March 5, 2016

കനയ്യ ഒരു പ്രതീക്ഷയാണ്

കനയ്യ കുമാർ ഉയർത്തിയ ആസാദി മുദ്രാവാക്യം സംഘപരിവാർ ശക്തികളെ അസ്വസ്ഥരാക്കിയെങ്കിൽ അതിൽ ഒട്ടും പുതുമയില്ല, ആസാദി എന്ന പദത്തോട് ചരിത്രപരമായി തന്നെ ഈ ശക്തികൾക്ക് അലർജിയുണ്ട്. ബ്രിട്ടീഷുകാർക്കെതിരെ ഗാന്ധിജി ആസാദി മുദ്രാവാക്യം ഉയർത്തിയപ്പോൾ ബ്രിട്ടീഷുകാരേക്കാൾ അസ്വസ്ഥരായത് സംഘികളുടെ അപ്പൂപ്പന്മാരായിരുന്നു എന്നത് ചരിത്രമാണ്. ബ്രിട്ടീഷുകാരന്റെ കാലു പിടിച്ച് അവന് മാപ്പെഴുതിക്കൊടുത്ത് സുഖജീവിതം ഉറപ്പ് വരുത്തിയ പൂർവപിതാക്കളുടെ പാരമ്പര്യത്തിൽ നിന്നും 'ആസാദി' എന്നല്ല, മനുഷ്യവംശത്തിന്റെ മുന്നോട്ടുള്ള പ്രയാണത്തിന് ഗുണകരമാവുന്ന ഒരു തൂവൽക്കൊടി പോലും ജന്മം കൊള്ളില്ല. മറിച്ച് അവർ പകരം വെക്കുന്നത് ആസാദി എന്ന ചിന്തയുടെ അടിവേര് തോണ്ടുന്നതും മനുഷ്യ വംശത്തെ ജാതിയുടേയും മതത്തിന്റേയും പേരിൽ വിഭജിച്ചും കൊന്നും കൊലവിളി നടത്തുന്നതുമായ രക്തപങ്കിലമായ ഒരു ദേശീയതയതായിരിക്കും. ആസാദി നേടിത്തന്ന രാഷ്ട്രപിതാവിനെ വെടിവെച്ചു കൊന്ന പിശാചിന്റെ ചിത്രത്തിൽ പുഷ്പാർച്ചന നടത്തുന്നവർക്ക് കനയ്യ വിളിച്ച ആസാദിയുടെ അർത്ഥം മനസ്സിലായാലാണ് നാം ഞെട്ടേണ്ടത്.

'ഇന്ത്യയിൽ നിന്നുള്ള സ്വാതന്ത്ര്യം (ആസാദി) അല്ല, ഇന്ത്യയ്ക്കകത്ത് തന്നെയുള്ള സ്വാതന്ത്ര്യമാണ്' നാം ഉറപ്പ് വരുത്തേണ്ടത് എന്ന് കനയ്യ കുമാർ പറയുമ്പോൾ അതിനോട് വിയോജിക്കുന്നവർ ഇന്ത്യയുടെ സ്വാതന്ത്ര്യത്തന്നെയാണ് നിഷേധിക്കുന്നത്.  കനയ്യ എപ്പിസോഡിൽ ഏറ്റവും കനത്ത പ്രഹരമേറ്റത്‌ കേന്ദ്ര സർക്കാരിനും കപട ദേശീയ വാദികൾക്കുമാണ്. ആ പ്രഹരത്തിന്റെ ജാള്യത മറച്ചു വെക്കാനുള്ള ശ്രമത്തിലാണവർ.  ജയിലിൽ പോയി വന്നതോടെ കനയ്യക്ക് ദേശസ്നേഹം കൂടിയെന്നും ഇന്ത്യൻ പതാക കയ്യിലെടുത്തുവെന്നുമാണ് പുതിയ പ്രചാരണം. അറസ്റ്റ് ചെയ്യപ്പെടുന്നതിന് മുമ്പ് കനയ്യ നടത്തിയ ഇരുപത് മിനുട്ട് പ്രഭാഷണം ഇന്റര്നെറ്റിൽ ലഭ്യമാണ്. ആ പ്രഭാഷണത്തിൽ വിളിച്ച ആസാദി മുദ്രാവാക്യങ്ങൾ ഒരക്ഷരം തെറ്റാതെ തന്നെയാണ് ജയിലിൽ നിന്ന് പുറത്തിറങ്ങിയപ്പോഴും കനയ്യ വിളിച്ചത്. ആ പ്രഭാഷണത്തിൽ പറഞ്ഞ ആസാദി എന്തെന്ന് തന്നെയാണ് ജയിലിൽ നിന്ന് പുറത്തിറങ്ങിയപ്പോഴും കനയ്യ വിശദീകരിച്ചത്. ഒരക്ഷരം കുറച്ചിട്ടില്ല, ഒരക്ഷരം മാറ്റി വിളിച്ചിട്ടില്ല.

ശരിയാണ്, കനയ്യ പങ്കെടുത്ത പരിപാടിയോടനുബന്ധിച്ച് ചില കുട്ടികൾ ദേശവിരുദ്ധ മുദ്രാവാക്യങ്ങൾ വിളിച്ചതായി റിപ്പോർട്ടുകൾ ഉണ്ട്. അത്തരത്തിൽ ചില പ്ലക്കാർഡുകൾ അവർ ഉയർത്തിയതായും കാണുന്നുണ്ട്. പക്ഷേ ആ പരിപാടിയുടെ സംഘാടകൻ ആയിരുന്നില്ല കനയ്യ. ആ പരിപാടിയുടെ നടത്തിപ്പുമായി ബന്ധപ്പെട്ട് ഇരുവിഭാഗം വിദ്യാർത്ഥികൾ തമ്മിൽ സംഘർഷം ഉണ്ടായ സാഹചര്യത്തിലാണ് ആരോ അറിയിച്ചതിനെത്തുടർന്ന് ജെ എൻ യു വിദ്യാർത്ഥി യൂണിയൻ പ്രസിഡന്റായ കനയ്യ അവിടെ എത്തുന്നതും പ്രഭാഷണം നടത്തുന്നതും. ആ പ്രഭാഷണത്തിൽ കനയ്യ എന്ത് പറഞ്ഞുവോ അത് തന്നെയാണ് ജയിലിൽ നിന്ന് പുറത്തിറങ്ങിയ ശേഷവും പറഞ്ഞത്. ദേശവിരുദ്ധ മുദ്രാവാക്യങ്ങൾ വിളിക്കുന്നവരെ പിന്തുണയ്ക്കുന്നതും അവരെ വളരാൻ അനുവദിക്കുന്നതും ഭൂഷണമല്ല. അവർക്കെതിരെ ജനാധിപത്യ വ്യവസ്ഥക്ക് അകത്തുനിന്നു കൊണ്ടുള്ള നിയമ നടപടികൾ ഉണ്ടാവേണ്ടതുണ്ട്. അതിനേക്കാൾ പ്രധാനമാണ് വിരലിൽ എണ്ണാവുന്ന ഏതാനും വിദ്യാർത്ഥികൾ അവിടെ അങ്ങനെയൊരു മുദ്രാവാക്യം വിളിക്കാനുണ്ടായ സാഹചര്യം എന്ത് എന്ന് പഠന വിധേയമാക്കണം എന്നതും.

ഇത്തരമൊരു വിവാദം ഉയർത്തിക്കൊണ്ടുവരുമ്പോൾ സംഘപരിവാർ ശക്തികൾ പ്രതീക്ഷിച്ചത് ഇങ്ങനെയൊന്നുമായിരുന്നില്ല എന്ന് വ്യക്തം. ജെ എൻ യു എന്ന ഇന്ത്യയുടെ അഭിമാന വിദ്യാഭ്യാസ സ്ഥാപനത്തെയും ആ സ്ഥാപനത്തിലെ വിദ്യാർത്ഥി സമൂഹം എക്കാലത്തും ഉയർത്തിപ്പിടിച്ചിട്ടുള്ള ഉയർന്ന ധൈഷണിക നിലപാടുകളേയും തകർക്കാക്കാനായിരുന്നു അവരുടെ ശ്രമം. അതിനാണ് അവർ ചില മീഡിയകളുടെ പിൻബലത്തിൽ പദ്ധതികൾ ആസൂത്രണം ചെയ്തത്. വ്യത്യസ്ത സ്ഥലങ്ങളിലെ ശബ്ദവും വിഷ്വൽസും കൂട്ടിച്ചേർത്ത് കനയ്യക്കെതിരെ വ്യാജ വീഡിയോ ഉണ്ടാക്കി അറസ്റ്റ് ചെയ്തത്. ആ അറസ്റ്റും അതിനെത്തുടർന്നുണ്ടായ 'ദേശീയത'യുടെ ആക്രോശങ്ങളും കനയ്യയുടെ ആത്മവീര്യത്തെ തകർക്കും എന്നാണ് അവർ പ്രതീക്ഷിച്ചത്. പക്ഷേ, അതുണ്ടായില്ല.

അതുകൊണ്ടാണ് പുറത്ത് വന്ന കനയ്യയുടെ പ്രഭാഷണം കേട്ട ആവേശത്തിൽ ഞാനെന്റെ എഫ് ബി പേജിൽ ഇങ്ങനെ കുറിച്ചത്. "കനയ്യ ഒരല്പം പതറിയിരുന്നുവെങ്കിലോ, എന്താകുമായിരുന്നു അവസ്ഥ?. ജയിലിലടച്ചു. ഇടിച്ചു ചതച്ചു. അർണബുമാർ ചാനലുകളിൽ അടിച്ചുകൊല്ലാൻ വേണ്ട ഹിസ്‌റ്റീരിയ ഉണ്ടാക്കി. ജെ എൻ യു വിന് പുറത്തിറങ്ങിയാൽ ജീവന് ഭീഷണിയുള്ള അവസ്ഥ വന്നു. ആരായാലും പതറിപ്പോകുന്ന അവസ്ഥ. കനയ്യ ഒരിത്തിരി പതറിയിരുന്നുവെങ്കിൽ ഫാസിസ്റ്റുകൾ ചിരിക്കുമായിരുന്നു. അവർ ജനാധിപത്യത്തിന് കൂടുതൽ ഭീഷണികൾ ഉയർത്തുമായിരുന്നു. ജെ എൻ യു വിലെ വിദ്യാർത്ഥികളിൽ നിരാശ പടരുമായിരുന്നു. ഫാസിസത്തിനെതിരെ പൊരുതുന്നവരുടെ മനോവീര്യം തകരുമായിരുന്നു. അതൊന്നുമുണ്ടായില്ല. ഈ ചെറുപ്പക്കാരന്റെ അന്തരീക്ഷത്തിലേക്ക് ഉയർന്ന വിരലുകൾ ഊർജം പകർന്നത് ഒരു ദേശത്തിന്റെ ജനാധിപത്യ മോഹങ്ങൾക്കാണ്.. അത് കൊണ്ട് തന്നെയാണ് മോഡിജിയുടെ പ്രസംഗം പത്രങ്ങളുടെ മൂന്നാം പേജിലേക്കും ഈ ചെറുപ്പക്കാരന്റെ പ്രസംഗം ഒന്നാം പേജിലേക്കും ചാടിക്കയറിയത്‌. കനയ്യ കനലായി ജ്വലിക്കട്ടെ.."

കനയ്യ നടത്തിയ ഐതിഹാസിക പ്രഭാഷണത്തിന്റെ പൂർണ രൂപം ഇവിടെ കേൾക്കാം. 
പിന്നോക്കക്കാരന്റെയും അടിച്ചമർത്തപ്പെട്ടവന്റെയും ചരിത്രത്തിൽ
മറ്റൊരു മാർട്ടിൻ ലൂഥറെ ഓർമപ്പെടുത്തുന്നു ഈ പ്രസംഗം.
ജെ എൻ യു വിന്റെ അകത്തളത്തിന് ലിങ്കൺ മെമ്മോറിയലിന്റെ മണം. 

എൻ ഡി ടി വി യുമായുള്ള അഭിമുഖത്തിൽ 'എന്താണ് നിങ്ങൾ മുന്നോട്ട് വെക്കുന്ന ആസാദിയുടെ അർത്ഥം' എന്ന് ബർക്ക ദത്തയുടെ ചോദ്യത്തിന് കനയ്യ നല്കിയ മറുപടി ഇതാണ്. "നമ്മുടെ വ്യവസ്ഥയും ഭരണഘടനയും ലോകത്തിലെ ഏറ്റവും മഹത്തരമായ ഒന്നാണ്. അതിന്റെ അന്തസ്സത്ത ഉറപ്പ് വരുത്തുന്ന എന്താണോ അതാണ്‌ യഥാർത്ഥ ആസാദി". ഒരു ഇന്ത്യക്കാരനെ സംബന്ധിച്ചിടത്തോളം ഇതിനേക്കാൾ മനോഹരമായ ഒരു വിവക്ഷ ആസാദിക്ക് നല്കാൻ കഴിയുമോ?. ഭരണഘടന വിവക്ഷിക്കുന്ന അത്തരമൊരു ആസാദിയിൽ മനുഷ്യ വിഭജനത്തിന്റെ ബീജങ്ങൾ ഉണ്ടാവില്ല, മതം തിരിഞ്ഞുള്ള സംഘട്ടനങ്ങൾ ഉണ്ടാവില്ല, ജാതീയതയുടെയും ബ്രാഹ്മണ്യത്തിന്റെയും മതിലുകൾ ഉണ്ടാവില്ല. അടിസ്ഥാന വർഗം പട്ടിണി കിടന്ന് മരിക്കേണ്ടി വരില്ല, ജാതിയുടെ പാപഭാരം പേറി ആത്മഹത്യ ചെയ്യേണ്ടി വരില്ല. കനയ്യ മുന്നോട്ട് വെച്ച ആസാദിയുടെ അർത്ഥ തലങ്ങൾ അത്രമേൽ മനോഹരമാണ്. മുവ്വായിരം രൂപയുടെ ദാക്ഷിണ്യത്തിൽ കഴിയുന്ന ഒരംഗനവാടി ടീച്ചറുടെ വീട്ടിൽ നിന്നും പട്ടിണിയുടെ കഥകളിൽ ജീവിതം കരുപ്പിടിപ്പിച്ച ഒരു പയ്യനെ, ഇത്ര മനോഹരമായി ഇന്ത്യയുടെ ആസാദിയെ വിവക്ഷിക്കുന്ന ഒരു വിദ്യാർത്ഥി നേതാവായി ഉയർത്തിയെങ്കിൽ അതാണ്‌ ജെ എൻ യു എന്ന് പറയേണ്ടി വരും. മറ്റൊരർത്ഥത്തിൽ അത് തന്നെയാണ് യഥാർത്ഥ "Make in India" എന്നും പറയാം.


രോഹിത്‌ വെമുലയുടെ സ്വപ്‌നങ്ങൾ നമുക്ക് തിരിച്ചു പിടിക്കണം എന്നതാണ് കനയ്യ ഉയർത്തിയ മുദ്രാവാക്യങ്ങളിൽ ഏറ്റവും തിളക്കമുള്ളത്‌. 'എന്റെ ജനനമാണ്‌ ഞാൻ നേരിട്ട ഏറ്റവും വലിയ അപകടം' (my birth is my fatal accident) എന്ന് എഴുതി വെച്ചാണ് ആ ദളിത്‌ വിദ്യാർഥി ആത്മഹത്യ ചെയ്തത്. അവനെ ആത്മഹത്യയിലേക്ക് നയിക്കും വിധം വേട്ടയാടുകയായിരുന്നു കേന്ദ്ര മന്ത്രാലയവും അതിന് കീഴിലുള്ള യൂണിവേഴ്സ്റ്റിയും. അത്തരമൊരു സാമൂഹ്യ സാഹചര്യത്തിനെതിരെ പൊരുതേണ്ടത് ജെ എൻ യു വിലെ വിദ്യാർത്ഥികളുടെ മാത്രമല്ല, ഇന്ത്യയുടെ ആത്മാവിനെ സ്നേഹിക്കുന്ന മുഴുവൻ പൗരന്മാരുടേയും ചുമതലയാണ്. എത്ര രോഹിത്തിനെ നിങ്ങൾ കൊല്ലുന്നുവോ അത്രയും രോഹിത്തുമാർ ഓരോ വീട്ടിൽ നിന്നും ഉദയം കൊള്ളും (Tum jitne Rohith maaroge, ghar ghar me Rohith niklega) എന്നാണ് കനയ്യ വിളിച്ച മുദ്രാവാക്യം. ഇത് പെട്ടെന്ന് അവസാനിക്കുന്ന പോരാട്ടമല്ല, ജെ എൻ യു വിൽ നിന്ന് പ്രവഹിക്കുന്ന ഈ പോരാട്ടത്തിന്റെ ഊർജം ഇന്ത്യ മുഴുവൻ വ്യാപിക്കണം എന്നും കനയ്യ പറയുന്നു.  'പോരാട്ടം തുടങ്ങിയിട്ടേയുള്ളൂ.. അറിയുക, എത്ര അടിച്ചമർത്താൻ നോക്കുന്നുവോ അതിന്റെ പതിന്മടങ്ങ്‌ ശക്തിയിൽ ഞങ്ങൾ ഉയിർത്തെഴുന്നേറ്റ് വരും ' എന്ന് ഈ ചെറുപ്പക്കാരൻ പറയുമ്പോൾ അതിന് വലിയ അർത്ഥതലങ്ങളുണ്ട്.  കനയ്യ പ്രതീക്ഷയുണർത്തുന്നത് ഒരു വലിയ ചരിത്ര സന്ധിയിലാണ്. ഇന്ത്യയെന്ന വികാരം നിലനില്ക്കണമോ അതോ അസഹിഷ്ണുതയുടെ സംഘട്ടനങ്ങൾക്ക് അത് വഴിമാറി കൊടുക്കണമോ എന്ന് തീരുമാനിക്കുന്ന ചരിത്ര സന്ധിയിൽ.   

'ജയിലിൽ ചനയും ദാലും ഉള്ളിടത്തോളം കാലം അവിടെ പോയും വന്നും കൊണ്ടിരിക്കേണ്ടി വരും' എന്ന് കനയ്യ പറഞ്ഞത് തന്റെ നേരെയുള്ള ഭരണകൂട വേട്ടയാടലുകൾ ഇനിയും തുടരുമെന്നും താനതിന് തയ്യാറാണ് എന്നും തന്നെയാണ്. നിയമപരമായ പോരാട്ടങ്ങൾക്ക് കനയ്യ തയ്യാറായിക്കഴിഞ്ഞു എന്നർത്ഥം. എന്നാൽ അതിനപ്പുറമുള്ള ചില ഭീഷണികൾ കനയ്യയുടെ ജീവിതത്തിന് നേരെയുണ്ട് എന്നത് യാഥാർത്ഥ്യമാണ്. ജെ എൻ യു വിനു പുറത്ത് ആ ചെറുപ്പക്കാരന്റെ ജീവൻ അപകടത്തിലാണ്. വ്യാജ വീഡിയോകൾ ഉണ്ടാക്കി മാധ്യമ ഗോസ്വാമിമാർ സൃഷ്ടിച്ച ആർപ്പ് വിളികൾ അന്തരീക്ഷത്തിൽ ഇപ്പോഴുമുണ്ട്. ആ ആർപ്പ് വിളികളുടെ ആരവത്തിൽ ഗാന്ധിയെക്കൊന്നവർ ആ ചെറുപ്പക്കാരനെയും അപായപ്പെടുത്താൻ ശ്രമിച്ചെന്നിരിക്കും. ഇതിനകം തന്നെ വധഭീഷണിയുമായി പലരും രംഗത്തെത്തിക്കഴിഞ്ഞു. കനയ്യയുടെ നാക്കരിയാനും തലയറുക്കാനും ഡൽഹിയിലെ തെരുവുകളിൽ ആഹ്വാനങ്ങൾ ഉയർന്നു കഴിഞ്ഞു. ഒരു ഭീഷണിയും ഇല്ലാത്ത പല ഊച്ചാളികൾക്കും ഇസെഡ് കാറ്റഗറി സംരക്ഷണം കൊടുക്കാറുണ്ട് നമ്മുടെ സർക്കാരുകൾ.. എന്നാൽ ഇനിയത് കൊടുക്കേണ്ടത് കനയ്യക്കാണ്. കാരണം ആ പട്ടിണിപ്പയ്യൻ വെറുമൊരു പയ്യനല്ല, ഒരു ദേശീയ ഹീറോയാണ്. പിന്നോക്കക്കാരുടേയും അടിച്ചമർത്തപ്പെട്ടവരുടേയും ഹീറോ.. ഫാസിസത്തിന്റെ പത്തിയിൽ ആഞ്ഞടിക്കാൻ കെല്പുള്ള ഹീറോ.

Recent Posts
ആ പരിപ്പ് ഇവിടെ വേവില്ല മോനേ
This is Me!.. in Asianet and Media One

40 comments:

  1. രാഷ്ട്രപിതാവിനെ വെടിവെച്ചു കൊന്ന പിശാചിന്റെ ചിത്രത്തിൽ പുഷ്പാർച്ചന നടത്തുന്നവർക്ക് കനയ്യ വിളിച്ച ആസാദിയുടെ അർത്ഥം മനസ്സിലായാലാണ് നാം ഞെട്ടേണ്ടത്.

    ReplyDelete
  2. സംഘപരിവാറിൻറെ ഹോട്ട് ഓഫർ!!
    കനയ്യ കുമാറിൻറെ നാവറുത്താൽ 5 ലക്ഷം.
    കൊന്നാൽ 11 ലക്ഷം.
    തെറ്റിദ്ധരിക്കണ്ട, രാജ്യസ്നേഹം കൊണ്ടാണ്.
    വാക്കിനെയും വെളിച്ചത്തെയും ഇരുട്ടിൻറെ മാളങ്ങളിലെ ഈ കാട്ടെലികൾ എത്രത്തോളം ഭയക്കുന്നു!

    ReplyDelete
    Replies
    1. അസഹിഷ്ണുതയുടെ/ ഫാസിസത്തിന്റെ വക്താക്കൾ...
      ഇക്കൂട്ടർക്ക് നൽക്കാൻ ഒരുകൂട്ടം പുച്ചം മാത്രം.

      #ആം ആൽസൊ കനയ്യ... എന്റേയും നാവറുക്കൂ..

      Delete
    2. അസ്തിത്വം തേടുന്ന ഇന്ത്യൻ യുവതക്ക് കൻഹയ്യ ഒരു ദിശാബോധം തീർക്കുന്നു!
      അങ്ങിനെ വെമുലയുടെ ഉയിർത്തെഴുന്നേല്പ് സാധ്യമായെങ്കിൽ...!!
      ഉദാത്തമായ നമ്മുടെ ഭരണഘടനയുടെ അന്തസ്സത്ത ചോർത്തുന്ന ഗോദ്സേപൂജകരുടെ ഉറക്കം കെടുത്തുന്ന ദിനരാത്രങ്ങൾ വരവായി.

      Delete
  3. മലീമസമായി ക്കൊണ്ടിരിക്കുന്ന കാമ്പസ്സുകളിൽ നിന്നും ഒരു താരം ഉദയം ചെയ്യുന്നു.നമുക്ക് പ്രതീക്ഷ നൽകുന്നു.കനയ്യ കേരളത്തിലേക്ക് വരുന്നുണ്ട് എന്ന് കേട്ടു. നോക്കാം നമ്മൾ എങ്ങിനെ സ്വീകരിക്കുന്നു എന്ന്.

    ReplyDelete
    Replies
    1. വെൽക്കംമിസ്റ്റർ കനയ്യ കുമാർ.. ഞാൻ കമ്മൂണിസ്റ്റല്ലാ... എന്നാൽ ഞാൻ താങ്കളുടെ പക്ഷമാണു.. മാനുശിക പക്ഷമാണു. താങ്കൾക്ക് സുസ്വാഗതം

      Delete
    2. വെൽക്കംമിസ്റ്റർ കനയ്യ കുമാർ.. ഞാൻ കമ്മൂണിസ്റ്റല്ലാ... എന്നാൽ ഞാൻ താങ്കളുടെ പക്ഷമാണു.. മാനുശിക പക്ഷമാണു. താങ്കൾക്ക് സുസ്വാഗതം

      Delete
    3. ഹം ക്യാ ചാഹ്തേ ഹേ.. ആസാദി
      അബ്‌ സോർ സെ ബോലോ... ആസാദി.
      ഹം ലേകെ രഹേംഗേ... ആസാദി

      Delete
  4. തങ്കളാണു രാജ്യം എന്നും തങ്കളെ ആശയപരമായി എതിർക്കുന്നവരെല്ലാം 'രാജ്യദ്രോഹികൾ' എന്നും ശഠിക്കുന്നവരെക്കാൾ മൂഢന്മാർ മറ്റാരുണ്ട്

    #ഹാഷിം

    ReplyDelete
  5. ശൃാം നാഥ് കരമനMarch 5, 2016 at 3:31 PM

    ഇന്ത്യയിൽ പല സംസ്ഥാനങ്ങളിലും BJP അധികാരത്തിൽ ഉണ്ട് അവിടെ എല്ലാം ന്യൂനപക്ഷങ്ങളും ദളിതരും അടിച്ചമർത്തപ്പെടുന്നുണ്ടോ? ഉണ്ടെങ്കിൽ എന്ത് കൊണ്ട് വീണ്ടും വീണ്ടും BJP തന്നെ അധികാരത്തിൽ എത്തുന്നു. ജാതി വേർതിരിവ് കാണിക ക്കാത്ത ഒരു രാഷ്ട്രീയ പാർട്ടിയെ കാട്ടി തരുവാൻ പറ്റുമോ? ന്യൂനപക്ഷ ജനതയെ വേട്ട് ബാങ്ക് രാഷ്ട്രീയം മാത്രം ഭിന്നിപ്പിക്കാനുള്ള ശ്രമങ്ങളാണ് നടക്കുന്നത് ഓരോ ഇലക്ഷൻ ടൈമിലും അത് വ്യക്തമായി ശ്രദ്ധിച്ചാൽ മനസിലാവും കനയ്യയുടെ കൂടെ അറസ്റ്റ് ചെയ്യപ്പെട്ട ബാക്കി ആരും JNU വിൽ ഉള്ളവരല്ലേ നിങ്ങളുടെ ശ്രദ്ധയിൽ അവർ പെടാത്തതോ അതോ അവർ അവിടെ തെറ്റ് ചെയ്തു എന്ന് ബോധ്യമുള്ളത് കൊണ്ട് മനപ്പൂർവം മറന്നതാണോ നിങ്ങൾ പറയുന്നത് കേട്ടാൽ തന്നെ മനസ്സിലാവും JNU എന്ന പൊട്ടക്കിണറ്റിലെ തവളയാണ് കനയ്യ എന്ന് കാരണം അവൻ പറയുന്ന ഒരു കാര്യവും അവനാൽ ഇവിടെ നടത്താൻ കഴിയില്ല. അവന്റെ ആവശ്യം അവൻ നേടിയെടുത്ത ദേശീയ ശ്രദ്ധ അതുവഴി രാഷ്ട്രീയം എന്ന തേൻ കുടം നക്കണം.( ഒരു സംഘിയല്ല) മനസിൽ തോന്നിയത് എഴുതി

    ReplyDelete
    Replies
    1. Mr. Shyamnath , it is shame to say that caste discrimination exists in India even after these much years of independence.you don't need to admit Kanhaiya , but you have to admit what he has said.because that's the reality.as you said , he may not be able to eradicate this discrimination in the whole country , we the people has to do it.first of all , attitude of people like you has to be changed.that creates the discrimination.you asked why BJP gets elected again and again ; it's because people feel safety in religious politics , like Muslim league gets elected in Malabar.when BJP gets elected again , that doesn't mean they are right.

      Delete
    2. Muslim league and BJB can not be compared together. They are on different poles. Name alone shouldn't be considered for assessment of a party but activities and ideaologies are also be taken into consideration. I'm not a League man. But a free viewer cannot make such a comparison.

      Delete
    3. that was not a comparison.that is an example i said for Mr.Shyamnadh's question about why BJP gets elected again.please don't consider it as a comparison when you see two party's name in it.my apologies if it has affected anyone's interests.

      Delete
  6. അതിര്‍ത്തിയില്‍ മരിക്കുന്ന സൈനീകര്‍ക്ക് വേണ്ടി പാര്‍ലമെന്റില്‍ ഇരുന്നു മുതലക്കണ്ണീര്‍ ഒഴുക്കന്നവരോട് കനയ്യ ചോദിച്ചത് ആ സൈനീകര്‍ നിങ്ങളുടെ ആരെങ്കിലും ആണോ, അവരൊക്കെ ആത്മഹത്യ ചെയ്യുന്ന ഏതെങ്കിലും കര്‍ഷകരുടെ പുത്രന്മാരോ അല്ലെങ്കില്‍ തന്നെ പോലെ ഉള്ള ദരിദ്രരുടെ സഹോദരന്മാരോ ആയിരിക്കും എന്നാണു...!

    ReplyDelete
  7. Sasi Lal, ChennaiMarch 5, 2016 at 7:26 PM

    well said basheer sir രോഹിത്‌ വെമുലയുടെ സ്വപ്‌നങ്ങൾ നമുക്ക് തിരിച്ചു പിടിക്കണം എന്നതാണ് കനയ്യ ഉയർത്തിയ മുദ്രാവാക്യങ്ങളിൽ ഏറ്റവും തിളക്കമുള്ളത്‌. 'എന്റെ ജനനമാണ്‌ ഞാൻ നേരിട്ട ഏറ്റവും വലിയ അപകടം' (my birth is my fatal accident) എന്ന് എഴുതി വെച്ചാണ് ആ ദളിത്‌ വിദ്യാർഥി ആത്മഹത്യ ചെയ്തത്. അവനെ ആത്മഹത്യയിലേക്ക് നയിക്കും വിധം വേട്ടയാടുകയായിരുന്നു കേന്ദ്ര മന്ത്രാലയവും അതിന് കീഴിലുള്ള യൂണിവേഴ്സ്റ്റിയും. അത്തരമൊരു സാമൂഹ്യ സാഹചര്യത്തിനെതിരെ പൊരുതേണ്ടത് ജെ എൻ യു വിലെ വിദ്യാർത്ഥികളുടെ മാത്രമല്ല, ഇന്ത്യയുടെ ആത്മാവിനെ സ്നേഹിക്കുന്ന മുഴുവൻ പൗരന്മാരുടേയും ചുമതലയാണ്. എത്ര രോഹിത്തിനെ നിങ്ങൾ കൊല്ലുന്നുവോ അത്രയും രോഹിത്തുമാർ ഓരോ വീട്ടിൽ നിന്നും ഉദയം കൊള്ളും (Tum jitne Rohith maaroge, ghar ghar me Rohith niklega) എന്നാണ് കനയ്യ വിളിച്ച മുദ്രാവാക്യം.

    ReplyDelete
    Replies
    1. രാജ്യദ്രോഹത്തിനു തൂക്കിലേറ്റപ്പെട്ട യാക്കൂബ് മേമനു വേണ്ടി മുദ്രാവാക്യം മുഴക്കി അവസാനം തൂങ്ങിച്ചാവേണ്ടി വന്ന വ്യാജദളിതൻ വെമുലക്ക് വേണ്ടി സമരം ചെയ്യാൻ പോത്ത്‌രായനും കുജിലിയും പപ്പുമോനും മുന്നിൽ തന്നെ ഉണ്ടായിരുന്നു. ഇവിടെ കേരളത്തിൽ നമ്മുടെ കണ്മുന്നിൽ ജിഷ എന്ന ദളിത് പെൺകുട്ടി, എം എൽ എ സാജു പ്പോൾ അടക്കമുള്ള പ്രാദേശിക ഇടതു നേതാക്കളുടെ ഉപരോധവും അവഗണനയും സഹിച്ച് മരണത്തിനു കീഴടങ്ങിയപ്പോൾ പ്രതിഷാധിക്കാൻ കുജിലിയോ പോത്ത് രായനോ പപ്പുവോ ഇല്ല. എന്നാൽ യുവാക്കൾ ഈ അനീതിക്കെതിരെ ശബ്ദമുയർത്തിയപ്പോൾ തല്ലി കേസൊതുക്കാൻ ഉമ്മന്റെ പോലീസിനു നല്ല ശുഷ്കാന്തി.

      Delete
  8. ജെഎന്‍യുവിലെ വിദ്യാര്‍ഥികള്‍ക്കെതിരെ രാജ്യദ്രോഹകുറ്റം ചുമത്തിയതില്‍ പ്രതിഷേധിച്ച് സംഘടന വിട്ട എബിവിപി നേതാവ് പ്രദീപ് നര്‍വാള്‍ സംഘപരിവാറിനെതിരെ ആഞ്ഞടിച്ച് വീണ്ടും രംഗത്ത്. മുസ്ലിങ്ങളെ വകവരുത്തണമെന്ന് നാല് ബിജെപി നേതാക്കള്‍ പറഞ്ഞത് പത്രത്തില്‍ വായിച്ചു. ഈ രാജ്യത്തിലെ 20 കോടി മുസ്ലിങ്ങള്‍ക്ക് നിങ്ങളുടെ ദേശീയതയില്‍ സ്ഥാനമില്ലെങ്കില്‍ ആ ദേശീയതയില്‍ തനിക്ക് വിശ്വാസമില്ലെന്ന് പ്രദീപ് നര്‍വാള്‍ പറഞ്ഞു. ജെഎന്‍യുവില്‍ നടത്തിയ പ്രസംഗത്തിലാണ് സംഘപരിവാറിനെതിരെ പ്രദീപ് രൂക്ഷ വിമര്‍ശം ഉന്നയിച്ചത്. ജെഎന്‍യുവില്‍ എബിവിപിയുടെ ജോയിന്‍റ് സെക്രട്ടറിയായിരുന്നു പ്രദീപ്.

    ജെഎന്‍യുവില്‍ വിദ്യാര്‍ഥികള്‍ പ്രതിദിനം 3000 ഗര്‍ഭ നിരോധന ഉറകള്‍ ഉപയോഗിക്കുന്നുവെന്ന് ആരോപണം ഉന്നയിച്ച ബിജെപി എംഎല്‍എ ഗ്യാന്‍ദേവ് അഹൂജയെയും പ്രദീപ് നര്‍വാള്‍ വിമര്‍ശിച്ചു. എന്തുതരം പരാമര്‍ശമാണത്? സ്ത്രീകളെയും സഹജീവികളെയും ബഹുമാനിക്കാത്ത ദേശീയതയെ അംഗീകരിക്കാന്‍ കഴിയില്ല. ജനങ്ങളെ ഭിന്നിപ്പിച്ച് രാഷ്ട്രീയ മുതലെടുപ്പ് നടത്തുന്ന കേന്ദ്രസര്‍ക്കാരാണ് യഥാര്‍ഥ രാജ്യദ്രോഹികള്‍. വന്ദേമാതരം എന്ന് ഉച്ചത്തില്‍ പറഞ്ഞതുകൊണ്ടു മാത്രം ഒരാള്‍ ദേശസ്നേഹി ആവില്ല. രാജ്യത്തോടും ജനങ്ങളോടും കരുതലുള്ളവരാണ് യഥാര്‍ഥ രാജ്യസ്നേഹികളെന്നും പ്രദീപ് പറഞ്ഞു.

    കനയ്യ കുമാര്‍ അറസ്റ്റിന് മുന്‍പ് വിളിച്ച “സ്വാതന്ത്ര്യമാണ് ഞങ്ങള്‍ ആവശ്യപ്പെടുന്നത്” എന്ന മുദ്രാവാക്യം വിളിച്ചാണ് പ്രദീപ് നര്‍വാള്‍ പ്രസംഗം അവസാനിപ്പിച്ചത്.

    ReplyDelete
  9. Excellent post basheer.
    After watching kanhaiyas speech, my cousin told me that this boy will become a great challenge to Mr. Modi and Sangh parivar. I am really proud of what he stands for.

    ReplyDelete
  10. Basheer, if you have time please go through this article Excellent piece. You will know what exactly happened that night in JNU
    http://www.indiaresists.com/what-acually-happend-in-jnu/

    ReplyDelete
  11. @കനയ്യ കുമാർ ഉയർത്തിയ ആസാദി മുദ്രാവാക്യം സംഘപരിവാർ ശക്തികളെ അസ്വസ്ഥരാക്കിയെങ്കിൽ അതിൽ ഒട്ടും പുതുമയില്ല

    ആസാദി മുദ്രാവാക്യം അല്ല, JNU വിൽ മുഴങ്ങി കേട്ട ഇന്ത്യാ വിരുദ്ധ മുദ്രാവാക്യങ്ങളും അഫ്സൽ ഗുരുവിനെ പോലുള്ള രാജ്യദ്രോഹികളെ അനുകൂളിച്ച്ചുകൊണ്ടുള്ള പോസ്ടരുകളും പാക്കിസ്ഥാൻ അനുകൂല മുദ്രാവാക്യങ്ങളും വിരമിച്ച ഭടന്മാരെ കുറിച്ചുള്ള കന്യ്യ യുടെ കമന്റുകളും ആണ് സംഘ പരിവാറിനെ പോലെ അനേകം ഇന്ത്യാക്കാരെ വേദനിപ്പിച്ചത്.

    ReplyDelete
  12. @ശരിയാണ്, കനയ്യ പങ്കെടുത്ത പരിപാടിയോടനുബന്ധിച്ച് ചില കുട്ടികൾ ദേശവിരുദ്ധ മുദ്രാവാക്യങ്ങൾ വിളിച്ചതായി റിപ്പോർട്ടുകൾ ഉണ്ട്. അത്തരത്തിൽ ചില പ്ലക്കാർഡുകൾ അവർ ഉയർത്തിയതായും കാണുന്നുണ്ട്. പക്ഷേ ആ പരിപാടിയുടെ സംഘാടകൻ ആയിരുന്നില്ല കനയ്യ. ആ പരിപാടിയുടെ നടത്തിപ്പുമായി ബന്ധപ്പെട്ട് ഇരുവിഭാഗം വിദ്യാർത്ഥികൾ തമ്മിൽ സംഘർഷം ഉണ്ടായ സാഹചര്യത്തിലാണ് ആരോ അറിയിച്ചതിനെത്തുടർന്ന് ജെ എൻ യു വിദ്യാർത്ഥി യൂണിയൻ പ്രസിഡന്റായ കനയ്യ അവിടെ എത്തുന്നതും പ്രഭാഷണം നടത്തുന്നതും.
    -------------------------- അതിനേക്കാൾ പ്രധാനമാണ് വിരലിൽ എണ്ണാവുന്ന ഏതാനും വിദ്യാർത്ഥികൾ അവിടെ അങ്ങനെയൊരു മുദ്രാവാക്യം വിളിക്കാനുണ്ടായ സാഹചര്യം എന്ത് എന്ന് പഠന വിധേയമാക്കണം എന്നതും.

    എന്ത് പഠന വിധേയം???? അടിച്ചു കൊല്ലുകയാണ് ആ തെണ്ടികളെ ചെയ്യേണ്ടത്. താങ്കൾക്കു ഇത് വരെ കാര്യങ്ങൾ പിടി കിട്ടിയില്ല, ഇന്ത്യാ വിരുദ്ധ നയങ്ങൾ നടപ്പാക്കാൻ ശ്രമിക്കുന്ന ഒരുകൂട്ടം ആളുകള് അവിടെ ഉണ്ട്.

    ReplyDelete
  13. നല്ല വിശകലനം. കനയ്യയെ ഇന്ത്യയിലെ ജാതിക്കോമരങ്ങൾ വല്ലാതെ ഭയപ്പെട്ടു തുടങ്ങിയിരിക്കുന്നു.

    ReplyDelete
  14. കനയ്യ ശരിയായ രാജ്യ സ്നേഹിയായിരുന്നെങ്കില്‍ എന്ത് കൊണ്ടു?
    1. അഫ്സല്‍ ഗുരുവിന്റെ ചരമ വാര്‍ഷികം ആഘോഷിക്കുന്ന സമ്മേളനം നിരോധിച്ചിട്ടും ആ സമ്മേളനത്തില്‍ പങ്കെടുത്ത്.
    2. അയാള്‍ രാജ്യ ദ്രോഹം വ്യക്തമായി പ്രകടിപ്പിക്കുന്ന മുദ്രാവാക്യങ്ങള്‍ വിളിക്കുന്നത്‌ കേട്ടു അതിനെ തടസ്സപ്പെടുത്തില്ല?
    കാര്യങ്ങള്‍ കൈ വിട് പോയപ്പോള്‍ രാജ്യ സ്നേഹി ചമയുന്ന ഇയാള്‍ ഒന്നാം തരം ഫ്രോഡ് തന്നെ!!!

    ReplyDelete
    Replies
    1. കനയ്യ ശബ്ദം ഉര്ത്തിയത് സെമറ്റിക് മതക്കാരുടെ ക്രൂരതയ്ക്ക് പാത്രമായി ജന്മസ്ഥലം ഉപേക്ഷിച്ചോടേണ്ടി വന്ന കശ്മീരി പഢിറ്റുകള്ക്ക് വേണ്ടിയായിരുന്നെങ്കില്......ഇവന്റെ കൈപത്തിയോ കാല്പത്തിയോ വെട്ടിമാറ്റാനോഅല്ലാതെ കേരളത്തിലെ സമാധാനത്തിന്റെ അപ്പോസ്തലന്മാരില് നിന്നും ഒരനുകൂല ശബ്ദം ഉണ്ടാകുമായിരുന്നില്ല....ഇവന് അനുസ്മരിച്ചത് സന്ദിപ് ഉണ്ണികൃഷ്ണനേയോ...ഹേമന്ദ് കര്ക്കറേയോ അല്ല......

      Delete
  15. @കാരണം ആ പട്ടിണിപ്പയ്യൻ വെറുമൊരു പയ്യനല്ല, ഒരു ദേശീയ ഹീറോയാണ്. പിന്നോക്കക്കാരുടേയും അടിച്ചമർത്തപ്പെട്ടവരുടേയും ഹീറോ.. ഫാസിസത്തിന്റെ പത്തിയിൽ ആഞ്ഞടിക്കാൻ കെല്പുള്ള ഹീറോ.

    കനയ്യ ഒരു ശുഭ പ്രതീക്ഷയായി കാണാൻമാത്രം അയാൾക്ക്‌ യാതൊരു പ്രത്യേകതയും ഇല്ല. പല നേതാക്കന്മാരും പ്രസങ്ങിക്കുന്ന പോലെ കര്ഷകരും ജവാന്മാരും ദാരിദ്രവും ഒക്കെ പൊടി തട്ടി എടുത്ത് തീപ്പൊരി പ്രസംഗം നടത്തുന്നു അത്ര മാത്രം. ബഷീറിനും കൂട്ടർക്കും പ്രതീക്ഷ ആവും മോഡിയെ എതിർക്കുന്നു എന്ന ഒറ്റ കാരണത്താൽ അത് ഞാൻ കാര്യമാക്കുന്നും ഇല്ല. ജയിലിൽ പോയി വന്നപ്പോൾ പയ്യൻറെ അഫ്സൽ ഗുരുവിനെ കളഞ്ഞു പോയി. അത് ഏതായാലും നന്നായി. ഇപ്പോൾ സ്കൂൾ കുട്ടികളുടെ എസ്സേ പോലെയാണ് പ്രസംഗം. രാജ്യസ്നേഹം തുടിച്ചു നിൽക്കുന്നു. എങ്കിലും അഴിമതിയും തീവ്രവാദവും മാവോയിസവും ഒക്കെ പയ്യന് പാടെ വിഴുങ്ങി.

    ReplyDelete
  16. kanayya ethoru rashtreeyakaaraneyum pole avasara vaadi. kanayyakku nere nadanna anyaayam apalapaneeyam thanne. 9th nu nadanna desa virudha mudraavaakyathil ninnum mukham rakshikkaan vendi 11nu paripaadi nadathi. allenkil enthu kondu annu indiaye ithrayum avahelikkunna tharathil mudraavaakyam vili undaayittu athine apalapichilla. annu mudraavaakyam vilichavarute kootathil undayirunna athe umer khalid thanneyaayirunnallo 11 nu nadanna paripaadiyilum avante tholodu chernnu ninnanthu. innu vare 9th nu ndadanna mudraavaakyam vilikale oruthanum apalapichu kandilla. pakaram kanayyakku nere nadanna akramathe munnil kondu vachu athindee munpu nadanna desa virudha paripaadikale pothu samoohathinu munpil ninnum marakkaanaanu sramichathu. vighadana vaadam aaru nadathiyaalum athu thettu thanneyaanu. athu dalithannde perilaayaalum musliminde perilaayaalum hinduvinde perilaayaalum.

    ReplyDelete
  17. കഴിഞ്ഞ ആഴ്ച്ച കര്‍ണാടകയിലെ മൈസൂരില്‍ ഒരാള്‍ പട്ടാ പകല്‍ ഒരു പാട് ആളുകള്‍ നോക്കി നില്‍ക്കെ വെട്ടി കൊല്ലപ്പെട്ടിരുന്നു..
    ആളുടെ പേര് ബി രാജു എന്ന് പറയും...
    പക്ഷെ നമ്മള്‍ ആരും അത് അറിഞ്ഞില്ല.
    അതിന്റെ പേരില്‍ അവിടെ ഹര്‍ത്താലും പ്രതിഷേധ പ്രകടനങ്ങളും ഒക്കെ നടന്നു.
    കൊലയുടെ കാരണവും കൊലയാളികള്‍ ആരെന്നതും പകല്‍ പോലെ വെക്തമായിട്ടും അതിനെ ആരും അസഹിഷ്ണുത കൊലപാതകം എന്ന് വിളിച്ചില്ല.
    എന്തിനു കൊല്ലപ്പെട്ട ആളിന്റെ മതമോ ജാതിയോ പോലും ആരും പറഞ്ഞു കണ്ടില്ല...
    അതിന്റെ പേരില്‍ ആരും രാജ്യത്തെ പ്രധാനമന്ത്രിയെ തെറിവിളിച്ചില്ല..

    അതെ സമയത്ത് തന്നെയാണ് കേരളത്തിലും ഒരാള്‍ വീട്ടില്‍ നിന്നും വിളിച്ചിറക്കപ്പെട്ടു വീട്ടുകാരുടെ മുന്നിലിട്ട് വെട്ടി കൊല്ലപ്പെട്ടത്.
    ഈ കൊലയുടെ കാരണവും കൊലയാളികളെയും എല്ലാവര്‍ക്കും അറിയാമായിരുന്നിട്ടും അതിനെയും ആരും അസഹിഷ്ണുത കൊലപാതകം എന്ന് വിളിച്ചില്ല..
    ഇതിന്റെ പേരിലും പ്രധാനമന്ത്രിക്ക് പഴി കേള്‍ക്കേണ്ടി വന്നില്ല...

    പക്ഷെ ഇന്ന് ജാര്‍ഘണ്ടില്‍ രണ്ടു പേരെ കൊല്ലപ്പെട്ട നിലയില്‍ കണ്ടെത്തിയപ്പോ...
    കൊലയുടെ കാരണവും കൊലയാളികളുടെ ഉദ്ദേശവും ഇനിയും മനസിലായിട്ടു ഇല്ലേല്ലും അതിന്റെ പേരില്‍ പ്രധാനമന്ത്രിയെ തെറി വിളിക്കാന്‍ ആളുണ്ടായി..
    അന്തിച്ചര്‍ച്ചക്ക് തിരി തെളിക്കാന്‍ ഉള്ള കോപ്പ് കൂട്ടലുകള്‍ ഉണ്ടായി..
    കാരണം ആ കൊല്ലപ്പെട്ടവരുടെ തൊഴില്‍ മാട് കച്ചവടം ആയിരുന്നു..
    ഇന്നലെ അവര്‍ മാടുകളും ആയാണ് വീട്ടില്‍ നിന്നും ഇറങ്ങിയത്‌. ഇന്ന് അവരെ കൊല്ലപ്പെട്ട നിലയില്‍ കണ്ടെത്തിയിട്ടും അവര്‍ കൊണ്ട് പോയിരുന്ന മാടുകളെ കുറിച്ച് ഒരു വിവരവും ഇതുവരെ കിട്ടിയിട്ടില്ല..
    ഇങ്ങനെ ഉള്ള അവസരങ്ങളില്‍ അത് മോഷണ ശ്രമത്തിനിടയിലെ കൊലപാതകം ആവാം..
    അല്ലേല്‍ ജാര്‍ഘണ്ട് പോലത്തെ സംസ്ഥാനങ്ങളിലെ കമ്മ്യുണിസ്റ്റ് തീവ്രവാദികള്‍ ആയ മാവോക്കള്‍ കൊന്നതും ആവാം..

    പക്ഷെ രണ്ടു മൂന്നു സംസ്ഥാനത്തെ തെരഞ്ഞെടുപ്പുകള്‍ അടുക്കുന്ന വേളയില്‍ ഇത്തരത്തിലുള്ള ചിന്തകള്‍ക്ക് ഒന്നും സമയം ഇല്ല..
    അതോണ്ട് കൊല്ലപ്പെട്ടവരുടെ ഭാഗത്ത്‌ കാലികളെ സംബന്ധിച്ച എന്തേലും ഉണ്ടോ...
    എന്ന അത് അസഹിഷ്ണുത കൊലപാതകം ആണ്..
    ഉത്തരവാദികള്‍ സംഘ പരിവാരുകാര്‍ ആണ്..

    ഇനിയിപ്പോ പള്ളിക്ക് കല്ലേറ് എപ്പോളാ തുടങ്ങുന്നേ എന്നെ നോക്കാന്‍ ഒള്ളൂ...
    കാരണം കേരളമടക്കമുള്ള സംസ്ഥാനങ്ങളില്‍ തിരഞ്ഞെടുപ്പ് ഇങ്ങെത്തിയില്ലേ...!!!

    ReplyDelete
  18. ഹൈദ്രബാദ് സർവകാല ശാലയിൽ ഇപ്പൊ നടക്കുന്നത് പാഠപുസ്‌തകങ്ങൾ കിട്ടാഞ്ഞിട്ടോ, പഠിപ്പിക്കാൻ അദ്ധ്യാപകർ ഇല്ലാത്തതിനോ, സമയത്ത് പരീക്ഷകൾ നടക്കാത്തതിനോ, അല്ലേൽ വിദ്യാർത്ഥികളുടെ മറ്റു വല്ല പ്രശ്നങ്ങളുടെ പേരിലോ അല്ല..

    രാജ്യത്തിന്റെ പരമോന്നതമായ പാർലമെന്റിൽ തന്നെ ആക്രമണം നടത്തിയ കുറ്റത്തിന് കോടതി കുറ്റക്കാരൻ ആണെന്ന് കണ്ടു വധശിക്ഷ വിധിച്ച, ആ ശിക്ഷ രാഷ്ട്രപതി ശരി വച്ചതിനെ തുടർന്ന് തൂക്കിലേറ്റിയ, ഭീകരവാദിയായ അഫ്സൽ ഗുരുവിനു വേണ്ടി അനുസ്മരണം നടത്തിയതിനു..
    അതും അഫ്സലിനെ തൂക്കി കൊന്ന ഇന്ത്യൻ നീതിന്യായ വ്യവസ്ഥയെ വെല്ലു വിളിച്ചു, നിങ്ങൾ ഒരു അഫ്സൽ ഗുരുവിനെ കൊന്നാൽ ഓരോ വീടുകളിൽ നിന്നും ഇനിയും അഫ്സൽ ഗുരുമാർ ഉയർന്നു വരും എന്ന പോസ്റ്ററും വെച്ച് അനുസ്മരണം നടത്തിയതിനു എതിരെ അവിടത്തെ വിദ്യാർഥികളുടെയും ജനപ്രതിനിധികളുടെയും പരാതിയെ തുടന്നു സർവകലാശാല ഒരു അന്നെഷണ കമ്മിഷനെ വെക്കുകയും,
    ആ കമ്മിഷൻ കുറ്റക്കാർ ആണെന്ന് കണ്ടെത്തിയതിനെ തുടർന്ന് സർവകലാശാല അധികൃതർ സസ്പ്പന്റ്റ് ചെയ്യുകയും ചെയ്ത വിദ്യാർഥികളിൽ ഒരുവൻ ആത്മഹത്യ ചെയ്തപ്പോ..
    അതും തന്റെ മരണത്തിനു ആരും ഉത്തരവാദി അല്ല എന്ന ആത്മഹത്യ കുറിപ്പു എഴുതി വെച്ച് ആത്മഹത്യ ചെയ്തപ്പോ...

    ആ മരണത്തിന്റെ പേരിൽ അവിടത്തെ പ്രിൻസിപ്പാളിനെ കോളേജിൽ നിന്നും പുറത്താക്കണം എന്ന് ആവശ്യപ്പെട്ടു ഒരു കൂട്ടര് ഒരു പാടുനാളായി നടത്തിവരുന്ന നാടകത്തിന്റെ ഭാഗമായി നടത്തുന്ന ആക്രമണം ആണ് ഇപ്പൊ അവിടെ നടന്നു കൊണ്ടിരിക്കുന്നത്..

    അപ്പൊ അതിനെ എന്തൊക്കെ ന്യായങ്ങൾ പറഞ്ഞാലും പിന്തുണക്കാൻ എന്നെ കിട്ടില്ല..
    കാരണം രാജ്യത്തിന്റെ ചിലവിൽ ജീവിക്കുന്നവർ ജീവിക്കേണ്ടത് രാജ്യത്തിന് വേണ്ടിയാണ്..
    അല്ലാതെ രാജ്യത്തെ ദ്രോഹിക്കാൻ നടക്കുന്നവർക്ക് വേണ്ടിയല്ല...

    അങ്ങിനെ ഉള്ളവരെ ലിംഗമോ, വർണ്ണമോ, വർഗമോ, മുഖമോ നോക്കാതെ തന്നെ അടിച്ചമർത്തണം എന്ന അഭിപ്രായക്കാരൻ ആണ് ഞാൻ...

    വെമുല ജീവിച്ചിരുന്നപ്പോള്‍ ഒരുകാലത്തും രാഹുല്‍ ഗാന്ധിയുടെ ആരാധകനായിരുന്നില്ല യെച്ചുരിയുടെ പാര്‍ട്ടിയുടെ വിദ്യാര്‍ഥി വിഭാഗത്തില്‍ നിന്നും രാജിവച്ചു പോവുകയും യെച്ചൂരിയെ പരിഹസിക്കുന്ന പോസ്റ്റ്‌ കള് fb യില്‍ ഇടുകയും ചെയ്തിരുന്നു ......എന്നിട്ടും മരിച്ചു കഴിഞ്ഞപ്പോള്‍ മുതലെടുപ്പിനായി ഓടിവന്നു രാഹുല്‍ ഗാന്ധിയും കേജ്രിവാലും യെചൂരിയുമൊക്കെ എന്തൊരു ഉന്തും തള്ളുമാണ്‌ നടത്തിയത് .......അവരുടെയൊക്കെ നാടകങ്ങള്‍ കണ്ടു സമരത്തിനും അക്രമത്തിനുമൊക്കെ എടുത്തുചാടി തല്ലുകൊണ്ടു വലയുമ്പോള്‍ അവരാരും തിരിഞ്ഞുനോക്കുന്നില്ല , അവര്‍ക്ക് ജീവിക്കുന്ന തല്ലുകൊള്ളികളെ അല്ല രക്ത സാക്ഷികളെ ആണു വേണ്ടത് എന്ന തിരിച്ചറിവ് ഇനിയെങ്കിലും ഇതുപോലെ വഴിതെറ്റി പോയവരുടെ കണ്ണു തുറപ്പിക്കാന്‍ ഉതകിയെങ്കില്‍ എന്നാഗ്രഹിക്കുന്നു .......പഠിക്കാനായി വല്ല നാട്ടിലും പോയിട്ട് രാഷ്ട്രീയം കളിച്ചു നടന്നു പോലീസ് അതിക്രമങ്ങള്‍ക്ക് ഇരയാവുംപോള്‍ സ്വന്തം നാട്ടുകാര് പ്രതികരിക്കുന്നില്ല എന്നു പരാതി പറയുന്നതു കൊണ്ടു പ്രത്യേകിച്ച് പ്രയോജനമൊന്നുമില്ല ......തല്ലുന്നത് തെലുങ്കാനയിലെ മതേതര സര്‍ക്കാരിന്റെ പൊലീസായതു കൊണ്ടു മോഡിയേയോ കേന്ദ്ര സര്‍ക്കാരിനെയോ ബീ ജേ പീ യെയോ ഇക്കാര്യം പറഞ്ഞു പ്രതിക്കൂട്ടിലാക്കാനുള്ള scope ഇല്ല ...അതു കൊണ്ടു രക്തസാക്ഷികള്‍ക്കായി കാത്തിരിക്കുന്ന കഴുകന്മാര് വലിയ ഒച്ചയും ബഹളവുമൊന്നും ഉണ്ടാക്കും എന്നു പ്രതീക്ഷിക്കേണ്ട

    Courtesy: MecHeri

    ReplyDelete
    Replies
    1. Aarodu? enthinu. cheviyil panji thiruki kayati vachavarodu enthu paranjittum enthaa kaaryam. avare sambandhichedatholam bharana kakshi adikaan kanayya enna cherukane uyarthi kondu varenda gathikedaanu. vere enthokke vishayangal undu. ennittum athonnum uyarthi pidikaathe dalithande ira vaadam uyarthi pidichu kondu veruppum vidweshavum valarthi naadine bhinnippikkaanaanu sramikkunnathu.

      Delete
  19. Very good and informative posting. Well Done Basheerji.

    ReplyDelete
  20. Very good and informative posting. Well Done Basheerji.

    ReplyDelete
  21. സ്വന്തമായി കഴിവുള്ള ഒരു നേതാവ് ഇല്ലാത്തതിന്റെ അഭാവം ആണ് ഈ കണ്ണയ്യ കുമാറിനെ പോലെ ഉള്ള ആളുകളെ താങ്ങി നടക്കണ്ട ഗതികേട് കോൺഗ്രസ്‌ ഇടതു പാർടികൾക്ക് വന്നത് . പാർലിമെന്റ് ആക്രമിച്ച അഫ്സൽ ഗുരുവിനെ അനുസ്മരിക്കാൻ എല്ലാവിധ സഹായവും ചെയ്ത കണ്ണയ്യ ആണ് ഇന്ന് ചിലരുടെ ഹീറോ . പ്രധാനമന്ത്രിക്ക് എതിരെ എടുത്തുകാട്ടാൻ ഒരു എതിരാളി ഇല്ലാത്ത പ്രതിപക്ഷം ആദ്യം രാഹുൽ ഹീറോ ആണന്നു പറഞ്ഞു കേജരിവാളിനെ ഹീറോ ആകി അതിനു ശേഷം ഹര്ടിക് പട്ടേൽ ദേ ഇപ്പോൾ കണ്ണയ്യ . അടുത്ത ആഴ്ച വേറെ ആരെങ്കിലും ആകും ഇവരുടെ ഹീറോ . കണ്ണയ്യ കുമാറിനെ പോലെ ഉള്ള ആളുകളുടെ ശബ്ദം നമ്മുടെ രാജ്യത്ത് അരക്ഷിതാവസ്ഥ ഉണ്ടാക്കാൻ ശ്രമിക്കുന്നവർക്ക് വളം ആണ് . അവർ കന്നയ്യക്ക് പാല് കൊടുത്തു വളർത്തും . മറ്റൊരു കാശ്മീർ ഉണ്ടാക്കാൻ ഇനി നമ്മുടെ രാജ്യത്ത് അനുവദിക്കരുത്

    ReplyDelete
  22. ശരിയാണ് kanaya ഒരു പ്രദീക്ഷയാണ് ആ കനൽ ജ്വാലയായ് മാറട്ടേ ലേഖനത്തിന് അഭിനന്ദനങ്ങൾ

    !!!കഹോ സച്ച് കോ സച്ച് ഗലത് കോ ഗലത്

    ReplyDelete
    Replies
    1. ലോകാ സമസ്താ സുഖിനോ ഭവന്ദുMarch 30, 2016 at 5:14 PM

      അതെ പ്രതീക്ഷയാണ് പ്രത്യേകിച്ച് "തീവ്രവദാകിള്ക്ക്"

      Delete
    2. ഗാന്ധിജിക്കും, ഗോഡ്സ്ക്കും ഉണ്ടായിരുന്നു പ്രദീക്ഷകൾ !
      ഗാന്ധിയൻ പ്രദീക്ഷകളെ യാണ് ഇവിടെ പിന്തുണക്കുന്നത്

      Delete
  23. വഴിപോക്കന്April 2, 2016 at 3:11 PM

    മോദി അധികാരമേറ്റശേഷം സഹിഷ്ണുതയുടേയും സമാധാനത്തിന്റേയും അപ്പോസ്തലന്മാര് എന്ന് സ്വയം മാത്രം അവകാശപ്പെടുന്നവര് ഏറ്റവും കൂടതല് ഉപയോഗിക്കുന്ന ചിലവാക്കുകള് ഗാന്ധി, ഗോഡ്സേ, ഗോമാതാ, ഗുജറാത്ത് മൊത്തമൊരു "ഗ"മയം പിന്നൊന്നുകൂടിയുണ്ട് "ഗോപി" സുരേഷ്ഗോപി കളഞ്ഞിട്ടുപോടെയ് " ഗോ ഗോ ഗോ റ്റു യുവര് ക്ലാസസ്സ് "

    ReplyDelete
  24. ജാതിയത ഇല്ലാത്ത ഇന്ത്യയുണ്ടാവട്ടെ

    ReplyDelete
  25. കേരളത്തിലെ ഹിന്ദുവിന്റെ ചില മതേതര സങ്ങ്കൽപ്പങ്ങൾ : മുസ്ലിം ലീഗും കേരള കോണ്ഗ്രസ്സും വര്ഗീയ പാർട്ടി അല്ല - bjp വര്ഗീയ പാർട്ടി ആണ്. ndf പോപ്പുലർ ഫ്രോണ്ട് ഇവ മത സംഘടനകൾ ആണ് - rss ഭീകര സംഘടന ആണ് ഉമ്മൻ ചാണ്ടിയും മാണിയും നല്ല ഭരണാധികാരികൾ - മോഡി ഒന്നും ചെയ്യുന്നില്ല, ഫാസിസ്റ്റ് മോഡിയെവിമർശിക്കുന്ന ബലരാമൻ, വിഷ്ണുനാഥ് മതേതരൻ - അനുകൂലിക്കുന്നവർ സംഘികൾ, ഫാസിസ്റ്റ് (സുരേഷ് ഗോപി ) മനോരമയും മാതൃഭൂമിയും മതേതരം അതുകൊണ്ട് അവർ അത് വരുത്തുന്നു... ഏഷ്യാനെറ്റും കൈരളിയും മതേതരം അതുകൊണ്ട് അത് കാണുന്നു...- അമൃത വർഗീയം അമൃതാനന്തമായി ആൾദൈവം - ചാവറ അച്ചനും ഏവു പ്രസ്യയും വിശുദ്ധർ, (ആൾദൈവം അല്ല) കോണ്വെന്റ് സ്കൂൾ, സിസ്റ്റർ, അച്ചൻ, മെത്രാൻ ഇവരൊക്കെ ബഹുമാനിക്കപെടെണ്ടവർ - പൂജാരി, സന്യാസി, അമ്പലം, ഉത്സവം ഇതൊക്കെ വർഗീയം ശശികല ടീച്ചർ വിഷം - മദനി മതേതരൻ അമ്പലങ്ങളും അതിനുകീഴിലുള്ള സ്ഥാപനങ്ങളും ഇടതനും വലതനും മാറി മാറി നശിപ്പിക്കുന്നത് മതേതരം - അത് ഹിന്ദുക്കൾ ഭരിക്കണം എന്ന് പറയുന്നത് വർഗീയം വെള്ളിയാഴ്ച പരീക്ഷ നടത്താത്തത് മതേതരം - റമദാനിൽ മലബാറിൽ ഉച്ചകഞ്ഞി നിർത്തുന്നത് മതേതരം - ഹജ്ജ് , വെഞ്ഞരിപ്പ് മതേതരം - ഗണപതി ഹോമം, ശബരിമല പഴനി യാത്രകൾ വർഗീയം മുസ്ലിം ക്രിസ്ത്യൻ വിധവകൾക്കു സഹായം മതേതരം - ഹിന്ദുവിധവ വർഗീയം അനുഭവിക്കട്ടെ (മതം മാറിയാൽ തരാം) മുസ്ലിം പെണ്കുട്ടികള്ക്ക് കമ്പ്യൂട്ടർ മതേതരം - ഹിന്ദു കുട്ടികൾ രണ്ടാം തരക്കാർ, സന്ഘി ആയാൽ ഇതുപോലിരിക്കും സ്കൂൾ മൊത്തം കർത്താവിന്റെയും മാതാവിന്റെയും രൂപങ്ങൾ (വിഗ്രഹാരാധന പാപം) ഫോട്ടോകൾ - മതേതരം - പക്ഷെ ഹിന്ദു കുട്ടികൾ കുറി തൊടുന്നതും പൊട്ടു തൊടുന്നതും വർഗീയം.

    ഇന്ന് ഒറ്റയ്ക്ക് ഇന്ത്യ ഭരിക്കുന്ന പാർടി കേരളത്തിൽ ഭരിച്ചാൽ മത സാഹോദര്യം തകരും.കള്ള നസ്രാണി അന്തോണിയുടെ (ആറാട്ട്‌ മുണ്ടൻ) ഉള്ളിലെ യഥാർത്ത മതേതറൻ പുറത്ത് ചാടിയിരിക്കുന്നു!!! കാലാകാലങ്ങളായി കയ്യേറ്റസമുദായത്തിന്റേയും കലാപസമുദായത്തിന്റേയ്യും പാർട്ടികളുടെ തോളിൽ കയ്യിട്ട് ജനാധിപത്യത്തെ വ്യഭിചരിച്ചവൻ ഇപ്പോൾ വേശ്യയുടെ ചാരിത്ര്യപ്രസംഗവുമായി ഇറങ്ങിയിരിക്കുന്നു. ത്ഫൂ..

    ReplyDelete
  26. രാജ്യദ്രോഹത്തിനു തൂക്കിലേറ്റപ്പെട്ട യാക്കൂബ് മേമനു വേണ്ടി മുദ്രാവാക്യം മുഴക്കി അവസാനം തൂങ്ങിച്ചാവേണ്ടി വന്ന വ്യാജദളിതൻ വെമുലക്ക് വേണ്ടി സമരം ചെയ്യാൻ പോത്ത്‌രായനും കുജിലിയും പപ്പുമോനും മുന്നിൽ തന്നെ ഉണ്ടായിരുന്നു. ഇവിടെ കേരളത്തിൽ നമ്മുടെ കണ്മുന്നിൽ ജിഷ എന്ന ദളിത് പെൺകുട്ടി, എം എൽ എ സാജു പ്പോൾ അടക്കമുള്ള പ്രാദേശിക ഇടതു നേതാക്കളുടെ ഉപരോധവും അവഗണനയും സഹിച്ച് മരണത്തിനു കീഴടങ്ങിയപ്പോൾ പ്രതിഷാധിക്കാൻ കുജിലിയോ പോത്ത് രായനോ പപ്പുവോ ഇല്ല. എന്നാൽ യുവാക്കൾ ഈ അനീതിക്കെതിരെ ശബ്ദമുയർത്തിയപ്പോൾ തല്ലി കേസൊതുക്കാൻ ഉമ്മന്റെ പോലീസിനു നല്ല ശുഷ്കാന്തി.

    ReplyDelete
  27. മദനി ഇല്ലാത്ത കേരളത്തിന് ഈ തെണ്ടി ഒരു പ്രതീക്ഷയാണ് നിങ്ങൾ തീവ്രവദാകിള്ക്ക് ...

    ReplyDelete