November 2, 2013

ശ്വേതയും ബോൾഡ്നെസ്സും പിന്നെ പീഡാംബാരക്കുറുപ്പും

കൊല്ലം പ്രസിഡൻസി ട്രോഫി വള്ളംകളിയുടെ ഉദ്ഘാടന ചടങ്ങിനിടെ ശ്വേതാമേനോനെ ഒരു ജനപ്രതിനിധി അപമാനിച്ച സംഭവമാണ് പീഡന പരമ്പരകളിലെ ലേറ്റസ്റ്റ് സ്റ്റോറി. അപമാനിക്കപ്പെട്ടത് താരമായതിനാലും പ്രതിയായി ചൂണ്ടിക്കാണിക്കപ്പെടുന്നത് ഇന്ത്യ ഭരിക്കുന്ന ഒരു രാഷ്ട്രീയ പാർട്ടിയുടെ പാർലമെന്റ് മെമ്പറായതിനാലും വാർത്ത ലൈവായി കുറച്ചു കാലം ഓടുമെന്നത് ഉറപ്പാണ്. പീഡന വാർത്തകളുടെ പ്രളയ കാലത്തിലൂടെയാണ് കേരളം കടന്നു പോകുന്നത്. നാല് വയസ്സുകാരിയെ അമ്മയും കാമുകനും ചേർന്ന് പീഡിപ്പിച്ചു കൊന്ന വാർത്ത ടി വി സ്ക്രീനുകളിൽ ഇപ്പോഴും സ്ക്രോൾ ചെയ്ത് തീർന്നിട്ടില്ല. പീഡനങ്ങളുടെയും അനുബന്ധ കൊലപാതകങ്ങളുടെയും റിപ്പോർട്ടുകൾ ഇടവേളകളില്ല്ലാതെ വന്നുകൊണ്ടിരിക്കുന്നു. ഒരു താര ഗോസിപ്പ് നിലവാരത്തിലുള്ള വാർത്തയാണ് ശ്വേതയുടെതെങ്കിലും അപമാന ശ്രമങ്ങളോടും കയ്യേറ്റ ശ്രമങ്ങളോടും സ്ത്രീകൾ പ്രതികരിക്കേണ്ടത് എങ്ങിനെയെന്ന ചോദ്യം ഈ 'തോണ്ടൽ എപ്പിസോഡ്' ഉയർത്തുന്നുണ്ട്.

ഞരമ്പ്‌ രോഗത്തിന് പ്രായമില്ല. അതിന് കോണ്‍ഗ്രസ് എന്നോ സി പി എം എന്നോ ഭേദമില്ല. എം പി യെന്നോ മന്ത്രിയെന്നോ ഉള്ള വ്യത്യാസമില്ല. ഒരു ആഗോള പ്രതിഭാസമാണത്. എന്നിരുന്നാലും കോണ്‍ഗ്രസ്സുകാർക്ക് പ്രായം കൂടുന്തോറും 'ശൗര്യം' ഇത്തിരി കൂടുമെന്ന് പറഞ്ഞു കേൾക്കാറുണ്ട്‌. എൻ ഡി തിവാരി, അഭിഷേക് സിംഗ്വി തുടങ്ങി നമ്മുടെ കുര്യൻ സാർ വരെയുള്ള നിരവധി ഉദാഹരണങ്ങൾ അതിന് തെളിവായി മുന്നിലുണ്ട്. 'ശൗര്യം' കൂടി വരുന്ന കോണ്‍ഗ്രസ്‌ നേതാക്കളുടെ പട്ടികയിലേക്ക് വൈകിയാണെങ്കിലും പീതാംബരക്കുറുപ്പിനും കയറിക്കൂടാൻ പറ്റി. 

ജില്ലാ കലക്ടറുടെ ക്ഷണം സ്വീകരിച്ച് ചടങ്ങിനെത്തിയ തന്നെ കാറിൽ നിന്നും അപമാനിച്ചു. തുടർന്ന് വേദിയിലേക്കുള്ള നടത്തത്തിനിടയിലും പിന്നീട് വേദിയിലും വെച്ച് അപമാനിച്ചു എന്നൊക്കെയാണ് ശ്വേത മാധ്യമങ്ങളോട് പറഞ്ഞിട്ടുള്ളത്. ഒരു ജനപ്രതിനിധിയാണ് അത് ചെയ്തതെന്നും പേര് പറയുന്നില്ലെന്നുമാണ് നടി വിശദീകരിച്ചിട്ടുള്ളത്.  ശ്വേതയുടെ വാക്കുകളെ ഒരു നിലക്കും അവിശ്വസിക്കേണ്ട ആവശ്യമില്ല. കേരളീയ പൊതുസമൂഹത്തിനും പൊതുപ്രവർത്തകർക്കും തീർത്തും അപമാനകരമായ സംഭവങ്ങളാണ് നടന്നിട്ടുള്ളത്. ക്ഷണിച്ചു വരുത്തിയ ഒരു സിനിമാ താരത്തോട് പൊതുവേദിയിൽ വെച്ച് ഒരു രാഷ്ട്രീയ നേതാവ് ഇത്തരത്തിൽ ആഭാസകരമായി പെരുമാറി എന്നത് ആശ്ചര്യകരം തന്നെ. അതിലേറെ ആശ്ചര്യം ജനിപ്പിക്കുന്നത് 'ബോൾഡ് ആക്ട്രസ്' എന്ന് കേരളത്തിലെ മാധ്യമങ്ങൾ മൊത്തത്തിൽ വിശേഷിപ്പിക്കുന്ന ശ്വേത ഇത്തരമൊരു ആഭാസകരമായ പെരുമാറ്റത്തെ നേരിട്ട രീതിയാണ്.


ഇത്രയും 'ബോൾഡായ' ഒരു ആക്ട്രസ്സ്  തന്റെ പിറകിൽ പിടിച്ച് ഞെക്കിയ നേതാവിന്റെ ചെകിടത്ത് അടിക്കേണ്ടതായിരുന്നില്ലേ. ശശി തരൂരിന് നല്കിയ സ്വീകരണ ബഹളത്തിനിടെ തന്നെ കയറിപ്പിടിക്കാൻ ശ്രമിച്ച യൂത്ത് കോണ്‍ഗ്രസ്സുകാരനെ സുനന്ദ പുഷ്കർ കൈകാര്യം ചെയ്തത് പോലെ.. അത് ചെയ്തില്ലെന്നതോ പോകട്ടെ അപമാനിച്ച നേതാവിന്റെ പേര് പോലും പുറത്ത് പറയാൻ ശ്വേത മടിക്കുന്നു. ഇതിനാണോ നാം ബോൾഡ്നെസ്സ് എന്ന് പറയുന്നത്?.  പ്രസവമൊക്കെ ലൈവായി കാണിച്ചതല്ലേ. ചാനലിലെ ഷോയിൽ പങ്കെടുക്കുന്ന മത്സരാർത്ഥികളെ ഇടയ്ക്കിടെ കെട്ടിപ്പിടിക്കുന്നതല്ലേ, അപ്പോൾ പിന്നെ ഒന്ന് ഞെക്കിയാലും തോണ്ടിയാലും കുഴപ്പം കാണില്ല എന്ന് ഈ വൃദ്ധ പീഡകൻ കരുതിക്കാണണം.അദ്ദേഹത്തിന്റെ ഞരമ്പ്‌ രോഗം തലയുയർത്തിത്തുടങ്ങിയ ആദ്യ നിമിഷം തന്നെ അതിനെ കൈകാര്യം ചെയ്യാൻ ശ്വേതയ്ക്ക് കഴിയാതിരുന്നത് എന്ത് കൊണ്ട്?. കാറിലും വഴിയിലും വേദിയിലും 'പീഡിപ്പിച്ചപ്പോൾ' പ്രതികരിക്കാതെ വൈകിട്ട് ചാനൽ ചർച്ചകൾക്ക് കാത്തിരിക്കുന്നതാണോ ബോൾഡ്നെസ്സ്.

അറിയാൻ മേലാഞ്ഞിട്ട് ചോദിക്കുകയാണ്. പെണ്‍കുട്ടികളുടെ ബോൾഡ്നെസ്സ് എന്നാൽ എന്താണ്? ചന്തിയിൽ പിടിച്ച് ഞെക്കുന്നവനോട് താങ്ക്യൂ പറയുന്നതാണോ?. വിമാനത്തിൽ പിറകിലെ സീറ്റിൽ നിന്ന് കയ്യിട്ട് കയറിപ്പിടിച്ച നേതാവിനെ നോക്കി പല്ലിളിക്കുന്നതാണോ?. മടിയിൽ പിടിച്ചിരുത്തുന്ന ആത്മീയ ആചാര്യന്റെ താടി തടവിക്കൊടുക്കുന്നതാണോ? അതാത് സമയത്ത് പ്രതികരിക്കുന്നതിന് പകരം പിന്നീട് കരഞ്ഞിട്ടും പിഴിഞ്ഞിട്ടും കാര്യമെന്താണ്. പ്രതികരിക്കാൻ കഴിയാത്ത നിസ്സഹായാവസ്ഥയിൽ അകപ്പെടുന്ന സ്ത്രീകളുണ്ട്. അവരുടെ കാര്യമല്ല ഇവിടെ പറയുന്നത്. എന്നാൽ തക്ക സമയത്ത് പ്രതികരിക്കാൻ കഴിയുന്ന സ്ത്രീകൾ പോലും തങ്ങൾ സ്വയം അബലകളെന്നു വിശ്വസിച്ച് എല്ലാം സഹിക്കുന്നതിനെ നാം എന്ത് പേരിട്ടാണ്‌ വിളിക്കേണ്ടത്.

ശ്വേതയുടെ ഉദാഹരണം തന്നെയെടുക്കൂ.. പീഡാംബരൻ തട്ടിയും മുട്ടിയും നടക്കുന്നത് ചാനലുകൾ പുറത്ത് വിട്ട വീഡിയോയിൽ കാണുന്നുണ്ട്. തിരക്കിനിടയിൽ അറിയാതെ സംഭവിക്കുന്നതാവാം എന്ന് കരുതി അതിനെ കണ്ടില്ലെന്ന് നടിക്കുന്നത് മനസ്സിലാക്കാം. എന്നാൽ പിറകിലൂടെ പിടിക്കുന്നത്‌ അങ്ങിനെയാണോ?. 'എന്താടാ നായിന്റെ മോനെ നിനക്ക് വേണ്ടത്' എന്ന് ചോദിച്ച് ചെകിടത്ത് ഒന്ന് പൊട്ടിക്കുകയായിരുന്നില്ലേ വേണ്ടത്. അങ്ങിനെ ചെയ്തിരുന്നുവെങ്കിൽ ശ്വേത ഒരു റിയൽ താരമാകുമായിരുന്നു. സ്ത്രീ സമൂഹത്തിനൊരു മാതൃക ആകുമായിരുന്നു. അവരെ ബോൾഡെന്ന് വിളിക്കാമായിരുന്നു. പക്ഷേ എന്നെ അപമാനിച്ചേ എന്ന് വിളിച്ചു മൂക്ക് പിഴിയുന്ന ഒരു ടിപ്പിക്കൽ അബലയായി ശ്വേത മാറുകയാണ് ചെയ്തത്.

ഉച്ചക്ക് നടന്ന പീഡനം ചാനലിൽ വിളിച്ചു പറയുന്നത് രാത്രിയാണ്. പീഡനത്തിന്റെ മാർക്കറ്റിംഗ് തിരിച്ചറിയുവാൻ ഇത്രയും സമയമെടുത്തതാണോ കാരണം എന്നറിയില്ല. പ്രോഗ്രാം അലങ്കോലപ്പെടാൻ സാധ്യതയുണ്ട് എന്ന് കരുതിയാണെങ്കിൽ ഓക്കേ. അത് മനസ്സിലാക്കാം. പക്ഷേ കാറിൽ നിന്ന് അപമാനിക്കാനുള്ള ശ്രമം തുടങ്ങിയപ്പോൾ തന്നെ 'സാർ വിചാരിക്കുന്ന തരത്തിലുള്ള ഒരു പെണ്ണല്ല ഞാൻ, ഇനിയാവർത്തിക്കരുത്' എന്നൊരു വാക്കെങ്കിലും പറയാമായിരുന്നില്ലേ. അതല്ലേ ബോൾഡ്നെസ്സ്. ഒരു കാര്യം ഉറപ്പിച്ചു പറയാം. ഇത്തരം അലമ്പ് 'ബോൾഡ്നെസ്സ്' ഒരു പെണ്‍കുട്ടിക്കും ജീവിതത്തിൽ ഗുണം ചെയ്യില്ല. ഞരമ്പിന്റെ ആദ്യ ലക്ഷണങ്ങൾ പുറത്ത് കാണിക്കുമ്പോൾ തന്നെ പ്രതികരിക്കാൻ തന്റേടമുള്ള ബോൾഡ്നെസ്സാണ് പെണ്‍കുട്ടികൾ നേടിയെടുക്കേണ്ടത്. ക്യാമറകൾക്ക് മുന്നിൽ തുണിയുടുക്കാതെ നില്ക്കുന്നതോ ലൈറ്റും ക്യാമറയും ഒരുക്കി പ്രസവിക്കുന്നതോ അല്ല ബോൾഡ്നെസ്സ്. മാനത്തിനും അഭിമാനത്തിനും ക്ഷതം വരുമ്പോൾ എടുത്തുപയോഗിക്കാനുള്ളതാണ്.

Related Posts
എന്നെയൊന്ന് റേപ്പ് ചെയ്യൂ !! 
തരൂര്‍ മന്ത്രിയായി, സുനന്ദ പണി തുടങ്ങി!!.
ബ്ലെസ്സീ, ബ്ലൂ സീ എന്ന് വിളിപ്പിക്കരുത്
മനോരമ പിടിച്ച പുലിവാല് (വെറുതെ അല്ല ഭര്‍ത്താവ്)

86 comments:

  1. ശ്വേത ഇത് കുറച്ചു കൂടി ബോള്‍ഡ് ആയി handle ചെയ്യണമായിരുന്നു എന്നത് ശരിയാണ്... She told, she was shocked and couldn't react to it.. കുറച്ചു കൂടി പക്വവും ശക്തവുമായ ഒരു reaction ശ്വേതയില്‍ നിന്നും പ്രതീക്ഷിച്ചു.

    But i dont personally believe that, she did it for any kind of marketing or publicity. Its a common human nature to get shocked, when we are facing this kind of unexpected misbahaviour, and too from a political leader. She was about to cry in front of People TV camera, and she just walked away from it.

    അത് കൊണ്ട് Mr . ബഷീര്‍ പറഞ്ഞ, "പീഡനത്തിന്റെ മാർക്കറ്റിംഗ് തിരിച്ചറിയുവാൻ ഇത്രയും സമയമെടുത്തതാണോ കാരണം എന്നറിയില്ല" എന്നതിനോട് യോജിക്കുന്നില്ല, and didnt expect this kind of comment from you.

    Anyway, Good post ... :)

    ReplyDelete
  2. ഒരു അനാവശ്യ ലേഖനം. താങ്കൾ ബെർളിക്കു പഠിക്കുകയാണോ?

    ReplyDelete
  3. ഇതാണോ ഈ ഇരയുടെ ഭാഗത്ത്‌ നിന്നുള്ള വീക്ഷണം...?

    "അവളൊന്നു നിലവിളിച്ചെങ്കില്‍, ഒന്നലറിക്കരഞ്ഞെങ്കില്‍ ..." എന്ന് തുടങ്ങുന്ന ഒരു സിനിമാ ഡയലോഗ് ഓര്‍ത്തുപോവുകയാണ്‌ ...

    എന്തുകൊണ്ട് ഇര ചെറുത്തുനില്‍പ്പ്‌ നടത്തിയില്ല എന്ന മട്ടില്‍ യഥാര്‍ത്ഥ പ്രശ്നത്തില്‍ നിന്നും വ്യതിചലിച്ച് ഇരയിലെക്ക് കുറ്റം ആരോപിക്കാന്‍ കോടതികള്‍ വരെ തയാറാകുന്ന കാലമാണല്ലോ... അപ്പൊ ബഷീര്‍ക്ക പറഞ്ഞതില്‍ അത്ഭുതമില്ല...

    Any way it's my personal opinion only... :)

    ReplyDelete
  4. ഏതായാലും "പീഢനം" തക്കസമയത്ത് ബ്ലോഗും വള്ളിക്കുന്നും മാക്കറ്റ് ചെയ്തു...
    :)

    ReplyDelete
  5. ശോഷചേച്ചിയുടെ പ്‌റസവം ലൈവായി ഷൂട്ട് ചെയ്ന്നതില്‍ പ്‌റശനമില്ല

    പിന്നെ അല്ലെ പിതാമ്പരേട്ടന്‍ മുട്ടിയതില്‍


    ReplyDelete
    Replies
    1. she agreed to act in the movie and they did only with her permission. But what happened in this case is not with her permission; no one has the right to touch anyone without their permission. Her body is only her body, your body is only your body. Do you understand it?

      Delete
  6. ഞാന്‍ ഇത് എഴുതുന്ന സമയത്ത്, അങ്ങനെ ഒരു സംഭവം നടന്നതെ ഇല്ല എന്ന മട്ടിലാണല്ലോ കാര്യങ്ങള്‍ നീങ്ങുന്നത് ! അതിന്റെ അര്‍ഥം ഇതെല്ലാം മാധ്യമ സൃഷ്ടിയോ ? ഇപ്പോള്‍ കലക്ടര്‍ പറയുന്നു, ശ്വേത പരാതി പറഞ്ഞില്ലെന്നു... ചാനല്കാര്‍ ചോദിക്കുമ്പോള്‍ ശ്വേത ഇപ്പോള്‍ ഒഴിഞ്ഞു മാറുന്നു.. വേദിയില്‍ ഉള്ളവരും പറയുന്നു..ശ്വേത വേദിയില്‍ വെച്ച് കലാഭവന്‍ മണിയോട് കൂടി പാട്ട് കൂടി പാടിയെന്നും, സന്തോഷവതി ആയിരുന്നു എന്നും മറ്റും" ചുരുക്കത്തില്‍ പറഞ്ഞാല്‍, എല്ലാ കേസിലും നടക്കുന്നത് പോലെ........ "പൊതു ജനം കഴുത ഇവിടെയും...ഇന്നും..എന്നും ..." വേറെ കുറെ കൂടി നാടന്‍ ഭാഷയില്‍ പറയുകയാണെങ്കില്‍ "ശശി എന്നും ശശി തന്നെ".. തന്നെ ?

    ReplyDelete
  7. കളക്റ്റര്‍ പറഞ്ഞത് പരാതി പറഞ്ഞിട്ടില്ല എന്നാണ്. യഥാര്‍ത്ഥത്തില്‍ എന്താണു സംഭവിച്ചത്?

    ReplyDelete
  8. Rathnakaran ThoovayilNovember 2, 2013 at 8:38 AM

    ചന്തിക്ക്പിടിച്ചു എന്നാരു പറഞ്ഞു.റിപ്പോർട്ടെർ ചാനെൽ തിരിച്ചും മറിച്ചും കുറുപ്പിന്റെ മുഖവും നീളുന്ന ഒരു കയ്യും കാണിക്കുന്നു എന്നല്ലാതെ എവിടെയാണ് പിടിക്കുന്നത്‌.ആരാണ് പിടിക്കുന്നത്‌ ?-ഇങ്ങനെയൊക്കെ ദ്രിശ്യങ്ങൾ കാണിക്കാൻ തുടങ്ങിയാൽ തിരക്കുള്ള ഒരു സ്ഥലത്ത് ഒരു പെണ്ണ് ഉണ്ടെങ്കിൽ ആ ഭാഗത്തേക്ക് പുരുഷൻ കടക്കാതിരിക്കുന്നതാവും ഉചിതം. ഒരു സെലിബ്രെട്ടി എന്തു വിളിച്ചു കൂവിയാലും അതേറ്റു പിടിക്കാൻ കുറെ ആളുകൾ അവർക്ക് പേര് കിട്ടുന്നതിനോടൊപ്പം മറ്റു പലരുടേയും കുടുംബം നശിക്കും എന്ന കാര്യവും ഓർക്കേണ്ടതല്ലേ.

    ReplyDelete
  9. http://www.youtube.com/watch?v=035nCNEYfl8 ഞാന്‍ കണ്ട ഈ ക്ലിപ്പില്‍ എവിടെയും ശ്വേതയുടെ മുഖത്ത് ഒരു വ്യത്യാസവും ഇല്ല. ഏന് വെച്ചാല്‍ ഒരു " പിടുത്തം" നടന്ന ഒരു ലക്ഷണവും ഇല്ല. അങ്ങിനെ ഒന്ന് സംഭവിച്ചെങ്കില്‍ അവര്‍ ഒന്ന് തിരിഞ്ഞു നോക്കുകയെങ്കിലും ചെയ്യുമായിരുന്നില്ലേ? ? ?

    ReplyDelete
  10. പീതാംബരക്കുറുപ്പിന് പണികിട്ടി ,
    ഞരമ്ബ് രോഗി ചെറ്റ എന്നൊക്കെ വിളിച്ച് നമുക്ക് അര്‍മാദിക്കാം,
    പക്ഷേ പ്രസക്തമായ ഒരു ചോദ്യം നാം ചോദിക്കേണ്ടതല്ലേ?
    പത്തുലക്ഷം പേരെ പാര്‍ലമെന്റില്‍ പ്രതിനിധീകരിക്കുന്ന ഈ കുറുപ്പ് 'ഞരമ്പിലും' കേരളീയനെ പ്രതിനിധീകരിക്കുന്നില്ലേ?
    പൊതു വേദിയില്‍ കുറുപ്പിന് കണ്‍ട്രോള്‍ പോയത് പോലെ നമ്മുടെ ബസ്സുകളിലും ട്രൈനിലും തിരക്കുള്ള എവിടേയും ദിവസവും ഇതേ പോലെ ഒരുപാട് പീതാംഭരന്‍മാരെ നാം കാണുന്നില്ലേ?
    കേരളത്തിന് പുറത്തു അത്രവ്യാപകമായി കാണപ്പെടാത്ത ഈ വൃത്തികേട് കേരളത്തിലെവിടെയും വളരെ വ്യാപകമാണ്, എന്തു കൊണ്ടാണിത്?
    എന്തു കൊണ്ട് കേരളത്തില്‍ ഇത്രമാത്രം ഞരമ്പു രോഗികള്‍ ?,
    ഇതിന് വല്ല പരിഹാരവും ഉണ്ടോ ?
    കേരളം ലൈഗീക ദാരിദ്ര്യം അനുഭവിക്കുന്നുണ്ടോ? ഒരു അന്വേഷണം
    http://1blogan.blogspot.com/2013/01/blog-post_7668.html

    ReplyDelete
  11. അനാവശ്യ "വിവാദം" !!!

    സത്യാവസ്ഥ എന്താണെന്നെങ്ങിനെ തിരിച്ചറിയും ??? ചാനലുകൾക്ക് പരാതി കൊടുത്താൽ എല്ലാം ശുഭം എന്ന പുതിയ രീതിയാണോ (സംസ്കാരം) ഇപ്പോഴത്തെ ട്രന്റ്???

    ReplyDelete
  12. ശ്വേത മാഡം സത്യത്തിൽ രണ്ടെണ്ണം പൊട്ടിക്കെണ്ടതായിരുന്നു .. അത് പക്ഷെ അവിടെ തടിച്ചു കൂടിയിരിക്കുന്ന, അവിടെ നടക്കുന്ന ഒരു വൻ പൊതു പരിപാടിയിൽ സന്തോഷിക്കുന്ന ജനങ്ങളുടെ സന്തോഷം കെടുത്തും എന്ന് കരുതി കാണണം ...(അവരെ സംബന്ധിച്ചിടത്തോളം ഇതൊന്നും ആദ്യത്തെ അനുഭവം ആയിരിക്കില്ല )

    അല്ലേലും ചില പൊതു പരിപാടികളിൽ ചില രാഷ്ട്രീയക്കാരുടെ ആളാവൽ (വരുന്ന ആളുകളൊക്കെ ഞമ്മന്റെ സ്വന്തം ആളാണെന്ന മട്ടിലുള്ള അഭിനയം ) അറുബോറാണ് .. പീതാംബരാൻ സാറിന്റെയും പ്രകടം അറുബോർ .. അമ്മ പെങ്ങന്മാരെ തിരിച്ചറിയാനുള്ള സംസ്കാരമില്ലെങ്കിലും കാമറ കണ്ണുകൾ തങ്ങളെ വലം വെക്കുന്നു എന്നും ഇതിന്റെ പേരിൽ ആത്മാർഥതയുള്ള പാര്ട്ടി പ്രവർത്തകർ നാണം കെടും എന്നെങ്കിലും ഇജ്ജാതി പരിഷകൾ ഓര്ത്തെങ്കിൽ .. :(

    ReplyDelete
    Replies
    1. >> ജനങ്ങളുടെ സന്തോഷം കെടുത്തും എന്ന് കരുതി കാണണം << പീഡിപ്പിക്കപ്പെടുമ്പോൾ ജനങ്ങളുടെ സന്തോഷമാണോ നോക്കുക. കാറിൽ നിന്ന് അപമാനിക്കാനുള്ള ശ്രമം തുടങ്ങിയപ്പോൾ തന്നെ 'സാർ വിചാരിക്കുന്ന തരത്തിലുള്ള ഒരു പെണ്ണല്ല ഞാൻ, ഇനിയാവർത്തിക്കരുത്' എന്നൊരു വാക്ക് പറഞ്ഞിരുന്നുവെങ്കിൽ എത്ര നന്നായിരുന്നേനെ.. അതല്ലേ ബോൾഡ്നെസ്സ്. A switch in time saves nine.

      Delete
    2. A stitch in time saves nine.

      Delete
    3. yes.. അക്ഷരപ്പിശകാണ്.. A stitch in time saves nine.

      Delete
    4. ഇടതുകൈയുടെ ചൂണ്ടുവിരലിനു പകരം മോതിരവിരൽ ഒന്നമർന്നു, അത്ര്യേള്ളൂ.. :)

      Delete
    5. ഇടതുകൈയിലെ ചൂണ്ടുവിരലിനു പകരം മോതിരവിരൽ ഒന്നമർന്നു, അത്രയേയുള്ളൂ... :)

      Delete
  13. Vaartha kettappozhe vallikkunnu blog thurannu nokki. Pratheekshicha pole thane daa kidakkunnu post. Thaankalude ishta vishayam. Ini post vaayicchittu varaam...

    ReplyDelete
    Replies
    1. mmm post vaayicchu. swethaye kuttappedutthiyathiyathinodu yojikkaan kazhiyilla. Saahacharyangalkkanusaricchu aalukal perumaarum. athu aanaayaalum pennaayaalum. mukyamantrikku kalleru kondu. aa konda samayam aa kalleduthu thiriccheriyede ennu chodikkunna poleyundu. ithil swetha prathikarikkaathirunnathu thettaanenkil mukyamantri cheithathum thettaanu.

      Delete
    2. You are correct....

      Delete
    3. അത് കലക്കി. ഉമ്മൻ ചാണ്ടി അപ്പോൾ തന്നെ കല്ലെടുത്ത് തിരിച്ചെരിയെണ്ടിയിരുന്നു. അല്ലെ ബഷീരെ?

      Delete

  14. എന്ത് കണ്ടിട്ടാണ് വള്ളിക്കുന്ന് ഇത് പൊസ്റ്റിയതു എന്ന് മനസ്സിലാകുന്നില്ല

    കുറുപ്പ് ശ്വേതയെ പിടിക്കുന്നതായിട്ടോ പീടിപ്പിക്കുന്നതായിട്ടോ റിപ്പോർട്ടർ ചാനലിൽ പോലും കാണുന്നില്ല

    ഒരു പക്ഷെ വള്ളിക്കുന്ന് ഒരു മാധ്യമ പ്രവർതകനായതു കൊണ്ട് നമ്മൾ കാണാത്ത പലതും കണ്ടുകാണും

    ഇത് കുറച്ചു അധികമായി പോയില്ലേ എന്ന് ഒരു സംശയം

    ReplyDelete
    Replies
    1. നിങ്ങൾ പറഞ്ഞ പോലെ ദൃശ്യങ്ങൾ എല്ലാം കണ്ട ശേഷം പോസ്റ്റ്‌ എഴുതാമെന്നാണ് കരുതിയത്‌. പക്ഷേ രാത്രി വാർത്ത കേട്ട ഉടനെ തന്നെ കൈ കീബോർഡിലേക്ക് പാഞ്ഞു. ഞാൻ പിടിച്ചു വെക്കും. കൈ കുതറി കീബോർഡിലേക്ക്. അര മണിക്കൂർ കഴിഞ്ഞു നോക്കുമ്പോൾ പോസ്റ്റ്‌ റെഡിയായിട്ടുണ്ട്. പിന്നെ എന്താണ് ചെയ്യുക.. അങ്ങ് പോസ്റ്റി..

      Delete
  15. Liberty Basheer paranja abhiprayam thanneyanenikkum.

    ReplyDelete
  16. ക്യാമറക്ക്‌ മുന്നില് പ്രസവിക്കാം . ഐറ്റം ഡാൻസ് ആടാം. ഇഴുകി ചേർന്ന് അഭിനയിക്കാം . എന്നിട്ട് പൊതുജനം കൂടുന്ന പരിപാടിയിൽ പങ്കെടുത്തു പോയി അതും ഉച്ച സമയം പിന്നെ അത്താഴം കഴിഞ്ഞു അപ്പോളാണ് ആരോ അപമാനിച്ച കാര്യം ഓർത്തെടുത്തത്‌ ഉടനെ എല്ലാ ചാനലിലും വിളിച്ചു പറഞ്ഞു ,. ഇനി സമാദാനം ആയി ഉറങ്ങാം ..
    ഹാവു എന്തൊരാശ്വാസം ഒരു വിവാദം ഉണ്ടാക്കി വിട്ടപ്പോൾ .

    ആളുക്കൂട്ടത്തിൽ പെണ്ണിനെ പിടിക്കുന്നവരെ ന്യായീകരിക്കുകയല്ല മറിച്ചു പേരിനും പ്രശസ്തിക്കും വേണ്ടി വിവാദം ഉണ്ടാക്കുന്നവരെ ഒറ്റപെടുത്തുക ...................ചാനലിൽ ശ്വേതയുടെ പ്രകടനം കണ്ടു കലിപ്പ് തീര്ക്കാൻ എഴുതിയതാണ് . സ്ത്രീ വിരോധം അല്ല . ആരും തെറ്റിദ്ധരിക്കരുതേ

    ReplyDelete
    Replies
    1. എല്ലാ നടിമാരും ഇത്തരം പ്രവര്‍ത്തികള്‍ ചെയ്യുന്നുണ്ട്. അതുകൊണ്ട് അവരെ ആര്‍ക്കും എവിടെ വെച്ചും കയറിപ്പിടിക്കാമെന്നോ?

      Delete
  17. ഇതിപ്പോ ശ്വേത തെറ്റ് ചെയ്ത പോലെ ആണല്ലോ എഴുതിയത്. ശ്വേത ഇങ്ങിനെ പ്രതികരിക്കണം എന്ന് പറയാൻ താൻ ആരെടോ? സ്വന്തം അനുഭവം വരുമ്പോ എങ്ങിനെ പ്രതികരിക്കും എന്ന് കാണാം. ഒരാൾ ഒരിക്കൽ ബോൾഡ് ആയാ പിന്നെ അങ്ങിനെ തന്നെ എപ്പോഴും നടക്കണം എന്ന് പറയാൻ ഉള്ള വിവരമേ താങ്കൾക്കുള്ളു. സിനിമയല്ല ജീവിതം. ഒരുത്തൻ അബദ്ധവശാൽ കള്ളനായാൽ അവൻ ജീവിതകാലം മുഴുവൻ അങ്ങിനെ തന്നെ ആയിരക്കും എന്ന് കരുതുന്ന പാഴാണ് താൻ. കഷ്ടം. "കവിളത്തടിച്ചാൽ താരമായേനെ" കഷ്ടം.. താങ്കളെ പോലെ എല്ലാരും ചീപ്പല്ല.

    ReplyDelete
  18. ഏറ്റവും വലിയ തമാശ ഇന്ന് ചാനലിൽ കാണാൻ കഴിയുന്നു : ജോസ് തെറ്റയിൽ അണ്ണൻ "ഇടതുപക്ഷ മൂല്യങ്ങൾ ഉയർത്തിപ്പിടിച്ച "സമയത്ത് മുങ്ങിയ പി കെ ശ്രീമതി, ടി എൻ സീമ തുടങ്ങിയ മഹതികൾ പീതാംബര കുറുപ്പിന്റെ തട്ടലു മുട്ടല് കേസിൽ ചാനലുകളിൽ ഇരുന്നു ശക്തമായി പ്രതിഷേധിക്കുന്നു !!! നാടകമേ ഉലകം !!

    ReplyDelete
  19. ശ്വേതയുടെ boldnessന്റെ കുറവ് ആണോ ചര്‍ച്ച ചെയ്യേണ്ടത്? പീതാംബരക്കുറുപ്പിന്റെ ചെയ്തികളല്ലേ?

    ReplyDelete
  20. ശ്വേത ആ പരിപാടിയില്‍ സന്തോഷവതിയായിരുന്നു വല്ലോ ? ആടി പ്പാടുകയായിരുന്നുവല്ലോ ?.അവടെ നിന്നൊന്നും ഒരു വിഷമവും കാണിക്കാതെ ,എല്ലാം കഴിഞ്ഞു ആറു മണിക്കൂറിന് ശേഷം അവ്യക്തമായി എന്തൊക്കെയോ പറയുന്നതില്‍ ന്യായമുണ്ടോ ?.അതിന്റെ കമ്പ്ലീറ്റ് വീഡിയോ നോക്കി കുറ്റക്കാരനാണോ എന്ന് തെളിഞ്ഞാല്‍ ശിക്ഷിക്കണം .പക്ഷെ ഒരാളെ വെറുതെ അപമാനിക്കരുത് ? അതിന്റെ പേരില്‍ ബ്ലോഗില്‍ കൊണ്ഗ്രസ്സുകാരെ ആക്ഷേപിച്ച ബഷീര്‍ സാഹിബ് ലീഗിന്റെ ആരെയും തൊടാതെ പോയതും ബഷീര്‍ജിയുടെ സത്യസന്ധതക്ക് തെളിവായിരിക്കും അല്ലെ ?

    ReplyDelete
    Replies
    1. കോണ്‍ഗ്രസ്സുകാരന്‍ കയറിപ്പിടിച്ചാല്‍ ലീഗുകാരെയാണോ ആക്ഷേപിക്കെണ്ടത്.. താന്‍ എവിടുന്ന്‍ വരാടോ ?

      Delete
    2. അതെ അതെ ലീഗുകാരൻ കയറി പിടിക്കുമ്പോൾ കൊണ്ഗ്രസ്സുകാരെ തെറി വിളിക്കാറില്ലല്ലോ? അങ്ങനെ എങ്കിൽ റെജീനയെ പീഡിപ്പിച്ചത് ഉമ്മൻ ചാണ്ടി തന്നെ. ഹ ഹ....

      Delete
  21. കേരളീയരെ പാർലിമെന്റിൽ പ്രതിനിധീകരിക്കുന്ന ഒരു നേതാവാണ്‌ നമ്മുടെ എം. പി. അതിനാൽ തന്നെ തന്റെ അമ്മയും പെങ്ങളുമൊഴികെ ബാക്കി സ്ത്രീകളോടുള്ള മലയാളികളുടെ പൊതു മനോഭാവത്തെ സത്യസന്ധമായി പ്രതിനിധീകരിക്കുക മാത്രമാണ് ശ്വേത മേനോൻ സംഭവത്തിലൂടെ അദ്ദേഹം ചെയ്യുന്നത്. ഇക്കാര്യത്തിൽ മലയാളികളുടെ കണ്ണ് തുറപ്പിക്കുക എന്ന ഒരു വലിയ സാമൂഹ്യ ദൗത്യം തികഞ്ഞ അർപ്പണ ബോധത്തോടെ നിർവഹിക്കുകയായിരുന്നു ഈ സാമൂഹ്യ പരിഷ്കർത്താവ് എന്ന് പറഞ്ഞാൽ അത് തെറ്റാകില്ല.

    ഈ സംഭവം പ്രതിനിധീകരിക്കുന്നത് ഇവരെയാണ് ,

    1. സംരക്ഷണം നല്കുക എന്ന വ്യാജേന, കൊച്ചു പെണ്‍കുട്ടികളെ വരെ , കുടുംബത്തിനകത്ത്‌ പീഡിപ്പിക്കാൻ ശ്രമിക്കുന്ന അടുത്ത ബന്ധുക്കൾ. ( താൻ പിതൃവാത്സല്യമാണ് പ്രകടിപ്പിച്ചത് എന്ന് ബഹു. എം.പി)

    2. ബലാത്സംഗത്തിനു ഇരയാകുന്ന ഓരോ സ്ത്രീയും ആ ലൈംഗികത നിഗൂഡമായി ആസ്വദിക്കുന്നുണ്ട് എന്ന മെയിൽ ഷൊവനിസ്റ്റ് തെറ്റിദ്ധാരണ.(-സ്പർശനം ശ്വേത ആസ്വദിക്കുകയായിരുന്നു-:) ആഹ്ലാദത്തോടെയാണ് അവൾ വീട്ടില് പോയതെന്നും ബഹു. കലക്റ്റർ )

    3. ബസിൽ പിന്നിൽ നിന്നും ഒരു പുരുഷന്റെ കരസ്പർശവും കാമസ്പർശവും ഏറ്റു വാങ്ങുന്ന സ്ത്രീയുടെ പങ്കും അന്വേഷിക്കണം, എന്ത് കൊണ്ട് അവൾ മുന്നില് തന്നെ നിന്നു.?. അല്ലെങ്കിൽ എന്തിനുആ ബസിൽ തന്നെ അവൾ കയറി ? ( സംഭവത്തിന്‌ പിന്നിൽ ശ്വേതയുടെ പങ്കും അന്വേഷിക്കണമെന്ന് ഒരു പ്രമുഖ രാഷ്ട്രീയ നേതാവ്)

    4 . "അവൾ ഒന്ന് ഒച്ച വച്ചിരുന്നെങ്കിൽ... ഒന്നുറക്കെ കരഞ്ഞിരുന്നെങ്കിൽ ... അവൻ ഉണരുമായിരുന്നു..( ശ്വേത എന്ത് കൊണ്ട് അപ്പോൾ തന്നെ പ്രതികരിച്ചില്ല എന്ന് പ്രതികരണ തൊഴിലാളികൾ )

    5. സിനിമയിൽ അഭിനയിക്കുന്ന സ്ത്രീകള്‍ പൊതുയിടങ്ങളില്‍ പീഡിപ്പിക്കപ്പെടാന്‍ അര്‍ഹതയുള്ളവരാണ് , അവരതു സഹിച്ചു കൊള്ളണം( " പരസ്യത്തില്‍ പുരുഷ മോഡലിനെ കെട്ടിപ്പിടിച്ച് അഭിനയിച്ചപ്പോള്‍ നഷ്ടപ്പെടാത്ത മാനം ശ്വേതാ മേനോന് ഇപ്പോള്‍ എങ്ങനെ നഷ്ടപ്പെട്ടു എന്ന് ചോദിച്ച FB സ്റ്റാറ്റസ് മുതലാളിമാർ )

    ReplyDelete
    Replies
    1. വിശകലനം ഇഷ്ടപ്പെട്ടു.. നമ്പർ ആറായി ഒരു വിഭാഗത്തെ കൂടി ചേർക്കണം. സ്ത്രീകൾ പ്രതികരിച്ചു തുടങ്ങണം എന്ന് പറയുന്ന ഒരു വിഭാഗം. ബ്രാക്കറ്റിൽ ഇങ്ങനെയും (അവർ മോങ്ങിക്കൊണ്ടേയിരിക്കണം. ഞങ്ങൾ അവർക്ക് വേണ്ടി വാദിച്ചു കൊണ്ടേയിരിക്കാം. സോഷ്യൽ മീഡിയയിലെ സ്ത്രീ വിപ്ലവക്കാർ)

      Delete
  22. see berly's take on the issue too..
    http://goo.gl/kA6Rsw

    ReplyDelete
  23. അളിയൻ പാച്ചുNovember 2, 2013 at 12:45 PM

    മ്മടെ രതിചേച്ചി ഇത്രയും ബല്യ പുണ്യാളത്തി ആയിരുന്നു അല്ലെ ?? ഐ ആം ദി സോറി അളിയാ ഐ ആം ദി സോറി !!!

    ReplyDelete
    Replies
    1. ..... yude charithrya prasangam....

      Delete
    2. പോയ ഇമേജ് ഇങ്ങനെയും തിരിച്ചു പിടിക്കാം എന്ന് തോന്നിക്കാനും. 'നല്ലവൾ' എന്ന് ആളുകളെ കൊണ്ട് പറയിക്കാൻ എത്രമാത്രം ബുദ്ധിമുട്ടുണ്ടെന്ന് അവർ ഒന്ന് മനസിലാക്കട്ടെന്നെ.

      Delete
  24. ബഷീര്‍,തികച്ചും നല്ലൊരു പോസ്റ്റ്.
    ഇത്യയിലെ പല സംസ്ഥാനങ്ങളില്‍ താമസിച്ചിട്ടുള്ള ഞാന്‍ പറയും സ്ത്രീകള്‍ ഒട്ടും സുരക്ഷമല്ലാത്ത സ്ഥലം കേരളമാണെന്ന്. ഒരുമിച്ചു ഒരു സീറ്റില്‍ ഇരിക്കാന്‍ പറ്റുമോ....? ഇരുട്ട് വീണു കഴിഞ്ഞാല്‍ പെണ്ണുങ്ങള്‍ക്ക്‌ തനിചെവിറെയെങ്കിലും പോകാന്‍ സാധിക്കുമോ...? രാത്രി സമയത്ത് ആണുങ്ങള്‍ കൂടെയുണ്ടെങ്കില്‍ പോലും മനുഷ്യരുടെ നോട്ടം സഹിക്കാന്‍ വയ്യാത്തതായി തോന്നിയിട്ടുണ്ട്. (പക്ഷേ ഞാന്‍ നാട്ടില്‍ യാത്ര ചെയ്യുമ്പോള്‍ ആണുങ്ങളുടെ അടുത്തു സ്ഥലം കണ്ടാല്‍ ഇരിക്കും.നീ ആരടീ..എന്നാ നോട്ടം ഒക്കെ വന്നാലും മൈന്‍ഡ് ചെയ്യാതെ)ഇന്ന് ഒരു ഒറീസ്സക്കാരിയോടു കേരളത്തില്‍ സന്ധ്യ കഴിഞ്ഞാല്‍ പെണ്ണുങ്ങള്‍ തനിച്ചു സഞ്ചരിക്കില്ല,സീറ്റില്‍ ആണും പെണ്ണും ഒരുമിച്ചിരിക്കില്ല എന്ന് പറഞ്ഞപ്പോള്‍ ഇത്രയും ലിട്രസി നേടിയ സ്ഥലത്തോ..? എന്ന അവളുടെ ചോദ്യത്തിന് മുന്നില്‍ എന്റെ തല കുനിഞ്ഞു പോയി :(

    ReplyDelete
    Replies
    1. Your thoughts and concerns are well explained in few lines..

      Delete
    2. ഇന്ത്യയിൽ പട്ടണങ്ങളിൽ മാത്രമാവും താങ്കള് താമസിച്ചിട്ടുണ്ടാവുക. ഉൾ പ്രദേശങ്ങളിലേക്ക് പോയി നോക്ക് വിവരമറിയും. അങ്ങനെ നോക്കുമ്പോൾ കേരളം കുറച്ചു കൂടി മെച്ചം തന്നെ.

      Delete
  25. ശ്വേതാ മേനോന്‍ വിഷയത്തില്‍ കോണ്‍ഗ്രസുകാരെ പെണ്ണുപിടിയന്മാരായി ചിത്രീകരിക്കുന്ന സി പി എം കാരോടും, അതിനു മറുപടിയായി സി പി എം കാര്‍ പെണ്ണ് പിടിച്ച ഫോട്ടോ പോസ്റ്റ്‌ ചെയ്യുന്ന കൊണ്ഗ്രെസ്സുകാരോടും ഒരു വാക്ക്. പെണ്ണ്പിടിത്തത്തിന് രാഷ്ട്രീയവും, മതവും, നിറവുമില്ല. ഒരു തെറ്റിനെ, മറ്റൊരു തെറ്റ് കൊണ്ട് ന്യായീകരിക്കാനും ആവില്ല. ഒരു സ്ത്രീ അപമാനിക്കപ്പെട്ടത്‌ ഉപയോഗിച്ച് രാഷ്ട്രീയ പൊറാട്ട് നാടകം ആടുന്നത് ആ സ്ത്രീയോട് ഇന്നലെ നടന്നതിനെകാള്‍ ക്രൂരത ആണ്. നിജസ്ഥിതി പുറത്തു വരട്ടെ. തെറ്റ് ചെയ്തവര്‍ ശിക്ഷിക്കപ്പെടണം. ചിലര്‍ ശ്വേത പ്രതികരിക്കാതിരുന്നത് കൊണ്ട് അത് കെട്ടിച്ചമച്ച കഥ ആണെന്നു വാദിക്കുന്നുണ്ട്. എനിക്ക് ആ വാര്‍ത്തയും വിഷ്വല്‍സും കണ്ടിട്ട് അങ്ങനെ ഒരു അഭിപ്രായം ഇല്ല. ശ്വേത അവിടെ വച്ച് പ്രതികരിക്കാത്തത് കൊണ്ട് അത് ചെയ്ത ആള്‍ തെറ്റ് ചെയ്തില്ല എന്ന വാദവും ശരിയല്ല. ഓരോ സാഹചര്യങ്ങളിലൂടെ കടന്നു പോവുന്നവര്‍ക്ക് മാത്രമേ അതിന്റെ യഥാര്‍ത്ഥ വസ്തുത അറിയൂ. കാണുന്നവര്‍ക്കും കേള്‍ക്കുന്നവര്‍ക്കും അങ്ങനെ ചെയ്യണമായിരുന്നു, ഇങ്ങനെ ചെയ്യണമായിരുന്നു എന്നൊക്കെ അഭിപ്രായം ഉണ്ടാവും. അവരുടെ മാനസികാവസ്ഥ ഇങ്ങനെ ആയിരുന്നിരിക്കണം എന്നും അത് ഒരു മാതൃക ആയിരുന്നേനെ എന്ന് പറയുന്നതിനെയും ഞാന്‍ എതിര്‍ക്കുന്നില്ല. ഇതൊന്നും തെറ്റ് തെറ്റ് അല്ലാതെ ആക്കുന്നില്ല. ഇത് സംഭവിച്ചിട്ടുണ്ട് എന്ന് തെളിയുകയാണെങ്കില്‍ അയാളെ സംരക്ഷിക്കാന്‍ ഒരു കോണ്‍ഗ്രസുകാരനും വരികയും ഇല്ല. ഒരു പക്ഷെ സോഷ്യല്‍ മീഡിയയിലെ ഇത്തരം അഭിപ്രായങ്ങള്‍ നാളെ ഒരു പെണ്ണിനെ ഇത്തരത്തില്‍ പ്രതികരിക്കുന്നതില്‍ നിന്ന് പോലും നിരുത്സാഹപ്പെടുതിയെക്കാം. ഇനി ശ്വേത അവിടെ വച്ച് അയാളുടെ കരണത്ത് അടിചിരുന്നെന്കില്‍, എന്നിട്ട്‌ അതിനു മതിയായ തെളിവ് ഇല്ലായിരുന്നെങ്കില്‍, മലയാളിയുടെ അഭിപ്രായം മറ്റൊന്നായിരുന്നെനെ. എന്റെ അഭിപ്രായത്തില്‍ ശ്വേതയുടെ പ്രതികരണം വളരെ പക്വമായി എന്നത് തന്നെ ആണ്.

    ReplyDelete
    Replies
    1. @ഇത് സംഭവിച്ചിട്ടുണ്ട് എന്ന് തെളിയുകയാണെങ്കില്‍ അയാളെ സംരക്ഷിക്കാന്‍ ഒരു കോണ്‍ഗ്രസുകാരനും വരികയും ഇല്ല.

      ഓ പിന്നേ.... കൊണ്ഗ്രസ്സുകാരെ നമുക്കറിയില്ലേ. നോക്കിക്കോ... എന്താ സംഭവിക്കാൻ പോകുന്നത് എന്ന്.

      Delete
  26. സിനിമയിൽ സെക്സ്/ഗ്ലാമർ വേഷങ്ങൾ കൈകാര്യം ചെയ്ത നടികളെല്ലാം അവരുടെ യഥാർത്ഥ ജീവിതത്തിൽ മഹാ പിഴകളാകുമെന്നും അവർ എന്ത് വിട്ടു വീഴ്ച്ചക്കും തയ്യാറാകുമെന്നും തുടങ്ങീ നിരവധി മുൻവിധികളുടെ കലവറയാണ് ഒരു ആവറേജ് മലയാളിയുടെ മനസ്സ്. അത്തരം ചിന്താഗതിക്കാരിൽ ഒരു ജനപ്രതിനിധി പെട്ട് പോയാൽ, അയാൾ അവ്വിധം ഒരു നടിയോട് പെരുമാറിയിട്ടുണ്ടെങ്കിൽ, പ്രതിക്കൂട്ടിൽ നിൽക്കുന്നത് മുഴവൻ മലയാളികളും കൂടിയാണ് .

    ഇത്തരം സംഭവങ്ങളിൽ നിന്ന് മലയാളികൾ ഇനിയും ഒരുപാട് പഠിക്കാനുണ്ട്. ഷക്കീലയായാലും സണ്ണി ലിയോണായാലും പൊതു ജനത്തിന്റെ ഇടയിൽ ഇറങ്ങി നടക്കുമ്പോൾ അവർ പ്രതിനിധാനം ചെയ്യുന്നത് അടിസ്ഥാനപരമായി ഒരു "സ്ത്രീ"യെ തന്നെയാണ്. പൊതു ജനങ്ങളിൽ നിന്നും മാന്യമായ പെരുമാറ്റം അവരും ആഗ്രഹിക്കുന്നു, അർഹിക്കുന്നു. അത് കൊണ്ട് തന്നെ ശ്വേത എന്ന നടിയെ പല കാരണങ്ങൾ കൊണ്ട് അംഗീകരിക്കാൻ സാധിക്കാതെ പോയാലും ശ്വേത എന്ന സ്ത്രീയെ സപ്പോർട്ട് ചെയ്യാതിരിക്കാൻ സാധ്യമല്ല.

    ReplyDelete
    Replies
    1. I do agree with it.. ഒട്ടും വിയോജിപ്പില്ല.

      Delete
    2. @ അത് കൊണ്ട് തന്നെ ശ്വേത എന്ന നടിയെ പല കാരണങ്ങൾ കൊണ്ട് അംഗീകരിക്കാൻ സാധിക്കാതെ പോയാലും ശ്വേത എന്ന സ്ത്രീയെ സപ്പോർട്ട് ചെയ്യാതിരിക്കാൻ സാധ്യമല്ല.

      ഓ വേണ്ട വേണ്ട, ശ്വേതക്ക് ആരുടേയും സപ്പോര്ട്ട് വേണ്ട. അച്ഛന്റെ പ്രായമുള്ള ഒരാള് ഒരു 'സപ്പോര്ട്ട്' കൊടുത്തപ്പോഴേ ഇങ്ങനെയായി ഇനി എല്ലാവരുടെയും കൂടി സപ്പോര്ട്ട് ആ കൊച്ച് താങ്ങുമോ ആവോ?

      Delete
  27. (വാത്സല്യം എന്നചിത്രത്തിലെ അലയും കാറ്റിൻ ഹൃദയം എന്ന പാട്ടിന്റെ പാരഡി )
    അലയും കൈയ്യിന് ചലനം
    അറിയാതവളിൽ തങ്ങി
    ഓളെ പുടവ തുമ്പിൽ
    അറിയതെവ്ട്യോ തട്ടി .........
    പീ......താം....ബരൻ കൈ തട്ടിയോ
    ശ്വേതാ മേനോനോൻ അടിച്ചാട്ടിയോ ?.........
    ഓ...ഓ............ഓ....................

    ReplyDelete
  28. ശ്വേത യുടെ പ്രതികരണ കുറവിനെകുറിച്ച് ഒരുപാട് പേര്‍പറയുന്നത് കേട്ട്..ഞാന്‍ ചോദിക്കട്ടെ അപ്പോള്‍ അയാള്‍ക്കൊന്നു കൊടുത്തായിരുന്നെന്കില്‍ വരുന്ന വാര്‍ത്തകള്‍
    'എന്തായാലും അയാള്‍ക്ക്‌ അവരുടെ അച്ചന്റെ പ്രായമില്ലേ..എത്രയും വേണ്ടിരുന്നില്ല..'
    'അയാള്‍ വെറുതെ കൈയ്യില്‍ ഒന്ന്‍ പിടിച്ച്ചതല്ലേ ഉള്ളു..'

    ReplyDelete
  29. നാല് വയസ്സുകാരിയെ ഒരുത്തന്‍ പിച്ചി ചീന്തിയപ്പോള്‍ ഉണ്ടാവാത്ത പത്ര ധര്‍മവും പൌര ബോധവും ഇപ്പോള്‍ പൊങ്ങിയത് കുറുപ്പും മേനോത്തിയും വിവാത വ്യവസായികളുടെ റോ മെറ്റിരിയല്‍ ആയതു കൊണ്ടെന്നാണ് എനിക്ക് തോന്നുന്നത് .

    ReplyDelete
  30. വള്ളിക്കുന്ന്...കാറിൽ നിന്ന് അപമാനിക്കാനുള്ള ശ്രമം തുടങ്ങിയപ്പോൾ തന്നെ 'സാർ വിചാരിക്കുന്ന തരത്തിലുള്ള ഒരു പെണ്ണല്ല ഞാൻ, ഇനിയാവർത്തിക്കരുത്' എന്നൊരു വാക്ക് പറഞ്ഞിരുന്നുവെങ്കിൽ എത്ര നന്നായിരുന്നേനെ.. അതല്ലേ ബോൾഡ്നെസ്സ്...ശ്വേത അങ്ങനെ പറഞ്ഞൊ എന്ന് നമുക്കറിയില്ലല്ലോ,പിന്നെ ക്യാമറക്ക് മുൻപിൽ ഒരു നടി എന്തു ചെയ്യുമ്പോഴും അവൾ സുരക്ഷിതയാണ്...ചുറ്റും ആ സിനിമയിൽ പ്രവർത്തികുന്നവർ ഉണ്ടാകും.പ്രസവം ഷൂട്ട് ചെയ്യുമ്പോൾ ഭർത്താവ് അടുത്ത് ഉണ്ടായിരുന്നു.അതു പോലെ അല്ല ഒരു പൊതു വേദി.ഒരു പക്ഷെ ശ്വേത അയ്യാളെ തല്ലിയെന്നു വച്ചോളൂ...ഈ പറയുന്നവരൊക്കെ അവർക്ക് എതിരാകില്ലെ...പിന്നെ അത് പാർട്ടികൾ ഏറ്റെടുക്കും,ആകെ പ്രശ്നമാകും...അതുകൊണ്ടാകും നടി ഈ മാർഗം സ്വീകരിച്ചത്...അതിൽ ഒരു തെറ്റുമില്ലാ............

    ReplyDelete
    Replies
    1. തുടക്കത്തിലേ അങ്ങിനെ ഒരു 'നോ' വെട്ടിത്തുറന്ന് പറഞ്ഞിരുന്നുവെങ്കിൽ ഇങ്ങനെയിപ്പോൾ മോങ്ങേണ്ടി വരില്ലായിരുന്നു എന്ന് തന്നെയാണ് ഞാൻ വിശ്വസിക്കുന്നത്.

      Delete
    2. ശ്വേത ആ സ്പോട്ടിൽ പ്രതികരിക്കാതിരുന്നതിന് പല കാരണങ്ങൾ ഉണ്ടാവാം. പരിപാടി അലങ്കോലം ആക്കണ്ട എന്ന് വിചാരിച്ചാനെന്നാണ് ശ്വേത പറയുന്നത്. പക്ഷെ അത് മാത്രമല്ല.

      ശ്വേത അവിടെ വച്ച് പ്രതികരിച്ചാൽ ആളുകൾ എങ്ങനെ പ്രതികരിക്കും എന്ന 'ഭയം'.
      കുറഞ്ഞത്‌ ഒരു നൂറു പേരോടെങ്കിലും അതേ സ്പോട്ടിൽ വച്ച് സംഭവം വിശദീകരിക്കേണ്ടി വരും. അപ്പോൾ ഉണ്ടാകാവുന്ന 'ജാള്യത'. വിളിച്ചു വരുത്തുകയും തൻറെ അനുവാദമില്ലാതെ ശരീരത്തിൽ സ്പർശിച്ച് ഉപദ്രവിക്കുന്ന ആലോടുള്ള 'ദേഷ്യം'. തൻറെ അച്ഛന്റെ പ്രായമുള്ള ഒരാളോടും അവിടെ കൂടിയിരിക്കുന്ന ജനങ്ങളോടും ഉള്ള 'ബഹുമാനം'. ഉത്ഘാടനത്തിനു വരാൻ പണം വാങ്ങിയിട്ടുണ്ടെങ്കിൽ അതിനോടുള്ള 'കൂറ്'. ഇതൊക്കെ അവിടെ വച്ച് പ്രതികരിക്കാത്തതിന്റെ കാരണങ്ങൾ ആണ്.

      അതുപോലെ ശ്വേത ആ കൈ വച്ച് ഒരെണ്ണം പൊട്ടിച്ചാൽ ചിലപ്പോൾ കെളവന്റെ കാറ്റ് പോകും. പിന്നത്തെ കാര്യം പറയേണ്ടല്ലോ....

      Delete
  31. പൊതു വേദിയില്‍ നടന്ന കാര്യം ആണ് ഇത് .കേരളത്തിലെ പ്രബുദ്ധരായ പലരും അവിടെ ഉണ്ട് ,മാത്രമല്ല ഒരു പാട് ജനങ്ങളും ഉണ്ട് അവിടെ,പിന്നെ എങ്ങനെ ഈ പറയുന്ന പോലെയുള്ള സംഭവം നടന്നു .കാണുന്നവര്‍ക്ക് പോലും ഒന്നും തോന്നിയില്ലേ. രാഷ്ട്രീയ ക്കാര്‍ക്ക് ഇതൊരു ആഘോഷം ..ഇതിലും അപ്പുറം ഉള്ള ഒരു തെറ്റയില്‍ സംഭവം നടന്നപ്പോള്‍ വി എസ് ഒഴികെയുള്ള ഒരു ഇടതു രാഷ്ട്രീയക്കാരനും ഒന്നും മിണ്ടിയില്ല. only one thing to say BEWARE POLITICIANS ..YOUTH ARE WATCHING.

    ReplyDelete
  32. രാവിലത്തെ TV വാർത്തയുംചർച്ചയുമൊക്കെ കണ്ടപ്പോൾ ആദ്യം തോന്നിയത് മദർ തെരേസയെപ്പോലെ ഉള്ള ആരോ ആണ് അപമാനിക്കപ്പെട്ടത് എന്നാണ് ,പിന്നീടല്ലേ പിടികിട്ടിയത് ...ഇതാപ്പൊ ????

    ReplyDelete
  33. പെണ്ണൊരുമ്പേട്ടാല്‍...... കാറില്‍ വെച്ചും, വേദിയിലേക്കുള്ള വഴിയില്‍ വെച്ചും, വേദിയില്‍ വെച്ചും എന്നെ പീടിപ്പിചെന്നു മണിക്കൂറുകള്‍ക്ക് ശേഷം ചാനലുകള്‍ക്ക് മുമ്പില്‍ വളരെ ഉത്സാഹത്തോടെ വിളിച്ചു പറയുക. എന്തോ ഒരു പന്തികേട്. ചാനലുകാരാനെങ്കില്‍ പിന്നെ പീഡന വാര്‍ത്ത കിട്ടിയാല്‍ നന്നായി ആഘോഷിക്കുകയും ചെയ്യുമല്ലോ. ഉല്‍ബുദ്ധ കേരളം തന്നെ.

    ReplyDelete
  34. Muralidas Peralasseri ശ്വേത പങ്കെടുത്ത പരിപാടിയിൽ കണ്ട ഏക രാഷ്ട്രീയ നേതാവ് പീതാംബര കുറുപ്പാണ് . ഇത് തന്റെ
    പരിപാടിയാണെന്ന് കാണിക്കാൻ അമിത സ്വാതന്ത്ര്യം കുറുപ്പ് കാണിച്ചു എന്നതാണ് സത്യം ..ഇത് പല പരിപാടികളിലും പല സംഘാടകരും നേതാക്കളും കാണിച്ചു വരുന്ന ഒരു പൊങ്ങച്ചമാണ് .
    അതിഥിയുമായി തനിക്കു നല്ല അടുപ്പം ഉണ്ടെന്നു കാണിക്കാൻ അല്പ്പം ചേർന്ന് നില്ക്കുകയുംതൊടുകയുമോക്കെ
    ചെയ്യുന്നത് ഞങ്ങളെ പോലുള്ള ഫോട്ടോ ഗ്രാഫർ മാര് പല പരിപാടികളിലും നേരിട്ട് കണ്ടിട്ടുണ്ട് . പുരുഷന്മാരുടെ ശരീരത്തിലേക്ക് സ്ത്രീകളും ചില കടന്നു കയറ്റങ്ങൾ നടത്താറുണ്ട്‌ ...നേരത്തെ നടന്ന ഇത്തരം
    പല പരിപാടികളുടെയും വീഡിയോ ശ്രേധിച്ചാൽ പല കൈകളും ബോധ പൂർവമൊ അല്ലാതെയോ പോകുന്നത് കാണാം ...താനൊരു മാദക തിടംപാണ് എന്ന് സ്വയം കരുതുന്ന ...തന്റെ മാംസളത
    നിരവധി സിനിമകളിലൂടെ പ്രേക്ഷകർക്ക്‌ വാരി കോരി നല്കിയ (അത് അഭിനയമാണ് എന്ന് പറഞ്ഞു നിസ്സാര
    വൽക്കരിക്കരുത് ....കാരണം മാസികകളുടെ സർക്കുലേഷൻ കൂട്ടുന്ന ഇത്തരം ചിത്രങ്ങൾ കിടപ്പ് മുറി മുതൽ
    കക്കൂസുവരെ പതിപ്പിച്ചു അതിൽ സങ്കൽപ്പ രതി നടത്തുന്നവർ ഇവിടെ യുണ്ട് ) ശ്വേത നിരവധി പേരെ ഞരമ്പ് രോഗികളാക്കിയ നടിമാരിൽ ഒരാളാണ് .. ഗർഭ നിരോധനയുറ യുടെ പരസ്യത്തിനു വേണ്ടി കാഴ്ചക്കാരനിൽ കാമാസക്തി ഉണ്ടാക്കിയതുമുതൽ ചുരുക്കം ചില ചിത്രങ്ങൾ ഒഴിച്ച് ബാക്കി എല്ലാ ചിത്രങ്ങളിലും തന്റെ ശരീരം
    തന്നെയാണ് ശ്വേത അഭിനയത്തിന് വേണ്ടി ഉപയോഗിച്ചിട്ടുള്ളത് .ഇതൊന്നും ദേശീയോദ് ഗ്രധന ലക്‌ഷ്യം
    വച്ച് സമര്പ്പിചിതല്ല . അത് കൊണ്ട് തന്നെ തന്റെ ശരീരത്തിൽ സ്പര്ശിക്കുന്ന ആരെയും ശ്വേത സംശയിക്കും. അത് പിതൃ വാത്സല്യം കൊണ്ടായാൽ പോലും ! മുമ്പ് അമ്മ നടത്തിയ ഒരു പരിപാടിയുടെ

    പരിശീലനത്തിൽ മോഹൻ ലാലിനൊപ്പം എല്ലാ നടിമാരും നൃത്തം ചെയ്യുന്ന സമയത്ത് ലാൽ തോടുംപോഴും

    ശ്വേത സംശയത്തോടെ നോക്കുന്നതും ചലിക്കുന്നതും കാണാൻ കഴിഞ്ഞിട്ടുണ്ട് ..(.യൂ ട്യൂബിൽ കിട്ടുമെങ്കിൽ
    അത് കാണുക ) കുറു പ്പിനെതിരെ പ്രചരിക്കുന്ന ചിത്രങ്ങളിലും തിരക്കുള്ള ഒരു പരിപാടിയിൽ കാണുന്നതിൽ
    കവിഞ്ഞു
    അസ്വാഭാവികമായി എന്തെങ്കിലുമുണ്ടെന്നു തോന്നുന്നില്ല ...പിന്നെ "കളിമണ്ണി"ൽ കാണിച്ച ധൈര്യത്തിലൂടെ

    അസാധാരണ സ്ത്രീയായി മാറിയ ശ്വേത ഒരു സാധാരണ സ്ത്രീയായി മാറുന്ന കാഴ്ചയാണ് ഇപ്പോൾ ഉള്ളത് .

    ഉടൻ പ്രതികരിച്ചില്ല എങ്കിൽ കൂടി സംഭവം നേരെ അറിയിക്കേണ്ടത് പോലീസിനെ ആയിരുന്നു . അല്ലാതെ
    മാദ്യമങ്ങളെ ആയിരുന്നില്ല ...
    ( ഞാൻ ഒരു കോണ്ഗ്രസ് അല്ല )

    ReplyDelete
  35. ഒരു വലിയ ജന സമൂഹം പങ്കെടുക്കുന്ന സന്തോഷകരമായ ഒരു ചടങ്ങ് അലങ്കോലം ആാകരുതു എന്ന് കണ്ടു, മാന്യമായി പരാധി പറയേണ്ടുന്ന അധികാരിയുടെ അടുത്ത് അവർ പരാധി ബോധിപ്പിച്ചു. അതല്ലേ അവർ ചെയ്ത നല്ല കാര്യം. മറിച്ചു, ഒരു സീൻ അവിടെ ഉണ്ടാക്കുവാൻ ആർക്കും കഴിയും. പക്വതയോടെ പ്രശ്നം ഒഴിവാക്കാൻ അവർ ശ്രമിച്ചത്‌ ചാനലുകളുടെ ഇടപെടലുകൾ മുഖേന കുളമായീതീർന്നു എന്നുള്ളതല്ലേ കുറച്ചുകൂടി വിശാലമായി നോക്കിയാൽ നമുക്ക് കാണാൻ കഴിയുന്നത്‌. സിയാദ് കൊച്ചി.

    ReplyDelete
  36. ശ്വേത നിരവധി പേരെ ഞരമ്പ് രോഗികളാക്കിയ നടിമാരിൽ ഒരാളാണ്

    ReplyDelete
  37. അഭിസാരികയുടെ ചാരിത്യ പ്രസംഗം .....ഇതാണോ പീഡനം ?

    അച്ഛന്റെ പ്രായമുള്ള പീതാംബര കുറുപ്പെന്ന വയോദികന്‍ ഒന്ന്

    കൈ പിടിച്ചു പോയാല്‍ ഒന്ന് ദേഹത്ത് ചാരി നിന്നുപോയാല്‍ ......

    ഒന്ന്‍ പോ പെണ്ണെ ....സിനിമയില്‍ ഉടുതുണിയില്ലാതെ അന്യന്‍റെ മാറത്ത്

    ആനന്ദ മാടുന്ന ഇവളൊക്കെ ' വെറുതെ ഒരു പീഡന ' കഥ മെനയുന്നു .

    ReplyDelete
  38. പീഡനം എല്ലയിടെതും എവിടെയും ആരെയും എങ്ങിനെയും എപ്പോയും .....

    ReplyDelete
  39. ഒന്ന് ഒച്ച വെച്ചിരുന്നെങ്കില്,ഒന്ന് ഉറക്കെ കരഞ്ഞിരുന്നെങ്കില് പീതാംബരക്കുറുപ്പ്‌ ഉണര്‍ന്നെനെ.

    ReplyDelete
  40. (കടപ്പാട് : East coast Vijayan)
    പ്രിയപ്പെട്ടവരേ,

    ഒരു വാര്‍ത്ത സൃഷ്ടിച്ച് അതിന്റെ ഗുണ ഭോക്താവാന്‍ ശ്രമിക്കുന്നത് വളരെ അപമാനകരമാണ്. ലജ്ജാവഹമാണ്..

    ഇന്നലെ രാത്രി വളരെ വൈകിയിട്ട് വാര്‍ത്താ ചാനലുകളില്‍ നിറഞ്ഞു നിന്ന ഒന്നാണ് നടി ശ്വേതാ മേനോനെ പ്രമുഖനായ ഒരു രാഷ്ട്രീയ നേതാവ് അപമാനിച്ചു വെന്ന ഒരു വാര്‍ത്ത..ചില ചാനലുകളില്‍ schroll ആയിരുന്നു നിറഞ്ഞു നിന്നിരുന്നതെങ്കില്‍ മറ്റു ചിലതില്‍ സാക്ഷാല്‍ ശ്വേതാ മേനോന്റെ അഭിമുഖങ്ങളായിരുന്നു..വ്യക്തമായി ഒന്നും പറയാതെ, തന്നെ അപമാനിച്ചു, സ്റ്റേജില്‍ കയറിയത് മുതല്‍ ഇറങ്ങിയതുവരെ അപമാനിച്ചു, വിവരം കളക്ടറെ അറിയിച്ചിട്ടുണ്ട്, ഭയങ്കര സങ്കടം വന്നു..( മുഖത്തെ ഭാവം ഒന്ന് ശ്രദ്ധിക്കുക), നിയമ നടപടികളുമായി മുന്നോട്ടു പോകുമോ എന്ന ചോദ്യത്തിന് No Comments എന്ന ഉത്തരം... ഇങ്ങനെ പോകുന്നു, അഭിമുഖത്തിലെ വിശേഷങ്ങള്‍..

    ശ്രീമതി ശ്വേതാ മേനോന്‍ സ്വന്തം പ്രസവം തലമുറകള്‍ കാണട്ടെ എന്ന ഉദ്ദേശത്തില്‍ സിനിമയില്‍ അത് പകര്‍ത്താന്‍ അനുവാദം നല്‍കിയ ഒരു നടിയാണ്..എന്തെല്ലാം എതിര്‍പ്പുകള്‍ ഉണ്ടായിട്ടും അതിനെയൊക്കെ ന്യായീകരിച്ച് സ്വന്തം തീരുമാനത്തില്‍ ഉറച്ചു നില്‍ക്കാന്‍ "ചങ്കൂറ്റം" കാട്ടിയ ശ്വേതയ്ക്ക്, അങ്ങനെ ആരെങ്കിലും അപമാനിക്കാന്‍ ശ്രമം നടത്തിയപ്പോള്‍ തന്നെ ഒന്നും പറയാതെ ഒരു "നോട്ടം" കൊണ്ട് പോലും ആ വ്യക്തിയെ അതില്‍ നിന്നും പിന്തിരിപ്പിക്കാന്‍ കഴിയുമായിരുന്നു.. അല്ലെങ്കില്‍, കൂടെയുണ്ടായിരുന്ന ഭര്‍ത്താവിനു പറയാമായിരുന്നല്ലോ.. അങ്ങനെ ഒന്നും ചെയ്യാതെ ഒരു വാര്‍ത്ത സൃഷ്ടിച്ച് അതിന്റെ ഗുണ ഭോക്താവാന്‍ ശ്രമിക്കുന്നത് വളരെ അപമാനകരമാണ്. ലജ്ജാവഹമാണ്..

    ചടങ്ങിനു കാര്മ്മികത്വം വഹിച്ച ഉത്തരവാദിത്വപ്പെട്ട ഒരു ജന പ്രതിനിധിയായ രാഷ്ട്രീയ നേതാവ്, മനുഷ്യത്വപരമായി പെരുമാറിയതിന് മറ്റു വ്യാഖ്യാനങ്ങള്‍ നല്‍കി അത് വാര്‍ത്തയാക്കി നടത്തിയ ഈ കോലാഹലങ്ങളൊക്കെ കാണുകയും കേള്ക്കുകയും ചെയ്യുന്നവര്‍ക്കാണ് വിഷമം തോന്നുന്നത്, അല്ലാതെ ശേതാമേനോനല്ല..ഒരാള്‍ക്കിത്രയും തരം താഴാന്‍ കഴിയുമോ എന്ന് ആരെങ്കിലും ചിന്തിച്ചാല്‍ അത് ശരി ആണെന്ന് പറയുവാനേ കഴിയൂ.. പ്രസവം കൊണ്ട് ജനശ്രദ്ധ പിടിച്ചു പറ്റിയപ്പോള്‍ അത് മാറ്റാര്‍ക്കും ദോഷം ഉണ്ടാക്കുന്നതായിരുന്നില്ല. അതുപോലെ മറ്റെന്തെങ്കിലും കണ്ടു പിടിച്ചു ശ്രദ്ധ പിടിച്ചു പറ്റുന്നതല്ലേ, ശ്വേതയ്ക്ക് നല്ലത്?

    സ്നേഹപൂര്‍വ്വം, വിജയന്‍ ,കടപ്പാട് : East coast Vijayan . 02/ 11/2013

    ReplyDelete
  41. 'വെറുതെയല്ല ഭാര്യ'യിലെ മത്സരാർഥികളായ കൈകരുത്തുള്ള യുവാക്കളെ നെഞ്ചോട്‌ ചേർത്തമർത്തി രസിക്കുന്ന രതിചേച്ചിക്ക് ഒരു വയസ്സൻ തൊട്ടുരുമ്മിയത് ഒട്ടും ഇഷ്ടമായില്ല. ഇനിയൊരു കിഴവനും തന്നോട് ഇത് തോന്നരുത് എന്ന് രതിചേച്ചി ചിന്തിച്ചത് അല്പം വൈകിയാണ്. അതാണ്‌ പരാതി വൈകാനുണ്ടായ കാരണം.

    ചെറുപ്പക്കാരെ അങ്ങോട്ട്‌ കെട്ടിപ്പിടിച്ച് രസിക്കുന്നത് അഭിമാനം. ഇച്ചിരി പ്രായമുള്ളയാൾ ഇങ്ങോട്ടൊന്ന് തൊട്ടപ്പോൾ അപമാനം.!! ഹാ.. കലികാലം എന്നല്ലാതെ എന്തുപറയാൻ!!

    ReplyDelete
  42. പീതാംബരക്കുറുപ്പ് ശരിക്കും ശ്വേതയെ 'പീഡിപ്പി'ച്ചിട്ടുണ്ടാകും എന്ന ഉറപ്പിലാണ് ഇതുവരെയും ഇരുന്നത്. ലൈവായി നടന്ന പീഡനം ചാനലുകള്‍ വട്ടം വരച്ചും കള്ളി വരച്ചും കാണിച്ചിട്ടും കുറുപ്പ് ശ്വേതയോട് ചേര്‍ന്നു നില്ക്കുന്നതല്ലാതെ മറ്റൊന്നും ഇതുവരെ കണ്ടിട്ടില്ല. ആളുകളുടെ തള്ളലില്‍ മുട്ടിപ്പോയതാണെന്നാണ്‌ കുറുപ്പ് പറയുന്നത്.

    മുടിഞ്ഞ തിരക്കിനിടയില്‍ ആളുകള്‍ അങ്ങോട്ടും ഇങ്ങോട്ടും തള്ളുമ്പോള്‍ സാക്ഷാല്‍ ഇന്ദിരാ ഗാന്ധി വന്ന് നിന്നാല്‍ പോലും തട്ടിയും മുട്ടിയും പോയെന്നിരിക്കും. അങ്ങിനെ മുട്ടുന്ന രംഗം മാത്രം ക്ലോസ്സപ്പ് ചെയ്ത് സ്ലോ മോഷനില്‍ റൗണ്ടിട്ടു കാണിച്ചാല്‍ കുറുപ്പല്ല , ഏത് പോലീസുകാരന്റെയും ജീവിതം സ്വാഹയാകും.. മാത്രമല്ല, ശ്വേതയെ ചേര്‍ത്തു പിടിച്ചത് പോലെ കുറുപ്പ് കലാഭവന്‍ മണിയേയും ചേര്‍ത്തു പിടിച്ചിട്ടുണ്ട്..ഇന്നലെ നടത്തിയ പത്രസമ്മേളനത്തില്‍ ശ്വേതയും ഭര്‍ത്താവും പറയുന്നത് രണ്ട് പേര്‍ പീഡിപ്പിച്ചിട്ടുണ്ട് എന്നാണ്. അപ്പോള്‍ രണ്ടാമന്‍ ആരാണ്. അയാളായിരിക്കുമോ പിറകില്‍ നിന്ന് ശ്വേതയെ തോണ്ടിയിട്ടുണ്ടാവുക. ആകെ കണ്ഫ്യൂഷനാണ്. തന്നെയുമല്ല, കൊല്ലം കലക്ടറാണ് പ്രധാന പ്രതിയെന്നാണ് ഇപ്പോള്‍ പറയപ്പെടുന്നത്‌. ഇതിനിടയില്‍ ശ്വേതയെ ഉപദ്രവിച്ച ആളുടെ ഫോട്ടോയും വീഡിയോയും ഉടന്‍ പുറത്തു വിടുമെന്ന് കുറുപ്പ് ആവര്‍ത്തിച്ചു പറയുന്നുമുണ്ട്.. കണ്ഫ്യൂഷനോടു കണ്ഫ്യൂഷന്‍ :)

    ReplyDelete
    Replies
    1. ഇപ്പോള്‍ ഇത് എഴുതിയതില്‍ കുറ്റബോധം തോന്നുന്നുണ്ടോ?

      Delete
  43. കുറുപ്പിനോട് ''വെറുതെയല്ല ഭാര്യ'' യില്‍ ഒന്ന് പങ്കെടുക്കാന്‍ പറയൂ അവിടെ അതാ ശ്വേത ''വെറുതെ'' കെട്ടിപ്പിടിക്കുന്നു..........

    ReplyDelete
    Replies
    1. Salute...this is the best comment I have seen around on the issue. Like!

      Delete
  44. Ithu Manassilakkan ithra samayamedutho. Mrs. Swetha Menon is over acting before the media. when reporters ask questions she is getting more emotional and her so called husband is interrupting always-she is hugging her husband... what is this? She is thinking that IT IS A REALITY SHOW... thats alll

    ReplyDelete
    Replies
    1. കോണ്‍ഗ്രസിലെ ഞരമ്പ് രോഗികളായ നേതാക്കളെ തിരഞ്ഞു പിടിച്ചു അവര്ക്ക് അടിയന്തിരം ആയി കൌണ്‍ സിലിംഗ് നൽകുന്നതിനു വേണ്ടി കെ പി സി സി ആസ്ഥാനത്ത് കൌണ്‍ സിലിംഗ് സെന്ടെ ർ ഏർപ്പാടക്കാൻ കെ പി സി സി പ്രസിഡന്റ്‌ മുൻ കൈ എടുക്കണം എന്ന് ശ്രീമതി ശോഭാ സുരേന്ദ്രൻ .....ശോഭാ സുരേന്ദ്രന്റെ രാഷ്ട്രീയം എന്ത് തന്നെ ആയാലും അവർ പറഞ്ഞത് ഗൌരവം ആയി ചര്ച്ച ചെയ്യേണ്ട വിഷയം ആണ് സമൂഹത്തിൽ എല്ലാവരും എന്ന് തോന്നുന്നു ...ഇത് പറഞ്ഞപ്പോൾ ആണ് ഒരു സുഹൃത്തിന്റെ നാട്ടിൽ നടന്ന സംഭവം ഓർമ വന്നത് ...അത് ഇങ്ങനെ .....::: "ഒരു തിരക്കുള്ള ബസ്സ്‌ അവടത്തെ സ്റ്റോപ്പിൽ വന്നു നിന്നു .അതിന്റെ പുറകു വശത്ത് നിന്ന് ഇറങ്ങിയ യുവാവ് മുൻവശത്ത് ചെന്ന് നിന്ന് അയാളുടെ ഭാര്യയും കുഞ്ഞും ഇറങ്ങുന്നത് നോക്കി നിൽക്കുക യാണ് .എല്ലാവരും ഇറങ്ങി ഭാര്യ യെ കാണുനില്ല .ബസ്‌ മുന്നോട്ടു എടുക്കും എന്ന് ആയപ്പോൾ അയാൾ കിളി യോട് പറഞ്ഞു ഭാര്യ ഇറങ്ങിയിട്ടില്ല പോവല്ലേ എന്ന് ..കണ്ടക്ടരും കിളിയും അയാളുടെ ഭാര്യുടെ പേര് പറഞ്ഞു ഉച്ചത്തിൽ വിളിക്കാൻ പറഞ്ഞു ..യുവാവ്‌ പേര് പറയാതെ ശങ്കിച്ച് നിന്ന് അത് കണ്ടു ദേഷ്യം കയറിയ കിളി പിന്നെയും പേര് ചോദിച്ചു .അപ്പോൾ അയാൾ ഞാൻ ബസിൽ കയറി വിളിച്ചു ഇറക്കാം എന്ന് പറഞ്ഞു .കിളിയും കണ്ടക്ടറും ഭരണി പാട്ട് പാടും എന്ന് ആയപ്പോൾ ആൾ പതുക്കെ പേര് അവരുടെ അടുക്കൽ പറഞ്ഞു .അന്നേരം കിളി ഉച്ചത്തിൽ ചിരിച്ചു കൊണ്ട് ഷക്കീല .ഷക്കീല ..പെട്ടെന്ന് വണ്ടിയിൽ നിന്ന് ഇറങ്ങണം ഭര്ത്താവ് കാത്തു നില്ക്കുന്നു എന്ന് പറഞ്ഞതും ബസ്സിലും കൂട്ട ചിരി ..ആ പാവം യുവതി ആവട്ടെ ഇട്ട ഷാൾ കൊണ്ട് മുഖം മറച്ചു ഒരു കുറ്റ വാളിയെ പോലെ തലയും താഴ്ത്തി ഇറങ്ങി പോയി ..".. .ഷക്കീല പടം വ്യാപകം ആയ സമയത്ത് നടന്ന സംഭവം ആണ് പറഞ്ഞത് .അത് കഥയോ ? എന്ത് ആയാലും അതെ അവസ്ഥ യാണ് കോണ്‍ഗ്രസിലെ എ ഗ്രൂപ്പ് നേരിടുന്നത് ..നാലാളുടെ മുന്നില് വെച്ച് ഏതു ഗ്രൂപ്പ് ആണ് എന്ന് പറയാൻ വയ്യാത്ത അവസ്ഥ .. അതു പോലെ ജന പ്രധി നിധി എന്നു തലയിൽ മുണ്ട് ഇടാതെ പ റയാൻ കഴിയാത്ത അവസ്ഥ മറ്റുള്ളവർക്കും വന്നു കൂടാ..പൊതു ജീവിതത്തിലും സ്വകാര്യ ജീവിതത്തിലും വിശുദ്ധി കാത്തു സൂക്ഷിക്കുന്ന ഒട്ടേറെ കോണ്‍ഗ്രസ്‌ ഉൾപെടെയുള്ള മറ്റു ജന പ്രതിനിധികൾ ഉണ്ട് .വനിതാ നേതാക്കൾ ഉണ്ട് അവര്ക്ക് ഒക്കെ തലയിൽ ഷാൾ ഇട്ടു രാഷ്ട്രീയ പ്രവര്ത്തനം നടത്തേണ്ട ഗതികേട് വരാതെ ഇരിക്കാനും ദേശിയ പാർട്ടി ആയ കോണ്‍ഗ്രസിന്റെ ചിഹ്നം ആയ കൈ പത്തിക്ക് അവമതി വരാതെ ഇരിക്കാനും ഇത്തരം ആൾ ക്കാരെ നിലക്ക് നിറുത്തുവാൻ ഇനി എങ്കിലും കോണ്‍ഗ്രസ്‌ നേത്രുത്തം തയ്യാർ ആവേണ്ടത് ആണ്

      Delete
  45. This comment has been removed by the author.

    ReplyDelete
  46. സത്യത്തിൽ ശ്വേത വേദി വിടുന്നത് വരെ ഇത് ഒരു പ്രശനമാക്കാൻ ഉധേഷിചിട്ടുണ്ടാവില്ല ..പിന്നെ വീട്ടില് വെച്ച ഭർത്താവു ശ്രീവല്സനുമായി സംസാരിച്ചപ്പോൾ നമുക്ക് ഇതൊരു ഇഷ്യൂ ആക്കാം എന്ന് അവർ പറഞ്ഞു കാണും

    ReplyDelete
  47. "അവധിക്കു വന്ന പട്ടാളക്കാരനെ വെടിവച്ചു വീഴ്ത്തിയിട്ട് യുദ്ധമുഖത്ത ടാങ്കുകള്‍ കൈകാര്യം ചെയ്തിട്ടുള്ള ഇയാളെന്തിന് ഒരു വെടി കൊണ്ടു വീണൂ എന്നു ചോദിക്കുന്നതു പോലെയാണ് ശ്വേത മേനോന്റെ പരാതിയോടുള്ള മുഖ്യധാരയുടെ പ്രതികരികരണങ്ങള്‍. നമ്മുടെ കപടസദാചാരത്തിന്റെയും തന്ത്രപരമായ വിശാലമനസ്സിന്റെയും ശ്രേഷ്ഠമായ ഉദാഹരണങ്ങളാണ് ഇന്നലെയും ഇന്നുമായി ശ്വേത-പീതാംബരക്കുറുപ്പ് വിവാദത്തോടുള്ള പ്രമുഖരും പ്രഗല്‍ഭരും പുരോഗമന-സ്ത്രീപക്ഷവാദികളും എന്നവകാശപ്പെടുന്നവര്‍ പോലും മുന്നോട്ടു വയ്ക്കുന്ന വാദങ്ങള്‍"

    courtesy - Berly Thomas

    ReplyDelete
  48. ശ്വേത പരാതി പിൻവലിച്ചു - വാർത്ത
    കിട്ടേണ്ട പബ്ലിസിറ്റി കിട്ടി. കാമസൂത്ര മുതൽ കളിമണ്ണ് വരെ ഉണ്ടായിരുന്ന ഇമേജ് പോയി കേരള സ്ത്രീയുടെ ഭാവശുദ്ധി തിരിച്ചു കിട്ടി. അടുത്ത പടത്തിനുള്ള റേറ്റ് ഡബിളായി. ചാനൽ പ്രോഗ്രാമിന് ഹിറ്റ്‌ കൂടി.. ഒരു വെടിക്ക് എന്തോരം പക്ഷികൾ ..

    ReplyDelete
    Replies
    1. "ഒരു വെടിക്ക് എന്തോരം പക്ഷികൾ .."

      എന്തോരം അർത്ഥങ്ങളുള്ള പഴഞ്ചൊല്ല് :P

      Delete
    2. "ഒരു വെടിക്ക് എന്തോരം കക്ഷികള്‍...."

      Delete
  49. vallikkunnu adutha janmathil oru woman aayi kerathil janikkattetyennum keral thile oru bus il yatra cheyyan bhaagayamundavatteyunnum .. aashasichallo .appolum ee abhipraayam thanne undaakumo entho

    ReplyDelete
  50. election is coming, ee vishayathil leaginey ozhivakkiyow ???

    ReplyDelete
  51. This comment has been removed by the author.

    ReplyDelete
  52. Kala pettenu kettapozhekkum vallikkunu kayareduthu...Swetha parathy Pinvalichathinu adutha post idu...

    ReplyDelete
  53. >>>പീതാംബരക്കുറുപ്പ് ശരിക്കും ശ്വേതയെ 'പീഡിപ്പി'ച്ചിട്ടുണ്ടാകും എന്ന ഉറപ്പിലാണ് ഇതുവരെയും ഇരുന്നത്. ലൈവായി നടന്ന പീഡനം ചാനലുകള്‍ വട്ടം വരച്ചും കള്ളി വരച്ചും കാണിച്ചിട്ടും കുറുപ്പ് ശ്വേതയോട് ചേര്‍ന്നു നില്ക്കുന്നതല്ലാതെ മറ്റൊന്നും ഇതുവരെ കണ്ടിട്ടില്ല>>>>>

    കാള പെറ്റൂന്ന് കേള്‍ക്കുന്നതിനു മുമ്പേ കയറെടുത്തെറങ്ങിക്കോളും ചില......

    ReplyDelete
  54. കുട്ടികളെയും സ്ത്രീകളെയും നേർക്കുള്ള അതിക്രമങ്ങൾ കേരളത്തിന്റെ സാംസ്കാരീക പ്രബുദ്ധതയുടെയും സാക്ഷരതയുടെയും ജീവിത നിലവാരത്തിന്റെയും നേർക്ക്‌ കൊഞ്ഞനം കുത്തുന്നു.ഇരകളെ നാം സ്വീകരിക്കുന്നത് ഇരുണ്ട കാലഘട്ടത്തിന്റെ മാനസീക അവസ്ഥയോട്‌ കൂടിയാണ്. സ്ത്രീ ശാക്തീ കരണ ത്തെയും മറ്റും ഘോര ഘോരം പ്രസംഗി ക്കുന്ന രാഷ്ട്രീയ പാർടികൾ വരെ പ്രതി സ്വന്തം നേതാവാണ്‌ എന്ന് കാണുമ്പോൾ ഇരയെ കോലം കത്തിച്ചും തെറി വിളിച്ചും ഭീഷണി പെടുത്തിയും അടുക്കളയിലേക്കു തള്ളുമ്പോൾ നാമെല്ലാം നാണിച്ചു തല താഴ്ത്തുക ...

    ReplyDelete