May 21, 2011

ബിന്‍ലാദിന്‍ : മിത്തും യാഥാര്‍ത്ഥ്യവും

ഉസാമ ബിന്‍ലാദിന്റെ മരണം സൃഷ്ടിച്ച വൈകാരിക പ്രതികരണങ്ങള്‍ ഏതാണ്ട് കെട്ടടങ്ങിയിട്ടുണ്ട്. അയാളെ പിടികൂടി വധിച്ചതിനെക്കുറിച്ച അമേരിക്കന്‍ ഭാഷ്യത്തിന്റെ വിശ്വാസ്യതയും ശരിതെറ്റുകളും ചികയുന്നതിനേക്കാള്‍ ലോക സമാധാനത്തിന് ഈ വാര്‍ത്ത എന്ത് സംഭാവന നല്‍കുന്നു എന്ന് ചിന്തിക്കുന്നതായിരിക്കും ഉചിതം. അധിനിവേശങ്ങളും യുദ്ധങ്ങളും ഏറെകണ്ട കഴിഞ്ഞ നൂറ്റാണ്ടിന്റെ രാഷ്ട്രീയ പരിസരത്തു നിന്ന് നോക്കിയാല്‍ സെപ്തംബര്‍ പതിനൊന്ന് വര്‍ത്തമാനകാല ചരിത്ര ഗതിയെ നിര്‍ണായകമായി സ്വാധീനിച്ച ഒരു സംഭവമാണ് എന്ന് കാണാം.

ഉസാമ ബിന്‍ലാദിന്‍ സുപ്രിം കമാണ്ടര്‍ ആയ അല്‍ഖായിദ എന്ന ഭീകര പ്രസ്ഥാനത്തിന്റെ ശക്തിയെന്തെന്ന് ലോകത്തിന് മനസ്സിലാക്കാന്‍ അത് വഴി സാധിച്ചു എന്നത് ശരിയാണ്. എന്നാല്‍ അതിനെക്കാള്‍ അതിന്  ചരിത്രപരത നേടിക്കൊടുത്തത് സാമ്രാജ്യത്വ ശക്തികള്‍ ആ സംഭവത്തെ ഉപയോഗപ്പെടുത്തിയ രീതിയാണ്. പത്തു വര്‍ഷത്തിലധികമായി മധ്യേഷ്യയുടെയും പശ്ചിമേഷ്യയുടെയും രാഷ്ട്രീയ ഭൂമികയില്‍ അസമാധാനവും അസ്ഥിരതയും വിതച്ചുവെന്നതാണ് സെപ്തംബര്‍ പതിനൊന്നിന്റെ രാഷ്ട്രീയ പ്രസക്തി. ന്യൂയോര്‍ക്കില്‍ പൊലിഞ്ഞു പോയ മൂവായിരം മനുഷ്യ ജീവനേക്കാള്‍ പ്രസക്തി ഈ പത്തു വര്‍ഷത്തിനിടക്ക് അധിനിവേശവും യുദ്ധവും വഴി മരിച്ച ഒരു ലക്ഷത്തോളം പേര്‍ക്കുണ്ട്. മരിച്ചവന്റെ മതവും ജാതിയും മാറ്റിനിര്‍ത്തിയാല്‍ ഗണിതശാസ്ത്രത്തിന്റെ സിമ്പിള്‍ ലോജിക് അത്തരമൊരു പ്രസക്തിയെ തള്ളിക്കളയില്ല. സെപ്തംബര്‍ പതിനൊന്നിന്റെ സംഭവ ബഹുലമായ പരിണിതി പോലെ ബിന്‍ലാദിന്റെ മരണത്തെക്കാള്‍ പ്രസക്തിയിരിക്കുന്നത് ഈ മരണത്തെ വാഷിങ്ങ്ടന്‍ എങ്ങനെ ഉപയോഗപ്പെടുത്തുന്നു എന്നതിനാണ്.


അമേരിക്ക അതിന്റെ സാമ്രാജ്യത്വ താത്പര്യങ്ങള്‍ സംരക്ഷിച്ചു നിര്‍ത്തുവാന്‍ എക്കാലത്തും ശത്രുപക്ഷത്ത്  ഒരു ഭീകര രൂപത്തെ പ്രതിഷ്ഠിച്ചിട്ടുണ്ട്. ഈ പ്രതിഷ്ഠ അവരുടെ സൈനിക മുന്നൊരുക്കങ്ങള്‍ക്കും ഫണ്ടിംഗ് മെക്കാനിസത്തിനും അനിവാര്യമായ ഒന്നാണ്. ഏറെക്കാലം ആ പ്രതിഷ്ഠ സോവിയറ്റ് യൂണിയന്‍ ആയിരുന്നു. സോവിയറ്റ് യൂനിയന്‍ എന്ന ഭീകര രാഷ്ട്രത്തെക്കുറിച്ച് നിറം പിടിപ്പിച്ച കഥകള്‍ ഉണ്ടാക്കുക എന്നതായിരുന്നു ഒരു കാലത്തെ അമേരിക്കന്‍ ഇന്റലിജന്‍സിന്റെ പ്രധാന പണി. അതില്‍ അവര്‍ വിജയിക്കുകയും ചെയ്തു. സോവിയറ്റ് യൂണിയന്റെ തകര്‍ച്ചക്ക് ശേഷം പല കാലങ്ങളില്‍ പല ശത്രുക്കളെ വാഷിങ്ടണ്‍ മാറി മാറി പരീക്ഷിച്ചു നോക്കിയിട്ടുണ്ട്. ഇറാന്‍, ക്യൂബ, സദ്ദാം ഹുസൈന്‍ തുടങ്ങിയവരൊക്കെ ആ പട്ടികയില്‍ പലപ്പോഴായി കയറിയിറങ്ങിയവരാണ്. ഈ പട്ടികയില്‍ അവസാനം ഇടം പിടിച്ചയാളാണ് ബിന്‍ലാദിന്‍. പട്ടികയിലെ മുന്‍ഗാമികളെ അപേക്ഷിച്ച് ബിന്‍ലാദിന് കൃത്യമായ ഒരു ബിംബവത്കരണം നടത്തുവാന്‍ സെപ്റ്റംബര്‍ പതിനൊന്ന് അമേരിക്കയെ സഹായിച്ചു എന്ന് വേണം പറയാന്‍.

സദ്ദാം ഹുസൈന്റെ ഭീകര ബിംബവത്കരണത്തിന് കൂട്ട നശീകരണയുധങ്ങള്‍ എന്ന അതിസാങ്കല്പിക മിത്തിനെ ഉപയോഗപ്പെടുത്തിയ പോലെ അല്‍ഖായിദയുടെ ബിംബവത്കരണത്തിന് ലോകത്തിന്റെ വിവിധ കോണുകളില്‍ നിന്ന് വേണ്ടത്ര 'തെളിവുകള്‍ ' ശേഖരിക്കുവാന്‍ അമേരിക്കക്ക് സാധിച്ചു. അധിനിവേശത്തിനെതിരെ സ്വാതന്ത്ര്യ പോരാട്ടം നയിക്കുന്ന ഫലസ്തീന്‍ പോരാളികളെപ്പോലും ഒരു വേള അല്‍ഖായിദയുടെ ടെററിസ്റ്റ് നെറ്റ് വര്‍ക്കുകളുടെ കൂട്ടത്തില്‍ എഴുതിച്ചേര്‍ക്കുകയുണ്ടായി!. തെളിവുകള്‍ക്ക് ശക്തി പകരുന്നതിന് പരോക്ഷ സഹായകമായി നിരവധി സാഹിത്യങ്ങളും ഹോളിവുഡ് സിനിമകളും നിര്‍മിക്കപ്പെട്ടു. ഇത്തരം കൊണ്ടുപിടിച്ച പ്രചാരണങ്ങളുടെ ഫലമായി ബിന്‍ലാദിന്‍ എന്ന പ്രതീകം ന്യൂയോര്‍ക്കിലെ സ്റ്റാച്യു ഓഫ്  ലിബര്‍ട്ടിയെക്കാള്‍ വ്യാപ്തിയിലും ഉയരത്തിലും ഓരോ അമേരിക്കക്കാരന്റെയും മനസ്സില്‍ ഭീതിയോടെ പ്രതിഷ്ഠിക്കപ്പെട്ടു. ബിന്‍ലാദിന്‍ കൊല്ലപ്പെട്ടു എന്ന വാര്‍ത്ത അമേരിക്കന്‍ തെരുവുകളില്‍ സൃഷ്‌ടിച്ച ആഹ്ലാദാരവങ്ങള്‍ അവരുടെ മനസ്സില്‍ പ്രതിഷ്ഠിക്കപ്പെട്ട ഭീതിയുടെ ആഴത്തെക്കൂടി വെളിപ്പെടുത്തുന്നുണ്ട്. ഒന്നര പതിറ്റാണ്ടിന്റെ നിരന്തര ശ്രമഫലമായി വളര്‍ത്തിക്കൊണ്ടുവരപ്പെട്ട തീവ്രവാദത്തിന്റെ (ബിന്‍ലാദിന്‍ ) സ്വത്വവത്കരണത്തെ ഇനി അമേരിക്ക എന്ത് ചെയ്യുന്നുവെന്നതിനെക്കൂടി ആശ്രയിച്ചാണ് 'ഭീകരതക്കെതിരായ യുദ്ധത്തിന്റെ' ഭാവി നിലകൊള്ളുന്നത്. അറബിക്കടലില്‍ താഴ്ത്തപ്പെട്ട ബിന്‍ലാദിന്റെ ഭൌതിക ശരീരത്തോടൊപ്പം അത് ചരിത്രത്തിന്റെ വിസ്മൃതിയിലേക്ക് പോകുമോ അതല്ല അല്‍ഖായിദയുടെ മറ്റൊരു നേതാവിലേക്ക് അറ്റ്ലാന്റിക് തീരം വഴി അത് ഉയിര്‍ത്തെഴുന്നേല്‍പ്പിക്കപ്പെടുമോ എന്ന് പറയുക വയ്യ.


സോവിയറ്റ് അധിനിവേശത്തിനെതിരെയുള്ള അഫ്ഗാന്‍ ചെറുത്തുനില്പിന്റെ ഉത്പന്നമാണ് ഉസാമ ബിന്‍ലാദിന്‍ എന്ന ചെറുപ്പക്കാരന്‍. സായുധ പോരാട്ടത്തിന്റെ വഴികളില്‍ എങ്ങനെയോ എത്തിപ്പെട്ട ഒരു  ചെറുപ്പക്കാരനില്‍ നിന്നും അടിത്തറയുള്ള ഒരു തീവ്രവാദഗ്രൂപ്പിന്റെ തലപ്പത്തേക്കുള്ള പ്രയാണത്തില്‍ അയാള്‍ക്ക്‌ വെള്ളവും വളവും നല്‍കിയത് സി ഐ എ ആണ്. ഒസാമയെന്ന യാഥാര്‍ത്ഥ്യത്തില്‍ നിന്ന് സാമ്രാജ്യ ശക്തികള്‍ ഇന്ന് സൃഷ്ടിച്ചെടുത്ത മിത്തിലേക്ക് അയാള്‍ വളര്‍ന്നതിന്റെ ചരിത്രം ഇനിയും പഠന വിധേയമാക്കേണ്ടതായിട്ടാണിരിക്കുന്നത്. 'ഒസാമാനന്തര ലോകക്രമ'ത്തില്‍ ഭീകരരൂപിയായ ഒരു പ്രതിയോഗിയുടെ കുറവ് അമേരിക്കയെ വല്ലാതെ അലട്ടുമെന്നത് ഉറപ്പാണ്. അതുകൊണ്ട് തന്നെ വരുംനാളുകളില്‍ വൈറ്റ് ഹൗസിനുള്ളിലെ മിലിട്ടറി ക്യാന്‍വാസില്‍ വരയ്ക്കപ്പെടുന്ന പ്രതിരൂപത്തിന് ഏറെ പ്രസക്തിയുണ്ടാവും. ആ ചിത്രത്തിന് അഹ്മദി നജാദിന്റെയോ മുഅമ്മര്‍ ഗദ്ദാഫിയുടെയോ രൂപം ഉണ്ടാകുമോ അതല്ല ലോകത്തിന്റെ മറ്റേതെങ്കിലും കോണില്‍ നിന്ന് പുതുമുഖങ്ങള്‍ കടന്നു വരപ്പെടുമോ എന്ന് ഇപ്പോള്‍ പറയുക വയ്യ.  ഒസാമയെ കൊല്ലുന്നതിനു മുമ്പ് തന്നെ ഈ ദിശയിലുള്ള തിരക്കഥകള്‍ അണിയറയില്‍ ചെയ്തു കഴിഞ്ഞിരിക്കാന്‍ ഇടയുണ്ട്. പടം അഭ്രപാളിയില്‍ പ്രത്യക്ഷപ്പെടുന്നത് വരെ അതിന്റെ ട്വിസ്റ്റുകളും  ക്ലൈമാക്സും രഹസ്യമായിരിക്കുമെന്നു മാത്രം.   

വര്‍ഷങ്ങളായി ഒസാമയുടെ താവളം 'ഡീപ് ഇന്‍സൈഡ് പാക്കിസ്ഥാന്‍ ' ആയിരുന്നുവെന്നത്‌ തീര്‍ച്ചയായും ഈ മേഖലയിലെ രാഷ്ട്രീയ ചൂട് താഴാതെ നില്‍ക്കാന്‍ മതിയായ കാരണമാണ്. അബോട്ടാബാദിലെ പാക്കിസ്ഥാന്‍ മിലിട്ടറി കേന്ദ്രത്തിനു വിളിപ്പാടകലെയുള്ള ഒരു ബഹുനിലക്കെട്ടിടത്തില്‍ ലോകത്തിലെ 'മോസ്റ്റ്‌ വാണ്ടഡ് ടെററിസ്റ്റ്' സുരക്ഷിതമായിക്കഴിഞ്ഞു എന്നത് പാക്കിസ്ഥാനെക്കാള്‍ തലവേദന സൃഷ്ടിക്കുക അമേരിക്കക്ക് തന്നെയായിരിക്കും. അല്‍ഖായിദക്കെതിരെയുള്ള പോരാട്ടത്തിലെ 'സ്ട്രാറ്റജിക്ക് പാര്‍ട്ട്നറുമായി' യുദ്ധം പ്രഖ്യാപിക്കണോ അതോ ബാന്ധവം തുടരണമോ എന്ന് തീരുമാനിക്കേണ്ടത് അമേരിക്കയാണ്. വന്‍ ശക്തികളും പാക്കിസ്ഥാന്റെ അയല്‍ക്കാരുമായ  ഇന്ത്യയും ചൈനയുമായുള്ള  അമേരിക്കന്‍ ശാക്തിക താത്പര്യങ്ങളുടെ തന്ത്രപരതയെക്കൂടി ആശ്രയിച്ചായിരിക്കും ഈ വിഷയത്തില്‍ ഒരു തീരുമാനമുണ്ടാകുക. പാക്കിസ്ഥാനുമായുള്ള ചങ്ങാത്തം പെട്ടെന്ന് അവസാനിപ്പിക്കാന്‍ പറ്റിയ രാഷ്ട്രീയ സാഹചര്യമല്ല നിലവിലുള്ളത് എന്ന് ചുരുക്കം.

അഫ്ഗാനില്‍ നിന്ന് ചുളുവില്‍ തടിയൂരാന്‍ ബിന്‍ലാദിന്റെ കൊല ഒബാമയെ സഹായിച്ചേക്കും. അടുത്ത വര്‍ഷം നടക്കുന്ന പ്രസിഡണ്ട്‌ തിരഞ്ഞെടുപ്പില്‍ ഒരു രണ്ടാമൂഴവും ബിന്‍ലാദിന്റെ മരണാന്തര സമ്മാനമായി ഒബാമക്ക് കിട്ടാനിടയുണ്ട്. ഈ വരുന്ന ജൂലൈ മാസമാണ് അഫ്ഗാനില്‍ നിന്നുള്ള സേനാ പിന്മാറ്റത്തിന്റെ സമയമായി ഒബാമ മുമ്പ് പ്രഖ്യാപിച്ചിട്ടുള്ളത്. ഒരു ലക്ഷം അമേരിക്കക്കാരടക്കം ഏതാണ്ട് ഒന്നര ലക്ഷം വിദേശ സൈനികരാണ് ഇപ്പോള്‍ അഫ്ഗാനില്‍ ഉള്ളത്. പത്തു വര്‍ഷത്തെ അഫ്ഗാന്‍ അധിനിവേശം പതിനായിരങ്ങളുടെ ജീവന്‍ ഒടുക്കി എന്നതൊഴിച്ചാല്‍ ആ മലയിടുക്കുകളില്‍ പ്രത്യേകിച്ചൊരു മാറ്റവും വരുത്തിയില്ല എന്നത് സത്യമാണ്. ബോംബുകളും സ്ഫോടനങ്ങളും ഇപ്പോഴും തുടര്‍ന്ന് കൊണ്ടിരിക്കുന്നു. കാണ്ടഹാറില്‍ താലിബാന്‍ ഇപ്പോഴും ശക്തരാണ്. കഴിഞ്ഞ മുക്കാല്‍ നൂറ്റാണ്ടിനിടക്ക് പടിഞ്ഞാറന്‍ ശക്തികള്‍ മൂന്നാം ലോക രാജ്യങ്ങളില്‍ നിരവധി പോരാട്ടങ്ങള്‍ നടത്തിയിട്ടുണ്ട്. പൂര്‍ണമായ അര്‍ത്ഥത്തില്‍ അതിലേതെങ്കിലും ഒന്നില്‍ അവര്‍ വിജയിച്ചിട്ടില്ല. തോറ്റു തൊപ്പിയിട്ടു തിരിച്ചു പോരുമ്പോഴും വിജയം പ്രഖ്യാപിക്കുക എന്ന ഒരു മിനിമം സ്ട്രാറ്റജിയാണ് നാളിതുവരെ അവര്‍ സ്വീകരിച്ച് പോന്നിട്ടുള്ളത്. വിയറ്റ്നാമില്‍ ഹെന്‍റി കിസ്സിഞ്ചറും ഇറാഖില്‍ ബുഷും പ്രയോഗിച്ചത് ഇതേ അടവായിരുന്നു. ഒബാമയെ സംബന്ധിച്ചിടത്തോളംബിന്‍ലാദി ന്റെ കൊല തന്റെ മുന്‍ഗാമികളെക്കാള്‍ മെച്ചപ്പെട്ട ഒരു ന്യായീകരണം പറയാന്‍ അവസരമൊരുക്കിയേക്കും എന്നതൊഴിച്ചാല്‍ ഇറാഖും വിയറ്റ്നാമും അഫ്ഗാനുമെല്ലാം ചരിത്ര പ്രയാണത്തില്‍ യു എസ് സേനയുടെ 'വാട്ടര്‍ ലൂ' പട്ടികയില്‍  ഇടം പിടിക്കുമെന്നതില്‍ തര്‍ക്കമില്ല.


പുതിയ സി ഐ എ മേധാവി ഡേവിഡ്‌ പെട്രോസിന്റെ കണക്കുകള്‍ പ്രകാരം അഫ്ഗാനിസ്ഥാനില്‍ നൂറ് അല്‍ഖായിദ പോരാളികള്‍ മാത്രമാണ് ഉള്ളത്!. ഒബാമ അധികാരത്തില്‍ വന്ന ശേഷം അഫ്ഗാനിസ്ഥാനിലെ യു എസ് സൈനികരുടെ എണ്ണം ഇരട്ടിയാക്കിയിട്ടുണ്ട്. സൈനിക ഫണ്ടും കുത്തനെ കൂട്ടി. ഒരു തമാശക്ക് വേണ്ടി പോരാളികളുടെ എണ്ണത്തെക്കുറിച്ചുള്ള പെട്രോസ് തിയറി ശരിവെച്ചു കണക്കു കൂട്ടിയാല്‍ ഒരു അല്‍ഖായിദ പോരാളിയെ നേരിടാന്‍ അമേരിക്ക ഒരു വര്‍ഷം ഒന്നര ബില്യന്‍ ഡോളര്‍ ചിലവിടുന്നുണ്ട്‌!!. ഒസാമ പോയാലും ബാക്കിയുള്ള ഓരോ പോരാളിക്കും അമേരിക്കന്‍ സാമ്പത്തിക ശാസ്ത്രത്തില്‍ വലിയ സ്ഥാനമാണ് ഉള്ളത് എന്ന് ചുരുക്കം!!.

അപ്രായോഗികവും പ്രാകൃതവുമായ ഒരു ഏറ്റുമുട്ടലിന്റെ രീതിയാണ് സാമ്രാജ്യത്വ സമീപനങ്ങളോടുള്ള ചെറുത്തു നില്‍പ്പിന് ഉസാമ ബിന്‍ലാദിന്‍ സ്വീകരിച്ചത്. ഇസ്ലാമിക വിശ്വാസവുമായോ അതിന്റെ മാനുഷിക നിലപാടുകളുമായോ വിദൂര ബന്ധം പോലുമില്ലാത്ത ഒരു പോരാട്ടരീതിയെ മതത്തിന്റെ ലേബലില്‍ വിറ്റഴിക്കാനുള്ള ബാലിശമായ ശ്രമമാണ് അയാള്‍ നടത്തിയത്. ഇസ്‌ലാമിന്റെ സമാധാന പ്രതിച്ഛായയെ ലോകത്തിനു മുന്നില്‍ ഇത്രയധികം പരിക്കേല്പിച്ച മറ്റൊരാളെ ഈ നൂറ്റാണ്ടില്‍ നമുക്ക് കണ്ടെത്താന്‍ കഴിയില്ല. വന്‍ശക്തികളുടെ അധിനിവേശ നീക്കങ്ങളുടെ തിക്തഫലം വേണ്ടത്ര അനുഭവിച്ച അറബ് ലോകത്ത് നിന്ന് തുടക്കത്തില്‍ ചില പിന്തുണകള്‍ അദ്ദേഹത്തിനു ലഭിച്ചെങ്കിലും നിരപരാധികളായ മനുഷ്യ ജീവനുകളെ കൊന്നൊടുക്കിക്കൊണ്ടുള്ള ചോര മണക്കുന്ന ഒരു ചെറുത്തുനില്‍പ്പിന്റെ അപകടം അറബ് ജനത എളുപ്പത്തില്‍ തിരിച്ചറിഞ്ഞു എന്ന് വേണം പറയാന്‍. എത്ര ഉദാത്തമായ ലക്‌ഷ്യത്തിനു വേണ്ടിയാണെന്ന് അവകാശപ്പെട്ടാലും നിരപരാധിയായ ഒരു മനുഷ്യന്റെ രക്തം ചിന്തുവാന്‍ ഇസ്ലാം ആര്‍ക്കും ലൈസന്‍സ് നല്‍കുന്നില്ല എന്ന് തിരിച്ചറിയാന്‍ വലിയ മത പാണ്ഡിത്യത്തിന്റെ ആവശ്യമില്ല. ബിന്‍ലാദിനെയും അദ്ദേഹത്തിന്റെ തീവ്ര സമീപനങ്ങളെയും അറബ് ജനത തീര്‍ത്തും കയ്യൊഴിഞ്ഞ ഒരു ചരിത്ര മുഹൂര്‍ത്തത്തിലാണ് അദ്ദേഹം കൊല്ലപ്പെടുന്നത്. അതുകൊണ്ട് തന്നെയാണ് ഒസാമയുടെ അന്ത്യത്തില്‍ കണ്ണീര്‍ വാര്‍ക്കുവാന്‍ അധികമാളുകളെ കിട്ടാതിരുന്നതും. മൃതശരീരം കടലില്‍ താഴ്ത്തി ഇസ്ലാമിക മതവിധി ഞങ്ങള്‍ സംരക്ഷിച്ചു എന്ന് പറഞ്ഞ അമേരിക്കന്‍ പരിഹാസത്തിനെതിരെ മാത്രമാണ് അറബ് ലോകത്ത് പ്രതിഷേധം ഉയര്‍ന്നത്. 

അറബ് ലോകത്ത് ഇപ്പോള്‍ വീശിക്കൊണ്ടിരിക്കുന്ന മാറ്റത്തിന്റെ കാറ്റ് തെളിയിക്കുന്ന പ്രധാന വസ്തുത അല്‍ഖായിദയും ബിന്‍ലാദിനും ഉയര്‍ത്തിയ പ്രത്യയ ശാസ്ത്ര സമീപനങ്ങള്‍ക്ക് എതിര്‍ ദിശയിലാണ് പൊതുസമൂഹത്തിന്റെ പ്രതികരണ രീതി വളര്‍ന്നു വരുന്നത് എന്നാണ്. സാമൂഹിക മാറ്റം വരുത്തേണ്ടത് കലാഷ്നിക്കോവ് തോക്കിലൂടെയോ ചാവേര്‍ ബോംബുകളിലൂടെയോ അല്ലെന്നും രക്തരഹിത പ്രതിഷേധ സമരങ്ങള്‍ക്ക് അവ സാധിച്ചെടുക്കാന്‍ കഴിയുമെന്നും അറബ് ലോകത്തെ യുവാക്കള്‍ കാണിച്ചു കൊടുത്തു. ഈജിപ്തിലെ സ്വാന്തന്ത്ര്യ ചത്വരത്തില്‍ നിന്ന് കനത്ത പ്രഹരം ലഭിച്ചത് ഹുസ്നി മുബാറക്കിന് എന്ന പോലെ ഒസാമ ബിന്‍ ലാദിന് കൂടിയാണ്. തോക്കെടുക്കൂ വിപ്ലവം നടത്തൂ എന്ന അദ്ദേഹത്തിന്‍റെ ഭ്രാന്തമായ ആഹ്വാനങ്ങളെ ചെങ്കടലില്‍ തള്ളിയ യുവസമൂഹമാണ് അറബ് ലോകത്ത് മാറ്റത്തിന്റെ കാറ്റ് കൊണ്ട് വന്നത്. ബോംബിലും ചോരയിലുമല്ല വിപ്ലവം ഉള്ളത് എന്നും യുവത്വത്തിന്റെ നിശ്ചയദാര്‍ഢ്യവും മനക്കരുത്തുമാണ് അതിന്റെ ചാലക ശക്തികളെന്നും തിരിച്ചറിഞ്ഞ ഒരു സമൂഹത്തില്‍ ഒസാമ ബിന്‍ലാദിനു വേണ്ടി കണ്ണീര്‍ വാര്‍ക്കാന്‍ ആളെക്കിട്ടാഞ്ഞത് തികച്ചും സ്വാഭാവികമാണ്.  തീവ്രവാദ സമീപനങ്ങളുടെ പരിണിതി എന്തായിരിക്കുമെന്നതിനെക്കുറിച്ച് വ്യക്തമായ ഒരു ധാരണ മുസ്ലിം ചെറുപ്പക്കാര്‍ക്ക് ലഭിക്കുവാന്‍ ഒസാമയുടെ ദാരുണമായ ജീവിതവും അന്ത്യവും ഒരു കാരണമാകുമെന്ന് നമുക്ക് പ്രത്യാശിക്കാം.

ശബാബ് വാരികക്ക് വേണ്ടി എഴുതിയ ലേഖനം. Published on May 20, 2011
Related Topics
ഒസാമയില്‍ നിന്ന് പഠിക്കേണ്ടത്
വിക്രമന്‍ ഏലിയാസ് വിക്കിലീക്സ്
ഒബാമ എനിക്കയച്ച ഇമെയില്‍

41 comments:

  1. പാശ്ചാത്യര്‍ മറ്റൊരു ലാദനേ ജനിപ്പിക്കതിരിക്കട്ടെയ് ...

    ReplyDelete
  2. ബഷീര്ക വളരെ നല്ല ലേഖനം. ഇതിനു വായനക്കാരും കമന്ടടിക്കാരും കുറവായിരിക്കും. എന്നാലും ഇടയ്ക്കിടെ ഇതുപോലുള്ള സീരിയസ് എഴുത്ത് നിര്‍ത്തരുത്. ബ്ലോഗില്‍ വരുന്നതിനു മുമ്പ് ഇതുപോലുള്ള ലേഖനങ്ങളിലൂടെയാണ് നിങ്ങളെ പരിചയപ്പെടുന്നത്.

    ReplyDelete
  3. ബഷീര്ക വളരെ നല്ല ലേഖനം. ഇതുപോലുള്ള സീരിയസ് എഴുത്ത് നിര്‍ത്തരുത്.

    ReplyDelete
  4. സത്യസന്ധമായ വിലയിരുത്തല്. നന്ദി

    ReplyDelete
  5. ബഷീര്‍ സാഹിബ്‌, ഇത് പോലെയുള്ള ഈടുറ്റ ലേഖനങ്ങള്‍ ആണ് താങ്കളെ വേറിട്ട്‌ നിര്‍ത്തുന്നത്.വായനക്കാരന് ധാരാളം കാര്യങ്ങള്‍ മനസ്സിലാക്കാന്‍ സഹായിക്കുന്ന തരത്തിലുള്ള ഈ പോസ്റ്റ്‌ എല്ലാം കൊണ്ടും വേറിട്ട്‌ നിര്‍ത്തുന്നു.എല്ലാ ആശംസകളും.

    ReplyDelete
  6. @ Ashraf
    അതെനിക്കറിയാം. ഇത്തരം പോസ്റ്റുകള്‍ക്ക് കമന്റുകള്‍ തീരെ പ്രതീക്ഷിക്കാറില്ല. പൊതുവേ കമന്റുകളുടെ എണ്ണത്തില്‍ വല്ലാതെ ശ്രദ്ധിക്കുന്ന ഒരു പരിപാടി എനിക്കില്ല. ഒരു പോസ്റ്റ്‌ എഴുതിക്കഴിഞ്ഞാല്‍ അടുത്ത പോസ്റ്റിലേക്ക് പോവുകയാണ് പതിവ്. കൂടുതല്‍ കമന്റ് വന്നാല്‍ പോസ്റ്റിനു എന്തോ തകരാറുണ്ട് എന്ന് വേണം കരുതാന്‍ :). കമന്റുകള്‍ ശ്രദ്ധിക്കാറില്ല എന്ന് ഇതിനു അര്‍ത്ഥമില്ല കെട്ടോ. ബ്ലോഗുകളുടെ പ്രത്യേകത തന്നെ വായനക്കാരുമായുള്ള സംവേദനം ആണ്. വിഷയത്തിന്റെ സീരിയസ്നെസ്സുമായി കമന്റുകളുടെ എണ്ണത്തിനു ബന്ധമില്ല എന്നാണു ഉദ്ദേശിച്ചത്.

    @ SHANAVAS
    ശരിയാണ്. വേറിട്ട ചില വായനകളും വല്ലപ്പോഴും വേണമല്ലോ. അഭിപ്രായത്തിന് നന്ദി.

    ReplyDelete
  7. This comment has been removed by the author.

    ReplyDelete
  8. ലേഖനം നന്നായിട്ടുണ്ട്..എങ്കിലും വായിച്ചും കേട്ടും മടുത്ത വിഷയം..ബിന്‍ ലാദിന്‍ എന്ന് കേള്‍ക്കുമ്പോഴേ ചതുര്‍ഥി.....

    ReplyDelete
  9. കാര്യങ്ങളെ നേരാംവണ്ണം വിലയിരുത്തുന്നു ബഷീര്‍ വള്ളിക്കുന്ന് ഈ ലേഖനത്തില്‍. ഒരു സ്വന്തന്ത്ര ചിന്തകന് മാത്രമേ സാഹചര്യങ്ങളില്‍ നിന്നു ഊഹിച്ചെടുക്കുന്ന ഏകപക്ഷീയമായ വിഴുപ്പലക്കലല്ലാതെ, കേട്ടു തഴമ്പിച്ച വാഴ്പാട്ടുകളുടെ ഏറ്റുപാട്ടല്ലാതെ വൈകാരിക തലത്തിനപ്പുറം വിഷയാധിഷ്ടിതമായ ശരിയായ വിലയിരുത്തല്‍ സാധ്യമാകൂ. അതിനു മാത്രമേ ശരിയായ ദിശാബോധം വായനക്കാര്‍ക്ക് നല്‍കാനാവൂ.

    ഇവിടെ വിരികല്‍ക്കിടയിലൂടെ സത്യത്തിന്‍റെ പാതയില്‍ യാഥാര്‍ത്ഥ്യ ബോധത്തോടെ നേരുകള്‍ വിളിച്ചു പറഞ്ഞുകൊണ്ട് സഞ്ചരിക്കാന്‍ ലേഖകന്‍ പരമാവധി ശ്രമിക്കുന്നു. ഈ നിരീക്ഷണപാടവവും വെട്ടിത്തുറന്നു പറയാനുള്ള ചങ്കൂറ്റവും അഭിനന്ദനം അര്‍ഹിക്കുന്നു.

    കേവലം ബ്ലോഗുകളുടെ ട്രെന്റുകള്‍ക്കനുസരിച്ച് എഴുതുകയാണ് ബഷീറിന്റെ പതിവെങ്കിലും ഈ എഴുത്തുകാരന്‍ന്‍റെ പ്രൊഫണലിസം ബോധ്യപ്പെടുക ഇങ്ങിനെ വല്ലപ്പോഴും ട്രാക്ക് മാറുമ്പോള്‍ മാത്രമാണ്. ധാരാളം ഈടുറ്റ ലേഖനങ്ങള്‍ അങ്ങിനെ ബ്ലോഗിന് പുറത്തു (പ്രിന്റു മീഡിയകളില്‍) ഞാന്‍ വായിച്ചിട്ടുണ്ട്. വല്ലപ്പോഴും ബ്ലോഗിലും അതാവാം എന്നെ പറയാനുള്ളൂ.

    ReplyDelete
  10. വളരെ പ്രസക്തമായ ലേഖനം.
    മടുപ്പിക്കുന്ന രാഷ്ട്രീയ-സാമുദായിക-വിവാദ പോസ്റ്റുകളില്‍ നിന്ന് ഇടക്കിടക്ക് ഇത്തരം കാര്യഗൌരവമുള്ള പോസ്റ്റുകള്‍ വായനക്കാരന് ആശ്വാസം നല്‍കും.

    ReplyDelete
  11. @ Akbar
    "കേവലം ബ്ലോഗുകളുടെ ട്രെന്റുകള്‍ക്കനുസരിച്ച് എഴുതുകയാണ് ബഷീറിന്റെ പതിവെങ്കിലും"

    ഈ പറഞ്ഞത് അക്ഷരംപ്രതി ശരിയാണ്. വളരെ മയപ്പെടുത്തിപ്പറഞ്ഞ ഈ വരികകള്‍ക്കുള്ളിലുള്ള രൂക്ഷവിമര്‍ശനം ഞാന്‍ ഉള്‍കൊള്ളുന്നു. പലരും എന്നോടിത് സൂചിപ്പിക്കാറുണ്ട്. ബ്ലോഗുകളുടെ ട്രെണ്ടിനനുനുസരിച്ച് ചില നമ്പരുകള്‍ ഞാന്‍ ഇറക്കാറുണ്ട്‌ എന്നത് തീര്‍ത്തും ശരിയാണ്. അവയിലെ ഗുണവും ദോഷവും മനസ്സിലാക്കുന്നു. വല്ലപ്പോഴും നമുക്ക് വ്യതിരിക്തമായി ചിലത് പറയാനുണ്ടാകുമ്പോള്‍ അത് കേള്‍ക്കാന്‍ ഒരു വായനാസമൂഹം കൂടെ ഉണ്ടാകണം എന്ന ദുഷ്ടലാക്ക് ഈ ഒരു നിലപാടിന് പിന്നിലുണ്ട് എന്ന് തുറന്നു സമ്മതിക്കാന്‍ എനിക്ക് മടിയില്ല. ഇത്തരം ഓര്‍മപ്പെടുത്തലുകള്‍ ചില തിരുത്തുകള്‍ അനിവാര്യമാക്കുന്നു. നന്ദി.

    ReplyDelete
  12. Basheer Sab,

    Good analysis; Keep it up.

    Best wishes,

    C.O.T Azeez

    ReplyDelete
  13. ഒരു കാലത്ത് അമേരിക്കന്‍തോഴനായിരുന്ന ബിന്‍ലാദിന്‍ ഇറാഖ് അധിനിവേശത്തോടെയാണ് എതിരാളിയായി മാറിയത്. എന്നാല്‍ എതിരാളിയായതിനു ശേഷം എഴുതി ചേര്‍ക്കാന്‍ ആളെ കിട്ടാത്തതൊക്കെ ബിന്‍ലാദിന്റെ പേരില്‍ കെട്ടിവെക്കുന്നതാണ് പിന്നീട് കാണുന്നത്. ബിന്‍ലാദിന്‍ ഇല്ല എന്നോ, അദ്ദേഹം നല്ലവനാണെന്നോ എന്നല്ല പറഞ്ഞു വരുന്നത്, ലോകാധിപന്മാരായ ഒരു രാഷ്ട്രം പാതിറ്റാണ്ടുകളായി ആധുനിക സംവിധാനങ്ങള്‍ ഉപയോഗപെടുത്തി ഒരു രാഷ്ട്രം കീഴടക്കിയിട്ടും ബിന്‍ലാദിനെ പിടികൂടാനായില്ല എന്നതിനാല്‍ ഇവര്‍ പറഞ്ഞു കൊണ്ടിരിക്കുന്ന 'ബിന്‍ലാദിന്‍' അലാവുദ്ധീന്റെ അത്ഭുത വിളക്കിലെ ഭൂതമാണോ എന്ന് സംശയിക്കും വിധമാണ്.

    വളരെ പ്രസക്തമായ ലേഖനം.

    ReplyDelete
  14. വളരെ പ്രസക്തമായ ലേഖനം. വള്ളിക്കുന്നില്‍ ഈ അടുത്ത് വന്ന പല പോസ്റ്റുകളില്‍ നിന്നും മാറി നില്‍ക്കുന്നതും.

    പത്തു വര്‍ഷത്തിലധികമായി മധ്യേഷ്യയുടെയും പശ്ചിമേഷ്യയുടെയും രാഷ്ട്രീയ ഭൂമികയില്‍ അശാന്തിയും അസ്ഥിരതയും വിതച്ചുവെന്നതല്ല സെപ്തംബര്‍ പതിനൊന്നിന്റെ രാഷ്ട്രീയ പ്രസക്തി. പശ്ചിമേഷ്യയില്‍ എന്നല്ല, ലോകത്തിന്റെ പല കോണുകളിലും അതിനും വളരെ മുമ്പേ വൈദേശിക ശക്തികള്‍ തുടങ്ങിവെച്ച മനുഷ്യാവകാശ ധ്വംസനങ്ങളെ ന്യായീകരിക്കുവാനും, ആക്സിലറേറ്റ്‌ ചെയ്യുവാനും അവരെ സഹായിച്ചു എന്നുള്ളതാണ്. ലാദന്റെ പതനത്തിന്റെ തുടക്കം അവിടെ തുടങ്ങി എന്നത് കേവലം ചരിത്രസത്യവും.

    ഒസാമയുടെ ജീവിതവും ദാരുണമായ അന്ത്യവും മുസ്ലിം ചെറുപ്പക്കാര്‍ക്ക് മാത്രമല്ല, വിപ്ലവം തോക്കിന്‍കുഴലില്‍ കൂടി നടപ്പാക്കാന്‍ നടക്കുന്ന എല്ലാവര്‍ക്കുമുള്ള പാഠമാണ്.

    ReplyDelete
  15. കമന്‍റ് കുറയും എന്ന് കരുതി ലോക ചലനങ്ങള്‍ വിശകലനം
    ചെയ്യുന്നത് ഒഴിവാക്കരുത്.
    ഒരുകാലത്ത് ഇത്തരം കാര്യങ്ങള്‍
    എഴുതിയിരുന്ന താങ്കള്‍ക്കു
    ഒരു തിരിച്ചു വരവിനു ബിന്‍ ലാദന്‍ നിമിത്തമാകുമോ?

    ReplyDelete
  16. ലോകത്തെ തീവ്രവാദി ഫാക്ട്രിയായ പാകിസ്ഥാനില്‍ നിന്നും ഒസാമ ബില്ലാദിന്‍ കൊല്ലപെട്ടിട്ടുണ്ടങ്കില്‍ ഹോര്‍ലിക്സും ബൂസ്റ്റും കൊടുത്ത് അമേരിക്ക എവിടെയാണാവൊ മറ്റോരു ബില്ലാദിനെ വളര്‍ത്തുന്നത്...കാരണം ഇത് അമേരിക്കയുടെ നിലനില്‍പ്പാണല്ലോ...

    ReplyDelete
  17. ബഷീറിക്ക... വളരെ വളരെ നല്ല ഒരു ലേഖനം. അങ്ങയെ ഈ ബ്ലോഗിലൂടെ മാത്രമേ ഞാന്‍ ശ്രധിച്ചിട്ടുളൂ .അതിനാല്‍ തന്നെ ഇത് വായിച്ചപ്പോള്‍ -എന്നോട് ക്ഷമിക്കണം - ഏറെ അത്ഭുതവും തോന്നി എന്ന് സത്യസന്ധമായി പറയട്ടെ. ഇത്രയും നല്ല രീതിയില്‍ വിശകലനം നടത്തുന്ന അങ്ങ് മറ്റു ചില കാര്യങ്ങളില്‍ ചിലരെ കാണുമ്പോള്‍ കവാത്ത് മറന്ന് നേരെ അങ്ങേ അറ്റത്തേക്ക് പോകുന്നതെന്തുകൊണ്ടാണ് എന്ന സംശയം എന്നില്‍ ബാക്കിയാകുന്നു എന്ന് കൂടി പറയട്ടെ . എന്തായാലും ഒരിക്കല്‍ക്കൂടി അഭിനന്ദനങ്ങള്‍ അറിയിക്കുന്നു.

    ReplyDelete
  18. അതുകൊണ്ട് തന്നെ വരുംനാളുകളില്‍ വൈറ്റ് ഹൗസിനുള്ളിലെ മിലിട്ടറി ക്യാന്‍വാസില്‍ വരയ്ക്കപ്പെടുന്ന പ്രതിരൂപത്തിന് ഏറെ പ്രസക്തിയുണ്ടാവും. ആ ചിത്രത്തിന് അഹ്മദി നജാദിന്റെയോ മുഅമ്മര്‍ ഗദ്ദാഫിയുടെയോ രൂപം ഉണ്ടാകുമോ അതല്ല ലോകത്തിന്റെ മറ്റേതെങ്കിലും കോണില്‍ നിന്ന് പുതുമുഖങ്ങള്‍ കടന്നു വരപ്പെടുമോ എന്ന് ഇപ്പോള്‍ പറയുക വയ്യ. ഒസാമയെ കൊല്ലുന്നതിനു മുമ്പ് തന്നെ ഈ ദിശയിലുള്ള തിരക്കഥകള്‍ അണിയറയില്‍ ചെയ്തു കഴിഞ്ഞിരിക്കാന്‍ ഇടയുണ്ട്. പടം അഭ്രപാളിയില്‍ പ്രത്യക്ഷപ്പെടുന്നത് വരെ അതിന്റെ ട്വിസ്റ്റുകളും ക്ലൈമാക്സും രഹസ്യമായിരിക്കുമെന്നു മാത്രം.

    innathe yahoovil kandathu

    http://en.news.maktoob.com/20090000756500/Lawyers_ask_NYC_judge_to_find_Iran_liable_for_9_11/Article.htm

    ReplyDelete
  19. അതുകൊണ്ട് തന്നെ വരുംനാളുകളില്‍ വൈറ്റ് ഹൗസിനുള്ളിലെ മിലിട്ടറി ക്യാന്‍വാസില്‍ വരയ്ക്കപ്പെടുന്ന പ്രതിരൂപത്തിന് ഏറെ പ്രസക്തിയുണ്ടാവും. ആ ചിത്രത്തിന് അഹ്മദി നജാദിന്റെയോ മുഅമ്മര്‍ ഗദ്ദാഫിയുടെയോ രൂപം ഉണ്ടാകുമോ അതല്ല ലോകത്തിന്റെ മറ്റേതെങ്കിലും കോണില്‍ നിന്ന് പുതുമുഖങ്ങള്‍ കടന്നു വരപ്പെടുമോ എന്ന് ഇപ്പോള്‍ പറയുക വയ്യ. ഒസാമയെ കൊല്ലുന്നതിനു മുമ്പ് തന്നെ ഈ ദിശയിലുള്ള തിരക്കഥകള്‍ അണിയറയില്‍ ചെയ്തു കഴിഞ്ഞിരിക്കാന്‍ ഇടയുണ്ട്. പടം അഭ്രപാളിയില്‍ പ്രത്യക്ഷപ്പെടുന്നത് വരെ അതിന്റെ ട്വിസ്റ്റുകളും ക്ലൈമാക്സും രഹസ്യമായിരിക്കുമെന്നു മാത്രം

    innathe yahoo newsil vayichathu thazhe

    http://en.news.maktoob.com/20090000756500/Lawyers_ask_NYC_judge_to_find_Iran_liable_for_9_11/Article.htm

    ReplyDelete
  20. അതുകൊണ്ട് തന്നെ വരുംനാളുകളില്‍ വൈറ്റ് ഹൗസിനുള്ളിലെ മിലിട്ടറി ക്യാന്‍വാസില്‍ വരയ്ക്കപ്പെടുന്ന പ്രതിരൂപത്തിന് ഏറെ പ്രസക്തിയുണ്ടാവും. ആ ചിത്രത്തിന് അഹ്മദി നജാദിന്റെയോ മുഅമ്മര്‍ ഗദ്ദാഫിയുടെയോ രൂപം ഉണ്ടാകുമോ അതല്ല ലോകത്തിന്റെ മറ്റേതെങ്കിലും കോണില്‍ നിന്ന് പുതുമുഖങ്ങള്‍ കടന്നു വരപ്പെടുമോ എന്ന് ഇപ്പോള്‍ പറയുക വയ്യ. ഒസാമയെ കൊല്ലുന്നതിനു മുമ്പ് തന്നെ ഈ ദിശയിലുള്ള തിരക്കഥകള്‍ അണിയറയില്‍ ചെയ്തു കഴിഞ്ഞിരിക്കാന്‍ ഇടയുണ്ട്. പടം അഭ്രപാളിയില്‍ പ്രത്യക്ഷപ്പെടുന്നത് വരെ അതിന്റെ ട്വിസ്റ്റുകളും ക്ലൈമാക്സും രഹസ്യമായിരിക്കുമെന്നു മാത്രം

    innathe yahoo newsil vayichathu thazhe

    http://en.news.maktoob.com/20090000756500/Lawyers_ask_NYC_judge_to_find_Iran_liable_for_9_11/Article.htm

    ReplyDelete
  21. യാങ്കി പടയുടെ കിരാത നടപടിയില്‍ ചോരചിന്തി മരിച്ച നിരപരാധികള്‍ക്ക് വിപ്ലാവാഭിവധ്യങ്ങള്‍........

    ReplyDelete
  22. വളരെ അര്‍ത്ഥവത്തായ ഒരു വിലയിരുത്തല്‍! അറബ് ലോകത്ത് ഇപ്പോള്‍ വീശിക്കൊണ്ടിരിക്കുന്ന മാറ്റത്തിന്റെ കാറ്റ് സാമ്രാജ്യത്വ ശക്തികളുടെ അനാവശ്യ/അനവസരത്തിലെ ഇടപെടല്‍ മൂലം അനിശ്ചിതത്വം നിറഞ്ഞ ഒരു ജനാധിപത്യ വ്യവസ്ഥയില്‍ പര്യവസാനിക്കാതെ, സുസ്ഥിരവും സമാധാനം വിളയാടുന്നതുമായ ജനാധിപത്യ വ്യവസ്ഥിതിയിലേക്ക് നയിക്കും എന്നും നമുക്ക് പ്രത്യാശിക്കാം..!

    ReplyDelete
  23. Thank you for writing this wonderful article. This is the BEST article I read about this subject and is very much in line with my thoughts. I hope mainstream newspapers will publish this article and this analysis reach as many people as possible. Best wishes and keep writing...Regards.

    ReplyDelete
  24. നല്ല ലേഖനം...
    ആശംസകൾ!

    ReplyDelete
  25. 'ഒസാമാനന്തര ലോകക്രമ'ത്തില്‍ ഭീകരരൂപിയായ ഒരു പ്രതിയോഗിയുടെ കുറവ് അമേരിക്കയെ വല്ലാതെ അലട്ടുമെന്നത് ഉറപ്പാണ്.
    കൂട്ടില്‍ വളര്‍ത്തുന്ന ഭൂതത്താനെ തുറന്ന് വിടുംവരെ പ്രത്യാ‍ശിക്കാം..!
    വിലപ്പെട്ടവിലയിരുത്തലിന് നന്മകള്‍ നേരുന്നു.

    ReplyDelete
  26. Apt analysis sprinkled with revealing facts. It proves too that Basheer has not forsaken the cause that should be and surrendered to the popular will.

    ReplyDelete
  27. one of your best article in recent times

    ReplyDelete
  28. @ ജ്വാല
    അതെ, സംഗതികളുടെ പോക്ക് അങ്ങോട്ട്‌ തന്നെയാണ്. നിങ്ങള്‍ തന്ന ലിങ്കില്‍ അതിന്റെ ലക്ഷണങ്ങള്‍ ഉണ്ട്.
    Lawyers ask NYC judge to find Iran liable for 9/11
    NEW YORK (AP) — Lawyers representing 9/11 families are asking a federal judge to find Iran culpable in the Sept. 11 terror attacks, saying new evidence shows Iranian officials had advanced word of the attacks and helped train the hijackers.

    ReplyDelete
  29. തീവ്രവാദികളുടെ സൃഷ്ടി സ്തിഥി സംഹാര കര്‍ത്താവായ അമേരിക്ക, ഇനിയും ഇതുപോലുള്ള പൊറാട്ടുനാടകങ്ങള്‍ തുടര്‍ന്നുകൊണ്ടേയിരിക്കും. അവര്‍ക്ക് ചൂണ്ടിക്കാണിക്കാന്‍ ഒരു എതിരാളിയും ബോംബിട്ടു തകര്‍ക്കാന്‍ ഒരു പിടി മണ്ണും മാത്രം മതി. അവര്‍ക്ക് എന്തും ചെയ്യാം. നീതിയും നീതിനിഷേധവും അവര്‍ക്ക് സ്വന്തം. കോടതിയും ജഡ്ജിയും അവരുതന്നെ. ഇതെല്ലാം കണ്ടു എങ്ങിനെ തീവ്രവാദികള്‍ ഉണ്ടാവാതിരിക്കും...?

    ReplyDelete
  30. ഒരു ശത്രുവിനെ ഉണ്ടാക്കലും,
    അതിന്‍റെ പേരില്‍ ആയുധ വിപണനം നടത്തലുമില്ലെങ്കില്‍,
    ലോകത്തിലെ വന്‍ശക്തി എന്ന് സ്വയം വിശേഷിപ്പിക്കപ്പെടുന്ന അമേരിക്കയുടെ പ്രസക്തി തന്നെ ചോദ്യം ചെയ്യപ്പെടും.
    നല്ല ലേഖനം.
    നിഷ്പക്ഷമായ വിലയിരുത്തല്‍. അഭിനന്ദനങ്ങള്‍.

    ReplyDelete
  31. ആരാണ് ബഷീര്‍ വള്ളിക്കുന്ന് എന്ന സാമൂഹ്യ നിരീക്ഷകന്‍ എന്ന് ബോദ്ധ്യപ്പെടുത്തുന്ന ലേഖനം ...ഇടക്കൊക്കെ ബഷീര്‍ വള്ളിക്കുന്ന് എന്ന 'യഥാര്‍ത്ഥ എഴുത്തുകാരന്‍ ' ബ്ലോഗിലും പ്രത്യക്ഷപ്പെടട്ടെ ...:)

    ReplyDelete
  32. @ mallikarjun
    ഇതാണ് മുമ്പേയുള്ള രൂപം. ബാക്കി കാണുന്നതൊക്കെ ഡ്യൂപ്പാ..

    ReplyDelete
  33. അങ്ങയുടെ മുമ്പേയുള്ള ഈ രൂപം എന്നും ഉണ്ടാവും എന്ന് ആശിക്കുന്നു.

    "ന്യൂയോര്‍ക്കില്‍ പൊലിഞ്ഞു പോയ മൂവായിരം മനുഷ്യ ജീവനേക്കാള്‍ പ്രസക്തി ഈ പത്തു വര്‍ഷത്തിനിടക്ക് അധിനിവേശവും യുദ്ധവും വഴി മരിച്ച ഒരു ലക്ഷത്തോളം പേര്‍ക്കുണ്ട്. മരിച്ചവന്റെ മതവും ജാതിയും മാറ്റിനിര്‍ത്തിയാല്‍ ഗണിതശാസ്ത്രത്തിന്റെ സിമ്പിള്‍ ലോജിക് അത്തരമൊരു പ്രസക്തിയെ തള്ളിക്കളയില്ല.. " വളരെ ഏറെ അര്‍ത്ഥവത്തായ നിരീക്ഷണം!ആക്രമിക്കപ്പെടുന്നവന്റെയും കൊല്ലപ്പെടുന്നവന്റെയും ജാതിയും മതവും രാജ്യവുമാണ് ഇന്നത്തെ കാലത്തിന്റെ പരിഗണന.അതുകൊണ്ടാണല്ലോ പലര്‍ക്കും പലതരം നീതികള്‍. ജനാധിപത്യം പരമാധികാരം എന്നൊക്കെ ഉത്ഗോഷിക്കുന്നവര്‍ തന്നെ അതൊക്കെ തന്നിഷ്ട്ടത്തിനു കാറ്റില്‍ പറത്തി കയ്യടി നേടുന്നു.ഇതെല്ലം നിങ്ങള്‍ക്കൊകെ കൂടി വേണ്ടിയാണു എന്ന് നമ്മളെ പറഞ്ഞു പറ്റിക്കുന്നു.
    അതെല്ലാം കണ്ടു കൊടിയേറ്റം സിനിമയിലെ ഗോപിയെപ്പോലെ നമ്മള്‍ പറയുന്നു..."എന്തൊരു സ്പീട്! "

    ReplyDelete
  34. A well written article...

    Both Osama and Obama were motivated by a misguided belief that the end justifies the means!

    ReplyDelete
  35. Its a great effort..
    here, this platform is good for a discussion about democracy in Islam..so i would like to ask the members to give me a clarification in islamic point of view..

    Islamil janathipathyam undo?
    pravachakane niyamikkunnathu daivam aanu ennullathu kondu namukkathu vidaam. ennal athinu shesham vannavare niyamichathokkeyum janathipathya prakaaram allallo..? marupadikal pratheekshikkunnu.

    ReplyDelete
  36. വളരെ നല്ല ലേഖനം. congrats Basheerkka

    ReplyDelete
  37. അമേരിക്ക ലോകത്ത് എവിടെ നിന്ന് തോറ്റോ ടിയാലും അതു അവരും അവരുടെ സില് ബന്തി കളും അന്കീ കരിക്കാറില്ല വിയറ്റ് നാമില് ഏറെ ആളെ കൊന്നു (agent orange പോലുള്ള മാരക വിഷം spry ചെയ്തു കൂടെ നാപാം മോബുവരെ ഇട്ടു എന്നിട്ടും പടിച്ചു നില്ക്കാന് പറ്റ്യില്ല...basheer വള്ളിക്കുന്ന് ഇതും കൂടി ഒന്ന് കണ്ടിരുന്നെകില്‍ വളരെ നന്നായിരുന്നു..http://www.youtube.com/watch?v=q8hzU79j8R8

    ReplyDelete
  38. @ Rahim's
    Democracy in Islamic perspective is a nice topic to discuss upon. While thinking about applying the modern norms of Democracy to the Islamic Ideology of governance, there could be some basic issues to be discussed. and of course, it required authentic involvement of Islamic scholars and modern sociology experts. I mean to say, the scope of such discussions - by knowing the limitation of this blog - is very less here.

    ReplyDelete
  39. Democracy in Islamic perspective is a nice topic to discuss upon
    ==========


    മതരാഷ്ട്രവാദി...

    ReplyDelete