August 13, 2009

അഴീക്കോടിനെ തൊട്ടാല്‍ തൊട്ടവനെ തട്ടും

അഴീക്കോട് മാഷിന്റെ കഷ്ടകാലം തുടങ്ങിയെന്നു തോന്നുന്നു. മാഷിന്റെ മൊത്തം സംരക്ഷണം പിണറായി സഖാവ് ഏറ്റെടുത്ത് കഴിഞ്ഞു. !! അഴീക്കോടിനെ തൊട്ടാല്‍ തൊട്ടവനെ തട്ടും എന്ന മട്ടിലാണ് ഇന്നലെ അങ്ങ് ദുഫായിയില്‍ ലാവ്ലിന്‍ സഖാവ് പ്രസംഗിച്ചത്. "അഴീക്കോടിനെതിരെ സിണ്ടിക്കെറ്റുകാര്‍ വലയെറിഞ്ഞിട്ടുണ്ട്. അവര്‍ക്ക് വിദേശ ഫണ്ടുണ്ട്.. (സീ ഐ എ,മോസ്സാദ്‌,കെ ജി ബി തുടങ്ങി സീ ആര്‍ നീലകണ്ഠന്‍ വരെയുള്ളവരുടെ ഫണ്ട്!. ) സത്യം ചങ്കുറപ്പോടെ വിളിച്ചു പറയാന്‍ (ചിലത് വിളിച്ചു പറയാതിരിക്കാനും, ഏത് !!) അഴീക്കോടിനെപ്പോലൊരു ചുണക്കുട്ടി കേരളത്തില്‍ ജനിച്ചിട്ടില്ല, ഇനി ജനിക്കുകയുമില്ല, അങ്ങേരുടെ ദേഹത്ത് ഒരു തരി മണ്ണ് വീഴാതെ നോക്കാന്‍ കേരളത്തില്‍ ആണ്‍കുട്ടികളുണ്ട്" എന്നിങ്ങനെ ലാവ്ലിന്‍ സഖാവിന്റെ പ്രസംഗം കത്തിക്കയറി അങ്ങ് അറ്റ്ലാന്റിക്കിന്റെ അടിത്തട്ട് വരെയെത്തി.

സമീപ കാലത്ത് ലാവ്ലിന്‍ സഖാവിന്റെ സംരക്ഷണം കിട്ടുന്ന മൂന്നാമത്തെയാളാണ് അഴീക്കൊടണ്ണന്‍‍. ആദ്യത്തെയാള്‍ കെ മുരളീധരനാണ്. കെ പീ സീ സി പ്രസിഡന്റ്‌ സ്ഥാനത്തിരുന്ന കക്ഷിയെ ചോരചെങ്കൊടി പാറിച്ച ജീപ്പില്‍ ആദ്യമായി കയറ്റിയിരുത്തി സംരക്ഷണം കൊടുത്തത് ലാവ്ലിന്‍ ഏട്ടനാണ്. സഖാവിന്റെ സംരക്ഷണം കിട്ടിയ രണ്ടാമത്തെ ഭാഗ്യവാന്‍ നമ്മുടെ മഅദനി ഉസ്താദ് ആണ്. തീവ്രവാദി എന്ന ലേബലില്‍ സുഖമായി കഴിഞ്ഞു കൂടുകയായിരുന്ന ഉസ്താദിനെ മതേതരവാദിയുടെ കുപ്പായം തുന്നിച്ചു അതിനുള്ളില്‍ ഇറക്കിയിരുതിയതും ലാവ്ലിന്‍ സഖാവ് ഒരാളുടെ മനസ്സലിവുകൊണ്ടാണ്.

സഖാവിന്റെ സംരക്ഷണം ലഭിക്കുന്ന ഇസെഡ്‌ കേറ്റഗരിയിലെ മൂന്നാമനായാണ് അഴീക്കൊടണ്ണന്‍ എത്തുന്നത്‌. തലതല്ലി ചിരിക്കാന്‍ വരട്ടെ, നാടകം തുടങ്ങുന്നതെയുള്ളൂ.

അല്ലേലും അഴീക്കൊടണ്ണന് ഈ വയസ്സ് കാലത്ത് ആരുടെയെങ്കിലും സംരക്ഷണം കൂടാതെ കഴിയില്ല. പെണ്ണോ പിടക്കൊഴിയോ ഏതായാലും ഇല്ല. വടക്ക് ടീ പദ്മനാഭന്‍ മുതല്‍ അനന്തപുരിയില്‍ സാക്ഷാല്‍ പദ്മനാഭസ്വാമി വരെ ശത്രുക്കളുടെ ഒരു നീണ്ട നിരയാണുള്ളത്. കേട്ടിടത്തോളം ലാവ്ലിന്‍ അണ്ണന്‍ മാത്രമാണ് മിത്രങ്ങളുടെ പട്ടികയില്‍ ഇപ്പോള്‍ ഉള്ളത്.

വെള്ളാപ്പള്ളി നടേശന്റെ ഭീഷണിയുള്ളതിനാല്‍ പൊതുപരിപാടിക്ക് ഇപ്പോള്‍ ആരും വിളിക്കുന്നില്ല. ഇനി വിളിച്ചാല്‍ തന്നെ പണ്ടത്തെ പോലെ ടാക്സിക്കൂലിയും കവറും കൊടുക്കുന്നുമില്ല. ഇതിനൊക്കെപ്പുറമേ ഈയടുത്ത കാലത്തായി നാക്കില്‍ നിന്ന് വരുന്നതെല്ലാം 'അഴിക്കൂട്ടില്‍' കിടത്താന്‍ പറ്റിയ ഉരുപ്പടികളാണ്. മുഖ്യമന്ത്രി കൂട്ടില്‍ കാഷ്ഠിക്കുന്നു എന്ന് ആദ്യം.. ഫോണില്‍ വിളിച്ചു മാപ്പ് പറഞ്ഞു എന്ന് പിന്നീട്. അവസാനം കുതിര കയറിയത് മരിച്ചുപോയ കമല സുരയ്യയുടെ കബറിന് നേരെ. അത് പാളയത്തല്ല കോഴിക്കോടാണ് വേണ്ടിയിരുന്നത് എന്ന്. മാത്രമല്ല തന്നോടു ചോദിക്കാതെ ഇസ്ലാം വിശ്വസിച്ചത് ഒട്ടും ശരിയായില്ല എന്നും..

വേണം.. വേണം.. മാഷ്‌ക്കൊരു സംരക്ഷകന്റെ അത്യാവശ്യം ഉണ്ട്. അത് നല്‍കാന്‍ ഏറ്റവും പറ്റിയ കക്ഷി ലാവ്ലിന്‍ സഖാവ് തന്നെയാണ്.. അര്‍ഥം ചോദിക്കില്ല എന്ന് ഉറപ്പു തരുകയാണെങ്കില്‍ ഒരു ശ്ലോകം ചൊല്ലി അവസാനിപ്പിക്കാം

ഒരുത്തരെക്കൊണ്ടു പകാരമില്ലെ -
ന്നൊരിക്കലും തോഴി നിനയ്ക്കൊലാ കാണ്‍ -
ഉരുട്ടി വെയ്ക്കും പിതൃ പിണ്ഡംമുണ്മാ -
നൊരിക്കലക്കാകനെ വേണമല്ലോ..

13 comments:

  1. ശ്ലോകം അര്‍ത്ഥമറിയാതെ കാച്ചിയതാണ്. അറിയുന്ന വല്ലവരും ഉണ്ടെകില്‍ അത് ഇവിടെ എഴുതണം.

    ReplyDelete
  2. അഴീകൊടിനു കുറച്ച് വിവരം ഉണ്ട് എന്നായിരുന്നു ഒന്ന് രണ്ടു വര്ഷം മുന്‍പ് വരെ കരുതിയിരുന്നത് .. പ്രായം കൂടിവരുന്നത് കൊണ്ടാണോ എന്നറിയില്ല അണ്ണന്റെ വായില്‍ നിന്ന് വീഴുന്നതൊക്കെ ചവറാണ് .. അഴീകൊടും വെല്ലോപ്പള്ളിയും പ്രസംഗിക്കുന്നത് കേള്‍ക്കാന്‍ ഇപ്പോഴും ആളുകള്‍ സമയം കളയുന്നുണ്ട് എന്നത് ഒരു വലിയ അത്ഭുതം തന്നെ ആണ് .. ഇവന്മാരുടെ പുലഭ്യം കേട്ട് വീട്ടില്‍ പോയി വാണം വിടാന്‍ ആയിരിക്കും മിക്കവരും വായും പൊളിച്ചു സദസ്സില്‍ ഇരിക്കുന്നത് !

    ReplyDelete
  3. പിണങ്ങാറായിയുടെ പ്രസംഗം കേട്ടു. ഇങ്ങിനെയൊക്കെ യല്ലേ മാമനിട്ടു താങ്ങാന്‍ പറ്റു. അല്ലാതിരുന്നാല്‍ പോളിറ്റ് ആശയ കുഴപ്പത്തിലാവില്ലേ. അല്ലെങ്കില്‍ തന്നെ ഗുസ്തിയിലെ റഫറിയെ പോലെ പോളിറ്റ് കാര്നോന്മാര്‍ ഈയിടെയായി ഒരു ഭാകം കാനാറെയില്ല.
    മാഷിനിപ്പോ കച്ചോടം മോശാ...തോട്ടിപ്പണി എടുത്തതോടെ (കൂട് വ്രിതിയാകല്) മാഷിപ്പോ ഫോണിലുടെ എങ്ങിനെ ശബ്ദം മാറ്റി സംസാരിക്കാമെന്ന് പഠിച്ചു കൊണ്ടിരിക്കുകയാണ് . മല്ലുസിന്റെ ഓസി ടിക്കെറ്റില്‍ ദുഫായില്‍ വന്നപ്പോ മുകുന്ദന്‍ സാര്‍ ഒരു കാച്ചു കാച്ചി. മാഷിന്റെ കൂടെ നടന്നാല്‍ രാജകീയ സ്വീകരണമാണ് കിട്ടുകയത്രെ. കഷ്ടം. ശത്രുവിന്‍റെ ശത്രു മിത്രം എന്നത് നേര്. എന്നാലും മയ്യഴിയുടെ കഥാകാരന് ആ ഉയരത്തില്‍ തന്നെ നിന്നാല്‍ മതിയായിരുന്നു. അതൊക്കെ പറയാന്‍ ക ഈ എന്‍ ഉണ്ടല്ലോ.

    ReplyDelete
  4. eenaampeechikku koottu marappatti....!!!

    ReplyDelete
  5. pinarayi yude samrakshanam kittiyavarkkokke koombadappu rogam sadharana kaanarundu....!!!!

    ReplyDelete
  6. ഹാ ഹാ കൊള്ളാം.
    പക്ഷേ ഈ ശ്ലോകം ഇവിടെ ഉപയോഗിച്ചിരുക്കുന്നതിറ്റ്നെ സാംഗത്യം എന്ത്..?

    അര്‍ത്ഥം ഇങ്ങനെ ആണെന്നു തോന്നുന്നു.

    ഒരുത്തരെ കൊണ്ടും ഉപയോഗമില്ലെന്നു തോഴി വിചാരിക്കരുത്. നോക്കു, ഉരുട്ടി വച്ചിരിക്കുന്ന പിതൃപിണ്ഡം ഉണ്ണാന്‍ കാക്കയെ തന്നെ വേണമല്ലോ ഒരിക്കലെങ്കിലും..( സോ..കാക്കയെക്കൊണ്ട് അത്രേം ഉപയോഗമുണ്ട്...)

    ഞാന്‍ ഓടി...

    ReplyDelete
  7. ബുദ്ധി ജീവി ?
    എഴുത്തുകാരന്‍ ?
    പ്രാസംഗികന്‍ ?
    സൂപ്പര്‍ അട്വയിസര്‍ ?
    മാങ്ങാത്തൊലി ....!!!!!

    വെള്ളാപള്ളി സാറെ- അങ്ങ് ഒരു കാര്യം വെളിവോടെ പറഞ്ഞിരിക്കുന്നു. കാറും കവറും കൊടുത്താല്‍ ഈ ബു ജീ ആര്‍ക് വേണ്ടിയും എന്തും പറയും.

    ആ രണ്ടു വിരലില്‍ രളത്തിന്‍റെ "സാംസ്കാരികം" നിന്ന് കറങ്ങുന്നത് കണ്ടില്ലേ. ...?

    ReplyDelete
  8. കഷ്ടകാലത്തു ശനി രക്ഷകന്റെ രൂപത്തിലും വരും ..ചിലര്‍ക്ക്....
    അഴീകൊടിനിപ്പോ ശനി ദശയില്‍ കേതുവിന്റെ അപഹാരം ആവും.. അല്ല പിന്നെ :)

    ReplyDelete
  9. ചാര്‍ളി പറഞ്ഞത് കൊണ്ട് അര്‍ഥം പിടി കിട്ടി. ഇനി കൂട്ടി യോജിപ്പിക്കാന്‍ എളുപ്പത്തില്‍ കഴിയും.. !!.. ശരിക്കും അര്‍ഥം മനസ്സിലാവുമ്പോള്‍ എന്നെ തല്ലാന്‍ വരരുതു. ഞാനായിട്ട് ഒന്നും പറഞ്ഞിട്ടില്ല.. എല്ലാം പറഞ്ഞത് ചാര്ളിയാ...

    ReplyDelete
  10. Dear Mr Basheer,
    Thanks for your views and critics on political and other issues in Kerala/India.

    But you should look in the problems which expacts facing in Saudi etc.

    If you spend a little time for the problems of expacts in saudi, it will be great to the human beings.

    Try to do some thing good for the human being

    Regards
    Kabeer

    ReplyDelete
  11. പ്രിയ കബീര്‍
    ഒരു പ്രജ എന്ന നിലയില്‍ നമുക്ക് ചെയ്യാന്‍ കഴിയുന്നത്‌ നമ്മുടെ ആവശ്യങ്ങള്‍ ഭരണ കേന്ദ്രങ്ങളില്‍ ഇരിക്കുന്നവരോട് പറയുകയാണ്‌. പക്ഷെ സ്വന്തം ക്ഷേമത്തിലല്ലാതെ പ്രജകളുടെ ക്ഷേമത്തില്‍ ഒട്ടും താല്പര്യമില്ലാത്ത കടല്‍ കിഴവന്മാര്‍ നമ്മെ ഭരിക്കുമ്പോള്‍ നമ്മുടെ പരിദേവനങ്ങള്‍ എല്ലാം ചുഴലി ക്കാറ്റെടുത്ത് മരുഭൂമിയില്‍ എത്തിക്കും. പ്രവാസികളുടെ വിഷയത്തില്‍ ചില പരിദേവനങ്ങള്‍ മുമ്പ് എഴുതിയിട്ടുണ്ട്. അവയുടെ ലിങ്ക് താഴെ
    കുതിക്കുന്ന ഇന്ത്യ, കിതക്കുന്ന പ്രവാസി


    യൂ പീ എ സര്‍ക്കാരിനോട് പ്രവാസികള്‍ക്ക് പറയാനുള്ളത്

    ReplyDelete