'വലിയ കുടുംബം സംതൃപ്ത കുടുംബം' എന്ന മുദ്രാവാക്യമാണ് കത്തോലിക്ക സഭ നവംബര്‍ പതിനാലിന് ഉയര്‍ത്തുക!!. കൂടുതല്‍ കുട്ടികള്‍ ഉള്ളവരെ ഫലകം നല്‍കി ആദരിച്ചു കൊണ്ടാണ് ഉദ്ഘാടനം പ്ലാന്‍ ചെയ്തിരിക്കുന്നത്!!!. 'ജീവസമൃദ്ധി 2011' എന്ന് നാമകരണം ചെയ്തിട്ടുള്ള ഈ 'സംതൃപ്ത കുടുംബം' പദ്ധതി റിലീസ് ആകുന്നതോടെ സഭയോട് ബഹുമാനമുള്ള കത്തോലിക്കരൊക്കെ രണ്ടും കല്പിച്ചു ഇറങ്ങുമെന്നത് ഉറപ്പാണ്. മിക്കവാറും നവംബര്‍ പതിനാലിന്റെ രാത്രിയില്‍ കേരളത്തില്‍ പലതും നടക്കും!!.
കൂടുതല്‍ കുട്ടികളുള്ള മിനിമം അയ്യായിരം കുടുംബങ്ങളെയെങ്കിലും ആദരിച്ച് പ്രോത്സാഹിപ്പിക്കാനാണ് സഭ ഒരുങ്ങുന്നത്. കൂടുതല്‍ ഉത്പാദന മികവു കാണിച്ച ചെറുപ്പക്കാരെ പൊന്നാട അണിയിക്കാനും കെ സി ബി സിക്ക് പരിപാടിയുണ്ട്. കഴിഞ്ഞ ഇരുപതു വര്‍ഷങ്ങള്‍ക്കിടയില്‍ നാലിലധികം കുട്ടികളെ ഉത്പാദിപ്പിച്ച ചെറുപ്പക്കാര്‍ക്കാണ് ബെസ്റ്റ് പെര്‍ഫോമന്‍സ് അവാര്ഡ് ലഭിക്കുക. ഗര്‍ഭ നിരോധന ശസ്ത്രക്രിയ നടത്തിയവര്‍ ചാന്‍സ് പോയല്ലോ എന്ന് നിരാശപ്പെടേണ്ട. ഒരു ഗുഡ്നൈറ്റിന് ഇനിയും ബാല്യമുണ്ടെങ്കില്‍ സഭ അതിനും വഴി കാണുന്നുണ്ട്. വീണ്ടും ഗര്‍ഭം ധരിക്കാനുള്ള ശസ്ത്രക്രിയ സൌജന്യമായി ചെയ്തു കൊടുക്കാനാണ് സഭ പദ്ധതിയിടുന്നത്. ആകെ മൊത്തം നോക്കിയാല്‍ കൃഷ്ണയ്യരുടെ തലമണ്ട എപ്പോള്‍ പൊളിഞ്ഞു എന്ന് ചോദിച്ചാല്‍ മതി.
ജീവിതത്തിന്റെ സെഞ്ച്വറി ഇത്ര അടുത്തെത്തി നില്‍ക്കേ ഇങ്ങനെയൊരു കോഡുമായി റണ്‍ ഔട്ട്‌ ആകേണ്ട കാര്യം കൃഷയ്യര്‍ക്ക് ഉണ്ടായിരുന്നില്ല. പി ഡി പി യുടെയും സോളിഡാരിറ്റിയുടെയും പരിപാടികള്‍ ഉദ്ഘാടനം ചെയ്തു ഉള്ള പേര് ചീത്തയാക്കാതെ കാലം കഴിച്ചു കൂട്ടുകയായിരുന്നു നന്നായിരുന്നത്. ഒറ്റയടിക്ക് അവരെയെല്ലാം പിണക്കി. പണ്ടെങ്ങോ റവറന്റ് മാല്‍ത്യൂസച്ഛന്‍ എഴുതി വെച്ച ശുദ്ധ അസംബന്ധങ്ങള്‍ കോപ്പിയടിച്ചു ശിശുക്ഷേമം നടപ്പില്‍ വരുത്താന് നോക്കുകയാണ് അയ്യരമ്മാവന്‍ ചെയ്തത്. ശിശുക്കളുടെയും സ്ത്രീകളുടെയും ക്ഷേമം നോക്കാന്‍ ഏല്‍പിച്ചിട്ടു ശിശുക്കളെ വയറ്റിനുള്ളിലോ അതല്ലെങ്കില്‍ പുറത്തോ വെച്ച് കൊല്ലാന്‍ ശുപാര്‍ശ ചെയ്തത് കടുത്ത കയ്യായിപ്പോയി!. ആവേശം തലയ്ക്കു കയറിയപ്പോള്‍ സന്താന നിയന്ത്രണ നിയമങ്ങളെ എതിര്‍ക്കുന്നവരെ (ബ്ലോഗര്‍മാര്‍ അടക്കം) ജയിലിലടക്കാനും അയ്യര് ഉത്തരവിടുകയുണ്ടായി!.
കരംചന്ദ്‌ ഗാന്ധിയുടെ നാലാം ഭാര്യയില്‍ ജനിച്ച മൂന്നാമത്തെ കുട്ടിയാണ് നമ്മുടെ രാഷ്ട്രപിതാവ്. കൃഷ്ണയ്യര് പോളിസി പ്രകാരം നമ്മുടെ രാഷ്ട്ര പിതാവ് പോലും ഈ ഭൂമിയില് ജനിക്കേണ്ടവനല്ല. വി വി രാമ അയ്യര് - നാരായണി ദമ്പതികളുടെ ഏഴു മക്കളില്‍ ഒരാളായ കൃഷ്ണയ്യരെ ജീവിതത്തില്‍ ആദ്യമായി മന്ത്രിയാക്കിയ സഖാവ് ഇ എം എസ് നമ്പൂതിരിപ്പാടും അയ്യര് ഭരണഘടന അനുസരിച്ച് ഭൂമി കാണേണ്ടവവനല്ല. എട്ടു മക്കളില്‍ നാലാമനായി പിറന്ന ഇ എം എസ് അയ്യരുടെ തേര്‍ഡ് ലോയില്‍ ആവിയായിപ്പോവേണ്ടിയിരുന്ന ആളാണ്‌. ജനസംഖ്യ വര്ദ്ധനവിന്റെ ദേശീയ ശരാശരി 18 ശതമാനം ആണ്. എന്നാല്‍ കേരളത്തില്‍ അത് അഞ്ചു ശതമാനത്തിനും താഴെയാണ്. കൃഷ്ണയ്യര് പറയാതെ തന്നെ ഓരോ സെന്‍സസിലും ഇത് കുറഞ്ഞു കുറഞ്ഞു വരികയാണ്. അധികം താമസിയാതെ കേരളം ഒരു വൃദ്ധ സംസ്ഥാനം ആയി മാറും എന്ന ആശങ്ക നിലനില്‍ക്കെയാണ് കൃഷയ്യരുടെ തേര്‍ഡ് ലോ വരുന്നത്!!!.
ഇനി കാര്യത്തിലേക്ക് വരാം. 'ജീവസമൃദ്ധി' പരിപാടിക്ക് അല്പം പബ്ലിസിറ്റി നല്‍കാനാണ് ഈ പോസ്റ്റ് എന്ന് ആരും ധരിക്കരുത്. KCBC യുടെ ഈ പടപ്പുറപ്പാടിനോട് ഒട്ടും യോജിപ്പില്ല എന്ന് പറയുകയാണ് ഈ പോസ്റ്റിന്റെ പ്രധാന ഉദ്ദേശം. ജനസംഖ്യ വര്‍ധിപ്പിക്കാന്‍ മതവിഭാഗങ്ങള്‍ ചേരി തിരിഞ്ഞു ഇത്തരം സര്‍ക്കസ്സുകള്‍ കളിക്കുന്നത് ദൂരവ്യാപകമായ പ്രത്യാഘാതങ്ങള്‍ ഉണ്ടാക്കും എന്നത് ഉറപ്പാണ്. കേരളത്തില്‍ കൂടുതല്‍ കുട്ടികള്‍ ഉണ്ടാവുക എന്നത് മാത്രമാണ് KCBC യുടെ ലക്‌ഷ്യമെങ്കില്‍ മതം നോക്കാതെ അവാര്ഡ് കൊടുക്കാന്‍ അവര്‍ തയ്യാറാകണം. കൂടുതല്‍ കുട്ടികളുള്ള ഹിന്ദുവിനും മുസ്ലിമിനുമൊക്കെ പൊന്നാടയും കാശും കൊടുക്കണം. അതല്ല ക്രിസ്ത്യാനികളുടെ എണ്ണം കൂട്ടുക മാത്രമാണ് ഉദ്ദേശമെങ്കില്‍ ഇന്ത്യയെപ്പോലൊരു മതേതര സമൂഹത്തില്‍ അതൊരു നല്ല കീഴ്വഴക്കമല്ല എന്ന് മാത്രമേ പറയാന്‍ പറ്റൂ. ഭ്രൂണഹത്യക്കും ഗര്‍ഭഛിദ്രത്തിനും എതിരെ എല്ലാ മതവിശ്വാസികളെയും പോലെ സമരം ചെയ്യുവാനുള്ള അവകാശം കെ സി ബി സിക്കുണ്ട്. പക്ഷേ ഇപ്പോള്‍ പ്രഖ്യാപിക്കപ്പെട്ടിട്ടുള്ള പദ്ധതികള്‍ മതം നോക്കി മാത്രമാണ് നല്‍കുന്നതെങ്കില്‍ അത് ഇത്തരം സമരങ്ങളുടെ മതേതര മുഖത്തെ ഇല്ലാതാക്കും. അതിനാല്‍ നവംബര്‍ പതിനാലിന്റെ ജീവസമൃദ്ധി ഉദ്ഘാടന പരിപാടിയില്‍ നിന്ന് പിന്മാറണമെന്ന് കെ സി ബി സിയോട് അഭ്യര്‍ത്ഥിക്കുകയാണ്.
ഈ പോസ്റ്റിന് ടൈറ്റില്‍ കാര്‍ട്ടൂണ്‍ വരച്ചു തന്ന ജയരാജിന് നന്ദി.
ആഹ.. KCBC അത്രയ്ക്കായോ? അങ്ങനെങ്കില്‍ ഞമ്മള് മാപ്പളാരും മോശാക്കരുത് വള്ളികുന്നേ... മുസ്ലീം ലീഗിന്റെ നേതൃത്വത്തില്‍ എല്ലാ ഉസ്സാറ് മാപ്പള വാപ്പമാരേം വിളിച്ച് ഞമ്മക്കും കൊടുക്കണം ഓരോ PWD അവാര്ഡ് എല്ലാര്‍ക്കും.. എന്തേയ്?
ReplyDeleteകൂടുതല്‍ കുട്ടികളുള്ള ഹിന്ദുവിനും മുസ്ലിമിനുമൊക്കെ പൊന്നാടയും കാശും കൊടുക്കണം. അതല്ല ക്രിസ്ത്യാനികളുടെ എണ്ണം കൂട്ടുക മാത്രമാണ് ഉദ്ദേശമെങ്കില്‍ ഇന്ത്യയെപ്പോലൊരു മതേതര സമൂഹത്തില്‍ അതൊരു നല്ല കീഴ്വഴക്കമല്ല എന്ന് മാത്രമേ പറയാന്‍ പറ്റൂ.
ReplyDeleteജാതി മത വർഗ്ഗ വർണ്ണ വേർതിരിവുകളെ മുൻ നിർത്തി ആളുകളെ എണ്ണം കൂട്ടുന്നതിനോട് ഒട്ടും യോചിപ്പില്ല. അതെ സമയം അയ്യരുടെ നിർദ്ദേശങ്ങൾ പൂർണമായി ഉൾകൊള്ളാനും വയ്യ. കുട്ടികളുടെ എണ്ണം വെക്തി സ്വാതന്ത്ര്യത്തിൽ അധിഷ്ടിതമായിരിക്കണം
ReplyDeletekcbcമാത്രമാണോ ഈ പണി ചെയ്യുന്നത്? കുട്ടികളുടെ എണ്ണം കൂട്ടാന്‍ പരിശ്രമിക്കുന്ന മുസ്ലിം സംഘടനകളെക്കുറിച്ച് ഒന്നും പറയാനില്ലേ?
ReplyDeleteകെ.സി.ബി.സി പദ്ധതിക്ക് എല്ലാ വിധ ആശംസകളും.ഒരു കിടിലന്‍ ധാര്‍മിക പിന്തുണ ഇതാ വാഗ്ദാനം ചെയ്യുന്നു. നിങ്ങള്ക്ക് അവാര്ഡ് തരാന്‍ വേറെ സംവിധാനമുണ്ടല്ലോ ബഷീര്‍ ബ്ലോഗര്‍. ഇല്ലെങ്കില്‍ ഉണ്ടാക്കണം. അല്ലാതെ അന്യന്‍റെ മുതലില്‍ കണ്ണ് വെക്കുകയല്ല. കുട്ടികള്‍ ജനിക്കട്ടെ. നിങ്ങളുടെ കുട്ടികള്‍ വാസ്തവത്തില്‍ നിങ്ങളുടെതല്ല; അവര്‍ ഭൂമിയില് ജനിക്കാന്‍ നിങ്ങള്‍ ഒരു നിമിത്തമായി എന്ന് ഖലീല്‍ ജെബ്രാന്‍ പറഞ്ഞിട്ടുണ്ടല്ലോ. കെ.സി.ബി.സി. കഷ്ടപ്പെടുന്നുണ്ടെങ്കിലും കുട്ടികള്‍ നമ്മുടെതെല്ലാവരുടെയുമായിരിക്കും എന്ന് കരുതി സന്തോഷിക്കുക. ഒരു നിര്‍ദേശം കൂടി അവര്ക്ക് വെക്കാമായിരുന്നു. എന്നോടെന്ന പോലെ നിങ്ങളോടും എന്ന ഖുത്ബ സ്റ്റൈലില്‍ പദ്ധതി കൊട്ടും കുരവയുമിട്ട് പ്രഖ്യാപിച്ച അച്ഛന്മാരോടും സന്താനോല്‍പാദനത്തിനു ആഞ്ഞു ശ്രമിക്കാന്‍ ഒരു ചിന്ന നിര്‍ദേശം! എന്നാല്‍ താന്‍ ചെയ്യാത്തത് മറ്റുള്ളവര്‍ ചെയ്യണം എന്ന് ശഠിച്ചു എന്ന ദുഷ്പേര് ഒഴിവാകുമായിരുന്നു. മിസ്റര്‍ ബ്ലോഗര്‍, താങ്കളുടെ ഈ പോസ്റ്റ് അസൂയയില്‍ നിന്നുരുവം കൊണ്ടതാണ്.
ReplyDelete@Joy Kalathil
ReplyDeleteഏതെങ്കിലും മുസ്ലിം സംഘടനകള്‍ ഇങ്ങനെ അവാര്ഡ് പ്രഖ്യാപിച്ചതായി കേട്ടിട്ടില്ല. ഇത്തരം പരസ്യ പ്രഖ്യാപനങ്ങള്‍ അവരില്‍ നിന്നും ഉണ്ടാകുന്ന പക്ഷം അതിനെ എതിര്‍ത്തു ആദ്യം ബ്ലോഗ്‌ എഴുതുന്നയാള്‍ ഞാനായിരിക്കും. പേടിക്കേണ്ട. :)
@Arif Zain
ReplyDeleteഹ..ഹ.. അസൂയപ്പെടേണ്ട യാതൊരു സാഹചര്യവും ഇല്ല. പത്തു മക്കളില്‍ ഒരാളാണ് ഞാന്‍. എനിക്ക് മൂന്നു മക്കളുണ്ട്. ലതായത് കൃഷ്ണയ്യരുടെ ലിമിറ്റില്‍ കൂടുതല്‍ ഉണ്ട്. ഇനിയും കൂടാനുള്ള സാധ്യതയുമുണ്ട് :) അപ്പോള്‍ പിന്നെ എന്ത് അസൂയ?.
ഇത് ഒരു 'ഗോമ്പറ്റീഷന്‍ ഐറ്റം' ആയി എല്ലാ മതങ്ങളും കാണണം. ഏറ്റവും നന്നായി മുരിങ്ങയും നായ്ക്കുരുണ ചെടിയും കൃഷി ചെയ്യുന്ന അവരുടെ അംഗത്തിന് കര്‍ഷക ശ്രീ അവാര്ഡ് കൊടുക്കണം. കാച്ചിയ എണ്ണ, മുല്ലപ്പൂവ്, രാധാസ് സോപ്പ്‌ ഇതെല്ലാം സബ്സിഡി കൊടുത്ത് വിതരണം ചെയ്യാന്‍ സര്‍ക്കാരില്‍ സമ്മര്‍ദം ചെലുത്തണം.
ReplyDeleteകൃഷ്ണയ്യരുടെ റിപ്പോര്‍ട്ടിനെക്കുറിച്ച് വായിച്ചപ്പോള്‍ , നിയമം മൂലം നിരോധിക്കേണ്ട [വര്ദ്ധനവ്] ആവശ്യമുണ്ടോ എന്ന് സംശയിച്ചു. ഇപ്പോള്‍ മനസ്സിലായി അങ്ങനെ ചെയ്യാനുള്ള സമയമായി വരുന്നു എന്ന്.
ReplyDeleteഅല്ല.... സഹോദരാ...ഇപ്പോൾ 250 ഡോളർ വീതം കൊടുക്കുന്നു...എന്നുള്ള കാര്യം അറിഞ്ഞിള്ളേ......അത് രഹസ്യമായ പരസ്യമാണു.............
ReplyDeleteസ്വയം പണിയെടുക്കാതെ മറ്റുള്ളവരെ കൊണ്ട് പണിയെടുപ്പിക്കുക എന്നത് പണ്ടേ KCBC യുടെ ഒരു ഏര്‍പ്പാടാണ്. ആ ഒരു കാര്യത്തില്‍ മാത്രം മറ്റു മത നേതാക്കള്‍ ബഹുദൂരം മുന്നിലാണ്.
ReplyDeleteബഷീര്ക എഴുതിയപ്പോഴാണ് ഇതിന്റെ ഗൌരവം മനസ്സിലായത്‌. കൃസ്ത്യാനികള്‍ ആയതു കൊണ്ട് വലിയ ബഹളങ്ങള്‍ ഇല്ല. ഇതെങ്ങാനും ഏതെങ്കിലും മുസ്ലിം സങ്കടനകള്‍ ചെയ്തിരുന്നെങ്കില്‍ കാണാമായിരുന്നു ഇവിടെ ബഹളം.
ReplyDeletemukalil എഴുതി എന്ന് വെച്ച് ഞാന്‍ എന്‍ ഡി എഫ് ആണെന്ന് കരുതരുത്. മതം ഏതായാലും ഇതുപോലുള്ള അവാര്‍ഡുകള്‍ പാടില്ല.
ReplyDelete@ വഴിപോക്കന്‍ | YK
ReplyDelete>> സ്വയം പണിയെടുക്കാതെ മറ്റുള്ളവരെ കൊണ്ട് പണിയെടുപ്പിക്കുക എന്നത് പണ്ടേ KCBC യുടെ ഒരു ഏര്‍പ്പാടാണ് <<
പ്രയോഗം വല്ലാതെ ചിരിപ്പിച്ചു :)))))
@ ഹാഷിക്ക്
മുരിങ്ങ, നായ്ക്കുരുണ, കാച്ചിയ എണ്ണ, മുല്ലപ്പൂവ്, രാധാസ് സോപ്പ്‌... ഹ..ഹ.. ഈ വിഷയത്തില്‍ റിസര്‍ച്ച് നടത്തിയിട്ടുണ്ടോ?
കൂടുതല്‍ കുട്ടികളുള്ള ഹിന്ദുവിനും മുസ്ലിമിനുമൊക്കെ പൊന്നാടയും കാശും കൊടുക്കണം. അതല്ല ക്രിസ്ത്യാനികളുടെ എണ്ണം കൂട്ടുക മാത്രമാണ് ഉദ്ദേശമെങ്കില്‍ ഇന്ത്യയെപ്പോലൊരു മതേതര സമൂഹത്തില്‍ അതൊരു നല്ല കീഴ്വഴക്കമല്ല എന്ന് മാത്രമേ പറയാന്‍ പറ്റൂ.
ReplyDeleteജന സംഖ്യ നിയന്ത്രണം ആവശ്യമാണ്‌.. അത് ഒരു പരിധി വരെ കേരളത്തില്‍ നടപ്പിലായിട്ടുണ്ട്... അത് കൃഷ്ണയ്യരുടെ പുതിയ നിയമം കൊണ്ടൊന്നുമല്ല...
പിന്നെ സഭ പറയുന്നത് പോലെ അച്ചായന്മാര്‍ ഇതൊരു മത്സരമായി കാണുമെന്ന് ഞാന്‍ കരുതുന്നില്ല... കാരണം ചെറിയ കുടുംബം സംതൃപ്ത കുടുംബം എന്ന ഒരു ആശയം ഇന്ന് വളരെ വ്യാപകമാണ്...
എല്ലാവര്ക്കും തിരിച്ചറിവ് ഉണ്ടാവട്ടെ...
എല്ലാവര്ക്കും നന്മകള്‍..
അയ്യര്‍ക്കും കിടക്കട്ടെ ആശംസ...
``ക്യാന്‍സര്‍ എന്നത് കോശങ്ങളുടെ അനിയന്ത്രിതമായ വളര്‍ച്ചയാണ്‌, ജനസംഖ്യാവിസ്‌ഫോടനം മനുഷ്യരുടേയും. ക്യാന്‍സറിന്റെ ലക്ഷണങ്ങള്‍ക്ക്‌ ചികിത്സയിലൂടെ പ്രഥമദൃഷ്‌ട്യാ സുഖം ലഭിക്കുമെങ്കിലും ഒടുവില്‍ മരണം സംഭവിക്കും - പലപ്പോഴും ദാരുണമായി.
ReplyDeleteജനസംഖ്യാവിസ്‌ഫോടനത്തിന്റെ ലക്ഷണങ്ങള്‍ മാത്രമാണ് ചികിത്സിക്കുന്നതെങ്കില്‍ സമാനമായാ വിധിയാണ്‌ ലോകത്തേയും കാത്തിരിക്കുന്നത്‌''. നമ്മുടെ പരിശ്രമം പൂര്‍ണമായ തുടച്ചുനീക്കലിലേക്ക്‌ മാറണം. ഈ രോഗം മൂര്‍ച്ഛിച്ചതിനാല്‍ നിവാരണത്തിന്‌ ചിലപ്പോള്‍ മൃഗീയവും ഹൃദയഭേദകവുമായ തീരുമാനങ്ങള്‍ വേണ്ടി വന്നേക്കും അതിന്റെ വേദന അസഹനീയമായിരിക്കും
മതങ്ങള് ഇതില്‍ ഇടപെടുന്നത് ഇന്നും ഇന്നലെയും തുടങ്ങിയത് അല്ല.
രാഷ്‌ട്രീയവും മതപരവും സാമൂഹികവുമായ കെട്ടുപാടുകളില്‍ നിന്ന് മോചിതനായി ഭാവിതലമുറയ്‌ക്കു വേണ്ടി ന്യായവും ഉചിതവുമായ തീരുമാനമെടുത്ത്‌ പ്രവര്‍ത്തിക്കാന്‍ ഇനിയും വൈകരുത്.
ആരും പേടിക്കെണ്ട, ഞാനും ഒന്ന് പെണ്ണ് കെട്ടട്ടെ..............!!!!
ReplyDeleteഏതു .."ഈ ബിസി"യും(kcbc) നമ്മുടെ കാലില്‍ വരും , ആവാര്‍ഡ് തരാന്‍...ഹും ഹും
ക്രഷണയ്യര്‍ പറഞ്ഞത് ഒകെ...
എന്നാല്‍ ഞാനൊരു ചോദ്യം, ഒരു സ്ത്രീക്ക് ആദ്യ ഭര്‍ത്താവില്‍ രണ്ടും, രണ്ടാം ഭര്‍ത്താവില്‍ രണ്ടും കുട്ടികള്‍ ഉണ്ടായാല്‍ ആ സ്ത്രീ ഈ നിയമത്തില്‍ കുടുങ്ങുമൊ?
:-)
ReplyDeleteഅവസാന പാരഗ്രാഫ് ആണ് അതിലെ സത്യം.
ReplyDeleteഗുഡ് പോസ്റ്റ്
Are you sure Mr. Basheer, KCBC is giving awards on the basis of religion?
ReplyDeleteശിക്ഷയും പിഴയും ഒഴിച്ചുനിറുത്തിയാല്‍ ഇതേ നയങ്ങളടങ്ങുന്ന ശിപാര്‍ശകള്‍ 2000 ല്‍ ദേശീയ ജനസംഖ്യാ കമ്മീഷന് കേന്ദ്രസര്‍ക്കാരിന് സമര്‍പ്പിക്കുകയും ആയവ കഴിഞ്ഞ ഒരു ദശകമായി കേന്ദ്രസര്‍ക്കാര്‍ കൃത്യതയോടെ പിന്തുടരുകയും ചെയ്യുന്നുണ്ടെങ്കിലും 'രണ്ടുകുട്ടികള്‍ മതി 'എന്നത് കൃഷ്ണയ്യരുടെ സ്വന്തം 'കണ്ടുപിടുത്ത'മെന്ന നിലയിലാണ് പലരും അഭിപ്രായം പറഞ്ഞത്.
ReplyDeleteകുട്ടികള്‍ കുറഞ്ഞാല്‍ പ്രേഷിതവേലയ്ക്കും ജിഹാദിപ്രവര്‍ത്തനത്തിനും ആളിനെ കിട്ടാതെയാവും, വോട്ടുബാങ്കുരാഷ്ട്രീയം ദുര്‍ബലപ്പെടും. അനാഥാലയങ്ങളും മതപാഠശാലകളും അസംസ്‌കൃതവസ്തുക്കളില്ലാതെ(inputs)
കഷ്ടപ്പെടും. കോടികള്‍ മുടക്കി സ്‌ക്കൂളും കോളേജുമൊക്കെ പണിത് വലിയ കലത്തില്‍ വെള്ളം പിടിച്ചുവെച്ചിട്ടുണ്ട് - അവിടെ പഠിക്കാന്‍ കുട്ടികള്‍ വേണം. 'മതകുട്ടികള്‍' തന്നെയാണ് ഉത്തമം! രാജ്യം മുടിഞ്ഞോട്ടെ, പട്ടിണി ഇരമ്പിക്കോട്ടെ, തൊഴിലില്ലായ്മ പെരുകികോട്ടെ, ഞങ്ങളുടെ മതത്തിന്റെ അംഗസംഖ്യ കൂടണം!! ഇനി കുറയക്കണമെന്ന് അത്ര നിര്‍ബന്ധമുണ്ടെങ്കില്‍ മറ്റു മതക്കാര്‍ കുറച്ചോട്ടെ-No complaints. ഈ മതവാശി ജനസംഖ്യയുടെ കാര്യത്തിലേയുള്ളു എന്നറിയണം. വേറൊരു കാര്യത്തിലും ഇതേ പ്രശ്‌നമില്ല. റോഡ് വികസിക്കാതെ വാഹനങ്ങളുടെ എണ്ണം കൂടുന്നതു മുതല്‍ ഒരുമാതിരിയുള്ള 'പെരുക്ക'ങ്ങളെല്ലാം അസ്വസ്ഥതയോടെ കാണുന്നവരാണ് മിക്ക മതവിശ്വാസികളും. സൗകര്യങ്ങള്‍ കുറയുന്നതിനെക്കുറിച്ചും വിഭവദൗര്‍ലഭ്യത്തെക്കുറിച്ചുമൊക്കെ ഏറെ വാചാലരാകുന്നവരാണിവര്‍.
"ശ്രീ രവിചന്ദ്രന്റെ നാസ്തികനായ ദൈവം എന്ന ബ്ലോഗില്‍ നിന്നും"
2030 ഓടെ 153 കോടിയിലേക്ക് കടക്കുമെന്ന്‌ കരുതപ്പെടുന്ന ഇന്ത്യന്‍ ജനസംഖ്യ അതോടെ ഒന്നാം സ്ഥാനത്താകും.
ReplyDelete``ഗംഗാപ്രതലം ഫലഭൂവിഷ്‌ടമാണ്‌, അവിടുത്തെ ജനങ്ങളും''.
@ തൂവലാൻ
ReplyDelete100% correct, I am agreeing with you
ഈ ബ്ലോഗും അതിന്റെ കമെണ്ട്സും അതിനൊത്ത ബഷീര്‍ക്കയുടെ
ReplyDeleteമറുപടിയും ഒരു പാട് ചിരിച്ചു അതോടൊപ്പം ഒന്നിരുത്തി ചിന്തിക്കുന്നത്
എന്റെ പെണ്ണ് കണ്ടപ്പോ ബ്ലോഗ്‌ വായിച്ച അവള് പറഞ്ഞു ഇപ്പൊ തന്നെ
അയ്യര് സാറ് പറഞ്ഞതില് ഒന്ന് കൂടുതലാ ...........അയ്യര് സാറിനു ഇത് കുറച്ചു
മുന്‍പ് അവതരിപ്പിചിരുനെന്ഖില്‍ ഒരു പാട് പെണ്‍കുട്ടികള്‍ ....രക്ഷപ്പെട്ടേനെ...
അവളുടെ അവളുടെ വക ഈ ഒരു കമനടും ........അപ്പൊ തന്നെ ചിന്ത ഒയിവാക്കി ......
@Basheer sahib,
ReplyDeleteI will share this to my FB wall with ur permission....
OK
This comment has been removed by the author.
ReplyDeleteഅച്ചന്മാരെ പിള്ളേരെ ഉണ്ടാക്കിക്കഴിജാല്‍ അവര്ക്ക് ചിലവിനു കൊടുതോളുമോ? പട്ടിണിക്ക് ഇടാന്‍ ഒന്നും ഞങ്ങള്‍ക്ക് പറ്റില്ല. അത് പോലെ അവര്‍ വലുതായി കഴിഞ്ഞാല്‍ ജോലി, വിവാഹം kazhikkaan പെണ്‍കുട്ടി എല്ലാം നിങ്ങള്‍ തന്നെ ഉണ്ടാക്കി kodukkanam. ഭക്ഷണത്തിന്റെ കാര്യം പിന്നെ പറയുകയും വേണ്ട athum ഫ്രീ ആയി കൊടുത്തോണം. ഇതൊക്കെ അന്ഗീകരിക്കമെങ്ങില്‍ ഞാന്‍ നിങ്ങള്ക്ക് വേണ്ടി പണി എടുക്കാം. ഇല്ലെങ്ങില്‍ നിങ്ങള്‍ തന്നെ പൊയ് പണി എടുത്തോ... എന്നിട്ട് ഞങ്ങള്‍ക്ക് കാണിച്ചു താ എങ്ങനെ കുട്ടികളെ വളര്താമെന്നു. വെറുതെ ഉണ്ടാക്കി ഇട്ടാല്‍ പോരല്ലോ. മെയിന്റനന്‍സ് കൂടി ഇല്ലേ? അല്ലാതെ വെറുതെ വായിട്ടു അടിക്കണ്ട.
ReplyDeleteകുറച്ചൊക്കെ ആത്മ സംയമനം പാലിക്കണം !
ReplyDeleteഎന്നാലും മനുഷ്യന്മാരല്ലേ നമ്മളൊക്കെ !
http://www.youtube.com/watch?v=vc8YawYdfbk
കൃഷ്ണാ അങ്ങേക്ക് ഭാര്യമാര്‍ 16008... എത്ര മക്കള്‍ ഉണ്ട്? അങ്ങയുടെ കാലത്ത് കൃഷയ്യര്‍ ഉണ്ടായിരുന്നോ? എന്തായാലും KCBC ഉണ്ടായിരിക്കാന്‍ ചാന്‍സു ഇല്ല.
ReplyDeleteകുഞ്ഞാലികുട്ടിയും, അബ്ദുല്ലകുട്ടിയും രണ്ടു കുട്ടികള്‍ ആണല്ലോ.. ഇനിയൊരു കുട്ടി കൂടി വന്നാല്‍ നിയമസഭയും പൂട്ടേണ്ടി വരുമെന്നര്‍ത്ഥം...കുട്ടി അഹമ്മദ്‌ കുട്ടിക്ക് സീറ്റ് നല്‍കാതിരുന്നത് ഫാഗ്യം...
ReplyDeletehttp://parappanadan.blogspot.com
http://www.keraleeyamonline.com/php/disNewsDetails.php?newsID=188&catID=8
ReplyDelete@ Sreeraj
ReplyDelete>>ജനസംഖ്യാവിസ്‌ഫോടനത്തിന്റെ ലക്ഷണങ്ങള്‍ മാത്രമാണ് ചികിത്സിക്കുന്നതെങ്കില്‍ സമാനമായാ വിധിയാണ്‌ ലോകത്തേയും കാത്തിരിക്കുന്നത്‌''. നമ്മുടെ പരിശ്രമം പൂര്‍ണമായ തുടച്ചുനീക്കലിലേക്ക്‌ മാറണം. ഈ രോഗം മൂര്‍ച്ഛിച്ചതിനാല്‍ നിവാരണത്തിന്‌ ചിലപ്പോള്‍ മൃഗീയവും ഹൃദയഭേദകവുമായ തീരുമാനങ്ങള്‍ വേണ്ടി വന്നേക്കും അതിന്റെ വേദന അസഹനീയമായിരിക്കും <<
ഹിറ്റ്ലറെ വിളിക്കേണ്ടി വരുമോ?
@ തൂവലാൻ
I visited it. a good blog.
@ SHAFEED
Share it and post it anywhere you like it :)
വര്‍ദ്ധിച്ചു വരുന്ന ജനസംഖ്യ രാജ്യത്തിനും ലോകത്തിന് തന്നെയും പ്രശ്നങ്ങള്‍ സൃഷ്ടിക്കും. കേരളത്തില്‍ ഇക്കാണുന്ന വൃത്തിക്കും വെടിപ്പിനും കാരണം ഇവിടെ കുടുംബാസൂത്രണം വിജയിച്ചതാണ്. അത് പിറകോട്ടടിപ്പിക്കുന്നത് ആര്‍ക്കായാലും നന്നല്ല. ക്വാണ്ടിറ്റി കൂടുന്നതില്‍ എന്താണ് പുണ്യം, ക്വാളിറ്റിയാണ് കൂടേണ്ടത്.
ReplyDeleteഅയ്യരുടെ ശുപാര്‍ശ കേരളത്തിലായിപ്പോയി എന്നതും ദൈവം അമ്മമാരുടെ വയറ്റിലിട്ടു കൊടുത്ത കുഞ്ഞുങ്ങളെ വേദനിപ്പിച്ച് കൊല്ലാന്‍ ഉളുപ്പില്ലാതെ ശിപാര്‍ശിച്ചു എന്ന മഹാതോന്ന്യാസം ചെയ്തു എന്നതുമാണ് പ്രശ്നം. എണ്‍പത് കഴിഞ്ഞ കിളവന്മാരെ പട്ടിണിക്കിട്ട് കൊല്ലാന്‍ ശിപാര്‍ശിക്കാന്‍ തോന്നിയില്ലല്ലോ!
ReplyDeleteകേ സീ ബീ സി ചെയ്യുന്നത് ശുദ്ധ അസംബന്ധമാണ്. അയ്യര്‍ക്കിട്ട് അടി കൊടുക്കാന്‍ ഈകണ്‍ട മൂഡന്‍വേല വേണമായിരുന്നോ? മക്കളെപ്പോറ്റാന്‍ കഷ്ടപ്പെടുന്നവര്‍ക്കും അശരണര്‍ക്കും കൊടുക്കൂ പൊന്നാടയും പണക്കിഴിയുമൊക്കെ.
എന്തെല്ലാം വഷളത്തങ്ങള്‍ ആണ് എഴുതിപ്പിടിപ്പിക്കുന്നത്‌?
ReplyDelete"ലോക ജനസംഖ്യ 700 കോടിയിലേക്ക് എത്തിക്കുന്നതില്‍ തന്റേതായ പങ്കു വഹിച്ച ഒരാളാണ് സിയോണ ചന. പുള്ളി മിസോറാമില്‍ ആയതു കൊണ്ട് രക്ഷപ്പെട്ടു. കേരളത്തിലായിരുന്നെങ്കില്‍ കെ സി ബി സി അവാര്ഡ് കൊടുത്ത് മുടിഞ്ഞേനെ. ശുദ്ധ ക്രിസ്ത്ര്യാനിയായ ഇയാള്‍ക്ക് 39 ഭാര്യമാരും 94 കുട്ടികളുമുണ്ട്."
ഇപ്പറഞ്ഞതിന്റെ അര്‍ഥം? ഈ ദാമ്പത്യത്തിലെ ഓരോ സ്ത്രീയും ശരാശരി രണ്ടര കുട്ടികളെ പ്രസവിച്ചു എന്നാണോ അതോ ഒറ്റ പുരുഷന് 94 കുട്ടികളെ "ഉണ്ടാക്കി" എന്നാണോ ?
ജനപ്പെരുപ്പം ആണ് ഏറ്റവും വലിയ പ്രശ്നം എന്ന മുതലാളിത്ത ആസൂത്രകരുടെ വായ്ത്താരികളും, നാട്ടില്‍ എത്രയോ കാലമായി മുസ്ലിം വിരുദ്ധ വര്‍ഗീയ വാദികള്‍ പ്രചരിപ്പിക്കുന്ന "മാപ്പിളമാര്‍ നാല് കെട്ടുന്നതിനാല്‍" നാളെ അവര്‍ ഭൂരിപക്ഷമാകും എന്ന പ്രചാരണങ്ങളും എന്ത് കൊണ്ടാണ് ഒരേ പോലെ ആയിരിക്കുന്നത് ?
ഗര്‍ഭം ധരിക്കുകയും പ്രസവിക്കുകയും ചെയ്യുന്ന സ്ത്രീയേക്കാള്‍ അതിനു സാധ്യത നന്നേ കുറവായ പുരുഷന് അധികം പ്രാധാന്യം എന്ത് കൊണ്ടാണ് അവ രണ്ടും നല്‍കുന്നത് ?
"..But most of the 7 billion are not endangering the earth. The majority of the world’s people don’t destroy forests, don’t wipe out endangered species, don’t pollute rivers and oceans, and emit essentially no greenhouse gases.
Even in the rich countries of the Global North, most environmental destruction is caused not by individuals or households, but by mines, factories, and power plants run by c...orporations that care more about profit than about humanity’s survival.
No reduction in U.S. population would have stopped BP from poisoning the Gulf of Mexico last year.
Lower birthrates won’t shut down Canada’s tar sands, which Bill McKibben has justly called one of the most staggering crimes the world has ever seen.."What’s Causing The Environmental Crisis: 7 Billion Or 1%?
By Ian Angus & Simon Butler
31 October, 2011
Grist.org
ഒരു ചെറിയ പരസ്യം,
ReplyDeleteഇതേ വിഷയത്തില്‍ എന്റെ ഒരു സുഹൃത്ത് എഴുതിയ ഒരു ലേഖനം
(ലേഖനം കുറച്ചു കാട്ടിയാണ്, സമയവും ക്ഷമയും ഉള്ളവര്‍ മാത്രം വായിക്കുക )
http://jaisalsadique.blogspot.com/2011/07/population.html
--
http://jaisalsadique.blogspot.com/2011/07/population.html
ReplyDeleteകൃഷ്ണയ്യര് ഭാവിതലമുറയേക്കുറിച്ച് വളരെ ബോധാവാനാണ് അല്ലാതെ ജീവിതത്തിന്റെ ഈ അസ്തമയകാലത്ത് ഇന്ന് രാഷ്ട്രീയ ശിഖഢികള്കാണിക്കുന്ന
ReplyDeleteകോമാളിത്തരം കാട്ടി ആളാവേണ്ട ആവശ്യം അദ്ദേഹത്തിനുണ്ടെന്നു തോന്നുന്നില്ല.ജനപ്പെരുപ്പം നിയന്ത്രിക്കുന്നത് രാജ്യത്തിന്റെ സമ്പദ് വ്യവസ്ഥയ്ക്ക്
വളരെ ഗുണകരമാവും കൂടി വരുന്ന രോഗങ്ങള് ഭക്ഷ്യക്ഷാമം കടബാദ്ധ്യതമൂലമുള്ള ആത്മഹത്യ ഇതിനൊക്കെ ഒരു അളവു വരെ ജനപ്പെരുപ്പം
കണ്ട്രോള് ചെയ്താല് കുറവു വരുത്താന് കഴിഞ്ഞേക്കും ഇത് രാജ്യത്തിന്റെ നിലനില്പിന്റെ പ്രശ്നമാണ് അതിലും ഈ അര്ത്ഥമില്ലാത്ത മതത്തിന്റെ
പേരില് ദുര് വ്യാഖ്യാനങ്ങള് കല്പിക്കുന്നത് സമ്പൂര്ണ്ണ സാക്ഷരത എന്ന് സ്വയം അവകാശപ്പെടുന്ന കേരളത്തിന് അപമാനകരമാണ്.മതങ്ങള് മാറ്റി നിര്ത്തി
ഇന്നോ നാളെയോ ഈ ഭൂമിയില് നിന്നും തുടച്ചുമാറ്റപ്പെട്ടേക്കാവുന്ന ഒരു മനുഷ്യജീവിയായി ചിന്തിക്കുക !!!!!!!! നല്ലൊരു നാളേയ്ക്കായി
This comment has been removed by the author.
ReplyDeleteചന 39-ല്‍ നിര്‍ത്തിയോ? കഷ്ടായി... ശുക്ലം വന്നനാള്‍ മുതല്‍ കുപ്പിയിലാക്കി എല്ലാ സ്പേമിനേയും പ്രോസസ്സ് ചെയ്ത് കുട്ടികളാക്കി മാറ്റായിരുന്നു.. അപ്പോള്‍ പിന്നെ ആ പ്രാന്തന്റെ മതം ഏറ്റവും വലുതുമായേനെ! .. പിള്ളാച്ചനെ വിട്ട് ഇവന്റെ(ചന) ആസനത്തില്‍ ഒരു കമ്പി കേറ്റൂ... പ്ലീസ്..
ReplyDeleteഞങ്ങളുടെ ജില്ലയില്‍ കരുനാഗപ്പള്ളിക്ക് സമീപം ഒരു സ്ത്രീ ഒറ്റ പ്രസവത്തില്‍ അഞ്ച് കുഞ്ഞുങ്ങളെ പ്രസവിച്ചിരുന്നു.അഞ്ചും ആരോഗ്യത്തോടെ വളര്‍ന്നു. അഞ്ചും ഒരുമിച്ച് സ്കൂളില്‍ പോവുകയും ചെയ്യുന്നു. പത്രത്തില്‍ ഇത് വാര്‍ത്തയായി വരുകയും ചെയ്തു.
ReplyDeleteഈ ബില്‍ നിയമമായി വന്നാല്‍ ( അത് സാങ്കല്‍പ്പികമാണ്) ആ പാവം സ്ത്രീ എന്ത് ചെയ്യും.
മദര്‍ തെരേസാ 7-മത്തെ കുട്ടി, മന്മോഹന്‍ സിംഗ് നാലാമത്തെ കുട്ടി. മുന്‍ പ്രസിഡന്റ് അബ്ദുല്‍ കലാം ഏഴാമത്തേതോ എട്ടാമത്തേതോ ഓര്‍മ വരുന്നില്ല. പണ്ടൊരു പ്രസിഡന്റ് ഉണ്ടായിരുന്നു. വി.വി.ഗിരി. എത്ര പിള്ളാരെ ജനിപ്പിച്ചു എന്ന് ഓര്‍മ ഉള്ളവര്‍ പറയുക, ക്രിഷ്ണയ്യരുടെ വാള്‍ അന്ന് ഉണ്ടായിരുന്നെങ്കില്‍ ഈ ജന്മം എല്ലാം തടസപ്പെട്ടേനെ.
ജനസംഖ്യ വളരെ കുറഞ്ഞ ഇറ്റലി പോലുള്ള രാഷ്ട്രങ്ങള്‍ കൂടുതല്‍ കുട്ടികളെ പ്രസവിക്കുന്നവര്‍ക്ക് അവാര്ഡ് കൊടുത്ത് തുടങ്ങി.
മുകളില്‍ ഒരു കമന്റില്‍ പറഞ്ഞത് പോലെ ഈ സമത്വ സുന്ദര കേരളത്തില്‍ ജനസംഖ്യാ നിയന്ത്രണം ഇല്ലായിരുന്നെങ്കില്‍ നാട് കുട്ടിച്ചോറായേനെ; പക്ഷേ പള്ളിക്കൂടം പ്രവേശനം തുടങ്ങുമ്പോള്‍ വാദ്ധ്യാന്മാര്‍ “കുട്ടികളുണ്ടൊ കുട്ടികള്‍“ എന്ന് വിളിച്ചുകൊണ്ട് ചാക്കുമായി ഓടി നടക്കേണ്ട അവസ്ഥ ഇപ്പോള്‍ തന്നെ ഉണ്ട്, ഇനി അത് ഒന്നുകൂടി വര്‍ദ്ധിക്കും തീര്‍ച്ച. കാരണം മദര്‍ തെരേസാമാരേയും അബ്ദുല്‍ക്കലാം മാരേയും ഭൂമിയില് വരാന്‍ അനുവദിക്കാതെ നമ്മള്‍ സമത്വ സുന്ദര കേരളത്തിനു വേണ്ടി പ്രവര്‍ത്തിക്കുകയാണല്ലോ.
Demographic projections show that if the current status of population growth continues in India, it will cross China as the most populous nation by 2030. The National Population Stabilization Fund says, India’s population grew five times in the last 100 years. Projections are that by 2050 India will be home to 1, 613.8 million peopleas compared to China’s 1, 417 million. Officials say children who are born because of lack of poor access to contraceptive services is a major cause for concern.
ReplyDeleteTimes of India Sunday 3oth October 2011
ബഷീര്ക ഈ പോസ്റൊന്നു നോക്കൂ
ReplyDeleteസ്വാമി പറഞ്ഞ സത്യം http://nasthikanayadaivam.blogspot.com/2011/10/blog-post_17.html
കേസീബീസി അവിടെ നിക്കട്ടെ, അല്പം ജനസംഖ്യക്കാര്യം.
ReplyDeleteകണക്കുകള്‍ കാണിച്ചു ഭയപ്പെടുത്തുക എന്നത് മനുഷ്യന്റെ പ്രകൃതമാണ്. ജര്‍മനിയിലും റഷ്യയിലും അടുത്ത മുപ്പതു വര്‍ഷം കഴിഞ്ഞാല്‍ ജോലിക്ക് ആളുണ്ടാവില്ലെന്ന് പറഞ്ഞു അവരെ പേടിപ്പിക്കുന്നു. ഇന്ത്യയിലാണെങ്കില്‍ ആള്‍ക്കാര്‍ കൂടിയാല്‍ നിക്കാന്‍ സ്ഥലമുണ്ടാവില്ലെന്നു പറഞ്ഞും.
മുംബൈ നഗരത്തിന്റെ ജന സാന്ത്രതയില്‍ മഹാരാഷ്ട്ര സംസ്ഥാനത്ത് മാത്രം താമസിപ്പിക്കാന്‍ പോലും തികയില്ല ഇന്നത്തെ ലോക ജനസംഖ്യ യായ എഴുനൂറു കൊടിയും.
പിന്നെ ജലം, വായു, ഭക്ഷണം, ഇന്ധനം, പ്രകൃതി.; നാമിന്നു എല്ലാറ്റിനും കല്‍ക്കരി മാത്രം ഉപയോഗിച്ചിരുന്നു എങ്കില്‍ പ്രകൃതി എങ്ങിനെ ഇരിക്കുമായിരുന്നു പക്ഷെ എണ്ണ, ന്യൂക്ലിയാര്‍ പവര്‍, സോളാര്‍ പവര്‍ അങ്ങനെ പലതും ഉപയോഗത്തില്‍ വന്നു. മലിനീകരണവും, ചിലവും കുറഞ്ഞ പലതും വരാനിരിക്കുന്നു. ഭക്ഷ്യോല്‍പാദന രംഗം വളര്‍ന്നു കൊണ്ടിരിക്കുന്നു. വെസ്റ്റ്‌ മാനെജ്മെന്റ് എക്കാലത്തെതിലും നന്നായി നടക്കുന്നു. ജനം കൂടുതല്‍ ശുചിത്വബോധമുള്ളവരായി...
പിന്നെയീ വളരുന്ന ജനസംഖ്യയെ ആര്‍ക്കാണ് പേടി? ബുദ്ധി ജീവികളുടെ മന്ധ ബുദ്ധിയില്‍ വിരിയുന്ന കുരുട്ടു ചിന്തകള്‍ മാത്രം.
പത്തു വയസ്സുള്ളപ്പോള്‍ വാങ്ങിയ ചെരിപ്പ് ഇരുപതു വയസ്സിലും ഇടാന്‍ കാലില്‍ പ്ലാസ്റിക് സര്‍ജറി ചെയ്യുന്നവരോട് അല്പം സഹതപിക്കാം. ഈ വിഷയത്തില്‍ നാല് വരി ബ്ലോഗ്‌ എഴുതിയിരുന്നു പക്ഷെ ആരാന്റെ കമന്റ് ബോക്സില്‍ പരസ്യം പതിക്കാന്‍ താല്പര്യമില്ല.
>>>>>"ലോക ജനസംഖ്യ 700 കോടിയിലേക്ക് എത്തിക്കുന്നതില്‍ തന്റേതായ പങ്കു വഹിച്ച ഒരാളാണ് സിയോണ ചന. പുള്ളി മിസോറാമില്‍ ആയതു കൊണ്ട് രക്ഷപ്പെട്ടു. കേരളത്തിലായിരുന്നെങ്കില്‍ കെ സി ബി സി അവാര്ഡ് കൊടുത്ത് മുടിഞ്ഞേനെ. ശുദ്ധ ക്രിസ്ത്ര്യാനിയായ ഇയാള്‍ക്ക് 39 ഭാര്യമാരും 94 കുട്ടികളുമുണ്ട്."<<<<<
ReplyDelete39 സ്ത്രീകള്‍ കൂടി 94 കുട്ടികളെ പ്രസവിച്ചതാണോ ഇത്ര അത്ഭുതമായി വള്ളിക്കുന്നന്‍ കൊണ്ടാടുന്നത്? അതിന്റെ അര്‍ത്ഥം ഒരു സ്ത്രീക്ക് ശരാശരി 2.4 കുട്ടികള്‍ എന്നേ ഉള്ളു.
കേരളത്തിലെ മുസ്ലിം സ്ത്രീകള്‍ക്ക് ശരാശരി 2.4 കുട്ടികളുണ്ട്. ക്രിസ്ത്യാനി സ്ത്രീക്ക് ശരാശരി 1.55 കുട്ടികളും. ഹിന്ദുസ്ത്രീക്ക് ശരാശരി 1.47 കുട്ടികളുമുണ്ട്.
പുരുഷന് എത്ര കുട്ടികള്‍ ഉണ്ടാകുന്നു എന്നതല്ല സ്ത്രീക്ക് എത്ര കുട്ടികളുണ്ടാകുന്നു എന്നതിനെ ആശ്രയിച്ചാണ്, ജനസംഖ്യ വളരുന്നത്. പുരുഷന്‍മാര്‍ പ്രസവിച്ചു തുടങ്ങിയാല്‍ ഈ അവസ്ഥക്ക് മാറ്റം വരാം.
മൂന്നാം ലോക രാജ്യങ്ങള്‍ക്ക് സുസ്ഥിര വളര്‍ച്ചക്ക് വിദഗ്ദ്ധര്‍ നിര്‍ദ്ദേശിക്കുന്നത് ഒരു സ്ത്രീക്ക് ശരാശരി 2.33 കുട്ടികള്‍ വേണമെന്നതാണ്. അതുകൊണ്ട് ഈ സിയോണ ചനയെ അത്രക്കങ്ങ് കളിയാക്കേണ്ട. ജനസംഖ്യ നിയന്ത്രിക്കണമെന്നു പറയുന്ന വിദ്ഗദ്ധര്‍ നിര്‍ദ്ദേശിക്കുന്ന പരിധിയിലേ ചനയുടെ ഭാര്യമാര്‍ പ്രസവിക്കുന്നുള്ളു.
പ്രസവ മത്സരത്തില്‍ ചനയുടെ ഏത് ഭാര്യയേയും കേരളത്തിലെ പല സ്ത്രീകളും നിഷ്പ്രയാസം തോല്‍പ്പിക്കും.
മൂന്നാം ലോക രാജ്യങ്ങള്‍ക്ക് സുസ്ഥിര വളര്‍ച്ചക്ക് വിദഗ്ദ്ധര്‍ നിര്‍ദ്ദേശിക്കുന്നത് ഒരു സ്ത്രീക്ക് ശരാശരി 2.33 കുട്ടികള്‍ വേണമെന്നതാണ്.>>>
ReplyDeleteഒരു സ്ത്രീക്ക് പരമാവധി രണ്ടു കുട്ടികള്‍ എന്ന നിയമം വരുമ്പോള്‍ TFR 2.3 എന്ന സുസ്ഥിര വളര്‍ച്ച നിരക്കില്‍ എത്തി ചേരാന്‍ ഒരിക്കലും സാധ്യമാവില്ലല്ലോ.നിയന്ത്രണ വിധേയമല്ലാത്തതും TFR നിരക്കിനെ കുറക്കുന്നതുമായ വളരെയധികം ഘടകങ്ങള്‍ ഉണ്ട്.
പരമാവധി രണ്ടു കുട്ടികള്‍ എന്ന് പറയുമ്പോള്‍ എല്ലാ അമ്മമാരും രണ്ടു കുട്ടികളെ പ്രസവിചിരിക്കണം എന്നെല്ലല്ലോ രണ്ടു കുട്ടികളില്‍ കൂടരുത് എന്നെല്ലേ..?ഇപ്പോള്‍ തന്നെ 1.7 കുട്ടികള്‍ മാത്രമേ കേരളത്തിലെ സ്ത്രീകള്‍ക്ക് ഉള്ളൂ.(അത്രയെങ്കിലും സാധ്യമായത് ചില സ്ത്രീകളെങ്കിലും നാലും അഞ്ചും പ്രസവിക്കുന്നത് കൊണ്ടാണ്)ഈ നിയമം വരുമ്പോള്‍ ഈ നിരക്ക് ഇനിയും വളരെയധികം കുറയുകയും തലമുറകള്‍ ഒന്നൊന്നായി നശിച്ച് പോകുന്ന സാഹചര്യമല്ലേ ഉണ്ടാവുക...?അത് പോലെ കേരളത്തിന് മാത്രം സ്വന്തമായ സെക്സ് അനുപാതത്തിലെ അസന്തുലിതാവസ്ഥയും TFR നിരക്കിലെ കുറവ് കൊണ്ടാണ് ഉണ്ടാകുന്നത്.
എന്തായിരിക്കും ഈ നിയമത്തിന്‍റെ രഹസ്യ അജണ്ട...?
???????????????????
This comment has been removed by the author.
ReplyDeleteമതം തിരിച്ചുള്ള പ്രത്യുപാദനം പ്രോത്സാഹിപ്പിക്കുന്നത് കുറേ നാൾ മുൻപേ തുടങ്ങിയതാണല്ലോ. RSS-ന്റെ K. S. സുദര്‍ശനും തൃശ്ശൂര്‍ ആര്‍ച്ച് ബിഷപ്പ് മാര്‍ ആന്‍‌ഡ്രൂസ് താഴത്തും മുൻപ് ഇതേ രീതിയിൽ പറഞ്ഞിട്ടുണ്ട്. സുദർശൻ പണമൊന്നും ഓഫർ ചെയ്തില്ല. ആർച്ച് ബിഷപ്പ് അതും ചെയ്തു. (2008-ൽ ഞാനിതിനെക്കുറിച്ച് ഒരു പോസ്റ്റിട്ടിരുന്നു.)
ReplyDeleteഇത്തരം ആഹ്വാനങ്ങളിൽ ആകൃഷ്ടരാവുന്നത് സാമ്പത്തികമായി താഴേക്കിടയിൽ നിൽക്കുന്നവരായിരിക്കും എന്നതാണ് കഷ്ടം.
പിന്നെ, പട്ടിണി മൂലം അനേകായിരം ശിശുക്കൾ മരിക്കുകയും നരകിക്കുകയും ചെയ്യുന്ന നമ്മുടെ നാട്ടിൽ ഇങ്ങനെ തന്നെ വേണം ശിശുദിനം ആഘോഷിക്കാൻ!
"...ജനസംഖ്യ വര്ദ്ധനവിന്റെ ദേശീയ ശരാശരി 18 ശതമാനം ആണ്. എന്നാല്‍ കേരളത്തില്‍ അത് അഞ്ചു ശതമാനത്തിനും താഴെയാണ്...."
ReplyDeleteശ്രീ ബഷീര്‍ വള്ളിക്കുന്ന് ഉദ്ധരിച്ചിരിയ്ക്കുന്ന ഈ കണക്കിനെപ്പറ്റിയൊരു വിശദീകരണം കൊടുക്കുക മാത്രമാണ് ഈ പ്രതികരണം കൊണ്ടുദ്ദേശിയ്ക്കുന്നത്. ഇന്ത്യയുടെ ജനസംഖ്യാ വര്ദ്ധനവ് 18 ശതമാനമെന്നു കാണുമ്പോള്‍ ചിലരെങ്കിലും അത് വര്‍ഷം തോറുമുള്ള വര്‍ദ്ധനവായി തെറ്റിദ്ധരിച്ചു പോയേയ്ക്കാം. മേല്‍പ്പറഞ്ഞ വര്ദ്ധനവ് - കൃത്യമായിപ്പറഞ്ഞാല്‍ 17.64 ശതമാനം - ഒരു ദശാബ്ദത്തിലേതാണ്. 2011-ലെ കണക്കുകള്‍ അനുസരിച്ച് ഇന്ത്യയുടെ വാര്‍ഷിക ജനസംഖ്യാവര്‍ദ്ധന 1.344 ശതമാനമാണ്. ഐക്യരാഷ്ട്രസഭയുടെ 2005-10-ലെ കണക്കനുസരിച്ച് ഇത് 1.46 ശതമാനവും, ലോകബാങ്കിന്‍റെ 2009-ലെ കണക്കനുസരിച്ച് 1.34 ശതമാനവുമാണ്. (ചൈനയുടേത് കേവലം 0.51 ശതമാനം മാത്രമാണ്). ഇനി കേരളത്തിലേയ്ക്കു കടക്കാം. കേരളത്തിലെ വാര്‍ഷിക ജനസംഖ്യാ വര്‍ദ്ധന 1998-ല്‍ 0.87 ശതമാനം മാത്രമായിരുന്നു എന്നും 2001-ല്‍ ഇത് 0.942 ശതമാനമായെന്നും വിക്കിപ്പീഡിയ കാണിയ്ക്കുന്നു.
@sherriff kottarakara
ReplyDeleteഒറ്റയടിക്ക് അഞ്ചെണ്ണം പ്രസവിച്ച അവരുടെ പേര് KCBC ക്ക് അയക്കൂ.
@Kalidasan
KCBC അവാര്ഡ് പുരുഷന്മാര്‍ക്ക് കൂടിയുണ്ട്. അതുകൊണ്ടാണ് ചനയുടെ കാര്യം സൂചിപ്പിച്ചത്.
@Sunil MS
അതെ 10 വര്‍ഷം കൂടുമ്പോഴുള്ള സെന്‍സസ് രേഖകളെ അടിസ്ഥാനമാക്കിയുള്ള ശതമാനമാണ് ഞാന്‍ സൂചിപ്പിച്ചത്. വിശദീകരണത്തിനു നന്ദി.
ഞാൻ അഞ്ചുമക്കളിൽ രണ്ടാമത്തവനും,ഭാര്യ എട്ടിൽ ആറാമത്തേതും,ഞങ്ങൾക്ക് മൂന്നും.മൊത്തം നിയമവിരുദ്ധം.
ReplyDeleteശ്രീ രവിചന്ദ്രന്റെ "സ്വാമി പറഞ്ഞ സത്യം" എന്ന പോസ്റ്റില്‍ നിന്നും :
ReplyDelete"ലോകത്തെ ചില പ്രതിഭകളെ കണ്ടെത്തി അത്രയും നമ്പര്‍ പ്രസവം നടന്നില്ലയിരുന്നെങ്കില്‍ അവരെ ലോകത്തിന് ലഭിക്കില്ലായിരുന്നുവെന്ന മതപ്രചരണം തീര്‍ത്തു ബാലിശമാണ്. KCBC യൊക്കെ ഭിത്തികളില്‍ ഈ പരസ്യം പതിപ്പിച്ചു തുടങ്ങിയത്രെ. കൃത്യസമയത്ത് ഒഴിവാക്കിയിരുന്നെങ്കില്‍ എത്ര ഇരുണ്ട വ്യക്തിത്വങ്ങള്‍ ഈ ലോകത്തേ വരില്ലായിരുന്നുവെന്ന് ഓര്‍ക്കണം. പ്രസവം നീട്ടിയതു മൂലം ലോകത്തെത്തിയ അധമര്‍ അസംഖ്യം. കൂടുതല്‍ പ്രസവിച്ചുകൊണ്ടിരുന്നാല്‍ പ്രതിഭ വിരിയുമെന്നാണോ വാദം?! പിന്നെന്തിന് ആറും ഏഴുമാകുമ്പോള്‍ നിറുത്തുന്നു? പ്രസവം കൂട്ടിയാല്‍ പ്രതിഭ വിരിയുമെങ്കില്‍ ജനസംഖ്യ കൂടിയ രാജ്യങ്ങളില്‍ പ്രതിഭകളെ തട്ടി നടക്കാനാവാത്ത സ്ഥിതി ഉണ്ടാകേണ്ടതാണ്. ജനസംഖ്യ കൂടുമ്പോള്‍ Probability theory അനുസരിച്ച് എല്ലാത്തരം(പ്രതിഭ, ക്രിമിനല്‍, മന്ദബുദ്ധി, കള്ളന്‍, വികലാംഗര്‍, രോഗി,...etc) വ്യക്തിത്വങ്ങളും ഉണ്ടാകാനുള്ള സാധ്യത വര്‍ദ്ധിക്കുകയാണ്. എനിക്കിതേ പറയാനുള്ളു: ദയവായി പ്രസവം ഒരിക്കലും നിറുത്തരുത്: നിങ്ങളുടെ 'തനിക്കൊണ'മുള്ള യഥാര്‍ത്ഥ കുട്ടി ഇനിയും വരാനിരക്കുന്നതേയുള്ളു!"
ഒരു KCBCയുടെ ആഹ്വാനത്തോടുള്ള പ്രതികരണം കാണിക്കുന്നതിലൂടെ ആധാരണീയനായ ഒരു വ്യക്തിയുടെ സദുദ്ദേശത്തോടുകൂടിയുള്ള ഒരു പ്രസ്താവനയോടുള്ള അസ്വാസ്ഥ്യം പ്രകടമാവുന്നുണ്ടോ ബഷീറിന്റെ വരികളില്‍ എന്നൊരു സംശയം. അങ്ങനെ വേണമെന്ന് ആണത്തതോടെ പറയാന്‍ ഒരാളെങ്കിലും വേണ്ടേ നമുക്ക് ! സ്ത്രീയുടെ സമ്മതത്തിനു പുല്ലു വില കല്‍പ്പിക്കുന്ന, കാമാഭിനിവേശമുള്ളപ്പോഴൊക്കെ മുന്നും പിന്നും നോക്കാതെ പ്രവര്‍ത്തിച്ചു ഫലം വരുമ്പോള്‍ ദൈവ ദാനമെന്ന മുന്‍‌കൂര്‍ ജാമ്യമെടുക്കുന്ന നമ്മളില്‍ പലരും ഇതുവരെ ജനസംഖ്യ ക്രമാതീതമായി വര്‍ധിപ്പിച്ചു കഴിഞ്ഞു. പലരും വിവരമില്ലാതെ പലതും പറഞ്ഞു കണ്ടു നിയമം മുമ്പേ വന്നിരുന്നെങ്കില്‍ രാഷ്ട്രപിതാവും, കലാമും ഒന്നും ഉണ്ടാകുമായിരുന്നില്ല എന്ന്. അവരൊക്കെ ജനിക്കുന്ന കാലത്തെ ഇപ്പോഴത്തെ പുരോഗമന കാലവുമായി താരതമ്യം ചെയ്യുന്നവര്‍ വിഡ്ഢികളുടെ സ്വര്‍ഗത്തിലാണെന്നല്ലാതെ എന്ത് പറയാന്‍. വരും തലമുറയോട് നമുക്കെന്തെങ്കിലും പ്രതിബദ്ധതയുണ്ടെങ്കില്‍ സ്വയം നിയന്ത്രിച്ചേ മതിയാവൂ - നിയന്ത്രണം വരാന്‍ കാത്തു നില്‍ക്കാതെ! അല്ലെങ്കില്‍ ഈ ഭൂമിയില് ജീവിക്കാന്‍ സ്ഥലമില്ലാതാവുക തന്നെ ചെയ്യും ഭാവിയില്‍!!!
ReplyDeleteഅലിഭായി,
ReplyDeleteഇപ്പോള്‍ തന്നെ കേരളത്തിലെ മുന്നിലൊന്നു കുടുംബങ്ങളില്‍ രണ്ടില്‍ താഴെ കുട്ടികളേ ഉള്ളു. സുസ്ഥിര വളര്‍ച്ചക്ക് വേണ്ട TFR ഇപ്പോള്‍ തന്നെ കേരളത്തിലില്ല. അതുകൊണ്ട് ഒരു നിയമം മൂലം രണ്ടു കുട്ടികള്‍ എന്ന് പരിമിതപ്പെടുത്തേണ്ട യാതൊരു അടിയന്തര സാഹചര്യവും കേരളത്തില്‍ ഇന്നില്ല.
ജസിറ്റ്സ് അയ്യര്‍ക്ക് എന്തെങ്കിലും അജണ്ട ഉണ്ടെന്ന് എനിക്ക് തോന്നുന്നില്ല. ജനസംഖ്യ വര്‍ദ്ധന സംബന്ധിച്ചുള്ള കാര്യങ്ങള്‍ ശരിക്കും മനസിലാക്കാതെയാണദ്ദേഹം ഈ നിര്‍ദ്ദേശം മുന്നോട്ട് വച്ചത്. അദ്ദേഹത്തിന്റെ വനിത കോഡ് ബില്ലില്‍ സ്ത്രീകളുടെയും കുട്ടികളുടെയും ക്ഷേമത്തിന്‍ വേണ്ട അനേകം നല്ല നിര്‍ദേശങ്ങളുണ്ട്. പക്ഷെ രണ്ടു കുട്ടികളില്‍ കൂടുതലുള്ള മാതാപിതാക്കളെ തടവും പിഴയും ചുമത്തി ശിക്ഷിക്കണമെന്ന നിര്‍ദ്ദേശം വെറുതെ അനാവശ്യ വിവാദങ്ങള്‍ക്ക് ഇടയാക്കി. ഇപ്പോള്‍ വലിയ കുടുംബങ്ങളെ ആദരിക്കാന്‍ KCBC നടത്തുന്ന നീക്കം ഈ നിര്‍ദ്ദേശത്തോടുള്ള പ്രതിഷേധമായി കണ്ടാല്‍ മതി. അവര്‍ ആദരിക്കുന്നത് കൂടുതല്‍ കുട്ടികളുള്ള എല്ലാ കുടുംബങ്ങളെയുമാണ്. അല്ലാതെ കത്തോലിക്കാ കുടംബങ്ങളെ മാത്രമല്ല.
മാത്രമല്ല ജനസംഖ്യ നിയന്ത്രണത്തിനു വേണ്ട വളരെ വലിയ ഒരു സംഭാവന KCBC നല്‍കുന്നുമുണ്ട്. വൈദികരും കന്യാസ്ത്രീകളുമായി വലിയ ഒരു പറ്റം ആളുകള്‍ വിവാഹം കഴിക്കാതെ ജനസംഖ്യ വര്‍ദ്ധനയെ ചെറുക്കുന്നു. ഈവര്‍ ആഹ്വാനം ചെയ്തു എന്നു കരുതി ആരും കൂടുതല്‍ കുട്ടികളെ ഉത്പാദിപ്പിക്കാനും പോകുന്നില്ല.
>>>>സ്ത്രീയുടെ സമ്മതത്തിനു പുല്ലു വില കല്‍പ്പിക്കുന്ന, കാമാഭിനിവേശമുള്ളപ്പോഴൊക്കെ മുന്നും പിന്നും നോക്കാതെ പ്രവര്‍ത്തിച്ചു ഫലം വരുമ്പോള്‍ ദൈവ ദാനമെന്ന മുന്‍‌കൂര്‍ ജാമ്യമെടുക്കുന്ന നമ്മളില്‍ പലരും ഇതുവരെ ജനസംഖ്യ ക്രമാതീതമായി വര്‍ധിപ്പിച്ചു കഴിഞ്ഞു.<<<<
ReplyDeleteരാജ്,
അപ്പോള്‍ പ്രത്യുത്പാദനം നടത്തുന്ന എല്ലാവരും ബലാല്‍സംഘം ചെയ്താണോ ഈ കാര്യം സാധിക്കുന്നത്? അനുഭവത്തില്‍ നിന്നും പറഞ്ഞതാണോ ഇത്?
രാഷ്ട്രീയ വിലപേശല്‍ ശക്തി കൂട്ടുന്നതിന് വേണ്ടി കെ സി ബി സി-യുടെ സങ്കുചിത തീരുമാനം ആണിത്
ReplyDeleteജസിറ്റ്സ് അയ്യര്‍ക്ക് എന്തെങ്കിലും അജണ്ട ഉണ്ടെന്ന് എനിക്ക് തോന്നുന്നില്ല. ജനസംഖ്യ വര്‍ദ്ധന സംബന്ധിച്ചുള്ള കാര്യങ്ങള്‍ ശരിക്കും മനസിലാക്കാതെയാണദ്ദേഹം ഈ നിര്‍ദ്ദേശം മുന്നോട്ട് വച്ചത്.>>>
ReplyDeleteജസിറ്റ്സ് അയ്യരെ നമുക്കറിയാം.അദ്ദേഹത്തെ നമ്മള്‍ അംഗീകരിക്കുകയും ആദരിക്കുകയും ചെയ്തിട്ടുമുണ്ട്.പക്ഷെ ഇപ്പോള്‍ ഈ 'തൊണ്ണൂറ്റി അഞ്ചാം' വയസ്സില്‍ അദ്ദേഹത്തെ നമ്മള്‍ അറിയുന്നത് വിവാദമായ വനിതാ കോഡ് കമ്മീഷന്‍റെ ചെയര്‍മാന്‍ എന്ന നിലക്കാണ്.അതെ സമയം കമ്മീഷനിലെ മറ്റ് മെമ്പര്‍മാരെ നമ്മള്‍ അറിയുന്നില്ല.യഥാര്‍ത്ഥത്തില്‍ കമ്മീഷനില്‍ മറ്റ് മെമ്പര്‍മാരെ നമ്മള്‍ അറിയേണ്ടതില്ലെന്ന് മാത്രമല്ല വി.ആര്‍ ജസ്റ്റീസ്‌ അയ്യരെ പോലും നമ്മള്‍ അറിയേണ്ടതില്ല.നമ്മുടെ മുമ്പിലുള്ളത് പ്രസ്തുത കമ്മീഷന്‍റെ ശുപാര്‍ശകള്‍ മാത്രമാണ്.അത് മാത്രമാണ് നമ്മളെ ബാധിക്കുന്ന വിഷയവും.അല്ലാതെ കമ്മീഷനോ ജസ്റ്റീസ്‌ അയ്യരോ കമ്മീഷനിലെ മറ്റ് മെമ്പര്‍മാരോ അല്ല.
വനിതാ കോഡ് ശുപാര്‍ശകളില്‍,ജനസംഖ്യ നിയന്ത്രണത്തിന്‍റെ ഉദ്ദേശലക്ഷ്യമായി നമ്മള്‍ പ്രതീക്ഷിക്കുന്നതിന് പുറമേ വിചിത്രമായ മറ്റ് ചില കാര്യങ്ങള്‍ കൂടി പറയുന്നുണ്ട്.അതായത്,
വനിതാ കോഡ് കമ്മീഷന്‍റെ ജനസംഖ്യ നിയന്ത്രണം,നാടിന്‍റെ പുരോഗതിക്ക്‌ മാത്രമല്ല,.....
മതേതരത്വത്തിനും വിവിധ സമുദായങ്ങള്‍ തമ്മിലുള്ള സൌഹാര്‍ദ്ധത്തിനും സന്തോഷത്തിനും വേണ്ടിയാണത്രേ!!!!!????
ജനസംഖ്യ നിയന്ത്രണവും മത സൗഹാര്‍ദ്ദവും തമ്മിലെ ബന്ധം എന്താണെന്ന് മിസ്റ്റര്‍ കാളിദാസന് മനസ്സിലായോ...?
...എന്നാല്‍ പലര്‍ക്കും അവ തമ്മിലെ ബന്ധം എന്താണെന്ന് മനസ്സിലാവുന്നില്ല.അവ തമ്മിലെ ബന്ധമെന്താണെന്ന് ആലോചിച്ചു അന്തം വിടുന്നവര്‍ കമ്മീഷന് എന്തോ അജണ്ടയുണ്ടെന്നു സംശയിക്കുന്നത് സ്വാഭാവികമാണ്.
ജനസംഖ്യ നിയന്ത്രണം മത സൌഹാര്‍ദ്ധത്തിനും മതേതരത്വത്തിനും സഹായകരമാവുമെന്ന് വനിതാ കോഡിനെ അനുകൂലിക്കുന്നവര്‍ക്ക് അല്ലെങ്കില്‍ കമ്മീഷന് വിശദീകരിക്കാന്‍ കഴിയാത്ത സാഹചര്യത്തില്‍ ഈ ബില്ല് ഈ സര്‍ക്കാറിന്‍റെ(യു ഡി എഫ്) കാലത്ത് നിയമമാവുമെന്ന പ്രതീക്ഷ വച്ചു പുലര്‍ത്തുന്നവര്‍ വനിതാ കോഡിലെ രഹസ്യ കോഡിനെ കുറിച്ചറിയാത്തവരാണ്.
>>>>>ജനസംഖ്യ നിയന്ത്രണവും മത സൗഹാര്‍ദ്ദവും തമ്മിലെ ബന്ധം എന്താണെന്ന് മിസ്റ്റര്‍ കാളിദാസന് മനസ്സിലായോ...?<<<<
ReplyDeleteഅലിഭായ്,
ജനസംഖ്യ നിയന്ത്രണം മത സൌഹാര്‍ദ്ദത്തിനു വേണ്ടി ആണെന്ന് ജസ്റ്റിസ് അയ്യര് പറഞ്ഞതായി ഞാന്‍ വായിച്ചിട്ടില്ല.
ജനസംഖ്യ നിയന്ത്രണം രാജ്യത്തിന്റെ പൊതു നന്മക്ക് വേണ്ടിയാണ്. കേരളം ജനസംഖ്യ നിയന്ത്രണത്തില്‍ അഭിമാനകരമായ നേട്ടങ്ങള്‍ കൈവരിച്ചിട്ടുണ്ട്. ഇതില്‍ അല്‍പ്പം പിന്നില്‍ നില്‍ക്കുന്നത് മലബാര്‍ മേഖലയിലെ മുസ്ലിങ്ങള്‍ മാത്രമാണ്. തെക്കന്‍ കേരളത്തില്‍ മുസ്ലിങ്ങള്‍ ഭൂരിഭാഗം പേരും ജനസംഖ്യ നിയന്ത്രണത്തില്‍ സജീവമായി പങ്കെടുക്കുന്നുമുണ്ട്.
കമ്മീഷന് വെറും ശുപാര്‍ശകളേ നടത്തിയിട്ടുള്ളൂ. അത് നിയമാകണമെങ്കില്‍ അതിനുള്ള ഒരു ബില്ല്, നിയമസഭയയില്‍ അവതരിപ്പിച്ച് പാസ്സാക്കി ഇന്‍ഡ്യന്‍ പ്രസിഡണ്ടിന്റെ അംഗീകാരവും കോടതിയുടേ അനുവാദവം വേണ്ടി വരും. അതുകൊണ്ട് ശുപര്‍ശകളുടെ അജണ്ട തപ്പിപ്പോകുന്നതില്‍ വലിയ സാംഗത്യമില്ല.
വെറും അജണ്ട എന്നാരോപിക്കാതെ എന്താണീ അജണ്ട എന്ന് താങ്കള്‍ക്ക് ഒന്ന് വ്യക്തമാക്കാമോ?
കാളിദാസന് താങ്കള്‍ പറയുന്നൂ....
ReplyDelete''''ഇപ്പോള്‍ തന്നെ കേരളത്തിലെ മുന്നിലൊന്നു കുടുംബങ്ങളില്‍ രണ്ടില്‍ താഴെ കുട്ടികളേ ഉള്ളു. സുസ്ഥിര വളര്‍ച്ചക്ക് വേണ്ട TFR ഇപ്പോള്‍ തന്നെ കേരളത്തിലില്ല. അതുകൊണ്ട് ഒരു നിയമം മൂലം രണ്ടു കുട്ടികള്‍ എന്ന് പരിമിതപ്പെടുത്തേണ്ട യാതൊരു അടിയന്തര സാഹചര്യവും കേരളത്തില്‍ ഇന്നില്ല.''''
താങ്കളുടെ വാക്കുകളെയും കണക്കുകളെയും അടിസ്ഥാനമാക്കിയാല്‍,നിയമം മൂലം രണ്ടു കുട്ടികള്‍ എന്ന് പരിമിതപ്പെടുത്തേണ്ട യാതൊരു അടിയന്തര സാഹചര്യവും കേരളത്തില്‍ ഇന്നില്ലെന്ന് മനസ്സിലാക്കാം.എന്ന് മാത്രമല്ല ഒരു നിയമം കൊണ്ട് വന്നു രണ്ടു കുട്ടിയില്‍ പരിമിതപ്പെടുത്തിയാല്‍ കേരളം നെഗറ്റീവ് ഗ്രോത്തിലെക്ക് പോകുമെന്നും,അത് പോലെ കേരളത്തില്‍ മാത്രമുള്ള സെക്സ് അനുപാതത്തിലെ അന്തരം വളരെയധികം വര്‍ദ്ധിക്കുമെന്നും മനസ്സിലാക്കാനും പാഴൂര്‍ പടിപ്പുര വരെ പോകേണ്ടതില്ല.ഈ സാഹചര്യത്തില്‍ ഈ നിയമം ലക്ഷ്യമാക്കുന്നത് എന്താണെന്നറിയാന്‍ കമ്മീഷന് അംഗങ്ങളെ പോസ്റ്റ്മോര്ട്ടം ചെയ്യുന്നതിന് പകരം കമ്മീഷന് ശുപാര്‍ശകളായ വനിതാ കോഡിലെ ഓരോ വാക്കും കീറിമുറിച്ചു പോസ്റ്റ്മോര്ട്ടം ചെയ്തു ശേഷമുള്ള ക്രിയകള്‍ ചെയ്യാന്‍ ഈ നിയമം ബാധകമാവുന്ന എല്ലാവര്ക്കും ബാധ്യതയുണ്ട്.അവരങ്ങനെ കോഡിന്‍റെ ഉള്ളിലെ കോഡ് തപ്പി പോകുന്നത് വലിയ സംഗതി തന്നെയാണ്.അക്കാര്യത്തില്‍ അനിഷ്ടം പ്രകടിപ്പിക്കുന്നതില്‍ വലിയ സംഗതിയില്ല.
ജനസംഖ്യ നിയന്ത്രണം മത സൌഹാര്‍ദ്ദത്തിനു വേണ്ടി ആണെന്ന് ജസ്റ്റിസ് അയ്യര് പറഞ്ഞതായി ഞാന്‍ വായിച്ചിട്ടില്ല>>>
ജനസംഖ്യ നിയന്ത്രണം മത സൌഹാര്‍ദ്ദത്തിനു വേണ്ടി ആണെന്ന് ജസ്റ്റിസ് അയ്യര് പറഞ്ഞതായി ഞാനും വാദിച്ചിട്ടുമില്ല.എന്നാല്‍,ജസ്റ്റിസ് അയ്യര് ചെയര്‍മാനായ കമ്മീഷന്‍റെ വനിതാ കോഡ് ശുപാര്‍ശകളില്‍,ജനസംഖ്യ നയവുമായി ബന്ധപെട്ട യാതൊരു ചര്‍ച്ചകളിലും കാണപ്പെടാത്ത അത്തരം പദപ്രയോഗങ്ങള്‍ ഉണ്ടെന്നാണ് ഞാന്‍ സൂചിപ്പിച്ചത്.താങ്കള്‍ അത് വായിചില്ലായെന്നത് അങ്ങനെയില്ലായെന്നതിന്‍റെ തെളിവാകുന്നുമില്ല.സഹോദര്യവും മതേതര സ്വഭാവവും നിലനിര്‍ത്തുന്നതിനാണ് കോഡിലെ ജനസംഖ്യ നിയന്ത്രണ നിയമമെന്ന് രണ്ടിടത്ത് ആവര്‍ത്തിക്കുന്നുണ്ട്.മതേതരത്തിനും വിവിധ സമുദായങ്ങള്‍ക്കിടയില്‍ സൗഹാര്‍ദവും സന്തോഷവും നിലനിര്‍ത്തുന്നതിനും ഈ നിയമം എങ്ങനെ ഉപകാരപ്പെടുമെന്ന് കമ്മീഷന് തന്നെ വിശദീകരിക്കേണ്ടതുണ്ട്.
@ കാളിദാസന് : തോക്കിലേക്ക് വെടി വെയ്ക്കാതെ കാളിദാസാ! ഞാന്‍ ഉദ്ദേശിച്ചതെന്തെന്നു ക്ഷമയോടെ ഒന്നുകൂടി വായിച്ചു വിലയിരുത്തൂ.....
ReplyDelete@Kalidasan
ReplyDeleteമാത്രമല്ല ജനസംഖ്യ നിയന്ത്രണത്തിനു വേണ്ട വളരെ വലിയ ഒരു സംഭാവന KCBC നല്‍കുന്നുമുണ്ട്. വൈദികരും കന്യാസ്ത്രീകളുമായി വലിയ ഒരു പറ്റം ആളുകള്‍ വിവാഹം കഴിക്കാതെ ജനസംഖ്യ വര്‍ദ്ധനയെ ചെറുക്കുന്നു. ഈവര്‍ ആഹ്വാനം ചെയ്തു എന്നു കരുതി ആരും കൂടുതല്‍ കുട്ടികളെ ഉത്പാദിപ്പിക്കാനും പോകുന്നില്ല.
ഉവ്വുവ്വ്. വൈദികരും കന്യാസ്ത്രീകളും വാസക്ടമിയോ അത് പോലുള്ള ശസ്ത്രക്രിയകളും മറ്റും ചെയ്തു സര്‍ട്ടിഫിക്കറ്റ് നല്‍കിയാണോ മഠത്തില്‍ ചേരുന്നത്? ഇനി വിവാഹം കഴിച്ചാല്‍ മാത്രമേ കുട്ടികള്‍ ഉണ്ടാവുകയുള്ളൂ എന്നാണാവോ കാളിദാസന് ധരിച്ചിരിക്കുന്നത്?
കത്തോലിക്കര്‍ ആയ പള്ളീലച്ചന്മാര്‍ വിവാഹം കഴിക്കുന്നില്ല എന്നെ ഉള്ളൂ, ലൈംഗിക ബന്ധത്തില്‍ ഏര്‍പ്പെടാറില്ല എന്ന് കാളിദാസന് വിശ്വസിക്കുന്നത് ഒന്നുകില്‍ മുഴുവന്‍ സമയവും ഇസ്ലാമിനെക്കുറിച്ച് മാത്രം വായിക്കുന്നത് കൊണ്ടാകും, അല്ലെങ്കില്‍ പല മുസ്ലീം വിമര്‍ശകരിലും കാണാറുള്ള സ്വതവേ ഉള്ള ഹിപ്പോക്ക്രസി. ക്രിസ്ഥിയാനികളുടെ പുണ്യ ദേശങ്ങളിലെല്ലാം കത്തോലിക്കാ സഭയുടെ അച്ചന്മാര്‍ ലൈംഗിക കുറ്റങ്ങളുടെ കാര്യത്തില്‍ മുന്‍പില്‍ ആണ്. ഇരകള്‍ ആകട്ടെ പള്ളിയില്‍ വരാറുള്ള കൊച്ചു കുഞ്ഞാടുകളും. അവര്‍ക്കെതിരെ മിക്ക യൂറോപ്പിയന്‍ രാജ്യങ്ങളിലും കേസുകളും ഉണ്ട്. ജര്‍മ്മനിയിലെ വലിയ ഇടയന്‍ പോലും സംശയത്തിന്റെ നിഴലില്‍ ആണ്.
ഇന്ത്യയിലും അങ്ങനെ നടക്കാത്തത് കൊണ്ടല്ല, ഇവിടത്തെ സര്‍ക്കാരിന് വേറെ നൂറു കണക്കിന് തിരക്കുണ്ട്‌, കത്തോലിക്കാ സഭയിലെ ലൈംഗിക കുറ്റകൃത്യങ്ങളുടെ കണക്കെടുക്കാനോന്നും നേരമില്ല. ഇവിടെ അഭയ കേസ് തന്നെ ഒരു വകേലും എത്തിയില്ല, പിന്നാ.
ഇപ്പോള്‍ വലിയ കുടുംബങ്ങളെ ആദരിക്കാന്‍ KCBC നടത്തുന്ന നീക്കം ഈ നിര്‍ദ്ദേശത്തോടുള്ള പ്രതിഷേധമായി കണ്ടാല്‍ മതി.
അതെ, ഇത് പറഞ്ഞത് കാളിദാസന്റെ ഞമ്മന്റെ ആളാണല്ലോ, അത് കൊണ്ട് സബൂരാക്കാം, അല്ലെ. Political Christianity എന്നൊന്നില്ല എന്നും ക്രിസ്ഥിയാനികള്‍ പൊതു സമൂഹത്തില്‍ ഇടപെടില്ല എന്നൊക്കെ ഉള്ള സ്വന്തം ബ്ലോഗ്ഗില്‍ സ്ഥിരമായി കാച്ചാറുള്ള കപട വാദങ്ങളും വന്കതരങ്ങളുംകൂടെ പോരട്ടെ.
"ഇപ്പോള്‍ വലിയ കുടുംബങ്ങളെ ആദരിക്കാന്‍ KCBC നടത്തുന്ന നീക്കം ഈ നിര്‍ദ്ദേശത്തോടുള്ള പ്രതിഷേധമായി കണ്ടാല്‍ മതി."
ReplyDelete:)
മുസ്ലീം ജനന സംഖ്യ കൂടുന്നു എന്ന് പറഞ്ഞ് കൂടുതല്‍ മക്കളെ ഉല്‍പ്പാദിപ്പിക്കുവാന്‍ കത്തോലിക്ക സഭ പറഞ്ഞത് ബില്ല് വരുന്നതിന് മുന്‍പാണ്. 2001ലെ സെന്‍സസ് ഔദ്യോഗികമായി പുറത്ത് വന്നപ്പോള്‍ തന്നെ “ഇങ്ങനെ പോയാല്‍ മുസ്ല്ലിങ്ങള്‍ ഭൂരിപക്ഷമാകും” എന്ന് പറഞ്ഞത് മരിച്ച് പോയ അന്നത്തെ കെ.സി.ബി.സി. തലവനായിരുന്ന തൃശൂര്‍ പിതാവായിരുന്നു. ഇതേ വാക്കുകള്‍ വത്തിക്കാനിലും മുഴങ്ങി. അതു വരെ ലോക ജനസംഖ്യയില്‍ മുന്നില്‍ നിന്ന കത്തോലിക്കരെ കടത്തി വെട്ടി മുസ്ലീം ജനസംഖ്യ മുന്നേറി എന്ന് 2008ലെ വത്തിക്കാന്‍ സ്റ്റാറ്റിക്സ് പുറത്ത് വന്നപ്പോള്‍ ഇനി ഏഷ്യയും ആഫ്രിക്കയും ലക്ഷ്യം ഇടണം എന്ന് പതുക്കെ പറഞ്ഞിരുന്നത് ഉറക്കെ ആക്കി തുടങ്ങി. വെസ്റ്റിനോട് പറഞ്ഞിട്ട് കാര്യമില്ലല്ലോ.
ക്രിസ്ത്യാനീകളില്‍ ഒരു വിഭാഗമാണ് കത്തോലിക്കര്‍ അത് പോലെ മുസ്ലീമില്‍ എത്രയോ വിഭാഗങ്ങള്‍ ഉണ്ട്. പക്ഷേ അവരെയെല്ലാം കൂട്ടി ചേര്‍ത്ത് മുസ്ലീം കണക്ക് പറയുമ്പോള്‍ ക്രിസ്ത്യാനികള്‍ എന്ന് കൂട്ടി ചേര്‍ത്ത് പറയുവാന്‍ വത്തിക്കാന്‍ തയ്യാറാകാത്തതിന്റെ പിന്നിലെ അജണ്ട എന്ത് എന്നത് വ്യക്തം.
ഇതെല്ലാം കണ്ട് കൊണ്ട് തന്നെയായിരിക്കണം കൃഷ്ണയ്യര് പുതിയ ബില്ലില്‍ ശിക്ഷ ഉള്‍പ്പെടുത്തിയത്. കേരളത്തെ മാത്രം ഉദ്ദേശിച്ച് മാത്രമായിരിക്കില്ല ഇത്. മറ്റ് സംസ്ഥാനങ്ങളിലും ബില്ല് വരുന്നുണ്ട്. അവര്ക്ക് റെഫര്‍ ചെയ്യാന്‍ ശക്തമായ ഒരു ബില്ല് വേണ്ടേ ;)
ഇവിടെ കമന്റുകളില്‍ ചൂണ്ടി കാട്ടിയത് പോലെ മത വിശ്വാസമുള്ളവര്‍ ഒരിക്കലും പണ്ട് ഈ നിയമം വന്നാല്‍ അവര്‍ ഉണ്ടാകില്ല എന്നൊക്കെ വലിയ വായില്‍ കരയില്ല. കാരണം ഓരോരുത്തര്‍ ജനിക്കണമെങ്കില്‍ അത് ദൈവം തീരുമാനിക്കണം എന്നാണ് മത വിശ്വാസം. അപ്പോള്‍ ഒരാള്‍ ഭൂമിയില് ജനിക്കണം എന്ന് ദൈവം തീരുമാനിച്ചാല്‍ അവന്‍ ജനിച്ചിരിക്കും എന്നല്ലേ. ക്രിസ്തു, കൃഷ്ണന്‍ ഒക്കെ ജനിച്ച കഥകള്‍ ഉദാഹരണം! അപ്പോള്‍ പിന്നെ കുടുമ്പാസൂത്രണം, അബോര്‍ഷന്‍ തുടങ്ങിയവ പാടില്ല എന്ന് മത വിശ്വാസികള്‍ പ്രത്യേകിച്ച് പുരോഹിതര്‍ വാദിക്കുന്നതിലെ അര്‍ത്ഥമെന്താണ്? ജനിക്കാനുള്ളവന്‍ എങ്ങിനെയും ജനിക്കും എന്നല്ലേ ദൈവം പറഞ്ഞിരിക്കുന്നത്, കാട്ടി തന്നിരിക്കുന്നത് ;)
പ്രസവം നിര്‍ത്തിയാല്‍ ജനിക്കേണ്ടിയിരിക്കുന്ന പ്രശസ്തര്‍ ഇല്ലാതാകുമെന്നാണ് മറ്റൊരു വാദം! സന്യാസികളില്‍ നിന്ന് എത്രയോ പ്രശസ്തര്‍ ജനിച്ചതായി കഥകള്‍ ഉണ്ട്. അപ്പോള്‍ കല്ല്യാണം നിഷേധിക്കപ്പെട്ടിട്ടുള്ള അച്ചന്മാര്‍ക്കും കന്യാസ്ത്രീകള്‍ക്കും മറ്റും ജനിക്കേണ്ടിയിരുന്ന, ജനിക്കാനിരിക്കുന്ന പ്രശസ്തരെ ഇല്ലാതാക്കുന്നതില്‍ എന്ത് ന്യായമാണ് പറയാനുള്ളത് ;)
മറ്റുള്ള മതക്കാര്‍ക്ക് കൂടി കൊടുത്തിരുന്നെങ്കില്‍ സമ്മാനം മേടിക്കാമായിരുന്നു എന്ന ആര്‍ത്തി അല്ലേ (നോട്ട് ദി പോയ്ന്റ്: അസൂയ അല്ല) ഈ പോസ്റ്റിന് പ്രചോദനം ;)
>>>>>ഇതെല്ലാം കണ്ട് കൊണ്ട് തന്നെയായിരിക്കണം കൃഷ്ണയ്യര് പുതിയ ബില്ലില്‍ ശിക്ഷ ഉള്‍പ്പെടുത്തിയത്. കേരളത്തെ മാത്രം ഉദ്ദേശിച്ച് മാത്രമായിരിക്കില്ല ഇത്. മറ്റ് സംസ്ഥാനങ്ങളിലും ബില്ല് വരുന്നുണ്ട്. <<<<<
ReplyDeleteഅപ്പോള്‍ കൃഷ്ണയ്യര്‍ക്ക് വ്യക്തമായ വര്‍ഗ്ഗീയ അജണ്ട ഉണ്ടായിരുന്നു എന്നാണോ താങ്കള്‍ പറഞ്ഞു വരുന്നത്? TFR (total fertility rate) 1.55 ഉള്ള ക്രിസ്ത്യാനികളെയും 1.47 ഉള്ള ഹിന്ദുക്കളെയുമല്ല അപ്പോള്‍ അയ്യര് ടാര്‍ഗറ്റ് ചെയ്തത്. 2.4 ഉള്ള മുസ്ലിങ്ങളെയാണ്. അതായിരിക്കാം അലിഭായി ഉദ്ദേശിച്ചതെന്നാണെനിക്ക് തോന്നുന്നത്.
അപ്പോള്‍ അയ്യരുടെ ഉത്ഖണ്ട, 56% ഉള്ള ഹിന്ദുക്കളുടെ സംഖ്യ കുറഞ്ഞുവരുന്നതിലുള്ള മനപ്രയാസമായിരുന്നു അല്ലേ? ഇപ്പോള്‍ കാര്യങ്ങള്‍ കുറച്ചുകൂടെ വ്യക്തമായി വരുന്നു.
ഞാനിത് വരെ കരുതിയത് ജനസംഖ്യ നിയന്ത്രിക്കാനുള്ള ഉദ്ദേശ്യത്തിലാണദ്ദേഹം വനിതാ കോഡ് ബില്ലില്‍ ഈ ശുപാര്‍ശ ഉള്‍പ്പെടുത്തിയത് എന്നായിരുന്നു. മുസ്ലിം ജനസംഖ്യയും ക്രൈസ്തവ ജനസംഖ്യയും കുറയ്ക്കാനുള്ള ഒരു രഹസ്യ അജണ്ട അദ്ദേഹത്തിനുണ്ട് എന്നു താങ്കള്‍ പറഞ്ഞപ്പോഴാണു ഞാന്‍ അറിഞ്ഞത്.
>>>>>@ കാളിദാസന് : തോക്കിലേക്ക് വെടി വെയ്ക്കാതെ കാളിദാസാ! ഞാന്‍ ഉദ്ദേശിച്ചതെന്തെന്നു ക്ഷമയോടെ ഒന്നുകൂടി വായിച്ചു വിലയിരുത്തൂ.... <<<<<
ReplyDeleteരാജ്,
വായിച്ചപ്പോള്‍ എനിക്ക് മനസിലായതാണു ഞാന്‍ എഴുതിയത്. അതല്ല ഉദ്ദേശിച്ചതെങ്കില്‍ വിശദീകരിക്കുക.
Dear Friends evide muzhuvan comentsum vayichappol enikku thonniyathanu ezhuthunnathe..evide janasangya kurakkan hindukkalkku mathreme thalparymulluu...enthina avar pinnottu pokunnathu avarum uthsahikkette..ethenkilum sangadana avarkku pintangatte ...aru vijayikkumennu naookkette adutha thalmuraye kurichu nammalenthinu vyakulappedanam. namukku nammude esamgal mathram mathi...
ReplyDeleteകെ.സി.ബി.സി.യുടെ ഈ ഉദ്യമത്തെ അത്രക്ക് പ്രതിരോധിക്കേണ്ട കാര്യമൊന്നുമില്ല. ഗാന്ധിജി മൂന്നാമതോ വേറെ വല്ലവരും എഴാമതോ ഒക്കെ ജനിച്ചോട്ടെ..
ReplyDeleteതാങ്കളുടെ തലമുറക്ക് ഒരു കുഴപ്പവും ഉണ്ടാകില്ലായിരിക്കും ചിലപ്പോള്‍ എന്‍റെത്തിനും കുഴപ്പമുണ്ടാകില്ലായിരിക്കും. പക്ഷെ ഇനിയും വരാനിരിക്കുന്ന തലമുറക്ക് ഭാവിയില്‍ ഒരു പ്രശ്നവും ഉണ്ടാകരുത്. ചൈനയിലെയും മറ്റു പാശ്ചാത്യ രാജ്യങ്ങളിലെയും പോലെ ഒന്നും അരയും പൂജ്യവുമൊക്കെ മക്കളുടെ എണ്ണമാകുമ്പോള്‍ വരും കാലങ്ങളില്‍ ഇപ്പൊ അവിടെയൊക്കെ സംഭവിക്കുന്നതുപോലെ വയോധികരുടെ ഒരു സമൂഹമയിരിക്കും ഉണ്ടാകുക.
അങ്ങനെ ഒരു കേരളമോ ഇന്ത്യയോ ഇനി വേണോ വള്ളിക്കുന്നെ??
പോസ്ടിനോട് ഒട്ടും യോജിക്കുന്നില്ല..
ReplyDeleteഇതൊക്കെ മനുഷ്യാവകാശ ലംഖനമല്ലേ വള്ളിക്കുന്നു മാഷേ...
എന്റെ പുതിയ പോസ്റ്റില്‍ ഞാന്‍ എതിര്‍വാദങ്ങള്‍ സവിസ്തരം പ്രതിപാദിച്ചിട്ടുണ്ട്.
http://elakkadans.blogspot.com/2011/12/blog-post_12.html
അച്ചന്മാരെ അങ്ങനെ കുറ്റം പറയാതെ, സഭയുടെ പ്രധാന ബിസിനുസ്സകള്‍ പള്ളിയും, സണ്ടേസ്കൂളുമൊന്നുമല്ല,
ReplyDeleteകാശുണ്ടാക്കുന്നത്, ആശുപത്രിയും, മെഡിക്കല്‍ കോളേജും, സ്കൂളുമൊക്കെ നടത്തിയാണ്, കേരളത്തിലെ ആളുകള്‍ പിള്ളാരെ ഉണ്ടാക്കിയില്ലെങ്കില്‍ ഈ കച്ചവടത്തിനൊക്കെ ക്ഷീണമാകും,
അതുകൊണ്ട് ഇത് കച്ചവടം കൊഴുപ്പിക്കാനുള്ള raw material ഉണ്ടാക്കാനുള്ള ആഹ്വാനമായികണ്ടാല്‍ പോരേ?
എന്തിനാ ഇതിലൊക്കെ മതത്തിെ വലിച്ചിഴക്കുന്നത്?