August 18, 2015

അബുദാബിയിലെ അമ്പലം പറയുന്നതെന്തെന്നാൽ

ഇന്ത്യൻ പ്രധാന മന്ത്രിയുടെ യു എ ഇ സന്ദർശനത്തിന്റെ വാർത്തകൾ വൈറലായി ക്കൊണ്ടിരിക്കുന്ന സമയത്ത് ഫെയ്സ്ബുക്കിൽ ഞാനിങ്ങനെയൊരു സ്റ്റാറ്റസ് ഇട്ടിരുന്നു. "ബാബരി മസ്ജിദ് പൊളിച്ചു കൊണ്ട് രാഷ്ട്രീയ അസ്ഥിവാരം പണിത ഒരു പാർട്ടിയുടെ നേതാവിനെ ആദ്യമായി കൊണ്ട് പോയത് ഷെയ്ഖ്‌ സായിദ് പള്ളിയിലേക്ക്. അതിന്റെ വാതിലുകൾ അദ്ദേഹത്തിനായി മലർക്കെ തുറന്നു കൊടുത്തു. നമസ്കാരം നിർവഹിക്കപ്പെടുന്ന അകത്തളങ്ങളിൽ ചുറ്റിക്കറങ്ങാൻ അനുവദിച്ചു. അബുദാബിയിൽ ഹൈന്ദവ ക്ഷേത്രം പണിയാനുള്ള അനുമതിയും കൊടുത്തു. ചരിത്രത്തിന്റെ തെറ്റുകളോടും വർഗീയതയുടെ തത്വശാസ്ത്രങ്ങളോടും സ്നേഹത്തിന്റെ ഭാഷയിൽ എങ്ങിനെ പ്രതികരിക്കാമെന്ന് കാണിച്ചു കൊടുത്തിരിക്കുന്നു യു എ ഇ ഭരണാധികാരികൾ. വിദ്വേഷത്തിന്റെ പ്രചാരകർക്ക് അവരിൽ നിന്ന് പഠിക്കാൻ ഏറെയുണ്ട്". ആ വരികളിൽ  അടങ്ങിയ സദുദ്ദേശത്തെ അത് വായിച്ചവരിൽ മിക്കവരും മനസ്സിലാക്കിയെങ്കിലും ചിലരെങ്കിലും ചോദിച്ചു. മുഴുവൻ പ്രവാസികളും ആഹ്ലാദിക്കുന്ന ഇത്തരം ചരിത്ര മുഹൂർത്തങ്ങളിൽ പഴയകാല സംഭവങ്ങൾ ഓർത്തെടുത്ത് പുറത്തിടുന്നത് ശരിയാണോ എന്ന്.

ചോദ്യം പ്രസക്തമാണ്. പ്രതികരണങ്ങളിൽ സമയവും സന്ദർഭവും നോക്കണം. പക്ഷേ ഓർമ്മകൾക്ക് ഒരു കുഴപ്പമുണ്ട്. അത് നമ്മുടെ കണ്ട്രോളിൽ നില്ക്കുന്ന   ഒരു സംഗതിയല്ല. ഓർമ്മകൾ ജനിക്കുന്നത് ആ ഓർമയുമായി ബന്ധമുണ്ടാകുന്ന സംഭവങ്ങൾ കാണുകയോ ശ്രദ്ധയിൽ പെടുകയോ ചെയ്യുമ്പോഴാണ്. മാമ്പഴങ്ങൾ പഴുത്ത് തുടങ്ങുമ്പോൾ ആ മാവ് വെച്ചു പിടിപ്പിച്ച മുത്തശ്ശിയെ ഓർമ്മ വരും. ആ ഓർമ്മ  ഒരു പാപമല്ല, മറവിയിൽ ആണ്ടു പോയ മുത്തശ്ശിയെ മാമ്പഴങ്ങളാണ് തിരിച്ചു കൊണ്ട് വന്നത്. ബാബരി മസ്ജിദിന്റെ ഓർമ്മ എത്തിയത് ചരിത്ര പ്രാധാന്യമുള്ള മറ്റൊരു മസ്ജിദിൽ ബാബരി മസ്ജിദ് പൊളിക്കുന്നതിന് നേതൃത്വം നല്കിയ രാഷ്ട്രീയ പാർട്ടിയുടെ ഏറ്റവും തലപ്പത്തുള്ള ഒരാൾ സന്ദർശനം നടത്തിയപ്പോഴാണ്. അതേ ആൾക്ക് അറബ് രാജ്യത്ത് ഒരമ്പലം നിർമിക്കാൻ അനുമതി നല്കിയപ്പോഴാണ്.  ഓർമ്മ ഓട് പൊളിച്ച് ചാടി വീണതല്ല എന്നർത്ഥം. മുൻ വാതിലിലൂടെ മാന്യമായി കയറി വന്നതാണ്. അപ്പോൾ അതൊന്ന് കുറിച്ചു വെച്ചു എന്ന് മാത്രം.


ഇന്ത്യൻ പ്രധാനമന്ത്രിയുടെ യു എ ഇ സന്ദർശനം വലിയ തരംഗങ്ങൾ ഉയർത്തിക്കഴിഞ്ഞു എന്നത് സത്യമാണ്. മൂന്നര പതിറ്റാണ്ടിന് ശേഷം ഒരിന്ത്യൻ പ്രധാനമന്ത്രി ഇവിടം സന്ദർശിക്കുന്നു എന്നത് മാത്രമല്ല, മത സാമുദായിക സംഘർഷങ്ങളുടെ രാഷ്ട്രീയ അടിത്തറയിൽ വളർന്ന് വലുതായ ഒരു നേതാവ് അറബ് നാട് സന്ദർശിക്കുന്നതിന്റെ പ്രാധാന്യവും കൂടി ഇതിനുണ്ട്. ഡിപ്ലോമസിയുടെ സോപ്പ് പതകൾക്കുള്ളിൽ നമുക്കത് മറച്ചു വെക്കാമെങ്കിലും അങ്ങനെയൊരു തലവും കൂടി അതിനുണ്ട് എന്നത് നിഷേധിക്കാൻ പറ്റില്ല. ആ തലത്തിന്റെ ചരിത്രപരത കൂടിയാണ് അബുദാബിയിൽ നിന്നുള്ള വാർത്തകൾക്ക് കൂടുതൽ മിഴിവും വ്യാപ്തിയും നല്കിയത്. അന്യമത വിശ്വാസികൾക്ക് ഒരു പള്ളിയോ അമ്പലമോ നിർമിക്കാൻ സ്ഥലം നല്കുക എന്നത് ഒരു അപൂർവ സംഭവമല്ല, ചരിത്രം പഠിച്ചവർക്കറിയാം,  കച്ചവടത്തിനും മതപ്രബോധനത്തിനുമായി അറേബ്യയിൽ നിന്നും കേരളത്തിലെത്തിയ വിരലിലെണ്ണാവുന്ന മുസ്‌ലിംകളെ സ്വീകരിച്ചതും ജീവിത സൗകര്യങ്ങൾ നല്കിയതും ഇവിടുത്തെ ഹൈന്ദവ വിശ്വാസികളാണ്. പള്ളികൾ നിർമിക്കാൻ സ്ഥലവും സൗകര്യങ്ങളും ഒരുക്കിക്കൊടുത്തതും അവർ തന്നെ. ആ സാഹോദര്യത്തിന്റെ തണലിലാണ് ഇസ്ലാം മതവും അതുപോലെ ക്രിസ്തുമതവുമൊക്കെ ഇവിടെ വളർന്നത്‌.  അമ്പലങ്ങളും പള്ളികളും ചർച്ചുകളും തൊട്ടുരുമ്മി നില്ക്കുന്ന അനേകയിടങ്ങൾ ആ സൗഹൃദത്തിന്റെ ബാക്കിപത്രങ്ങളാണ്. വർത്തമാന കാലത്തിന്റെ പേടിപ്പെടുത്തുന്ന സംഘർഷ സംസ്കാരത്തിൽ മനസ്സുകൾ ഭീതിതമായി അകന്ന് തുടങ്ങിയെങ്കിലും ആ പഴയ കാല ചരിത്രങ്ങൾ മരിച്ചിട്ടില്ല.

സൗഹൃദത്തിന്റെ ഗതകാല ചരിത്രങ്ങൾ ആവേശം നല്കുമ്പോഴും വിഭാഗീയതയുടെ ആധുനിക പരിണാമങ്ങൾ നമ്മെ ഭയപ്പെടുത്തുന്നുണ്ട്. തീന്മേശയിലേക്ക് പോലും മതവൈകാരികതയുടെ നിരോധനങ്ങൾ എത്തിക്കഴിഞ്ഞു. ബീഫ് നിരോധനം മുതൽ പാക്കിസ്ഥാനിലേക്ക് പോകാനുള്ള ആഹ്വാനങ്ങൾ വരെ ഇതിനോട് കൂട്ടി വായിക്കാം. ഇന്ത്യയിൽ മാത്രമല്ല, ഇന്ത്യക്ക് പുറത്തും അന്യമത സഹിഷ്ണുതയും സമഭാവനയും പതുക്കെ പതുക്കെ പടിയിറങ്ങുകയാണെന്നത് നാം തിരിച്ചറിയുന്നു.  മതത്തിന്റെ പേര് പറഞ്ഞ് തക്ബീർ ധ്വനികൾ മുഴക്കി മനുഷ്യനെ പച്ചയ്ക്ക് കഴുത്തറുത്ത് കൊല്ലുന്ന ഭീകരത നാം പല തവണ കണ്ടു. ഇസ്ലാമിക് സ്റ്റേറ്റ്, അൽ ഖായിദ, ബോകോ ഹറം എന്നിങ്ങനെ പല പേരുകളിൽ മതത്തിന്റെ പേരിലുള്ള മതമില്ലായ്മ വേരുകൾ താഴ്ത്തുകയാണ്. അറബ് നാടുകളിൽ പലയിടത്തും അവ സംഘർഷങ്ങളും അസാമാധാനവും സൃഷ്ടിച്ചു കൊണ്ടിരിക്കുന്നു. മനുഷ്യർ കൂടുതൽ കൂടുതൽ ഇടുങ്ങിയ ചിന്താതലങ്ങിലേക്ക് കടക്കുന്നതായി കാണുന്നു. അസ്വസ്ഥപ്പെടുത്തുന്ന അത്തരം കാഴ്ചകൾക്കിടയിലാണ് ഒരു വെള്ളി നക്ഷത്രം കണക്കെ അബുദാബിയിലെ അമ്പലം വാർത്തയാകുന്നത്. അത് തന്നെയാണ് അതിന്റെ പ്രാധാന്യവും. അതിവേഗത്തിൽ ഇരുട്ട് പരക്കുമ്പോൾ അങ്ങകലെ നിന്ന് ഒരു കൈത്തിരി വെട്ടം  കാണുമ്പോഴുള്ള സന്തോഷമുണ്ടല്ലോ, ആ സന്തോഷം.

ലോകത്തിന്റെ വിവിധ ഭാഗങ്ങളിൽ ജീവിക്കുന്ന ഹൈന്ദവ വിശ്വാസികൾക്ക് അവർ ജീവിക്കുന്ന ഇടങ്ങളിൽ പ്രാർത്ഥനകൾക്ക് സൗകര്യപ്പെടും വിധം അമ്പലങ്ങൾ നിർമിക്കുവാൻ സാധിക്കട്ടെ. ഏത് രാജ്യങ്ങളും ആ വിഷയത്തിൽ എടുക്കുന്ന അനുകൂല സമീപനത്തെ സർവാത്മനാ പിന്തുണയ്ക്കേണ്ടതുണ്ട്. ഹൈന്ദവ വിശ്വാസികൾക്ക് മാത്രമല്ല, എല്ലാ വിശ്വാസികൾക്കും അവരുടെ ആരാധനകൾ നിർവഹിക്കുവാൻ അവസരങ്ങളുണ്ടാകുന്ന ഒരു ചുറ്റുപാട് എല്ലാ രാജ്യങ്ങളിലും ഉണ്ടാകണം. അറബ് രാജ്യങ്ങളിലടക്കം. മനുഷ്യർ കലർപ്പില്ലാത്ത മത വിശ്വാസങ്ങളിലേക്ക് മടങ്ങുന്നത് ലോകത്തിന് ഗുണമേ വരുത്തൂ. മറ്റ് മത വിശ്വാസികൾക്ക് പ്രാർത്ഥനകൾക്ക് സൗകര്യം ചെയ്തു കൊടുക്കുന്നത് വഴി യു എ ഇ ഭരണാധികാരികൾ സമഭാവനയുടെ അർത്ഥം സാക്ഷാത്കരിച്ചു എന്ന് മാത്രമല്ല, കൃസ്തീയ വിശ്വാസികൾക്ക് പ്രാർത്ഥന നടത്താൻ പ്രത്യേക സാഹചര്യത്തിൽ സ്വന്തം പള്ളിയുടെ ഒരു ഭാഗം വിട്ടുകൊടുത്ത മഹാനായ പ്രവാചകന്റെ മാതൃക കൂടി അന്വർത്ഥമാക്കുകയാണ് ചെയ്തത്.

ദുബായിയിൽ നിലവിൽ അമ്പലങ്ങളും ഗുരുദ്വാരകളുമുണ്ട്. അബുദാബിയിൽ ക്ഷേത്രത്തിന് വളരെ മുമ്പേ അനുമതി ലഭിച്ചിട്ടുണ്ട്, മോദിയുടെ വരവുമായി അതിന് ബന്ധമൊന്നുമില്ല എന്ന് ചിലർ പറയുന്നുണ്ട്. ശരിയായിരിക്കാം. അനുമതി മുമ്പേ ലഭിച്ചിരിക്കാം. എന്നിരുന്നാലും അതിന്റെ ഔദ്യോഗിക പ്രഖ്യാപനമുണ്ടായത് ഈ വരവോട് കൂടിയാണ്. അങ്ങനെയല്ല എങ്കിൽ പോലും അത് നരേന്ദ്ര മോഡിയുടെ അക്കൌണ്ടിൽ വയ്ക്കുന്നത് തന്നെയാണ് നല്ലത്. ഹൈന്ദവവത്കരണത്തിൽ മോദിക്ക് തീവ്രത പോരെന്ന് പരാതിപ്പെടുന്ന സംഘ പരിവാരങ്ങളെ അല്പമൊന്ന് മയക്കിക്കിടത്താൻ ഇത്തരം നേട്ടങ്ങൾ അദ്ദേഹത്തിനും ഉപകരിച്ചേക്കും. എല്ലാം നല്ലതിനാണ് എന്ന് നാം പറയാറില്ലേ. അബുദാബിയിൽ നിന്നുള്ള ഈ വാർത്തയും നല്ല സന്ദേശങ്ങൾ പടരുവാനും പടർത്തുവാനും അവസരങ്ങൾ ഉണ്ടാക്കട്ടെ. യു എ ഇ യിൽ നമ്മുടെ പ്രധാന മന്ത്രിക്ക് ലഭിച്ച സ്വീകരണത്തിന്റെ ആവേശവും അവിടത്തെ ഭരണാധികാരികളും അറബ് ജനതയും നല്കിയ പിന്തുണയും മത സൗഹാർദത്തിന്റേയും സമഭാവനയുടേയും കൂടുതൽ ചിന്തകൾ അദ്ദേഹത്തിൽ ജനിപ്പിക്കുമെങ്കിൽ അതില്പരം സന്തോഷകരമായ മറ്റെന്തുണ്ട്. അങ്ങനെയുണ്ടാവട്ടെ എന്ന് നമുക്ക് പ്രത്യാശിക്കാം. എന്തൊക്കെ പരിമിതികൾ ഉണ്ടെങ്കിലും ലോകത്തെ ഏറ്റവും മഹത്തായ ഒരു ജനാധിപത്യ മതേതര രാജ്യത്തിന്റെ സന്തതികളാണ് നാം. അതിന്റെ ഇപ്പോഴത്തെ ഭരണചക്രം ശ്രീമാൻ നരേന്ദ മോദിയുടെ കൈകളിലുമാണ്. ആർക്ക് ഇഷ്ടപ്പെട്ടാലും ഇല്ലെങ്കിലും അതൊരു യാഥാർത്ഥ്യമാണ്. ജനാധിപത്യ സംവിധാനത്തിലൂടെ അധികാരത്തിലേറിയ അദ്ദേഹത്തിൽ നന്മയുടെ കൂടുതൽ വിത്തുകൾ മുളപ്പിക്കാൻ അബുദാബിയിലെ അമ്പലത്തിന് കഴിയുമെങ്കിൽ അത് തന്നെയായിരിക്കും ആ അമ്പലം പ്രസരിപ്പിക്കുന്ന ഏറ്റവും വിശുദ്ധമായ ചൈതന്യം.

Recent Posts
ഇരട്ട നീതിയെക്കുറിച്ച് ചർച്ച വേണം, പക്ഷേ യാക്കൂബ് മേമനെ ഗാന്ധിയാക്കരുത്
ചെമ്മണ്ണൂർ തട്ടിപ്പ് : ആ വാർത്തയെവിടെ മാധ്യമങ്ങളേ? 
മല്ലൂസിന്റെ വാട്സ്ആപ്പ് പരാക്രമങ്ങൾ
ഓരോ പൗരനും ഒരു പത്രമായി മാറുന്ന കാലം

25 comments:

  1. മതസൗഹാർദത്തെ കുറിച്ച് വസ്തുനിഷ്ഠവും ഇത്ര പോസിറ്റീവ് എനർജിയുള്ളതുമായ ലേഖനം ഇതുവരെ വായിച്ചിട്ടില്ല. ഇക്ക പറഞ്ഞത് പോലെ എല്ലാ അമ്പലങ്ങളും പള്ളികളും ഒക്കെ വിശുദ്ധമായ ചൈതന്യം പ്രസരിപ്പിക്കട്ടെ. അതിലൂടെ ലോകം വെളിച്ചത്തിലേക്ക് നീങ്ങട്ടെ. നന്ദി.

    ReplyDelete
  2. സർ ,

    ഇന്ത്യയുടെ പ്രധാന മന്ത്രി ആയതിനു ശേഷം മോഡി തീര്ത്തും ഒരു മതേതര വാദി ആയിട്ടുണ്ടെന്ന് വേണം അനുമാനിക്കാൻ ,

    ReplyDelete
  3. one of the best article i read so far on this topic

    ReplyDelete
  4. മോഡിയുടെ മതേതരത്വം, എന്തോ എനിക്കത്ര വിശ്വാസം വരുന്നില്ല.

    ReplyDelete
  5. ഇതില്‍ വേറെ ചില പ്രശ്‌നങ്ങള്‍ ഒളിഞ്ഞു കിടപ്പുണ്ട്. അത് വളരെ അപകടകരമായാണ് എനിക്കു തോന്നിയിട്ടുള്ളത്. ഇന്ത്യയിൽ രാമക്ഷേത്രനിർമാണത്തിനുള്ള സംഘപരിവാർ അജണ്ട നടപ്പാക്കുന്നതിന്റെ മുന്നോടിയായിട്ടുവേണം അബുദാബിയിലെ ക്ഷേത്രനിർമ്മാണനുമതിയെ വിലയിരുത്താൻ. കാരണം മുസ്ലീംങ്ങൾ ഭൂരിപക്ഷമായ UAE യിൽ അമ്പലം പണിയാമെങ്കിൽ ഹിന്ദു ഭൂരിപക്ഷമുള്ള ഇന്ത്യയിൽ തടസ്സം ആര് എന്ന രീതിയിൽ ഒരു വർഗീയധ്രുവീകരണം ഉണ്ടാക്കുവാനും എളുപ്പത്തിൽ അത് ഇന്ത്യൻ പോതുബോധത്തിലേയ്ക്ക് കടത്തിവിടാനും മോഡിക്കും അയാളുടെ ഇവന്റ്മാനേജ്മെന്റ് ടീം നും സാധിച്ചു എന്നത് അത്യധികം ഭീതിജനകമാണ്...

    ReplyDelete
  6. U. A. E - ൽ ഹിന്ദു ക്ഷേത്രം പണിയാൻ അനുവാദം കൊടുത്തു എന്നത്, അത്ര പ്രാധാന്യത്തോടെ ഞാൻ കാണുന്നില്ല. ഞാൻ അടക്കമുള്ള ഹിന്ദുക്കൾക്ക് നാട്ടിൽ പട്ടിണിയില്ലാതെ കഴിയുന്നതിനു ആവശ്യമായ തൊഴിൽ വാതായനങ്ങൾ U. A. E തുറന്നിട്ടിരിക്കുന്നു എന്നതാണ് ക്ഷേത്രത്തെക്കാൾ ഞാൻ മഹത്തരമായി കാണുന്നത്.

    ReplyDelete
  7. അമ്പലം പണിയുന്നതൊക്കെ കൊള്ളാം. പക്ഷെ ബോര്‍ഡ് (അഹിന്ദുക്കൾക്ക് പ്റവേശനമില്ല ) )വെക്കുമ്പോൾ അറബി കൂടി ഉപയോഗിച്ച് എഴുതണം.

    ReplyDelete
  8. "ബാബറി മസ്ജിദ്" തകർക്കപ്പെട്ടത് അത് ഇസ്ലാം മതവിശ്വാസികളുടെ ആരാധാനാലയം ആയതുകൊണ്ടാണ് എന്ന് ഞാൻ കരുതുന്നില്ല. രാജ്യത്ത് ഇസ്ലാം മതവിശ്വാസികളേയും അവരുടെ ആരാധാനാലയങ്ങളേയും തകർക്കണം എന്ന തീരുമാനത്തിൽ പ്രവർത്തിക്കുന്ന സംഘടനയാണ് ഭാരതീയ ജനതാപാർട്ടി എന്നും ഞാൻ കരുതുന്നില്ല. "ബാബറി മസ്ജിദിന്റെ" പതനത്തിനു കാരണമായത് ചരിത്രപരവും വിശ്വാസപരവുമായ കാരണങ്ങൾ ആണ്. ആ വിഷയങ്ങളെ ശരിയായ ചർച്ചകളിലൂടെ തീർപ്പുകൽപ്പിക്കുന്നതിൽ വിവിധ സർക്കാരുകൾ സ്വീകരിച്ച അലംഭാവമാണ് "ബാബറി മസ്ജിദ്" തകർക്കുന്നതിൽ കലാശിച്ചത്.

    ReplyDelete
    Replies
    1. Yours is realistic comment Manikanan.

      Delete
    2. @ Manikandan, ഭാഗികമായി താങ്കളുടെ അഭിപ്രായത്തോട് യോജിക്കുന്നു. ചരിത്രപരവും വിശ്വാസപരവുമായ കാരണങ്ങൾ അതിന് പിന്നിലുണ്ട്. പക്ഷേ വിശ്വാസപരമായ കാരണങ്ങളേക്കാൾ ഒരു രാഷ്ട്രീയ പാർട്ടി ബോധപൂർവം വളർത്തിക്കൊണ്ടുവന്ന പ്രചാരണങ്ങളുടെ പ്രശ്നമായിരുന്നു കൂടുതലും. ഇത്തരം വൈകാരിക വിഷയങ്ങൾ ആർക്ക് വേണമെങ്കിലും ഉയർത്തിക്കൊണ്ടു വരാം. ഓരോ വിഭാഗവും അവരുടെ വിശ്വാസത്തിന്റെ പേര് പറഞ്ഞ് കെട്ടിടങ്ങളും ആരാധനാലയങ്ങളും പിടിച്ചടക്കാൻ തുടങ്ങിയാൽ എന്താകും ഇന്ത്യയുടെ അവസ്ഥ എന്നതാണ് പ്രധാന ചോദ്യം. വിശ്വാസത്തിന്റെ പ്രശ്നമല്ല, ഇന്ത്യയിൽ നിലനില്ക്കുന്ന നിയമവ്യവസ്ഥയുടെ പ്രശ്നമാണ് ആദ്യം അഡ്രസ്‌ ചെയ്യപ്പെടേണ്ടത്. നിയമ വ്യവസ്ഥ നിലനില്ക്കുന്ന ഒരു രാജ്യത്ത് കോടതിയിൽ തർക്ക വിഷയമായ ഒരു മന്ദിരം കായികമായ പിൻബലത്തോടെ ഉന്മത്തരായ ഒരാൾക്കൂട്ടം ഇടിച്ചു വീഴ്ത്തിയതിനെ വിശ്വാസത്തിന്റെ പ്രശ്നം മാത്രമായി നമുക്ക് ചുരുക്കാനാവില്ല.

      Delete
    3. ഒരു വിഭാഗം ആളുകൾക്ക് ചരിത്രപരവും വിശ്വാസപരവുമായ കാരണങ്ങൾ കൊണ്ട് "ബാബറി മ്സ്ജിദിനോട്" ഉണ്ടായിരുന്ന വിരോധം ചൂഷണം ചെയ്യാനും അതുപയോഗിച്ച് ഒരു വിശ്വാസസമൂഹത്തിലെ വലിയൊരു വിഭാഗം ജനങ്ങളെ തങ്ങളുടെ കൂടെ നിറുത്താനും രാഷ്ട്രീയ പാർട്ടിക്ക് സാധിച്ചു. രാജ്യത്തിന്റെ വിവിധഭാഗങ്ങളിലെ ഓരോ ജനവിഭാഗത്തിനും ഉള്ള ലോലമായ താല്പര്യങ്ങൾ ചൂഷണം ചെയ്തു തന്നെയാണ് വിവിധ രാഷ്‌ട്രീയ പ്രസ്ഥാനങ്ങൾ വേരുറപ്പിച്ചിട്ടുള്ളത്. നമ്മുടെ തൊട്ടടുത്ത സംസ്ഥാനമായ തമിഴ്നാട്ടിൽ ദ്രാവിഡ കക്ഷികൾ എങ്ങനെയാണ് വേരുറപ്പിക്കുന്നത്? ബീഹാറിലും, ഉത്തർപ്രദേശിലും ദേശീയ രാഷ്‌ട്രീയകക്ഷികൾ പ്രസക്തമല്ലാതാവുന്നത് എങ്ങനെ ആണ്?

      നിയമവ്യവസ്ഥ നിലനിൽക്കുന്ന രാജ്യത്താണ് കോടതിയുടെ വിധികളെ സംഘടിതശക്തികൊണ്ട് അട്ടിമറിച്ച് നേടിയ വിളപ്പിൽ ശാലയിലേതു പോലുള്ള വിജയങ്ങൾ നമ്മൾ ആഘോഷിക്കുന്നത്. നിയമവ്യവസ്ഥ നിലനിൽക്കുന്ന രാജ്യത്താണ് ഒരു സംസ്ഥാനമുഖ്യമന്ത്രിയുൾപ്പടെ 14 പേരെ കൊലപ്പെടുത്തിയ പ്രതിയുടെ വധശിക്ഷ നടപ്പിലാക്കുന്നത് സംസ്ഥാനത്തിന്റെ ക്രമസമാധാനത്തെ തകർക്കുമെന്ന് പറഞ്ഞ അതേ സംസ്ഥാനം നിയമപരമായ നടപടിക്രമങ്ങളിലൂടെ വിധിക്കപ്പെട്ട വധശിക്ഷ റദ്ദാക്കുന്നത്. "ബാബറി മസ്ജിദിന്റെ" കാര്യത്തിൽ നിയമസംവിധാനം കൂടുതൽ ജാഗ്രത കാണിച്ചിരുന്നു എങ്കിൽ "ബാബറി മസ്ജിദ്" എന്ന വികാരം രാഷ്ട്രീയ ചൂഷണത്തിനു വിധേയമാക്കപ്പെടുന്നത് തടയാമായിരുന്നു.

      Delete
    4. I am apolitical and don't hold any strong religious sentiments. I appreciate Bashir's open-minded approach taht somehow many people belonging to his religion don't harbour. I quote Manikantan's thoughts here.I am happy that you have echoed the fact that it was Hindus who openly received the messengers of Islam and Christianity in India . Essentially, as I view it, Hinduism has a universal recipient kind of approach to religions which got altered when the very religions that they received with open hands negated them. Babri Masjid is an isolated incident as the site has been a bone of contention. A Marathi blogger and a professor of Biochemistry I personally know wrote about an incident that happened after couple of days of Babri Masjid incident. His father was one of the last living historians who could read ancient scripts and hieroglyphics. I quote below from his blog:

      "Two days after Babri Masjid was demolished, in the peak of the night, there was a knock on my door. When I opened it, trying to rub sleep out of my eyes, I saw a person who I had never seen before.

      "Is Dr. Ajay Mitra Shastri home?" he asked.

      I nodded. But I told him that this was an unearthly hour and that he must come the next day if he wanted to meet my father. My father was then 58 years old and I had no wish to disturb him in his sleep.

      The man then looked toward the gate of my house and a female form emerged from the darkness. "I am Sudha mallaiyya," she said. "I am the education minister in MP State Government. And the matter is urgent."

      I asked them in. When they were seated and had been offered water, I asked them the purpose of the visit. It transpired that they had brought a heavy stone inscription with them. An inscription that they got from the destroyed masjid. And they wanted my father to read and decipher it.

      Now this was different. My father, Dr. Ajaymitra Shastri was a sanskritist, numismatist, epigraphist historian. Even to this day, if you put his name on google search, you will get hundreds, no thousands, of references to his work. He was the doyen of Indian numismatics and even today, eight years after his death, his prodigious work (23 research books, 400 research papers, numerous reviews, translations, talks and miscellaneous) lives and is important reference. He was one of those 3-4 scholars in India at that time who could have read that inscription.

      I woke my father up.

      Between nemerous cups of tea, glasses of water, biscuits, lunch, the inscription was finally read, an impression prepared for documentation and the guests departed with the readings. Later, this became one of the most important proofs in the supreme court (the judgment is yet to arrive).

      What did the inscription say?

      But first, what the inscription didn't say.

      1. It did not say anything about that part of the land being Rama Janmabhoomi

      2. It didn't say that it was a Rama Temple.

      But it did say that

      1. It was written as a record

      2. of the king bequeathing that land for a temple

      3. of shri Hari Vishnu

      So, the records didn't say that it was a Rama Janmabhoomi Temple. But they did say that it was a temple. And Rama, in Hindu mythology, is an avatar of Vishnu."

      Well. historical tragedies repeat. I personally feel that such an ancient mosque like Babri Masjid should never have been destroyed. An eye for an eye should never be the philosophy of our times.Perhaps a diminishing progress in building temples and mosques is one way to tackle man's attachment to religions.

      Laka samstha sukhio Bhavantu.

      I wish to end by quoting the greatest mantra on 'Togetherness' that appears in Katho Upanishad

      OM saha navavatu
      saha nau bhunaktu
      saha viryam karavavahai
      tejasvi navadhitam astu
      ma vidvishavahai
      OM shanti, shanti, shanti Om.
      May we be protected both together
      May we be nourished both together
      May we grow in spiritual knowledge and energy both together
      May our study together be luminous
      May we not hate or have discord between us
      Om, peace, peace, peace.

      Delete
    5. കേരളത്തിലെ പല പ്രമുഖ ക്ഷേത്രങ്ങളൊക്കെ ബുദ്ധവിഹാരങ്ങളായിരുന്നു എന്നത് ചരിത്ര സത്യമാണ്, ബാബരി മസ്ജിദിന് അങ്ങിനെയൊരൂ ചരിത്രമില്ല, ഐതീഹ്യങ്ങൾക്ക് പുറകിലെ ചരിത്രത്തിന് എത്രമാത്രം സത്യമുണ്ടെന്നും ശരിയായ ധാരണയില്ല എന്നിരിക്കേ.. ഏതാവട്ടേ, സഹിഷ്ണുതയോടെ, മാനുഷികമൂല്ല്യങ്ങളിൽ ജീവിക്കുന്ന ജനവിഭഗങ്ങൾ നമ്മുടെ നാട്ടിൽ നിലനിൽക്കട്ടെ...

      Delete
  9. ആരാധനാലയങ്ങള്‍ എല്ലാം സംരക്ഷിക്കപ്പെടെണ്ടത് തന്നെ..എന്നാല്‍ ഒരു രാഷ്ട്രീയപ്പാരിക്ക് അധികാരത്തില്‍ വരാന്‍ അവരില്‍ അങ്ങസംഘ്യ കുരവുള്ളവരുടെ ആരാധനാലയം തകര്‍ത്തതിട്ടാനെങ്കില്‍ അങ്ങനെ അല്ല വംശീയ ഉണ്മൂലാനം നടത്ത്തിയിട്ടാനെങ്കില്‍ അങ്ങനെ ഈ ഇരുപത്തി ഒന്നാം നൂറ്റാണ്ടിലും അധികാരത്തില്‍ കയറാന്‍ ഇത്തരം കലാപങ്ങളും അശാന്തിയും മാത്രം ഉപയോഗിക്കുന്ന ഒരുതരം ഐ എസ ഐ എസ ശൈലി അതാണ് ബി ജെ പി എന്നാ പാര്‍ടിയുടെ പ്രവര്തനോര്‍ജം തന്നെ !

    ReplyDelete
  10. This comment has been removed by the author.

    ReplyDelete
  11. മനുഷ്യനന്മയാണ് എല്ലാ മതങ്ങളുടെയും പരമമായ ലക്ഷ്യം.
    "മനുഷ്യർ കലർപ്പില്ലാത്ത മത വിശ്വാസങ്ങളിലേക്ക് മടങ്ങുന്നത് ലോകത്തിന് ഗുണമേ വരുത്തൂ. മറ്റ് മത വിശ്വാസികൾക്ക് പ്രാർത്ഥനകൾക്ക് സൗകര്യം ചെയ്തു കൊടുക്കുന്നത് വഴി യു എ ഇ ഭരണാധികാരികൾ സമഭാവനയുടെ അർത്ഥം സാക്ഷാത്കരിച്ചു എന്ന് മാത്രമല്ല, കൃസ്തീയ വിശ്വാസികൾക്ക് പ്രാർത്ഥന നടത്താൻ പ്രത്യേക സാഹചര്യത്തിൽ സ്വന്തം പള്ളിയുടെ ഒരു ഭാഗം വിട്ടുകൊടുത്ത മഹാനായ പ്രവാചകന്റെ മാതൃക കൂടി അന്വർത്ഥമാക്കുകയാണ് ചെയ്തത്. "
    ആശംസകള്‍

    ReplyDelete
  12. പല പ്രാവിശ്യം നിങ്ങളും വേറെ പലരും പറഞ്ഞു കേട്ടിടുണ്ട് പ്രവാചകൻ ക്രിസ്ത്യൻ പാതിരിമാര്ക്ക് പ്രാർത്ഥിക്കാൻ പള്ളി കൊടുത്ത കാര്യം . കൊടുത്തില്ല എന്ന് പറയാൻ എന്റെ കയ്യിൽ തെളിവുമില്ല. കൊടുത്തു എന്ന് തന്നെ വിശ്വസിക്കാനാണ് ഇഷ്ടവും. എന്റെ അറിവിൽ മുസ്ലീംസിനു ഖുറാനും പ്രവാചകചര്യയും ആണ് എറ്റവും പ്രധാനം . പക്ഷെ ഈ ചര്യ എന്തെ സൗദി കാണിക്കാത്തത് സ്വന്തം പള്ളി കൊടുക്കണ്ട വേറെ ഒരു പള്ളി തുടങ്ങാൻ അനുവാദം കൊടുത്താലും മതി. അത് മാത്രമല്ല ബൈബിൾ കൊണ്ടുവരാൻ പോലും അനുവാദം ഇല്ല . മക്ക കാണാൻ പോലും പ്രവേശിക്കാനും പാടില്ല .

    ReplyDelete
  13. "എന്തൊക്കെ പരിമിതികൾ ഉണ്ടെങ്കിലും ലോകത്തെ ഏറ്റവും മഹത്തായ ഒരു ജനാധിപത്യ മതേതര രാജ്യത്തിന്റെ സന്തതികളാണ് നാം. അതിന്റെ ഇപ്പോഴത്തെ ഭരണചക്രം ശ്രീമാൻ നരേന്ദ മോദിയുടെ കൈകളിലുമാണ്. ആർക്ക് ഇഷ്ടപ്പെട്ടാലും ഇല്ലെങ്കിലും അതൊരു യാഥാർത്ഥ്യമാണ്."

    നരേന്ദ മോദി പ്രാധാനമന്ത്രിയാവുന്നത് ഭാരതത്തിന്‍റെ ഏറ്റവും വലിയ ദുരന്തമാവുമെന്ന് മന്‍മോഹന്‍ജി പറയുകയുണ്ടായി എന്നിട്ടും അദ്ദേഹം ആ പദവിയിലെത്തിയത് "ലോകത്തെ ഏറ്റവും മഹത്തായ ഒരു ജനാധിപത്യ മതേതര രാജ്യത്തിന്റെ" പരിമിതിയായിരിക്കും, ല്ലേ ബഷീറിക്കാ ...

    ReplyDelete
  14. Salute to you bro ................... You are always inspiring us ....

    Thanks

    Manoj

    ReplyDelete
  15. സഞ്ചാരിAugust 31, 2015 at 1:46 PM

    വര്ഗ്ഗീയത വളമാക്കിയ മീഡിയ വണ് പോലുള്ള സ്നോബ് ചാനലുകള്ക്ക് ഈ ലേഘനം സമര്പ്പിക്കുന്നു

    ReplyDelete
  16. "ഗൾഫ്‌ കേന്ദ്രമാക്കി തീവ്രവാദ പ്രവര്ത്തനം നടത്തുന്നവരുടെ പട്ടിക കേന്ദ്ര സര്ക്കാര് തയ്യാറാക്കിയിരുന്നു.. പ്രധാനമന്ത്രി നരേന്ദ്ര മോഡിയുടെ യു എ ഇ സന്ദർശനത്തിനിടെ ഈ പട്ടിക യു എ ഇ ക്ക് കൈ മാറുകയും ചെയ്തിരുന്നു. ഇന്ത്യ നല്കിയ പട്ടികയിൽപ്പെട്ടവരെ യു എ ഇ നിരീക്ഷിച്ചിരുന്നു. ഇതിന്റെ അടിസ്ഥാനത്തിൽ ആണ് ഇയാൾ കരിപ്പൂരിലേക്ക് വിമാനം കയറിയത് അന്വേഷണ ഏജൻസികൾ അറിയുന്നത്".

    56 ഇഞ്ചുകാരൻ ഉണ്ടും ഉറങ്ങിയും ചടഞ്ഞുകൂടി ഓഫീസിൽ ഇരിക്കാതെ, വിശ്രമമില്ലാതെ ലോകം ചുറ്റുന്നത്‌ സീനറി കാണാനല്ല; മറിച്ചു, തൊട്ടപ്രത്തെ വാർത്തയിൽ പറയുന്നതുപോലെ നിന്നെയൊന്നും തലകീഴായി കെട്ടിത്തൂക്കി താഴെ പെട്ട്രോലോഴിച്ചു, ചിക്കൻ ഗ്രില്ല് ചെയ്യുന്നത് പോലെ ഗ്രില്ല് ചെയ്യാതിരിക്കാനും, അമ്മ പെങ്ങന്മാരെ അടിമച്ചന്തയിൽ വെല പേശി വില്ക്കാതിരിക്കാനും വേണ്ടിയാണെന്ന് ഇനിയെങ്കിലും മനസ്സിലാക്കിനെടാ തെറി പറയുന്ന ഊളകളെ.

    ReplyDelete
  17. അബൂദാബിയിൽ പള്ളി പൊളിച്ചു'അമ്പലം പണിയണം... ഹല്ലാ പിന്നെ ...

    ReplyDelete
  18. മോഡിയെ കുറിച്ച് ഒരക്ഷരം മിണ്ടരുത് ...

    ReplyDelete