കെ മുരളീധരന്റെ പോസ്റ്റിലേക്ക് കെ പി സി സി ഇന്ന് വീണ്ടും ഗോളടിച്ചിരിക്കുകയാണ്. ഞാനടക്കമുള്ള മുരളിയുടെ കോടിക്കണക്കിന് വരുന്ന അനുയായികളെ കണ്ണീരിലാഴ്ത്തിയുള്ള ഈ ഗോളടി അന്തസ്സുള്ള കളിക്കാര്‍ക്ക്‌ പറഞ്ഞതല്ല. ആളിക്കത്തുന്ന എന്റെ പ്രതിഷേധം അല്പം ഒന്ന് തണുപ്പിക്കുന്നതിന് വേണ്ടി മുരളിയെ ആര്‍ക്കാണ് പേടി? എന്ന എന്റെ പോസ്റ്റ് ഞാന്‍ വീണ്ടും പോസ്റ്റുകയാണ്. നേരത്തെ വായിച്ചവര്‍ മുരളിക്ക് പിന്തുണ പ്രഖ്യാപിച്ചു ഇത് വീണ്ടും വീണ്ടും വായിക്കണമെന്ന് അഭ്യര്‍ത്ഥിക്കുന്നു. അദ്ദേഹത്തിനു വേണ്ടി കഴിയുന്നത്ര എസ് എം എസ് അയക്കാനും മറക്കരുത്.. ഫോര്‍മാറ്റ്.. മുരളി സ്പേസ് കെ പി സി സി സ്പേസ് സ്പേസ്ഷട്ടില്‍ സ്പേസ് ശൂന്യാകാശം സ്പേസ്.. യെസ് ഓര്‍ നോ. ചെയ്യുന്നവര്‍ പെട്ടെന്ന് ചെയ്യണം. എന്തേലും സംഭവിച്ച ശേഷം ചെയ്തിട്ട് കാര്യമില്ല.മുരളിയെ ആര്‍ക്കാണ് പേടി?
Posted on Nov 29, 2009
ഞാന്‍ കൂറുമാറി മുരളിയുടെ കൂടെ കൂടാന്‍ പോവുകയാണ്. ഒരാളെയിട്ട് കുരങ്ങു കളിപ്പിക്കുന്നതിനും ഒരു പരിധിയൊക്കെയുണ്ട്. സംഗതി കരുണാകരന്റെ മകനായിപ്പോയി, നാവില്‍ അല്പം ഗുളികന്റെ കളിയുണ്ട്, വേണ്ടാത്തത് വേണ്ട സമയത്ത് പറയും, വേണ്ടത് വേണ്ടാത്ത സമയത്ത് ചെയ്യും, ഇരിക്കുന്ന കൊമ്പല്ല മരം തന്നെ മുറിക്കും, കാലു പിടിക്കുന്നവന്റെ തോളില്‍ കയറും, തോളില്‍ കയറുന്നവന്റെ കാലു പിടിക്കും ... ഇതെക്കെയാണെങ്കിലും ഒരു മനുഷ്യനെയിട്ട് ഇങ്ങനെ കുരങ്ങു കളിപ്പിക്കുന്നത് കണ്ടു സഹിക്കാന്‍ കഴിയുന്നില്ല.
കെപീസീസി പ്രസിഡണ്ടായിരുന്ന ആള്‍ക്ക് മൂന്നു രൂപയുടെ മെംബെര്‍ഷിപ്‌ കൊടുക്കില്ല എന്ന് പറയുന്നത് ആയിരം തെങ്ങുള്ള നായര്‍ക്കു പല്ല് കുത്താന്‍ ഈര്‍ക്കിലി കൊടുക്കില്ല എന്ന് പറയുന്ന പോലെയാണ്.
കോണ്‍ഗ്രസ്സിലെ എല്ലാവരും മുരളിയെ ഇങ്ങനെ പേടിക്കാനെന്താണ് കാരണം? കയ്യിരുപ്പ് തന്നെ എന്ന് ഒറ്റവാക്കില്‍ ഞാനും നിങ്ങളും ഉത്തരം പറയും. പക്ഷെ അതിനപ്പുറവും ചിലതില്ലേ..
കാണ്ഗ്രസ്സുകാര് മെമ്പര്‍ഷിപ്പ് കൊടുത്തിട്ടുള്ള എല്ലാവരും പത്തര മാറ്റ് തങ്കമാണോ?. മുരളിയെ കടത്തി വെട്ടുന്ന വേന്ദ്രമാരൊക്കെ ആ പാര്ട്ടിയിലില്ലേ, ആ പാവത്തെ കുളത്തില്‍ ഇറക്കിയ അപ്പന്മാരും അളിയന്മാരും കെപീസീസിയുടെ കാറില്‍ കറങ്ങുന്നില്ലേ. ഗ്രൂപ്പ് കളിച്ചത് മുരളി മാത്രമാണോ? ഗ്രൂപ്പിന്റെ തലതൊട്ടപ്പന്‍ കേന്ദ്രത്തില്‍ മന്ത്രിയല്ലേ. സോണിയാ മാഡത്തിന്റെ തൊട്ടടുത്ത ചെയറിലല്ലേ പുള്ളി ഇരുന്നു വിലസുന്നത്. കേന്ദ്രത്തിലെ മറ്റേ പുള്ളിയും ഗ്രൂപ്പ് കളിച്ചു വളര്‍ന്നതല്ലേ. ഗ്രൂപ്പ്കളി മൂത്ത് ഉടുമുണ്ട് വരെ ഊരിപ്പോയ വീരശൂര പരാക്രമികള്‍ മാധ്യമങ്ങളില്‍ കോണ്ഗ്രസ് വാക്താക്കളായി വിലസുന്നില്ലേ ..ഇവര്‍ക്കൊക്കെയും മെംബെര്‍ഷിപ്‌ കൊടുക്കാമെങ്കില്‍ മുരളിക്ക് മാത്രമെന്തേ അത് കൊടുത്തു കൂടാത്തത്?.
അവിടെയാണ് സംഗതിയുടെ യഥാര്‍ത്ഥ 'സംഗതി' കിടക്കുന്നത്. കോണ്ഗ്രസ്സിന്റെ തലപ്പത്തിരിക്കുന്ന സകല നേതാക്കള്‍ക്കും പേടി മുരളിയെന്ന വ്യക്തിയെയല്ല, തങ്ങള്‍ ഇരിക്കുന്ന കസേരകളെയാണ്. അതായത് മുരളിയിലെ ലീഡറെയാണ്. നാവിന്‍ തുമ്പത്തെ വികട സരസ്വതിയെ മാറ്റി നിര്‍ത്തിയാല്‍ മുരളിയെപ്പോലെ ജനങ്ങളെ ആകര്‍ഷിക്കാന്‍ കഴിയുന്ന ഒരു നേതാവ് ഇന്ന് കോണ്‍ഗ്രസില്‍ ഉണ്ടോ?. മുരളിയെത്തിയാല്‍ ആദ്യം തെറിക്കുന്ന സീറ്റ് കെ പി സീ സി പ്രസിഡണ്ടിന്റെത് ആയിരിക്കുമെന്ന് ഭയപ്പെടുന്നത് കൊണ്ടാണ് മുരളിയെക്കാണുമ്പോള്‍ ചെന്നിത്തല തല വെട്ടിച്ച് കളിക്കുന്നത്. മുരളിയെത്തിക്കഴിഞ്ഞാല്‍, ശ്വാസം വിടാതെ നാല് വാക്ക് സംസാരിക്കാന്‍ കഴിയാത്ത ഉമ്മന്‍ ചാണ്ടിയുടെ അടുത്ത് ഏതെങ്കിലും ടീ വീ ക്കാരന്‍ പോകുമോ?. അബദ്ധത്തില്‍ മുരളിയെ ഒന്ന് സപ്പോര്‍ട്ട് ചെയ്തതിനു മുല്ലപ്പള്ളിയണ്ണന്റെ മെക്കിട്ടു കയറേണ്ടതുണ്ടോ ?
ഇത്തരം (തല തിരിഞ്ഞ) ചിന്തകളാണ് എന്നെ മുരളിയിലേക്ക് അടുപ്പിക്കുന്നത്. പഴയ പ്രേംനസീര്‍ സിനിമകളിലെ ഭിക്ഷക്കാരെപ്പോലെ മുരളിയേട്ടന്‍ ആറേഴു മാസമായി ഒരു മെംബെര്‍ഷിപ്പിന് വേണ്ടി കരഞ്ഞു നടക്കുന്നു. എങ്ങനെ കഴിഞ്ഞിരുന്ന ആളാണ്‌?. ഒരിക്കല്‍ ആലുവ റെയില്‍വേ സ്റ്റേഷനില്‍ ഞാന്‍ നില്‍ക്കുമ്പോള്‍ മുരളിയണ്ണനുണ്ട് വണ്ടിയില്‍ നിന്ന് ഇറങ്ങുന്നു. ചുറ്റും മുദ്രാവാക്യവുമായി കോണ്‍ഗ്രസ്സുകാരുടെ പട. പൂമാലയും ഷാള് പുതപ്പിക്കലും ബഹളത്തോട് ബഹളം. ജനങ്ങളെയൊക്കെ വകഞ്ഞ് മാറ്റി മുരളിയണ്ണന്‍ പുറത്തേക്കു പോകാന്‍ നില്‍ക്കുമ്പോള്‍ യൂനിഫോമിലുള്ള ഒരു റെയില്‍വേ പോലീസുകാരന്‍ മുന്നോട്ടു വന്നു. എന്നിട്ടൊരു സല്യൂട്ട്.. ഹോ.. എന്റെ ജീവിതത്തില്‍ ഇതുപോലൊരു സല്യൂട്ട് ഞാന്‍ കണ്ടിട്ടില്ല. അത്ര പവര്‍ ഉണ്ടായിരുന്നു അതിന് . പ്ലാറ്റ്ഫോമിലെ കല്ലുകളൊക്കെ ഇളകി പോകുന്ന മട്ടിലായിരുന്നു അയാള്‍ അറ്റെന്‍ഷന്‍ എടുത്തത്. ആ സല്യൂട്ട് ഓര്‍ക്കുമ്പോള്‍ ഇന്നും എനിക്ക് രോമാഞ്ചം വരുന്നു. അതൊക്കെ അന്തകാലം. ഇന്ന് സല്യൂട്ട് പോയിട്ട് ഒന്ന് ചിരിക്കാന്‍ പോലും ആളില്ലാത്ത അവസ്ഥ. ജ്ഞാനപ്പാനയിലെ ആ പഴയ വരികളുടെ അര്ത്ഥം ഇപ്പോഴാണ് ശരിക്കും മനസ്സിലായത്‌.
മുരളിയെ പേടിച്ചു ഓടിക്കളിക്കുന്ന രമേശ്‌ജിയോടും ചാണ്ടി സാറിനോടും പറയാനുള്ളതും അതെ വരികള്‍ തന്നെയാണ്.
കണ്ടുകണ്ടങ്ങിരിക്കും ജനങ്ങളെ
കണ്ടില്ലെന്നു വരുത്തുന്നതും ഭവാന്‍
രണ്ടു നാലു ദിനംകൊണ്ടൊരുത്തനെ
തണ്ടിലേറ്റി നടത്തുന്നതും ഭവാന്‍
മാളിക മുകളേറിയമന്നന്റെ
തോളില്‍ മാറാപ്പു കേറ്റുന്നതും ഭവാന്‍
എണ്ണിയെണ്ണിക്കുറയുന്നിതാ‍യുസ്സും
മണ്ടി മണ്ടിക്കരേറുന്നു മോഹവും
കൂടിയല്ലാ പിറക്കുന്ന നേരത്തും
കൂടിയല്ലാ മരിക്കുന്ന നേരത്തും
മധ്യേയിങ്ങനെ കാണുന്ന നേരത്തു
മത്സരിക്കുന്നതെന്തിനു നാം വൃഥാ..
മുരളിയല്ലേ കഥാപാത്രം. അവസാന കാവ്യശകലം ഇങ്ങനെ ആവാം.
ReplyDelete1. (കെപിസിസി; മുരളിയുടെ പഴയ ഗ്രൂപ്പുകളി ഓര്‍ത്ത്)
കണ്ടുകണ്ടങ്ങിരിക്കുന്നൊരുണ്ണിക്ക്
മുണ്ടില്ലെന്ന് വരുത്തുന്നതും ഭവാന്‍
രണ്ടു നാലു ദിനംകൊണ്ടൊരുത്തനെ
തെണ്ടിയാക്കി നടത്തുന്നതും ഭവാന്‍
മാളിക മുകളേറിയ മന്നനെ
പോളിംഗ് ബൂത്തില്‍ മലര്‍ത്തുന്നതും ഭവാന്‍
2. (മുരളി: ശോകഭാവം)
എണ്ണകട്ടുകുടിച്ചൊരെന്റച്ഛനും
മണ്ടി മാതംഗിയായൊരെന്‍ പെങ്ങളും
കൂടിയാലും നടക്കില്ല കാര്യങ്ങള്‍
കൂടെയില്ലാ ജനമെന്ന സൂകരം.
എല്ലാമിങ്ങനെ പോകുന്ന നേരത്തു
പൊല്ലാപ്പെന്തിനു കൂട്ടുന്നു നാം വൃഥാ.
സൂകരം എന്നല്ല ഗര്‍ദ്ദഭം എന്നാണുദ്ദേശിച്ചത് :)
ReplyDeleteഗുപ്താ, കവിത കസറി..
ReplyDelete'എണ്ണകട്ടുകുടിച്ചൊരെന്റച്ഛനും
ReplyDeleteമണ്ടി മാതംഗിയായൊരെന്‍ പെങ്ങളും'
എനിക്കും കവിത വളരെ ഇഷ്ടപ്പെട്ടു. ഗുപ്ടന് നന്ദി.
സാധാരണക്കാരായ ഒരുപാടാളുകള്‍ ഇന്നും മുരളി അനുഭാവികളാണ്.
ReplyDelete*ഗുപ്തനാണ് താരം, കവിത കലക്കി*
ReplyDeleteഎണ്ണകട്ടുകുടിച്ചൊരെന്റച്ഛനും
മണ്ടി മാതംഗിയായൊരെന്‍ പെങ്ങളും
കൂടിയാലും നടക്കില്ല കാര്യങ്ങള്‍
കൂടെയില്ലാ ജനമെന്ന ഗര്‍ദ്ദഭം.
എല്ലാമിങ്ങനെ പോകുന്ന നേരത്തു
പൊല്ലാപ്പെന്തിനു കൂട്ടുന്നു നാം വൃഥാ.
എന്തൊക്കെ അപവാദങ്ങള്‍ പാടി നടക്കുന്നു മുരളിയെപ്പറ്റിമിമിക്രിക്കാര്‍ നമ്മുടെ നാട്ടില്‍.
ReplyDeleteഗ്രൂപ്പുകള്‍ അങ്കം കുറിച്ചപ്പോ റാലി നടത്തി കോണ്ഗ്രസ്സിന്റെ പള്ളക്ക് കുത്തിയവന്‍ മുരളി.
അരപ്പട്ടക്ക് പകരം അലുമിനിയം പട്ട വളക്കാന്‍ ഡീഐസി-ക്ക് പതിനായിരം കോണ്‍ഗ്രസ്സുകാരെ മറിച്ചവന്‍ മുരളി.
ഡിഐസിയെ ചതിച്ചു പിണറായി കൂട്ടത്തില്‍ ചാടാന്‍ തുനിഞ്ഞവന്‍ മുരളി.
ഡിഐസീ ചോദിച്ച പ്രവര്‍ത്തകരോട് എന്‍സീപീയില്‍ ലയിച്ചു പോയെന്നു പൊഴി ചൊന്നവന്‍ മുരളി.
എന്‍സീപീയിലെത്താന്‍ പാതിരാവില്‍ ഡി ഐ സി ചാടിക്കടന്നു പവാറിന്‍റെ കതകില്‍ തട്ടിയവന്‍ മുരളി.
3 രൂപയുടെ മെമ്പര്‍ഷിപ്പിനു ആയിരത്തൊന്നു ഏത്തമിട്ടവന്‍ മുരളി.
മുരളിയെ തോല്‍പിക്കാനാവില്ല മക്കളെ. തോല്‍പിച്ചിട്ടുണ്ട് പലരും പലവട്ടം .
വിശ്വസിച്ചു ഇറങ്ങിപ്പോന്ന പാര്‍ട്ടി പ്രവര്‍ത്തകരെ വഴിയാധാരമാക്കി ആദ്യം അച്ഛന് തോല്‍പ്പിച്ചു .
സ്നേഹം തൂക്കി നോക്കിയപ്പോ പെങ്ങളും തോല്‍പ്പിച്ചു.
അധികാരം പങ്കു വെച്ചപ്പോ പാര്‍ട്ടി തോല്‍പ്പിച്ചു.
തിരഞ്ഞെടുപ്പില്‍ മത്സരിച്ചപ്പോ ജനങ്ങള്‍ തോല്‍പ്പിച്ചു.
ഒടുവില്‍ ഗ്രൂപ് കളിയില്‍ ഗംഗാധരനും തോല്‍പ്പിച്ചു.
തോല്‍വികള്‍ ഏറ്റു വാങ്ങാന്‍ ഇനിയും മുരളിയുടെ ജീവിതം ബാക്കി. മടങ്ങിപ്പോവിന്‍ മക്കളെ.
മുരളി സ്പേസ് ..സ്പേസ് ...സ്പേസ്..., ഇപ്പോള്‍ സ്പേസെയുള്ളൂ. എന്നാലും ഒരുനാള്‍ തിരിച്ചു വരുമായിരിക്കും, അച്ചന്റെയല്ലേ മോന്‍.
ReplyDeleteഗുപ്തന്റെ കവിത ഉഗ്രന്‍, പ്രത്യേഗിച്ചും രണ്ടാം ഭാവം.
കേരള രാഷ്ട്രീയത്തിൽ (തൽക്കാലമെങ്കിലും) മുരളിയ്ക്ക്‌ സ്പേസ് ഇല്ലാതായത്‌ നികത്താനാണോ ഈ സ്പേസ് നിറഞ്ഞ എസ്‌എംഎസ്‌?
ReplyDeleteഎത്ര സ്പേസിട്ടാലും എത്ര എസ്‌എംഎസ്‌ അയച്ചാലും കാര്യമില്ല, റിയാലിറ്റി ഷോയിൽ സംഭവിക്കുന്നതിൽ നിന്നും ചെറിയ വ്യത്യാസമേയുള്ളു.
ജഡ്ജസ്‌ ഡിസിഷൻ ഈസ്‌ സെമിഫൈനൽ, ഇനി ഹൈക്കമാന്റ്‌ പറഞ്ഞാൽ അതാണ്‌ ഫൈനൽ.
ഹൈക്കമാന്റ്‌ - കെപിസിസി പറയട്ടെ
കെപിസിസി - സംഗതി പോരാ, അവിടവിടൊക്കെ പിച്ച ഔട്ടായി, ന്നാലും ഹൈക്കമാന്റ്‌ പറഞ്ഞാൽ അടുത്ത റൗണ്ടിലേക്ക്‌ കയറ്റാം.
വീണ്ടും പന്ത്‌ അങ്ങോട്ടുമിങ്ങോട്ടും.....
എന്തോന്ന് ശവം ബഷീറേ,
ReplyDeleteഈ വിദ്വാനെ സാമാന്ന്യ ബോധം ഉള്ള എല്ലാ മലയാളിക്കും അറിയാം.
ഒന്ന് കയറി പറ്റിയാല്‍ കാണിക്കാന്‍ പോകുന്ന പരാക്രമങ്ങള്‍ ആര്‍ക്കാണ് അറിയാന്‍ പാടില്ലാത്തത്.
കുറെ നാളായി പൊതുജനത്തിനെ സാമാന്ന്യ ബുദ്ധിയെ ചോദ്യം ചെയ്യുന്ന പരാക്രമങ്ങള്‍ ആരെ ഉദ്ധരിക്കാന്‍ വേണ്ടി ആണ് ഇദ്ദേഹം നടത്തികൊണ്ട് വന്നത്.
ഓരോ സമയത്തും തിരുവായില്‍ നിന്നും ചാനലുകളിലൂടെ ചര്‍ദ്ദിക്കുന്നത് കണ്ണും അടച്ചു വിഴുങ്ങി ഇങ്ങേരോട് സഹതാപം കാണിക്കാന്‍ കേരളത്തിലെ ജനം അത്ര കഴുതക്കളല്ല.
കോണ്‍ഗ്രസിലൂടെ രാജ്യത്തെ സേവിക്കണം എന്ന് എന്താ ഇത്ര നിര്‍ബ്ബന്ധം?
വേറെ വല്ല പണിക്കും പോയി കൂടെ?
അങ്ങിനെ മുരളിക്ക് കേരള രാഷ്ട്രീയത്തില്‍ സ്പേസ് ഇല്ലാ എന്ന് തീരുമാനികാന്‍
ReplyDeleteവരട്ടെ, ഉമ്മനും ചെന്നിയും കൂടി കുശുമ്പും കുന്നായ്മയും കളിക്കുന്നത് കൊണ്ട്
മുരളിയോടു സാദാരണ പ്രവര്‍ത്തകര്‍ക്ക് സഹതാപം കൂടുകയാണ് അവിടെയാണ് മുരളി
നേടാന്‍ പോകുന്നത്. വയനാട്ടില്‍ മുരളി ഒറ്റയ്ക്ക് ഒരു ലക്ഷം വോട്ടു നേടിയത് ചെറിയ കാര്യം
ആയി ഒന്നും കാണണ്ട. ഇടതു മുന്നണിയിലെ ഘടക കക്ഷികള്‍ക്ക് ഒറ്റയ്ക്ക് നിന്നാല്‍ എവിടെ നിന്നാണ്
ഒരു ലക്ഷം വോട്ടു കിട്ടുന്നത്.
ഷാജി ഖത്തര്‍.
This comment has been removed by the author.
ReplyDeleteമുരളി സ്പേസ് കെ പി സി സി സ്പേസ് സ്പേസ്ഷട്ടില്‍ സ്പേസ് ശൂന്യാകാശം സ്പേസ്.. യെസ് ഓര്‍ നോ.
ReplyDeleteമുരളി മുരളി മുരളി കേരള രാഷ്ട്രീയത്തിൽ ഇനി സ്പേസ് ഇല്ലാ
ReplyDeleteജനം അത്ര കഴുതക്കളല്ല.
കോണ്‍ഗ്രസിലൂടെ രാജ്യത്തെ സേവിക്കണം എന്ന് എന്താ ഇത്ര നിര്‍ബ്ബന്ധം
ശ്രീ കരുണാകരന്റെ മകനാണ് എന്നുള്ളത് മാത്രമാണോ മുരളീധരന്‍ ചെയ്ത കുറ്റം? കമ്മ്യുണിസ്റ്റ് പാര്‍ടിയില്‍ പോലും ഇപ്പോള്‍ മക്കള്‍ ആധിപത്യം ഉയര്‍ന്നു വരുന്നുണ്ടല്ലോ ,അതിലൊന്നും ആര്‍ക്കും എന്താണൊരു പരാതി കാണാത്തത്?ഹൈ കമ്മാന്റ്റ്‌ എന്ന് പറയുന്ന സംഭവം തന്നെ ഒരു തട്ടികൂട്ടു പരിപാടിയല്ലേ,എല്ലാം മാഡമല്ലെ തീരുമാനിക്കുന്നത്?മക്കള്‍ ആധിപത്യത്തിനെതിരെ ഘോരഘോരം പ്രസംഗിക്കുന്ന മറ്റു നേതാക്കള്‍ തന്നെയാണ് മാഡത്തിന്റെ മക്കളെ തലയില്‍ വെച്ച് നടക്കുന്നത്.ഇത്രയും അവഗണന അനുഭവിക്കാന്‍ മാത്രം തെറ്റൊന്നും മുരളി ചെയ്തിട്ടില്ല എന്നാണെന്റെ വിശ്വാസം..അന്തപ്പന്‍ സാര്‍ ചെയ്ത അത്രയുമൊന്നും ഏതായാലും മുരളി ചെയ്തിട്ടില്ല ( ഞാന്‍ കൊണ്ഗ്രസ്സല്ല ,മുരളി ആരധകനുമല്ല) സ്വന്തം അച്ഛനെ വിശ്വസിച്ചു തറവാട്ടില്‍ നിന്ന് വണ്ടി പിടിച്ചു ലക്ഷ്യമില്ലാത്ത യാത്ര പുറപെട്ടതാണ് മുരളി ചെയ്ത കുറ്റം.വണ്ടി വഴിയില്‍ വെച്ച് കേടായപ്പോള്‍ മകനെ കാത്തു നില്‍ക്കാതെ അടുത്ത് കിട്ടിയ വണ്ടിയില്‍ തറവാട്ടില്‍ തിരിച്ചു പോയ അച്ഛന് അവിടെ കിടക്കയും പായും കൊടുക്കാമെങ്കില്‍ അച്ഛനെ വിശ്വസിച്ചു സാഹസത്തിനു മുതിര്‍ന്ന മകന് ചായ്പിലെങ്കിലും സ്ഥലം കൊടുക്കണം എന്നാണു എന്റെ എളിയ അഭിപ്രായം..
ReplyDeleteകേരള രാഷ്ട്രിയത്തില്‍, കോണ്‍ഗ്രസ്സില്‍, മുരളിയുടെ പ്രാധാന്യം കൂടുന്നെ ഉള്ളു. ഈ നീണ്ട കാലയളവും ഒറ്റക്കുള്ള മടങ്ങി വരവും, കരുണാകരന്റെ മകന് എന്ന ഇമെജിനു പുറത്തു കിടക്കാന്‍ മുരളിയെ സഹായിചിടുണ്ട് എന്നതും വസ്തുത ആണ്.
ReplyDeleteഇതിനോട് ചേര്‍ത്തു വായിക്കാവുന്നത്
ReplyDeleteകോണ്ഗ്രസിന്റെ വാശിയും മുരളീധരന്റെ കാത്തിരിപ്പും
ഹേ! എന്തൊരു കഷ്ടം!
ReplyDeleteഎസ് എം എസ്സ് കൊണ്ടൊന്നും വീണ്ടും കോണ്‍ഗ്രസ്സിനകത്തെത്താന്‍ ഇവന്ന് കഴിയില്ല.
അതിനൊക്കെ ചില പാരമ്പര്യാനുഷ്ഠാനങ്ങളുണ്ട്. അതൊക്കെ എന്നില്‍ നിന്നും കണ്ടു പഠിക്കേണ്ട കാലം അതിക്രമിച്ചിരിക്കുന്നു.
nerunnu nanmakal
ReplyDelete"ഉമ്മന്‍ ചേട്ടാ കണ്ടോളാം
ReplyDeleteചെനിത്തലയെ എടുത്തോളാം
ശാനവാസിനേം ആര്യനാടനേം
പിന്നെ ഞങ്ങള്‍(ഞാന്‍)കണ്ടോളാം..."
മുരളിക്ക് ഇപ്പോള്‍ വിളിക്കാന്‍ കഴിയാത്ത
എന്നാല്‍ വിളിക്കാന്‍ ഏറ്റം കൊതിയുള്ള
ഈ മുദ്രാവാക്യങ്ങള്‍
അങ്ങോര്‍ക്ക് വേണ്ടി
ഒരു ലച്ചം തവണ വിളിക്കുന്നു
ഈ സംഭവങ്ങളിലെ ഏറ്റവും വലിയ തമാശ എന്താന്ന് വച്ചാല്‍ മുരളിയെ കോണ്ഗ്രസ് എടുക്കാത്തതില്‍ സങ്കടപ്പെടുന്നതും ബ്ലോഗെഴുതിയും കമന്റെഴുതിയും കഷ്ടപ്പെടുന്നതും സി പി എമ്മിലെ പിണറായി ഗ്രൂപ്പുകാരാണെന്നുള്ളതാണ്. കോണ്ഗ്രസിന്റെ പുകകാണാന്‍ ഏറ്റവും എളുപ്പം അതാണെന്ന് അവര്‍ക്കറിയാം :))
ReplyDelete