July 3, 2010

ബ്രസീലേ, നീയും?

ഇതൊരു കൊലച്ചതിയായിപ്പോയി. ജയാനന്ദനെയും റിയാസിനെയും പോലീസ് പിടിച്ചപ്പോള്‍ പോലും എനിക്ക് ഇങ്ങനെയൊരു സങ്കടം ഉണ്ടായിട്ടില്ല. എന്നെപ്പോലുള്ള ബ്രസീല്‍ ഫാന്‍സുകാരെ തീര്‍ത്തും ശുംഭന്മാര്‍ ആക്കിയ കളിയാണ് ഇന്നലെ കാക്കയും കൂട്ടുകാരും കളിച്ചത്. ആയിരം മെസ്സിക്ക് അരക്കാക്ക എന്ന എന്റെ പോസ്റ്റ് പിന്‍വലിക്കുകയാണ്. അവിടെ നടത്തിയ എല്ലാ വെല്ലുവിളികളും ഇതോടെ അസാധുവായിരിക്കുന്നു. വെല്ലുവിളി നടത്തലും പിന്‍വലിക്കലും ആരുടേയും കുത്തകയല്ലല്ലോ!!. ഇന്നലെ രാത്രി മുതല്‍ ആ പോസ്റ്റില്‍ പോയി കമന്റ്‌ ഇട്ടു കളിക്കുന്ന എല്ലാവരോടും കൂടിയാണ് ഇത് പറയുന്നത്!!. ഭ്രാന്ത് പിടിപ്പിക്കുന്നതിനും ഒരതിരുണ്ട്‌.
ഇനിയും അവിടെ കറങ്ങി എന്നെ തെറി വിളിച്ചാല്‍ ഞാന്‍ കോടതിയില്‍ കയറും. പറഞ്ഞില്ലാന്ന് വേണ്ട ! പിന്നെ നിങ്ങളായി, നിങ്ങളുടെ പാടായി.

മൂന്നാംകിട ഡച്ചുകാരോടാണ് എന്റെ ഡ്രീം ടീം അടിയറവു പറഞ്ഞിരിക്കുന്നത്. ആണ്‍കുട്ടികളോട് കളിച്ചു തോല്‍ക്കുകയാണെങ്കില്‍ അതിനൊരു അന്തസ്സ് ഉണ്ടാകുമായിരുന്നു. ഡച്ചുകാര്‍ എന്ന് കേട്ടാല്‍ പണ്ട് സ്കൂളില്‍ പഠിക്കുന്ന കാലത്തേ എനിക്ക് കലി വരും. ഫ്രഞ്ചുകാര്‍, ബ്രിട്ടീഷുകാര്‍, ഡച്ചുകാര്‍, ഇവരൊന്നും ഇല്ലായിരുന്നെങ്കില്‍ ചരിത്രം പഠിക്കാന്‍ എന്ത് സുഖമായിരുന്നു എന്ന ചിന്തയാണ് ഇവര്‍ക്കൊക്കെ എതിരെ തിരിയാന്‍ അന്ന് പ്രേരണയായത്. യുദ്ധങ്ങളും പിടിച്ചടക്കലുകളും നടത്തി ചരിത്ര പുസ്തകത്തിന് കട്ടി കൂട്ടിയ ഇവന്മാരോട് കളിച്ചു തോറ്റ ടീമിന്‍റെ കൂടെ ഇനി നിന്നിട്ട് കാര്യമില്ല. കൂറ് മാറി അര്‍ജന്റീനയുടെ കൂടെ കൂടിയാലോ ഒരു ആലോചനയിലാണ് ഞാന്‍. ഇന്നത്തെ അവരുടെ കളി കണ്ട ശേഷം ഫൈനല്‍ തീരുമാനം എടുക്കും. ബ്രസീല്‍ ജയിച്ചാല്‍ ഈ ബ്ലോഗിന്‍റെ വായനക്കാര്‍ക്ക് നല്‍കുമെന്ന് പറഞ്ഞിരുന്ന സമ്മാനം ഞാന്‍ തല്‍ക്കാലം തൂക്കി വില്‍ക്കുകയാണ്. കാക്കയേയും പൂച്ചയെയും വിശ്വസിച്ച് ഇനി മേലാല്‍ ബ്ലോഗെഴുതില്ല.

ഇതൊക്കെയാണെങ്കിലും ഇന്നലത്തെ കളി കഴിഞ്ഞ ഉടനെ ബ്രസീല്‍ ടീമിന്റെ ശവ ദാഹം നടത്തിയ മഞ്ചേരിക്കാര്‍, കാക്കയുടെ കോലം കത്തിച്ച മലപ്പുറത്തുകാര്‍, ഫ്ലക്സ്‌ ബോര്‍ഡുകള്‍ നശിപ്പിച്ച മക്കരപ്പറമ്പുകാര്‍, വള്ളിക്കുന്നിലെ വീട്ടില്‍ പായസ വിതരണം നടത്തിയ എന്റെ ജേഷ്ഠന്‍ തുടങ്ങി എല്ലാവരെയും ഞങ്ങള്‍ ബ്രസീല്‍ ഫാന്‍സുകാര്‍ നോട്ടമിട്ടിട്ടുണ്ട്.  ‘സാമിനാമിനാ വക്കാ വക്കാ’ എന്ന് മാത്രമേ ഇപ്പോള്‍ പറയുന്നുള്ളൂ.  (നിങ്ങള്‍ക്കൊക്കെ ഞങ്ങള്‍ വെച്ചിട്ടുണ്ട് എന്നാണു അതിന്റെ അര്‍ത്ഥം). അടുത്ത വേള്‍ഡ് കപ്പ് ബ്രസീലിലാണ് എന്ന കാര്യം മറക്കണ്ട!!.

38 comments:

  1. അതെയതെ....ഞാനും അത്രതന്നെ പറയട്ടെ...സാമിനാമിനാ വക്കാ വക്കാ...എന്നുവെച്ചാല്‍ ബ്രസീലില്‍ വെച്ചിട്ടുണ്ട് എന്ന്...

    ReplyDelete
  2. ദുഃഖത്തില്‍ പങ്കു ചേരാന്‍ ആഗ്രഹമുണ്ട് പക്ഷേ എന്‍റെ കൂടെ കൂട്ടിയാ എനിക്കുള്ള അടിയിലും പങ്കു കൊള്ളേണ്ടി വരുന്ന അവസ്ഥയിലാ. അതോണ്ട് ഭായ് മലപ്പുറം സൈഡില്‍ നിന്ന് വാങ്ങിക്കോ ഞാന്‍ ത്രിശൂര്‍ ഭാഗം ഏറ്റെടുത്തു. ഫ്ലെക്സ് കത്തിച്ചവരോട് ബ്രസീലിലോട്ടു വാടാ ശെരിയാക്കി തരാം. ( പടച്ചോനെ കാത്തോളണേ!!!! )

    ReplyDelete
  3. ലിഷ്ട്ടപ്പെട്ടു..

    ReplyDelete
  4. ബഷീര്‍.. അര്‍ജെന്റിന്‍ ഫാന്സിലേക്ക് സ്വാഗതം... താങ്കളുടെ മുമ്പത്തെ പോസ്റ്റില്‍
    താങ്കള്‍ ആദ്യം കൊടുത്ത heading (ആയിരം കാക്കക്ക് അര മെസ്സി എന്നത്
    തിരുത്തി ആയിരം മെസ്സിക്ക് അര കാക്ക എന്നാക്കി) തന്നെ യാണ് ശരി ...
    തോല്കുന്നെങ്കില്‍ ഉറുഗ്യ യോട് തോറ്റ ഘനെ യുടെ തോല്‍വി പോലെ പൊരുതി യാവനമായിരുന്നു . ബ്രസീല്‍ സെക്കന്റ്‌ halfil കളിച്ച കളി കണ്ടിട്ട് ഇന്ത്യക്കും അവരെ തോല്പിക്കം എന്ന് തോന്നി പോയി.

    ReplyDelete
  5. കാണുക ഇന്ന് വൈകീട്ട് 4.30 നു സകല ചാനലുകളിലും "വന്‍ വീഴ്ചകള്‍"

    എപ്പോള്‍ വേണമെങ്കിലും കാണുക....
    ബ്രസീല്‍: ഓപ്പണ്‍ ദി ഹിസ്റ്ററി ചാനല്‍

    ReplyDelete
  6. സങ്കടായി വള്ളികുന്നെ സങ്കടായി.

    ReplyDelete
  7. ഇക്കാ... ചങ്കില്‍ കുത്തല്ലേ ഇക്കാ...

    ReplyDelete
  8. ആമിനാമിനാ... വാ... വാ.... ബെക്കം ബെക്കം വാ... വാ... ആമിനാമിനാ... എന്താ ഇക്കാ.... ദിസ്‌ ടൈം ഫോര്‍ ജാഫര്‍ക്കാ...

    ReplyDelete
  9. i would like to say I am very proud of them still ans always, despite the fact that they lost to nertherlands. No matter what people say or do, Dunga you have contributed to the team and this year is just not our year. We will remaine the five time champions and come 2014 the 6 time champions.

    i am a brazilin Fan..and i am really proud of them....

    ReplyDelete
  10. അയ്യേ കഷ്ടം , പെലെയുടെയും സീകൊയുടെയും റൊണാള്ടോയുടെയുമൊക്കെ പിന്മുറക്കാര്‍ ഇന്നലെ കളിച്ചത് കണ്ടപ്പോള്‍ സങ്കടം തോന്നിപ്പോയി

    ഫൌള്‍ കളിയ്ക്കാന്‍ മാത്രമായിട്ടു വേണ്ടി ഒരു ടീം കഷ്ടം

    അങ്ങാടിയില്‍ തോല്ക്കുന്നതിനു ഇനി അമ്മയോടാവും

    ഇപ്പൊ ബ്രസീല്‍ ഫാന്സുകാര്‍ക്ക് അര്‍ജന്റീന തോല്ക്കണേ എന്നാ പ്രാര്‍ത്ഥന

    അയ്യേ കഷ്ടം , പെലെയുടെയും സീകൊയുടെയും റൊണാള്ടോയുടെയുമൊക്കെ പിന്മുറക്കാര്‍ ഇന്നലെ കളിച്ചത്



    നടക്കൂല മോനെന്നു ഇപ്പൊ പറയുന്നില്ല രാത്രി പറയാം

    ReplyDelete
  11. പഴയ പോസ്റ്റിന്റെ ഹെഡിംഗ് തിരുത്തിയപ്പോഴേ വിചാരിച്ചതാ ഇത് പിഴക്കും എന്ന്.

    കക്കാമാരുടെ പേരു ചീത്തയാക്കിയത്തിനു 'കാക്ക' മാപ്പ് പറയണം.

    ReplyDelete
  12. പൊന്നും കുടത്തിനു എന്തിനാ പൊട്ട്, ബ്രസീലിനു എന്തിനാ കപ്പ്‌ , ഞങ്ങള്‍ എന്നുമുണ്ടാവും.. ചിലപ്പോ നേടും.. ചിലപ്പോ പൊരുതി വീഴും , പക്ഷെ എല്ലാകാലത്തും എല്ലാ ടീമും ഭയക്കുന്ന ടീം ഞങ്ങളയിരികും...

    ReplyDelete
  13. സഫീര്‍:
    ഹിസ്റ്ററി ചാനല്‍ കാണുന്നുണ്ടെന്ന് തോന്നുന്നു....!
    എല്ലാം സ്മരിക്കാന്‍ അതാണ്‌ നല്ലത്....
    ഇന്നത്തെ മിക്ക ബ്രസീല്‍ ഫാന്‍സും ബ്രസീല്‍ കൂടുതല്‍ കപ്പ്‌ എടുത്ത ടീം എന്ന നിലക്ക് അതിനെ സപ്പോര്‍ട്ട് ചെയ്യുന്നവര്‍ ആണ്.
    കളിയുടെ സൌന്ദര്യം ബ്രസീലില്‍ നിന്നും എന്നോ മാഞ്ഞുപോയിട്ടുണ്ട്.... ഇപ്പൊ വെറും കാളപ്പോര് മാത്രം...!

    പക്ഷെ കേവലം രണ്ടു വട്ടം മാത്രം കപ്പ്‌ എടുത്ത അര്‍ജെന്റിനക്കൊപ്പം ബ്രസീലിനോപ്പമോ അതിലേറെയോ ആളുകള്‍ സപ്പോര്‍ട്ട് ചെയ്യുന്നത് എന്ത് കൊണ്ട്?
    രണ്ടും മൂന്നും നാലും വട്ടം കപ്പ്‌ നേടിയ മറ്റു ടീമുകള്‍ ഉണ്ടല്ലോ...?

    അര്‍ജെന്റിനയെ പിന്തുണക്കുന്നവര്‍ അവരുടെ കളി സൌന്ദര്യം കണ്ടിട്ടാണ്.
    അല്ലാതെ വല്ല്യപ്പാക്ക് 5 ആന ഉണ്ടായിരുന്നത് കൊണ്ടല്ല....!

    ReplyDelete
  14. ഞാന്‍ ഫൈനലില്‍ ഗപ്പ് കൊണ്ട് പോവുന്ന ടീമിന്‍റെ കൂടയാ.... എന്തു ബ്രസീല്‍ എന്തു അര്‍ജന്‍റീനാ.....

    ReplyDelete
  15. ഞാന് ഹംസയുടെ കൂടെയും

    ReplyDelete
  16. ശരിയാ
    ഈ ഡച്ചുകാരോടു മുട്ടി അമ്പിയത് മോശം
    വല്ല ഹോളണ്ടിനോടോ നതര്‍ലാന്റ്സിനോടോ ഒക്കെ ആയിരുന്നെങ്കി ക്ഷമിക്കാമായിരുന്നു
    അത് തന്നെയാണല്ലോ ഈ സാമിനാമിനാ വക്കാ വക്കാ എന്ന് പറഞ്ഞാല്‍....യേത്?

    ReplyDelete
  17. ബഷീര്‍ -സമ്മര്‍ദങ്ങള്‍ക്ക് മുമ്പില്‍ രണ്ടു ഗോളുകള്‍ക്ക് "വഴങ്ങി"എന്നതൊഴിച്ചാല്‍ "സാങ്കേതികമായി" ബ്രസീല്‍ തോറ്റിട്ടില്ല എന്നേ പറയാവൂ. ആഫ്രിക്കയില്‍ ഏതോ രാജ്യക്കാര്‍ കളിച്ചു തോല്‍ക്കുമ്പോള്‍ മലപ്പുറത്തും വയാനാട്ടിലുമൊക്കെ ആളുകള്‍ തല്ലുണ്ടാക്കുന്നു. ആത്മഹത്യ ചെയ്യുന്നു. പരീക്ഷയിലെന്ന പോലെ കളിയിലും ഇനി ഗ്രേഡ് നിശ്ചയിക്കണം. അല്ലെങ്കില്‍ ജീവിതത്തില്‍ ഒരിക്കല്‍പോലും പന്ത് വാങ്ങി ഉരുട്ടി നോക്കിയിട്ടില്ലാത്തവരൊക്കെ അര്‍ജന്റീനയോ ബ്രസീലോ തോറ്റെന്നു കേട്ടാല്‍ തൂങ്ങി ചത്തു കളയും. കളിയാവാം, കളി ഭ്രാന്താവരുത്. ദിസ്‌ ടൈം "ബോര്‍" ആഫ്രിക്ക

    ReplyDelete
  18. True, that the name Kaka has a Mapila touch, yet the Dutch wasn't a "moonaam kida" at all, at least it wasn't so yesterday. They fought like lions and won. The Kaka brigade was a shadow of their former self. So, better not join any side now till the final day's final shot. That's the safest way to avoid yellow cards.

    ReplyDelete
  19. ഒന്നു വീണപ്പോള്‍ പരുക്കന്‍ കളി എടുക്കുന്നു. ആരെയെങ്കിലും അടുത്തെത്തിയാല്‍ ഉടന്‍ വീഴുന്നു. ഒടുക്കം അവരും വീണു...
    :-)

    ReplyDelete
  20. അവര്‍ക്ക് കുറച്ചുകൂടി നല്ല ഫീല്‍ഡ് സിനിമയാണെന്ന് തോന്നുന്നു. അഭിനയിക്കാന്‍ പോയാല്‍ അടുത്ത ഓസ്കാര്‍ ബ്രസീലിലിരിക്കും

    ReplyDelete
  21. ഇന്നലെ ഹോളണ്ട് നന്നായി കളിച്ചു, ജയിച്ചു. എങ്കിലും ബ്രസീലിന്റെത് കാടന്‍ കളിയായിരുന്നെന്നു പറയാതെ നിവര്ത്തിയില്ല.
    ബ്രസീലിന്റെ കളിയെ പറ്റി :

    http://pulchaadi.blogspot.com/2010/07/blog-post.html

    ReplyDelete
  22. Basheerukka,
    Iam also feel bad about the paly and also disapponited much. No Problem at all. Wait and see in Brazil, next world cup

    ReplyDelete
  23. അത് ശരി, ഇവിടെ കുറെ കമന്റുകള്‍ വന്നിട്ടുണ്ട് അല്ലെ. ഞാന്‍ ബ്രസീല്‍ ടീമിനെ ചീത്ത വിളിച്ചവരുടെ ലിസ്റ്റ് എടുക്കാന്‍ പോയതായിരുന്നു!!. ഇന്നത്തെ കളി കൂടി കണ്ടിട്ട് ബാക്കി നാളെ പറയാം.

    ReplyDelete
  24. ബഷീര്‍...ഞാന്‍ കൂറ് മാറി ... അര്‍ഗെന്റിനെ ഫാന്‍സില്‍ നിന്നും രാജി വച്ചു..സ്പൈന്‍ ഫാന്‍സില്‍ അപേക്ഷ കൊടുതിടുണ്ട് .. ഇനി സ്പൈന്‍ ആണ് ഒരു പ്രതീക്ഷ

    ReplyDelete
  25. അയ്യേ...എന്നാലും ഇങ്ങനെയുണ്ടോ ഒരു തോല്‍വി?!!! നാല് പൂജ്യം!! ചെയ് ഇനി അര്‍ജെന്റിന ഫാന്‍സും ഹിസ്റ്ററി ചാനെല്‍ കണ്ടു തുടങ്ങിക്കോ...ചിലപ്പോ അതില്‍ കാണിക്കുന്നുണ്ടാവും എങ്ങനെയാ ഗോള്‍ അടിക്കേണ്ടത് എന്ന്!!!...ഹ ഹ ഹ...

    ReplyDelete
  26. ഹഹഹഹ . . .

    അര്‍ജന്റീന ഫാന്‍സ്‌ ഇപ്പോ എന്തുപറയുന്നു?

    ജര്‍മനിയോട് ഇപ്പോള്‍ തോറ്റതേ ഉള്ളൂ. എന്തൊരു നാണംകെട്ട തോല്‍വി!! ഇപ്രാവശ്യത്തെ വേള്‍ഡ്‌ കപ്പില്‍ ലാറ്റിനമേരിക്കക്കാര്‍ക്ക് പൊതുവേ കഷ്ടകാലമാണെന്നു തോന്നുന്നു...

    ReplyDelete
  27. ഹ ഹ മെസ്സി പോയി,അങ്ങിനെ മറഡോണയും ശവമായി.ഇങ്ങിനെയൊരു തോല്‍വിയുണ്ടോ!!!

    ReplyDelete
  28. നിങ്ങള്‍ അങ്ങനെ ഒറ്റയ്ക്ക് ഹിസ്റ്ററി ചാനല്‍ കാണണ്ട.....!
    ഞങ്ങള്‍ക്കും കാണണം.....!
    ഒന്ന് നീങ്ങി ഇരിക്കിന്‍...........!

    ReplyDelete
  29. Just watched a TV channel talking to Mallu guys in Calicut. Bingo! Suddenly they are all German fans. One declared: "Latin American football isn't the only football. There are others around in this game too. Today Germany has proved it. And I knew it." Hare wah! We Mallus are incorrigible.

    ReplyDelete
  30. നാട്ടില്‍ എല്ലാതിന്നും വില കൂടിയിട്ട് ജീവിക്കാന്‍ ബുദ്ധി മുട്ടി കൊണ്ടിരികുംപോയും ബ്രസീല്‍ ഫാന്‍സ്‌ എന്നും അര്‍ഗെനിട്നെ ഫാന്‍സ് എന്നും പറഞ്ഞു നൂറു കണക്കിന് flex ബോര്‍ഡുകള്‍ നാട്ടില്‍ എല്ലായിടത്തും തൂക്കിയ നാട്ടിലെ ഫുട്ബോള്‍ പ്രേമികളെ പോട്ടന്മാരാക്കി കാക്ക യും പോയി മെസ്സി യും പോയി ...
    അതാ പറഞ്ഞേ‌ "മെസ്സിയെ കണ്ടും കക്കാനെ യും കണ്ടും വേള്‍ഡ് കപ്പ്‌ മോഹിക്കരുത് "

    ReplyDelete
  31. ബസീര്ക അന്നേ ഞാന്‍ പറഞ്ഞു നമ്മുടെ കൂടെ കൂടിക്കോ എന്ന്
    ജയിക്കുന്ന ടീം അതാണ് നമ്മുടെ ടീം
    ഇപ്പൊ എന്തായി ???
    ആയിരം മെസ്സിക്ക് അര കാക്ക !!
    ആയിരം കാക്കക്ക് അര മെസ്സി !!
    ദേ മെസ്സിയും വീണു
    വേഗം പുതിയ പോസ്ടിടാന്‍ നോക്ക്

    ReplyDelete
  32. എന്തൊക്കെ ആയിരുന്നു ... മെസ്സി കലക്കും , അര്‍ജെന്റീന ഒലത്തും , എന്തായാലും ബ്രസീല്‍ പൊരുതിയാണ് തോറ്റത്,
    പക്ഷേ അര്‍ജെന്റീന ക്ക് നാലെണ്ണം ആണ് കിട്ടിയത് , രണ്ടെണ്ണം കൂടി ഉണ്ടെങ്കില്‍ വല നിറയുമായിരുന്നു,

    ബ്രസീലുകാരുടെ കണ്ണീരാണ് ഗോളുകളായി അര്‍ജെന്റീന യുടെ വലയില്‍ വീണത് ..

    എന്തായാലും ബഷീര്‍കാക് സമാധാനിക്കാം.. കാക്കയും മെസ്സിയും ഗോള്‍ അടിച്ചിട്ടില്ല ,
    ബ്രസീലിനു വേണ്ടി ഇനി അടുത്ത കോപ്പ അമേരിക്കയില്‍ കൊടി പിടിക്കാം
    ഞാന്‍ കാണുന്ന ചാന്‍സ് ഇനി ഹോളണ്ട് നാണ് ...എന്റെ ആഗ്രഹം അതാണ്‌ , കാരണം ലോകത്തിലെ മികച്ചവരുടെ മുന്നിലാണ് ഞങ്ങള്‍ കീഴടങ്ങിയത് എന്നെങ്കിലും ആശ്വസിക്കാമല്ലോ ...

    ReplyDelete
  33. ഏതായാലും രണ്ട് വന്പന്മാരും തോറ്റ സ്ഥിതിക്ക്..
    ഫാന്സുകാരുടെ തള്ളിച്ച കുറച്ച് കൊറഞ്ഞു കിട്ടും..
    പിള്ളേരൊക്കെ പണിക്കു പോട്ടെ
    അല്ലേ?

    ReplyDelete
  34. അങ്ങിനെ അര്‍ജന്റീനയും പോയി .. മെസ്സിക്ക് മുകളില്‍ ക്ലോസെ പറന്നു
    read >> http://areekkad.blogspot.com/2010/07/blog-post.html

    ReplyDelete
  35. ഹ ഹ ഹ ഞാന്‍ ബഷീര്‍കാട് അന്നേ പറഞ്ഞതാ ഈ കളിയുടെ പിന്നാലെ പോകണ്ടാന്നു
    പട്ടി ചന്തക്കു പോയപോലെ എന്നൊരു പ്രയോകമുണ്ട് ബ്രസീലും അര്‍ജെന്റീനയും ഏതാണ്ട് അതുപോലെയല്ലേ
    തിരിച്ചുപോയത് .കാകയോടും മെസ്സിയോടും ത്രിശൂര്ക് വരാന്പറ "ഇമ്മടെ പ്രാഞ്ഞിയെട്ടെന്റെ കാടെന്നു ബോട്ടിയും കൊള്ളിയും
    പോരാത്തതിനു കൊടുങ്ങല്ലൂര്‍ ഭരണിക്ക് പാടുന്ന നല്ലൊരു "പൂരപാട്ടും"പാടികൊടുക്കാം

    ReplyDelete
  36. ലോകകപ്പില്‍ പുറത്തേക്ക് തെറിച്ച ഒരു ബോള്‍ പോലും കൈകൊണ്ട് എടുത്തകൊടുക്കാന്‍ യോഗ്യതയില്ലാത്തനമ്മള്‍ ഈ ഭ്രാന്തമായ ആവേശം കാണിക്കുന്നതെന്തി നെന്നു മനസ്സിലാകുന്നില്ല വിടിന് മഞ്ഞ പെയിന്ടടിക്കുന്നു ഭകഷ്യവസ്തുക്കള്‍ക്ക് പോലും
    കളര്‍ അടിച്ചു നശിപ്പിക്കുന്നു തന്റെ നാട്ടുകാര്‍ കളിച്ചു ജയിക്കുമ്പോള്‍ യുറോപ്പുകാര്‍ കാണിക്കുന്ന തിനേക്കാള്‍
    കുടുതല്‍ ആവേശം ,,,,,,,,,,,,

    അത്പോലെ ഈയിടെ കാണാന്‍ തുടങ്ങിയ മറ്റൊരു രോഗമാണ്‍ താ രാരാധന പഴയ കാലങ്ങളില്‍ പക്വത യില്ലാത്ത പാണ്ടികള്‍ ആയിരുന്നു താരങ്ങളെ പുജിക്കുകയും
    അവര്‍ക്കംബലങ്ങലുണ്ടാക്കുകയും മറ്റും ചെയ്തിരുന്നത് ഇപ്പോളത് ബുദ്ധി യുള്ളവരെന്നു പറഞ്ഞിരുന്ന മലയാളികളുടെ നാട്ടിന്‍പുറങ്ങളിലും കണ്ടുവരുന്നു മോഹന്‍ലാലിന്റെ
    പടത്ത്തിനടുത്ത്തന്നെ മമ്മുട്ടിയുടെപടവും അതിനു പൂമാലചാര്‍ത്തലും വിളക്ക്വെക്കലും മറ്റുംഅവര്‍ രണ്ട പേരുംകുടുമ്പംപോറ്റാന്‍ അവരുടെജോലിയായ അഭിനയംതുടരുന്നു ചിലത്വിജയിക്കുന്നു ചിലത് പരാചയപ്പെടുന്നു അത്നേരംപോക്കായിക്കാനേണ്ട കാര്യത്തിനുജിവന്‍ വെടിയാന്‍പോലും തയ്യാറാകുന്ന യുവാക്കളെ
    എന്ത് വിളിക്കണമോ ആവോ?

    ReplyDelete
  37. http://www.koyamonvelimukku.blogspot.com/

    http://www.youtube.com/user/koyamon7#g/u

    http://www.youtube.com/watch?v=OpdIU66VudY

    ReplyDelete
  38. എനിക്ക് കിട്ടിയ ഒരു 'അസ്ഥിസഞ്ചായന' ക്ഷണ പത്രം കിട്ടതവര്‍ക്കായി എവിടെ കൊടുക്കുന്നു.
    പ്രിയരേ,
    ഞങ്ങളുടെ ടീം ബ്രസീല്‍ ഇന്നലെ രാത്രി (2/7/10) വെള്ളിയാഴ്ച ദാരുണമായി മരണപ്പെട്ട വിവരം വ്യസനസമേതം അറിയിച്ചു കൊള്ളുന്നു.
    ആയതിന്റെ അസ്ഥിസഞ്ചയനകര്‍മം 11/07/10 ഞായറാഴ്ച രാവിലെ 9.00 നും 10.00 നും ഇടയ്ക്കു ത്രുപയര്‍ ഈസി നെറ്റ് പരിസരത്ത് നടത്തുവാന്‍ നിശ്ചയിച്ചിരിക്കുന്നു. പ്രസ്തുത ചടങ്ങില്‍ താങ്കള്‍ പങ്കെടുക്കുവാന്‍ സ്നേഹപൂര്‍വ്വം ക്ഷണിച്ചു കൊള്ളുന്നു.
    എന്ന് അച്ഛന്‍,
    ദുംഗെ

    മക്കള്‍ : റൊണാള്ടിണോ, റോബിനോ, ഒടിഞ്ഞോ, തിരിഞ്ഞോ, മറിഞ്ഞോ, പിഴിഞ്ഞോ, കാക്ക, കീക്കി, കൂക്കൂ, റിവാള്‍ഡോ, പോടോ, എന്താടോ, പോയി കിടന്നുരങ്ങേടോ.

    ReplyDelete