ഇന്ത്യയിലെ എല്ലാ പാര്‍ട്ടിക്കാരും സിപിഎം കാരെ കണ്ടു പഠിക്കണം. മറ്റ് പാര്‍ട്ടിക്കാരെപ്പോലെയല്ല അവര്‍. ചില ചിട്ടകളും നിബന്ധനകളുമൊക്കെ പാലിച്ചു കൊണ്ട് മാത്രമേ ആ പാര്‍ട്ടിയില്‍ തുടരാന്‍ സാധിക്കൂ. കഴിഞ്ഞ ദിവസം സിപിഎം കേന്ദ്രക്കമ്മിറ്റി പാര്‍ട്ടി നേതാക്കന്മാര്‍ക്ക് നല്‍കിയ ആറിന നിര്‍ദേശങ്ങള്‍ നോക്കൂ. ഇന്ത്യയില്‍ മറ്റേതൊരു പാര്‍ട്ടിക്കുണ്ട് ഈ ചങ്കൂറ്റവും ധൈര്യവും?.. ഓരോ നിര്‍ദേശങ്ങള്‍ വായിക്കുമ്പോഴും ഞാന്‍ രോമാഞ്ചമണിഞ്ഞു. അവസാനത്തെ കല്പനയും വായിച്ചു കഴിഞ്ഞതോടെ എന്റെ കണ്ണ് നിറഞ്ഞുപോയി.ഈ വാര്‍ത്ത കാണാതെ പോയ ആരെങ്കിലും ഉണ്ടെങ്കില്‍ അവര്‍ക്ക് കൂടി അല്പം രോമാഞ്ചം കിട്ടുന്നതിനു വേണ്ടിയാണ് ഞാനിത് കുറിക്കുന്നത്.
ഒന്ന്) വീട്ടിലോ പുറത്തോ മത ചടങ്ങുകളില്‍ പങ്കെടുക്കരുത്.
ക്ഷേത്രത്തിലോ പള്ളിയിലോ പതിവായി പോവുക, മുത്തപ്പന്‍ കാവുകളില്‍ നേര്ച്ച നേരുക, ഉത്സവ കമ്മറ്റികളില്‍ പ്രസിഡണ്ടാവുക, ഹജ്ജിനോ ഉംറക്കോ പോകുക, ജാതകവും മുഹൂര്‍ത്തവും നോക്കി കല്യാണം നടത്തുക, വര്ഷം തോറും ശബരി മലക്ക് പോകുക തുടങ്ങിയവ ഇനി മുതല്‍ മത ചടങ്ങുകളായി പരിഗണിക്കുന്നതല്ല. ‘വൈരുദ്ധ്യാത്മീയ’ ഭൌതിക വാദത്തിന്റെ അര്‍ത്ഥമറിയാത്ത പാര്‍ട്ടിയിലെ തൊരപ്പന്മാര്‍ക്ക് ഇത്തരം ചടങ്ങുകളുടെ ശരിക്കുള്ള അര്‍ത്ഥം മനസ്സിലാക്കിക്കൊടുക്കാന്‍ നേതൃനിര ശ്രദ്ധിക്കണം. കറുത്ത പൂച്ച കുറുകെ ചാടിയാല്‍ അന്നത്തെ യാത്ര ഒഴിവാക്കുക, വീട്ടിന്റെ കോലായില്‍ കരിങ്കണ്ണന്റെ കോലം തൂക്കുക തുടങ്ങിയ സാമ്പ്രദായിക വിപ്ലവ രീതികള്‍ ലോക്കല്‍ കമ്മിറ്റികളില്‍ പരിചയപ്പെടുത്തുവാനും ശ്രദ്ധിക്കണം.
രണ്ട്) വീടോ വാഹനമോ വാങ്ങുമ്പോള്‍ പാര്‍ട്ടിയെ അറിയിക്കണം.
കുന്നംകുളം ഹൈവേയില്‍ ഉള്ളത് പോലുള്ള വീടുകള്‍ നിര്മിക്കരുത്. നിര്‍മിച്ചാല്‍ തന്നെ ഇമെയിലില്‍ ഫോര്‍വേഡ് കളിക്കരുത്. പിണറായിയിലോ പരിസരപ്രദേശത്തോ കാണുന്ന പോലുള്ള കോണ്‍ഗ്രീറ്റ് ചെയ്ത ഇരുനില കെട്ടിടങ്ങള്‍ ആണ് അഭികാമ്യം. ഇറ്റാലിയന്‍ മാര്‍ബിള്‍ ഉപയോഗിക്കുകയാണെങ്കില്‍ ഇളം ചുവപ്പ് കളര്‍ നോക്കി വാങ്ങണം. ടാറ്റാ സുമോ, മാരുതി സ്വിഫ്റ്റ്‌, ഹ്യൂണ്ടായി സാന്ട്രോ, മഹേന്ദ്ര സ്കോര്‍പിയോ, ടൊയോട്ട ലക്സസ് തുടങ്ങിയ കാറുകള്‍ വാങ്ങുമ്പോള്‍ പാര്‍ട്ടിയെ അറിയിക്കണമെന്നില്ല. നാനോ പോലുള്ള ഗുജറാത്തില്‍ നിര്‍മിക്കുന്ന കാറുകള്‍ വാങ്ങുമ്പോള്‍ പോളിറ്റ് ബ്യൂറോയുടെ അനുമതി വാങ്ങണം.
മൂന്ന്) പാര്‍ട്ടി അംഗങ്ങള്‍ സ്വകാര്യ സ്ഥാപനങ്ങളില്‍ നിന്നോ വ്യക്തികളില്‍ നിന്നോ സമ്മാനങ്ങള്‍ സ്വീകരിക്കരുത്.
പൂച്ചെണ്ട്, പൊന്നാട എന്നിവക്കാണ് ഇത് പ്രധാനമായും ബാധകമാവുക. നോട്ടുമാല, മക്കളുടെ കല്യാണത്തിന് സ്വര്‍ണ്ണവള തുടങ്ങിയ സ്നേഹോപഹാരങ്ങളും നാല്പതു ഇഞ്ചില്‍ കൂടാത്ത പ്ലാസ്മ ടീവി, ഡബിള്‍ ഡോര്‍ റഫ്രിജറേറ്റര്‍, റിമോട്ട് ഉള്ള മുസിക്‌ സിസ്റ്റം, തുടങ്ങിയ നിത്യോപയോഗസാധനങ്ങളും പാര്‍ട്ടിയോടുള്ള സ്നേഹപ്രകടനമായിക്കണ്ട് സ്വീകരിക്കുന്നതില്‍ തെറ്റില്ല.
നാല്) പാര്‍ട്ടി നിര്‍ദേശിച്ചിരിക്കുന്ന ലെവി കൃത്യമായി നല്‍കണം.
പാര്‍ട്ടിയെക്കൊണ്ട് പത്ത്‌ രൂപ ഉണ്ടാക്കിയാല്‍ പാര്‍ട്ടിക്ക്‌ രണ്ട് രൂപ കൊടുക്കണം എന്ന് ചുരുക്കം. ലാവ്‌ലിന്‍ പോലുള്ള ബഹുരാഷ്ട്രകുത്തകകളുടെ കയ്യില്‍ നിന്നും കിട്ടുന്ന പണമാണെങ്കില്‍ കാന്‍സര്‍, പിള്ളവാതം, തുടങ്ങിയ വകുപ്പില്‍ കണക്കെഴുതി ഒരു റസിപ്റ്റ്‌ സൂക്ഷിച്ചു വെക്കുന്നത് എപ്പോഴും നല്ലതാണ്, ഭാവിയില്‍ ഉപകാരപ്പെടും.
അഞ്ച്) പണപ്പിരിവ് പാര്‍ട്ടിയുടെ അനുമതി വാങ്ങി മാത്രമേ നടത്താവൂ.
ബക്കറ്റ് പിരിവിന് ഈ നിയമം ബാധകമല്ല. ഒരു ബക്കറ്റില്‍ പത്തു ലക്ഷത്തില്‍ കൂടുതല്‍ പിരിക്കരുത്. ഒമ്പത് ലക്ഷം ആവുമ്പോഴേക്ക് തന്നെ ബക്കറ്റ് മാറ്റുന്നതാണ് നല്ലത്.
ആറു) ലളിത ജീവിതം നയിക്കണം.
സഖാവ് സ്റ്റാലിന്‍, ക്രൂഷ്ചേവ് തുടങ്ങി മാര്‍ട്ടിയാഗോ മാര്‍ട്ടിന്‍ വരെയുള്ള ശുദ്ധ സഖാക്കള്‍ നയിച്ചത് പോലുള്ള ലളിത ജീവിതമായിരിക്കണം നയിക്കേണ്ടത്. ഒരു നിവൃത്തിയും ഇല്ലെങ്കില്‍ മാത്രമേ കുട്ടികളെ സര്‍ക്കാര്‍ സ്കൂളുകളില്‍ പഠിപ്പിക്കാവൂ. അവരെ ദുഫായിയിലെ ഏതെങ്കിലും കുത്തക കമ്പനിയില്‍ സി ഇ ഒ ആക്കുവാന്‍ പരമാവധി ശ്രമിക്കണം. വയനാട്ടിലേക്കുള്ള യാത്രയില്‍ സീരിയല്‍ നടിമാര്‍ കൂടെയുണ്ടെങ്കില്‍ മഞ്ചേരി വഴി പോകരുത്. കോണ്‍ഗ്രസ്സുകാര്‍ കാണിക്കുന്ന വിവരക്കേട് പാര്‍ട്ടിക്കാര്‍ കാണിക്കരുത്. എപ്പോഴും ലളിത ജീവിതം നയിക്കണം.
ഈ ആറിന നിര്‍ദ്ദേശങ്ങള്‍ നടപ്പിലാക്കുന്ന മുറക്ക് അടുത്ത പന്ത്രണ്ടിന നിര്‍ദ്ദേശങ്ങള്‍ നല്‍കുന്നതാണ്. ലാല്‍ സലാം..
രാഷ്ട്രീയക്കാരില്‍ എനിക്ക് ഏറ്റവും ഇഷ്ടം സഖാക്കളെയാണ്. പറയുന്നത് ചെയ്യും. ചെയ്യുന്നത് പറയും.. എല്ലാവരും അവരെ കണ്ടു പഠിച്ചെങ്കില്‍ ..
ReplyDeleteഹിഹിഹിഹിഹിഹിഹിഹിഹിഹി......
ReplyDeleteലാൽ‌സലാം സഖാവെ....:):):)
ഹിഹിഹിഹിഹി ....ലാല്‍ സലാം!!
ReplyDeleteThis blogger always want insult CPM and their Leaders. He supports "VanibhaKutty" and his channels operators etc. May he's one of stupids, who placed their flag on top of Airport to give reception to VanibhaKutty.
ReplyDelete:)
ReplyDeleteഈ പത്ര വാർത്ത വായിച്ചിട്ട് ബഷീർ സാഹിബിനു തോന്നിയ പോലുള്ള കാര്യങ്ങൾ എനിക്കു തോന്നിയില്ലാ...
ReplyDeleteഅല്ല മാഷെ, നല്ല കാര്യങ്ങൾ ആരു പറഞ്ഞാലും അത് പാർട്ടി നോക്കാതെ നല്ലതെന്നു പറയലാ എന്റെ മതം :)
ഈ നിർദേശം മാഷിനോ എനിക്കോ ഉള്ളതല്ലല്ലോ.. പാർട്ടിക്കാർക്കുള്ളതല്ലേ..
പിന്നെ എന്തിനാ മാഷേ ഇത്തരം കൂതറ വിഷദീകരണം? :)
ചുരുക്കത്തില്‍ ആറിനനിര്‍ദേശങ്ങള്‍ കൃത്യമായി പാലിച്ചാല്‍ മാര്ക്സിസ്റ്റ് പാര്‍ടി പഴയ മാര്ക്സിസ്റ്റ് പാര്‍ടി ആയി മാറും.
ReplyDeleteThis comment has been removed by the author.
ReplyDeleteനവവത്സരാശംസകൽ
ReplyDeleteമത ചടങ്ങുകളില്‍ പങ്കെടുക്കരുത് എന്നു ചുവന്ന വലിയ അക്കങ്ങളില്‍ കൊടുത്ത ഒരു കൂതറ പത്രത്തിന്റെ പേജ് കാണിച്ച് അതില്‍ കൂതറ ചളിപ്പ് കേറ്റി അടിക്കുന്ന തന്നെയൊക്കെ എന്തോ വിളിക്കാന്‍ ? ഇത് പാര്‍ട്ടി നേതാക്കന്മാര്‍ക്ക് അവരുടെ പാര്‍ട്ടി നല്കുന്ന നിര്ദ്ദേശമാണ്. അല്ലാതെ സേവാദള്‍ പ്രവര്ത്തകയേ രത്രിയില്‍ റൂമില്‍ ഒറ്റയ്ക്ക് പാര്‍ട്ടി ക്ലാസ് എടുത്ത് കൊടുക്കാനൊന്നും പറഞ്ഞിട്ടില്ലല്ലോ. ഒരു തിവാരി !ഒന്നു പോടാപ്പാ !
ReplyDeletePDP യുമായി ഒരു ബന്ധവും ഭാവിയില്‍ ഉണ്ടാകില്ലെന്ന് VS. അത് പറയാന്‍ ഞങ്ങളുണ്ടിവിടെ, അങ്ങനെ അങ്ങോട്ട്‌ തീര്‍ത്ത്‌ പറയാന്‍ VS നു അധികാരമില്ലെന്ന് CPM കേന്ദ്ര കമ്മറ്റി. സൂഫിയയെ അറ്റസ്റ്റു ചെയ്തു ഇമേജ് വര്‍ധിപ്പിച്ചു എന്ന് കോടിയേരി. പിണറായി എന്ത് പറഞ്ഞാലും ഞങ്ങളുടെ പിന്തുണ CPM നെന്നു മഅദനീ. മഅദനിയുമായി വേദി പങ്കിട്ടത് തെറ്റായിപ്പോയെന്ന് കേന്ദ്ര വെളിപാട്. മഅദനീയുമായി വേദി പങ്കിട്ടാല്‍ ഐസായിപ്പോകില്ലെന്ന് പാലോളി നിലപാട്. ഇതായിരിക്കുമോ വൈരുദ്ധ്യാധിഷ്ടിത പ്രതിക്രിയാ വാതകം എന്നൊക്കെ പറയുന്നത് ? പ്ലീസ് ആരെങ്കിലും ഒന്ന് പറഞ്ഞു തരൂ.
ReplyDeleteസകാക്കളെ എന്തിനാണ് ചൂടാവുന്നത്. സാങ്കല്പിക ലോകത്തിരുന്നു പാര്‍ട്ടിക്കാര്‍ നല്കുന്ന നിര്‍ദേശങ്ങളെ താഴെ തട്ടിലെ അണികള്‍ കൈകാര്യം ചെയ്യുന്നത് എങ്ങിനെ എന്ന് ഹാസ്യ രൂപത്തില്‍ പറയുകയാണ്‌ ബ്ലോഗ്ഗര്‍ ചെയ്തിരിക്കുന്നത് എന്നാണ് എന്റെ വിശ്വാസം. നല്ല സാമൂഹ്യ വിമര്‍ശനമായി ഇതിനെ കാണാതെ കലി തുല്ലുന്നതെന്റിനാണ്. കോണ്‍ഗ്രസ്സുകാരെയും കണക്കിന് വിമര്‍ശിച്ചിട്ടുണ്ട് ഇദ്ദേഹം. ഉണ്ണിത്താനെക്കുറിച്ചുള്ള പോസ്റ്റു വായിച്ചിട്ടില്ലേ
ReplyDeleteഇതുവരെ ചെയ്തതൊക്കെ വലിയ തെറ്റായിപ്പോയെന്ന മാര്ക്സിസ്റ്റ് പാര്‍ട്ടിയുടെ കുറ്റസമ്മതം തെന്നെയാണീ ആറിന നിര്‍ദേശങ്ങള്‍.
ReplyDeleteനൂറുദ്ദീനെ ചൂടാകാതെ സഘാവേ, ബഷീര്‍ സത്യം പറഞ്ഞപ്പോള്‍ പോള്ളിയല്ലേ. പാര്‍ട്ടി പറഞ്ഞത് അദ്ദേഹം വിശദീകരിച്ചു എന്ന് കരുതിയാല്‍ പോരെ? ഇത്രക്കങ്ങു ഇളകണോ? അതൊക്കെ മോശമല്ലേ? നാലാള്‍ വായിക്കുമ്പോള്‍ താങ്കള്‍ എഴുതിയത് കണ്ടാല്‍ എന്ത് തോന്നും? കുറച്ചുകൂടി മിതത്വവും മാന്യതയും കാണിച്ചുകൂടെ?
ReplyDeleteഈ ഭൂലോകത്ത് ഇത്രയും വിവരംകെട്ട മനുഷ്യരും ഉണ്ടല്ലോ എന്ന് ഈ ബ്ലോഗ് വായിച്ചപ്പോള്‍ തോന്നിപ്പോയി.നല്ലതിനെ നല്ലതായും ചിത്തയെ ചിത്തയായും കാണാനുള്ള ബുദ്ധിയെങ്കിലും ഇവര്‍ക്കൊക്കെ ഉണ്ടായെങ്കില്‍ എത്ര നന്നായിരുന്നു
ReplyDeleteഹിഹിഹിഹിഹിഹിഹിഹിഹിഹി......
ReplyDeleteലാൽ‌സലാം സഖാവെ....:):):)
Good criticism!Good post.It has nothing to do with party i think.
ReplyDeleteഎത്രനാള്‍ കാണും...
ReplyDeleteഏതായാലും പീഡീപ്പി വിവാദം തണക്കും വരെ പ്രതീക്ഷിക്കാം....
അതുവരെ എല്ലാ സഹാഖള്‍ക്കും ലാല്‍....
:)
ഞാന്‍ പിടിച്ച മുയലിന് മൂന്ന് കൊമ്പ് എന്നാ അവകാശ വാദമില്ലാത്തവര്‍ താങ്കളോട് യോജിക്കും
ReplyDeleteഹീ..ഹീ...കുളം എത്ര കോ.. കണ്ടതാ..കാത്തിരുന്നു കാണാം.
ReplyDeleteതൊണ്ണൂറ്റിയൊമ്പത് ശതമാനവും മതവിശ്വാസികളായ (ശതമാനം കൂടിപ്പോയെങ്കില്‍ അല്പം കുറച്ചോളൂ) ഒരു സമൂഹത്തില്‍ പ്രവര്‍ത്തിക്കുന്ന ജനപ്രതിനിധികളോട് വീട്ടിലോ പുറത്തോ മത ചടങ്ങുകളില്‍ പങ്കെടുക്കരുത് എന്ന് പറയുന്നതിന്റെ പ്രായോഗികത എത്രത്തോളമുണ്ട്?.. എനിക്ക് സഖാക്കലായ കൂട്ടുകാര്‍ നിരവധിയുണ്ട്. അവരില്‍ മിക്കവരും മത വിശ്വാസികളാണ്. അത്തരം ആളുകളെ ധര്‍മ സങ്കടത്തില്‍ ആക്കുന്ന ഒരു എര്പാടല്ലേ ഇത് എന്ന് പരിഹസിക്കുക മാത്രമാണ് ഞാന്‍ ചെയ്തത്. അതാണ്‌ ഇവിടെ പലരെയും രോഷം കൊള്ളിച്ചിരിക്കുന്നത്.
ReplyDeleteസഭ്യമല്ലാത്ത ഭാഷയില്‍ വിമര്ഷിച്ചവരോട് ഒട്ടും വിരോധമില്ലാത്തത് കൊണ്ടാണ് ആ കമ്മന്റുകള്‍ ഒന്നും ഡിലീറ്റ് ചെയ്യാത്തത്. വിമര്‍ശിക്കാന്‍ എല്ലാവര്ക്കും അവസരം ഉണ്ടാവണം. അതേതു ഭാഷയില്‍ വേണമെന്ന് ഓരോരുത്തര്‍ക്കും തീരുമാനിക്കാം. എല്ലാം വിലയിരുത്തുന്ന ഒരു സമൂഹം പുറത്തുണ്ടെന്ന ഓര്മ വേണം. വര്‍ത്തമാന കാല ഇന്ത്യന്‍ സമൂഹത്തില്‍ ഏറ്റവും ശക്തമായി നില നില്കേണ്ട ഒരു പാര്‍ട്ടിയാണ് സി പി എം എന്ന് വിശ്വസിക്കുന്ന ഒരാളാണ് ഞാന്‍. പക്ഷെ ഇത്തരം ഇമേജു ഗിമ്മിക്കുകള്‍ അവരെ എവിടെയും കൊണ്ടെത്തിക്കില്ല.
ഒരു പാര്‍ട്ടിയോടും വിധേയപ്പെടെണ്ട അവസ്ഥ എനിക്കില്ല. ഉണ്ണിത്താന്‍ സംസ്കാരത്തെ വിമര്‍ശിച്ചപ്പോള്‍ വലതു പക്ഷത്തെ പലര്‍ക്കും ചൊടിച്ചു. ഇപ്പോള്‍ ഇടതു പക്ഷവും ചന്ദ്രഹാസം ഇളക്കുന്നു. എല്ലാം കേള്‍ക്കുവാന്‍ ഈ ചന്തുവിന്റെ ജീവിതം ഇനിയും ബാക്കി... ലാല്‍സലാം..
സി പി എം കാരുടെ കാര്യത്തില്‍ ബഷീര്‍ സാഹിബു പുലര്‍ത്തുന്ന ഈ പോസിറ്റീവ് ആയ വിമര്‍ശനങ്ങളില്‍ നിന്നും എനിക്ക് തോനുന്നത് അങ്ങേര്‍ക്കു ആ പാര്‍ടി നില നില്‍ക്കേണ്ടതും വളരേണ്ടതും നാടിന്റെ ആവശ്യമാണെന്ന് വ്യക്തമായ ബോധമുണ്ട് എന്നത് കൊണ്ടാണെന്നാണ് എന്റെ വിശ്വാസം,
ReplyDeleteപിന്നെ സാഹിബിന്റെ രാഷ്ട്രീയം അങ്ങേര്‍ പറയുന്ന പോലെ ഒരു പാര്‍ടിക്കും വിധേയത്തം ഒന്നുമില്ലെങ്കിലും അങ്ങേരുടെ പോസ്റ്റുകളില്‍ നിന്നും ഒരു പക്കാ ലീഗുകാരനെ കണ്ടെങ്കില്‍ അത് വായിക്കുന്നവന്റെ കഴിവുകേട് എന്നല്ലാതെ മറ്റെന്തു പറയാന്‍
സാഹിബു താങ്കളെ പോലുള്ളവരുടെ വിമര്‍ശനങ്ങളാണ് ആ പാര്‍ടിയെ തെറ്റ് തിരുത്തി മുന്നോട് നീങ്ങാന്‍ പ്രേരിപ്പിക്കുന്നത്
ഇനിയും തുടരുക
അവര്‍ നന്നാവുന്നത് വരെ അല്ലെങ്കില്‍ താങ്കള്‍ ചീത്തയാവുന്നത് വരെ
Fs´m-s¡-bm-bmepw DÅ-XnÂsa¨w Nph-¸-•mÀ Xs¶-btà kmln-t]…………..
ReplyDeleteenthokeyaaayalum chuvappanmaar thanneyaa ullathil mecham...alley saahibey.......
ReplyDeleteIt is a real fact in our party CPM, but don't worry, we had 2 groups, pinarayi & VS group, Pinarayi will protect on these cricis even VS group is against, if had any doubt please refer our LAVLIN case ... we, decide our justice and no need any court or laws for cpm.
ReplyDeleteകൊണ്ഗ്രസ്സിനും ബീ.ജെ.പീ ക്കും ഒരിക്കലും കൊണ്ടുവരാന്‍ കഴിയാത്ത കാര്യങ്ങളാണ് സീ പീ എം. ന്റെ ഈ നിര്‍ദേശങ്ങള്‍ ....
ReplyDeleteമത ചടങ്ങില്‍ പങ്ങടുകരുത് എന്നാ വിഷയം കൊറോച്ചു കടുത്ത താ നെങ്കിലും , മറ്റു കാര്യങ്ങള്‍ ഇവിടെത്തെ പാര്‍ട്ടി ക്കാര്‍ കണ്ടു പഠിക്കേണ്ടതാണ് ...
വിപ്ലവ പാര്‍ട്ടിയുടെ വിപ്ലവ തീരുമാനങ്ങള്‍ എത്രയും പെട്ടെന്ന് തന്നെ നടപ്പിലാവട്ടെ.ബ്ലോഗനാര്‍ കാവിലമ്മയുടെ പേരില്‍ എന്റെ വഹ ഒരു വെടിവഴിപാട്.(സ്വന്തം ചെലവില്‍ തന്നെ) (((((ഠേ)))))
ReplyDeleteഓഫ് ടോപ്പിക്കിനു മാപ്പ്...
'കാറ്റ് വിതച്ചു കൊടുങ്കാറ്റ്‌ കൊയ്തവര്‍' എന്ന പോസ്റ്റില്‍ ഇത്തിരി വൈകിയാണെങ്കിലും കമന്‍റീട്ടുണ്ട്.വായിക്കണമെന്നപേക്ഷ.
ആരെയും കളിയാക്കുന്നത് ഇഷ്ടമല്ലാത്തത് കൊണ്ട് പോസ്റ്റിനെ കുറിച്ചു ഒന്നും പറയുന്നില്ല . മാതൃഭൂമിയില്‍, കെ ഈ എന്‍ സഖാവ് അബ്ദുല്ലകുട്ടിക്കു മറുപടിയായി സഖാക്കന്മാര്‍ക്ക് മത ചടങ്ങുകള്‍ക്ക് പങ്കെടുക്കാം എന്ന രീതിയില്‍ അതീവ പരിഹാസത്തോടെ ലേഖനം എഴുതി രണ്ടാഴ്ച പോലും തികഞ്ഞില്ല . ആ ലേഖനത്തിലെ (?) പരപുച്ഛവും ധാര്ഷ്ട്ര്യവും ആകാശത്തിലേക്ക് തുപ്പിയത് പോലെ സ്വന്തം മുഖത്ത് വന്നു വീഴുന്നത് അങ്ങേര്‍ അറിയുന്നുണ്ടോ ?
ReplyDeleteജിപ്പൂസ് said...
ReplyDelete"ഓഫ് ടോപ്പിക്കിനു മാപ്പ്...
'കാറ്റ് വിതച്ചു കൊടുങ്കാറ്റ്‌ കൊയ്തവര്‍' എന്ന പോസ്റ്റില്‍ ഇത്തിരി വൈകിയാണെങ്കിലും കമന്‍റീട്ടുണ്ട്.വായിക്കണമെന്നപേക്ഷ."
കണ്ടു, എല്ലാം വായിച്ചു. ആ പോസ്റ്റിന്റെ കമ്മന്റ് കോളം ഇപ്പോള്‍ സെഞ്ച്വറിയും അടിച്ചു മുന്നോട്ടു പോവുകയാണ്. അതില്‍ പറഞ്ഞിട്ടുള്ള സദുദ്ദേശപരമായ കാര്യങ്ങള്‍ ചര്‍ച്ച ചെയ്യപ്പെട്ടതില്‍ സന്തോഷം. ഒരു വിധിതീര്‍പ്പിനു ഞാനില്ല. എനിക്ക് പറയാനുള്ളത് പറഞ്ഞു. ആ പോസ്റ്റിന്റെ അവസാന കോളത്തില്‍ എഴുതിയത് ഒന്ന് കൂടെ ആവര്‍ത്തിക്കുന്നു.
"വിഷുവിനും ഓണത്തിനും മിഠായിയും പായസവും കൊണ്ട് ഓടിയെത്തിയിരുന്ന എന്റെ ബാല്യകാല സുഹൃത്തുക്കളെ ഇന്നീ മരുഭൂമിയില്‍ ഇരുന്നു ഞാന്‍ ഓര്‍ക്കുന്നു. പെരുന്നാള്‍ ദിവസം ഹലുവയും ബിരിയാണിയും കൊണ്ട് അവരുടെ വീടുകളില്‍ എത്തിയിരുന്ന എന്നെയും അവര്‍ ഓര്‍ക്കുന്നുണ്ടാവണം ആ ഓര്മ നല്കുന്ന ഊര്‍ജമാണ് ഇത്രയും എഴുതാന്‍ ധൈര്യം നല്‍കുന്നത്. ആരുടേയും വികാരങ്ങളെ മുറിപ്പെടുത്താനോ ഉദ്ദേശ ശുദ്ധിയെ ചോദ്യം ചെയ്യാനോ അല്ല, നമ്മുടെ മക്കള്‍ക്കും അങ്ങനെയൊരു കാലത്തെ ഓര്‍ത്തുവെയ്ക്കുവാന്‍ അവസരം ഉണ്ടാവണം എന്ന ആഗ്രഹമാണ് ഈ കുറിപ്പിന്റെ ജീവന്‍. അവര്‍ പരസ്പരം പകയോടെ നോക്കുന്ന ഒരു കാലമുണ്ടാവരുത് എന്ന പ്രാര്‍ത്ഥനയാണ് ഈ വരികളുടെ ആകെത്തുക. തെറ്റാണെങ്കില്‍ ക്ഷമിക്കുക . ഗുഡ് ബൈ."
well done basheer sahib,...
ReplyDeletekutty saghaakkal thulliyathu kandille.....
alla saghaakkale oru kaaryam chothikkatte,
ithilenthaa ithra rosham kollaan,,,
mump league gen. sec. kunhalikutty kku nere illathathu paranhathinu anuyaayikal onnu mudraavaakyam muzhakkiyappo avar kootharakal alle...
ippo saghaavine ethirkkumbo blogum, pathravum, blogerum koothara....
enthu virodhaabaasam...
saghaavine aarelum rakshikkaatte(god ennu parayaan vayyallo)
ബഷീർ,
ReplyDeleteപോസ്റ്റിലെ സറ്റയർ ആസ്വദിക്കുന്നതിനോടൊപ്പം തന്നെ ചെറിയൊരു തിരുത്ത്‌ കൂടി പറയട്ടെ.
ഞാൻ മനസിലാക്കിയിടത്തോളം ഇത് സിപിഎം ഇറക്കിയത്‌ ജനപ്രതിനിധികൾക്കുള്ള ഒരു മാർഗ്ഗരേഖയാണ്‌. ബ്രാഞ്ച്‌, ഏരിയാ, ലോക്കൽ കമ്മിറ്റി അംഗങ്ങളും ജനപ്രതിനിധികളാകുമോ എന്നറിയില്ല, അങ്ങിനെയാണ്‌ കരുതപ്പെടുന്നത്‌ എന്നാണ് എനിക്ക് തോന്നുന്നത്‌. ചുരുക്കത്തിൽ പാർട്ടിയിലോ ജനാധിപത്യസ്ഥാപനങ്ങളിലോ അംഗങ്ങളായവർക്ക്‌ അവർ പാലിക്കേണ്ടതായ മാർഗ്ഗനിർദ്ദേശം.
ഇത് സാധാരണ പാർട്ടി അംഗങ്ങൾക്കോ അനുഭാവികൾക്കോ ബാധകമല്ലെന്നാണ്‌ ഞാൻ മനസിലാക്കുന്നത്‌. അതിനാൽ തന്നെ (തത്വത്തിൽ) ഒരു സാധാരണ പൗരൻ ഇതേക്കുറിച്ച്‌ വേവലാതിപ്പെടേണ്ടതില്ല. പക്ഷെ പാർട്ടിയിൽ നേതൃനിരയിൽ എത്തണമെങ്കിൽ, ഇലക്ഷനിൽ മൽസരിക്കണമെങ്കിൽ ഒക്കെ ഇത്തരം കാര്യങ്ങൾ പരിഗണിക്കേണ്ടിവരും.
തത്വത്തിൽ എന്ന് ബ്രാക്കറ്റിൽ ഇട്ടത്‌ മനപൂർവ്വമാണ്‌. ഇങ്ങിനെ സംഭവിക്കുമെന്ന് പ്രത്യാശിക്കാം. വിശ്വാസിയാണ്‌ എന്ന കാരണത്താൽ ആരെയും പാർട്ടിയിൽ നിന്നും പുറത്താക്കില്ലായിരിക്കാം (വ്യക്തിവിരോധം തീർക്കാൻ പല നേതാക്കളും ഇത്തരം കാരണങ്ങൾ ഉപയോഗിക്കാറുണ്ട്‌ സിപിഎമ്മിൽ)
നേതൃത്വം ഇത്തരം മാർഗ്ഗനിർദ്ദേശങ്ങൾ അനുസരിച്ച്‌ ജീവിക്കാൻ തയ്യാറായാൽ, ഒരുപക്ഷെ, അരുൺ പറഞ്ഞതുപോലെ, പഴയ കമ്മ്യൂണിസ്റ്റ്‌ പാർട്ടിയെ നമുക്ക് കാണാൻ കഴിഞ്ഞേയ്ക്കും. എന്നാലും നാട്ടിൽ നടപ്പാക്കിയതും നടത്തേണ്ടതുമായ നേട്ടങ്ങളേക്കാളുപരി മറ്റുപാർട്ടികളുടെ കോട്ടങ്ങൾ എണ്ണിത്തീർക്കുന്ന ഏർപ്പാട്‌ നിലവിലുള്ളിടത്തോളം കാലം ശരിയായൊരു പൊതുജനങ്ങളുടെ പാർട്ടിയായി തുടരാൻ ബുദ്ധിമുട്ടാണ്‌. ഈ നിഷേധാത്മകമായ നിലപാടാണ്‌ ആദ്യം മാറേണ്ടതെന്നുതോന്നുന്നു. കുറച്ചുകൂടി ദിശാബോധം ആവശ്യമാണ്‌ ഇതിന്‌.
Basheer sb,
ReplyDeleteI did not see this news before I saw it in your blog. Thanks a lot fo this exploration of the new 'six commandments'. I like the way you thought...good sense of humour.
മഹാഭൂരിപക്ഷമായ ജനങ്ങളെ പ്രതിനിധീകരിക്കാന്‍ മതമില്ലാത്ത ജീവന്‍ തന്നെ വേണമെന്ന് പറയുന്നതും അസുഖകരമായ ഒന്നല്ലേ അപ്പൂട്ടാ.ഒരു തരത്തില്‍ അത് ബഹുഭൂരിപക്ഷം വരുന്ന മതവിശ്വാസികളോടുള്ള വെല്ലുവിളിയല്ലേ.മതങ്ങള്‍ക്ക് ഇത്രയും വേരോട്ടമുള്ള ഈ നാട്ടില്‍ ഇത്തരം കാട്ടികൂട്ടലുകള്‍ ബഷീര്‍ക്ക പറഞ്ഞ പോലെ ചില ഇമേജ് ഗിമ്മിക്കുകളല്ലാതെ മറ്റൊരു കുന്തവും അല്ല.(മതം മനുഷ്യനെ മയക്കുന്ന കറുപ്പാണെന്നൊന്നും എനിക്കഭിപ്രായമില്ലാട്ടോ)
ReplyDeleteബഷീര്‍ക്കാ ഒടുക്കത്തെ ഓഫാണ്.മാപ്പാക്കണം!!
ReplyDeleteതാങ്കളുടെ ഉദ്ധേശശുദ്ധിയെ വിലമതിക്കുന്നു.വിഷുവിനും ഓണത്തിനും മിഠായിയും പായസവും കൊണ്ട് ഓടിയെത്തിയിരുന്ന ബാല്യവും കൗമാരവും ദാ ഇപ്പോള്‍ യൗവ്വനവും എനിക്കുണ്ടെന്ന് ആമുഖമായി സൂചിപ്പിക്കട്ടെ.(പെരുന്നാളിനും മറ്റും ഇങ്ങോട്ട് ക്ഷണിക്കാറാണ് പതിവ്)
മുസ്ലിം സമുദായത്തിനകത്തുണ്ട് എന്ന് താങ്കള്‍ പറയുന്ന 'തീവ്രവാദക്കാരെ' (ജമാഅത്തെ ഇസ്‌ലാമി, സിമി, ഐ എസ് എസ്, പി ഡി പി, എന്‍ ഡീ എഫ്) എതിര്‍ത്ത് തോല്‍‌പ്പിക്കാന്‍ സമുദായത്തിനുള്ളില്‍ നിന്ന് തന്നെ ഒരു പാട് ബഷീര്‍മാരും സമുദായത്തിലെ മേല്‍‌പ്പറഞ്ഞ സംഘടനക്കാരല്ലാത്ത എതാണ്ടെല്ലാ കൂട്ടരും കാംപയിനുകളും ഫത്‌വകളുമായി രംഗത്തുള്ളതും ആരും അറിയാതിരിക്കില്ല.കിടക്കട്ടെ,ആരുടേയും ഉദ്ധേശശുദ്ധിയെ ചോദ്യം ചെയ്യുന്നില്ല.എന്നാല്‍ സാന്ദര്‍ഭികമായി ഇച്ചിരി വിഷമത്തോടെ തന്നെ പറയട്ടെ, എത്ര ഹൈന്ദവ സംഘടനകള്‍ സംഘ്പരിവാറിനെതിരെ കാംപയിനുകള്‍ നടത്തുന്നു.സംഘീ ഭീകരതക്കെതിരെ എത്ര ഫത്‌വകള്‍ നാം കണ്ടു?(ഒറ്റപ്പെട്ട സംഭവങ്ങള്‍ മറച്ച് വെക്കുന്നില്ല).മുസ്ലിം തീവ്രവാദ വിരുദ്ധരുടെ തൂലികകള്‍ക്ക് ഇതും കൂടി വിഷയമായിരുന്നെങ്കില്‍ എന്നാശിച്ച് പോകുന്നു.
എന്നാല്‍ ഓക്കെ.അധികപ്രസംഗത്തിനു ഒരിക്കല്‍ കൂടെ മാപ്പ് പറഞ്ഞ് കൊണ്ട് നിര്‍ത്തുന്നു.നമ്മുടെ മക്കള്‍ക്കും വിഷുവും പെരുന്നാളുമെല്ലാം ഓര്‍ത്തുവെയ്ക്കുവാന്‍ അവസരം ഉണ്ടാവണം.ഇല്ലാത്തിടത്ത് നാം ഉണ്ടാക്കിക്കൊടുക്കണം.അതിനു സ്നേഹത്തിന്‍റേയും സൗഹാര്‍ദ്ധത്തിന്‍റേയും സഹകരണത്തിന്‍റേയും പവിത്രമായ ഈ പാതയില്‍ കുപ്പിച്ചില്ല് വിതറുന്നതാരാണെന്നാണ് നാം നോക്കേണ്ടത്.അത്തരക്കാരെ തന്നെയാണ് തിരഞ്ഞ് പിടിച്ച് നശിപ്പിക്കേണ്ടതും.അതിനു ഈ ഇല്ലം ചുടല്‍ വേണ്ടിയിരുന്നില്ല എന്നേ ജിപ്പൂസ് അഭിപ്രായപ്പെട്ടൊള്ളൂ.
താങ്കള്‍ മറുപടി ഇവിടെത്തന്നതിനാലാണ് ഞാനും കമന്‍റുന്നത്.26 വയസ്സിന്‍റെ പരിമിതമായ ചിന്തകളോടും ഈ ഓഫിനോടും പൊറുക്കുമെന്ന പ്രതീക്ഷയോടെ.ലാല്‍സലാം...
സഖാക്കള്‍ തെറ്റുകളിലേക്ക് കൂപ്പുകുത്തുക്കയാണെന്ന് മനസ്സിലാക്കി,അത് തിരുത്താന്‍ കേന്ദ്ര നേതൃത്വം ഒരു രേഖ ഇറക്കിയപ്പോള്‍ നിങ്ങക്കൊക്കെ അത് ഭൂലോക ബ്ലണ്ടറും മുട്ടന്‍ തമാശയും..;)
ReplyDeleteപാവം സീപ്പീയെമ്മുകാര്‍...ഇതുകൊണ്ടൊന്നും തളരരുത് സഖാക്കളെ..നമ്മളിതൊക്കെ എത്ര കണ്ടതാ..:)
നൂറു ചുവപ്പന്‍ അഭിവാദ്യങ്ങള്‍..!!!
ജിപ്പൂസ്,
ReplyDeleteസിപിഎം കേന്ദ്രകമ്മിറ്റി ഇറക്കിയ മാർഗ്ഗനിർദ്ദേശങ്ങളിൽ ആദ്യത്തേത്‌ മതങ്ങളെക്കുറിച്ച്‌ അവരുടെ കാഴ്ചപ്പാടുമായി ബന്ധപ്പെട്ടതാണ്‌. അതവരുടെ പാർട്ടിക്കാര്യം, എനിക്കതിൽ ഒന്നും ചെയ്യാനില്ല. അവരുടെ സംഘടനയിൽ അവരുടെ നയങ്ങൾ തന്നെയല്ലെ നടത്തേണ്ടത്‌.
ആറു മാർഗ്ഗനിർദ്ദേശങ്ങളിൽ ആദ്യത്തേത്‌ മാത്രമാണ് 'അസുഖകരമാകുന്നത്‌' എന്നും ശ്രദ്ധിക്കാതിരുന്നില്ല.
ജനപ്രതിനിധി എന്നാൽ ജനങ്ങളെ പ്രതിനിധീകരിക്കുന്ന വ്യക്തിയാവണം. ആ വ്യക്തിയുടെ വിശ്വാസമോ അവിശ്വാസമോ ജനങ്ങളെ ബാധിക്കേണ്ടതില്ല. തന്റെ മണ്ഡലത്തിന്റെ വികസനകാര്യങ്ങളിൽ എത്രമാത്രം ഫലപ്രദമായി ഇടപെടാനാവുന്നു എന്നേ അറിയേണ്ടതുള്ളു. അതിനാൽ തന്നെ, വ്യക്തി കഴിവുള്ളയാളാണെങ്കിൽ അയാളുടെ വ്യക്തിപരമായ കാര്യങ്ങൾ പൊതുജനത്തെ സംബന്ധിച്ചിടത്തോളം പ്രസക്തമല്ല.
താങ്കൾ പറഞ്ഞ 'ഭൂരിപക്ഷം വരുന്ന മതവിശ്വാസികൾ' എന്തുമാത്രം ചുരുങ്ങുന്നുണ്ടെന്ന് തെരഞ്ഞെടുപ്പുകളിൽ വ്യക്തമാകാറില്ലെ. നിയോജകമണ്ഡലത്തിലെ ഭൂരിപക്ഷം വരുന്ന ജാതി മതം ഒക്കെ നോക്കി സ്ഥാനാർത്ഥിയെ നിർത്തുന്ന ഏർപ്പാട്‌ വരെ നാം ഇന്ന് കാണുന്നുണ്ട്‌, ഇടതുപാർട്ടികളും ഇതിൽ നിന്നും മുക്തരല്ല. സ്ഥാനാർത്ഥി നമ്മുടെ മതമായാൽ പോരാ, നമ്മുടെ സഭയിലേതുകൂടിയാവണം എന്ന നിലയിലേക്കുവരെ ചിലർ പറയുന്നുണ്ട്‌. സ്ഥാനാർത്ഥികളുടെ ലിസ്റ്റിൽ നായന്മാർ കുറവായതിനെപ്പറ്റി പരിതപിക്കുന്നു എൻഎസ്‌എസ്‌. ഇങ്ങിനെയുള്ള അവസ്ഥയിൽ എന്തും, ഏതെങ്കിലും ഒരു വിഭാഗം വിശ്വാസികളോട്‌ വെല്ലുവിളി ആയിത്തീരും. അപ്പോൾ എന്താണ്‌ ഇപ്പറഞ്ഞ മഹാഭൂരിപക്ഷം? ഇങ്ങിനെ ഒരുപാട്‌ ഭൂരിപക്ഷങ്ങൾ ഉള്ളയിടത്ത്‌ നല്ലത് ഇതിലൊന്നും പെടാത്തയാളായിരിക്കും.
ഈ മാർഗ്ഗനിർദ്ദേശങ്ങൾ ഗിമ്മിക്കുകളായിരിക്കാം, പ്രാവർത്തികമാക്കിയില്ലെങ്കിൽ. പ്രാവർത്തികമാക്കാൻ മുൻകൈയ്യെടുക്കേണ്ടത്‌ നേതൃത്വം തന്നെയാണ്.
അപ്പുട്ടന്‍ പറഞ്ഞ വിശദീകരണങ്ങള്‍ വിഷയത്തിന്റെ മറ്റൊരു തലം വെളിവാക്കുന്നുണ്ട്. മത ചിന്തകള്‍ക്കപ്പുറത്തേക്ക് വികസന സ്വപ്നങ്ങള്‍ കരുപ്പിടിപ്പിക്കാന്‍ മതമില്ലാത്തവര്‍ക്കെ കഴിയൂ എന്ന് വാദിക്കുന്നത് എത്രമാത്രം ശരിയാണ് എന്ന കാര്യത്തില്‍ എനിക്ക് സംശയമുണ്ട്‌. ലോക ചരിത്രം ആ സംശയത്തെ ബലപ്പെടുത്തുന്നു. മതത്തിന്റെ പേരില്‍ ഭൂമില്‍ ഉണ്ടായ കുഴപ്പങ്ങളുടെയും കലാപങ്ങളുടെയും എത്രയോ ഇരട്ടിയാണ് രാഷ്ട്രീയം, ദേശീയത, സമ്രാജത്വം തുടങ്ങിയ ഘടകങ്ങള്‍ ഉണ്ടാക്കിയത്. മതം ഒരു വ്യക്തിയുടെ മനസ്സിന്റെ 'വികസന'മാണ്. അതിനെ സാമൂഹ്യ വികസനത്തിന്റെ വേലിക്കപ്പുറത്തേക്ക് വലിച്ചെറിയേണ്ടതുണ്ടോ ?.
ReplyDeleteജിപ്പൂസേ, ഓഫ് ടോപിക്കായി പറഞ്ഞ കാര്യങ്ങള്‍ക്ക് ഇവിടെ പ്രതികരിക്കുന്നില്ല. ആ വിഷയത്തിലെ എന്റെ പോസ്റ്റിന്റെ കോളത്തില്‍ (കാറ്റ് വിതച്ചു കൊടുങ്കാറ്റു കൊയ്തവര്‍ ) ഞാന്‍ എഴുതാം. അതായിരിക്കും വായനക്കാര്‍ക്ക് കുറച്ചു കൂടെ സൌകര്യപ്പെടുക എന്ന് തോന്നുന്നു.
ReplyDeleteബഷീർ,
ReplyDeleteമതവിശ്വാസമില്ലാത്തവർക്കേ അത്തരം വികസനചിന്തകൾ സാധ്യമാകൂ എന്ന് ഞാൻ പറഞ്ഞില്ലല്ലോ. മതവിശ്വാസിയല്ലാത്ത ഒരാൾ ഭൂരിപക്ഷം മതവിശ്വാസികളായ സമൂഹത്തെ പ്രതിനിധീകരിക്കുന്നത്‌ സമൂഹത്തോടുള്ള വെല്ലുവിളിയല്ലേ എന്ന ജിപ്പൂസിന്റെ ചോദ്യത്തോട്‌ പ്രതികരിച്ചതാണ്‌, അത്രയേ ഉള്ളു. ഒരു നല്ല ജനപ്രതിനിധിയെ സംബന്ധിച്ചിടത്തോളം അദ്ദേഹത്തിന്റെ വിശ്വാസമോ അവിശ്വാസമോ പ്രസക്തമല്ല എന്നേ ഞാൻ പറഞ്ഞുള്ളു. കൂടെ സ്ഥാനാർത്ഥി നിർണ്ണയത്തിൽ ഇത്തരം പരിഗണനകൾ വരുന്നത്‌ ഇന്നത്തെ രാഷ്ട്രീയസാഹചര്യത്തിൽ എത്രമാത്രം സങ്കുചിതമാകുന്നുണ്ട്‌ എന്ന് സൂചിപ്പിച്ചു, അത്രമാത്രം.
എന്നെ സംബന്ധിച്ചിടത്തോളം ജനപ്രതിനിധി എന്നുമാത്രമല്ല, മുന്നിൽ നിൽക്കുന്ന ആളുടെ പോലും വിശ്വാസമോ അവിശ്വാസമോ പ്രസക്തമല്ല, അതൊരു സീരിയസ്‌ ചർച്ചാവിഷയം അല്ലെങ്കിൽ.
ബാക്കി കാര്യങ്ങൾ കുറേക്കൂടി വിശകലനം ആവശ്യമുള്ളതാണ്‌, തൽക്കാലം അതിനില്ല.
ആദ്യത്തേതിനെക്കുറിച്ചാണ് അപ്പൂട്ടാ ഞാനും പറഞ്ഞത്.
ReplyDelete'മതവിശ്വാസിയല്ലാത്ത ഒരാള്‍ ഭൂരിപക്ഷം മതവിശ്വാസികളായ സമൂഹത്തെ പ്രതിനിധീകരിക്കുന്നത്‌ സമൂഹത്തോടുള്ള വെല്ലുവിളിയല്ലേ എന്ന ജിപ്പൂസിന്റെ ചോദ്യത്തോട്‌'
മതവിശ്വാസിയല്ലാത്ത ഒരാള്‍ക്ക് മാത്രമേ ജനങ്ങളെ പ്രതിനിധീകരിക്കാവൂ എന്നത് ഒരു തരത്തില്‍ സമൂഹത്തോടുള്ള വെല്ല് വിളിയല്ലേ എന്നാണ് അപ്പൂട്ടാ ഞാന്‍ പറയാന്‍ ശ്രമിച്ചത്.സി.പി.എം മാര്‍ഗ്ഗ നിര്‍ദ്ധേശവും അങ്ങനെ തന്നെയാണെന്ന് തോന്നുന്നു.കമന്‍റ് തെറ്റിദ്ധരിപ്പിച്ചെങ്കില്‍ ക്ഷമിക്കുക.
'ജനപ്രതിനിധി എന്നാല്‍ ജനങ്ങളെ പ്രതിനിധീകരിക്കുന്ന വ്യക്തിയാവണം. ആ വ്യക്തിയുടെ വിശ്വാസമോ അവിശ്വാസമോ ജനങ്ങളെ ബാധിക്കേണ്ടതില്ല. തന്റെ മണ്ഡലത്തിന്റെ വികസനകാര്യങ്ങളിൽ എത്രമാത്രം ഫലപ്രദമായി ഇടപെടാനാവുന്നു എന്നേ അറിയേണ്ടതുള്ളു.അതിനാൽ തന്നെ, വ്യക്തി കഴിവുള്ളയാളാണെങ്കിൽ അയാളുടെ വ്യക്തിപരമായ കാര്യങ്ങൾ പൊതുജനത്തെ സംബന്ധിച്ചിടത്തോളം പ്രസക്തമല്ല.'
താങ്കളുടെ ഈ അഭിപ്രായത്തില്‍ എനിക്ക് വിയോജിക്കേണ്ടതായി യാതൊന്നുമില്ല.
താങ്കള്‍ പറഞ്ഞ പോലെ സമുദായങ്ങളിലെ ഗ്രൂപ്പ് പോലും നോക്കി സ്ഥാനാര്‍ഥി നിര്‍ണ്ണയം നടക്കുന്നുണ്ട് എന്നത് ആര്‍ക്കും നിഷേധിക്കാനാവില്ല.അതിനു ചില കാരണങ്ങളും ഇല്ലേ.സാമൂഹ്യ നീതി നടപ്പാക്കുന്നതില്‍ നിന്നും മുഖ്യധാരാ രാഷ്ട്രീയപാര്‍ട്ടികളും പ്രവര്‍ത്തകരും അകന്ന് നില്‍ക്കുമ്പോള്‍, തങ്ങളുടെ പിന്നാക്കാവസ്ഥയെക്കുറിച്ച് സര്‍ക്കാര്‍ കമ്മീഷനുകള്‍ തന്നെ വ്യക്തമാക്കിക്കൊണ്ടിരിക്കുമ്പോള്‍ ചിലര്‍ സമുദായ ശക്തി വെച്ച് വിലപേശുന്നതിനെ നമുക്ക് കുറ്റം പറയാനൊക്കുമോ?
ReplyDeleteഎന്നാല്‍ അര്‍ഹതയുള്ളതില്‍ കൂടുതല്‍ നേടിയിട്ടും സ്ഥാനാര്‍ഥി ലിസ്റ്റില്‍ തങ്ങളുടെ ആള്‍ക്കാര്‍ കുറവായെന്ന് മറ്റുചിലര്‍ മുറവിളികൂട്ടുന്നതിന്‍റെ കാരണം നാം കണ്ടെത്തേണ്ടിയിരിക്കുന്നു.ഇത് രണ്ടും രണ്ടായി തന്നെ കാണേണ്ടതല്ലേ.
No comments on so called "Nokku Kooli?"
ReplyDelete