1) വി എസ്സിന്റെ കയ്യില്‍ പന്ത് കിട്ടാതെ നോക്കുക
വി എസ് മറഡോണയെപ്പോലെയാണ്. കയ്യില്‍ പന്ത് കിട്ടിയാല്‍ കലക്ക് വെള്ളത്തില്‍ മഞ്ഞളേട്ട കേറുന്ന പോലെ ഒരു കേറ്റമാണ്. പിന്നെ ഗോളടിച്ചിട്ടേ പിറകോട്ടു വരൂ. മറഡോണ കളിക്കുന്ന കാലത്ത് എതിര്‍ടീമുകാരുടെ പ്രധാന പണി അര്‍ജന്റീനയുടെ പോസ്റ്റില്‍ ഗോളടിക്കുകയല്ല. മറഡോണയുടെ കാലില്‍ പന്ത് വരാതെ നോക്കുകയാണ്. അതില്‍ വിജയിച്ചാല്‍ കളി ജയിച്ചു. തോറ്റാല്‍ തോറ്റു. അതുപോലെ ഒരു സ്ട്രാറ്റജിയാണ് പിണറായി സഖാവ് എടുക്കേണ്ടത്. ഒരു ഉദാഹരണം പറഞ്ഞാല്‍ വി എസ് ബെര്‍ലിന്‍ മതില്‍ ചാടാന്‍ പോകുന്നു എന്ന് കരുതുക. ഉടന്‍ പിണറായി സഖാവ് ചെയ്യേണ്ടത് ബെര്‍ലിന്‍ പ്രധാനമന്ത്രിയെ വിളിച്ചു വി എസ്സിന് വേണ്ട സൗകര്യങ്ങള്‍ ചെയ്തു കൊടുക്കുവാന്‍ ഏര്‍പാട് ചെയ്യുകയാണ്. വി എസ്സിന്റെ വിസ ശരിയാക്കി കൊടുക്കുക, എസ്കോര്‍ട്ട് പോകാന്‍ ഇ പി ജയരാജനെ ഏര്‍പാടാക്കുക തുടങ്ങിയവയും ചെയ്യണം. ആറ് പരിപ്പ് വടയും നാല് കുപ്പി ഇളനീരും കൊടുത്ത് യാത്രയയക്കുകയും ചെയ്യുക. പുള്ളി ബെര്‍ലിന്‍ മതില്‍ ചാടുകയോ കാലൊടിയുകയോ എന്തും ചെയ്തോട്ടെ. നമ്മള്‍ ചെയ്യാനുള്ള പണി നമ്മള്‍ ചെയ്യുക. ദാറ്റ്‌സ് ഓള്‍ .. ഇത്രയും ചെയ്‌താല്‍ പന്ത് നമ്മുടെ കാലില്‍ തന്നെ ഇരിക്കും.
2) വാര്‍ത്ത ചോര്‍ത്തല്‍ സ്റ്റേറ്റ് കമ്മറ്റി ഏറ്റെടുക്കുക
സി പി എം സ്റ്റേറ്റ് കമ്മറ്റി മീറ്റിങ്ങിന്റെ വാര്‍ത്തകള്‍ സ്റ്റേറ്റ് കമ്മറ്റി തന്നെ ചോര്‍ത്തിക്കൊടുക്കുക. മീറ്റിംഗ് ലൈവ് ആയി റെക്കോര്‍ഡ്‌ ചെയ്തു അന്ന് രാത്രി തന്നെ കേസറ്റ് പത്രങ്ങള്‍ക്കു എത്തിച്ചു കൊടുത്താല്‍ വളരെ നന്ന്. ഇത് കൊണ്ട് രണ്ടു ഗുണമുണ്ട്. വി എസ്സിന് ഗുണകരമായ വാര്‍ത്ത മാത്രം ചോര്‍ത്തിക്കൊടുക്കുന്ന സ്റ്റേറ്റ് കമ്മറ്റിയിലെ 'തുരപ്പന്മാരെ' ഒതുക്കാം. മാത്രമല്ല, പുറത്തു പുലിയായി നടക്കുന്ന വി എസ് സ്റ്റേറ്റ് കമ്മറ്റിയില്‍ എലിയായി ഇരിക്കുന്നത് നാട്ടുകാര്‍ക്ക് കാണുകയും ചെയ്യാം. പാര്‍ട്ടിക്കെതിരെ പടനയിക്കുന്നു എന്ന് വരുത്തിത്തീര്‍ക്കാന്‍ പത്രക്കാര്‍ക്ക് മുമ്പില്‍ ബഡായി പറയുന്ന വി എസ് കമാന്നൊരക്ഷരം മിണ്ടാതെ കുനിഞ്ഞിരിക്കുന്നത്‌ പിണറായി സഖാവിന്റെ ഇമേജു കുത്തനെ ഉയര്‍ത്തും.
3) തോക്കില്‍ കയറി വെടി വെക്കുക
മറ്റൊരു വാക്കില്‍ പറഞ്ഞാല്‍ വെടി ഇങ്ങോട്ട് വരുന്നതിനു മുമ്പ് അങ്ങോട്ട്‌ വെക്കുക. ഉദാഹരണം ഉമ്മന്‍ ചാണ്ടി ഒരു കേസില്‍ കുടുങ്ങി എന്ന് വെക്കുക. ഫ്ലാഷ് വന്നു കൊണ്ടിരിക്കുമ്പോള്‍ തന്നെ ചാടിക്കേറി പത്രസമ്മേളനം നടത്തുക. വി എസ് ബനിയനിട്ട്‌ ഇറങ്ങുന്നതിനു മുമ്പ് തന്നെ നമ്മുടെ പത്രസമ്മേളനം കഴിഞ്ഞിരിക്കണം. ആരോപണത്തില്‍ കഴമ്പ് ഉണ്ടായാലും ഇല്ലെങ്കിലും ഉമ്മന്‍ രാജി വെക്കണം എന്നങ്ങു പറയുക. വേണേല്‍ ഈ നാട് തന്നെ വിട്ടു പോകണം എന്നും കാച്ചുക. (ജഡ്ജിനെ മാറ്റുക, വിജിലന്‍സ് ഒഴിയുക തുടങ്ങിയ പൊട്ടന്‍ വര്‍ത്താനങ്ങള്‍ പറഞ്ഞാല്‍ വി എസ്സിന്റെ കാലില്‍ പിന്നെയും പന്ത് വരും).
4) വി എസ്സിന്റെ ആരോഗ്യം ശ്രദ്ധിക്കുക
വി എസ്സിന് പ്രായമായി വരികയാണ്. 87 വയസ്സായി. അതുകൊണ്ട് അദ്ദേഹത്തിന്റെ ആരോഗ്യ കാര്യത്തില്‍ പാര്‍ട്ടി പ്രത്യേക ശ്രദ്ധ കൊടുക്കുക. മതികെട്ടാന്‍ മല, മൂന്നാര്‍ , അട്ടപ്പാടി തുടങ്ങിയ സ്ഥലങ്ങളിലേക്ക് പുള്ളിയെ പോകാന്‍ അനുവദിക്കാതിരിക്കുക. ഇവിടെ ബെര്‍ലിന്‍ ലൈന്‍ എടുക്കരുത്. ഡോക്ടറെക്കൊണ്ട് പറയിപ്പിക്കുക. നിയമസഭ സമ്മേളനം നടക്കുന്ന സമയങ്ങളില്‍ ഉഴിച്ചില്‍ തിരുമ്മല്‍ ഇവയിലേതെങ്കിലും ഒന്ന് ഏര്‍പാടാക്കി മാക്സിമം വി എസ് സഭയില്‍ എത്താതെ നോക്കുക.
5) സിണ്ടിക്കേറ്റുകാരെ കയ്യിലെടുക്കുക
'എടോ ഗോപാലകൃഷ്ണാ' എന്ന ലൈന്‍ ഒഴിവാക്കുക. വി എസ്സിനെ കണ്ടു പഠിക്കുക. വി എസ്സ് കൊന്നാലും പത്രക്കാരെ ചീത്ത വിളിക്കാറില്ല. അവരോടു കയര്‍ക്കാന്‍ പോകാറില്ല. തന്നെ ബലൂണ്‍ പോലെ ഊതി വീര്‍പ്പിച്ചു നിര്‍ത്തുന്നത് അവരാണ് എന്ന് പുള്ളിക്ക് അറിയാം. അതറിഞ്ഞു പ്രവര്‍ത്തിക്കുക. ഇടയ്ക്കിടയ്ക്ക് സ്കൂപ്പ് ന്യൂസ് കൊടുക്കുക. മാസത്തിലൊരിക്കല്‍ കോഴിക്കാലും ഉറുമാല്‍ ചപ്പാത്തിയും കൊടുക്കുക. ഇത്രയുമേ വേണ്ടൂ. ബാക്കി പണി അവര്‍ ചെയ്തു കൊള്ളും. സിണ്ടിക്കേറ്റുകാരെ മുഴുവന്‍ കയ്യിലെടുക്കാന്‍ പ്രയാസമാണെങ്കില്‍ അതിനും വഴിയുണ്ട്. വി എസ്സിന് ഇമേജുണ്ടാക്കുന്ന വാര്‍ത്തകള്‍ സ്ഥിരമായി കൊടുക്കുന്ന അഞ്ചു പേരുണ്ട്. അവരെ കയ്യിലെടുക്കുക. ഈ അഞ്ചു പേര്‍ ആരാണെന്ന് ഞാന്‍ പറയുന്നില്ല. ഒരു ക്ലൂ തരാം.രണ്ടു പേര്‍ ടീ വി ക്കാരാണ്. മൂന്നു പേര്‍ പത്രക്കാരും. ഒരു ക്ലൂ കൂടി. മൂന്ന് പേര്‍ തിരുവനന്തപുരത്താണ്. കൊച്ചിയിലും കോഴിക്കോട്ടും ഓരോരുത്തരും. ലാസ്റ്റ് ആന്‍ഡ്‌ ഫൈനല്‍ ക്ലൂ. അഞ്ചാളും ഈഴവന്‍മാരാണ്!!!. ഇത്രയുമൊക്കെയേ എന്നെക്കൊണ്ട് പറ്റൂ. ബാക്കി നിങ്ങളുടെ സെന്‍സ്, സെന്‍സിബിലിറ്റി, സെന്‍സിറ്റിവിറ്റി ..
പ്രധാനപ്പെട്ട അഞ്ചു പോയിന്റുകളാണ് ഇവിടെ പറഞ്ഞത്. മൊത്തം പതിനെട്ടെണ്ണം ഉണ്ട്. പതിമൂന്നു പോയിന്റുകള്‍ ബാക്കി കിടക്കുകയാണ്. അവ വളരെ രഹസ്യ സ്വഭാവമുള്ളയതിനാല്‍ ഇവിടെ നല്‍കുന്നില്ല. സ്റ്റേറ്റ് കമ്മറ്റി നേരിട്ട് ബന്ധപ്പെട്ടാല്‍ സ്വകാര്യമായി എത്തിക്കാം.
Related Posts
ഊണുണ്ടോ സഖാവേ ഒരു ഇളനീര്‍ എടുക്കാന്‍?
വി എസിനെ ആര് മലയാളം പഠിപ്പിക്കും?
സാറേ, ആ അരിയുടെ കാര്യം എന്തായി?
fantasticfantastic
ReplyDeleteഇത്തരം പതിനെട്ടു അടവും പയറ്റിയിട്ടും വിയെസിനെ ഒതുക്കാന്‍ പറ്റിയില്ലെങ്കില്‍ പാര്‍ട്ടി ഓഫീസ് പൂട്ടി എല്ലാ സഖാകളും കാശിക്ക് അല്ല ചൈനക്ക് പോയിക്കോട്ടെ അല്ലേ ബഷീര്‍ക്കാ..
ReplyDeleteആ പതിമൂന്ന് പോയിന്റുകള്‍ വെറുതെ എടുത്ത് പാഴക്കല്ലേ.... ആവശ്യം വരും. അപ്പുറത്ത് നല്ല വെളുത്ത താടിയൊക്കെ വെച്ച് തടിച്ചിട്ട് ഒരാള്‍ ഉണ്ട്. നമ്മുടെ ഉമ്മന്‍ ചാണ്ടി നടന്നു വരുന്ന വഴിയില്‍ ഇടയ്ക്കിടെ പാം ഓയില്‍ ഒഴിച്ച് വീഴിക്കാന്‍ നോക്കുന്ന ഒരാള്‍.
ReplyDeleteബഷീർ സാഹിബ്..;
ReplyDeleteഇതിപ്പോൾ എന്തിന്റെ പ്രായശ്ചിത്തം ചെയ്യാനാ ഈ വഴി കാണിക്കൽ?? പതിനായിരം 'അടവുകൾ' കയ്യിലുള്ള പിണറായി സഖാവ് അവയൊക്കെ ചെലവാക്കാൻ ഒരു തക്കം നോക്കി നടക്കുകയാ... അതിനിടയിലാ പതിനെട്ടടവുമായി....
എന്തായാലും ബാക്കി കൂടി അങ്ങട്ട് പത്ര സമ്മേളനം വിളിച്ചറിയിക്കൂ... ചില സാഹചര്യങ്ങൾ ഒത്തു വരാവുന്ന മറ്റു കക്ഷികൾക്കും ചിലപ്പോൾ ഉപകാരപ്പെട്ടേക്കും.... പേരും നാളും മാറ്റിയാൽ മതിയല്ലോ....
ലാൽ സലാം....
ഭര്‍ത്താക്കന്മാരെ ഒതുക്കാന്‍ പരീക്ഷിച്ചു വിജയിച്ച 101 വഴികള് കയ്യിലുള്ള ഭാര്യമാര്‍ക്കാണ് വനിതക്കാരന്‍ തന്റെ 36 ഉഡായിപ്പുകള്‍ കൊടുക്കുന്നത്----
ReplyDelete================================
ഹഹ ,ഇപ്പോള്‍ മനസ്സിലായി "എസ്‌കിറ്റില്‍ " പോവാത്തതിന്റെ രഹസ്യം !!ടക ടകാ ...
എന്തൊക്കെ പറഞ്ഞാലും വീ.എസ് ഒരു സംഭവമാ...
ReplyDeleteഏതായാലും ബഷീർക്കയുടെ ഈ 18 അടവുകൾ പിണറായിക്ക് അയച്ച് കൊടുക്കാം..
കണ്ണടച്ച് ഇരുട്ടാക്കുന്നവരോട്
ബഷീര്‍ സാഹിബേ,,, സഹിബിനു നല്ലതു വി.എസിനേയും പിണറായിയെയും കൂട്ടികുഴപ്പിച്ചുള്ള ബ്ലോഗുകള്‍ തന്നെയാണ്.ഒന്നുമില്ലെങ്കിലും സ്തുതിപാടകരുടെ കൂറെ നല്ല(താങ്കള്‍ പ്രതീക്ഷിക്കുന്ന) കമന്റുകള് കിട്ടുമല്ലൊ,,
ReplyDeleteകാസര്‍ഗോഡ് വെടിവെപ്പ് വിവാദവും,പാമോയില്‍ കേസുവിവാദവും,വിലവര്‍ധനയില്‍ ഒത്തുകളിക്കുന്ന കേന്ദ്രത്തിലെ ഭരണ പ്രതിപക്ഷ ലീലാവിലാസങ്ങളുമൊക്കെ പിണറായിയുടെയും വി.എസിന്‍റെയും പിന്നാലെനടക്കുന്നതിനിടയില്‍ അങ്ങു അറിയാത്തതോ അറിഞ്ഞഭാവം നടിക്കാത്തതോ,,,?
ഇടക്കൊരു രസത്തിനു വേണ്ടിയെങ്കിലും വി.എസിനെയൊന്നു വിട്ടുപിടിച്ചൂടെ,,,,
ഓ,,സോറി,, അപ്പോപിന്നെ ബഷീര്ക്കാന്റെ ആ.... ട്രേഡ്മാര്‍ക്ക് അങ്ങട്ട് പോകുമല്ലെ,,,
ന്നാപ്പിന്നെ വീഎസിനെതന്നങ്ങട്ട് മുറുക്കി പീടിച്ചോളു,,,ട്ടോ,,, ഹ,,ഹ,,
This comment has been removed by the author.
ReplyDeleteരാജാവിനെക്കാള്‍ വലിയ രാജ്യസ്നേഹം കാണിക്കുന്ന ഉത്തരവാധിത്തമുള്ള പ്രജകളായി സിപിഎമ്മിനെ സ്നേഹിക്കാന്‍ വരുന്ന എല്ലാവര്‍ക്കുമൊരു വലിയ ലാല്‍ സലാം. . .
ReplyDeleteരാവിലത്തെ ചായയ്ക്കൊപ്പം മകാര പത്രങ്ങള്‍ തൊട്ടു നക്കി സിപിഎമ്മിന്റെ തെറ്റുകുറ്റങ്ങള്‍ കണ്ടുപിടിച്ചു തിരുത്തല്‍ രേഖകള്‍ പുറത്തിറക്കുന്ന പ്രിയ "പൊതുസമൂഹമേ" നിനക്കും ഒരായിരം അഭിവാദ്യങ്ങള്‍ . . .
സിപിഎം നേതാക്കളും പ്രവര്‍ത്തകരും അവരുടെ സന്തതി പരമ്പരകളും തിന്നുന്നതും തൂറുന്നതും വരെ ചികഞ്ഞു രുചിച്ചു നോക്കി അതിലെ പ്രത്യയശാസ്ത്ര വൈരുധ്യങ്ങള്‍ കണ്ടു പിടിക്കാന്‍ കണ്ണില്‍ പാമോയില്‍ ഒഴിച്ച് കാത്തിരിക്കുന്നവരേ നിങ്ങള്‍ക്ക് നല്ല നമസ്കാരം ...
ബ കു നാ യെയും വള്ളിക്കുന്നന്‍ അപ്പുക്കുട്ടനേയും അസാദിനെയും പോലുള്ള ചാനല്‍ മാര്‍ക്സിസ്റ്റ്‌കളുടെ ആസനം താങ്ങി അവര്‍ ചര്‍ദിക്കുന്നത് അമ്രിതായി കണ്ടു വിഴുങ്ങി അതി വിപ്ലവം പറയുന്നവരേ നിങ്ങളോടൊക്കെ ഒന്നേ പറയാനുള്ളൂ നിങ്ങള് ഇത്ര മേല്‍ സ്നേഹിച്ചു സ്നേഹിച്ചു ഞങ്ങളെ കരയിപ്പിക്കരുത്. . .
NB: ഈ പറഞ്ഞതൊന്നും വള്ളിക്കുന്നിനെ ഉദ്ധേശിച്ചല്ല, വള്ളിക്കുന്നിനെ തന്നെ ഉദ്ധേശിച്ചല്ല, വള്ളിക്കുന്നിനെ മാത്രം ഉദ്ധേശിച്ചല്ല !!!
കോമഡിക്കാര്‍ പോലും വിട്ടു കൊണ്ടിരിക്കുന്ന ഈ പ്രതിപക്ഷ നേതാവിനെ ബലൂണ്‍ പോലെ നിര്‍ത്തുന്നതില്‍ ബഷീര്‍ സാബിനും ഒരു പങ്കുണ്ടെന്ന് തോന്നുന്നു. ഇടക്കിടെ അദ്ദേഹത്തെക്കുറിച്ച് ഇടുന്ന പോസ്റ്റ്‌ എനിക്ക് ഇഷ്ടം ആയിട്ടില്ല കേട്ടോ. പാര്‍ട്ടി യുടെ ഇമേജ് തകര്‍ന്നാലും സ്വന്തം ഇമേജ് ഉയര്‍ത്തിക്കൊണ്ടു വരിക ആ നാടകം കളിക്കുന്നത് കേരളത്തില്‍ രണ്ടു പേര്‍ മാത്രമാണ്. ഒന്ന് വി.എസ്. അച്ചുതാനന്ദനും രണ്ടാമതെത് വി.എം. സുധീരനും. അവരുടെ പാര്‍ട്ടിയില്‍ പറയേണ്ട വിഷയങ്ങള്‍, സ്വന്തം പാര്‍ട്ടി ബോഡിയില്‍ ചെയ്യിക്കേണ്ട കാര്യങ്ങള്‍ അവിടെ പറയാതെ മീഡിയയോടും പ്രസംഗത്തിലും പറഞ്ഞു ആളുകളാവുക. ഇക്കാര്യത്തില്‍ ഇരുവര്‍ക്കും പൊയ്മുഖം ആണുള്ളത്.
ReplyDeleteവള്ളിക്കുന്നിനെ പോലും ഉദ്ധേശിച്ചല്ല, പിന്നല്ലേ !!!!!!!!!
ReplyDeleteബഷീറിക്ക സൂപ്പര്‍, കിടു
ReplyDeleteithu താങ്കളെ പോലെയുള്ള എഴുത്തുകാരനില്‍ നിന്നും വായിക്കാന്‍ ആഗ്രഹിക്കുന്നതല്ല ബഷീര്‍ക്കാ..
ReplyDeleteമുക്കിനു മുക്കിനു..വി എസ്സ്..അപ്പി ഇട്ടോ..അത് പെറുക്കാന്‍ പിണറായി പോകുമോ ,അതോ കോടിയേരിയെ അയക്കുമോ..അതല്ല കുറെ പാര്‍ട്ടി സഖാക്കള്‍ കൊടിയും ബക്കറ്റും പിടിച്ചു പോകുമോ ..എന്നൊക്കെ നോക്കി പോസ്റ്റിടാന്‍ കത്ത് നിക്കാതെ..
നാടിനു കുറച്ചു ഗുണമുള്ള കാര്യങ്ങള്‍ പോസ്റ്റൂ..എന്തെല്ലാം വിഷയങ്ങള്‍ ഉണ്ട്...
Samad Karadan said...
ReplyDeleteകോമഡിക്കാര്‍ പോലും വിട്ടു കൊണ്ടിരിക്കുന്ന ഈ പ്രതിപക്ഷ നേതാവിനെ ബലൂണ്‍ പോലെ നിര്‍ത്തുന്നതില്‍ ബഷീര്‍ സാബിനും ഒരു പങ്കുണ്ടെന്ന് തോന്നുന്നു. ഇടക്കിടെ അദ്ദേഹത്തെക്കുറിച്ച് ഇടുന്ന പോസ്റ്റ്‌ എനിക്ക് ഇഷ്ടം ആയിട്ടില്ല കേട്ടോ. പാര്‍ട്ടി യുടെ ഇമേജ് തകര്‍ന്നാലും സ്വന്തം ഇമേജ് ഉയര്‍ത്തിക്കൊണ്ടു വരിക ആ നാടകം കളിക്കുന്നത് കേരളത്തില്‍ രണ്ടു പേര്‍ മാത്രമാണ്. ഒന്ന് വി.എസ്. അച്ചുതാനന്ദനും രണ്ടാമതെത് വി.എം. സുധീരനും. അവരുടെ പാര്‍ട്ടിയില്‍ പറയേണ്ട വിഷയങ്ങള്‍, സ്വന്തം പാര്‍ട്ടി ബോഡിയില്‍ ചെയ്യിക്കേണ്ട കാര്യങ്ങള്‍ അവിടെ പറയാതെ മീഡിയയോടും പ്രസംഗത്തിലും പറഞ്ഞു ആളുകളാവുക. ഇക്കാര്യത്തില്‍ ഇരുവര്‍ക്കും പൊയ്മുഖം ആണുള്ളത്.
അങ്ങനെ ബഷീര്ക്കാന്റെ ചെലവില്‍ സമദ്ക്ക സുധീരന്‍ സാറിനെക്കൂടെ ഒന്ന് താങ്ങി.. സബാഷ്...
@ Samad Karadan
ReplyDeleteവി എസ് മുഖ്യധാരയില്‍ നിറഞ്ഞു നില്‍ക്കുമ്പോള്‍ ബ്ലോഗുകളില്‍ നിന്ന് മാത്രം അദ്ദേഹത്തെ അകറ്റി നിര്‍ത്താന്‍ കഴിയുമോ? ടി വി, പത്രങ്ങള്‍ തുടങ്ങിയ മാധ്യമങ്ങളെപ്പോലെ ഇന്ന് ഏറെ പ്രസക്തമാണല്ലോ ഇന്റര്‍നെറ്റ്‌ മാധ്യമങ്ങളും. അപ്പോള്‍ രാഷ്ട്രീയ ചലനങ്ങളുടെ ചില അലയൊലികള്‍ ബ്ലോഗുകളിലും കാണുന്നു എന്നേയുള്ളൂ. ഇതൊന്നും അത്ര സീരിയസ്സായി എഴുതുന്ന പോസ്റ്റുകളല്ല. വാര്‍ത്തകള്‍ കാണുമ്പോള്‍ തോന്നുന്ന ഒരു നേരെമ്പോക്ക് എന്നേയുള്ളൂ.
പിണറായി വിജയന്‍ കഞ്ഞി കുടിക്കരുതെന്ന് പറഞ്ഞാല്‍ കഞ്ഞിന്റെ വെള്ളം മാത്രം കുടിക്കുന്ന ആളാണ് വി.എസ്. ഇയാളെ ഒതുക്കാനാണോ 18 അടവുകള്‍......പാര്‍ട്ടിക്കാര്‍ക്ക് പോലും വേണ്ടാത്ത ഇയാളെ എന്തിനാ വെറുതെ തോളിലേറ്റുന്നെ.വേറെ എന്തെല്ലാം വിഷയങ്ങളുണ്ട്. ഒന്നു മാറ്റി പിടി ബഷീര്‍ക്കാ...
ReplyDeleteകാ കാ കി കി ക്ലൂ ക്ലൂ ...വള്ളി ചേട്ടന്‍ തിരിഞ്ഞു നോക്കി. മുറ്റത്തൊരു രോമം...വി എസ് മുടി ചീകിയപ്പം പറന്നു വന്നതാ..വള്ളിക്കുന്നു ചേട്ടാ.
ReplyDeleteപിണറായി പറിച്ചെറിഞ്ഞു എന്നും പറഞ്ഞു നാളെ ഒരു പോസ്റ്റ്‌ ഇടാന്‍ മറക്കല്ലേ കേട്ടോ.. :) ഇപ്പം നല്ല മാര്‍ക്കറ്റ്‌ ആണ്ഇതിനൊക്കെ. പണ്ട് ഇന്ത്യയില്‍ ക്രിക്കറ്റ്‌ കളിക്കാന്‍ വന്നപ്പോ ഷെയ്ന്‍ വോന്‍ പറഞ്ഞാരുന്നു സ്വപ്നത്തില്‍ പോലും സച്ചിന്‍ ശല്യം ചെയ്യുന്നു എന്ന്. അത് പോലെ ആയല്ലേ ഫുള്‍ ടൈം വി എസ് മാത്രം ആണ് മനസ്സില്‍ അതൊരു നല്ല സൈന്‍ ആണ്.
This comment has been removed by the author.
ReplyDeleteകണ്ടോ കണ്ടോ ?
ReplyDeleteസൊ കാള്‍ഡ് സ്തുതി പാടകര്‍ക്ക് വരെ മടുത്തു..
ആ പിടിയങ്ങു മാറ്റിപ്പിടി ബഷീര്‍ക്കാ. . . .
സി പി എമ്മിന്റെ ബ്രാഞ്ച് സമ്മേളനങ്ങള്‍ വരാന്‍ പോവുകയാ. മനോരമയുടെ കമ്മട്ടം ഒന്നും അങ്ങോട്ട്‌ ഏല്‍ക്കുന്നില്ല. അതുകൊണ്ട് മുഖ്യധാരയുടെ ഒരു ഒന്നൊന്നൊര പരിശ്ചേതം ആയ വള്ളിക്കുന്ന് ബ്ലോഗില്‍ ഓരോ ബ്രാഞ്ച് സമ്മേളനം കഴിയുമ്പോളും ഒരു പോസ്റ്റ്‌ വീതം ഇട്ട് ഞങ്ങളെ ധന്യരാക്കണം . .
@ ആചാര്യന്‍
ReplyDeleteപല സീരിയസ്സായ വിഷയങ്ങളും ഈ ബ്ലോഗില്‍ എഴുതാറുണ്ട്. വി എസ്സിന്റെ വിഷയം എഴുതുമ്പോള്‍ മാത്രമാണ് പരാതിയുമായി പലരെയും കാണാറുള്ളത്‌ എന്ന് മാത്രം.
പിണറായി സഖാവിനു വളരെ പ്രാക്ടിക്കല്‍ ആയ ചില ഉപദേശങ്ങള്‍ കൊടുത്തതാണ്. അതില്‍ എന്നെ അഭിനന്ദിക്കുകയല്ലേ സഖാക്കളേ വേണ്ടത്?. be practical yaar..
ReplyDeleteസമ്പവം നിങ്ങള് പറഞ്ഞതൊക്കെ ഒക്കെ, പക്ഷെ ഇതുകൊണ്ടൊന്നും ചന്തു തോല്‍ക്കില്ലാ മകനേ ബഷീറിക്കാ
ReplyDeleteഅതൊരു എട്ടടി മൂര്‍ക്കഖനാണ്, തലകിട്ട് കൊടുക്കണം, അതിനുള്ള നണുവെന്നും ആ പിണറായി മുതലാളിക്കില്ലാ,
അതു കൊണ്ട് ഇനി ഒരു വഴിയേ ഒള്ളൂ
തൊളികുന്ന വഴിയില്‍ വരില്ലെങ്കില്‍, പോകുന്ന വഴിയില്‍ ശെരിക്കും തൊളിക്കുക
പക്ഷെ സി പി എം എന്നാല്‍ "കുളിക്കുന്ന കളിയല്ലാ കുളിക്കുന്ന കുളം"!!!!!
http://www.facebook.com/event.php?eid=203925729666254
ReplyDeleteആരുണ്ടിവിടെ ചോദിക്കാൻ,???????? 87 വയസ്സായതിനാൽ ഒന്നു ജനശ്രദ്ധ ആവശ്യമാണെന്ന് വി എസിന്ന് നല്ല വണ്ണം അറിയാം, 87 ആയില്ലേ ഇനി അധികം സഹിക്കേണ്ടി വരില്ലെന്ന് പിണറായിക്കും അറിയാം, അപ്പോൽ ഈ 18 അടവും വേണ്ടി വരില്ല
ReplyDeleteമറച്ച് വെച്ചിരിക്കുന്ന ഒളിയമ്പ് എടുത്തെറി.വീഴുന്നെങ്കിൽ വീഴട്ടെ. വി എസ് പാവം “ക്രൂരൻ” എന്ന് തോന്നിക്കുന്ന നല്ല രാഷ്ട്ട്രീയക്കാരൻ. ചില തോന്നലുകളിൽ പുളക്കുന്ന രാഷ്ട്ട്രീയക്കാരൻ;മറ്റ് ചിലരെ പുളപ്പിക്കും രാഷ്ട്ട്രീയക്കാരൻ ... ഇനി എന്തൊക്കെയുണ്ട് ഈ രാഷ്ട്ട്രീയക്കാരനെ കുറിച്ച് പാടി നടക്കാൻ ?
ReplyDeleteThis comment has been removed by a blog administrator.
ReplyDeleteThis comment has been removed by a blog administrator.
ReplyDeleteThis comment has been removed by a blog administrator.
ReplyDeleteThis comment has been removed by a blog administrator.
ReplyDeleteബഷീര്‍ Vallikkunnu said...
ReplyDelete>>>ഇതൊന്നും അത്ര സീരിയസ്സായി എഴുതുന്ന പോസ്റ്റുകളല്ല. വാര്‍ത്തകള്‍ കാണുമ്പോള്‍ തോന്നുന്ന ഒരു നേരെമ്പോക്ക് എന്നേയുള്ളൂ.<<<<<
ഈ ബഷീര്‍ക്കാടെ ഒരു കാര്യം..ഇങ്ങള്‍ ഞങ്ങള്‍ വായനക്കാരെ ചിരിപ്പിച്ചു കൊല്ലും!! എല്ലാവരും പിരിഞ്ഞു പോയ്കൊളീ..ബഷീര്‍ക്ക നേരം പോവാന്‍ എന്തെങ്കിലും ഒക്കെ പറയുന്നതനെന്നാ പറയുന്നത് ..
"എല്ലാം കാണുന്നവന്‍ നീയേ ചാപ്പാ , ചില സത്യങ്ങള്‍ക്ക് കണ്ടില്ലെന്നു നടിക്കുന്നതും നീയെ ചാപ്പാ!!"
(ഇതൊന്നും അത്ര സീരിയസ്സായി എഴുതുന്ന കമന്ടുകല്ല്ല്ല . പോസ്റ്റുകള്‍ കാണുമ്പോള്‍ തോന്നുന്ന ഒരു നേരെമ്പോക്ക് എന്നേയുള്ളൂ)
ആ ബാക്കിയുള്ള പതിമൂന്നു പോയിന്റുകള്‍ പുതിയ പോസ്റ്റായി ഇട്ടാല്‍ കൊള്ളം. ഏതായാലും വി എസ്സിന് ഒന്ന് വിട്ടു പിടിക്ക് ബഷീര്ക. നിങ്ങള് പോസ്റ്റ്‌ എഴുതിയാലോന്നും അയാള്‍ നന്നാവില്ല.
ReplyDeleteആ ബാക്കിയുള്ള പതിമൂന്നു പോയിന്റുകള്‍ പുതിയ പോസ്റ്റായി ഇട്ടാല്‍ കൊള്ളം. ഏതായാലും വി എസ്സിന് ഒന്ന് വിട്ടു പിടിക്ക് ബഷീര്ക. നിങ്ങള് പോസ്റ്റ്‌ എഴുതിയാലോന്നും അയാള്‍ നന്നാവില്ല.
ReplyDeleteകുഞ്ഞാലികുട്ടി സാഹിബ് മുനീറിനെ ഒതുക്കിയ രീതി കണ്ടപ്പോള്‍ എനിക്ക് തോന്നിയിരുന്നു ഇതിനു പിന്നില്‍ ഏതോ മാസ്റ്റര്‍ ബ്രെയിന്‍ ഉണ്ട് എന്ന്, വി എസിനെ ഒതുക്കാനുള്ള ബഷീര്‍ ഭായിടെ സൂത്രങ്ങള്‍ കണ്ടപ്പോളാണ് ആരായിരുന്നു അതിന്റെ പിന്നില്‍ ഉണ്ടായതെന്ന് ക്ലിയര്‍ ആയതു . സമ്മതിച്ചു നിങ്ങളൊരു അല്ല ഒന്നൊന്നര സംഭവം തന്നെ ബഷീര്‍ ഭായി ....
ReplyDeleteസ്വാതന്ത്ര്യ ദിനാശംസകള്‍... !
ReplyDeleteബഷീറിന്റെ പുതിയ പോസ്റ്റ്‌ ...ദേ..വീൻഡും വി.എസ് നെ കുറിച്ച്.ഇദ്ദേഹത്തിനു വേറെ പണിയില്ലേ....കാര്യ ഗൗരവമില്ലാത്തതിനെ കുറിച്ച് പോസ്റ്റിടാൻ ? എന്താ...ബഷീറെ,കാസർക്കോഡ്‌ ലീഗ്കാർ മുൻപു നടത്തിയ കോപ്രായത്തരത്തെ കുറിച്ച് തെളിവുകളോടെ 3 മുതിർന്ന പോലീസ് ഉദ്വോഗസ്തന്മാർ അന്വേഷണ കമ്മീഷനു മുൻപാകെ നൽകിയ മൊഴി പുറത്തായതിനെ കുറിച്ചും,തുടർന്നുള്ള കുഞ്ഞാലിയുടെ കമന്റിനെ കുറിച്ചും,അനുബന്ദ്ധമായി ലീഗ്‌ കുഞ്ഞാടുകൾ അന്വേഷ്ണ കമ്മീഷന്റെ വീട്‌ ആക്ക്രമിച്ചതിനെ കുറിച്ചും ഒരു പോസ്റ്റിടാൻ പാടില്ലേ.....?
ReplyDelete@ Ashraf
ReplyDeleteബാക്കി പതിമൂന്നെണ്ണം പോസ്റ്റായി ഇടാന്‍ ഉദ്ദേശിക്കുന്നില്ല. അഞ്ചെണ്ണം ഇട്ടിട്ടു തന്നെ ഇതാണ് പുകില്.. സ്റ്റേറ്റ് കമ്മറ്റി ബന്ധപ്പെട്ടാല്‍ നേരിട്ട് എത്തിച്ചു കൊടുക്കും.
enthokke paranchalum vs alu puliyanu ponne..ennal ummenchandi simham anu ponne.
ReplyDeleteഇപ്പോള്‍ കിട്ടിയ വാര്‍ത്ത:-
ReplyDelete..ASIA VISION EXCLUSIVE -
വിഎസിന്‍റെ മകന്‍ അരുണ്‍ കുമാര്‍ ട്രിവാന്‍ട്രത്തെ ഒരു ഹോട്ടലില്‍ നിന്നും നൂറ്റമ്പത് രൂപക്ക് ഭക്ഷണം കഴിച്ചതിന്‍റെ ബില്ലു ഞങ്ങളുടെ ചാനലിനു കിട്ടി,,,ഞങ്ങളുടെ ലേഖകന്‍റെ വളരെ സാഹസികമായ ശ്രമഫലമാ...യാണു ഈ ബില്ലിന്‍റെ കോപ്പി ഞങ്ങള്‍ക്കു കിട്ടിയത്,,, വിശദവിവരങ്ങള്‍ക്കു ഞങങളുടെ പ്രധിനിതി കുഞ്ഞാണ്ടി,ഇപ്പൊള്‍ ലൈനിലുണ്ട്,,
ശ്രി.കുഞ്ഞാണ്ടി, സത്യത്തില്‍ എന്താണു സംഭവിച്ചത്,താങ്കളെങ്ങിനെയാണാ ബില്ലു സംഘടിപ്പിച്ചത്,ഇതു മൂലം താങ്കളുടെ ജീവനു ഭീഷണിയുണ്ടൊ?
കുഞ്ഞാണ്ടി,:- ഹലോ,,വളരെ കഷ്ടപെട്ടാണു ഞാനീ ബില്ലു സംഘടിപ്പിച്ചത്.
നൂറ്റമ്പതു രൂപയുടെ ഈ ബില്ലു സംഘടിപ്പിക്കാന്‍ നൂറു രൂപ ആ ഹോട്ടലുടമക്കു കൊടുക്കേണ്ടി വന്നു,,ദയവു ചെയ്തതെന്‍റെ സാലറിയില്‍ നിന്നു കട്ട് ചെയ്യരുതെന്ന് നമ്മുടെ പ്രൊഡ്യൂസറോട് പറയണം.കൂടാതെ ഈ ബില്ലു കൊടുത്തതിനു പൂറമെ പത്തു രൂപ വെയ്റ്ററ്ക്കു ടിപ്പു കോടുക്കുന്നതും ഞാന്‍ കണ്ടു.മാത്രമല്ല ബില്ലു കോടുക്കാന്‍ വേണ്ടി അരുണ്കുമാര്‍ അഞ്ഞൂറിന്‍റെ ഒറ്റ നോട്ടാണു കൊടുത്തത്.
കുഞ്ഞാണ്ടി,,, ദയവു ചെയ്തു ലൈനില്‍ തുടരൂ,, ഈ വിഷയത്തില്‍ നമ്മളോടു പ്രതികരിക്കാന്‍ യുഡിഎഫിന്‍റെ ചില നേതാക്കള്‍ നമ്മോടൊപ്പം ടെലഫോണ്‍ ലൈനിലുണ്ട്,അവരുടെ പ്രതികരണം നമുക്കു കേള്ക്കാം,,
ശ്രി.കുഞ്ഞാലി കുട്ടി:-ഇതൊരു ബല്ലാത്ത സംഭവം തന്നെയാണ്,ഈ പൈസയുടെ ഉറവിടത്തെകുറിച്ച് സിബിഐ അന്വേഷിക്കണം.ഞമ്മള്‍ പണ്ടൊരു ഐസ്ക്രീം തിന്നപ്പോള്‍ ഇവിടെ കൊടിപിടിച്ച് നടന്നവരെവിടെയെന്നാണു ഞമ്മക്കിപ്പോ ചോയ്ക്കാനുള്ളത്.
ഉമ്മന്‍ ചാണ്ടി:- ഈ പണത്തിന്‍റെ ഉറവിടത്തെ കുറിച്ച് ജുഡീഷ്യല്‍ അന്വേഷണം വേണം.ഇതു പുറത്തു കൊണ്ടു വന്ന ഏഷ്യവിഷനു എന്റെ അഭിനന്ദനം.
ചെന്നിത്തല:- കട്ടന്‍ ചായയും കാജാബീഡിയുമായി നടന്നിരുന്ന കമ്മ്യൂണിസ്റ്റുകാര്‍ നൂറ്റമ്പതു രൂപക്കു ഭക്ഷണം കഴിച്ചു എന്നതു ഭയങ്കര സംഭവം തന്നെയാണ്.ഇതിനെതിരെ കോണ്ഗ്രസ്സ് കേരളവ്യാപകമായി പ്രകടനം നടത്തും,
പ്രതികരണങ്ങള്ക്കു നന്ദി,, സമയപരിമിതിമൂലം തല്ക്കാലം നിറുത്തുന്നു.
ഇതിനെകുറിച്ചുള്ള വിശദമായ ചര്‍ച്ച ഇന്നു രാത്രി പത്തുമണിക്ക് ന്യൂസ് അവറില
NB: ഇതിനെകുറിച്ചുള്ള വിശദമായ റിപ്പോര്‍ട്ട് ശ്രി.വള്ളിക്കുന്നു സാഹിബിന്‍റെ ബ്ലോഗില്‍ പരമ്പരയായി പ്രസിദ്ധീകരിക്കുന്നതാണ്,,,വി.എസി നെകുറിച്ച് ഗവേഷണം നടത്തി വാര്‍ത്തയുണ്ടാക്കുന്നതിനിടയില്‍ ഇത്തരമൊരു വാര്‍ത്ത പുരത്തുവന്നത് അദ്ധേഹത്തിനൊരു മുതല്‍കൂട്ടാകട്ടെ,,,,,, എല്ലാവര്‍ക്കും സ്വാതന്ത്ര്യദിനാശംസകള്‍,,,,,
@ Musthu Kuttippuram
ReplyDeleteവാര്‍ത്താവതരണം ആസ്വദിച്ചു കെട്ടോ.
@പുന്നക്കാടന്‍
ReplyDeleteഅതിനു കാസര്‍കോട്ട് എന്തു കോപ്പാ നടന്നത്.
മാര്‍കിസ്റ്റുകാര്‍ നിയമിച്ച കമ്മീഷന്റെമുന്നേ പ്രതികളായ ഉദ്യോഗസ്ഥര്‍ തങ്ങളുട് ഭാഗം ന്യായീകരിച്ചു കൊടുത്ത മൊഴി ഇടതുപക്ഷക്കാരന്‍ എന്ന് സ്വയം വിലയിരുത്തുന്ന ജഡ്ജ് നാടകം പൊളിഞ്ഞസ്ഥിതിക്ക് പാര്‍ട്ടി താല്‍പര്യപ്രകാരം പുറത്തുവിട്ടു.അല്ലാതെന്ത് ?
അതിനിടയിലൊരു തമാശ, പ്രധാന തെളിവ് " എറിയാന്‍ ഉപയോഗിച്ച കല്ല്‌ പോലീസ് പരിശോധന യില്‍ (not geologist) കാസര്‍കോട്ട് കാണപ്പെടുന്നതല്ല എവിടുനിന്നോ ഇറക്കുമതി ചെയ്തതാണെന്ന് തെളിഞ്ഞു എന്ന്".ഒസാമബിന് ലാദന്‍ തോരോബോരോയില്‍ നിന്നും അയച്ചതായിരിക്കും അല്ലപിന്നെ.
ബഷീര്‍ സാഹിബ്,
ReplyDeleteഅസ്സലാമു അലൈക്കും,
ഞാന്‍ അബ്ദുല്‍ അസീസ്‌.
ഈ ബ്ളോഗെഴുത്തില്‍ ഒരു ശിശുവാണു ഞാന്‍!
പലപ്പോഴും താങ്കളുടെ ഈ അവരണ രീതി കണ്ട്‌ എനിക്ക് അസൂയ തോന്നിപ്പോവാറുണ്ട്‌. എല്ലാ ബ്ളോഗുകളും ഒന്നിനൊന്ന് മെച്ചം!
താങ്കളുടെ ആദര്‍ശം, പാര്‍ട്ടി ഇവ എന്താണെന്ന് എനിക്കറിയില്ല. എങ്കിലും എനിക്ക് താങ്കളോട്‌ ഒരു അപേക്ഷയുണ്ട്‌! താങ്കള്‍ക്ക്‌ അതു ചെയ്യാന്‍ കഴിയുമെങ്കില്‍ അതു ഒരു പുണ്യ പ്രവര്‍ത്തിയാണെന്നതില്‍ ഒരു സംശയവുമില്ല!
കോയമ്പത്തൂര്‍ ജയിലില്‍ ഒന്‍പത്‌ വര്‍ഷം നരക യാതന അനുഭവിച്ച്‌ അവസാനം നീതിപീഠം അല്‍പ്പം പോലും ലജ്ജയില്ലാതെ നിരപരാധി എന്ന് പറഞ്ഞ്‌ വിട്ട മദനി ഇന്ന് വീണ്ടും കാരാഗ്രഹത്തിലാണു! കഴിഞ്ഞ വര്‍ഷം പരിശുദ്ധ റമളാനിലാണു മദനി ജയിലിലേക്ക്‌ പോവുന്നത്‌!താങ്കള്‍ക്ക്‌ കഴിയുമെങ്കില്‍ താങ്കളുടെ ഈ സ്വതസിദ്ധ ശൈലിയില്‍ ക്രൂരമായ രാഷ്ട്രീയ പകപോക്കലിണ്റ്റെ ഇരയായി മാറിയ ആ മനുഷ്യനെപ്പറ്റി നാലു വാക്ക്‌ എഴുതണമെന്ന് അപേക്ഷിക്കുന്നു.
ബഷീര്സാഹിബ് ഒരു കാര്യം ചെയ്യുക,,ഈ രണ്ടു സഖാക്കന്മാരെയും ഒരുമിച്ചിരുത്തി പുതിയ ആഗസ്ത് പതിനന്ജ് എന്നാ സിനിമ കാണിച്ചു കൊടുക്കുക,എന്നിട്ട് അതിലെ വലിയ സഖാവിനെയും ചെറിയ സഖാവിവെയും പോലെ ഒരു സിനിമാറ്റിക് രാഷ്ട്രീയം കളിയ്ക്കാന്‍ പറയുക ,,,,എന്നിട്റെന്കിലും അണികള്‍ കഴുതകലല്ല എന്ന് സ്വയം വിശ്വസിച്ചു സയൂജ്യമാടയട്ടെ
ReplyDeleteബാക്കി പതിമൂന്നെണ്ണം പോസ്റ്റായി ഇടാന്‍ ഉദ്ദേശിക്കുന്നില്ല. അഞ്ചെണ്ണം ഇട്ടിട്ടു തന്നെ ഇതാണ് പുകില്.. @basheer - പത്ത്‌ കമന്റുകള് കിട്ടുമ്പോള്‍ താന്‍ വലിയ ആളായി എന്നാ ധാരണ വെച്ചാണോ സ്റ്റേറ്റ് കമ്മറ്റി ബന്ധപ്പെട്ടാല്‍ നേരിട്ട് എത്തിച്ചു കൊടുക്കും എന്ന് പറഞ്ഞത്. സ്വയം എന്തൊക്കെയോ ആണെന്നുള്ള ധാരണ ആദ്യം ഒന്ന് മാറ്റൂ. എന്നിട്ട് എഴുതൂ. അപ്പോള്‍ എല്ലാം ശരിയാകും.
ReplyDelete@ ajithputhiya
ReplyDeleteഹോ അതും സീരിയസ്സായി എടുത്തോ.. എനിക്ക് വയ്യ.. ഈ സീരിയസ് രാമന്മാരെക്കൊണ്ടു തോറ്റു. ( മോനെ, ദിനേശാ. അമ്പതു കമന്റ് കണ്ടു കണ്ണ് തള്ളുന്ന ആളല്ല ഈ മംഗലശ്ശേരി നീലകണ്ഠന്‍.. ആയിരം കമന്റ് കഴിഞ്ഞപ്പോള്‍ ഇനി വേണ്ടെന്നു വെച്ച് കമന്റ് ബോക്സ് പൂട്ടിയ ആളാ... സവാരി ഗിരി ഗിരി.. )
മുന്നൂറ്റമ്പതാമത്തെ പീഠനവും, ജെ സി ബിയും, ജയിലും,പിന്നെ കുറച്ച് മസാലയും ചേര്‍നാല്‍ ഒരു രാഷ്ട്രീയ നേതാവിനുള്ള യോഗ്യതയാണെന്ന് കുറച്ചാളുകള്‍ക്ക് തോന്നുമ്പോള്‍ നേതാവിന് അതിലേറേ തോന്നും,ഒരു സംഘടനയില്‍ അങമാവുകയും ഭൂരിപക്ഷതീരുമാനത്തിനെതിരുനില്‍ക്കുകയും ആ സങ്ഹടയേയും നേത്ര്ത്തത്തേയും സംശയത്തിന്റെ നിയലില്‍ നിറുത്തി താനാണ് ശരി എന്ന് പറയുകയും ചെയ്യുന്നത് ഒരു നേതാവിനു വേണ്ട യോഗ്യതയല്ലതന്നെ ,മസാല നിറഞ്ഞ വാക്കുകള്‍ കേട്ട് ഹോ ഹു പറയാന്‍ ആളുകള്‍ കാണും ,എമ്മെല്ലെമാര്‍ കള്ളുശാപ്പില്‍ പോയിക്കാണും എന്നത് കേട്ട് ചിരിക്കാനും,പ്രായം എല്ലാറ്റിനും വേണ്ടുന്ന യോഗ്യതയല്ല.
ReplyDeleteപിണരായിക്കാണോ ബഷീര്‍ക്ക ബുദ്ധി പറഞ്ഞു കൊടുക്കുന്നത് ..ഈ ചീള് കേസ്സിനെ കൈകാര്യം ചെയ്യാന്‍ ആ എം എം ലോറന്‍സും ,ഭാസുരേന്ദ്ര ബാബുബുവും ,പിന്നെ നാമ്മടെ മാധവന്‍ കുട്ടി സാറും തന്നെ ധാരാളം .. പോളിറ്റ് ബൂറോ പറഞ്ഞു കഴിഞ്ഞു അധികം അലമ്പുണ്ടാക്കിയാ മുന്‍ പറഞ്ഞ പിള്ളേരെ കൊണ്ടും അലമ്പുണ്ടാക്കും എന്ന് . അത് ഫലിച്ചു .വാഴ്ത്തപ്പെട്ട ബെര്‍ലിന്‍ ഇപ്പോള്‍ വെറുക്കപ്പെട്ട ബെര്‍ലിന്‍ ...ഹ ഹ ഹ
ReplyDeleteഅതൊന്നും കാണാതെ ചില പിള്ളേര്‍ ഇവിടെ കിടന്നു ബഷീര്‍ക്കാടെ പോസ്റ്റ്‌ വായിച്ചു കണ്ണടച്ച് ഇരുട്ടാക്കാന്‍ ശ്രമിക്കുന്നു ..നടക്കട്ടെ നടക്കട്ടെ ..അടി പൊട്ടിക്കഴിഞ്ഞു പലയിടത്തും (ചുമ്മാ പറഞ്ഞതല്ല ,ഇവിടെ ഈ കൊച്ച് ഇടവെട്ടിയില്‍ പോലും തുടങ്ങി ... അതിന്റെ details ഒന്നും ഇപ്പോള്‍ പറയുന്നില്ല ..അതൊക്കെ അങ്ങാടി പാട്ടാണ് ) ഇരുമ്പു മറയും പ്രത്യയ ശാസ്ത്ര പിടിവാശിയുമൊക്കെ പണ്ട് . ഇപ്പൊ നമ്മക്കും കിട്ടണം പണം എന്ന ചിന്ത തന്നെ .
അവസാനത്തെ ക്ലൂവിലെ ആ അഞ്ചു ഈഴവന്മാര് നല്ല (ദു)സൂചന തന്നെയാണ്.
ReplyDeleteബാലകൃഷ്ണപിള്ളയെ ജയിലിലയച്ചതും അഞ്ചു ഈഴവന്മാര് ആയിരുന്നല്ലോ (ജഡ്ജുമാര്‍).
ഊതിവീര്പിച്ചബലൂണ്‍ ഒന്നുമല്ല ആളൊരു സംഭവമാണ്.
അദ്ദേഹത്തിന്റെ മുഖത്തിനെ സംബന്ദിച്ചുആണെങ്കില്‍ മാത്രം ബലൂണ്‍ പരാമര്‍ശം അല്പം ശരിയായിരിക്കും.
@AbduL AzeeZ
ReplyDeleteറൌഫുമായി വീണ്ടുംവീണ്ടും രഹസ്യചര്‍ച്ച നടത്തുന വി.എസ് മദനിവിഷയത്തില്‍ പൂന്തുറസിറാജിനെ കാണാന്‍ പോലും കൂട്ടാക്കിയില്ല.
മദനിയെ തോളിലേറ്റി നടന്ന പിണറായിയും അദ്ദേഹത്തെ മറന്നമട്ടാണ്.
ജയിലില്‍നിന്നും ഇറങ്ങിയതിനുശേഷം മദനിയുടെ ആട്ടക്കലാശം കണ്ട ആര്‍ക്കും മൌലവി എന്നരീതിയിലുള്ള ഒരു പരിഗണനക്കും അദ്ദേഹം
അരഹമല്ലെന്നു തോനിപ്പോവും. എന്നാലും ഒരു നിരപരാധിയും ശിക്ഷിക്കപ്പെടരുത് .
ഇ വിയെസ്സിനെ പറ്റിയും വിജയനെ പറ്റിയും പറയുന്നതിനിടക്ക് ഇ വിനീതന്റെ പാര്‍ട്ടിയും അത് പിന്തുണയ്ക്കുന്ന സര്‍ക്കാരും കാട്ടി കൂട്ടുന്ന കരയന്ഘല്‍ കാണാതെ പോകരുത്...ഹസാരയെ അറസ്റ്റ് ചെയ്തു പോലും ....നാണമില്ലേ അവര്ക് ..................
ReplyDeleteഇ വിയെസ്സിനെ പറ്റിയും വിജയനെ പറ്റിയും പറയുന്നതിനിടക്ക് ഇ വിനീതന്റെ പാര്‍ട്ടിയും അത് പിന്തുണയ്ക്കുന്ന സര്‍ക്കാരും കാട്ടി കൂട്ടുന്ന കരയന്ഘല്‍ കാണാതെ പോകരുത്...ഹസാരയെ അറസ്റ്റ് ചെയ്തു പോലും ....നാണമില്ലേ അവര്ക് ..................
ReplyDeleteഇ വിയെസ്സിനെ പറ്റിയും വിജയനെ പറ്റിയും പറയുന്നതിനിടക്ക് ഇ വിനീതന്റെ പാര്‍ട്ടിയും അത് പിന്തുണയ്ക്കുന്ന സര്‍ക്കാരും കാട്ടി കൂട്ടുന്ന കരയന്ഘല്‍ കാണാതെ പോകരുത്...ഹസാരയെ അറസ്റ്റ് ചെയ്തു പോലും ....നാണമില്ലേ അവര്ക് ..................
ReplyDeleteവീണ്ടും വിഎസ്-റഊഫ് കൂടിക്കാഴ്ച്. ഇതുംകൂടി ആ ഒതുക്കല് ലിസ്റ്റിലേക്ക് ചേര്ത്തോളൂ. ഇതും പോരെങ്കില് ഇനിയും പുതിയ വഴികള് തെളിയും. കാത്തിരുന്നു കാണാം.... നമോവാകം.....
ReplyDeleteMy blog:
http://haneec.blogspot.com
ബസരയിലേക്ക് ഈത്തപ്പഴം കയറ്റി അയക്കാന്‍ തുനിയല്ലേ ബഷീര്‍ക്കാ ...
ReplyDeleteമുനീരിനും ഷാജിക്കും എങ്ങനെ കുഞ്ഞാലിക്കുട്ടിയെ ഒതുക്കാം എന്നുകൂടി പറഞ്ഞു കൊടുക്കാമോ .....
@ MOHAMED RIYAZ
ReplyDeleteഹസാരയെകുറിച്ച് പാര്‍ടിയുടെ അഭിപ്രായം പിണറായിയുടേത് തന്നയല്ലേ. വി.എസ്ന്ടെ ത് അല്ലല്ലോ !.ഹസാരെ- ടീം ശരിക്ക് നികുതികൊടുത്താല്‍ തീരുന്നതെയുള്ളൂ ഈ നാട്ടിലെ ദാരിദ്ര്യം എന്ന് തോനിപ്പോവുന്നു.
http://www.facebook.com/#!/groups/186395474759558/
vs nu meethe oru basheerinte adavukalum falikilla. enna proverb orthal nallathu
ReplyDeleteബഷീര്‍ കാ...മന്ത്രിയാകാനുള്ള വല്ല അടവുകളും നിങ്ങളുടെ കയ്യിലുണ്ടോ ? ഉണ്ടങ്കി നമ്മുടെ മഞ്ഞളാംകുഴി അലിക്ക് അതൊന്നു പഠിപ്പിച് കൊടുക്ക്‌ ,തങ്ങളാനങ്കി പറഞ്ഞു നാണം കെടും ചെയ്തു .മ്മടെ കുഞാപ്പന്റെ ഓരോ ലീലാവിലാസങ്ങലേയ്,
ReplyDeleteBlogger NOUSHAD said...
ReplyDeleteബഷീര്‍ കാ...മന്ത്രിയാകാനുള്ള വല്ല അടവുകളും നിങ്ങളുടെ കയ്യിലുണ്ടോ ? ഉണ്ടങ്കി നമ്മുടെ മഞ്ഞളാംകുഴി അലിക്ക് അതൊന്നു പഠിപ്പിച് കൊടുക്ക്‌ ,തങ്ങളാനങ്കി പറഞ്ഞു നാണം കെടും ചെയ്തു .മ്മടെ കുഞാപ്പന്റെ ഓരോ ലീലാവിലാസങ്ങലേയ്,
August 19, 2011 6:53 AM
This comment has been removed by a blog administrator.
ReplyDeleteഅതിൽ ഈ കമന്റ്സുകളിൽ പലരും പറയുന്ന അത്രക്ക് കുഴപ്പങ്ങളൊന്നുമില്ല ട്ടോ. നമുക്ക് വി.എസ് ആയാലും,സുധീരനായാലും,പിണറായിയായാലും എഴുതുക എന്ന ഡ്യൂട്ടിയെ ഉള്ളൂ. എഴുത്തിൽ കുറ്റങ്ങളുണ്ടോ എന്നു നോക്കിയാ പോരേ ? നന്നായണ്ണു ട്ടോ. ഞാൻ ആദ്യായിട്ടാ, ഇനി തുടർച്ചയായി നോക്കിക്കൊള്ളാം.
ReplyDelete