്ങള്‍ കൊടികുത്തി വാഴുന്ന പുതിയ കേരള രാഷ്ട്രീയത്തിലെക്കാണ് മുരളീധരന്‍ രണ്ടാം ജന്മമെടുക്കുന്നത്. അതെങ്ങിനെയാവുമെന്ന് കാത്തിരുന്നു കാണാം.

    ReplyDelete
  18. മുരളിയേട്ടാ, നമ്മുടെ സുധാകരേട്ടനെ സൂക്ഷിക്കണേ.. സോണിയാജിക്കോ മന്മോഹഞ്ഞിക്കോ കൈക്കൂലി കൊടുത്താണ് നിങ്ങള്‍ കോണ്‍ഗ്രസില്‍ തിരിച്ചെത്തിയത് എന്നൊക്കെ അങ്ങേരെങ്ങാനും പറഞ്ഞാലോ?
    പിന്നെ നമ്മുടെ അബ്ദുള്ളകുട്ടി സാഹിബിനെയും സൂക്ഷിക്കണം. മൂപ്പര്‍ കളിച്ചുകളിച്ചു സുധീരന്‍ സാറിനോട് വരെ കളിയ്ക്കാന്‍ തുടങ്ങിയതാ..

    ReplyDelete
  19. murali nannayal keralathinu nalla oru politicianey kittum...sure, nannayi basheer sab, congrts...

    ReplyDelete
  20. ഇനി ഗ്രൂപ്പുകളിക്കില്ലെന്ന് മുരളിയുടെ പ്രസ്താവന കണ്ടു.തമാശ പറഞ്ഞതാവണം.ഒരു മാസം തികയുന്നതിനു മുമ്പ് മുരളി ഗ്രൂപ്പ് യോഗം വിളിക്കും.

    മുകളിൽ ഏതോ ആപ്പിളിന്റെ കാര്യം സൂചിപ്പിച്ചു കണ്ടു.മുരളിയുടെ മുഖം കാശ്മീർ ആപ്പിൾ പോലെയെന്നോ മറ്റോ..
    അയ്യോ അത്രയ്ക്ക് വേണോ ബഷീർ ?

    ReplyDelete
  21. അല്‍പസ്വല്പം കണ്ട്രോള് നാവിന് ഉണ്ടാവുന്നത് നല്ലതാണ്. സ്നേഹക്കൂടുതല്‍ കൊണ്ട് പറയുകയാണെന്ന് മാത്രം കരുതിയാല്‍ മതി. നിങ്ങള്‍ മുഖ്യമന്ത്രി ആവുന്ന ദിവസമായിരിക്കും എന്റെ മനസ്സില്‍ അടുത്ത ലഡ്ഡു പൊട്ടുക!!.
    ...ഇത് വേണ്ടി വരും....ഇനിയും കണ്ട്രോള് പോയാല്‍ ആ ഉണ്ണിത്താനെ ആയിരിക്കും ആദ്യം വെട്ടുക എന്നാണു എന്റെ തോന്നല്‍...

    ReplyDelete
  22. വൈകി എങ്കിലും കോണ്ഗ്രസ് രാഷ്ട്രീയത്തിലേക്കുള്ള മുരളിയെന്ന ജൂനിയര്‍ ലീഡറുടെ തിരിച്ചു വരവ് യാഥാര്‍ത്ഥ്യമായി .
    നമ്മുടെ അക്ബരിക്ക ( അക്ബര്‍ ചാലിയാര്‍ ) പറഞ്ഞ പോലെ , മൂന്നു രൂപയുടെ മേമ്പര്ഷിപ്പിന്നു വേണ്ടി ആയിരത്തൊന്നു ഏത്തമിട്ടെങ്കിലും, ഇത്രയും കാലം ഒരു പാര്‍ട്ടിയുടെയും , സംഘടനയുടെയും ലേബലില്ലാതെ അനാഥനായി നിന്നിട്ടും മുരളി എന്ന നേതാവിനെ കേരള രാഷ്ട്രീയത്തില്‍ നിന്ന് അപ്രസക്തനാക്കാന്‍ ആര്‍ക്കും കഴിഞ്ഞില്ല എന്നത് സത്യമാണ്. ഈ ചെറിയ പ്രായത്തില്‍ തന്നെ മൂന്നു രാഷ്ട്രീയ പാര്‍ട്ടികളുടെ സംസ്ഥാന അദ്ധ്യക്ഷനായി എന്ന ബഹുമതി ചിലപ്പോള്‍ മുരളിക്ക് മാത്രമാവും.
    എന്തായാലും മുരളിയേട്ടന്‍ കയറിയിരിക്കൂ. എല്ലാ വിധ ആശംസകളും .

    ബഷീര്‍ക്കയുടെ പോസ്റ്റ്‌ പ്രതീക്ഷിച്ചു വന്ന ഒരു "പുളി" കിട്ടിയില്ല എന്നറിയിക്കട്ടെ ..

    ReplyDelete
  23. മുരളിയേട്ടന്‍ എന്റെ നമ്പര്‍ അന്വേഷിക്കുന്നുണ്ടെന്നു ആരോ പറഞ്ഞു. അഭിനന്ദിക്കാനായിരിക്കും അല്ലേ.

    ReplyDelete
  24. മുരളിയുടെ കുറവുകൊണ്ട് ഇനി 'വികസനം' നടക്കാതെ പോകണ്ട അദ്ദേഹവും കളിക്കട്ടെ ഇനി!

    ReplyDelete
  25. ഏതാണ്ടു ഒരു രണ്ടുകൊല്ലമെങ്കിലും മുഴുവന്‍ നടന്നാലും തീരാത്തത്ര നേര്‍ച്ചകള്‍ നടത്തി എങ്ങിനേങ്കിലും ഒന്നു കേറിക്കൂടിയതേയുള്ളു.നിങ്ങളങ്ങേരെ ഒരു വഴിയ്ക്കാക്കുമോ ഭായി.സമയമാകുമ്പോള്‍ ആശാനറിയാം ആരുടെയൊക്കെ ചീട്ടുകീറണമെന്നു..

    ReplyDelete
  26. മ്യാവൂ: നല്ല കാലം വരുമ്പോള്‍ എന്നെപ്പോലുള്ളവരെ ഓര്‍മ വേണം മുരളിയേട്ടാ. ഞങ്ങള്‍ ബ്ലോഗര്‍മാര്‍ പാവങ്ങളാണ്. സാഹിത്യ അക്കാദമി അവാര്‍ഡുകളുടെ കൂട്ടത്തില്‍ ബ്ലോഗുകള്‍ക്കും ഒരു അവാര്‍ഡ് ഏര്‍പെടുത്തണം . ആദ്യത്തെ അവാര്‍ഡ് ആര്‍ക്ക് നല്‍കണം എന്ന് ഞാന്‍ പ്രത്യേകം പറയേണ്ടല്ലോ!.

    അടുത്ത അവാര്‍ഡും ബഷീര്കക്ക് തന്നെ.

    ReplyDelete
  27. മുരളിയുടെ കടുത്ത എതിരാളികള്‍ പോലും സമ്മതിക്കുന്ന ഒരു കാര്യമുണ്ട്....ആളെ കൂട്ടാന്‍ ഇന്ന് കേരളത്തിലെ കോണ്‍ഗ്രസില്‍ മുരളി കഴിഞ്ഞിട്ടേ മറ്റൊരാളുള്ളൂ.....ജാതിയും മതവും പള്ളിയും അരമനയും നോക്കാതെ പ്രവര്‍ത്തകരെ ഒന്നായി കാണാനുള്ള ലീഡര്‍ കരുണാകരന്റെ കഴിവിന്റെ നല്ലൊരു പങ്ക് മൂപ്പര്‍ക്കും കിട്ടിയിട്ടുണ്ട്...ജന്‍പഥ് പത്തിന്റെ മുറ്റത്ത്‌ പോയി കാത്തു കെട്ടി കിടക്കുന്നത് മാത്രമല്ലല്ലോ കഴിവിന്റെ മാനദണ്ഡം? സാധാരണ പ്രവര്‍ത്തകരുടെയും അവരുടെ പ്രശ്നങ്ങളുടെയും കൂടെനിക്കുന്ന മുരളി വരട്ടെ... പുള്ളി ഇല്ലാതിരുന്നപ്പോഴും പാര്‍ട്ടിയില്‍ വിഴുപ്പലക്കല്‍ കുറവായിരുന്നില്ലല്ലോ..?

    ReplyDelete
  28. എന്‍ എസ് മാധവന് ബഷീര്കയും മറ്റു ബ്ലോഗര്‍മാരും കൊടുത്ത മറുപടി നന്നായിട്ടുണ്ട്. അയാള്‍ക്ക്‌ അത് കിട്ടണം. http://www.boolokamonline.com/?p=20597

    ReplyDelete
  29. മുഖം വീര്‍പ്പിച്ചു നടക്കുന്ന ചെന്നിത്തല,മുടി ചീകാതെ ഇമേജ് കൂട്ടാന്‍ നോക്കുന്ന ചാണ്ടി,
    ഉലകം മുഴുവന്‍ തലയില്‍ കേറ്റി നടക്കുന്ന വയലാര്‍ജി എന്നിവര്‍ക്കിടയില്‍ നിഷ്കളങ്കമായി (സുന്ദരമായി) ചിരിക്കാനും സാധാരണക്കാരോട് സംസാരികാനും തയ്യാറാവുന്ന മുരളി കോണ്ഗ്രസിനു
    ഒരു മുതല്‍കൂട്ടാവും. കയ്യിരിപ്പ് എന്ത് തന്നെയാണെങ്കിലും മുരളിയോളം ജനപിന്തുണയുള്ള
    നേതാക്കള്‍ ആ പാര്‍ടിയില്‍ കുറവാണ്.
    ആഢ്യത്വപ്രകടനതിനപ്പുറം ഒരു ക്രിയാത്മകപ്രതിപക്ഷത്തിന്‍റെ ബാധ്യത നിറവേറ്റുന്നതില്‍ അമ്പേ പരാജയപ്പെട്ട ഈ നേതാക്കളാണ് മുരളിക്ക് പാരയുമായി ഡല്‍ഹിക്കും തിരിച്ചും ഇത്രനാളും പറന്നു നടന്നത്.
    മുരളിയാവട്ടെ പിതാവിനെ പോലെ "ആശ്രിതവാല്‍സല്യം" എന്ന ഏകയിന അജണ്ടയുമായി മുന്നോട്ടു പോവുകയാണെങ്കില്‍
    ചരിത്രത്തിന്‍റെ തനിയാവര്‍ത്തനം നമുക്ക് ഒന്ന് കൂടി കാണാം. വള്ളിക്കുന്നിന് പോസ്റ്റ്‌ ഇടാന്‍ പറ്റിയ വിഷയവും സര്‍വത്ര കിട്ടും.

    ബഷീര്‍ക്കാ- ഞാനാലോചിക്കുന്നത് മറ്റൊന്നാണ്.പുകിലുകള്‍ ഒരുപാട് ഉണ്ടായിട്ടും
    ബഷീര്‍ക്ക ഇന്ത്യാവിഷനെ കുറിച്ച് ക-മ-പ മിണ്ടുന്നില്ലല്ലോ? മുമ്പ് തോണ്ടിയ അനുപാതം വെച്ചു നോക്കിയാല്‍ ഒരു നാലഞ്ചു പോസ്റ്റെങ്കിലും ഇടാനുള്ള സമയം കഴിഞ്ഞു.

    ബ്ലോഗിന്റെ എഡിറ്റോറിയല്‍ കാര്യങ്ങളില്‍ ബഷീര്‍ക്ക ഇടപെടാറില്ല എന്നാണോ? :)

    ReplyDelete
  30. ബിന്‍ഷേഖ് said...
    ബ്ലോഗിന്റെ എഡിറ്റോറിയല്‍ കാര്യങ്ങളില്‍ ബഷീര്‍ക്ക ഇടപെടാറില്ല എന്നാണോ? :)

    ha..ha..hhhh
    ശൈഖിന്റെ മോനെ, ചിരിപ്പിച്ചു കൊല്ലാതെ..

    ReplyDelete
  31. ബഷീര്‍ക്ക മുരളി ഇനി നന്നാവും എന്ന് കരുതുന്നോ? ചെന്നിത്തലയും ചാണ്ടിയും നന്നായി എന്ന് കരുതുന്നോ? ഉടക്കി നിക്കുന്ന നായരാദി മുന്നാക്കക്കാരെ കൂടെ നിറുത്താന്‍ ഇപ്പൊ മുരളി വേണം. അത്രയേ ഉള്ളൂ. അത് മുരളിക്കും അറിയാം. ബാക്കി പെരുന്നയില്‍ നിന്നും വന്നോളും. ഇങ്ങള് നോക്കിക്കൊളീ!

    ReplyDelete
  32. ഏതുമുന്നണി ജയിക്കുമെന്ന് ഉറപ്പിച്ചിട്ടു പോരെ മുഖ്യമന്ത്രിയായി ചാണ്ടി-ചെന്നി-രവിമാരെ പ്രതിഷ്ടിക്കുന്നത്? ഇനി യു.ഡി.എഫ്. ജയിച്ചാല്‍ തന്നെ ഇവരെക്കാളൊക്കെ എത്രയോ മുകളില്‍ ആ പദത്തിന് യോഗ്യനായി നില്‍ക്കുന്നത് ശ്രീ.വി.എം.സുധീരന്‍ അല്ലെ?

    ReplyDelete
  33. മുതലകുട്ടിയെ(മുരളികുട്ടിയെ) നീന്തല്...?

    ReplyDelete
  34. ഓരോ ജനതക്കും അവരര്‍ഹിക്കുന്ന നേതാവിനെ കിട്ടും. അങ്ങിനെ കിട്ടിയ ഒരാള്‍ റോബോട്ട് ശൈലിയില്‍ മേനി ചലിപ്പിച്ചും, അതെ ചേലില്‍ വാക്കുകള്‍ ഉരുവിട്ടും നമ്മെ 5 കൊല്ലം വട്ടം കറക്കി.
    ഇനി മന്ത് ഇടതു കാലില്‍ നിന്ന് വലതു കാലിലേക്ക് മാറ്റാന്‍ സമയമായി. ഈ ട്രജിക്ക്‌-കോമഡിയില്‍ രംഗത്ത് ഗ്ലാമാറുള്ള, നാവില്‍ സരസ്വതിയുമുള്ള ഒരു സുമുഖന്‍ കൂടി വരുന്നതില്‍ ജനത്തിനു പ്രത്യേകിച്ച് നീരസമുണ്ടാവേണ്ട കാര്യമില്ല. തല തിരിഞ്ഞ വികസനത്തിന്റെ പേരില്‍ കൃഷിയും കുടിലും നിരപ്പായി ഉരുള്‍പൊട്ടലില്‍ ആത്മഹുതിയുടെ പ്രതീക്ഷയില്‍ കാത്തു നില്‍ക്കുന്ന പാര്‍ശ്വവത്ക്കരിക്കപ്പെട്ടവന് ഒരിത്തിരി റിയല്‍ ടൈം നെരംമ്പോക്കെങ്കിലും കിട്ടുന്നെങ്കില്‍ ആവട്ടെ.

    ReplyDelete
  35. @ Salam
    I repeat..
    "ഇനി മന്ത് ഇടതു കാലില്‍ നിന്ന് വലതു കാലിലേക്ക് മാറ്റാന്‍ സമയമായി. ഈ ട്രജിക്ക്‌-കോമഡിയില്‍ രംഗത്ത് ഗ്ലാമാറുള്ള, നാവില്‍ സരസ്വതിയുമുള്ള ഒരു സുമുഖന്‍ കൂടി വരുന്നതില്‍ ജനത്തിനു പ്രത്യേകിച്ച് നീരസമുണ്ടാവേണ്ട കാര്യമില്ല. തല തിരിഞ്ഞ വികസനത്തിന്റെ പേരില്‍ കൃഷിയും കുടിലും നിരപ്പായി ഉരുള്‍പൊട്ടലില്‍ ആത്മഹുതിയുടെ പ്രതീക്ഷയില്‍ കാത്തു നില്‍ക്കുന്ന പാര്‍ശ്വവത്ക്കരിക്കപ്പെട്ടവന് ഒരിത്തിരി റിയല്‍ ടൈം നെരംമ്പോക്കെങ്കിലും കിട്ടുന്നെങ്കില്‍ ആവട്ടെ."

    ReplyDelete
  36. ഒരു ഭാഗത്ത് കോണ്ഗ്രസ്സും മറ്റേ ഭാഗത്ത് മുരളിയും.........ആ ...... കാത്തിരുന്നു കാണാം .....................

    ReplyDelete
  37. അടിയായാലും, അറവുമാടായാലും എല്ലാം ഇങ്ങോട്ട് വാങ്ങിച്ചു nകൂട്ടുന്നതല്ലാതെ, ഒന്നുമങ്ങോട്ട് തിരിച്ചു കൊടുത്തു കോണ്‍ഗ്രസ്സുകാര്‍ക്ക് പണ്ടേ ശീലമില്ലല്ലോ.
    മുരളി പോയപ്പോള്‍ കീരിക്കാടന്‍ ചത്തേ എന്നു വിളിച്ചു കൂവിയ പലരും കോണ്‍ഗ്രസിന്റെ തലപ്പത്ത് ഇപ്പോഴുമുണ്ട്. കോണ്‍ഗ്രസ്സുകാരെ സംബന്ധിച്ചിടത്തോളം തമ്മില്‍ തല്ലുന്നതും, പാര വെക്കുന്നതും മുറുക്കു കൊറിക്കുന്നത് പോലെ 'ലിക്ക്തേ ലിക്ക്തേ ലാവോ ജായ്' ആണ്...

    ReplyDelete
  38. Basheer, you are the marketing manager of Murali?

    ReplyDelete
  39. ആരെന്തൊക്ക പറഞ്ഞാലും മുരളിയേട്ടന്റെ വരവ് ആഘോഷിച്ചേപറ്റൂ.....

    ReplyDelete
  40. എന്തൊക്കെ പറഞ്ഞാലും അണികള്‍ ഉള്ള നേതാവുതന്നെയാണ് മുരളീധരന്‍. തിരിച്ചുവരവ്‌ സന്തോഷം നല്‍കുന്നു...!

    ReplyDelete
  41. Learn yourself tutorial videos in മലയാളം Windows basic, MS office(Word,Excel,Power Point,Access) Maya, ASP.NET, Visual Basic, Auto cad, SQL server, Adobe Photoshop, Premiere, Flash etc...Coming soon more videos .. Follow us. Ask your doubts in command box bellow..

    http://yourselfpedia.blogspot.com/

    ReplyDelete
  42. നല്ല തമാശ...ലീഡറുടെ മകനാണ് പുത്തി പറഞ്ഞു കൊടുക്കുന്നതു എന്നോര്ക്കു മ്പോള്‍ എനിക്ക് ചിരി നിര്ത്താന്‍ പറ്റണില്ല.....

    ReplyDelete
  43. നീർക്കോലിക്ക് നീന്തൽ പഠിപ്പിക്കണോ !

    ReplyDelete
  44. ബഷീര്‍ വള്ളിക്കുന്ന്,
    'വിചാരം' എന്നൊരു ബ്ലോഗര്‍ വഴി താങ്കളുടെ 'എഴുത്ത് പ്രപഞ്ച'ത്തില്‍ ഇപ്പോഴാണ് എത്തിയത്.
    രാഷ്ട്രീയ പ്രാധാന്യമായ എല്ലാ വിഷയങ്ങളെയും സരസമായും സാരവത്തായും ഉള്‍ക്കൊള്ളിച്ചിരിക്കുന്നു.
    വിശദമായ വായനക്ക് ഉടനെ വരുന്നുണ്ട്.ആശംസകള്‍.

    ReplyDelete
  45. മുരളിയേട്ടനെ കേന്ദ്രത്തിലേക്ക് വിടരുത് ... അച്ഛന്‍ ഭരിച്ചതിലതികം ഭരിച്ചു ഇടതിനെ ഞെട്ടിപ്പിക്കുക...

    ReplyDelete
  46. വള്ളിക്കുന്ന് പറഞ്ഞ കാര്യങ്ങളില്‍ കുറെയൊക്കെ സത്യം ഇല്ലാതില്ല. കൂടെ അദ്ദേഹത്തെ സോപ്പിട്ടു സുഗിപ്പിക്കുകയും ചെയ്യുന്നു. കാര്യസാദ്യ മല്ലെ പ്രദാനം! നടക്കട്ടെ, മുരളിയെട്ടന്റൂടെ സമീപ ഭാവിയില്‍ ഭരണത്തില്‍ ഇരിക്കുമ്പോള്‍ യീയുള്ളവനെയും മറക്കരുതേ. മുരളിയേട്ടന്‍ സമീപിക്കേണ്ട രീതി "മെല്ലെ തിന്നാല്‍ മുള്ളും തിന്നാം' എന്നതാണ്. കാത്തിരുന്നു കാണാം.

    ReplyDelete
  47. ഇതൊക്കെ അനുസരിച്ചാൽ ചേട്ടനു തന്നെ കൊള്ളാം അല്ലങ്കിൽ വീണ്ടും അവന്മാർ എടുത്തിട്ടു പന്തു തട്ടും

    ReplyDelete
  48. കേരളത്തിന്റെ കിങ്ങിണിക്കുട്ടന്‍ ഇന്നെന്തെങ്കിലുമാണെങ്കില്‍ അത് കരുണാകരന്‍ എന്ന ലീഡറുടെ രക്തത്തിന്റെ മിടുക്കാണ്. പതിനായിരങ്ങളെ അണികളാക്കാന്‍ കഴിയുമെന്ന് ചങ്കുറപ്പോടെ പറയാന്‍ കഴിയുന്നവനാണ് യഥാര്‍ഥ നേതാവ്. തുടക്കത്തില്‍ അച്ഛന്റെ തണലില്‍ തഴച്ചുവളര്‍ന്ന മുരളി വെറും കിങ്ങിണി മാത്രമായിരുന്നു. നിക്കങ്ങളില്‍ പലപ്പോഴും പിഴച്ചുപോയെങ്കിലും..അവിടെയെല്ലാം രാഷ്ട്രീയബോധം കാണിക്കാന്‍ സാധിച്ചു. ചര്‍ച്ചിന്റെ വാക്കുകള്‍ ഓര്‍മ്മവരുന്നില്ലേ. നാളെ എന്തെങ്കിലും നടക്കുമെന്ന് പറയുക...പിന്നെ നാളെ എന്തുകൊണ്ട് അത് നടന്നില്ലെന്നു പറയുക...ഇതെല്ലാം വിശ്വസിക്കാന്‍ ഒരു കൂട്ടം അണികളും...ഒരു കാര്യം ഉറപ്പാണ്. മുരളിക്ക് അടങ്ങിയിരിക്കാന്‍ കഴിയില്ല. നിറം മാറിയ ഓന്തുകളെല്ലാം തിരിച്ചുവരും....ആദ്യം മാറാത്തവരെ അച്ഛനെ പോലും എന്നും ഓര്‍ക്കാന്‍ മുരളിക്കു സാധിച്ചാല്‍ കോണ്‍ഗ്രസിന് ഒരു നല്ല രാഷ്ട്രീയനേതാവിനെ കിട്ടും..പക്ഷേ, ഒരു നല്ല ഭരണാധികാരിയെ കിട്ടുമെന്നു പറയാന്‍ കഴിയില്ല. കാരണം സ്വജനപക്ഷപാതം കൂടാതെ ഈ മുരളിയും അച്ഛനും ഉണ്ടാവില്ലല്ലോ? ഇതോടൊപ്പം കൂട്ടിവായിക്കേണ്ട ഒന്നുകൂടിയുണ്ട്. രണ്ടു പേരുടെയും ആശ്രിതവാല്‍സല്യം...അവിടെ പലപ്പോഴും രാഷ്ട്രീയനിറങ്ങള്‍ പോലും അപ്രസ്‌കതമായിരുന്നു.

    ReplyDelete
  49. എന്‍റെ മനസ്സിലും ഒരു ലഡ്ഡു പൊട്ടി....!!!

    ReplyDelete
  50. കെ. മുരളീധരന് വേണ്ടി താങ്കള്‍ എഴുതിയതൊക്കെ ഹൈകമാന്റ് നിങ്ങളുടെ വള്ളിക്കുന്ന് 'എം.പി' മുഖേനെ അറിഞ്ഞിട്ടുണ്ട്. അതാണ്‌ സീറ്റ്‌ കിട്ടിയതെന്ന് അടക്കം പറച്ചില്‍ കേള്‍ക്കാം. ഇപ്പോള്‍ പത്മജക്കാന് സങ്കടം; താങ്കളെക്കൊണ്ട് അവര്‍ക്ക് വേണ്ടി നേരത്തെ എഴുതിക്കാന്‍ തോന്നാത്തതില്‍. മുരളിയുടെ എതിരാളി ചെറിയാന്‍ ഫിലിപ് തോല്‍ക്കാനായി ജനിച്ചവന്‍ ആണ്.

    താങ്കള്‍ക്ക് ഒരു പോസ്ടിങ്ങിനു കൂടി അവസരം ഉണ്ട്: സീറ്റ്‌ മോഹിച്ചെങ്കിലും കിട്ടാതെ വന്നപ്പോള്‍ നമ്മുടെ ശോഭന ജോര്‍ജ് വിമത സ്ഥാനാര്‍ഥിയായി ചെങ്ങന്നൂരില്‍ യുവ തുര്‍ക്കി പി.സി. വിശ്വനാഥിനെതിരെ മത്സരിക്കാന്‍ ഒരുങ്ങുന്നു !

    കെ.വി. തോമസിനെതിരെ വ്യാജ രേഖ കേസ്സില്‍ പോലിസ് അറസ്റ്റ് ചെയ്യുമ്പോള്‍ ബോധം കേട്ട, കോണ്‍ഗ്രസില്‍ തിരിച്ചെടുക്കാന്‍ എ.കെ. ആന്റണി യുടെ കാല്‍ക്കീഴില്‍ വീണ അതെ ശോഭന തന്നെ. സംശയിക്കേണ്ട.

    എങ്ങിനെ പാര്‍ട്ടിയില്‍ തിരിച്ചു കയറണമെന്നും കയറിയാല്‍ (പെങ്ങളെ പുറംതള്ളിയാണെങ്കിലും) എങ്ങിനെ സ്ഥാനാര്‍ഥി ആകാമെന്നും ശോഭന ജോര്‍ജ് കണ്ടു പഠിക്കേണ്ടത് കെ. മുരളീധരനെയാണ്. മുരളി ആരാ മോന്‍ (അല്ല മോന്‍ ആരാ മുരളി !)

    ReplyDelete
  51. @ Samed Karadan
    ഹോ, നിങ്ങളെങ്കിലും സമ്മതിച്ചല്ലോ, എന്റെ ബ്ലോഗ്‌ കൊണ്ടാണ് മുരളി രക്ഷപ്പെട്ടതെന്ന്.. എനിക്ക് തൃപ്തിയായി!! മുമ്പേ ബോധം കേട്ട ശോഭന ജോര്‍ജ് റിസള്‍ട്ട് വന്നാല്‍ വീണ്ടും ബോധം കെടുമോ?

    ReplyDelete
  52. ശോഭനാജോര്‍ജിന്‍റെ കണ്ണീരിന്‍റെ ശാപമാവും രമേശേട്ടന്‍ തോല്‍ക്കുന്നു,സ്വതസിദ്ധമായ ചിരിയോടെ മുരളിയേട്ടന്‍ സഭകേറുന്നു, ചാണ്ടിച്ചായന് പ്രയമായെന്നു രാഹുല്‍. പിന്നെ ആകെക്കൂടി ലക്ഷണമൊത്ത ഒരെണ്ണമുള്ളത്....(സ്വപ്നം കാണാനുള്ള അവകാശം ഭരണഘടനയുടെ എത്രാം ഘണ്ടികയാണാവോ....?)

    ReplyDelete
  53. One thing I would like to mention specially with related to this particular post is that, as you said there is no good leader/crowd puller in Congress Party. Even the youth leader cannot speak very well. But at the same time in CPI[M] there are good leaders[in the sense that good speakers,those who can control others through words]. If Murali is the only good leader in Congress it shows how pathetic the situation is...

    ReplyDelete