August 8, 2009

ഒബാമക്ക് മുരളീധരന്റെ കത്ത്.

ഒബാമച്ചേട്ടന്, സുഖം തന്നെയല്ലേ... ചേട്ടാ എന്ന് വിളിക്കുന്നത്‌ സ്നേഹക്കൂടുതല്‍ കൊണ്ടാണ്. ഈ കത്ത് കിട്ടിയാല്‍ എന്റെ കാര്യത്തില്‍ ചേട്ടന്‍ എന്തെകിലും ഒരു തീരുമാനം ഉണ്ടാക്കി തരണം. ഇല്ലത്ത് നിന്ന് പുറപ്പെട്ടു അമ്മാത്തെത്തിയതുമില്ല എന്ന് അര്‍ഥം ഉള്ള പഴഞ്ചൊല്ല് അമേരിക്കയില്‍ ഉണ്ടോ ആവോ.. ഇല്ലെങ്കില്‍ ഒന്ന് ഉടനെ ഉണ്ടാക്കണം. ഹാര്‍വാര്‍ഡുകാരോട് പറഞ്ഞാല്‍ മതിയല്ലോ. പേറ്റന്റ് ഞാന്‍ കൊടുക്കാം.

ഇന്നലത്തെ കോ പീ ടീ സീയുടെ തീരുമാനം അറിഞ്ഞു കാണുമല്ലോ. ഇന്ത്യവിഷന്‍ ആണ് താങ്കള്‍ സ്ഥിരമായി കാണുന്ന ചാനല്‍ എന്ന് നികേഷ്‌ പറഞ്ഞിരുന്നു. അപ്പോള്‍ അറിയാതിരിക്കാന്‍ വഴിയില്ല. പീഞ്ഞരായികെതിരെ പോസ്റ്റര്‍ ഒട്ടിക്കാനും ലോക്കല്‍ കമ്മറ്റികളില്‍ പീയെസ്സിന് ആളെ കൂട്ടാനും സീഅയ്യേക്കാരെ താങ്കള്‍ പറഞ്ഞു വിട്ടുരുന്നുവല്ലോ.. അവരാ പണിയൊക്കെ ഭംഗിയായി ചെയ്തു ഇപ്പോള്‍ ഇവിടെ വെറുതെ ഇരിക്കുകയാണ്. അവരുടെ സഹായം എനിക്കിപ്പോള്‍ അത്യാവശ്യമാണ്. മൂന്നു പേരെ അത്യാവശ്യമായി ഇരുട്ടടി അടിക്കണം. എന്‍ എന്‍ കൊസ്സന്‍ , കൂര്യാടന്‍ ഹൈട്രൂസ്, മൂന്നാമത്തെവളുടെ പേര് ഞാന്‍ എസ്സെമ്മെസ് വിടാം. ഇവിടെ എഴുതിയാല്‍ കുടുംബ വഴക്കാവും.

ഇരുട്ടടി അടിക്കേണ്ട വേറെയും കുറച്ചു പേരുണ്ട്. അവരുടെ ലിസ്റ്റ് ഞാന്‍ ഉണ്ടാക്കികൊണ്ടിരിക്കുകയാണ്. തീരുന്ന മുറയ്ക്ക് അതും അയച്ചു തരാം. നുക്ലിയര്‍ വിഷയത്തില്‍ ഞങ്ങളുടെ സര്‍ദാര്‍ജിയോടും മേഡത്തോടും ചേട്ടന് വളരെ അടുപ്പമാണല്ലോ ‍. എന്റെ കാര്യത്തില്‍ ഒരു തീരുമാനമെടുക്കാന്‍ ഉടന്‍ വിളിച്ചു പറയണം. നിങ്ങള്‍ വിളിച്ചു പറഞ്ഞാല്‍ പിന്നെ ഒരു കോ പീ ടീ സീയും കമാന്ന് മിണ്ടില്ല. ലോകമ്മാണ്ടില്‍ എനിക്ക് ഒട്ടും വിശ്വാസം ഇല്ല. അലൂമിനിയം ഫോയിലില്‍ കോണകം ഉണ്ടാക്കിയ പരട്ട നാറികളാണ് അവിടെയുള്ളത്. എങ്ങിനെയെങ്കിലും ഒന്ന് ഉള്ളില്‍ കടന്നു കിട്ടിയിട്ട് വേണം അവന്മാരെയൊക്കെ കുളിപ്പിച്ച് കിടത്താന്‍‍. ചേട്ടന്‍ എന്നെ സഹായിച്ചേ പറ്റൂ..

അവസാനമായി ഒരു വാക്ക് .. എന്റെ നാവിനു ഗുളികന്റെ അസുഖമുണ്ട്. അതുകൊണ്ട് സംഗതികള്‍ എല്ലാം പെട്ടെന്ന് ചെയ്യണം. എന്തേലും ഉടന്‍ ചെയ്തില്ലെങ്കില്‍ എന്റെ തനി സ്വഭാവം ചേട്ടനും കാണേണ്ടി വരും. ഞാന്‍ ആളല്പം പിശകാ.. പറഞ്ഞില്ലാന്നു വേണ്ട.

എന്ന് സ്വന്തം
പീ ടീ മുരളീധരന്‍

13 comments:

  1. പാവം ഒബാമ.ഇനി അമേരിക്കയിൽ എൻ സി പീ ഉണ്ടാക്കേൺറ്റി വരുമോ ?

    ReplyDelete
  2. രാംദാസ്‌. ഇദ്ദേത്തെയോ ഇദ്ദേഹത്തിന്റെ മൂന്നു സഹോദരങ്ങളെയോ അദികം ആര്‍കും അറിയില്ല. ആള് ഗുജറാതുകാരനാണ്. ഐ എ എസ പാസ്സൌട്ട് ആയ ഇദ്ദേഹം പക്ഷെ ഇന്ത്യയില്‍ ഒരിടത്തും ജോലി ചെയ്തിട്ടില്ല. ഉന്നത ഉദ്യോകം നേടിയാല്‍ അത് അച്ഛന്റെ സ്വാധീനം മൂലമാണെന്ന് ജനങ്ങള്‍ തെറ്റിദ്ധരിക്കും. അതിനാല്‍ വേണ്ടെന്നു അച്ഛന്‍ വിലക്കിയത്രെ. അതെ മോഹന്‍ദാസ്‌ കരം ചന്ദ് ഗാന്ധി യാണ് ആ പിതാവ്. അധികാര രാഷ്ട്രീയത്തിന് വേണ്ടി ഈ രാഷ്ട്രീയ കോമാളികള്‍ നടത്തുന്ന പേകൂതുകള്‍ കാണുമ്പോള്‍ ഗാന്ധിജി അന്ന് പറഞ്ഞത്‌ അനുസരിചിരുന്നെന്കില്‍ എത്ര നന്നായിരുന്നു. "കോണ്‍ഗ്രസ്‌ പിരിച്ചു വിടാന്‍". മാന്യരായ കോണ്‍ഗ്രസ്‌കാര്‍ എന്നോട്‌ ക്ഷമിക്കണം. ഞാനല്ല പറഞ്ഞത്. സാക്ഷാല്‍ ഗാന്ധിജി യാണ്.

    ReplyDelete
  3. KPCC ലെ ദെവമ്മാര് പാന്റിട്ടോണ്ട് നടന്നോളാൻ പറഞ്ഞേര് ഇല്ലാച്ചാല് ദോ ലെവന് കിട്ടിയതറിയാമല്ലോ., ഹും ഉണ്ണിക്കുട്ടനോടാ കളി, മുണ്ട്പറിച്ചടിക്കും ആടു തോമാ സ്റ്റൈലിൽ

    ReplyDelete
  4. മോനെ മുരളിയേട്ടാ പാര സ്വന്തം കീശയിൽ തന്നെയാ....

    ReplyDelete
  5. കെ.പി.സി.സി...നമ്മൾക്ക്‌ പുല്ലാണ്‌.... നമ്മള്‌ അങ്ങ്‌ ഡൽഹിൽ പോയി കാല്‌ പുടിക്കില്ലയോ.... അവസാനം കാലടക്കം ഞാൻ വാരുകയും ചെയ്യും..... ഹാ...ഹാ...

    ReplyDelete
  6. ബഷീര്‍ക്ക , പോസ്റ്റു നന്നായി ...നല്ല ഹുമര്‍ ടച്ച്‌..അതേസമയം കാര്യം പറഞ്ഞും ചെയ്തു ..

    ഇത് കൂടി കാണുമല്ലോ മുരളീധരന്‍ ചരിത്രമെഴുതുന്നത് ...!

    ReplyDelete
  7. This comment has been removed by a blog administrator.

    ReplyDelete
  8. അച്ഛാ ഞാനാ..കിങ്ങിണി കുട്ടന്.ഹി ഹി ഹി..
    എന്താ ഈ പാതിരാത്രിക്ക്?
    അച്ഛാ... എനിക്ക് ജനങ്ങളെ സേവിക്കണം..!
    ഈ അസമയതോ....?
    തിരക്കില്യ... രാവിലെ മതി.!!
    മോന്അവിടെ നിന്ന് സേവിച്ചോളൂ....
    ഇവിടെ നിന്നാല് ഞാന് കുത്ത്പാള എടുക്കും.
    നീ ഇങ്ങോട്ട് വന്നാല് ഞാനും.......
    അപ്പൊ പപ്പിക്കുട്ടിയോ..എന്നാല് അവളെയും ഇറക്കിവിട്...
    അത് വേണ്ടാ. അവസാനം ഇത്തിരി കഞ്ഞി വെള്ളം തരാന് അവളെ കാണൂ
    അപ്പൊ എന്റെ കാര്യം ???
    ഗോവിന്ദ......................!!!!!
    അച്ഛാ സോണിയാ ജീ യെ ഒന്ന് കണ്ടാലോ ?
    പലവട്ടം കാത്തിരുന്നു ഞാ കോളേജിന്.........
    എന്നാ മന്മോഹേനെ...?
    വേറെ ആരെയും കണ്ടില്ലേ നീ.....?
    അച്ഛാ മോഹസിനാ ക്ദ്വായി എങ്ങിനെ..?
    എനിക്കിഷ്ട്ടാ...പക്ഷെ അവര്ക്ക് എന്നെ ഇഷ്ടമാകുമോ....?
    എന്നാല് പട്ടേല്..... !!!!!!!!!!!!!
    അങ്ങോട്ട് ചെല്ല്, അനുമിനിയം പട്ട ചൂടാകി വെച്ചിട്ടുണ്ട്.
    നീ പോയി ആന്റപ്പനെ ഒന്ന് കാണ്.......
    നടക്കില്യ അച്ഛാ. എന്നെ കണ്ടാലുടന് വെടിവേക്കനാ ഓര്ഡര്.
    ഓ...പ്രധിരോധമാ അവന്റെ കയ്യില്.. അച്ഛന് ഓര്ത്തില്ല....
    ഇനി ഞാന് എന്ത് ചെയ്യും അച്ചാ...?
    മോന് ഒരു വര്ഷം പൂജ്യം വെട്ടി കളി....!
    അത് കഴിഞ്ഞാല്.....?
    അതങ്ങ് ശീലമായികൊള്ളും....
    അച്ഛാ.....മകാ.............
    (കഥാ പാത്രങ്ങള് സാങ്കല്പികമാണ്
    സാദ്രിശ്യങ്ങള് വശളതരത്തില് മാത്രം)

    ReplyDelete
  9. രാഷ്ട്രീയത്തില്‍ ഉളുപ്പിനു ഒരു സ്ഥാനവുമില്ലന്ന പാഠമാണ്‌ മുലളീധരന്‍ നമ്മേ പഠിപ്പിക്കുന്നത്. എന്‍ സി പ്പി ഇനി തിരിച്ചെടുക്കുമെന്ന് തോന്നുന്നില്ല. ഗൗഡദള്ളിലോ, ബി എസ് പ്പി യിലേ അര കൈ നോക്കാം കക്ഷിക്ക്. സ്വഭാവവശാല്‍ ഇവര്‍ രണ്ടും പറ്റിയ തട്ടകം ആണ്‌ കരുണാകരപുത്രന്.

    ReplyDelete
  10. പാവം മുരളി. ആര്‍ക്കും വേണ്ടാതായില്ലേ. ഇനി ഒബാ‍മയും കൂടി കൈ വിട്ടാ‍ല്‍ എന്തെങ്കിലും കടുംകൈ ചെയ്യാതിരുന്നാല്‍ മതിയായിരുന്നു.

    നന്നായിട്ടുണ്ട്.

    ReplyDelete
  11. കെ. മുരളീധരനെ കോണ്‍ഗ്രസ്സില്‍ തിരിച്ചെടുക്കുന്നതു സംബന്ധിച്ച്‌ കഴിഞ്ഞദിവസം കെപിസിസി. എക്‌സിക്യൂട്ടീവില്‍ നടന്ന ചര്‍ച്ച വഞ്ചനയും ചതിയും നിറഞ്ഞതായിരുന്നുവെന്ന് മുതിര്‍ന്ന കോണ്‍ഗ്രസ്സ്‌ നേതാവ്‌ കെ. കരുണാകരന്‍.

    വെള്ളിയാഴ്‌ച രാവിലെ ഇന്ദിരാഭവനില്‍ നടന്ന യോഗത്തില്‍ ഞാന്‍ പങ്കെടുത്തുവെങ്കിലും ശിഹാബ്‌ തങ്ങള്‍ അനുസ്‌മരണയോഗത്തില്‍ പങ്കെടുക്കാനുള്ളതുകൊണ്ട്‌ ഉച്ചയ്‌ക്കുശേഷം പോവുകയുണ്ടായില്ല. അപ്പോഴാണ്‌ മുരളീധരന്റെ കാര്യം ചര്‍ച്ചക്കുവന്നത്‌- ലീഡര്‍ പറഞ്ഞു

    ഇത്തരമൊരു ചര്‍ച്ച ഉച്ചക്കുശേഷം നടക്കുകയില്ലെന്നാണ്‌ കെപിസിസി പ്രസിഡന്റ്‌ രമേശ്‌ ചെന്നിത്തല എന്നോട്‌ പറഞ്ഞിരുന്നത്‌. എന്നാല്‍ ഇത്‌ കളവായിരുന്നു.

    എന്നോടിക്കാര്യം പറഞ്ഞുവെങ്കിലും പ്രശ്‌നം കെപിസിസിയില്‍ ഉന്നയിക്കാന്‍ ചിലരെ രഹസ്യമായി ചട്ടംകെട്ടിയിരുന്നു. അങ്ങനെയാണ്‌ അജണ്ടയിലില്ലാത്ത വിഷയം ചര്‍ച്ചക്ക്‌ വന്നത്‌. ഇത് ചതിയാണ് . മാത്രവുമല്ല മുരളീധരനെ തിരിച്ചെടുക്കേണ്ടതില്ലെന്ന്‌ കെ.പി.സി.സി.യില്‍ ഏകാഭിപ്രായം ഉണ്ടായിട്ടുമില്ല- കരുണാകരന്‍ ആരോപിച്ചു.

    എന്നാല്‍ മുരളീധരനെ കോണ്‍ഗ്രസ്സില്‍ തിരിച്ചെടുക്കേണ്ടതില്ലെന്ന കെപിസിസി എക്‌സിക്യൂട്ടീവ്‌ തീരുമാനം ഏകകണുമായിരുന്നുവെന്നും മറിച്ചുള്ള പ്രചാരണങ്ങള്‍ അടിസ്ഥാനരഹിതമാണെന്നും രമേശ്‌ ചെന്നിത്തല പറഞ്ഞു.

    ഇക്കാര്യത്തില്‍ വഞ്ചനയുടെയോ ചതിയുടെയോ പ്രശ്‌നമില്ല. മുരളീധരന്‍ പ്രശ്‌നം അജണ്ടയില്‍ ഇല്ലായിരുന്നുവെന്ന കാര്യം ശരിയാണ്‌. പക്ഷേ ഒരു ജനാധിപത്യ പാര്‍ട്ടിയെന്ന നിലയില്‍ സംസ്ഥാനത്തെ രാഷ്ട്രീയ പ്രശ്‌നങ്ങള്‍ കെപിസിസി. എക്‌സിക്യൂട്ടീവ്‌ അംഗങ്ങള്‍ ഉന്നയിച്ച്‌ സംസാരിച്ചാല്‍ ആര്‍ക്കും അവരെ തടയാനാവില്ല.

    യോഗത്തില്‍ ലീഡറുടെ തന്നെ സ്വന്തം ആള്‍ക്കാര്‍ ഉണ്ടായിരുന്നല്ലോ. അവരാരും തന്നെ ഒരക്ഷരം എതിരായി പറയുകയും ചെയ്‌തില്ല്ല- കരുണാകരന്‍റെ പ്രസ്താവനയ്ക്ക് മറുപടിയായി രമേശ്‌ ചൂണ്ടിക്കാട്ടി.

    ReplyDelete
  12. ഷാജിയുടെ പീസ് കസറിയിട്ടുണ്ട്.

    ReplyDelete