July 28, 2010

മലയാള ബ്ലോഗിങ്ങ് പുതിയ ചരിത്രത്തിലേക്ക്

ആശയ സംവേദനത്തിന്റെ അതിരുകളില്ലാത്ത ലോകമാണ് ബ്ലോഗുകളുടെത്. മലയാളത്തിലെ ഏറ്റവും ജീവത്തായ ചര്‍ച്ചകളില്‍ ചിലത് ഇന്ന് ബ്ലോഗുകളിലാണ് നടക്കുന്നത്. സാമ്പ്രദായിക പ്രിന്‍റ് മീഡിയകള്‍ പോലും ബ്ലോഗുകളിലെ ചലനങ്ങള്‍ നിരീക്ഷിക്കാന്‍ തുടങ്ങിയിരിക്കുന്നു. പുതുതലമുറയുടെ പുത്തന്‍ രീതികളോട് എളുപ്പം ചങ്ങാത്തം കൂടുവാന്‍ ഇന്ന് ഇ-മീഡിയകള്‍ക്ക് കഴിയുന്നുണ്ട്. അതുകൊണ്ട് തന്നെ ഇന്റര്‍നെറ്റിന്‍റെ അനന്ത സാധ്യതകളെ ഉപയോഗപ്പെടുത്തി വരും കാലങ്ങളില്‍ ബ്ലോഗുകള്‍ കൂടുതല്‍ ശക്തിയാര്‍ജിക്കുമെന്നതില്‍ സംശയമില്ല.

എന്നിരുന്നാലും ഇന്റര്‍നെറ്റ്‌ എന്തൊന്നോ ബ്ലോഗുകള്‍ എന്തൊന്നോ അറിയാത്ത ഒരു വലിയ വിഭാഗം സാധാരണക്കാര്‍ നമുക്കിടയില്‍ ഉണ്ട്. വര്‍ത്തമാന പത്രങ്ങളെയും ആഴ്ച്ചപ്പതിപ്പുകളെയും മാത്രമേ അവക്ക് പരിചയമുള്ളൂ.. അവര്‍ക്കിടയിലേക്ക് കൂടി ബ്ലോഗുകള്‍ കടന്നു ചെല്ലാന്‍ തുടങ്ങുകയാണ്. 


മലയാളത്തിലെ ആദ്യത്തെ ബ്ലോഗ്‌ പത്രം (ഒരു വേള, ഇന്ത്യയിലെ തന്നെ ആദ്യ ബ്ലോഗ് പത്രം) ഈ മാസം മുപ്പത്തിയൊന്നിന് തിരുവനന്തപുരത്ത് പ്രകാശനം ചെയ്യുപ്പെടുകയാണ്. (ഇതോടൊപ്പമുള്ള ക്ഷണപത്രം കാണുക.) ബ്ലോഗുകള്‍ക്ക്‌ പ്രിന്റ്‌ എഡിഷനുകള്‍ ഇറക്കുന്ന (ബ്ലോഗ്‌ പത്രം) രീതി യൂറോപ്യന്‍ രാജ്യങ്ങളില്‍ നിലവിലുണ്ട്. ആ രീതി നമ്മുടെ കൊച്ചു കേരളത്തിലേക്കും വരുന്നു എന്നര്‍ത്ഥം. മലയാള ബ്ലോഗുകകളുടെ ചരിത്രത്തില്‍ പുതുമയാര്‍ന്ന ഒരു വഴിത്തിരിവായിരിക്കും ഈ ബ്ലോഗ്‌ പത്രം എന്ന് ഞാന്‍ കരുതുന്നു. ഉള്ളടക്കം എങ്ങിനെയുണ്ടാവും എന്നറിയില്ല. എന്നാലും ആദ്യ സംരംഭം എന്ന നിലയില്‍ ഈ പത്രം ചരിത്രത്തില്‍ ഇടം നേടും എന്നുറപ്പാണ്.. ബ്ലോഗുകളുടെ ലോകത്തെ പുതു ചലനങ്ങളും നിശ്വാസങ്ങളും അവയൊക്കെ അപ്രാപ്യമായ സാധാരണക്കാരന്റെ കൈകളിലേക്ക് അച്ചടി മഷി പുരണ്ട് എത്തുകയെന്നത് തീര്‍ത്തും ആവേശകരമായ ഒരു അനുഭവമാണ്.


ശ്രമകരമായ ഈ ദൌത്യം ഏറ്റെടുത്ത ബൂലോകം ഓണ്‍ലൈന്‍ പ്രവര്‍ത്തകര്‍ അഭിനന്ദനം  അര്‍ഹിക്കുന്നു. പ്രത്യേകിച്ചും  ആ പോര്‍ട്ടലിന്റെ  ജീവാത്മാവും പരമാത്മാവുമായ ഡോക്ടര്‍ ജെയിംസ് ബ്രൈറ്റ്  അണിയറയില്‍ പ്രവര്‍ത്തിക്കുന്ന ഡോക്ടര്‍ മോഹന്‍ ജോര്‍ജ് , ജിക്കു വര്‍ഗീസ്  ഈ ബ്ലോഗ്‌ പത്രം മനോഹരമായി ഡിസൈന്‍ ചെയ്ത സുനില്‍ പണിക്കര്‍  തുടങ്ങി നിരവധി പേര്‍.. എല്ലാവര്ക്കും അഭിനന്ദനങ്ങള്‍.. തിരുവനന്തപുരത്തും പരിസരത്തുമുള്ള എല്ലാ ബ്ലോഗ്ഗര്മാരും വായനക്കാരും പ്രകാശന ചടങ്ങില്‍ പങ്കെടുത്ത് ഈ സംരംഭത്തെ വിജയിപ്പിക്കുക. നാട്ടുമ്പുറത്തെ ജീപ്പ് അനൌന്‍സ്മെന്റ്കളില്‍ പ്രാസം ഒപ്പിച്ചു പറയുന്ന പോലെ ഞാനും പറയുകയാണ്‌. പങ്കെടുക്കുക, വിജയിപ്പിക്കുക, അനുഗ്രഹിക്കുക, ആശിര്‍വദിക്കുക..

26 comments:

  1. മുൻകൂർ ആശംസകൾ.
    ദുഖകരമായ വസ്തുത (എനിക്ക്‌, ബാക്കിയുള്ളവർക്ക്‌ ആശ്വാസം), ഞാൻ തിരുവനന്തപുരത്ത്‌ ഉണ്ടാവില്ല എന്നതാണ്‌. ഈ വാരാന്ത്യത്തിൽ നാട്ടിലേയ്ക്ക്‌ പോകുന്നു.

    ReplyDelete
  2. എന്റെയും വിജയാശംഷകള്‍ ..... ഇതിലൊന്ന് എഴുതുവാന്‍ എന്താണ് ചെയ്യേണ്ടത് ...?

    ReplyDelete
  3. കണ്ടോ കണ്ടോ. കണ്ണൂരാന്‍ കാലെടുത്തു വെച്ചപ്പോ ബൂലോകത്തെ മാറ്റങ്ങള്‍ കണ്ടോ!

    ഇതാണ് പറയുന്നത് 'സംഭാവാമീ യുഗേ യുഗേന്ന്..

    ReplyDelete
  4. @ Noushad Vadakkel
    ബൂലോകം ഓണ്‍ലൈനില്‍ നിങ്ങളുടെ രചന പോസ്റ്റ്‌ ചെയ്യുക. അതില്‍ നിന്നും തിരെഞ്ഞെടുക്കുന്നവ പ്രസിദ്ധീകരിക്കും എന്നാണു ഞാന്‍ മനസ്സിലാക്കുന്നത്. മറ്റു ബ്ലോഗുകളില്‍ നിന്നുള്ള മികച്ച രചനകള്‍ അതില്‍ ഉള്പെടുത്തുന്നുണ്ടോ എന്ന് അറിയില്ല. അന്വേഷിച്ചിട്ട് പറയാം.

    ReplyDelete
  5. @Naushad Vadakkel
    പ്രിയ നൌഷാദ്,ബൂലോകം ഓണ്‍ലൈന്‍ലേക്ക് സ്വാഗതം ആശംസിക്കുന്നു.ബൂലോകം ഓണ്‍ലൈന്‍ വെബ്‌ സൈറ്റില്‍ പ്രസിദ്ധീകരിക്കുന്ന സൃഷ്ട്ടികള്‍ മാത്രമേ ബ്ലോഗ്‌ പത്രത്തില്‍ ചേര്‍ക്കുന്നത് എന്ന കാര്യം സ്നേഹത്തോടെ ഓര്‍മ്മിപ്പിക്കട്ടെ.അതിനായി താങ്കള്‍ ബൂലോകം ഓണ്‍ലൈന്‍ല്‍ ഒരു അംഗമാകുക.(http://www.boolokamonline.com/wp-login.php?action=register ) അതിനു ശേഷം താങ്കള്‍ക്കു തന്നെ പോസ്റ്റ്‌ പ്രസിദ്ധീകരിക്കാം ,താങ്കളുടെ ബ്ലോഗ്‌ പോലെ തന്നെ..വളരെ എളുപ്പത്തില്‍ ,എന്ത് സംശയം ഉണ്ടായാലും നിവാരണത്തിന് ബൂലോകം ഓണ്‍ലൈന്‍ ടീം ഉണ്ടായിരിക്കും.
    boolokamonlinemail@gmail.com
    ജൂലൈ 31 നു നടക്കുന്ന ബ്ലോഗ്‌ പ്രകാശന ചടങ്ങിലേക്ക് നിങ്ങള്‍ ഏവരെയും സ്വാഗതം ചെയ്യുകയാണ്,ക്ഷണിക്കുകയാണ് (http://www.boolokamonline.com/?p=6942 )
    എല്ലാവരും ഇതില്‍ സഹകരിക്കുമെന്ന പ്രതീക്ഷയോടെ .



    www.boolokamonline.com

    ReplyDelete
  6. ബ്ലോഗ്‌ പത്രം. നല്ല ആശയം. എല്ലാ ആശംസകളും

    ReplyDelete
  7. നടക്കട്ടെ..!! ഇനി ഇതിന്‍റെ ഒരു കുറവ് കൂടി വേണ്ട.
    ഓണ്‍ലൈന്‍ എടിസ്സന്‍ ഉണ്ടാവുമല്ലോ, അല്ലെ? അപ്പോ... ഓഫീസ് സമയത്ത് ബ്ലോഗ്‌ എഴുത്തിനും വായനക്കും പുറമെ വായിക്കാന്‍ മറ്റൊരു പത്രം കൂടി ആയി.
    എല്ലാ ഭാവുകങ്ങളും...all the very best!

    ReplyDelete
  8. @ജിക്കു|Jikku

    നിലവില്‍ ഞാനും ബൂലോകം ഓണ്‍ലൈന്‍ അംഗമാണ് .ഒന്ന് രണ്ടു പോസ്റ്റുകള്‍ പ്രസിദ്ധീകരിച്ചിട്ടുമുണ്ട് . ബൂലോകം ഓണ്‍ലൈന്‍ പുതിയതായി അറിയുന്നവര്‍ക്ക് വേണ്ടിയും ബ്ലോഗ്‌ പത്രം എന്ന നിലക്ക് എന്തെങ്കിലും മാറ്റങ്ങള്‍ ഉണ്ടെങ്കില്‍ അറിയുവാനും വേണ്ടി ചോദിച്ചതാണ് . നന്ദി എന്നെ ക്ഷണിച്ചതിനും വിശദമായ വിവരണത്തിനും ....

    ആശംഷകള്‍ ....

    ReplyDelete
  9. എല്ലാ ഭാവുകങ്ങളും...all the very best!

    http://www.koyamonvelimukku.blogspot.com/

    http://www.youtube.com/user/koyamon7#g/u

    ReplyDelete
  10. ‘ബ്ലോത്ര’ത്തിന് എല്ലാവിധ ആശംസകളും....

    ഈ പോസ്റ്റിനും... :)

    ReplyDelete
  11. ആശംസകള്‍ മുന്നെ അറിയിചിരുന്നു.

    ഈ പോസ്റ്റിനും നന്ദി

    ReplyDelete
  12. My wishes. From where we can get the copy of blog paper?. please mention.

    ReplyDelete
  13. @ Nuha, I dont have much information about the distribution mechanism they have arranged. But I am sure, the copy of blog paper will be available in www.boolokamonline.com soon after the release of print edition.

    ReplyDelete
  14. അന്ന് തിരുവനന്തപുരത്ത് എത്താന്‍ കഴിയുമോ എന്ന് നോക്കാം. പംകെടുക്കാന്‍ താല്പര്യമുണ്ട്. പോസ്റ്റിലൂടെ ഇത് അറിയിച്ചതില്‍ സന്തോഷം

    ReplyDelete
  15. ബൂലോകത്തിന് എന്റെ ആശംസകള്‍. പോസ്റ്റില്‍ കൊടുത്ത അവരുടെ ലിങ്ക് വര്‍ക്ക്‌ ചെയ്യുന്നില്ല

    ReplyDelete
  16. @Nuha

    ബ്ലോഗ്‌ പേപ്പര്‍ വിതരണം ചെയ്യുന്ന കാര്യത്തെ സംബന്ധിച്ച് അന്തിമ തീരുമാനാങ്ങള്‍ ഇനിയും ആയിട്ടില്ല..ഓണ്‍ലൈന്‍ല്‍ തീര്‍ച്ചയായും ഇതിന്റെ പി ഡി എഫ് വേര്‍ഷന്‍ കിട്ടുന്നതായിരിക്കും .കൂടുതല്‍ വിവരങ്ങള്‍ ഉടനെ അറിയിക്കുന്നതാണ് .

    @മലയാളി
    സുഹൃത്തേ ഇത് ബ്ലോത്രത്തിന്റെ പരിപാടിയല്ല.ബൂലോകം ഓണ്‍ലൈന്‍ പത്രതിന്റെതാണ് എന്ന് ശ്രദ്ധിക്കുമല്ലോ

    @അഷ്‌റഫ്‌
    ഹൃദയംഗമായി സ്വാഗതം ചെയ്യുന്നു,താങ്കളെ പ്രതീക്ഷിക്കുന്നു

    ReplyDelete
  17. @ Bhagi: ലിങ്കുകള്‍ ശരിയാക്കിയിട്ടുണ്ട്. please check now..

    ReplyDelete
  18. അപ്പൊ ലിങ്കുകള്‍ ഒക്കെ ശരിയായി, മൊത്തത്തില്‍ ഡബിള്‍ OK.
    ഇനി ലുങ്കിയുടുത്ത് നമുക്ക് ഇറങ്ങാം. ചലോ..ചലോ...തിരോന്തരം.

    ReplyDelete
  19. ബൂലോകം പത്രമായി വരുന്നു എന്നറിഞ്ഞതില്‍ വലരെ സന്തോഷം.എല്ലാ ആശംസകളും നേരുന്നു.ഞാന്‍ ഇതുവരെ അംഗമായില്ല.

    ReplyDelete
  20. ബൂലോക മലയാള പത്രത്തിന് സ്വഗതമെകാം നമുക്കൊന്നായി !!!
    ആശംസകള്‍ .... മംഗളാശംസകള്‍ ......

    ReplyDelete
  21. ഈ വിവരം നല്‍കിയതിന് നന്ദി.ഞാനും ഇന്ന് ബൂലോകം ഓണ്‍ലൈനില്‍ ലൈനപ് ചെയ്തു.

    ReplyDelete
  22. ബൂ........? / ഭൂ..... ?

    അബ്ബാസ്

    ReplyDelete
  23. @ ജിക്കു|Jikku

    ബ്ലോഗ് പത്രം എന്നത്, ‘ബ്ലോത്രം’ എന്ന് ഒന്നു ചുരുക്കി എഴുതി എന്നേ ഉള്ളൂ...

    തെറ്റിധാരണയുണ്ടായതിൽ നിർവ്യാചം ഖേദിക്കുന്നു
    -പത്രാധിപർ :)

    ---

    @ AbbasValarathodi

    മലയാളം ബ്ലോഗിംഗ് തുടക്കമുതൽ കൂടുതൽ നർമത്തിനു പ്രാധാന്യമുള്ള പോസ്റ്റുകളാണ് വന്നിരുന്നത്, അന്ന് തമാശരൂപേണ ‘ബ്ലോഗ് ലോകം’ എന്നുള്ളത് ‘ബൂലോകം’ എന്ന് പറഞ്ഞുപോയതാണെന്നു തോന്നുന്നു.

    ന്താ, ഞാൻ പറഞ്ഞതിൽ വല്ല ‘കറക്റ്റും’ ഉണ്ടോ?!

    ReplyDelete
  24. @ മലയാ‍ളി: നിലവില്‍ ബ്ലോത്രം എന്ന പേരില്‍ ഒരു പോര്‍ട്ടല്‍ ഉള്ളത് കൊണ്ടായിരിക്കാം ജിക്കുവിന് താങ്കളുടെ 'ബ്ലോത്രം' പെട്ടെന്ന് ക്ലിക്ക് ആവാഞ്ഞത്‌.. എന്റെ ബള്‍ബും അല്പം വൈകിയാണ് കത്തിയത്..

    ReplyDelete
  25. എല്ലാവിധ
    വിജയാശംസകളും!

    ReplyDelete