October 19, 2011

പിള്ളയെ തട്ടാന്‍ ജയരാജന്റെ ക്വട്ടേഷന്‍

അസിസ്റ്റന്റ്‌ പോലീസ് കമ്മീഷണര്‍ രാധാകൃഷ്ണപ്പിള്ളയെ കാണുന്നിടത്ത് വെച്ച് തല്ലാനാണ് ജയരാജന്‍ വക്കീല്‍ ആഹ്വാനം ചെയ്തിരിക്കുന്നത്. സാധാരണ ഗതിയില്‍ സഖാക്കള്‍ ഇത്തരം ആഹ്വാനങ്ങളൊക്കെ കൊടുക്കാറുള്ളത് ഏരിയ കമ്മറ്റി മീറ്റിങ്ങുകളില്‍ ആണ്. പക്ഷെ ഇന്ന് കൊടുത്തത് പരസ്യമായാണ്. അതും മാധ്യമങ്ങളുടെ ക്യാമറക്ക്‌ മുന്നില്‍ . കോഴിയെ കണ്ടാല്‍ പിടിക്കാന്‍ കുറുക്കനോട് പ്രത്യേകം പറയേണ്ടതില്ല. അത് കുറുക്കന്റെ ജന്മ നിയോഗങ്ങളില്‍ ഒന്നാണ്. ഒറ്റയ്ക്ക് തരപ്പെട്ടു കിട്ടിയാല്‍ രാധാകൃഷ്ണപ്പിള്ളയെ എസ് എഫ് ഐ കുട്ടികള്‍ കൈകാര്യം ചെയ്തു എന്ന് വരാം. പക്ഷെ ഒരു പാര്‍ട്ടിയുടെ സംസ്ഥാന നേതാവ് ഇങ്ങനെയൊരു ക്വട്ടേഷന്‍ പരസ്യമായി കൊടുക്കുന്നത് കണ്ടപ്പോള്‍ ശരിക്കും ഞെട്ടിപ്പോയി. നമ്മുടെ രാഷ്ട്രീയ നേതൃത്വം എത്തിപ്പെട്ടിരിക്കുന്ന ഗുണ്ടാ രാഷ്ട്രീയത്തിന്റെ ഏറ്റവും പ്രകടമായ തെളിവ്.

രാധാകൃഷ്ണപിള്ള തെറ്റ് ചെയ്തിട്ടുണ്ടെങ്കില്‍ അയാളെ ശിക്ഷിക്കുവാന്‍ ഇവിടെ നിയമവും കോടതിയുമുണ്ട്. എസ് എഫ് ഐ യുടെ കണ്ണൂര്‍ ജില്ല കമ്മറ്റിയെ ഇന്ത്യന്‍ ഭരണഘടന ആ പണി എല്പിച്ചിട്ടില്ല. എസ് എഫ് ഐ കുട്ടികളുടെ സമരം അക്രമാസക്തമായപ്പോള്‍ രാധാകൃഷ്ണപിള്ള റിവോള്‍വര്‍ ഉപയോഗിച്ച് വെടി വെക്കുന്നതിന്റെ ഫൂട്ടേജ് മാധ്യമങ്ങള്‍ പുറത്തു വിട്ടിരുന്നു. അതിന്റെ അന്വേഷണം നടന്നു കൊണ്ടിരിക്കുന്നു. പിള്ള വെടിവെക്കുന്ന ദൃശ്യം കണ്ടപ്പോള്‍ ഇയാള്‍ക്കെന്താ വട്ടു പിടിച്ചോ എന്ന് ഞാനടക്കം പലര്‍ക്കും തോന്നി എന്നത് നേരാണ്.  പക്ഷെ അത്തരം തോന്നലുകളല്ല, അന്വേഷണക്കമ്മീഷനുകളുടെ റിപ്പോര്‍ട്ടുകളാണ് നിയമ സംവിധാനത്തിന് മുന്നില്‍ പ്രത്യക്ഷപ്പെടുക. 

മനുഷ്യാവകാശ കമ്മീഷന്‍, ഡി ജി പി ജേക്കബ് പുന്നൂസ്, അഡീഷനല്‍ ചീഫ് സെക്രട്ടറി കെ ജയകുമാര്‍ എന്നിവരാണ് വെടിവെപ്പിനെക്കുറിച്ച് അന്വേഷിച്ചു പ്രാഥമിക റിപ്പോര്‍ട്ട്‌ നല്‍കിയിരിക്കുന്നത്. റിപ്പോര്‍ട്ടുകള്‍ ഔദ്വോഗികമായി പുറത്തു വന്നിട്ടില്ല എങ്കിലും മാധ്യമങ്ങള്‍ പുറത്തു വിട്ട വാര്‍ത്തകള്‍ വിശ്വസിക്കാമെങ്കില്‍ ഈ മൂന്നു അന്വേഷണങ്ങളും പിള്ളക്കെതിരെ നടപടി സ്വീകരിക്കേണ്ട ആവശ്യമില്ല എന്ന് തന്നെയാണ് ശുപാര്‍ശ ചെയ്തിട്ടുള്ളത്. ഈയൊരു പാശ്ചാത്തലത്തില്‍ വേണം എം വി ജയരാജന്റെ  ക്വട്ടേഷനെ നാം വിലയിരുത്തേണ്ടത്. കണ്ണൂരിലേക്ക് വന്നാല്‍ അടിച്ചോതുക്കുമെന്നും അതാണ്‌ കണ്ണൂരിന്റെ ചരിത്രമെന്നും പറഞ്ഞ സഖാവ് തല്ലുന്നതില്‍ ഒട്ടും പേടിക്കേണ്ടതില്ലെന്ന് കുട്ടികള്‍ക്ക് ഉറപ്പു നല്‍കുകയും ചെയ്തു. ഒരു ക്വട്ടേഷന്റെ എല്ലാ ചിട്ടവട്ടങ്ങളും ഒത്തിണങ്ങിയ രാജകല്പന തന്നെ.  പിള്ള കുറ്റക്കാരനാണെന്ന് അന്വേഷണകമ്മീഷനുകള്‍ പറഞ്ഞിരുന്നുവെങ്കില്‍ ഇത്തരമൊരു പ്രസ്താവന നടത്താന്‍ ജയരാജന്‍ വക്കീല്‍ മുതിരുമായിരുന്നോ? ഇല്ല എന്നത് തീര്‍ച്ചയാണ്. അയാളെ സര്‍വീസില്‍ നിന്ന് എത്രയും വേഗം പിരിച്ചു വിടാന്‍ ആവശ്യപ്പെടും. വിധി അനുകൂലമായാല്‍ അംഗീകരിക്കുകയും അനുകൂലമല്ലാതെ വന്നാല്‍ തെരുവില്‍ കാണുമെന്നു പറയുകയും ചെയ്യുന്നത്  ഏത് മാനിഫെസ്റ്റോയുടെ പിന്‍ബലത്തില്‍ ആണ്, ഏത് വിപ്ലവരേഖയുടെ അടിസ്ഥാനത്തില്‍ ആണ്?. ഇത് ഫാസിസം അല്ലെങ്കില്‍ മറ്റെന്താണ് ഫാസിസം?


അന്വേഷണക്കമ്മീഷനുകള്‍ ഒരാളെ കുറ്റവിമുക്തനാക്കിയാല്‍ അയാളെ തൂക്കിക്കൊല്ലണമെന്നു പറയാന്‍ ഒരു ശുംഭനും ഇന്ത്യന്‍ ഭരണഘടന അവകാശം നല്‍കുന്നില്ല. അസിസ്റ്റന്റ്‌ പോലീസ് കമ്മീഷണനറെ കാണുന്നിടത്ത് വെച്ചു തല്ലാനാണ് സംസ്ഥാന നേതാവ് ആഹ്വാനം ചെയ്തത്. യൂണിഫോമില്‍ ആണെങ്കില്‍ തല്ലേണ്ട എന്നും പറഞ്ഞു. പോലീസിന്റെ യൂണിഫോമിനോടുള്ള പ്രത്യേക ബഹുമാനം കൊണ്ടാണ് ഇത്രയും ഇളവു നല്‍കിയത്!. എന്നാല്‍ സാധാരണക്കാരന്റെ വേഷത്തോട് അത്തരമൊരു ബഹുമാനം വേണ്ടതില്ല!!. യൂണിഫോം മാറ്റി മുണ്ടും കുപ്പായവും ഇട്ടാല്‍ ഉടനെ അടിച്ചു എല്ലൂരിക്കോ എന്നാണ് കല്പന. രാജ്യത്തെ നിയമ സംവിധാനത്തോടും കോടതികളോടും തരിമ്പു പോലും ആദരവില്ലാത്ത ഇത്തരം ഗുണ്ടകളാണ് നമ്മുടെ രാഷ്ട്രീയ പ്രസ്ഥാനങ്ങളുടെ തലപ്പത്തുള്ളത് എന്നോര്‍ക്കുമ്പോള്‍ ലജ്ജിക്കുകയല്ല, ഒരു കുപ്പി എന്‍ഡോസള്‍ഫാന്‍ വാങ്ങി കുടിക്കുയാണ് വേണ്ടത്!!.

Related Posts
നിര്‍മല്‍ മാധവിനെ അമേരിക്കയിലയച്ചു പഠിപ്പിക്കണം.
ഷാജഹാനേ, ഇത് കണ്ണൂരാ..
പരിയാരത്തെ ശുംഭന്മാരും പാവം NRI കളും 

77 comments:

  1. നിങ്ങളുടെ പോസ്ടുകളെല്ലാം വായിക്കാറുണ്ടെങ്കിലും ആദ്യമായാണു ഒരു കമന്റ് എഴുതുന്നത്. രാധാകൃഷ്ണപ്പിള്ള വെടിവെച്ചതിനേക്കാൾ അപ്പുറമായിരുന്നു അതിനു ശേഷം അയാളുടെ വർത്താനത്തിൽ കണ്ട ധാർഷ്ട്യം. അങ്ങനെയുള്ള ആൾക്ക് ക്ലീൻ സെർറ്റിഫികട് കൊടുക്കുന്ന ഒരു കമ്മീഷനും നിയമവുമണൊ നീതി നടതുമെന്ന് നിങ്ങൾ പറയുന്നത്. ജയരാജൻ പറഞതെന്തായാലും അത് പിള്ള അർഹിക്കുന്നതാണു.

    ReplyDelete
  2. ഇതുപോലുള്ള രാഷ്ട്രീയ ഗുണ്ടകലെയാണ് ജനം കൈകാര്യം ചെയ്യേണ്ടത് ...ഈ ആഹ്വനതോടുള്ള സി .പി .എമിനേ പ്രതികരണം എന്താണെന്നറിയാന്‍ വളരെ ആഗ്രഹമുണ്ടായിരുന്നു ...ഇദ്ദേഹതെയൊക്കെ നേതാവെന്നു പറഞ്ഞു കൊണ്ട് നടക്കുന്ന എന്റെ സഹോദരന്മാരെ ഓര്‍ത്തു ഞാന്‍ ലജ്ജിക്കുന്നു . "രാധാകൃഷ്ണപിള്ള തെറ്റ് ചെയ്തിട്ടുണ്ടെങ്കില്‍ അയാളെ ശിക്ഷിക്കുവാന്‍ ഇവിടെ നിയമവും കോടതിയുമുണ്ട്. എസ് എഫ് ഐ യുടെ കണ്ണൂര്‍ ജില്ല കമ്മറ്റിയെ ഇന്ത്യന്‍ ഭരണഘടന ആ പണി എല്പിച്ചിട്ടില്ല" ഇതുതന്നെയായിരിക്കും അല്ല ഇത് തന്നെയാണീ കാര്യത്തില്‍ കേരള ജനതയുടെ പ്രതികരണം എന്ന് വിശ്വസിക്കുന്ന്നു

    ReplyDelete
  3. താങ്കള്‍ എന്‍ഡോസള്‍ഫാന്‍ കുടിക്കുന്നത് തന്നെയാണ് നല്ലത്.

    ReplyDelete
  4. http://www.youtube.com/watch?v=1Ulao47jhqw&feature=related


    iyale arrest chytho avo?

    ReplyDelete
  5. http://www.youtube.com/watch?v=1Ulao47jhqw&feature=related


    iyale arrest chytho avo?

    ReplyDelete
  6. ഹ ഹ ബഷീറേ , എന്‍ഡോസല്‍ഫാന്‍ കുടിക്കുകയൊന്നും വേണ്ട. ഒന്നാമത്തെ കാര്യം, ആവേശം തലക്ക് പിടിച്ചപ്പോള്‍ ജയരാജന്‍ സഖാവ് ഭരണം മാറിയത് ഓര്‍ത്തില്ല എന്നതാണ്. തല്ലാഹ്വാനം ചാനലുകള്‍ ടെലികാസ്റ്റ് ചെയ്ത ആ മണിക്കൂറില്‍ തന്നെ കണ്ണൂര്‍ ടൌണ്‍ പോലീസ് കേസെടുത്തല്ലോ. പഴയ ഭരണമായിരുന്നെങ്കില്‍ പോലീസ് അതിന് ധൈര്യപ്പെടുമായിരുന്നോ? രണ്ടാമത്തെ കാര്യം ഈ കേസ് കോടതിയില്‍ എത്തുമ്പോള്‍ , ശുംഭന്‍ എന്ന വാക്കിന് പ്രശോഭിതന്‍ എന്നൊക്കെ അര്‍ത്ഥമുണ്ടെന്ന് വ്യാഖ്യാനിച്ച പോലെ തല്ലിക്കോ എന്നതിന് ഉമ്മ വെച്ചോ മുത്തം കൊടുത്തോ എന്നൊക്കെ അര്‍ത്ഥങ്ങള്‍ ഉണ്ടെന്ന് പുള്ളി സത്യവാങ്മൂലം കൊടുക്കാനും മതി.

    അവരുടെ സംസ്ക്കാരമല്ലേ അവര്‍ക്ക് പുറത്തെടുക്കാന്‍ പറ്റൂ. വിട്ടുകള

    ReplyDelete
  7. This comment has been removed by the author.

    ReplyDelete
  8. പിള്ള വെടിവെക്കുന്ന ദൃശ്യം കണ്ടപ്പോള്‍ ഇയാള്‍ക്കെന്താ വട്ടു പിടിച്ചോ എന്ന് ഞാനടക്കം പലര്‍ക്കും തോന്നി എന്നത് നേരാണ്. പക്ഷെ അത്തരം തോന്നലുകളല്ല, അന്വേഷണക്കമ്മീഷനുകളുടെ റിപ്പോര്‍ട്ടുകളാണ് നിയമ സംവിധാനത്തിന് മുന്നില്‍ പ്രത്യക്ഷപ്പെടുക.

    ReplyDelete
  9. @ കെ.പി.സുകുമാരന്‍ അഞ്ചരക്കണ്ടി

    >>ശുംഭന്‍ എന്ന വാക്കിന് പ്രശോഭിതന്‍ എന്നൊക്കെ അര്‍ത്ഥമുണ്ടെന്ന് വ്യാഖ്യാനിച്ച പോലെ തല്ലിക്കോ എന്നതിന് ഉമ്മ വെച്ചോ മുത്തം കൊടുത്തോ എന്നൊക്കെ അര്‍ത്ഥങ്ങള്‍ ഉണ്ടെന്ന് പുള്ളി സത്യവാങ്മൂലം കൊടുക്കാനും മതി<<

    ഹ.. ഹ.. അതുണ്ടാവും മാഷേ. ആവേശം തലയ്ക്കു കയറുമ്പോള്‍ 'വെളിവ്' നഷ്ടപ്പെടുക. പിന്നെ കോടതിയില്‍ dictionary കൊണ്ട് പോയി നാണം കെടുക. എല്ലാം കാണാനിരിക്കുന്നു.

    ReplyDelete
  10. കണ്ണൂരിലെ കൊലപാതക രാഷ്ട്രീയത്തിനു നേത്ര് ത്വം നൽകുന്ന ജയരാജന്മാരാണെന്നു പൊതുവെ ജനങ്ങൾക്ക് ഒരു അഭിപ്രയമുണ്ട്.അത് ശരിവെക്കുന്നതാണു ഈ ശുംഭന്റെ ഇന്നത്തെ പ്രസ്താവന

    ReplyDelete
  11. ലോകത്തിലെ ഏറ്റവും ബല്ല്യ 'എഴുത്തുകാരന്‍' ശ്രീ ബഷീര്‍ സാഹിബ് വായിക്കുവാന്‍ താങ്കളുടെ ചപ്പും ചവറും ഇത്രയും കാലം വായിച്ച ഒരു സാധാരണ വായനക്കാരന്‍ . താങ്കള്‍ക്കു അന്ധമായ കമ്മുണിസ്റ്റു വിരോധമാണ് അത് ചികിത്സിച്ചാല്‍ മാറില്ല, ഇന്റര്‍നെറ്റിലെ വലതുപക്ഷ പാളയത്തില്‍ കൂലിക്കെഴുതുന്ന വെറും കൂലിയെഴുത്തുകാരന്‍ മാതമാണ് താങ്കള്‍ ഇപ്പോള്‍. കേന്ദ്രം റിലയന്‍സുമായി നടത്തിയ വന്‍ കല്‍ക്കരി അഴിമതി ( ഏകദേശം ൧൨ ലക്ഷം കോടി രൂപ ) പുറത്ത് വന്ന ഇന്ന് തന്നെ താങ്കള്‍ ഈ ചവറുമായി തെണ്ടാന്‍ വന്നത് എന്തിന്റെ സൂചനയാണ്? കമ്മുനിസടുകാരന്‍ തുപ്പി കമ്മുനിസടുകാരന്‍ പിച്ചി കണ്ണിറുക്കി എന്നിങ്ങനെയുള്ള വാര്‍ത്തകള്‍ ഉപ്പും മുളകും പാകത്തിന് ചേര്‍ത്ത് കീച്ചുമ്പോള്‍, താങ്കളെ പോലുള്ള ബ്ലോഗ്‌ എഴുത്തുകാര്‍ ഇത്ര മാത്രം അധപതിച്ചു പോകുന്നതില്‍ സങ്കടമുണ്ട്. രാജ്യത്തെ കട്ട് മുടിക്കുന്നവര്‍ക്കെതിരെ കീ ബോഡിലെ ഒരു ബട്ടന്‍ പോലും അമര്‍ത്താന്‍ താങ്കളെ പോലുള്ളവര്‍ക്ക് കഴിയാത്തതില്‍ വിഷമമുണ്ട്. മോഷണം കുലതോഴിലാക്കിയവര്‍ക്ക് ചുട്ട പിടിക്കുന്ന മറ്റു വാര്‍ത്തകളെ മുക്കാനുള്ള ഇത്തരം തന്ത്രങ്ങളെ മനസ്സിലാക്കാന്‍ നമുക്ക് പറ്റുന്നില്ല എന്ന് താങ്കള്‍ കരുതരുത്.
    മതമില്ലാത്ത ജീവന്റെ പേരില്‍ ഒരു അധ്യാപകനെ ചവിട്ടികൊന്ന ലീഗുകാര്‍ക്കെതിരെ, സാക്ഷി പറഞ്ഞാല്‍ പറഞ്ഞവന്റെ കൈ വെട്ടും എന്ന് പൊതു വേദിയില്‍ പ്രസംഗിച്ച പി കെ ബഷീറിനെ താങ്കള്‍ക്കറിയാമോ? മട്ടന്നൂരില്‍ നാല്പ്പാടി വാസുവിനെ വെടി വെച്ച് കൊന്നതിനു ശേഷം "ഞാനൊരാളെ കൊന്നു" എന്ന് പൊതു വേദിയില്‍ പറഞ്ഞ കെ സുധാകരനെ അറിയാമോ? മാപ്പിളാരുടെ തല മണ്ണിലുരുലാന്‍ സംഘടിക്കണം എന്ന് പറഞ്ഞ ശശികല ടീച്ചറെയും കുമ്മനം രാജശേഖരന്‍ അണ്ണനെയും താങ്കള്‍ക്കു പരിചയമുണ്ടോ? എന്തിനധികം കഴിഞ്ഞ ദിവസം ശ്രീരാമസേന ആക്രമിച്ച പ്രശാന്ത്‌ ഭൂഷനെ അറിയാമോ ?
    ലോകത്തെ എല്ലാ പ്രശ്നങ്ങള്‍ക്കും പിന്നില്‍ മാര്‍കിസ്റ്റു കമ്മുണിസ്റ്റുകാര്‍ ആണെന്ന് കരുതുന്ന, പ്രചരിപ്പിക്കുന്ന താങ്കളെ പോലുള്ള 'ബല്ല്യ മുന്തിയ ചിന്തകന്മാര്‍' എന്ടോസള്‍ഫാന്‍ കുടിച്ചു ചാവുന്നത് സോര്രി വഫാതാകുന്നതാ നല്ലത് . മുന്‍പൊരു പോസ്റ്റില്‍ എന്ടോസള്‍ഫാനേ പ്രകീര്‍ത്തിച്ചു കയ്യടി നേടാന്‍ ശ്രമിച്ച മഹാനാണ് താങ്കള്‍ ഇപ്പൊ അത് വിഷമാണെന്നും കുടിച്ചാല്‍ ചാകും എന്നൊരു അറിവ് ഉണ്ടായല്ലോ. നല്ലത്...........

    ReplyDelete
  12. ഒന്നാം നമ്പര്‍ ഗുണ്ട ....കേരളമേ ലജ്ജിക്കുക ..ഇവരെയൊക്കെ ആണല്ലോ നിങ്ങള്‍ വോട്ടു ചെയ്തു പറഞ്ഞയക്കുന്നത് ...!!

    ReplyDelete
  13. ഞാന്‍ ബ്ലോഗില്‍ പുതുമുഖം, ഒരു ചോദ്യമല്ല പലചോധ്യം ബാക്കി !

    പക്ഷെ വള്ളിക്കുന്ന് ഒരു കുഞ്ഞാലി ക്കുട്ടിയാകുന്നു !

    ReplyDelete
  14. എന്നെക്കുറിച്ച്

    സൗമ്യനും സല്‍സ്വഭാവിയും സുന്ദരനുമായ ചെറുപ്പക്കാരന്‍ (അത്രക്കങ്ങ്‌ വേണോ?!). ഒറ്റവാക്കില്‍ പറഞ്ഞാല്‍ ഡീസന്റ് പാര്‍ട്ടി. കര്‍ണാടകയിലെ ദാവണ്‍ഗരെ, വള്ളിക്കുന്ന് എന്നിവിടങ്ങളില്‍ പ്രാഥമിക‍ വിദ്യാഭ്യാസം. കോളേജ് പഠനം ഫറോക്ക്, കോഴിക്കോട്. പുളുവടിക്കുകയാണെന്ന് കരുതരുത്, കാലിക്കറ്റ്‌ സര്‍വകലാശാലയില്‍ നിന്ന് രണ്ടു റാങ്കുകള്‍ കിട്ടിയിട്ടുണ്ട്. 'ഫലസ്തീന്‍ :പോരാട്ടത്തിന്റെ നാള്‍ വഴി' എന്ന ഗ്രന്ഥവും നൂറിലേറെ ലേഖനങ്ങളും പ്രസിദ്ധീകരിച്ചു വന്നിട്ടുണ്ട്. മോനാരാ ഞാന്‍? കുറച്ചു കാലം വള്ളിക്കുന്ന് സി ബി ഹൈസ്കൂളില്‍ അധ്യാപകന്‍ ആയിരുന്നു.

    നിന്നെ പോലെ ഒരു ലീഗ് കാരനെ ഇതുപോലെ ബ്ലോഗ്‌ ചെയ്യാനാകൂ

    ചന്ദ്രികയില്‍ ആകും ?നീയാ സുകുമാര്‍ അഴികൊടോ ?

    ReplyDelete
  15. പോങ്ങച്ചം നല്ലധല്ല മാഷെ ! പോസ്റ്റുകള്‍ നോക്കുമ്പോള്‍ ക്രൈം നന്ടകുമാരെങ്ങിലും ആകണം!

    \അതിലും കഷ്ടം

    ReplyDelete
  16. ജയരാജന്‍ പറഞ്ഞത് പ്രത്യക്ഷത്തില്‍ ജനതിപത്യതോടുള്ള വെല്ലുവിളിയാണെന്ന് തോന്നാമെങ്കിലും, സാധാരണക്കാരന്‌ അങ്ങനെ ചിന്തിക്കാനും ഒരു പാട് കാരണങ്ങള്‍ ഉണ്ട്. രാധാകൃഷ്ണ പിള്ള വെടി വെച്ചത് അതും പിള്ളേര്‍ക്ക് നേരെ ആരുടെയും ഉത്തരവില്ലാതെ - ഇത് ജനതിപത്യതിലും നിയമത്തിലും വിശ്വാസം ഉള്ളത് കൊണ്ടാണോ? എന്ത് ചെയ്താലും സംരക്ഷിക്കാന്‍ ആരോ ഉണ്ടെന്ന തോന്നലല്ലേ പിള്ളക്ക് തോക്കെടുക്കാന്‍ പ്രജോതനമായത്? കേട്ടിടത്തോളം പുള്ളി അത്ര കൊള്ലാവുന്നവനോന്നുമല്ല. പിന്നെ ഉമ്മന്‍‌ചാണ്ടി സഭ ഈ സംഭവം സത്യസന്ധമായി അന്വേഷിക്കും എന്ന് ഉറപ്പിക്കാനും പറ്റില്ല. വാളകം അധ്യാപകനെ ആക്രമിച്ച സംഭവം എന്തായി? വന്നു വന്നു ഇപ്പൊ സംഭവം അപകടമായി. ഇത് നേരിട്ട് കണ്ടവരുമില്ല കേട്ടവരുമില്ല. എന്നിട്ടും പെട്ടെന്ന് ഒരു ദ്രിക്സാക്ഷി ഉണ്ടായി. കാര്‍ ആണെന്നും തീര്‍ച്ചപ്പെടുത്തി. കാര്‍ ആള്‍ട്ടോ ആണെന്നും അതിന്റെ നിറം വെള്ളയുമാനത്രേ. ഇപ്പൊ കേള്‍ക്കുന്നു ആ കാറിന്റെ ഉടമ ഒരു സ്ത്രീ ആണെന്നും. ഇതെല്ലം ഇതു തെളിവ് ഉപയോഗിച്ചനവോ തീര്ച്ചപ്പെടുതിയത്? ഇനി ബാലകൃഷ്ണ പിള്ളയുടെ കാര്യം. നമ്മുടെ പരമോന്നത കോടതി ശിക്ഷ വിദിച്ച ഈ മുഖ്യന്‍ എപ്പോ ജയിലിലോന്നുമല്ല. പഞ്ചനക്ഷത്ര ആശുപത്രിയില്‍ സുഗമായി ഇരിക്കുന്നു. സര്‍കാരിന്റെ അനുവാദത്തോടെ എല്ലാ ആധുനിക സൌകര്യങ്ങളും ഉപയോകിക്കുന്നു. പുള്ളിക്കാരന്റെ അസുഖം എന്താണെന്നു ആര്കെങ്കിലും അറിയുമോ? ഇത് വരെ കേള്‍കാത്ത ഏതോ അപൂര്‍വ അസുകമാനത്രേ. നോക്ക് സര്‍ക്കാരും പിള്ളയും ചേര്‍ന്ന് നിയമത്തെയും ജനങ്ങളെയും മണ്ടന്മാരക്കുന്നത്. ഈ സാഹചര്യത്തില്‍ നീതി എങ്ങനെ പ്രതീക്ഷിക്കും മാഷെ. സാധാരണക്കാരന്‍ ഒരിക്കല്‍ ഈ രാഷ്ട്രീയക്കരെയെല്ലാം തല്ലിക്കൊല്ലും. പെര്‍മ്ബവൂരില്‍ ഒരു പാവം യുവാവിനെ തല്ലിക്കൊന്നു. എന്നിട്ടെന്തായി സുധാകരന്‍ പറയുന്നു ഗണ്‍ മാന്‍ നിരപരാധിയാണെന്ന്. ആളെ തല്ലിക്കൊല്ലുന്ന ഇത്തരം നേതാക്കന്മാരാണ് നമ്മളെ നയിക്കുന്നത് എന്നാലോചിക്കുമ്പോള്‍ ഭയം തോന്നുന്നു. തല്ലണം രാധാക്രിശ്നപില്ലയെ റോഡില്‍ കണ്ടാല്‍ തല്ലണം. അങ്ങനെയെങ്കിലും കുറച്ചു പേടി ഇത്തരം ആള്‍ക്കാര്‍ക്ക് വേണം.

    ReplyDelete
  17. ജയരാജന്മാര്‍ നീണാള്‍ വാഴട്ടെ....

    ReplyDelete
  18. രാധാകൃഷ്ണപിള്ള തെറ്റ് ചെയ്തിട്ടുണ്ടെങ്കില്‍ അയാളെ ശിക്ഷിക്കുവാന്‍ ഇവിടെ നിയമവും കോടതിയുമുണ്ട്. എസ് എഫ് ഐ യുടെ കണ്ണൂര്‍ ജില്ല കമ്മറ്റിയെ ഇന്ത്യന്‍ ഭരണഘടന ആ പണി എല്പിച്ചിട്ടില്ല....
    ..ee pahayan chiripichu kollum....

    ReplyDelete
  19. ജയരാജൻ പറഞതെന്തായാലും അത് പിള്ള അർഹിക്കുന്നതാണു.

    ReplyDelete
  20. ബഷീര്‍ ഇക്ക... നിങ്ങള് വേഗം ഓടി ഒളിചോള്ളൂ... ചുവപ്പ് കണ്ണട വെച്ച് കമ്മ്യൂണിസ്റ്റ്‌ മഞ്ഞപിതക്കാര്‍ ഇതിനോടകം ഇവിടേ ആക്രമണം തുടങ്ങിയത് കാണുന്നു.... അവരുടെ കയ്യില്‍ കിട്ടിയാല്‍ പിന്നെ ബ്ലോഗ്‌ എഴുത്ത് നടക്കില്ല... അത് പോലത്തെ "ശുംഭന്മാര്‍" ആണ്.....

    ReplyDelete
  21. അനോണിമസ് ആയിക്കൊണ്ട് ഇവിടെ കമ്മ്യൂണിസത്തിന് കുഴലൂതുന്നവന് അന്ടിയുരപ്പുന്ടെന്കില്‍ ഊരും പേരും വെച്ച് കമന്റെഴുത്‌ , ഞാനും കുഞ്ഞാലിയുടെ ആളാ , ഇവിടെ ഗുണ്ടായിസത്തിനു കയ്യും കാലും വെച്ച കണ്ണൂരിലെ കുറച്ചു എമ്പോക്കികള്‍ കലക്കിയാല്‍ കലങ്ങുന്നതല്ല കേരളത്തിലെ ജനത ,ജയരാജന്‍ ഇന്ന് പുലംപിയ പോക്രിത്തരതിനു വല്ല കമന്റും എഴുതാനുണ്ടോ ? അതുണ്ടാവില്ല , അതിനു പകരം ബഷീര്‍ സ്വന്തം ബ്ലോഗില്‍ എഴുതിയ റാങ്കും പ്രൊഫൈലും പരിഹസിച്ചു കമന്റിടാന്‍ ഈ പേജു പേരുവേക്കാന്‍ അന്ടിയുരപ്പില്ലാത്ത ആളുടെ തറവാട് വക അല്ലല്ലോ , ബഷീര്‍ പഠിച്ചു നേടിയ വിദ്യാഭ്യാസ യോഗ്യത സ്വന്തം പ്രൊഫൈലില്‍ വെച്ചത് പോങ്ങച്ചമാനെങ്കില്‍ , ലോകത്തെ എല്ലാ നാമധാരികളും സ്വന്തം പ്രൊഫഷണല്‍ യോഗ്യത പേരിനോടൊപ്പം വെക്കുന്നത് പോങ്ങച്ചമാനല്ലോ , അല്ല , ഞാന്‍ ആരോടാ ഇതൊക്കെ പറയുന്നത് , മലപ്പ്രത്തെ കുട്ടികള്‍ റാങ്ക് വാങ്ങിയത് കോപ്പിയടിചാനെന്നു പുലംപിയ മാമാനാര്‍ക്ക്‌ കുഴലൂത്ത് നടത്തുന്നവരോടോ ....,

    ReplyDelete
  22. Basheerka assalayittundu...cpm anonikal onnake vannittundallo...marupadi kodukkaan samayamillaathathu kondaa...Njaan ippol ente blogil jamaathukaare neridukayaanu..

    ReplyDelete
  23. >>>>>ഈ കേസ് കോടതിയില്‍ എത്തുമ്പോള്‍ , ശുംഭന്‍ എന്ന വാക്കിന് പ്രശോഭിതന്‍ എന്നൊക്കെ അര്‍ത്ഥമുണ്ടെന്ന് വ്യാഖ്യാനിച്ച പോലെ തല്ലിക്കോ എന്നതിന് ഉമ്മ വെച്ചോ മുത്തം കൊടുത്തോ എന്നൊക്കെ അര്‍ത്ഥങ്ങള്‍ ഉണ്ടെന്ന് പുള്ളി സത്യവാങ്മൂലം കൊടുക്കാനും മതി.

    അവരുടെ സംസ്ക്കാരമല്ലേ അവര്‍ക്ക് പുറത്തെടുക്കാന്‍ പറ്റൂ. വിട്ടുകള <<<



    >>>വിബിച്ചായന്‍ said...

    ബഷീര്‍ ഇക്ക... നിങ്ങള് വേഗം ഓടി ഒളിചോള്ളൂ... ചുവപ്പ് കണ്ണട വെച്ച് കമ്മ്യൂണിസ്റ്റ്‌ മഞ്ഞപിതക്കാര്‍ ഇതിനോടകം ഇവിടേ ആക്രമണം തുടങ്ങിയത് കാണുന്നു.... അവരുടെ കയ്യില്‍ കിട്ടിയാല്‍ പിന്നെ ബ്ലോഗ്‌ എഴുത്ത് നടക്കില്ല... അത് പോലത്തെ "ശുംഭന്മാര്‍" ആണ്.....<<<

    ഉവ്വുവ്വ ... ബഷീര്‍ വള്ളിക്കുന്ന് 'നിര്‍മല്‍ മാധവനല്ല' എന്ന് സഖാക്കളെ
    (മുകളില്‍ കമന്റ്‌ ചെയ്തിട്ടുള്ള ചില അളിഞ്ഞ സഖാക്കളെ പോലുള്ളവരെയാണ് ഉദ്ദേശിച്ചത് ) പഠിപ്പിച്ചു കൊടുക്കും .വള്ളിക്കുന്നിന്റെ ഒരു രോമത്തില്‍ തൊട്ടാല്‍ ... ഇവനൊക്കെ ഈ വാചകമടി മാത്രമാ ശീലം . ആണുങ്ങളോട് കളിക്കാന്‍ ഇവനൊക്കെ മുട്ടിടിക്കും ...

    ReplyDelete
  24. പിന്നെ ജയരാജില്‍ നിന്നും എന്ത് പ്രതീക്ഷിച്ചു? നെഞ്ചിന്റെ ഇടതു ഭാഗത്ത്‌ വെടിവെക്കുന്ന പോലീസുകാരന് വലതു ഭാഗവും കാണിച്ചു കൊടുക്കണമെന്ന് പ്രസംഗിക്കുമെന്നോ?

    അടുത്ത എല്‍ ഡി എഫ് മന്ത്രിസഭയിലെ അഭ്യന്തരമന്ത്രി ജയരാജന്‍ തന്നെ. പോലീസ് സ്റ്റേഷനില്‍ കേറി ബോംബ്‌ ഉണ്ടാക്കുമെന്ന് പ്രസംഗിച്ച കക്ഷിയായിരുന്നല്ലോ
    ഇത്രയും കാലം ആ സ്ഥാനത് ഇരുന്നിരുന്നത്. ഈ പ്രസ്താവനയിലൂടെ ജയരാജനും അഭ്യന്തരമന്ത്രി പദവിക്ക് അര്‍ഹനായി. വനം കൊള്ളക്കാരെ പിടിച്ചു വനപാലകര്‍
    ആക്കുന്ന ഒരു പരിപാടി കെനിയ തുടങ്ങിയ ആഫ്രികന്‍ രാജ്യങ്ങളില്‍ ഉണ്ട്.

    എന്തായാലും പ്രസ്താവന കേട്ട് എസ് എഫ് ഐ പിള്ളാരുടെ മനസ്സില്‍ ലഡ്ഡു പൊട്ടി. ആരും പറയാതെ തന്നെ ആവശ്യത്തിനു പോലീസിനു കണക്കിന് കൊടുക്കുന്നുണ്ടായിരുന്നു.
    ഇപ്പോള്‍ കുരങ്ങന്‍ കള്ള് കൂടി കുടിച്ച അവസ്ഥയിലായി പിള്ളാര്‍.

    ReplyDelete
  25. പിന്നെ കാര്യം എന്തായാലും പിള്ളക്കിട്ടൊരു പണി കൊടുകുന്നെ നല്ലതാ

    ReplyDelete
  26. ഗുണ്ടകളുടെ സ്വന്തം നാട് ഫ്രോട്സ് ഓണ്‍ കണ്‍ട്രി

    ReplyDelete
  27. ഭരണകൂടം ജനങ്ങളെ അടിച്ചമര്‍ത്താനും പ്രതിപക്ഷ നേതാക്കളെ കരി വാരി തേക്കാനും പോലീസ് നെ വളഞ്ഞ വഴിക്ക് ഉപയോഗിക്കുമ്പോള്‍ പ്രതിരോധിക്കാന്‍ ഇതൊരു സാധാരണ പൌരനും അവകാശം ഉണ്ട്...കുറ്റക്കാരനായ കുഞ്ഞാലിയെ ( കോഴിക്കോട് രണ്ടു പെണ്‍കുട്ടികള്‍ ആത്മഹത്യ ചെയ്ത കേസ് ) അന്വേഷണ ഉദ്യോഗസ്ഥരെ മറികടന്നു കുറ്റ വിമുക്തനാക്കാന്‍ കോടതിയില്‍ റിപ്പോര്‍ട്ട്‌ നല്‍കിയ ആളാണ്‌ രാധാകൃഷ്ണ പിള്ള...ഇത്തരം നീതി നിഷേധങ്ങളെയും അനീതികളെയും പ്രതിരോധിക്കാന്‍ ഈ നാട്ടിലെ ജനങ്ങള്‍ക്ക്‌ അവകാശം ഉണ്ട്...

    ReplyDelete
  28. സി.പി.എമ്മിന്റെ ഗുണ്ടാ സംഘമായി എസ.എഫ്.ഐ യും ഡി.വൈ.എഫ് ഐ യും മാറി എന്നതിന്റെ തെളിവാണ് ജയരാജന്റെ ക്വോട്ടേഷന്‍.ജയരാജനെ പോലുള്ളവരാണ് ഇന്ന് പാര്‍ട്ടിയെ നയിക്കുന്നത്.ഗുണ്ടായിസവും,കള്ളവോട്ടും നുണ പ്രചാരണവുമായി ഈ വിപ്ലവ പാര്‍ട്ടി എത്ര കാലം മുന്‍പോട്ടു പോകും?ക്വോട്ടേഷന്‍ കൊടുക്കുന്നവനെ ഗുണ്ട തിരിച്ചു വെട്ടുന്ന കാലം അതി വിദൂരമല്ല.

    ReplyDelete
  29. ഇത്രയ്ക്കു ധാര്‍മ്മിക രോഷമുള്ളവര്‍ നേരിട്ട് ചെന്ന് രണ്ടു പോട്ടിക്കാത്തതെന്താ..? ചുരുങ്ങിയത് സ്വന്തം മക്കളെക്കൊന്ടെങ്കിലും അത് ചെയ്യിക്കാത്തത്..? കാര്യം ഇത്രേ ഉള്ളൂ..മൈക്ക് കയ്യില്‍ കിട്ടിയാല്‍ വെറുതെ വിടു വായത്തം പറയുന്നു.... അന്യന്റെ മക്കളെ കൊണ്ട് ചുടു ചോറ് വാരിക്കുന്നു..പാര്‍ട്ടി വളരുന്നു..'നമ്മുടെ മക്കള്‍' സുഖമായി വല്ല സ്വാശ്രയ കോളേജിലും (പലരും വിദേശത്തു ..) പഠിക്കുന്നു.. എന്തൊരു നാടകമാ മാഷേ ഇതൊക്കെ....?

    ReplyDelete
  30. എവിടെ വന്നു ഗീര്‍വാണം മുഴക്കിയ എല്ലാ anonymous ഇടതു സഹയാത്രികരെ നിങളുടെ സഗാവ് രാജാ രാജാ ജയരാജന് വല്ല ചികിത്സാ ഫുണ്ടും പിരിച്ചു കൊടുത്തു അയാളെ കുതിരവത്തുകൊടുപോയി ഒരു മാസം ചികിത്സിച്ചു ഒരു സര്‍ട്ടിഫിക്കറ്റ് സ്ഘടിപ്പികുനത് നല്ലതാണു കാരണം അടുത്ത തവണ കോടതിയില്‍ പോകുമ്പോള്‍ ഉപകരിക്കും അപ്പോള്‍ പറയമെല്ലോ "" എനിക്ക് വട്ടാനേഎന്നു """
    NB : അടുത്ത കരച്ചില്‍ ചിലപ്പോള്‍ ജയരാജന്‍ വകാ """എനിക്ക് അമ്മ , അച്ഛന്‍ , ഭാരിയാ ..,,,,,

    ReplyDelete
  31. നിയമം തോൽക്കുന്നിടത്ത് ഗുണ്ടകൾ ജയിക്കണം എന്ന് വിടുവായത്തം പറയുന്നവരൊക്കെ സ്വന്തം വീട്ടിൽ ഒരു അക്രമം വരുമ്പോൾ പോലീസിനെ വിളിക്കാൻ വന്നേക്കരുത്.. അവിടെ വച്ച് തന്നെ തീർത്തോളണം.

    ReplyDelete
  32. Vallikkunne , Mr.Sukumara , where is this PK Basheer now ?? is he in Jail ? There is no right for you and IUML leaders to criticize jayarajan as long as P K Basheer is in the party
    http://www.youtube.com/watch?v=1Ulao47jhqw


    Biju

    ReplyDelete
  33. അവരുടെ സംസ്ക്കാരമല്ലേ അവര്‍ക്ക് പുറത്തെടുക്കാന്‍ പറ്റൂ. വിട്ടുകള..

    ReplyDelete
  34. ഭരണകൂടവും, നിയവ്യവസ്ഥയും അനീതിയുടെ പക്ഷത്താണ് ഇപ്പോള്‍ നിലയുറപ്പിക്കുന്നത്. മുഖ്യമന്ത്രി ഉമ്മന്‍ ചാണ്ടി അടക്കം ഉള്ള കൊണ്ഗ്രെസ്സ് നേതാക്കള്‍ വിദ്യാര്‍ഥികള്‍ക്ക് നേരെയുള്ള രാധാകൃഷ്ണപ്പിള്ളയുടെ നിയമങ്ങള്‍ മുഴുവന്‍ ലംഘിച്ചുള്ള വെടിവെപ്പ്‌ തെറ്റായിരുന്നു എന്ന് പരസ്യമായി സമ്മതിച്ചിട്ടുണ്ട്. ഇതേ കുറിച്ച് അന്വേഷണം നടത്തിയ ഉമ്മന്‍ ചാണ്ടി കമ്മീഷനുകളും ഇതേ നിലപാടില്‍ തന്നെയാണ് നില്‍ക്കുന്നതും. ഒരാള്‍ തെറ്റുകാരന്‍ ആണ് എന്ന് മനസ്സിലാക്കിയാല്‍ അയാള്‍ക്കെതിരെ നടപടിയെടുക്കുകയല്ലേ വേണ്ടത്. നിര്‍ഭാഗ്യവശാല്‍ ചിലരുടെ താല്പര്യങ്ങള്‍ സംരക്ഷിക്കാനും, കേസുകള്‍ തേച്ചുമാച്ചുകളയാനും വേണ്ടി പിള്ളയെ സരക്ഷിക്കേണ്ടത് ഉമ്മന്‍ ചാണ്ടി സര്‍ക്കാരിന്റെ ബാധ്യതയായിമാറി. കൈക്കൂലി കേസുകളിലും, അസാന്മാര്‍ഗിക വിഷയങ്ങളിലും കുറ്റാരോപിതന്‍ ആയി കയ്യോടെ പിടിക്കപ്പെട്ട ഈ ഓഫിസറെ എ.സി.പി ആയി കോഴിക്കോട് നിയമിച്ചത് ലീഗ് നേതാവിന്‍റെ പേരിലുള്ള പെണ്‍വാണിഭകേസുകള്‍ ഒതുത്തി തീര്‍ക്കാന്‍ വേണ്ടിയായിരുന്നു എന്ന ആരോപണത്തിന് ബലം നല്‍കുന്നതായിരുന്നു ഇന്നലെ പിള്ള അന്വേഷണ ഉദ്യോഗസ്ഥനെ മറികടന്ന് കോടതിയില്‍ സമര്‍പ്പിച്ച കുറ്റപത്രം. കോഴിക്കോട് രണ്ടുപെണ്‍കുട്ടികളുടെ ആത്മഹത്യക്ക് ഐസ്ക്രീം പാര്‍ലര്‍ പെണ്‍വാണിഭ കേസുമായി ബന്ധമില്ല എന്ന് അതെ കുറിച്ച് അന്വേഷണം നടത്താത പിള്ളയും, ഉമ്മന്‍ ചാണ്ടിയും പറഞ്ഞത് ആരെ രക്ഷിക്കാന്‍ വേണ്ടിയാണ് എന്ന് എല്ലാവര്ക്കും അറിയാമല്ലോ..! പിള്ളക്ക് വിദ്യാര്‍ഥികള്‍ക്ക്‌ നേരെ നിയമ വിരുദ്ധമായി വെടിവെക്കാം എങ്കില്‍ അയാള്‍ക്ക്‌ രണ്ടെണ്ണം കിട്ടുന്നതില്‍ ഒരു തെറ്റും ഇല്ല എന്നാണ് എന്‍റെ അഭിപ്രായം. :)!

    മലപ്പുറത്ത്‌ അധ്യാപകനെ മര്‍ദിച്ചു കൊലപ്പെടുത്തിയ യൂത്ത്‌ ലീഗ്കാര്‍ക്കെതിരെ ആരെങ്കിലും കോടതിയില്‍ പോയി മൊഴി കൊടുത്താല്‍ ആ വ്യക്തിയെ കൊന്നുകളയാന്‍ പരസ്യമായി കല്‍പ്പന ഇറക്കിയ ലീഗ് നേതാവ് ഇന്ന് നിയമസഭയില്‍ ഉണ്ട് എന്നകാര്യം ആരും മറക്കഞ്ഞാല്‍ നന്ന്...

    ReplyDelete
  35. nee vallipottiyavananu, neeyanoda blog azhuthunna mahaan.karyangal manasilakatheyulla azhuthinu nineyan nattukar thallendath.

    ReplyDelete
  36. ബഷീര്ക, പോസ്റ്റ്‌ കലക്കി. ഒന്ന് കൂടെ സ്ട്രോന്ക് ആക്കാമായിരുന്നു. സഖാക്കളുടെ ഗുണ്ട സംസ്കാരം കമന്റുകളില്‍ ഉണ്ട്

    ReplyDelete
  37. എം എല്‍ എ യും ഏറനാട് മണ്ഡലം മുസ്ലിം ലീഗ്, മുജാഹിദ്‌ എന്നീ സംഘടനകളുടെ അമരക്കാരനുമായ
    ഈ ജയരാജന്റെ പ്രന്ഗം ഒന്ന് കേട്ടാല്‍ പിന്നെ കൊലവിളിയില്‍ റിക്കാര്‍ഡിട്ട മാര്‍ക്സിസ്റ്റ്‌ നേതാവിനെ നാം എന്തിനു പരിഹസിക്കണം . ജയരാജന്‍, പിള്ളയെ തല്ലാനാനു ആഹ്വാനം ചെയ്യുന്നത്‌ .. നമ്മുടെ ഏറനാടന്‍ ജയരാജന്‍ കൊല്ലാനും എങ്ങിനെയുണ്ട് കാണുക

    http://www.youtube.com/watch?v=1Ulao47jhqw&feature=related

    ReplyDelete
  38. @Sreejith Kondotty
    സഖാക്കള്‍ക്ക് അനുകൂലമായി കോടതിയും അന്വേഷണകമ്മീഷനുകളും പറഞ്ഞാല്‍ അതിനെ അംഗീകരിക്കുക. അല്ലാത്ത പക്ഷം തെരുവില്‍ ഗുണ്ടകളാവുക. ഇതാണോ പറഞ്ഞു വരുന്നത്. ഒരു ഉദാഹരണത്തിന് ചോദിക്കട്ടെ. സര്‍ക്കാര്‍ ഇത് പോലെ നിയോഗിച്ച മൂന്നു അന്വേഷണ കമ്മീഷനുകള്‍ കുഞ്ഞാലിക്കുട്ടിക്ക് എതിരായി റിപ്പോര്‍ട്ട്‌ കൊടുത്ത് എന്ന് കരുതുക. അതിനെ ലീഗുകാര്‍ തെരുവില്‍ അടിച്ചു നേരിടും എന്ന് പറഞ്ഞാലും താങ്കള്‍ക്ക് ഈ വാദഗതികള്‍ ഉണ്ടാകുമോ? ത്തരം ഒരു ഗുണ്ടാ നേതാവിനെ സപ്പോര്‍ട്ട് ചെയ്യുന്നതിനു നമ്മുടെ നിയമ വ്യവസ്ഥയെയും കോടതികളെയും അപ്പാടെ തള്ളിക്കളയുന്നത് ശരിയാണോ?

    ReplyDelete
  39. പിള്ളക്ക് നിയമവിരുദ്ധമായി വിദ്യാര്‍ഥികള്‍ക്ക്‌ നേരെ വെടിവെക്കുന്നതില്‍ തെറ്റില്ല എങ്കില്‍ പിള്ളക്ക് രണ്ടെണ്ണം കിട്ടുന്നതിലും തെറ്റില്ല എന്നാണ് എന്‍റെ വ്യക്തിപരമായ അഭിപ്രായം. ഞാന്‍ മുകളില്‍ അത് വിശദീകരിച്ചിട്ടുണ്ട്. ഇവിടെ കോടതിയോ, സ്വതന്ത്ര്യ അന്വേഷണ സംഘമോ അല്ലല്ലോ ഇതേ കുറിച്ച് അന്വേഷണം നടത്തിയത്. ജുഡിഷ്യല്‍ അന്വേഷണമൊന്നും അല്ലല്ലോ ഇവിടെ നടന്നത്. ആഭ്യന്തമന്ത്രികൂടിയായ ഉമ്മന്‍ ചാണ്ടി ആദ്യം ഡി.ജി.പി-യെ കൊണ്ടും പിന്നീട് ഹോം സെക്രട്ടറിയെ കൊണ്ടും ഇതേ കുറിച്ച് അന്വേഷിപ്പിച്ചു. ഹോം സെക്രട്ടറിയുടെ പിള്ള നിയങ്ങള്‍ പാലിക്കാതെ ആണ് വെടി വച്ചത് എന്ന് റിപ്പോര്‍ട്ടില്‍ പറയുന്നുണ്ട്. എന്നാല്‍ ഈ വിഷയത്തില്‍ ഒരു നടപടിക്ക് ശുപാര്‍ശ ചെയ്യുന്നും ഇല്ല എന്ന് മാത്രമല്ല അയാളുടെ സുരക്ഷ മുന്‍നിര്‍ത്തി കോഴിക്കോട് നിന്നും സ്ഥലം മാറ്റണം എന്നാണ് പറയുന്നത്. ഇതൊക്കെ എന്ത് ന്യായമാണ്. കുഞ്ഞാലിക്കുട്ടിയെ കുറിച്ചുള്ള കേസുകളില്‍ കോടതിയുടെ നിയന്ത്രണത്തില്‍ അന്വേഷണം പുരോഗമിക്കുകയല്ലേ. വരട്ടെ എല്ലാം. കോടതിയെയും നിയമവ്യവ്യസ്ഥയെയും ആരും തള്ളിക്കളയുന്നില്ല. പൊതുജനത്തിന്റെ അവസാന അത്താണി ഇന്നും ഇവതന്നെയാണ്. എന്നാല്‍ തെറ്റ്കാരനെ തികഞ്ഞ ബോധ്യത്തില്‍ തന്നെ സംരക്ഷിക്കാന്‍ ഭരിക്കുന്നവര്‍ മുന്നിട്ടു വരുമ്പോള്‍ നീതി ലഭിക്കാത്തവര്‍ പ്രതികരിച്ചാല്‍ അവരെ കുറ്റം പറയാന്‍ പറ്റില്ല..

    "കോടതിയില്‍ സാക്ഷി പറഞ്ഞാല്‍ കൊന്നുകളയും" ലീഗ് നേതാവിന്റെ കൊലവിളി ഇവിടെ കാണാം.. :)) http://www.youtube.com/watch?v=1Ulao47jhqw&feature=related

    ReplyDelete
  40. വായില്‍ തോന്നുന്നത് കോതക്ക് പാട്ട് എന്ന നിലക്ക് പുലമ്പുന്ന, തീരെ വിവേകം കാണിക്കാത്ത ഇത്തരം ജയരാജന്‍ (പ്ലുരല്‍) കേരളത്തിന്‌ തന്നെ നാണക്കേടാണ്.

    ഇവിടെ അഭിപ്രായം എഴുതുന്നവര്‍ സ്വന്തം പേരിലെങ്കിലും വരൂ. ചാക്യാര്‍, anonymous, nere chowe, അബ്കാരി, vayikkuka ozhivakkuka എന്നീ പേരുകള്‍ ഒഴിവാക്കി തന്റേടം കാണിക്കൂ....

    ReplyDelete
  41. രാഷ്ട്രീയക്കാരാരും ഈ കാര്യത്തില്‍ പുണ്യവാളന്‍മാരല്ല. കുട്ടി സഖാക്കള്‍ പോലീസിനെ കല്ലെറിഞ്ഞ്‌ തലമണ്ട്‌ കീറിപൊളിച്ചത്‌ ആദ്യതെറ്റ്‌. അത്‌ കണ്ട്‌ സഹിക്കവയ്യാതെ ചട്ടം ലംഘിച്ച്‌ (അനുമതിവാങ്ങാതെ) വെടി പൊട്ടിച്ചത്‌ രണ്ടാമത്തെ തെറ്റ്‌. അനുമതി വാങ്ങിയിരുന്നെങ്കില്‍ തീര്‍ച്ചയായും വെടിവെപ്പിനെ ന്യായീകരിക്കാന്‍ തക്ക സ്കോപ്പ്‌ ഉണ്ടായിരുന്നു. ചട്ടലംഘനം നടത്തിയ പോലീസ്‌ ഓഫീസറെ ശിക്ഷാ നടപടികളില്‍ നിന്നൊഴിവാക്കാന്‍ ഭരണ പക്ഷം കാണിക്കുന്ന ഉത്സാഹം അതിലേറേ തെറ്റ്‌. നിയമവും കോടതികളൂം രാജ്യത്ത്‌ ഉണ്ടായിരിക്കേ പോലീസ്‌ ഓഫിസറെ തല്ലാന്‍ പരസ്യമായി (രഹസ്യമായും) ആഹ്വാനം ചെയ്യുന്നവര്‍ രാജ്യത്തെ അരാജകത്വത്തിലേക്ക്‌ നയിക്കുന്നവര്‍.

    ഇവരൊക്കെയാണു മറ്റുള്ളവരെ തീവ്രവാദികളാക്കാന്‍ മുന്നില്‍ നില്‍ക്കുന്നതെന്നും കൂടി അറിയുക. ഇത്തരം അക്രമകാരികളെ തുറങ്കിലടക്കാത്തത്‌ മറ്റൊരു തെറ്റ്‌. കാരണം നിയമ നടപടികള്‍ സ്വീകരിക്കുന്നില്ലെങ്കില്‍ ഇതര സംഘടനകള്‍ക്കും മറ്റും അവരുടെ അക്രമങ്ങള്‍ക്ക്‌ അതൊരു ന്യായീകരണമാകുന്നു. (പോലീസ്‌ കേസേടുത്തതൊക്കെ ചപ്പടാച്ചി, ഇടത്‌ ഭരണം വരുബ്ബോള്‍ കേസ്‌ പിന്‍വലിക്കും അതുവരെ കേസ്‌ കടലാസില്‍ ഒതുങ്ങും). പണ്ടൊരു കുട്ടര്‍ അധ്യാപകണ്റ്റെ കൈവെട്ടിയപ്പോള്‍ അവര്‍ ന്യായീകരണം നിരത്തിയതിലൊന്ന് ജയരാജണ്റ്റെ പാര്‍ട്ടിക്കാര്‍ അധ്യാപകനെ ക്ളാസ്‌ റൂമിലിട്ട്‌ വെട്ടികൊന്നിട്ടില്ലേ എന്നായിരുന്നു! അതേ, ഇത്തരം നേതാക്കന്‍മാരും അണികളൂം നമ്മുടെ നാടിനു ശാപം തന്നെ. അവരെ നിലക്കു നിര്‍ത്താന്‍ നട്ടെല്ലില്ലാത്ത ഒരു പറ്റം രാഷ്ട്രീയക്കാരും.

    ReplyDelete
  42. This comment has been removed by the author.

    ReplyDelete
  43. @ bASEER IKKAA...
    >>ചാക്യാര്‍ said......ലോകത്തിലെ ഏറ്റവും ബല്ല്യ 'എഴുത്തുകാരന്‍' ശ്രീ ബഷീര്‍ സാഹിബ് വായിക്കുവാന്‍ താങ്കളുടെ ചപ്പും ചവറും ഇത്രയും കാലം വായിച്ച ഒരു സാധാരണ വായനക്കാരന്‍ . താങ്കള്‍ക്കു അന്ധമായ കമ്മുണിസ്റ്റു വിരോധമാണ് അത് ചികിത്സിച്ചാല്‍ മാറില്ല, ഇന്റര്‍നെറ്റിലെ വലതുപക്ഷ പാളയത്തില്‍ കൂലിക്കെഴുതുന്ന വെറും കൂലിയെഴുത്തുകാരന്‍ മാതമാണ് താങ്കള്‍ ഇപ്പോള്‍. കേന്ദ്രം റിലയന്‍സുമായി നടത്തിയ വന്‍ കല്‍ക്കരി അഴിമതി ( ഏകദേശം ൧൨ ലക്ഷം കോടി രൂപ ) പുറത്ത് വന്ന ഇന്ന് തന്നെ താങ്കള്‍ ഈ ചവറുമായി തെണ്ടാന്‍ വന്നത് എന്തിന്റെ സൂചനയാണ്? കമ്മുനിസടുകാരന്‍ തുപ്പി കമ്മുനിസടുകാരന്‍ പിച്ചി കണ്ണിറുക്കി എന്നിങ്ങനെയുള്ള വാര്‍ത്തകള്‍ ഉപ്പും മുളകും പാകത്തിന് ചേര്‍ത്ത് കീച്ചുമ്പോള്‍, താങ്കളെ പോലുള്ള ബ്ലോഗ്‌ എഴുത്തുകാര്‍ ഇത്ര മാത്രം അധപതിച്ചു പോകുന്നതില്‍ സങ്കടമുണ്ട്. രാജ്യത്തെ കട്ട് മുടിക്കുന്നവര്‍ക്കെതിരെ കീ ബോഡിലെ ഒരു ബട്ടന്‍ പോലും അമര്‍ത്താന്‍ താങ്കളെ പോലുള്ളവര്‍ക്ക് കഴിയാത്തതില്‍ വിഷമമുണ്ട്. മോഷണം കുലതോഴിലാക്കിയവര്‍ക്ക് ചുട്ട പിടിക്കുന്ന മറ്റു വാര്‍ത്തകളെ മുക്കാനുള്ള ഇത്തരം തന്ത്രങ്ങളെ മനസ്സിലാക്കാന്‍ നമുക്ക് പറ്റുന്നില്ല എന്ന് താങ്കള്‍ കരുതരുത്.
    മതമില്ലാത്ത ജീവന്റെ പേരില്‍ ഒരു അധ്യാപകനെ ചവിട്ടികൊന്ന ലീഗുകാര്‍ക്കെതിരെ, സാക്ഷി പറഞ്ഞാല്‍ പറഞ്ഞവന്റെ കൈ വെട്ടും എന്ന് പൊതു വേദിയില്‍ പ്രസംഗിച്ച പി കെ ബഷീറിനെ താങ്കള്‍ക്കറിയാമോ? മട്ടന്നൂരില്‍ നാല്പ്പാടി വാസുവിനെ വെടി വെച്ച് കൊന്നതിനു ശേഷം "ഞാനൊരാളെ കൊന്നു" എന്ന് പൊതു വേദിയില്‍ പറഞ്ഞ കെ സുധാകരനെ അറിയാമോ? മാപ്പിളാരുടെ തല മണ്ണിലുരുലാന്‍ സംഘടിക്കണം എന്ന് പറഞ്ഞ ശശികല ടീച്ചറെയും കുമ്മനം രാജശേഖരന്‍ അണ്ണനെയും താങ്കള്‍ക്കു പരിചയമുണ്ടോ? എന്തിനധികം കഴിഞ്ഞ ദിവസം ശ്രീരാമസേന ആക്രമിച്ച പ്രശാന്ത്‌ ഭൂഷനെ അറിയാമോ ?
    ലോകത്തെ എല്ലാ പ്രശ്നങ്ങള്‍ക്കും പിന്നില്‍ മാര്‍കിസ്റ്റു കമ്മുണിസ്റ്റുകാര്‍ ആണെന്ന് കരുതുന്ന, പ്രചരിപ്പിക്കുന്ന താങ്കളെ പോലുള്ള 'ബല്ല്യ മുന്തിയ ചിന്തകന്മാര്‍' എന്ടോസള്‍ഫാന്‍ കുടിച്ചു ചാവുന്നത് സോര്രി വഫാതാകുന്നതാ നല്ലത് . മുന്‍പൊരു പോസ്റ്റില്‍ എന്ടോസള്‍ഫാനേ പ്രകീര്‍ത്തിച്ചു കയ്യടി നേടാന്‍ ശ്രമിച്ച മഹാനാണ് താങ്കള്‍ ഇപ്പൊ അത് വിഷമാണെന്നും കുടിച്ചാല്‍ ചാകും എന്നൊരു അറിവ് ഉണ്ടായല്ലോ. നല്ലത്.......>>

    ബഷീര്‍ ഇക്കാ... ഇതിനു മറുപടി കണ്ടില്ല. അതിനു എന്ത് മറുപടി കൊടുക്കും എന്ന് കാണാന്‍ കണ്ണും നട്ടിരിക്കുന്ന ഒരു ആരാധകന്‍ :)

    ReplyDelete
  44. "ബഷീര്‍ ഇക്കാ... ഇതിനു മറുപടി കണ്ടില്ല. അതിനു എന്ത് മറുപടി കൊടുക്കും എന്ന് കാണാന്‍ കണ്ണും നട്ടിരിക്കുന്ന ഒരു ആരാധകന്‍ :)"

    ങ്ങള് ബഷീര്‍ക്കാനെ ബേജാറാക്കല്ലി കോയാ... :)

    ReplyDelete
  45. @ Vinod Raj & Sreejith
    ചോദ്യം കേട്ടാല്‍ തോന്നും ലോകത്ത് ആര് പ്രസംഗിച്ചതിന്റെയും മറുപടി ഞാന്‍ നല്‍കണമെന്ന്!!. എങ്കിലേ എനിക്കൊരു പോസ്റ്റ്‌ എഴുതാന്‍ പറ്റൂ എന്ന്. ഇതെന്തു കൂത്ത്. പി കെ ബഷീര്‍ പ്രസംഗിച്ചതിന്റെ മറുപടി അയാളോട് ചോദിക്കുക, അതല്ലെങ്കില്‍ ലീഗ് നേതാക്കളോട് ചോദിക്കുക. (ബഷീര്‍ വള്ളിക്കുന്ന് പ്രസംഗിചിട്ടുന്ടെങ്കില്‍ എന്നോട് ചോദിക്കാം) സഖാക്കള്‍ അധ്യാപകനെ ക്ലാസ് റൂമിലിട്ടു വെട്ടിക്കൊന്നതിന്റെ മറുപടി സഖാക്കളോടും ചോദിക്കുക. ഈ പോസ്റ്റിന്റെ വിഷയം 'ശുംഭന്‍' ജയരാജന്‍ ഇന്നലെ നടത്തിയ പ്രസംഗമാണ്. അതിനെക്കുറിച്ച് വല്ലതും പറയാനുണ്ടെങ്കില്‍ പറയാം. ഒരു തെറ്റിനെ ന്യായീകരിക്കാന്‍ മറ്റൊരെണ്ണം ചൂണ്ടിക്കാട്ടിയത് കൊണ്ട് കാര്യമില്ല.

    ReplyDelete
  46. കാര്യം ചോദിച്ചപ്പോള്‍ ബഷീര്‍ ഇക്കാക് ദേഷ്യം വന്നു... ഇനി ആരും വേണ്ടാതു ഒന്നും ചോദിക്കാന്‍ പാടില്ല.. കേട്ടല്ലോ...???

    ReplyDelete
  47. @ Vinod Raj
    ഉവ്വ്, ഉവ്വ്.. എന്റെ മറുപടി വല്ലാതെ കൊണ്ടു അല്ലേ.. മോഷ്ടാവിനെ പോലീസ് പിടിച്ചപ്പോള്‍ 'സാര്‍ ഞാന്‍ മാത്രമല്ല അയലത്തെ വീട്ടിലെ മയമുട്ടിയും കക്കാറുണ്ട്' എന്ന് പറഞ്ഞത് പോലുള്ള കമന്റുകള്‍ വന്നപ്പോള്‍ പ്രതികരിച്ചു പോയതാണ്. ക്ഷമി.

    ReplyDelete
  48. എന്നാലും കല്‍ക്കരിയെ കുറിച്ച് മുണ്ടൂല ..അല്ലെ..??? :)

    ReplyDelete
  49. മുമ്പ് പികെ ബഷീറിന്റെ പ്രസംഗം കേട്ട് ഞെട്ടിയവര്‍ ആയിരിക്കും വള്ളിക്കുന്നും ഞെട്ടിയത് ഓര്‍ത്തു പോയത്

    “ഒരു പാര്‍ട്ടിയുടെ സംസ്ഥാന നേതാവ് ഇങ്ങനെയൊരു ക്വട്ടേഷന്‍ പരസ്യമായി കൊടുക്കുന്നത് കണ്ടപ്പോള്‍ ശരിക്കും ഞെട്ടിപ്പോയി. നമ്മുടെ രാഷ്ട്രീയ നേതൃത്വം എത്തിപ്പെട്ടിരിക്കുന്ന ഗുണ്ടാ രാഷ്ട്രീയത്തിന്റെ ഏറ്റവും പ്രകടമായ തെളിവ്.”

    തല്ലാന്‍ പറഞ്ഞത് കേട്ട് ഞെട്ടിയവര്‍ കൊല്ലാന്‍ പറഞ്ഞതു കേട്ടതിനെ ന്യായീകരിക്കുനത് ഏതായലും ഉഷാറായി
    അവനവന്‍റ് കാര്യം പരയാനലോ ബ്ലോഗ്‌

    ReplyDelete
  50. ഒരാളുടെ ബ്ലോഗില്‍ നിന്ന് മാന്തിയെടുത്തത് :
    ഹണ്ണാ ഹസാരെ ഒരാഴ്ച മൗന വ്രതത്തിലാണെന്ന് ഒരു വാര്‍ത്ത‍ കണ്ടിരുന്നു, നമ്മുടെ രാഷ്ട്രീയ നേതാക്കള്‍ ചുരുങ്ങിയത് ഒരുവര്‍ഷത്തേക്കെങ്കിലും മൗനം ആചരിച്ചാല്‍ വളരെ നന്നായിരുന്നു, ഇനി അവര്‍ കാലാകാലം മിണ്ടിയില്ലെങ്കിലും ഈ പാവപെട്ട പോതുജനമെന്ന കഴുതകള്‍ക്ക് ഒരു പ്രശ്നവും ഉണ്ടാവുകയില്ല..
    എന്റെ വക:
    നമ്മുടെ മലയാള ഭൂമി ലോകത്തെ ചില നേതാക്കളെ സ്നേഹപൂര്‍വ്വം, വഴങ്ങിയില്...ലെങ്കില്‍ നിര്‍ബന്ധപൂര്‍വം (അസിസ്ടന്റ്റ് കമ്മീഷണര്‍ രാധാകൃഷ്ണ പിള്ളയുടെ തോക്കിന്റെ സഹായം കൊണ്ടങ്കിലും ) മൌന വ്രതത്തിന്നു അയക്കണം. അതിന്നു അന്ന ഹസാരെ ,കോടതി, വാച് ആന്‍ഡ്‌ വാര്‍ഡ്‌ ആര് ഇടപെട്ടാലും അധികമാവില്ല. അത് കൊണ്ട് അവരുടെ വീട്ടില്‍ അടുപ്പ് പുകയുന്നില്ലെങ്കില്‍ ഗുണ്ടാ പിരിവോ, ബക്കറ്റ് പെരിവോ നടത്തിയാലും കേരളം ക്ഷമിക്കും.

    നമ്മുടെ ചീപ്പ് വിപ്പ് പി സി ജോര്‍ജ്, കണ്ണൂര്‍ വക എം വി ജയരാജന്‍ എന്നിവരെ യും ഏഷ്യ നെറ്റിലെ ഐഡിയ ഇല്ലാത്ത സ്റ്റാര്‍ സിംഗര്‍ അവതാരക രഞ്ജിനി യെയും ഈ മൌന വ്രതത്തിന്നു അയക്കണം. (രാജേഷിന്റെ കരച്ചില്‍ വഴിപാടു മാര്‍ക്സിസ്റ്റു മുത്തന്പ്പന്മാര്‍ സ്വീകരിക്കുമാരാവട്ടെ) കൂടുതല്‍ അപേക്ഷകരുണ്ടെങ്കില്‍ പി ജെ ജോസഫിനെ വിളിച്ചു നറുക്ക് വീഴ്ത്താം.

    ReplyDelete
  51. കണ്ണൂരില്‍ അധ്യാപകനെ വിദ്യാര്‍ഥികളുടെ മുന്നിലിട്ടു വെട്ടികൊന്നത് ഭരണ പക്ഷക്കരാണോ സഖാവേ? നിങ്ങളുടെ കൊലപാതക രാഷ്ട്രീയത്തിന്‍റെ ഇരകളില്‍ എത്ര പേര്‍ പാര്‍ട്ടിയുടെ ഔദ്യോഗിക സ്ഥാനതിരുന്നവാരന്? എല്ലാം സാധാരണ തൊഴിലാളികള്‍ .നാട്ടിലുടനീളം ബലികുടീരങ്ങള്‍ ഉണ്ടാക്കാന്‍ ആഹ്വാനം നല്‍കുന്ന പാര്‍ട്ടിയുടെ നേതാക്കളാരും എന്തെ ഈ സമരത്തിന്‌ നേരിട്ടിറങ്ങുന്നില്ല .എസ് എഫ് ഐ യുടെ ആദ്യത്തെ രക്തസാക്ഷിയുടെ കൊലപതകരില്‍ ഒരാളാണ് ഇന്നത്തെ പാര്‍ട്ടിയുടെ കുന്നംകുളം എം എല്‍ എ .പാര്‍ട്ടിയുടെ ഇതു പ്രത്യയശാസ്ത്രമാണ് ഇതിനെ അനുകൂലിക്കുന്നത്. സഖാവ് സൈതാലിയില്‍ തുടങ്ങി അനേകം ജീവനുകള്‍ ബലിദാനം നല്‍കിയ പാര്‍ട്ടികാര്‍ നവലോകത്തെ ഒരു കവിയുടെ രണ്ടു വരികള്‍ ശ്രദ്ധിക്കുക :
    " മൂര്‍ച്ചയുള്ലോര ആയുധങ്ങളല്ല പോരിനാശ്രയം ..
    ചേര്‍ച്ചയുള്ള മനസങ്ങള്‍ തന്നെയെന്നതോര്‍ക്കണം ,,,"

    ReplyDelete
  52. ജയരാജന്‍മാര്‍ മാര്‍ക്സിസ്റ്റു പാര്‍ട്ടിക്ക് ഒരു തലവേദനയായിരിക്കുന്നു എന്ന് തോന്നുന്നു. ഇവിടെ കമന്റിയ അനോണികളക്കമുള്ളവരുടെ പൊള്ളയായ കമന്റുകള്‍ അതാണ്‌ സൂചിപ്പിക്കുന്നത്. ഒരു നേതാവ് എത്ര ശുംഭന്‍ ആണെങ്കില്‍പോലും "അനുയായികളെ ഇങ്ങിനെ അക്രമത്തിന്റെ വഴി ഉപദേശിക്കാമോ?" എന്നാണു ബഷീറിന്റെ ഈ പോസ്റ്റിലെ ചോദ്യം.

    നേതാവ് എന്ത് വിളിച്ചു പറഞ്ഞാലും അതൊക്കെ ഏറ്റു പിടിക്കുന്ന വ്യക്തി പൂജകരായ അനുയായി വൃന്ദങ്ങള്‍ ഏതു പാര്‍ട്ടിക്കും ശാപമാണ്. ഇപ്പറഞ്ഞത്‌ മാര്‍ക്സിസ്റ്റു പാര്‍ട്ടിക്ക് മാത്രമല്ല, എല്ലാ പാര്‍ട്ടിക്കും.

    UDF നെയും പലപ്പോഴും ബഷീര്‍ നിഷിദമായി വിമര്ഷിചിട്ടുണ്ടല്ലോ. എന്തെ അപ്പോഴൊന്നും ഈ അനോണി പ്രളയം കണ്ടില്ല. സഖാക്കളെല്ലാം ഇപ്പൊ ടി വി രാജേഷിനു പഠിക്കുകയാണോ. ബഷീര്‍ ഒന്ന് കണ്ണുരുട്ടുമ്പോഴേക്കും ഇങ്ങിനെ അനോണികളായി വന്നു മോങ്ങാന്‍.

    പറയാനുള്ളത് സ്വന്തം ഐ ഡി യില്‍ വന്നു ധൈര്യമായി പറയൂ "ധീര" സഖാക്കളെ. ഇവിടെ വാച്ച് & വാര്‍ഡ്‌ ഒന്നും ഇല്ലല്ലോ. പേടിക്കേണ്ടാ.

    ReplyDelete
  53. ബഷീര്‍ക്കയുടെ മറുപടി നൂറു ശതമാനം കറക്റ്റ് .. വിഷയം ജയരാജന്റെ പ്രസ്താവന ആണ് .. മറ്റുള്ളവര്‍ പറഞ്ഞതിനെ പറ്റി കമന്റ് എഴുതുന്നവര്‍ക്കും പോസ്റ്റ്‌ എഴുതാമല്ലോ..
    അതിലും ഒരു കുറ്റസമ്മതം ഉണ്ട് .. ജയരാജന്‍ പരസ്യമായി എസ എഫ് ഐ ക്കാരോട് ആഹ്വാനം ചെയ്തത് ശരിയല്ല എന്ന് കമന്റ് എഴുതുന്ന സിപിഎം അനുഭാവികള്‍ക്കും അറിയാം ...

    ReplyDelete
  54. ഇടതന്മാരുടെ നിലനില്‍പ്പുതന്നെ അക്രമരാഷ്ട്രീയത്തിലധിഷ്ടിതമാണ്. തെരുവില്‍ യുദ്ധം ചെയ്യാന്‍ വിദ്യാര്‍ത്ഥികളും, യുവാക്കളും ഉണ്ട് എന്ന് തീര്‍ച്ചയുള്ള കാലം വരേയ്ക്കും ഇതുപോലുള്ള രാഷ്ട്രീയ ഗുണ്ടകള്‍ കേരളത്തിന്റെ ശാപമായി തുടരുക തന്നെ ചെയ്യും!.

    ReplyDelete
  55. രാധാകൃഷ്ണപിള്ള തെറ്റ് ചെയ്തിട്ടുണ്ടെങ്കില്‍ അയാളെ ശിക്ഷിക്കുവാന്‍ ഇവിടെ നിയമവും കോടതിയുമുണ്ട്. എസ് എഫ് ഐ യുടെ കണ്ണൂര്‍ ജില്ല കമ്മറ്റിയെ ഇന്ത്യന്‍ ഭരണഘടന ആ പണി എല്പിച്ചിട്ടില്ല.>>
    തെറ്റിനെ തെറ്റുകൊണ്ടല്ല . . ..

    ReplyDelete
  56. ഈ നില ഇടതു പക്ഷം തുടര്‍ന്നാല്‍ ഒരു പാട് ജനങ്ങള്‍ മാറി ചിന്തിക്കും,,,അന്ധമായി പാര്‍ട്ടിയെ സ്നേഹിക്കാത്ത എന്നെപ്പോലെയുള്ളവര്‍ മാറിത്തുടങ്ങി,,ഒരു രാജ്യത്തിന്‍റെ നീതിന്യായ വ്യവസ്ഥയെ തള്ളിപ്പറയുന്നവന്‍ ഏതു ശുംഭാനായാലും അവനെ പാര്‍ട്ടി ഒരിക്കാലും അനുകൂലിക്കരുത്,,,ഇല്ലെങ്കില്‍ ബംഗാള്‍ ഇവിടെയും ആവര്‍ത്തിക്കും,,ഓര്‍ക്കുക,,,ജനങ്ങളാണ് ഏറ്റവും വലിയ ശക്തി എന്ന് മറക്കാതിരിക്കുക,,,,തെറ്റ് ആര് ചെയ്താലും അതിനെതിരെ നടപടിയെടുക്കാതെ താങ്ങി നടക്കുന്നത് ഇടതിന് ക്ഷീണം വരുത്തും,,,

    ReplyDelete
  57. ഊര്‍ജോത്പാദനം ആത്യന്തികമായി രാജ്യത്തിന് പ്രയോജനം ചെയ്യുന്നതാണ് എന്നതുകൊണ്ട് , ഊര്‍ജ പദ്ധതികള്‍ വികസിപ്പിക്കുന്നവര്‍ കൂടുതലായി ഖനനം ചെയ്യുന്ന കല്‍ക്കരി മറ്റ് പദ്ധതികള്‍ക്ക് നല്‍കുന്നത് നല്ലതുതന്നെയെന്ന് സി.എ.ജി.യുടെ കരടുറിപ്പോര്‍ട്ടില്‍ അഭിപ്രായപ്പെടുന്നു. എന്നാല്‍ റിലയന്‍സിന്റെ കാര്യത്തില്‍ ഇത് നേരത്തേയുള്ള കരാറിന് വിരുദ്ധവും അവിഹിത ലാഭമുണ്ടാക്കാന്‍ സഹായിക്കുന്ന തരത്തിലുമാണെന്നാണ് റിപ്പോര്‍ട്ടില്‍ ആരോപിക്കുന്നത്.

    റിലയന്‍സ് പവറുമായി സര്‍ക്കാര്‍ ഉണ്ടാക്കിയ 25 വര്‍ഷത്തേക്കുള്ള കരാര്‍ വിലയിരുത്തിയാണ് നഷ്ടം കണക്കാക്കിയത്. ഊര്‍ജ മന്ത്രാലയത്തോട് ഇതുസംബന്ധിച്ച് സി.എ.ജി. വിശദീകരണം തേടിയിട്ടുണ്ട്. മന്ത്രാലയത്തിന്റെ മറുപടികൂടി കണക്കിലെടുത്തായിരിക്കും അന്തിമ റിപ്പോര്‍ട്ട്. സി.എ.ജി.യുടെ കരട് റിപ്പോര്‍ട്ട് സംബന്ധിച്ച പരാമര്‍ശങ്ങള്‍ ലഭിച്ചിട്ടുണ്ടെന്നും ഉടന്‍ മറുപടി നല്‍കുമെന്നും കേന്ദ്ര ഊര്‍ജ സെക്രട്ടറി പി. ഉമാശങ്കര്‍ അറിയിച്ചിട്ടുണ്ട്.


    http://www.mathrubhumi.com/story.php?id=223302

    ജയരാജന്റെ കൊട്ട്വേഷനെ കുറിച്ച് പറയുമ്പോള്‍ കല്‍ക്കരി എന്ന് പറയുന്നത് എന്തിനാണ്? അഴിമതിയെ കുറിച്ച് പറയുമ്പോള്‍ പോരെ?

    ReplyDelete
  58. ജയരാജന്‍ ശുംഭിച്ചത് ശരിയല്ല എന്ന് അച്ചുതാനന്ദന്‍ പറഞ്ഞല്ലോ. അതിനെ പറ്റി സഖാക്കള്‍ക്ക് വല്ലതും പറയാനുണ്ടോ?

    ReplyDelete
  59. എല്ലാം മുമ്പ് പറഞ്ഞു തീരുമാനിച്ചത് പോലെയാണ് ഒരു പ്രശ്നം ഉണ്ടാവുമ്പോള്‍ അതിനെ മായ്ച്ചുകളയാന്‍ അല്ലെങ്കില്‍ മറക്കാന്‍ വേറെ ഒരു പ്രശ്നം ഉണ്ടാക്കുക അതാണ് കേരളത്തില്‍ ഇപ്പോള്‍ നടക്കുന്നത് . നാട്ടിന്റെ പ്രോഗതിക്ക് വേണ്ടി എന്ത് ചെയ്യണം എന്ന് ഭരണ പക്ഷവും , പ്രതിപക്ഷവും ചിന്തിക്കുന്നില്ല ...

    ReplyDelete
  60. This comment has been removed by the author.

    ReplyDelete
  61. ജയരജാന്‍ പ്രസംഗിച്ചതിനെ ന്യായീകരിക്കുന്നില്ല.ഒരു കാര്യം ചോദിക്കട്ടെ പി കെ ബഷീര്‍ പ്രസംഗിച്ചതിന് മറുപടി ഇല്ലെന്നാണോ ? അതോ താങ്കള്‍ അതിനെ ന്യായികരിക്കുന്നു എന്നാണോ മനസിലാക്കണ്ടത്.ജയരാജന്‍ പ്രസംഗിച്ചതിനെ മാര്‍ക്സിസ്റ്റുകാര്‍ ചിലരെങ്കിലും ന്യായീകരിക്കുന്നു താങ്കളുടെ നേതാവിനെ താങ്കളും ന്യായീകരിക്കുന്നു പിന്നെ അവരും താങ്കളും തമ്മില്‍ എന്ത് വിത്യാസം

    ReplyDelete
  62. ജയരാജന്റെ ആ കല്‍പന ഒരു കമ്മ്യൂണിസ്റ്റ്‌ പ്രവര്‍ത്തകനു യോജിക്കുന്നില്ല. ഒരു മാടമ്പി സ്വഭാവം അതിനുണ്ട്.

    ഒരു സാധാ രാധാകൃഷ്ണപിള്ള ആണോ അതോ എ.സി.പി രാധാകൃഷ്ണപിള്ള ആണോ വിദ്യാര്‍ഥികളുടെ നേരെ വെടി വെച്ചത്? അങ്ങനെയെങ്കില്‍ പിള്ളയെ യുണിഫോമില്‍ തന്നെയല്ലേ തല്ലേണ്ടത്? ഇനി അങ്ങനെയല്ല എങ്കില്‍ വേണ്ടി വന്നാല്‍ സാധാരണ മനുഷ്യരെയും അടിക്കണം എന്നാണോ പാര്‍ട്ടി പോളിസി? ഇങ്ങിനെയുള്ള ശുംഭത്തരങ്ങള്‍ പറഞ്ഞു എന്തിനാ നിലവിലുള്ള ജനപിന്തുണ കളയുന്നത്?

    ReplyDelete
  63. Endosulfan:

    List Price: £22.00 per 10mL

    http://www.stratlab.co.uk/stratlab/value/Itemdesc.asp?ic=DRS02793

    ReplyDelete
  64. കേണല്‍ ഗദ്ദാഫി കൊല്ലപെട്ടു : ഇനിയിപ്പോള്‍ നിരയുധനായ ഗദ്ദാഫിയെ വെടി വെച്ചവനെ യുണിഫോമില്ലാതെ കണ്ടാല്‍ തല്ലികൊല്ലന്‍ ലിബിയന്‍ ഏരിയ സെക്രടരിക് ജയരാജന്‍ കത്തെഴുതുമോ ആവൊ ..ഇതിന്‍റെ പേരില്‍ നമ്മുടെ നിയമ സഭയില്‍ നിന്നൊരു ഇറങ്ങിപോക്കും പ്രതീക്ഷിക്കാം ..

    ReplyDelete
  65. പക്കാ ക്രിമിനല്‍സ്.....

    ReplyDelete
  66. leaginum kunjappakkum kuzhaloothu nadathan oru basheerum athinu jai vilikkan kure kundanmarum.allathe enthu.chavattukottayilanu ithinokke sthsnsm.....

    ReplyDelete
  67. ലോകത്ത് കുറെയേറെ രാജ്യങ്ങളില്‍ ഉണ്ടായിരുന്നു എന്ന് പഴയ ആളുകള്‍ പറഞ്ഞു കേട്ടിരുന്ന ഒരു പാര്‍ട്ടിയായിരുന്നു കമ്മ്യൂനിസ്ട്ടു പാര്‍ട്ടി , പല മുന്‍ സഖാക്കളും അവരുടെ പ്രസംഗങ്ങളില്‍ പറയുമായിരുന്നു റഷ്യയിലേക്കും ചൈനയിലേക്കും ക്യൂബയിലെക്കുമൊക്കെ നോക്കിപ്പടിക്കാന്‍ , പലരും നോക്കിപ്പറിച്ചു ചിലര്‍ പോയി പ്പടിച്ചു ചിലയാളുകള്‍ നാട്ടില്‍ തന്നെ നങ്കൂരമിട്ടു ഈ പറഞ്ഞ നാടുകളെ ക്കുറിച്ച് പടിച്ചുകൊന്ടിരുന്നു .... ക്യൂബ തകര്‍ന്നു ...റഷ്യയും ചൈനയും മറ്റു പല രാജ്യങ്ങളും ബാക്കിയില്ലേ..ചുവന്ന കൊടി മാത്രമുള്ളതായി എന്ന് സഖാക്കള്‍ ചോതിച്ചു .. സത്യമായിരുന്നു ഇനിയും മാര്‍ക്സിസമുള്ള എത്രയോ രാജ്യങ്ങള്‍ കിടക്കുന്നു ..... തെറ്റിയത് ഞങ്ങള്‍ക്കാനെന്നു മനസ്സിലായി ...
    ചൈന മുതലാളിത്ത രാജ്യങ്ങളുമായി കൂട്ട് കൂടി മിയാന്‍ മെന്‍ സ്കൊയറില്‍ വിദ്യാര്‍ഥികളെ അരച്ച് ദോശയുണ്ടാക്കി .. ചൈന വീണ്ടും വളര്‍ന്നു ആകാശം മുട്ടെ ....
    അപ്പോള്‍ സഖാക്കള്‍ പറഞ്ഞു റഷ്യ യുണ്ടല്ലോ ... ലെനിനും ,കാറല്‍ മാര്‍ക്സും അവിടെയല്ലേ ജനിച്ചതെന്ന് ...അതാണ്‌ ഞങ്ങളുടെ തലസ്ഥാനമെന്ന് ...
    അവിടെ ഗോര്‍ബച്ചേവിന്റെ ഗ്ലാസ്നോയിസ്ഥ യും പെരിസ്ത്രോയിക്കയും കൂടി ലെനിനേയും മാര്‍ക്സിനെയും പിഴിതെരിഞ്ഞു ...
    കേരളത്തിലെ സഖാക്കള്‍ വിടുമോ...ഇല്ല.. ത്രിപുര.. പശ്ചിമ ബംഗാള്‍.. കേരളം പിന്നെ ചില പഞ്ചായത്തുകളുടെ പേര് പറഞ്ഞു കുട്ടിസഖാക്കളെ പിടിച്ചു നിര്‍ത്തി ...ത്രിപുരയും ബംഗാളും ചീറ്റിപ്പോയി... ഇനി കന്നൂരിലാനെത്രേ തലസ്ഥാനം ....അങ്ങിനെ ലോകത്ത് പടര്‍ന്നു കിടന്നിരുന്ന മഹാ പ്രസ്ഥാനം ( മാക്രി ഭാഷയിലാണ് കേട്ടോ )അവിടത്തെ മഹാരാജാവ് സാക്ഷാല്‍ ജയരാജ മഹാരാജാവ് ഉത്തരവ് പുറപ്പെടുവിച്ചിട്ടുന്റെത്രേ ഒരു "പോല്ലീസു" ഓഫീസരെ കിട്ടിയ സ്ഥലത്ത് വെച്ചു തല്ലാന്‍...
    ഇതുകേട്ട് കുഞ്ഞാടുസഖാക്കള്‍ തല്ലാന്‍ പോവും ..വീണ്ടും കുറെ രക്ത സാക്ഷികള്‍ .. അതുവെച്ചു അടുത്ത ഭരണം .... എടോ ..ഏഭ്യാ...ജയരാജാ ( ഏഭ്യന്‍ = ശ്രീമാന്‍ ) പിത്രുശൂന്യത എന്നല്ലാതെ ഇതിനെ എന്ത് വിളിക്കും..? പിന്നെ ജോണ്‍ പോള്‍ മാര്‍പ്പാപ്പയുടെ തല കുനിഞ്ഞുള്ള നടത്തം അനുകരിക്കുന്ന മറ്റൊരു നേതാവുന്ടല്ലോ ...അയാളുടെ ഊഴമാണ് ഇനി ...അതുകൂടിയായാല്‍ മിനിമം അഞ്ചു രക്തസാക്ഷികള്‍ക്ക് വകയായി.... അതാണല്ലോ അവര്‍ക്ക് വേണ്ടതും

    ReplyDelete
  68. @ Moideen Kutty Cuba thakarnno eppolayirunnu???? feviquick vechu otikkan pattumo????

    ReplyDelete
  69. Innu allengil naale pillakku tallu kittuka tanne cheyyum...

    ReplyDelete
  70. ബഷീര്‍ക്കാ... 20ആം തീയതി ഇതേ പോലെ തന്നെ ജയരാജനിട്ടു ഒന്നു പോസ്റ്റിയിട് പോയതാ സാക്ഷാല്‍ ബെര്‍ളി... 2 ദിവസമായി ഒരു അനക്കവുമില്ല സൈടില്‍...... ബഷീര്‍കയും ഒന്നു സൂക്ഷിച്ചോ....ജയരജന്റെ ഭൂത ഗണങ്കള്‍ ഏതു രൂപത്തിലാ വരികാ എന്നറിയില്ല.

    ReplyDelete
  71. @ anoni....അടിക്കുകയാണെങ്കില്‍ ഒറ്റക്കൊറ്റക്ക്‌ ആണുങ്ങളെ പോലെ പോയി അടിക്കു...ഇരുട്ടിന്റെ മറവിലല്ലാതെ....പിന്നെ ഈ അടി എന്നു പറഞ്ഞാല്‍ കിട്ടിയാല്‍ ആര്‍ക്കും വേദനീക്കും എന്നതും മറക്കാണ്ട....പത്തു പേര്‍ കൂടിയാല്‍ എന്തും ആവാമെന്ന ആ ഹുന്‍കുണ്ടല്ലോ അതു അടി തിരിച്ചു കിട്ടുമ്പോള്‍ അങ്ങു പൊയ്ക്കോളും...അടിക്കാന്‍ പോകുന്നവാനൊക്കെ വീട്ടില്‍ കൂടി പറഞ്ഞിട്ട്‌ പോക്കോ....

    ReplyDelete
  72. അങ്ങിനെ അടിക്കാന്‍ ജയരാജനും ടീമും, തിരിച്ചടിക്കാന്‍ ആണുങ്ങളും തുടങ്ങിയാല്‍ നാട് ആരാജകത്വത്തില്‍ ആവും. അങ്ങിനെ ആവരുതെന്നു കരുതുന്ന ജനാധിപത്യ വിശ്വാസികളാണ് കേരളത്തില്‍ കൂടുതല്‍ ഉള്ളതെന്നതാണു ഇവന്മാരുടെ ധൈര്യം. ബംഗാളില്‍ അടിച്ചടിച്ചു പാര്‍ട്ടി ഇപ്പോ നായ തൊട്ട കലം പോലെയായി. ഇവിടെയും കൂടി അങ്ങിനെയാക്കിയാലെ ഇവന്മാര്‍ക്കൊക്കെ സമാധാനമാവൂ എന്നു തോന്നുന്നു. കഷ്ടം...

    ReplyDelete
  73. @മലയാളിസ്‌ adi vendidathu adi thanne venam. mochoodum mudippikkan irangiyirikkunna ingane oru alvalathi governmentinu adi thanneyanu marunnu....

    ReplyDelete
  74. ഉമ്മന്‍ ചാണ്ടി എന്ന മണ്ണുണ്ണി കേരളം ഭരിക്കുമ്പോള്‍ എന്ത് നിയമമാണ് നടപ്പാക്കി കാണിക്കാന്‍ പോകുന്നത്. വാളകത്തു അധ്യാപകന്റെ മലദ്വാരത്തിലൂടെ ഈ സര്‍ക്കാര്‍ ആദ്യം പാര കേറ്റി.പിന്നെ തീവ്രവാദം കേറ്റി. പിന്നെ ജ്വോത്സ്വ്യനെ കേറ്റി, പിന്നെ ഒരു പെണ്ണുമ്പിള്ളയെ കേറ്റി, പിന്നെ കണ്ണില്‍ കണ്ടതെല്ലാം കേറ്റി. അവസാനം ഒരു ആള്ടോ കാറ് വരെ തള്ളി കേറ്റി. ഏറ്റവും ഒടുവില്‍ ഇപ്പോള്‍ കേറ്റിയതെല്ലാം പുറത്തേക്കു ഇറക്കുകയാണ്‌. അടുത്തതായി കേറ്റാന്‍ എന്തോ കണ്ടുപിടിച്ചിട്ടുണ്ടത്രേ!!!! എന്തോ കോമഡി ഭരണമാടെ ഇത്???? ചാണ്ടിയുടെ കോമഡിക്ക് എന്തിനാ കാത്തു നില്‍ക്കുന്നെ. രാധാകൃഷണ പിള്ള എന്ന ക്രിമിനലിനെ തല്ലുകതന്നെ വേണം.

    ReplyDelete
  75. @Basheer Pookkottur ithupolulla cavarukal padachu vidunnidathu enthinanu photoyum perumokke. athidan nilavaramullidathu ittolam...:)

    ReplyDelete