May 11, 2016

മാധ്യമങ്ങളേ , നിങ്ങൾ മുക്കിയാൽ വാർത്ത മുങ്ങുമോ?

'പണം സംസാരിക്കുമ്പോൾ സത്യം മൗനം പാലിക്കും' എന്നൊരു ചൈനീസ് പഴമൊഴിയുണ്ട്. പ്രമുഖ ജ്വല്ലറി വ്യവസായി ബോബി ചെമ്മണ്ണൂരിനെതിരെ കഴിഞ്ഞ ദിവസം പുറത്തു വന്ന വിവാദ വീഡിയോ കേരളത്തിലെ മുഖ്യധാരാ മാധ്യമങ്ങൾ മുക്കിയ രീതി കാണുമ്പോൾ ഈ ചൈനീസ് പഴമൊഴി എത്രമാത്രം അർത്ഥവത്താണ് എന്ന് നമുക്ക് ബോധ്യപ്പെടും. നിരവധി സ്ത്രീകളെ പ്രേമം അഭിനയിച്ച് വശത്തിലാക്കി ലൈംഗിക വൈകൃതങ്ങൾക്ക് ഉപയോഗിച്ച ശേഷം വലിച്ചെറിയുന്നു എന്നാണ് ഒരു ഒളിക്യാമറ ദൃശ്യത്തിലൂടെ പീഡനത്തിനിരയായ യുവതി തന്നെ വെളിപ്പെടുത്തിയിരിക്കുന്നത്. ബോബിക്കെതിരെ നടപടിയാവശ്യപ്പെട്ട് മാസങ്ങൾക്ക് മുമ്പ് കേരള പോലീസിന് നല്കിയ പരാതിയോടൊപ്പമുള്ള വീഡിയോയാണ് വിവരാകാശ നിയമത്തിലൂടെ സംസ്ഥാന ഇന്റലിജന്‍സ് എഡിജിപി ഓഫിസില്‍ നിന്ന്  ലഭിച്ചതെന്നാണ് ഈ വാർത്ത പുറത്ത് വിട്ട വെബ്‌ പോർട്ടൽ പറയുന്നത്. "എത്ര പെൺകുട്ടികളെയാണ് നീ ചതിച്ചിരിക്കുന്നത്. ഞാനൊരനാഥയാണ്. എനിക്കൊരു അച്ഛനുണ്ടായിരുന്നെങ്കിൽ നീയിതെന്നോട് ചെയ്യുമായിരുന്നില്ല" എന്നൊക്കെ ആ പെൺകുട്ടി വീഡിയോയിൽ പറയുന്നുണ്ട്. "ഞാൻ ചാരിറ്റിയും നടത്തും, പെണ്ണ് പിടുത്തവും തുടരും. നാട്ടുകാർ അറിഞ്ഞാലും എനിക്കൊരു പ്രശ്നമല്ല" എന്നയാൾ ആ പെണ്ണിനോട് കയർക്കുന്നുമുണ്ട്. ആ ഫ്രാഡ് ചട്ടയും മുണ്ടും തന്നെയാണ് അപ്പോഴും വേഷം.

വീഡിയോയിൽ പറയുന്ന കാര്യങ്ങളുടെ സത്യാവസ്ഥയെന്തെന്ന് നമുക്കറിയില്ല. അത് പരാതി ലഭിച്ച പോലീസാണ് കണ്ടെത്തേണ്ടത്‌. പക്ഷേ ഇതുപോലെ പെൺകുട്ടികൾ ഇയാളുടെ വലയിൽ വീഴാതിരിക്കണമെങ്കിൽ മിനിമം ഇത്തരമൊരു വാർത്ത‍ പബ്ലിഷ് ചെയ്യുകയെങ്കിലും വേണ്ടേ.. ഒരന്വേഷണമെങ്കിലും നടക്കേണ്ടേ.  പരസ്യം തരുന്നു എന്ന ഒരൊറ്റ കാരണത്താൽ എന്ത് തോന്നിവാസവും പൂഴ്ത്തി വെക്കാമെന്ന് മാധ്യമങ്ങൾ വാക്ക് കൊടുത്തിട്ടുണ്ടോ?. ഇതിനേക്കാൾ ആധികാരികത കുറഞ്ഞ ജോസ് തെറ്റയിലിന്റെ പീഡന വീഡിയോ ലൈവായി ആഘോഷിച്ച മാധ്യമങ്ങൾ ഒരു വരി വാർത്തയെങ്കിലും മുതലാളിക്കെതിരെ കൊടുക്കാത്തതെന്ത്?. സ്ത്രീ പീഡനങ്ങൾ ഏറ്റവും വലിയ വാർത്ത സൃഷ്ടിച്ചു കൊണ്ടിരിക്കുന്ന ഈ നാളുകളിൽ തന്നെ മുഖ്യമന്ത്രിയും പ്രതിപക്ഷ നേതാക്കളും അവാർഡ് നല്കാനും ഷാൾ പുതപ്പിക്കാനും ഒച്ചാനിച്ചു നില്ക്കുന്ന ഒരു വൻ മുതലാളി നടത്തിയ  സ്ത്രീ പീഡനങ്ങളുടെ ഞെട്ടിപ്പിക്കുന്ന വാർത്ത തമസ്കരിക്കാൻ കേരളത്തിലെ മാധ്യമങ്ങൾക്ക് എങ്ങിനെ ധൈര്യം വന്നു എന്ന് നിങ്ങൾ അത്ഭുതപ്പെട്ടേക്കാം. പണത്തിന് മീതെ പരുന്ത് മാത്രമല്ല, മാധ്യമങ്ങളും പറക്കില്ല എന്ന കയ്പ്പേറിയ സത്യം നാം തിരിച്ചറിഞ്ഞേ തീരൂ എന്നത് മാത്രമാണ് അതിനുള്ള മറുപടി.

ഈ ഒളിക്യാമറ ദൃശ്യങ്ങൾ പുറത്തു വിട്ട വെബ് പോർട്ടൽ പറയുന്നത് ഇങ്ങനെയാണ്.

" കൊച്ചി: പ്രമുഖ വ്യവസായി ബോബി ചെമ്മണ്ണൂരിന്റെ സാമ്പത്തീക തട്ടിപ്പുകളും ലൈംഗീക പീഡനങ്ങളും യെസ് ന്യൂസ് ലൈവ് പുറത്ത് വിടുന്നു. കോടികളുടെ സാമ്പത്തീക തട്ടിപ്പ് നടത്താന്‍ ചാരിറ്റിയുടെ മറവ് ദുരുപയോഗം ചെയ്യുകയാണെന്നും ചാരിറ്റിയുടെയും ജ്വല്ലറികളുടെ മറവിലും പീഡനങ്ങളുമാണെന്ന് തെളിയിക്കുന്ന രേഖകളാണ് വിവാരാവകാശ നിയമ പ്രകാരം യെസ് ന്യൂസ് ലൈവിന് ലഭിച്ചിരിക്കുന്നത്. ആഭ്യന്തരമന്ത്രാലയത്തിന് സാമ്പത്തീക തട്ടിപ്പുകളുടെ തെളിവുകള്‍ സഹിതം നല്‍കിയ പരാതിയില്‍ അന്വേഷണത്തിന് ഉത്തരവിട്ടിരുന്നെങ്കിലും പിന്നീട് അട്ടിമറിക്കപ്പെട്ടതയും രേഖകള്‍ വ്യക്തമാക്കുന്നു. സ്ത്രീപീഡനത്തിന്റെ തെളിവായി പരാതിക്കാര്‍ നല്‍കിയ വീഡിയോ ദൃശ്യങ്ങളാണ് വിവരാവകാശ നിയമ പ്രകാരം സംസ്ഥാന ഇന്റലിജന്‍സ് എഡിജിപി ഓഫിസില്‍ നിന്ന് പുറത്തായത്. 

ചാരിറ്റിയുടെയും പൊതുപ്രവര്‍ത്തകന്റെയും മൂഖംമൂടിയണിഞ്ഞ് പ്രത്യക്ഷപ്പെടുന്ന ബോബി ചെമ്മണ്ണൂര്‍ എന്ന വ്യാവസായിക്കെതിരെയുള്ള ഈ സീഡി പുറത്ത് വിടുന്നത് ബോബിയുടെ തട്ടിപ്പുകള്‍ വ്യക്തമാക്കുന്ന സംഭാഷണ ദൃശ്യങ്ങള്‍ ഇതില്‍ ഉളളത് കൊണ്ടാണ്. ചാരിറ്റിയുടെ മറവില്‍ അനാഥാലയങ്ങളില്‍ നിന്ന് പെണ്‍കുട്ടികളെ ജോലിക്കെത്തിക്കുയും പിന്നീട് തന്റെ ലൈംഗീകാവശ്യങ്ങള്‍ക്ക് ഉപയോഗിക്കുന്നതായും ഇയാള്‍തന്നെ സിഡിയില്‍ സമ്മതിക്കുന്നു. അത്തരത്തില്‍ ചതിയില്‍പെട്ട ഒരു പെണ്‍കുട്ടിയാണ് ബോബിയെ ഒളിക്യാമറയില്‍ കുടുക്കിയത്. പിന്നീട് പരാതിയായി സംസ്ഥാന ആഭ്യന്തരവകുപ്പിന് ഈ സിഡിയും തട്ടിപ്പിന്റെ വ്യാപ്തി വെളിവാക്കുന്ന രേഖകളും ലഭിക്കുകയായിരുന്നു. ആഭ്യന്തര മന്ത്രി ഇത് സംബന്ധിച്ച് അന്വേഷണം നടത്താന്‍ ഉത്തവിട്ടെങ്കിലും പണത്തിന്റെയും സ്വാധീനത്തിന്റെയും ബലത്തില്‍ അന്വേഷണം നിലച്ചു. 2.4.2015 മുതല്‍ പൊതുപ്രവര്‍ത്തകനായ ജോയ് കൈതാരത്തിന്റെ ഇടപെടല്‍ മൂലം ബോബി ചെമ്മണ്ണൂരിന്റെ തട്ടിപ്പുകളുടെ നിരവധി രേഖകള്‍ പുറത്തുവന്നെങ്കിലും ചെമ്മണ്ണൂരിന്റെ കോടികള്‍ക്ക് മുന്നില്‍ മാധ്യമങ്ങള്‍ വാര്‍ത്ത മുക്കുകയായിരുന്നു. എണ്‍പ്പത്തേഴായിരം പേരില്‍ നിന്ന് മൂവായിരത്തിലേറെ കോടിയാണ് ബോബി ചെമ്മണ്ണൂര്‍ പിരിച്ചെടുത്തിരിക്കുന്നത്. കേരളം കണ്ടതില്‍വച്ച് ഏറ്റവും വലിയ സാമ്പത്തീക തട്ടിിന്റെ വിശദാംശങ്ങള്‍ യെസ് ന്യൂസ് പുറത്ത് വിടുന്നു."

പൊതുപ്രവർത്തകനായ ജോയ് കൈതാരം എഡിറ്ററായുള്ള വെബ് പോർട്ടൽ ഇത് പുറത്ത് വിട്ടതോടെ സോഷ്യൽ മീഡിയയിൽ കാട്ടുതീ പോലെ ഈ വാർത്ത‍ പടർന്നു പിടിച്ചെങ്കിലും കേരളത്തിലെ ഒരൊറ്റ മുഖ്യധാരാ മാധ്യമവും ഒരു വരി വാർത്ത പോലും ഇതിനെക്കുറിച്ച്‌ നല്കിയിട്ടില്ല. ലക്ഷക്കണക്കിന്‌ രൂപയുടെ പരസ്യമാണ് ചെമ്മണ്ണൂർ ജ്വല്ലറിയുടെതായി മാധ്യമങ്ങൾക്ക് ലഭിക്കുന്നത്. അത് കൊണ്ട് തന്നെ  മുതലാളിക്കെതിരെ ഒരു വരി റിപ്പോർട്ട്‌ കൊടുക്കാൻ മാധ്യമ സിംഹങ്ങളുടെ മുട്ട് വിറക്കും.  മദർ തെരേസ അവാർഡ്, Best Humanitarian Award,Excellent Young Businessman Award, വിശയശ്രീ അവാർഡ് തുടങ്ങി പല അവാർഡുകളും കരസ്ഥമാക്കിയ ഈ പ്രാഞ്ചി ഇനി പദ്മശ്രീയാണത്രെ നോട്ടമിട്ടിരിക്കുന്നത്. അതയാൾക്ക്‌ വാങ്ങിക്കൊടുക്കാനായി കക്ഷി രാഷ്ട്രീയ ഭേദമില്ലാതെ നേതാക്കൾ ക്യൂവിലാണ്.  രണ്ടായിരം കോടി രൂപയുടെ സാമ്പത്തിക തട്ടിപ്പ് ഈ സ്വർണ വ്യവസായി നടത്തിയിട്ടുണ്ട് എന്ന് പ്രതിപക്ഷ നേതാവ് തെളിവുകൾ സഹിതം പരാതിയുന്നയിച്ചിട്ട് ഒരു വർഷമാകാറായി. ഒരന്വേഷണവും നടന്നിട്ടില്ല. ഒരു വാർത്തയും വന്നിട്ടില്ല. അന്നെഴുതിയ പോസ്റ്റിലെ ചില വരികൾ തന്നെ വീണ്ടും ഉദ്ധരിക്കുന്നതിൽ ക്ഷമിക്കുക.

മുഖ്യമന്ത്രിയും പ്രതിപക്ഷ നേതാക്കളും
ഒത്തുചേർന്ന് "Best Humanitarian" അവാർഡ് നല്കുന്നു. 

"രണ്ടായിരം കോടി രൂപയുടെതെന്ന് ആരോപിക്കപ്പെടുന്ന ഈ അഴിമതി വാർത്ത എല്ലാ മാധ്യമ സിംഹങ്ങളും ഒന്നിച്ച് ചേർന്നാണ് മുക്കിയത്. അഴിമതിക്കെതിരെ അലമുറയിട്ട് ബ്രേക്കിംഗ് ന്യൂസുകളും എക്സ്ക്ലൂസീവുകളും തയ്യാറാക്കാറുള്ള ഒരു ചാനലുകാരനും ഈ വാർത്ത കൊടുത്തില്ല. വി എസ്സിന്റെ പത്രസമ്മേളനം ലൈവായികാണിച്ചുകൊണ്ടിരുന്ന മാധ്യമങ്ങൾ വിഷയം ചെമ്മണ്ണൂരിലേക്ക് എത്തിയപ്പോൾ ലൈവ് കവറേജ് കട്ട് ചെയ്തു കളഞ്ഞു. ബോബി ചെമ്മണ്ണൂർ ഒരു കൂട്ടയോട്ടം നടത്തിയപ്പോൾ ഒ ബി വാനുകളുമായി അതിന്റെ പിറകേയോടി ജ്വല്ലറി മുതലാളിയുടെ ഇമേജുയർത്താൻ ലൈവ് കവറേജുകൾ കൊണ്ട് വാർത്താ സ്ലോട്ടുകൾ കുത്തിനിറച്ച മാധ്യമങ്ങളാണ് നമ്മുടേത്‌.   വാങ്ങുന്ന കാശിന് വാലാട്ടുന്നതിന്റെ ഭാഗമാണ് ആ റിപ്പോർട്ടുകളെന്ന് മനസ്സിലാക്കാം. എന്നാൽ പ്രതിപക്ഷ നേതാവ് ഉന്നയിച്ച ഒരാരോപണം വാർത്തയാക്കുന്നതിൽ വാലാട്ടൽ കാണിക്കേണ്ടതിന്റെ ആവശ്യമെന്ത്?. നോക്കൂ നിങ്ങൾ.. നാല് കാശിന്റെ പരസ്യം തരുന്നവന്റെ ചെരുപ്പ് നക്കുന്ന മാധ്യമ ധാർമികത. ഇവരൊക്കെത്തന്നെയാണ് രാത്രി ഒമ്പത് മണിക്ക് ന്യൂസ് റൂമിൽ ടയ്യും കെട്ടി അഴിമതിക്കെതിരെ കാറുകയും കുരയ്ക്കുകയും ചെയ്യാറുള്ളത്. ആരോപണം തെറ്റോ ശരിയോ ആവട്ടെ, ആ വാർത്ത സംപ്രേഷണം ചെയ്യേണ്ട ഉത്തരവാദിത്വം മാധ്യമങ്ങൾക്കുണ്ട്. ആരോപണ വാർത്ത കൊടുക്കുന്നതോടൊപ്പം തന്നെ ആരോപിതനായ വ്യക്തിക്ക് പറയാനുള്ളതും കൊടുക്കണം. അതാണ്‌ മാധ്യമ ധർമം. എന്നാൽ അഴിമതി വാർത്ത പാടെ മുക്കിയ മാധ്യമങ്ങൾ ചെമ്മണ്ണൂർ മുതലാളിയുടെ വിശദീകരണ പ്രസ്താവന മാത്രം പ്രസിദ്ധീകരിച്ചു എന്നതാണ് ഈ എപ്പിസോഡിലെ ഏറ്റവും വലിയ തമാശ. മുതലാളി പറഞ്ഞാൽ എന്തും കൊടുക്കും, മുതലാളിക്കെതിരെ ഒന്നും കൊടുക്കില്ല എന്ന നിലപാട്.. ഇതിനെ നാം ഫോർത്ത് എസ്റ്റേറ്റ്‌ എന്നാണോ അതോ ഊമ്പൻ എസ്റ്റേറ്റ്‌ എന്നാണോ വിളിക്കേണ്ടത്."

ഇതേ മുതലാളിയുടെ കൊള്ളപ്പലിശക്ക് വിധേയനായി ജീവിതം തുലഞ്ഞ ഒരു വ്യക്തി തിരൂരിലെ ചെമ്മണ്ണൂർ ജ്വല്ലറിയിലെത്തി പെട്രോൾ ഒഴിച്ച് ആത്മഹത്യ ചെയ്തിരുന്നു കഴിഞ്ഞ വർഷം ജൂൺ മാസത്തിൽ. ആ വാർത്തയിൽ പോലും ജ്വല്ലറിയുടെ പേര് കൊടുക്കാതെ വിധേയത്വം കാണിച്ചവരാണ് നമ്മുടെ മാധ്യമങ്ങൾ. അത്തരം മാമാ മാധ്യമങ്ങൾ നിറഞ്ഞു നില്ക്കുന്ന ഇക്കാലത്ത് സോഷ്യൽ മീഡിയ മാത്രമാണ് അപ്രിയ സത്യങ്ങൾ വിളിച്ചു പറയാൻ സാധാരണക്കാരന് ബാക്കിയുള്ളത് എന്ന സത്യം നാം തിരിച്ചറിയുക. അപ്രിയ സത്യങ്ങൾ നാം ഉച്ചത്തിൽ വിളിച്ചു പറയുക. സാമൂഹ്യ തിന്മകൾക്കെതിരെ ജാഗ്രത്തായി നിലകൊള്ളുക. പണമെറിഞ്ഞ് നിയമവും നീതിയും മാത്രമല്ല, ദേശീയ അവാർഡുകൾ പോലും വിലക്ക് വാങ്ങാൻ ശ്രമിക്കുന്ന അരിപ്രാഞ്ചികൾക്കെതിരെ ശക്തമായ പൊതുബോധ നിർമ്മിതിക്കായി സാമൂഹ്യ മാധ്യമങ്ങളെ നാം ഉപയോഗപ്പെടുത്തുക. കാശ് വാങ്ങി വാർത്ത മുക്കാൻ കഴിയുന്ന കാലം കഴിഞ്ഞെന്ന് ഉറക്കെയുറക്കെ പ്രഖ്യാപിക്കുക.

Related Posts
ചെമ്മണ്ണൂർ തട്ടിപ്പ് : ആ വാർത്തയെവിടെ മാധ്യമങ്ങളേ?
ഓരോ പൗരനും ഒരു പത്രമായി മാറുന്ന കാലം
നിനക്ക് തട്ടമിട്ടൂടേ പെണ്ണേ?

30 comments:

  1. മാമാ മാധ്യമങ്ങൾ നിറഞ്ഞു നില്ക്കുന്ന ഇക്കാലത്ത് സോഷ്യൽ മീഡിയ മാത്രമാണ് അപ്രിയ സത്യങ്ങൾ വിളിച്ചു പറയാൻ സാധാരണക്കാരന് ബാക്കിയുള്ളത് എന്ന സത്യം നാം തിരിച്ചറിയുക.

    ReplyDelete
    Replies
    1. അതിനാൽ ഇപ്രാവശ്യത്തെ നമ്മുടെ വോട്ട് ബി ജെ പിക്ക്.

      Delete
    2. Dear Friend
      I do understand your feelings, which I am sure all those lovers of justice and equality and anti corruption will gladly share. However as long as the jinx between the Hypocritical Religions and Dirty Politics and Greedy Commercialism and Selfish Media exists it will go on like this. We the general public only can steam out our anger through such social media.

      Delete
    3. ഓരോരുത്തർ പണവും സമയവും കളഞ്ഞ് നടത്തുന്ന മാധ്യമത്തിൽ എന്ത് വാർത്ത കൊടുക്കണം എന്ത് കൊടുക്കേണ്ട എന്ന് തീരുമാനിക്കാൻ അവർക്ക് അവകാശം ഇല്ലേ? ഉദാഹരണത്തിന് ഉമ്മൻ ചാണ്ടിക്കെതിരെ എത്രയൊക്കെ ആരോപണങ്ങൾ ഉണ്ടായി? വള്ളിക്കുന്ന് ബ്ലോഗില എന്തെങ്കിലും വന്നോ? ലീഗ് മന്ത്രിമാർക്കെതിരെ എന്തൊക്കെ ആരോപണങ്ങൾ വന്നു പ്രത്യേകിച്ചു വിദ്യാആഭാസന് നേരെ? എന്തെങ്കിലും വള്ളിക്കുന്ന് ബ്ലോഗിൽ വന്നതായി ഓർമയില്ല. ഞാൻ പറഞ്ഞു വരുന്നത് പലതും കണ്ടില്ലെന്നു നടിക്കുന്നത് താങ്കളുടെ ഉള്പ്പെടെ ഭൂരിഭാഗം മാധ്യമ പ്രവർത്തകരുടെയും അടിസ്ഥാന സ്വഭാവം ആണ്. താങ്കള് ഒരു വ്യക്തിയും പത്രങ്ങൾ ഒരു പ്രസ്ഥാനവും ആണെന്ന വ്യത്യാസം ഉണ്ടെകിൽ കൂടി. പക്ഷെ നാളെ ബ്ലോഗ്‌ താങ്കള് കൂലി എഴുത്തുകാരെ എൽപ്പിച്ചാലും, താങ്കളുടെ ബ്ലോഗ്‌ ഒരു പ്രസ്ഥാനം ആയി വളർന്നാലും, താങ്കൾക്കു ഇഷ്ടമില്ലാത്തത് താങ്കളുടെ ബ്ലോഗിൽ വരില്ല. 'മ' പത്രങ്ങൾ വാർത്ത മുക്കിയാലും വാർത്ത വാർത്ത തന്നെ കാരണം ഇപ്പോൾ കേരളത്തിൽ 'മ' മാത്രമല്ല പത്രങ്ങൾ.

      Delete
    4. @Hindu.. പൊതുവിഷയങ്ങളെക്കുറിച്ച് എന്റെ പ്രതികരണങ്ങൾ ഇപ്പോൾ അധികവും എഴുതാറുള്ളത് എഫ് ബി യിലാണ്. www.facebook.com/vallikkunnu ബ്ലോഗെഴുത്ത് ഇപ്പോൾ കുറവാണ്. അത് കൊണ്ടാണ് പല വിഷയങ്ങളിലെയും പ്രതികരണങ്ങൾ ഇവിടെ കാണാത്തത്. അവയൊക്കെ എഫ് ബി യിലെ എന്റെ പ്രൊഫൈലിലും പേജിലും കാണാവുന്നതാണ്. എന്നാലും വല്ലപ്പോഴും ഇവിടെ എഴുതാറുണ്ട്. അറബിക് സർവകലാശാലയടക്കം ലീഗിന്റെ നിലപാടുകളെ വിമർശന വിധേയമാക്കുന്ന പോസ്റ്റ്‌ ഈ ബ്ലോഗിൽ തന്നെ അല്പം താഴോട്ട് നോക്കിയാൽ കാണാം. പിന്നെ, നിങ്ങൾ തന്നെ പറഞ്ഞ പോലെ എന്റെ ബ്ലോഗ്‌ എന്റെ വ്യക്തിപരമായ പ്രതികരണങ്ങളുടെ ഇടമാണ്. എന്റെ സമയവും സൗകര്യവും അനുസരിച്ച് ചെയ്യുന്നത്. ആരിൽ നിന്നും അതിനു കാശും വാങ്ങിക്കുന്നില്ല. എന്നാൽ മാധ്യമങ്ങൾ അങ്ങനെയല്ല, വാർത്തകൾ മുക്കാതെ ജനങ്ങളിലേക്ക് എത്തിക്കാനുള്ള സ്ഥാപനങ്ങളാണ് അവ. ആ വിഷയത്തിലാണ് എന്റെ പോസ്റ്റ്‌.

      Delete
  2. മാമാ മാധ്യമങ്ങൾ നിറഞ്ഞു നില്ക്കുന്ന ഇക്കാലത്ത് സോഷ്യൽ മീഡിയ മാത്രമാണ് അപ്രിയ സത്യങ്ങൾ വിളിച്ചു പറയാൻ സാധാരണക്കാരന് ബാക്കിയുള്ളത് എന്ന സത്യം നാം തിരിച്ചറിയുക

    ReplyDelete
  3. ബഷീര്ക്ക, പോസ്റ്റ്‌ കലക്കി. നിങ്ങളെങ്കിലും ഈ വിഷയം എഴുതിയല്ലോ.

    ReplyDelete
  4. മുക്കിയ-ധാരാ മാധ്യമങ്ങള്‍!

    ReplyDelete
  5. പ്രത്യേകിച്ച് നേട്ടം ഒന്നുമില്ലെങ്കിൽ മാധ്യമങ്ങൾ വാർത്തക്ക് വലിയ പ്രാധാന്യം കൊടുക്കാറില്ല. ആദ്യ ദിവസങ്ങളിൽ ജിഷയുടെ കൊലപാതകം റിപ്പോട്ട് ചെയ്തത് തന്നെ ഉദാഹരണം. നേടാൻ ഒരുപാടുണ്ടെങ്കിൽ വാർത്തക്ക് ഒട്ടുമേ പ്രാധാന്യം കൊടുക്കില്ല. ബോബി ചേട്ടൻ ഉദാഹരണം. ഈ മാമാകളുടെ സോറി മാധ്യമങ്ങളുടെ ഒരു കാര്യം! Good Job, Basheer Bhai.

    ReplyDelete
  6. ബോബിയുടേയോ, ഇനി വേറേതെങ്കിലും മുതലാളിയുടേയോ..
    ഇതിലും ചെറിയ കേസുകൾ പോലും പുറത്തു വിടാൻ മാധ്യമങ്ങൾ ഒരുക്കമല്ല. ഈ അടുത്ത്‌ ഒരു അച്ചടി മാധ്യമത്തിന്റെ എഡിറ്ററുമായി കുറേ സമയം സംസാരിച്ചിരിക്കുംബോൾ ഒരു മുതലാളിയുടെ കേസിലേക്ക് ഞങ്ങളെത്തി. ആ കേസിന്റെ സത്യാവസ്ഥ മുഴുവനും വിവരിച്ചതിനു ശേഷം അദ്ദേഹം പറഞ്ഞ വാക്ക്‌. Basheer സാഹിബ്‌ ഉപമിപ്പിച്ച മാമ പണി എന്നതു പോലെ തന്നെയാണെന്ന് എനിക്ക്‌ തോന്നുന്നത്‌.
    എന്തെന്നാൽ..
    "ആറു മാസത്തേക്ക്‌ ബോബി നൽകുന്ന പരസ്യ തുക 60000 റിയാലിനു മുകളിൽ, കൂടാതെ വർഷം തോറും മറ്റു സഹായങ്ങളും"
    പിന്നെ അത്‌ കളഞ്ഞു കുളിക്കുന്ന ഏർപ്പാട്‌ എന്തിനു വേണം..
    ഒരു മാധ്യമത്തിന്റെ എഡിറ്ററുടെ നാവ്‌ ഇതാണെങ്കിൽ. ഇന്നത്തെ മാധ്യമങ്ങളുടെ സാമൂഹിക പ്രതിബദ്ധത എത്രയാണെന്ന് അളക്കാൻ കഴിയാവുന്നതേ ഉള്ളൂ...!!

    ReplyDelete
  7. This comment has been removed by the author.

    ReplyDelete
  8. ഗതികെട്ട ഒരു വിദേയത്വത്തിന് പൊതുസമൂഹം പൊരുത്തപ്പെട്ടു കഴിഞ്ഞു.ഒരു സോഷ്യൽ മീഡിയയ്ക്കും ഇനി രക്ഷിക്കുവൻ കഴിയില്ല.ജിഷയുടെ കാര്യത്തിൽ പോലും എന്തുണ്ടായി നിയമസംഹിതകൾക്ക് പലരുടേയും കക്ഷത്തിലിരുന്ന് നാറുകയാണ്.

    ReplyDelete
  9. I am searching for share button! Where it is???

    ReplyDelete
  10. സോഷ്യൽ മീഡിയയ്ക്കും പോലും രക്ഷിക്കുവാൻ സാധിക്കാത്ത വിധം പൊതുസമൂഹം വിധേയപ്പെട്ടു കഴിഞ്ഞു, നിയമസംഹിതകളുടെ ഓലക്കെട്ട് ആരുടെയൊക്കെയോ കക്ഷത്തിലിരുന്ന് വിയർത്തു നാറികൊണ്ടിരിക്കുകയാണ്.

    ReplyDelete
  11. എല്ലാ തെമ്മാടിത്തരത്തിനും ഭരണകൂടവും, മാധ്യമങ്ങളും കൂട്ട്നിൽക്കുന്നു. കണ്ടില്ലേ മണ്ണാർക്കാട് രണ്ടു വ്യക്തികളെ ക്രൂരമായി ( ടി പി യേക്കാൾ ക്രൂരമായി എന്നാണ് അനുഭവസ്ഥർ പറയുന്നത്.) കൊല്ലാകൊല ചെയ്തിട്ടും അതിനെ പൊതുബോധ മണ്ഡലത്തിൽ കൊണ്ടുവരാൻ മാധ്യമങ്ങളോ, പ്രതികളെ പിടികൂടാൻ രാഷ്ട്രീയ മേലാളൻമാരോ തയ്യാറാവാത്തത്.

    ReplyDelete
  12. This comment has been removed by the author.

    ReplyDelete
  13. ''പീഡന വീരൻ മൊയലാളിയുടെ
    കച്ചോടം പൂട്ടിക്കണ്ടേ പെങ്ങമ്മാരെ ..''
    ***********************************************
    കേരളത്തിലെ സ്ത്രീകൾ ഒരു തീരമാനം എടുത്താൽ പീഡണ്ണൂർ ജ്വല്ലറിയുടെ എല്ലാ ഷോ റൂമും പൂട്ടിക്കാം
    അത് ചെയ്യണം

    ReplyDelete
  14. മാധ്യമങ്ങൾ മാധ്യമധർമം എന്ന വാക്കിന്റെ അർത്ഥം മാറ്റിയിട്ട് തന്നെ കാലം കുറച്ചായി. ഇത്തരമൊരു വാർത്ത മുക്കിയതിൽ തീരെ അതിശയമില്ല. മുക്കിയില്ലെങ്കിലേ അതിശയമുള്ളൂ. ഏറാൻ മൂളികൾ.

    ReplyDelete
  15. പണിക്കുലി കുറവ് ആണെങ്കിലും പണിക്കു ഒരു കുറവും ഇല്ല ... ചെമ്മണ്ണൂർ ബോബി

    ReplyDelete
  16. സ്ത്രീകൾക്ക് ഇതിനൊന്നും അല്ല സമയം പള്ളിയിൽ കേറിയും ശബരിമല കയറിയും താലി ചുട്ടെരിചും ആചാരങ്ങളെ ഇല്ലായ്മ ചെയ്യുക എന്നതാണ് ഇവരുടെ മുഖ്യമായ ആവശ്യം..അതിനിടക്ക് നിഷക്കും,നിർഭയക്കും,സൗമ്യക്കുംഒക്കെ ഏല്ക്കേണ്ടി വന്നതിനെ കുറിച്ചും,മുകളിൽ പറഞ്ഞ സഹോദരിയുടെ വിലാപത്തിനും കൊടുക്കാൻ ചെത്തല പട്ടികൾക്ക് സമയമില്ല

    ReplyDelete
  17. സ്ത്രീകൾക്ക് ഇതിനൊന്നും അല്ല സമയം പള്ളിയിൽ കേറിയും ശബരിമല കയറിയും താലി ചുട്ടെരിചും ആചാരങ്ങളെ ഇല്ലായ്മ ചെയ്യുക എന്നതാണ് ഇവരുടെ മുഖ്യമായ ആവശ്യം..അതിനിടക്ക് നിഷക്കും,നിർഭയക്കും,സൗമ്യക്കുംഒക്കെ ഏല്ക്കേണ്ടി വന്നതിനെ കുറിച്ചും,മുകളിൽ പറഞ്ഞ സഹോദരിയുടെ വിലാപത്തിനും കൊടുക്കാൻ ചെത്തല പട്ടികൾക്ക് സമയമില്ല

    ReplyDelete
  18. This comment has been removed by the author.

    ReplyDelete
  19. Ellam kandappol,,, avanu pathmasree alla.. vedisree kittum.. (moilaaly angeekarikkunnum und..aaloru vedikkaran anennum) .

    ReplyDelete
  20. സ്ത്രീകൾ വിചാരിച്ചാൽ ഇവനെ കുത്തുപാള എടുപ്പിക്കാം. No more chemmannur jewellers

    ReplyDelete
  21. സ്ത്രീകൾ വിചാരിച്ചാൽ ഇവനെ കുത്തുപാള എടുപ്പിക്കാം. No more chemmannur jewellers

    ReplyDelete
  22. കേരളത്തിൽ ഇപ്പോഴുള്ള ഏറ്റവും വലിയ കള്ള സംഘം മാധ്യമങ്ങളാണ്... യാതൊരു തത്വ ദീക്ഷയുമില്ലാത്ത നാറികൾ.... നമ്മുടെ സമൂഹത്തിന്റ്റ് നിലനില്പ്പ് പോലും അപകടത്തിലാക്കുന്നു ഈ മാധ്യമ വേശ്യകൾ....

    ReplyDelete
  23. സുനിത ദേവദാസ് ഫേസ്ബുക്കിൽ എഴുതിയ കുറിപ്പ്

    "ബോബി ചെമ്മണൂരും വീഡിയോയും
    ബോബി ചെമ്മണൂരിന്‍െറ ഒരു വീഡിയോ പുറത്തു വന്നു. അയാളുമായി ബന്ധമുണ്ടായിരുന്ന ഒരു സ്ത്രീ പതം പറഞ്ഞ് കരയുന്ന, ശപിക്കുന്ന ഒന്ന്..
    ഒരു മനുഷ്യന്‍െറ ബെഡ്റൂം സീന്‍ എന്നു പറഞ്ഞ് അവഗണിക്കാവുന്ന ഒന്ന്..
    എന്നാല്‍ ആ വീഡിയോ കണ്ട് ഞെട്ടിയവരെല്ലാം ഒളിഞ്ഞു നോട്ടക്കാരാണെന്ന ന്യായവുമായി ചിലര്‍ ഇറങ്ങിയിട്ടുണ്ട്. എന്തുകൊണ്ട് ആ വീഡിയോ പ്രസക്തമാവുന്നു എന്നു ചുരുക്കി പറയാം.
    1. പത്രക്കാരുടെ ഉറ്റസുഹൃത്താണ് ബോബി. ബോബിയുടെ ചെലവില്‍ പത്രക്കാര്‍ നടത്തുന്ന യാത്രകള്‍ക്കും തീറ്റക്കും കുടിക്കും കയ്യും കണക്കുമില്ല. അതിനാല്‍ അയാളെ സംബന്ധിച്ചു വരുന്ന ഏതു വാര്‍ത്തയും നിസഹായരായ, വാര്‍ത്തകള്‍ സൃഷ്ടിക്കാന്‍ കഴിവില്ലാത്ത വായനക്കാര്‍ അത് ആഘോഷിക്കും.
    2. ‘‘പണ്ട് കോഴിക്കൊട് ഷോറൂമിലെ സെയില്‍സ് ഗേളിനെ മുതലാളി ഗര്‍ഭിണിയാക്കി. കുട്ടി കേസു കൊടുത്തപ്പോള്‍ വാര്‍ത്തയായി. 2006 ലെ ചില പത്രങ്ങള്‍ തെരഞ്ഞാല്‍ ആ വാര്‍ത്ത കാണാം. പിന്നീട് അതെല്ലാം ഒതുക്കി. ഇരയുടെ പിതാവിനെ വരെ ആ ' മനുഷ്യസ്നേഹി' വില കൊടുത്തു വാങ്ങി . .
    ഈ വാര്‍ത്ത ആദ്യം അത് മൂന്ന് പത്രത്തില്‍ വന്നു.പിന്നെ ബോബി തന്‍െറ ഉപജാപകരെ കൊണ്ട് എല്ലാ ഓഫീസിലും വന്ന് സ്വാധീനിച്ചു. പലയിടത്തും ഈ മഹാനായ മനുഷ്യസ്നേഹി കരയുകയായിരുന്നു. എല്ലാവര്‍ക്കും കണക്കിന് പരസ്യം കിട്ടി.ഏറ്റവും ലജ്ജാവഹം ബോബിയുടെ ഗര്‍ഭം അലസിപ്പിക്കാന്‍ എല്ലാ സൗകര്യവും ചെയ്തുകൊടുത്തത് കോഴിക്കോട്ടെ ചില മാധ്യമപ്രവര്‍ത്തകരായിരുന്നെന്ന് അന്നുതന്നെ ആരോപണം ഉയര്‍ന്നിരുന്നു. പ്രത്യുപകാരമേന്നോണം പത്രക്കാര്‍ക്കായി ഓണസദ്യയും വെള്ളമടിയും ബോബി ആ ഓണക്കാലത്ത് നടത്തിയിരുന്നു. പക്ഷേ കോഴിക്കോട്ടെ നല്ളൊരു ശതമാനം മാധ്യമപ്രവര്‍ത്തകരും അതിന് പോയില്ല. പരിപാടിക്ക് പോകാതിരുന്നവര്‍ക്ക് അടക്കം അയാള്‍ ഒരു ഓണക്കോടി കൊടുത്തയച്ചു. അന്തസുള്ളവര്‍ അര്‍ഹിക്കുന്ന അവജ്ഞയോടെ അത് തിരിച്ചയച്ചു.അന്ന് സോഷ്യല്‍ മീഡിയയില്‍ സജീവമല്ലാത്തിനാല്‍ ഇത് പുറത്തറിഞ്ഞില്ല. പിന്നെ പത്രക്കാര്‍ക്ക് ടൂറും പാര്‍ട്ടിയും ഇടക്കിടെ ബോബി ഒരുക്കാറുണ്ട്. ’’
    ഇത്തരത്തിലുള്ള നിരവധി വാര്‍ത്തകളും ചാരിറ്റി തട്ടിപ്പു കഥകളും അന്തരീക്ഷത്തില്‍ നിറഞ്ഞു നില്‍ക്കുകയാണ്. എന്നാല്‍ ഒരു മാധ്യമവും ഇതൊന്നും റിപ്പോര്‍ട്ടു ചെയ്യുന്നില്ല. അതിന്‍െറ കാരണം മാധ്യമപ്രവര്‍ത്തകര്‍ക്ക് ബോബിയോടുള്ള ബന്ധമാണെന്ന് കൊച്ചുകുട്ടികള്‍ക്കു പോലും അറിയാം.
    ആ സാഹചര്യത്തിലാണ് ഒരു വീഡിയോ പുറത്തു വരുന്നത്. മറ്റൊരു കുറ്റകൃത്യവും തെളിയിക്കാന്‍ കഴിയാത്ത വായനക്കാര്‍ അത് ഏറ്റെടുത്തു. കാരണം പത്രക്കാരുടെ ദൈവമായിരുന്ന ഒരു മനുഷ്യന്‍െറ മുഖംമൂടി അഴിഞ്ഞു വീഴാന്‍ ഈ വീഡിയോ കാരണമായി എന്നതു തന്നെ. അല്ലാതെ അതില്‍ ഒളിഞ്ഞു നോട്ടത്തിന്‍െറ മാത്രം സുഖമാണെന്ന് കപടബുദ്ധീജീവികള്‍ പറഞ്ഞാല്‍ ആര് അംഗീകരിക്കും?
    3. ബോബി വീഡിയോയില്‍ പറയുന്ന ഒരു വാചകം ‘‘"ഞാന്‍ ഉപയോഗിക്കുക മാത്രമേ ചെയ്യൂ , എന്നെ പ്രേമിക്കാന്‍ നില്‍ക്കണ്ട." എന്നതാണ്. ഇതു കേട്ട ഏതെങ്കിലും സ്ത്രീയുടെ അഭിമാനം മുറിവേറ്റെങ്കില്‍ അവള്‍ ആ വീഡിയോ ഷെയര്‍ ചെയ്യുക തന്നെ ചെയ്യും. ബോബിയുടെ വാക്കില്‍ പെണ്ണെന്നാല്‍ എന്താണ്? ഇത്തരം ചാരിറ്റി വിഗ്രഹങ്ങള്‍ക്കു ഭോഗിക്കാനുള്ള ഒരു ലൈംഗികാവയവം. അല്ളേ? ഇത്തരം വൃത്തികേട് പറഞ്ഞ ഒരുത്തനെ അത് അവന്‍െറ വ്യക്തിപരമായ കാര്യം എന്നു പറഞ്ഞു ന്യായീകരിക്കുന്നവര്‍ എന്തു മാനസികാവസ്ഥയിലുള്ളവരാണ്?
    4. മലയാളിയുടെ കപടസദാചാര ബോധമാണ് ആ വീഡിയോ ഷെയര്‍ ചെയ്യാന്‍ കാരണമെന്നും അവനവനു കിട്ടാത്ത കൊതിക്കെറുവാണെന്നും അടച്ചാക്ഷേപിക്കുന്നവര്‍ ബോബി ചെയ്യുന്ന നിയമവിരുദ്ധപ്രവര്‍ത്തനങ്ങള്‍, ചാരിറ്റിയുടെ മറവിലുള്ള സ്ത്രീ പീഡനം തുടങ്ങിയ കുറ്റകൃത്യങ്ങളേക്കൂടിയാണ് വെള്ളപൂശുന്നത്.
    5. വീഡിയോ ആഘോഷിച്ചവര്‍ ഏതുതരക്കാരാണെന്ന് ‘‘ബുദ്ധിജീവികള്‍’’ പറഞ്ഞു കഴിഞ്ഞു. ബോബിയെ ന്യായീകരിക്കുന്നവര്‍ ഏതു തരക്കാരാണ്?
    NB: ഞാന്‍ വീഡിയോ ഷെയര്‍ ചെയ്യുകയോ ആഘോഷിക്കുകയോ ചെയ്തിട്ടില്ല. എന്നെ ന്യായീകരിക്കാന്‍ വേണ്ടിയല്ല ഈ കുറിപ്പ്. ആ വീഡിയോ ഷെയര്‍ ചെയ്ത എന്‍െറ സുഹൃത്തുക്കള്‍ ബോബിയുടെ കിടപ്പറയിലേക്ക് ഒളിഞ്ഞു നോക്കിയതല്ലെന്നു പറയാന്‍ മാത്രം." https://www.facebook.com/sunitha.devadas.3/posts/480337482162951

    ReplyDelete
  24. ബോബി ചെമ്മണൂരിനെ ന്യായികരിച്ച് ചില മാധ്യമ സുഹൃത്തുക്കള്‍ രംഗത്തിത്തിയട്ടുണ്ട്..ബോബിയുടെ കിടപ്പറയിലേയ്ക്ക് എത്തിനോക്കുന്നത് മാധ്യമ പ്രവര്‍ത്തനമല്ല എന്നാണ് ഇവരുടെ വാദം...ഇവിടെ ആരും ബോബിചെമ്മണ്ണൂരിന്റെ സ്വകാര്യത ചര്‍ച്ചയാക്കിയട്ടില്ല. ആഭ്യന്തര വകുപ്പിന് ലഭിച്ച പരാതി വിവരാവകാശ നിയമ പ്രകാരം പുറത്തായതോടെയാണ് ഇത് വാര്‍ത്തയാകുന്നത്.....പെണ്‍കുട്ടിയുടെ ഒളി ക്യാമറയില്‍ മുതലാളി കുടുങ്ങിയതിനെ ന്യായികരിക്കാന്‍ വല്ലാതെ പാടുപെടുന്നവര്‍....നിരപരാധികളായ പെണ്‍കുട്ടികളെ പീഡിപ്പിക്കാന്‍ ഇയാള്‍ ഇപ്പോഴും തുന്നിയുണ്ടെന്ന സത്യം മറച്ചുപിടിയ്ക്കരുത്....
    ആരാണ് ബോബിയെ കുടുക്കിയ പെണ്‍കുട്ടി...
    വര്‍ഷങ്ങള്‍ക്ക് മുമ്പ് മാതാപിതാക്കള്‍ ഉപേക്ഷിച്ച് ക്രിസ്ത്യന്‍ അനാഥലത്തില്‍ വളര്‍ന്ന് ഉന്നത വിദ്യഭ്യാസം നേടി ജോലിയ്ക്കായി ശ്രമം നടത്തുകയായിരുന്നു....ഇതിനിടയിലാണ് കോയമ്പത്തൂരിലെ അനാഥാലയത്തില്‍ എത്തിയ ബോബി ഈ കുട്ടിയെ കാണുന്നത്. കുട്ടിയുടെ ദയനീയമായ കഥ കേട്ട് 'കണ്ണീരണിഞ്ഞ' സ്വര്‍ണ്ണ മുതലാളി തന്റെ സ്ഥാപനത്തില്‍ ഉയര്‍ന്ന പോസ്റ്റ് വാഗ്ദനം നല്‍കുകയായിരുന്നു....അടുത്ത ദിവസം തന്നെ കുട്ടിയെ കന്യാസത്രീകള്‍ ബോബിയുടെ സ്ഥാപനത്തിലെത്തിച്ചു....
    അനാഥയായ ഒരു പെണ്‍കുട്ടിയോട് അദ്ദേഹം ചെയ്തത് കൊടും ക്രൂരതയായിരുന്നു...പോകാന്‍ ഒരു വീടുപോലുമില്ലാത്ത ആ കുട്ടിയെ തന്റെ അടിമയെ പോലെ ഉപയോഗിച്ചു...
    പിന്നീടുള്ള കഥകള്‍ മനസാക്ഷി മരവിച്ചിട്ടില്ലാത്ത എല്ലാവരുടെയും നെഞ്ച് തകര്‍ക്കും...ബോബിയുടെ അപ്പകഷണത്തിനുവേണ്ടി പിന്നാലെ ഓടുന്നവര്‍...
    ഇവരെ പോലെ നിരവധി പേരുടെ കണ്ണീരിന്റെയും നിലവിളിയുടെയും ശപിക്കപ്പെട്ട പണത്തിനുവേണ്ടിയാണ് നിങ്ങള്‍ ഓരയിടുന്നതെന്നോര്‍ക്കുക... Baiju John

    ReplyDelete
  25. ബഷീറെ വല്ലാത്ത ധൈര്യം തന്നെ അണക്ക്..... ഹമുക്കെ ഇജ്ജ് സുലൈമാനല്ല...............

    ReplyDelete