May 1, 2010

ബ്ലോഗിപ്പെണ്ണിനെ സസ്പെന്‍ഡ് ചെയ്തു

ഇനി വള്ളിക്കുന്നിലേക്ക് നേരിട്ട് വരാം. ബ്ലോഗ്സ്പോട്ട് വഴി കറങ്ങിത്തിരിയേണ്ടതില്ല. ഈ ഡൊമൈന്‍ http://www.vallikkunnu.com/ ഞാന്‍ സ്വന്തമാക്കിയതില്‍ പ്രതിഷേധമുള്ള ഏതെങ്കിലും വള്ളിക്കുന്നുകാര്‍ ഉണ്ടെങ്കില്‍ നാല്പത്തിയെട്ട് മണിക്കൂറിനുള്ളില്‍ വിവരം പറയണം. അല്ലാത്ത പക്ഷം മൌനം സമ്മതമെന്ന ആ പഴയ തത്വം അനുസരിച്ചു ഈ ഡൊമൈന്‍ ഞാനങ്ങു ഉറപ്പിക്കും.
ഗൂഗിള്‍ അമ്മാവനോടോ മകള്‍ ബ്ലോഗിയോടോ യാതൊരു വിരോധവും ഉള്ളത് കൊണ്ടല്ല ഞാന്‍ ഈ കൂട് മാറ്റം നടത്തുന്നത്. രണ്ടു പേരോടും പഴയതിലേറെ പ്രേമം എനിക്കുണ്ട്. കാര്യങ്ങളൊക്കെ ഇപ്പോഴും ബ്ലോഗി തന്നെയാണ് നിയന്ത്രിക്കുന്നത്‌. പേരിനൊപ്പം അവളെ കൊണ്ട് നടക്കാനുള്ള

പ്രയാസം കാരണം  അഡ്രസ്‌ ബാറില്‍ നിന്നും  തല്കാലത്തേക്ക് മാറ്റി നിറുത്തുന്നു എന്ന് മാത്രം. മൂന്നാല് കൊല്ലത്തെ ആത്മബന്ധം ഉള്ളതിനാല്‍ അവള്‍ പിണങ്ങില്ല എന്ന വിശ്വാസത്തിലാണ് ഞാനിതൊക്കെ ചെയ്യുന്നത്. വിശ്വാസം, അതല്ലേ എല്ലാം.

ബൂലോകത്ത് പ്രായപൂര്‍ത്തിയായ സ്ഥിതിക്ക് ബ്ലോഗിപ്പെണ്ണിന്റെ തോളില്‍ കയ്യിട്ടു നടക്കുന്നത് ശരിയല്ല, ഒറ്റയ്ക്ക് നടക്കാന്‍ പഠിക്കണം എന്നൊക്കെ പലരും  എന്നെ ഉപദേശിച്ചിട്ടുണ്ട്. പത്രപ്രവര്‍ത്തകനും വെബ്‌ ഡിസൈനറുമായ സുഹൃത്ത് ഷിനോദും ഭാര്യയും കഴിഞ്ഞ ദിവസം എന്റെ വീട്ടില്‍ അതിക്രമിച്ചു കയറി ബ്ലോഗിയെ വിളിച്ചിറക്കിക്കൊണ്ട് പോയി. ഞാനായിട്ട് തടസ്സം പറഞ്ഞില്ല.

മൂന്നാല് വര്‍ഷത്തെ ബ്ലോഗെഴുത്ത് കൊണ്ട് കുറെ ശത്രുക്കളെ കിട്ടിയിട്ടുണ്ട്. കുറച്ചു മിത്രങ്ങളെയും. ശത്രുവോ മിത്രമോ എന്ന് തിരിച്ചറിയാന്‍ പറ്റാത്ത വേറെയും ചിലരുണ്ട്.  ഇവിടെ കയറിയിറങ്ങുന്ന ഈ മൂന്ന് വകുപ്പില്‍ പെട്ടവര്‍ക്കും എന്റെയും ഞാന്‍ പടി കടത്തിയ ബ്ലോഗിപ്പെണ്ണിന്റെയും ആശംസകള്‍..

23 comments:

  1. ഒരു കാര്യം നേരേ ചൊവ്വേ പറയുന്ന ശൈലി പണ്ടേ ബഷീര്‍ക്കയ്ക്കില്ല.. എന്തായാലും അസ്സലായിട്ടുണ്ട്. തലാഖ് ചൊല്ലിയ ബ്ലോഗി പെണ്ണ് നഷ്ടപരിഹാരം ചോദിക്കോ ആവോ...വല്ല കേസും പൊല്ലാപ്പുമൊക്കെ വര്വോ? ആവോ?

    ReplyDelete
  2. ഇതല്പം കടന്ന കൈ ആയിപോയി!
    കൂടുമാറ്റ വിവരം റെജിസ്ട്രാപ്പീസിലെ ബോര്‍ഡില്‍ പതിച്ചില്ലെങ്കിലും ഏറ്റവും കുറഞ്ഞത് സ്വന്തം ബ്ളോഗ്ഗിലിടാമായിരുന്നു.

    ഇപ്പോ..... എല്ലാം കഴിഞ്ഞിട്ടാണോ മാലോകരെ അറിയിക്കുന്നത്?.

    നല്ല ആഗ്രഹവുമായി ഇറങ്ങിയതല്ലെ. എല്ലാം ഭാവുകങ്ങളും നേരുന്നു.

    ബ്ലോഗ്ഗില്‍ നിന്ന് ഇറങ്ങുകയും ചെയ്ത്, വെബ് ലോകത്ത് കേമനാവാതിരിക്കുകയും ചെയ്യുന്ന ഒരു ദുരവസ്ത്ഥ (ലീഡര്‍ മുരളിയെ പോലെ) ഉണ്ടാകാതിരിക്കട്ടെ.

    ReplyDelete
  3. ഞാനിതന്നേ പറഞ്ഞപ്പോള്‍ എന്തായിരുന്നു ഗമ ഇപ്പോള്‍ കണ്ടവര്‍ വന്നു വിളിച്ചിറക്കി കൊണ്ട് പോയപ്പോള്‍ സമാധാനം ആയല്ലോ ഇങ്ങനെ തന്നെ വേണം കണക്കായി പോയി .....

    ReplyDelete
  4. അഭിനന്ദനങ്ങള്‍

    ReplyDelete
  5. ഡൊമൈനില്‍ എന്ത് കാര്യം...??

    ReplyDelete
  6. @ editor: "ഒരു കാര്യം നേരേ ചൊവ്വേ പറയുന്ന ശൈലി പണ്ടേ ബഷീര്‍ക്കയ്ക്കില്ല.." എന്ത് ചെയ്യാം. ഇങ്ങനെ ആയിപ്പോയി. ഒരു എഡിറ്ററുടെ കുറവ് എന്റെ എഴുത്തിനുണ്ട്‌.

    @ Mujeeb Rahman പാറോപ്പടി: "ബ്ലോഗ്ഗില്‍ നിന്ന് ഇറങ്ങുകയും ചെയ്ത്, വെബ് ലോകത്ത് കേമനാവാതിരിക്കുകയും ചെയ്യുന്ന ഒരു ദുരവസ്ത്ഥ (ലീഡര്‍ മുരളിയെ പോലെ) ഉണ്ടാകാതിരിക്കട്ടെ."
    ഞാന്‍ ഒരു കൈ നോക്കാന്‍ തന്നെ തീരുമാനിച്ചു. അതിനിടയില്‍ ഇങ്ങനെ അറം പറ്റുന്ന വാക്കൊന്നും പറയല്ലേ മുജീബെ.

    @ ജിക്കുമോന്‍ : താങ്കള്‍ നിര്‍ബന്ധിച്ചപ്പോഴൊക്കെ ഞാന്‍ ഒഴിഞ്ഞു മാറി എന്നത് സത്യം. ഷിനോദ് വന്നു കഴുത്തിനു പിടിച്ചപ്പോള്‍ ഞാനങ്ങു നിന്ന് കൊടുത്തു.

    @ കൂതറHashimܓ : മാനം മര്യാദക്ക് ജീവിക്കാന്‍ സമ്മതിക്കില്ല അല്ലെ.

    ReplyDelete
  7. ബഷീര്‍ കാ.. അത് ഇഷ്ടപ്പെട്ടു.. അല്ലെങ്കിലും ഫാസിസ്ടുകലായ അമേരിക്കന്‍ ഗൂഗിളിനെ എന്തിനു നാം ചുമക്കണം അല്ലെ...

    ReplyDelete
  8. അതെ,
    'ബൂലോകത്ത് പ്രായപൂര്‍ത്തിയായ സ്ഥിതിക്ക് ബ്ലോഗിപ്പെണ്ണിന്റെ തോളില്‍ കയ്യിട്ടു നടക്കുന്നത് ശരിയല്ല,....'
    ഈ പ്രായപൂര്‍ത്തിക്കൂള്ള പ്രായമെത്തരയാ..

    അവാര്‍ഡിയ
    ഡോളറുകള്‍
    കയ്യില്‍ കിട്ടി അല്ലേ..
    എന്നാലും..

    .കോമിന്റെ
    പത്രാസ്
    പോസ്റ്റുകളിലും പ്രതീക്ഷിക്കുന്നു...

    ഭാവുകങ്ങള്‍(ഇത്തിരി അസൂയ കലര്‍ത്തിയിട്ടുണ്ട്, ക്ഷമിക്ക!)

    ReplyDelete
  9. ബഷീര്‍ക്ക, ഞാനങ്ങിനെ ദുരുദ്ദേശത്തോടെ പറഞ്ഞതല്ല.
    പോകുമ്പോഴുള്ളതിനെക്കാള്‍ വേഗത്തില്‍ പ്രവര്‍ത്തിച്ചാലെ 'ഡോട്ട് കോം' ലോകത്തു ശോഭിക്കാനാവുള്ളു. അങ്ങിനെ കഴിയാതെ വീണ്ടും ബ്ലോഗ്ഗിലേക്ക് പ്രവേശിക്കാനല്പം പ്രയാസമായിരിക്കും. പണ്ട് 'അവാര്‍ഡിയ' ആളാണെന്നു പറഞ്ഞിട്ട് കാര്യമുണ്ടാകണമെന്നില്ല.
    'മീന്‍ മൂടിവെച്ച കൊട്ടക്കകത്ത് പ്രവേശിക്കുവാനയി വട്ടം കറങ്ങുന്ന പൂച്ചയെ ഒര്‍മ്മിപ്പിക്കും വിധമാണ്‌ മുന്പ് മന്ത്രിയായിരുന്ന ലീഡര്‍ മുരളിയുടെ കോണ്‍ഗ്രസ്സ് പ്രവേശനത്തിനായുള്ള ഓട്ടം'.
    അതുപോലെയുള്ള ഒരവസ്ത്ഥ ഇല്ലാതിരിക്കട്ടെ എന്നാണ്‌ ഞാന്‍ ആശംസിച്ചത്.

    ReplyDelete
  10. May be this is the first decalred Talaq in the history of Blogs!
    Trend setter again......congrats!

    ReplyDelete
  11. ഓ അപോ അതുശെരി,ഇതു ചതി ആയല്ലോ ബഷീര്‍ക.നിങ്ങള്‍ ഒരാള് കാരണമ
    എഴുത്തും വായനയും നേരാവണ്ണം അറിയാത്ത ഞാനീ പണിക്കു നിന്നത്.ബ്ലോഗ്‌
    ഉശിരുല്ലൊരു "ആണ്കുട്ടിയെന്ന"ഞാന്‍ കരുതിയത്‌.ഞാനിനി എന്ത് ചെയ്യും ബഷീര്‍ക ?
    "ഇവളെയും"കൊണ്ടുനടന്നാല്‍ എന്‍റെ കാര്യം കഷ്ട്ടത്തിലാകുമോ?

    ReplyDelete
  12. congrats....മണ്ണൂര്‍ ഉള്ള ഷിനോദ് ആണോ ?

    ReplyDelete
  13. @»¦ മുഖ്‌താര്‍ ¦ udarampoyil ¦« ഡോളറൊന്നും കിട്ടിയിട്ടില്ല മുഖ് താറെ, കാശ് ഇറക്കാന്‍ തീരുമാനിച്ചു. അത്ര തന്നെ.

    @ navas bin adam ബ്ലോഗിപ്പെണ്ണിന് ഉശിര് കുറവൊന്നും ഇല്ല. ഞാനും ഈ ചുറ്റുവട്ടത്തൊക്കെ കാണും.

    @ Mujeeb Rahman പാറോപ്പടി: അങ്ങനെയാണേല്‍ കുഴപ്പമില്ല

    @ shan: അതെ, മണ്ണൂര്‍ ഉള്ള ഷിനോദ് തന്നെ.

    ReplyDelete
  14. അഭിനന്ദനം. :)

    ReplyDelete
  15. ഷിനോദ് ആളൊരു പുലി തന്നെ ,ഞാനും ഒഴിവാക്കി ഒരു ബ്ലോഗിപ്പെണിനെ ഇവിടെ നിന്നും.
    എന്നെ സഹായിച്ചതും ഷിനോദ് തന്നെ ഷിനോദ്ന്റെ ക്ഷമയ്ക്ക് പ്രത്യേകം നന്ദി പറയട്ടെ .ഇതൊരു തരംഗമാകുന്ന ലക്ഷണമുണ്ട് . ഷിനോദിന്റെ മൊബൈല്‍ നമ്പര്‍ ഇനി ബ്ലോഗ്ഗര്‍ ലോകത് മനപ്പാടമാകുമെന്നു തന്നെ കരുതുന്നു. നന്ദി ബഷീര്‍ക്ക ഒപ്പം ഷിനോദ് നും .... :)

    ReplyDelete
  16. ജയ് ജയ് സിന്ദാബാദ്...

    ReplyDelete
  17. ജയ് ജയ് സിന്ദാബാദ്...

    ReplyDelete
  18. This comment has been removed by the author.

    ReplyDelete
  19. This comment has been removed by the author.

    ReplyDelete
  20. Dear Basheer,

    My hearty congratulation.........


    Rock it on......

    With love.....

    ReplyDelete