February 17, 2012

ഇതാണ് സൂപ്പര്‍ ബ്ലോഗര്‍ !!!

എന്റെ കഴിഞ്ഞ പോസ്റ്റ്‌ ബൂലോകത്ത് വലിയ ബഹളം ഉണ്ടാക്കിയിരുന്നു. ഒരു ആവശ്യമില്ലാത്ത പോസ്റ്റെന്നാണ് എന്റെ വായനക്കാരില്‍ ഭൂരിഭാഗവും പറഞ്ഞത്. ബൂലോകം ഓണ്‍ലൈന്‍ നടത്തുന്ന സൂപ്പര്‍ ബ്ലോഗ്ഗര്‍ മത്സരത്തില്‍ പരമാവധി വായനക്കാരെ വോട്ടു ചെയ്യിപ്പിക്കാന്‍ എന്നെക്കൊണ്ട് കഴിയുന്നത്‌ ചെയ്യുക എന്നതായിരുന്നു ആ പോസ്റ്റ്‌ കൊണ്ട് ഞാന്‍ ഉദ്ദേശിച്ചത്. ഈ വോട്ടെടുപ്പ് ഒരു ചൂട് പിടിച്ച ചര്‍ച്ച ആക്കാനും കൂടുതല്‍ പേരെ വോട്ടു ചെയ്യിപ്പിക്കാനും അത് വഴി കഴിഞ്ഞു എന്ന് തന്നെയാണ് ഞാന്‍ ഉറച്ചു വിശ്വസിക്കുന്നത്.

ശ്രീ മനോജ്‌ രവീന്ദ്രനെയാണ് (നിരക്ഷരന്‍)  കഴിഞ്ഞ വര്‍ഷത്തെ സൂപ്പര്‍ ബ്ലോഗ്ഗര്‍ ആയി വായനക്കാര്‍ തിരഞ്ഞെടുത്തിരിക്കുന്നത്. ശ്രീ നൌഷാദ് അകംബാടം  ആണ് ഫസ്റ്റ് റണ്ണര്‍ അപ്പ്‌. എന്റെ പ്രിയ സുഹൃത്തുക്കളായ ഇരുവര്‍ക്കും അഭിനന്ദനങ്ങള്‍ . ശ്രീ മനോജ്‌ രവീന്ദ്രന്‍ ഒരു ബ്ലോഗ്ഗര്‍ മാത്രമല്ല. സാമൂഹ്യ പ്രതിബദ്ധതയുള്ള ഒരു ആക്ടിവിസ്റ്റ് കൂടിയാണ്. മുല്ലപ്പെരിയാര്‍ പ്രക്ഷോഭത്തെ സോഷ്യല്‍ മീഡിയകളില്‍ ലൈവ് ആയി നിര്‍ത്തുന്നതിനു ഏറ്റവും വലിയ പങ്കു  വഹിച്ച അദ്ദേഹം പല മാനുഷിക സംരംഭങ്ങള്‍ക്കും നേതൃത്വം നല്‍കിയിട്ടുണ്ട്. എഴുത്തിന്റെ വിവിധ മേഖലകളില്‍ കൈ വെച്ചിട്ടുമുണ്ട്. അദ്ദേഹത്തിന്‍റെ യാത്രാവിവരണങ്ങങ്ങളാണ് എനിക്കേറെ പ്രിയങ്കരം. ഇംഗ്ലീഷിലും മലയാളത്തിലുമായി അദ്ദേഹം എഴുതിയിട്ടുള്ള ബ്ലോഗുകള്‍ നിരവധി വായനക്കാരെ ആകര്‍ഷിച്ചിട്ടുണ്ട്. വേള്‍ഡ് മലയാളി കൌണ്‍സില്‍ സിങ്കപ്പൂര്‍ നടത്തിയ യാത്രാ വിവരണ ബ്ലോഗ്‌ മത്സരത്തില്‍ അവാര്‍ഡും നേടിയിട്ടുണ്ട്.

നൗഷാദ് അകമ്പാടം വരകളുടെ രാജാവാണ്. എന്നെ ഇന്ദ്രന്‍സിനെപ്പോലെയാക്കി മുമ്പ് വരച്ചിട്ടുണ്ടെങ്കിലും എനിക്കദ്ദേഹത്തോടു ഒട്ടും വിദ്വേഷം തോന്നിയിട്ടില്ല. സോഷ്യല്‍ മീഡിയകളില്‍ കഴിഞ്ഞ വര്‍ഷം ഏറ്റവും ചലനമുണ്ടാക്കിയ ബ്ലോഗറും നൗഷാദ് ആണ്. അദ്ദേഹത്തിന്‍റെ ചില കാര്‍ട്ടൂണുകള്‍ ഒരു തീക്കാറ്റു പോലെ പടര്‍ന്നു കയറിയിട്ടുണ്ട്. ആയിരം വാക്കുകളേക്കാള്‍ മൂര്‍ച്ചയുള്ള ആ കാര്‍ട്ടൂണുകള്‍ മുഖ്യ ധാരാ മാധ്യമങ്ങള്‍ വരെ മോഷ്ടിച്ച് കൊടുത്തിട്ടുണ്ട്. ഈ  ഫസ്റ്റ് റണ്ണര്‍ അപ്പ്‌  സ്ഥാനം നൗഷാദ് എന്തുകൊണ്ടും അര്‍ഹിക്കുന്നു.

 ഈയിടെ ഏറെ വിവാദമുയര്‍ത്തിയ നൗഷാദിന്റെ ഒരു കാര്‍ട്ടൂണ്‍ 

മറ്റൊരു പ്രധാനപ്പെട്ട കാര്യം കഴിഞ്ഞ വര്‍ഷത്തെ അവാര്‍ഡ് എനിക്ക് തിരിച്ചു കൊടുക്കേണ്ടി വരില്ല എന്നതാണ്!!.  സത്യം പറഞ്ഞാല്‍ ആ പോസ്റ്റിനെ ചര്‍ച്ചയാക്കാന്‍ വേണ്ടി ഉപയോഗിച്ച ഒരു ലളിതമായ എന്‍ഡ് പഞ്ച് ആയിരുന്നു അത്. പക്ഷെ എന്റെ പല സുഹൃത്തുക്കളും വല്ലാതെ പ്രകോപിതരായി. എനിക്കെതിരെ പല പരിഹാസ പോസ്റ്റുകളും വന്നിട്ടുണ്ട് എന്ന് പലരും പറഞ്ഞറിഞ്ഞു. അതില്‍ ഒട്ടും പരിഭവമില്ല. ഞാന്‍ പലരെയും രൂക്ഷമായ ശൈലിയില്‍ വിമര്‍ശിക്കാറുണ്ട്. അപ്പോള്‍ എന്നെ വിമര്‍ശിക്കാനുള്ള സ്വാതന്ത്ര്യം മറ്റുള്ളവര്‍ക്കും വകവെച്ചു കൊടുക്കണമല്ലോ. പക്ഷെ എന്റെ പോസ്റ്റിന്റെ ദൗത്യം വിജയിച്ചിട്ടുണ്ട്. ബ്ലോഗിലെ നല്ല 'എയുത്തു'കാരനെയല്ല നല്ല 'എഴുത്തു'കാരനെയാണ് ബൂലോകം തിരഞ്ഞെടുക്കുന്നത്. ബിരിയാണിയും നെയ്ച്ചോറും വിളമ്പി വാങ്ങിക്കേണ്ട ഒന്നല്ല വോട്ട്. അത് വായനക്കാരന്‍ അവന്റെ ഔചിത്യ ബോധം അനുസരിച്ച് ചെയ്യേണ്ടതാണ്. അടുത്ത വര്‍ഷമെങ്കിലും ഫൈനല്‍ ലിസ്റ്റ് തയ്യാറാക്കുമ്പോള്‍ ബൂലോകം ഭാരവാഹികള്‍ ശ്രദ്ധിക്കണം. തികഞ്ഞ ഗുണമേന്മ തന്നെയായിരിക്കണം ബ്ലോഗുകള്‍ മത്സരത്തിനു തിരഞ്ഞെടുക്കുന്നതിലുള്ള മാനദണ്ഡം. ഒരു വിദഗ്ധ പാനല്‍ പരിശോധിച്ച ശേഷമേ ഫൈനല്‍ ലിസ്റ്റ് തയ്യാറാക്കാവൂ.. വളര്‍ന്നു വരുന്നവര്‍ക്ക് പ്രോത്സാഹനം നല്‍കണം. പക്ഷെ അത് ഭാഷയെ കൊന്നുകൊണ്ടാവരുത്!!.

മലയാള ബ്ലോഗിനെ പുതിയ ചക്രവാളങ്ങളില്‍ എത്തിക്കാന്‍ സഹായകമാകുന്ന ഇത്തരം സംരംഭങ്ങള്‍ക്ക്‌ നേതൃത്വം നല്‍കുന്ന ബൂലോകം പോര്‍ട്ടലിനും അതിന്റെ സ്ഥാപകനായ ഡോക്ടര്‍ ജെയിംസ് ബ്രൈറ്റിനും പുരസ്കാര ജേതാക്കള്‍ക്കും ഒരിക്കല്‍ കൂടി എന്റെ അഭിനന്ദനങ്ങള്‍ .. അവാര്‍ഡിന്റെ വിശദ വിവരങ്ങള്‍ ഇവിടെ വായിക്കാം.  

67 comments:

  1. ഒന്നും രണ്ടും സ്ഥാനങ്ങളില്‍ എത്തിയവര്‍ രണ്ടും നല്ല ബ്ലോഗ്ഗര്‍മാരാണ്.അവര്‍ക്ക് അഭിനന്ദനങ്ങള്‍.(പത്തു പേരുടെ ലിസ്റ്റില്‍ ചില ചവറുകള്‍ ഉണ്ടായിരുന്നു എന്ന വസ്തുത ഒളിച്ചുവെയ്ക്കെണ്ടതില്ല)

    ReplyDelete
  2. നിരക്ഷരനും, അകമ്പാടനും...

    അഭിനന്ദനങ്ങൾ... അഭിവാദ്യങ്ങൾ.... :-)

    ReplyDelete
  3. അഭിനന്ദനങ്ങൾ... അഭിവാദ്യങ്ങൾ.... :-)

    ReplyDelete
  4. നിരക്ഷരനും, അകമ്പാടനും...

    അഭിനന്ദനങ്ങൾ... അഭിവാദ്യങ്ങൾ.... :-)

    ReplyDelete
  5. അഭിനന്ദനങ്ങൾ...

    നിരക്ഷരൻ
    http://niraksharan.blogspot.com

    നൗഷാദ് അകംബാടം
    http://entevara.blogspot.com/

    ReplyDelete
  6. ഇതിനെയാണ് വീണിടത്ത് കിടന്നു ഉരുളുക, മലര്‍ന്നു കിടന്നു തുപ്പുക എന്നൊക്കെ പറയുന്നത്!!!

    ReplyDelete
  7. സൂപ്പർബ്ലോഗ്ഗർമാർക്ക് അഭിനന്ദനങ്ങൾ!ഞാനും ഒരു പോസ്റ്റ് ഇട്ടിട്ടുണ്ട്.

    ReplyDelete
  8. നിരക്ഷരനും നൌഷാദിനും അഭിനന്ദനങ്ങള്‍ ! ബഷീറിന്റെ കഴിഞ്ഞ പോസ്റ്റ് അവസരോചിതം തന്നെയായിരുന്നു. ആ വകയില്‍ ബഷീറിനും അഭിനന്ദനം :)

    ReplyDelete
  9. ബഷീര്‍ക്കയുടെ പോസ്റ്റിലെ ഉദ്ധേശ ശുദ്ധി പലരും മനസ്സിലാക്കിയില്ല എന്നതാണ് സത്യം എന്തൊക്കെ കൊലവെരി ആയിരുന്നു ,,എന്തായാലും പവനായി പവനായി തന്നെയായി ,ശവമായങ്കില്‍ ആ അവാര്‍ഡ്‌ നാട്ടിലേക്ക് "പഞ്ഞി" വെക്കേണ്ടി വരുമായിരുന്നില്ലേ ?..

    ഞാന്‍ അപ്പോഴേ പറഞ്ഞില്ലേ ബൂലോക ക്കാര്‍ക്ക്‌ തെറ്റ് പറ്റില്ല എന്ന് ...സൂപ്പര്‍ ബ്ലോഗേര്‍സ് ന് അഭിനന്ദനങ്ങള്‍!!

    ReplyDelete
  10. ഹൃദയം നിറഞ്ഞ അഭിനന്ദനങള്‍ ....

    ReplyDelete
  11. ഫൈനല്‍ ലിസ്റ്റിലെ മികച്ചവര്‍ക്ക് തന്നെ അവാര്‍ഡുകള്‍ കിട്ടിയതില്‍ സന്തോഷം...
    പക്ഷെ...ഈ...ലിസ്റ്റ് അപൂര്‍ണമായിരുന്നു..എന്നത് ഒരു സത്യം..............................
    വരും വര്‍ഷങ്ങളില്‍ പിഴവുകള്‍ ഉണ്ടാവില്ല...തീര്‍ച്ച.....................................
    വിജയികള്‍ക്ക് ആശംസകള്‍.....................

    ReplyDelete
  12. This comment has been removed by the author.

    ReplyDelete
  13. സൂപ്പര്‍ ബ്ലോഗ്ഗര്‍ (2011) ആയി തെരഞ്ഞെടുക്കപ്പെട്ട നിരക്ഷരനും, റണ്ണര്‍ അപ്പ് എന്റെ പ്രിയ സുഹൃത്ത് നൌഷാദ് ഭായിക്കും (അകമ്പാടം) അഭിനന്ദനങ്ങള്‍.

    എന്തായാലും കഴിഞ്ഞ പ്രാവശ്യത്തെ സൂപ്പര്‍ ബ്ലോഗ്ഗര്‍ ബഷീര്‍ വള്ളിക്കുന്നിന് തനിക്കു ലഭിച്ച അവാര്‍ഡ്‌ ഇനി തിരിച്ചു നല്കുന്നതിനെക്കുറിച്ച്‌ ആലോചിക്കുക പോലും ചെയ്യേണ്ടി വരാത്ത ഉഗ്രന്‍ സെലക്ഷന്‍. എനിക്ക് പെരുത്ത്‌ ഇഷ്ടമായി.

    ReplyDelete
  14. മലയാള ബ്ലോഗിങ്ങിലെ "ചില " അക്ഷരങ്ങള്‍ അറിയാത്ത നിരക്ഷരനും ...മലയാള ബ്ലോഗിങ്ങിലെ "ചില " വരകള്‍ അറിയാത്ത അകംബാടത്തിന്നും ആശംഷകള്‍ ..ഒപ്പം ഈ ബ്ലോഗ്ഗര്‍ തിരഞ്ഞെടുപ്പില്‍ പത്തുപേരായ നമ്മുടെ പ്രിയപ്പെട്ട സുഹുര്‍ത്തുക്കള്‍ക്കും ..വോട്ടു ചെയ്ത എല്ലാ ബ്ലോഗു വായനക്കാര്‍ക്കും ,ബ്ലോഗിനെക്കുറിച്ച് അറിയാത്തവര്‍ക്കും ഹൃദയം നിറഞ്ഞ ബ്ലോഗാശംഷകള്‍

    ReplyDelete
  15. നിരക്ഷരന്നും, അകമ്പാടത്തിന്നും എന്റെ ആശംസകള്‍.....

    ബഷീര്‍ക്കായും ബൂലോകം ടീമും ചേര്‍ന്നു വിരിച്ച വലയില്‍ വീണുപോയതില്‍ ദു:ഖവുമുണ്ട്.

    ഞാനാര്‍ക്കു വോട്ടു ചെയ്തുവെന്നതും “ആ” പോസ്റ്റില്‍ എഴുതിയിട്ടുണ്ടായിരുന്നു!

    ReplyDelete
  16. സൂപ്പർ ചെളിവാരിയേറ് ബ്ലോഗർ
    http://baijuvachanam.blogspot.in/2012/02/blog-post_15.html

    ReplyDelete
  17. ശ്രീ. നിരക്ഷരനും, അകമ്പാടത്തിനും ഹൃദയം നിറഞ്ഞ അഭിനന്ദനങ്ങള്‍....! Manoj Ravindran Niraksharan, Noushad Akampadam

    ReplyDelete
  18. ബഷീര്‍ക്കാ.. ബൂലോകത്തെ ഇലക്ഷന്‍ അങ്ങനെ കഴിഞ്ഞു.. ഇനി "പിറവത്തെ" ഇലക്ഷന്‍ ആണ്. ഇപ്പോള്‍ തന്നെ ഒന്ന് ആഞ്ഞുപിടിച്ചോളൂ.. :-)

    ReplyDelete
  19. "അങ്ങയുടെ വചനങ്ങളുടെ ചുരുളഴിയുമ്പോള്‍ പ്രകാശം പരക്കുന്നു; ബ്ലോഗര്‍മാര്‍ക്ക് അത് അറിവ് പകരുന്നു. ശത്രുവിന് വിശക്കുമ്പോള്‍ തല്ലും ദാഹിക്കുമ്പോള്‍ തെറിയും കൊടുക്കുക. അത് അവന്റെ മാഞ്ഞാളംതലയില്‍ വിവാദത്തിന്റെ തീക്കനല്‍ കൂട്ടും. ബ്ലോഗര്‍ നിനക്ക് പ്രതിഫലം നല്‍കുകയും ചെയ്യും"

    (കണ്ണൂരാന്‍ മസ്ത്തായി - 76:13 564 - പുതിയനിയമം)


    @@
    ബ്ലോഗെഴുത്തിനെ ജനകീയമാക്കുന്നതില്‍ നിരക്ഷരനും ജയന്‍വൈദ്യരും തേജസ്‌ ബ്ലോഗര്‍ മനോജേട്ടനും പ്രകടിപ്പിക്കുന്ന ആത്മാര്‍ഥത എടുത്തുപറയേണ്ടതാണ്. അര്‍ഹത അതിജീവിക്കുമെന്ന് വീണ്ടും തെളിയിക്കപ്പെട്ടു.
    ഫസ്റ്റ് റണ്ണപ്പായി തെരഞ്ഞെടുക്കപ്പെട്ട നൌഷാദ് ഭായിക്കും അഭിനന്ദനങ്ങള്‍

    ReplyDelete
  20. നിരക്ഷരനും, നൗഷാദ്‌ അകമ്പാടത്തിനും അഭിനന്ദഞങ്ങള്‍.

    ReplyDelete
  21. "തികച്ചും അര്‍ഹതക്കുള്ള അംഗീകാരം".
    ആശംസകള്‍....

    ReplyDelete
  22. കമന്റുകള്‍ കണ്ടും മാമ്പൂ കണ്ടും അഹങ്കരിക്കരുത് എന്നും ശക്തിയുള്ള അക്ഷരങ്ങള്‍ക്കെ കാലത്തെ അതിജയിക്കാന്‍ കഴിയൂ എന്നും തിരിച്ചറിയാന്‍ ഈ തെരഞ്ഞെടുപ്പിലൂടെ സാധിച്ചു. എഴുത്ത് നേരമ്പോക്കല്ലെന്നും സാമൂഹിക പ്രതിബദ്ധതയാണ് എഴുത്തിന്റെ ശക്തി എന്നും വീണ്ടും തെളിയിക്കപ്പെട്ടു. 'നീറ്റിലെ പോളക്കു തുല്യമായ ' പതിരെഴുത്തുകള്‍ ഊതിയാല്‍ പറന്നു പോകും ..
    കരുത്തുള്ള എഴുത്തുകള്‍ ഹിമാലയം പോലെ ഏതു കാലാവസ്ഥയും അതിജയിച്ചു തന്നെ നില്‍ക്കും . വരയായാലും വരിയായാലും അതില്‍ തീയുണ്ടാകണം . അനീതിക്കെതിരെ , ജീര്‍ണ്ണതക്കെതിരെ, സാമൂഹിക വിരുദ്ധത ക്കെതിരെ , നിലകൊള്ളുന്ന പടവാളാകണാം അക്ഷരങ്ങള്‍ .. എഴുത്തുകാരന്‍ വെറുതെ സൊറ പറഞ്ഞ് സമയം കളയെണ്ടവനല്ല .. പടനിലങ്ങ ളിലെ പോരാളികള്‍ക്ക് ഊര്‍ജ്ജം നല്‍കേണ്ടവനാണ് .. സര്‍ഗ സിദ്ധി സാമൂഹിക പ്രതിബദ്ധതയ്ക്ക് വേണ്ടി ഉപയോഗിക്കുമ്പോഴേ എഴുത്ത് അഗ്നിയാവൂ.. ജീര്‍ണ്ണതകളെ, ഉപജാപങ്ങളെ , പുഴുക്കുത്തുകളെ കരിച്ചു കളയുന്ന അഗ്നി .. അല്ലാത്ത എഴുത്തുകള്‍ വെറും പൂത്തിരികള്‍ മാത്രം .. അവ ഒരു പക്ഷെ കണ്ണഞ്ചിപ്പിക്കുന്ന മായിക പ്രകാശം സൃഷ്ടിക്കും ഒരു വേള . നിമിഷ നേരം കൊണ്ട് അത് എരിഞ്ഞടങ്ങും .. മിച്ചമുണ്ടാകുക ഒരു കരിന്തിരി മാത്രം .. നമ്മുടെ എഴുത്തുകള്‍ വാല്‍ നക്ഷത്രങ്ങളോ , ചാപ്പിള്ളകളോ ആകാതിരിക്കട്ടെ - ഓരോ അവാര്‍ഡും അത് കിട്ടിയവനും കിട്ടാത്തവാനും ഒരു പാഠം ആണ് ; ആവണം ; ആയെ പറ്റൂ.. ഈ അവാര്‍ഡ്‌ എനിക്കും നിനക്കും നമുക്കും ഒരു തിരിച്ചരിവകണം - വെറുതെ ഒരു ആത്മഗതം ..

    സൂപ്പര്‍ ബ്ലോഗര്‍ നിരക്ഷരന് ഒരായിരം അക്ഷരാശംസകള്‍ .. ആത്മാര്‍ത്ഥ സുഹൃത്ത്‌ അകമ്പാടത്തിനു ഒരായിരം വര ആശംസകള്‍ ...

    ReplyDelete
  23. ഹ ഹ അഹ;
    തമാശ പറഞ്ഞാണ് ഓരോരുത്തര്‍ ആളാകുന്നത്‌.
    എങ്കില്‍, എനിക്കും വേണം ഒന്നാളാവാ... ന്ത്യേ.. പറ്റില്ലേ..?

    തമാശ പറഞ്ഞ് ചിരിച്ചു ചിരിച്ച് തറയില്‍ വീണു കിടന്നുരുണ്ട് മേല്‍ മുഴുവന്‍ മണ്ണ്‌ പറ്റി.. ഒടുക്കം ഞാനിതിനാണ് ചിരിച്ചത് എന്ന് പറയുന്ന വിധം തമാശ 'ഉണ്ടാക്കണം' പോലും..!

    മുന്പ് ഏതോ 'കോന്തന്‍' പറഞ്ഞത്; ഇതിനാണ് 'വീണിടത്ത് കിടന്നുരുളുക' എന്ന്.
    അങ്ങനെ ഉരുണ്ടു പിരുണ്ട് ചിരിക്കുന്നവരത്രേ ആളായവര്‍. !
    കു കു കൂഒയ്... !!!!!

    ReplyDelete
  24. തെരെഞ്ഞെടുക്കപ്പെട്ടവര്‍ക്ക് എന്റെ സന്തോഷം അറിയിക്കുന്നു.

    സാമൂഹ്യ വിഷയങ്ങളില്‍ ശക്തമായി ഇടപെടാന്‍ നിരക്ഷരനും തുടര്‍ന്നും തന്റെ ചിത്രങ്ങളെ സമൂഹത്തിനു നേരെ പിടിക്കുന്ന കണ്ണാടികളാക്കി മാറ്റാന്‍ പ്രിയ സുഹൃത്ത് അകംപാടത്തിനും സാധിക്കട്ടെ എന്നാശംസിക്കുന്നു.

    കൂടെ, എന്റെ നാട്ടുകാരന് ഭാവിയിലും തെരഞ്ഞെടുപ്പുകളെ ഇവ്വിധം കൈകാര്യം ചെയ്യാനുള്ള കരളുറപ്പുണ്ടാവട്ടെ... അഥവാ, ചെളി പുരളുംപോഴും ഒന്നും സംഭവിക്കാത്ത മട്ടില്‍ കാഴ്ചക്കാരെ പരിഹസിച്ചു ചിരിക്കാന്‍ സാധിക്കട്ടെ എന്ന്. !

    ReplyDelete
  25. This comment has been removed by the author.

    ReplyDelete
  26. വിജയികള്‍ക്ക്‌ അഭിനന്ദനങ്ങള്‍., അര്‍ഹതക്കുള്ള അംഗീകാരം തന്നെ. അകമ്പാടത്തിനും അഭിനന്ദനങ്ങള്‍., കൂടെ ഗോദയിലുണ്ടായിരുന്ന മല്ലന്മാരും മല്ലികളുമടങ്ങുന്ന എല്ലാ മല്ലുകള്‍ക്കും ഹാര്‍ദികമായ അഭിനന്ദനങ്ങള്‍.

    ReplyDelete
  27. അര്‍ഹത അതിജീവിക്കും എന്ന് വീണ്ടും തെളിയിക്കപ്പെട്ടു. നിരക്ഷരനും, അകമ്പടത്തിനും അഭിനന്ദനങ്ങൾ ! - ബാഷീർ സാബ് ഉദ്ദേശിച്ച തലത്തിലെത്തി, നൌഷാദ് അകമ്പാടം ഈ ഫലം ആദ്യമേ പ്രവചിച്ചിരുന്നു എന്ന് കൂടി പറഞ്ഞ് കൊള്ളട്ടെ.

    ReplyDelete
  28. നിരക്ഷരനും അകംബാടതിനും ആശംസകള്‍..

    (ബഷീര്‍ ഭായിയുടെ മലക്കം മറിച്ചിലും ഇഷ്ട്ടപ്പെട്ടു...വീണാല്‍ പിന്നെ ഉരുളണം എന്നതാണല്ലോ ന്യായമായ കാര്യം !)

    ReplyDelete
  29. നിരക്ഷരനും നൌഷാദിനും ആശംസകള്‍
    മനോജേട്ടന് അവാര്‍ഡ് കിട്ടിയതില്‍ ഞാന്‍ വ്യക്തിപരമായി ഏറെ സന്തോഷിക്കുന്നു.

    ReplyDelete
  30. ഇതൊരു സന്തോഷ വാര്‍ത്ത തന്നെ.

    ReplyDelete
  31. അര്‍ഹിക്കുന്ന അംഗീകാരം

    ആശംസകള്‍ നേരുന്നു

    ReplyDelete
  32. വിജയികള്‍ക്ക് എന്റെ വക ഒരു ബിഗ് സല്യൂട്ട്..

    ReplyDelete
  33. വിജയികള്‍ക്ക് അഭിനന്ദനങ്ങള്‍ .. അവസാന ദിനങ്ങളിലെ ബഷീറിന്റെ ഇടപെടലാണ് ഈ മത്സരത്തെ ഇത്ര ആവേശകരമാക്കിയത് . ബ്ലോഗുകള്‍ സന്ദര്‍ശിച്ചു വോട്ടു ചെയ്യാന്‍ അത് പലരെയും പ്രേരിപ്പിച്ചു. അതുകൊണ്ട് തന്നെ അര്‍ഹിക്കുന്നവര്‍ക്ക് സമ്മാനം കിട്ടി. പ്രീജ ശ്രീദരനും കൊച്ചൌസേപ്പിനും വേണ്ടി നിങ്ങള്‍ നടത്തിയ പ്രചരണം പോലെ ഇതും വിജയിച്ചു. ഞാന്‍ കഴിഞ്ഞ പോസ്റ്റില്‍ പറഞ്ഞ പോലെ നിങ്ങളുടെ പോസ്റ്റിന്റെ രസതന്ത്രം മനസ്സിലാക്കുന്നതില്‍ പല ബ്ലോഗ്‌ വിമര്‍ശകന്മാരും പരാജയപ്പെട്ടു. പക്ഷെ വായനക്കാര്‍ നിങ്ങളുടെ അഭിപ്രായത്തെ മാനിച്ചു. തുടര്‍ന്നും ഇതുപോലുള്ള ഫലപ്രദമായ ഇടപെടലുകള്‍ നടത്തുക. ഹിറ്റ് കൂട്ടാന്‍ നിങ്ങളെ ആരും പടിപ്പിക്കെണ്ടല്ലോ ഹ..ഹ..

    ReplyDelete
  34. ആനുകാലിക വിഷയങ്ങളെ നര്‍മ്മത്തില്‍ പൊതിഞ്ഞു അവതരിപ്പിക്കുന്നതില്‍ മാത്രമല്ല വിമര്‍ശന ശരങ്ങളെ പൂമാല പോലെ ഏറ്റുവാങ്ങുന്നതിലും ബഷീര്‍ക്കയെ പോലെ മറ്റൊരു ബ്ലോഗറില്ല എന്നാണ് എന്റെ പക്ഷം വിജയികള്‍ക്ക് ആശംസകള്‍ , അതോടൊപ്പം ബഷീര്കക്ക് പൂച്ചെണ്ടും ...

    ReplyDelete
  35. This comment has been removed by the author.

    ReplyDelete
  36. സൂപ്പെര്‍ ബ്ലോഗര്‍ ആയി തിരഞ്ഞെടുക്കപ്പെട്ട സുഹൃത്ത്‌, നിരക്ഷരനും,
    ഫസ്റ്റ് റണ്ണര്‍ അപ്പര്‍ ആയി തിരഞ്ഞെടുക്കപ്പെട്ട-
    അകമ്പാടത്തിനും എന്റെ ഹൃദയം നിറഞ്ഞ അഭിനന്ദനങ്ങള്‍.
    ഈ തിരഞ്ഞെടുപ്പില്‍ എന്റെ അഭിപ്രായം അറിയിക്കാന്‍ കഴിഞ്ഞതിലും
    സന്തോഷമുണ്ട്.
    ഒപ്പം ഫൈനല്‍ ലിസ്റ്റില്‍ എത്തിയവര്‍ക്കും ആശംസകള്‍.
    പിന്‍ തിരിയാതെ ശ്രമം തുടരുക! ഉയരങ്ങളിലേക്കുയരുക!ആശംസകള്‍!
    ഈ സംരഭത്തിന്റെ അണിയറ ശില്പ്പികളെയും അഭിനന്ദിക്കുന്നു.

    ReplyDelete
  37. This comment has been removed by the author.

    ReplyDelete
  38. ങ്ങള് ചുമ്മാ കലിപ്പ് ഉണ്ടാക്കുന്നതാണ് ന്ന് അന്നേ മനസിലായി (ഇതൊക്കെയല്ലേ ഒരു രസം ന്ന ലൈന്‍). ബ്ലോഗാര്‍ക്ക് എങ്ങനെ വ്യത്യസ്തമായി സാമൂഹിക ഇടപെടലുകള്‍ നടത്താം ന്ന് പഠിക്കുന്ന പിള്ളേര്‍ക്ക് (എന്നെപ്പോലെ) നിങ്ങള്‍ ഒര് കേസ്‌ സ്റ്റഡി മെറ്റീരിയല്‍ ആണ്.

    "മനോരമാ പോളില്‍ മാത്രമല്ലടാ, അങ്ങ് ബൂലോകത്തുമുണ്ടെടാ നിക്ക് പിടി" ല്ലേ?

    ReplyDelete
  39. "എഴുത്തുകാരനും എയുത്തുകാരനും" ഇതിലെന്തോ ഒരു സ്കൂപ്പ് മണക്കുന്നല്ലോ...

    ReplyDelete
  40. കഴിഞ്ഞ പോസ്റ്റില്‍ ഹാലിളകിവന്ന ഒരു കൊമ്ബന്മാരെയും ഇവിടെ കാണുന്നില്ലല്ലോ ബഷീര്ക. നിങ്ങളോട് കളിച്ചാല്‍ ഇങ്ങനെയിരിക്കും എന്ന് അവര്‍ക്ക് മനസ്സിലായിക്കാണും. ഏതായാലും ങ്ങളെ ഞമ്മള് സമ്മയ്ച്ചിക്കുണ് .. ഒരു കാര്യത്തിന് ഇറങ്ങിയാല്‍ പിന്നെ അത് നടത്തീട്ടെ ബാക്കിയുള്ളൂ

    ReplyDelete
  41. പേര് ഇവിടെ വരുവാന്‍ വേണ്ടി ജേതാക്കള്‍ക്ക്‌ ആശംസകള്‍ ഇവിടെ കമന്ടുന്നതിനോട് അഭിപ്രായമില്ല. പിന്നെ ബഷീര്‍ക്ക ആരാ മൊതല് അല്ലെ?

    ReplyDelete
  42. പറയാതെ വയ്യ ബഷീര്‍ക്കാ, ഇതുമൊരു വളിച്ച പോസ്റ്റായിപ്പോയി. സത്യം ആളുകള്‍ ചൂണ്ടിക്കാണിച്ചപ്പോള്‍ അയ്യേ ഞാന്‍ പറ്റിച്ചേ എന്ന്. അത് നിങ്ങള്‍ക്ക്‌ മാത്രമേ പറയാന്‍ കഴിയൂ.

    ReplyDelete
  43. അപ്പോള്‍ പ്രത്യക്ഷത്തില്‍ ദോഷം എന്ന് തോന്നിയ 'വള്ളിക്കുന്നിന്റെ ' ആ പോസ്റ്റ്‌ ഗുണമായി വന്നു എന്നര്‍ത്ഥം ..ഏതായാലും വള്ളിക്കുന്ന് ഒരുപാട് വിമര്‍ശിക്കപ്പെട്ടു എങ്കിലും ഒടുവില്‍ 'ആ പോസ്റ്റും' അദ്ദേഹത്തിന്‍റെ തലയില്‍ ഒരു പൊന്‍തൂവല്‍ ആയി മാറി ..!!! കീപ്‌ ഇറ്റ്‌ അപ്പ്‌ !!

    ReplyDelete
  44. സൂപര്‍ ബ്ലോഗ്ഗര്‍ നിരക്ഷരനും, റണ്ണര്‍ അപ് നൌഷാദ് അകംപാടത്തിനും ചാലിയാറിന്റെ അഭിനന്ദനങ്ങള്‍. സന്തോഷത്തില്‍ പങ്കു ചേരുന്നു.

    ReplyDelete
  45. നിരക്ഷരനും അകമ്പാടത്തിനും അഭിനന്ദനങള്‍,,,,, പ്രിയ ബഷീര്‍ക്ക,,, ങ്ങളൊരു സംഭവാട്ടൊ,,,, പണ്ടൊരു മുസ്ലിയാര്‍ രാത്രി വയള് പറയുമ്പോ ആളാവാന്‍ പറഞ്ഞത്രെ ഈ നാട്ടിലെ ആളുകളെല്ലാം കള്ളഹിമാറുകളാണ്,,, ദീനിനനുസരിച്ച് നടക്കുന്നോരല്ലാന്ന്,,,, ആളുകളൊക്കെ ഇളകി മുസ്ലിയാരെ നേരെ പാഞ്ഞടുത്തു,,,,രംഗം പന്തിയല്ലാന്ന് കണ്ടപ്പോ മുസ്ലിയാര്‍ പറഞ്ഞു,,,,,എന്താടൊ,,,ഞമ്മളൊരു തമാശ പറഞ്ഞതിന് ങ്ങളിത്ര ഹാലിളക്ണൊ,,,, ഞാനിങ്ങളെ ഉറക്കം കളയാന്‍ വേണ്ടിപറഞ്ഞ തമാശയല്ലെയിതെന്ന്,,,, എന്താന്നറിയില്ല,,,,,ബഷീര്‍ക്കാടെ വിവാദ പോസ്റ്റ് കണ്ടപ്പോ എനിക്കീ കഥയോര്‍മ്മ വന്നു,,,,,, സത്യം പറയാലോ,,, എനിക്ക്ങ്ങടാ പഴയ പോസ്റ്റ് ദഹിക്ക്ണില്ലാട്ടൊ,,,,

    ReplyDelete
  46. അഭിനന്ദനങ്ങള്‍...
    ഓരോ അംഗീകാരത്തിനും പിറകില്‍ അദ്ധ്വാനത്തിന്റെ പറയാത്ത താളുകളുണ്ടാവുമല്ലോ

    ReplyDelete
  47. ഒന്നാമതെത്തിയ നിരക്ഷരനും രണ്ടാമെതെത്തിയ അകംപാടനും അഭിനന്ദനങ്ങള്‍... ....പിന്നെ ബഷീര്‍ക്ക ഞാനും ആനയച്ചനുക്കൊടിയാ തടിപിടിച്ച്ചത് എന്നതുപോലെ..അല്ലെ?

    ReplyDelete
  48. വിജയികൾക്ക് അഭിനന്ദനങ്ങൾ...

    പാവം എയുത്തുകാർ!

    ReplyDelete
  49. എങ്ങനെയാണ് ഈ മത്സരത്തില്‍ പരിഗണിക്കപ്പെടുന്നത് എന്ന് എനിക്ക് മനസ്സിലായിട്ടില്ലായിരുന്നു. ബൂലോകം ഡോട്ട് കോമില്‍ എഴുതുന്നവരെ മാത്രമാണ് സൂപ്പര്‍ ബ്ലോഗര്‍ ആയി തെരഞ്ഞെടുക്കുന്നതെങ്കില്‍ അതില്‍ എന്ത് ശരിയാണ് ഉള്ളത്. മാതൃഭൂമിയില്‍ മാത്രം എഴുതുന്ന ഒരാള്‍ക്ക് സൂപ്പര്‍ പത്രപ്രവര്‍ത്തകന്‍ അവാര്‍ഡ് കൊടുത്താല്‍ എങ്ങനെയിരിക്കും. ബ്ലോഗ് എഴുതുന്നവരെയാണ് പൊതുവെ ബ്ലോഗര്‍ എന്ന് പറയുന്നത്. അപ്പോള്‍ സൂപ്പര്‍ ബ്ലോഗര്‍ അവാര്‍ഡിന് ബ്ലോഗ് എഴുതുന്നവരെയും ബ്ലോഗ് ഉള്ളവരെയുമല്ലെ പരിഗണിക്കേണ്ടത്. ബൂലോകം ഡോട്ട് കോം എന്നൊരു സൈറ്റ് ഉണ്ടാക്കി അതില്‍ എഴുതുന്നവരെ മാത്രം മത്സരാര്‍ത്ഥികളാക്കി ഒരു സൂപ്പര്‍ ബ്ലോഗര്‍ അവാര്‍ഡ് കൊടുക്കുന്നത് മറ്റ് ബ്ലോഗര്‍മാ‍രെ അപമാനിക്കലാണ് എന്ന് പറഞ്ഞാല്‍ തെറ്റാകുമോ? ഒന്നുമില്ലെങ്കില്‍ ഇതില്‍ ഒരു അനൌചിത്യമില്ലേ? അതെന്താ ആരും പറയാത്തേ? നിരക്ഷരനും നൌഷാദും അവാര്‍ഡ് അര്‍ഹിക്കുന്നുണ്ട് എന്നത് വേറെ കാര്യം.

    ReplyDelete
  50. ജേതാക്കള്‍ക്ക് അഭിനന്ദനങ്ങള്‍...ബഷീര്‍ക്കാ..കലക്കീട്ടുണ്ട് കേട്ടാ.നല്ല ഉഗ്രന്‍ നിറം മാറ്റം......കഴിഞ്ഞവര്‍ഷം കിട്ടിയ അവാര്‍ഡ് തിരിച്ചുകൊടുക്കൂന്നോ മറ്റോ പറഞ്ഞായിരുന്നല്ലോ..എന്നായിരിക്കുമത്....

    ReplyDelete
  51. @ K P Sukumaran
    താങ്കളുടെ അഭിപ്രായത്തോട് പൂര്‍ണമായി യോജിക്കുന്നു. ഒരു വെബ് സൈറ്റില്‍ എഴുതുന്നവരെ മാത്രം ഉള്‍കൊള്ളിച്ചു മലയാള ബ്ലോഗുകളുടെ മൊത്തം നാമധേയത്തില്‍ ഒരു അവാര്‍ഡ് നല്‍കുന്ന രീതി ശരിയല്ലെന്ന വ്യാപകമായ അഭിപ്രായമുണ്ട്. ഈ വര്‍ഷമാണെന്ന് തോന്നുന്നു ഇത്തരമൊരു രീതി കര്‍ശനമായി അവര്‍ നടപ്പാക്കിയത്. കഴിഞ്ഞ വര്‍ഷം ബെര്‍ളിയടക്കം പലരെയും ഫൈനല്‍ ലിസ്റ്റില്‍ ഉള്‍പെടുത്തിക്കണ്ടിരുന്നു. വരും വര്‍ഷങ്ങളില്‍ കുറേക്കൂടി പ്രായോഗികവും കുറ്റമറ്റതുമായ ഒരു രീതി അവര്‍ അവലംബിക്കും എന്ന് പ്രതീക്ഷിക്കാം.

    അതുപോലെ കുറച്ചു വായനക്കാര്‍ സംഘം ചേര്‍ന്ന് ഏതെങ്കിലും ഒരു ബ്ലോഗരുടെ പേര്‍ നിര്‍ദേശിച്ചു എന്ന് കരുതി അയാളെ ഫൈനല്‍ ലിസ്റ്റില്‍ ഉള്‍പെടുത്തുമ്പോഴും ശ്രദ്ധിക്കണം. നിഷ്പക്ഷമായി ബ്ലോഗുകളെ വിലയിരുത്താന്‍ കഴിയുന്ന വിദഗ്ദരുടെ ഒരു പാനല്‍ നിര്‍ദേശിക്കപ്പെട്ട ബ്ലോഗുകള്‍ പരിശോധിച്ച് ഒരു മിനിമം നിലവാരം ഉറപ്പു വരുത്തണം. അതോടൊപ്പം, ബ്ലോഗര്‍ ഉസ്മാന്‍ ഇരിങ്ങാട്ടിരി സൂചിപ്പിച്ച പോലെ ബ്ലോഗിലെ വിവിധ ശാഖകള്‍ക്ക് (ആനുകാലികം, സാഹിത്യം, ഫോട്ടോ-കാര്‍ട്ടൂണ്‍ ) തുടങ്ങി പ്രത്യേകം പ്രത്യേകം അവാര്‍ഡുകള്‍ ഉണ്ടെങ്കില്‍ കുറേക്കൂടി പ്രായോഗിക മൂല്യനിര്‍ണയം നടത്താന്‍ വായനക്കാര്‍ക്ക് അവസരം ലഭിക്കും.

    ReplyDelete
  52. @ Sreejith Kondotty
    സൂപര്‍ ബ്ലോഗര്‍ മത്സരത്തില്‍ തീര്‍ത്തും യോഗ്യനായ ഒരാള്‍ കപ്പു കൊണ്ട് പോയത് പോലെ പിറവത്തും ചുറുചുറുക്കും യോഗ്യതയുമുള്ള ആരേലും ജയിക്കും. ഞാന്‍ ഇടപെടേണ്ടി വരില്ല :))

    ReplyDelete
  53. ബഷീര്‍ക്കാ.... ബൂലോകം ഓണ്‍ലൈന്‍ നടത്തുന്ന സൂപ്പര്‍ ബ്ലോഗ്ഗര്‍ മത്സരത്തിന്റെ കഴിഞ്ഞ വര്‍ഷത്തെ ലിസ്റ്റ് കണ്ടു ഞങ്ങളും ബോധം കെട്ടു വീണില്ല എന്നേ ഉള്ളൂ..ഹ ഹഹ... ...

    ReplyDelete
  54. നിരക്ഷരനും അകമ്പാടത്തിനും അഭിനന്ദനങ്ങൾ. നിരക്ഷരന്റെ സാമൂഹിക ഇടപെടലുകൾക്ക് ഈ അവാർഡ് കരുത്തേകട്ടെ, അകമ്പാടത്തിന്റെ വരകൾക്കും.. :)

    ReplyDelete
  55. ​@ശ്രീജിത് കൊണ്ടോട്ടി, വള്ളിക്കുന്ന് ഇപ്പോഴേ ജാമ്യം എടുത്തു "ചുറുചുറുക്കും യോഗ്യതയുമുള്ള" എന്നതിന്റെ അര്‍ഥം സംസ്ഥാന വെറ്ററന്‍ കായികമേളയിലെ ചാമ്പ്യന്‍ രണ്ട് തലമുറകളായി പിറവം കൂത്താട്ടുകുളം ഭാഗത്ത് പൊതുപ്രവര്‍ത്തന പാരമ്പര്യം തെളിയിച്ച ജനങ്ങളുടെ ജേക്കബ് പിറവത്ത് ജയിക്കുമെന്നു തന്നെയല്ലെ.

    ReplyDelete
  56. ഏതായാലും നോബല്‍ സമ്മാനം പോലും ഇത്രയധികം വിവാദത്തില്‍ പെട്ടിട്ടുണ്ടാവില്ല....ഈ ബ്ലോഗര്‍മാര്‍ ഒരു സംഭവം തന്നെ.....ഇങ്ങളും സംഭവം തന്നെ ബഷീര്കാ...!

    ReplyDelete
  57. താങ്കളുടെ മുന്‍ പോസ്റ്റിന്റെ ബലത്തില്‍ ആണ് നിരക്ഷരന് അവാര്‍ഡ് കിട്ടിയതെന്ന് തോന്നുന്നു.താങ്കള്‍ അങ്ങിനെയൊരു പോസ്റ്റ്‌ ഇട്ടില്ലയിരുന്നെങ്കില്‍ നിരക്ഷരന് ഈ അവാര്‍ഡ് കിട്ടുവാന്‍ യാതൊരു സാധ്യതയും കാണുന്നില്ല!കൈയ്യിന്നു പോയ കീഴ്ശ്വാസം തിരിച്ചു കേറ്റുവാന്‍ ശ്രമിക്കുന്നത് പോലെയാണ് പഴയ പോസ്റ്റിനെ ന്യായികരിച്ചു വീണ്ടും പോസ്റ്റുന്നത്.താങ്കളെ പോലെ ഒരാള്‍ ഇത്തരം വിഷയങ്ങളില്‍ അപക്വമായ രീതിയില്‍ പ്രതികരിക്കാതിരിക്കുന്നതാണ് നല്ലത്,കാരണം സ്വന്തം വായനക്കാരെ വെറുപ്പിച്ചു കൊണ്ടും സ്വയം കോമാളി വേഷം കേട്ടിയാടിയത് കൊണ്ടും താങ്കള്‍ക്ക് നേടുവാന്‍ ഒന്നുമില്ല,മറിച്ചു നഷ്ടപെടുവാന്‍ സല്‍പ്പേരും ഖ്യാതിയും വേണ്ടുവോളം ഉണ്ട് താനും .

    ReplyDelete
  58. ആകെ മൊത്തം ഞമ്മക്ക് ഒരു പച്ച തെളിഞ്ഞു കാണുന്നു എന്നല്ലതെ എന്തു പറയാന്‍... ഇതു മുയ്മനും വായിച്ചിട്ടും ‘ഞ്ജ് ഒരു പുലിയാന്നു‘ പറയുന്നതു കാണുമ്പം ഞമ്മക്ക് കുഞാപ്പാനെ യാണ് ഓര്‍മ്മ വരുന്ന്. ഉം നടക്ക്ട്ടേ

    ReplyDelete
  59. നിരക്ഷരനും, അകമ്പാടനും...

    അഭിനന്ദനങ്ങൾ...

    ReplyDelete
  60. This comment has been removed by the author.

    ReplyDelete
  61. ബഷീര്‍ ഇക്കായുടെ ഉദ്ധേശ ശുദ്ധിയെ ഞാന്‍ സംശയിക്കുന്നില്ല. പക്ഷെ, ആ ബ്ലോഗ്‌ വായിക്കുന്ന ആര്‍ക്കും, ഇത് പോലെ ഒരു നല്ല ഉദ്ദേശം ബഷീര്‍ ഇക്കായുടെ മനസ്സില്‍ ഉണ്ടെന്ന് തോന്നുകയില്ല. എന്തായാലും, വിവാദം കൊണ്ട് ഗുണം ഉണ്ടായെങ്കില്‍ വളരെ നല്ലത്. നിരക്ഷരനും അകമ്പാടനും എന്‍റെ ആശംസകള്‍. [ എന്റെ വോട്ട് പാഴായി :)]

    ReplyDelete
  62. മലയാള ബ്ലോഗിലെ രാഷ്ട്രീയക്കാര്‍ക്ക് എന്‍റെ അഭിവാദ്യങ്ങള്‍ വോട്ട് കിട്ടി വിജയിച്ചവര്‍ക്കെല്ലാം ആശംസകള്‍ , തോറ്റവര്‍ നിരാശരാകേണ്ടതില്ല..!!
    കക്കൂസ് സാഹിത്യത്തിലെ രാജാക്കന്മാര്‍ എന്ന് കളിയാക്കുന്നവര്‍ ഉണ്ടാകും...ഈഎവിടെയുമുണ്ടല്ലൊ മൂരാച്ചികള്‍..!!

    ReplyDelete
  63. എന്തും കച്ചോടമാക്കുന്ന ബഷീര്‍ക്ക..ബ്ലോഗര്‍ അവാര്‍ഡ് കൊണ്ടും നേടി ഇമ്മിണി ഹിറ്റ്. അവാര്‍ഡ് നേടിയ നിരക്ഷരന്‍ ചേട്ടന് എന്റെ ആശംസകള്‍..തീര്‍ച്ചയായും നൗഷാദിനും

    ReplyDelete