July 11, 2010

മഅദനിക്ക് മാത്രമാണോ ഇഞ്ചിത്തോട്ടമുള്ളത്?

മഅദനി കുടകിലെ ഇഞ്ചിത്തോട്ടത്തില്‍ പോയി എന്നത് ശരിയാണെങ്കില്‍ അദ്ദേഹത്തെ കേരളത്തിന്‍റെ ഇന്റലിജന്‍സ്‌ വകുപ്പിന്റെ മേധാവിയാക്കണം, നിയമവും പ്രായവും അനുവദിക്കുന്നില്ല എങ്കില്‍ ഏറ്റവും ചുരുങ്ങിയത് അഭ്യന്തര മന്ത്രിയെങ്കിലും ആക്കണം. കാരണം അദ്ദേഹം കുടകില്‍ എത്തി എന്നത് ഒരു നിസ്സാര സംഭവം അല്ല. ജയിലില്‍ നിന്ന് അദ്ദേഹത്തെ ആഭ്യന്തര മന്ത്രി സ്വീകരിച്ച് കൊണ്ട് വന്നത് മുതല്‍ മഅദനി  കേരള പോലീസിന്റെ സംരക്ഷണത്തിലും ബി കാറ്റഗറി നിരീക്ഷണത്തിലും ആണ്. അദ്ദേഹത്തിന്‍റെ വീട്ടിലെ ചീനച്ചട്ടിയില്‍ കടുക്‌ വറുത്താല്‍ പോലും അറിയുന്ന പോലീസ്‌ അദ്ദേഹം കുടകില്‍ എത്തിയത് അറിഞ്ഞില്ല എന്ന് പറഞ്ഞാല്‍ വിശ്വസിക്കാന്‍ പ്രയാസമുണ്ട്. അതല്ല കാവല്‍ നില്‍ക്കുന്ന പോലീസിനെയൊക്കെ വെട്ടിച്ച് വീല്‍ചെയറില്‍ അദ്ദേഹം കുടകിലെത്തി എന്ന് പറഞ്ഞാല്‍ പുള്ളി ഒരു മഹാ സംഭവം ആണെന്നാണ്‌ അതിനര്‍ത്ഥം.  ഇത്രയും ബുദ്ധി സാമര്‍ത്ഥ്യമുള്ള ഒരാളെ പോലീസിലെടുത്താല്‍ കേരളം രക്ഷപ്പെടും.

പോലീസ്, കോടതി, എന്നൊക്കെ പറഞ്ഞാല്‍ നമ്മള്‍ സ്വാഭാവികമായും കരുതുക ഇവന്മാരൊക്കെ ഫയങ്കര ബുദ്ധിമാന്മാര്‍ ആയിരിക്കുമെന്നാണ്. ജയരാജന്‍ സഖാവ് എന്ത് പറഞ്ഞാലും ഒരുമാതിരി ശുംഭന്മാര്‍ക്കൊന്നും ആ വകുപ്പുകളില്‍ കേറിക്കൂടാന്‍ പറ്റില്ല. പക്ഷേ കര്‍ണാടക പോലീസും കോടതിയും കളിക്കുന്ന കളി കാണുമ്പോള്‍ സഖാവ് പറഞ്ഞതിലും അല്പം കാര്യമില്ലേ എന്ന് എനിക്ക് ഒരു സംശയം. കുടകിലെ ഇഞ്ചിത്തോട്ടത്തില്‍ പോയി മഅദനി കൃഷി നടത്തിയതാണ് അദ്ദേഹത്തിന് എതിരിലുള്ള പ്രധാന ചാര്‍ജ്‌ എങ്കില്‍ ജയരാജന്‍ സഖാവ് പറഞ്ഞത് തീര്‍ത്തും ശരിയാണ്.

മഅദനിയുടെ നിലപാടുകളെ അതിനിശിതമായി എതിര്‍ത്തിട്ടുള്ള ഒരാളാണ് ഞാന്‍. മുമ്പ് എഴുതിയ പോസ്റ്റുകളൊക്കെ ഈ ബ്ലോഗില്‍ ഇപ്പോഴും ഉണ്ട്. ഒന്നും ഡിലീറ്റ് ചെയ്തിട്ടില്ല. പക്ഷേ പരിഹാസ്യമായ കാരണങ്ങള്‍ പറഞ്ഞ് ഒരാളെ അന്യായമായി വേട്ടയാടുന്നത് തികച്ചും മനുഷ്യത്വവിരുദ്ധമാണ് എന്ന് പറയാതിരിക്കാന്‍ വയ്യ. പ്രത്യേകിച്ചും പത്ത് വര്‍ഷത്തോളം ജയിലിലിട്ട് തെളിവുകള്‍ ഇല്ലാതെ വിട്ടയച്ച ഒരാളെ വീണ്ടും പിടിക്കാനൊരുങ്ങുമ്പോള്‍ അല്പം സൂക്ഷ്മതയും മനുഷ്യത്വവും കോടതിക്കും ആവാം. അതല്ല ജയിലില്‍ നിന്ന് പുറത്തു വന്ന ശേഷവും ബോംബ്‌ സ്ഫോടനങ്ങളുടെ സൂത്രധാരത്വം വഹിച്ചിട്ടുണ്ട് എന്നതിന് കൃത്യമായ തെളിവുകള്‍ ഉണ്ടെങ്കില്‍ ഒരു സെക്കന്‍ഡ്‌ താമസിപ്പിക്കാതെ അറസ്റ്റ് ചെയ്യുകവും ആവാം. കാശ് തരൂ കലാപം തരാം എന്ന് പറഞ്ഞ മുത്തലിക്കുമാര്‍ കര്‍ണാടക കോടതികളുടെ മൂക്കിനു താഴെ ഉണ്ട്. അവര്‍ക്കും ഇഞ്ചിത്തോട്ടങ്ങള്‍ കാണുമായിരിക്കും. ആ തോട്ടങ്ങളിലും ഇടക്കൊരു കണ്ണ് വേണം എന്നേ പറയാനുള്ളൂ.. .


ഒരു കണക്കിന് നോക്കിയാല്‍ പൂന്തുറ സിറാജ് അടക്കമുള്ള പീഡീപി നേതാക്കന്മാര്‍ കര്‍ണാടക കോടതിയോട്‌ മനസ്സിനുള്ളില്‍ നന്ദി പറയുന്നുണ്ടാവണം. പിണറായി സഖാവ് മൊഴി ചൊല്ലിയ ശേഷം പട്ടിണി കിടന്ന് എല്ലും തോലുമായ പാര്‍ട്ടിക്ക് അല്പം ജീവന്‍ നല്‍കിയത്‌ കര്‍ണാടക കോടതിയാണ്. മാത്രമല്ല മഅദനിയെ എങ്ങിനെയെങ്കിലും ജീവന്‍ വെപ്പിക്കാന്‍ വേണ്ടി നമ്മുടെ മാധ്യമങ്ങളും വേണ്ടത്ര പിന്തുണ കൊടുക്കുന്നുണ്ട്. വാര്‍ത്തയുടെ സമയം ആകുമ്പോള്‍ അന്‍വരുശ്ശേരിയില്‍ ഒരു ക്യാമറ വെച്ചു ഉറങ്ങാന്‍ പോവുകയാണ് ഇപ്പോള്‍ ചാനലുകാര്‍ ചെയ്യുന്നത്. മഅദനിയെ അറസ്റ്റ്‌ ചെയ്യുന്ന പക്ഷം ഏറ്റവും പ്രയാസപ്പെടുക മുസ്ലിം ലീഗ് ആയിരിക്കും എന്ന കാര്യത്തില്‍ ഒട്ടും സംശയം വേണ്ട. പീഡീപിയെ കയ്യൊഴിഞ്ഞ് വന്ന പലരും തിരിച്ച് അങ്ങോട്ട്‌ തന്നെ പോകും. ഞാന്‍ പറഞ്ഞ് വരുന്നത് മഅദനിയുടെ കാര്യത്തില്‍ പ്രത്യേക ശ്രദ്ധ വെക്കേണ്ടത് കുഞ്ഞാലിക്കുട്ടി സാഹിബാണ് എന്നാണ്. അദ്ദേഹത്തെ അറസ്റ്റ് ചെയ്യാതെ നോക്കണം. സോളിക്കുട്ടികള്‍ ഈ വിഷയത്തില്‍ ഇപ്പോള്‍ തന്നെ ഇറങ്ങിക്കഴിഞ്ഞു. പഞ്ചായത്ത് തിരഞ്ഞെടുപ്പാണ് വരുന്നത്. നോക്കി നിന്നാല്‍ എല്ലാം കാക്ക കൊത്തിക്കൊണ്ടു പോകും. വേണ്ടപ്പെട്ടവര്‍ക്കൊക്കെ ഫ്രീയായി ഉപദേശം കൊടുക്കുന്ന ഒരു സ്വഭാവം ഉള്ളത് കൊണ്ടാണ് ഞാന്‍ ഇതൊക്കെ പറയുന്നത്. അപ്പോള്‍ പിന്നെ കാണാം. എല്ലാവര്ക്കും വക്കാ വക്കാ...

52 comments:

  1. മദനിയെ ഇന്ത്യയിലെ എല്ലാ ഭാഷയും പഠിപ്പിക്കാനുള്ള ശ്രമത്തിലാണെന്ന് തോന്നുന്നു ..
    എല്ലാ സ്റെറ്റിലും പോയി ഭാഷയും പഠിച്ചു വരുമ്പോള്‍ ഗൂഡാലോചനക്കാര് ചമ്മി പോകും ...ഇന്ത്യന്‍ മത തീവ്രവാദ തലത്തില്‍ നിന്നും ലോകതീവ്രവാദത്തിലേക്ക് പ്രൊമോഷന്‍ കൊടുത്ത് സി ഐ എ ക്ക് കൈമാറുന്നതിനു മുന്‍പ്‌ അങ്ങേരുടെ കാറ്റ് പോയിട്ടുണ്ടാകും.... അപ്പോളും സൂഫിയ ജീവിചിരുന്നാല്‍ ഭര്‍ത്താവിന്റെ എല്ലാ സൌഭാഗ്യങ്ങളളുടെയും അവകാശി എന്ന നിലയില്‍ വീണ്ടും ഒരു അറസ്റ്റ് മാമാംങ്കം കൂടി നമുക്ക്‌ കാണാന്നെ......... കാരണം ഇവരൊന്നും മനുഷ്യരല്ലല്ലോ ...
    സോറി ....മനുഷ്യരാണെന്ന് ഇവിടെത്തെ നീതിപീഠത്തിനു തോന്നുന്നില്ലല്ലോ

    ReplyDelete
  2. പാവം മഅദനി . അതെ , അയാൾ പാവമാണ് . കുറെ സത്യങ്ങൾ വിളിച്ചു പറഞ്ഞു. അത് ചിലർക്ക് കരടായി. ആ കരടാണ് ഇന്നും കിടന്ന് ചൊറിയുന്നത്. ചൊറിച്ചിൽ തീരുമ്പോൾ മഅദനിക്ക് കുറച്ച് ആളെ കിട്ടും(ജനപിന്തുണ) അത് തന്നെ സംഭവിക്കുന്നത്. കുടുകിൽ പോയോ, ബോംമ്പ് വെച്ചോ എന്നേല്ലാം ഇഴ കീറി പരിശോധിക്കട്ടെ. സത്യം പുറത്ത് വരട്ടെ…….
    നമുക്ക് കാത്തിരിക്കാം .
    ( ഞാൻ ഒരു മഅദ്നി ഫാനല്ല; പക്ഷെ, മനുഷ്യാവകാശ ലംങ്കനം അതിരു കടക്കുമ്പോൾ പ്രതികരിച്ച് പോകുന്ന ഒരുവൻ )

    ReplyDelete
  3. കുറ്റം ചുമത്താനോ അറസ്റ്റു ചെയ്യാനോ പാടില്ലാത്ത വിധം ആരും നിയമത്തിനു മുകളിലല്ല. എന്നാല്‍ അതിനു നിരത്തുന്ന തെളിവുകള്‍ വിശ്വാസയോഗ്യമാവണം.

    ഇതോടു ചേര്‍ത്തു വായിക്കാവുന്ന ഒരു ചെറിയ കുറിപ്പ് മഅദനിയോടു ഇനിയും പക വേണോ ?

    ReplyDelete
  4. പക്ഷേ പരിഹാസ്യമായ കാരണങ്ങള്‍ പറഞ്ഞ് ഒരാളെ അന്യായമായി വേട്ടയാടുന്നത് തികച്ചും മനുഷ്യത്വവിരുദ്ധമാണ് എന്ന് പറയാതിരിക്കാന്‍ വയ്യ. പ്രത്യേകിച്ചും പത്ത് വര്‍ഷത്തോളം ജയിലിലിട്ട് തെളിവുകള്‍ ഇല്ലാതെ വിട്ടയച്ച ഒരാളെ വീണ്ടും പിടിക്കാനൊരുങ്ങുമ്പോള്‍ അല്പം സൂക്ഷ്മതയും മനുഷ്യത്വവും കോടതിക്കും ആവാം. അതല്ല ജയിലില്‍ നിന്ന് പുറത്തു വന്ന ശേഷവും ബോംബ്‌ സ്ഫോടനങ്ങളുടെ സൂത്രധാരത്വം വഹിച്ചിട്ടുണ്ട് എന്നതിന് കൃത്യമായ തെളിവുകള്‍ ഉണ്ടെങ്കില്‍ ഒരു സെക്കന്‍ഡ്‌ താമസിപ്പിക്കാതെ അറസ്റ്റ് ചെയ്യുകവും ആവാം.

    YES........ YOU SAID IT.

    ReplyDelete
  5. മ‌അദനി തെറ്റുകാരനാണെങ്കിൽ ശിക്ഷിക്കപെടട്ടെ, ഇപ്പോൾ നടക്കുന്നത് ഗൂഡാലൊചനയാണോ അതോ ശരിയായ തെളിവുകളുടെ അടിസ്ഥാനത്തിലാണോ നീങ്ങുന്നതെന്ന് വ്യക്തമാവേണ്ടതുണ്ട്. നാളെ ഇത് മറ്റുള്ളവർക്കു നേരെയും പ്രയോഗിക്കാനിടയുണ്ട് എന്നതിനാൽ തന്നെ മനുഷ്യവാകാശ സംരക്ഷണം ഉറപ്പാക്കേണ്ടത് ഭരണകൂട ബാധ്യതയാണ്.

    ഇപ്പോൾ മ‌അദനിക്ക് അനുകൂലമായി ശബ്ദമുയർന്നാൽ അവരെയെല്ലാം മ‌അ‌ദനിയുടെ ആളുകളായി കാ‍ണുമോ എന്ന പേടി കൊണ്ടായിരിക്കം ‘ബഷിർ സാഹിബിന്റെ കുഞ്ഞാലിക്കുട്ടി സാഹിബ്‘ അടക്കമുള്ളവർക്ക് ഉരിയാട്ടമില്ലാത്തത്

    ReplyDelete
  6. @ബഷീര്‍ പി.ബി.വെള്ളറക്കാട്‌

    "ബഷിർ സാഹിബിന്റെ കുഞ്ഞാലിക്കുട്ടി സാഹിബ്"

    അതെന്തു സാഹിബാണ്‌ സാഹിബേ ?

    ReplyDelete
  7. >>വേണ്ടപ്പെട്ടവര്‍ക്കൊക്കെ ഫ്രീയായി ഉപദേശം കൊടുക്കുന്ന ഒരു സ്വഭാവം ഉള്ളത് കൊണ്ടാണ് ഞാന്‍ ഇതൊക്കെ പറയുന്നത് <<

    കുഞ്ഞാലികുട്ടിസാഹിബിനോടുള്ള ഉപദേശം കൊള്ളാ‍ാം. കാത്തിരുന്ന് കാണാം. രാഷ്ടീയ നാടകങ്ങൾ.

    ReplyDelete
  8. പാവം മദനി! ഒന്‍പതു കൊല്ലം ജാമ്യം പോലും അനുവദിക്കാത്തതു കോടതിക്ക് മദനിയോട്‌ വിരോധം ഉള്ളത് കൊണ്ടാവും. മദനിയെ "തെളിവുകള്‍ ഇല്ലാത്തത് കൊണ്ട്" വെറുതെ വിട്ടിട്ടു അപ്പീല്‍ പോലും പോകാത്തത് രാഷ്ട്രീയക്കാരും പാവങ്ങള്‍ ആയതു കൊണ്ടാണ്. കോടതി നിരപരാധിയാണെന്ന് എവിടെയെങ്കിലും പറഞ്ഞതായി ആര്‍ക്കെങ്കിലും അറിവുണ്ടോ ആവോ?

    ബി കാറ്റഗറി നിരീക്ഷണത്തില്‍ ആണ് പോലും. മദനി ചൂസ് ചെയ്ത ആള്‍ക്കാര്‍ സെക്യൂരിറ്റി ആയെന്നും മദനി "ഒളിവില്‍" പോയപ്പോ ഈ ആള്‍ക്കാരും മൊബൈല്‍ ഓഫ്‌ ചെയ്തു വച്ചെന്നും സുരക്ഷാ ആള്‍ക്കാരുടെ യാത്രാരേഖകള്‍ അപ്പാടെ തെറ്റാണെന്നും വാര്‍ത്തകള്‍ പുറത്തു വന്ന സ്ഥിതിക്ക് ബി കാറ്റഗറിയുടെ വിശേഷം പറയേണ്ട. കോടിയേരി പറ്റുന്ന വിധത്തില്‍ എല്ലാം സഹായിച്ചിട്ടും പ്രയോജനം കിട്ടുന്നില്ല.

    ReplyDelete
  9. Venu said... മദനി ചൂസ് ചെയ്ത ആള്‍ക്കാര്‍ സെക്യൂരിറ്റി ആയെന്നും മദനി "ഒളിവില്‍" പോയപ്പോ ഈ ആള്‍ക്കാരും മൊബൈല്‍ ഓഫ്‌ ചെയ്തു വച്ചെന്നും സുരക്ഷാ ആള്‍ക്കാരുടെ യാത്രാരേഖകള്‍ അപ്പാടെ തെറ്റാണെന്നും വാര്‍ത്തകള്‍ പുറത്തു വന്ന സ്ഥിതിക്ക്

    @ Venu-ആ വാര്‍ത്തയുടെ ലിങ്ക് ഒന്ന് ഇവിടെ കൊടുക്കാമോ. സത്യം മനസ്സിലാക്കാനാണ്.

    ReplyDelete
  10. അനുഭവങ്ങളാണല്ലോ പാഠം, പക്ഷേ മദനി ഇനിയും പഠിച്ചിട്ടില്ല......അല്ലെങ്കിൽ പഠിക്കാൻ ശ്രമിച്ചില്ല.....അനുഭവിക്കുക തന്നെ...

    ReplyDelete
  11. ജയില്‍ മോചിതനായ മദനി ഇതര രാഷ്ട്രീയ കക്ഷികളോടുള്ള തന്‍റെ സമീപനത്തില്‍
    കുറച്ചു കൂടി ബുദ്ധിപരമായ സമീപനം സ്വീകരിക്കണമായിരുന്നു.എങ്കില്‍ ഇത്രയും ഒറ്റപ്പെടില്ലായിരുന്നു. പലരെയും പന്തിക്കു പുറത്തു നിര്‍ത്തി അവസര വാദത്തിന്‍റെ അരിവാളില്‍ സകല അഭയവും കണ്ടത് മഹാ മണ്ടത്തരം.
    പത്തുവര്ഷം കൊണ്ടും പഠിക്കാതെ പോയ അധ്യായമല്ലേ അത്.എന്നുവെച്ച് മുഖംചുളിച്ച് പക പോക്കുന്ന ഈ ശൈലി മാന്യതയുള്ള
    ഒരു പാര്‍ട്ടിക്കും ചേരില്ല എന്നുകൂടെ പറയട്ടെ!

    അഭ്യന്തര സഹ മന്ത്രി മലയാളിയുടെ മാന്യത കാണിച്ചില്ലെങ്കിലും അദ്ദേഹത്തിന്‍റെ പ്രസതാവ്യങ്ങളില്‍ കൊണ്ഗ്രസ്സുകാരന്‍റെ മാന്യതയെങ്കിലും പുലര്‍ത്തേണ്ടതുണ്ട്. നിയമ വാഴ്ച മരീചികയായി മാറുകയാണിവിടെ. ഐ ബി യുടെ വിശ്വാസ്യതയില്‍ ആര്കെങ്കിലും സംശയം തോന്നിയാല്‍ അവരെ കുറ്റപ്പെടുതാനാവില്ല
    ഇഞ്ചിലാബ് കുടഗാബാദ്!

    ReplyDelete
  12. കാശ് തരൂ കലാപം തരാം എന്ന് പറഞ്ഞ മുത്തലിക്കുമാര്‍ കര്‍ണാടക കോടതികളുടെ മൂക്കിനു താഴെ ഉണ്ട്. അവര്‍ക്കും ഇഞ്ചിത്തോട്ടങ്ങള്‍ കാണുമായിരിക്കും. ആ തോട്ടങ്ങളിലും ഇടക്കൊരു കണ്ണ് വേണം എന്നേ പറയാനുള്ളൂ.. .

    @venu
    മഞ്ഞപ്പിത്തം ബാധിച്ചവന് എല്ലാം മഞ്ഞ ആയെ കാണൂ...

    ReplyDelete
  13. അനുഭവങ്ങളാണല്ലോ പാഠം, പക്ഷേ മദനി ഇനിയും പഠിച്ചിട്ടില്ല......അല്ലെങ്കിൽ പഠിക്കാൻ ശ്രമിച്ചില്ല.....അനുഭവിക്കുക തന്നെ...

    @anjukkutty ലീഗിന് പാദസേവ ചെയ്യാത്തതാണോ ഉദ്ദേശം??

    ReplyDelete
  14. ഈ പോസ്റ്റ്‌ കുറച്ചു premature അല്ലെ? അന്വേഷണം മുഴുമിപ്പിച്ചിട്ടില്ല, വിചാരണയ്ക്കും വിധിക്കും ഇനിയും കുറച്ചു ദൂരമുണ്ട്. മദനിയെ ചില സംശയങ്ങളുടെ പേരില്‍ അറസ്റ്റു ചെയ്തിട്ടല്ലേ ഉള്ളൂ? ഇത് വളരെ രഹസ്യസ്വഭാവമുള്ള കേസാണ്, അത് കാരണം ഇതിന്റെ പല വസ്തുതകളും നമുക്കറിയില്ല. ആ നിലയ്ക്ക് നമ്മള്‍ ഇപ്പോഴേ പക്ഷം ചേരണമോ?

    മദനിയും അദ്ദേഹത്തിന്റെ അഭിഭാഷകരും കുറച്ചു കാര്യങ്ങള്‍ പുറത്തു പറയുന്നുണ്ട്. പക്ഷെ, അത് മാത്രമാകണമെന്നില്ലല്ലോ സത്യം. കുടകുപുരാണം അല്ലാതെയും തെളിവുകള്‍ ഉണ്ടാകാം. മദനിയെ അറസ്റ്റു ചെയ്യുന്നതിന് മുന്‍പ് കേരളത്തിലെ ജനത്തെ മുഴുവന്‍ സത്യം ബോധിപ്പിക്കേണ്ട ബാധ്യതയൊന്നും ബംഗ്ലൂര്‍ പോലീസിനും എന്‍ ഐ എയ്ക്കും ഇല്ല. ഇത് രഹസ്യ സ്വഭാവമുള്ള കേസ്. വിചാരണ പൂര്‍ണ്ണമായാലെ സത്യം മുഴുവന്‍ പുറത്തു വരുള്ളൂ. രണ്ടു ഭാഗത്തും നല്ല അഭിഭാഷകരുള്ള കേസുകളിലെങ്കിലും നമ്മുടെ കോടതികള്‍ ഫെയര്‍ ആണ്. മദനിക്ക് നല്ല അഭിഭാഷകരെ കിട്ടാന്‍ പ്രയാസമൊന്നുമില്ല. അപ്പോപിന്നെ വിചാരണ കഴിയുമ്പോള്‍ സത്യാവസ്ഥ പുറത്തു വരും, അതിനു കോയമ്പത്തൂരിലെ പോലെ കാലതാമസമൊന്നും ഇവിടെ വരുമെന്ന് തോന്നുന്നില്ല.

    മദനി നിരപരാധിയാണെങ്കില്‍ അത് കോടതിയില്‍ അഭിഭാഷകന്‍ തെളിയിക്കും. അത് വരെ നമുക്ക് കാത്തു കൂടെ? അല്ലാതെ കാര്യമൊന്നുമറിഞ്ഞു കൂടാത്ത നമ്മള്‍ മാധ്യമ വിചാരണ നടത്തണോ? ഈ കേസില്‍ മറ്റു പലരും അറസ്റ്റിലായി. അതൊന്നും ന്യായമായിട്ടാണോ അല്ലെയോ എന്നൊന്നും നമ്മള്‍ പരിശോധിച്ചില്ല (പരിശോധിക്കാനുള്ള അറിവുമില്ല). ഇതിപ്പോള്‍ മദനിയായത് കൊണ്ട് മാത്രം അനാവശ്യമായി പരിശോധിക്കാന്‍ ഒരു വെമ്പല്‍.

    ReplyDelete
  15. "സോളിക്കുട്ടികള്‍ ഈ വിഷയത്തില്‍ ഇപ്പോള്‍ തന്നെ ഇറങ്ങിക്കഴിഞ്ഞു. പഞ്ചായത്ത് തിരഞ്ഞെടുപ്പാണ് വരുന്നത്. "
    @ബഷീര്‍ സാഹിബ്‌,
    ലീഗും കൊങ്കര്സുമൊക്കെ അനിയ്തിക്കെതിരെ ശബ്ദിക്കുന്നത് ജന്നാതുല്‍ ഫിര്‍ദൌസ് ലക്ഷ്യമിട്ടാ...?
    സോളിക്കുട്ടികളുടെ ഉദ്ദേശ്യശുദ്ധിയില്‍ എന്തിനാ ഇത്ര സംശയം..?
    താങ്കള്‍ ബ്ലോഗിലുഉടെ വ്യക്തിപരമായി അനിയ്തിക്കെതിരെ ശബ്ദിക്കുമ്പോള്‍ അതൊരു സല്കര്‍മ്മമല്ലേ? അത് സോളിക്കുട്ടികള്‍ കൂട്ടമായി ചെയ്യുന്നു. അങ്ങനെ കരുതിയാല്‍ പോരെ? ...

    ReplyDelete
  16. ലീഗിന്‌ ആരുടേയും പാദസേവ വേണ്ട, പക്ഷെ ആ സാധുവിനെ സ്വീകരിക്കാനും മറ്റും കൂടെയുള്ളവർ ഇപ്പോൾ എവിടെ, ഇപ്പോൾ പിടിച്ചുകൊടാക്കാൻ നടക്കുന്നു... പാലം കടക്കും വരെ നാരയണാ.... പാലം കടന്നാൽ കൂരായണാ....

    ReplyDelete
  17. @അഖിലേഷ്
    "ഇതിപ്പോള്‍ മദനിയായത് കൊണ്ട് മാത്രം അനാവശ്യമായി പരിശോധിക്കാന്‍ ഒരു വെമ്പല്‍."
    ;;-----------
    മദനിയായത് കൊണ്ട് തന്നെ...മദനി പത്ത് വര്ഷം ജയിലില്‍ കിടന്ന കോടതി കുറ്റമില്ലാതെ പുറത്ത് വന്നു. ഇനി ഒരു പത്ത് വര്ഷം കൂടി കിടന്നോട്ടെ അല്ലെ.?
    മുത്തളിക്കുമാരെ പറ്റി താങ്കള്‍ക്കൊന്നും പറയാനില്ലേ..?

    ReplyDelete
  18. @ akhilesh: അല്പം premature ആണെന്നറിയാം. കുടകില്‍ പോയി ക്ലാസ്സെടുത്തു എന്നൊക്കെ പറഞ്ഞു കേട്ടപ്പോള്‍ തോന്നിയ ഒരു വികാരമാണ് ഞാന്‍ പ്രകടിപ്പിച്ചത്. അദ്ദേഹത്തോട് പ്രത്യേകിച്ച് ഒരു അനുകമ്പയും എനിക്കില്ല. നിയമത്തിനു അതിന്റേതായ വഴികള്‍ ഉണ്ട് എന്നും അറിയാം. ആ വഴികളില്‍ പത്തു വര്ഷം ജയിലില്‍ കിടന്നു പുറത്തു വന്ന ആളെന്ന നിലക്ക് ഒരു മാനുഷിക പരിഗണന അദ്ദേഹം അര്‍ഹിക്കുന്നുണ്ട്. ഈ കേസും പഴയത് പോലെ "mature" ആയി വരുമ്പോഴെക്കു മറ്റൊരു പത്തു വര്ഷം കൂടി അദ്ദേഹം ഉള്ളില്‍ കിടക്കേണ്ടി വന്നാലോ എന്ന് ആശങ്കപ്പെടുന്നതും ആ മാനുഷികതയുടെ പുറത്താണ്. അല്ലാതെ അദ്ദേഹത്തിന്‍റെ തീവ്ര നിലപാടുകളോട് ഒരു കടുകുമണിത്തൂക്കം (കുടകല്ല കെട്ടോ) പിന്തുണയുള്ളത് കൊണ്ടല്ല കെട്ടോ..

    ReplyDelete
  19. തല്‍ക്കാലം നമ്മുക്ക് തീവ്രവാദിയായ മദനി പറയുന്നത് മാത്രം വിശ്വസിക്കാം. മദനി വാദിക്കുന്നത് സത്യമാണെന്ന് പ്രചരിപ്പിക്കാം. ലോകത്ത് സമാധാനവും തീവ്രവാദികള്‍ക്ക് മനുഷ്യാവകാശവും പ്രദാനം ചെയ്യാന്‍ ഇതില്‍ കൂടുതല്‍ എന്ത് വേണം?

    ReplyDelete
  20. @Mohammed Ridwan

    ഉവ്വ്. മദനിയുടെ അറസ്റ്റിനെ എതിര്‍ക്കാത്തവരെല്ലാം automatically മുതാലിക്കിനെ അനുകൂലിക്കുന്നവരാണല്ലോ! നിങ്ങളുടെ ഈ ചിന്താഗതിയെ 'ഇടുങ്ങിയത് ' എന്നല്ലാതെ എന്താണ് പറയേണ്ടത്?

    മുതാലിക്കിനെ നിയമത്തിന്റെ വരുതിക്ക് വരുത്താത്തതില്‍ കര്‍ണാടക സര്‍ക്കാര്‍ വൃത്തികേട് കാണിക്കുന്നുണ്ട്. അത് തെറ്റ് തന്നെയാണ്. പക്ഷെ, മുതാലിക്കിനെ പിടിച്ചിട്ടു മതി ബാന്‍ഗ്ലൂര്‍ സ്ഫോടനത്തിലെ പ്രതികളെ അറസ്റ്റു ചെയ്യുന്നത് എന്ന നിലപാട് ശരിയല്ല. അവിടെ ഒരുത്തനെ പൊക്കിയില്ലെങ്കില്‍ ഇവിടെയും ഇയാളെ പൊക്കണ്ട എന്ന് പറയുന്നത് മതത്തിന്റെ പേരില്‍ പകരത്തിനു പകരം കളിക്കലാണ്. നമ്മളും കര്‍ണാടക സര്‍ക്കാരിനെപ്പോലെ മോശമാകണോ?

    ജാമ്യത്തിന്റെ വകുപ്പുകളും പ്രതിഭാഗവും വാദിഭാഗവും കൊടുത്ത ഡോക്ക്യുമെന്റ്സും പരിശോധിച്ച കോടതിക്കെ ജാമ്യം കൊടുക്കുന്നതിനെപ്പറ്റി ആധികാരികമായി പറയാന്‍ പറ്റൂ. കോടതി ജാമ്യം നല്‍കിയില്ലെങ്കില്‍ അതിനു ന്യായമായ കാരണം കാണും. മദനിക്ക് അപ്പീല്‍ പോകാം. മുക്കും മൂലയും കേട്ടത് വെച്ച് മാത്രം നമ്മള്‍ കൊടി പിടിക്കണോ?

    പിന്നെ, മുന്‍പ് വിചാരണത്തടവുകാരനായി വര്‍ഷങ്ങള്‍ നഷ്ടപ്പെട്ടത് ഈ കേസില്‍ ജാമ്യത്തിന്റെ പരിഗണനയ്ക്കെടുക്കണം എന്ന് പറയുന്നത് ന്യായമല്ല. വിചാരണ ഇഴയുന്നത്‌ കാരണം നിരപരാധികള്‍ക്ക്‌ ഉണ്ടാകുന്ന പ്രശ്നങ്ങള്‍ക്ക് നിയമനിര്‍മ്മാണത്തില്‍ കൂടിയോ സുപ്രീം കോടതി ഇടപെട്ടോ ആണ് പരിഹാരം കാണേണ്ടത്. അല്ലാതെ ഈ കേസിലെ ജാമ്യവും അതുമായി എന്ത് ബന്ധം? ഈ ജഡ്ജി എന്ത് പിഴച്ചു?

    ഞാന്‍ തര്‍ക്കിക്കാനില്ല. പിന്നെ, നിങ്ങള്‍ കരുതുന്ന പോലെ ഞാന്‍ ഒരു മതത്തെ സെലക്ട് ചെയ്തു വിമര്‍ശിക്കുന്നവനൊന്നുമല്ല. അഫ്സല്‍ ഗുരുവിന്റെ വധശിക്ഷയ്ക്കെതിരെയും ഞാന്‍ ഇതിലും കാര്യമായി നാഷണല്‍ ബ്ലോഗുകളില്‍ എഴുതിയിട്ടുണ്ട്. തെറ്റിദ്ധാരണ മാറ്റാന്‍ പറഞ്ഞെന്നു മാത്രം.

    ReplyDelete
  21. ബഷീറിക്കാ, ഞാന്‍ അങ്ങനെയൊന്നും കരുതിയിട്ടില്ലാ. സാമാന്യം സ്വതന്ത്രമായും നിഷ്പക്ഷമായും ചിന്തിക്കുന്ന ആളാണ്‌ ബഷീറിക്ക എന്നറിയാം.

    പിന്നെ, ഇന്ന് സ്പെയിന്‍ ജയിച്ചാല്‍ എനിക്ക് സമ്മാനം വല്ലതുമുണ്ടോ?

    ReplyDelete
  22. @ akhilesh:
    Off Topic ആണ്. എന്നാലും പറയാം. സ്പെയിന്‍ ജയിക്കണം എന്നുണ്ടായിരുന്നു. നീരാളിയുടെ പ്രവചനം വന്നതോടെ ഞാന്‍ ഹോല്ലണ്ടിന്റെ കൂടെ കൂടാന്‍ തീരുമാനിച്ചു. ബ്രസീല്‍ വന്നിരുന്നെങ്കില്‍ ഞാന്‍ മുമ്പ് പ്രഖ്യാപിച്ച പോലെ സമ്മാനം കൊണ്ടുള്ള ഒരു അയ്യര് കളി തന്നെ ഉണ്ടാകുമായിരുന്നു. ഹാ.. എല്ലാം പോയില്ലേ...

    ReplyDelete
  23. "പഞ്ചായത്ത് തിരഞ്ഞെടുപ്പാണ് വരുന്നത്. നോക്കി നിന്നാല്‍ എല്ലാം കാക്ക കൊത്തിക്കൊണ്ടു പോകും"

    ആന്‍റണിയുടെയും കു. കുട്ടിയുടെയും തീവ്രശ്രമത്തിന്റെ ഫലമായി ഒമ്പത് കൊല്ലതിനു ശേഷം പുറത്തിറക്കിയിട്ട് THANKS എന്ന ഒരു വാക്ക് പോലും കിട്ടിയിട്ടില്ല.
    അതിനാല്‍ ഇനിയുള്ള കച്ചവടം ഒന്ന് കൂടി സൂക്ഷിച്ചു ചെയ്യണം. പുറത്തുള്ള മഅദനിയെക്കാള്‍ വോട്ട്‌ കിട്ടുക അകത്തുള്ള മഅദനിക്കായിരിക്കും.

    തിരഞ്ഞെടുപ്പ് കഴിയുന്നത് വരെ നമ്മുക്ക് എല്ലാം മറക്കാം. സാധ്യമായ രംഗങ്ങളില്‍ ഐക്യപ്പെടാം

    ReplyDelete
  24. >>>ഞാന്‍ പറഞ്ഞ് വരുന്നത് മഅദനിയുടെ കാര്യത്തില്‍ പ്രത്യേക ശ്രദ്ധ വെക്കേണ്ടത് കുഞ്ഞാലിക്കുട്ടി സാഹിബാണ് എന്നാണ്. <<<
    പിന്നെ! ബഷീര്‍ ഭായ് പറയേണ്ട താമസം, ദാ 'പ്രത്യേക ശ്രദ്ധ' തുടങ്ങി:
    >>കോഴിക്കോട്‌: പിഡിപി നേതാവ്‌ അബ്‌ദുള്‍ നാസര്‍ മഅദനിയോട്‌ മനുഷ്യത്വം കാട്ടിയ സമയത്ത്‌ തിരിച്ചദ്ദേഹം നന്ദി കാട്ടിയില്ലെന്ന്‌ മുസ്‌ളീം ലീഗ്‌ ജനറല്‍ സെക്രട്ടറി പികെ കുഞ്ഞാലിക്കുട്ടി. അദ്ദേഹത്തിന്റെ കാര്യത്തില്‍ തിരിച്ചും മറിച്ചും അഭിപ്രായം പറയാന്‍ തങ്ങളില്ലെന്നും...<<<

    എന്താ ഈ നന്ദീ എന്ന് പുടികിട്ടിയോ? ടിയാന്‍ ജയിലീന്നിറങ്ങിയിട്ട് 'പച്ചച്ചെങ്കൊടി'ക്ക് സെല്യൂട്ടടിച്ചില്ല എന്ന്! അഥവാ, മനുഷ്യത്വം എന്ന് പറഞ്ഞാല്‍ പുള്ളിക്കാരന് വോട്ടു ബാങ്ക് എന്ന് തന്നെ അര്‍ഥം!!

    അല്ല, അതിപ്പോ ബഷീര്‍ ഭായിക്കും അങ്ങനെത്തന്നെ! >>>സോളിക്കുട്ടികള്‍ ഈ വിഷയത്തില്‍ ഇപ്പോള്‍ തന്നെ ഇറങ്ങിക്കഴിഞ്ഞു. പഞ്ചായത്ത് തിരഞ്ഞെടുപ്പാണ് വരുന്നത്. നോക്കി നിന്നാല്‍ എല്ലാം കാക്ക കൊത്തിക്കൊണ്ടു പോകും.>>>
    :)

    ReplyDelete
  25. കോയമ്പത്തൂര്‍ ആവര്‍ത്തിക്കില്ലെന്ന് നമുക്ക് ആശിക്കാം,വേഗം കുറ്റപത്രം സമര്‍പ്പിച്ചു വിചാരണ ആരംഭിക്കും എന്നും ആശിക്കാം,കുറ്റപത്രം വൈകിയാല്‍ ജാമ്യം കിട്ടും എന്നും ആശിക്കാം.കുറ്റവാളി ആണെങ്കില്‍ ശിക്ഷിക്കട്ടെ എന്നും പറയട്ടെ.

    ഓഫ്‌: ഇന്ന് പോള്‍ ജയിക്കുമോ?!!

    ReplyDelete
  26. മഅദനിയെ പത്തു കൊല്ലത്തോളം ജയിലില്‍ ഇട്ടതു ആരും ന്യായീകരിച്ചിട്ടില്ല. മുഖ്യമന്ത്രി ഉമ്മന്‍ ചാണ്ടി, പി.കെ. കുഞ്ഞാലി കുട്ടി, കെ.എം. മണി സാര്‍ എന്നിവര്‍ തമിഴ്‌നാട് മുഖ്യമന്ത്രി ജയലളിതയെ കണ്ടു. ബി.ജെ.പി. മുന്നണിയിലുള്ള അവര്‍ കാര്യമായൊന്നും ചെയ്തില്ല. പിന്നീട് കോണ്‍ഗ്രസ്‌ മുന്നണിയിലുള്ള മുഖ്യമന്ത്രി കരുണാനിധിയെ കേരള മുഖ്യന്‍ വി.എസ്. കണ്ടപ്പോള്‍ ചികിത്സ കാര്യം ചെയ്തു. കേരള നിയമസഭ ഒന്നടക്കം മഅദനിയുടെ വിഷയത്തില്‍ പ്രമേയം പാസ്സാക്കി. നിര്‍ഭാഗ്യമെന്നു പറയട്ടെ ലീഗടക്കമുള്ള യു.ഡി.എഫ്. മുന്നണി ചെയ്തതൊന്നും പൂന്തുറ സിറാജോ ഗഫൂര്‍ പുതുപ്പാടിയോ പറയുന്നില്ല. ആകെ അച്യുതാനന്ദന്‍, കരുണാനിധിയെ കണ്ടതേ പറയാറുള്ളു. മുസ്ലിം ലീഗ് സഹായിച്ചപ്പോള്‍ ഒക്കെ മഅദനിയുടെ ജയില്‍ വാസം നീണ്ടു പോയിട്ടേ ഒള്ളൂ എന്നാണ് ഗഫൂര്‍ നേതാവ് ഇന്ന് പറയുന്നത്. എന്നിട്ടും പി.ഡി.പി യും മറ്റുള്ളവരും ഇടക്കിടെ ചോദിക്കുക ലീഗ് എന്താണ് ഒന്നും അഭിപ്രായം പറയാത്തത് എന്നാണ്. പറഞ്ഞാലും പറഞ്ഞില്ല എങ്കിലും കുറ്റം ലീഗിന്നു തന്നെ. ആന്റണി ഞങ്ങളുടെ നാട്ടില്‍ മത്സരിച്ചപ്പോള്‍ വര്‍ഗീയ കലാപം ഉണ്ടാകുന്ന സമയം പട്ടാളം നടത്തുന്ന പോലെ മഅദനിയുടെ കരിമ്പൂച്ചകള്‍ റൂട്ട് മാര്‍ച്ച്‌ നടത്തിയിരുന്നത് പറഞ്ഞു നാട്ടുകാര്‍ ചിരിക്കാറുണ്ട്. ഇപ്പോള്‍ കരിമ്പൂച്ചകള്‍ ഇല്ല. പകരം അബ്ദുന്നാസര്‍ 'മഅദനി' എന്ന് പറയാന്‍ അറിയാതെ 'മദനി' എന്ന് പറയുന്ന സിരാജന് കൂടെ. മഅദനി കോയമ്പത്തൂര്‍ ജയിലില്‍ കിടന്നപ്പോള്‍ സിറാജിനെ പാര്‍ട്ടി സ്ഥാനത്ത് നിന്ന് മോശം പ്രശ്നം കൊണ്ട് മാറ്റിയിരുന്നു എന്ന് ആ സമയം ചില മാധ്യമങ്ങള്‍ റിപ്പോര്‍ട്ട് ചെയ്തിരുന്നു. ആലപ്പുഴയില്‍ മത്സരിച്ചതോടെ പി.ഡി.പി.യുടെ 'ശക്തി' എല്ലാവര്ക്കും മനസ്സിലായി. നിരപരാധിയാണെങ്കില്‍ മഅദനി ഒരിക്കലും ജയിലില്‍ പോകാന്‍ പാടില്ല, ഇഞ്ചി കൃഷി തന്നെ തുടരട്ടെ.

    ReplyDelete
  27. This comment has been removed by the author.

    ReplyDelete
  28. നമ്മുടെ മാധ്യമപ്രവര്‍ത്തകരുടെ കാര്യമേ... സ്വ:ലേ സിനിമയിലെ പത്ര റിപ്പോര്‍ട്ടര്‍മാരുടെ അതെ അവസ്ഥ ആയിരിക്കും അല്ലെ മഅദനിയുടെ അറസ്റ്റ്‌ വരെ നമ്മുടെ മാധ്യമ പ്രവര്‍ത്തകരുടെതും. പിന്നെ കോടതി വെറുതെ വിട്ടതുകൊണ്ട് ഒരാള്‍ നിരപരാധിയെന്നും അല്ലെന്നും അര്‍ത്ഥമില്ല. കേസുകള്‍ വളച്ചൊടിക്കാനും തെളിവുകള്‍ നശിപ്പിക്കാനും കഴിവുള്ളവര്‍ ഉണ്ടെങ്കില്‍ നിരപരാധി അപരാധിയും, അപരാധി നിരപരാധിയും ആവാം. നമ്മള്‍ കളി പുറത്തു നിന്നല്ലേ കാണുന്നുള്ളൂ. ഉള്ളറയിലെ രഹസ്യങ്ങള്‍ നമുക്കറിയില്ലല്ലോ...വരട്ടെ എല്ലാം മറ നീക്കി.
    ഓ.ടോ: പോള്‍ വിജയിക്കുമോ? ജര്‍മ്മനിയും ബ്രസീലും(അറ്റാക്കിംഗ് ടീമുകള്‍) പോയ സ്ഥിതിക്ക് ആര് ജയിച്ചാല്‍ എന്ത്!...

    ReplyDelete
  29. എന്തായാലും ഒരു കാര്യത്തില്‍ ഇടതു മുന്നണിക്ക്‌ അഭിമാനിക്കാം. 1998 ല്‍ മഅദനിയെ തമിഴ്നാട് സര്‍ക്കാരിന്നു പിടിച്ചു കൊടുത്തത് നായനാര്‍ സര്‍ക്കാര്‍. അതൊരു നേട്ടമായി അവര്‍ അടുത്ത തെരഞ്ഞെടുപ്പില്‍ ഉയര്‍ത്തി കാണിക്കുകയും ചെയ്തു. ഇപ്പോള്‍ കര്‍ണാടക സര്‍ക്കാര്‍ ആവശ്യപ്പെട്ടാല്‍ മഅദനി യുടെ അറസ്ടിന്നു വേണ്ട സഹായം ചെയ്യുമെന്ന് അച്യുതാനന്ദന്‍ പ്രഖ്യാപിച്ചു കഴിഞ്ഞു. പാവം പി.ഡി.പി. ക്കാര്‍ ഇപ്പോഴും മൂട് താങ്ങി പറയുന്നത് സി.പി.എം. കോടതിയെ വിമര്‍ശിക്കുന്നതില്‍ ഉള്ള സന്തോഷമാണ്. ഇനി എന്നാണ് മഅദനിയുടെ പാര്‍ട്ടിക്ക് ബുദ്ധി ഉദിക്കുക എന്ന് പടച്ചോന് മാത്രമേ അറിയൂ.

    ReplyDelete
  30. നിയമത്തിന്റെ നഗ്‌നമായ ദുര്‍വിനിയോഗമാണ് നടന്നു കൊണ്ടിരിക്കുന്നതെന്നതിനാല്‍ മഅദനിക്കു നീതി ലഭിക്കുമോ എന്ന ആശങ്ക ശക്തിപ്പെടുകയാണ്.

    വൈകിയെത്തുന്ന നീതി, നീതിനിഷേധത്തിനു തുല്ല്യമാണ്. കഴിഞ്ഞ കേസില്‍ അതാണ് നടന്നത്. അതിന്റെ ആവര്‍ത്തനം ഇവിടെ ഉണ്ടാവില്ലെന്നു പ്രതീക്ഷിക്കാനാവുമോ.
    ജാമ്യം നിഷേധിച്ച്, കേസ് നീട്ടിക്കൊണ്ടു പോയി ക്രൂരമായ നീതിനിഷേധം ആവര്‍ത്തിക്കാതിരിക്കട്ടെ.

    തെറ്റു ചെയ്തവര്‍ ആരായാലും ശിക്ഷിക്കപ്പെടണം.
    എന്നാല്‍ നിരപരാധികള്‍ ഒരിക്കലും ശിക്ഷിക്കപ്പെടുകയും ചെയ്തു കൂട.

    അധികാര ദുര്‍വിനിയോഗവും ഭരണകൂട ഭീകരതയുമല്ല ഒരു ജനാധിപത്യ രാജ്യത്തില്‍ നിന്നും ജനങ്ങള്‍ പ്രതീക്ഷിക്കുന്നത്.

    തെളിവില്ലാത്ത എല്ലാ കുറ്റങ്ങളുടെയും ഉത്തരവാദിത്തം അബ്ദുന്നാസിര്‍ മഅ്ദനിയുടെമേല്‍ വെച്ചുകെട്ടുന്നത് ശരിയല്ലെന്ന് ജസ്റ്റിസ് വി.ആര്‍. കൃഷ്ണയ്യരുടെ വാക്കുകള്‍ ഒപ്പം കൂട്ടി വായിക്കുക.

    പണം വാങ്ങി കലാപം നടത്തിക്കൊടുക്കുന്ന കൊടുംഭീകരനായ പ്രമോദ് മുത്തലിക്കിന്റെ പേരിലുള്ള പതിനഞ്ചിലധികം കേസുകളടക്കം, കര്‍ണാടകയില്‍ കഴിഞ്ഞ ഒമ്പതു വര്‍ഷത്തിനുള്ളില്‍ നടന്ന നൂറുകണക്കിന് ആളുകള്‍ കൊല്ലപ്പെടുകയും അരലക്ഷത്തിലധികം പേര്‍ക്ക് പരിക്കേല്‍ക്കുകയും ചെയ്ത അയ്യായിരത്തിലധികം വര്‍ഗീയാക്രമണ കേസുകള്‍ പിന്‍വലിക്കാന്‍ കര്‍ണാടകയിലെ സംഘ്പരിവാര്‍ സര്‍ക്കാര്‍ തീരുമാനിച്ച സമയത്തു തന്നെയാണ് മതിയായ തെളിവുകളില്ലാഞ്ഞിട്ടും മഅദനിക്കെതിരെ കര്‍ണാടകയുടെ അറസ്റ്റ് വാറണ്ട്.


    നീതിക്കും നിയമത്തിനും ജാതിയും മതവുമുണ്ടായിക്കൊണ്ടിരിക്കുന്നു.!

    ReplyDelete
  31. പഴയ മ‌ദനിയെ പഴയ കേസില്‍ സംശയിക്കാന്‍ ചിലര്‍ക്കെങ്കിലും കാരണങ്ങളുണ്ടായിരുന്നു. എന്നാല്‍, പുതിയ മദനിയും പുതിയ കേസും തമ്മില്‍ ഒട്ടും ചേരുന്നില്ല എന്നു എനിക്കു തോന്നുന്നു. ആശുപത്രിക്കിടക്കയും പോലീസ് സംരക്ഷണവും ചാനലുകളുടെ സംരക്ഷണവുമായി നടന്നതിന്നിടയില്‍ പത്തുകൊല്ലത്തെ പീഢനത്തിന്റെ ഭാരം മാറും മുന്‍പേ പുതിയൊരു സ്ഫോടനക്കേസില്‍ പങ്കാളിയാകുക അസംഭവ്യമെന്നു തന്നെ തോന്നുന്നു. അന്വേഷണം നടക്കട്ടെ, സത്യം പുറത്തുവരട്ടെ...

    നിരപരാധികള്‍ക്കെതിരെ ഗൂഢാലോചന നടത്തുന്ന ഉദ്യോഗസ്ഥരെ ശിക്ഷിക്കാന്‍ കൂടി ഒരു ഏജന്‍സി ഉണ്ടായിരുന്നെങ്കില്‍ പകുതി പ്രശ്നങ്ങള്‍ ഒഴിഞ്ഞേനെ.

    രാജ്യസുരക്ഷയുമായി ബന്ധപ്പെട്ട വകുപ്പുകള്‍ പ്രകാരം കേസെടുത്തതിനാല്‍ ജാമ്യം നല്‍കാനാവില്ലെന്ന കോടതി വിധിയെ എങ്ങനെ കാണുന്നു?

    ReplyDelete
  32. മദനി കുടകില്‍ പോയാലും ഇല്ലെങ്കിലും അദ്ദേഹത്തിന്‍റെ വാഗ്ധോരണിയില്‍ ചിദറി വീണ വൈകാരിക വിക്ഷോഭങ്ങള്‍ ഒരു ചെറിയ സംഘം അപക്വ യൌവ്വനങ്ങള്‍ക്ക് ജന്‍മമേകി എന്നത് ഒരു അനിഷേദ്ധ്യ വസ്തുതയാണ്. എന്‍ ഡി എഫ് അതിനു ബ്രെയിന്‍ സപ്പോര്‍ട്ട് കൊടുത്ത് വളര്‍ത്തി. ഈ അന്തകവിത്തുകള്‍ക്ക് മണ്ണൊരുക്കികൊടുത്തത് ആരാണെന്നും ആരാണ് അതിനു തേര് തെളിച്ചതെന്നും വിസ്മരിച്ചുകൊണ്ടുള്ള ചര്‍ച്ചകള്‍ അപൂര്‍ണമായിരിക്കും. selective amnesia ബാദിച്ചവരാണ് നാം. ഇല്ലെങ്കില്‍ നമുക്ക് കാണാന്‍ കഴിയണം, പറയാനും, BJP , Congress and the Left തുടങ്ങി എല്ലാ "മതേതര" പാര്‍ട്ടിക്കാരും ഇതില്‍ കൂട്ടുകൃഷി നടത്തി വിളവെടുത്തവരാണ് എന്ന സത്യം. ഇത് ഒരു പുതിയ അറിവൊന്നുമല്ല. പ്രശ്നം, നമ്മുടെ രോഗം മൂര്‍ചിച്ചിട്ടെയുള്ളൂ എന്നാതാണ്. സിപിഎം വരുന്ന തിരഞ്ഞെടുപ്പിന് മുന്നൊരുക്കമായി മറ്റൊരു വര്‍ഗീയ ധ്രുവീകരണത്തിന് സാമിനാമിന പാടുന്നത് കാണുമ്പോള്‍, ഈ കലയില്‍ അവരുടെ ഗുരുവായ കോണ്‍ഗ്രസ് അതിനെ വെല്ലുന്ന ചുവടുകള്‍ വെക്കുന്നത് കാണുമ്പോള്‍ ഇതെല്ലാം ഇങ്ങിനെ വെറുതെ വീണ്ടും പറഞ്ഞുപോകുന്നു എന്നേയുള്ളൂ.

    മൌദൂദിസവും, വഹാബിസവും, സുന്നിസവും മാറ്റുരച്ച് നോക്കി ആരാണ് കൂടുതല്‍ മിതവാദി എന്ന് മഷിയിട്ടു നോക്കുന്ന തിരക്കില്‍ ഓര്‍മ്മകള്‍ ഉണ്ടായിരിക്കുന്നത് നല്ലതാണ്

    ReplyDelete
  33. This comment has been removed by the author.

    ReplyDelete
  34. നിയമം നിയമത്തിന്റെ വഴിക്കല്ല , ആരൊക്കെയോ ചൂണ്ടുന്ന വഴിക്കാണ് നടക്കുന്നത് എന്നൊരു തോന്നല്‍!
    ഈ തോന്നല്‍ ഒരാളുടെയല്ല, ഒരു സമൂഹത്തിന്റെ മൊത്തം ആകുമ്പോള്‍
    സൂക്ഷിക്കണം ! ഉമിത്തീ പോലെ അത് നീറിക്കൊണ്ടിരിക്കും!
    അതില്‍ വീണു വേവുന്നത്‌ ഈ രാജ്യം തന്നെയാവുമോ?

    ReplyDelete
  35. മദനിയെ തോളിലേറ്റി നടന്ന കൊടിയേരിയും പിണറായിയുമെല്ലാം എവിടെപോയി... നീ കളിച്ചോടാ..... ഞങ്ങൾ നിന്റെ പുറകിൽ ഉണ്ടെടാ എന്ന്‌ പറഞ്ഞ്‌ മദനിയെ കയറ്റിവിട്ടവർ തന്നെയല്ലേ... അദ്ദേഹത്തിന്‌ അഴികൾ ഒരുക്കുന്നതും... ഇപ്പോൾ ഒച്ചപ്പാടായപ്പോൾ എടുത്തിട്ട്‌ ചവിട്ടുകയും ചെയ്തു...

    ReplyDelete
  36. >> നമ്മുടെ മാധ്യമപ്രവര്‍ത്തകരുടെ കാര്യമേ... സ്വ:ലേ സിനിമയിലെ പത്ര റിപ്പോര്‍ട്ടര്‍മാരുടെ അതെ അവസ്ഥ ആയിരിക്കും അല്ലെ മഅദനിയുടെ അറസ്റ്റ്‌ വരെ നമ്മുടെ മാധ്യമ പ്രവര്‍ത്തകരുടെതും <<

    അന്‍വാര്‍ശേരിയില്‍ ചെന്നാല്‍ കാണാം...

    ReplyDelete
  37. അപ്പൊ മ‌അദനിക്കും മനുഷ്യാവകാശങ്ങള്‍ ഉണ്ടല്ലേ ബഷീര്‍ക്കാ :)

    ReplyDelete
  38. For a change, read this:


    സ്‌ഫോടനങ്ങള്‍ക്കു പിന്നില്‍ സ്വാമി അശിമാനന്ദ -സി.ബി.ഐ
    Tuesday, July 13, 2010
    മുംബൈ: മാലേഗാവ്, അജ്മീര്‍ ദര്‍ഗ, മക്കാ മസ്ജിദ് സ്‌ഫോടനങ്ങളുടെ മുഖ്യസൂത്രധാരന്‍ ഗുജറാത്തിലെ ശബരിധാം ആശ്രമ മഠാധിപതി സ്വാമി അശിമാനന്ദയെന്ന് സി.ബി.ഐയും. അജ്മീര്‍ ദര്‍ഗ സ്‌ഫോടന കേസ് അന്വേഷിക്കുന്ന സി.ബി.ഐയുടെ കണ്ടെത്തല്‍ മഹാരാഷ്ട്ര എ.ടി.എസ് തലവനായിരുന്ന ഹേമന്ത് കര്‍ക്കരെയുടെ കണ്ടെത്തലിനു സമാനമാണ്.

    2008ലെ മാലേഗാവ് കേസ് അന്വേഷണത്തിനിടെ സ്‌ഫോടനങ്ങളില്‍ സ്വാമി അശിമാനന്ദക്ക് പങ്കുണ്ടെന്ന് കര്‍ക്കരെ കണ്ടെത്തിയതോടെ അദ്ദേഹം ഒളിവില്‍ പോവുകയായിരുന്നു. അശിമാനന്ദയെ പിടികൂടാന്‍ വിവിധ സംസ്ഥാനങ്ങളിലെ പൊലീസ് സേനയുടെ സഹായം സി.ബി.ഐ തേടിയിട്ടുണ്ട്.

    സ്‌ഫോടനങ്ങള്‍ നടത്താനുള്ള ആളുകളെയും സ്‌ഫോടക വസ്തുക്കളും അശിമാനന്ദയാണ് ഒരുക്കിയതെന്ന് സി.ബി.ഐയും സംശയിക്കുന്നു. 2006ല്‍ അശിമാനന്ദ നടത്തിയ ശബരി കുംഭമേളക്കിടെ സ്‌ഫോടന ഗൂഢാലോചന നടന്നതായാണ് ഹേമന്ത് കര്‍ക്കരെയുടെ നേതൃത്വത്തിലുള്ള എ.ടി.എസിന്റെ കണ്ടെത്തല്‍. കുംഭമേളയില്‍ ഗുജറാത്ത് മുഖ്യമന്ത്രി നരേന്ദ്ര മോഡി അടക്കമുള്ള ബി.ജെ.പിയിലെ മുതിര്‍ന്ന നേതാക്കള്‍ പങ്കെടുത്തതായും വെളിപ്പെട്ടിരുന്നു. മാലേഗാവ് സ്‌ഫോടന കേസില്‍ അറസ്റ്റിലായ സന്യാസിനി പ്രജ്ഞ സിങ് താക്കൂറും കുംഭമേളയിലുണ്ടായിരുന്നു. മാലേഗാവ് സ്‌ഫോടന കേസ് അശിമാനന്ദയിലേക്ക് തിരിഞ്ഞപ്പോള്‍ അന്ന് ഗുജറാത്ത് സര്‍ക്കാര്‍ എ.ടി.എസിന് എതിരായത് ഏറെ ചര്‍ച്ചചെയ്യപ്പെട്ടിരുന്നു.

    അശിമാനന്ദയുടെ വിശ്വസ്തനും കുംഭമേളക്കെത്തിയ പ്രജ്ഞ സിങ്ങിന്റെ സഹായിയുമായിരുന്ന സുനില്‍ ദാവ്‌ഡെയെ ചോദ്യം ചെയ്യാനോ കസ്റ്റഡിയിലെടുക്കാനോ ഗുജറാത്ത് പൊലീസ് സമ്മതിച്ചിരുന്നില്ല. ഭീകരാക്രമണ പദ്ധതികളെ കുറിച്ച് അശിമാനന്ദ പ്രജ്ഞ സിങ്ങുമായി ആശയവിനിമയം നടത്തിയത് സുനില്‍ ദാവ്‌ഡെയുടെ മൊബൈല്‍ ഫോണ്‍ വഴിയായിരുന്നു. നരേന്ദ്ര മോഡിയുടെ സഹായത്തോടെ അശിമാനന്ദ നികോബാര്‍ ദ്വീപിലേക്ക് കടന്നുവെന്നായിരുന്നു അന്ന് എ.ടി.എസിന് കിട്ടിയ വിവരം. സുനില്‍ ദാവ്‌ഡെയെ കസ്റ്റഡിയിലെടുക്കാനുള്ള എ.ടി.എസിന്റെ ശ്രമത്തെ കൃത്യമായ രേഖകളില്ലെന്ന് പറഞ്ഞ് ഗുജറാത്ത് പൊലീസ് അട്ടിമറിക്കുകയും ചെയ്തു.

    ആഭ്യന്തര മന്ത്രി അമിത് ഷായുടെ ബലത്തില്‍ അന്നത്തെ ഗുജറാത്ത് ഐ.ജി ശിവാനന്ദ് ഝായാണ് കര്‍ക്കരെയുടെ നേതൃത്വത്തിലുള്ള മഹാരാഷ്ട്ര എ.ടി.എസിന് ചുകപ്പുകാര്‍ഡ് കാട്ടിയത്. മാലേഗാവ് സ്‌ഫോടന കേസന്വേഷണം അശിമാനന്ദയില്‍ എത്തി നില്‍ക്കുമ്പോഴാണ് മുംബൈ ഭീകരാക്രമണം നടന്നതും കര്‍ക്കരെ വധിക്കപ്പെടുന്നതും. ഇതോടെ മാലേഗാവ് സ്‌ഫോടന കേസന്വേഷണം നിലച്ചമട്ടാണ്.

    ReplyDelete
  39. നിരപരാതിയനെന്നു മനസ്സിലാക്കാന്‍10 വര്‍ഷക്കാലം പീഡിപ്പിക്കപ്പെട്ട ഒരു വികലാന്കനായ വ്യക്തിയെ
    ഇനിയും ക്രൂഷിക്കുമ്പോള്‍ (എന്തിനു വേണ്ടി ...?) കോടതിയെങ്കിലും നീതി കാണിക്കും എന്ന് നമുക്ക് പ്രതീഷിക്കം
    .....പന്നെ അനീതിക്കെതിരെ ശബ്ദിക്കുന്നവരെല്ലാം വോട്ടു ലകഷ്യ മാക്കിയവരനെന്നു നിര്‍വജിക്കരുത് .....!!!!

    ReplyDelete
  40. @ Salam Pottengal
    "സ്‌ഫോടനങ്ങള്‍ക്കു പിന്നില്‍ സ്വാമി അശിമാനന്ദ -സി.ബി.ഐ"
    നാണയത്തിന്റെ മറുപുറമാണ് താങ്കള്‍ quote ചെയ്ത latest റിപ്പോര്‍ട്ടില്‍ ഉള്ളത്. സമുദായങ്ങളെ തമ്മില്‍ അടിപ്പിക്കാന്‍ വേണ്ടി ഇത്തരം കള്ള സ്വാമിമാര്‍ ഉറക്കമൊഴിക്കുകയാണ് !! അവരെ സംരക്ഷിക്കാന്‍ മോഡിമാരും!!. ഈ മോഡിയെയാണ് ബീ ജെ പി അടുത്ത പ്രധാനമന്ത്രിയായി ഉയര്‍ത്തിക്കാട്ടുന്നത്. ശരിക്കും പേടിയാവുന്നുണ്ട്. !!

    ReplyDelete
  41. This comment has been removed by the author.

    ReplyDelete
  42. ബാബു ചാക്കോ പാവമാണ്. അദ്ദേഹം വി എസ്സിനെ തട്ടുമെന്നു ഫോണില്‍ ഭീഷണിപ്പെടുത്താന്‍ തക്കതായ കാരണമുണ്ട്. ഭാര്യ പിണങ്ങിപ്പോയതിലെ ദുഃഖം താങ്ങാനാവാതെ ചെയ്തതാ പാവം. ദുഃഖം കൂടിയാല്‍ വെള്ളമടിക്കുന്നതൊക്കെ പഴഞ്ചനല്ലേ?. ഒരു പുതുമക്ക് വേണ്ടി ചെയ്തതാ. പിന്നെ ചില വക്രബുദ്ധികള്‍ കരുതുന്നപോലെ മറ്റൊരു സമുദായത്തിനിട്ടു കിടക്കട്ടെ ഒരു time tested പാര എന്ന ദുഷ്ചിന്തയൊന്നും അദ്ദേഹത്തിന് ഉണ്ടായിരുന്നില്ല. ജോര്‍ജ് ബുഷിന്‍റെയും ബ്ലെയറിന്‍റെയും നല്ല ലക്ഷ്യങ്ങളെയും പരിപാവന മനസ്സിനെയും കാണാതെ പോകുന്നതിനു തുല്യമാണ് ചാക്കോയെ തെറ്റിദ്ധരിക്കുന്നത്. പിന്നെ കാര്യമെന്തായാലും ആകെയുള്ള ഒരു സമാധാനം മാധ്യമങ്ങള്‍ക്ക് ചാക്കോയുടെ നിഷ്കളങ്ക മനസ്സിനെ മനസ്സിലാക്കാന്‍ കഴിയുന്നുണ്ട് എന്നതാണ്. സഖാവ്‌ പറഞ്ഞത്ര ഇഞ്ചിയും ചുക്കും അറിയാത്തവരൊന്നുമല്ല അവര്‍. അവര്‍ ചാക്കോയുടെ ദുഖത്തെ ഒരിക്കലും ഒരുചര്‍ച്ചക്കെടുത്ത് അതില്‍ ഒരു common thread കണ്ടെത്താന്‍ മാത്രം മണ്ടന്‍മാരൊന്നുമല്ല. common thread കണ്ടെത്തേണ്ട പേരിന്‍റെ അക്ഷരങ്ങളെ പറ്റി അവര്‍ക്ക് നല്ല വ്യക്തതയുണ്ട്. ആ അക്ഷരങ്ങളില്‍ പേരുള്ളവര്‍ എല്ലാവരും ഭീകരവാദികള്‍ അല്ലെങ്കിലും, ഭീകരവാദികള്‍ എല്ലാവരും ആ അക്ഷരങ്ങളില്‍ പേരുള്ളവര്‍ ആയിരിക്കും എന്ന അദ്വാനിജിയുടെ മഹദ് വാക്യമാണ് അവരുടെ അഘില മന്ത്രം.

    ReplyDelete
  43. രാഷ്ട്രീയ പക്വതയുടെ അസാന്നിധ്യവും, സ്ഥിരതയുളൊരു നിലപാട് തറയുടെ അഭാവവും നിമിത്തം കേരള രാഷ്ട്രീയത്തിലെ ഒരു കറുത്ത ഫലിതമായി വിലയിരുത്തപ്പെടുവാന്‍ വിധിക്കപ്പെട്ട വ്യക്തിയാണ് മഅദനി.

    ഒരു സമൂഹത്തിന്റെ പുരോഗതിക്ക് ആവേശം കൊള്ളിക്കുന്ന പ്രസംഗമല്ല ആവശ്യമെന്നും, കൃത്യമായ ദിശാബോധവും , അതി ശക്തമായ ഐടിയോളജിയുടെ പിന്‍ബലവും വേണമെന്നും, ശത്രുക്കളെ സൃഷ്ടിക്കലല്ല പരമാവധി സുഹൃത്തുക്കള ഉണ്ടാക്കിയെടുക്കലാണ് ബുദ്ധിമാനായൊരു നേതാവിന്റെ ക്വാളിറ്റിയെന്നും അദ്ദേഹത്തിന്റെ ഒറ്റപ്പെടലിന്റെ വര്‍ത്തമാന കാലം ഓര്‍മിപ്പിക്കുന്നുണ്ട്. കേരള രാഷ്ട്രീയത്തിനോ, ന്യൂനപക്ഷ, പിന്നാക്ക ശാക്തീകരനത്തിനോ ഒന്നും സംഭാവന ചെയ്തിട്ടില്ലാത്ത , ആവേശകാരികളായ ഒരു കൂട്ടം ആളുകളെ സൃഷ്ടിച്ചതാണ് മദനിയുടെ സംഭാവന. ആത്മാഹുതി ശ്രമം നടത്തിയ അയാളുടെ അനുയായികള്‍ മഅദനി സംഭാവനയുടെ ഏറ്റവും വികൃതമായ മുഖമാണ് കാണിച്ചുതന്നത്. അപക്വമായ സംസാരത്തോടൊപ്പം, ഒരു നേതാവിന് ഒരിക്കലും ഭൂഷണമല്ലാത്ത അഹങ്കാരവും അദ്ദേഹത്തിന്റെ ഈ വന്‍വീഴ്ചയുടെ ആഴം വര്‍ദ്ധിപ്പിക്കുവാന്‍ സഹായിച്ചിട്ടുന്ടു.

    കേരളത്തിലെ ന്യൂനപക്ഷ സംഘടിത ശക്തി തകര്‍ക്കുവാന്‍ മ അടനിയെ ചട്ടുകമാക്കിയപ്പോള്‍ വിഫലമായെങ്കിലും ഹൃസ്വ ദൃഷ്ടി നന്നായി അനുഗ്രഹിച്ച മ ഡാനി രാജാവിനെക്കാള്‍ വലിയ ആവേശത്തില്‍ രാജ്യ ഭക്തി കാണിച്ച്ചിട്ടുന്ടു. സഹായിച്ചവരോട് ഒരു നന്ദി വാക്കുപോലും പറയുവാന്‍ അയാളിലെ അഹങ്കാരം അനുവദിച്ചില്ല. ജയില്‍ മോചനത്തിന് വേണ്ടി ശ്രമിച്ചവരുടെ പേര് പറഞ്ഞു വിരല്‍ മടക്കുമ്പോള്‍ അതിനു വേണ്ടി ആത്മാര്‍ഥമായി ശ്രമിച്ച പലരെയും രാഷ്ട്രീയ വൈരത്തിന്റെ പേരില്‍ മാത്രം പരാമര്‍ശിക്കാതെ വിട്ടു. ഇപ്പോള്‍ തന്നെ ആവോളം ഉപയോഗിച്ച ആളുകള്‍ തന്നെ ജയലില്‍ അടക്കുവാന്‍ സാധ്യമായതെന്തും ചെയ്തു കൊടുക്കും എന്ന് പറയുമ്പോള്‍ ഒരു പക്ഷെ ചില തിരിച്ചറിവുകള്‍ ആ കൊല്ലത്തുകാരന്‍ ഉസ്താദിന് വന്നിരിക്കും. പക്ഷെ സമയം വല്ലാതെ വൈകിപ്പോയല്ലോ.
    പൂര്‍വകാല ചെയ്തികള്‍ അയാള്‍ക്കുനേരെ കണ്ണുരുട്ടുന്നുന്റെന്കിലും, നീതി നിഷേധത്തിന്റെ ഇരയായി മ ദനി ഇനിയും മാറുവാന്‍ പാടില്ല. ഒരു തെറ്റ് തെളിയിക്കപ്പെടുന്നതുവരെ ഒരാള്‍ വെറും പ്രതി മാത്രമായിരിക്കും. പ്രതിയെ ചോദ്യം ചെയ്യുവാന്‍ വിവിധ മാര്‍ഗങ്ങള് ഉണ്ടല്ലോ കളമശ്ശേരി ബസ്‌ കത്തിക്കല്‍ കേസില്‍ സൂഫിയ മദനി പ്രതിയാണെങ്കിലും അവര്‍ ജയലിനു
    പുറത്താണല്ലോ .. ഈ ആനുകൂല്യം മദനിക്കും നല്‍കാവുന്നതാണ്
    പ്രത്യേകിച്ചും ഒരു ദശാബ്ദത്തോളം അന്യായമായി ജയലില്‍ അടക്കപെട്ട സാഹചര്യത്തില്‍

    ReplyDelete
  44. നീതിയുടെ ഇരട്ടമുഖം അതാണു ഇവിടത്തെ പ്രധാന പ്രശ്നം. അതു തന്നെയാണു 'തീവ്രവാദികളെ' സ്രിഷ്ടിക്കുന്നതും. നമ്മുടെ രാജ്യത്ത്‌ നടക്കുന്ന സ്ഫോടനങ്ങളും വര്‍ഗീയ കലാപങ്ങളും മറ്റൊരു വിഭാഗത്തിണ്റ്റെ പേരിലാക്കിയിട്ട്‌ സുന്ദരമായി കടന്നു കളയുന്നവര്‍. സ്ഫോടനം നടത്തിയവര്‍ തന്നെ അത്‌ മുസ്ളീങ്ങളാണു ചെയ്തതെന്ന് വരുത്തിതീര്‍ക്കാന്‍ തൊപ്പിയോ, ഖുരാണ്റ്റെ പേജോ 'തെളിവായി' അവിടെ ഉപേക്ഷിക്കുന്നു. പോലീസ്‌ ഉടനെ സ്ഥിരീകരിക്കുകയായി സംശയമില്ല അത്‌ മുസ്ളീങ്ങള്‍ തന്നെ. പീന്നീടെന്തോക്കെയോ (ചിലപ്പോള്‍ ഇതുവരെ കേട്ടുകേള്‍വി പോലുമില്ലാത്ത പേരുകള്‍) സംഘടനകളൂടെ പേരുകള്‍ വിളിച്ചുകൂവുന്നു. അതിണ്റ്റെ പേരില്‍ നിരപരാധികളായ കുറെപേരെ ജയിലിലടച്ച്‌ പീഡിപ്പിക്കുന്നു. നമ്മുടെ സുരേഷ്‌ ഗോപി സിനിമയിലെപോലെ ഇന്ത്യന്‍ കോടതികളില്‍ നിന്നും പോലീസില്‍ നിന്നും നീതികിട്ടാത്ത നായക കഥാപാത്രം ആയുധമെടുത്ത്‌ നിയമത്തിനു പുറത്ത്‌ അനീതി ചെയ്തവരെ ഇല്ലാതാക്കുന്നു. സിനിമയിലാകുബ്ബോള്‍ നാം 'കൈയടിക്കുന്നു' യദാര്‍ത്ഥ ജീവിതത്തിലേക്ക്‌ വരുബ്ബോള്‍ നാം അവരെ 'തീവ്രവാദി'യാക്കുന്നു.! വളരെ വ്യക്ത്മായി പല വിധ അന്വേഷണ കമ്മീഷനുകള്‍ (ലിബര്‍ഹാന്‍ കമ്മീഷന്‍, ശ്രീ ക്രിഷ്ണ കമ്മീഷന്‍, .......) കുറ്റക്കാരെന്നും ക്രിമിനലുകളെന്നും കണ്ടെത്തിയവര്‍ക്കെതിരില്‍ ഒരു ദിവസത്തെ തടവ്‌ ശിക്ഷയോ (പോട്ടെ ഒരു മണിക്കൂര്‍!) പിഴയോ നല്‍കാനോ വിധിക്കാനോ കഴിയാത്ത നമ്മുടെ പോലീസും കോടതികളും തന്നെയാണു നിരപരാധികളെ തുറങ്കിലടക്കുന്നത്‌! കാശു വാങ്ങി കലാപം ചെയ്യുന്നവന്‍ എന്ന് വ്യക്തമായി തെളിവുണ്ടായിട്ടും കര്‍ണാടക കോടതി പ്രമോദ്‌ മുത്തലിഖിനു ജാമ്യം അനുവദിക്കുന്നു! പ്രോസിക്യൂഷനു യാതൊരും എതിര്‍പ്പും ഇല്ല!!. 'ആരോ' പറഞ്ഞു എന്ന് കേട്ടപ്പോഴേക്കും വ്യക്തമായ തെളിവുകളൂടെ അഭാവത്തില്‍ കേരളത്തില്‍ 24 മണിക്കുറും പോലീസ്‌ നിരീക്ഷണത്തില്‍ കഴിയുന്ന മഅദനിക്കെതിരില്‍ കോടതി ജാമ്യം നിഷേധിക്കുന്നു പ്രോസിക്യൂഷന്‍ ശക്തമായി തന്നെ ജാമ്യത്തെ എതിര്‍ക്കുന്നു.!! നീതിയുടെ ഇരട്ടമുഖത്തില്‍ മനം നൊന്ത്‌ ആരെങ്കിലും ആയുധവുമായി ചാടി പുറപ്പെട്ടാല്‍ അവരെ കുറ്റം പറയാന്‍ കഴിയില്ല. ഇനി മുസ്ളിം ലീഗിണ്റ്റെ കാര്യം, സമുദായത്തില്‍ എന്ത്‌ പ്രശ്നം നടന്നാലും അവര്‍ക്ക്‌ വലുത്‌ അവരുടെ 'മതേതര' ഇമേജും അധികാരങ്ങളുമൊക്കെ തന്നെയാണു. അതുകൊണ്ടാണു അവരുടെ അഖിലേന്ത്യാ പ്രസിഡണ്റ്റായിരുന്ന മര്‍ഹൂം സുലൈമാന്‍ സേട്ടും, പി എം അബൂബക്കരും സി കെ പി ചെറിയമമ്മുക്കേയി തുടങ്ങീ ആദരണീയ നേതാക്കളൊക്കെയും പാര്‍ട്ടിവിട്ടത്‌. 'തക്ക സമയത്ത്‌ യുക്തതീരുമാനം' എന്ന് ചപടാച്ചി പറയുകയല്ലാതെ ഒന്നും ഉണ്ടാകാറില്ല. അതില്‍ ഖിന്നരായ കുറെയധികം ആളുകള്‍ അക്രമാസക്തരായിതീരുകയും ചെയ്യും. ഫലം സമുദായത്തിനു വീണ്ടും ചീത്ത പേരു ബാക്കി. മുസ്ളിം ലീഗ്‌ അവസരൊത്തിനൊത്ത്‌ ഉണരുകയും 'തക്ക സമയത്ത്‌ യുക്തതീരുമാനം' എടുക്കയും ചെയ്തിരുന്നെങ്കില്‍ പല അനിഷ്ട സംഭവങ്ങളും ഒപ്പം തടിയണ്റ്റവിടമാരെയും ഒഴിവാക്കാമയിരുന്നു.

    ReplyDelete
  45. മാധ്യമം എന്ന തീവ്രവാദിപത്രം മാത്രമേ നിങ്ങള്‍ വായിക്കാറുല്ലോ കുരുത്തം കെട്ടവന്‍? അതില്‍ മഅദനി ലോകത്തെ തീവ്രവാദത്തില്‍ നിന്നും മോചിപ്പിക്കാന്‍ വന്ന ദൈവമായി എഴുതിയില്ലെങ്കില്‍ മാത്രം ഞെട്ടിയാപ്പോരെ?

    ReplyDelete
  46. 'മാധ്യമം' തീവ്രവാദി പത്രമാണെങ്കില്‍ Binu തീവ്രവാദി ബ്ളോഗര്‍ ആയിരിക്കുമല്ലോ?! കേരളത്തിലെ ജനങ്ങള്‍ ബഹുമാനിക്കുന്ന ബുദ്ദിപണയം വെച്ചിട്ടില്ലാത്ത സാംസ്കാരിക നായകരുടെ വിവേകമുള്ള വാക്കുകളായിരുന്നു ഞാന്‍ ലിങ്കിയത്‌. അപ്പോള്‍ അതില്‍ പേരെഴുതി ഒപ്പ്‌ വെച്ചവരൊക്കെയും 'തീവ്രവാദികളാ'യിരിക്കും. അങ്ങിനെ തന്നെ വേണം, കാരണം കുറച്ചാളൂകള്‍ ബിനുവിനെപോലെയും വേണമല്ലോ!! പ്രതിക്ക്‌ ജാമ്യം നല്‍കിയ കോടതി സ്വാഭാവികമായും ബിനുവിനു 'തീവ്രവാദി'കോടതി ആയിരിക്കും!!

    ReplyDelete
  47. മനോരമയെബഹിഷ്കരിക്കുക

    http://boycottmanorama.blogspot.com/

    ReplyDelete
  48. മദനി അകത്ത് കിടന്നത് അന്യായം തന്നെ എന്നാല്‍ അതിലേക്ക് നയിച്ച സഹചര്യം എന്താണെന്ന് പലരും വിസ്മരിക്കുന്നു. വെറുതെ രാഷ്ടീയപ്രവര്‍ത്തനം നടത്തിയ ആളാണോ മദനി?
    മദനിയെന്ന മഹാത്മാവ് കേരളത്തിനു നല്‍കിയ സംഭാവനയാണല്ലോ ഐ.എസ്.എസിലൂടേ പരിശീലിപ്പിച്ചെടുത്ത ചിലര്‍. അക്കൂട്ടത്തില്‍ പെട്ടതെന്ന്‍ പറയുന്ന ചിലര്‍ ഇപ്പോളും മാധ്യമങ്ങളില്‍ സജീവമാണല്ലോ?
    മദനിയാണ് കേരളത്തില്‍ പ്രസംഗങ്ങളിലൂടെ ഇത്രയും വര്‍ഗ്ഗീയ വികാരത്തിനു തുടക്കമിട്ടതെന്ന് ഞാന്‍ കരുതുന്നു.
    മനുഷ്യാവകാശപ്രവര്‍ത്തകര്‍ക്ക് മദനിയും തടിയന്റവിടയും ഒക്കെ ആകും പ്രധാനം. നാളെ ഭീകര സംഘടനകള്‍ തിരഞ്ഞെടുപ്പില്‍ ചിലപ്പോള്‍ ഇത്തരം കൂലികളെ നിറുത്തി ജനപ്രധിനിധിയായി എത്താനും വഴിയുണ്ട്.
    ചാര്‍ജ്ജ് ചെയ്യണ കേസില്‍ എല്ലാവരും ശിക്ഷിക്കപ്പെടണം എന്നില്ല.

    തടിയന്റവിടക്കു മാധ്യമങ്ങളില്‍ സംസാരിക്കുവാന്‍ അവസരം ഒരുക്കിയവര്‍ക്കെതിരെ നടപടിയെടുക്കേണ്ടതല്ലെ? ഇത്രയും പ്രാധന്യമുള്ള കെസിലെ പ്രതി അനായാസം മാധ്യമങ്ങളോട് സംസരിച്ചു. സുരക്ഷാ പാളിച്ചയല്ലാതെ എന്താണത്?

    സ്വജാതി സ്നേഹത്തിന്റെ പേരില്‍ പലരും കാര്യം പോലും നോക്കാതെ ഭീകരന്മാരെ സപ്പോര്‍ട് ചെയ്യുവാന്‍ മുന്നോട്ടുവരുന്നത് നാടിനു ആപത്താണ്.

    ReplyDelete
  49. ഇനി കൂലിയെഴുത്തുകാര്‍ക്ക് നല്ലകാലം ആണെന്ന് ഒരാള്‍ ദാ ഇവിടെ എഴുതി വച്ചിരിക്കുന്നു. ശരിയാണ്. ബ്ലോഗ്ഗില്‍ നിന്നും കുറേ എണ്ണത്തിനെ ഇങ്ങനെ കിട്ടും.

    http://vakkerukal.blogspot.com/2010/08/blog-post_19.html

    ReplyDelete