December 31, 2013

തല്ല് കൊള്ളാൻ നേരം മുത്തപ്പനും വന്നു

തല്ലു കൊള്ളാൻ സാധ്യതയുള്ള നേരത്ത് ആ വഴി പോകാതിരിക്കുകയാണ് സാമാന്യ ബുദ്ധിയുള്ളവർ ചെയ്യേണ്ടത്. പക്ഷേ ഞാനിതാ തല്ല് കൊള്ളാൻ റെഡി എന്ന മട്ടിൽ മുത്തപ്പൻ ആ സമയത്ത് കടന്നു വന്നാൽ അയാൾക്കും കിട്ടും തല്ല്. അത് കയ്യിലിരുപ്പ് കൊണ്ടുള്ള തല്ലല്ല. അസമയത്ത് വേണ്ടാത്തിടത്ത് കയറിച്ചെല്ലുന്നത്‌ കൊണ്ടുള്ള തല്ലാണ്. ഇപ്പോഴത്തെ പോക്ക് കണ്ടിട്ട് ചരിത്രത്തിലെ ഏറ്റവും വലിയ പരാജയമാണ് അടുത്ത ലോകസഭാ തിരഞ്ഞെടുപ്പിൽ യു ഡി എഫ് നേരിടാൻ പോകുന്നത്. അതിന്റെ പാപഭാരം പ്രധാനമായും പേറേണ്ടിയിരുന്നത് സർക്കാരിനെ നയിക്കുന്ന ഉമ്മൻ ചാണ്ടി തന്നെയായിരുന്നു. ആ പാപഭാരം എന്റെ തലയിലേക്ക് ഇറക്കി വെച്ചോളൂ എന്ന മട്ടിൽ കഴുത്തു നീട്ടിക്കൊടുക്കുകയാണോ ആഭ്യന്തരമന്ത്രിയായിക്കൊണ്ടുള്ള ഈ വരവിലൂടെ ചെന്നിത്തല ചെയ്യുന്നത് എന്ന് സംശയമുള്ളത് കൊണ്ടാണ് 'തല്ലു കൊള്ളാൻ നേരം മുത്തപ്പനും വന്നു' എന്ന പഴമൊഴി ഓർത്തു പോയത്.

ചെന്നിത്തല ആളൊരു പാവമാണ്. ആപേക്ഷികമായി കോണ്‍ഗ്രസുകാരിൽ ശുദ്ധനുമാണ്. നിലവിലുള്ള നേതാക്കളിൽ അല്പം ഇമേജ് ബാക്കിയുള്ളതും അദ്ദേഹത്തിനാണ്. ചാണ്ടി മന്ത്രിസഭയിലെ ഏത് മന്ത്രി പദത്തെക്കാളും മാന്യതയും മഹിമയുമുള്ള കെ പി സി സി പ്രസിഡന്റ്‌ എന്ന സ്ഥാനം ത്യജിക്കാൻ തയ്യാറായിക്കൊണ്ടുള്ള ഈ വരവ് അദ്ദേഹത്തിന്റെ രാഷ്ട്രീയ ഭാവിയിൽ ഒരു 'മുരളി ഇഫക്റ്റ്' ഉണ്ടാക്കിയാൽ അത് സങ്കടകരമാണ്. അതുകൊണ്ട് തന്നെ ഈ മന്ത്രിസ്ഥാനം അങ്ങനെയൊരു കുരിശായി ചെന്നിത്തലക്ക് മാറാതിരിക്കട്ടെ എന്നാണ് ആശംസിക്കാനുള്ളത്.

പി സി ജോർജ് അമ്പലക്കാളയാണെന്ന് മുരളീധരൻ. മുരളീധരൻ വിത്ത്‌ മൂരിയാണെന്ന് പി സി ജോർജ്. ഇതാണ് ഇന്നലെ കേട്ട വാചകങ്ങൾ.. ഒരു മന്ത്രിസഭയിലെ ചീഫ് വിപ്പിനെയാണ് അമ്പലക്കാളയെന്ന് വിളിക്കുന്നത്‌. അതേ മന്ത്രിസഭ നയിക്കുന്ന ഒരു പാർട്ടിയുടെ മുൻ സംസ്ഥാന പ്രസിഡണ്ടിനെയാണ് ചീഫ് വിപ്പ് വിത്ത്‌ മൂരി എന്ന് വിളിക്കുന്നത്‌. അത്രമാത്രം ദയനീയമായ ഒരു സ്ഥിതിവിശേഷം നിലനിൽക്കുമ്പോഴാണ് ഇതാ ഞാനുമെത്തി എന്ന് പറഞ്ഞ് രമേശേട്ടൻ വരുന്നത്.


മന്ത്രിസഭയുടെ മുഖച്ഛായ മെച്ചപ്പെടുത്താനുള്ള ആന്റണിയുടെയും ഹൈക്കമാണ്ടിന്റെയും നീക്കമായിട്ടാണ് ചെന്നിത്തലയെ വെച്ചുള്ള ഈ 'സാമുദായിക സമതുലന സിദ്ധാന്തം' വിലയിരുത്തപ്പെടുന്നത്. നല്ലത് തന്നെ. പക്ഷേ മന്ത്രിസഭയുടെ മുഖച്ഛായ അല്പമെങ്കിലും മെച്ചപ്പെടുത്തണമെങ്കിൽ ആദ്യം വേണ്ടത് ചെന്നിത്തല മന്ത്രിയാവുകയല്ല, ചീഫ് വിപ്പിനെ ചെവിക്ക് പിടിച്ച് പുറത്തിടുകയാണ്‌. അയാളാണ് ഈ മന്ത്രിസഭയുടെ ഒന്നാം നമ്പർ ഇമേജ് ബുൾഡോസർ. നെല്ലിയാമ്പതി എസ്റ്റേറ്റുകളിൽ തൊട്ടപ്പോഴാണ് പി സി ജോർജ് ഇടഞ്ഞത്. അതുവരെ സർക്കാരിന്റെ ഒന്നാം നമ്പർ സംരക്ഷകനായിരുന്നു ജോർജ്. അടിച്ചെടുത്ത സർക്കാർ ഭൂമികൾ തിരിച്ചു പിടിക്കുമോ എന്ന ഭയത്തിൽ നിന്നാണ് ജോർജിന്റെ സമരങ്ങൾ ആരംഭിക്കുന്നത്.  കൊമ്പ് കുലുക്കിയും മുക്രയിട്ടും ഇടം വലം ഓടുന്ന ഇങ്ങനെയൊരു വേതാളം ചീഫ് വിപ്പായും ഗവണ്മെന്റ് വക്താവായും ഇല്ലായിരുന്നുവെങ്കിൽ യു ഡി എഫിന്റെ പ്രതിച്ഛായ ഇത്രത്തോളം വഷളാവുമായിരുന്നില്ല. ഇത്തരമൊരു ജന്മത്തെ ആ സ്ഥാനത്തിരുത്തിക്കൊണ്ട് സാക്ഷാൽ മാവേലി വന്നു ഭരിച്ചാലും തെണ്ടിപ്പോവുകയേയുള്ളൂ..

ഇത്രയും നല്ലൊരു പ്രതിപക്ഷത്തെ കേരളത്തിന്റെ ചരിത്രത്തിൽ ഇനി കിട്ടാനില്ല. മഹാ പാവങ്ങളാണ് അവർ.. കട്ടൻ ചായയും പരിപ്പ് വടയും കഴിച്ച് സെക്രട്ടേറിയറ്റ് പടിക്കലും ക്ലിഫ് ഹൗസിന്റെ പരിസരത്തും കറുത്ത കൊടിയും പിടിച്ച് നില്ക്കുന്നു എന്നതല്ലാതെ മറ്റ് യാതൊരുവിധ ഉപദ്രവവും അവരെക്കൊണ്ട് ഈ സർക്കാരിന് ഉണ്ടാവില്ല. ദേശാഭിമാനിയും എ കെ ജി സെന്ററും വരെ ചാക്ക് രാധാകൃഷ്ണൻമാർക്ക് മറിച്ചു വിറ്റു നാല് കാശുണ്ടാക്കുന്ന തിരക്കിലാണ് അവരുടെ നേതാക്കന്മാർ. അത്തരം കാര്യങ്ങളിൽ ഇടപെടാത്തിടത്തോളം കാലം സർക്കാരിന്റെ കാര്യത്തിൽ അവരും ഇടപെടില്ല. അങ്ങനെയൊരു പ്രതിപക്ഷത്തെ കിട്ടിയിട്ടും യു ഡി എഫിന്റെ ഗതി ഇങ്ങനെയാക്കിയതിനു പിന്നിൽ ചീഫ് വിപ്പിന്റെ പങ്ക് ചെറുതല്ല.      

സുകുമാരൻ നായരെ സംബന്ധിച്ചിടത്തോളം ഏറെക്കാലമായുള്ള ഒരു സ്വപ്നദ്വാരമാണ് തുറന്നു കിട്ടാൻ പോകുന്നത്. സർക്കാരിന്റെ താക്കോൽ ദ്വാരത്തിൽ ഒരു വെളുത്ത നായർ ഉണ്ടാവണം എന്നത് സുകുമാരൻ നായരുടെ ജീവിതാഭിലാഷമാണ്. അദ്ദേഹം രംഗത്ത് വന്ന ശേഷമാണ് ചെന്നിത്തല നായരാണെന്ന വിവരം പോലും പൊതുജനത്തിന്റെ ശ്രദ്ധയിൽ പെടുന്നത്. അദ്ദേഹത്തിന്റെ ജീവിതാഭിലാഷം സാധ്യമാകുന്നു എന്നതൊഴിച്ചാൽ നായർ സമുദായത്തെ സംബന്ധിച്ചിടത്തോളം കറുത്ത നായർ പോയി വെളുത്ത നായർ വരുന്നത് കൊണ്ട് പ്രത്യേകിച്ച് ഗുണമൊന്നുമില്ല.

ഏറെക്കാലമായി പുകഞ്ഞു കൊണ്ടിരിക്കുന്ന ഈ പുന:സംഘടന എപ്പിസോഡിൽ ആകെയൊരു ആശ്വാസമുള്ളത് ആഭ്യന്തരമന്ത്രി പദം തിരുവഞ്ചൂരിൽ നിന്ന് എടുത്തു മാറ്റപ്പെടുന്നു എന്നതാണ്. കള്ളനെ പിടിക്കുകയല്ല കള്ളന് കഞ്ഞിയും ചമ്മന്തിയും വെച്ചു കൊടുക്കുകയാണു കുറച്ച് മാസങ്ങളായി അദ്ദേഹം ചെയ്തു കൊണ്ടിരിക്കുന്നത്. അവിശുദ്ധ കൂട്ടുകെട്ടുകളുടെയും പുളിച്ചു നാറിയ രാഷ്ട്രീയ നാടകങ്ങളുടെയും നാണം കെട്ട കളികളാണ് ആരെയും കൂസാതെ അദ്ദേഹം കളിച്ചു കൊണ്ടിരിക്കുന്നത്. സഖാവ് ടി പിയെ മുഖം പോലും ബാക്കി വെക്കാതെ വെട്ടി വെട്ടി കൊന്ന മനുഷ്യ മൃഗങ്ങളെയും അവരെ ആ ദൗത്യത്തിന് പറഞ്ഞയച്ച രാഷ്ട്രീയ യജമാനമാരെയും ബാലഗോപലാന്മാരെ എണ്ണ തേപ്പിച്ചു കുളിപ്പിക്കുന്ന പോലെ കുളിപ്പിച്ച് കൊണ്ടിരിക്കുകയാണ് അദ്ദേഹം. എത്ര പെട്ടെന്ന് ആ സ്ഥാനത്ത് നിന്ന് അദ്ദേഹം പുറത്ത് പോകുന്നുവോ അത്രയും നല്ലത് എന്നേ പറയാനുള്ളൂ. പുതുവർഷം കൊണ്ട് വരുന്ന ഈ പുന:സംഘടന എപ്പിസോഡിലെ ഒരേയൊരു പ്ലസ് പോയിന്റ്‌ അത് മാത്രമാണ്.

Related Posts
താക്കോല്‍ ദ്വാരത്തിലെ നായന്മാര്‍
ആറാം മന്ത്രി ഉടന്‍, ഹൈക്കമാന്ഡിന്റെ അടിയന്തിരയോഗം!

Recent Posts
സന്ധ്യയേയും കൊച്ചൌസേപ്പിനേയും ചൊറിയുന്നവരോട്
കൊടിസുനിയുടെ ഫേസ്ബുക്ക്‌, തിരുവഞ്ചൂരിന്റെ ബാര്‍ബര്‍ ഷോപ്പ്   

24 comments:

  1. തിരുവഞ്ചി ഒരു കരയിലോതുക്കിയാല്‍ തന്നെ ആശ്വാസം...

    ReplyDelete
  2. മമ്മൂട്ടിയെയും കുഞ്ചാക്കൊ ബോബനെയും ഒക്കെ മന്ത്രിമാരാക്കിയാൽ മുഖച്ഛായയുടെ വിഷയത്തിൽ കുറച്ചുകൂടി മെച്ചമുണ്ടാവും.

    ReplyDelete
  3. Copied from mathrubhumi.com
    <<>>

    അപ്പോൾ പിന്നെ ഈ തിരുവഞ്ചൂർ രാധാകൃഷ്ണൻ നായർ എന്ന് പറയുന്ന ആൾ മുസ്ലിം ആണെന്ന് തോന്നുന്നു.

    ReplyDelete
  4. Copied from mathrubhumi.com
    << കോണ്‍ഗ്രസിന്റെ ആഭ്യന്തര പ്രശ്‌നമായതിനാല്‍ പ്രതികരിക്കാനില്ലെന്ന് എന്‍.എസ്.എസ് ജനറല്‍ സെക്രട്ടറി സുകുമാരന്‍ നായര്‍ പെരുന്നയില്‍ പറഞ്ഞു. ചെന്നിത്തല മന്ത്രിയായതിന്റെ ക്രഡിറ്റ് എന്‍.എസ്.എസ് എടുക്കുന്നില്ല. ആര് മന്ത്രിയായാലും ഇല്ലെങ്കിലും പ്രശ്‌നമില്ല. ' താക്കോല്‍ സ്ഥാനം ' ഭൂരിപക്ഷ സമുദായാംഗത്തിന് ലഭിച്ചതില്‍ സന്തോഷമുണ്ടെന്നും സുകുമാരന്‍ നായര്‍ പറഞ്ഞു.>>

    അപ്പോൾ പിന്നെ ഈ തിരുവഞ്ചൂർ രാധാകൃഷ്ണൻ നായർ എന്ന് പറയുന്ന ആൾ മുസ്ലിം ആണെന്ന് തോന്നുന്നു.

    ReplyDelete
  5. താക്കോൽ ദ്വാരത്തിൽ ഒരു വെളുത്ത നായർ

    ReplyDelete
  6. പി.സി. ജോര്‍ജ്ജിനെ തൊട്ടാല്‍ മന്ത്രിസഭ എപ്പോ വീണെന്ന് ചോദിച്ചാല്‍ മതി! എന്തിനു കാശുകൊടുത്ത് പണി വാങ്ങുന്നു? ചക്കരക്കുടം പരമാവധി കൈവശം വെച്ച് കൈയിട്ടുവാരി നക്കാം. കുറച്ചു നാറ്റം ഒക്കെ ഉണ്ടായാലും അതങ്ങ് സഹിക്കാമല്ലോ!

    ReplyDelete
  7. let me request you one thing,,, can you please start a discussion like asking 5 Q's on the new home minister ,,1. will he ask CBI to inquire on T P assasination,,2. Will solar issue given to Vigilence 3. Will he order a probe Chakkittapara Mine,, 4 Will he provide NIA for Gold smuggling Case ,,, 5 Ex Home Minister's Son's job

    ReplyDelete
    Replies
    1. No use dear friend, the so called political mechanism is not going to change with a cabinet shuffling. Anyway, let us wait and see what Mr. Chennitthala is going to do on the issues you have raised.

      Delete
  8. ഡല്‍ഹിയില്‍ ചൂല്‍ പാര്‍ട്ടിയുടെ വിപ്ലവ വിജയംഒരു ബ്ലോഗിനുള്ള തരിപ്പ് നല്‍കും എന്ന് കരുതീര്‍ന്നു . അതിന്റെ തയ്യാരെടുപ്പാകും ഈ നിശബ്ദത എന്ന് തെറ്റി ദ്ധരിച്ചു. ശ്ശെ... ഈ ചത്ത വിഷയത്ത്തിലാനല്ലോ ബ്ലോഗാന്‍ തോന്നിയത്‌.. കണ്ണിലോഴിച്ച് എണ്ണ വെര്‍തെയായി... :(

    ReplyDelete
    Replies
    1. ഞാനും പ്രതീക്ഷിച്ചു. ആം ആദ്മിയെക്കുരിച്ചു ബഷീര്ക എഴുതുമെന്നു. ഇനിയും എഴുതാൻ വൈകിയിട്ടില്ല

      Delete
    2. ആം ആദ്മി എന്ത് ചെയ്യുന്നു എന്ന് നോക്കാം. വെറുതെ ചാടിക്കേറി പോസ്റ്റിട്ട ശേഷം ഗുലുമാലിലാകാന്‍ ഞാനില്ല. അതാണ്‌ എഴുതാതിരുന്നത്. അണ്ണാ ഹസാരെയുടെ വിഷയത്തില്‍ ഒരബദ്ധം പിണഞ്ഞതാണ് :)

      Delete
    3. ആം ആദ്മി പാര്‍ട്ടിക്ക്‌ എന്ത് ചെയ്യാന്‍ പറ്റുമെന്നത് കാത്തിരുന്നേ കാണാന്‍ പറ്റൂ.. ശരി തന്നെ.. പക്ഷെ ...വയസ്സരിയിക്കാത്ത ഒരു കൊച്ചു പാര്‍ട്ടി... അതും ഏട്ടിലെ പുലി എന്നു എല്ലാരും കരുതിയ ചൂല്‍ ഇന്ദ്രപ്രസ്ഥംവാഴാന്‍ ഒരുങ്ങിയത് വാര്‍ത്ത അല്ലാന്നുണ്ടോ..? നമ്മുടെ മോദിയുടെ മോടിയും കുമ്പസാരവും രണ്ടാം പേജിലേക്ക്‌ മറിയാന്‍ മാങ്ങാ പാര്‍ട്ടി കാരണമായില്ലേ ബഷീര്‍ക്കാ,,

      Delete
  9. നിങ്ങളെതാ പാര്‍ട്ടി. അറിയാന്‍ മേലാഞ്ഞിട് ചോദിക്കുവാണ്

    ReplyDelete
    Replies
    1. ആം ആദ്മിയില്‍ ചേരാനുള്ള ആലോചനയിലാണ്. ന്താ കൂടുന്നോ?

      Delete
    2. BASHEERKA MMALEY PARTIYANE....

      Delete
  10. അദ്ദേഹം രംഗത്ത് വന്ന ശേഷമാണ് ചെന്നിത്തല നായരാണെന്ന വിവരം പോലും പൊതുജനത്തിന്റെ ശ്രദ്ധയില്‍ പെടുന്നത്. ithu correct

    ReplyDelete
  11. ദേശാഭിമാനിയും എ കെ ജി സെന്ററും വരെ ചാക്ക് രാധാകൃഷ്ണൻമാർക്ക് മറിച്ചു വിറ്റു നാല് കാശുണ്ടാക്കുന്ന തിരക്കിലാണ് അവരുടെ നേതാക്കന്മാർ. അത്തരം കാര്യങ്ങളിൽ ഇടപെടാത്തിടത്തോളം കാലം സർക്കാരിന്റെ കാര്യത്തിൽ അവരും ഇടപെടില്ല. Like Like Like

    ReplyDelete
  12. "പി സി ജോർജ് അമ്പലക്കാളയാണെന്ന് മുരളീധരൻ. മുരളീധരൻ വിത്ത്‌ മൂരിയാണെന്ന് പി സി ജോർജ്. ഇതാണ് ഇന്നലെ കേട്ട വാചകങ്ങൾ.."

    ഇന്ന് കോടിയേരിയുടെ ഒരു ഡയലോഗും കണ്ടു. ' മച്ചിപ്പശുവിനെ തൊഴുത്ത് മാറിക്കെട്ടിയതു കൊണ്ട് പ്രത്യേകിച്ചു ഗുണമൊന്നുമില്ല' എന്നതായിരുന്നു അത്. സ്കൂള്‍പ്രായത്തില്‍ ശണ്ഠ കൂടാറുള്ള കുട്ടികളുടെ മാനസിക നിലവാരത്തേക്കാള്‍ താഴോട്ടു പോയിരിക്കുന്നു ഇന്നത്തെ രാഷ്ട്രീയ നേതാക്കളില്‍ പലരുടെയും അവസ്ഥ. ചിലപ്പോഴൊക്കെ തനി റൌഡികളുടെ മുഖഭാവവും, ചേഷ്ടകളുമൊക്കെയായിപ്പോലും ദൃശ്യമാധ്യമങ്ങളില്‍ ഈ നേതാക്കള്‍ നിറഞ്ഞു നില്‍ക്കുന്നത് കാണാറുണ്ട്‌. അപ്പോഴൊക്കെ അത്ഭുതവും അതോടൊപ്പം അറപ്പും തോന്നിപ്പോകും.

    ഇന്നത്തെ രാഷ്ട്രീയ നേതൃത്വങ്ങളുടെ അഴിമതികളും,സംസ്കാര ശൂന്യതയും കണ്ട് ജനം മടുത്തു മനം ചത്തിരിക്കുന്നു. ഒരു രക്ഷാമാര്‍ഗ്ഗം ഭൂരിപക്ഷം ജനങ്ങളുടെയും പ്രാര്‍ഥനയായി മാറിയിരിക്കുന്നു. ആ അഭിലാഷം നടപ്പിലാകണമെങ്കില്‍ ഇപ്പോള്‍ ആം ആദ്മി പാരിട്ടിയില്‍ കണ്ടതുപോലെ നല്ല വിദ്യാഭ്യാസവും അതോടൊപ്പം നല്ല മേഖലകളില്‍ ജോലിചെയ്യുകയും ചെയ്തിട്ടുള്ളവര്‍ നമ്മുടെ നേതൃസ്ഥാനത്ത് വരേണ്ടതുണ്ട്. എങ്കില്‍ മാത്രമേ കുറച്ചെങ്കിലും സംസ്കാര സമ്പന്നമായ ഒരു രാഷ്ട്രീയ നേതൃത്വം നമുക്ക് ലഭ്യമാവുകയുള്ളൂ. ഭരണപക്ഷമായാലും പ്രതിപക്ഷമായാലും മിനിമം മനുഷ്യനെന്ന പരിഗണനയെങ്കിലും പരസ്പരം വകവെച്ചു കൊടുത്തുകണ്ട് കാര്യങ്ങള്‍ മുന്നോട്ടുകൊണ്ടുപോകാന്‍ അത്തരക്കാര്‍ക്കു മാത്രമേ സാധിക്കുകയുള്ളൂ.. അതിന് ഇനിയും എത്ര കാത്തിരിക്കേണ്ടി വരും എന്നകാര്യത്തിലാണ് ആശങ്കയുള്ളത്‌.

    ReplyDelete
  13. നാട്ടിലെ കുറച്ചു നാളത്തെ ജീവിതത്തിൽ നിന്നും ഒരുകാര്യം മനസിലായി .
    ജനത്തിന് ഈ പറയുന്ന കാര്യങ്ങളോടോന്നും വലിയ വികാരങ്ങൾ ഒന്നും തോനുന്നില്ല. ബുദ്ധിമുട്ടില്ലാത്ത ജീവിത സാഹചര്യങ്ങൾ,. യാത്ര ചെയ്യാൻ സുഖകരമായ റോഡ്‌, ഹർത്താലു കൾ ഇല്ലാത്ത ദിവസങ്ങൾ എന്നിങ്ങനെ ഒരുപിടി നിത്യജീവിത പ്രശ്നങ്ങളെ കുറിച്ച് മാത്രം ചിന്തിച്ചു കൊണ്ട് ദിവസങ്ങൾ മുൻപോട്ടു കൊണ്ടുപോകുന്ന ഒരു വലിയ ജനത. അവർക്ക് വലിയ തെറ്റില്ലാത്ത ഭരണം നല്കുന്നു UDF

    ഇത്രയും കാലത്തിനിടയിൽ ആകെ ക്കൂടി എല്ലാവരും ഒരേ സ്വരത്തിൽ പ്രതികരിച്ചു കണ്ടത് റോഡ്‌ ഉപരോധ ത്തിനെതിരെ സന്ധ്യ യുടെ ഒറ്റയാൾ പോരാട്ടത്തെ അനുകൂലിച്ചു പ്രതികരിച്ചു.

    മറ്റു പ്രശ്നങ്ങൾ ഒക്കെ ശരിക്കും വിശകലനം ചെയ്യുന്നതും ചർച്ച ചെയ്യുന്നതും പ്രവാസികൾ മാത്രമാണ്.
    --
    Mohammed H. Ziad

    ReplyDelete
  14. @ഇപ്പോഴത്തെ പോക്ക് കണ്ടിട്ട് ചരിത്രത്തിലെ ഏറ്റവും വലിയ പരാജയമാണ് അടുത്ത ലോകസഭാ തിരഞ്ഞെടുപ്പിൽ യു ഡി എഫ് നേരിടാൻ പോകുന്നത്. അതിന്റെ പാപഭാരം പ്രധാനമായും പേറേണ്ടിയിരുന്നത് സർക്കാരിനെ നയിക്കുന്ന ഉമ്മൻ ചാണ്ടി തന്നെയായിരുന്നു. ആ പാപഭാരം എന്റെ തലയിലേക്ക് ഇറക്കി വെച്ചോളൂ എന്ന മട്ടിൽ കഴുത്തു നീട്ടിക്കൊടുക്കുകയാണോ ആഭ്യന്തരമന്ത്രിയായിക്കൊണ്ടുള്ള ഈ വരവിലൂടെ ചെന്നിത്തല ചെയ്യുന്നത് എന്ന് സംശയമുള്ളത് കൊണ്ടാണ് 'തല്ലു കൊള്ളാൻ നേരം മുത്തപ്പനും വന്നു' എന്ന പഴമൊഴി ഓർത്തു പോയത്.


    ടി പി വധക്കേസിന്റെ വിധി വരാനിരിക്കുന്നു. തിരുവഞ്ചൂർ രക്ഷപെട്ടു എന്നും കൂടി വിചാരിക്കാം. ഇപ്പോഴത്തെ പോക്ക് കണ്ടിട്ട് ചരിത്രത്തിലെ ഏറ്റവും വലിയ പരാജയം UDF ഏറ്റു വാങ്ങും എന്നൊന്നും എനിക്ക് തോന്നുന്നില്ല. തീർച്ചയായും ജന രോഷം UDF നു എതിരായുണ്ട് പക്ഷെ അതെ രോഷം LDF നോടും ഉണ്ട്. ഒരിടത്ത് അഴിമതിയും വഴക്കും തട്ടിപ്പും ഒക്കെ ആണെങ്കില മറു വശത്ത്‌ കൊലപാതകവും വഞ്ചനയും സമര പരാജയങ്ങളും ഒക്കെ ആണ്. പിണറായി വിജയ ശ്രീ ലാളിതനായി വന്നപ്പോൾ UDF ഇലെ ചിലര് കുട പിടിച്ചിട്ടുണ്ട് പക്ഷെ അതെ പോലെ മറു വശത്ത്‌ കുറെ പേര് കുട മടക്കിയിട്ടും ഉണ്ട്. ചെന്നിത്തലയെ കൊണ്ട് വന്നത് കൊണ്ട് സുകുമാരാൻ നായരെ പോലെ ചിലരെ കൂടെ നിരത്താൻ സഹായിക്കാം. പക്ഷെ സുകുമാരാൻ നായര് പറയുന്നത് എത്ര നായന്മാർ കേള്ക്കും എന്നത് വലിയൊരു ചോദ്യമാണ്. ഇപ്പറെ വെള്ളാപ്പള്ളി ഉമ്മൻ ചാണ്ടിയെ ചോദ്യം ചെയ്യുന്നുണ്ട് അത് LDF നെ സഹായിക്കാം പക്ഷെ അതേപോലെ അദ്ദേഹം BJP ക്കും ക്ലീൻ ചീട്ടു കൊടുക്കുന്നുണ്ട്. സുകുമാരൻ നായരുടെ പോലെ വെള്ളാപ്പള്ളി പറയുന്നത് എത്ര ഈഴവർ കേള്ക്കും എന്നതും കണ്ടരിയെണ്ടാതുണ്ട്. മുസ്ലീം ലീഗിലെയും കേരള കൊണ്ഗ്രസ്സിലെയും കാര്യം പറയാതിരിക്കുകയാണ് ഭേദം. ഇതിനെല്ലാം ഇടയിലാണ് ആം ആദ്മി പാർട്ടി കടന്നു വരുന്നത്. ഇത് എല്ലാവര്ക്കും ഒരു ഭീഷണിയാണ്. ഈ തെരഞ്ഞെടുപ്പു ഭലം കേരളത്തിലെ രണ്ടു പേരുടെ നിലപാടുകളെ അനുസരിച്ചിരിക്കും. ഒന്ന് വീ എസ് അച്ചുതാനന്തൻ രണ്ട് A K ആന്റണി. എന്തായാലും LDF തന്നെ ഭൂരിപക്ഷം നെടുവാനാണ് സാധ്യത പക്ഷെ വൻ വിജയം ആകും എന്നൊന്നും പ്രവചിക്കാറായിട്ടില്ല. വീ എസ് പ്രത്യക്ഷത്തിൽ ആം ആദ്മി പാർട്ടിക്ക് പിന്തുണ കൊടുക്കുന്നു എന്ന് വന്നാല കേരളത്തിൽ ജയിക്കേണ്ട പലരും തോറ്റു പോകാം. അങ്ങനെ വന്നാല രണ്ടു കൂട്ടരും ഒപ്പത്തിനൊപ്പം നില്ക്കാനും സാദ്യത ഉണ്ട്. ഇത് നാളെ ഇലക്ഷൻ നടന്നാലുള്ള കാര്യമാണ്. തെരഞ്ഞെടുപ്പിന് ഇനിയും മൂന്നു നാല് മാസം ഉണ്ട് ഇതിനിടയിൽ കേരളം എന്തെല്ലാം കാണാൻ കിടക്കുന്നു - അഡജസ്റ്റ്മെന്റ് രാഷ്ട്രീയം?

    ReplyDelete
  15. അയ്യങ്കാളിJanuary 1, 2014 at 8:14 AM

    ഭരണം മൊത്തത്തിൽ നായന്മാർ പിടിച്ചടക്കി. ഈഴവ പിന്നോക്ക വിഭാഗങ്ങല്ക്ക് ആനമുട്ട. സുകുമാരാൻ നായരുടെ ചെരുപ്പ് നക്കി വെള്ളാപ്പള്ളിയെ എസ് എൻ ഡി പിയിൽ നിന്ന് പുറത്താക്കുക.

    ReplyDelete
  16. ചീഫ് വിപ്പിനെ പിടിച്ച് പുറത്തിട്ടാൽ വിവരം അറിയും ..... ഐ മീൻ, നാട്ടുകാർ സകലവിവരവും ചാനലിലൂടെ അറിയും എന്ന് :)

    ReplyDelete
  17. താങ്കളിൽ നിന്ന് പ്രതീക്ഷിച്ച പോസ്റ്റുകൾ

    1. LDF സമരം അഥവാ "കാവിലെ പാട്ട് മത്സരം"
    2. ആം ആദ്മിയുടെ കുറ്റി ചൂലും ഷീല മാഡത്തിന്റെ തിരു മുറ്റവും
    3. പാലോറ മാതയുടെ ആട് , ചാക്ക് രാധാകൃഷ്ണന്റെ വാക്ക് പിന്നെ സഖാക്കൾ ജയരാജന്മാരും
    4. പ്ലീനം മ്ലാനം , വാക്ക് ചാക്കായി .....................


    ഹും വെറുതെ കൊതിപ്പിച്ചു ...............................

    ReplyDelete