July 14, 2014

ഇതാണെടാ അവതാരക.. ഇവളാണെടാ പുലി !

വേറിട്ട പല വാർത്താ അവതാരകരെക്കുറിച്ചും ഈ ബ്ലോഗിൽ മുമ്പ് എഴുതിയിട്ടുണ്ട്. വാർത്താ വായനക്കിടയിൽ പൊട്ടിക്കരഞ്ഞ അവതാരകയും വാർത്ത വായിക്കുന്നതിനിടെ സ്റ്റുഡിയോവിലേക്ക് ഓടിക്കയറിയ മകളെക്കണ്ട് പതറാതെ വാർത്ത തുടർന്ന വായനക്കാരിയുമെല്ലാം അതിലുൾപ്പെടും. പതിനായിരക്കണക്കിന് വാർത്ത അവതാരകർക്കിടയിൽ ഏറെ ശ്രദ്ധേയയായ ഒരു ന്യൂസ് പ്രസന്ററെക്കുറിച്ചാണ് ഈ പോസ്റ്റ്‌. അബ്ബി മാർട്ടിൻ. പൊതുവേ സൗന്ദര്യം കൂടുതലുള്ളവർക്ക് ബുദ്ധി കുറയാറുണ്ട് :). അമേരിക്കക്കാരാണെങ്കിൽ പറയുകയും വേണ്ട. ഇവിടെ ബുദ്ധിയും സൗന്ദര്യവും നിരീക്ഷണ പാടവവും കട്ടക്ക് കട്ടക്ക് നിൽക്കുന്ന ഒരു മാധ്യമ പ്രവർത്തക. അതും ഒരമേരിക്കക്കാരി. കോർപറേറ്റ് മാധ്യമങ്ങളുടെ കൃത്യമായ അജണ്ടകൾക്കപ്പുറത്തേക്ക് വാർത്തയുടെ നേരിനേയും നെറിയേയും ഇഴകീറി അടർത്തിയെടുത്ത് പ്രേക്ഷകന് സമർപ്പിക്കാനുള്ള അനിതര സാധാരണമായ കഴിവുള്ള മാധ്യമ ലോകത്തെ വേറിട്ട ശബ്ദം..

ഗസ്സയിലെ ഇസ്രാഈൽ അതിക്രമങ്ങളെക്കുറിച്ചും അമേരിക്കയുടേയും അമേരിക്കൻ മാധ്യമങ്ങളുടെയും ഇരട്ടത്താപ്പിനെക്കുറിച്ചും കഴിഞ്ഞ ദിവസം വിശകലനം ചെയ്യുന്നതിനിടെയാണ്  സ്ക്രീനിൽ തെളിഞ്ഞ വെടിയേറ്റ്‌ കിടക്കുന്ന പിഞ്ചു കുഞ്ഞുങ്ങളുടെ മുഖത്തേക്ക് നോക്കി വികാരപരവശയായ അബ്ബി പ്രതികരണത്തിന്റെ പൊട്ടിത്തെറി നടത്തി ക്യാമറ ആംഗിളിൽ നിന്ന് തെന്നി പുറത്തേക്ക് പോയത്. ഈ പ്രതികരണം എല്ലാ അർത്ഥത്തിലും 'വൈറലായി' എന്ന് പറയാം. ലക്ഷക്കിനാളുകൾ ട്വീറ്റ് ചെയ്തും  ഷെയർ ചെയ്തും ഈ തത്സമയ പ്രതികരണത്തെ സോഷ്യൽ മീഡിയയിലും ചർച്ചാ വേദികളിലും ജ്വലിപ്പിച്ചു നിർത്തി. വിവിധ ഭാഷകളിലേക്ക് അബ്ബിയുടെ വാക്കുകൾ തർജമ ചെയ്യപ്പെട്ടു. ഫലസ്തീനിലും അറേബ്യൻ നാടുകളിലും അബ്ബിയുടെ 'ബ്രേക്കിംഗ് ദ സെറ്റിന്' ആരാധകരേറി. അബ്ബിയുടെ പ്രതികരണം കണ്ട ശേഷം ബാക്കി പറയാം.


ഫലസ്തീൻ ഇസ്രാഈൽ പ്രശ്നത്തെക്കുറിച്ചോ അതിപ്പോൾ എത്തിപ്പെട്ടിരിക്കുന്ന ദുരന്ത ചിത്രങ്ങളെക്കുറിച്ചോ ഈ പോസ്റ്റിൽ ചർച്ച ചെയ്യാൻ ഉദ്ദേശിക്കുന്നില്ല. (അത്തരം ചർച്ചകൾ മുമ്പ് പല തവണ ഈ ബ്ലോഗിൽ നടത്തിയിട്ടുണ്ട്). മറിച്ച് കോർപറേറ്റ് മാധ്യമങ്ങളുടെ അജണ്ടകൾ കൃത്യമായി നടപ്പിലാക്കുന്ന ഒരേ തൂവൽ പക്ഷികൾക്കിടയിൽ നിന്ന് വേറിട്ട്‌ പറക്കുന്ന ചില പക്ഷികളെക്കാണുമ്പോഴുള്ള സന്തോഷം പങ്ക് വെക്കുക മാത്രമാണ്.  അബ്ബി മാർട്ടിൻ മാധ്യമ പോകത്ത് ഒരു പുതുമുഖമല്ല. ബി ബി സി കഴിഞ്ഞാൽ അമേരിക്കയിൽ ഏറ്റവും കൂടുതൽ പ്രേക്ഷരുള്ള വിദേശ ചാനലായ ആർ ടി അമേരിക്കയുടെ താരപരിവേശമുള്ള അവതാരകയാണവർ. ഏതാണ്ട് രണ്ട് വർഷത്തോളമായി വേറിട്ട വാർത്താ വിശകലനങ്ങളുമായി അമേരിക്കൻ പ്രേക്ഷകരുടെ ഇടയിൽ ദിവസവും അബ്ബി മാർട്ടിൻ എത്തുന്നുണ്ട്. കോർപറേറ്റ് മാധ്യമങ്ങളുടെ മനുഷ്യ വിരുദ്ധ നിലപാടുകൾക്കെതിരെ സാമൂഹ്യ അവബോധം സൃഷ്ടിക്കുന്നതിന്റെ ഭാഗമായി Media Roots എന്ന പേരിൽ സിറ്റിസണ്‍ ജേർണലിസ്റ്റുകൾക്കായി ഒരു സമാന്തര മീഡിയ പ്രോജക്റ്റും അവരുടെ കീഴിൽ നടക്കുന്നുണ്ട്.

2012 സെപ്റ്റംബറിൽ 'ബ്രേക്കിംഗ് ദ സെറ്റ്' ആരംഭിക്കുമ്പോൾ അതിന്റെ ആദ്യ പ്രോമോയായി പുറത്തിറങ്ങിയ ഫൂട്ടേജ് സി എൻ എൻ ട്യൂണ്‍ ചെയ്ത ഒരു ടെലിവിഷൻ സെറ്റ് ഒരു ഹാമർ ഉപയോഗിച്ച് അബ്ബി മാർട്ടിൻ അടിച്ചു പൊളിക്കുന്നതാണ്. ഈ ഒരൊറ്റ ഫൂട്ടേജിൽ ആ വാർത്താ വിശകലന പരിപാടിയുടെ എല്ലാം അടങ്ങിയിട്ടുണ്ട്. അമേരിക്കൻ കോർപറേറ്റ് മാധ്യമങ്ങളും അവരുടെ തന്നെ ന്യൂസ് ഏജൻസികളും വിളമ്പുന്ന രസായനം സ്ഥിരമായി കുടിക്കുന്നവർക്ക് ഉണ്ടാകാവുന്ന രോഗത്തെ അതിവിദ്ഗമായി ചികിത്സിക്കുന്ന കുറിപ്പടിയാണ് അബ്ബിയുടെ 'ബ്രേക്കിംഗ് ദ സെറ്റ്'. വാർത്താ വിമർശനം, ഇൻവെസ്റ്റിഗേറ്റീവ് ജേർണലിസം എന്നൊക്കെപ്പറഞ്ഞാൽ എന്താണെന്നറിയാത്ത മാധ്യമ പ്രവർത്തകർക്ക് 'ബ്രേക്കിംഗ് ദ സെറ്റി'ന്റെ ഒന്നോ രണ്ടോ എപ്പിസോഡുകൾ കണ്ടാൽ അവയെക്കുറിച്ചൊക്കെ ഏതാണ്ടൊരു ധാരണ കിട്ടും.


ലോകത്തെ ഏറ്റവും ജന സാന്ദ്രത കൂടിയ പ്രദേശമാണ് ഗസ്സ. നാല്പത്തിയൊന്ന് കിലോമീറ്റർ നീളത്തിൽ ആറു മുതൽ പന്ത്രണ്ട് കിലോമീറ്റർ മാത്രം വരെ വീതിയിൽ മെഡിറ്ററേനിയൻ തീരത്തെ ഈ കൊച്ചു തുരുത്തിൽ ജീവിക്കുന്നത് പതിനെട്ട് ലക്ഷത്തോളം മനുഷ്യരാണ്. ഒരു കൊച്ചു ബോംബ്‌ എവിടെ വീണാൽ പോലും നിരവധി പേർ മരണമടയും വിധം ശ്വാസം മുട്ടി ജീവിക്കുന്ന ജനസാന്ദ്രത. അവിടെയാണ് അബ്ബി മാർട്ടിൻ പറയുന്ന പോലെ വൈറ്റ് ഫോസ്ഫറസ് ബോംബുകൾ പോലും ഇസ്രാഈൽ പ്രയോഗിക്കുന്നത്. വാൾ സ്ട്രീറ്റ് ജേർണൽ, ലോസ് ആഞ്ചൽസ് ടൈംസ്, ന്യൂ യോർക്ക്‌ ടൈംസ് എന്നിവയുടെ ഇസ്രാഈൽ പക്ഷപാതിത്വത്തിന്റെ തലക്കെട്ടുകളിലൂടെ കടന്നു പോകുന്ന അബ്ബി യു എസ് ഭരണകൂടത്തിന്റെ സ്റ്റെനോഗ്രാഫർമാരായി മാധ്യമങ്ങൾ മാറുന്നതിന്റെ ദുരന്തമാണ് വിവരിക്കുന്നത്. ഗസ്സയിലെ ജനസാന്ദ്രമായ കെട്ടിടങ്ങൾക്ക് മുകളിൽ ഇസ്രാഈലി ബോംബറുകൾ അഗ്നിവർഷം ചൊറിയുന്നതിന്റെ ഞെട്ടിപ്പിക്കുന്ന ദൃശ്യങ്ങളാണ്‌ 'എക്സ്ചേഞ്ച് ഓഫ് ഫയർ' എന്ന സുതാര്യ ലേബലിൽ വില്പനക്കെത്തുന്നത്. ഗസ്സയിൽ നിന്നും നിരന്തരം റോക്കറ്റുകൾ വിട്ടാൽ തിരിച്ചാക്രമിക്കുകയല്ലാതെ ഇസ്രാഈലിനു മറ്റെന്ത് വഴിയെന്ന് ചോദിക്കുന്ന വൈറ്റ് ഹൗസ് ഭാഷ്യങ്ങളുടെ ('റെസ്പോണ്‍സിബിൾ' ഡിഫൻസ്) പെരുമ്പറ മുഴക്കുന്ന സാമ്രാജ്യത്വ മാധ്യമങ്ങൾക്ക് പോലും ഗസ്സയിൽ നിന്നുള്ള റോക്കറ്റുകൾ വിതച്ച ദുരന്തങ്ങളുടെ ദൃശ്യങ്ങൾ കാണിക്കാനില്ല!. ഫലസ്തീനികൾക്ക് മുന്നിൽ രണ്ടേ രണ്ട് വഴികളാണ് ബാക്കിയുള്ളത് എന്ന് അബ്ബി പറയുന്നു. ഒന്നുകിൽ സമ്പൂർണമായി കീഴടങ്ങുക, അതല്ലെങ്കിൽ നീതി നിഷേധത്തെ പ്രതിരോധിക്കുക. അതാണിപ്പോൾ അവർ നടത്തിക്കൊണ്ടിരിക്കുന്നത്. അധിനിവേശ ശക്തികളുടെ 'ഇറെസ്പോണ്‍സിബിളിറ്റികൾ' തിരിച്ചറിയാൻ ഇനിയും എത്ര പേർ മരിച്ചു വീഴണം എന്ന് ചോദിച്ചാണ് അബ്ബി ക്യാമറക്ക്‌ പുറത്തേക്ക് നടന്നത്.

വാഷിങ്ങ്ടണിൽ ഒബാമയുടെ മൂക്കിന് താഴെ ഇരുന്നു കൊണ്ടാണ് അബ്ബി മാർട്ടിൻ സാമ്രാജ്യത്വ നിലപാടുകളുടെ തൊലിയുരിയുന്നത്. ആരോപണങ്ങളിലും കേസുകളിലും കുടുക്കി തന്നെ നിശ്ശബ്ദയാക്കാനുള്ള ശ്രമങ്ങളെ നിരന്തരം അതിജീവിച്ചു കൊണ്ടാണ് അവർ മുന്നോട്ട് പോകുന്നത്. റഷ്യൻ ചാനലിൽ ഇരുന്നു കൊണ്ട് തന്നെ റഷ്യൻ സർക്കാരിന്റെ അധിനിവേശ നയങ്ങളെ ശക്തമായി വിമർശിക്കാനും അവർ തന്റേടം കാണിച്ചിട്ടുണ്ട്. ബുദ്ധിയും ചിന്തയും കോർപറേറ്റുകൾക്ക് പണയം വെച്ചിട്ടില്ലാത്ത അബ്ബിയെപ്പോലുള്ള മാധ്യമ പ്രവർത്തകരാണ് ലോകത്തെങ്ങുമുള്ള അധിനിവേശ വിരുദ്ധ ചലനങ്ങൾക്ക് ഊർജ്വം പകരുന്നത്. പത്ര മുതലാളിമാരുടെ വാലാട്ടികളാകാതെ നിലപാടുകൾ സധൈര്യം തുറന്ന് പറയാനുള്ള ചങ്കൂറ്റം മാധ്യമ പ്രവർത്തകർ കാണിക്കുമെങ്കിൽ അവരുടെ വേറിട്ട ശബ്ദം കേൾക്കാൻ പ്രേക്ഷകരും വായനക്കാരും ഉണ്ടാകുമെന്നും അവർക്ക് അവസരമൊരുക്കാൻ സമാന്തര മാധ്യമങ്ങൾ വളർന്നു വരുമെന്നും നമ്മെ ഓർമപ്പെടുത്തുക കൂടിയാണ് അബ്ബി മാർട്ടിൻ ചെയ്യുന്നത്. അതുകൊണ്ട് തന്നെ ഒട്ടും സംശയിക്കാതെ നമുക്ക് പറയാൻ പറ്റും. ഇതാണെടാ ജേർണലിസ്റ്റ്.. ഇങ്ങനെയാവണമെടാ ജേർണലിസ്റ്റ്.

Related Posts
വാര്‍ത്ത വായിക്കുമ്പോള്‍ കരയാന്‍ പാടുണ്ടോ?
വാര്‍ത്തവായനക്കിടയില്‍ ഓടിയെത്തിയ മകള്‍. പതറാതെയമ്മ

Recent Posts
മാധ്യമപ്രവർത്തകരെ കുതിര കയറുന്നത് എന്ത് കൊണ്ട്?
'അൽ കഴുതകൾ' അഥവാ ഇസ്ലാമിന്റെ നവസംരക്ഷകർ

67 comments:

  1. ഇതാണെടാ ജേർണലിസ്റ്റ്.. ഇങ്ങനെയാവണമെടാ ജേർണലിസ്റ്റ്.

    ReplyDelete
  2. ഗാസയുടെ നേർചിത്രങ്ങൾ മനസ്സിൽ പതിഞ്ഞ ആർക്കും അബ്ബിയാകാതിരിക്കാൻ കഴിയില്ല. ബുദ്ധിയും ചിന്തയും കോർപറേറ്റുകൾക്ക് പണയം വെച്ചിട്ടില്ലാത്ത അബ്ബി മാർട്ടിനെ പൊലുള്ളവർ മാധ്യമ പ്രവർത്തകർക്കിടയിൽ അവശേഷിക്കുന്ന മനുഷ്യത്വത്തിന്റെ പ്രതീകങ്ങൾ കൂടിയാണ്

    ReplyDelete
  3. Sasi Lal, ChennaiJuly 14, 2014 at 10:42 AM

    Thanks for this post basheer. Solidarity to Aby Martin and Gaza people

    ReplyDelete
  4. ഇറാക്കിലും തളിബനിലും മുസ്ലിംകൾ മുസ്ലികളെ തന്നെ കൊല്ലുമ്പോൾ ഈ പ്രതിശേദം കണ്ടില്ലല്ലോ. ഇസ്രാൽ രണ്ട പലസ്തീനികളെ കൊല്ലുമ്പോൾ മാത്രം ഇത്ര ബേജാർ എന്തിനാണ്

    ReplyDelete
    Replies
    1. pode pulle...

      Delete
    2. പറഞ്ഞതില്‍ എന്താ തെറ്റ്?

      Delete
    3. Muslims are making this a communal issue

      Delete
  5. ഞാൻ ഏറെ കാണുന്ന ഒരു പരിപാടിയാണിത്. മുമ്പ് ഗ്രൌണ്ട് സിറോയിൽ മോസ്ക് പണിയുന്ന വിഷയത്തിൽ ന്യൂയോർക്ക് തെരുവിലിറങ്ങി ജനങ്ങടെ അഭിപ്രായം നേരിട്ട് കേൾപ്പിക്കുന്നുണ്ട്, ഏതൊരൂ മതത്തെയും സ്നേഹപൂർവ്വം ഉൾകൊള്ളുന്ന സാ‍ധാരണക്കാരെയാണ് അന്ന് കാണാൻ കഴിഞ്ഞത്.

    ReplyDelete
  6. കാശ്മീരിലും പാക്കിസ്ഥാനിലും അഫ്ഘനിസ്ഥാനിലും സിറിയയിലും ഇറാഖിലും ഗാസയിലും ഇരയും വേട്ടക്കാരനും പലതരത്തിൽ അവതരിപ്പിക്കപ്പെടുന്നു....അതുതന്നെയാണ് വലിയകുഴപ്പം....പലയിടത്തും മത രാഷ്ട്രീയ സമവാക്യങ്ങൾ വച്ച് വേട്ടക്കാർ വിശുദ്ദ വല്ക്കരിക്കപ്പെടുന്നു...എല്ലായിപ്പോഴും ഇരയോടൊപ്പം നില്ക്കുക എന്നത്, മതത്തിനും രാഷ്ട്രത്തിനും അപ്പുറം മനസ്സിൽ ആര്ദ്രതയുള്ളവർക്ക് മാത്രം പറഞ്ഞതാണ്....അപ്പോൾ തലമുറകൾ പേറി നടന്ന പലതിനെയും തള്ളിപ്പറയേണ്ടി വരും; അല്ലെ ?..എന്ത് എഴുതണം എന്നത് താങ്കളുടെ ഇഷ്ടം, എങ്കിലും കുറഞ്ഞത് ഇറാഖ് എങ്കിലും ഇതിൽ ഒരു വരിയായി കടന്നു വന്നിരുന്നെങ്കിൽ എന്ന് ആഗ്രഹിച്ചു പോകുന്നു....

    ReplyDelete
    Replies
    1. ഇറാഖു എങ്ങിനെ കടന്നു വരും ... ഇറാക്കിൽ ഉള്ളത് എല്ലാം പോരാളികൾ അലെങ്ങിൽ സഹോദരന്മാര് അല്ലെ !!!... ഇവന്മാരുടെ ഓക്കേ കിതാബ് പടിപികുനത് മനുഷ്യനെ സ്നേഹിക്കാൻ അല്ല കിതബിനെയും മതത്തയൂം സ്നേഹിക്കാൻ ആന്നു ... അങ്ങ് സ്വർഗത്തിലേക് ഉള്ള വാതിൽ തുര്കണം എങ്കിൽ നിരപരാധികളെ (kafirukale) കൊന്നു തള്ളണം എന്ന് അല്ലേ പഠിപിക്കുനത് !!! samadanathinte matham anu polum .....

      Delete
    2. mone anony ivide vishayam enthaanennu aadyame basheer chettan paranju. pinne iraaqinte mele enthina kuthira kerunne...athu bere bishayam

      Delete
    3. ഫലസ്തീനിന്റെ കാര്യം പറയുമ്പോള്‍ എന്ത് കൊണ്ട് ഇറാഖ് പറയുന്നില്ല എന്ന ചോദ്യം ബാലിശമാണ്. ആറര പതിറ്റാണ്ടിലധികമായി തുടരുന്ന അധിനിവേശത്തിനെതിരെ സ്വാഭാവിക ചെറുത്തുനില്പും പ്രതിഷേധവുമാണ് ഫലസ്തീന്‍ ജനത നടത്തുന്നത്. അതിനെ ബോംബറുകളും രാസായുധങ്ങളും ഉപയോഗിച്ച് എതിരിടുന്നത് കാടത്തമാണ്. നീതി നിഷേധിക്കപ്പെടുന്ന ജനതകളുടെ പ്രതിഷേധങ്ങളെ മാനുഷികതയുടെ കണ്ണിലൂടെ കാണാന്‍ സാമ്രാജ്യത്വ സൈനിക ശക്തികള്‍ പഠിക്കേണ്ടതുണ്ട്. സാമ്രാജ്യത്വ ശക്തികളുടെ നയനിലപാടുകളിലെ വൈരുദ്ധ്യങ്ങളും മാധ്യമങ്ങളുടെ അജണ്ടകളും ചൂണ്ടിക്കാട്ടിയുള്ള ഒരമേരിക്കന്‍ മാധ്യമ പ്രവര്‍ത്തകയുടെ തത്സമയ പ്രതികരണമാണ് ഈ പോസ്റ്റിലെ വിഷയം. ഇറാഖ് മറ്റൊരു വിഷയമാണ്. അവിടെയും മറ്റു മുസ്ലിം രാജ്യങ്ങളിലും ചിലര്‍ നടത്തുന്ന ഭീകര പ്രവര്‍ത്തനങ്ങളെക്കുറിച്ച് കഴിഞ്ഞ പോസ്റ്റില്‍ എഴുതിയിട്ടുണ്ട്. സമയം കിട്ടിയാല്‍ എല്ലാ അനോണികളും അതൊന്ന് വായിക്കണം. 'അല്‍ കഴുതകള്‍' അഥവാ ഇസ്ലാമിന്റെ നവസംരക്ഷകര്‍

      Delete
    4. അനോണിയായി എഴുതിയത് ഓഫീസ് പിസിയിൽ ആയതിനാലാണ്....കാര്യം പറയാൻ അനോണി ആവണം എന്നൊന്നും ഇല്ല...ഞാൻ അത്യാവശ്യം കമന്റ് എഴുതാറുള്ള ആളാണ്‌...പേര് അനീഷ്‌ ചെറുതാഴം....സിറിയയിലും ബഹറിനിലും ഇറാഖിലും അറബ് രാഷ്ട്രങ്ങൾ പോലും നാണം കെട്ട ഇരട്ടത്താപ്പാണ് സ്വീകരിക്കുന്നത് എന്നതിൽ എന്താ സംശയം ? ഒരിടത്തെ ഇര വേറൊരിടത്ത് വിശുദ്ദവൽക്കരിക്കപ്പെട്ട പോരാളിയാകുന്നു...അവര്ക്ക് പോരടിക്കാൻ സഹായം നല്കുന്നു, മറുവശത്ത് വീണുകിടക്കുന്നവനെ നോക്കി കരയുന്നു...എന്തിന്റെ പേരിലായാലും വേട്ടയാടപ്പെടുന്നവന് ഒരു മുഖമേ ഉള്ളൂ...അതിലും വേർതിരിവ് കാണിച്ചാൽ പിന്നെ സഹതപിക്കുന്നതിൽ എന്താണ് അർഥം...? മറ്റു ലേഖനങ്ങളും വായിക്കാറുണ്ട്...എല്ലാത്തിലും കമന്റ് ഇടാറില്ല എന്നെ ഉള്ളൂ....

      Delete
    5. >> അനോണിയായി എഴുതിയത് ഓഫീസ് പിസിയില്‍ ആയതിനാലാണ്....കാര്യം പറയാന്‍ അനോണി ആവണം എന്നൊന്നും ഇല്ല...ഞാന്‍ അത്യാവശ്യം കമന്റ് എഴുതാറുള്ള ആളാണ്‌...പേര് അനീഷ്‌ ചെറുതാഴം. << That is ok അനീഷ്‌. അനോണി കമന്റുകളെ അവഗണിക്കുന്ന സ്വഭാവം എനിക്കില്ല. പല കാരണങ്ങളാല്‍ സ്വന്തം ഐഡി ഉപയോഗിച്ച് കമന്റ് ചെയ്യാന്‍ പറ്റാത്ത സാഹചര്യങ്ങള്‍ ഉണ്ടാവും. അവര്ക്ക് വേണ്ടി കൂടിയാണ് ആ ഓപ്ഷന്‍ വെച്ചിട്ടുള്ളത്‌. താങ്കളുടെ കമന്റുകള്‍ ശ്രദ്ധിക്കാറുണ്ട്.

      Delete
    6. അനോണികളെ അവഗണിക്കാത്തത്തിലും എന്റെ കമന്റുകൾ ശ്രദ്ദിക്കുന്നതിലും നന്ദി ബഷീർക്ക.... :)

      Delete
    7. തൊട്ടു മുന്‍പെ ഇറാഖ് വിഷയം ഇല്ലായിരുന്നെങ്കില്‍ പാലസ്തീന്‍ പതിവു പോലെ പൂര്‍വ്വാധികം ശക്തിയായി കത്തിയേനെ... മാധ്യമങ്ങളും നേതാക്കളും ആവശ്യം പോലെ കണ്ണീരൊഴുക്കിയേനെ..അതു നമ്മള്‍ കണ്ടിട്ടുള്ളതുമാണ്... പക്ഷെ ഇപ്പോള്‍ ഈ സമയത്ത് പൊതുവിലുള്ള പ്രതികരണങ്ങള്‍ ഇങ്ങനൊക്കെയായതില്‍ സ്വയം വിമര്‍ശനാത്മകമായി എന്തെങ്കിലും ഉണ്ടൊയെന്ന് ഈ പാലസ്തീന്‍ മാത്ര പ്രതികരണത്തൊഴിലാളികളും പോരാളികളും ചിന്തിക്കേണ്ടിയിരിക്കുന്നു... തീര്‍ച്ചയായും ഗാസയിലേത് മനുഷ്യമനസ്സാക്ഷിക്ക് നിരക്കാത്ത ക്രൂരത തന്നെ അതു ചെയ്യുന്നവരും അതിനു കാരണക്കാരും ഒരു പോലെ ഉത്തരവാദികള്‍... ഇറാഖില്‍ നടന്ന നരനായാട്ട് സമാനതകളില്ലാത്ത (ഹിറ്റ്‍ലറുടേത് ഒഴിച്ച്) ക്രൂരതയാണ്. അവിടെ ഈ വിലാപങ്ങള്‍ ഒന്നും ഉണ്ടായിക്കണ്ടില്ല എന്നതില്‍ നിന്ന് ഇതില്‍ മതപരമായ മനുഷ്യത്വം മാത്രമേ ചിലര്‍ കാണിക്കുന്നുള്ളൂ എന്നേ വ്യക്തമാകുന്നുള്ളൂ.. ഇന്ത്യാ ചരിത്രത്തിലെ ഏറ്റവും വലിയ അധിനിവേശം കാശ്മിീരിലും ബംഗ്ലാദേശിലും കണ്ടു.. അവിടെ മരിച്ചു വീണത് വെറും മതങ്ങളല്ല.. മനുഷ്യരായിരുന്നു... ഇപ്പോഴും....അവിടെയും ഈ സ്പെഷ്യലൈസ്ഡ് മനുഷ്യസ്നേഹികളെ കണ്ടില്ല.. കണ്ണടച്ചിരുട്ടാക്കിയിട്ട് ഞാന്‍ ഒന്നും കാണുന്നില്ല എന്ന് പറയരുത്.. വീണ്ടും ഓര്‍മ്മിപ്പിക്കുന്നു പൊതു സമൂഹത്തിന്റ പ്രതികരണത്തില്‍ എന്തെങ്കിലും വ്യത്യാസം വന്നിട്ടുണ്ടെങ്കില്‍ അതിന് കാരണവുമുണ്ട്.. സ്വയം പരിശോധിക്കുക. അനോണിയായ് എഴുതുന്നത് നോക്കിലും വാക്കിലും ചിന്തയിലും മനുഷ്യരല്ലാത്ത വെറും പ്രാകൃരാമായ മതജീവികളുടെ വിഷദംശനത്തെ ഒഴിവാക്കാന്‍ തന്നെയാണ്

      Delete
    8. ഇറാഖിലേത് രാഷ്ടീയമാണ് അത് കൊണ്ടാണ് അതിനെ അപലപിക്കാത്തത് എന്ന് ഒരു പൊതു വീഷണം കണ്ടു... അപ്പോള്‍ കുഞ്ഞുങ്ങള്‍ മരിക്കുന്നതും മനുഷ്യശരീരം പൊട്ടിച്ചിതറുന്നതും രാഷ്ടീയം നോക്കി വേണം അല്ലേ... ഇസ്രയേല്‍ പാലസ്തീനിനെ രാഷ്ടീയമായി നേരിടുകയാണ് എന്നങ്ങ് ന്യായീകരിച്ചാലോ... ഇവിടെ കാതങ്ങള്‍ക്കപ്പുറത്ത് കീബോര്‍ഡില്‍ മനുഷ്യസ്നേഹം വിളമ്പുന്ന വെറും പ്രതികരണസൂക്കേടുകാര്‍ മാത്രമാണ് നമ്മളൊക്കെ..അതൊക്കെ രാഷ്ടീയം മതപരം മനുഷ്യത്വഹീനം എന്നൊക്കെ നോക്കി വേര്‍തിരിച്ചേ പ്രതികരിക്കാറുള്ളൂ എന്നൊക്കെ പറയുന്നത്.... അരിയാഹാരം കഴിക്കുന്നവര്‍ക്ക് മനസ്സിലാകൂല്ല... നമ്മളങ്ങനല്ലല്ലോ... 9 പേര്‍ മരിച്ച മാറാട് കലാപം വെറും വര്‍ഗ്ഗീയകൊല മാത്രം ... ഒരാള്‍(ചന്ദ്രശേഖരന്‍) മരിച്ച കൊലപാതകം ഇനി എത്ര കാലം വേണമെങ്കിലും ചര്‍ച്ച ചെയ്യാവുന്ന രാഷ്ട്ീയകൊല ...കവിത..അപലപനം...കണ്ണീര്‍... എന്താണിവിടെ ... ഇതൊക്കെ കണ്ടു മനസ്സിലാക്കുന്ന മഹാഭൂരിപക്ഷം "അനോണി"കള്‍ ഇവിടെ ഉണ്ടെന്ന് ആരും മറക്കരുത്..

      Delete
  7. ഇതാണെടാ ജേർണലിസ്റ്റ്.. ഇങ്ങനെയാവണമെടാ ജേർണലിസ്റ്റ്. താന്കള്‍ കാര്യങ്ങള്‍ വളരെ വ്യക്തമായിത്തന്നെ പറഞ്ഞു .

    ReplyDelete
  8. ........ മെഡിറ്ററേനിയൻ തീരത്തെ ഈ കൊച്ചു തുരുത്തിൽ ജീവിക്കുന്നത് പതിനെട്ട് ലക്ഷത്തോളം മനുഷ്യരാണ്. ഒരു കൊച്ചു ബോംബ്‌ എവിടെ വീണാൽ പോലും നിരവധി പേർ മരണമടയും വിധം ശ്വാസം മുട്ടി ജീവിക്കുന്ന ജനസാന്ദ്രത. അവിടെയാണ് അബ്ബി മാർട്ടിൻ പറയുന്ന പോലെ വൈറ്റ് ഫോസ്ഫറസ് ബോംബുകൾ പോലും ഇസ്രാഈൽ പ്രയോഗിക്കുന്നത് .... // എന്നിട്ട് ? ... പതിനെട്ടു ലക്ഷം എന്തായി, പന്ത്രണ്ടു ലക്ഷമായോ ? ... വൈറ്റ് ഫോസ്ഫോരൌസ് ബോംബിനു കുഞ്ഞു കുട്ടികളെ മാത്രം തിരഞ്ഞു പിടിച്ചു അപായപ്പെടുതാനുള്ള കഴിവ് വല്ലതുമുണ്ടോ? അവിടെ നിന്ന് വരുന്ന ഒട്ടു മുക്കാലും ഫോട്ടോകളിലും കൊച്ചു കുഞ്ഞുങ്ങളെ മാത്രമേ മരണപ്പെട്ടതായി കാനുന്നുള്ളല്ലോ ? ... ഇതിപ്പോ അവതാരകയും ടീമും കൂടി ചാനലിന്റെയും ഷോയുടെയും രെറ്റിങ്ങ് നന്നായി ഉയര്ത്തിയ ലക്ഷണം കാണുന്നുണ്ടല്ലോ ....

    ReplyDelete
  9. Hamas's manifesto is to destroy Israel from the face of the earth and they are the ones first attacked Israel. I don't condone the actions of Israel but with an agenda like destroying Israel they are asking for it. saw a video of Hamas killing a wedding guests in Gaza,
    because they were playing music. So they can kill their own people,kidnap and kill Jewish boys and fire rockets towards Israel,but if get attacked back,its human rights violation?

    ReplyDelete
  10. വാർത്താ വായനക്കിടയിൽ ഓടി എത്തിയ മകൾ. പതറാതെ അമ്മ. എന്ന പോസ്റ്റിനു ശേഷം മറ്റൊരു കിടിലൻ പോസ്റ്റ്‌.

    ReplyDelete
    Replies
    1. akbare vere postukal onnum vayichile ..... baki koode vayikoooo ethilum kidilan postukal undu .... ethu verum average .....

      Delete
  11. ഹാമാസ് സൈന്യത്തിന്‌ പരിപൂർണ്ണ സഹായവും പ്രാർത്ഥനയുമായി മുസ്ലിം ഉമ്മത്തുണ്ട്. പാലസ്തീനികൾക്കും സ്വന്തം രാജ്യത്തിനും രാജ്യക്കാർക്കും വേണ്ടി ഹാമാസ് സൈന്യം പോരാടുന്നത് തീവ്രവാദം ആണെങ്കിൽ ആ തീവ്രവാദം ഹാമാസിനും ലോക മുസ്ലിങ്ങൾക്കും അമൃതാണ്‌.

    ഇസ് റ യേലും അ മേരി ക്കയും യു എൻ ഉം ചേർന്ന് പാലസ്തീൻ പിഞ്ച് മക്കളെയും ഉമ്മമാരെയും കൊന്ന് കൊലവിളികൾ നടത്തുമ്പോൾ അവരുടെ വഹാബി സലഫിസ്റ്റ് ഗ്രൂപ്പായ ISIS ഉം FSA യും ജൂത-നസാറാക്കൾ സമ്മാനിച്ച അഭിസാരികകളുമായി രസിക്കുന്നു.

    ReplyDelete
    Replies
    1. വിഡ്ഢിത്തം പറയുന്നത് ഒരു യോഗ്യതയായി കാണരുത്

      Delete
    2. hm..we can see the same respones if the proposed (terrorist)attack happen to India...on that timethey will say the same...

      Delete
  12. Well said basheer...m

    ReplyDelete
  13. ഫലസ്തീന്‍ വിഷയവും ഇറാക്ക് വിഷയവും രണ്ടും രണ്ടാണ്.
    ഫലസ്തീന്‍ മക്കള്‍ നടത്തുന്ന ചെറുത്ത് നില്പ്, പ്രതിഷേധം അത് ഭീകരവാദമാണോ? തീവ്രവാദമാണോ? അതോ ജീവിക്കാന്‍ വേണ്ടിയുള്ള അവകാശത്തിന് വേണ്ടിയുള്ള സമരമാണോ?

    >ഇറാഖിലെയും സിറിയയിലെയും ഭരണകൂടത്തിന് എതിരെ നടക്കുന്ന, ഏകാധിപത്യത്തിന് എതിരെ നടക്കുന്ന പ്രക്ഷോപങ്ങള്‍ ആണ്. തീവ്രവാദ സംഘടനകളും അതില്‍ പങ്കെടുക്കുന്നുണ്ടാകാം. എന്നാല്‍ പലസ്തീന്‍ വിഷയം അങ്ങനെ അല്ലല്ലോ. ഒരു ജനതയുടെ മൊത്തം ഭൂമിയും കവർന്നെടുത്ത് അവരുടെ ഭക്ഷണത്തിൽ പോലും നിയന്ത്രണം ഏർപ്പെടുത്തി, മതിലുകളും കോട്ടകളും കെട്ടി രാവും പകലും മിസൈലുകളും, വിമാനവും അയച്ച് നിരായുധരായ കുട്ടികളെയും സ്ത്രീകളേയും കൂട്ടക്കൊല ചെയ്യുന്നതും ഒരുപോലെ കാണാന്‍ നികൃഷ്ട ജീവികള്‍ക്കെ കഴിയു.പിറന്ന മണ്ണില്‍ ജീവിക്കാന്‍ വേണ്ടിയാണ് അവര്‍ പൊരുതുന്നത്

    ReplyDelete
    Replies
    1. വിഡ്ഢിത്തം പറയുന്നത് ഒരു യോഗ്യതയായി കാണരുത്

      Delete
    2. വിഡ്ഢിത്തം പറയുന്നത് ഒരു യോഗ്യതയാ

      Delete
  14. Abby Martin പറയുന്ന ഈ വാക്കുകൾ ശ്രദ്ധിക്കുക.. (video 2.31 to 2.43) I strongly denounce deadly force on both sides, but it’s important to not frame this as a cycle of violence that is equal. One is the colonizer oppressor, the other the colonized oppressed..

    ReplyDelete
  15. 10 000 ത്തോളം നിരപരാതികളെ കൊന്ന ഒരു കൊലയാളി എന്ത് കൊണ്ട് അങ്ങിനെയായി ... ആ കൊലയാളിയെ തെറി വിളിക്കുന്നതിനു മുമ്പ് ഇതൊന്നു വായിക്കൂ .

    താൻ കയ്യേറിയ ഭൂമിയിൽ യഥാർത്ഥ അവകാശികൾ വന്നു അവകാശ വാദം ഉന്നയിച്ചു അത് കൊലയാളിക്ക് സഹിക്കാൻ പറ്റുന്നതിലും അപ്പുറം ആണ് ... തന്റെ എല്ലാവിധ ആയുധ ങ്ങളും ഉപയോഗിച്ച് അവരെ തുരത്താൻ തുടങ്ങി അതിനിടയിൽ അഞ്ചു ഓ പത്തോ ആയിരങ്ങൾ മരിച്ചു പോയി അത് ഇത്ര കാര്യമാകേണ്ടത് ഉണ്ടോ .. മാത്രവുമല്ല അവർ കൊന്നൊടുക്കുന്നത് മുസ്ലിങ്ങലെയാണ് അവരിൽ കുഞ്ഞുങ്ങളും സ്ത്രീകളും ഉണ്ടാകുന്നത് സ്വാഭാവികം ഇതാണ് ഇസ്രേൽ ചെയ്യുന്നത് .

    അത് കൊണ്ട് നിങ്ങൾ ഇസ്രേൽ നെ പിന്തുണക്കുക

    ReplyDelete
  16. For all those who think Israel is "Defending" their people, watch this and shut your bloody mediocre ideologies towards these Israeli *****

    Enough is enough its time people differentiate between the right and the wrong.

    AND THEN U CALL MUSLIMS TERRORISTS??!!! Why are they not showing this on tv???

    https://www.facebook.com/photo.php?v=675425832542383

    ReplyDelete
  17. "കാശ്മീർ ഞങ്ങൾക്കുള്ളതാണ്‌ , അതുകൊണ്ട് ഞങ്ങളെ പിന്തുണയ്ക്കണം“ എന്നവകാശപ്പെട്ട് കൊണ്ട് പാക്കി തീവ്രവാദികൾ വന്ന് കാശ്മീരിലെ അമ്മമാരെയും കുഞ്ഞുങ്ങളെയും കൊല്ലാൻ തുടങ്ങിയാൽ ഇസ് റയേലിനെ പിന്തുണക്കുന്ന ഈ മാന്യന്മാർ അങ്ങ് വക വെച്ചു കൊടുക്കുമോ? അതു പോലെ തന്നെയാണ്‌ പാലസ്തീൻ വിഷയവും.

    തീവ്രവാദികളോടുള്ള വെറുപ്പും വിദ്വേഷവും അനിവാര്യം തന്നെയാണ്‌. പക്ഷേ ആ വിരോധവും വിദ്വേഷവും പാലസ്തീനിൽ മരിച്ചു വീഴുന്ന നിരപരാധികളോട് എന്തിനു കാട്ടണം കാട്ടാളന്മാരേ!

    മുസ്ലിമുമായി ബന്ധപ്പെട്ട് എന്തു ഗുണവും ദോഷവും ഈ ഭൂമുഖത്ത് നടന്നാലും ഉടനെ മുസ്ലിമിനെ ആയിരിക്കണം കുറ്റപ്പെടുത്തേണ്ടത് എന്ന ഒരുതരം വൃത്തികെട്ട ദുഷിച്ച ചിന്താഗതി ഇനിയെങ്കിലും മാറ്റിക്കൂടേ പിശാചുക്കളേ!

    പാലസ്തീനികൾ പാലസ്തീനിൽ ജനിച്ചവരാണ്‌. അവർ പോരാടുന്നത് പിറന്ന നാട്ടിൽ ജീവിക്കാനുള്ള അവകാശത്തിനു വേണ്ടിയാണ്‌.
    എന്നാൽ അങ്ങ് ജർമ്മനിയിലും യൂറോപ്പിൽ നിന്നും വലിഞ്ഞ് കേറി വന്ന് അന്യായത്തിലൂടെയും കൂട്ട്ക്കൊലകളിലൂടെയും പാലസ്തീൻ പ്രദേശങ്ങൾ കൈയ്യേറി ജൂത തെമ്മാടിത്ത രാഷ്ട്രം കെട്ടിപ്പടുക്കുന്ന ഇസ് റ യേൽ തെമ്മാടിപ്പിശാചുക്കളെ അംഗീകരിക്കാൻ ധാർമ്മികബോധം അല്പമെങ്കിലും അവശേഷിക്കുന്ന ഒരാൾക്കും കഴിയില്ല. അന്ധമായ മുസ്ലിം വിരോധം പിടിച്ച കുറേ കാവി-അച്ഛായ തീവ്രവാദികൾ മാത്രമേ ഇസ് റ യേലിനെ അംഗീകരിക്കൂ. അന്തസ്സും അഭിമാനവുമുള്ള ഭൂരിപക്ഷം ഹിന്ദു-ക്രൈസ്തവ സഹോദരങ്ങളും ഇസ് റയേലിനെ വെറുക്കുകയും എതിർക്കുകയും ചെയ്യുന്നവരാണ്‌

    ReplyDelete
    Replies
    1. manushyane mnushyanayi kanan padikooo ..... allahu ...muslim marichu muslim marichu .... eenu arathu alakathe manushyar marikunnu ennu paranchu padikooo .. manushyarku samdanam nalkoo . ennu prarthiku .... alathe 5 nerem niskarichathu kondo ... pattini kidanu noympu eduthothu kondo swnatham samduayathinu matram sakathu koduthathu kondo swargamthinte vathilukal .thurakapdukayilla ... manushyane snehikan padikoo ... indiayil oru noorayiram prasnagal undu apo etho rajyathu nadkuna karyngalku evide kidannu mathavikaram potikathe swantham rajyathe karyangalil idapedooo

      Delete
  18. Third Eye Reportes: ഇറാഖിലെയും സിറിയയിലെയും ഭരണകൂടത്തിന് എതിരെ നടക്കുന്ന, ഏകാധിപത്യത്തിന് എതിരെ നടക്കുന്ന പ്രക്ഷോപങ്ങള്‍ ആണ് തീവ്രവാദ സംഘടനകളും അതില്‍ പങ്കെടുക്കുന്നുണ്ടാകാം

    ഉവ്വേ ഉവ്വേ. ഏകാധിപത്യത്തിനെതിരെ എന്ന പേരും പറഞ്ഞ് ഇറാഖിലും സിറിയയിലും അമേരിക്കയുടെ മുസ്ലിം കൂട്ടക്കൊല ക്വട്ടേഷൻ ടീമായ ISIS - FSA വഹാബി ഭീകരന്മാർ ചെയ്തുകൂട്ടുന്ന മനുഷ്യക്കുരുതികളെ സപ്പോർട്ട് ചെയ്യാൻ കുറേ സംഘി-അച്ചായന്മാരും സൗദി-സലഫികളും ഇവിടുത്തെ കുറേ സുഡാപ്പികളും മാത്രമേ കാണൂ. അല്ലാതെ സിറിയക്കാരും ഇറാഖികളും ഈ ISIS-FSA പന്നന്മാരെ വെറുക്കുകയാണ്‌ ചെയ്യുന്നതെന്ന് താങ്കൾ അറിയാത്തതല്ലെന്ന് അറിയാം.

    എന്തുകൊണ്ട് ഇസ്രയേലിനും അമേരിക്കയ്ക്കും എതിരെ ISIS-FSA തീവ്രവാദികൾ “കാ” മാ“ മിണ്ടുന്നില്ലെന്ന് അരിയാഹാരം കഴിക്കുന്നവർക്ക് മനസ്സിലാകുന്നുണ്ട്.

    ReplyDelete
  19. എഫ് ബി പേജില്‍ ഇന്ന് ഞാനിട്ട ഒരു കുറിപ്പ് ഇവിടെ ഷെയര്‍ ചെയ്യട്ടെ.

    പ്രിയ എഫ് ബി സുഹൃത്തുക്കളോട്..

    ഫലസ്തീന്‍ - ഇസ്രാഈല്‍ പ്രശ്നം ഫേസ്ബുക്കില്‍ ഒരു സാമുദായിക ധ്രുവീകരണ സംവാദ തലത്തിലേക്ക് പോകുന്നതായി ശ്രദ്ധയില്‍ പെടുന്നു. സത്യത്തില്‍ ഫലസ്തീന്‍ ഒരു മത പ്രശ്നമല്ല. അതൊരു അധിനിവേശ പ്രശ്നമാണ്. ആ ഒരു തലത്തില്‍ അതിനെ കാണുകയും പ്രതികരിക്കുകയും ചെയ്യുന്നതാണ് അഭികാമ്യം. ഇറാഖിലും സിറിയയിലും തീവ്രവാദികള്‍ നടത്തുന്ന നരവേട്ടയെ കണ്ടില്ലെന്ന് നടിക്കുന്നവര്‍ ഗസ്സക്ക് വേണ്ടി കണ്ണീരൊഴുക്കുന്നത് എന്തിനെന്ന ചോദ്യം പ്രസക്തമാണ്. മാനുഷികതയോടുള്ള അക്രമങ്ങള്‍ ഏത് ഭൂമിയില്‍ ആര് നടത്തിയാലും അത് അപലപിക്കപ്പെടേണ്ടത് തന്നെയാണ്. ഇറാഖില്‍ ഐസിസ് തീവ്രവാദികള്‍ നടത്തുന്ന കൂട്ടക്കൊല പരക്കെ അപലപിക്കപ്പെട്ടതാണ്. ഇത്തരം തീവ്രവാദ പ്രവര്‍ത്തനങ്ങള്‍ക്കെതിരെ സോഷ്യല്‍ മീഡിയയില്‍ തന്നെ ശക്തമായ പ്രതികരണങ്ങള്‍ വന്നിട്ടുണ്ട്. വിരലില്‍ എണ്ണാവുന്ന 'അല്‍ കഴുതകള്‍' മാത്രമേ അതിനെ ന്യായീകരിച്ചിട്ടുള്ളൂ. ആ കഴുതകളെ നാം അവഗണിച്ചേക്കുക..

    ഗസ്സയിലെ പ്രശ്നം ആറര പതിറ്റാണ്ടിലധികമായി തുടരുന്ന അധിനിവേശത്തിന്റെതാണ്. മണ്ണും മാനവും നഷ്ടപ്പെട്ട ഒരു ജനതയുടെ നിലവിളികളാണ് അവിടെ നിന്ന് ഉയരുന്നത്. ഇസ്രാഈലിനു നേരെ അവര്‍ തൊടുത്തു വിടുന്ന മിസൈലുകളും കരിങ്കല്‍ ചീളുകളും തങ്ങളുടെ ഭൂമി കയ്യേറിയവരോടുള്ള സ്വാഭാവിക പ്രതിഷേധത്തിന്റെ ഭാഗമാണ്. ഒരു ന്യൂക്ളിയര്‍ ശക്തിയോട് നടത്തുന്ന യുദ്ധമല്ല അത്. മുതിര്‍ന്ന ഒരാളുടെ അക്രമത്തിനെതിരെ ഒരു കൊച്ചു കുഞ്ഞ് കല്ലെറിഞ്ഞ് പ്രതികരിക്കുന്ന പോലെ. അത്തരമൊരു കല്ലെറിയല്‍ ആ കുഞ്ഞിനെ വെടിവെച്ച് കൊല്ലാനുള്ള ന്യായീകരണമല്ല. ഫലസ്തീനികളുടെ മിസൈലുകള്‍ വീണ് ഒരാള്‍ പോലും മരിച്ചതായി ഇസ്രാഈല്‍ പോലും അവകാശപ്പെടുന്നില്ല. എല്ലാ മിസൈലുകളും പൂ പോലെ തകര്‍ത്തിടാനുള്ള സാങ്കേതിക വിദ്യ അവരുടെ പക്കലുണ്ട്. ആ വിദ്യ അവര്‍ ഫലപ്രദമായി പ്രയോഗിക്കട്ടെ. തങ്ങള്‍ ഭൂമി കയ്യേറിയ ഒരു ജനതയുടെ സ്വാഭാവിക പ്രതിഷേധമായി അതിനെ കണ്ടുകൊണ്ടു രമ്യമായ ചില പരിഹാര മാര്‍ഗങ്ങളെക്കുറിച്ച് അന്വേഷിക്കുന്നതിനു പകരം രാസായുധങ്ങളും ബോംബറുകളും നിരാലംബരായ ഒരു ജനതയുടെ മേല്‍ പ്രയോഗിക്കുന്നത് എത്ര മാത്രം മനുഷ്യ വിരുദ്ധമാണ്. ഗസ്സയിലെ അതിക്രമങ്ങള്‍ക്കെതിരെ തത്സമയം പ്രതികരിച്ച ഒരു അമേരിക്കന്‍ മാധ്യമ പ്രവര്‍ത്തയെക്കുറിച്ച് ഞാനിന്നലെ ബ്ലോഗില്‍ ഒരു പോസ്റ്റ്‌ ഇട്ടിരുന്നു (ഇതാണെടാ അവതാരക.. ഇവളാണെടാ പുലി! എന്ന ടൈറ്റിലില്‍). ആ മാധ്യമ പ്രവര്‍ത്തക (Abby Martin) വളരെ വികാരപൂര്‍വം പറഞ്ഞ ഒരു വാചകം ഇവിടെ എടുത്തെഴുതട്ടെ. I strongly denounce deadly force on both sides, but it’s important not to frame this as a cycle of violence that is equal. One is the colonizer oppressor, the other the colonized oppressed..

    ഒരിക്കല്‍ കൂടി പറയട്ടെ. സുഹൃത്തുക്കളെ, ഇതൊരു മത പ്രശ്നമല്ല.. അതിന്റെ പേരില്‍ നമ്മള്‍ പരസ്പരം തര്‍ക്കിക്കുന്നത്‌ നിലവിലുള്ള സൗഹാര്‍ദ അന്തരീക്ഷം വരെ ഇല്ലാതാക്കാനേ ഉപകരിക്കൂ.. ജിഹാദ് വിളിച്ച് ഗസ്സക്ക് വേണ്ടി കണ്ണീര്‍ ഒഴിക്കാതിരിക്കുക. അതൊരു രാഷ്ട്രീയ അധിനിവേശ പ്രശ്നമായി കാണുക. അതുപോലെ തന്നെ മുസ്ലിം തീവ്രവാദികളോടുള്ള എതിര്‍പ്പ് ഗസ്സയിലെ പാവം ജനതയോട് കാണിക്കാതിരിക്കുക. പതിനെട്ടു ലക്ഷത്തോളം മനുഷ്യ ജീവനുകളാണ് ലോക ഭൂപടത്തില്‍ ഒരു പൊട്ടു പോലെ കാണുന്ന ആ കൊച്ചു തുരുത്തില്‍ ശ്വാസം മുട്ടി ജീവിക്കുന്നത്. ഭൂമുഖത്തെ ഏറ്റവും ജനസാന്ദ്രതയുള്ള പ്രദേശം. അടിസ്ഥാന ജീവിത സൗകര്യങ്ങളും വിദ്യാഭ്യാസവും ചികിത്സയും യാത്രാ സൗകര്യങ്ങളും നിഷേധിക്കപ്പെട്ട് കഴിയുന്ന ഒരു പാവം ജനത.. നാം ജീവിക്കുന്ന ഭാരതത്തിന്റെ മണ്ണിനെ ഏതെങ്കിലുമൊരു വിദേശ ശക്തി ആക്രമിച്ച് കീഴടിക്കിയാല്‍ നാം വെറുതെയിരിക്കുമോ?. ജീവന്‍ നല്കിയും പിറന്നു വീണ മണ്ണിനെ സംരക്ഷിക്കാന്‍ നാം ശ്രമിക്കില്ലെ. ആറര പതിറ്റാണ്ട് കാലമായി അവര്‍ നടത്തുന്നതും അതാണ്‌ എന്ന് തിരിച്ചറിയുക. അവരോടു ഐക്യപ്പെടുക. ഇസ്രാഈലി പൗരന്മാര്‍ക്കും ഫലസ്തീനികള്‍ക്കും സമാധാനത്തോടെ ജീവിക്കാന്‍ കഴിയുന്ന ഒരു പരിഹാര മാര്‍ഗത്തിനായി ആര് ശ്രമിക്കുന്നുവോ അവരോട് ഐക്യദാര്‍ഢ്യം പ്രകടിപ്പിക്കാം. മതത്തിന്റെ പേരിലല്ല. വിശ്വാസത്തിന്റെ പേരിലുമല്ല. മാനുഷികതയുടെ പേരില്‍.

    ReplyDelete
    Replies
    1. http://www.liveleak.com/view?i=2c9_1405430923
      Please watch the real story of hamas by their neighbors

      Delete
    2. >>>>സത്യത്തില്‍ ഫലസ്തീന്‍ ഒരു മത പ്രശ്നമല്ല. അതൊരു അധിനിവേശ പ്രശ്നമാണ്. ആ ഒരു തലത്തില്‍ അതിനെ കാണുകയും പ്രതികരിക്കുകയും ചെയ്യുന്നതാണ് അഭികാമ്യം.<<<

      പാലസ്തീന്‍  ഒരു അധിനിവേശ പ്രശ്നമായിരുന്നു. അതൊക്കെ പണ്ട്. ഇപ്പോള്‍ അതൊരു മതപ്രശ്നമായി മാറി. ഒസാമ ബിന്‍ ലാദനേപ്പോലുള്ള മുസ്ലിങ്ങള്‍ അതൊരു മത പ്രശ്നമാക്കി മാറ്റി. ലോകം മുഴുവനുമുള്ള മുസ്ലിങ്ങള്‍ അത് മത പ്രശ്നമായി തന്നെ കാണുന്നു. ഉറച്ച് വിശ്വാസമുള്ള മുസ്ലിങ്ങള്‍ക്ക് മതവും രാഷ്ട്രീയവും വേര്‍തിരിച്ച് കാണാന്‍ സാധിക്കില്ല. മതേതര കേരളത്തിലെ മുസ്ലിം ലീഗ് മന്ത്രിമാര്‍ പലരും പിന്‍വാതിലിലൂടെ ഇസ്ലാമിക കാര്യങ്ങള്‍ ഒളിച്ചു കടത്താന്‍ വരെ ശ്രമിക്കുന്നു.

      പാലസ്തീനില്‍ കൊല്ലപ്പെടുന്നവര്‍ക്ക് വേണ്ടി കണ്ണീരൊഴുക്കുന്ന ഒരു മുസ്ലിമും ശ്രീലങ്കയില്‍ കൊല്ലപ്പെട്ട തമിഴര്‍ക്ക് വേണ്ടി കണ്ണീരൊഴുക്കി കണ്ടിട്ടില്ല. സമാനമായ സംഘര്‍ഷങ്ങളില്‍ ലോകം മുഴുവ്ന കൊല്ലപ്പെടുന്ന മറ്റ് മത വിശ്വാസികള്‍ക്കു വേണ്ടിയും കണ്ണീരൊഴുക്കാറില്ല. മുസ്ലിങ്ങളലാത്ത ആരും പാലസ്തീലേക്ക് പോയി യുദ്ധം ചെയ്യുന്നുമില്ല. അതൊരു മത പ്രശനമായതുകൊണ്ടു മാത്രമാണ്, ലോക മുസ്ലിങ്ങള്‍  അവരെ പിന്തുണക്കുന്നതും അവിടെ യുദ്ധം ചെയ്യാന്‍ പോകുന്നതും. പാലസ്തീനിലെ ആളുകളില്‍  ക്രിസ്ത്യാനികളുമുണ്ട്. അവരും ഇസ്രയേലി ആക്രമണങ്ങളില്‍ മരിച്ചു വീഴുന്നുണ്ട്. കേരളത്തില്‍ മുസ്ലിങ്ങളുടെ അത്രയും തന്നെ ക്രിസ്ത്യനികളുമുണ്ട്. പക്ഷെ അവരൊന്നും ഇതുപോലെ ആവേശം കൊണ്ട് കണ്ടിട്ടില്ല. അപ്പോള്‍ ഇതൊരു മത പ്രശ്നം തനെയാണെന്ന് വിലയിരുത്തേണ്ടി വരുന്നു. പാലസ്തീന്‍ മുഴുവന്‍ ക്രിസ്ത്യാനികള്‍ ആയിരുന്നെങ്കില്‍ അവ്ള്ളിയോ മറ്റ് മുസ്ലിങ്ങളോ അവര്‍ക്ക് വേണ്ടി വാദിക്കാന്‍ വരില്ല എന്നതാണു സത്യം.

      എല്ലാ രാഷ്ട്രീയ പ്രശ്നങ്ങളെയും മത പ്രശ്നമാക്കി മാറ്റാനുള്ള പ്രത്യേക കഴിവ് മുസ്ലിങ്ങള്‍ക്കുണ്ട്. കാഷ്മീര്‍ പ്രശ്നമെന്ന രാഷ്ട്രീയ വിഷയം മത പ്രശ്നമാക്കി മാറ്റിയപ്പോള്‍ അതിനുള്ള അന്താരാഷ്ട്ര പിന്തുണ അവസാനിച്ചു. അടുത്ത കാലത്ത് ഈജിപ്റ്റിലും രാഷ്ട്രീയ പ്രശ്നം മത പ്രശ്നമായപ്പോള്‍ പലതും സംഭവിച്ചു. മുബാറക്കിനെതിരെ സമരം ​ചെയ്ത് അത് വിജയത്തിലെത്തിച്ച ജനങ്ങളില്‍ നല്ലൊരു ഭാഗത്തെ അപ്പാടെ മറന്ന് തീവ്ര മുസ്ലിങ്ങളുടെ ശരിയ അവിടെ നടപ്പിലാക്കാനാണ്, മോര്‍സി ശ്രമിച്ചത്. അങ്ങനെ രാഷ്ട്രീയ വിഷയം മത വിഷയമാക്കി മാറ്റി. ഈജിപ്റ്റിലെ ജനങ്ങള്‍ ഇറാന്റെ വഴിയെ പോകാതിരിക്കാന്‍ വേണ്ടി വീണ്ടും സമരനം ​ചെയ്തു. മതരാഷ്ട്രം ആയി മാറുന്നതില്‍ നിന്നും ഈജിപ്റ്റിനെ രക്ഷിച്ചത് ഈ ജനങ്ങളാണ്.

      Delete
    3. >>>>തങ്ങള്‍ ഭൂമി കയ്യേറിയ ഒരു ജനതയുടെ സ്വാഭാവിക പ്രതിഷേധമായി അതിനെ കണ്ടുകൊണ്ടു രമ്യമായ ചില പരിഹാര മാര്‍ഗങ്ങളെക്കുറിച്ച് അന്വേഷിക്കുന്നതിനു പകരം രാസായുധങ്ങളും ബോംബറുകളും നിരാലംബരായ ഒരു ജനതയുടെ മേല്‍ പ്രയോഗിക്കുന്നത് എത്ര മാത്രം മനുഷ്യ വിരുദ്ധമാണ്. <<<

      പാലസ്തീന്‍ പ്രദേശം ഇസ്രയേല്‍ കയ്യടക്കി വച്ചിരിക്കുന്നത് തെറ്റു തന്നെയാണ്. ഇത് പരിഹരിക്കാന്‍ ഇസ്രായേലിനു ബാധ്യത ഉള്ളതുപോലെ മുസ്ലിങ്ങള്‍ക്കും ഇല്ലേ? എന്തുകൊണ്ട് പാല്സ്തീനിലൊരു രാജ്യമുണ്ടായില്ല? ആരാണതിനു കാരണക്കാര്‍?

      പക്ഷെ ഇവിടത്തെ കാതലായ ചോദ്യം ​ഏതാണു പാലസ്തീനികളുടെ പ്രദേശം? ഏതാണ്, യഹൂദരുടെ പ്രദേശം എന്നതാണ്.

      ബ്രിട്ടീഷുകാര്‍ ഭരിച്ചിരുന്ന ഇന്‍ഡ്യ മുസ്ലിങ്ങളുടെ ആവശ്യപ്രകാരം വിഭജിച്ച് മുസ്ലിങ്ങള്‍ക്ക് വേണ്ടി ഒരു രാജ്യമുണ്ടാക്കി. അതാണു പാകിസ്ഥാന്‍. തീവ്ര മുസ്ലിങ്ങളൊക്കെ അന്ന് പാകിസ്ഥാനിലേക്ക് പോയി. മറ്റുള്ളവര്‍ മറ്റ് മത വിശ്വാസികളോടൊപ്പം  ഇന്‍ഡ്യയില്‍ കഴിഞ്ഞു. അതുപോലെ ബ്രിട്ടീഷുകാര്‍ ഭരിച്ചിരുന്ന ട്രാന്‍സ് ജോര്‍ദാന്‍ വിഭജിച്ച് യഹൂദര്‍ക്ക് വേണ്ടി ഒരു രാഷ്ട്രമുണ്ടാക്കി. യഹൂദരൊക്കെ ആ രാജ്യത്തേക്ക് പോയി. അതാണ്, ഇസ്രയേല്‍. ബാക്കി ജനങ്ങള്‍ താമസിക്കേണ്ടിയിരുന്നത് ട്രാന്‍സ്ജോര്‍ദാനില്‍ ആയിരുന്നു. പാലസ്തീനികള്‍ക്ക് മാത്രമായി ഒരു രാജ്യം വേണമായിരുന്നോ എന്നതൊക്കെ ട്രാന്‍സ് ജോര്‍ദ്ദാന്റെ ആഭ്യന്തര വിഷയമാണ്. ഇന്‍ഡ്യ വിഭജിച്ച സമയത്ത് മലയാളികള്‍ക്ക് വേണ്ടിയും തെലുങ്കര്‍ക്ക് വേണ്ടിയും രാജ്യമുണ്ടാക്കാന്‍ ശ്രമം നടന്നിരുന്നു. പക്ഷെ പാലസ്തീങ്കള്‍ക്ക് വേണ്ടി ഒരു രാജ്യമുണ്ടായില്ല. അതിന്റെ പൂര്‍ണ്ണ ഉത്തരവാദി മുസ്ലിങ്ങള്‍ തന്നെയാണ്. എല്ലാ അറബി മുസ്ലിം രാജ്യങ്ങളും ഒന്നു ചേര്‍ന്ന് ഇസ്രയേലിനെ സൈനികമായി ഇല്ലാതാക്കാന്‍  അന്ന് ശ്രമിച്ചു. യുദ്ധത്തില്‍ ഇസ്രായേലിനെ പരാജയപ്പെടുത്താന്‍ ആയില്ല എന്നതിനപ്പുറം, . പല്സ്തീന്‍ പ്രദേശങ്ങളായ ഗസ ഈറ്റിപ്റ്റും വെസ്റ്റ് ബാങ്ക് ജോര്‍ദാനും കീഴടക്കി. പാലസ്തീനികള്‍ വഴിയാധാരവും ആയി. ഇസ്രായേലിനോടുള്ള പക മനസില്‍  സൂക്ഷിച്ച അറബി മുസ്ലിങ്ങള്‍ 1967 ല്‍ അവരെ വീണ്ടും ആക്രമിച്ചു. തിരിച്ചടിച്ച അവര്‍ ഗസയും വെസ്റ്റ് ബാങ്കും ഗോലാന്‍ കുന്നുകളും കയ്യടക്കി. ഇസ്രായേലിനെതിരെ യുദ്ധത്തിനു പോയ സമയത്ത് ഗസയിലും വെസ്റ്റ് ബാങ്കിലും കൂടെ ഒരു രാജ്യം ഉണ്ടാക്കാന്‍ എന്തുകൊണ്ട് മുസ്ലിങ്ങള്‍ക്ക് സാധിച്ചില്ല? ഓരോ മുസ്ലിമും ചോദിക്കേണ്ട ഒരു ചോദ്യമാണിത്. രമ്യമായ ചില പരിഹാര മാര്‍ഗ്ഗങ്ങള്‍ ഇസ്രയേല്‍ അന്വേഷിക്കണമെന്നു പറയുന്നവര്‍ എന്തുകൊണ്ട് അതിനു ശ്രമിക്കുന്നില്ല? രമ്യം എന്നു പറയുന്നത് എന്താണ്? ഇസ്ലാമിക തീവ്രവാദികള്‍ പറയുമ്പോലെ ഇസ്രയേലിനെ ഭൂമുഖത്തു നിന്നും തുടച്ചു നീക്കലാണോ?

      1948 ല്‍ ഇസ്രായേല്‍ രൂപീകരിച്ചപ്പോള്‍ ഐക്യരഷ്ട്ര സഭ നടത്തിയ പാലസ്തീന്‍ വിഭജനത്തിനെ ആണോ താങ്കള്‍ കയ്യേറ്റമായി ചിത്രീകരിക്കുന്നത്? 1947 ല്‍ ഇന്‍ഡ്യ വിഭജിച്ചപ്പോള്‍ ഇപ്പോഴത്തെ പാകിസ്ഥാനില്‍ അന്നുണ്ടായിരുന്ന ഹിന്ദുക്കളുടെ ഭൂമി നഷ്ടമായിട്ടുണ്ട്. അതിപ്പോള്‍ മുസ്ലിങ്ങളുടെ കയ്യിലാണ്. ഇതിനെയും  കയ്യേറ്റമായി താങ്കള്‍ കാണുന്നുണ്ടോ?

      ഐക്യരാഷ്ട്ര സഭ നടത്തിയ പാലസ്തീന്‍ വിഭജനം ഇസ്രായേല്‍ അംഗീകരിച്ചു പക്ഷെ മുസ്ലിങ്ങള്‍ അംഗീകരിച്ചില്ല. അവര്‍ ഇസ്രായേലിനെതിരെ യുദ്ധം പ്രഖ്യാപിക്കുകയാണുണ്ടായത്. ആ യുദ്ധത്തില്‍ വിജയിച്ച ഇസ്രയേല്‍ അവര്‍ക്കു ലഭിച്ച ഭൂമിയില്‍ അവര്‍ ഒരു രാഷ്ടമുണ്ടാക്കി, അവരുടെ കാര്യങ്ങളൊക്കെ നോക്കി നടന്നു. അന്നും മുസ്ലിങ്ങള്‍ അവര്‍ക്ക് സമധാനം ​കൊടുത്തില്ല. അതിപ്പോഴും തുടരുന്നു. പാലസ്തീനില്‍ നിന്നും  തൊടുത്തു വിടുന്ന മിസൈലുകളും കരിങ്കല്‍ ചീളുകളും തങ്ങളുടെ ഭൂമി കയ്യേറിയവരോടുള്ള സ്വാഭാവിക പ്രതിഷേധത്തിന്റെ ഭാഗമായി കണ്ട് യഹൂദര്‍ മിണ്ടാതിരിക്കുമെന്ന് കരുതുന്നത് മഠയത്തരമല്ലേ? എല്ലാ മിസൈലുകളും പൂ പോലെ തകര്‍ത്തിടാനുള്ള സാങ്കേതിക വിദ്യ ഉണ്ടെന്നു കരുതി അവര്‍ ഇത് എന്നും സഹിച്ചോളണം എന്നു പറയുന്നത് പൊട്ടത്തരമല്ലേ? താങ്കളുടെ അടുത്ത വീട്ടില്‍ നിന്നും കുട്ടികള്‍ സ്ഥിരമായി താങ്കളുടെ വീടിനു നേരെ കല്ലെറിഞ്ഞാല്‍ താങ്കള്‍ അത് തടുക്കാനുള്ള മതില്‍ കെട്ടി മിണ്ടാതിരിക്കുമോ?

      യഹൂദര്‍ ഭൂമി കയ്യേറി എന്നതാണിപ്പോഴും  മുസ്ലിം ഭാഷ്യമെങ്കില്‍ ഈ പ്രശ്നം പരിഹരിക്കാനുള്ള ഒരു സാധ്യതയും ഇല്ല.

      Delete
    4. >>>>പതിനെട്ടു ലക്ഷത്തോളം മനുഷ്യ ജീവനുകളാണ് ലോക ഭൂപടത്തില്‍ ഒരു പൊട്ടു പോലെ കാണുന്ന ആ കൊച്ചു തുരുത്തില്‍ ശ്വാസം മുട്ടി ജീവിക്കുന്നത്. ഭൂമുഖത്തെ ഏറ്റവും ജനസാന്ദ്രതയുള്ള പ്രദേശം. അടിസ്ഥാന ജീവിത സൗകര്യങ്ങളും വിദ്യാഭ്യാസവും ചികിത്സയും യാത്രാ സൗകര്യങ്ങളും നിഷേധിക്കപ്പെട്ട് കഴിയുന്ന ഒരു പാവം ജനത.. നാം ജീവിക്കുന്ന ഭാരതത്തിന്റെ മണ്ണിനെ ഏതെങ്കിലുമൊരു വിദേശ ശക്തി ആക്രമിച്ച് കീഴടിക്കിയാല്‍ നാം വെറുതെയിരിക്കുമോ?. ജീവന്‍ നല്കിയും പിറന്നു വീണ മണ്ണിനെ സംരക്ഷിക്കാന്‍ നാം ശ്രമിക്കില്ലെ. ആറര പതിറ്റാണ്ട് കാലമായി അവര്‍ നടത്തുന്നതും അതാണ്‌ എന്ന് തിരിച്ചറിയുക. <<<

      ഗസയെ ആരു കയ്യടക്കി എന്നാണു താങ്കള്‍ പറയുന്നത്? ഇതുപോലെ അവാസ്തവമായ കാര്യങ്ങള്‍ പ്രചരിപ്പിക്കാതെ കുറച്ചു കൂടെ സത്യ സന്ധമായി ഇതൊക്കെ അവതരിപ്പിക്കുക. ഗസയുടെ ചരിത്രം അറിയില്ലെങ്കില്‍ ഇതൊന്ന് വായിക്കുക.

      Gaza Strip


      In 1994 Israel granted the right of self-governance to Gaza through the Palestinian Authority. Prior to this, Gaza had been subject to military occupation, most recently by Israel (1967-1994) and by Egypt (1958-1967) and earlier by Syria when part of the Ottoman Empire. Since 2007, the Gaza Strip has been de-facto governed by Hamas, a Palestinian group claiming to be the representatives of the Palestinian National Authority and the Palestinian people. In 2012, the United Nations General Assembly "accorded Palestine non-Member Observer State status in the United Nations". A unity government was sworn in on 2 June 2014. Gaza forms an integral part of the occupied Palestinian territory, as stipulated in the Oslo Agreements and UNSC Resolution 1860.

      Sunni Muslims make up the predominant part of the Palestinian population in the Gaza Strip.

      Gaza has an annual population growth rate of 2.91% (2014 est.), the 13th highest in the world. There is a limited capability to construct new homes and facilities for this growth. The territory is 41 kilometres (25 mi) long, and from 6 to 12 kilometres (3.7 to 7.5 mi) wide, with a total area of 365 square kilometres (141 sq mi). As of 2014, the population of the Gaza Strip was about 1.82 million people. The large Palestinian refugee population makes it among the most densely populated parts of the world.

      The Gaza Strip acquired its current northern and eastern boundaries at the cessation of fighting in the 1948 war, confirmed by the Israel–Egypt Armistice Agreement on 24 February 1949. Article V of the Agreement declared that the demarcation line was not to be an international border. At first the Gaza Strip was officially administered by the All-Palestine Government, established by the Arab League in September 1948. All-Palestine in the Gaza Strip was managed under the military authority of Egypt, functioning as puppet state, until it officially merged into the United Arab Republic and dissolved in 1959. From the time of the dissolution of the All-Palestine Government until 1967, the Gaza Strip was directly administered by an Egyptian military governor. Israel captured the Gaza Strip from Egypt in the Six-Day War in 1967. Pursuant to the Oslo Accords signed in 1993, the Palestinian Authority became the administrative body that governed Palestinian population centers while Israel maintained control of the airspace, territorial waters and border crossings with the exception of the land border with Egypt. In 2005, Israel withdrew from the Gaza Strip under their unilateral disengagement plan.

      Delete
    5. >>>>ഇസ്രാഈലി പൗരന്മാര്‍ക്കും ഫലസ്തീനികള്‍ക്കും സമാധാനത്തോടെ ജീവിക്കാന്‍ കഴിയുന്ന ഒരു പരിഹാര മാര്‍ഗത്തിനായി ആര് ശ്രമിക്കുന്നുവോ അവരോട് ഐക്യദാര്‍ഢ്യം പ്രകടിപ്പിക്കാം. മതത്തിന്റെ പേരിലല്ല. വിശ്വാസത്തിന്റെ പേരിലുമല്ല. മാനുഷികതയുടെ പേരില്‍<<<

      ഇസ്രായേലി പൗരന്മാര്‍ക്കും പാലസ്തീനികള്‍ക്കും സമാധാനത്തോടെ ജീവിക്കാന്‍ കഴിയുന്ന ഒരു പരിഹാര മാര്‍ഗ്ഗം താങ്കള്‍ക്ക് നിര്‍ദ്ദേശിക്കാമോ?

      Delete
    6. രണ്ടു കൂട്ടരും കമ്യൂണിസം മതമായി സ്വീകരിച്ചാൽ മതി. ആദ്യ പടി കഴിഞ്ഞു.

      Delete
    7. Very good counter by Kalidasan

      Delete
    8. വിഡ്ഢിത്തം പറയുന്നത് ഒരു യോഗ്യതയാ

      Delete
    9. Yes kalidasan> Let Palestines stop sending missiles to israel. Stop attacking and abducting israelites, Ready to comprise with Israel for the survival. if enemy is stronger it is prudent not to fight according to chanakyan. Suvival of the fittest means suvival of the smartest. If Palestines are smart they should compromise with Israel.Even the whole arab world could not be able to defeat Isarel, then why this helpless palestines send stupid missiles to israel> 17000 missiles in one month?????? are they crazy. david killed goliath is story but in real world it is impossible.

      Delete
  20. ഒട്ടു മിക്ക മനുഷ്യരും ജീവിത കാലം മുഴുവന് ഏതെങ്കിലും ഒരു മതത്തിൽ നിന്ന് അവനവന്റെ ദൈവത്തൊദു പ്രാര്തിച്ചു ഒടുക്കം മരണമെന്ന യാഥാർത്യത്തിൽ എത്തി മണ്ണിലേക്ക് തന്നെ മടങ്ങുന്നു.. ക്രിസ്ത്യാനികളും മുസ്ലിങ്ങളും പിന്നെ നമ്മുടെ രാജ്യത്ത് ഏറ്റവും അധികമുള്ള ഹിന്ദു മത വിശ്വാസികളും കുംബിട്ടാരാധിക്കുന്ന പല പല പേരിൽ ഉള്ള ഈ ദൈവങ്ങങ്ങൾ ഭൂ ലോകത്തോ പര ലോകത്തോ ഇല്ലെന്നു ഞാൻ വിശ്വസിക്കുന്നു...ചോര ചുവപ്പിന്ടെ നടുവിൽ നിഷ്കളംഗമായ കുഞ്ഞു മുഖങ്ങൾ കാണുമ്പോൾ എവിടെയാണ് ഈ ദൈവങ്ങൽ എന്ന് ആൽമാർധമായി ചിന്തിച്ചു പോവുന്നു !!

    ReplyDelete
  21. >>>>പത്ര മുതലാളിമാരുടെ വാലാട്ടികളാകാതെ നിലപാടുകൾ സധൈര്യം തുറന്ന് പറയാനുള്ള ചങ്കൂറ്റം മാധ്യമ പ്രവർത്തകർ കാണിക്കുമെങ്കിൽ അവരുടെ വേറിട്ട ശബ്ദം കേൾക്കാൻ പ്രേക്ഷകരും വായനക്കാരും ഉണ്ടാകുമെന്നും അവർക്ക് അവസരമൊരുക്കാൻ സമാന്തര മാധ്യമങ്ങൾ വളർന്നു വരുമെന്നും നമ്മെ ഓർമപ്പെടുത്തുക കൂടിയാണ് അബ്ബി മാർട്ടിൻ ചെയ്യുന്നത്. <<<

    ഇതാണോ മാദ്ധ്യമങ്ങളേക്കുറിച്ച് വള്ളിയൊക്കെ മനസിലാക്കിയിരിക്കുന്നത്?

    അബി മാര്‍ട്ടിന്‍ പണിയെടുക്കുന്ന മാദ്ധ്യമമായ റഷ്യ റ്റുഡെ എന്ന മാദ്ധ്യമത്തിന്റെ മുതലാളി ആരാണെന്ന് വള്ളിക്ക് വല്ല നിശ്ചയവുമുണ്ടോ എന്തോ!. അത് മറ്റാരുമല്ല റഷ്യന്‍ സര്‍ക്കാരാണ്. അവരുടെ ഒരു വിഭാഗമാണ്, ആര്‍ റ്റി അമേരിക്ക.

    റഷ്യന്‍ സര്‍ക്കാരിന്റെ അമേരിക്കയോടും അമേരിക്കന്‍ മാദ്ധ്യമങ്ങളോടുമുള്ള നിലപടാണീ ചാനലിലൂടെ വരുന്നത്. അതിനോട് യോജിപ്പുള്ളതുകൊണ്ടാണ്, അബി മാര്‍ട്ടിന്‍ ആ ചാനലില്‍ പണിയെടുക്കുന്നതും. ഇന്‍ഡ്യ വിഷന്റെ നിലപാടുകളോട് യോജിപ്പുള്ളതുകൊണ്ട് ഫൌസിയ മുസ്തഫ അതില്‍ ജോലി ചെയ്യുന്നു. മാദ്ധ്യമങ്ങളുടെ നിലപാടു തന്നെയാണ്, മാദ്ധ്യമ പ്രവര്‍ത്തകര്‍ പങ്കു വയ്ക്കുന്നതും. എതിരഭിപ്രായമുണ്ടെങ്കില്‍ അവരെ പിരിച്ചു വിടും. സ്വതന്ത്ര മാദ്ധ്യമ പ്രവര്‍ത്തനം എന്നു പറഞ്ഞ ഒന്നില്ല. അതൊക്കെ വള്ളിയുടെ തോന്നലാണ്. ഇസ്ലാമിനെ വിമര്‍ശിക്കുന്ന ഒരു ലേഖനവും ചന്ദ്രികയിലോ തേജസിലോ വരില്ല. മീഡിയ വണ്ണില്‍ വരില്ല. കുര്‍ആന്റെ പ്രസക്തി ചോദ്യം ചെയ്യുന്ന ഒരു ലേഖാനം എഴുതി ഇവര്‍ക്കയച്ചു കൊടുത്തു നോക്കുക. അപ്പോള്‍ കാണം എന്തുണ്ടാകുമെന്ന്.

    ഇതേ അബി മാര്‍ട്ടിന്‍ റഷ്യന്‍ പ്രസിഡണ്ട് പുട്ടിനെ വിമര്‍ശിക്കുന്ന ഒരു പരിപാടി അവതരിപ്പിച്ചു നോക്കിയാല്‍ കാണാം എവിടെ ആയിരിക്കും ഇവരുടെ സ്ഥാനമെന്ന്.

    ReplyDelete
    Replies
    1. >> ഇതേ അബി മാര്‍ട്ടിന്‍ റഷ്യന്‍ പ്രസിഡണ്ട് പുട്ടിനെ വിമര്‍ശിക്കുന്ന ഒരു പരിപാടി അവതരിപ്പിച്ചു നോക്കിയാല്‍ കാണാം എവിടെ ആയിരിക്കും ഇവരുടെ സ്ഥാനമെന്ന് <<

      അറിയാത്ത കാര്യങ്ങളില്‍ മിണ്ടാതിരിക്കുന്നതാണ് കാളി നല്ലത്. പല സന്ദര്‍ഭങ്ങളിലും റഷ്യന്‍ സര്‍ക്കാരിനെ ശക്തമായി തന്നെ അവര്‍ വിമര്‍ശിച്ചിട്ടുണ്ട്. എന്നിട്ടും അവര്‍ RT യില്‍ തുടരുണ്ട്. അതാണ്‌ ഞാന്‍ അവരെ പുലിയെന്നു വിളിക്കാന്‍ കാരണം. ഒരുദാഹരണം. ഉക്രെയിനിലെ പുട്ടിന്റെ അതിക്രമങ്ങളെ RT യില്‍ ഇരുന്നു കൊണ്ട് തന്നെ അബ്ബി വിമര്‍ശിക്കുന്നത് ഈ ക്ലിപ്പില്‍ കാണാം

      ഇതുപോലുള്ള താങ്കളുടെ വിവരക്കേടുകള്‍ക്ക് മറുപടി പറഞ്ഞ് ഞാന്‍ പൊതുവേ സമയം വേസ്റ്റ് ചെയ്യാറില്ല. ഈ പോസ്റ്റിന് ഒരു മാധ്യമ പ്രവര്‍ത്തകന്‍ എഴുതിയ വിയോജനക്കുറിപ്പിന് ഞാനെഴുതിയ പ്രതികരണം മാത്രം ഇവിടെ കോപ്പി ചെയ്യട്ടെ.

      "കുറിപ്പ് വായിച്ചു. പല കാര്യങ്ങളോടും യോജിപ്പുണ്ട്. എന്നാല്‍ ചിലത് സൂചിപ്പിക്കട്ടെ. RT America റഷ്യന്‍ ചാനലാണ്‌. അമേരിക്കന്‍ സര്‍ക്കാരിന്റെ സ്റ്റെനോഗ്രാഫര്‍മാരായി നിരന്ന് നില്ക്കുന്ന വന്‍കിട കോര്‍പറേറ്റ് മാധ്യമങ്ങള്‍ക്കിടയില്‍ RT ഒരു സമാന്തര ചാനലുമാണ് എന്ന് പറഞ്ഞു കൊള്ളട്ടെ. റഷ്യന്‍ ചാനലാണ്‌ എന്നത് കൊണ്ട് മാത്രം അതില്‍ ജോലി ചെയ്യുന്ന സമര്‍ത്ഥയായ ഒരു മാധ്യമ പ്രവര്‍ത്തകയെ വില കുറച്ച് കാണേണ്ടതില്ല. എവിടെ വര്‍ക്ക്‌ ചെയ്താലും സ്വന്തം അഭിപ്രായങ്ങള്‍ പരിമിതികള്‍ക്കുള്ളില്‍ തുറന്ന് പറയുക എന്നതാണ് പ്രധാനം. അത് അബ്ബി പലപ്പോഴും നിര്‍വഹിച്ചിട്ടുണ്ട്. റഷ്യന്‍ സര്‍ക്കാരിന്റെ അധിനിവേശ നയങ്ങള്‍ക്കെതിരെ ആര്‍ ടി യില്‍ പല തവണ അബ്ബി പ്രതികരിച്ചിട്ടുണ്ട്. വിപിന്‍ ഉദാഹരമായി ചൂണ്ടിക്കാട്ടിയ ഉക്രെയിന്‍ വിഷയത്തിലും റഷ്യന്‍ ഭരണകൂടത്തെ അതിരൂക്ഷമായാണ് അബ്ബി വിമര്‍ശിച്ചത്. അതവരുടെ വ്യക്തിപരമായ അഭിപ്രായം എന്നാണു ചാനല്‍ ഉടമകള്‍ പറഞ്ഞത്. ലേഖനത്തില്‍ ചൂണ്ടിക്കാട്ടിയ ഇന്റര്‍വ്യൂ അബ്ബി നടത്തിയതല്ല. മറ്റൊരു മാധ്യമ പ്രവര്‍ത്തകയുടേതാണ്. മാധ്യമ പ്രവര്‍ത്തകരല്ല, സ്ഥാപന മുതലാളിമാരാണ് പോളിസികള്‍ നിശ്ചയിക്കുന്നത് എന്നിരിക്കിലും സമര്‍ത്ഥരായ മാധ്യമ പ്രവര്‍ത്തകര്‍ക്ക് അവരുടെ അഭിപ്രായങ്ങള്‍ പറയാനുള്ള ഒരിടം ലഭിക്കാറുണ്ട്. അതവരുടെ കഴിവും കഴിവ് കേടും അനുസരിച്ചിരിക്കും. ആ അര്‍ത്ഥത്തില്‍ അബ്ബി നമ്മുടെ മാധ്യമ പ്രവര്‍ത്തകര്‍ക്ക് വലിയ മാതൃകയാണ്. അത് പറയാന്‍ വേണ്ടി കൂടിയാണ് ഞാനീ പോസ്റ്റ്‌ എഴുതിയത്."

      Delete
    2. ബഷീർകാ, വായടപ്പാൻ മറുപടി തന്നെ. പക്ഷെ ഇവന് മറുപടി പറഞ്ഞ് സമയം കളയണ്ട. ഒരു വിഷയത്തിലും പ്രത്യേക നിലപാട് ഈ ചങ്ങായിക്കു ഇല്ല. നിങ്ങൾ എന്ത് എഴുതിയാലും അതിന് എതിരെ എഴുതുക എന്നതാണ് പോളിസി. നിങ്ങൾ ഇസ്രയേലിനെ അനുകൂലിച്ച് എഴുതിയാൽ ഇവൻ പലസ്തീന് വേണ്ടി എഴുത്തും. അല്പം പേര് കിട്ടാൻ വേണ്ടിയാണു നിങ്ങളുടെ ബ്ലോഗില വരുന്നത്. ഇവന്റെ ബ്ലോഗില ഇവൻ തന്നെ എഴുതി ഇവൻ തന്നെ വായിച്ചു ഇവൻ തന്നെ കമന്റ് ഇട്ട് കളിക്കുകയാണു ചെയ്യൽ. വ്യാജ പേരില് ഉള്ള ഒരു ക്രിസ്തീയ മത ഭ്രാന്തൻ എന്നാണ് കേട്ടത്.

      Delete
  22. >>>>ഗസ്സയിലെ ഇസ്രാഈൽ അതിക്രമങ്ങളെക്കുറിച്ചും അമേരിക്കയുടേയും അമേരിക്കൻ മാധ്യമങ്ങളുടെയും ഇരട്ടത്താപ്പിനെക്കുറിച്ചും കഴിഞ്ഞ ദിവസം വിശകലനം ചെയ്യുന്നതിനിടെയാണ് സ്ക്രീനിൽ തെളിഞ്ഞ വെടിയേറ്റ്‌ കിടക്കുന്ന പിഞ്ചു കുഞ്ഞുങ്ങളുടെ മുഖത്തേക്ക് നോക്കി വികാരപരവശയായ അബ്ബി പ്രതികരണത്തിന്റെ പൊട്ടിത്തെറി നടത്തി ക്യാമറ ആംഗിളിൽ നിന്ന് തെന്നി പുറത്തേക്ക് പോയത്.<<<

    ഇതൊരു വക പൈങ്കിളി നിലാവരത്തിലാണല്ലോ.

    അമേരിക്കയും അമേരിക്കൻ മാധ്യമങ്ങളും അവിടത്തെ ഭൂരിഭാഗം ജനങ്ങളും ഇസ്രായേലിനെ പിന്തുണക്കുന്നു. അവരുടെ എല്ലാ നീച പ്രവര്‍ത്തികള്‍ക്കും ഒത്താശ ചെയ്യുന്നു. ഇതൊക്കെ തലയില്‍ ആള്‍താമസമുള്ള എല്ലാവര്‍ക്കും അറിയാവുന്ന കാര്യമാണ്. ഇതിലെവിടെയാണു വള്ളി ഇരട്ടത്താപ്പു കുഴിച്ചെടുക്കുന്നത്?
    അവര്‍ക്കാര്‍ക്കും ഇരട്ടത്താപ്പില്ല. വള്ളിയും സഹ മുസ്ലിങ്ങളും മുസ്ലിങ്ങളായ പാലസ്തീനികളെ പിന്തുണക്കുന്നതുകൊണ്ട് അമേരിക്കയും പിന്തുണക്കണമെനൊക്കെ വാശി പിടിക്കുന്നതില്‍ എന്ത് പ്രസക്തിയുണ്ട്. ഇസ്രായേലിനെ പിന്തുണക്കുക പലസ്തീനികളെ എതിര്‍ക്കാന്‍ സാമ്പത്തിക സഹായവും സനിക സഹായവും നല്‍കുക എന്നതാണാവരുടെ നയം. വള്ളിക്കതറിയാതെ പോയത് അവരുടെ കുറ്റമാണോ?

    ഇപ്പോള്‍ ഗസയില്‍ വെടിയേറ്റ് പിഞ്ചു കുഞ്ഞുങള്‍ മരിക്കുന്നു എന്നു പറയുന്നത് തനെ ശുദ്ധ നുണയല്ലേ? ആരുടെ വെടി ഏറ്റാണീ കുഞ്ഞുങ്ങള്‍ മരിക്കുന്നത്. ഇതു വരെ ഇസ്രായേലി പട്ടാളക്കാരാരും ഗസയിലേക്ക് തോക്കുമായി വെടി വയ്ക്കാന്‍ പോയിട്ടില്ല. ഈ കുഞ്ഞങ്ങളെ ഇപ്പോള്‍ ആരെങ്കിലും വെടി വച്ചു കൊല്ലുന്നുണ്ടെങ്കില്‍ അത് പലസ്തീനികള്‍ തന്നെ ആയിരിക്കാനാണു സാധ്യത. ഞാന്‍ അറിഞ്ഞിടത്തോളം മിസൈല്‍ ആക്രമണം മാത്രമേ ഇസ്രായേല്‍ നടത്തുന്നുള്ളു.

    വെടിയേറ്റ്‌ കിടക്കുന്ന പിഞ്ചു കുഞ്ഞുങ്ങളുടെ മുഖം അമേരിക്കന്‍ മാദ്ധ്യമങ്ങള്‍ കാണിക്കുന്നില്ല എന്നതിലാണോ വള്ളിക്കും അബിക്കും പരാതി? വെടിയേറ്റ് മരിച്ചു കിടക്കുന്നവരുടെ മുഖവും ശരീരവും പ്രാദര്‍ശിപ്പിക്കുന്ന ഹീനതയില്‍ പടിഞ്ഞറന്‍ മാദ്ധ്യമങ്ങള്‍ വിശ്വസിക്കുന്നില്ല. പാലസ്തീനികളുടെ വെടിയേറ്റ് ഇസ്രയേലികള്‍ മരിച്ചാലും അവര്‍ മരിച്ചു കിടക്കുന്നവരുടെ മുഖമോ ശരീരമോ പ്രദര്‍ശന വസ്തു ആയി ആഘോഷിക്കാറില്ല.

    ഇത് റിപ്പോര്‍ട്ട് ചെയ്ത പടിഞ്ഞാറന്‍ മാദ്ധ്യമങ്ങളൊക്കെ അവരുടെ ചിരിച്ചു നില്‍ക്കുന്ന ചിത്രങ്ങളാണു പ്രദര്‍ശിപ്പിച്ചത്. ഈ വാര്‍ത്തകള്‍ കാണുക.

    The bodies of three missing Israeli teenagers were found in the occupied West Bank yesterday

    As it happened

    Bodies of three missing Israeli teenagers found in West Bank

    മരിച്ചു കിടക്കുന്നവരെ പല ആങ്കിളുകളില്‍ ആസ്വാദകരെ കാണിക്കലൊക്കെ ഇന്‍ഡ്യന്‍ മാദ്ധ്യമങ്ങളുടെ രീതിയാണ്. അതൊക്കെ കണ്ട് ആവേശം കൊള്ളാനും അതൊക്കെ പ്രചരണത്തിനുപയോഗിക്കാനും ഉള്ള മാനസിക അവസ്ഥ ഉള്ളവര്‍ അതൊക്കെ ഉപയോഗിക്കുന്നു.

    ReplyDelete
    Replies
    1. Most of pictures of children are from syria and Iraq. they are used for propaganda. Some of them are caused by palstines itself being among civilians. they use women and children to protect their missiles instead of the opposite.

      Delete
  23. >>>>ഇവിടെ ബുദ്ധിയും സൗന്ദര്യവും നിരീക്ഷണ പാടവവും കട്ടക്ക് കട്ടക്ക് നിൽക്കുന്ന ഒരു മാധ്യമ പ്രവർത്തക. അതും ഒരമേരിക്കക്കാരി. കോർപറേറ്റ് മാധ്യമങ്ങളുടെ കൃത്യമായ അജണ്ടകൾക്കപ്പുറത്തേക്ക് വാർത്തയുടെ നേരിനേയും നെറിയേയും ഇഴകീറി അടർത്തിയെടുത്ത് പ്രേക്ഷകന് സമർപ്പിക്കാനുള്ള അനിതര സാധാരണമായ കഴിവുള്ള മാധ്യമ ലോകത്തെ വേറിട്ട ശബ്ദം..<<<

    വീണ്ടും പൈങ്കിളി. മലാല പതിനഞ്ചുകാരി പെണ്‍കുട്ടി ആയതുകൊണ്ട് മാദ്ധ്യമങ്ങള്‍ ആ കുട്ടിയെ പൊക്കിക്കൊണ്ടു നടന്നു എന്നാക്ഷേപിച്ച വള്ളി, അബി മാര്‍ട്ടിന്റെ സൌന്ദര്യത്തെ പുകഴ്ത്തുന്നതുകൊണ്ട് രോഅമാഞ്ചമുണ്ടാകുന്നു.

    പക്ഷെ അബിയുടെ സൌന്ദര്യം കുറച്ചു കൂടെ വ്യക്തമായി പ്രാദര്‍ശിപ്പിക്കുന്ന ഗാസാ റിപ്പൊര്‍ട്ടുകളൊക്കെ വേറെ ഉണ്ട്. അത് കണ്ടാല്‍ ഇപ്പോള്‍ അബിക്ക് സിന്ദാബാദ് വിളിക്കുന എത്ര മുസ്ലിങ്ങള്‍ അവരെ പിന്തുണക്കുമെന്നറിയാന്‍ ആഗ്രഹമുണ്ട്.


    Israel Targeting Civilians with Banned Weapons

    Gaza is Burning

    ഇതിലെ അവരുടെ വസ്ത്രം കണ്ടാല്‍ ബോധം കെടുനവരല്ലേ വള്ളിയുടെ ആരാധകര്‍ മുഴുവന്‍?

    ReplyDelete
  24. >>>>മറിച്ച് കോർപറേറ്റ് മാധ്യമങ്ങളുടെ അജണ്ടകൾ കൃത്യമായി നടപ്പിലാക്കുന്ന ഒരേ തൂവൽ പക്ഷികൾക്കിടയിൽ നിന്ന് വേറിട്ട്‌ പറക്കുന്ന ചില പക്ഷികളെക്കാണുമ്പോഴുള്ള സന്തോഷം പങ്ക് വെക്കുക മാത്രമാണ്. <<<

    റഷ്യ റ്റുഡെ എന്ന വാര്‍ത്താ ചാനല്‍ അമേരിക്കന്‍ കോര്‍പ്പറേറ്റ് മാദ്ധ്യമം അല്ല. അത് റഷ്യന്‍ സര്‍ക്കാരിന്റെ ഉടമസ്ഥതതയില്‍ ഉള്ള മാദ്ധ്യമമാണ്.

    താങ്കള്‍ കോര്‍പ്പറേറ്റ് എന്നു വിളിക്കുന്ന മാദ്ധ്യമങ്ങള്‍  നല്‍കിയ റിപ്പോര്‍ട്ടുകള്‍ ഇവിടെയൊക്കെ കാണുകയും വായിക്കുകയും ചെയ്യാം.

    Death Toll Climbs Among Palestinians as Strikes Continue

    Medical crisis in Gaza as conflict endures

    Israel raids Gaza missile site as rockets, rhetoric fly in Israeli-Hamas face-off

    Rockets slam into Gaza building

    Gazans mourn children killed in attacks

    Violence escalates in Israel and Gaza

    Israel destroys Gaza home for handicappedT

    Four Horrific Killings

    ഇതൊക്കെ റിപ്പോര്‍ട്ട് ചെയ്തത് പുഷന്‍മാരായതുകൊണ്ടാണോ വള്ളി ഇതൊന്നും കാണാതെ പോയത്?

    ഇതില്‍ മിസൈല്‍ ആക്രമണങ്ങളില്‍ മരിച്ചു കിടക്കുന്ന പാലസ്തീനികളുടെ മുഖവും ശരീരവും കാണിക്കുന്നില്ല എന്നല്ലാതെ ഗസയില്‍ ഇസ്രയേല്‍ ആക്രമണം  നടത്തുന്നില്ല എന്നോ പാലസ്തീങ്കള്‍ മരിക്കുന്നില്ല എന്നോ പറയുന്നുണ്ടോ? ഇസ്ലാമിക നിലവാരം ​അനുസരിച്ചുള്ള എരിവും പുളിയും കുറവാണല്ലേ?

    ReplyDelete
  25. This video seems to be a highly biased one. Israel is only defending their country and people from Hamas. Now Hamas is not agreeing for a truce and Israel is forced to defend itself. Showing pictures of injured children and women shows the cheap mentality of Hamas. If Hamas want to continue fighting they should do it like a man. Back stabbing will only lower their reputation.

    ReplyDelete
    Replies
    1. See this video http://www.youtube.com/watch?v=TUeTtpUSPgc&feature=youtu.be

      Delete
  26. എന്തുകൊണ്ടാണ് ബഷീര്‍ പലസ്തീന്‍ എന്നത് ഫലസ്തീന്‍ എന്നും ഇസ്രയേല്‍ എന്നത് ഇസ്രാഈൽ എന്നും എഴുതിയിരിക്കുന്നത്‌? മലയാളത്തില്‍ പലസ്തീന്‍ എന്നും ഇസ്രയേല്‍ എന്നും അല്ലെ ഈ സ്ഥലങ്ങള്‍ അറിയപ്പെടുന്നത്? പിന്നെ എന്തിനാണ് ഇങ്ങനെ തെറ്റിച്ചു എഴുതുന്നത്‌?

    ReplyDelete
    Replies
    1. ശരിയായ ഉച്ചാരണം അതാണ്‌ എന്ന് തോന്നുന്നത് കൊണ്ടാണ് അങ്ങിനെ എഴുതിയത്. ഫലസ്തീന്റെ ഔദ്യോഗിക ഭാഷ അറബിയാണ്. അറബിയിൽ ഫലസ്തീൻ എന്നാണ് ഉച്ചരിക്കാറുള്ളത്. ഇസ്രാഈലിന്റെ ഒന്നാമത്തെ ഔദ്യോഗിക ഭാഷ ഹിബ്രുവും രണ്ടാമത്തേത് അറബിയുമാണ്‌. ഹിബ്രുവിൽ എങ്ങിനെ എഴുതുന്നു എന്നറിയില്ല. അവർ അറബിയിൽ എഴുതുന്ന രീതിയിൽ നിന്ന് ഇസ്രാഈൽ എന്നാണ് വായിക്കാൻ കഴിയുന്നത്‌. ഈ വിഷയത്തിൽ കൂടുതൽ പഠനം നടത്തിയിട്ടില്ല.

      Delete
    2. അതിനിപ്പോ ഇവിടെ ആരാ അറബി എഴുതിയതും വായിച്ചതും? മലയാളത്തിൽ അല്ലെ താങ്കള് എഴുതിയിരിക്കുന്നത്? അപ്പൊ തെറ്റിപ്പോയി... ഹല്ല പിന്നെ.

      Delete
    3. മുസ്ലിങ്ങള്‍ പാലസ്തീന്‍ കീഴടക്കി അവിടെയുണ്ടായിരുന്ന ക്രിസ്ത്യാനികളെയും യഹൂദരെയും മുസ്ലിങ്ങളാക്കി മാറ്റി അറബി അവിടത്തെ ഭാഷ ആക്കി മാറ്റുന്നതിനു മുന്നെയും ഈ നാടുണ്ടായിരുന്നു. അതിനെ വിളിച്ചിരുന്നത് പാലസ്തീന്‍ എന്നായിരുന്നു. ഹീബ്രുവും, ഗ്രീക്കും, ലാറ്റിനും ഒക്കെ ഭാഷ ആയി ഉപയോഗിച്ചിരുന്നവരുടെ നാട്. ഗ്രീക്കുകാര്‍ Palaistinē എന്നും റോമാക്കാര്‍  Palaestina എന്നും  യഹൂദര്‍ Palestina എന്നും ആണി സ്ഥലത്തെ വിളിച്ചിരുന്നത്. ഇസ്രായേലിനെ യഹൂദര്‍ Yisrā'el എന്നാണു വിളിച്ചത്. വള്ളി മുസ്ലിമായതുകൊണ്ട് അറബി മാത്രം ഉപയോഗിക്കുന്നു.

      വള്ളിയെയും മറ്റ് മുസ്ലിങ്ങളെയും  സംബന്ധിച്ച് പാലസ്തീനും ഇസ്രയേലും ഇസ്ലാം അധിനിവേശത്തിനു ശേഷം മാത്രമേ ഉള്ളു. അതിനു മുന്നെ അങ്ങനെ ഒരു സ്ഥലമുണ്ടായിരുന്നു എന്നോ അവിടെ ജനങ്ങള്‍ വസിച്ചിരുന്നു എന്നോ മുസ്ലിങ്ങള്‍ സമ്മതിക്കില്ല. അതുകൊണ്ട് പാലസ്തീനിലെ ഒന്നാം  ഭാഷയും  ഇസ്രയേലിലെ രണ്ടാം ഭാഷയും  ഉപയോഗിക്കുന്നു. ഇസ്രയേലിലെ ഒന്നാം ഭാഷ ആയ ഹീബ്രുവിനേക്കാള്‍ ഇഷ്ടം രണ്ടാം ഭാഷ ആയ അറബിയോടാണ്. രണ്ടിടത്തും ഒന്നാം ഭാഷ ഉപയോഗിച്ചു കൂടെ എന്നു ചോദിച്ചാല്‍ ഇസ്ലാം അനുവദിക്കുന്നില്ല എന്നോ മറ്റ് വിളിപ്പേരുകള്‍ കേട്ടിട്ടില്ല എന്നോ ആയിരിക്കും മറുപടി.

      Delete
    4. നേരത്തെ പറഞ്ഞത് പോലെ പേരിന്റെ വിഷയത്തില്‍ കൂടുതല്‍ പഠനം നടത്തിയിട്ടില്ല. ആ വിഷയത്തില്‍ എനിക്ക് പ്രത്യേക തര്‍ക്കങ്ങളും ഇല്ല. കാളിദാസന്‍ പറഞ്ഞത് പോലെ ഗ്രീക്ക്, ലാറ്റിന്‍, ഹിബ്രു, അറബി ഭാഷകളില്‍ വ്യത്യസ്ത ഉച്ചാരണങ്ങള്‍ ഉണ്ടാകും. ഈ നാലു ഭാഷകളില്‍ എനിക്കല്പം അറിയുന്നത് അറബിയായത്‌ കൊണ്ട് അതിലെ ഉച്ചാരണം ഉപയോഗിച്ചു എന്നേയുള്ളൂ. പേരിന്റെ കാര്യത്തില്‍ പ്രത്യേക താത്പര്യങ്ങള്‍ ഒന്നും ഇല്ല. എങ്ങിനെ ഉപയോഗിക്കുന്നതിനോടും വിയോജിപ്പില്ല.

      Delete
  27. Ullupilalo suhurthe

    ReplyDelete
  28. കാളിദാസന്‍ റോക്സ്......

    ReplyDelete
  29. ഈ അടുത്ത നാളിലാണ്‌ താങ്കളുടെ ബ്ലോഗ്‌ വായിച്ചുതുടങ്ങിയത്. എല്ലാ ബ്ലോഗുകളും വളരെ നന്നായിരിക്കുന്നു. ഇതു വായിച്ചപ്പോഴാണ് എൻറെ അനുഭവം പങ്കുവെക്കണം എന്നു തോന്നിയത്. ഒരു കുടിയേറ്റ രാജ്യത്താണ്ഞാൻ ജീവിക്കുന്നത്. കുറച്ചു വർഷങ്ങൾക്കു മുൻപ് ഞാൻ ജോലി ചെയ്തിരുന്ന company യിൽ 28 വിവിധ രാജ്യങ്ങളിൽ ജനിച്ചവർ ജോലി ചെയ്തിരുന്നു. അതിൽ ഒരാളുടെ ലാസ്റ്റ് നെയിം വളരെ ശ്ര ദേധയമായിരുന്നു. അത് പ്രശസ്തനായ പഴയ പലസ്തീനിയൻ ചീഫ് negotiator ന്റെ പേര്. ഒരിക്കൽ എന്റെ colleague മായി വളരെ അടുത്ത് സംസാരിക്കാൻ പറ്റി. ഞാൻ സംശയിച്ചതു പോലെ പുള്ളി പഴയ ലീഡരിന്റെ വളെരെ അടുത്ത ബനധു. പക്ഷെ ഞാൻ വിചാരിച്ചതിൽ നിന്നു വിപരീതമായീ അയാൾക്ക് പറയാനുണ്ടായിരുന്നത് corruption ൻറെ കഥകൾ മാത്രമായിരുന്നു, പിന്നെ പലസ്തീനിയൻ നേത്രുതാതോടുള്ള കടുത്ത അവിശ്യസവും. പിൽക്കാലങ്ങളിൽ ഇസ്രേൽലിൽ നിന്നും പലെസ്തെനിന്ൽ നിന്നും കുടിയേറിയ പലരെയും പരിചയപ്പെടാൻ സാധിച്ചു. എന്റെ അനുഭവത്തിൽ നിന്നു മനസിലായത് ഇസ്രേലികൾക്ക് ഐക്യവും അവരുടെ രാജ്യത്തിൽ വളെരെ വിശ്വാസവും ഉള്ളവരാണ്. പലസ്തീന്കാർക്ക് സ്വാതന്ത്ര്യത്തോട്‌ വളരെ താത്പര്യമുണ്ടെങ്കിലും അവര്ക്ക് ഒരു ഐക്യമോ നേത്രുതതോടുള്ള വിശ്വാസമോ ഇല്ല. ആരോക്കയോ അവനവന്റെ ഗുണത്തിനു എന്തൊക്കെയോ ചെയ്യുന്നു. ഒരു പക്ഷെ പൂർണ്ണ സ്വതന്ത്രരയാൽ തന്നെ പരിപൂര്ന്ന അസ്ഥിരതയയിരിക്കും അവരെ കാത്തിരിക്കുന്നത്.

    ReplyDelete
  30. ഈ ഇസ്രായേലിനെ അങ്ങ് അണുബോംബിട്ടു നശിപ്പിച്ചാൽ ലോകത്തെ എല്ലാ പ്രശ്നവും തീരുമോ ബഷീറേ..?? പിന്നെ പശ്ചിമേഷ്യയിൽ മുഴുവൻ സമാധാനം അണ പൊട്ടി ഒഴുകുമോ?

    ഏത് സാഹചര്യത്തിലും ഏത് കൂട്ടക്കൊലക്കിടയിലും ഇസ്രായേലിനെയും അമേരിക്കയും കുറ്റാരോപിതരാക്കി കോണ്‍സ്പിറസി തിയറി മെനയുന്ന ഒരു മുസ്ലിം മനസ്സ് മാത്രമേ നിങ്ങളിലും കാണാൻ കഴിയൂ.. ആരെങ്കിലും ഇസ്രയേലിനെ നാല് ചീത്ത പറഞ്ഞാൽ നിങ്ങൾക്ക് കുളിര് കോരും. ഇനി ചിലർ ഹിറ്റ്ലറുടെ പടം ഷെയർ ചെയ്ത് സായൂജ്യമടയും.

    ചാർളി ഹെബ്ടോ ആക്രമണത്തെ കുറിച്ച് മാതൃഭൂമി ചാനലിൽ ചർച്ചിച്ച ഫക്രുദ്ദീൻ അലി ആയാലും ബ്ലോഗ്ഗർ വള്ളിക്കുന്ന് ആയാലും ഇവിടെ കമന്റടിക്കുന്ന ചിലർ ആയാലും ഒരു കോണ്‍സ്പിറസി തിയറിയും സാമ്രാജ്യത തിയറിയും കൊണ്ട് ഭംഗിയായി സ്വന്തം ആൾക്കാർ ലോകമെങ്ങും നടത്തുന്ന നരനായാട്ട് അങ്ങ് ഒതുക്കും.

    താങ്കളുടെ വർഗ്ഗത്തിൽ പെട്ട ഒരു ബംഗ്ലാദേശ് ബ്ലോഗ്ഗറെ ഇന്നലെ പട്ടാപ്പകൽ തെരുവിലിട്ട് ചില പോരാളികൾ (നാമധാരികൾ) വെട്ടിക്കൊന്നു. അയാളുടെ ഭാര്യയുടെ കൈവിരലുകൾ അറുത്തു മാറ്റി. ഈ ബംഗ്ലാദേശ് നമ്മുടെ പഴയ ബംഗാളിന്റെ ഒരു ഭാഗമായി വരും. സാമ്രാജ്യത ഇടപെടലുകൾ, യൂണിവേഴ്സൽ കോണ്‍സ്പിറസി ഇതൊക്കെ സമാസമം ചേർത്ത് ഒരു പോസ്റ്റ്‌ അങ്ങ് കാച്ചിയാട്ടെ..!!

    ReplyDelete