June 10, 2010

ശ്രീശാന്തിന് എന്‍ ഒ സി കൊടുക്കൂ, പ്ലീസ്

ശ്രീശാന്ത് ഇനി കേരളത്തിന് കളിക്കില്ലത്രെ. ഇവിടം മടുത്തു എന്നാണ് പയ്യന്‍സ് പറയുന്നത്. കേരള ക്യാപ്റ്റന്‍ സ്ഥാനത്തു നിന്ന് നീക്കിയതാണ് പുള്ളി ഹീറ്റാവാന്‍ കാരണം.  'നീ എവിടേലും പോയി കളിക്കെടാ കൊച്ചാ' എന്ന നിലപാടിലാണ് കേരള ക്രിക്കറ്റ് ബോര്‍ഡ്. ഇത് ഇങ്ങനെയൊക്കെ വരും എന്ന് മഹാ ദീര്‍ഘവീക്ഷണനായ ഞാന്‍ മുമ്പേ പറഞ്ഞതാണ്. (ഉടന്‍ വരുന്നു, ശ്രീശാന്തിന്റെ വന്‍വീഴ്ചകള്‍ !) അന്ന് പറഞ്ഞത് തന്നെയാണ് എനിക്ക് ഇപ്പോഴും പറയാന്‍ ഉള്ളത്. കയ്യിരുപ്പു നന്നായില്ലെങ്കില്‍ ക്രിക്കറ്റ്‌ ബോര്‍ഡ് എന്നല്ല സാക്ഷാല്‍ പിണറായി വിജയന്‍ വിചാരിച്ചാല്‍ പോലും ആരെയും രക്ഷിക്കാനാവില്ല.


സംഗതി, ശ്രീശാന്തിന്റെ കയ്യില്‍ മരുന്നുണ്ട്. ഇന്റര്‍നാഷണല്‍ ക്രിക്കറ്റര്‍ ആണ്. കേരളത്തിന് അഭിമാനമാണ്.  സമ്മതിക്കുന്നു, ബഹുമാനിക്കുന്നു. പക്ഷെ ശ്രീശാന്തിനെക്കാള്‍ നല്ല ക്രിക്കറ്റര്‍മാര്‍ ഇന്ത്യയില്‍ ഉണ്ട്. അവരൊന്നും ഇത്രയും തണ്ടും തടവും കാണിച്ചിട്ടില്ല. സച്ചിനെ നോക്കൂ.. ലോക ക്രിക്കറ്റിന്റെ ഏറ്റവും ഉയരങ്ങളില്‍ ആണ് അദ്ദേഹം. ഇപ്പോല്ല, കൊച്ചായിരുന്നപ്പോള്‍ മുതല്‍.. പക്ഷെ ഒരിക്കല്‍ പോലും ആളുകളോട് അയ്യടാ എന്ന് പറയിച്ചിട്ടില്ല. ശ്രീശാന്തിന്റെ ട്രാക്ക് റെക്കോര്ഡ് (കളിയിലും കളിക്ക് പുറത്തും.. പുറത്താണ് കൂടുതല്‍ കളി ) ശ്രീശാന്ത് തന്നെ വിലയിരുത്തുന്നത് നല്ലതാണ്. 


കേരളത്തിന് കളിക്കണോ വേണ്ടയോ എന്ന് തീരുമാനിക്കാന്‍ അദ്ദേഹത്തിന്  അവകാശമുണ്ട്‌.  ശ്രീശാന്ത് കളിച്ചാലും ഇല്ലേലും കേരള ക്രിക്കെറ്റ് അടുത്ത കാലത്തൊന്നും നന്നാവാന്‍ പോണില്ല. അതിന് കള്ള് വേറെ കുടിക്കണം എന്ന് പറഞ്ഞ പോലെ അതിന് കളിക്കാരും ബോര്‍ഡും വേറെ വരണം. ഇപ്പോഴുള്ളവരെക്കൊണ്ട് അതൊന്നും നടക്കുമെന്ന് തോന്നുന്നില്ല. എനിക്ക് ക്രിക്കറ്റ് ബോര്‍ഡിനോട് പറയാനുള്ളത് ടീവീയിലിരുന്ന്‍  വിഴുപ്പ്ലക്കാതെ ഈ പയ്യന് എത്രയും പെട്ടെന്ന് എന്‍ സി കൊടുത്ത് പറഞ്ഞു വിടണം എന്നാണ്. ഇനിയും ഈ ക്രിക്കറ്ററെ 'പീഡിപ്പിക്കരുത്'. എവിടേലും പോയി കളിച്ചു നന്നാവട്ടെ. ആരോടെങ്കിലും തല്ലു വാങ്ങിച്ചു തിരിച്ചു വന്നാല്‍ നമുക്ക് അപ്പോള്‍ നോക്കാം. ന്താ.. ?

33 comments:

  1. കൊള്ളാം, നന്നായിട്ടുണ്ട്. വേണ്ടതെല്ലാം വലിയ ബഹളമില്ലാതെ പറഞ്ഞു.

    ടാറ്റ, ബൈ, ബൈ, ഒകെ, സീ യൂ (അവസാനത്തേത് വേണോന്നൊരു സംശയം)! ഇനി കൊച്ചി ഐ പി എല്ലില്‍ കളിക്കുമെന്നൊരു ഭീഷണി കൂടി നിലനില്‍ക്കുന്നുണ്ട്. ആരോടെങ്കിലും വഴക്കിട്ടു അത് കൂടി ഒന്ന് മാറ്റിത്തന്നാല്‍ സമാധാനമായി.

    ReplyDelete
  2. ഇങ്ങക്ക് ഓന്റെ പേര് കേട്ടാല്‍ ഇങ്ങനെ ചോര തിളക്കുന്നത് എന്താ മാഷേ.. ഓനെ ഒന്നുകില്‍ ഓനെ ശ്രീ ശ്രീ ശ്രീ രവി ശങ്കറിന്റെ അടുത്ക് ബിടീം. (ബല്ല ശാന്തതയും ...?! കിട്ടിക്കോട്ടേ ) അല്ലെങ്കില്‍ വള്ളികുന്നില്‍ ഓന് പറ്റിയ വല്ല പെണ്ണും ഉണ്ടോ എന്ന് നോക്കീ . ... ഇല്ലെങ്കില്‍ ഓനെ ഏറനാടിക്ക് ബിടീന്‍... അവിടെ ഇപ്പോളും യുദ്ധം നടന്നു കൊന്ടിരിക്ക്യന്നു

    ReplyDelete
  3. @ Ashraf Unneen : ബോളിവുഡിലെ പെണ്ണുങ്ങളെ കൂടെ നടന്നാണ് ഈ കോലത്തില്‍ ആയത് എന്നാണു പിന്നാമ്പുറ സംസാരം. ഓന് ഇനിയും പെണ്ണ് നോക്കണോ? .

    ReplyDelete
  4. ശ്രീശാന്ത് അവന്റെ വഴിക്കു പോകട്ടെ!

    ആ ചെക്കന്റെ സ്വഭാവം അത്ര ശരിയല്ല; കെരള ക്രിക്കറ്റ് അസോസിയേഷനാണെങ്കിൽ അതിലും ബെസ്റ്റ്!

    ReplyDelete
  5. എന്റെ നേര്‍ച്ച ഫലിക്കുന്നെന്നാ തോന്നുന്നേ. കേരളത്തില്‍ ഒരാളും ഇതോര്‍ത്ത് സങ്കടപ്പെടും എന്ന് തോന്നണില്ല . മനോരമ ഒഴിച്ച്.
    ചിലയിടത്തൊക്കെ ആഹ്ലാദ പ്രകടനവും നടന്നത്രേ. വേണം . ആദ്യമായാണ്‌ ശ്രീശാന്ത് ഒരു നല്ല കാര്യം പറയുന്നത്.

    ReplyDelete
  6. അപ്പോ സങ്കടപ്പെടാന്‍ ഒരാളും ഇല്ലേ.. ഈ ചെക്കനെ നാട്ടാര് മുഴുവന്‍ വെറുത്തോ.. ഞാന്‍ കരുതി ശ്രീശാന്ത് ആരാധകരായി കുറച്ചു പേരെങ്കിലും കാണുമെന്ന്.. പയ്യന്‍സിന്റെ കാര്യം കട്ടപ്പൊക..

    ReplyDelete
  7. This comment has been removed by the author.

    ReplyDelete
  8. ശ്രീശാന്ത്‌ ഇന്ത്യ കണ്ട ഏറ്റവും മികച്ച സ്വിംഗ് ബോളര്‍മാരില്‍ ഒരാളാണ്, അതേസമയം ഇന്ത്യന്‍ ക്രിക്കറ്റ് കണ്ട, മോശം സ്വഭാവം കളിക്കത്തില്‍ പ്രകടിപ്പിച്ച ആളുകളില്‍ ഒരാളും. ഒടുവിലത്തെ ഫോം വെച്ച് നോക്കുകയാണെങ്കില്‍ മുന്‍പത്തെ പ്രതിഭയുടെ നിഴല്‍ മാത്രമായി മാറുന്നു ശ്രീശാന്ത്‌. പക്ഷെ അത് ബോള്‍ സ്വിംഗ് ചെയ്യാത്തത് കൊണ്ടല്ല, മറിച്ചു കുറെക്കാലം പരിക്കുമൂലം കളിക്കളത്തില്‍ നിന്ന് വിട്ടു നിന്നത് കൊണ്ട് ലൈനും ലെങ്ങ്തും നഷ്ട്ടപ്പെട്ടത്‌ കൊണ്ടാണ് .
    പക്ഷെ ഒരു കാര്യം ഉണ്ട്, ഒരു കളിയില്‍ മാത്രം ക്യാപ്ടന്‍ ആയി(അത് ജയിച്ചു ,ക്യപ്ടന്‍സി കൊണ്ടോ എന്തോ?!) നിന്ന ഒരാളെ ഉടന്‍ മാറ്റുന്നത് എന്ത് ന്യായീകരണം വെച്ചാണ്?
    ശ്രീശാന്ത്‌ മാറുന്നത് ഒരുപക്ഷെ നല്ലതായിരിക്കും. സ്വഭാവത്തില്‍ മാറ്റം വന്നില്ലെങ്കിലും കളിയില്‍ വീണ്ടും പഴയ പോലെ ഒരു മികച്ച ബോളര്‍ ആയി മാറാന്‍ കഴിഞ്ഞേക്കും. ഇന്നത്തെ ഇന്ത്യന്‍ ടീമില്‍ ബോളര്‍മാരെക്കുറിച്ച് തീരെ പ്രതീക്ഷയില്ല, അപ്പോള്‍ പ്രതിഭയുള്ളവരെ മെച്ചപ്പെടുത്തുവാനല്ലേ നോക്കേണ്ടത്(സ്വഭാവം എന്തുമായിക്കോട്ടെ!)....

    ReplyDelete
  9. ശ്രീശാന്തിന്റെ കരണക്കുറ്റിക്ക്‌ രണ്ടു കൊടുക്കേണ്ട സമയം അതിക്രമിച്ചിരിക്കുന്നു...
    read this also

    http://aacharyan-imthi.blogspot.com/2010/06/blog-post_9831.html

    ReplyDelete
  10. >>കയ്യിരുപ്പു നന്നായില്ലെങ്കില്‍ ക്രിക്കറ്റ്‌ ബോര്‍ഡ് എന്നല്ല സാക്ഷാല്‍ പിണറായി വിജയന്‍ വിചാരിച്ചാല്‍ പോലും ആരെയും രക്ഷിക്കാനാവില്ല.<<
    ..അല്ല വള്ളിക്കുന്നേ എന്താ ഇതിന്റെ അര്‍ത്ഥം? ഏതു കൊള്ളരുതാത്തവനേയും രക്ഷിയ്ക്കാന്‍ നടക്കുന്നയാളാണ് പിണറായി എന്നല്ല, അങ്ങനെയല്ലേ? ഏതപ്പന്‍ വന്നാലും അമ്മയ്ക്കു കിടക്കപ്പൊറുതിയില്ല എന്നൊരു ചൊല്ലു കേട്ടിട്ടുണ്ട്. ശ്രീശാന്ത് ചൂടായാലും താങ്ങ് പിണറായിയ്ക്കിരിയ്ക്കട്ടെ.

    ReplyDelete
  11. ലിത് കൊള്ളാം. നിക്ക് ക്ഷ പിടിച്ചു.

    ReplyDelete
  12. പിണറായിയെ ഇതിലേക്ക് വലിച്ചിഴച്ചത് ശരിയായില്ല. :)

    ReplyDelete
  13. dear vallikkunnu,dont compare sreesanth with pinarayi

    ReplyDelete
  14. അല്ലെങ്കിലും ഒരു മലയാളിക്ക് വേറൊരു മലയാളി പ്രശസ്തനാകുന്നത് കണ്ടുകൂടാ ഹ ഹ ഹ.

    ReplyDelete
  15. അഹങ്കാരത്തിനു കയ്യും കാലും വച്ച്‌, മുടിഞ്ഞ തലക്കനവുമായി നടക്കുന്ന ഈ മോന്‍ മലയാളികള്‍ക്ക്‌ അപമാനമാണു. എത്രയും പെട്ടന്ന്‌ ഇവനു എന്‍ ഓ സീ കൊടുത്ത്‌ എങ്ങോട്ടെങ്കിലും പറഞ്ഞയയ്ക്ക്‌. ഐ പി എല്‍ കൊച്ചി റ്റീമിലും ഇവനെ അടുപ്പിക്കരുത്‌. അത്രയ്ക്ക്‌ വെറുപ്പിച്ചിട്ടുണ്ട്‌ ഇവന്‍ മലയാളികളെ.

    ReplyDelete
  16. ഗോപു മോന്‍
    മൌലിയില്‍ മയില്‍ പീലി എന്ന രീതി ....

    ബൌളിങ്ങില്‍ അടി കൊണ്ട് നൂരും
    വന്നിട്ട് ചൊറിയും നീ ആരേം
    ഗുലുമാല് പിടിക്കാനായ് ഇന്ന് നീ ചൊല്ലി
    ഗോപു കുമാരനെ ക്യപ്ത്നാകണം ..എന്നും
    ഗൊപൂമോനെ ക്യപ്ത്നാക്കണം

    നന്നാവില്ല ഞാന്‍ അമ്മെ നന്നാവില്ല ഞാന്‍

    ReplyDelete
  17. @ ബിജുകുമാര്‍
    @ Rejith
    @ perooran

    നാലാള് പറഞ്ഞാല്‍ നാട്ടീന്നു പോണം എന്നാണ്. പിണറായിയെ ഇതില്‍ 'വലിച്ചിഴച്ചതില്‍' ഞാന്‍ നിര്‍വ്യാജം ഖേദിക്കുന്നു!!. പുള്ളിയെ നമുക്ക് വിടാം. ശ്രീശാന്തിന്റെ കാര്യം പറ..

    ReplyDelete
  18. ശ്രീ ശാന്തിനെ കാണുമ്പോഴാണ് ഹര്‍ബജനെ നമ്മള്‍ സ്നേഹിച്ചു പോകുന്നത്.

    ReplyDelete
  19. നിങ്ങള്‍ ഒരു മത മൌലിക വാദിയാണ് നിങ്ങളുടെ പലപ്പോസ്റ്റും അത് വിളിച്ചു പറയുന്നുണ്ട് ..പിണറായിയെ ഇതിലേക്ക് വലിച്ചിഴച്ചതും മറ്റൊരു അര്‍ത്ഥത്തില്‍ അല്ല

    ReplyDelete
  20. ഇന്ത്യന്‍ ക്രിക്കറ്റ് ടീമിലെത്തപ്പെട്ട ഒരു കേരളക്കാരന്‍ നമുക്കു അഭിമാനമാകേണ്ടതാണ്. പക്ഷെ എന്തു ചെയ്യാം? ഓരോ പ്രാവശ്യം തല്ലു വാങ്ങി വരുമ്പോഴും, പിഴയടച്ചു വരുമ്പോഴും, വിലക്കും വാങ്ങി വരുമ്പോഴും അതു ഇന്ത്യന്‍ ടീമിലേക്കെത്തിയേക്കാവുന്ന കേരളത്തിലെ പുതു തലമുറയുടെ ശവപ്പെട്ടിയിലെ ആണിയടികളായി മാറുന്നു. ഒരുത്തനേയുള്ളു, പക്ഷെ അതിങ്ങനായിപ്പോയി. ഏതെങ്കിലും ദുര്‍ഗുണപരിഹാരപാഠശാലയില്‍ വിട്ടു നന്നാക്കിയെടുത്തിരുന്നെങ്കില്‍.... നല്ല തല്ലു കിട്ടിയാല്‍ അവന്‍ നന്നാവുമെന്നാ തോന്നുന്നതു. ബാജിയുടെ കയ്യില്‍ നിന്നൊന്നു കിട്ടിയതിനു ശേഷം കുറച്ചു നാള്‍ കുഴപ്പമില്ലായിരുന്നു.

    ReplyDelete
  21. നമുക്ക് അപ്പോള്‍ നോക്കാം. ന്താ.. ?

    ReplyDelete
  22. പ്രശസ്തി കൈ കാര്യം ചെയ്യുന്നതില്‍ വന്ന പാളിച്ചകളാകാം ഒരു പക്ഷെ ശ്രീശാന്തിനെ ഈ നിലയിലെത്തിച്ചത് .അവിടെ കണ്ടു പഠിക്കേണ്ടത് സച്ചിനെയാണ് . കൂടാതെ 'മന്ഗ്ലിഷിനും' ഇതില്‍ പങ്കുണ്ടോ ? ഉണ്ടെന്കിലെന്തു ഇല്ലെങ്കിലെന്ത് ആര്‍ക്കു ചേതം ......

    ReplyDelete
  23. പാവപ്പെട്ടവന്‍ said... "നിങ്ങള്‍ ഒരു മത മൌലിക വാദിയാണ് നിങ്ങളുടെ പലപ്പോസ്റ്റും അത് വിളിച്ചു പറയുന്നുണ്ട്"

    യുറേക്കാ.
    താങ്കള്‍ ഒരു വലിയ കണ്ടുപിടുത്തമാണ് നടത്തിയിരിക്കുന്നത്. ആര്‍ക്കമെദീസ് ഓടിയ പോലെ തുണിയഴിച്ചിട്ടു ഓടല്ലേ.. ആളറിയും (വെവരം!!).
    പിന്നെ, മതം, മൌലികം, വാദം .. ഇത് മൂന്നും എനിക്കുണ്ട്. താങ്കള്‍ക്കു 'വാത'മുണ്ടെങ്കില്‍ അതിനുള്ള മരുന്നും ന്റെടുത്തുണ്ട്. വേണേല്‍ പറയണം.

    ReplyDelete
  24. മനോരമ ചാനലിലെ ഒരു പരിപാടിക്കിടെ അല്‍ഫോന്‍സ്‌ കന്നന്താനത്തോട്‌ പെരുമാറിയ രീതി കണ്ടപ്പോഴേ മനസ്സിലായിരുന്നു ഇവന്‍റെ പോക്ക് ശരിയല്ല എന്ന്. അതിത്ര പെട്ടെന്നാവും എന്ന് കരുതിയില്ല!! സ്റ്റേറ്റിന് പുറത്തുപോയാലും നന്നായി കളിച്ചാല്‍ നന്ന്. ക്രിക്കെട്ടാണ് കളി ഉയര്‍ച്ചയെക്കാള്‍ വേഗത്തിലായിരിക്കും വീഴ്ച.

    ReplyDelete
  25. ഈ കളിതന്നെ ഒരുതരം കളിപ്പിക്കലാണ്

    ReplyDelete
  26. വടി കൊടുത്തു അടി വാങ്ങുന്നു ചെക്കന്‍.
    അവനവന്‍ ചെയ്യുന്ന കര്‍മങ്ങള്‍ക്ക് ഈ ലോകത്ത് തന്നെ ശിക്ഷ കിട്ടുമെന്ന് പറയുന്നത് വെറുതെയല്ല
    ചെക്കന്റെ അഹങ്കാരം ഒന്നടങ്ങട്ടെ. എന്നിട്ടാവാം ഇനിയുള്ള കാര്യം.

    ReplyDelete
  27. ഗോപുമോനും മാത്സ്..
    കെ.സി.എ.യും മാത്സ്..

    ReplyDelete
  28. ഇതാണ് മലയാളിയുടെ കടീന്നു പറയുന്ന സാധനം. കൂട്ടത്തില്‍ ഒരുത്തന്‍ നന്നായിക്കൂടാ...ബോംബേക്കെടക്കുന്ന സച്ചിനോ, ഡല്‍ഹിക്കാരന്‍ സെവാഗോ എന്തെങ്കിലും ചെയ്താല്‍ വലിയ സംഭവം. എന്തു വന്നാലും മലയാളിയെ അംഗീകരിക്കില്ല. ശ്രീശാന്ത് തിരിച്ച് ടെസ്റ്റ് ടീമില്‍ വന്നതിനെക്കുറിച്ച് ഇക്ക അറിഞ്ഞോ അവോ. ആ പയ്യന് കക്കേടെ വെലയെങ്കിലും കൊടുത്തുകൂടെ ഇക്കാ.ഞാനൊക്കെ പണ്ടെ പെഴയാണെന്ന് സ്വയം സമ്മതിച്ചവരാണ്. തിരിഞ്ഞുനോക്കിയാല്‍ ഇക്കക്കും കാണില്ലേ ചില പാകപ്പിഴകളും സ്വഭാവദൂഷ്യങ്ങളും?

    ReplyDelete
  29. ഇക്കേടെ നാട്ടിലും പരിസരത്തുമൊക്കെ സദ്ഗുണ സന്പന്നരായ ഒരുപാട് പയ്യമ്മരുണ്ടല്ലോ. ഒരുത്തനും ഇന്ത്യന്‍ ക്രിക്കറ്റ് ടീമില്‍ പോയിട്ട് രഞ്ജി ടീമില്‍ പോലും കേറാനായില്ലല്ലോ. പിന്നെ, പാവപ്പെട്ടന്‍ പറഞ്ഞതുപോലെ ചില മൗലികവാദ ടച്ചുകള്‍ നിങ്ങളുടെ പോസ്റ്റില്‍ ഉണ്ടോന്ന് ന്യായമായും സംശയിക്കേണ്ടിയിരിക്കുന്നു.

    ReplyDelete
  30. തിളക്കമുള്ള ഷര്‍ട്ടും എണ്ണ മണക്കുന്ന തലമുടിയും വലിയ വയറും ലോലകുട്ടി ശൈലിയില്‍ നീട്ടി വലിച്ചുള്ള സംസാരവും പഴുതാര മീശയും ഇങ്ങനെയൊകെയുള്ള മല്ലു ക്ലീഷേയില്‍ നിന്ന് ഞങ്ങള്‍ അങ്ങിനെയല്ല എന്നു പറയാന്‍ ,കാണിക്കാന്‍ ഒരാള്‍ .അതാന്നു ശ്രീ .ജീവതത്തില്‍ ഒരു പ്രശ്നം വന്നാല്‍ തൂങ്ങി ചാവുന്ന യുവതല മുറയെ യാന്നു നിങ്ങളെ പോലുള്ളവര്‍ക് ഇഷ്ടം .ആരെങ്കിലും ആത്മ വിശ്വാസത്തോടെ സംസാരിച്ചാല്‍ ജീവിച്ചാല്‍ അപ്പോള്‍ തുടങ്ങും കണ്ണുകടി .പിന്നെ നാവുകൊണ്ട് തല്ലി തല്ലി അവരുടെ ആത്മവിശ്വാസം തകര്‍ക്കാന്‍ തുടങ്ങും .കെട്ടടങ്ങിയാല്‍ സമാധാനമായീ .ഞണ്ടിന്റെ സ്വഭാവമാണ് നിങ്ങളെ പോലുള്ളവര്‍ക് .ശ്രീ സ്വന്തം പ്രയത്നം കൊണ്ടാനിവിടെ വരെ എത്തിയത് .അല്ഫോന്‍സ് അതിലും അപ്പുറം അര്‍ഹിച്ചിരുന്നു .നട്ടെല്ലിന്റെ സ്ഥാനത് വാഴനാരും വച്ച് ഇറങ്ങുന്നു ഓരോ കുന്നായ്മയും പറഞ്ഞു കൊണ്ട് .ഇനി ആരെ കുറിച്ചാണ് ?പ്രേത്വി രാജിനെ കുറിച്ചാവും അടുത്ത പോസ്റ്റ്‌ .

    ReplyDelete