January 21, 2010

ഉണ്ണിത്താന്‍ കീ, ജയ്‌.. കാണ്ഗ്രസ്സ് കീ, ജയ്‌‌..

ശ്ശൊ ! ആ പാവം ഉണ്ണിത്താനെക്കുറിച്ച് എന്തൊക്കെയാണ് ആളുകള്‍ പറഞ്ഞുണ്ടാക്കിയത്!!. ഇതുപോലൊരു തങ്കപ്പെട്ട മനുഷേനെ ഇന്നത്തെ കാലത്ത്‌ കണികാണാന്‍ കിട്ടുവോ?. മൊയ്തീന്‍ സാറ് ഇല്ലായിരുന്നുവെങ്കില്‍ എന്താകുമായിരുന്നു അവസ്ഥ.. ആലോചിക്കുന്തോറും തല കറക്കം വരുന്നു. ഗൂഢാലോചന, ഗൂഢാലോചന,എന്ന് പറയുന്നത് ഇതിനല്ലേ.. വയനാട്ടിലേക്ക്‌ പുറപ്പെട്ട അദ്ദേഹത്തെ ഡീ വൈ എഫ് ഐ ക്കാര്‍ ചതിയില്‍പെടുത്തി മഞ്ചേരിയില്‍ എത്തിയിക്കുകയായിരുന്നെന്നു എത്ര പേര്‍ക്ക് അറിയാം?. അനാശാസ്യ പ്രവര്‍ത്തനങ്ങള്‍ നടക്കുന്ന ആ വീട്ടിലേക്കു അദ്ദേഹത്തെ എത്തിക്കുവാന്‍ ഡീ വൈ എഫ് ഐ ക്കാര്‍ പ്രയോഗിച്ച ഗൂഢാലോചന എന്തുമാത്രം ഭീകരമാണ്. നയന്‍ വണ്‍ സിക്സ് സ്വര്‍ണം പോലുള്ള ആ പാവം മനുഷ്യനെ ക്ലോറോഫോം ഉപയോഗിച്ച് മയക്കിക്കിടത്തിയല്ലേ അവര്‍ ഈ വീട്ടില്‍ എത്തിച്ചത്.
ഇത് പോലുള്ള കൊടും ചതി ആരോടെങ്കിലും ചെയ്യാന്‍ പാടുണ്ടോ?. പിന്നെ കൂടെയുള്ള യുവതി.. അവളൊരു പാവം ‘ഉഭയ’യല്ലേ, പോരെങ്കില്‍ സേവാദള്‍ ഭാരവാഹിയും.. സേവാദള്‍ എന്ന് പറഞ്ഞാല്‍ അതിന്റെ അര്‍ത്ഥം തന്നെ സേവിക്കുക എന്നതല്ലേ.. ഖദര്‍ ഇട്ട കൊണ്ഗ്രസ്സുകാര്‍ക്ക് രാത്രിയില്‍ കഞ്ഞിയും പുഴുക്കും ഉണ്ടാക്കി കൊടുക്കുവാന്‍ സേവാദള്‍ അല്ലാതെ ബജ് രംഗ് ദള്‍ വരുമോ?..

ഭാര്യയോടും അമ്മയോടും സമ്മതം വാങ്ങി സേവാദള്‍കാരിയോടൊപ്പം മഞ്ചേരിയില്‍ ഒരു രാത്രി – ഒരൊറ്റ രാത്രി – കഴിയാന്‍ ലോക്കല്‍ കമ്മറ്റിയുടെ സമ്മതം വാങ്ങിക്കണോ?.. ഇത് ഏതു കോത്താഴത്തെ നിയമമാണ് ഹേ.. സഖാവേ.. ഇന്ത്യന്‍ ഭരണഘടന ഞങ്ങള്‍ കോണ്ഗ്രസ്സുകാര്‍ക്ക് ചില അവകാശങ്ങളൊക്കെ തരുന്നുണ്ട്.

വെറുതെ ചുമ്മാ ഒരു റിപ്പോര്‍ട്ട് എഴുതിയുണ്ടാക്കിയതാണ് എന്‍ പി മൊയ്തീന്‍ സാറ് എന്ന് നിങ്ങള്‍ കരുതുന്നുണ്ടോ? നൂറോളം കോണ്ഗ്രസ്സുകാരെ ഇന്റര്‍വ്യൂ ചെയ്തിട്ടല്ലേ അദ്ദേഹം ഇത് എഴുതിക്കൊടുത്തത്?. മലപ്പുറം ഡീ സീ സി പ്രസിഡണ്ട്‌, സെക്രട്ടറി, ബ്ലോക്ക് പ്രസിഡണ്ട്‌, സെക്രട്ടറി, പഞ്ചായത്ത് കമ്മറ്റി പ്രസിഡണ്ട്‌, സെക്രട്ടറി, പിന്നെ യൂത്ത് കോണ്ഗ്രസ്സ് പ്രസിഡണ്ട്‌, സെക്രട്ടറി എന്നിങ്ങനെ ഈ ചുരുങ്ങിയ ദിവസങ്ങള്‍ക്കുള്ളില്‍ നൂറോളം പേരെ ഇന്റര്‍വ്യൂ ചെയ്യക എന്നത് ചില്ലറ കാര്യമാണോ?.. എന്നെ തൊട്ടാല്‍ എല്ലാ കോണ്ഗ്രസ്സുകാരുടെയും തനിനിറം ഞാന്‍ പുറത്താക്കും എന്ന് ഉണ്ണിത്താന്‍ വെല്ലുവിളിച്ചത് നിങ്ങളും കേട്ടതല്ലേ സഖാക്കളെ.. എന്തുവാ അതിന്റെ അര്‍ത്ഥം?..ഞങ്ങള്‍ കോണ്ഗ്രസ്സുകാരുടെ പാരമ്പര്യം എന്താണെന്ന് നിങ്ങളൊക്കെ ഇനിയെന്നാണ് പഠിക്കുക?.. നൂറാളെ ഇന്റര്‍വ്യൂ ചെയ്തത് പോരാ എന്നാണെങ്കില്‍ അത് പറ.. ഇനിയും ഒരു നൂറാളെ മലപ്പുറത്ത് നിന്ന് തപ്പിപ്പിടിക്കാന്‍ മൊയ്തീന്‍ സാറിന് കഴിയും.

നാട്ടുകാര് വളഞ്ഞപ്പോള്‍ എന്തിനു മുഖം പൊത്തി എന്നൊക്കെ ചോദിക്കാന്‍ നിങ്ങക്കെന്താ വട്ടുണ്ടോ?.. തൊണ്ടി സഹിതം പിടിച്ച് പൊതിരെ തല്ലു കിട്ടിയ സമയത്ത് ആരേലും ഫോട്ടോക്ക് പോസ് ചെയ്യുവോ കൂവേ?.. ഡീ വൈ എഫ് ഐ.. ഡീ വൈ എഫ് ഐ.. എന്ന് പറഞ്ഞ് നടന്നാല്‍ പോരാ.. തലയിലും അല്പം വിവരം വേണം.. സന്ദര്‍ഭം നോക്കി പെരുമാറാന്‍ ഞങ്ങള്‍ കോണ്ഗ്രസ്സുകാരെ നിങ്ങളാരും പഠിപ്പിക്കണ്ട.. വയനാട് പോലുള്ള വിദൂര സ്ഥലത്തേക്ക് പോകുമ്പോള്‍ ആരെങ്കിലും ഒറ്റയ്ക്ക് പോകുമോ?. ഒരു സേവാദള്‍ കൂടെയുന്ടെകില്‍ നിങ്ങള്‍ക്കെന്താ ചേതം. എ കെ ജി സെന്റില്‍ മുറി ചോദിച്ച് വന്നിട്ടില്ലല്ലോ ഞങ്ങള്‍.. മഞ്ചേരിയില്‍ നിങ്ങള്‍ റൂം വളഞ്ഞു.. ഞങ്ങള്‍ കൊണ്ഗ്രസ്സുകാര്‍ക്ക് ഇതൊക്കെ പുല്ലാ... ആയിരം റൂം വേറെ കിട്ടും..

മൊയ്തീന്‍ സാറിന്റെ റിപ്പോര്‍ട്ട് വരുന്നതിനു മുമ്പേ തന്നെ ഉണ്ണിത്താന്‍ സാറിനെ ഞങ്ങള്‍ക്ക് വിശ്വാസവാ. അങ്ങേരുടെ മുണ്ട് പൊക്കി നോക്കി സംഗതിയൊക്കെ ഞങ്ങള്‍ മുമ്പേ ഉറപ്പു വരുത്തിയതാ.. നിങ്ങള്‍ നോക്കിക്കോ അടുത്ത ഇലക്ഷനില്‍ ഇരുപതില്‍ ഇരുപതും കോണ്ഗ്രസ്സ് പിടിക്കും. മഞ്ചേരിയിലെ സ്ഥാനാര്‍ത്ഥി ആരാവണം എന്നതില്‍ ഇനി രണ്ടു അഭിപ്രായം ഇല്ല. ഞങ്ങള്‍ ചുവരെഴുത്ത് തുടങ്ങാന്‍ പോകുവാ.. ഉണ്ണിത്താന്‍ കീ ജായ്‌,... യൂത്ത് കോണ്ഗ്രസ്സ് കീ, ജായ്‌..

മ്യാവൂ... മൊയ്തീന്‍ സാറിന്റെ റിപ്പോര്‍ട്ട് വന്നത് കൊണ്ട് ഉണ്ണിത്താനെ ഇത് കലക്കി  എന്ന എന്റെ നേരത്തെയുള്ള പോസ്റ്റ് ഞാന്‍ പിന്‍വലിക്കുന്നു. എല്ലാ കോണ്ഗ്രസ്സുകാരോടും ഉണ്ണിത്താന്‍ സാറിനോടും മാപ്പ് ചോദിക്കുന്നു. കോണ്ഗ്രസ്സ് പാരമ്പര്യം നീണാള്‍ വാഴട്ട്.... ഉണ്ണിത്താന്‍ വാര്‍ത്ത ഒതുക്കുന്നതില്‍ വേണ്ടത്ര ശുഷ്കാന്തി കാണിച്ച എല്ലാ മാധ്യമക്കാര്‍ക്കും നണ്ട്രി, എക്സല്ലന്റ്റ് പെര്‍ഫോര്‍മന്‍സ്.

26 comments:

  1. അപ്പോള്‍ ഉണ്ണിത്താന്‍ സാറിനെ പേടിയുണ്ട്, പണ്ട് മുരളി സാറിനു കെ പി സി സി ആസ്ഥാനത്ത് ഏതോ വനിതയുമായി ചര്‍ച്ചക്ക് ശേഷം കഴുകാന്‍ വെള്ളം കിട്ടാത്ത കാര്യം, അതിനു പ്രസിടെന്ടു ചൂടായ കാര്യം ലോകം അറിഞ്ഞത് ഉണ്ണിത്താന്‍ സാറിന്റെ വായില്‍ നിന്നാണല്ലോ, ശ്ശെ!!! അതുപോലെ പലതും കേള്‍ക്കാനുള്ള കേരള മക്കളുടെ ഭാഗ്യം ഈ മൊയ്ദീന്‍ സാറ് ഇല്ലാതാക്കിയല്ലോ, ഇപ്പോഴെങ്കിലും ചില കാണ്ഗ്രെസ്സ് നേതാക്കള്‍ക്കെങ്കിലും ശ്വാസം നേരെ വീണിരിക്കും എന്ന് കരുതി നമുക്ക് സമാധാനിക്കാം
    ഉണ്ണിത്താനെ നേതാവേ ധീരതയോടെ നയിച്ചോളു, ലച്ചം ലച്ചം പിന്നാലെ
    പരിശുദ്ധ ഉണ്ണിത്താനെ മാതൃകയാക്കാന്‍ എല്ലാ കാണ്ഗ്രെസ്സുകാരോടും‍ നിര്‍ദേശിക്കാനും, സേവതളില്‍ വനിതാ പ്രാതിനിത്യം 1:1 എന്ന അനുപാതത്തില്‍ ആകുവാനും അടുത്ത കെ പി സി സി നിര്‍വാഹക സമിതിയില്‍ തീരുമാനമാവുമെന്ന പ്രതീക്ഷയോടെ

    ReplyDelete
  2. ഉണ്ണിത്താന്‍ സിന്ദാബാദ്...!!
    ഉണ്ണിത്താന്‍ നീണാല്‍ വാഴട്ടെ....
    വെറുതെ ആ പാവത്തിനെ എല്ലാരുംകൂടി ചതിയില്‍ പെടുത്തി,
    മാധ്യമങ്ങള്‍ വെറുതെ തെറ്റിദ്ധരിപ്പിച്ചു
    നമ്മളൊക്കെ വെറുതെ തെറ്റിദ്ധരിച്ചു...




    അപ്പൊ,
    ഇതാണല്ലെ കോണ്ഗ്രസ്സ്..
    ഗാന്ധിജിയുടെ,നഹ്രുവിന്റെ, അബുല്‍ കലാം ആസാദിന്റെ, മന്മോഹന്‍ജിയുടെ...!!!!!
    ഇതാണല്ലെ കേരളം,,, ദൈവത്തിന്റെ സ്വന്തം നാട്...!!!!!!!!!!!!
    ഛെ....അറപ്പ് തോന്നുന്നു..

    ReplyDelete
  3. പണ്ടു പി ടി ചാക്കോ ഒരു കക്ഷിയെയും കൂട്ടി പീച്ചിക്കു പോയി. അപ്പോള്‍ അദ്ദേഹം പറഞ്ഞത് ഓര്മ വരുന്നു : എന്റെ ഭാര്യക്ക് പരാതി ഇല്ല, എന്റെ കു‌ടെ വന്ന പെണ്ണിനോ അവളുടെ ഭര്‍ത്താവിനോ പരാതി ഇല്ല, പിന്നെ ഈ നാട്ടുകാര്‍ക്ക് എന്തിന്റെ സൂകേടാ?

    ReplyDelete
  4. This comment has been removed by the author.

    ReplyDelete
  5. ഒത്തിരിയെഴുതണമെന്നുണ്ടായിരുന്നു. പക്ഷെ അതെല്ലാം ചിലപ്പോള്‍ “അഡല്‍സ് ഒന്‍ലി” എന്ന മുദ്രയാല്‍ അറിയപ്പെടുമായിരിക്കും.

    എന്നാലും ഒറ്റവരിയില്‍ ഒതുക്കുന്നു. “ഇതാണ് മലയാളി മനസുകളുടെ ചാരിത്ര്യപ്രസംഗം”

    ReplyDelete
  6. സേവാദള്‍ എന്ന് പറഞ്ഞാല്‍ അതിന്റെ അര്‍ത്ഥം തന്നെ സേവിക്കുക എന്നതല്ലേ.. കദര്‍ ഇട്ട കൊണ്ഗ്രസ്സുകാര്‍ക്ക് രാത്രിയില്‍ കഞ്ഞിയും പുഴുക്കും ഉണ്ടാക്കി കൊടുക്കുവാന്‍ സേവാദള്‍ അല്ലാതെ ബജ് രംഗ് ദള്‍ വരുമോ?..

    ബജ്..
    അവർ വന്നാൽ ബജിയുണ്ടാക്കാനേ അറിയൂ.
    പിന്നെ അതിനിച്ചിരേ എരിവാ.
    അതല്ലേ സേവാ ദൾ കാരി വന്നേ.

    ReplyDelete
  7. എല്ലാ കോണ്‍ഗ്രസ്സ് കാരും ഇങ്ങനെ ആണ് എന്ന് പറയുന്നതിനേക്കാള്‍ നല്ലത് ,എല്ലാ ആണുങ്ങളും എന്നക്കിയലെ യോജിക്കാനാവൂ . കാരണം ഉണ്ണിത്താന്‍ സംഭവം ഒറ്റപ്പെട്ടതാണല്ലോ. ഏതു പാര്‍ട്ടിയും ഇത്തരം വിഷയങ്ങള്‍ ഇങ്ങനെ മാത്രമേ കൈകാര്യം ചെയ്യൂ. അതല്ലേ കഴിയൂ .ലോകം അവസാനിക്കാന്‍ ഇനിയും കൊല്ലങ്ങള്‍ ഉണ്ടല്ലോ . രാഷ്ട്ര സേവനം നിര്‍ത്താന്‍ പറ്റുമോ ???

    ReplyDelete
  8. This comment has been removed by the author.

    ReplyDelete
  9. ഓടുന്ന പട്ടിക്കു ഒരു മുഴം മുന്നേ.
    മോയ്തിന്‍ക അത്രയേ ചെയ്തുള്ളൂ.
    ഈ റിപ്പോര്‍ട്ട് ഇല്ലെങ്കിലും ഉണ്ണിത്താന്‍ കൊണ്ഗ്രസ്സില്‍ തിരിച്ചെത്തി നെഞ്ചും വിരിച്ചു നാവു നിട്ടും. ഇതിനപ്പുറം നെറികേട് ചെയ്തവര്‍ ഇന്നും എം.പി യും മന്ത്രിയുമോക്കെയായി വിലസുന്നു.
    അന്നെങ്ങാനും മോയ്തിന്‍ക ഇത് പോലെ ഉട്ടി യിലുള്ള മകനെ കാണാന്‍ പോകുന്ന വഴിക്ക് ഏതെങ്കിലും സേവാദള്‍ പെന്‍കൊടിയെ കാറില്‍ കയറ്റുകയും
    ഉട്ടിയില്‍ എളുപ്പതിലെതുവാന്‍ കുമരകം റിസോട്ടില്‍ ഒരു ദിവസം തങ്ങുകയും, അവിടെയുള്ള പി.ഡി.പി -മാര്‍ക്കിസ്റ്റ്റ് തിവ്രവാദികള്‍ വിടുവളഞ്ഞു
    കൈകാര്യം ചെയ്തു പോലിസിലെല്‍പ്പിക്കുകയും ചെയ്‌തുവന്നു സങ്കല്‍പ്പിക്കുക., കോണ്ഗ്രസ് സ്വാഭാവികമായും കമ്മിഷനെ നിശ്ചയിക്കും. അതിന്റെ തലപ്പത്ത് ഉണ്നിതാനെങ്ങാനും വന്നാല്‍ ?
    ഒരു പാലമാകുംപോള്‍ അങ്ങോട്ടുമിങ്ങോട്ടുമെന്നാനല്ലോ പ്രമാണം.
    ഉദ്ദിഷ്ട കാര്യത്തിനു ഉപകാരസ്മരണ..

    ReplyDelete
  10. ഉണ്ണിത്താനെ മലപ്പുറത്തെ മാപ്ല ഡിഫിക്കാര്‍ 'സിഹ്റ്' (മാരണം) ചെയ്താണത്രേ വഴിതെറ്റിച്ചത്..!! അതുകൊണ്ടാണത്രെ ഉണ്ണിത്താന്റെ കാലുകള്‍ നിലത്തുറക്കാതെ പോയത്!!!

    ReplyDelete
  11. ഉണ്ണിത്താന്‍ പാവമാ എന്ന് അന്നേ എനിക്ക് തോനിയതാ

    നാട്ടുകാരെല്ലാവരും കൂടി പെരുമാറി ഷര്‍ട്ടും മുണ്ടും കീറിയിട്ടും നിലത്തുറക്കാത്ത കാലുകളുമായി പോലീസ് വണ്ടിയില്‍ കയറുമ്പോഴും , എന്‍റെ മനസ്സ് പറഞ്ഞിരുന്നു പാവം ഉണ്ണിത്താന്‍ എന്ന്

    ReplyDelete
  12. അപ്രദീക്ഷിതമായതോന്നും ഈ റിപ്പോര്‍ട്ടില്‍ ഇല്ല. ഇത് ഇങ്ങിനെയേ വരൂ എന്നത് കോണ്ഗ്രസ് ചരിത്രം അറിയാവുന്നവര്‍ക്ക് അറിയാം.

    ReplyDelete
  13. സേവാദള്‍....... അവരുടെ ജോലി പിന്നെ എന്നതാ മാഷേ....? സേവനവ്യവസ്ഥ ആര്‍ക്കും അറിയില്ലേ
    മണ്ടന്‍മാര്‍

    ReplyDelete
  14. പാവം ഉണ്ണിത്താനെ എല്ലാരും കൂടി എന്തൊക്കെ പറഞ്ഞു. എന്നിട്ടിപ്പഴോ?

    ReplyDelete
  15. എല്ലാം മറച്ചു വെച്ച മാധ്യമങ്ങള്‍ക്കും കൊടുക്കണം ഒരോ കൈ... അവര്‍ ലൗ ജിഹാദ് ഉണ്ടാക്കുകയായിരുന്നല്ലൊ...
    സംഘ്പരിവാര്‍ കൊയ്ത്തു തുടങ്ങിയ പാടമാണ്‌ കേരളം ഇപ്പോള്‍. ഇലക്ഷനില്‍ മല്‍സരിക്കാതെ നാട് ഭരിക്കുന്നതെങ്ങനെയെന്ന് അവര്‍ നമുക്ക് കാണിച്ചു തരുന്നുണ്ട് ഇപ്പോള്‍. അപ്പോള്‍ സംഘ്പരിവാറിന്റെ കോണ്‍ഗ്രസ് വിത്തായ ഉണ്ണിത്താനെ സം‌രക്ഷിക്കാതെ വയ്യല്ലോ..

    ReplyDelete
  16. @ നട്ട്സ്: അഡല്സ് ഒണ്‍ലി ആക്കാതെയും കാര്യങ്ങള്‍ എഴുതി ഫലിപ്പിക്കാന്‍ ശ്രമിക്കണം. ആശയ വിനിമയവും സംവാദവും ഏത് വിഷയത്തെക്കുറിച്ചും ആവാം. അതിനു നാം ഉപയോഗിക്കുന്ന ശൈലിയും പദാവലികളും ഇച്ചിരി സഭ്യമായാല്‍അതല്ലേ നല്ലത്..

    ReplyDelete
  17. "മൊയ്തീന്‍ സാറിന്റെ റിപ്പോര്‍ട്ട് വരുന്നതിനു മുമ്പേ തന്നെ ഉണ്ണിത്താന്‍ സാറിനെ ഞങ്ങള്‍ക്ക് വിശ്വാസവാ. അങ്ങേരുടെ മുണ്ട് പൊക്കി നോക്കി സംഗതിയൊക്കെ ഞങ്ങള്‍ മുമ്പേ ഉറപ്പു വരുത്തിയതാ.."

    അത് കലക്കി..
    ഏത് ?

    ReplyDelete
  18. കുറച്ചു വര്‍ഷങ്ങള്‍ക്ക്‌ മുന്‍പ് റജീന എന്നൊരു പെണ്‍കുട്ടിയെ കമ്മൂണിസ്റ്റ് , ബീജേപ്പി ഗുണ്ടകള്‍ തട്ടിക്കൊണ്ടു പോയി ഭീഷണിപെടുത്തി ഇന്ത്യവിഷന്‍ സ്റ്റുഡിയോവില്‍ കൊണ്ട് ചെന്നിരുത്തി തോക്കില്‍ മുനയില്‍ വെച്ച് പലതും പറയിച്ചപ്പോള്‍ താങ്കള്‍ ഇങ്ങിനെ തന്നെയാണോ പ്രതികരിച്ചത്? ഉണ്ണിത്താന്‍ ചെയ്തത് ഒരു മഹത് സംഭവമാണെന്ന അഭിപ്രായം എനിക്കില്ല,പക്ഷെ ഇങ്ങിനെയുള്ള പരിപാടികള്‍ക്ക് പോവുന്ന ആദ്യത്തെയും അവസാനത്തെയും രാഷ്ട്രീയ നേതാവും അയാളല്ല.സാഹിബിനെ പറ്റി "അപവാദം" പറഞ്ഞുണ്ടാക്കിയപ്പോള്‍ ലീഗുകാരും ഇങ്ങിനെയൊക്കെയുള്ള വരട്ടു ന്യായങ്ങള്‍ പറഞ്ഞല്ലേ പ്രതിരോധിച്ചത് ?ഇപ്പോള്‍ കൊണ്ഗ്രസുകാര്‍ ചെയ്തതില്‍ മാത്രം തെറ്റ് കണ്ടെത്തുന്നതിലെ യുക്തി മനസ്സിലാവുന്നില്ല.ഉണ്ണിത്താന്റെ രക്തത്തിന് വേണ്ടി ഉറഞ്ഞു തുള്ളുന്ന കേരളത്തിലെ സാംസ്കാരിക പോലീസിന്റെ തനിനിറം അറിയണമെങ്കില്‍ എന്നെങ്കിലും ഒരിക്കല്‍ അര്‍ധ രാത്രിക്ക് സൂര്യന്‍ ഉദിക്കണം ,അപ്പോള്‍ കാണാം ഈ പറയുന്ന മന്യന്മാരില്‍ എത്ര പേര്‍ സ്വന്തം ഉട്‌ തുണിയില്‍ ഉണ്ടാവും എന്ന്.ഉണ്ണിത്താന്റെ സ്വന്തം ഭാര്യക്ക് ഇല്ലാത്ത പ്രശ്നം പിന്നെന്തിനാണ് നാട്ടുകാര്‍ക്ക്?പെറ്റവള്‍ക്കില്ലാത്ത വിഷമം എന്തിണാവോ പോറ്റുന്നവര്‍ക്ക് ?

    ReplyDelete
  19. പല തവണ മൊഴി മാറ്റി പറഞ്ഞ പെണ്ണാണ് രജീന. അവളുടെ ആരോപണങ്ങളെ കോടതികള്‍ തള്ളിക്കളഞ്ഞിട്ടുണ്ട്. ഉണ്ണിത്താന്‍ ബഷീര്‍ എഴുതിയ പോലെ 'തൊണ്ടി സഹിതം' പിടിക്കപ്പെട്ടയാളും. ഇത് രണ്ടും താരതമ്യന്‍ ചെയ്യുന്നത് ശരിയാണോ കന്ഫുസേ?

    ReplyDelete
  20. ഉണ്ണിത്താന്‍ പണ്ട് ചാനലായ ചാനലുകളിലൂടെ വിളിച്ചു പറഞ്ഞ കാര്യം ഈ അവസരത്തില്‍ ഒന്നാവര്‍തിക്കുക മാത്രമേ ഉദ്ദേശിച്ചുള്ളൂ,
    അസഭ്യം ആയെങ്കില്‍ സദയം പൊറുക്കുക

    ReplyDelete
  21. എന്തെല്ലാം പ്രശ്നങ്ങൾ ഉണ്ടായിട്ടും ഇപ്പോൾ എല്ലാം തീർന്ന്, ജനങ്ങൾ പുതിയതിനായി കാത്തിരിക്കുന്നു.
    ഇത് കൂടി ഒന്ന് വായിക്കുമെന്ന് വിശ്വസിക്കുന്നു.
    http://mini-mininarmam.blogspot.com/2010/01/cid-m-m-ed.html

    ReplyDelete
  22. നാസ് തെറ്റിദ്ധരിച്ചെന്നു തോന്നുന്നു. ഞാന്‍ പ്രതികരിച്ചത് നട്ട്സിന്റെ (നട്ടപ്പിരാന്തന്‍ ) കമെന്റിനോടു ആണ്.

    ReplyDelete
  23. കണ്‍ഫ്യൂസിന്റെ കമന്റിനെ തിരുത്താനിരുന്നതാ....
    ഇനി അഷ്റഫിന്റെ കമന്റിന്‍ ഒരു വോട്ട് രേഖപ്പെടുത്തുന്നു,.

    ReplyDelete
  24. havoooooo samadhanamayi ini manjeri vazhi banglour poyal prashnamillaaaaaaaaaaaa...
    dyfi kkarum dpkkarum kanathirunnal mathi

    ReplyDelete
  25. അവിടെയും സുഖം ഇവിടെയും സുഖം. പിന്നെ ഇത് ചുമന്നോണ്ട് നടക്കുന്ന എനിക്കാണോ അസുഖം എന്ന് പണ്ട് ഒരു പോസ്റ്റു മാന്‍ പറഞ്ഞതാണ് ഇപ്പോള്‍ ഓര്‍മ്മ വരുന്നത്. അവര്‍ക്കെല്ലാം സമ്മതം. പിന്നെന്തിനു ഈ നാറ്റക്കേസും ചുമന്നോണ്ട് നാട്ടുകാര്‍ നടക്കുന്നു. വിട്ടു കളയന്നേയ് ചീള് കേസുകള് .

    ഇനി തിവാരി കേസ് അന്വേഷിക്കാന്‍ മൊയിദീന്‍ സാര്‍ എന്നാണാവോ ഡല്‍ഹിയിലേക്കു എന്നെ ചോദിക്കാനുള്ളൂ.

    ReplyDelete
  26. unnithanethire uranhuthullunnavar mattupalathum kandillannumanapoorvm marannennunadikkunnu.kozhikkod ice creem parlarcasil cpm nethavu t.p dasanekayyodepidichathum muslimleeginte amarakkaran kunhalikkuttiyude pankalitham keralathile janasamoohathinu marakkan kazhiyilla..unnithanu thettupattiyennu ellavarkkum ariyam.athinu congrassine kuttamparayaruthe.unnithana pateyile orangham mathramanu.kodikkanakkinu pravarthakarulla congressile oral..

    ReplyDelete