September 13, 2010

മമ്മൂട്ടിയുടെ ബ്ലോഗ്‌ ആരാണ് ഹാക്കിയത്?

നൂറാള്  ഒരുമിച്ചു വന്നാലും പുല്ലു പോലെ അടിച്ചിടുന്ന മമ്മൂട്ടിയുടെ ബ്ലോഗ്‌  ഏതോ ഒരു പുല്ലന്‍ അടിച്ചെടുത്തിരിക്കുന്നു. ഇന്നലെ മുതല്‍ സൂപ്പര്‍ താരത്തിന്റെ വെബ്‌ സൈറ്റ് തുറക്കുന്നവര്‍ക്ക് കിട്ടുന്നത് സൗദി അറേബ്യയില്‍ നിന്നുള്ള മിസ്റ്റര്‍ സ്കൂറിന്റെ സന്ദേശമാണ്. Saudi Arabia Hacker. Hacked by Mr. Skooor എന്നാണു സൈറ്റില്‍ തെളിഞ്ഞു വരുന്നത്. ഇന്ദ്രന്‍സ് ടൈ കെട്ടിയത് പോലെ ഒരു ഞാഞ്ഞൂലിന്റെ ചിത്രവും അതിലുണ്ട്. കളി മമ്മൂട്ടിയോട് വേണ്ട മോനെ, സൂപ്പര്‍ സ്റ്റാറാ, നിന്റെ പരിപ്പ് അയാളെടുക്കും എന്നാണു എനിക്ക് മിസ്റ്റര്‍ സ്കൂറിനോട് പറയാനുള്ളത്.

ഈ വിവരം അറിഞ്ഞ ഉടനെ മമ്മൂട്ടി ബെര്‍ളിയെ വിളിച്ചിരിക്കാന്‍ സാധ്യതയുണ്ട്. കാരണം പുള്ളിയുടെ വെബ്‌സൈറ്റിന്റെ ഹോള്‍ സെയില്‍ ഉപദേശകനും റീടെയില്‍ ബ്രോക്കറും ബെര്‍ളിയാണ്  ബെര്‍ളി മമ്മൂട്ടിയുടെ അളിയനാണോ എന്ന് വരെ ദുഫായിയില്‍ നിന്നുള്ള ഒരു ബ്ലോഗ്ഗര്‍ എന്നോട് ചോദിച്ചിട്ടുണ്ട്. അളിയനായാലും അല്ലേലും ബെര്‍ളിയുടെ തവിട്ടു കരങ്ങള്‍ (കറുത്ത കരങ്ങള്‍ എന്ന് ഞാന്‍ പറഞ്ഞിട്ടില്ല) മമ്മൂട്ടിയുടെ ബ്ലോഗിന് പിന്നില്‍ ഉണ്ട് എന്നത്  നാട്ടില്‍
പാട്ടാണ്

കേരള പോലീസിന്റെ ഇന്റെലിജെന്‍സ് രീതി അനുസരിച്ച് എന്റെ സംശയം ബെര്‍ളിയുടെ നേരെയാണ് തിരിയുന്നത്. സൗദി അറേബ്യയിലെ ഹാക്കര്‍ എന്ന പേരില്‍ ഈ പണി ഒപ്പിച്ചത് ബെര്‍ളി ആയിക്കൂടെന്നില്ല. സാഹചര്യത്തെളിവുകള്‍ ഇവയാണ്. (ഒന്ന്) ബെര്‍ളിയുടെ ബ്ലോഗ്‌  ഇതുപോലെ ഹാക്ക് ചെയ്യപ്പെട്ടിട്ടുണ്ട്. അന്ന് ബെര്‍ളിയുടെ ഫോട്ടോക്ക് പകരം ഒരു പട്ടിയുടെ ഫോട്ടോയാണ് ആ ബ്ലോഗില്‍ ഉണ്ടായിരുന്നത്. ബ്ലോഗ്‌ സംസാര വിഷയമാക്കാന്‍ ബെര്‍ളി തന്നെ ഒപ്പിച്ചതാണ് ആ പണിയെന്നു ഒരു സംസാരം ഉണ്ടായിരുന്നു. (രണ്ടു) മമ്മൂട്ടിയുടെ ബ്ലോഗ്‌ ഹാക്ക് ചെയ്ത വാര്‍ത്ത മനോരമയാണ്‌ പ്രാധാന്യത്തോടെ കൊടുത്തത്. ബെര്‍ളിയും മനോരമയിലാണ് .  (മൂന്ന്) ബെര്‍ളി ഈ വിഷയങ്ങളില്‍ ഒക്കെ മഹാ വെളവന്‍ ആണ്. വല്ലാത്ത ചങ്കുറപ്പുള്ള ഇനമാനെന്നും പറഞ്ഞു കേള്‍ക്കുന്നുണ്ട്. ഈ മൂന്ന് സാഹചര്യത്തെളിവുകള്‍ക്ക് പുറമേ ശരിക്കുള്ള സാക്ഷി മൊഴികള്‍ (മഅദനി മോഡല്‍) വേറെയും ഹാജരാക്കാന്‍ അല്പം ശ്രമിച്ചാല്‍ കഴിയും.

ഏതായാലും നമ്മുടെ സൂപ്പര്‍ താരത്തെ ഇങ്ങനെ ഹാക്കാന്‍ വിടുന്നത് ശരിയല്ല. ഹാക്ക് ചെയ്തത് ബെര്‍ളി ആയാലും അല്ലെങ്കിലും ബെര്‍ളി തന്നെ ഇടപെട്ട് പ്രശ്നം എത്രയും പെട്ടെന്ന് പരിഹരിച്ചു കൊടുക്കണം എന്നാണു എനിക്ക് പറയാനുള്ളത്. മമ്മൂട്ടിയുടെ ബ്ലോഗ്‌ വായിക്കാന്‍ വെമ്പല്‍ കൊണ്ട് നില്‍ക്കുന്ന കോടിക്കണക്കിനു വായനക്കാരെ ഇനിയും ആകാംക്ഷയുടെ  മുള്‍മുനയില്‍ നിര്‍ത്തരുത്. 

മ്യാവൂ: മമ്മൂട്ടിയുടെ ബ്ലോഗ്‌ ആരാണ് ആക്കിയത്? എന്ന ചോദ്യത്തിന്റെ കൂടെ ഇപ്പോള്‍ ചോദിക്കാന്‍ മറ്റൊരു ചോദ്യം കൂടി ഉണ്ടായി. മമ്മൂട്ടിയുടെ ബ്ലോഗ്‌ ആരാണ് ഹാക്കിയത്

38 comments:

  1. This comment has been removed by the author.

    ReplyDelete
  2. പാവം മമ്മൂട്ടി.
    "ആറ്റു നോറ്റുണ്ടാക്കിയ കസ്തൂരി മാമ്പഴം കാക്ക കൊത്തി പോയി.
    അയ്യോ കാക്കച്ചി കൊത്തി പോയി"
    കഷ്ടം. ഒടുവില്‍ ഹാക്കേര്‍സ് മമ്മൂട്ടിയെയും വിട്ടില്ല.

    ReplyDelete
  3. സൗദി അറേബ്യ ഒക്കെ പോയി . ഇപ്പോള്‍ "under maintenance" എന്നാ കാണിക്കുന്നത്.. തിരിച്ചു പിടിച്ചോ??

    ReplyDelete
  4. അതവിടെ ഉണ്ടായിട്ടും വല്ല്യ കാര്യമൊന്നുമില്ലായിരുന്നു. ആണ്ടിനും ചങ്ക്രാന്തിക്കും വല്ല പോസ്റ്റും വന്നാലായി.
    ന്നാലും ആരായിരിക്കും മെഗാസ്റ്റാറിനിട്ട് താങ്ങിയത്?

    ReplyDelete
  5. This comment has been removed by the author.

    ReplyDelete
  6. ബഷീര്‍ക്ക പറഞ്ഞപോലെ, സാഹചര്യത്തെളിവുകള്‍ വെച്ചു നോക്കുമ്പോ, സംഭവം ബെര്‍ളി തന്നെയാണ്‌ മമ്മുട്ടിക്കിട്ട്‌ ആക്കിയത്‌ :). എന്നാലും നമുക്കൊന്നു ഡമ്മിയിട്ടു നോക്കിയാലോ...?

    ReplyDelete
  7. മമ്മൂട്ടിയുടെ സെലിബ്രിറ്റി ബ്ലോഗിന്
    ഇത്തരം ഒരു പബ്ലിസിറ്റി ആവശ്യമില്ല..

    ഞാൻ ഒന്നോ രണ്ടോ തവണയേ അതിൽ പോയിട്ടുള്ളൂ..മമ്മൂട്ടിയുടെ ചിത്രങ്ങൾ ഒഴിച്ചാൽ സംഗതി വെറും ചവറാണ്..

    എന്തായാലും ഇത് ചെയ്തവൻ മിടുക്കനാണ് .. ഇത്രയേറെ സുരക്ഷയോടെ കൊണ്ടുനടന്ന ഒരു ഹിറ്റ് ബ്ലോഗിനെ പൊട്ടിച്ച് കൈയ്യിൽ കൊടുത്തവൻ ഒരു നല്ല ഹാക്കറാണ്..അവനെ കിട്ടിയാൽ ഡിഫർൻസിലും മറ്റും ട്രൈയിനിംഗ് കൊടുത്ത് ഉപയോഗിക്കാമായിരുന്നു...

    ReplyDelete
  8. Berliye thottu kalikkumbol sookshichu kalicho........

    ReplyDelete
  9. ബ്ലോഗ്‌ എന്തെന്നറിയാന്‍ ആദ്യം ബ്ലോഗറാവണം
    ഗൂഗിള്‍ പേജില്‍ നിന്നും നീ പഠിച്ച ബ്ലോഗല്ല യഥാര്‍ത്ഥ ബ്ലോഗ്‌. നിരക്ഷരരുടെയും തെറി കമന്‍റെര്‍മാരുടെയും ബ്ലോഗ്‌. കമന്ടുകള്‍ക്കിടയില്‍ പിറന്നു വീഴുന്ന അനാഥകളായ അനോണി കുഞ്ഞുങ്ങളുടെ ബ്ലോഗ്‌. ഒരുവരി പോസ്റ്റിനു പോലും വകയില്ലാതെ നാല് കമെന്റിനു വേണ്ടി അന്യരുടെ പോസ്റ്റുകള്‍ അടിച്ചു മാറ്റുന്നവരുടെ ബ്ലോഗ്‌. അന്യന്‍റെ ബ്ലോഗില്‍ കിട്ടിയ കമെന്‍റ് കൂടിപ്പോയതിന്‍റെ പേരില്‍ സ്വന്തം പോസ്റ്റുകള്‍ക്ക് വിഷം കൊടുത്ത് ആത്മഹത്യ ചെയ്യുന്നവരുടെ ബ്ലോഗ്‌. മദം പൊട്ടിയും ചിന്നം വിളിച്ചു നടന്ന ഒറ്റയാന്മാരുടെ ബ്ലോഗ്‌. പ്രണയ കവിതകള്‍ പാടി നടക്കുന്ന പാവം രമണന്‍മാരുടെ ബ്ലോഗ്‌. ഒടുവില്‍ ഇപ്പോള്‍ താങ്കളുടെ ബ്ലോഗ്‌ ഹാക്ക് ചെയ്തില്ലേ...ആ സ്കൂര്‍മാരുടെ ബ്ലോഗ്‌.

    വര്‍ഷാവര്‍ഷം സിനിമകള്‍ അടവെച്ച് വിരിയിച്ചെടുക്കുന്ന മമ്മൂട്ടിയെപ്പോലുള്ളവര്‍ക്ക് ബ്ലോഗ്‌ തൊട്ടറിയാനുള്ള സെന്സുണ്ടാകണം, സെന്സിബിലിടി ഉണ്ടാകണം, സെന്സിടീബിറ്റി നിര്‍ബന്ധമില്ല.

    ReplyDelete
  10. ഹ ..ഹ
    രഞ്ജി അക്ബര്‍ പണിക്കര്‍.
    ഡയലോഗ് തകര്‍ത്തു.

    ReplyDelete
  11. ബ്ലോഗ്ഗര്‍ മമ്മൂട്ടിക്കു എന്റെ ആദരാഞ്ജലികള്‍ ....
    ഇത് വള്ളിക്കുന്ന്, berilatharangal പോലുള്ള എല്ലാ ബ്ലോഗ്ഗര്‍ മാര്‍ക്കും ഉള്ള ഒരു മുന്നറിയിപ്പായി കാണേണം...അവര്‍ സൂക്ഷിക്കണം . അല്ലെങ്കില്‍ അവരുടെ വേള്‍ഡ് ട്രേഡ് സെന്റെരും തകരാന്‍ സാധ്യതയുണ്ട് ...ച്ചുരിങ്ങിയത് അവര്‍ അവരുടെ ബ്ലോഗ്ഗുകള്‍ ഇന്‍ഷൂര്‍ ചെയ്യുക..ഇല്ലെങ്കില്‍ നമ്മളെ പോലുള്ള ലക്ഷകനക്കിന്നു ബ്ലോഗ്ഗ് വായനക്കാര്‍ പട്ടിണിയിലാവും.

    ഇത് അത്യന്തം അപലപിനീയം ആണ് അതിനാല്‍ തന്നെ സര്‍ക്കാര്‍ ഇടപെടണം, ... ഇത് ബ്ലോഗ്ഗുകള്‍ ആക്കിയും ഹാക്കിയും പരിചയ മുള്ള അതി വിധക്തനായ സേതു രാമയ്യര്‍ സിബിഐ യെ കൊണ്ട് അന്യാഷിപിക്കണം അത് മല്ലെങ്കില്‍ നമ്മടെ തച്ചകാരി സാറിനെ കൊണ്ട് വിദേശ യാത്ര നടത്തിചു അന്യാഷണം വ്യാപക മാക്കണം ...
    അക്ബര്‍..ങ്ങളെ കമന്റ്‌ കലക്കി ട്ടോ

    ReplyDelete
  12. >>>ഹ ..ഹ
    രഞ്ജി അക്ബര്‍ പണിക്കര്‍.
    ഡയലോഗ് തകര്‍ത്തു.<<<

    ഈ കമന്റ്‌ അസ്സലായി ...

    ReplyDelete
  13. നമസ്കാരം സ്കൂറേട്ടാ....
    ഞാനെല്ലാം മറന്നു എന്നു നീ കരുതി
    അല്ലെടാ സ്ക്രു സ്ക്രി സ്ക്രെ @#$)(!~....
    ഇന്ന് നിന്‍റെ കാലം... ഞാന്‍ വെറും സ്ക്രു സ്ക്രി
    ചെയ്യാത്ത കുറ്റത്തിന് ബ്ലോഗിന്റെ കയ്യും കാലുമൊടിച്ച്
    ആദ്യം പോസ്റ്റില് പിന്നെ പ്രൊഫൈലില്...........
    ബ്ലോഗ് ഹാക്ക് ചെയ്യപ്പെട്ടാല്‍ ഒരു ബ്ലോഗരുടെ വേദന നിനക്കറിയില്ല
    നിന്നെ ഞാനതറിയിക്കും
    എന്റെ ബ്ലോഗിലെ... നാളത്തെ പ്സോറ്റ് നീയാണ്
    "Mr. സ്കൂര്‍ പിടിക്കപ്പെട്ടു ....
    (പശ്ചാത്തലത്തില്‍ ചടുല സംഗീതം)

    Krishna.moothry@gmail.com
    (Newdelhi Diary)

    ReplyDelete
  14. "...മ്യാവൂ: മമ്മൂട്ടിയുടെ ബ്ലോഗ്‌ ആരാണ് ആക്കിയത്? എന്ന ചോദ്യത്തിന്റെ കൂടെ ഇപ്പോള്‍ ചോദിക്കാന്‍ മറ്റൊരു ചോദ്യം കൂടി ഉണ്ടായി. മമ്മൂട്ടിയുടെ ബ്ലോഗ്‌ ആരാണ് ഹാക്കിയത്?..."

    'കളിക്കള'ത്തിലെ മമ്മുട്ടിയുടെ പ്രശസ്തമായ ആ ഡയലോഗ് ഇത് 'ഹാക്കി'യവന്‍ ഇപ്പോള്‍ പറയുന്നുണ്ടാവും: "തന്നെപ്പോലെയുള്ള പെരുങ്കള്ളന്മാരെ പറ്റിക്കുന്ന ചിന്നക്കള്ളന്‍..."

    ReplyDelete
  15. എന്തിനാ നാട്ടുകാരാ തൊട്ടതിനും പിടിച്ചതിനും വെറുതെ ബെർളിയെ കയറി ചൊറിയുന്നെ ,
    ഒരിക്കലെന്തോ ചെറിയ ഒരു അഭിപ്രായ വ്യത്യാസമുണ്ടായെന്നുള്ളത് ശരിയാണ്.. വിട് മാഷെ
    ലൈനൊന്ന് മാറ്റിപ്പിടി ആ പാവം ജീവിച്ച് പോക്കോട്ടെ

    ഓടൊ :ബെറ്ലി എന്റെ അളിയനല്ല ഞാൻബെർളിയുടേയ്യൂം

    ReplyDelete
  16. ചന്തു ഇനി തോല്‍ക്കാതിരിക്കാന്‍ ടൂഷന് പോവുന്നതാവും നല്ലത്.....

    ReplyDelete
  17. മമ്മുട്ടി യുടെ ബ്ലോഗ്‌ തിരികെ വന്നെ .......database and file backup restore ചെയ്തു കാണും ...
    എന്റെ ഒരു വെബ്സൈറ്റ് നും ഇതേപോലെ സംബവിചിരിന്നു അന്ന് ഒരു ഇറാനിയന്‍ hacker ആയിരുന്നു ഭാഗ്യതിന്നു സമയത്തിന്നു backup എടുത്തു വച്ചത് കൊണ്ട് എനിക്ക് ആ വെബ്സൈറ്റ് അതികം ആരും അറിയുന്നതിനു മുമ്പ് restore ചെയ്യാന്‍ കഴിഞ്ഞു

    ReplyDelete
  18. കമാന്‍റ് ഓഫ് പോസ്റ്റ്. : അക്ബര്‍. അടി പോളി ഡയലോഗ്.
    ഇനി ഇത് കണ്ടു മമ്മൂട്ടി തന്റെ അടുത്ത പടത്തില്‍ തിരക്കഥ എഴുതാന്‍ തരും.

    ReplyDelete
  19. അക്ബറിന്റെ ഇടിവെട്ട് കമ്മന്റ് എന്റെ പോസ്റ്റിനെ നിഷ്പ്രഭമാക്കിയിരിക്കുന്നു. ഇതൊരു കൊലച്ചതിയായിപ്പോയി അക്ബര്‍. എല്ലാവരും താങ്കളുടെ കമന്റിന്റെ പിറകെ പോയി. എന്നെ വെറും ഒരു എഴാംകൂലിയാക്കി മാറ്റിയിരിക്കുന്നു. ഞാന്‍ കര്‍ണാടക പോലീസില്‍ ഒരു പരാതി കൊടുക്കാന്‍ പോവുകയാണ്.

    ReplyDelete
  20. Anas Chulyodan said
    സൗദി അറേബ്യ ഒക്കെ പോയി . ഇപ്പോള്‍ "under maintenance" എന്നാ കാണിക്കുന്നത്.. തിരിച്ചു പിടിച്ചോ??

    അതെ.. എന്റെ പോസ്റ്റ്‌ കണ്ടയുടനെ ബെര്‍ളി ഇടപെട്ടു maintenance തുടങ്ങി.

    SHIHAB said...
    "മമ്മുട്ടി യുടെ ബ്ലോഗ്‌ തിരികെ വന്നെ"

    അല്പം ഹിറ്റ് കൂട്ടിക്കൊടുത്ത വകയില്‍ ചന്തുവണ്ണന്‍ വള്ളിക്കുന്നിലേക്ക് വണ്ടി കയറി എന്നെ നേരിട്ട് അഫിനന്ദിക്കാനുള്ള ഒരു സാധ്യത കാണുന്നുണ്ട്.

    ReplyDelete
  21. ഹാക്കര്‍ മൂലം ഏതായാലും മമ്മുട്ടിക്ക്‌ കുറെ ഇടികള്‍ (ഹിറ്റ്‌) കിട്ടിയല്ലോ. അത് തന്ന്യാ വേണ്ടതും. ഏതായാലും വള്ളിക്കുന്നിന്റെ വള്ളി ട്രൌസര്‍ ഊരാണ്ടിരിക്കാന്‍ സൈറ്റ് ഇടയ്ക്കു ബാക്ക് അപ്പ്‌ ചെയ്യുന്നത് നന്നായിരിക്കും.
    മമ്മുട്ടിയുടെ അടിപൊളി ഡയലോഗ് പോലുള്ള "അക്ബര്‍ വാഴക്കാട്' ന്റെ കമ്മന്റ് കലക്കി. മൂപ്പര്‍ക്ക് sensibility നല്ലോണംണ്ട്.
    ഹക്ക് ചെയ്തിട്ടും ചതിയന്‍ ചന്ദുവിന്റെ blog ഇനിയും ബാക്കി.

    ReplyDelete
  22. ന്റെ പടച്ചോനെ, മമ്മൂട്ടിയുടെ ബ്ലോഗും ഹാക്കിയോ. ബഷീര്‍ക്കാ ശ്രദ്ധിക്കണം കേട്ടോ. കൊലകൊമ്ബന്മാരെയാണ് ഹാക്കര്‍മാര്‍ പിടിക്കുന്നത്‌.

    ReplyDelete
  23. ഹോ ഇത് ഹാക് ചെയ്തത് റമദാനില്‍ ആയിര്ന്നെങ്കില്‍ മമ്മുട്ടി (യുടെ സൈറ്റ് ) സ്വര്‍ഗത്തില്‍ പോകുമായിരുന്നു കഷ്ട്ടം
    മമ്മുട്ടി യേ ഹകിയവരേ ഹാക്കന്‍ ഫാന്‍സുകാര്‍ മുന്നോട്ടു വരാതിരിക്കില്ല, സര്‍ വേഗം ഫാന്സുകര്‍ക്ക് എന്തെങ്കിലും കൊടുക്കോ

    റഷീദ് ഉഗ്രപുരം

    ReplyDelete
  24. berly is a good blogger. I dont think he will do this. I know you are just kidding with him with your usual humor touch. Let mammutty take action against hackers.

    ReplyDelete
  25. ആകെ മൂന്നു മെമ്പര്‍മാര്‍ മാത്രമുള്ള എന്‍റെ ബ്ലോഗും ആരോ "ആക്കിയിരിക്കുന്നു" അതിപ്പം നോക്കിയിട്ട് കാണാനില്ല എന്‍റെ വളര്‍ച്ച കണ്ടു ഇനി ബഷീര്കയെങ്ങാനും....?

    ReplyDelete
  26. paavam Berli ye veruthe vittu koode....he he he

    ReplyDelete
  27. ഇത് ഫാന്സുകാരുടെ പണിയാണ് എന്നാണു തോന്നുന്നത്. ചിലപ്പോള്‍ മമ്മുട്ടി ഫാന്‍സ്‌ തന്നെ ആയിരിക്കും. കരി ഓയില്‍ പ്രയോഗം, ഫ്ലെക്സ് കീറല്‍, കൂവല്‍ തുടങ്ങിയ പരമ്പരാഗത ഫാന്‍സ്‌ വിനോദങ്ങള്‍ കണ്ടു മടുത്തവരുടെ ഒരു മാറ്റത്തിനു വേണ്ടി ഉള്ള ശ്രമം ആയിക്കൂടെ? ഏതായാലും ഈ ശ്രമം വിജയിച്ച സ്ഥിതിക്ക് ഇനി മോഹന്‍ലാല്‍, പൃഥ്വിരാജ് തുടങ്ങിയവര്‍ ജാഗ്രതൈ!!

    ReplyDelete
  28. തവിട്ടു കരങ്ങള്‍ ഇല്ല എങ്കില്‍ മമ്മൂട്ടി എങ്ങനേ ബ്ലോഗ്ഗും..........?
    മോഹന്‍ലാല്‍ ബ്ലോഗിനു പിന്നില്‍ ഒള്ള കരങ്ങള്‍ ഏതാണാവോ.....? (ചിലരേ ഒക്കേ ഞങ്ങള്‍ക്ക് സംശയം ഒണ്ട്):-)

    ReplyDelete
  29. എത്‌ സുക്കൂറാണു ഹാക്കിയത്‌?!! "സുക്കുറു സുന്ദരനാം....." അതേ സുക്കൂറാണോ?! കഷ്ടായി...... പെരുന്നാള്‍ ലീവിനു പണിയൊന്നുമില്ലാഞ്ഞിട്ടായിരിക്കും ഈ 'പണി' ചെയ്തത്‌!!

    ReplyDelete
  30. Saleem EP said: "ഏതായാലും വള്ളിക്കുന്നിന്റെ വള്ളി ട്രൌസര്‍ ഊരാണ്ടിരിക്കാന്‍ സൈറ്റ് ഇടയ്ക്കു ബാക്ക് അപ്പ്‌ ചെയ്യുന്നത് നന്നായിരിക്കും".

    അത് ലിടക്കിടക്ക് ചെയ്യുന്നുണ്ട്. പേടിക്കേണ്ട..

    Kappooraan said. "ഇത് ഫാന്സുകാരുടെ പണിയാണ് എന്നാണു തോന്നുന്നത്. ചിലപ്പോള്‍ മമ്മുട്ടി ഫാന്‍സ്‌ തന്നെ ആയിരിക്കും" Kappooraan പറഞ്ഞതിലും ലല്പം കാര്യമുണ്ട്. ബെര്‍ളിയും മമ്മുട്ടിയുടെ മുടിഞ്ഞ ഫാന്‍സ്‌ ആണ്.

    ReplyDelete
  31. IndianSatan.com said...
    "തവിട്ടു കരങ്ങള്‍ ഇല്ല എങ്കില്‍ മമ്മൂട്ടി എങ്ങനേ ബ്ലോഗ്ഗും..........?
    മോഹന്‍ലാല്‍ ബ്ലോഗിനു പിന്നില്‍ ഒള്ള കരങ്ങള്‍ ഏതാണാവോ.....? (ചിലരേ ഒക്കേ ഞങ്ങള്‍ക്ക് സംശയം ഒണ്ട്)"

    ഉണ്ടെങ്കില്‍ എന്നെപ്പോലെ അതങ്ങ് തുറന്നു പറയടെ.. ഒരുമാതിരി കര്‍ണാടക പോലീസിന്റെ പണിയെടുക്കാതെ.. ..

    ReplyDelete
  32. മമ്മൂട്ടിയുടെ കരങ്ങള്‍ക്ക് തവിട്ടു നിറമോ. എന്തെല്ലാം നിറങ്ങളിലുള്ള കരങ്ങള്‍.
    ഈ കരങ്ങള്‍ നോക്കൂ നല്ല പച്ചനിറം

    ReplyDelete
  33. ഇങ്ങള് ബേജാരാകേണ്ട. ഞമ്മള് ആക്കാന്‍ പോകില്ല. ഓന്റെ ബ്ലോഗില്‍ കമന്ടിട്ടോര്ക്കെന്താ ഞമ്മളെ ബ്ലോഗില് കമന്റിട്ടാല്‍!

    ReplyDelete
  34. ente abiprayathil ithu hakkiyath mohanlalinte aliyana

    ReplyDelete
  35. Very intersting to read.

    Ithanu thangalude blog-ine patti enikkulla comment. Athilum rasam thangalude post-inu kittunna comments aanu. Ithile akbar-nd e comment enne ere chirippichu. ashamsakal.

    ReplyDelete
  36. ഹാക്കിയവനെ ഹാക്കാനുള്ള വഴി തിരയാം ...

    ReplyDelete