February 14, 2011

ആ ശുംഭന്‍ ആരാണ് സുധാകരേട്ടാ?

കേരളത്തിലിപ്പോള്‍ മൂന്നു തരം നേതാക്കളുണ്ട്. ജഡ്ജിമാര്‍ക്ക് നേരിട്ട് കാശ് കൊടുക്കുന്നവര്‍, അളിയന്മാര്‍ വശം കൊടുത്തയക്കുന്നവര്‍, കൊടുക്കുന്നത് നേരിട്ട് കാണാന്‍ പോകുന്നവര്‍. മാധ്യമങ്ങളില്‍ നിറഞ്ഞു നില്‍ക്കുന്നത് ഈ മൂന്നു തരക്കാരാണ്. കാശ് വാങ്ങിയവര്‍ ഇനിയും ചിത്രത്തിലേക്ക് വന്നിട്ടില്ല. അവര്‍ അങ്ങനെ പെട്ടെന്ന് വരുമെന്നും തോന്നുന്നില്ല. ആരോപണ വിധേയര്‍ ചില്ലറക്കാരല്ല. നാട് ഭരിക്കുന്ന മുഖ്യമന്ത്രി, അടുത്ത കേന്ദ്ര മന്ത്രി, അടുത്ത ഉപമുഖ്യ മന്ത്രി. ആനന്ദലബ്ധിക്കൊരേമ്പക്കം വിടാന്‍ ഇനിയെന്ത് വേണം എന്ന് ചോദിച്ചാല്‍ ഒന്നും വേണ്ട ഒരു പൂവന്‍ പഴം മാത്രം മതി എന്നേ പറയാന്‍ പറ്റൂ.

ഹൈക്കോടതിയിലെ സീനിയര്‍ അഭിഭാഷകന്‍ അഡ്വ രാംകുമാര്‍ ഇന്നലെ പറഞ്ഞത് മുഖ്യമന്ത്രിയും ഇടനിലക്കാരെ വിട്ടു കേസുകളില്‍ അവിഹിതമായി ഇടപെടാന്‍ ശ്രമിച്ചതിനു എന്റെ പക്കല്‍ തെളിവുണ്ട് എന്നാണ്. കഴിഞ്ഞ അഞ്ചു വര്‍ഷമായി കയ്യാമങ്ങളുടെ ഒരു വലിയ കുട്ടയുമായാണ് മുഖ്യന്‍ നടക്കുന്നത്. ഉദ്ഘാടന കര്‍മം ഇതുവരെ നിര്‍വഹിക്കാന്‍ പറ്റിയിട്ടില്ല. തന്റെ കയ്യിനു പാകമായ ഒന്നും തലയിലെ കുട്ടയില്‍ ഉണ്ടോ എന്ന് മുഖ്യന്‍ ഉറപ്പു വരുത്തുന്നത് നല്ലതാണ് എന്നാണ് കാര്യങ്ങളുടെ പോക്ക് കണ്ടിട്ട് എനിക്ക് പറയാന്‍ തോന്നുന്നത്.

സുപ്രിം കോടതി ജഡ്ജിക്ക്  മുപ്പത്തിയാറ് ലക്ഷം കൈക്കൂലി കൊടുക്കുന്നത് നേരിട്ട് കാണാന്‍ പോയി എന്നാണ് ബഹുമാനപ്പെട്ട പാര്‍ലമെന്റ് മെമ്പര്‍ കെ സുധാകരന്‍ പറഞ്ഞിരിക്കുന്നത്. കള്ളനെക്കാള്‍ പേടിക്കേണ്ടത് കള്ളനു കഞ്ഞി വെച്ചു കൊടുക്കുന്നവനെയാണ് എന്ന് പറയുന്ന പോലെ ജഡ്ജിക്ക് കാശ് കൊടുക്കുന്നവനെക്കാള്‍ പേടിക്കേണ്ടത് കൊടുക്കുന്നത് കാണാന്‍ കൂടെ പോകുന്നവനെയാണ്.  ആ അര്‍ത്ഥത്തില്‍ സുധാകരന്‍ സാറിന്റെ നേര്‍ക്കാണ് നമ്മുടെ കണ്ണ് പോകുക. അതില്‍ അദ്ദേഹത്തിന് വിഷമം ഉണ്ടെങ്കില്‍ ബാക്കി കാര്യങ്ങള്‍ കൂടി തുറന്നു പറയണം. കോട്ടയം പുഷ്പനാഥിന്റെ ഡിറ്റക്ടീവ് നോവല്‍ പോലെ ഒരു വെടി ശബ്ദം കേള്‍പിച്ചു നാട്ടുകാരെ ആകാംക്ഷയില്‍ നിര്‍ത്തുകയാണ് അദ്ദേഹം ചെയ്തിരിക്കുന്നത്. അല്പം സസ്പെന്‍സൊക്കെ നല്ലതാണ്. പക്ഷെ ആര് കൊടുത്തു, എപ്പോള്‍ കൊടുത്തു, ആര്‍ക്കു കൊടുത്തു എന്നൊക്കെ അടുത്ത അദ്ധ്യായത്തിലെങ്കിലും പറയണം. അത് പറയുന്നില്ലെങ്കില്‍ കഞ്ഞി വെച്ചു കൊടുത്തത് സുധാകരേട്ടന്‍ തന്നെ എന്ന് നാട്ടുകാര്‍ കരുതും.

കാശ് വാങ്ങുന്ന ജഡ്ജിമാരെ കൊഞ്ഞാണന്‍ എന്ന് വിളിച്ചാല്‍ അത് കോടതിയലക്‌ഷ്യം ആയേക്കും. അതുകൊണ്ട് അപ്പണിക്ക് നില്‍ക്കുന്നില്ല.  ഒരു സാമൂഹ്യ വ്യവസ്ഥയുടെ ജീവനാഡികളില്‍ ഒന്നാണ് കോടതികളിലുള്ള വിശ്വാസ്യത. ഇത്തരം ആരോപണങ്ങള്‍ ആ  വിശ്വാസ്യതയുടെ കടക്കല്‍ കത്തിവെക്കുന്നു എന്നതാണ് വേദനാജനകമായ യാഥാര്‍ത്ഥ്യം. സാധാരണക്കാരനെ സംബന്ധിച്ചിടത്തോളം  ജനാധിപത്യ വ്യവസ്ഥയിലെ അവസാനത്തെ അത്താണിയാണ് ജുഡീഷ്യറി. ആ ജുഡീഷ്യറിയുടെ കസേരകളില്‍ കാശ് വാങ്ങുന്ന ശുംഭന്മാര്‍ കയറിയിരുന്നാല്‍ എല്ലാം തീര്‍ന്നില്ലേ.. പിന്നെ നീതി തേടി എവിടെ പോകും?.

പരീക്ഷക്ക്‌ കോപ്പിയടിച്ച ജഡ്ജിമാരെ കൂട്ടത്തോടെ പിടിച്ചത് ഈയടുത്താണ്. കോപ്പിയടിക്കാന്‍ കൊണ്ട് വന്ന പുസ്തകവും തുണ്ട് കടലാസുകളുമടക്കം എല്ലാ തൊണ്ടികളോടും കൂടിയാണ് അഞ്ചു ന്യായാധിപന്മാരെ ബിരുദാനന്തര ബിരുദ പരീക്ഷയുടെ ഹാളില്‍ നിന്ന് ചെവിക്കു പിടിച്ചു പുറത്തു കൊണ്ട് വന്നത്. നടന്നത് ആന്ധ്രയില്‍ ആണെങ്കിലും ആന്ധ്ര ഇന്ത്യയിലാണല്ലോ. കോപ്പിയടിച്ചത് പിടിച്ചില്ലായിരുന്നുവെങ്കില്‍ ഇവനൊക്കെ സുപ്രിം കോടതിയില്‍ എത്തേണ്ടവനായിരുന്നു. ഇവരുടെയൊക്കെ കൈകളിലാണ് രാജ്യത്തെ പരമോന്നതമായ നിയമവ്യവസ്ഥയുടെ താക്കോല്‍ എത്തിപ്പെടേണ്ടിയിരുന്നത്!. പേടി തോന്നുന്നില്ലേ?.

സുപ്രിം കോടതി വരാന്തയില്‍ കയറിയിറങ്ങുന്ന ദല്ലാളന്മാര്‍ മുഖ്യമന്ത്രിക്കുണ്ട്  എന്ന് കേള്‍ക്കുമ്പോള്‍ ഞെട്ടേണ്ട ആവശ്യമില്ല. വെറുതെ ഞെട്ടി ഞെട്ടി അറ്റാക്ക് വരുത്താതിരിക്കുകയാണ് നമ്മള്‍ സാധാരണക്കാര്‍ക്ക് നല്ലത്. കള്ളനും പോലീസും കളിക്കുന്ന കുട്ടികളെ കണ്ടിട്ടില്ലേ.. ആദ്യം കള്ളനായവന്‍ പിന്നെ പോലീസ് ആവും. പോലീസ് ആയിരുന്നവന്‍ നേരെ പോയി കള്ളനാവും. കളി കഴിഞ്ഞാല്‍ കള്ളനും പോലീസും ഒരുമിച്ചു ചോറും കൂട്ടാനും വെച്ചു കളിക്കും. അങ്ങനെയുള്ള ഒരു കളിയായി ഇതിനെയൊക്കെ കണ്ടാല്‍ മതി. കുളിമുറിയില്‍ മാത്രമല്ല കുളിമുറിക്കു പുറത്തും എല്ലാവരും നഗ്നരാണ്. ലാല്‍ സലാം.

51 comments:

  1. കോടതിയലക്‌ഷ്യം...ഡിം

    ReplyDelete
  2. അതെ ഇതൊരു തരം "കളി " തന്നെ .. തരം ഉണ്ടെങ്കില്‍ തരം താണതെന്ന വാക്കും യോജിക്കില്ല ..

    ജയവും പരാജയവും ഇല്ലാത്ത പുതിയ ചോറും കൂട്ടാനും കളി

    ലേബല്‍ # ചോര്‍ = കള്ളന്‍
    കൂട്ടാന്‍ = കൂട്ടുകാരന്‍

    ReplyDelete
  3. ബഷീറെ, രാംകുമറിന്റെ മൂന്നാറിലെ ബിനാമി ഹൊട്ടൽ പൊളിചടുക്കിയതിന്റെ അന്നു മുതൽ പുള്ളിക്കു തുടങ്ങിയതാണു ഈ അസുഖം. 20 വർഷം കൊടതിയിൽ കേസു പറഞ്ഞു പിള്ളക്കു കിട്ടേണ്ടതു വാങ്ങിച്ചു കൊടുത്തപ്പൊൾ അതിനെ അഭിനന്ദിച്ചില്ലെങ്കിലും താഴ്ത്തി കെട്ടാൻ ശ്രമിച്ചതു നന്നായില്ല.താങ്കളെ പൊലെയുള്ളവർ വിഷമിക്കെണ്ട, വി എസ്സിനു 86 വയസ്സായി അതു പൊലെ ഒരാൾ ഇനി വരാൻ പൊകുന്നില്ല, ശശിമാരുടെയും കുഞ്ഞാലിമാരുടെയും കാലമാണു ഇനി!!

    ReplyDelete
  4. കേരള രാഷ്ട്രീയം ഇടതനും വലതനും ഓഹരി വച്ച് കളിക്കുമ്പോള്‍ ,നമ്മെ പോലുള്ളവര്‍ക്ക് ധാര്‍മിക രോഷം പ്രകടിപ്പിക്കാന്‍ ഇത് പോലെ ഓരോ അവസരങ്ങള്‍.
    തന്നാലും കൊന്നാലും ആഘോഷിക്കുന്നത് പത്രക്കാര്‍ മാത്രം

    ReplyDelete
  5. ആ വാര്‍ത്ത കണ്ടപ്പോഴേ ബഷീര്കയുടെ ഒരു പോസ്റ്റ്‌ പ്രതീക്ഷിച്ചിരുന്നു. വന്നു നോക്കിയപ്പോള്‍ ദാ കിടക്കുന്നു. കലക്കി.

    ReplyDelete
  6. ഈ 'കൂട്ടിക്കോടുപ്പ്' കണ്ട് മനം മടുത്തിട്ടാണോ നീതിദേവത കണ്ണ് കെട്ടി നില്കുന്നത്?

    ReplyDelete
  7. പുതിയ സാഹചര്യങ്ങളെല്ലാം വിലയിരുത്തുമ്പോൾ പറയാനുള്ളത് മറ്റൊന്നാണ്‌. പറഞ്ഞാൽ ഭീകരവാതമൊ തീവ്രവാദമൊ ഒക്കെയാകും. അതുകൊണ്ടു പറയാതിരിക്കുന്നതാണ്‌ നല്ലത്‌. സ്വതന്ത്രമായി ചിന്തിക്കുന്നവർ ഇവിടെ കാഴ്ചക്കാർ മാത്രം. മറ്റുള്ളവർക്ക് എന്തുമാവാം. നമ്മുടെ പ്രതിനിധികളായി പാർലമെന്റിലേക്കും നിയമസഭയിലേക്കും അയച്ചവരുടെ ‘പെർഫോമൻസ്’ അവർ ഭരണത്തിലിരിക്കുമ്പോഴും താഴെയിറങ്ങുമ്പോഴും നമ്മൾ ഒരുപാട് കണ്ടതാണ്‌. പിന്നെ അവസാനത്തെ കൈതാങ്ങാകേണ്ട ജുഡീഷ്യറിയുടെ ദുർഗന്ധം വമിക്കുന്ന വാർത്തകൾ അല്പ്പമെങ്കിലും മൂല്യങ്ങളിൽ വിശ്വസിക്കുന്നവരിൽ ‘ചില്ലറ’ അസാരസ്യങ്ങളുണ്ടാക്കും. പിന്നെ അതും സാധാരണമാകും. ഇന്ത്യൻ ജനതക്ക് ഉൾക്കൊള്ളാൻ പറ്റുന്ന പരുവത്തിലേക്ക് അതും എത്തിപ്പെടും.

    ഇതിനൊക്കെ പുറമെ സർവ്വ മൂല്യങ്ങളേയും കാറ്റിൽ പറത്തി ‘കൂലിവേല’ചെയ്യുന്ന നാലാം എസ്റ്റേറ്റിന്റെ പിന്തുണകൂടിയുണ്ടെങ്കിൽ ഭൂലോകം വിട്ട് വല്ല ചൊവ്വാഗ്രഹത്തിലും അഭയം തേടുന്നതാണ്‌ നല്ലത്‌.

    അപ്പോഴും പേരുകേട്ട ജനാധിപത്യത്തിന്റേയും കാര്യക്ഷമമായ നീതിന്യായ വ്യവസ്ഥിതിയുടേയും ഭാരം പേറുന്ന ഒന്നാംതരം കഴുതകളാകാനെ ഈ പൊതുജനമെന്ന ‘നികൃഷ്ട’ ജീവികൾക്കാകൂ!

    ReplyDelete
  8. സത്യം തുറന്നു പറഞ്ഞ സുധാകരേട്ടന്‍ അഭിനന്ദനമര്‍ഹിക്കുന്നു .....

    ReplyDelete
  9. i dont believe the allegations of Adv Ramkumar against V.S. at the same time enjoyed most of your observations.

    ReplyDelete
  10. എന്തായാലും , നമ്മുടെ നീതിന്യായ വ്യവസ്ഥ യുടെ മുഖം വളരെ മോഷ്മായിക്കൊണ്ടിരിക്കുന്നു എന്നത് സത്യംതന്നെയാണ്‌
    കൊടുക്കാന്‍ ലക്ഷങ്ങളില്ലാത്തവന് നീതി കിട്ടാന്‍, "ഒരു നീതി സ്റ്റോര്‍" എങ്കിലും തുറക്കാന്‍ ആളുണ്ടോ ?

    ReplyDelete
  11. വില്‍ക്കാനുണ്ട് വിധികള്‍

    ReplyDelete
  12. മനുഷ്യനു ഭ്രാന്ത് പിടിച്ചാല്‍ ചങ്ങലക്കിടാം..ചങ്ങലക്കു ഭ്രാന്ത് പിടിച്ചാലോ എന്ന് പറഞ പോലെ ആയിട്ടുണ്ട് ഇപ്പോഴത്തെ നമ്മുടെ നീതിന്യായ വ്യവസ്ഥ.. ഇത് തുടരാതിരിക്കാന്‍ ഉന്നതങ്ങളില്‍ വിരാചിക്കുന്ന ഈ അഴിമതി പണ്ടാരങ്ങളെ ആദ്യം മാതൃകാപരമായി ശിക്ഷിക്കുക. അതിന്നു ഏറ്റവും അനുയോജ്യം കഴുമരങ്ങളാണ്.

    ReplyDelete
  13. പണത്തിനു മുന്നിൽ സത്യം പോറലേറ്റ് വീഴുമ്പോൾ പണമില്ലാത്തവൻ നീതിക്ക് വേണ്ടി ഇനി എവിടെയാണു മുട്ടേണ്ടത് ?

    ReplyDelete
  14. ഇതൊക്കെ അങ്ങ് നടന്നു പോവും; എന്തോക്കെയനേലും കൊടുക്കുന്നവര്‍ ഉള്ളിടത്തോളം വാങ്ങാനും ആള് കാണും; കൊടുക്കലും വാങ്ങലും ഇല്ലതിരിക്കണമെങ്കില്‍ ജനങ്ങള്‍ നന്നാവണം; നന്നാവണമെങ്കില്‍ ദൈവ വിശ്വാസവും പരലോക വിശ്വാസവും വേണം ... അത് അജന്ജല്‍മവുമ്പോള്‍ എല്ലാം ശരിക്ക് നടക്കും ... നല്ല പോസ്റ്റ്‌..

    ReplyDelete
  15. ബഷീറ് ബായീ.. … ഞമ്മള് ഞെട്ടൂലാ .. സകല അഴിമതിവീരന്മാരെയും കേറ്റിവിടുന്ന ഞമ്മക്കെന്ത് ഞെട്ടല്!! എല്ലാവർക്കും ഇപ്പോ ധൈര്യായി. ഒരാളും മറ്റൊരാളെ തൊടില്ല. അത് ജഡ്ജിയാണെങ്കിൽ പോലും. കാരണം ആരെയെങ്കിലും പിടിച്ചാൽ പിടികൂടിയവന്റെ കാര്യവും പുറത്താവും. അതാണ് ഞമ്മളെ നാടിന്റെ കോലം.

    ReplyDelete
  16. മുഹമ്മദ്കുഞ്ഞി വണ്ടൂര്‍ said...
    "പുതിയ സാഹചര്യങ്ങളെല്ലാം വിലയിരുത്തുമ്പോൾ പറയാനുള്ളത് മറ്റൊന്നാണ്‌. പറഞ്ഞാൽ ഭീകരവാതമൊ തീവ്രവാദമൊ ഒക്കെയാകും. അതുകൊണ്ടു പറയാതിരിക്കുന്നതാണ്‌ നല്ലത്"‌.

    ഇല്ല, പറയേണ്ടത് പാകതയോടെ പറഞ്ഞേ തീരൂ.

    ReplyDelete
  17. കള്ളനും പോലീസും കളിക്കുന്ന കുട്ടികളെ കണ്ടിട്ടില്ലേ.. ആദ്യം കള്ളനായവന്‍ പിന്നെ പോലീസ് ആവും. പോലീസ് ആയിരുന്നവന്‍ നേരെ പോയി കള്ളനാവും. കളി കഴിഞ്ഞാല്‍ കള്ളനും പോലീസും ഒരുമിച്ചു ചോറും കൂട്ടാനും വെച്ചു കളിക്കും. അങ്ങനെയുള്ള ഒരു കളിയായി ഇതിനെയൊക്കെ കണ്ടാല്‍ മതി. കുളിമുറിയില്‍ മാത്രമല്ല കുളിമുറിക്കു പുറത്തും എല്ലാവരും നഗ്നരാണ്. ലാല്‍ സലാം.

    very good lines. congrats bashir

    ReplyDelete
  18. വിനാശകാലേ സുധാകര ബുദ്ധി . ആശാന്‍ ഒരു കിക്കിനു അങ്ങ് തട്ടിയതാ. ഇനി എന്തൊക്കെ പുലിവാലാ വരാന്‍ പോണത് എന്നാര്‍ക്കറിയാം. ഇപ്പോഴത്തെ ഒരു കാലാവസ്ഥ വെച്ച് ഒരു ബസ്സിനു ആള്‍ക്കാരെ നിയമ സഭയില്‍ നിന്നും കുറച്ചു പേരെ പുറത്തു നിന്നും ജയിലിലേക്ക് കൊണ്ട് പോകാനുണ്ട്.

    കേരളമെന്നു കേട്ടാല്‍ അപമാന പൂരിതമാകണം അന്തരംഗം
    രാഷ്ട്രീയമെന്ന് കേട്ടാലോ തളിക്കണം ചാണകം നിമസഭയില്‍

    ReplyDelete
  19. നമ്മുടെ ഈ മുഖ്യന്റെ ഒരു കാര്യം .........കക്കാന്‍ പഠിച്ചാല്‍ പോരാ നിക്കാനും കൂടി പഠിക്കണം ....എന്നാ കാര്യം അച്ചു മറന്നു ...........പാവം ..പാവം .....വു ക് ത മാകി പറഞ്ഞില്ല ...........

    ReplyDelete
  20. പറയാനിരുന്നത് ഒന്നാണെങ്കില്‍ ബഷീര്‍ക്കാ പറഞ്ഞു വന്നത് മറ്റൊന്നാണ് ..അല്ലെ?..കേരളത്തിലെ ഏത് തുലാസ്സില്‍ തൂക്കിയാലും ഈ പറയുന്ന ആളുകളേക്കാള്‍ ഒക്കെ ഒരു പടി മുന്നില്‍ തന്നെ ആണ് വി എസ്സിന്റെ സ്ഥാനവും ..എന്തേ..ഈ രാമ്കുമാരിന്നെതിരെ അന്ന് വന്ന ആരോപണങ്ങള്‍ അറിയാതിരുന്നതാണോ?...

    ReplyDelete
  21. @ lovesoul രാംകുമാറിന്റെ മൂന്നാര്‍ ബിനാമി കെട്ടിടം പൊളിച്ചതിലെ പകയാണ് അയാള്‍ പറഞ്ഞു തീര്‍ക്കുന്നത് എന്ന് താങ്കള്‍ എഴുതിക്കണ്ടു. ശരിയായിരിക്കാം. അക്കാരണം കൊണ്ട് മാത്രം അദ്ദേഹം പറഞ്ഞ കാര്യത്തെ ശ്രദ്ധിക്കാതെ വിടേണ്ടതുണ്ടോ? എന്റെ 'കൂട്ടം' പോസ്റ്റിലും ഇതേ അഭിപ്രായം വേറൊരു വായനക്കാരന്‍ എഴുതിയിട്ടുണ്ട്.

    @ Akbar
    വിനാശകാലേ സുധാകര ബുദ്ധി... ha..ha..അതെ കാര്യങ്ങള്‍ അങ്ങോട്ട്‌ തന്നെയാണ് പോകുന്നത്.

    ReplyDelete
  22. @ ആചാര്യന്‍
    അതെ അതാണ്‌ എന്റെ തകരാര്.. തുടങ്ങുമ്പോള്‍ ഒന്ന്. തുടരുമ്പോള്‍ മറ്റൊന്ന്. അവസാനിക്കുമ്പോള്‍ വേറൊന്ന് എന്ന മട്ടിലാണ് പലപ്പോഴും എഴുത്ത് പോവുക. സുധാകരനെ വെച്ചു തുടങ്ങിയതാണ്‌. അതിനിടയിലാണ് രാംകുമാറിന്റെ വെടി കേട്ടത്. അപ്പോള്‍ അവിടെ കേറിയും ഒന്ന് ഗൊത്തി.. ചുമ്മാ..

    ReplyDelete
  23. ഒരു പഴയ വാര്‍ത്ത: "മൂന്നാറില്‍ കൈയേറിയ ഭൂമിയിലെ റിസോര്‍ട്ടുകളില്‍ ഹൈക്കോടതി സീനിയര്‍ അഭിഭാഷകന്‍ കെ. രാംകുമാറിന്‍റെ ഭാര്യ ശ്രീകുമാരിയുടെയും മരുമകള്‍ ധന്യയുടെയും ഉടമസ്ഥതയിലുള്ള ധന്യശ്രീയും പെടും."

    ഇത് പൊളിക്കാന്‍ നോക്കിയതിനു സുരേഷ്കുമാര്‍ കോടതിയലക്ഷ്യക്കേസ് വരെ നേരിടേണ്ടി വന്നു. സര്‍ക്കാര്‍ നഷ്ടപരിഹാരം നല്‍കണമെന്ന് വരെ ഹൈക്കോടതി വിധിച്ചു! ഭാഗ്യത്തിന് മുഖ്യമന്ത്രി കോടതിയില്‍ സാഷ്ടാംഗം വീഴേണ്ടി വന്നില്ല. അതും സ്വാധീനിച്ചതാണോ പോലും ?


    ഇപ്പോള്‍ ഇതേ രാംകുമാര്‍ മുഖ്യമന്ത്രി അച്യുതാനന്ദനെതിരെ ഉയര്‍ത്തിയ ഏറ്റവും പുതിയ ആരോപണം " മുഖ്യമന്ത്രിയുടെ ഓഫീസിലുള്ളവര്‍ പിള്ളയുടെയും മുഖ്യമന്ത്രിയുടെ പഴയ തിരഞ്ഞെടുപ്പ് കേസിലും സുപ്രീം കോടതി ജഡ്ജിമാരെ സ്വാധീനിച്ചു "

    ജസ്റ്റിസ് ബാലകൃഷ്ണനെയും സഹായിക്കാന്‍ ഈ രാംകുമാര്‍ സാര്‍ മാത്രമേയുണ്ടായിരുന്നുള്ളൂ ..... പാവം സാര്‍ ..... ഏഴൈ തോഴന്‍ എന്ന് തന്നെ പറയാവുന്ന ഒരു വ്യക്തിത്വം ! ആദ്യം ബാലകൃഷ്ണന്‍ സാറിനു ഏകനായി തന്നെ സൈട് പറഞ്ഞു ! ഇപ്പോള്‍ സുധാകരന്‍ സാറിനും !

    വെറുതെ എങ്ങും തൊടാതെ ആരോപണം പറഞ്ഞാലും കുറേപ്പേര്‍ ഏറ്റുപിടിക്കുമെന്ന് അറിയാവുന്നതുകൊണ്ട്‌ ഇനിയും ധൈര്യമായി അടുത്ത ........... വിടാം . എവിടെങ്കിലും പൊയ്ക്കോളും :)

    ReplyDelete
  24. കോടതിയോട് കളിച്ചവരാരും നേരെ ചൊവ്വേ പോയിട്ടില്ല ഒരു നേതാവ് ശുംബന്‍ എന്നതിനു പുതിയ അര്‍ഥം കണ്ടത്തി രക്ഷ പെടാനുള്ള ശ്രമത്തിലാണ് ...ചിലര്‍ നോട്ടുകെട്ടു പ്രയോകം നടത്തി മാപ്പഭിക്ഷിച്ചു
    ....സുധാകരന്‍ ആ judge ആരാണ് എന്ന് പറഞ്ഞാ മതിയായിരുന്നു , താന്‍ അങ്ങിനെ പറഞ്ഞിട്ടേ യില്ല എന്നോ അതിന്നു വേറെ അര്‍ഥം ഉണ്ട് എന്നൊക്കെ പറയാനും സാധ്യതയുണ്ട്

    ReplyDelete
  25. തെരഞ്ഞെടുപ്പു മുന്നില്‍ കണ്ടു പലരും
    കത്തിച്ചു വലിച്ചെറിയുന്ന പടക്കങ്ങളും
    ഗുണ്ടുക ളുമൊക്കെ നനഞ്ഞ ഇനമാ!
    ചിലതൊക്കെ ബൂമറാങ്ങ് പോലെ തിരിച്ചു
    വരുന്നുമുണ്ട്. ഏതായാലും കഴിഞ്ഞ 5 വര്‍ഷമായി വി എസ്‌കൊണ്ട് നടക്കുന്ന കയ്യാമങ്ങള്‍
    ''എല്ലം തന്നേ'' നമുക്കിനി പു...ഴു...ങ്ങി...തി....ന്നാം!!!

    ReplyDelete
  26. ബ്യൂമറാങ്ങ് കൊണ്ടെറിഞ്ഞുകളിക്കുന്നവർ...

    ReplyDelete
  27. എനിക്കും പറയാനുള്ളത് ഈ വാക്കുകള്‍ തന്നെ: "കള്ളനും പോലീസും കളിക്കുന്ന കുട്ടികളെ കണ്ടിട്ടില്ലേ.. ആദ്യം കള്ളനായവന്‍ പിന്നെ പോലീസ് ആവും. പോലീസ് ആയിരുന്നവന്‍ നേരെ പോയി കള്ളനാവും. കളി കഴിഞ്ഞാല്‍ കള്ളനും പോലീസും ഒരുമിച്ചു ചോറും കൂട്ടാനും വെച്ചു കളിക്കും. അങ്ങനെയുള്ള ഒരു കളിയായി ഇതിനെയൊക്കെ കണ്ടാല്‍ മതി".

    ReplyDelete
  28. അങ്ങനെ ആളെ പറയാതെ പോകുന്ന ചിലര്‍ ..
    ലോട്ടറി വിഷയത്തില്‍ സ്വാധീനിക്കാന്‍ വന്ന പ്രമുഖരെ പറഞ്ഞാല്‍ നിങ്ങള്‍ ഞെട്ടും എന്ന് പറഞ്ഞു മറ്റൊരാള്‍ ആളെ പറഞ്ഞില്ല. ബോധ്യമുണ്ടെങ്കില്‍ അതങ്ങ് പറയാമല്ലോ കേള്‍ക്കുന്ന നമ്മള്‍ ഞെട്ടരുതുന്ന സദുദ്ദേശമാണ് കാര്യം!!!

    ReplyDelete
  29. ബഷീർ...കുറേ മാസങ്ങൾക്കു മുൻപു കേരളത്തിലെ ഒരു പാവപ്പെട്ടമന്ത്രി ഈ സത്യങ്ങൾ തുറന്ന് പറഞ്ഞു “കോടതിവിധികൾ നോട്ടുകെട്ടിന്റെ വലുപ്പമനുസരിച്ചാണ് എന്നു .അന്നു ആ പാവത്തിനെ ഈ ജഡ്ജിമാർ കോടതിയിൽ വിളിച്ചു ഏത്തമിടിയിപ്പിച്ചു...
    സുധാകരൻ കണ്ടന്നു പറയുന്നതു സത്യമായിരിക്കാം ..പക്ഷേ ഈ ലാൽ സലാം ...?

    ReplyDelete
  30. ബഷീര്‍ പറഞ്ഞതില്‍ കുറെ കാര്യങ്ങള്‍ ശരിയാണ് . പക്ഷെ വി എസ്സി ന്‍റെ കാര്യത്തില്‍ രാംകുമാര്‍ പറഞ്ഞത് ഇത്ര കാര്യമായി എഴുതി പിടിപ്പിക്കെണ്ടതില്ല. അത് വെറുതെ ഇരുമ്പില്‍ കടിച് പല്ല് കളയുന്നത് പോലെയാണ്. ജനം രോക്ഷാകുലരാന് ,അവര്‍ക്ക് നിലവിലെ സാഹചര്യത്തില്‍ വി എസ്സ് പറയുന്നിടത്താണ് ശരി എന്ന് അറിയാം. വി എസ്സ് നെറികെട്ട കളികള്‍ക്ക് പോകാത്തത് കൊണ്ടാണ് ചങ്കൂറ്റത്തോടെ തന്‍റെ അഭിപ്രായം പറയാന്‍ കഴിയുന്നത്‌ . അണ്ടനേയും അടകൊടനെയും കൂട്ടി വൃത്തികെട്ട കളിക്ക് പോയവനോക്കെയാണ് ഇപ്പോള്‍ കുടുങ്ങിയിരിക്കുന്നത്. കുഞ്ഞാലികുട്ടി ഒരു ഉദാഹരണം മാത്രം.വൈരുദ്ധ്യങ്ങളുടെ ഐക്യവും സമരവും ഒരു മാര്‍ക്സിയന്‍ നിയമമാണ് . അത് മനസ്സിലാകിയവര്‍ക്ക് അറിയാം സത്യസന്ദതയുടെ പക്ഷത്തു നിന്നില്ലെങ്കില്‍ ഉണ്ടാകാന്‍ പോകുന്ന ഭവിഷത്തുകള്‍.ഇത് പൊതു ജീവിതത്തിലും , മറ്റെല്ലാ രംഗത്തും ഇനി ഒരു പാഠമാകും. സരക്കാരാപ്പിസിലെ പ്യുന്‍ മുതല്‍ ജഡ്ജി വരെ ഇനി കൈമടക്കു വാങ്ങാന്‍ ഒന്ന് മടിക്കും കുറച്ചു കാലത്തേക്ക്. കുറഞ്ഞ പക്ഷം വി എസ്സി നെ പ്പോലുള്ളവര്‍ പൊതു ജീവിതത്തില്‍ ഉള്ലാത്ര കാലം

    ReplyDelete
  31. അല്പം തീവ്രവാദമൊക്കെ ആവാം ബഷീർക്കാ! ഇവനെയൊക്കെ ജനം വഴിയിൽ പിടിച്ചുനിർത്തി നീ ആരെയാണ് ഉദ്ദേശിച്ചത്? എന്താണ് കണ്ടത്? എന്ന നിലയിൽ ചോദ്യംചെയ്യണം. ജനത്തിനോട് സമാധാനം പറയാതെ വഴി നടക്കാൻ കഴിയില്ല ഒരു പൊന്നുമോനും എന്ന അവസ്ഥ വരണം. ചോദ്യംചെയ്യുന്ന വിരൽപ്പാടുകൾക്കുമുന്നിൽ ഇവനൊക്കെ വിറക്കണം. വിയർക്കണം!
    ഫിഫ്ത് എസ്റ്റേറ്റ് എന്ന സാധ്യത നാം പരമാവധി പ്രയോജനപ്പെടുത്തണം.

    ReplyDelete
  32. ബ്ലോഗ്ഗില്‍ തീരെ സജീവമല്ലാത്ത സമയത്തും വിടാതെ
    വായിക്കുന്ന ബ്ലോഗ്ഗ് ആണ് വള്ളിക്കുന്ന് സാഹിബിന്റെത് വളരെ നല്ല impression ഉണ്ട് താനും .

    പക്ഷെ ഈ പോസ്റ്റ്‌ കാര്യങ്ങളെ ശരിക്കും വിലയിരുത്തുന്നതിന് പകരം വി എസിന് ഇട്ടു ഒരു താങ്ങ് എന്ന നിലയില്‍ അധ: പതിച്ചു പോയി എന്ന് പറയാതെ വയ്യ . adv . രാം കുമാര്‍ ഏഷ്യനെറ്റ് ന്യൂസ്‌ ഹവ്വരില്‍ സുധാകരനെ ന്യായീകരിച്ചു വി എസിനെതിരെ ഒരു തെളിവും ഇല്ലാതെ ബ ബ ബ അടിക്കുന്നത് കണ്ടിട്ടുള്ള ഏതൊരാള്‍ക്കും മനസ്സിലാകും അങ്ങേരുടെ ഉദ്ദേശ ശുദ്ധി ...

    ജസ്റ്റിസ്‌ ബാലകൃഷ്ണനെ ന്യായീകരിക്കുന്ന സമയത്ത് ഇയാള്‍ പറഞ്ഞിരുന്നത് സുപ്രീം കോടതിയില്‍ അഴിമതി നടന്നു എന്ന് താന്‍ വിശ്വസിക്കുന്നില്ല എന്നായിരുന്നു ....പിന്നെ പലരും ചൂണ്ടി കാണിച്ച പോലെ രാം കുമാറിന് വി എസി നോടുള്ള പൂര്‍വ്വ വൈരാഗ്യം കണക്കിലെടുക്കതിരുന്നാല്‍ തന്നെ ഇടമലയാര്‍ കേസില്‍ വി എസ് സുപ്രീം കോടതിയെ സ്വാധീനിച്ചു എന്ന് പറയുമ്പോള്‍ ചില കാര്യങ്ങള്‍ കണ്ടില്ലെന്നു നടിക്കരുത് ..

    1 . ബാലകൃഷ്ണ പിള്ള വരെ സമ്മതിക്കുന്നു ഇക്കാര്യത്തില്‍ കരാറുകാരന് ചില സൗജന്യങ്ങള്‍ ചെയ്തു കൊടുത്തു എന്ന് , ( പണം കൈപറ്റിയില്ല എന്നത് മാത്രമാണ് പിള്ളയുടെ വാദം )

    2 .മുസ്ലിം ലീഗ് എം എല്‍ എ , ശ്രീ സീതി ഹാജി അടക്കമുള്ളവര്‍ അടങ്ങിയ നിയമസഭാ സമിതിയാണ് ഈ കാര്യത്തില്‍ അഴിമതി നടന്നു എന്ന് റിപ്പോര്‍ട്ട്‌ ചെയ്തത് ...

    വസ്തുത ഇതായിരിക്കെ വള്ളിക്കുന്ന് സാഹിബ് ചെയ്തത് ചില പ്രത്യേക താല്പര്യങ്ങളോടെ ഉള്ള ഒരു തരം നാലാം കിട ഏറ്റു പിടിക്കല്‍ ആയി എന്ന് പറയാതെ വയ്യ , ആ പിന്നെ ബഷീര്‍ സാഹിബ് എന്തിനു പക്ഷം പിടിക്കാതിരിക്കണം അല്ലെ ..? ഒരു പ്രത്യേക പാര്‍ട്ടിയില്‍ വിശ്വസിച്ചു അതിലെ നേതാക്കളെ ന്യായീകരിച്ചു അവര്‍ക്ക് ഓശാന പാടി നടക്കുമ്പോള്‍ പ്രത്യേകിച്ചും..

    പക്ഷെ ഒരു സൂപ്പര്‍ ബ്ലോഗ്ഗര്‍ ക്ക് കുറച്ചു കൂടെ ഉത്തവാദിത്വം ഇല്ലേ എന്നൊരു ശങ്ക ...

    വാല്‍കഷണം :

    വി എസ് നികൃഷ്ട ജീവി എന്ന് ഗണേഷ് കുമാര്‍ .( ഇത് പിതൃസ്നേഹം , ചിലക്കു പാര്‍ട്ടി സ്നേഹം !,അതിനിടക്ക് എന്ത് ധാര്‍മ്മികത ? )

    ReplyDelete
  33. അത് കലക്കി ബഷീര്‍ ഭായ്.
    വീയെസിന്റെ തലക്കിട്ടു തന്നെ കൊട്ടി.
    അല്ലെങ്കിലും വീയെസ്സിന് ഇത് എന്തിന്റെ കേടാ? ഈ വയസ്സ് കാലത്ത് ദാസ്‌ കാപ്പിറ്റലും വായിച്ചു, വല്ല വിപ്ലവ സ്മരണകളും എഴുതി വീട്ടില്‍ ഇരിന്നൂടെ?
    ബാലകൃഷ്ണപ്പിള്ള 2 കോടി കട്ടു എങ്കില്‍ തന്നെ അയാള്‍ക്കെന്താ നഷ്ടം? അയാളുടെ തറവാട്ടില്‍ നിന്നൊന്നും അല്ലല്ലോ?
    അതിന്റെ പിന്നാലെ 20 വര്ഷം നടക്കുക, സ്വന്തം ചിലവില്‍ കേസ് നടത്തുക, എന്നിട്ട് കേരള ചരിത്രത്തിലാദ്യമായിട്ട് ആണെങ്കിലും ഒരു മുന്‍മന്ത്രിയെ അഴിമതിയുടെ പേരില്‍ ജയിലില്‍ അയക്കുക.
    ഇതെന്താ വെള്ളരിക്ക പട്ടണമോ? ഇങ്ങിനെ പോയാല്‍ നമ്മള്‍ എങ്ങിനെ സ്വസ്ഥമായി അഴിമതി ചെയ്തു ജീവിക്കും!
    ഇയാളെ വെറുതെ വിടരുത്, മുളയിലേ നുള്ളണം!

    അല്ലെങ്കിലും 2 കോടി കട്ടു എന്നൊക്കെ കേട്ടാല്‍ ഇപ്പോള്‍ ചിരിയാണ് വരുന്നത്. ലക്ഷം കോടി എന്ന് കേട്ടിട്ട് തന്നെ ഒരു ഞെട്ടലും വരുന്നില്ല.
    ഇനി കോടി കോടികളുടെ അഴിമതി കേസൊക്കെ വന്നാല്‍ ചിലപ്പോള്‍ ഒരു ഞെട്ടല്‍ വരുമായിരിക്കാം!
    :(

    ഇത് പോലുള്ള പോസ്റ്റുകള്‍ ഇനിയും പ്രതീക്ഷിക്കുന്നു. ;)

    ReplyDelete
  34. വൈകിയാണെങ്കിലും സുധാകരനും പാര്‍ട്ടിയും ജഡ്ജിമാരെ മനസ്സിലാക്കിയല്ലോ...... അത് തന്നെ വലുത്

    ReplyDelete
  35. വൈകിയാണെങ്കിലും സുധാകരനും പാര്‍ട്ടിയും ജഡ്ജിമാരെ മനസ്സിലാക്കിയല്ലോ...... അത് തന്നെ വലുത്

    ReplyDelete
  36. ബഷീര്‍ ഭായ്, ഇപ്പോള്‍ കാറ്റ് ഇടത്തോട്ടാണ് വീശുന്നത്, ആ സമയതു നാലു വാക്ക് ഇടത്തോട്ടെഴുതി
    നാലു വായനക്കാരെ അധികം കൂട്ടാന്‍ നോക്ക് :)

    ReplyDelete
  37. ഇതൊക്കെ നാട്ടുനടപ്പും നമ്മുടെ വിധിയുമാണ്

    ReplyDelete
  38. Oru Azhimathikkarnenkkilum shiksha vangi kodutha VS inte nadapadikaley vimarshicha reethy valare tharam thanu poyii Basheerkka..... :)

    ReplyDelete
  39. AGREED TO ALL OF U R OPINION.. EXCEPT V.S
    NOW V.S IS THE ONLY BELIEVABLE POLITICIAN ..

    ReplyDelete
  40. @ സത്യമേവജയതേ,
    Faizal Kondotty
    & കലാം
    നിങ്ങള്‍ മൂന്നു പേരുടെയും അഭിപ്രായ പ്രകടനം വീ എസ് എന്ന രാഷ്ട്രീയക്കാരന്റെ നല്ല മുഖത്തെ അടയാളപ്പെടുത്തുന്നതാണ്. അതുകൊണ്ട് തന്നെ അതില്‍ ഞാന്‍ കയറി കൊത്തുന്നില്ല. പാര്‍ട്ടിക്കപ്പുറം ഒരു പ്രതിച്ഛായ സൃഷ്ടിക്കാന്‍ അദ്ദേഹത്തിനായിട്ടുണ്ട്. ലാല്‍ സലാം.

    ReplyDelete
  41. തുടരെത്തുടരെ അഴിമതിക്കഥകള്‍ പുറത്തു വന്നുകൊണ്ടിരിക്കുന്നത് കാരണം ജനങ്ങള്‍ക്ക്‌ ഇതിലൊന്നും ഒരു പുതുമയും തോന്നുന്നില്ല എന്നതാണ് വാസ്തവം. അഴിമതിയില്ലാത്ത രാഷ്ട്രീയക്കാരനും, തലയില്‍ മുടിയില്ലാത്ത പെണ്ണും ഒരുപോലെയാണ്. രണ്ടിനും സൗന്ദര്യം പോരാ. അത്തരം ഒരു അവസ്ഥയിലാണ് കാര്യങ്ങള്‍.
    -റിജോ-

    ReplyDelete
  42. //സുപ്രിം കോടതി വരാന്തയില്‍ കയറിയിറങ്ങുന്ന ദല്ലാളന്മാര്‍ മുഖ്യമന്ത്രിക്കുണ്ട് എന്ന് കേള്‍ക്കുമ്പോള്‍ ഞെട്ടേണ്ട ആവശ്യമില്ല.//

    ബഷീര്‍ക്കാ, കാര്യം നമ്മള്‍ വിചാരിച്ച പോലെയല്ല. സുധാരേട്ടന്‍ സുപ്രീം കോടതി "ജഡ്ജിയധ്യേം"കാഷ്‌ വാങ്ങുമ്പോള്‍ എത്തിനോക്കി വെള്ളമിറക്കിയതല്ലത്രേ..! അബ്കാരിമാരോടുള്ള പ്രതിബദ്ധത മൂത്തുമൂത്തു അവര്‍ക്ക് വേണ്ടി ദല്ലാളായി ഏമാനെ സമീപിച്ചതാണെന്ന് ...! പണ്ട്, ലീഡര്‍ മുഖ്യമന്ത്രിയായ കാലത്ത്. കൂട്ടത്തില്‍ ലീഡറുടെ കുറെ അണിയറക്കാര്‍ക്കും കൊടുത്തെന്നു..! പറയുന്നത് കാഷ്‌ കൊടുത്ത ഒരു അബ്കാരി തന്നെ.

    എന്തായാലും ഇന്നത്തെ കാലത്ത് രാഷ്ട്രീയക്കാരേക്കാള്‍ വിശ്വസിക്കാവുന്നത് കള്ളുകച്ചവടക്കാരെ തന്നെ.

    സുധാരേട്ടന്‍ വെടി പോട്ടിച്ചപ്പോഴേ തോന്നിയതാ-
    ടിയാന്റെ സാനിധ്യത്തില്‍ പണം വാങ്ങാന്‍ ഈ ജഡ്ജിയധ്യേം സുധാരേട്ടന്റെ മൂത്തച്ചനോ ഇളയച്ചനോ അല്ലല്ലോ?
    വിവരം കെട്ടവരാണെങ്കിലും മൂളയുള്ളവര്‍ തന്നെയല്ലേ ഈ കാഷ്‌ വാങ്ങുന്ന ജഡ്ജിമാര്‍?

    സുധാകരനെ പറഞ്ഞു തുടങ്ങി അച്ചുമ്മാമനു താങ്ങാനുള്ള വ്യഗ്രതക്കിടയില്‍ ബഷീര്‍ക്ക ഇതൊന്നും ശ്രദ്ധിച്ചില്ല. മോശമായിപ്പോയി.

    ഇടക്കൊക്കെ അട്ടേന്‍റെ പൊക്കിള്‍ കണ്ടുപിടിക്ക് ബഷീര്‍ക്കാ..
    ഒരു ചെയ്ഞ്ച് ആരാണ് ഇഷ്ടപ്പെടാത്തത്?

    ReplyDelete
  43. മുഖ്യമന്ത്രി വി.എസ് അച്ചുതാനന്ദന്‍ ജഡ്ജിമാരെ സ്വാധീനിച്ചു എന്ന് ഹരിശ്ചന്ദ്രന്‍ ആയ വക്കീല്‍ രാംകുമാര്‍ പറയുന്നു. പിള്ളക്കും, കുഞ്ഞാലിക്കുട്ടിക്കും, രാംകുമാറിനും ഒക്കെ ഇങ്ങനെ ഒന്നും പറയാതിരിക്കാന്‍ കഴിയില്ലല്ലോ.. നമ്മളോ പൊതുജനത്തിന് മുന്‍പില്‍ നാണം കേട്ടു, അതുകൊണ്ട് ബാക്കി ഉള്ളവരെയും അങ്ങു നാണം കെടുത്താത്താം എന്നാവും... ആരാണ് കേരളത്തിന്റെ അടുത്ത ഉപമുഖ്യമന്തി?? ആ ലിങ്ക് തെറ്റിയാണ് കൊടുത്തതെന്ന് തോന്നുന്നു...!

    ReplyDelete
  44. "കേരളത്തിലെ ഏത് തുലാസ്സില്‍ തൂക്കിയാലും ഈ പറയുന്ന ആളുകളേക്കാള്‍ ഒക്കെ ഒരു പടി മുന്നില്‍ തന്നെ ആണ് വി എസ്സിന്റെ സ്ഥാനവും ..എന്തേ..ഈ രാമ്കുമാരിന്നെതിരെ അന്ന് വന്ന ആരോപണങ്ങള്‍ അറിയാതിരുന്നതാണോ?"

    ഇംതിയാസിന്‍റെ (ആചാര്യന്‍) അഭിപ്രായം തന്നെ ആണ് കേരളത്തിന്റെ പൊതു അഭിപ്രായം.. കള്ളന്മാര്‍ എല്ലാം കൂടി ചേര്‍ന്ന് വി.എസ്-നെ കൂടി അങ്ങ് കള്ളന്‍ ആക്കാന്‍ നോക്കുന്നു എന്ന് തോന്നുന്നു.. കഷ്ടം തന്നെ..!!

    ReplyDelete
  45. @ ബിന്‍ഷേഖ് "ഇടക്കൊക്കെ അട്ടേന്‍റെ പൊക്കിള്‍ കണ്ടുപിടിക്ക് ബഷീര്‍ക്കാ..ഒരു ചെയ്ഞ്ച് ആരാണ് ഇഷ്ടപ്പെടാത്തത്?"

    എനിക്ക് തൃപ്തിയായി.

    @ Sreejith kondottY
    ശ്രീജിത്തേ, വരവ് വെച്ചു

    ReplyDelete
  46. അഴിമതി ചെയ്യാനുള്ള സ്വതന്ത്യവും ജനാധിപത്യം നല്കുംന്നുണ്ട് എന്ന് ചുരുക്കം..രാഷ്ട്രീയക്കാര്‍ മാത്രം അങ്ങനെ വിലസണ്ട, ജുഡീഷ്യറിയും പത്തു കാശുണ്ടാക്കട്ടെ സുധാകരന്‍ മുതലാളീ...

    ReplyDelete
  47. അതെ,
    കുളിമുറിയില്‍ മാത്രമല്ല
    കുളിമുറിക്കു പുറത്തും എല്ലാവരും നഗ്നരാണ്.

    നേര് നേരായി, നേരെ പറഞ്ഞു.
    കലകലകലകലക്കന്‍ പോസ്റ്റ്!

    ReplyDelete