January 20, 2011

വ്യത്യസ്തനാമൊരു കൊച്ചൌസേപ്പ്

ഒരു ലക്ഷം രൂപ സംഭാവന കൊടുക്കുന്ന പോലെയല്ല ഒരു കിഡ്നി മുറിച്ചെടുത്തു കൊടുക്കുന്നത്. അഞ്ഞൂറ് കോടി വിറ്റുവരവുള്ള ഒരു വ്യവസായ ശൃംഖലയുടെ ഉടമയായിരിക്കെ കൊച്ചൌസേപ്പ് ചിറ്റിലപ്പിള്ളി തന്റെ വൃക്ക ദാനം ചെയ്യാന്‍ തീരുമാനിച്ചത് ഈ പുതുവര്‍ഷം കൊണ്ടുവന്ന വാര്‍ത്തകളില്‍ ഏറ്റവും ഹൃദയാവര്‍ജകമായ ഒന്നാണ്. പണത്തിനു വേണ്ടി വൃക്ക വില്‍ക്കുന്നവര്‍ ഉണ്ടാകാം. ജീവിക്കുന്ന ചുറ്റുപാടുകള്‍ ആണ് പലരെയും അതിന്  പ്രേരിപ്പിക്കുന്നത്. ജീവിതം മുന്നോട്ടു നീക്കുവാന്‍ മറ്റൊരു വഴിയും ഇല്ലാതെയിരിക്കുമ്പോള്‍ ശരീരം മുറിച്ചു കൊടുക്കാന്‍ ഒരു മനുഷ്യര്‍ തയ്യാറാവുന്നുവെങ്കില്‍ അതയാളുടെ  നിസ്സഹായതയുടെ അവസാന വിളംബരമാണ്. എന്നാല്‍ അഞ്ഞൂറ് കോടി വിറ്റുവരവുള്ള ഒരു മനുഷ്യന്‍ അതിനു തയ്യാറാവുന്നുവെങ്കില്‍ അതിനെയാണ് നാം മനുഷ്യസ്നേഹം എന്ന് വിളിക്കേണ്ടത്.

January 14, 2011

ഇ അഹമ്മദിന്റെ വള്ളിക്കുന്ന് മാജിക്

ഈ പോസ്റ്റ്‌ ഞാന്‍ കേന്ദ്ര റെയില്‍വേ സഹമന്ത്രി ഇ അഹമ്മദ് സാഹിബിന് ഡെഡിക്കേറ്റ് ചെയ്യുകയാണ്. എന്റെ സ്വന്തം പേരിലല്ല. വള്ളിക്കുന്ന് എന്ന കൊച്ചു ഗ്രാമത്തിലെ ഓരോ  മണ്തരിയുടെയും പേരില്‍. ഇന്നലെ ഞങ്ങളുടെ ഗ്രാമത്തിനു ഒരു ഉത്സവമായിരുന്നു. രണ്ടു ബെഞ്ചുകളും വാതില്‍ പൊളിഞ്ഞ ഒരു കക്കൂസും ടിക്കറ്റ് കൊടുക്കാന്‍ ഒരു ക്ലാര്‍ക്കും മാത്രമുള്ള തീപ്പെട്ടിക്കൂടുപോലുള്ള  ഒരു റെയില്‍വേ സ്റ്റേഷനായിരുന്നു ഞങ്ങള്‍ക്ക് ഉണ്ടായിരുന്നത്. ഇന്നിപ്പോള്‍ അത് ന്യൂയോര്‍ക്ക്‌ വിമാനത്താവളത്തെക്കാള്‍ മനോഹരമായിരിക്കുന്നു!!. (അല്പം ഓവറായിപ്പോയെങ്കില്‍ ക്ഷമിക്കുക. ആവേശം കൊണ്ട് എഴുതിപ്പോയതാണ് )

January 11, 2011

മനോരമ ചതിച്ചില്ല. താരം പ്രീജ തന്നെ

പ്രീജയുടെ ബൂത്ത് എജന്റ്റ് എന്ന നിലക്കുള്ള എന്റെ കടമ ഞാന്‍ നിര്‍വഹിക്കുകയാണ്‌. ഒ എന്‍ വി, അരുന്ധതി റോയ്, കെ എം മാണി എന്നിവരെ പിന്തള്ളി പ്രീജ ശ്രീധരനെ ന്യൂസ്‌ മേക്കര്‍ 2010 ആയി വോട്ട് ചെയ്തു വിജയിപ്പിച്ച എല്ലാവര്ക്കും നന്ദി. മനോരമ വാര്‍ത്ത പുറത്തു വിട്ട നിമിഷം  മുതല്‍ പലരും എന്നെ വിളിച്ചു കണ്ഗ്രാറ്റ്സ്  പറയുന്നു!!. പ്രീജക്ക് പോലും ഒരുപക്ഷെ ഇത്രയും കണ്ഗ്രാറ്റ്സ് കിട്ടിക്കാണില്ല!!.(പ്രീജേ.. ഇങ്ങനെയൊരു ബൂത്ത് എജന്റ്റ് ഉണ്ടായിരുന്ന കാര്യം അവാര്‍ഡ് വാങ്ങുമ്പോള്‍ ഓര്മ വേണം.. ട്ടോ..)

January 7, 2011

റോഡുണ്ടോ സഖാവേ, ഒരു യോഗം നടത്താന്‍ ?

നടുറോട്ടില്‍ യോഗങ്ങളും പ്രകടനങ്ങളും നടത്താന്‍ പാടില്ല എന്ന് ഹൈക്കോടതിക്ക് പിന്നാലെ സുപ്രിം കോടതിയും പറഞ്ഞിരിക്കുന്നു!!!. വിധി വന്ന നിമിഷം മുതല്‍ ചില രാഷ്ട്രീയ ശുംഭന്മാര്‍ (കാര്യവിവരം ഉള്ളവര്‍ എന്ന അര്‍ത്ഥത്തിലാണ് ശുംഭന്മാര്‍ എന്ന് ഞാന്‍ പ്രയോഗിച്ചിട്ടുള്ളത്) 'ഞങ്ങടെ യോഗം കലക്കാന്‍ നീയാരെടാ' എന്ന് കോടതിയെ നോക്കി രോഷം കൊള്ളുന്നതാണ് ടീ വി ചര്‍ച്ചകളില്‍ കാണാന്‍ കഴിഞ്ഞത്. ഇന്ത്യന്‍ ഭരണഘടന നല്‍കുന്ന മൌലിക അവകാശങ്ങളെ കോടതികള്‍ നിഷേധിക്കുന്നു എന്നാണ് അവരുടെ വാദം. റോഡുകള്‍ വാഹനങ്ങള്‍ക്ക് പോകാനുള്ളതാണ്, അവ പ്രകടനവും പൊതുയോഗവും നടത്താനുള്ളതല്ല എന്ന സിമ്പിള്‍ ലോജിക്കാണ്  കോടതിക്കുള്ളത്. ഏതു ശുംഭനും (പൊട്ടന്‍ എന്ന അര്‍ത്ഥത്തില്‍ ) മനസ്സിലാവുന്ന ന്യായമാണ് കോടതിയുടെത് എന്ന് പറയാതെ വയ്യ.

January 2, 2011

ജനകോടികളുടെ വിശ്വസ്ത ബ്ലോഗര്‍

അങ്ങനെ അതും സംഭവിച്ചു. ലോകത്തെ കോടിക്കണക്കിനു വരുന്ന വള്ളിക്കുന്ന് ഡോട്ട് കോം ഫാന്സുകാരുടെ ജീവിതാഭിലാഷം തിരുവനന്തപുരം പ്രസ്‌ ക്ലബ്ബില്‍ പൂവണിഞ്ഞു. Super Blogger 2010 ആയി മഹാനായ ഞാന്‍ കവി ഡി വിനയചന്ദ്രനില്‍ നിന്നും അവാര്‍ഡ്  ഏറ്റു വാങ്ങി. സൂപ്പര്‍ താരം പ്രിഥ്വിരാജിനെ (സോറി, അമ്മ മല്ലിക സുകുമാരനെ) സാക്ഷി നിര്‍ത്തി ഈ അവാര്‍ഡ് വാങ്ങിയതോടെ കൂടുതല്‍ വിനയാന്വിതന്‍ ആവാനുള്ള തീരുമാനത്തില്‍ ആണ് ഞാന്‍. ലോകത്തിന്റെ പല കോണുകളിലും വള്ളിക്കുന്ന് ഫാന്‍സ്‌ അസോസിയേഷനുകള്‍ ഉണ്ടാക്കാനുള്ള തകൃതിയായ ഒരുക്കങ്ങള്‍ ഉണ്ട് എന്നാണ് അറിയാന്‍ കഴിഞ്ഞത്.