"ആപ്കാ കോമണ്വെല്ത്ത് കൈസാ ഹെ ഭായ്‌..” പെരുന്നാള്‍ അവധിക്ക് നാട്ടില്‍ പോയി വന്ന എന്നോട് സഹപ്രവര്‍ത്തകനായ പാക്കിസ്ഥാനി എഞ്ചിനീയറുടെ ഊത്ത്.
ഇന്ത്യക്കെതിരെ ഏതു ന്യൂസ്‌ വന്നാലും പാക്കിസ്ഥാനികള്‍ക്ക് വലിയ സന്തോഷമാണ്. അഴീക്കോടിന് ചക്കക്കൂട്ടാന്‍ കിട്ടിയ പോലെ (പ്രയോഗം എന്റേതല്ല, ഇന്നസെന്റിന്റെതാണ്) “ടെലിഫോണ്‍ പേ കല്‍മാഡി സാബ് കോ മേരാ സലാം ബോല്‍ദേനാ.”. അവന്റെ രണ്ടാമത്തെ ഊത്ത്. ഈ ഊത്തൊക്കെ നമ്മള് സഹിച്ചേ പറ്റൂ.. ആ രൂപത്തിലാണ് ദിവസേനയുള്ള വാര്‍ത്തകള്‍ വരുന്നത്. 
ആദ്യ ദിവസം പാലം പൊളിഞ്ഞു. രണ്ടാം ദിവസം വേദിയുടെ മേല്‍ക്കൂര വീണു. മൂന്നാം ദിവസം ബെഡ് ഷീറ്റില്‍ നായ ഓടി, നാലാം ദിവസം റൂമില്‍ പാമ്പ്, ഇന്നിപ്പോള്‍ മുഖ്യമന്ത്രി ഷീല ആന്റി പറയുന്നു. പണി എന്ന് തീരുമെന്ന് പറയാന്‍ പറ്റില്ലെന്ന്. ഗെയിംസ് തുടങ്ങാന്‍ മണിക്കൂറുകള്‍ മാത്രം ബാക്കി നില്‍ക്കെയാണ് ഇമ്മാതിരി ഡയലോഗുകള്‍ നമ്മള് കേള്‍ക്കുന്നത്. പ്രധാന വേദിയിലേക്കുള്ള റോഡില്‍ ഏതാനും ബീഹാരി സ്ത്രീകള്‍ ചൂലും ബ്രഷും കൊണ്ട് ചളി വാരുന്ന ചിത്രം വിദേശ ഇംഗ്ലീഷ് പത്രത്തില്‍ ഇന്നലെ കണ്ടു. എന്റെ കുറ്റമല്ല, സര്‍ക്കാരാണ് കാരണക്കാരന്‍ എന്ന് കല്‍മാഡിയണ്ണന്‍. പുള്ളിയുടെ പത്ര സമ്മേളനത്തിന്റെ റിപ്പോര്‍ട്ട് വായിച്ച് കലി കയറിയ എന്റെ തൃശൂര്‍ക്കാരന്‍ സുഹൃത്ത് പറഞ്ഞു.. “ഗെയിംസ് കഴിയട്ടെ, ആ ശവിയുടെ കൊടല് ഞാനെടുക്കും”. അവന്റെ വികാരം തന്നെയാണ് എനിക്കുമുള്ളത്. എണ്‍പത്തി രണ്ടില്‍ മുന്നൂറ്റി അമ്പതു കോടി ചെലവ് കണക്കാക്കിയ ഗെയിംസിന് എഴുപതിനായിരം കോടി ചിലവഴിച്ച വിദ്വാനാണ് കുറ്റം എന്റേതല്ല എന്ന് പറയുന്നത്. അതുകൊണ്ടാണ് ഞാന്‍ പറഞ്ഞത് ഇവനെയല്ല, ഇവനെ ഈ പണിയേല്‍പിച്ചവരെയാണ് ചവിട്ടേണ്ടത് എന്ന്. കള്ളനെ വെറുതെ വിട്ടാലും അവന് കഞ്ഞി വെച്ചവനെ വെറുതെ വിടരുത് എന്നാണല്ലോ നമ്മള് പഠിച്ചിട്ടുള്ളത്.
ഇന്ത്യയുടെ ഇമേജ് ഉയര്‍ത്താനാണത്രെ നമ്മളീ ഗെയിം ചോദിച്ചു വാങ്ങിയത്. അരി മണിയൊന്ന് കൊറിക്കാനില്ല, തരിവളയിട്ടു കിലുക്കാന്‍ മോഹം എന്ന് പാടിയ അതേ അവസ്ഥ. ഇന്ത്യയില്‍ വിമാനമിറങ്ങുന്ന ആരും ആദ്യം കാണുക ദുര്‍ഗന്ധം വമിക്കുന്ന ചേരികളാണ്. ചേരികള്‍ക്ക് നടുവിലാണ് ബോംബെയിലേയും ഡല്‍ഹിയിലേയും വിമാനത്താവളങ്ങള്‍ പടുത്തുയര്‍ത്തിയിട്ടുള്ളത്. ഇക്കഴിഞ്ഞ ദിവസം മുംബൈ ചത്രപതി ശിവാജി എയര്‍പോര്‍ട്ടിന്‍റെ ഡൊമസ്റ്റിക്ക് ടെര്‍മിനലില്‍ നിന്നും ഇന്റര്‍നാഷണല്‍ ടെര്‍മിനലിലേക്ക് എയര്‍ ഇന്ത്യയുടെ എയര്‍പോര്‍ട്ട് കോച്ചില്‍ സഞ്ചരിച്ചപ്പോള്‍ എന്റെ സമീപത്തിരുന്ന സായിപ്പ് മൂക്ക് പൊത്തുന്നത് ഞാന്‍ കണ്ടു. തൊട്ടപ്പുറത്തെ ചേരിയിലെ അഴുക്ക് ചാലില്‍ കുട്ടികള്‍ കൂട്ടമായി തൂറാനിരിക്കുന്ന ദൃശ്യമായിരിക്കണം അയാളെ മൂക്ക് പൊത്താന്‍ പ്രേരിപ്പിച്ചത്. അത്തരം ചേരികളെ തിരിഞ്ഞു നോക്കാതെ, അവയില്‍ ജീവിക്കുന്ന പതിനായിരങ്ങളുടെ ദുരിതം മനസ്സിലാക്കാതെ ഏത് ഗെയിം നടത്തിയാലും നമ്മള് രക്ഷപ്പെടില്ല. ഇന്ത്യയുടെ ഇമേജ് ഉയരുകയുമില്ല. ഗെയിംസിന്‍റെ പേരില്‍ കല്‍മാഡിമാര്‍ വെട്ടി വിഴുങ്ങിയ പരശ്ശതം കോടിയില്‍ നിന്ന് ആ പട്ടിണിപ്പാവങ്ങള്‍ക്ക് ഒരു കക്കൂസ് ഉണ്ടാക്കികൊടുക്കാന്‍ ആയിരം രൂപയെങ്കിലും ചിലവഴിച്ചിരുന്നെങ്കില്‍ എന്ന് ഞാന്‍ ആശിച്ചു പോകുന്നു.
നാണക്കേടിന്റെ പുതിയ എപ്പിസോഡുകള്‍ ഉണ്ടാക്കാതെ ഈ ഗെയിംസൊന്ന് പണ്ടാരമടങ്ങിയിരുന്നെങ്കില്‍ നന്നായിരുന്നു !!!.
Related Post (ഞാന്‍ മുമ്പേ പറഞ്ഞതാ..)
കല്‍മാഡിയെ രാഷ്ട്രപതിയാക്കിയാലോ?
ചിരിച്ചു മണ്ണ് കപ്പണം എന്നുള്ളവര്‍ക്ക് ഒരു ലിങ്ക് തരാം. ലണ്ടനില്‍ നിന്ന് പ്രസിദ്ധീകരിക്കുന്ന The Independent-ല്‍ Dom Joly എഴുതിയ നര്‍മക്കുറിപ്പ്‌.
How can I help you? 24-hour phone line rides to the rescue at Delhi Games
ചിരിച്ചു മണ്ണ് കപ്പണം എന്നുള്ളവര്‍ക്ക് ഒരു ലിങ്ക് തരാം. ലണ്ടനില്‍ നിന്ന് പ്രസിദ്ധീകരിക്കുന്ന The Independent-ല്‍ Dom Joly എഴുതിയ നര്‍മക്കുറിപ്പ്‌.
How can I help you? 24-hour phone line rides to the rescue at Delhi Games
The 100 mtrs race at Common Wealth Games might have a board near finish point which reads:
ReplyDelete"GO SLOW MEN AT WORK"
ഇതൊക്കെ നിങ്ങള്‍ക്കു ദേശസ്നേഹം ഇല്ലാഞ്ഞിട്ടു പറയുന്നതാ...
ReplyDeleteകല്‍മാഡി സാറ് "ഇന്ത്യയുടെ ആത്മാവ് ഗ്രാമങ്ങളില്‍" എന്ന അസ്സല്‍ ഗാന്ധിയന്‍ തത്വങ്ങള്‍ പ്രയോഗവല്‍ക്കരിക്കുകയാ
പാമ്പും നായയും മേല്‍കൂര പൊളിഞ്ഞു വീഴലും പൈപ്പില്‍ വെള്ളത്തിനു പകരം കാറ്റും
പ്രകൃതിയാസ്വദിച്ച് ഒന്നും രണ്ടും സാധിക്കലുമൊക്കെ
ഒന്നാം നമ്പര്‍ ഗ്രാമ്യ പ്രതീകങ്ങളാണെന്നിരിക്കെ ഈ കുറ്റം പറച്ചില്‍ ശരിയല്ല.
അല്ലേലും നമ്മുടെ മാധ്യമങ്ങള്‍ക്കും എഴുത്തുകാര്‍ക്കും ദേശത്തെ 'സേവിക്കുന്നവരോ'ട് കണ്ണു കടിയാ!
ഒരേയൊരു പ്രാര്‍ത്ഥന മാത്രം.
ReplyDeleteകട്ട് മുടിച്ച ഒരു ദ്രോഹിയും രക്ഷപ്പെടരുത്‌.
ഗെയിംസ് കഴിയുന്നതോടെ അവരുടെ അടിയന്തിരവും കഴിയണം.
ചക്കരക്കുടം, ഹാ ഹാ... കയ്യിട്ടു വാരാന്‍ എന്താ രസം... എഴുതിയാലും, പറഞ്ഞാലും തീരുന്നതല്ല ഈ നാണക്കേട്, കുടല് തന്നെ മാന്തണം.
ReplyDeleteഹായ് ബഷീര്‍ സാബ് നിങ്ങള്ക്ക് തെറ്റിയോ
ReplyDeleteഇവട്ടകളുടെയ് കുടലെടുതലും ഈ ഞാജൂലുകള്‍ പതിന്മടങ്ങ്‌ ഉഷാറായി വിലസും നാട്ടില്‍
ഞാന്‍ ഇവര്‍ക്ക് സിന്ദാബാദ് വിളിക്കും
എന്നോട് അത്രക്കേ കഴിയുള്ളൂ
ബൈ
റഷീദ് ഉഗ്രപുരം
ഹായ് ബഷീര്‍ സാബ് നിങ്ങള്ക്ക് തെറ്റിയോ
ReplyDeleteഇവട്ടകളുടെയ് കുടലെടുതലും ഈ ഞാജൂലുകള്‍ പതിന്മടങ്ങ്‌ ഉഷാറായി വിലസും നാട്ടില്‍
ഞാന്‍ ഇവര്‍ക്ക് സിന്ദാബാദ് വിളിക്കും
എന്നോട് അത്രക്കേ കഴിയുള്ളൂ
ബൈ
റഷീദ് ഉഗ്രപുരം
ABHI said... The 100 mtrs race at Common Wealth Games might have a board near finish point which reads:
ReplyDelete"GO SLOW MEN AT WORK"
ഇതൊരു ഒന്നൊന്നര വെടിയാണല്ലോ Abhi..
ഇന്ത്യയുടെ അഭിമാനമാല്ല ഗയിംസിന്റെ നടത്തിപ്പാണു വലുത് എന്നാണു ഇന്നലെ സായിപ്പ് പറഞ്ഞത്.
ReplyDeleteനമുക്ക് ആത്മാഭിമാനം പണയം വച്ചും ഗയിംസ് നടത്താം എന്ന് ഇതോടുകൂടി തെളിയിച്ചു!
പാകിസ്ഥാനി എന്‍ജിനീയര്‍ അല്ല, ഇനി സര്‍ദാരി തന്നെ നേരിട്ട് വന്ന് ഊതിയാലും അത്ര ചമ്മേണ്ട കാര്യമില്ല.
ReplyDeleteഇവിടെ നടത്തിപ്പുക്കാര്‍ മാത്രമല്ലെ വാരുന്നുള്ളൂ.. അവിടെ ടീം മൊത്തം നാറ്റിക്കുകയാ.
ഇക്കഴിഞ്ഞ ഒന്ന് രണ്ടു വര്‍ഷം ഇതിനുവേണ്ടി ഡല്‍ഹിയില്‍ കൂടി യാത്ര ചെയ്തവര്‍ എത്ര മണികൂര്‍ ബ്ലോക്കില്‍ കുടുങ്ങി ശപിച്ചതാവും. ഒരു പ്ര്രാവശ്യം എനിക്ക് ആറ കിലോമീടര്‍ ദൂരം ടാക്സിയില്‍ എത്താന്‍ വെറും രണ്ടു മണികൂര്‍ മാത്രമേ എടുത്തുള്ളൂ.
ReplyDeleteകല്‍മാഡിയണ്ണന്‍ വര്‍ഷങ്ങളായി സേവിക്കുന്ന ആ കുടമോന്നുടക്കാന്‍ ഈ ഭരണകൂടതിനുമാവില്ലന്നാണോ?
ReplyDeleteഅദേഹമാണ് ഇന്ത്യയുടെ കായികശക്തി ലോകതിനുമുംബാകെ കാട്ടിയ "മഹാന്‍" നീണോല്‍വാഴട്ടെ..
വയറു എങ്ങിനെ വീര്‍പ്പിക്കാം എന്ന് ഇന്ത്യന്‍ രാഷ്രിയക്കര്‍ വീണ്ടും തെളിയിക്കുന്നു... ഇന്ത്യന്‍ കായിക താരങ്ങള്‍ അതുകണ്ടുപടിക്കട്ടെ ! ട്രാക്കിന്റെ നീളം ചുരുക്കി ഇവന്മാര്‍ വിഴിങ്ങിട്ടുണ്ടാകുമോ?
അഭിയുടെ ആ കമന്റ് ഒരു ഇംഗ്ലീഷ് പത്രത്തിലെ കാർട്ടൂണാണ്. കുറെ ദിവസമായി ഈമെയിലിൽ കറങ്ങുന്നുണ്ട്
ReplyDeleteഇവനേ ഒന്നും കാലനും വേണ്ടേ.....?
ReplyDeleteപറയേണ്ടത് പറയേണ്ട പോലെ പറഞ്ഞു. ആ ശവിയെ എന്റെ മുന്നില്‍ കിട്ടിയിരുന്നെങ്കില്‍ ഒറ്റയടിക്ക് കൊന്നേനെ
ReplyDelete"ഈ ഗെയിംസ് ഇവിടെ വിജയിക്കരുതെന്നാണ്‌ എന്റെ പ്രാര്‍ത്ഥന. വിജയിച്ചാല്‍ ഇവര്‍ ഇവിടെ ഒളിമ്പിക്സ് വരെ കൊണ്ടുവരാന്‍ ശ്രമിക്കും.`
ReplyDeleteമണിശങ്കര്‍ അയ്യര്‍ പറഞ്ഞതിന്റെ പൊരുള്‍ നമ്മുടെ കായിക മന്ത്രാലയവും മറ്റും ഇപ്പോഴെങ്കിലും മനസ്സിലാക്കിയോ എന്തോ...? അല്ലെങ്കിലും അഴിമതി രഹിത പ്രവര്‍ത്തനങ്ങള്‍ കൊണ്ട് ശ്രദ്ധേയനായ അയ്യരെപ്പോലെ ഒരാളെ പുറത്തുനിര്‍ത്തിയവര്‍ ഒന്നും മനസ്സിലാകാഞ്ഞിട്ടല്ലല്ലോ... അല്ലേ....?
This comment has been removed by the author.
ReplyDelete"ഈ ഗെയിംസ് ഇവിടെ വിജയിക്കരുതെന്നാണ്‌ എന്റെ പ്രാര്‍ത്ഥന. വിജയിച്ചാല്‍ ഇവര്‍ ഇവിടെ ഒളിമ്പിക്സ് വരെ കൊണ്ടുവരാന്‍ ശ്രമിക്കും.`
ReplyDeleteമണിശങ്കര്‍ അയ്യര്‍ പറഞ്ഞതിന്റെ പൊരുള്‍ നമ്മുടെ കായിക മന്ത്രാലയവും മറ്റും ഇപ്പോഴെങ്കിലും മനസ്സിലാക്കിയോ എന്തോ...? അല്ലെങ്കിലും അഴിമതി രഹിത പ്രവര്‍ത്തനങ്ങള്‍ കൊണ്ട് ശ്രദ്ധേയനായ അയ്യരെപ്പോലെ ഒരാളെ പുറത്തുനിര്‍ത്തിയവര്‍ ഒന്നും മനസ്സിലാകാഞ്ഞിട്ടല്ലല്ലോ... അല്ലേ....?
ഇന്ത്യ ഇനി റെക്കോര്‍ഡ്‌ തകര്‍ത്തില്ലെന്നു ആരും പറയില്ലല്ലോ
ReplyDeleteപാലം തകര്‍ന്നു
മേല്‍ക്കൂര തകര്‍ന്നു
അഴിമതിയുടെ സര്‍വ്വകാല റെക്കോര്‍ഡും തകര്‍ന്നു.
ഇനി എന്ത് വേണം.
ഇന്ത്യക്ക് കോമണ്‍ വെല്‍ത്ത് എന്നാല്‍ "കോമഡി" വെല്‍ത്ത് ആണെന്ന് മനസ്സിലായില്ലേ.
കോമണ്‍സെന്‍സ് ഇല്ലാത്ത കല്‍മാഡിയെ കോമണ്വെല്ത്ത് ഏല്‍പ്പിച്ചത് ഇന്ത്യക്കാരുടെ കോമണ്‍ mistake ആണോ എന്നൊന്നും ഇനി ആലോചിക്കാന്‍ സമയം ഇല്ല. ഈ കോമഡി വെല്‍ത്ത് കഴിഞ്ഞാല്‍ ആ കല്‍മാടിയെ അങ്ങട്ട് മറമാടുക അത്ര തന്നെ.
കല്‍മാഡി കട്ട് മുടിച്ചതില്‍ അത്ഭുതപ്പെടാനില്ല! കാരണം, "suresh kalmadi" എന്നു വെച്ചാല്‍ "sir u made lakhs" എന്നാണല്ലോ? അക്ഷരങ്ങള്‍ ഒന്ന് അങ്ങോട്ടും ഇങ്ങോട്ടും മാറ്റി വെച്ചാല്‍ മതി....സംഗതി ക്ലിയര്‍!
ReplyDeleteIt is amazing but true & he proved.
:( കഷ്ടം....എല്ലാവരെയും നാണം കെടുത്തി കല്ല്മി കബാബ്
ReplyDeletedear basheer
ReplyDeleteyou have written the feeling a common man with your powerful humaristic language. thank you.
:)
ReplyDelete"കല്‍മാഡിയെ നിങ്ങള്‍ എല്ലാവരും ചേര്‍ന്ന് അങ്ങനെയങ്ങ് കളിയാക്കുകയൊന്നും വേണ്ട, അദ്ധേഹം ഡല്‍ഹിയെ
ReplyDeleteഒരു മണവാട്ടിയെ പ്പോലെ അണിയിച്ചൊരുക്കിയിരിക്കുന്നു" എന്റെ ലഖ്നോക്കാരന്‍ സുഹ്രത്ത് ഗൂഗിള്‍ ബസ്സില്‍ എഴുതി.
"ശരിയാണ്, അദ്ധേഹം ഡല്‍ഹിയെ അല്ല മണവാട്ടിയാക്കിയത് ഇന്ത്യയെയാണ്. ഇന്ത്യ ഇന്ന് ശരിക്കും ഒരു മണവാട്ടിയെ
പോലെ ലോകരാഷ്ട്രങ്ങളുടെ മുന്‍പില്‍ തലകുനിച്ചു നില്‍ക്കുന്നു". ഞാനും തിരിച്ചെഴുതി.
.
ReplyDelete@ Malathi and Mohandas
ReplyDeleteഅനുഭവം ആണല്ലോ വലിയ ഗുരു.. ആറ് കിലോമീറ്ററിന് രണ്ടു മണിക്കൂര്‍. ഈ കണക്കു വെച്ചു നോക്കിയാല്‍ ഡല്‍ഹിയിലെ ട്രാഫിക്ക് എങ്ങിനെയുണ്ടെന്ന് താരങ്ങള്‍ അറിയാന്‍ പോകുന്നതെയുള്ളൂ..
@ sijo george
ആ മെയില്‍ എനിക്ക് കിട്ടിയില്ല. thank you for the information. ഏതായാലും ആ തമാശ ശരിക്ക് ആസ്വദിച്ചു.
@ Aiwa
ReplyDeleteSURESH KALMADI > SIR U MADE LAKHS.
അക്ഷരങ്ങള്‍ ഞാന്‍ ഒത്തു നോക്കി. അക്ഷരങ്ങള്‍ ഞാന്‍ ഒത്തു നോക്കി. എല്ലാം കിറു കിറുത്യം. അറിഞ്ഞിട്ട പേര് തന്നെ.
@ raseesahammed
ശരിയാണ്, ഗെയിമിനെക്കുറിച്ച് അതിന്റെ തുടക്കം മുതല്‍ മണി ശങ്കര്‍ നല്‍കിയ മുന്നറിയിപ്പ് മദാമ്മയടക്കം ആരും മുഖവിലക്കെടുത്തില്ല. അതാണ്‌ ഇപ്പോള്‍ അനുഭവിക്കുന്നത്.
it is not the game, fOR INDIA it is SHAME
ReplyDeleteതുടങ്ങുന്നതിനു മുമ്പേ അലമ്പായ cwgനായുള്ള ഇന്ത്യയുടെ തയ്യാറെടുപ്പിനെയും ശ്രമങ്ങളെയും ചൈന പ്രകീര്‍ത്തിച്ചിരിക്കുന്നു!!
ReplyDeleteഇനിയിപ്പോള്‍ ഗെയിംസിന് ശേഷം കല്‍മാഡിയുടെ പരിപ്പെടുക്കുന്ന ഇന്ത്യക്കാരുടെ കോമണ്‍ കാമ്പെയിനില്‍ കമ്മ്യൂനിസ്ട്ടുകാര്‍ പങ്കെടുക്കുമോ ആവൊ?
നായ നടുക്കടലില്‍ ചെന്നാലും നക്കിയേ കുടിക്കൂ...!
ReplyDeleteവിജയികള്‍ക്ക് കൊടുക്കുന്ന മെഡലുകള്‍ ഒറിജിനല്‍ ആയാല്‍ മതിയായിരുന്നു.
മുക്ക് പണ്ടം മാതിരി മുക്കിന്റെ മെഡല്‍ കൊടുത്ത് നാറ്റിക്കുമോ ആവോ?
ഇപ്രാവിശം സ്വര്‍ണം മൊത്തമായും നമ്മള്‍ക്ക് കിട്ടും വേറെ ആരും ഇല്ലല്ലോ മത്സരിക്കാന്‍ പെടിതോണ്ടാന്മാരെല്ലാം ഓടി രക്ഷപെട്ടില്ലേ അത് പോരെ നമ്മുക്ക് വെറുതെ എന്തിനാ അവരെ ഇവരെ കുറ്റം പറയാന്‍ പോണേ, ആദ്യം എല്ലാവരും നല്ല ഒന്നാന്തരം ഇന്ദ്യാക്കാരനാകാന്‍ പഠിക്ക് ഏത്?
ReplyDeleteനല്ല പോസ്റ്റ്‌... പിന്നെ നാട്ടില്‍ നിന്ന് ഫ്ലൈറ്റ് കയറുന്നതിനു മുന്‍പ് വരെ ഗെയിംസ് ഗെയിംസ് ഒരുക്കങ്ങളില്‍ അതൃപ്തി പ്രകടിപ്പിച്ച പല വിദേശ താരങ്ങളും രാജ്യങ്ങളും ഇന്ത്യയിലെത്തിയപ്പോള്‍ കളം മാറി ചവിട്ടിയിരിക്കുന്നു... ഇവരാരെങ്കിലും വല്ല നക്കാപിച്ചയും നീതി പാട്ടിലാക്കിയതാവുമോ???
ReplyDelete@ ABHI - അത് കലക്കി... അഭി നല്ലവണ്ണം വെടിവെക്കാനരിയുന്ന കൂട്ടത്തിലാണല്ലേ?? അയ്യോ ഐ മീന്‍ കുറിക്കു കൊള്ളുന്ന വെടി .....
ചിരിച്ചു മണ്ണ് കപ്പണം എന്നുള്ളവര്‍ക്ക് ഒരു ലിങ്ക് തരാം. ലണ്ടനില്‍ നിന്ന് പ്രസിദ്ധീകരിക്കുന്ന The Independent-ല്‍ Dom Joly എഴുതിയ നര്‍മക്കുറിപ്പ്‌.
ReplyDeleteHow can I help you? 24-hour phone line rides to the rescue at Delhi Games
Stop Press
ReplyDeleteസീനിയര്‍ പത്രപ്രവര്‍ത്തകനായ എന്റെ സുഹൃത്ത് ഇമെയിലില്‍ എഴുതി.
"കല്‍മാഡിക്കുട്ടന്മാരെ ഇപ്പണി എല്പിക്കുന്നവരെ മാത്രമല്ല, ഇങ്ങനെയൊരു മേള ഏറ്റെടുക്കാന്‍ തീരുമാനിച്ചവരെ തന്നെ ചവിട്ടണം"
> പ്രധാന വേദിയിലേക്കുള്ള റോഡില്‍ ഏതാനും ബീഹാരി സ്ത്രീകള്‍ ചൂലും ബ്രഷും കൊണ്ട് ചളി വാരുന്ന ചിത്രം വിദേശ ഇംഗ്ലീഷ് പത്രത്തില്‍ ഇന്നലെ കണ്ടു<
ReplyDeleteഈ ചിത്രം കണ്ടിട്ട് ചൊറിഞ്ഞു മേലാകെ മുറിയായി
കഷ്ട്ടം നമ്മുടെ കാര്യം .
@ABHI: "The 100 mtrs race at Common Wealth Games might have a board near finish point which reads:"GO SLOW MEN AT WORK"
ReplyDeleteഅഭിയുടെ കമെന്‍റ് കലക്കി, ഞാനതിനെ ഒന്ന് കാര്‍ട്ടൂണ്‍ ആക്കി എന്റെ ബ്ലോഗില്‍ പ്രസിദ്ധീകരിച്ചിട്ടുണ്ട്. ലിങ്ക്:
http://ottamyna.blogspot.com/2010/09/wealth.html
Regards
ISMAIL K
www.ottamyna.blogspot.com
തുടങ്ങുന്നതിനു മുമ്പേ കൊളമാക്കി തന്ന കാലമാടന്‍ കല്മാടി യെയും കൂട്ടരെയും ചവിട്ടി കൂട്ടേണ്ടത്‌ ഈ കാല ഘെട്ടത്തിന്റെ ആവശ്യം തന്നെ ... പക്ഷെ കള്ളനും കള്ളനു കഞ്ഞി വച്ചവരും ശക്തന്മാര്‍ ആയതിനാല്‍ അവര്‍ക്കുള്ള ശിക്ഷ apex court ന്റെ ഭാഗത്ത്‌ നിന്ന് മാത്രം പ്രതീക്ഷിക്കാം
ReplyDeleteനീന്തല്‍ മത്സരത്തിനു വന്ന ആസ്ട്രേലിയന്‍ താരം അലര്‍ജി മൂലം ആശുപത്രിയിലായി....
ReplyDeleteകുളം പരിശോധിച്ചപ്പോള്‍ .....കുളിമുറിയിലെ വെള്ളം ചെന്ന് വീഴുന്നത് നീന്തല്‍ കുളത്തില്‍...!!!!!
വ്യയവസായ ശാലയിലെയും മറ്റും മാലിന്യങ്ങള്‍ പുഴയില്‍ തള്ളുന്ന ഇന്ത്യയിലെ അതേ നയം പിന്തുടര്‍ന്ന് അല്ലെ?
C’mon... this is a golden opportunity to sweep the CWG medals, since there won't be any opponents for us! Jai Kalmadi, Jai Hind!
ReplyDeleteകറ്റം പറയരുത്.ഒള്ളതു കൊണ്ട് ഓണം.... എന്നു കേട്ടിട്ടില്ലേ.. കമാൽഡിയും കൂട്ടരും കയ്യിട്ടു വാരിയതിന്റെ ബാക്കി കൊണ്ട് ഇത്രെയൊക്കെ ചെയ്തില്ലേ...അതു തന്നെ 'വല്ല്യ കിട്ടലാ'...(പിന്നെ ഇന്ത്യക്കാരാരും കളിച്ചിട്ടു ഒരു മെഡലു പോയിട്ടു ഒരു ചക്ക മടൽ കൂടി കിട്ടില്ല.. എല്ലാം കണ്ടൊരു കൊണ്ടോകൂം.. അപ്പപിന്നെ അവറ്റകൾക്ക് ഇത്രെയൊക്കെ മതി സൌകര്യങ്ങൾ.!!!!)
ReplyDeleteThis comment has been removed by the author.
ReplyDeleteമെല്‍ബണില്‍ കഴിഞ്ഞ കോമണ്‍ വെല്‍ത്തിന്റെ സമാപന ചടങ്ങില്‍ 'സീ യൂ ഇന്‍ ദല്‍ഹി' എന്നെഴുതി പ്രദര്‍ശിപ്പിച്ചതിന് ചെലവാക്കിയതിന് നാല്‍പ്പതു കോടിയാണത്രേ.! ഡല്‍ഹി അവതരണ ഗാനത്തിന് പ്രതിഫലം അഞ്ചു കോടി. തിരശീല ഉയരുന്ന ദിവസം ബലൂണ്‍ പറത്താന്‍ അഞ്ചു കോടി മാത്രം.!!
ReplyDelete1982 ലെ ഒളിമ്പിക്സ് കടം വീടിയിട്ടുമില്ല പോലും. ധൂര്‍ത്തും ദുരയുമാണ് ഡല്‍ഹിയില്‍ മേളിക്കുന്നത്.
വള്ളിക്കുന്ന്
ReplyDeleteമാഷെ ഈ പറഞ്ഞതാണ്‌
നമ്മുടെ ഇന്ത്യ
ഇതേ പോസ്റ്റിനു കൂട്ടത്തില്‍ വന്ന ശ്രദ്ധേയമായ ചില കമന്റുകള്‍ (cut & paste)
ReplyDelete1)Comment by ചന്ദ്രകാന്തന്‍ 11 hours ago
ഇത് തന്നെയാണ് എനിക്കും പറയാനുള്ളത്... ഗെയിംസിന് വരുന്ന സായിപ്പന്മാര്‍ക്ക് പറഞ്ഞ് കളിയാക്കാന്‍ പാകത്തില്‍ രാജ്യത്തെ തുറന്നുവെച്ചിട്ട്, കളിയാക്കുന്നതാണ് കുറ്റം എന്ന് പറഞ്ഞാല്‍ പ്രശ്നം തീരില്ലല്ലോ.. കളിയാക്കപ്പെടുവാനുള്ള സാഹചര്യങ്ങള്‍ ഒഴിവാക്കുകയാണ് വേണ്ടത്.. അങ്ങോട്ടുമിങ്ങോട്ടും പഴി ചാരി എല്ലാവരും ക്ലീനായിക്കഴിയുമ്പോള്‍ മിച്ചം കാണുക രാജ്യത്തിന് സംഭവിച്ച നാണക്കേടാണ്. ഗെയിംസിനേക്കാള്‍ പ്രധാനം നമുക്ക് നമ്മുടെ രാജ്യത്തിന്റെ അടിസ്ഥാനഘടന മെച്ചപ്പെടുത്തുക എന്നതാണ്.. അതിന് ശേഷം ഗെയിംസ്.. അല്ലെങ്കില്‍ ഏത് ഗെയിംസ് നടത്തിയാലും ഇതുപോലെ ദാരിദ്ര്യത്തിന്റെയും അപര്യാപ്തതയുടെയും നാറുന്ന മുഖങ്ങള്‍ വിദേശികള്‍ക്ക് മുന്‍പില്‍ നമ്മള് പരിഹാസ്യമാകുവാനായി വെളിപ്പെട്ടുകൊണ്ടിരിക്കും.. മറ്റ് രാജ്യങ്ങള്‍ക്ക് മുന്‍പില്‍ മെഡലുകള്‍ വാരിക്കൂട്ടി നമ്മുടെ രാജ്യം തിളങ്ങുന്നതില്‍ സന്തോഷമുണ്ടെങ്കിലും കോമണ്‍ വെല്‍ത്ത് ഗെയിംസിനോട് മനസ്സുകൊണ്ട് എനിക്ക് യോജിപ്പില്ല... എവിടെയോ ചില പഴയ അടിമത്ത ചിന്തകള്‍ ഉണര്‍ത്തിക്കൊണ്ട് അതെന്റെ ആത്മാഭിമാനത്തെയും ദേശാഭിമാനത്തെയും എപ്പോഴെങ്കിലുമൊക്കെ കുത്തിനോവിപ്പിക്കുന്നു..
2)Comment by khalid korad 15 hours ago
ഏതോ ...പാകിസ്താനി പറയുന്നതല്ല ഇന്ന് ഇന്ത്യ ....കണ്ണ് തുറന്നു കാണുക മൂന്നാം ലോകരാജ്യങ്ങളില്‍ ആര്‍ക്കു കഴിയും ഇതു പോലെ ...ചെറിയ പ്രോബ്ലെംസ് ഊതിവീര്‍പ്പിക്കളല്ല കാര്യം
3) Comment by ക.പു.സ. 1 hour ago ഈ കുറ്റം പറയുന്ന സായിപ്പ് മുടിച്ചിട്ട് പോയ നാടല്ലേ ഇത്? അതിന്റെ ഓര്‍മ്മക്കല്ലേ ഈസ് ‘കോമണ്‍ വെല്‍ത്’ എന്ന പേരു തന്നെ? കട്ടു മുടിച്ചിട്ടു പോയ നാടുകളില്‍ കറുമ്പന്മാരുടെ നാടുകള്‍ മാത്രമെന്തേ മുന്നോട്ടു വന്നില്ല..!
ReplyDeleteപിന്നെ, ഇത്യയില്‍ റോഡുപണി നടത്തുന്നത് കണ്ട്രാക്കിന് കാശുണ്ടാക്കാനാ, അല്ലാതെ പൊതുജന സേവനത്തിനല്ല.. ഗെയിംസ് ചോദിച്ചു മേടിച്ചത് കുറച്ചുപേര്‍ക്ക് കറക്കാനാണ്, ഇന്ത്യയുടെ അഭിമാനം പൊക്കാനൊന്നും അല്ല. ഇതിന്റെയൊക്കെ ഭാഗം കുറച്ചു കുറച്ചായി നമ്മുടെ ഒക്കെ മനസ്സിലും ഉണ്ട്. നാട്ടിലേയ്ക്ക് കാശയയക്കുന്നത് എങ്ങനെയാണ്? കൂടുതല്‍ കാശുകിട്ടും എന്നതിനാല്‍ എത്രപേര്‍ കുറുക്കുവഴി തേടുന്നു. എത്രപേര്‍ സ്വന്തം സ്വത്തുവിവരങ്ങള്‍ കൃത്യമായി സര്‍ക്കാരിനെ അറിയിച്ച് കൃത്യമായി നികുതി കെട്ടുന്നുണ്ട്? എത്രപേര്‍ പരിസരം വൃത്തിയാക്കി വെയ്ക്കുകയും പൊതുജനാരോഗ്യത്തിനായുള്ള പ്രവര്‍ത്തനങ്ങളില്‍ ഏര്‍പ്പെടുകയും ചെയ്യുന്നുണ്ട്? വീട്ടിനു മുന്നിലെ റോഡിലെ കുഴിതൂര്‍ക്കാന്‍ സര്‍ക്കാരിനെ കാത്തുനില്‍ക്കാത്തവരെത്രപേരുണ്ട്? കുറ്റം പറച്ചിലല്ലാതെ എനിയ്ക്കെന്തു ചെയ്യാന്‍ പറ്റും എന്നു ചിന്തിക്കുന്നവര്‍ എത്രപേര്‍?
ഇതൊന്നും മാറാതെ, ഒരു സുപ്രഭാതത്തില്‍ ഗെയിംസ് നടത്തി ഇന്ത്യയുടെ അഭിമാനം വാനിലേയ്ക്ക് ഉയരുമെന്ന് ആരാണ് പ്രതീക്ഷിച്ചത്? അവരൊക്കെയും നാണം കെട്ടേ മതിയാവൂ..
4)Comment by Babu ശിഹാബ് 49 minutes ago
ReplyDeleteകള്ള 'പച്ച' കളോട് പോയി പണി നോക്കാന്‍ പറയൂ...ഇത്രയും അസഹിഷ്ണുതയും കുഴപ്പങ്ങളും പിടിച്ച നാട് പാകിസ്ഥാനല്ലാതെ വേറെ ഏതുണ്ട്? അവര്‍ നമ്മുടെ ഇന്ത്യയില്‍ നിന്നും വേറിട്ട്‌ പോയത് എത്ര ആശ്വാസം!...പിന്നെ കോമ്മണ്‍ വെല്‍ത്ത് നന്നായി നടക്കുന്നുണ്ട്...ഇത്രയും വലിയ ഒരു സംഭവം നടക്കുമ്പോള്‍ അതിനു ചില പോരായ്മകള്‍ സര്‍വ്വ സാധാരണമാണ്. മാധ്യമങ്ങള്‍ എപ്പഴും ചീത്ത വശങ്ങള്‍ പ്രൊജക്റ്റ്‌ ചെയ്തു കാണിക്കുന്നതില്‍ മിടുക്കരാണ്..ആയിരക്കണക്കിന് നല്ല വശങ്ങള്‍ അവര്‍ മറക്കുന്നു..
5)Comment by കുര്യച്ചന്‍ 1 hour ago നമ്മുടെ രാജ്യത്തെ മാധ്യമങ്ങള്‍ കോമണ്‍ വെല്‍ത്തിന്‍റ് ഒരുക്കങ്ങളിലെ പാകപ്പിഴകള്‍ റിപോര്‍ട്ട് ചെയ്യുന്നതില്‍ വിദേശ പാപ്പരാസി മാധ്യമങ്ങളുടെ നിലവാരം പോലും നിലനിര്‍ത്തിയില്ല. ഇപ്പോ ആര്‍ക്കും ഒരു കുറ്റവും ഇല്ല റിപോര്‍ട്ട് ചെയ്യാന്‍..... ഇന്ദ്യയില്‍ എന്തു പ്രശ്നങ്ങള്‍ ഉണ്ടായാലും അത് ലോകം മുഴുവന്‍ അറിയിച്ചു സ്വയം നാണകേട് ഉണ്ടാക്കുകയാണ് നമ്മുടെ മാധ്യമങ്ങള്‍. ചുരുക്കിപ്പറഞ്ഞാല്‍ പല്ലിട കുത്തി മണപ്പിക്കുന്ന സ്വഭാവം നമ്മുടെ മാധ്യമങ്ങള്‍ നിര്‍ത്തനം. അപ്രിയ സത്യങ്ങള്‍ വിളിച്ച് പറയാതിരിക്കുക. പക്ഷേ അങ്ങനെ വന്നാല്‍ പബ്ലിസിറ്റി കുറയും അങ്ങനെ വരുമാനവും. അപ്പോള്‍ പത്രധര്‍മ്മം, രാജ്യതാത്പര്യം അല്ല പിന്നയോ പണമാണ് മുഖ്യം.
6) Comment by ആദിത്യയുംഅനിലും@റിബല്‍ 9 hours ago
ReplyDeleteപാകിസ്ഥാനിയുടെ ഊത്ത് വിട് ..........എന്തൊരു കേമം പിടിച്ച നാട് അവന്റെത്‌ .!! ഭാരതം ദരിദ്ര വാസികളുടെയും ചെരിനിവാസികളുടെയും കൂടി നാടാണ് ...ആ സായിപ്പ് പിന്നെ എന്തോ അറിഞ്ജോണ്ടാ അങ്ങോട്ട്‌ വന്നത് ..? ദാരിദ്ര്യത്തിന്റെ മുഖങ്ങള്‍ നാം പലയിടത്തും കാണാം ..........അതൊക്കെ കാണുമ്പോ നമ്മുടെ നാട് എത്ര സ്വര്‍ഗം .!!
7)Comment by സുനിലൻ കളീയ്ക്കൽ 21 hours ago
ഗെയിംസ് കഴിയുന്നത്‌ വരെ വായടക്കൂ .....ഇന്ത്യക്ക് വേണ്ടി.....ഇന്ത്യക്ക് വേണ്ടി മാത്രം പണിയെടുക്കൂ.....നമ്മുടെ രാജ്യത്തിനെ സപ്പോര്‍ട്ട് ചെയ്യാന്‍ ശ്രെമിക്കൂ......
ഗെയിംസ് കഴിഞ്ഞു,
ReplyDeleteനമുക്ക് കാര്യം അങ്ങ് നടത്തിയാലോ.....?
.....ഇന്ത്യക്ക് വേണ്ടി.....ഇന്ത്യക്ക് വേണ്ടി മാത്രം പണിയെടുക്കൂ പല്ലിട കുത്തി മണപ്പിക്കുന്ന സ്വഭാവം നമ്മുടെ മാധ്യമങ്ങള്‍ നിര്‍ത്തനം. അപ്രിയ സത്യങ്ങള്‍ വിളിച്ച് പറയാതിരിക്കുക. അസഹിഷ്ണുതയും കുഴപ്പങ്ങളും പിടിച്ച നാട് പാകിസ്ഥാനല്ലാതെ വേറെ ഏതുണ്ട്? അവര്‍ നമ്മുടെ ഇന്ത്യയില്‍ നിന്നും വേറിട്ട്‌ പോയത് എത്ര ആശ്വാസം!...
ReplyDelete