July 20, 2012

എഴുതിത്തള്ളില്ല, മാധ്യമ സിംഹങ്ങള്‍ പണമടക്കും

വിവാദം അവസാനിക്കുകയാണ്. ഫ്ലാറ്റ് കുംഭകോണത്തില്‍ അകപ്പെട്ട മാധ്യമ പ്രവര്‍ത്തകരും കേരള സര്‍ക്കാരും ഒത്തുതീര്‍പ്പിലെത്തി. 'ഏയ്‌ ഓട്ടോ'യില്‍ മോഹന്‍ലാല്‍ പറയുന്ന പോലെ ഇനി എല്ലാവരും ഗോ ടു യുവര്‍ ക്ലാസ്സസ് .. ഗോ ഗോ.. പന്ത്രണ്ടു വര്‍ഷമായി ചക്കാത്തിന് കഴിയുകയായിരുന്ന നാല്പത്തിയഞ്ച് മാധ്യമ പ്രവര്‍ത്തകരും മൂന്നു മാസത്തിനുള്ളില്‍ പണമടക്കണം. ധനമന്ത്രി കെ എം മാണിയും മാധ്യമ പ്രതിനിധികളും ഹൗസിംഗ് ബോര്‍ഡ് അധികൃതരും ചേര്‍ന്നാണ് ഒത്തുതീര്‍പ്പ് വ്യവസ്ഥകള്‍ തീരുമാനിച്ചത്. നല്ല കാര്യം. ഓരോ ഫ്ലാറ്റിനും സര്‍ക്കാര്‍ മുമ്പ് നിശ്ചയിച്ച തുകയും രണ്ടായിരത്തി അഞ്ചു മുതലുള്ള എട്ടു ശതമാനം പലിശയും ഒറ്റത്തവണയായി അടക്കണം. മൂന്നു മാസത്തെ സമയമാണ് ഇതിനു അനുവദിച്ചിട്ടുള്ളത്.

ഈ കുംഭകോണ വാര്‍ത്ത പുറത്തു കൊണ്ട് വന്ന ഇന്ത്യന്‍ എക്സ്പ്രസ്സിനും ലേഖകന്‍ ഷാജു ഫിലിപ്പിനും ഒരിക്കല്‍ കൂടി അഭിനന്ദനങ്ങള്‍ !.. അര്‍ഹിക്കുന്ന പ്രധാന്യത്തോടെ ഈ വാര്‍ത്തയെ  ജ്വലിപ്പിച്ചു നിര്‍ത്തിയ സോഷ്യല്‍ മീഡിയയക്കും അഭിവാദ്യങ്ങള്‍ . ആരെയെങ്കിലും ഇകഴ്ത്തിക്കാണിക്കാനോ തോല്പ്പിക്കാനോ ആയിരുന്നില്ല ഈ വിവാദം. മാധ്യമ പ്രവര്‍ത്തകരോട് ഇവിടെ ആര്‍ക്കും പ്രത്യേക വിരോധവും ഉണ്ടായിരുന്നില്ല. സമൂഹത്തിലെ എല്ലാ രംഗത്തും അനീതിയും അഴിമതിയും തട്ടിപ്പുമെല്ലാം കൊടികുത്തി വാഴുമ്പോള്‍ മാധ്യമ രംഗത്ത്  പുണ്യാളന്‍മാരെ പ്രതീക്ഷിക്കാന്‍ മാത്രം വിഡ്ഢികളായിരുന്നില്ല ആരും. പക്ഷേ ബോധപൂര്‍വം പൂഴ്ത്തിവെച്ച ഒരു മഹാതട്ടിപ്പിന്റെ കഥ സമൂഹത്തില്‍ ചര്‍ച്ചാ വിഷയമാക്കുക എന്നതായിരുന്നു ലക്ഷ്യം. അധികാര കേന്ദ്രങ്ങളുമായി പിന്‍വാതില്‍ ബാന്ധവത്തിലൂടെ സര്‍ക്കാര്‍ പണം പിടുങ്ങാന്‍ ശ്രമിച്ച മാധ്യമ സിംഹങ്ങളുടെ തനിനിറം പുറത്തു കാട്ടുക. അക്കാര്യത്തില്‍ വിജയിച്ചു എന്നതില്‍ സോഷ്യല്‍ മീഡിയയില്‍ സജീവമായ ഓരോ സാധാരണക്കാരനും അഭിമാനിക്കാം. പലിശയിനത്തില്‍ ചില ഇളവുകള്‍ സര്‍ക്കാര്‍ ഈ ഒത്തുതീര്‍പ്പ് ഫോര്‍മുല വഴി പത്രക്കാര്‍ക്ക് ചെയ്തു കൊടുത്തിട്ടുണ്ട്. മുന്‍ എല്‍ ഡി എഫ് മന്ത്രിസഭയും സമാനമായ ഇളവുകള്‍ക്ക് ശുപാര്‍ശ ചെയ്തിരുന്നു. എന്തോ ആകട്ടെ, പണമടക്കുക എന്നതാണ് പ്രധാനം.

ഈ വിഷയകമായി ഈ ബ്ലോഗില്‍ പ്രസിദ്ധീകരിച്ച രണ്ടു പോസ്റ്റുകളും ( 1- മാധ്യമപ്രവര്‍ത്തകര്‍ മുക്കിയ കോടികള്‍ !  2) കവര്‍ സ്റ്റോറിക്കാരേ, ഓടരുത് !! ) കൂടുതല്‍ ഷെയര്‍ ചെയ്യപ്പെടുകയും വായിക്കപ്പെടുകയും ചെയ്തതില്‍ സന്തോഷമുണ്ട്. പതിനായിരക്കണക്കിന് വായനക്കാരാണ് കഴിഞ്ഞ ദിവസം  ഈ ബ്ലോഗിലെത്തിയത്. (പല ഓണ്‍ലൈന്‍ സൈറ്റുകളും ഈ പോസ്റ്റുകള്‍ കോപ്പിയടിച്ചു കൊടുക്കുകയും ചെയ്തു. അതില്‍ വിഷമമില്ല). സോഷ്യല്‍ മീഡിയയില്‍ സജീവമായി ഉയര്‍ന്നുവന്ന ഈ വിവാദം വഴി പല മാധ്യമ പ്രവര്‍ത്തകര്‍ക്കും ഇത്തിരി വിഷമം ഉണ്ടായിട്ടുണ്ട് എന്നത് നിഷേധിക്കുന്നില്ല. ഞാന്‍ ആദ്യ പോസ്റ്റില്‍ പങ്കു വെച്ച ആശങ്ക ഏറെക്കുറെ സംഭവിക്കുകയും ചെയ്തു.  ഈ വിവാദത്തില്‍ കക്ഷികളായ അടുത്ത സുഹൃത്തുക്കളില്‍ ചിലര്‍ എന്നോട് പിണങ്ങി. അതിലൊരാള്‍ വളരെ വികാരപരമായി എനിക്ക് എഴുത്ത് എഴുതുകയും ചെയ്തു. ആദ്യ ഘഡു മുതല്‍ പണമടക്കാന്‍ തയ്യാറായതാണ്. പലിശയിനത്തിലുള്ള തര്‍ക്കം കാരണം പൊതുവായ തീരുമാനത്തിന് വഴങ്ങി അടക്കാതിരിക്കുകയായിരുന്നു. "പത്രക്കാരായിപ്പോയി, ഞങ്ങളും മനുഷ്യരാണ് സാര്‍" എന്ന് പറഞ്ഞാണ് ആ കത്ത് അവസാനിക്കുന്നത്. എനിക്കും വിഷമമുണ്ട്. സുഹൃദ് ബന്ധങ്ങളെ എന്നും വിലമതിക്കുന്ന ആളാണ്‌ ഞാന്‍. ഏതാനും ചില പത്രപ്രവര്‍ത്തകര്‍ കുറുക്കു വഴികളിലൂടെ ഈ ലോണ്‍ എഴുതിത്തള്ളിക്കാനും പണമടക്കുന്നത് പരമാവധി താമസിപ്പിക്കാനും ശ്രമിച്ചിട്ടുണ്ട്. അവരുടെ വലയില്‍ ശുദ്ധ ഗതിക്കാരായ മറ്റുള്ളവരും പെടുകയായിരുന്നു എന്ന് വേണം പറയാന്‍.

ഏതായാലും ഈ നാല്പത്തിയഞ്ച് പേരും മൂന്നു മാസത്തിനുള്ളില്‍ പണമടച്ചു തീര്‍ക്കുന്നതോടെ ഒരു പതിറ്റാണ്ടിലധികം നീണ്ടു നിന്ന പ്രശ്നം അവസാനിച്ചു കിട്ടും. പണം സര്‍ക്കാര്‍ ഖജനാവിലേക്ക് വന്ന ശേഷം ഇനി വേണ്ടത് വ്യാജ സത്യവാങ്ങ്മൂലമോ രേഖകളോ സമര്‍പ്പിച്ചു ഫ്ലാറ്റുകള്‍ സമര്‍പ്പിച്ചവര്‍ ഉണ്ടെങ്കില്‍ അവര്‍ക്കെതിരെ നിയമ നടപടി സ്വീകരിക്കുകയാണ്. അതിനു പ്രസ്‌ കൌണ്‍സില്‍ തന്നെ മുന്‍കൈ എടുക്കണം എന്നാണു എന്റെ പക്ഷം. അതോടൊപ്പം ഏറ്റവും രസകരമായ വസ്തുത ഈ സംഭവത്തില്‍ കക്ഷികളലല്ലാത്ത മാധ്യമ പ്രവര്‍ത്തകരില്‍ പലരും ഈ വിവാദത്തെ ഇഷ്ടപ്പെട്ടു എന്നുള്ളതാണ്. "ഞങ്ങള്‍ക്ക് എഴുതാന്‍ നിവൃത്തിയില്ല, ഇവന്മാരെക്കൊണ്ട് പണം അടപ്പിക്കണം. സോഷ്യല്‍ മീഡിയയില്‍ നന്നായി കത്തിക്കൂ എന്നാണ്"  ഒരാള്‍ എന്നോട് പറഞ്ഞത്.


 ഇവരൊക്കെയും ഇനി പണമടക്കും.

കഴിഞ്ഞ പോസ്റ്റുകളില്‍  കവര്‍ സ്റ്റോറിയേയും സിന്ധു സൂര്യകുമാരിനെയും കൂടുതല്‍ ഹൈലൈറ്റ് ചെയ്തു എന്ന് ചിലര്‍ അഭിപ്രായപ്പെട്ടു. സ്ത്രീകള്‍ക്ക് നേരെയുള്ള പുരുഷ വര്‍ഗത്തിന്റെ 'കടന്നാക്രമണ'മായി പ്പോലും അത് വിലയിരുത്തപ്പെട്ടു. അത്തരം വാദമുയര്‍ത്തിയവര്‍ക്ക് ആ പോസ്റ്റിന്റെ കമന്റ് കോളത്തില്‍ ഞാന്‍ കൊടുത്ത പ്രതികരണം ഇവിടെ പകര്‍ത്തുകയാണ്.  "ഒരു രാഷ്ട്രീയ നേതാവിന്റെ ഭാര്യയുടെ പേരില്‍ സര്‍ക്കാര്‍ മുതലുമായി ബന്ധപ്പെട്ടു അഴിമതി നടന്നാല്‍ അത് വാര്‍ത്തയാവില്ലേ?. ഇവന്മാര്‍ വാര്‍ത്തയാക്കാറില്ലേ. പിന്നെ സിന്ധുവിന്റെ പേരില്‍ മാത്രം വാര്‍ത്ത‍ വരരുത് എന്ന് പറയന്നതിലെ ന്യായമെന്ത്. ഇവിടെ സിന്ധു ഒരു സാധാരണ വീട്ടമ്മയല്ല. ആയിരുന്നെങ്കില്‍ അവരുടെ പേരും ചിത്രവും ഈ പോസ്റ്റില്‍ ഉണ്ടാവുമായിരുന്നില്ല. അവര്‍ ഭര്‍ത്താവിനെക്കാള്‍ പ്രശസ്തയായ മാധ്യമ പ്രവര്‍ത്തകയാണ്. മാത്രമല്ല, ഉള്ളതും ഇല്ലാത്തതുമായ ഏത് ആരോപണങ്ങളുടെ പേരിലും ആര്‍ക്കെതിരെയും തീപ്പൊരി ചിതറുന്ന വാക്കുകളില്‍ ആഴ്ച തോറും പ്രതികരിക്കുന്ന ആളുമാണ്. എന്ത് കൊണ്ട് ഈ വിഷയത്തില്‍ പ്രതികരിച്ചില്ല. ഒരു കവര്‍ സ്റ്റോറി വന്നില്ല. ലോണെടുത്ത ശേഷം ഒരൊറ്റ തവണ പോലും ഘഡുക്കള്‍ അടക്കാതെ സര്‍ക്കാര്‍ ഫ്ലാറ്റ് വാടകയ്ക്ക് മറിച്ചു നല്‍കി മാധ്യമ പ്രവര്‍ത്തകരായ ഭാര്യാ ഭര്‍ത്താക്കന്മാര്‍ വിലസുമ്പോള്‍ അത് വാര്‍ത്തയാകുന്നത് സ്വാഭാവികമാണ്. ആരും മുതലക്കണ്ണീര്‍ വെറുതെ കളയേണ്ട. മറ്റെപ്പോഴെങ്കിലും ആവശ്യം വരും".

ഒരു പ്രശ്നത്തില്‍ പ്രത്യക്ഷമായോ പരോക്ഷമായോ ഏതെങ്കിലും പ്രമുഖര്‍ ഉള്‍പെട്ടിട്ടുണ്ടെങ്കില്‍ അവര്‍ ആ വിവാദത്തില്‍ നിറഞ്ഞു നില്‍ക്കുക സ്വാഭാവികമാണ്. അതൊരു അത്ഭുതമല്ല, മറിച്ച് അനിവാര്യതയാണ്. ആര്‍ക്കെങ്കിലും മാനസിക വിഷമമുള്ള പരാമര്‍ശങ്ങള്‍ ഉണ്ടായിട്ടുണ്ടെങ്കില്‍ അതില്‍ ഖേദമുണ്ട് എന്ന് കൂടി ഉണര്‍ത്തട്ടെ. വാര്‍ത്തകളെ തമസ്കരിക്കാന്‍ പഴയ പോലെ മാധ്യമങ്ങള്‍ക്ക് ഇനി കഴിയില്ല. സോഷ്യല്‍ മീഡിയ ഇന്ന് അത്രമാത്രം ശക്തമാണ്. ഈ വിവാദവും അതിന്റെ പരിണിതിയും സോഷ്യല്‍ മീഡിയയുടെ ശക്തി വിളിച്ചറിയിക്കുന്നു. ഒരു വാക്ക് കൂടി. സോഷ്യല്‍ മീഡിയ പത്ര ദൃശ്യ മാധ്യമങ്ങളുടെ ശത്രു പക്ഷത്തല്ല, മറിച്ച് സൌഹൃദ പക്ഷത്താണ്.  മാധ്യമ സ്ഥാപനങ്ങള്‍ക്ക് വാര്‍ത്തകളും ചിത്രങ്ങളും എത്തിക്കുന്നതില്‍ , പുതുമയുള്ള വിഷയങ്ങളുടെ ത്രെഡുകള്‍ നല്‍കുന്നതില്‍ , മാധ്യമങ്ങളിലെ വാര്‍ത്തകള്‍ക്ക് മിന്നല്‍ വേഗത്തില്‍ പ്രചാരം നല്‍കുന്നതില്‍ എല്ലാം ഇന്ന് പ്രധാന പങ്കു വഹിക്കുന്നത് സോഷ്യല്‍ മീഡിയകളാണ്. മൂന്നു മാസത്തിനുള്ളില്‍ ഒറ്റത്തവണയായി കാശ് അടക്കാന്‍ കഴിയാത്ത പത്ര പ്രവര്‍ത്തകര്‍ ഉണ്ടെങ്കില്‍ അവര്‍ക്ക് വേണ്ടി പാട്ടപ്പിരിവ് നടത്താനും തയ്യാറാണ് എന്ന് കൂടി ഉണര്‍ത്തട്ടെ. ഗുഡ് ബൈ..

Related Posts
മാധ്യമപ്രവര്‍ത്തകര്‍ മുക്കിയ കോടികള്‍ ! ബ്രേക്കിംഗ് ന്യൂസുകാര്‍ എവിടെ?
കവര്‍ സ്റ്റോറിക്കാരേ, ഓടരുത് !!  

58 comments:

  1. എക്സ്പ്രസ്സുകാരന്‍ പയ്യന്‍ വിവരം പുറത്താക്കി നാറ്റിച്ചത് കൊണ്ട് അത്രയെങ്കിലുമായി.നമ്മുടെ മാദ്ധ്യമ ശിങ്കങ്ങള്‍ അത്ര വേഗം വിട്ടുകൊടുക്കുമെന്ന് കരുതേണ്ട.ജനാധിപത്യത്തെ രക്ഷിക്കാന്‍ പുതിയ എന്തെങ്കിലും പ്ലാനുമായി വരും .

    ReplyDelete
  2. "പത്രക്കാരായിപ്പോയി, ഞങ്ങളും മനുഷ്യരാണ് സാര്‍ "
    പത്രക്കാര്‍ അല്ലാത്തവരും മനുഷ്യരായിട്ടുന്ടെന്നു ഇവര്‍ പലപ്പോഴും ഓര്‍ക്കാറില്ല

    ReplyDelete
    Replies
    1. Example - Kunjaalikkutty

      Delete
  3. എന്തായാലും ഈ സോഷ്യല്‍ നെറ്റ് വര്‍ക്കിന്റെയും ബ്ലോഗുകളുടെയും സ്വാധീനം എത്ര മുക്കി വെച്ചിട്ടും ഇത് വിവാദമാക്കി .
    അതിനു ഫലവും ഉണ്ടായി .
    വള്ളിക്കുന്ന് സാറിന്‍റെ കഴിഞ്ഞ ബ്ലോഗുകളും ഇഷ്ടപ്പെടാത്ത പലരുടെയും കുത്തിക്കുറിക്കലുകള്‍ പലയിടത്തും കണ്ടു .
    ആശംസകള്‍ ..

    ReplyDelete
  4. ഫ്ളാറ്റിന് 2005ലെ യുഡിഎഫ് സര്‍ക്കാര്‍ നിശ്ചയിച്ച വിലയും എട്ടു ശതമാനം പലിശയും ചേര്‍ത്തുള്ള തുകയാണ് ഇപ്പോള്‍ നിശ്ചയിച്ചിരിക്കുന്നത്. ഇതു പ്രകാരം ഭവന നിര്‍മാണ ബോര്‍ഡിന് ലഭിക്കുന്നത് 5.68 കോടി രൂപയാണ്. യഥാര്‍ഥ കണക്കനുസരിച്ച് ബോര്‍ഡിന് ലഭിക്കാനുള്ളതാവട്ടെ 19.37 കോടിയാണ്. അവശേഷിക്കുന്ന തുകയായ 13 കോടിയിലേറെ രൂപ സര്‍ക്കാര്‍ ഹൗസിങ്ങ് ബോര്‍ഡിനു നല്‍കാനും ധാരണമായി.

    ReplyDelete
  5. ബഷീര്‍ സാഹിബിന്റെ എഴുത്തുകണ്ടാല്‍ തോന്നും ഈ വാര്‍ത്ത അദ്ദേഹം കുത്തിപ്പൊക്കി പുറത്തിടുകയായിരുന്നെന്ന്. സോഷ്യല്‍ മീഡിയയെന്നാല്‍ അദ്ദേഹത്തിന്റേതു മാത്രമാണെന്നും അതിന്റെ പേറ്റന്റിന്റെ താക്കോല്‍ ആളുടെ പക്കലാണെന്നും ആര്‍ക്കെങ്കിലും തോന്നിപ്പോയാല്‍ അതും ന്യായം. ഈ വാര്‍ത്തയും പുറത്തുകൊണ്ടുവന്നത് ഒരു പത്രം തന്നെയല്ലെ സര്‍....

    ReplyDelete
    Replies
    1. അങ്ങനെയൊന്നും പറഞ്ഞില്ലല്ലോ മോനേ, ഈ വിഷയകമായി വന്ന മൂന്നു പോസ്റ്റിലും വാര്‍ത്ത‍ പുറത്തു കൊണ്ട് വന്ന ഷാജു ഫിലിപ്പിന്റെ കാര്യം സൂചിപ്പിച്ചിട്ടുണ്ട്. വെറുതെ ചൊറിയുന്നോ?

      Delete
    2. എടൊ അനോണീ, ഒരു വാര്‍ത്ത പുറത്തു കൊണ്ട് വരുന്നതിനേക്കാള്‍ വിഷമം ആണ് അത് ജ്വലിപ്പിച്ചു നിര്‍ത്തുക എന്നത്. അതും ആ വാര്‍ത്ത മാധ്യമ സിംഹങ്ങള്‍ക്ക് എതിരെ ആകുമ്പോള്‍ . അതിനു ബഷീര്‍ക്കയുടെ ലേഖനങ്ങള്‍ നന്നായ്‌ സഹായിച്ചിട്ടുണ്ട്. ഫെയ്സ്ബുക്കിലെ ഷെയറുകള്‍ തന്നെ തെളിവ്.

      Delete
    3. Baheer bhai,
      Expecting a follow up after 3 months!

      I was following this blog since last 2 years and without any hesitation now, I can say that the quality of the posts and the discussions on them have much improved especially since last two months.
      Your words and the narrating style are appreciable and give more hopes about you.
      Use your pen (sorry keyboard)more to highlight all kinds of evils that affected our society and most of the good deeds unnoticed, instead of going behind stupid tv reality shows etc.

      Thanks

      Delete
    4. ഇന്ത്യന്‍ എക്ഷ്പ്രെസ്സില്ല് വാര്‍ത്ത വന്നത് അമ്മയാണെ ഞാനറഞ്ഞില്ല .....face bookkil കണ്ട ഞാന്‍ അറിഞ്ഞത്....ഒരാലെന്തെലും നല്ലത് ചെയ്യാനും സമ്മതിക്കില്ല ...ഈ @#$%%$# മോന്മാര്.....

      Delete
    5. സുഹൃത്തേ,
      സ്വന്തം പേരില്‍ ഒരു കമന്‍റ് ഇടാന്‍ പോലും ചങ്കൂറ്റമില്ലാത്ത താങ്കളൊന്നും കൂടുതല്‍ പ്രതികരിക്കാന്‍ നില്‍ക്കരുത്. ഈ ബഷീര്‍ വള്ളിക്കുന്ന് എന്‍റെ ആരുമല്ല. അദ്ദേഹത്തിന്‍റെ പോസ്റ്റുകള്‍ സ്ഥിരമായി വായിക്കുന്ന അനേകരില്‍ ഒരുവന്‍ മാത്രമാണ് ഞാന്‍. കാലിക പ്രസക്തിയുള്ള വിഷയങ്ങളെ പറ്റി ആര്‍ജവത്തോടെ സംസാരിക്കുകയും ജനങ്ങളെ ബോധവല്‍ക്കരിക്കുകയും ചെയ്യുന്ന അദ്ദേഹത്തിന്‍റെ ശൈലി തികച്ചും മാതൃകാപരമാണ്. അതിനെ അംഗീകരിക്കാനോ വാഴ്ത്തിപ്പാടാനോ ഞാന്‍ പറയുന്നില്ല. പക്ഷെ ദയവായി ഇത്തരം നിലവാരം കുറഞ്ഞ കമന്റുകളിലൂടെ ആ വെളിച്ചം തല്ലിക്കെടുത്താന്‍ ശ്രമിക്കരുത്.. ഇതൊരു അപേക്ഷയാണ്.

      Delete
    6. Ramachandran T (Ramu)July 21, 2012 at 1:46 PM

      Dear Basheer, ignore such comments of anony idiots. you have plenty of readers with good sense of understanding. They knows the importance of your posts on social issues. please dont waste your time replying these idiots. keep going.

      Delete
    7. Ramachandran T (Ramu)July 21, 2012 at 1:49 PM

      you done your job well on this issue. i came to know about this issue through your facebook updates, nothing i found anywhere on the mainstream media. So do write and dont expect anything return from readers. people are 'too proud' to appreciate anyone.

      Delete
  6. പലിശ കുറഞ്ഞാലും കൂടിയാലും അവന്മാരെക്കൊണ്ട് പണമാടപ്പിക്കാന്‍ തീരുമാനമായല്ലോ. അതും ഒറ്റത്തവണയില്‍. ബഷീര്ക, തുടര്‍ച്ചയായ പോസ്റ്റുകളിലൂടെ ഈ വിഷയത്തിന് പരമാവധി പിന്തുണ നല്‍കിയ നിങ്ങള്ക്ക് ഒരായിരം അഭിനന്ദനങ്ങള്‍. ബ്ലോഗെന്നാല്‍ കുട്ടിക്കളിയല്ല എന്ന് ഇപ്പോള്‍ മനസ്സിലായി.

    ReplyDelete
  7. ഒരൊറ്റ ദിവസം പതിനാലായിരം ഹിറ്റോ, ന്റെ പടച്ചോനെ. ങ്ങള് ആളു കൊള്ളാമല്ലോ.

    ReplyDelete
  8. പണമടക്കും
    (പണം മടക്കും)
    മാധ്യമ പ്രവര്‍ത്തകരും കേരള സര്‍ക്കാരും ഒത്തുതീര്‍പ്പിലെത്തി.

    ReplyDelete
  9. Sunil P Nair, ErnakulamJuly 20, 2012 at 1:48 PM

    പ്രിയ വള്ളിക്കുന്ന് ബഷീര്‍, പന്ത്രണ്ടു വര്ഷം മുങ്ങി നടന്ന പത്രക്കാരെക്കൊണ്ട് മൂന്നു മാസത്തിനുള്ളില്‍ പണമടക്കം എന്ന് പറയിപ്പിച്ചത് വന്‍ വിജയമാണ്. താങ്കള്‍ക്കും അതില്‍ അഭിമാനിക്കാം. ഈ ബ്ലോഗ്‌ കാണുന്നത് ഈയിടെയാണ്. പഴയ പോസ്റ്റുകള്‍ പലതും വായിച്ചു കൊണ്ടിരിക്കുകയാണ്. നിങ്ങളുടെ ശൈലി കെങ്കേമം. ഇനിയും വരാം.

    ReplyDelete
  10. Great News. Finally they realised they cannot run away with Govt money. Special congratulation to Indian Express. Well done basheer

    ReplyDelete
  11. മജീദ്‌ മങ്കരJuly 20, 2012 at 1:58 PM

    നല്ല വാര്‍ത്ത‍ തന്നെ പതിനാലായിരം ഹിറ്റ്‌ എന്ന് വായിച്ചപ്പോള്‍ ചുമ്മാ പറയുന്നതാണെന്ന് കരുതി. പിക്ചര്‍ കണ്ടപ്പോഴാണ് വിശ്വാസമായത്.

    ReplyDelete
  12. Shaju Philip, not Shaji Philip.

    ReplyDelete
    Replies
    1. Sorry, it was a typo. Corrected. Thank you.

      Delete
  13. മാധ്യമപ്രവര്‍ത്തകരല്ലേ, അവര്‍ക്കെതിരെ നടപടിയെടുക്കാന്‍ സര്‍ക്കാരിന്റെ മുട്ട് വിറക്കും എന്ന് വിചാരിച്ച മാധ്യമ വീരന്മാര്‍ക്ക് തെറ്റി. ഏതായാലും ഇങ്ങിനെ ഒരു തീരുമാനമെടുത്ത ഗവര്‍മെന്റിനെ അനുമോദിക്കാം. സത്യസന്ധമായ വാര്‍ത്തകള്‍ ജനങ്ങളിലെത്തിക്കാനുള്ള ദൌത്യം ഏറ്റെടുത്ത മുഖ്യധാരാ മാധ്യമങ്ങള്‍ ചില വാര്‍ത്തകള്‍ക്കു മുമ്പില്‍ മൌനം പാലിക്കുമ്പോള്‍ ബദല്‍ മീഡിയകളായ സോഷ്യല്‍ മീഡിയകള്‍ ആ വാര്‍ത്തകള്‍ ഏറ്റെടുക്കുന്ന കാഴ്ച നാം ഈ വിഷയത്തില്‍ കണ്ടു. ഇതൊരു നല്ലൊരു സൂചനയാണ്. മാധ്യമ രംഗത്ത് സോഷ്യല്‍ മീഡിയകള്‍ക്കും അതിന്റേതായ പങ്ക് വഹിക്കാനുണ്ട്.

    ReplyDelete
  14. സംഗതി വളരെ ഉഷാറായി.സോഷ്യല്‍ മീഡിയ വഴി പരമാവധി ആളുകളിലേക്ക് ഇത്തരം പൊതു വിഷയങ്ങള്‍ എത്തിക്കുവാന്‍ ബഷീര്‍ സാഹിബിനെ പോലെയുള്ളവര്‍ ഇനിയും ശ്രമിക്കുമെന്ന പ്രതീക്ഷയോടെ ...

    ReplyDelete
  15. basheer ikka... good by parayan varatte, 45 divasam kazhinjal veendum ee vishayam postam.... ivanmaar onnum oru chilli cashum adakkillenne....

    ReplyDelete
    Replies
    1. Exactly... That is going to happend...

      Delete
  16. വഴക്കുണ്ടാക്കാതെ ഇനി എല്ലാവരും വീട്ടില്‍ പോയെ.ബഷീര്‍ സാഹിബ്‌ തന്റെ സിഗ്നേച്ചര്‍ പീസായ വി എസ്സും പിണറായിയും ആയി വീണ്ടും വരുന്നതായിരിക്കും.അല്ലെങ്കില്‍ പി സി ജോര്‍ജു അണ്ണന്റെ തെറിപ്പാട്ടിനെ കുറിച്ചൊരു ബ്ലോഗ്‌..അത് വരേയ്ക്കും എല്ലാരും അടങ്ങി ഇരിക്കൂ പ്ലീസ്!

    ReplyDelete
    Replies
    1. ഇല്ല, ആ പരിപാടി നിര്‍ത്തി. എല്ലാവര്‍ക്കും ഓസിനു വായിക്കണം. എന്നിട്ട് എന്നെ ചീത്ത വിളിക്കുകയും വേണം. ഇനി അത്തരം വിഷയങ്ങള്‍ എഴുതുന്നില്ല. മടുത്തു.

      Delete
  17. മാധ്യമമാഫിയ?
    സിന്‍ഡിക്കേറ്റ്?
    ഹ..ഹ..
    പ്രതികരണം കൊഴുക്കുന്നുണ്ടല്ലോ?

    ReplyDelete
  18. A watch dog at your doorstep. Let media persons be alert. We will follow you while you follow others.

    ReplyDelete
  19. ഇതിനാണ് ബ്ലോഗമ സിൻഡികേറ്റ് എന്നു പറയുന്നത്. ഇതൊരു മാഫിയയാണ്. കേരളത്തികത്തും പുറത്തും ഇന്ത്യക്ക് പുറത്തും വേരുകളുള്ള ഒരു അധോലോക സംഘം. മധ്യപൗരസ്ത്യ ദേശങ്ങളിലെ സമാധാനം തകർക്കുന്നതിൽ മുഖ്യപങ്ക് വഹിക്കുന്ന, സൗദി ആസ്ഥാനമാക്കി പ്രവർത്തിക്കുന്ന ഒരു സിൻഡിക്കേറ്റംഗമാണ് പൊതുജനത്തെ വാർത്തകൾ തീറ്റിച്ച് കിടത്തിയുറക്കി ഉറങ്ങാൻ കിടന്ന പാവം പത്രപ്രവർത്തെക്കെതിരെയുള്ള ഈ കടന്നാക്രമണത്തിന് നേതൃത്വം നൽകിയത്.
    മുൻകൂട്ടി എഴുതിത്തയ്യാറാക്കിയ തിരക്കഥ പ്രകാരമുള്ള ഒരു നാടകം. മുതിർന്ന പ്തർപ്രവർത്തകരെയാണ് ഇവരുടെ ലക്ഷ്യം. ഇതുകൊണ്ടൊന്നും പത്രപ്രവർത്തകർ തകരില്ല. ഇതിലും വലിയ തോന്ന്യാസങ്ങൾ ഞങ്ങൾ ചെയ്തിറ്റുണ്ട്, അതാരും കണ്ടുപിടിച്ചിട്ടില്ല, പിടിച്ചതൊന്നും പാടി നടന്നിട്ടില്ല. ഇനി മുതൽ സോഷ്യൽ മീഡിയയിൽ മുളകുവെള്ളം ഒഴിക്കാൻ പാവപ്പെട്ടവരായ പത്രപ്രവർത്തകർ തയ്യാറാവണം.

    ReplyDelete
  20. The settlement today had not much to do with the indian express story or the blog activism).This was planned some time back. So not sure if all thes self congratulatory posts (on social media activism)are in order.

    ReplyDelete
  21. ഈ വാര്‍ത്ത വന്നതും പോയതും അറിഞ്ഞില്ല; പത്രങ്ങളില്‍ കുറച്ചു കാലം സെന്സേശന്ല്‍ ആയി നില്‍ക്കും എന്ന് കരുതി ; പക്ഷെ സുരേഷ് ഗോപി പറയുന്ന പോലെ "ദേ വന്നു!!!!....ദാ പോയി !!!!!...

    ReplyDelete
  22. കഴിഞ്ഞ ദിവസം ഈ ബ്ലോഗില്‍ ലഭിച്ചത് പതിനാലായിരത്തിലധികം ഹിറ്റുകളാണ്. (പല ഓണ്‍ലൈന്‍ സൈറ്റുകളും ഈ പോസ്റ്റുകള്‍ കോപ്പിയടിച്ചു കൊടുക്കുകയും ചെയ്തു. അതില്‍ വിഷമമില്ല)

    ബഷീര്‍ക്ക ഞാനും ആ കോപ്പി അടിച്ച അതില്‍ പെടും..പക്ഷെ ഞാന്‍ കടപ്പാട് ബഷീര്കക്കും വള്ളിക്കുന്ന്.കോം - ഇനും കാണിച്ചിട്ടുണ്ട്...

    ReplyDelete
  23. ഫ്ളാറ്റ് കൈവശമുള്ള 45 പേരില്‍നിന്നായി ഭവന നിര്‍മാണ ബോര്‍ഡിന് 19.37 കോടി രൂപ പിരിഞ്ഞുകിട്ടാനിരിക്കെ 5.68 കോടി രൂപ നല്‍കി പ്രശ്നം അവസാനിപ്പിക്കാനാണ് ധനമന്ത്രി കെ എം മാണിയുടെ സാന്നിധ്യത്തിലുണ്ടാക്കിയ കരാര്‍. ഫ്ളാറ്റിന് 2005ലെ യുഡിഎഫ് സര്‍ക്കാര്‍ നിശ്ചയിച്ച വിലയും എട്ടു ശതമാനം പലിശയും ചേര്‍ത്തുള്ള തുകയാണ് ഇപ്പോള്‍ നിശ്ചയിച്ചിരിക്കുന്നത്. മൂന്നു മാസത്തിനകം മാധ്യമ പ്രവര്‍ത്തകള്‍ ഒറ്റ ഗഡുവായി തുക അടയ്ക്കുന്നതോടെ എല്ലാം ശുഭമാകുമെന്നാണ് സര്‍ക്കാര്‍ പറയുന്നത്. എന്നാല്‍, സര്‍ക്കാര്‍ ഖജനാവില്‍നിന്ന് ഇതിനായി 13 കോടി ചെലവിടുന്നത് എന്തിനെന്ന ചോദ്യം ബാക്കി.
    കാര്‍ഷിക വായ്പയുടെ ഗഡു അടയ്ക്കാന്‍ കഴിയാതെ കര്‍ഷകര്‍ ജീവനൊടുക്കുമ്പോള്‍ കാഴ്ചക്കാരാകുന്ന സര്‍ക്കാരാണ് രണ്ടും മൂന്നും വീടുള്ള ഈ "പാവങ്ങളോട്" ഔദാര്യം കാണിച്ചത്.

    ReplyDelete
  24. ഈ അടുത്ത കാലത്തായി ഒത്തിരി സംഭവങ്ങള്‍ കഴിഞ്ഞു പോയി, ഓരോന്ന് എടുത്തു പരിശോടിക്കുംപോള്‍ ഒരു കള്ളനും എന്നും വിലസാന്‍ ഇവിടെ ദൈവം അനുവദിക്കില്ല എന്ന്, പല നാള്‍ കള്ളന്‍ ഒരു നാള്‍ പിടിയില്‍ ,ഇത് എല്ലാ തരാം കള്ളന്‍ മാരും ഓര്‍ത്തു വെച്ചെങ്കില്‍ , കേരളം ദൈവതിന്ടെയ് സ്വന്തം നാട് !!!!!!!!!!!!

    അങ്ങനെയൊന്നും പറഞ്ഞില്ലല്ലോ മോനേ, ഈ വിഷയകമായി വന്ന മൂന്നു പോസ്റ്റിലും വാര്‍ത്ത‍ പുറത്തു കൊണ്ട് വന്ന ഷാജു ഫിലിപ്പിന്റെ കാര്യം സൂചിപ്പിച്ചിട്ടുണ്ട്. വെറുതെ ചൊറിയുന്നോ? good reply for anonny,

    ReplyDelete
  25. ഒത്തു തീര്‍പ്പ് കരാറിലെ കള്ളത്രത്തെ കുറിച്ചോ , സര്കാരിനു ഉണ്ടാകുന്ന നഷ്ടത്തെ കുറിച്ചോ വള്ളിക്കുന്ന്
    ഒന്നും പറയുന്നില്ല

    ReplyDelete
  26. മിസ്റ്റര്‍ ബഷീര്‍, താങ്കള്‍ രാജമാണിക്ക്യം എന്ന സിനിമ കണ്ടു കാണും. അതില്‍ മനോജ്‌ കെ ജയന്‍ കാശ് വാങ്ങിയിട്ട് കൊടുക്കാതെ ആയപ്പോള്‍ കാശ് കൊടുത്ത ആളുടെ ഗുണ്ടകള്‍ എടുത്തു ഇട്ടു പെരുമാറി. അത്യാവശ്യം നല്ല പെരുമാറ്റം തന്നെ. പിന്നീട് മമ്മൂട്ടി വന്നിട്ട് കാശ് കൊടുക്കും. അപ്പോള്‍ കടം എല്ലാം കഴിഞ്ഞല്ലോ? എന്നാല്‍ മനോജ്‌ കെ ജയന്റെ ദേഹത്ത് ഉള്ള പരിക്കുകള്‍ തിരിച്ചു ഒരു കടം ആയി തന്നെ നില്‍ക്കില്ലേ? അതിനു പകരം ആയി തല്ലു കൊടുത്ത ഗുണ്ടകള്‍ക്ക് മമ്മൂട്ടി തിരിച്ചു അടി കൊടുക്കുന്നുണ്ട്. സിനിമ കഥ ആണെങ്കിലും എല്ലാവരുടെയും കാര്യം ഇങ്ങനെ തന്നെ.

    ഇവിടെ മനോജ്‌ കെ ജയന്റെ സ്ഥാനത്തു സിന്ധൂ സൂര്യ കുമാറിനെയും കവര്‍ സ്റ്റോറിയെയും കാണേണ്ടി വരും. താങ്കളുടെ ഗുണ്ടകള്‍ അവരെ എടുത്തു പെരുമാറിയല്ലോ? സാമാന്യം നല്ല രീതിയില്‍? ഇത്തരത്തില്‍ ഒരു പോസ്റ്റ്‌ ഇട്ടു താങ്കള്‍ മാപ്പ് പറഞ്ഞാലും ആ തെറി വിളിച്ച പഹയന്മാര്‍ വന്നു മാപ്പ് പറയുമെന്ന് തോന്നുന്നുണ്ടോ? അങ്ങനെ സിന്ദൂ സൂര്യകുമാറിനെ വെറുതെ തെറി വിളിച്ച പഹയന്മാരോട് എനിക്ക് ഒന്നേ ചോദിക്കാനുള്ളൂ... ആരാന്‍റെ അമ്മക്ക് ഭ്രാന്തിളകിയാല്‍ കാണാന്‍ നല്ല രസം അല്ലെ?

    ReplyDelete
    Replies
    1. അതിനിവിടെ ആരാ കവര്‍ സ്റ്റോറി ക്കാരിയോടു മാപ്പ് പറഞ്ഞത്? ഇത്രയും വിഷയം ആയപ്പോഴല്ലേ അവരെല്ലാം പണം കൊടുക്കാമെന്നു തീരുമാനിച്ചത്. അത് അവര്‍ കൊടുക്കുന്നതിന്റെ ഇരട്ടിയിലതികം സര്‍ക്കാരാണ് കൊടുക്കുന്നത്. സിന്ധു സൂര്യകുമാര്‍ ഒരു പ്രതീകം മാത്രം. എന്നാലും അവര്‍ മറ്റുള്ളവരെ പറ്റി പറയുന്നതിന് ഇത്ര പറഞ്ഞാല്‍ പോരാ എന്നാണ് എന്റെ പക്ഷം

      Delete
    2. അങ്ങനെ പറയണമെങ്കില്‍ അതിനായി വേറെ എത്രയോ വഴികള്‍ ഉണ്ട്? അവരുടെ പരിപാടിയോ വായാടിത്തമോ ഇഷ്ടപ്പെട്ടില്ലെങ്കില്‍ അതിനെ വിമര്‍ശിച്ചാല്‍ പോരെ? ഏതാനും ചില മുസ്ലീങ്ങള്‍ തീവ്രവാദി ആയാല്‍ ആ അവസരം മുതലെടുത്ത്‌ പ്രവാചകനെ വിമര്‍ശിക്കാന്‍ അവസരം ഒരുക്കി കൊടുക്കുന്നത് നല്ല കാര്യം ആണോ? തീവ്രവാദി ആയ ആള്‍ പ്രശസ്തന്‍ അല്ല, അതുകൊണ്ട് പ്രശസ്തന്‍ ആയ നബിയെ വിമര്‍ശിക്കാം, നബി വിമര്‍ശനത്തില്‍ വരുന്നത് അത്ഭുതമല്ല, മറിച്ച് അനിവാര്യതയാണ് ആണ് എന്നൊക്കെ പറയുന്നതില്‍ എന്ത് ന്യായം ആണ് ഉള്ളത്?

      Delete
    3. @Malak
      മമ്മൂട്ടിയും രാജമാണിക്യവുമൊക്കെ മനസ്സിലായി. പക്ഷെ എന്റെ പോസ്റ്റും അതിന്റെ ഉദ്ദേശവും താങ്കള്‍ക്ക് പിടികിട്ടിയോ എന്ന കാര്യത്തില്‍ സംശയമുണ്ട്‌. ഒരാവര്‍ത്തി കൂടി വായിക്കുന്നത് നന്നായിരിക്കും എന്ന് തോന്നുന്നു.

      Delete
    4. ഈ പോസ്റ്റും ഇതിനു മുന്‍പത്തെ പോസ്റ്റും ഒന്നിച്ചു വായിക്കുക. അപ്പോള്‍ പിടികിട്ടിക്കൊളും. ഉദ്ദേശം എനിക്ക് മനസ്സിലായി.

      Delete
    5. manasilayi enkil ithupolulla viddithangal ezhuthathirikoo Mr Malak.

      Delete
    6. എന്തോരം നീളമാ സിന്ധുവിന്റെ നാവിന്‌..,മറ്റുള്ളവരെകുറിച്ച് പറയുമ്പോള്‍. .,

      Delete
  27. This comment has been removed by the author.

    ReplyDelete
  28. The corruption of our society reflects everywhere including Media. The controversies forced the defaulters to payback. Congrats.

    ReplyDelete
  29. വളരെ നന്നായിട്ടുണ്ട്. ഈ പോരാട്ടം തുടരട്ടെ..

    ReplyDelete
  30. ബഷീര്‍ സഹിബെ വെല്‍ ടണ്.. കീപ്‌ ഇറ്റ്‌ അപ്പ്‌ ...

    ReplyDelete
  31. Congratulations Mr. Basheer Vallikkunnu..

    ReplyDelete
  32. Coverstory chechy... koduthal kollathum kittum

    ReplyDelete
  33. അഭിനന്ദനങ്ങള്‍ ............

    ReplyDelete
  34. ഇത്തരത്തിലുള്ള ഒരു സംഭവത്തെ കുറിച്ച് കവര്‍ സ്റ്റോറി ചേച്ചി പറയുന്നത് കേള്‍ക്കൂ http://www.youtube.com/watch?v=zZK688MviwA
    അത് കൊണ്ട്തന്നെ താന്‍ ഉള്‍പെടുന്ന ഫ്ലാറ്റ് കുംഭകോണ ത്തെ കുറിച്ചും കവര്‍ സ്റ്റോറി ചേച്ചി അടുത്ത എപിസോടില്‍ പരയുമോയെന്നു നോക്കാം ............

    ReplyDelete
  35. Self appraisal and boasting is the bottom line of this post. To substantiate that, there are some regular readers who shows at most intolerance to others while writing comments. This is the total sum of Vallikkunnu blog. As some others commented here, some pravasi bloggers think they are the foundation stone of social media and crusaders against Corruption. And the same bloggers barked against peoples movement in India lead by Anna hazare, where in they experimented the strength of social media. How many pravasis can hold their hand in the chest and talk against Sindhu. many of them send money through hawala(Kuzhal panam) until recent past. I have seen in my district people come in motor cycle and give cash. I am not saying that, doing such things should not be a bench mark to talk against corruption. Once we realize that and stop doing it , that itself is a great change. But at the same time respect others also with the same yard stick. Sindhu did not participated in this issue, when her husband is part of that you cannot criticize her. In that case when somebody commits a crime, the police should arrest their entire family..
    Last But least, some opinions from "named" people says you don't show courage to write a comment.They are in fools paradise. Nobody is Anonymous in internet world. And we have hundreds of examples that people impersonate with others picture and identity. If Basheer do not want anonymous opinion stop the facility..

    ReplyDelete
    Replies
    1. "..Sindhu did not participated in this issue, when her husband is part of that you cannot criticize her""

      So, so long as she or her husband are not involved, then why she cover others story for criticizing. Is that the sound against injustice and corruption ???
      is it a voice for paid ???

      While hiding on feet in the mud and.....Is that right, Anonymous ???

      Delete
  36. മാധ്യമപ്രവര്‍ത്തകരെ മൊത്തത്തില്‍ തളര്‍ത്താന്‍ നോക്കേണ്ട-


    വിമര്‍ശനങ്ങളും വെളിപ്പെടുത്തലുകളും ജോലിയുടെ ഭാഗം, അസൂയാലുക്കള്‍ ആകേണ്ട.

    കഴിഞ്ഞ കുറച്ച് ദിവസമായി മാധ്യമപ്രവര്‍ത്തകരെ മൊത്തത്തില്‍ അധിക്ഷേപിച്ചുകൊണ്ട് ചില സോഷ്യല്‍ നെറ്റ്വര്‍ക്കുകളിലും മറ്റുചില പ്രസിദ്ധീകരണങ്ങളിലും കുപ്രചരണങ്ങള്‍ പ്രത്യക്ഷപ്പെടുന്നു. ആരാണ് ഇതിന് പിന്നിലെന്ന് പകല്‍പോലെ വെളിച്ചമാണ്. ചില അപ്രീയസത്യങ്ങള്‍ മാധ്യമപ്രവര്‍ത്തകര്‍ എഴുത്തിലൂടെയും ക്യാമറ കണ്ണുകളിലൂടെയും ജനങ്ങള്‍ക്ക് മുന്നില്‍ കൊണ്ടുവന്നു അഥവാ കൊണ്ടുവരുന്നു. അതു ചിലര്‍ക്ക് അരോചകമായി മാറി. മറ്റുചിലര്‍ക്ക് അവരുടെ ഉറക്കവും കെടുത്തി. വേറെ ചിലര്‍ മാധ്യമപ്രവര്‍ത്തകര്‍ക്ക് മുന്നിലും ജനങ്ങളുടെ മുന്നിലും തലകുനിച്ച് മുട്ട് മടക്കേണ്ടിയും വന്നു. വേദന സംഹാരികള്‍ പലതും കഴിച്ചിട്ടും ആശ്വാസം കിട്ടാത്ത ഇവരുടെ വാലാട്ടി പക്ഷികള്‍ നടത്തുന്ന ഈ കുപ്രചരണത്തില്‍ മാധ്യമപ്രവര്‍ത്തകര്‍ മൊത്തത്തില്‍ തളര്‍ന്നുപോകുമെന്ന് കരുതേണ്ട. മാധ്യമപ്രവര്‍ത്തകര്‍, അവരുടെ തൊഴിയില്‍ ചെയ്യുന്നു. തൊഴിലില്‍ ഇനിയും ആത്മാര്‍ഥത തുടരുക തന്നെ ചെയ്യും. ആരാണ് മാധ്യമപ്രവര്‍ത്തകരെ ഭയക്കുന്നതെന്നും എന്തിനാണ് ഭയക്കുന്നതെന്ന് കേരളജനത ഇതിനകം തന്നെ തിരിച്ചറിഞ്ഞുകഴിഞ്ഞു. അതേസമയം, ആക്ഷേപകര്‍ക്കൊപ്പം കയറികൂടി സഹപ്രവര്‍ത്തകര്‍ക്ക്് നേരെ വിരല്‍ ചൂണ്ടുന്നവര്‍ ഓര്‍ക്കുക- ഒരു വിരല്‍ നിങ്ങള്‍ ചൂണ്ടുമ്പോള്‍ ബാക്കി നാലു വിരല്‍ നിങ്ങള്‍ക്ക് നേരെ ചുണ്ടുകയാണ്.

    ReplyDelete
  37. എന്തിനാണ് മാധ്യമപ്രവര്‍ത്തകര്‍ക്ക് നേരെ ഇത്രയും വലിയ കോലാഹലങ്ങള്‍ നടത്തുന്നതെന്ന് മനസിലാകുന്നില്ല. തലസ്ഥാനത്തെ ചില മാധ്യമപ്രവര്‍ത്തകര്‍ക്ക്്് വായ്പ പ്രകാരം സര്‍ക്കാര്‍ ഫ്ളാറ്റുകള്‍ നല്‍കി. ഇതില്‍ കുറച്ചുപേര്‍ വായ്പാ തിരിച്ചടവ് കൃത്യമായി അടച്ചു. കുറച്ച്് പേര്‍ വീഴ്ചവരുത്തി. വായ്പാ തിരിച്ചടവില്‍ മുടക്കം വരുന്നതും തിരിച്ചടവിന് സമയം ചോദിക്കുന്നതും സ്വാഭാവികം. ലോകത്തില്‍ ആര്‍ക്കും സംഭവിക്കാവുന്ന കാര്യം. എന്തേ മാധ്യമപ്രവര്‍ത്തകര്‍ക്ക് മാത്രം കൊമ്പുണ്ടോ വായ്പാ തിരിച്ചടവില്‍ മുടക്കം വരുത്തിയതില്‍. ഒരു കാര്യം മനസിലാക്കുക- മാധ്യമപ്രവര്‍ത്തകര്‍ മാലാഖമാരല്ല, അവരും മനുഷ്യര്‍ തന്നെയാണ്. എന്നാലിവിടെ വായ്പാതിരിച്ചടവില്‍ മുടക്കം വന്നതിലുള്ള കാരണവും തിരിച്ചടവില്‍ ഇളവും സമയപരിധിയും ചോദിച്ചുകൊണ്ടുള്ള മറുപടി വായ്പാ എടുത്തവര്‍ തന്നെ സര്‍ക്കാരിനെ അറിയിച്ചിരുന്നു. ഫ്ളാറ്റുകളുടെ വില നിശ്ചയവുമായി ബന്ധപ്പെട്ട് തങ്ങളുടെ ഭാഗത്തുനിന്നും വീഴ്ച സംഭവിച്ചിട്ടുണ്ടെന്ന് മനസിലാക്കിയ സര്‍ക്കാര്‍ വായ്പാ ഇളവിനും തിരിച്ചടവിനും സമയം നല്‍കിയിരിക്കുകയാണ്.



    കാള പെറ്റെന്ന് കേട്ട്് കയറ് എടുക്കുന്നവരാണല്ലോ ഇവിടെ ഒരു കൂട്ടര്‍. പിന്നെ, ചാടി കളിയടാ കൊച്ചുരാമ എന്ന് ആരെങ്കിലും പറഞ്ഞാല്‍ ഉടനെ ചാടി കളിക്കാന്‍ ഇവിടെ കുറെ കൊച്ചുരാമന്‍മാരും. എന്തൊക്കെയാം എഴുതി വിടുന്നേ! വായ്പ എഴുതി തള്ളാന്‍ മന്ത്രിമാരെ ഭീഷണിപിടുത്തി, അവരുടെ കാലുപിടിച്ചു,ചില രാഷ്ട്രീയ നേതാക്കളെ സ്വാധീനിച്ചു. ഇവരാണ് മാറിമാറി വന്നിരുന്ന സര്‍ക്കാരിനെ നിയന്ത്രിക്കുന്നത്് എന്തൊക്കെയായിരുന്നു ബഹളം. അവസാനം പവനാഴി ശവമായി-എന്നു പറഞ്ഞതുപോലെയായി.

    ഒരു കാര്യം തിരിച്ച്ചോദിക്കട്ടെ, മാധ്യമപ്രവര്‍ത്തകര്‍ക്ക് മാത്രം കൊമ്പുണ്ടോ! ചിലര്‍ വിചാരിക്കുന്നതുപോലെ മാധ്യപ്രവര്‍ത്തകര്‍ എല്ലാവരും മുകേഷ്-അനില്‍ അംബാനികളല്ല. കേരളത്തിലെ മാധ്യമപ്രവര്‍ത്തകരില്‍ നൂറില്‍ എഴുപത്തിയഞ്ച് ശതമാനവും സാധാരണക്കാരാണ്. എല്ലാ ജോലിക്കും അതിന്റേതായ കഷ്്ടപാടും ബുദ്ധിമുട്ടുമുണ്ട്. മാധ്യമപ്രവര്‍ത്തനം അത്ര എളുപ്പമുള്ള പണിയല്ല. സമൂഹത്തിന്റെ ഭാഗമെന്നനിലയില്‍ ജീവിതത്തിലും ജോലിയിലും ബുദ്ധിമുട്ടുകളും പ്രയാസങ്ങളും ഭീഷണികളും ഉണ്ടാകാറുണ്ട്. ഇവര്‍ അനുഭവിക്കുന്ന ദുഖങ്ങളും ദുരിതങ്ങളും പീഢനങ്ങളുമൊന്നും മറ്റുള്ളവര്‍ക്ക് അറിയേണ്ടതില്ല. പുറത്ത് നിന്നും കാണുമ്പോള്‍ വൈറ്റ്കോളര്‍ ജോലി, ശരീരം അനങ്ങേണ്ട, എപ്പോഴും വെല്‍ ഡ്രെസ്സിംഗ്, വാഹനം, സാമൂഹ്യ-സാംസ്്കാരിക-രാഷട്രീയബന്ധങ്ങള്‍, എപ്പോഴും ടിവിയില്‍ വരുന്നു, എപ്പോഴും എല്ലാ വിഷയങ്ങളിലും മറ്റുള്ളവരെക്കാള്‍ കൂടുതല്‍ വാചാലരാകുന്നു, സമൂഹത്തില്‍ നടക്കുന്ന സംഭവങ്ങള്‍ പുറത്ത്് കൊണ്ടുവരുന്നു, എന്നാല്‍ കിട്ടുന്ന ശമ്പളമോ പറയേണ്ടതില്ല. സമൂഹത്തില്‍ നല്ലൊരു ശതമാനം ആളുകള്‍ മാധ്യമമേഖലയില്‍ ഉപജീവനമാര്‍ഗം നടത്തുന്നു. അതേസമയം ഒരുതുണ്ട് ഭൂമിപോലുമില്ലാത്ത അവശത അനുഭവിക്കുന്ന പത്രക്കാര്‍ ഇപ്പോഴുമുണ്ട്. മാധ്യമപ്രവര്‍ത്തകര്‍ ഇപ്പോള്‍ ചിലര്‍ക്ക് തൊട്ടുകൂടാത്തവര്‍, തീണ്ടി കൂടാത്തവര്‍..

    ഒരു കാര്യം മനസിലാക്കുക, ഈ ആക്ഷേപങ്ങള്‍ കൊണ്ടൊന്നും മാധ്യമപ്രവര്‍ത്തകരെ മൊത്തത്തില്‍ തളര്‍ത്താന്‍ നോക്കേണ്ട- അവര്‍ ഇവിടെ നടക്കുന്ന സംഭവങ്ങള്‍ പുറത്തുകൊണ്ടുവരുന്നു. അത് അവരുടെ ജോലിയാണ്. ഇപ്പോഴത്തെ ഫ്ളാറ്റ് വിവാദവും ഒരു മാധ്യമം തന്നെയാണ്, ഒരു മാധ്യമ പ്രവര്‍ത്തകന്‍ തന്നെയാണ് പുറത്ത്് കൊണ്ടുവന്നത്. അതിനാല്‍ മാധ്യമപ്രവര്‍ത്തകര്‍ക്ക് ആരോടും വാശിയില്ല- അവരുടെ തൊഴിലില്‍ ഉള്ള ആത്മാര്‍ഥത ഇനിയും കൃത്യമായി തുടരും-

    എഴുത്തിലൂടെയും വാചാലതയിലൂടെയും-ഒപ്പം ക്യാമറ കണ്ണുകളിലൂടെയും.


    സജിന്‍ തിരുവല്ലം
    അദ്ദ്ലൈട്ദ് ആസ്ട്രേലിയ
    (മുന്‍ സബ്-എഡിറ്റര്‍, വീക്ഷണം, തിരുവനന്തപുരം)

    ReplyDelete
    Replies
    1. എടൊ സജിന്‍, ഇവിടെ സംസ്സാരിച്ചത് താന്‍ പറഞ്ഞത് പോലെ പട്നിക്കാരായാ മാധ്യമ തൊഴിലാളികളെ പറ്റി അല്ല, പകരം മുകളില്‍ കൊടുത്ത പട്ടികയിലുള്ള മുഖ്യധാര മാധ്യമങ്ങളില്‍ "കൂലിയെഴുതുന്ന" സിങ്ഗങ്ങളെ പറ്റി യാണ്.പത്നട്രണ്ട് വര്ഷം മുന്‍പ് ലോണ്‍ എടുത്തിട്ടും അതിന്റെ മൂന്ന് ഗടുവിനെക്കള്‍ കൂടുതല്‍ അടക്കാത്ത "പാവം മനുഷ്യരെ" പറ്റിയാണ്. വര്‍ഗ്ഗ സ്നേഹം കൊള്ളാം പക്ഷെ അത്....................( തന്നോടൊക്കെ എന്ത് പറയാന്‍ )

      Delete
  38. What is the present position?

    ReplyDelete