April 25, 2011

ബ്രിട്ടാസേ നീയും!!! (A John Brittas Drama)

ഇത് കൊലച്ചതിയായിപ്പോയി. ജോണ്‍ ബ്രിട്ടാസ് ഇത് ചെയ്യുമെന്ന് ഞാന്‍ ഒരിക്കലും പ്രതീക്ഷിച്ചതല്ല. കൈരളി ടി വി എന്ന് കേള്‍ക്കുമ്പോള്‍ തന്നെ ഭുട്ടാന്‍ ലോട്ടറിയുടെ ടിക്കറ്റും ജോണ്‍ ബ്രിട്ടാസിന്റെ മുഖവുമാണ് മനസ്സില്‍ വരിക. ബ്രിട്ടാസില്ലാത്ത ഒരു കൈരളി ടി വി എനിക്ക് സങ്കല്പിക്കാന്‍ പോലും കഴിയുന്നില്ല. നികേഷ് ഇന്ത്യാവിഷനില്‍ നിന്ന് പോയപ്പോള്‍ പോലും എനിക്കിത് പോലെ ഒരു സങ്കടം വന്നിട്ടില്ല. എങ്ങിനെ കഴിഞ്ഞിരുന്ന ആളാണ്‌. ഇറങ്ങിപ്പോയപ്പോള്‍ ഒന്ന് കരയാന്‍ പോലും ആളില്ലാതെ പോയി. എന്‍ഡോസള്‍ഫാന്റെ ബഹളത്തില്‍ മുങ്ങിപ്പോയ ഈ രാജി വാര്‍ത്തക്ക് ഒരല്‍പമെങ്കിലും ജീവന്‍ നല്‍കാനാണ് അല്പം വൈകിയെങ്കിലും ഞാനീ പോസ്റ്റ്‌ ഇടുന്നത്.

April 23, 2011

എന്തോ സള്‍ഫാന്‍, ഏതോ മന്ത്രി!

എന്‍ഡോസള്‍ഫാനെതിരെ നാല് വാക്ക് പറയുന്നത് ഇപ്പോള്‍ ഒരു ഫാഷനാണ്. അത് മാങ്ങാത്തൊലിയാണോ അതോ തേങ്ങാക്കുലയാണോ എന്ന് അറിയാത്തവര്‍ പോലും പ്രതിഷേധവുമായി രംഗത്തുണ്ട്. ഇപ്പോള്‍ പിടിച്ചു നില്‍ക്കണമെങ്കില്‍ ഈ പ്രകടനത്തില്‍ പങ്കെടുത്തേ പറ്റൂ. അതുകൊണ്ടാണ്  ഇടിച്ചു കയറി ഞാനും പോസ്റ്റ് ഇടുന്നത് . ഇത്രയും വായിച്ചപ്പോഴേക്ക് നിങ്ങളൊരു നിഗമനത്തില്‍ എത്തിക്കാണും. ഈ പഹയന്‍ എന്‍ഡോസള്‍ഫാന്റെ ആളാണ് എന്ന്. ഐ ഒബ്ജക്റ്റ് യുവര്‍ നിഗമനം.

April 19, 2011

ലവനാരെടാ പൊന്നാട ഇട്ടത്?

(മുന്‍‌കൂര്‍ ജാമ്യം: ഒരു വാര്‍ത്തയും കിട്ടിയില്ലെങ്കില്‍ സ്വര്‍ണത്തിന് റെക്കോര്‍ഡ്‌ വില എന്നത് ബ്രേക്കിംഗ് ന്യൂസ്‌ ആക്കി കൊടുക്കുന്ന ഒരു പതിവ് കുറച്ചു കാലമായി നമ്മുടെ മാധ്യമങ്ങള്‍ക്ക് ഉണ്ട്. അതുപോലെ ഒരു പോസ്റ്റായി ഇതിനെ കണ്ടാല്‍ മതി! Thank you..) ഒരു പൊന്നാടയുടെ കുറവുണ്ടായിരുന്നു. അത് ഈ ആഴ്ച കിട്ടി. 'സായൂജ്യം സായൂജ്യം' എന്ന് പറയുന്നതിന്റെ ശരിക്കുള്ള അര്‍ത്ഥം എനിക്ക് പിടി കിട്ടിയത് ആ പൊന്നാട തോളില്‍ കയറിയപ്പോഴാണ്. ഇനി എന്റെ അടുത്ത കണ്ണ് ജ്ഞാനപീഠത്തില്‍ ആണ്. കിട്ടുവായിരിക്കും അല്ലേ?.

April 13, 2011

കാവ്യക്കെന്താ കൊമ്പുണ്ടോ?

നടി കാവ്യ മാധവന്‍ അല്‍പ സമയം മുമ്പ് വോട്ടു ചെയ്യാതെ മടങ്ങിയത്രേ!. ശതാബ്ദി എക്സ്പ്രസ്സ്‌ വരുന്ന പോലെ വന്നു ക്യൂവില്‍ നില്‍ക്കാതെ നേരെയങ്ങ് ബൂത്തിലേക്ക് കയറിയപ്പോള്‍ ഒരു പയ്യന്‍ കണ്ണിറുക്കി ചോദിച്ചു.. അല്ല, ഇതെങ്ങോട്ടാ.. ?. മഹാ താരമല്ലേ, ഉടനെ മറുപടി.. 'എനിക്ക് വോട്ടണം'.  താരത്തെക്കണ്ട് കണ്ണ് മഞ്ഞളിച്ച പോളിംഗ് ഓഫീസര്‍ ആര്‍ക്കേലും പരാതിയുണ്ടോ എന്നൊരു ചോദ്യം. ഉണ്ടെടെയ്.. എന്ന് ആണ്‍കുട്ടിയുടെ മറുപടി.. (ഇവനെയാണ് ആണ്‍കുട്ടി എന്ന് വിളിക്കേണ്ടത്.. ഞാന്‍ ഇന്ത്യന്‍ പ്രസിഡണ്ട്‌ ആയിരുന്നെങ്കില്‍ ഇപ്പോള്‍ തന്നെ അവനൊരു വീര ചക്ര നല്‍കിയേനെ).  ദേഷ്യം വന്ന താരം വോട്ടു ചെയ്യാതെ മടങ്ങി.   ദാ ലൈവായി കണ്ടോളൂ.

April 9, 2011

ജമാഅത്ത് സര്‍ക്കസ് പ്രദര്‍ശനം തുടരുന്നു

Comment Box Closed 
പി പീ എന്ന ഹോണടിച്ച്  തുരുമ്പെടുത്ത സ്കൂട്ടറില്‍ നാട്ടുമ്പുറങ്ങളില്‍ കറങ്ങുന്ന മീന്‍ കച്ചവടക്കാരെ കണ്ടിട്ടില്ലേ. അവരെപ്പോലെയാണ് ഇപ്പോള്‍ ജമാഅത്തെ ഇസ്‌ലാമിക്കാര്‍. കച്ചോടം കുറഞ്ഞാല്‍ പെട്ടെന്ന് റൂട്ട് മാറ്റും. മീന്‍ വാങ്ങാന്‍ കാത്തിരിക്കുന്നവര്‍  നിരാശരാവും. പൊടി പോലുമുണ്ടാവില്ല കണ്ടു പിടിക്കാന്‍. കഴിഞ്ഞ പഞ്ചായത്ത് തിരഞ്ഞെടുപ്പില്‍ ഉദ്ഘാടനം ചെയ്ത 'ജനകീയ സര്‍ക്കസ്സിന്റെ' ട്രപ്പീസില്‍ നിന്ന് തലകുത്തി വീണതാണ് ജമാഅത്തുകാര്‍ . നടുവൊടിഞ്ഞ് കിടക്കുകയായിരുന്നു കുറച്ചു കാലം. വേച്ചു വേച്ചു നടക്കാറായിത്തുടങ്ങിയപ്പോള്‍ പഴയ സ്കൂട്ടര്‍ വീണ്ടും സ്റ്റാര്‍ട്ടാക്കാന്‍ തുടങ്ങിയിട്ടുണ്ട്. ജനകീയ റൂട്ട് വിട്ട് സി പി എം റൂട്ടിലേക്കാണ് വണ്ടി തിരിച്ചിരിക്കുന്നത്. ഇത്തവണ കച്ചോടം നടക്കുമോ എന്തോ?

April 8, 2011

അണ്ണാ ഹസാരെ മരിച്ചിട്ടില്ല

അണ്ണാ ഹസാരെ ഒരു തരംഗമാവുകയാണ്. പൊതുമുതല്‍ കട്ടുതിന്നുന്നവര്‍ക്കെതിരെ ജന്തര്‍ മന്ദറിലെ സമരപ്പന്തലില്‍ നിന്നും ഒരു സുനാമിത്തിര പുറപ്പെട്ടു കഴിഞ്ഞു!. കാറ്റ് പിടിച്ചു വരുന്ന ഈ 'ഹസാരെ' തിരയിളക്കത്തെ ഇന്ത്യയുടെ നഗരങ്ങളും ഗ്രാമങ്ങളും പ്രതീക്ഷയോടെയാണ് കാത്തിരിക്കുന്നത്. വെറുമൊരു നിരാഹാര സമരമല്ലിത്.  ഹസാരെയുടെ മുഷിഞ്ഞ ഗാന്ധിത്തൊപ്പിയില്‍ നിന്ന് അഴിമതിക്കെതിരായ ചെറുത്തുനില്‍പ്പിലേക്ക് പ്രതീക്ഷയുടെ ഒരു ചെറിയ പാലമുണ്ട്.

April 7, 2011

ഏത് ലതിക? എന്ത് കോടതി?

ബിന്ദു പണിക്കര്‍ ഒറ്റ രാത്രി കൊണ്ട് നയന്‍താര ആയത് പോലെയാണ് ലതിക സുഭാഷ് പെട്ടെന്ന് സൂപ്പര്‍ താരമായത്. ഇന്നലെ മാധ്യമങ്ങള്‍ മുഴുവന്‍ നിറഞ്ഞു നിന്നത് ലതികയായിരുന്നു. ബ്ലോഗറായ അവര്‍ക്ക് പിന്തുണ തേടി ഏതാനും ദിവസം മുമ്പ് ഞാന്‍ പോസ്റ്റിടുമ്പോള്‍ അവര്‍ ഇത്ര വലിയ താരമായിരുന്നില്ല. സുനാമി വന്ന സ്പീഡിലാണ് പ്രശസ്തി അവരെത്തേടിയെത്തിയത്‌. ഇതിനാണ് 'യോഗം യോഗം' എന്ന് പറയുന്നത്. ഇക്കണക്കിനു പോയാല്‍ 'പിണങ്ങാറായി' നില്‍ക്കുന്ന കുറച്ചു സഖാക്കളും കൂടി മനസ്സ് വെച്ചാല്‍ ലതിക ചേച്ചി ജയിച്ചു വരാനുള്ള സാധ്യതയുണ്ട്.

April 2, 2011

ബ്ലോഗര്‍ നിയമസഭയിലേക്ക്

ബോധം കെട്ട് വീഴരുത്. ബ്ലോഗര്‍ നിയമസഭയിലെത്തി എന്നല്ല നിയമസഭയിലേക്ക് മത്സരിക്കുന്നു എന്നാണ് ഞാന്‍ പറഞ്ഞത്. ജയിച്ചാലും ജയിച്ചില്ലേലും  മത്സര രംഗത്തുള്ള ബ്ലോഗര്‍ക്ക് പിന്തുണ കൊടുക്കേണ്ടത് ഒരു സഹ ബ്ലോഗര്‍ എന്ന നിലക്ക് എന്റെ കടമയാണ്. വര്‍ഷങ്ങളായി മലയാള ബ്ലോഗില്‍ സജീവമായി തുടരുന്ന എഴുത്തുകാരിയാണ് ലതിക സുഭാഷ്. ഈ തിരഞ്ഞെടുപ്പിലെ ഏറ്റവും ശ്രദ്ധേയമായ ഒരു മണ്ഡലത്തില്‍ അവര്‍ ജനവിധി തേടുന്നു. മണ്ഡലം മലമ്പുഴ. എതിര്‍ സ്ഥാനാര്‍ഥി വി എസ്.