September 14, 2009

കൊച്ചുവേളീ, കൊച്ചു കള്ളീ..

ഞങ്ങള്‍ വള്ളിക്കുന്നുകാര്‍ക്ക് സന്തോഷിക്കാന്‍ ഇതാ വീണ്ടും അവസരം വന്നിരിക്കുന്നു. മംഗലാപുരത്തേക്ക് നീട്ടിയ കൊച്ചു വേളി എക്സ്പ്രെസ്സിനു വള്ളിക്കുന്നില്‍ സ്റ്റോപ്പ്‌ അനുവദിച്ചിരിക്കുന്നു. കണ്ടില്ലേ നാട്ടുകാരുടെ ആഹ്ലാദം. .. ഒരു സങ്കടമുണ്ട്. കൊച്ചു വേളി ഓട്ടം തുടങ്ങിയ ആദ്യ ദിവസം ( സെപ്ടംബര്‍ പത്ത് ) ഞങ്ങള്‍ ആരും കാര്യമറിഞ്ഞിരുന്നില്ല. അത് കൊണ്ട് തന്നെ ആദ്യ ദിവസം സ്വീകരണം ഏര്‍പ്പാടാക്കാന്‍ കഴിഞ്ഞില്ല. റെയില്‍വേ മന്ത്രി ഇ അഹമ്മദ്‌ അടക്കം പല പ്രമുഖരും കന്നിയോട്ടത്തില്‍ ട്രെയിനില്‍ ഉണ്ടായിരുന്നു. പക്ഷെ ആ സങ്കടം ഇന്നലെ തീര്‍ത്തു. കൊച്ചുവേളിയെ ഞങ്ങള്‍ കെട്ടിപ്പിടിച്ചു സ്വീകരിച്ചു.

ആഴ്ചയില്‍ മൂന്നു ദിവസം ഓടുന്ന കൊച്ചുവേളി മംഗലാപുരത്തേക്ക് പോവുമ്പോഴും തിരിച്ചു വരുമ്പോഴും വള്ളിക്കുന്ന് നിര്‍ത്തും. അങ്ങനെ ഞങള്‍ക്ക് ഇപ്പോള്‍ ആറ് എക്സ്പ്രസ്സ്‌ ട്രെയിനുകളുടെ സ്റ്റോപ്പ്‌ ആയി. ഇതിലപ്പുറം വലിയ ആഗ്രഹങ്ങളൊന്നും ഞങ്ങള്‍ക്കില്ല. ഇനി ഒരു ഓവര്‍ ബ്രിഡ്ജ്.. അത് കൂടെ കിട്ടിയാല്‍ തീര്‍ന്നു. അഹമ്മദ്‌ സാഹിബ്‌ അത് കൂടെ ഞങ്ങള്‍ക്ക് എങ്ങിനെയെങ്കിലും ഒപ്പിച്ചു തരണം.

ഇ അഹമ്മദ്‌ റെയില്‍വേ മന്ത്രിയായ ശേഷം വള്ളിക്കുന്ന് സ്റ്റേഷനെ റെയില്‍വേ കാര്യമായി പരിഗണിക്കുന്നുണ്ട്. ആര് എന്തൊക്കെ പറഞ്ഞാലും അഹമ്മദ്‌ സാഹിബിനോട് ഞങ്ങള്‍ നാട്ടുകാര്‍ക്ക് പെരുത്ത് നന്ദിയുണ്ട്. പൂവന്‍ പഴത്തിനു നീളം കൂടി എന്ന് പറഞ്ഞ പോലെ ഇനി ഇതിനെയും വിമര്‍ശിക്കാന്‍ ആള് കാണുമായിരിക്കും. അവരോടൊക്കെ ഞങ്ങള്‍ക്ക് ഒന്നേ പറയാനുനുള്ളൂ .. ഗോരോചനാദി ഗുളിക വാങ്ങി മൂന്നു നേരം അണ്ണാക്കില്‍ വെച്ച് അലിച്ചിറക്കുക. കുന്നായ്മയും കുശുമ്പുമൊക്കെ പതിയെ പൊയ്ക്കൊള്ളും.

8 comments:

  1. ഇത് ഞങ്ങളുടെ ഒരു നാട്ടു കാര്യമാണേ.. നിങ്ങള്‍ക്കിത് വലിയ വാര്‍ത്തയല്ലായിരിക്കാം, പക്ഷെ ഞങ്ങള്‍ നാട്ടുകാര്‍ക്ക് ഇതിലും വലിയ ഒരു വാര്‍ത്തയില്ല. കാക്കക്കും തന്‍കുഞ്ഞ് പൊന്‍കുഞ്ഞ് എന്നാണല്ലോ.

    ReplyDelete
  2. ഞാന്‍ പറഞ്ഞത്‌ ഇങ്ങു തിരിച്ചെടുത്തിരിക്കുന്നു

    ഈ അഹമദ് സിന്ധാബാദ്‌ .....
    വള്ളിക്കുന്ന് സിന്ധാബാദ്‌ .....

    ReplyDelete
  3. ഓവറ്ബ്രിടജ് മാത്രമല്ല, പരശുവും കണൂര്‍ എക്സ്പ്രസ്സും ഇപ്പോഴും അരമുറിയന്‍മാര്‍ തന്നെ എന്നാണു എന്റെ വിശ്വാസം

    ReplyDelete
  4. കുറച്ചു ഗോരോജാനാദി കിട്ടിയിരുന്നെങ്കില്‍ മൂന്ന് നേരം............

    ReplyDelete
  5. മനാഫ്‌
    ഗോരോജനാതി കഴിക്കാന്‍ വരട്ടെ. ഇനിയും എത്ര ട്രെയിനുകള്‍ നിര്‍ത്തുമെന്നും എന്തെല്ലാം നടക്കുമെന്നും നോകാം. എന്നിട്ട് എല്ലാറ്റിനും കൂടി ഇത്തിരി കുരുടാന്‍ വാങ്ങി കുടിച്ചു പണ്ടാരമടങ്ങാം. ഈ അഹമെദ്‌ ഈ പണി ഒപ്പിക്കുമെന്ന് നമ്മള്‍ അറിഞ്ഞോ ?

    ReplyDelete
  6. വല്ലിക്കുന്നുകാരും അഹമ്മദ്‌ സാഹിബും തമ്മില്‍ എന്താണാവോ ഇത്ര ബന്ധം
    അവര്‍ ചോദിക്കുന്നെതെല്ലാം ഇങ്ങനെ വാരിക്കോരി കൊടുക്കാന്‍...
    അഹമ്മദ്‌ സാഹിബ്‌ മന്ത്രി ആയിട്ട് ഞങ്ങള്‍ വേങ്ങരക്കാര്‍ക്ക് ഇതേ വരെ
    എക്സ്പ്രസ്സ്‌ പോയിട്ട് ഒരു പാസഞ്ചര്‍ പോലും കിട്ടിയില്ല...
    ഇനിയിപ്പോ റയില്‍വേ ഇല്ലാഞ്ഞിട്ടാണോ എന്തോ ........

    ReplyDelete
  7. Dear Blogger

    Happy onam to you. we are a group of students from cochin who are currently building a web

    portal on kerala. in which we wish to include a kerala blog roll with links to blogs

    maintained by malayali's or blogs on kerala.

    you could find our site here: http://enchantingkerala.org

    the site is currently being constructed and will be finished by 1st of Oct 2009.

    we wish to include your blog located here

    http://vallikkunnu.blogspot.com/

    we'll also have a feed fetcher which updates the recently updated blogs from among the

    listed blogs thus generating traffic to your recently posted entries.

    If you are interested in listing your site in our blog roll; kindly include a link to our

    site in your blog in the prescribed format and send us a reply to

    enchantingkerala.org@gmail.com and we'll add your blog immediatly.

    pls use the following format to link to us

    Kerala

    Write Back To me Over here bijoy20313@gmail.com

    hoping to hear from you soon.

    warm regards

    Biby Cletus

    ReplyDelete