ഏതാനും വര്‍ഷങ്ങളായി മാര്‍ച്ച്‌ മാസത്തിലെ അവസാന ശനിയാഴ്ചയില്‍ 'ഭൂമിയുടെ മണിക്കൂര്‍' ആചരിക്കുന്നു എങ്കിലും പ്രകൃതിയുടെ നിലവിളിയും പരിസ്ഥിതിയുടെ കരച്ചിലും അധികമാരും ശ്രദ്ധിക്കപ്പെടാതെ പോവുകയായിരുന്നു. ഈ വര്ഷം 'ഭൂമിയുടെ മണിക്കൂറിനു' കൂടുതല്‍ ശ്രദ്ധ ലഭിച്ചിട്ടുണ്ട്.
കടല്‍ കൂടുതല്‍ ചൂട് പിടിക്കുകയും ഹിമ പ്രദേശങ്ങളിലെ മഞ്ഞുരുക്കം തുടരുകയും ചെയ്‌താല്‍ പല ദ്വീപ്‌ സമൂഹങ്ങളും അധികം വിദൂരമല്ലാത്ത ഭാവിയില്‍ വെള്ളത്തിനടിയിലാവും. ആഗോളതാപനത്തിന് മുഖ്യ കാരണക്കാരായ അമേരിക്കയും ചൈനയുമടങ്ങുന്ന വന്‍കിട രാജ്യങ്ങള്‍ സ്വന്തം ഉത്തരവാദിത്വങ്ങളില്‍ നിന്ന് സമര്‍ത്ഥമായി തടിയൂരുകയും ചെറുകിട രാജ്യങ്ങളുടെ മേല്‍ ഉപദേശ പ്രസംഗം നടത്തുകയുമാണ് ഇപ്പോള്‍ ചെയ്തു വരുന്നത്. കാലാവസ്ഥാ വ്യതിയാനങ്ങളുടെ രൂക്ഷമായ പ്രതിഫലനങ്ങള്‍ ഏറ്റുവാങ്ങുന്ന ആഫ്രിക്കന്‍ രാജ്യങ്ങളുടെ നിലവിളി ലോകം കേള്‍ക്കേണ്ടതുണ്ട്. തുടര്‍ച്ചയായ നാലാം വിളനാശത്തിന്‍റെ തേങ്ങലാണ് ഉഗാണ്ടയില്‍ നിന്ന് ഉയരുന്നത്. സോമാലിയയിലെ പകുതിയിലധികം ജനങ്ങളും സഹായമായെത്തുന്ന ഭക്ഷണക്കിറ്റുകളുടെ പുറത്താണ് ഇപ്പോള്‍ ജീവന്‍ നിലനിര്‍ത്തുന്നത്. കെനിയ, എത്യോപ്പ്യ തുടങ്ങിയ രാജ്യങ്ങളുടെ സ്ഥിതിയും വ്യത്യസ്ഥമല്ല.
ജലനിരപ്പിന്റെ നേരിയ ഉയര്‍ച്ച പോലും സീഷെല്‍സ് ദ്വീപ്‌ സമൂഹങ്ങളുടെ അറുപതു ശതമാനവും വെള്ളത്തിന്‌ അടിയിലാക്കും. ഭൂമിയെ ഒട്ടും സ്നേഹിക്കാതെ ആധുനിക സാങ്കേതിക വിദ്യകള്‍ നല്‍കുന്ന സുഖ ശീതളിമയില്‍ നാം എല്ലാം മറക്കുമ്പോള്‍ അല്‍പ നേരമെങ്കിലും ഭൂമിയെക്കുറിച്ച് ചിന്തിക്കാന്‍ ഒരവസരം ഉണ്ടാവുന്നത് നല്ലതാണ്. ഇന്ന് രാത്രി അതിനുള്ള ഒരവസരമാണ്. കേരളത്തില്‍ നമ്മള്‍ ഭൂമിക്കായി ദിവസവും മണിക്കൂറുകള്‍ നീക്കിവെക്കാറുണ്ട്. അതുകൊണ്ട് ഇന്ന് പ്രത്യേകമായി അത് ചെയ്യേണ്ട ആവശ്യമുണ്ടോ എന്ന് ചോദിക്കുന്നവര്‍ ഏറെയുണ്ടാവും. ചോദ്യം പ്രസക്തമാണ് എന്നിരിക്കിലും നമ്മുടെ മണ്ണിനെക്കുറിച്ച് ഓര്‍ത്ത്‌ കൊണ്ട്, പരിസ്ഥിതിയുടെ താളം തെറ്റല്‍ മൂലം ദുരിതമനുഭവിക്കുന്ന ആയിരങ്ങളെ ഓര്‍ത്തു കൊണ്ട്, ഈ മണ്ണിനു അവകാശികളായ നമ്മുടെ പിന്‍ തലമുറകളെ ഓര്‍ത്ത്‌ കൊണ്ട് ഒരു മണിക്കൂര്‍ വിളക്കണക്കുമ്പോള്‍ നമ്മുടെ മനസ്സിനുള്ളില്‍ ഒരു വിളക്ക് തെളിയും. തെളിയണം.
അണ്ണാറ കണ്ണനും തന്നാലായത്..
ReplyDeleteപല തുള്ളി പെരുവെള്ളം...
കിടക്കട്ടെ എന്റെ വക ഒരു തുള്ളി.
good valare nalla karyam ...manushyar bhooomiye snehikkaan padikkatte
ReplyDeleteനല്ല ചിന്ത. അതുകൊണ്ടുതന്നെ ഈ പോസ്റ്റ് എനിക്കിഷ്ടമായി.
ReplyDeleteവരും തലമുറകള്‍ക്ക് ജീവിക്കാന്‍ പറ്റാത്ത രീതിയില്‍ ഈ ഭൂമിയെ നമ്മള്‍ നശിപ്പിക്കുന്നത് അക്ഷന്തവ്യമായ തെറ്റാണ്‌.
കഴിഞ്ഞ വര്ഷം നടന്ന കോപന്‍ഹോഗന്‍ ഉച്ചകോടി ആഗോളതാപനത്തെക്കുറിച്ച് കുറച്ച് കൂടി ഗൗരവതരമായി ലോകരാഷ്ട്രങ്ങള്‍ സമീപിക്കാന്‍ സഹായകമായി. ഒരു രാജ്യം കടലിനടിയിലേക്ക് ലോകശ്രദ്ധയാകര്‍ഷിച്ച് പോയപ്പോള്‍ നമ്മുടെ അയല്‍ രാജ്യം എവറസ്റ്റിന് സമീപം മിനിസ്റ്റേഴ്സ് മീറ്റിങ്ങ് നടത്തിയാണ് തങ്ങളുടെ നിലനില്‍പ്പിനെ തന്നെ ചോദ്യം ചെയ്ത് തുടങ്ങിയ ഈ പ്രതിഭാസത്തെ ലോകത്തിന് പരിചയപ്പെടുത്തിയത്.
ReplyDeleteസമകാലികവിഷയങ്ങളില്‍ അതിവിദഗ്ദമായി ഇടപെടാറുള്ള ബഷീര്‍ക്ക, ഈ പോസ്റ്റിലൂടെ വീണ്ടും നമ്മെ ചിലതൊല്ലാം ഓര്‍മ്മിപ്പിക്കുന്നു.
തീര്‍ച്ചയായും ഭൂമിയുടെ ഈ പച്ചപ്പ് വരുന്ന തലമുറയ്ക്ക് കൂടി അവകാശപ്പെട്ടതാണ്...
www.punarvaayana.tk
ചിന്തനീയമായ വിഷയം. ആശംസകള്‍
ReplyDeleteഇന്നലെ രാത്രി ആരൊക്കെ വിളക്കണച്ചു?. സൗദി ഇലക്ട്രിസിറ്റി കമ്പനി വിളക്കണക്കാത്ത കാരണം ഞാന്‍ തന്നെ എന്റെ സ്വിച്ചുകള്‍ ഓഫ്‌ ചെയ്തു.
ReplyDelete@ Prinsad.. "തീര്‍ച്ചയായും ഭൂമിയുടെ ഈ പച്ചപ്പ് വരുന്ന തലമുറയ്ക്ക് കൂടി അവകാശപ്പെട്ടതാണ്..." yes. Hundred Percent..
ചിന്തനിഇയമായ നല്ല പോസ്റ്റ്.
ReplyDeleteഭൂമിയുടെ ഇപ്പോഴുള്ളതും വരാന്‍ പോകുന്നതുമായ സകല അവകാശികള്‍ക്കും വേണ്ടി എല്ലാവരും ഉണരേണ്ടിയിരിക്കുന്നു.
മുതലാളിത്ത രാജ്യങ്ങളുടെയും മറ്റും അത്യഗ്രഹതിന്റെയും നിരുത്തര വാദത്തിന്റെയും ശമ്പളം അല്ലെ ആഗോള താപനം.
ReplyDeleteതന്റെ തന്നെ കുറ്റങ്ങള്‍ മറച്ചു പിടിക്കാന്‍ ഉച്ചകോടി നടത്തിയവര്‍ ആഗോള പ്രഹസനം ആക്കിയല്ലേ തടിയൂരിയത്.
ചില പാവങ്ങള്‍ സമുദ്രത്തിന്റെ അടിയില്‍ മന്ത്രി സഭ കൂടി - ലോകം ഇത് കാര്യമയെടുക്കഞ്ഞാല്‍ അവരുടെ കാര്യം കട്ടപുക...
നാരീ മണികള്‍ തുണിയുരിഞ്ഞു ശ്രദ്ധ നേടുന്ന ആ പാശ്ചാത്യ അടുപ്പില്‍ പാകം ചെയ്ത പുതിയ ഒരു നമ്പര്‍...
ഭൂമിക്കായി ഒരു മണിക്കൂര്‍ - ഹ ഹ .. ഞാനും ആഘോഷിച്ചു - പറഞ്ഞ സമയതെകാള്‍ അധികം. പിന്നെ എണീറ്റ ഉടനെ കണ്ടത് വള്ളികുന്നു കാരന്റെ ഈ നല്ല വിചാരം കുത്തി നിറച്ച പോസ്റ്റിങ്ങ്‌. എങ്ങനെ നന്ദി പറയേണ്ടൂ... .............
At home, I put the lights off yesterday between 8.30pm and 9.30pm.
ReplyDeleteAround 9.20pm two guests (Faisal and his br. in law) came. They had to wait the next 10 minutes........
Yes it was tough to convince the kids, especially when the streets and neighbours were all lit as normal!
This comment has been removed by the author.
ReplyDeleteAkbar said...
ReplyDeleteബഷീര്‍- നമ്മള്‍ കേരളീയര്‍ പ്രത്യേകിച്ചു ഒരു മണിക്കൂര്‍ വിളക്കണച്ചു ഭൂമിയെ ഓര്‍ക്കണമെന്നില്ല. കേരള ഇലക്ട്രിസിറ്റി ബോര്‍ഡ് വേനല്‍കാലത്ത് ഒരു മണിക്കൂര്‍ പവര്‍കട്ട് നടത്തി 6 മാസവും കൃത്യമായി ആ കര്‍മ്മം നിര്‍വഹിച്ചു നമ്മളെക്കൊണ്ട് ഭൂമിയെപ്പറ്റി ചിന്തിപ്പിക്കുന്നുണ്ട്‌.
കേരള ഇലക്ട്രിസിറ്റി ബോര്‍ഡ്- അവരാണ് ലോകത്തിനു ഈ മാതൃക കാണിച്ചു കൊടുത്തത്.
ഭൂമിയെ ഓര്‍ക്കാന്‍ വിളക്കണക്കുന്നതിന്റെ ഗുട്ടന്‍സ് മാത്രം ഞമ്മക്ക് പിടികിട്ടീല..
ReplyDelete@ Ashraf Unneen: "നാരീ മണികള്‍ തുണിയുരിഞ്ഞു ശ്രദ്ധ നേടുന്ന ആ പാശ്ചാത്യ അടുപ്പില്‍ പാകം ചെയ്ത പുതിയ ഒരു നമ്പര്‍..."
ReplyDeleteഎര്‍ത്ത് അവര്‍ അടക്കമുള്ള ഇത്തരം പ്രചാരണ പരിപാടികള്‍ക്ക് പിന്നിലെ വന്‍ ശക്തികളുടെ രാഷ്ട്രീയം തിരിച്ചറിയണമെന്ന താങ്കളുടെ കാഴ്ചപ്പാടിനോട് എനിക്ക് വിയോജിപ്പില്ല. എന്റെ കൂടി അഭിപ്രായം ആണത്. അതോടൊപ്പം ഭൂമിയുടെ നിലവിളി (അതിനു കാരണക്കാര്‍ ആരായിരുന്നാലും) എല്ലാവരും കേള്‍ക്കെണ്ടതുണ്ട്. കാരണം ഈ മണ്ണ് വന്‍ ശക്തികള്‍ക്കു മാത്രം അവകാശപ്പെട്ടതല്ല. നമ്മുടെ പിന്‍തലമുറക്കും അതില്‍ തുല്യമായ അവകാശങ്ങള്‍ ഉണ്ട്. 'ഭൂമിയുടെ കരച്ചിലിന് കാതോര്‍ക്കാന്‍ ' സഹായിക്കുന്ന ഒരു ചെറിയ നീക്കം എന്നാ നിലക്കാന് ഈ ഒരു സംരംഭത്തെ ഞാന്‍ അനുകൂലിച്ചത്. അതോടൊപ്പം തന്നെ വന്‍ ശക്തികളുടെ രാഷ്ട്രീയം തിരിച്ചറിയുവാന്‍ മറ്റു തലങ്ങളില്‍ നാം ശ്രമിക്കുകയും വേണം. വ്യത്യസ്തമായ ഈ അഭിപ്രായ പ്രകടനത്തിന് നന്ദി.
@ Abdul Latif "At home, I put the lights off yesterday between 8.30pm and 9.30pm"
ReplyDeleteWell done Latifka.. As you said, yes, it was tough..
@ Akbar: അതുതന്നെയാണ് ഞാനും പറഞ്ഞത്. "കേരളത്തില്‍ നമ്മള്‍ ഭൂമിക്കായി ദിവസവും മണിക്കൂറുകള്‍ നീക്കിവെക്കാറുണ്ട്. അതുകൊണ്ട് ഇന്ന് പ്രത്യേകമായി അത് ചെയ്യേണ്ട ആവശ്യമുണ്ടോ എന്ന് ചോദിക്കുന്നവര്‍ ഏറെയുണ്ടാവും."
ReplyDeleteസുനാമിയും, ഭൂകംബ ങ്ങളും ,കാലാവസ്ഥ യിലെ വ്യതിയാനങ്ങളും ആസന്നമായ ഒരു സര്‍വ നാശത്തിലേക് വിരല്‍ ചൂണ്ടുന്നു .മനുഷ്യന്റെ ലാഭ കൊതി ,കരയും കടലും കലുഷിതമാക്കി ..ഒരു മണികൂര്‍ വിളക്ക് കെടുത്തി നടത്തുന്ന അഭ്യാസം കൊണ്ടൊന്നും ഭൂമിയെ രക്ഷിക്കാന്‍ ആര്‍കും കഴിയില്ല .ദൈവത്തിനല്ലാതെ ....
ReplyDeleteഈ ഓര്‍മപ്പെടുത്തല്‍ നന്നായി.
ReplyDeletebest wishes to u and earth hour
ReplyDeleteഓ.ഞാനെന്തിനാ ഇതില്‍ പങ്കാളി ആകുന്നതു എന്ന് വിചാരിച്ചു ഓരോരുത്തരും മാറി നിന്നാല്‍ കാര്യങ്ങള്‍ എങ്ങും എത്തില്ല.
ReplyDelete