January 5, 2010

തരൂരിന് ഭീഷണി, ഷാരൂഖ് ട്വിറ്ററില്‍

ശശി തരൂര്‍ ട്വിറ്ററില്‍ മൂടി ചൂടാമന്നനായി വിലസുകയായിരുന്നു ഇതുവരെ. ഇന്ത്യക്കാരായ ട്വിറ്റര്‍മാറില്‍ തരൂരിനെ വെട്ടാന്‍ ഇതുവരെ ആരും ഉണ്ടായിട്ടില്ല. ഇടയ്ക്കിടയ്ക്ക് ഓരോ പുകിലുകള്‍ ഉണ്ടാക്കിയിട്ടാണെങ്കിലും തന്നെ ഫോളോ ചെയ്യുന്ന ഫെല്ലോസിന്റെ എണ്ണം അനുദിനം കൂട്ടിക്കൊണ്ടിരിക്കുവാന്‍ പുള്ളിക്ക് ആയിട്ടുണ്ട്‌. ഇതെഴുതുമ്പോള്‍ തരൂരിന് ട്വിറ്റരില്‍ അഞ്ചു ലക്ഷത്തി അറുപത്തെണ്ണായിരം അനുയായികള്‍ ഉണ്ട്. ഇതില്‍ കൂടിയാല്‍ രണ്ടോ മൂന്നോ ശതമാനം കൊണ്ഗ്രസ്സുകാര്‍ കാണും. കേരളത്തിലെ വിവരമുള്ള ഒരു കൊണ്ഗ്രസ്സുകാരനും തരൂരിന്റെ ട്വിറ്റര്‍ വായിക്കുന്നവരായി ഉണ്ടാകാന്‍ ഇടയില്ല. ട്വിറ്റര്‍ മാത്രമല്ല തരൂരിനെ തന്നെ വേണ്ട എന്ന് തുടക്കത്തത്തില്‍ പറഞ്ഞവരാണ്ഇവിടത്തെ  യൂത്തന്മാര്‍. അപ്പോള്‍ ഈ ആറ് ലക്ഷം അനുയായികളില്‍ ഡല്‍ഹിയിലെ കുറച്ച് കൊണ്ഗ്രസ്സുകാരെ മാറ്റി നിര്‍ത്തിയാല്‍ ബാക്കിയൊക്കെ അദ്ദേഹം ‘കഷ്ടപ്പെട്ട് അദ്ധ്വാനിച്ച് ബുദ്ധിമുട്ടി’ ഉണ്ടാക്കിയെടുത്തതാണ്.
കാബിനറ്റ് മീറ്റിംഗ് നടന്നു കൊണ്ടിരിക്കുമ്പോഴും അദ്ദേഹത്തിന്റെ ഒരു വിരല്‍ മൊബൈലിലെ കീ പാഡില്‍ ഉണ്ടാവും. ‘ഞാനിപ്പോള്‍ കസാക്കിസ്ഥാനിലെ പ്രധാനമന്ത്രിയുടെ വീട്ടില്‍ ലഞ്ച് കഴിച്ചു കൊണ്ടിരിക്കുകയാണ്. അദ്ദേഹം ഒരു കോഴിക്കാലില്‍ കടിച്ചു, ഞാനിതാ ഇപ്പോള്‍ കടിക്കും” എന്ന മട്ടില്‍ ഓരോരോ സംഭവങ്ങളും അദ്ദേഹം അപ്ഡേറ്റ് ചെയ്തുകൊണ്ടിരിക്കും. ട്വിറ്ററില്‍ ജീവിച്ചു പോകണമെങ്കില്‍ വലിയ പാടാണ് എന്നര്‍ത്ഥം. രണ്ട് ദിവസം ട്വീറ്റാന്‍ മറന്നാല്‍ ഫെല്ലോസിനെ കാക്ക കൊത്തും, അതല്ലെങ്കില്‍ ശോഭാ ഡെ കൊണ്ട് പോവും. ‘ഗോമ്പറ്റീഷന്‍’ അത്രക്ക്  ശക്തമാണ്. എന്നിരുന്നാലും തരൂരണ്ണന്‍ തന്നെയാണ് ഇന്നും ട്വിറ്ററിലെ രാജകുമാരന് .

പക്ഷെ ഈ കിരീടം എത്രനാള്‍ കൂടി തരൂരണ്ണന് ചൂടി നില്‍ക്കാന്‍ കഴിയും എന്ന കാര്യത്തില്‍ എനിക്ക് ഒരു ചെറിയ സംശയമുണ്ട്‌. ഇന്നലെ മുതലാണ് ആ സംശയം ഉടലെടുത്തത്. കാരണം മറ്റൊന്നല്ല. നമ്മുടെ കിംഗ്‌ ഖാന്‍ ട്വീറ്റ് ചെയ്യാന്‍ തുടങ്ങിയിരിക്കുന്നു. രണ്ടു ദിവസം മുമ്പാണ് പുള്ളി ഈ പുതിയ പണി തുടങ്ങിയിരിക്കുന്നത്. കറണ്‍ ജോഹര്‍, പ്രിയങ്ക ചോപ്ര,, പ്രീതി സിന്‍റ തുടങ്ങി ബോളിവുഡിലെ പല നക്ഷത്രങ്ങളും ട്വിറ്ററില്‍ മുമ്പേ ഉണ്ടെങ്കിലും സാക്ഷാല്‍ സിങ്കം ഇപ്പോഴാണ് എത്തിയത്. വെറും രണ്ടേ രണ്ടു ദിവസം കൊണ്ട് ഈ സിങ്കത്തെ മുപ്പതിനായിരം പേരാണ് ഫോളോ ചെയ്തിരിക്കുന്നത്. ഈ നിരക്കില്‍ കുറച്ച് ദിവസം മുന്നോട്ട് പോയാല്‍ തരൂരണ്ണന്‍ അല്പം കിതക്കേണ്ടി വരും.

got to go and sleep a bit. my dreams come on at 8 a.m...don't want to miss any episodes.Todays r without commercial breaks too. love u all എന്നിങ്ങനെയാണ് കിംഗ്‌ ഖാന്‍ ഇന്ന് രാവിലെ ചീറ്റിയത് (അങ്ങിനെയും പറയാം). hi everyone. being extremely shy i never thought i would be here. but my friend @kjohar25 insisted that i should learn to share my life. എന്ന് പറഞ്ഞു കൊണ്ടാണ് പുള്ളി ട്വിട്ടറിലേക്ക് തേങ്ങ ഉടച്ചു കയറിയത്.  ചെമ്മീന്‍ തുള്ളിയാല്‍ ചട്ടിയോളം എന്ന് പറയുന്ന പോലെ ഇത്തരം കൊച്ചുവര്‍ത്തമാനങ്ങളുമായി ഷാരൂഖ് തുള്ളിയാല്‍ ഏതുവരെ പോകും എന്ന് സംശയിക്കുന്നവര്‍ ഉണ്ടാവും. പക്ഷെ അന്താരാഷ്‌ട്ര കാര്യങ്ങളേക്കാള്‍ ഇന്നത്തെ 'പുള്ളാര്‍ക്ക് 'ഈ കൊച്ചുവര്‍ത്തമാനങ്ങള്‍ ആണ് ഇഷ്ടപ്പെടുക എന്ന് നന്നായി അറിയുന്ന ആളാണ്‌ നമ്മുടെ ഖാന്‍. ഓനാരാ മോന്‍..

15 comments:

  1. ഈ ഷാരൂക് ടിട്ടെരില്‍ പെറ്റ് കിടന്നാല്‍ മലയാളികള്‍ക്ക് എന്ത് കോപ്പാ ബഷീര്‍ സാഹിബേ ? വിഷയ ദാരിദ്ര്യം പിടിപെടുന്നുണ്ടോ ? അല്ല ബെര്‍ളിയെ പോലെ എല്ലാ ദിവസവും പോസ്റ്റ്‌ ഇടണം എന്ന് നേര്ച്ച ഉണ്ടോ ? വിഷയ ദാരിദ്ര്യം ആയിരുന്നെങ്കില്‍ ഇന്നലെ റോടപകടത്തില്‍ പെട്ട് അര മണിക്കൂറോളം ആരും തിരിഞ്ഞു നോക്കാതെ ചോര വാര്‍ന്നു മരിച്ച ഒരു മുന്‍ ജവാന്റെ വിധിയെ കുറിച് എഴുതൂ ... അത് വായിച്ചിട്ട് കുറച്ചു പേരുടെ കണ്ണ് തുറക്കാന്‍ സാധിച്ചാല്‍ അത്രയും പുണ്യം ..

    ReplyDelete
  2. തീവ്രവാദം, രാഷ്ട്രീയം, മഅദനി തുടങ്ങി സീരിയസ്സായ വിഷയങ്ങള്‍ മാത്രം ചര്‍ച്ച ചെയ്ത് ടെന്‍ഷന്‍ അടിക്കുന്നതിനിടക്ക് അല്പം റിലാക്സ് ചെയ്യാനാണ് ട്രുത്തെ ഇതുപോലുള്ള ചിലതും കാച്ചുന്നത്. ബ്ലോഗുന്ന എല്ലാ വിഷയത്തിലും താങ്കള്‍ക്കു എന്തെങ്കിലും 'കോപ്പു'ണ്ടാക്കാന്‍ എന്നൊക്കൊണ്ട് ആവില്ല. താങ്കള്‍ക്കു താല്പര്യം ഉള്ള വിഷയങ്ങള്‍ (അതായത് 'കോപ്പു'ള്ള വിഷയങ്ങള്‍) ഏതൊക്കെയെന്നു പറഞ്ഞു തന്നാല്‍ അടിയന്‍ അത് എഴുതാമേ..

    ReplyDelete
  3. ശാരുക് തരൂരിന്നു ഭീഷണിയാകാന് വഴിയില്ല. കാരണം തരൂര് രാഷ്ട്രീയം പഠിച്ച് കൊണ്ടിരിക്കുന്നു. സിനിമ നടന് ഈ ട്വിത്റെരില് കളിക്കാനെവിടെ നേരം?

    ReplyDelete
  4. ബഷീര്‍ സാഹിബേ ചൂടാവണ്ട .. മുകളില്‍ ഉള്ള സംഭവം വായിച്ചു അതിനെ കുറിച്ച 'അഭിപ്രായം ' എഴുതാന്‍ ആണ് ഇവിടെ കമന്റ്‌ ബോക്സ്‌ എന്ന ഈ പരിപാടി ഉള്ളത് എന്ന് കരുതി എഴുതിയത് ആണ് ... ഇനി താങ്കള്‍ക്ക് ഇഷ്ടമല്ലാത്ത അഭിപ്രായം എഴുതാതിരിക്കാന്‍ ശ്രമിക്കാം .. താങ്കളുടെ ബ്ലോഗ്‌ ഒരു മൂന്നാം കിട Tabloid ആയി മാറുന്നത് കണ്ടപ്പോള്‍ പറഞ്ഞു പോയതാണ്.. താങ്കള്‍ തന്നെ അല്ലേ കുറച്ച കാലം മുന്‍പ് ബെര്‍ലിയോടു എന്ത് എഴുതണം എന്ത് എഴുതരുത് എന്നോകെ പ്രസംഗിച്ചത് ? അത് പോലെ ഒരു കമന്റ്‌ ഇവിടെ വന്നപ്പോള്‍ താങ്കള്‍ക്ക് പൊള്ളി അല്ലേ ? negative comments-നോട് അസഹിഷ്ണത കാണിക്കുന്നത് താങ്കളെ പോലെ ഉള്ള വലിയ പത്രപ്രവര്‍ത്തകര്‍ക്ക് യോജിച്ചത് ആണോ ? ഇവിടെ വരുന്ന എല്ലാവരും എല്ലാ പോസ്റ്റും മഹത്തരം എന്ന് പറഞ്ഞു താങ്കള്‍ക്ക് ജയ് വിളിക്കണം എന്ന് വാശിപിടിക്കുന്നത് ശരി ആണോ ബഷീര്‍ സാഹിബേ ? എന്റെ പോസ്റ്റ്‌ വായിച്ച എനിക്ക് ജയ് വിളിക്കുന്നവര്‍ മാത്രം ഇവിടെ വന്നു നിരങ്ങിയാല്‍ മതി എന്ന് വലിയ അക്ഷരത്തില്‍ ഉള്ള അറിയിപ്പ് ഈ ബ്ലോഗില്‍ എവിടെയും കണ്ടില്ല .. അത് കൊണ്ട് വന്നതാണ് .. അങ്ങിനെ ഒരു നിയമം ഉണ്ടെങ്കില്‍ ഇനി മുതല്‍ ഇങ്ങോട്ടുള്ള വരവ് നിര്‍ത്താം..ഇങ്ങള് ക്ഷമിക്ക്

    ReplyDelete
  5. ട്രുത്തെ, ഞാന്‍ ചൂടായി എന്ന് നിങ്ങള്ക്ക് തോന്നിയെങ്കില്‍ ക്ഷമിക്കുക. എത്ര ശക്തമായ വിയോജിപ്പും കേള്‍ക്കാന്‍ തയ്യാറായി തന്നെയാണ് ഞാന്‍ ഈ പരിപാടി നടത്തുന്നത്. താങ്കള്‍ തന്നെ നിരവധി കാമ്പുള്ള വിമര്‍ശനങ്ങള്‍ ഈ ബ്ലോഗില്‍ ഇട്ടിട്ടുണ്ട്. എന്നെ എതിര്‍ക്കുകയോ ചീത്ത വിളിക്കുകയോ ചെയ്യുന്ന ഒരു കമന്റ് പോലും ഞാന്‍ ഡിലീറ്റ് ചെയ്യാറില്ല. പല ബ്ലോഗുകളിലും അതൊരു സ്ഥിരം പരിപാടിയാണെന്ന് താങ്കള്‍ക്കു അറിയാമല്ലോ. വല്ലാതെ ചൊറിഞ്ഞപ്പോള്‍ ഞാനൊന്ന് തിരിച്ചു ചൊറിഞ്ഞു എന്ന് മാത്രം. ക്ഷമി..

    ബെര്‍ളി എന്തെഴുതണം എഴുതണ്ട എന്നൊന്നും ഞാന്‍ ഉപദേശിച്ചിട്ടില്ല. അദ്ദേഹത്തിന്റെ ബ്ലോഗില്‍ അര്‍ദ്ധനഗ്ന ചിത്രങ്ങളോടെ ചില പരസ്യങ്ങള്‍ കണ്ടപ്പോള്‍ ഞാന്‍ അതിനെ വിമര്‍ശിച്ചു. ബെര്‍ളി തിരിച്ചും വിമര്‍ശിച്ചു. ഞാനും വിട്ടില്ല. അങ്ങനെയാണ് ആ വിവാദം ഉണ്ടായത്. താങ്കള്‍ ആ ഇഷ്യൂ മറന്നു പോയി എന്ന് തോന്നുന്നു. പിണങ്ങിപ്പോകരുത്. ഇവിടെ ഇടക്കൊക്കെവരണം.

    ReplyDelete
  6. ബഷീര്‍ക്കാ തിരക്ക് മൂലം നിങ്ങടെ കാംപുള്ള വിഷയങ്ങള്‍ തന്നെ ഫോളോ ചെയ്യാന്‍ ബുദ്ധിമുട്ടുണ്ട്.അതിനാല്‍ 'ഇന്നു മുതല്‍ നിങ്ങള്‍ സെലക്റ്റീവാവണം' എന്ന് പറയാന്‍ ഞാന്‍ ആരുവാ ??

    നിങ്ങള്‍ പോസ്റ്റൂ.ഇഷ്ടമുള്ളവര്‍ വരും വായിക്കും.ഒന്ന് ചൊറിയാന്‍ തോന്ന്യാല്‍ ചിലപ്പോള്‍ ചൊറിയും.തിരിച്ച് ചൊറിയുമ്പോള്‍ ആളും തരവും നോക്കണമെന്നാണ് ഈ അനുജന്‍റെ പക്ഷം.

    ReplyDelete
  7. "തരൂരിന് ഭീഷണി, ഷാരൂഖ് ട്വിറ്ററില്‍"
    "സഖാക്കളെ കണ്ടു പഠിക്കൂ, പ്ലീസ്.."
    "മാംഗോ മുദ്ദുഗവു നാട്ടിലെങ്ങും പാട്ടായി"


    ഒരു ഫയര്‍,ക്രൈം നിലവാരമുണ്ട് ഇപ്പൊ..അറ്റ്‌ ലീസ്റ്റ് മനോരമ ആഴ്ചപ്പതിപ്പിന്റെയെങ്കിലും..

    ReplyDelete
  8. ചിലരില്‍ നിന്നും ചിലര്‍ ചിലത് പ്രതീക്ഷിക്കുന്നു, ആ പ്രതീക്ഷ അസ്ഥാനത്ത് ആവുമ്പോള്‍ ചിലര്‍ പ്രതികരിക്കുന്നു. ബഷീര്‍ സാഹിബില്‍നിന്നും ട്രുത് ചിലപ്പോള്‍ കാമ്പുള്ള വിഷയങ്ങള്‍ പ്രതീക്ഷിചിട്ടുണ്ടാവും അത് അങ്ങേരുടെ തെറ്റ്. പണ്ട് ബെര്‍ലിയെയും കൈപല്ലിയെയും മാന്തി തിരിച്ചും മാന്തി കടിപിടിയായി അത്യാവശ്യം പബ്ലിസിറ്റ്യും കിട്ടി, ഇനി കുറച്ചു സ്റ്റാന്‍ഡേര്‍ഡ് ആവാം ഐ മീന്‍ "കാമ്പുള്ള വിഷയങ്ങള്‍"

    ReplyDelete
  9. നാലാള് പറഞ്ഞാല്‍ നാട്ടീന്നു പോണം എന്നൊരു ചൊല്ലുണ്ട്.. ട്രുതത് തുടങ്ങി വെച്ചു. നാസും, ജിപ്പൂസും സ്വപ്നാടകനും സപ്പോര്‍ട്ടും ചെയ്തു. ഇനിയും ഞാന്‍ നാന്നായില്ലെങ്കില്‍ ഒരു കാലത്തും നന്നാവില്ല. അഭിപ്രായങ്ങളിലെ നല്ല വശം ഞാന്‍ ഉള്‍കൊള്ളുന്നു. കാമ്പുള്ള വിഷയങ്ങള്‍ കിട്ടിയാല്‍ നമുക്ക് അടുത്ത വര്ഷം കാണാം. വീണ്ടും ലാല്‍ സലാം സഖാക്കളെ...

    ReplyDelete
  10. ബഷീര്ക, ഇടക്കൊക്കെ ഇങ്ങനെയുള്ളതും വേണം. ഒരു രസത്തിന് വായിക്കാന്‍. ലവന്മാര്‍ പറയുന്നത് കാര്യമാക്കണ്ട. എല്ലാ വിഷയവും സീരിയസ്സായാല്‍ എന്നെപ്പോലുള്ളവര്‍തെണ്ടിപ്പോവും.

    ReplyDelete
  11. അതന്നെ അശ്രഫെ എനക്കും പറയാനുള്ളത്

    ReplyDelete
  12. ബഷീര്‍ ബായി.
    താങ്കള്‍ കാമ്പില്ലാത്ത വിഷയത്തെപ്പറ്റി എഴുതുന്നത്‌ ശരിയല്ല. കാമ്പുള്ള വിഷയം എഴുതൂ. വാഴയെപ്പറ്റി എഴുതൂ. അതില്‍ കാംപുണ്ടല്ലോ. "ഇണ്ണികാമ്പ്"

    ReplyDelete
  13. Troothanodu poyi pani nokkan para

    namukku ellam venam

    Malayalam work cheyyunnilla athaa MANGLEESH

    ReplyDelete
  14. അങ്ങനെ അല്ലെന്‍റെ ബഷീര്‍ക്കാ..ചൊറിയാനായി ജനിച്ച ചിലരുണ്ടിവിടെ ട്രൂത്ത് ആ ഗണത്തില്‍ പെടുമൊ എന്നുള്ള സംശയം കൊണ്ടാ അങ്ങനെ പറഞ്ഞേ.ചൊറിയാനായി ജനിച്ചവര്‍ക്ക് താങ്കള്‍ കൊടുത്ത മറുപടി തന്നെയാ ചേരുക.

    ഞാന്‍ ആരേയും സപ്പോര്‍ട്ട് ചെയ്തില്ല.എന്‍റെ അഭിപ്രായം പറഞ്ഞു.അത്രന്നെ.പിന്നെ ബഷീര്‍ക്കാക്ക് വിഷയ ദാരിദ്യമാണെന്നൊന്നും നിക്ക് ഏതായാലും അഭിപ്രായല്ല.

    ReplyDelete
  15. ഏതായാലും ഇത് ഒരു നാലാംകിട അടി പിടി ആയി പോയി.
    സമൂഹത്തിലെ ഉയര്‍ന്ന ചിന്താഗതിക്കാരും, എഴുത്തുകാരും ഇങ്ങിനെ ആയാല്‍. ഞങ്ങളൊക്കെ എന്ത് ചെയ്യും?

    ReplyDelete