November 3, 2009

ഡൊമൈന്‍ നാമങ്ങള്‍ ഇനി പച്ചമലയാളത്തിലും !

ഇന്റര്‍നെറ്റിന് ഏതാണ്ട് നാല്പതു വയസ്സായി. നാല്പതിന്റെ പാകത നെറ്റ് കാണിച്ചു തുടങ്ങി എന്ന് വേണം പറയാന്‍. നവംബര്‍ പതിനാറു മുതല്‍ ലാറ്റിന്‍ അക്ഷരങ്ങളില്‍ (നമ്മള്‍ ഉപയോഗിക്കുന്ന ഇംഗ്ലീഷ് അക്ഷരമാല ) അല്ലാതെയും ഡൊമൈന്‍ നാമങ്ങള്‍ എഴുതാം. വെബ്‌ വിലാസങ്ങള്‍ സായിപ്പിന്റെ ഭാഷയില്‍ തന്നെ വേണം എന്ന സ്ഥിതിക്ക് മാറ്റമുണ്ടാവുന്നു എന്ന് ചുരുക്കം. കഞ്ഞിക്കുഴി.കേരളം എന്ന് ഒരു ഡൊമൈന്‍ നാമം മലയാളത്തില്‍ തന്നെ എഴുതുന്നതിന്റെ ഒരു സുഖം ആലോചിച്ചു നോക്കൂ. ഇംഗ്ലീഷില്‍ കഞ്ഞിക്കുഴി എന്ന് എഴുതി ഒപ്പിക്കാന്‍ എത്ര കഷ്ടപ്പെടണം. ഇനി അത് വേണ്ട. വായില്‍ വരുന്നതും കൊക്കില്‍ കൊള്ളുന്നതുമായ ഏത് മലയാളവും ഇനി വെബ്‌ അഡ്രസ്‌ ആക്കാം. 

കഴിഞ്ഞ ദിവസം സൌത്ത് കൊറിയയില്‍ ചേര്‍ന്ന ഇന്റര്‍നെറ്റ്‌ തമ്പുരാക്കന്മാരുടെ (Internet Corporation for Assigned Names and Numbers -  ICAAN) യോഗത്തിലാണ് തീരുമാനം ഉണ്ടായത്.  A മുതല്‍ Z വരെയുള്ള ഇംഗ്ലീഷ് അക്ഷരമാലയിലെ 26 വില്ലന്മാരെയും  ഒന്ന് മുതല്‍ പൂജ്യം  വരെയുള്ള പത്ത് വേന്ദ്രന്മാരെയും ഒരു കീഴ്ജാതി ഹൈഫനെയും (-) വെച്ചാണ് ഇതുവരെയുള്ള കളികളൊക്കെ നാം കളിച്ചത്. ഇനി 'ലച്ചം ലച്ചം അച്ചരങ്ങള്‍' ആണ് അഡ്രസ്‌ ബാറില്‍ കിടന്നു നിരങ്ങാന്‍ പോകുന്നത്. അറബി, ചൈനീസ്, റഷ്യന്‍, ഹിന്ദി തുടങ്ങിയ മേല്‍ജാതി ഭാഷകള്‍ക്കാണ്‌ ഉടനെ അഡ്രസ്‌ ബാറില്‍ ചാടി വീഴാന്‍ അനുമതി ലഭിക്കുക.  മലയാളം അടക്കമുള്ള ഓ ബി സി വകുപ്പിലെ ക്രീമിലെയറില്‍ പെട്ടേക്കാവുന്ന ഭാഷകള്‍ക്ക് രണ്ടാം ഘട്ടത്തില്‍ ഇടം കിട്ടിയേക്കും.  ഡോട്ട് കോമിനു പകരം ഓരോ ഭാഷക്കും യോജിക്കുന്ന വാലറ്റങ്ങള്‍ അതാതു സര്‍ക്കാരുകള്‍ ഉണ്ടാക്കി സമര്‍പ്പിക്കണം എന്നാണു ഐക്കാന്‍ അധികൃതര്‍ പറയുന്നത്. നമുക്ക് ഡോട്ട് കേര എന്നോ ഡോട്ട് കേരം എന്നോ എന്താണെന്ന് വെച്ചാല്‍ ഉണ്ടാക്കി കൊടുക്കാം. സഖാക്കള്‍ക്ക് വേണമെങ്കില്‍ ഡോട്ട് വീ എസ്‌ എന്നുമാക്കാം.


ലോകത്ത് ഏതാണ്ട് 1.6 ബില്യണ്‍ ആളുകള്‍ നെറ്റ് ഉപയോഗിക്കുന്നുണ്ട്‌ എന്നാണു കണക്ക്. എന്ന് വെച്ചാല്‍ ഇതെഴുതുന്ന ഞാനും വായിക്കുന്ന നിങ്ങളുമടക്കം ലോകജന സംഖ്യയുടെ നാലിലൊന്ന് ഇപ്പോള്‍ തന്നെ വലയില്‍ ആണ് എന്ന്. സായിപ്പിന്റെ ഭാഷ തീരെ വശമില്ലാത്തതിനാല്‍ വലയില്‍ ചാടാതെയിരിക്കുന്ന വലിയൊരു വിഭാഗമുണ്ട്. അവരെക്കൂടി വലയില്‍ ആക്കുകയാണ് ഈ നീക്കത്തിന്റെ പിന്നിലെ ഗൂഡ ലക്ഷ്യമെന്ന് പറയുന്നവരുമുണ്ട്‌. 


സംഗതി എന്തായാലും കയ്യും കെട്ടി നോക്കിയിരുന്നാല്‍ നല്ല മണി മണി പോലെയുള്ള മലയാളം പേരുകള്‍ തിരോന്തരത്ത്‌കാര് അടിച്ചോണ്ട് പോകും. നമ്മള്‍ മലബാരുകാര് ഉറക്കം എഴുന്നേറ്റ് വരുമ്പോഴേക്ക്‌  കാക്കയും പൂച്ചയുമല്ലാതെ ബാക്കിയൊന്നും കാണില്ല. അതുകൊണ്ട്  വലയില്‍ കറങ്ങുന്ന മുഴുവന്‍ മലബാരുകാരോടും എനിക്കുള്ള അഭ്യര്‍ഥന സ്വപ്നം കാണുന്ന ഡൊമൈന്‍ നാമങ്ങളൊക്കെ ചുരണ്ടി റെഡിയാക്കി വെച്ചോളണം എന്നാണ്. എപ്പോഴാണോ മലയാളത്തിനു ടിക്കറ്റ്‌ കിട്ടുന്നത്  അപ്പൊ വെച്ചങ്ങു കാച്ചണം. 


ഇതിനകം തന്നെ റിസേര്‍വ് ചെയ്തിരിക്കാന്‍ ഇടയുള്ള നല്ല മലയാളത്തമുള്ള ചില ഡൊമൈന്‍ നാമങ്ങള്‍ താഴെ കൊടുക്കുന്നു.  അവയ്ക്ക് ഇനിയാരും അപേക്ഷ കൊടുക്കരുത്‌.
എസ്സ് കത്തി.കേപോ  (കേരള പോലീസ്)
ആ കസേരയില്‍ ഒന്നൂടെ ഇരിക്കണം.കരുണാകരന്‍ 
ജീവിതംനായനക്കി.മഅദനി
ഞങ്ങള്‍തമ്മില്‍തച്ചുതീരും.ബീ ജെ പി 
വോട്ടു വേണോ വോട്ട്.ജമ (ജമാഅത്തെ ഇസ്ലാമി)
വാടാപോടാ.എസ് എന്‍ ഡീ പി 
ശവത്തില്‍ കുത്തരുത് പ്ലീസ്.മുരളി

30 comments:

  1. വേറെയും ചിലത് ബുക്ക്‌ ചെയ്തതായി കേള്‍ക്കുന്നു
    അതില്‍ പ്രധാനപ്പെട്ടത് ഇതാണ്
    മാധ്യമ സിന്റിക്കേറ്റ്‌ .പിണറായി
    പിന്നെ പഴയത് രണ്ടെണ്ണം ഉണ്ട്
    അതിന് ഇനി രജിസ്ട്രഷന്‍ കിട്ടുമോ എന്നറിയില്ല
    മൂന്നാര്‍ _പൂച്ച.അച്ചുമാമന്‍
    അതിവേഗം ബഹുദൂരം.ചാണ്ടി

    അയ്യോ
    ഇനി എന്തല്ലാം കാണണം

    ഒരു വെങ്ങരക്കാരന്‍

    ReplyDelete
  2. ശവത്തില്‍ കുത്തരുത് പ്ലീസ്.മുരളി
    :)

    ReplyDelete
  3. അല്ല മാഷെ അപ്പൊ ആദ്യം മഗ്ലീഷ് എഴുതാൻ പടിക്കണം ല്ലേ.......??? :)

    ReplyDelete
  4. ഇനി എല്ലാം കൈപ്പള്ളി പറയും.
    എല്ലാവരും അനുസരിക്കുക.!!!!!

    ReplyDelete
  5. "ഒരു തിരോന്തരത്തുകാരൻ ഇതിനെപ്പറ്റി എഴുതിയിരുന്നു. കുറച്ചു മാസങ്ങൾക്ക് മുമ്പ്"
    Dear Kaippally,
    That Link is not working.. (Sorry, the page your requested could not be found, or no longer exists. )

    ReplyDelete
  6. ഹാഷിം പറഞ്ഞതില്‍ കാര്യമുണ്ട്. പലര്‍ക്കും മംഗ്ലീഷ് പഠിക്കേണ്ടി വരും.

    ReplyDelete
  7. കൈപ്പള്ളി. ഒരു തിരോന്തരത്ത്തുകാരന്‍ ഇതിനെ പറ്റി മുമ്പ് എഴുതിയിട്ടുണ്ട് എന്ന് പറഞ്ഞു താങ്കളുടെ ആദ്യത്തെ കമന്റില്‍ കൊടുത്ത ലിങ്കിനെക്കുറിച്ചാണ് ഞാന്‍ എഴുതിയത്. അതൊന്നു വായിക്കാമെന്നു കരുതി ക്ലിക്ക് ചെയ്തപ്പോള്‍ Sorry, the page your requested could not be found, or no longer exists എന്ന് ചാടി വീണു. തികച്ചും സൌഹൃദ പൂര്‍ണമായ ഒരു അന്വേഷണമായിരുന്നു എന്റേത്. അതിനാണ് താങ്കള്‍ മറ്റെന്തൊക്കെയോ വിശദീകരണം നല്‍കിയത്. വെടി വെക്കുന്നതിനു മുമ്പ് ഉന്നം വെച്ച് പഠിക്കണം കൈപ്പള്ളി. അതെല്ലെങ്കില്‍ ഏതോ സിനിമയില്‍ ജനാര്‍ദനന്‍ വെടിവെച്ചത് പോലെ അയല്‍വക്കത്തെ ആട്ടിന്‍ കുട്ടി ചത്തു വീഴും.

    ReplyDelete
  8. കൈപ്പള്ളി

    കോമ്പ്ലിമെന്റ്റ്‌ കോമ്പ്ലിമെന്റ്റ്‌ .
    എല്ലാം കോമ്പ്ലിമെന്റായി

    domain നെ പറ്റിയും unicode നെ പറ്റിയും ഒരക്ഷരം വള്ളിക്കുന്ന് മിണ്ടില്ല.

    പോളണ്ടിനെക്കുരിച്ചു കൈപ്പു അണ്ണനും ഒന്നും മിണ്ടരുത്

    ReplyDelete
  9. ബഷീർ സർ,
    കാള പെറ്റാലുടനെ കയറെടുക്കുന്ന പരിപാടി ഇതുവരെ നിർത്താറായില്ല അല്ലിയൊ?

    ReplyDelete
  10. യാരിദ്‌ സര്‍, ഞങ്ങളുടെ നാട്ടില്‍ കാളകള്‍ പെറാറില്ല, അത് കൊണ്ട് തന്നെ "പെറ്റാലുടന്‍" കയറെടുക്കാനും പറ്റില്ല. ഞാന്‍ എഴുതിയ വിഷയത്തിന്റെ ആധികാരികതയില്‍ സംശയം ഉണ്ടെങ്കില്‍ അത് പറയണം. എങ്കില്‍ അതിനുള്ള മരുന്ന് കുറിച്ച് തരാം.
    ഈ കാളകള്‍ പ്രസവിക്കുന്നത് കാരണം ഒന്നും മിണ്ടാന്‍ പറ്റുന്നില്ലല്ലോ പടച്ചോനെ..

    ReplyDelete
  11. ആധികാരികമായിട്ട് ഇതിലെന്താ ഉള്ളത് ബഷീർ സാറെ. ലാറ്റിൻ അക്ഷരങ്ങളിലല്ലാതെയും ഡൊമയിൻ നെയിം രജിസ്റ്റർ ചെയ്യാമെന്നുള്ളത് മാത്രമാണ് ഈ പോസ്റ്റിലുള്ള ഒരേയൊരു വസ്തുത. മലയാളത്തിൽ ഡൊമയിൻ നെയിം രജിസ്റ്റർ ചെയ്യാനൊക്കെ ഇനിയും കാലം കുറെ കഴിയും, അതിനു വെബിലുപയോഗിക്കുന്ന മലയാളം ലിപിയുടെ അടിസ്ഥാനകാര്യങ്ങളിലൊക്കെ ഒരു തീരുമാനമാവണം. മറ്റുള്ള ലിപികൾ പോലെയല്ല മലയാളം ലിപി. മലയാളം ലിപിയുടെ പ്രശ്നങ്ങളറിയാൻ ഉമേഷേട്ടന്റെ ഈ പോസ്റ്റൊന്ന് നോക്കുന്നത് നന്നായിരിക്കും. എന്താ കാര്യമെന്നറിയാൻ ഒരുപാട് സഹായിക്കും അത്.

    എന്തായാലും പോസ്റ്റെഴുതാൻ തീരുമാനിച്ചു. എഴുതുമ്പോൾ അല്പമെങ്കിലും ആധികാരികതയോടെ എഴുതാനൊന്ന് ശ്രമിക്കണം. ചുമ്മാ ഒരു രസത്തിനാണ് ഈ പോസ്റ്റിട്ടതെങ്കിൽ ഇനിയൊന്നും പറയാനില്ല.

    ReplyDelete
  12. @ Yarid, "ലാറ്റിന്‍ അക്ഷരങ്ങളിലല്ലാതെയും ഡൊമൈന്‍ നെയിം രെജിസ്റ്റര്‍ ചെയ്യാമെന്നുള്ളത് മാത്രമാണ് ഈ പോസ്റ്റിലുള്ള ഒരേയൊരു വസ്തുത" എന്ന് താങ്കള്‍ തന്നെ പറയുന്നു. മാഷേ, അത്രയുമേ ഞാന്‍ ഈ പോസ്റ്റ്‌ കൊണ്ട് ഉദ്ദേശിച്ചുള്ളൂ.അല്ലാതെ ലോകത്തെ മുഴുവന്‍ കാളകളും പെറ്റെന്നോ ഭൂമി ഉരുണ്ടു മറിഞ്ഞു കടലുണ്ടിപ്പുഴയില്‍ ലയിച്ചെന്നോ ഞാന്‍ ഇതുകൊണ്ടു ഉദ്ദേശിച്ചിട്ടില്ല. അന്താരാഷ്ട്ര മാധ്യമങ്ങള്‍ അധികവും നല്ല പ്രാധാന്യത്തോടെയാണ് ഈ വാര്‍ത്ത റിപ്പോര്‍ട്ട് ചെയ്തതും. പിന്നെ മലയാളത്തിന്റെ കാര്യം. 'ഐക്കാന്‍' നിയമമുണ്ടാക്കുന്നത് ലോകത്തെ എല്ലാ ഭാഷകള്‍ക്കും ഒന്നിച്ചാണ്. നമ്മുടെ ഭാഷയുടെ പ്രശ്നങ്ങള്‍ - അതെത്ര സങ്കീര്‍ണമായിരുന്നാലും - നാം തന്നെ പരിഹരിക്കണം.
    പിന്നെ ഒരു സ്വകാര്യം, ചുമ്മാ രസത്തിനു വേണ്ടി തന്നെയാണ് ഈ ബ്ലോഗെഴുത്ത്. കളിയും കാര്യവുമൊക്കെയായി കുറച്ചു നുറുങ്ങുകള്‍. യാരിദിനെപ്പോലെ വല്ലാതെ സീരിയസ്സായാല്‍ എന്റെ ബ്ലോഗ്‌ 'തത്വമസി' ആയിപ്പോവും. നാല് പോസ്റ്റിട്ടു ഡോക്ടറേറ്റ് നേടിക്കളയാം എന്ന് കരുതുന്നവര്‍ ഉണ്ടെങ്കില്‍ അവര്‍ അങ്ങനെ ആയിക്കൊട്ടെന്നെ.എന്നെ വിട്ടു കള..

    ReplyDelete
  13. ഹ ഹ ഹ. ഡൊമൈന്‍ പേരുകള്‍ കൊള്ളാം. :)

    ReplyDelete
  14. ☮ Kaippally കൈപ്പള്ളി ☢ said...
    (യാരിദ്
    ബഷീർ ഇക്ക കാര്യത്തിനോടു അടുക്കുമ്പോൾ കൊഞ്ഞനം കുത്തുന്ന പരിപാടി കാട്ടിയതല്ലെ

    അതായിരുന്നോ?
    എന്നാൽ ശരി ബഷീർ ഇക്കായ്ക്ക് 10 പായിന്റ്
    ഞമ്മന്റ സൊന്തം മലയാളം domain name ഇജ് കണ്ട?)

    ഇവിടെ കൊന്ന്ജനം കുത്തിയത്‌ ആരാ Kaippally .? കൈപ്പള്ളി ഇക്കാക തന്നെ യല്ലേ.


    (☮ Kaippally കൈപ്പള്ളി ☢ said...
    ഒരു തിരോന്തരത്തുകാരൻ ഇതിനെപ്പറ്റി എഴുതിയിരുന്നു. "കുറച്ചു മാസങ്ങൾക്ക് മുമ്പ്")

    അതൊന്നു വായിക്കാന്‍ അവിടെ അമുക്കിയപ്പോള്‍ അണ്ണന്റെ പൊടി പോലും കണ്ടില്ല എന്ന് വള്ളിക്കുന്ന് പറഞ്ഞപ്പോള്‍ ഉരുണ്ടു വീണ കൈപ്പള്ളി ഇക്കാക പിന്നെ പൊന്തിയത് യാരിതിന്റെ കമന്റ്‌ കണ്ടപ്പഴാണ്. അത് കൈപ്പള്ളി ഇക്കാകയുടെ സ്ഥിരം പരിപാടിയാണ്. ഉത്തരം മുട്ടിയാല്‍ ഗാലറിയില്‍ കയറിയിരിക്കും മലബാരുകാരോടൊപ്പം കളി കാണാന്‍

    ആ മാധ്യമ ക്കാരുടെ കാര്യത്തില്‍ കൈപ്പള്ളി വല്ല തീരുമാനത്തിലും എത്തിയോ. അവര്‍ ഇപ്പോഴും "മാധ്യമം" എന്നാ പേരില്‍ തന്നെ യാണ് പത്രം അടിച്ചു വില്കുന്നത്
    മലയാളം എഴുതാന്‍ അറിയാത്ത കണ്‍ട്രി ഫെല്ലോസ്
    അല്ലെ കൈപ്പള്ളി ഇക്കാക?

    ReplyDelete
  15. ഹാവൂ ആശ്വാസമായി. മാധ്യമം എന്ന് തെന്നെ തുടര്‍ന്നും എഴുതാന്‍ കൈപ്പള്ളി ഇക്കാക സമ്മതിച്ച വിവരം ഞാന്‍ അവരെ അറിയിക്കാം.

    എല്ലാ ന്യൂസ്‌ ചാനലുകളിലും "മാധ്യമം" എന്ന് തന്നെ യാണ് എഴുതി കാണിക്കാരുള്ളത്. അവരോടും ഞാന്‍ """"കൊയപ്പമില്ല""""
    എന്ന് മലയാള ഭാഷയുടെ ഈ പിതാവ് പറഞ്ഞതായി അറിയിക്കുന്നു

    ReplyDelete
  16. നഷാദ്‌ ഹുസൈന്‍ ഇക്കാക പറഞ്ഞതാണ് ശെരി. മലയാളത്തിലെ ഒരു ചാനലുകാരും ശ്രീകണ്ഠേശ്വരൻ പിള്ളയുടേ ശബ്ദതാരാവലി Page 1048ൽ കണ്ടിരിക്കാന്‍ ഇടയില്ല.

    കണ്ടിരുന്നെങ്കില്‍ അവര്‍ നേരോടെ ര്‍ഭയം ""മാധ്യമം മാധ്യമം" നിരന്തരം എന്ന് പറയുമോ ?
    അവരാണ് എല്ലാം ""എയുതി കൊയപ്പ""മാകിയത്

    പിന്നെ രണ്ടാമത് പറഞ്ഞത് ഹുസൈന്‍ ഇക്കകയെ ആരോ തെറ്റിദ്ധരിപ്പിച്ചതാണ്. ഈ ഇക്കകമാരുടെ ഒരു കാര്യം

    ReplyDelete
  17. കൈപ്പള്ളി ഇക്കാക ശ്രീകണ്ഠേശ്വരൻ പിള്ളയുടെ ശബ്ദ താരാവലി തലയില്‍ വെച്ച് "യുറീകാ" വിളിച്ചു ബ്ലോഗിലൂടെ ഓടാന്‍ തുടങ്ങിയിട്ട് നാള് ഒത്തിരിയായി. ഇക്കാക ഇനി ഓട്ടം അങ്ങോട്ട്‌ നിര്‍ത്ത. മലയാള ഭാഷയില്‍ പരിഷ്കാരങ്ങള്‍ ഒത്തിരി നടന്നു. ഇക്കണ്ട മാധ്യമങ്ങള്‍ ഒന്നും Page 1048ൽ കാണാഞ്ഞിട്ടല്ല ബായി......

    അപ്പൊ ഇക്കാക പറഞ്ഞതില്‍ "പായിന്റ്" ഇല്ല

    ReplyDelete
  18. കൈപള്ളിയുടെ 'മാദ്ധ്യമ' സംബന്ധമായ കമന്റുകള്‍ക്ക് മറുപടി ഒരു പോസ്റ്റായി "മാദ്ധ്യമമോ മാധ്യമമോ ശരി?" ഇട്ടിട്ടുണ്ട്.

    ReplyDelete