March 5, 2015

മാറേണ്ടത് നമ്മളാണ്, ബി ബി സി യല്ല

കൊടിയ ലൈംഗിക പീഡനത്തിനിരയായി കൊല്ലപ്പെട്ട, 'ഡൽഹി പെണ്‍കുട്ടി' എന്ന് നാം വിളിച്ച ജ്യോതി സിംഗ് ഒരിക്കൽ തെരുവിലൂടെ നടന്ന് പോവുകയായിരുന്നു. പെട്ടെന്നാണ് പത്തോ പന്ത്രണ്ടോ വയസ്സ് പ്രായമുള്ള ഒരു പയ്യൻ അവളുടെ ബാഗും തട്ടിപ്പറിച്ച് ഓടിയത്.  ഒരു പോലീസുകാരൻ ആ പയ്യനെ ഓടിച്ചിട്ട്‌ പിടിച്ചു. പിടിച്ച ഉടനെ അയാൾ ആ കുട്ടിയെ അതിക്രൂരമായി അടിക്കാൻ തുടങ്ങി. ജ്യോതി ഓടിച്ചെന്ന് ആ പോലീസുകാരനെ തടഞ്ഞു. നിങ്ങൾ ഇങ്ങനെ ഇവനെ മർദ്ദിക്കുന്നത് വഴി അവനെന്ത് പാഠമാണ് പഠിക്കാൻ പോകുന്നത് എന്ന് ചോദിച്ചു. പോലീസുകാരനെ മാറ്റി നിർത്തി അവൾ ആ പയ്യനോട് ചോദിച്ചു. എന്തിനാണ് കുട്ടീ നീ ഇത് ചെയ്തത്?.. അവൻ പറഞ്ഞു. "എനിക്കും നിങ്ങൾ ധരിച്ച പോലുള്ള നല്ല വസ്ത്രം ധരിക്കണം. ചെരുപ്പ് വേണം. എനിക്കും ബർഗർ കഴിക്കണം". ജ്യോതി അവനെ കൂട്ടിക്കൊണ്ടു പോയി അവൻ ആവശ്യപ്പെട്ടതെല്ലാം വാങ്ങിച്ചു കൊടുത്തു. ഇനിയിത് പോലെ ജീവിതത്തിലൊരിക്കലും ഞാൻ ചെയ്യില്ല എന്ന് അവൻ ജ്യോതിയോട് പറഞ്ഞു. 'ഡൽഹി പെണ്‍കുട്ടി' എന്ന് മാത്രം വിളിച്ച് നമ്മുടെ മാധ്യമങ്ങൾ കുഴിച്ചുമൂടിയ ജ്യോതി സിംഗിനെ അടുത്തറിയാൻ, അവളുടെ അച്ഛനുമമ്മയും നെയ്തുകൂട്ടിയിരുന്ന സ്വപ്നങ്ങളെ തിരിച്ചറിയാൻ, പഠന വഴികളിൽ അവൾ സഹിച്ച ത്യാഗങ്ങളെത്രയെന്ന് മനസ്സിലാക്കാൻ, അവൾ കടന്ന് പോയ ദുരന്തങ്ങളുടെ ആഴമറിയാൻ, എല്ലാറ്റിലുമുപരി കുറ്റം ചെയ്തവരുടെ വിഷലിപ്തമായ  മനസ്സ് വായിക്കുവാൻ BBC യുടെ 'ഇന്ത്യയുടെ മകൾ' എന്ന ഡോക്യുമെന്ററിക്ക് കഴിഞ്ഞിട്ടുണ്ട്.

നടിയും സംവിധായികയുമായ ലെസ്ലീ ഉഡ്വിൻ തയ്യാർ ചെയ്ത ഒരു മണിക്കൂർ ദൈർഘ്യമുള്ള ആ ഡോക്യുമെന്ററി (India's daughter) ഇന്ത്യൻ സർക്കാർ നിരോധിച്ചിരിക്കുന്നു. അഭിപ്രായ സ്വാതന്ത്ര്യത്തിനും ആവിഷ്കാര സ്വാതന്ത്ര്യത്തിനും നിലകൊള്ളുന്ന ഇന്ത്യയെപ്പോലൊരു ജനാധിപത്യ രാജ്യം എന്ത് കൊണ്ടാണ് ഇത്തരം നിരോധനങ്ങളുടെ വഴിയിലേക്ക് നീങ്ങുന്നത്‌. ജ്യോതി സിംഗ് കടന്ന് പോയ ദുരിതങ്ങളുടെ ചിത്രം, ജീവിത സാഹചര്യങ്ങളോട് മല്ലിട്ട് ഒരു ഡോക്ടറാവൻ ആ പെണ്‍കുട്ടി നടത്തിയ പ്രയത്നങ്ങൾ, അതിന് പിന്തുണ നല്കാൻ മാതാപിതാക്കൾ സഹിച്ച ത്യാഗങ്ങൾ, ആ കരാള രാത്രിയിൽ അരങ്ങേറിയ പീഡനങ്ങളുടെ വിശദ വിവരങ്ങൾ, ആ പീഡനങ്ങൾക്കെതിരെ ഇന്ത്യൻ ജനത ഉയർത്തിയ പ്രതിഷേധം, കുറ്റവാളികളുടെ മനസ്സ്, സ്ത്രീയോടുള്ള അവരുടെ സമീപനം, ചെയ്ത തെറ്റിൽ ഒരിറ്റ് പാശ്ചാത്താപം പോലുമില്ലാതെ കുറ്റവാളികൾ നടത്തുന്ന ന്യായീകരണങ്ങൾ, ഇരുപക്ഷ വക്കീലുമാരുടെയും വാദഗതികൾ, സാംസ്കാരിക പ്രവർത്തകരുടെ മൊഴികൾ.. എല്ലാം ഈ ഡോക്യുമെന്ററിയിലുണ്ട്. ഇതുപോലൊരു ബൃഹത്തായ റിപ്പോർട്ട്‌ ഈ വിഷയത്തിൽ മുമ്പ് ഉണ്ടായിട്ടില്ല. ഇനി ഉണ്ടാവുമെന്നും തോന്നുന്നില്ല. കണ്ടു കഴിഞ്ഞാൽ നമ്മുടെ മനസ്സൊന്ന് പിടയ്ക്കും. അതുറപ്പ്‌.. നിരോധിക്കുന്നതിന് പകരം കൂടുതൽ ആളുകളിലേക്ക്‌ ഇതിന്റെ സന്ദേശം എത്തിച്ച് ഒരു സാംസ്കാരിക ബോധവത്കരണത്തിന് ശ്രമിക്കുകയായിരുന്നില്ലേ നാം ചെയ്യേണ്ടിയിരുന്നത്.

പ്രതി മുകേഷ് സിംഗ്

ഒരു പ്രശ്നത്തിന്റെയും അസ്തിത്വത്തെ നിഷേധിച്ചു കൊണ്ട് ആ പ്രശ്നത്തെ നമുക്ക് പരിഹരിക്കാനാവില്ല.  രോഗമുണ്ടെന്ന് സ്വയം അംഗീകരിക്കലാണ് രോഗചികിത്സയുടെ ആദ്യഘട്ടം. രോഗമില്ല എന്ന് സ്വയം പ്രഖ്യാപിക്കുന്നതോടെ ആശുപത്രിയിൽ പോകുന്നതും ഡോക്ടറെ കാണുന്നതും ചികിത്സിക്കുന്നതും ഇല്ലാതാകുന്നു. ഈ ഡോക്യുമെന്ററിക്കെതിരെ ശബ്ദിക്കുന്നത്‌ വഴി നമ്മുടെ സമൂഹം പെർഫക്റ്റ് ആണെന്ന് പ്രഖ്യാപിക്കുകയാണ് നാം ചെയ്യുന്നത്. ഇന്ത്യയെക്കുറിച്ച് മോശമായ ഒരു ധാരണ വിദേശരാജ്യങ്ങളിൽ ഉണ്ടാവാൻ ഇത് കാരണമായേക്കും എന്നാണ് ഈ ഡോകുമെന്ററി നിരോധിക്കണമെന്ന് പറയുന്നവരുടെ പ്രധാന ന്യായം. എന്തൊരു അസംബന്ധമാണെന്ന് നോക്കൂ.  പീഡിപ്പിക്കപ്പെടുന്ന പെണ്‍കുട്ടികളെക്കുറിച്ചോ അവർ കടന്നു പോകുന്ന ദുരിത കാലത്തെക്കുറിച്ചോ ഒട്ടും അസ്വസ്ഥതയില്ല, മദ്യവും മയക്കുമരുന്നുകളും ഒരു തലമുറയെ എങ്ങിനെ നശിപ്പിക്കുന്നു എന്നതിനെക്കുറിച്ച വേവലാതികളില്ല, വർദ്ധിച്ചു വരുന്ന കുറ്റകൃത്യങ്ങളെക്കുറിച്ച ആകുലതകളില്ല, ആകെയുള്ളത് പുറംലോകം ഇതൊക്കെ അറിയുന്നതിലുള്ള മാനസിക വിഷമം മാത്രം.

ഏതാനും മനുഷ്യ മൃഗങ്ങളുടെ പീഡനങ്ങളുടെ കൊടുമുടിയിൽ മരണം വരിച്ച ആ  പെണ്‍കുട്ടിയുടെ മാതാപിതാക്കളുടെ മാനസികാവസ്ഥയെക്കുറിച്ചെങ്കിലും ഈ ഡോക്യുമെന്ററി പ്രദർശിപ്പിക്കണമെന്ന് വാദിക്കുന്നവർ ഓർക്കേണ്ടതില്ലേ എന്നാണ് ചിലരുടെ ചോദ്യം. വലിയൊരു തമാശ ചോദ്യമാണിത്. ഈ ഡോക്യുമെന്ററിയിൽ ഏറ്റവും കൂടുതൽ സംസാരിക്കുന്നതും ആകുലതകൾ പങ്ക് വെക്കുന്നതും ആ മാതാപിതാക്കളാണ്. എന്റെ മകളുടെ പേര് വെളിപ്പെടുത്തുന്നതിൽ സന്തോഷമേയുള്ളൂ എന്നും പെണ്‍കുട്ടിയുടെ മാതാപിതാക്കൾ അഭിമുഖത്തിൽ പറയുന്നുണ്ട്. ഡോക്യുമെന്ററിയെക്കുറിച്ച് വിവാദമുണ്ടായപ്പോൾ അവ പ്രദർശിപ്പിക്കുന്നതിന് അനുകൂലമായാണ് അവർ പ്രതികരിച്ചതെന്നും ഓർക്കുക. വധ ശിക്ഷ കാത്ത് കഴിയുന്ന ഒരു പ്രതിയുടെ അഭിമുഖം പരസ്യപ്പെടുത്താൻ പാടുണ്ടോ എന്നതാണ് മറ്റൊരു ചോദ്യം. അത്തരമൊരു അഭിമുഖത്തിന് അവസരം കൊടുത്ത കേന്ദ്ര മന്ത്രാലയവും ജയിൽ അധികൃതരുമാണ് അതിൽ ആദ്യം മറുപടി പറയേണ്ടത്.സംപ്രേഷണം ചെയ്യാനല്ല, കുറ്റവാളികളുടെ മനശ്ശാസ്ത്രം പഠിക്കാനാണ് ബി ബി സി ടീമിന് അനുമതി നൽകിയതെന്ന് പറയുന്നവർക്ക് മാധ്യമങ്ങളുടെ വാർത്താ ശേഖരണ രീതിയെക്കുറിച്ച് പ്രാഥമിക ധാരണകൾ പോലും ഇല്ല എന്നർത്ഥം.  ജീവിതത്തിലൊരിക്കൽ റേപ്പിന് ഇരയായ ഒരു സ്ത്രീയാണ് ഈ ഡോക്യുമെന്ററി നിർമിച്ച ലെസ്ലീ ഉഡ്വിൻ.അതുകൊണ്ട് തന്നെ പീഡിപ്പിക്കപ്പെടുന്ന പാവം പെണ്‍കുട്ടികളുടെ ദുരിതാവസ്ഥകളിലേക്ക് ലോകത്തിന്റെ ശ്രദ്ധ ക്ഷണിക്കുകയാണ് 'ഇന്ത്യയുടെ മകളിലൂടെ' അവർ ചെയ്തത്.

പ്രതിഭാഗം വക്കീൽ കത്തിക്കയറുകയാണ്

പ്രതി മുകേഷ് സിംഗ് പറയുന്നത് മൂക്കറ്റം കുടിച്ച ശേഷമാണ് അവരുടെ രാത്രി യാത്ര തുടങ്ങിയതെന്നാണ്. ബസ്സിലേക്ക് ഈ പെണ്‍കുട്ടിയേയും യുവാവിനെയും പിടിച്ചു കയറ്റിയത് മുതൽ പിന്നീട് നടന്ന സംഭവങ്ങൾ ഓരോന്നും അയാൾ വിവരിക്കുന്നുണ്ട്. മാറി മാറി ബലാത്സംഗം ചെയ്തതിൽ തുടങ്ങി മൃതപ്രായമായ ആ ശരീരത്തിന്റെ ഗുഹ്യഭാഗങ്ങളിലൂടെ കുടൽ മാലകൾ വലിച്ച് പുറത്തിട്ടത് വരെ അയാൾ വ്യക്തമാക്കുന്നുണ്ട്.  അതിന് അയാൾക്കുള്ള ന്യായീകരങ്ങളും ഞെട്ടലോടെ, അതിലേറെ മരവിപ്പോടെ ഡോക്യുമെന്ററിയിൽ നിന്ന് നമുക്ക് കേൾക്കാൻ സാധിക്കും. അയാൾക്ക്‌ മാത്രമല്ല, അയാളുടെ വക്കീലിനും പറയാനുള്ളത് അതേ ന്യായീകരണങ്ങളുടെ തനിയാവർത്തനങ്ങളാണ്.. ഇവക്കിടയിലും  ഡൽഹി ജനത നടത്തിയ ധീരമായ പ്രതിഷേധ സമരങ്ങളുടെ നേർചിത്രവും ഡോക്യുമെന്ററിയിൽ അതീവ പ്രാധാന്യത്തോടെ  കാണിക്കപ്പെടുന്നുണ്ട്. കേരളത്തിൽ നടന്ന ഒരു പ്രതിഷേധ മാർച്ചിന്റെ ക്ലിപ്പിംഗ് കാണിച്ചു കൊണ്ടാണ് ബഹുജന സമരങ്ങളെ ബി ബി സി അവതരിപ്പിക്കുന്നത്‌. ഇന്ത്യൻ യുവത്വം ഇത്തരം തിന്മകളോട് രാജിയാവാതെ പൊരുതാൻ പ്രാപ്തമാണെന്ന സന്ദേശം വ്യക്തമായി ആ വിഷ്വലുകൾ പറയുന്നുണ്ട്. പ്രതികളിൽ ഓരോരുത്തരുടേയും വീട്ടിലെ അവസ്ഥകളും അവർ ജീവിച്ചിരുന്ന ചുറ്റുപാടുകളും ഡോക്യുമെന്ററിയിൽ കാണിക്കുന്നുണ്ട്. അവരുടെ മാതാപിതാക്കളെയും ഭാര്യമാരെയും അഭിമുഖം നടത്തുന്നുണ്ട്. ഇതിലേതാണ് ഇന്ത്യയുടെ വികാരത്തെ വൃണപ്പെടുത്തുന്നത്?. മുഖത്ത് ചളി പുരണ്ടതിന് കണ്ണാടി തല്ലിയുടക്കുന്നത് വഴി നാം നേടുന്നത് എന്താണ്?



ഇന്ത്യയിലെ ചേരികളിൽ ബി ബി സി യുടെ ക്യാമറ ഫോക്കസ് ചെയ്യപ്പെടുന്നു എന്നാണ് പലരും പരിതപിക്കുന്നത്‌. ചേരികളെ നാം ഭയപ്പെടുന്നത് എന്തിനാണ്. അവയൊക്കെ ഇന്ത്യൻ യാഥാർത്ഥ്യങ്ങളുടെ ഭാഗം തന്നെയാണ്. ഒരു പ്രതിയും ഒറ്റ ദിവസം കൊണ്ട് ജനിക്കപ്പെടുന്നില്ല. ജീവിത സാഹചര്യങ്ങൾക്ക് അതിൽ വലിയ പങ്കുണ്ട്. ഡൽഹിയിലെ ചേരികളിലാണ് അഞ്ച് പ്രതികളും ജീവിച്ചു വളർന്നത്‌. വിദ്യാഭ്യാസവും അടിസ്ഥാന സൗകര്യങ്ങളും ഇല്ലാത്ത അവരുടെ ജീവിത സാഹചര്യങ്ങളും ചുറ്റുപാടുകളും ബി ബി സി ഡോക്യുമെന്ററിയിൽ കാണിക്കുന്നുണ്ട്. അവരുടെ മാതാപിതാക്കളുടെ അഭിമുഖങ്ങളും അവയിലുണ്ട്. അഡാനിയുടെയോ അമ്പാനിയുടെയോ വീട്ടിൽ പോയി ഈ അഭിമുഖങ്ങൾ നടത്താൻ കഴിയില്ല. പ്രതികളെ അത്തരം കൊട്ടാരങ്ങളിൽ കൊണ്ട് പോയി  അഭിമുഖം നടത്തിയാൽ ഇന്ത്യയുടെ ഇമേജ് അല്പം വികസിക്കുമായിരിക്കാം. അതല്ലെങ്കിൽ ആ കുടിലുകൾ ഫോട്ടോഷോപ്പിലിട്ട് മിനുക്കിയെടുത്താൽ ഇത്തിരി ഗ്ലാമർ കിട്ടുമായിരിക്കാം. പക്ഷേ ചേരികൾ ചേരികളായി അവിടെയുണ്ടാകും. അതിനെ മായ്ച്ചു കളയണമെങ്കിൽ അവിടെ ജീവിക്കുന്ന പതിനായിരങ്ങളുടെ ദുരിതാവസ്ഥകളിലേക്ക് രാജ്യം ഭരിക്കുന്നവരുടെ മുൻഗണനാ ക്രമങ്ങളുടെ ക്യാമറയെത്തണം . ബി ബി സിയുടെ ഡോക്യുമെന്ററി നിരോധിച്ചത് കൊണ്ട് മാത്രം ആ ലക്ഷ്യം സാക്ഷാത്‌കരിക്കപ്പെടില്ല.


Recent Posts
ഈ ഭ്രാന്തിനെ മനുഷ്യവംശം എങ്ങിനെ നേരിടും? 
ഡൽഹിയാണ് ഞങ്ങളുടെ തലസ്ഥാനം
ബറാക്കേ, ഈ ചതി ഞങ്ങളോട് വേണ്ടായിരുന്നു
ചുട്ടു കൊല്ലുന്നവർക്ക് ചൂട്ട് പിടിക്കുന്നവരോട് 

Note: 07.03.2015

ഈ വിഷയവുമായി ബന്ധപ്പെട്ട് ഒരു ടെലിവിഷൻ ചർച്ചയിൽ പങ്കെടുത്ത് കൊണ്ട് ഇന്നലെ പറയാൻ ശ്രമിച്ചത്.

'ഡൽഹി പെണ്‍കുട്ടി'യുടെ പിതാവ് കഴിഞ്ഞ ദിവസം പറഞ്ഞ ഒരു കാര്യം നാം പ്രത്യേകം ശ്രദ്ധിക്കണം. ഈ കേസ് സുപ്രിം കോടതിയിൽ എത്തിയിട്ട് ഒരു വർഷത്തിലധികമായി. ഇന്ത്യയിൽ ഇത്രയും വിവാദമുയർത്തിയ ഈ കേസിന്റെ ഹിയറിംഗ് ഒരു തവണ പോലും ഇതുവരെ നടന്നിട്ടില്ല. ഇത്രയേറെ പൊതുജന ശ്രദ്ധയുണ്ടായിട്ടും കഴിഞ്ഞ മൂന്ന് വർഷത്തിനിടെ ഏതെങ്കിലും ഒരു റേപ്പ് കേസിൽ ഇന്ത്യയിൽ ആരെങ്കിലും ശിക്ഷിക്കപ്പെട്ടിട്ടുണ്ടോ എന്ന പെണ്‍കുട്ടിയുടെ അമ്മയുടെ ചോദ്യവും നമ്മുടെ കാതുകളിൽ അലയടിക്കണം. ലോക ശ്രദ്ധ പിടിച്ചു പറ്റിയ ഒരു ഫാസ്റ്റ് ട്രാക്ക് കേസിന്റെ അവസ്ഥയാണിത്‌. അപ്പോൾ ശ്രദ്ധിക്കപ്പെടാതെ കിടക്കുന്ന മറ്റു കേസുകളുടെ അവസ്ഥയെന്താണ്. ഓരോ ഇരുപത് മിനുട്ടിലും ഒരു സ്ത്രീ വീതം റേപ്പ് ചെയ്യപ്പടുന്ന നമ്മുടെ നാട്ടിൽ നിയമങ്ങൾ ഇരയോടാണോ അതോ പ്രതിയോടാണോ ഐക്യപ്പെടുന്നത്?.

ഒരു പ്രതിയും ഒറ്റ ദിവസം കൊണ്ട് ജനിക്കപ്പെടുന്നില്ല. ജീവിത സാഹചര്യങ്ങൾക്ക് അതിൽ വലിയ പങ്കുണ്ട്. ഡൽഹിയിലെ ചേരികളിലാണ് അഞ്ച് പ്രതികളും ജീവിച്ചു വളർന്നത്‌. വിദ്യാഭ്യാസവും അടിസ്ഥാന സൗകര്യങ്ങളും ഇല്ലാത്ത അവരുടെ ജീവിത സാഹചര്യങ്ങളും ചുറ്റുപാടുകളും ബി ബി സി ഡോക്യുമെന്ററിയിൽ കാണിക്കുന്നുണ്ട് എന്നത് നേരാണ്. അവരുടെ മാതാപിതാക്കളുടെ അഭിമുഖങ്ങളും അവയിലുണ്ട്. അഡാനിയുടെയോ അമ്പാനിയുടെയോ വീട്ടിൽ പോയി ഈ അഭിമുഖങ്ങൾ നടത്താൻ കഴിയില്ല.

ഈ ഡോക്യുമെന്ററിയെക്കുറിച്ചുള്ള ചില അടിസ്ഥാന വിവരങ്ങൾ.. 1) വിമർശിക്കുന്നവരിൽ ബഹുഭൂരിപക്ഷവും ഇത് കാണാത്തവരാണ്. 2) ജീവിതത്തിലൊരിക്കൽ റേപ്പിന് ഇരയായ ഒരു സ്ത്രീയാണ് ഈ ഡോക്യുമെന്ററി നിർമിച്ച ലെസ്ലീ ഉഡ്വിൻ. 3) ഡൽഹി പീഡനത്തെത്തുടർന്ന് ഇന്ത്യൻ യുവത നടത്തിയ ഐതിഹാസികമായ സമരത്തിൽ ആവേശം കൊണ്ടാണ് അവർ ഇന്ത്യയിൽ എത്തിയത്. 4) രണ്ട് വർഷം നീണ്ടു നിന്ന പ്രയത്ന ഫലമാണ് 'ഇന്ത്യയുടെ മകൾ' എന്ന ഈ ചിത്രം. 5) തിഹാർ ജയിലിന്റെ ഓട് പൊളിച്ച് വന്ന് അഭിമുഖം നടത്തിയതല്ല അവർ, ഇന്ത്യൻ സർക്കാരിന്റെ അനുമതിയോടെ നടത്തിയതാണ്.

അബദ്ധത്തിൽ ചെയ്തു പോയ തെറ്റിനെ ഓർത്ത്‌ ജയിലിൽ പാശ്ചാത്തപിച്ചു കഴിയുകയാകും പ്രതികൾ എന്നാണ് നാമെല്ലാം ധരിച്ചിരുന്നത്. എന്നാൽ രാത്രിയിൽ പുറത്തിറങ്ങുന്ന പെണ്‍കുട്ടികളെ റേപ്പ് ചെയ്ത് കൊല്ലുന്നതിൽ ഒരു കുഴപ്പവുമില്ല എന്നാണ് പ്രതികൾ ഇപ്പോഴും പറയുന്നത്. പ്രതികളുടെ ഈ മാനസികാവസ്ഥ നമ്മുടെ സമൂഹത്തിലെ കുറ്റവാളി മനസ്സിന്റെ ചിത്രമാണ് നല്കുന്നത്. ഈ നാല് പ്രതികളിൽ മാത്രം ഒതുങ്ങുന്നതല്ല ഈ ചിന്താഗതി. രോഗമുണ്ടെന്ന് സ്വയം അംഗീകരിക്കലാണ് രോഗചികിത്സയുടെ ആദ്യഘട്ടം. അതുകൊണ്ട് തന്നെ ഈ ഡോക്യുമെന്ററി കൂടുതൽ ചർച്ച ചെയ്യപ്പെടണം. നമ്മുടെ മാധ്യമങ്ങൾ ഈ വിഷയത്തിൽ കൂടുതൽ ഇടപെടലുകൾ നടത്തണം.

37 comments:

  1. ചേരികളെ നാം ഭയപ്പെടുന്നത് എന്തിനാണ്. അവയൊക്കെ ഇന്ത്യൻ യാഥാർത്ഥ്യങ്ങളുടെ ഭാഗം തന്നെയാണ്. പ്രതികളുടെ മാതാപിതാക്കളെ അംബാനിയുടെ കൊട്ടാരത്തിൽ കൊണ്ട് പോയി ഇരുത്തി അഭിമുഖം നടത്തിയാൽ ഇന്ത്യയുടെ ഇമേജ് അല്പം വികസിക്കുമായിരിക്കാം. അതല്ലെങ്കിൽ ആ കുടിലുകൾ ഫോട്ടോഷോപ്പിലിട്ട് മിനുക്കിയെടുത്താൽ ഇത്തിരി ഗ്ലാമർ കിട്ടുമായിരിക്കാം. ithu super

    ReplyDelete
  2. ആം ആദ്മി, നരേന്ദ്ര മോദിയുടെ കോട്ട് , ഒബാമ, രാഹുലിന്റെ തിരോധാനം, വിരാട്ട് കൊഹ്ലി തുടങ്ങിയ ഒട്ടേറെ വിഷയങ്ങൾ ചർച്ച ചെയ്യുന്നത് കാരണം നിന്ന് തിരിയാൻ സമയമില്ലാത്ത ഇന്ത്യൻ മീഡിയ മറന്നു പോയ ഒരു വാർത്തയിൽ ഏറ്റവും നന്നായി ഫോളോ അപ്പ്‌ നടത്തി എന്നതാണ് ബി ബി സി ചെയ്ത കുറ്റം. നമ്മളെ കളിയാക്കാൻ കിട്ടുന്ന ഒരവസരവും സായിപ്പു വെറുതെ കളയില്ല എന്നത് ശരി തന്നെ. പക്ഷെ ഈ ഒരു കാര്യത്തിൽ അവരെ എന്തിനാണ് തെറി വിളിക്കുന്നത്‌ ? അന്ന് ഈ സംഭവം നടന്നപ്പോൾ കുറെ ധർണകൾ നടന്നു. ഒരുപാടു പേർ മെഴുകുതിരി കത്തിച്ചു. കവിതയെഴുതി. പാട്ട് പാടി. ആ കഥ വച്ച് സിനിമ വരെ ഇറങ്ങി. പ്രതികൾ എല്ലാം ജയിലിൽ ആണ്. അവർ പശ്ചാത്തപിച്ചു കരഞ്ഞു ദിനങ്ങൾ എണ്ണുകയാണ് എന്നൊക്കെ ധരിച്ചു സുഖമായിരുന്ന നമ്മുടെ ആക്ടിവിസ്റ്റുകളുടെ മുഖമടച്ചു കിട്ടിയ ഒരടിയാണ് ഇതിലെ മുഖ്യ പ്രതിയായ മുകേഷ് നടത്തിയ അഭിപ്രായ പ്രകടനം. ജഡ്ജിയായ ഏതോ ഒരു പ്രകാശം പരത്തുന്നവൻ അതിനെ പിന്താങ്ങി പ്രസ്താവനയിറക്കുകയും ചെയ്തു. ഇവന്റെയൊക്കെ തനി നിറം കാണാൻ അവസരം ഉണ്ടാക്കി തന്നതിന് സത്യം പറഞ്ഞാൽ നമ്മൾ ബി ബി സിക്ക് നന്ദി പറയണം. ഇത് ഇന്ത്യയിൽ നിരോധിച്ചത് ആരെ രക്ഷിക്കാനാണ് ? ആരുടെ പ്രതിശ്ചായ പേടിച്ചാണ് ? ജയിലിൽ കിടക്കുന്ന മൃഗങ്ങളുടെയോ ? നിരോധിച്ചാൽ എവിടെയൊക്കെ നിരോധിക്കും ? സത്യം എത്രകാലം മൂടി വയ്ക്കും ? അതിനു മേൽ കറുത്ത തുണി കെട്ടുകയല്ല വേണ്ടത്.

    ReplyDelete
    Replies
    1. ദുശ്ശാസനാ...നീയും

      Delete
    2. @ദുശ്ശാസ്സനന്‍
      "അവർ പശ്ചാത്തപിച്ചു കരഞ്ഞു ദിനങ്ങൾ എണ്ണുകയാണ് എന്നൊക്കെ ധരിച്ചു സുഖമായിരുന്ന നമ്മുടെ ആക്ടിവിസ്റ്റുകളുടെ മുഖമടച്ചു കിട്ടിയ ഒരടിയാണ് ഇതിലെ മുഖ്യ പ്രതിയായ മുകേഷ് നടത്തിയ അഭിപ്രായ പ്രകടനം" Exactly...

      Delete
    3. ദേവികൾ സ്ത്രീകളാണ്‌ എങ്കിലും പശുവിനെ പോലും ദേവിയായും അമ്മയായും ദേവിയായും കരുതുമെങ്കിലും മനുഷ്യ സ്ത്രീകളെ പറ്റി ഒരു ശാരാശരി ഉത്തരേന്ത്യൻ പുരുഷൻറെ വിചാരവും വികാരവും മുകേഷ് സിംഗ് തുറന്നു പറഞ്ഞു എന്നു മാത്രം.

      Delete
    4. Not only North Indian males, in South India Also. Did you forgot Govindachamy?

      Delete
  3. "A number of criminal cases of murder, robbery, rape are pending against approximately 250 members of parliament, sitting members of parliament. But their cases are not being tried in fast-track courts. Their cases are not being tried based on day-to-day hearings. Why?. If you want to give a message to society against rape, against robbery, against murder, then you start from your own neck." AP Singh, Defense Lawyer for the Delhi rape case.
    ഈ വിശയം ബ്ലൊഗിൽ പരാമർശിച്ചാൽ ഒന്നുകൂടെ നന്നാകും

    ReplyDelete
  4. പലരും ഡോക്യുമെന്ററി കാണാതെ അഭിപ്രായ പ്രകടനങ്ങള്‍ നടത്തുന്നു...
    വിമര്‍ശനം നടത്തുന്നതിന് മുമ്പ് ഡോക്യുമെന്ററി കാണാന്‍ ശ്രമിക്കുന്നത് തെറ്റിദ്ധാണ മാറിക്കിട്ടും...

    ReplyDelete
  5. i watched the whole video. now, i understood why central govt want to ban it. coz, it tells some naked truth about us... our attitude, our culture, our law, our society and girl's status in our society, our great criminal political leaders and many more!

    ReplyDelete
  6. ഒരു വ്യക്തി ജനിച്ചു വീഴുമ്പോൾ തൊട്ട് അവനു/ അവൾക്കു കുറ്റ കൃത്യങ്ങളിലേയ്ക്ക് ആകർഷിക്കപ്പെടാനുള്ള എല്ലാ വഴികളും തുറന്നു കൊടുക്കുന്ന ഇന്നത്തെ നിയമവ്യവസ്ഥകൾ മാറ്റാതെ ഒരു BBC documentary മാത്രം നിരോധിക്കാനാണ് അധികാരികൾ ശ്രമിക്കുന്നത്. ഇപ്പോഴും ആ documentary യ്ക്ക് എതിരെയുള്ള നടപടിയെ പറ്റി മാത്രമാണ് ഇക്കൂട്ടർ പടയൊരുക്കം നടത്തുന്നത്. കുറ്റകൃതങ്ങളിലേയ്ക്ക് മനുഷ്യരെ നയിക്കുന്ന മദ്യം, മയക്കുമരുന്ന് , ദാരിദ്ര്യം , തൊഴിലില്ലായ്മ എന്നിവ തുടച്ചു മാറ്റാൻ അധികാരത്തിൽ മാറി മാറി വരുന്ന ആരും ശ്രമിക്കുന്നില്ല. സ്വാതന്ത്ര്യം ലഭിച്ച് അറുപത്തിയെട്ടാം വർഷത്തിലെത്തിയിട്ടും പതിനഞ്ചാമത് പഞ്ചവത്സര പദ്ധതിയിലൂടെ മുന്നേറുമ്പോഴും ഇത്തരം നാണക്കേടുകൾ രാജ്യത്തിൽ നില നിൽക്കുന്നു എന്ന പരസ്യമായ സത്യത്തിനേക്കാൾ വലിയ നാണക്കേടല്ല ഈയൊരു documentary ലോകം കണ്ടാൽ ഉണ്ടാകുന്നത്. ഇനി അങ്ങിനെയാണെങ്കിൽ തന്നെ എല്ലാം സംഭവിച്ചു കഴിഞ്ഞതിനു ശേഷമല്ല അവ തടഞ്ഞുനിർത്താൻ ശ്രമിക്കുക. BBC ഇന്ത്യയിൽ വന്നതും ഈ അഭിമുഖം നടത്തിയതും ഒന്നും വേണ്ടപ്പെട്ടവർ ആരും അറിയാതെയാണോ? documentary യിൽ കുറ്റവാളി മുകേഷ് സിംഗ് ചോദിക്കുന്ന ചോദ്യം ഇത് പോലുള്ള എത്ര കേസുകൾ വേറെയുണ്ട് എന്നതാണ്. റേപിന് ശേഷം സ്ത്രീയെ അഗ്നിക്കിരയാക്കിയതും, കണ്ണ് ചൂഴ്ന്നെടുത്തതുമായ കുറ്റകൃത്യങ്ങൾ. ആ കുറ്റവാളികൾക്കൊന്നും വധശിക്ഷ ലഭിച്ചിട്ടില്ലെന്ന ന്യായമാണ് ഇയാൾ ഉന്നയിക്കുന്നത്. ഈ ചോദ്യം ഭാവിതലമുറയിലെ കുറ്റവാളികൾക്കും പ്രചോദനം നൽകുന്നതാണ്. ഈ തെറ്റായ സന്ദേശം സമൂഹത്തിലേയ്ക്ക് പകർന്നുകൊടുക്കുന്നത് അവസാനിക്കണമെങ്കിൽ ഇത്തരം കുറ്റവാളികളുടെ വധശിക്ഷ എത്രയും വേഗം നടപ്പിലാക്കേണ്ടതുണ്ട്. സംഭവിച്ചു പോയതിൽ യാതൊരു പശ്ചാത്താപവും കുറ്റവാളികൾക്ക് ഇല്ല. അത് അവരുടെ ജന്മാവകാശമാണ് എന്ന രീതിയിലുള്ള ചിന്തകൾക്ക് വളം വച്ച് കൊടുക്കുന്നതാണ് അഭിഭാഷകരുടെ വാദങ്ങളും. ഇന്ത്യയിൽ നിയമം കാക്കുന്ന ഇത്തരം നരാധമന്മാർ കുറ്റവാളികളേക്കാർ നികൃഷ്ടരാണ്. അവർക്കെതിരെയാണ് ജനരോഷം ഉയരേണ്ടത്. കുറ്റവാളികളെ സൃഷ്ടിക്കുന്നത് വക്കീലന്മാർക്ക് അവരുടെ തൊഴിൽ നില നിർത്താനുള്ള മാർഗമായിരിക്കാം. എന്നാൽ നിയമവാഴ്ച നില നിൽക്കേണ്ടത് രാജ്യത്തെ ഓരോ പൗരൻറെയും രക്ഷയ്ക്ക് വേണ്ടിയാകണം. കുറ്റവാളികളോട് ഉദാരസമീപനം കാണിച്ചല്ല നിയമം അതിൻറെ ശക്തി തെളിയിക്കേണ്ടത്. കൂടുതൽ കുറ്റവാളികളെ ഉത്പ്പാദിപ്പിക്കാനുള്ള പഴുത് അടച്ചുകൊണ്ടാകണം. മാറേണ്ടത് ഇന്ത്യൻ നിയമ വ്യവസ്ഥയാണ്‌. അത് നടപ്പിലാക്കുന്ന രീതിയാണ്. അല്ലാതെ രാജ്യത്തിന് ഇത്തരം നാണക്കേടുകളിൽ നിന്ന് രക്ഷ നേടാൻ ആവില്ല.

    ReplyDelete
    Replies
    1. നിങ്ങളെങ്ങനെ ഈ ഡോക്ക്യുമെന്ററി കണ്ടിരുന്നു എന്ന് എനിക്ക് അത്ഭുതമാണ് !

      Delete
    2. It's in youtube
      one of the most trending videos
      watch it ...it's absolutely free ��

      Delete
    3. സ്വാതന്ത്ര്യം ലഭിച്ച് അറുപത്തിയെട്ടാം വർഷത്തിലെത്തിയിട്ടും പതിനഞ്ചാമത് പഞ്ചവത്സര പദ്ധതിയിലൂടെ മുന്നേറുമ്പോഴും ഇത്തരം നാണക്കേടുകൾ രാജ്യത്തിൽ നില നിൽക്കുന്നു എന്ന പരസ്യമായ സത്യത്തിനേക്കാൾ വലിയ നാണക്കേടല്ല ഈയൊരു documentary ലോകം കണ്ടാൽ ഉണ്ടാകുന്നത്. I completely agree with you Girija

      Delete
  7. വള്ളിക്കുന്നിന്റെ ലേഖനവും Girija Navaneethakrishnan ന്റെ കമന്റും വായിച്ചൂ... സത്യം വിളിച്ച് പറയുന്നിടത്തൊക്കെ പ്രകാശം അണയ്ക്കുകാ എന്നത് പണ്ടേ തുടർന്ന് വരുന്ന ഒരു രീതിയാണ്........ ചിന്തകൾ മാറേണ്ടിയിരിക്കുന്നു

    ReplyDelete
  8. ബി ബി സി യുടെ എല്ലാ ഡോക്കുമെന്ററികളെയും പോലെ മനോഹരമായി ചെയ്യേണ്ട ഒന്നല്ല ഇത്. അതിന്റെ ആവശ്യമില്ല. ഇന്ത്യയിൽ പല പ്രശ്നങ്ങളുമുണ്ട്. അവിടെയെല്ലാം കാമറയും കൊണ്ട് വരേണ്ട കാര്യം ബി ബി സി എന്ന ചാനലിനില്ല. ഭൂരിപക്ഷം ഇന്ത്യക്കാരും രണ്ടാമതൊന്നു കേൾക്കാനോ ഓർക്കാനോ പോലും ഇഷ്ട്ടപ്പെടാത്ത ഒരു നിഷ്ട്ടൂരതയായിരുന്നു ഇത്. ഇത് ചെയ്തവന്റെ വാക്കിനു ചെവിയോർത്തിട്ടു ഇവിടെ ഒന്നും നേടാനില്ല. അത് പകർത്താൻ ചെല്ലുന്നവർക്ക് എന്താണ് ലക്‌ഷ്യം എന്ന് എനിക്ക് മനസ്സിലാകുന്നില്ല. പേപ്പട്ടികൾക്ക് പറയാൻ എന്താണുള്ളത് എന്ന് അന്വേഷിക്കുന്നത് പോലെയാണത്. ബി ബി സി യ്ക്കെതിരെയുള്ള ഈ എതിർപ്പ് സ്വാഭാവികം തന്നെയാണ് എന്നാണു ഞാൻ കരുതുന്നത്. മാറേണ്ടത് ഇവിടുത്തെ തുരുമ്പു പിടിച്ച നിയമങ്ങളും വ്യവസ്ഥിതിയുമാണ്.

    ReplyDelete
    Replies
    1. >> ഇന്ത്യയിൽ പല പ്രശ്നങ്ങളുമുണ്ട്. അവിടെയെല്ലാം കാമറയും കൊണ്ട് വരേണ്ട കാര്യം ബി ബി സി എന്ന ചാനലിനില്ല. <<

      ബി ബി സി ക്ക് ക്യാമറയുമായി എവിടെയൊക്കെ പോകാം എന്ന് ഒരു ലിസ്റ്റ് നിങ്ങൾ ഉണ്ടാക്കി കൊടുത്താൽ അതവർക്ക് വലിയ ഉപകാരമാകും.

      Delete
    2. Sasi Lal, ChennaiMarch 6, 2015 at 12:28 PM

      Good reply Mr. Basher. chirichu poyi

      Delete
    3. Take this BBC telecast only as a reminder to our Medias who kept calm against this cruel issue. It's good study on how this like incidents repeats again and again.

      Delete
  9. “If you are irritated by every rub, how will your mirror be polished?”
    ― Rumi

    ReplyDelete
  10. ഈ വിഷയത്തിലുള്ള ഒരു ടെലിവിഷൻ ചർച്ചയിൽ ഇന്ന് രാത്രി പങ്കെടുക്കുന്നുണ്ട്. Reporter Gulf News Debate. 10 PM KSA (12.30 IST)

    ReplyDelete
  11. ഞങ്ങളിവിടെ ഇങ്ങിനെയൊക്കെ പലതും ചെയ്യും..അതൊന്നും അന്വേഷിക്കാൻ ഒരു വിദേശ മാധ്യമങ്ങളും ഇങ്ങോട്ട് വരേണ്ടാ... എന്ന് വെച്ചാൽ എന്നെ തല്ലണ്ടാ, ഞാൻ നന്നാവില്ല എന്ന് തന്നെ..

    ആ പ്രതികളെക്കാൾ വലിയ ക്രിമിനലാണ് അവരെ ന്യായീകരിക്കുന്ന ആ നാറി വക്കീൽ. ഇവനും ജീവിക്കുന്നത് നമ്മുടെ ഭാരതത്തിൽ തന്നെ. കഷ്ടം..

    ReplyDelete
  12. Thanks a million to the skewed views of our responsible government in banning the documentary. the ban has given the documentary the publicity it needed. the ban has brought it to the lime light and billions of people over the world would watch it now, which, otherwise would have gone unnoticed.

    ReplyDelete
  13. മൂന്നുനാലു ദിവസങ്ങള്ക്ക് മുന്പ് യു എ ഇ യിൽ ഒരു മലയാളി വധശിക്ഷയ്ക്കു വിധിക്കപ്പെട്ടു.ഇയാൾ ജോലി ചെയ്തിരുന്ന സ്കൂളിലെ ഒരു തദ്ദെശീയ വിദ്യര്തിനിയെ പീഡിപ്പിച്ച കേസിൽ ആണ് ടിയാൻ ശിക്ഷിക്കപ്പെട്ടത്.വധ ശിക്ഷയ്ക്ക് പുറമേ അമ്പതിനായിരം ദിര്ഹം നഷടപരിഹാരമായി സ്കൂളധികൃതരും ഇയാളും ചേർന്ന് നല്കാനും ഉത്തരവായി.

    നമ്മുടെ രാജ്യത്ത് ഡല്ഹി പെണ്‍കുട്ടിയെ പോലെ പീഡിപ്പിക്കപ്പെട്ടു മരിക്കുന്ന പെണ്‍കുഞ്ഞുങ്ങളുടെ ഘാതകന്മാർ തിന്നും, കുടിച്ചും യാതൊരു മാനസാന്തരവുമില്ലാതെ കാലങ്ങളോളം സുഖിച്ചു വാഴുന്നു. ജനാധിപത്യ ഭരണകൂടമേ പൊളിച്ചെഴുതാൻ സമയമായി ഈ ഭരണഘടന.... ഇനിയും വൈകിക്കരുത്.. യാഥോരു മാനുഷിക പരിഗണനയും നല്കരുത് ഈ വൃത്തികെട്ട ജന്തുക്കളോട്... ഇനി വരും തലമുറകള്ക്ക് തെറ്റ് ചെയ്യാൻ പ്രേരിപ്പിക്കാത്ത രീതിയിലുള്ള ദ്രുതഗതിയിൽ ശിക്ഷ നല്കുന്ന നിയമം വന്നെ തീരു...

    ReplyDelete
  14. Welll said.... u r our voice.... kakkathollayiram likes

    ReplyDelete
  15. 'എന്റെ ഭർത്താവ് അങ്ങനെ ചെയ്യുകയെ ഇല്ല. അയാൾ അന്നം തരാൻ ഇല്ലെങ്കിൽ ഞാൻ എങ്ങനെ ജീവിക്കും ' എന്ന് പറയുന്ന സിംബോളിക് ഭാരതീയ വനിതയ്ക്ക് ( rapist അക്ഷയ് ടാക്കൂരിന്റെ ഭാര്യ ) നിരക്ഷരതയുടെ പേരിൽ എങ്കിലും മാപ്പ് കൊടുക്കാം ,പക്ഷെ നമ്മുടെ സംസ്കാരത്തിൽ സ്ത്രീക്ക് സ്ഥാനമേ ഇല്ല എന്ന് പറയുന്ന ക്രിമിനൽ വക്കീലിന് എന്തിന്റെ പേരിൽ മാപ്പ് കൊടുക്കും ?
    ക്രിമിനൽ ആയും വക്കീലായും മതാധികാരിആയും ഒക്കെ വരുന്ന ആണ്മുഖങ്ങളുടെ പൊതുബോധം പറയുന്ന documentry ഭയപ്പെടുക അല്ല പഠിക്കുക ആണ് വേണ്ടത്. കൂട്ടത്തിൽ ഏറ്റവും ദുഷ്ടത ചെയ്തവൻ പ്രായത്തിന്റെ ഇളവിന്റെ പേരില് ഡിസംബറിൽ പുറത്തിറങ്ങും.
    ജയിൽ ശിക്ഷ ഒരു മാറ്റവും വരുത്താത മുകേഷ് സിംഗ് പ്രസംഗിക്കുമ്പോൾ juvanile എന്ന വിളിപ്പേരുള്ള അവൻ ഇനിയും ജീവിതത്തിൽ എന്തൊക്കെ ചെയ്യില്ല ?
    സ്ത്രീകൾ അധിക ദൂരം സഞ്ചരിക്കേണ്ടതില്ല എന്നും പെണ്‍ കുട്ടികൾക്ക് മോബൈൽ ഫോണ്‍ കൊടുക്കേണ്ടതില്ല എന്നും ആഞ്ഞു ചാടിയാൽ ഗർഭപാത്രം താഴെപ്പോവും എന്നുമുള്ള വാദ ഗതികൾ പറയുന്നത് male dominated അല്ലെങ്കിൽ domination infected സൊസൈറ്റി തന്നെ ആണ്. ആദിവാസി ദളിത്‌ സമൂഹങ്ങളിലെ പീഡനങ്ങളെ കുറിച്ചും വരട്ടെ documentary കൾ .അടിക്കാടുകളിലെ അവഗണനയുടെ കഥകൾ ലോകം അറിയട്ടെ .ലജ്ജയോടെ എങ്കിലും system മാറട്ടെ . അത് ചെയ്യാൻ ബ്രിട്ടനിൽ നിന്നല്ല ഇന്ത്യയിൽ നിന്ന് ആളുകൾ ഉണ്ടാവട്ടെ എന്നാണു ആഗ്രഹിക്കുന്നത് .

    ReplyDelete
  16. അബദ്ധത്തിൽ ചെയ്തു പോയ തെറ്റിനെ ഓർത്ത്‌ ജയിലിൽ പാശ്ചാത്തപിച്ചു കഴിയുകയാകും പ്രതികൾ എന്നാണ് നാമെല്ലാം ധരിച്ചിരുന്നത്. എന്നാൽ രാത്രിയിൽ പുറത്തിറങ്ങുന്ന പെണ്‍കുട്ടികളെ റേപ്പ് ചെയ്ത് കൊല്ലുന്നതിൽ ഒരു കുഴപ്പവുമില്ല എന്നാണ് പ്രതികൾ ഇപ്പോഴും പറയുന്നത്. പ്രതികളുടെ ഈ മാനസികാവസ്ഥ നമ്മുടെ സമൂഹത്തിലെ കുറ്റവാളി മനസ്സിന്റെ ചിത്രമാണ് നല്കുന്നത്. ഈ നാല് പ്രതികളിൽ മാത്രം ഒതുങ്ങുന്നതല്ല ഈ ചിന്താഗതി >>>>>>>>>> സത്യം

    ReplyDelete
  17. എല്ലാ ക്രൂരതകളും നമുക്ക് മറക്കാം , ഇരുട്ടുകൊണ്ട് മറയ്ക്കാം
    അനിഷ്ടവാര്‍ത്തകള്‍ വരുമ്പോള്‍ നമുക്ക് അസഹിഷ്ണുത വരുത്താം .
    എന്നാലും നാട്ടില്‍ നീതി നടപ്പാക്കാന്‍ ഞങ്ങളോട് പറയരുത് . അതൊരല്പം ബുദ്ധിമുട്ടാ .....

    ReplyDelete
  18. എന്‍റെ മാനാഭിമാനങ്ങള്‍ മറ്റുള്ളവര്‍ വിളിച്ചു പറയുമ്പോള്‍ മാത്രം ഉണ്ടാകുന്ന ഒരു പ്രതിഭാസമായി നാം സ്വയം ധൃതരാഷ്ട്രന്മാരായി മാറിപ്പോയിരിക്കുന്നു. കണ്ണുകള്‍ തുറക്കേണ്ടതുണ്ട്. ഇല്ലാത്ത പൈത്രുകങ്ങളുടെയും മിഥ്യാഭിമാനബോധത്തിന്റെയും തടവറകളില്‍ ഇരകളാക്കപ്പെട്ടിരിക്കുന്നു ഇന്ത്യയുടെ പ്രതികരണ മനസ്സുകള്‍. നല്ല വിശകലനം ശ്രീ ബഷീര്‍.

    ReplyDelete
  19. As if there was lack of Desi Liberal Idiots, we now have influx of western morons / idiots telling us what to do. The so called BBC’s Former host Jimmy Savile has been accused of hideous sexual crimes but strangely / shockingly, with its tall claims of a moral agenda, it would appear that the BBC has made no documentary explaining the mind of Savile. Has the BBC also forgotten about the recent Rotherham incident involving the brutal sexual exploitation of 1,400 children? Why self righteous BBC or the director of the documentary from covering this and not holding up a “mirror” to the so called english society? The director was quick to call our society “sick”. But we fail to understand how this discriminatory attitude can continue when there are more sexual crimes happening in her own country, with a much lower conviction rate.

    ReplyDelete
    Replies
    1. Come on...... Indian News Channels.... Go and make documentary about them and publish in Indian televisions.

      Delete
    2. BBC cuts international rape statistics, accuses Leslee Udwin. Two Mins Silence for Liberals & NDTV
      The BBC pigs chopped of all facts from the Udwin documentary to tar Indians as rapists... and our Liberals talk about FoE..

      Delete
  20. http://whatsappvoicecalls.blogspot.in/

    വാട്സപ്പ് കോളിങ് ആക്ടിവേഷന് വളരെ ലളിതമായി ചെയ്യാന് താഴെ കാണുന്ന ലിങ്കില് പോയി പുതിയ വാട്സപ്പ് വെര്ഷന് ഡൗണ്ലോട് ചെയുക. ഈ വെര്ഷന് പ്ലേ സ്റ്റോറില് ലഭ്യമല്ല.

    http://whatsappvoicecalls.blogspot.in/

    ReplyDelete
  21. ശശി പാലാApril 15, 2015 at 5:19 PM

    മാറ്റേണ്ട് ഇങ്ങളീ പോസ്റ്റാണ് ഭായീ.......................

    ReplyDelete